رد: (روايــة مشــيت وررا احـلامـي وفجـاءه لقيـت نفسـي اطيـح)

جد الرواااايه حماااس
انا توقع انه ولد العالي بيتقدم لليان بس بخصوص امال ما قدرت هههههه
كملييي و ربي متحمسسسسه


Sent from my iPad using منتدى عبير

رد: (روايــة مشــيت وررا احـلامـي وفجـاءه لقيـت نفسـي اطيـح)

اسعدني رآيك اموره فديتك

رد: (روايــة مشــيت وررا احـلامـي وفجـاءه لقيـت نفسـي اطيـح)

قراءه ممتعه

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــاررت الخــامس



*العـطــاء ورد الجميـــل*



عند صقر متفآجا: معقوله بنته روان تسآله عن امال المربيه.. وهي ولا مربيه حبتها وواطنتها الا يومين وطفشتها وش معنئ ذي احبتها...

روان وهي تنادي ابوها: بابا.. بابا وين رحت

صقر وكانه تيقظ م افكاره: اقول انتي تسآلين عن مين

روان بملل: بابا انا اقولك لييه ماتطول الساعات الي تقعد فيهم امال عندي.. يعني اتركها تقعد مع م الصبح للمغرب.

صقر بدون شعور: وش سوتلك امال ذي تركتك تحبينها كذا

روان: شكلها مررره حلو واسلوبها بعد..هي بنت فعلا مسليه وعندها افكار وراح اوريك الفساتين والاشياء الي اليوم شريناها وكلها م ذوقها

صقر وهو يهز راسه ومستغرب: واااو... طيب لييه لاا نشوف..

روان شدت ابوها م يده وركضت وهو وراها دخلت لغرفتتها وفتحت الدولاب وطلعت كل ملابسها الي شرتهم اليوم وورتها ابوها...

روان وهي فرحانه: حتئ هي شرت زيي وراح نلبسهم سووا واتفقنا باكر وش نلبس سوا..

صقر جاه فضول: وش بتلبسون باكر

روان تناظره بحبور: مراح اقولك اخليها مفاجئه

صقر وهو يناظر بنته وبقلبه يحس براحه اول مره يشعر بها وهو يشوف ابتسامة بنته رجعت لها وحيويتها وهالشي هو مدين له لآمال الي قدرت انها تطلع بنته م جو الكآبه والغموض لجو السعاده والراحه النفسيه..

صقر انا راح اكلمها اذا تقدر تجيك م الساعه 12 لـ7 المساء راح اقولك وان شاء الله مراح ترفض ياحبيبة بابا اهم شي ضحتك هذي ماتختفي

روان وهي تحضن ابوها: شكرا يابابا انا احبك وواايد... انك جبت لي امال

صقر: افااا الحين صرتي تحبيني علشان جبت لك امال ... مافي حب بدون مصالح ... يعني انا ابوك تحبين امال اكثر مني

روان وهي تزم شفايفها: بابا انت تغار؟

صقر ضحك م قلبه: ههههههههههههه لا ولييه اغار.. انا فرحان انك حبيتيها

روان تبوس خده بدلع: طيب يابابا


________________________*




اليوم الثاني الصباح... قامت ليان وكالعاده رغم لسئ ماتقدر تمشي كويس وتحس انها تعبانه والجروح آلتئمت بس لسئ يبغي لها راحه لتستعيد كامل عافيتها بس هي عنيده وتحب الشغل وماودها تجلس وبنفس الوقت حست انه صعب ع امال انها تشتغل بالبيت وبعدين ترجع وتروح للدوام..

اول مانزلت كنست البيت ولماخلصت تنظيف سوت الفطور وجهزته لانه اليوم سبت واجازه ومافيه دوام لما خلصت م الفطور راحت ونظفت الحمام

امال بتعب قامت ونزلت ومقصدها تقوم باعمال المنزل وهي طفشانه ومالها خلق بس ابتسمت براحه وهي تشوف البيت نظيف والفطور جاهز وماهي الا لحظات وشافت امال طالعه م الحمام وكانت لسئ مخلصه تنظيف ... قربت منها وباستها: الله يسعدك ياليووون ...خلصتي كل الشغل وفكيتني

ليان بآبتسامه: ماهنتي علي وانا اشوفك كل يوم مختبصه بين شغلك وشغل البيت قلت اخفف عليك...

امال وهي تحضنها مرره ثانيه: ربي لا يحرمني منك،... الحين اقول اني اقدر انام ع كيفي

ليان: نوووم العافيه حبيبتي

امال اخذت ف ايدها خبزه وحطت فيها شوية لبنه وشوي بيض ومعها كوب شاي اخضر وطلعت تفطر فوق عالسريع ونامت ع طول~~

………


ليان لما اخلصت قعدت وسوت الغدا كان وقتها الساعه عشرره ..وبعد لحظات قاموا امها واخوانها عبدالعزيز وغدير وفطروا ... بعدها عبدالعزيز جلس يلعب بلايستيشن وغدير تشوف التلفزيون افلام كارتون..

وامها لما فطرت قعدت تشرب شاي بالزعتر بالصاله وهي ملانه وشوي قالت لغدير تجيب لها اغراضها مالت الكروشيه والتريكو تتسلا فيهم شوي

اتسبحت ليان ولمت شعرها بشباصه ونزلت باقي شعرها الطويل الي انسدل لين اخر ظهرها وجلست مع امها تتسلئ في الكروشيه وتسوي ورود صغيره وامها تعمل بالتريكووو وتسوي تي شيرت صغير ... وبعد لحظات سمعوا جرس البيت ...

قامت ليان بسرعه تشوف مين .ولما فتحت الباب استغربت شافت رجال غريب اول مررره تشوفه..

نوواف وهو يناظرها وعرف انها البنت الي دعسها بسيارته قبل اسبوعين: ابوووك هنا ~~

ليان وهي منزله راسها: لااا هو طالع مو بالبيت

ام ليان بصوت عالي: ليان منو عالباب

ليان سكتت وماتدري وش تقول: .........

نووواااف: ذي امك

ليان: اييه

نوواف: طيب ممكن ادخل

ليان: اييه اتفضل

نووااف وهو يناظرررها وعينه مابعدت عنها عشق ملامحها م اول ماشافها فالمشفئ

امر السوااق ودخل ورااه وهو يدخل معاااه بآغرااض كثيره

ليان انصدمت وهي تشوف كل ذي الاغراص ودخلت تقول لامها

وماهي الا لحظات دخل نواف ووراه الخادم وهو كل شويه يجيب حاجه

نواف: السلام عليكم

ام ليان: وعليك السلام

نوواف بخجل: السموحه جيتكم كذا بدون اتصال.. انا كنت ابغئ عبدالرحمن... افتكرته هنا بحكم اليوم اجازه بس طلعت غلطان

ام ليان: يمكن مايتاخر عادي لابغيت تنتظره

نواااف: لا راح امشي .. مررره ثانيه اجي هنا واجلس معاه.... بس انا جبت لكم هنا اغراض ياريت لو تغطي جميلكم معاي ....وربي انا خجلان منكم.. خالتي انا الي كنت سبب دخول بنتك للمشفئ والحمدلله انها بخير .. انا الحين م شفتها تطمنت انها بخير والحمدلله

ام ليان بخجل: مايحتاج تجيب كل هالاغراض حنا ناس مانحب المشاكل والي صار صار والاهم عندنا ان بنتنا بخير وبصحه وعافيه... وانت جزاك الله خير وماقصرت لا جاء ابو عبدالعزيز اقوله

نوااف وهو يمشي: مع السلامه والسموحه مرره ثانيه

ومشئ نوواف~~

وام ليان وليان انبهروا وهم يفتحون الهدااايا ياهي هدااايا قيمه وحلوووه ... كان جايب لليان ذهب واايد ووست فساتين كذا شافهم واتخيل فيهم ليان واختارهم
وجايب شوكليت راقي ومغلف ومزين بطريقه حلوووه.. وبعد جايب صندوووق وفيه احذيه رجاليه وفيه ساعه ماركه ومطورره ... وداخل صندووق ثاني وصغير كان حاط فيه فلوس 5مليون ريال هذي الهدايا كانت للأب
وف صندووق ثاني كبير مليان العاب... مايدري كان متوقع يمكن بيت فيه اطفال ..
وصندوق كان للام وكانت متروس ذهب وآلماس وحاط فيه مليونين ريال وصندق ثاني صغير كان فيه مفتاح سياره..
ام ليان وليان انبهروا ماصدقوا ذا كله ... وكل الهدايا غاليه ومتعوب فيها ومبين ان الفلوس لاعب فيهم لعب

ليان بتوتر: يمه احس بابا ماراح يرضئ فيهم تدرين عزت نفسه قويه

ام ليان بس مانقدر نرجعهم الرجال جايبهم ومتعب نفسه وبعدين كل الخير ذا ونرجعه وربي حرام

ليان بآبتسامه: وينك يا امول لو تشوفين ذا الخير انشهد انك راح تتجنين

ام ليان تبتسم: روحي قوميها وخليها تجي تشوف

ليان ركضت بسرعه لفوق وبشرت امال .. امال زي المجنونه نزلت تشوف...
ولما جات انبهرت وصارت تنبش ف الذهب وناويه تاخذ منهم

ام ليان: نص الذهب لليان هي الي مقصوده الرجال جايب هالهدايا علشان ترضئ عليه وكمان علشان سلامتها..

امال: اووف طيب باخذ م ذهبك يايمه ترا حرام ماتعطوني...

ام ليان مراح ناخذ شي لين ابوك يجي انا حاسه انه بيقول مانبيهم

امال بآستهزاء: واااي م كثر فلوسه علشان يرفض طرار ويتشرط .. وهو زين يحصله كل هذا ... بس انتم تموتون ع الفقر ماتتعبون

ليان تسكتها: عيب يا امال لا تقولين عن بابا كذا

ام ليان انجرحت وكانت تناظرها بتحسف ع تربيتها وحست انها ماعرفت تربي امال الي صايره قليلة ادب وذوق: ليتك فوق ومانزلتي سميتي بدني بكلامك ياقليلة الحيا .. ابوك تاج راسك يا امال.. لولاه كنتي م زمان متي م جوع ومثل مايقول نسينا ماكلينا ياعديمة الاكرامه ...

ومشت وتركتها~~


وبعد لحظات جاء ابو لياان م برا وكان جايب معه اغراض للبيت وللمطبخ واشياء طالبتها ام ليان... حط الاغراض بالصاله ورمئ نفسه بالكنبه بتعب بس شوي ولاحظ زحمة الاغراض الي حاطينها بالطاوله ونادئ ام ليان وسآلها بتعجب

ابو ليان: وش ذي الاغراض.. م جايبها
ليان بتوتر: هو ق_ ققاااال ان__ انه هالرررج_ هالرجال الي صدمني بسيارته ذااك اليوم

ابو ليان بعصبيه: وخيررر ... لييه جايب كل ذا .. احد طلب منه شي

ليان بخوف: مدرري

ابو ليان بحمق: ولييييه ماقلتوا مانبيهم ...ولا لما شفتوا كل ذي الاغراض انهبلتوا وماصدقتوا

ليان سكتت وماتكلمت ... ابو ليان قام وراح لغرفته وصار يعصب وينافخ ع ام ليان ولييه ماقلتوا مانبيهم ولييه اخذتوهم وهو بيقول ناس ع قد الحال وماراح يرفضون وحنا منا بحاحه فيهم ذي الاغراض ومو انا الي اخذ صدقه م احد

ام ليان بخوف: بس يا ابو ليان عيب نقول للرجال مانبيهم وهو جاي يعتذر منا وع الي سوااه ف بنتنا وهذي هديه منه لليان ولنا ع حسن معاملتك معاااه لما اعفيت عنه ومادخلته مشاكل ...مافيها شي ولييه انت كذا معصب.

ابو ليان وهو يدور رقمه وفتح الدرج واخذ الرقم واتصل عليه وهو معصب: السلام عليكم

رد وبصوته الهادئ: وعليك السلام

ابو ليان: هذا رقم نوااف

نواف بآستغراب: اييييه

ابو ليان بحمق: معاك ابو عبدالعزيز الي اخذت رقمي ذاك اليوم ف المستشفئ

نوااف بآبتسامه: يا هلاااا بالناس الطيبه... وش خبارك ياعم

ابو ليان انحرج بطيبته وغير نبرته وهدئ م روعه شوي: لييه جايب كل ذيك الهدايااا لنا

نوااف بخجل: وربي كنت خجلان منك وم معروفك معاااي فقلت اجيب هدااايا تعبير عن شكري لك والي سويته معاي وبصراحه الناس الي مثلك ماتنوجد بهالزمن انت نادر يابو عبدالعزيز

ابو ليان بتردد: طيب انت خجلتني بهالشي وانا ماحب اخذ شي م احد وانا انسان عزت نفسي ماتسمحلي... صح حنا ع قد حالنا بس مانقبل صدقات م احد ...

نوووااف انكسر خاطره: السموحه يابو عبدالعزيز ماكنت ابي اجرح كرامتك بس انا كذا حبيت اعبر ع شكري ويمكن انا ماعرفت كيف اعبر عن شكري والسموحه منك ... بس علشاني هالمره تقبلها وان شاءالله مراح تتكرر ومره ثانيه انا آسف...

ابو ليان حس انه غلط لما اجرحه بهالكلام بس كان لازم يفهمه انهم مو طماعين وناس عندهم كرامه: طيب واعذرني ياولدي لي ثقلت عليك بالكلام بس انت تدري اني ما ابي اخذ شي م احد... وربي يسعدك

نواااف: تراا عادي ما ازعل م الناس الطيبه وانت رجال مافي منك وادري كل هالكلام الي قلته ماقصدك فيه تجرحني ....

ابو ليان: طيب انا بسكر ومع السلامه

سكر ابو ليان منه وهو منحرج وام ليان ابتسمت وعرفت ان الاغراض ماراح ترجع بس ماحبت تبين هالشي...

ابو ليان وهو يروح للحمام علشان يتوضئ ويصلي وام ليان طلعت تبشر بناتها انه الاغراض مراح ترجع ... استانسوا البنات وامال اولهم واخذت ثلاث قطع ذهب وغير الفلوس

وقالت لامها: عاد ذولي الحين حقي انا مابغئ تقولين ماتاخذين وم هالكلام... وانا متواضعه لو حد غيري اخذ كل شي... ومشت لغرفتها تتجهز علشان تروح دوامها

ام ليان انقهرت: وفوق ذا كله ماخذت شي لااا اخذيه كله طيب... قوية عين

ليان تضحك: ههههههه يعني يمه ماتعرفين بنتك هالطماعه... اقول هي زين ماخذت كل شي..

ضحكت ام ليان: ماتقدر تاخذ كل شي .... مادري هالبنت طالعه ع مين..


________________________*



عند امال ف قصر صقر قالت لروان: وش رايك نلعب غميضه

روان بحماس: يلاااا نلعب .. وناااسه

امال: تيب انتي اتخبي وانا اركض وراك

روان: طيب بس تعالي بالاول اسكر ع عيونك بالمنديل

قربت روان منها وسكرت ع عيونها بالمنديل وراحت روان اتخبت وقالت لامال وهي تبتسم بخبث: الحين دوريني

دورت امال ودورت مالقتها وبالاخر اضطرت انها تغش وفتحت المنديل ومالقتها بالغرفه نهائيا ...اضطرت وقالت يمكن طلعت برا وراحت تدور برا ورجعت المنديل ع عيونها وهي تناديها

روااااان ……

روووواااااانوووو ……

ررررووورررووو.....

وروان تطنش لانها تدري لو اتكلمت راح تعرف مكانها..

مشت امال وهي تكلم لوحدها: ادري فيك ماتبين تتكلمين ذكيه علشان لا اسمع صوتك واعرف مكانك بس هين انا آلاقيك يالنتفه...

وهي تدور مسكت بآحد وصرخت بحماااس: مسكتك يالنتفه
.... اهاااا عبالك مراح اللاقيك وينك انتي ... وش هالطوول الي فيكي.. واقفه ع طاوله ولا وش؟؟؟

امال وهي تضحك ولسئ تتلمس الي مسكته: وش فيك ماتتكلمين وين لسانك اكله القط


وماحست الا بآحد شايل عن عيونها المنديل وهو يشوفها ويبتسم~~~



~آنتهى البارت~

رد: (روايــة مشــيت وررا احـلامـي وفجـاءه لقيـت نفسـي اطيـح)

جميييييل روروو
كملييييييي بسرعه


Sent from my iPad using منتدى عبير

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــاررت الســادس




*الغمـيضــه وبــداااايـــة العشــق*




عند امال ف قصر صقر قالت لروان: وش رايك نلعب غميضه
روان بحماس: يلاااا نلعب .. وناااسه

امال: تيب انتي اتخبي وانا اركض وراك

روان: طيب بس تعالي بالاول اسكر ع عيونك بالمنديل

قربت روان منها وسكرت ع عيونها بالمنديل وراحت روان اتخبت وقالت لامال وهي تبتسم بخبث: الحين دوريني

دورت امال ودورت مالقتها وبالاخر اضطرت انها تغش وفتحت المنديل ومالقتها بالغرفه نهائيا ...اضطرت وقالت يمكن طلعت برا وراحت تدور برا ورجعت المنديل ع عيونها وهي تناديها روااااان ……

روووواااااانوووو ……

ررررووورررووو.....

وران تطنش لانها تدري لو اتكلمت راح تعرف مكانها..

مشت امال وهي تكلم لوحدها: ادري فيك ماتبين تتكلمين ذكيه علشان لا اسمع صوتك واعرف مكانك بس هين انا آلاقيك يالنتفه...

وهي تدور مسكت بآحد وصرخت بحماااس: مسكتك يالنتفه
.... هاااا عبالك مراح اللاقيك وينك انتي ... وش هالطوول الي فيكي واقفه ع طاوله و الا وشش

امال وهي تضحك ولسئ تتلمس الي مسكته: وش فيك ماتتكلمين وين لسانك اكله القط


وماحست الا بآحد شايل عن عيونها المنديل وهو يشوفها ويبتسم~~~



صقـر وهو يبتسم: وربي خبله

امـال بآنحراج: صصـ ..... صقققررررر !!،،

صقر ولسئ يضحك: ايييه وش تسوين هنا وحاطه بعيونك هالمنديل

امال ولساتها مفهيه: نلعب انا وروان غميضه... علشان تتسلئ وكذا

صقر بحب: هالشي الي حبب رووان فيك ... انا اعجبني تصرفك مع بنتي .... وغمز بعيونه لها: وحتئ ذووقك ..

امال احمرتتت: شكررررا

انا شفت ذوقك بالملابس الي شريتيها لروان كانت حلوووه زيي وجههك الحسن ... و حتئ نفسيتها تغيرت وصارت تحب الحياة ورجعت تبتسم... وكمل وهو يتنهد: م رحلت امها وتركتنا ماعمري شفتها تبسمت كذا مثل الحين ..
وهي كل يوم تسآلني عنك وتكلمني عنك وانك احسن مربيه جيتي لها
وطلبت مني طلب علشان اقوله لك وانا قلت راح اقولك بس نسيت والحين لما شفتك تذكرت: ابي اعرف اذا تقدرين تجلسين مع بنتي ساعات اطول يعني م الصباح لين المغرب

امال بققت عيونها وتكاسلت بس لما سمعته يكمل كلامه لا لا مافيه كسل راح توافق لانها خقت لما سمعت انه راح يضاعف راتبها..

صقر بحبور: اذا تقدرين تجلسين م 12- 7 المغرب راح اضيف معاشك لـ10,000 ريال فالشهر ... وش رايك

امال بعدم تصديق: اااييييه.. مـ.. موافقه

الصقر بآبتسامه: شكرا يا امال انك وافقتي

امال: العفو ولووو... وابتسمت وهي تتذكر روان: نسيت روان بتكون الحين تنتظر اللاقيها وانا دقيت معاك سوالف.

صقر وهو لسئ يبتسم: طيب الله معاك

مشت امال تدور روان وبالآخير لقتها متخبيه ف دولابها...

وهزئت فيها روان: وينك عني انا مت بالحر وانتي وش تسوين برا

امال تفرحها: م اليوم راح تشبعين مني راح اجلس معاك م الصباح للمغرب..

روان بحماس ركضت لها وضمتها...

امال ابتسمت بخبث وهي تحضنها: هدفي اصيد ابوك واخليه م نصيبي .. مو انتوا الاغنياء تلعبون بالفلوس وتقطونها ع الي يسوئ والي مايسوئ وحنا الفقاره ندور الفلس ومانحصله ...




_______________________*




مرر اسبوع وصار عيد ميلاد انوار .. اتصلت امال ف صقر واعتذرت ان اليوم ماتقدر تجي لانه عندها عيد ميلاد صديقتها وماتقدر تطوفه.. وااافق صقر ... وتحمست امال وصارت تجهز فستانها واكسسواراتها وكانت تسوي الصبغه ف اظافرها و تصفف شعرها وحط عليه المقابض الدائريه ولوت بها شعرها بالكامل... وراحت تتسبح ولما تسبحت بعد ساعتين بدت تسوي الميك اب وخلصت م الميك اب الي كان عباره ع اللوون الرصاصي مع البني الغامق لا الفستان كان لونه بني وعليه لمعه تميل للون الرصاصي .. وبعدها وبدت تفك المقابض عن شعرها وانسدل شعرها بحركه انسيابيه ناعمه ع اكتفاها لين وصل لنص ظهرها وكانت طالعه قمر ... عدلت ف خصلاتها م قدام وحطت فيونكه باللون الرصاصي ع البف الي قدامم ... لبست الشوز الي كان باللون الرصاصي بكعب طويل... واخذت حقيبة يدها الي بعد كانت باللون الرصاصي وكانت بها لمعه ... ولما خلصت آلقت نظره اخيره ع انفسها وباست نفسها بالمرااايه وهي تبتسم برضا عن شكلها...

وع هاللحظه جاها اتصال م العنود: يالقاطعه وينك... والا الي يتوظفون ينسون اصاحبهم

امال بآبتسامه: اوووف ظروف وربي .. وبعدين انا مانسيتك انا حبيت اريحك م خشتي فتره بسيطه

العنود: الله اكبر عليك تعرفين تطلعين الاعذار م تحت الارض...

امال ابتسمت بخجل: وربي اشغال ما اكذب عليك انا

العنود: المهم مع مين راح تروحين عيد ميلاد جوجو

امال بحيره والله مدري الحين كنت بتصل فيك بس الظاهر القلوب عند بعضها سبقتيني انتي..

العنود بسرعه: تيب خليك جاهزه انا بمرك

امال بدلع: جاهزه وخالصه... اقول تعالي بس ترا انا ما احب انتظر

العنود: طيب الحين طالعين دقيقتين وحنا عندك

نزلت امال لتحت وانبهرت فيها امها وليان كانت قمه فالروووعه ... ليان وهي تسمي: بسم الله ماشاءالله كنك عروسه يا امال اقري ع نفسك المعوذات

امال بطرف عينها: عجوز وربي ~ وهي تقلدها: اقري ع نفسم المعوذات... اووووف وش ذي التصرفات تخافون م الحسد ..يعني اذا كنتوا مغرقين بالفلوس وش بتسوون

ليان انكسر خاطرها وسكتت ومشت غرفتها ترتاح شوي...

اما.... ام ليان وهي تناظر امال بنتها بقرف: مافيك خير وطول عمرك بتظلين كذاا انانيه

امال تآففت ومشت: ملينا م محاضراتك الي ماتخلص

وبعد لحظات وصلت العنود ومشوا للعيد ميلاد انوار...



_________________________*



عند روان كان كل يومها ضايقه وماعرفت وش تسوي تعودت ع امال حييل وتحس شي ناقصها...

مشت لعند ابوها وهي تجلس جنبه بحزن: ليييه امال ماجت اليوم وربي افتقدتها

صقر وهو يلعب بشعرها: لا تتضايقين يابابا بكرا امال تجيك اليوم كان عندها ظروف عندها عيد ميلاد صديقتها وهي اعتذرت وقالت ما اقدر اجي وانا وافقت اتعودي يابابا مو تتعلقين فيها واذا غابت بيوم تحزنين لا تخلين هالبسمه تطلع م ع شفايفك

روان ابتسمت بحزن: طيب


--------------------------------------



ف ميلاد انوار والاجواء الصاخبه وصوت الاغاني العاليه والبنات ترقص وفالينها وونااااسه ...كانت امال وترقص ع اغنيه ديسكو ... وهيب هوووب مع البنات.... .اتفاجئوا وشوي وهم يشوفون مجموعة شباب تدخل...

امال اتفاجئت: انوار وش قصدك سويتي لنا كمين..
انوار وهي ترقص: خلينا نستااااانس ونفلهاااا
انوار وهي تناديهممم: واااو شباب ورونا ابداعتكم

قرب منها احمد وهو يساسرها بآذنها ويغمز بعيونه: وش تبين حبيي

انوار وتبوس خده بدلع: نبغئ نشوف ابداعكم بالهيب هوب انت والشباب

احمد ونظراته تلاحق امال: لعيونك الحلوه

مشئ وكلم اصحابه وكانوا متدربين ع رقصه وارقصوها وصرخات البنات والتشجيع عطاهم حماااس وكانت رقصتهم رووووعه ابداااع...

امال بعدم ارتياح قربت للعنود تساسرها: العنود وش فيها ذي المجنونه... كيف تخلي الشباب يدخلون معانا تبي تسوي لنا مشاكل

العنود وهي تكشر ومو مرتاخه للصخب والفوضه الي صايره: تبين نمشي وربي حاشني ضيق لو يدرون احد عوايلنا لا ذبحونا

امال وهي معصبه: هي ماخذه راحتها وتدري محدن وراها اهلها كلن فحاله ومايدورن عنها

امال وهي تناظر الرقص وتبتسم وربي رقصهم ابداااع هذول
الشباب

العنود: اييه بس انا بتصل بالسواق يجي ما اقدر اقعد هنا اكثر

امال: اييه اتصلي..

اتصلت العنور وكلمت السوااق وقالت له يجي~~

مشت امال وهي ترووح تاخذ عصير تحس انها عطشانه وهي تشرب العصير حست بآحد مسك كتفها بخفه..

امال بسرعه انتفضت واللتفتت تشوف مين... ولما ناظرته عرفته هذا صديق انوار

امال بصرامه: وش تبي؟

احمد: ابيك انتي

امال بحمق: وقح

احمد بحب: عيونك الحلوه ذوبتني

امال بعصبيه: تذوب ف نار جهنم يارب

احمد وهو يضحك: ترضين علي

امال: اييه ارضئ.. وش تصير لي علشان ما ارضئ عليك

احمد وهو يقرب لها وبوقاحه: حبيني ونصير اقرب

امال دفته بقوووه لين طاح ع الكرسي والكاس الي بآيدها طاح عليها وتتكسر ع فخذه...

الكل اللتفت وهو مستغرب وامال ابتعدت م عيون الناس ومشت لاقرب غرفه لها

انوار عصبت وخجلت م تصرفات امال: صدق بنات الفقر وش عرفهم بالحفلات

مشت وراها للغرفه وهي تهاوشها: وش فيك انجنيتي .. انتي فضحتينا وخربتي حفلتي

امال بحمق: اييه ماهمتك غير حفلتك هالتعبانه الي كلها مصاخه انا لو فكرت كذا كان ماجيت.. انتي ماوراك احد عامله حفله فاسقه فيها شباب وشرب وين اهلك عنك..

انوار تضحك بآستهزاء: وين كلامك ذا م قبل ... والا قبل ماقمتي تشوفين ذا كله علشان الفلوس الي معميه عيونك علشان الفلوس تغاضيتي عن اخلاقي وش فيك الحين مسويه نفسك مآدبه

امال: اييه صادقه انا الفلوس معميه عيوني بس لسئ مانسيت اخلاقي وراح تشوفين وتذكري كلامي زين انا امال ان ماجبت صقر وخليته يتزوجني ويعشق التراب الي ادوسه وصرت مقامي احسن منك ... ماكون انا امال يانذله ياخسيسه

انوار تضحك بآشمئزاز: صقر ياخذك انتي ... وااااو حلمك كبير بس تحقيقه صعب

امال وهي تنافخ: وراح تشوفين بس خلي هالكلام حلقه بآذنك

اانوار ولسئ بتتكلم.. بس دخل احمد وفمه كان ينزف دم وشياطينه قايمه ومعصب ع امال...

احمد بعصبيه: اطلعي برااا يا انوار واتركيها علي..

انوار بدلع ووقاحه: شوووف شغلك معاها

امال بققت عيونها وصارت تلف عيونها يمين ويسار: وش تبي انت

احمد وهو يمسح الدم م فمه: ف حياتي ولا بنت تسوي معي كذا غيرك انتي يالحقيره

امال بقوووه: تستاااااهل

احمد بقهر: نعنبوك ماتخافين انتي

امال بآستهزاء: وش اخاف منه

كانت تقوي نفسها م الداخل بحكم شخصيتها قويه تقدر انها تسيطر ع مشاعرها وخوفها

وقربت منه وحاوطت ايدينها ع رقبته: تبغئ كذا ... وفكت ايدينها م رقبته وقربت شفايفها لخده وباسته: والا كذا..

احمد ارتبك م تصرفها وماصار يدري وش يقول وبدون شعور: لا لا ماقصدي بس كنت

امال وهي تسكته بدلع: انت بنفسك قلت لا ... اجل الحين خليني امشي وراي دوام باكر

احمد ولسئ مسبهه: لا لا تمشين

امال فكت الباب وطلعت وع وجهها ابتسامه انتصار وانها تقدر تطلع نفسها م المشاكل بسهوله

احمد لسئ حاير بمكانه: وربي قويه كيف تركتها تروح مني


..... طلعت بسرعه وقالت للعنود: خلينا نمشي هالوووقحه انا الي راح اربيها

العنود انا م اول انتظرك ..وين كنتي

امال بآنتصار: بعدين اقولك. .

وهي تمشي كانت تناظر انواو المقهوره والي كانت مستغربه كيف احمد يفك عليها ليييه ماسوااا الي قالته له..

انوار بقهر مشت بسرعه للغرفه لقت احمد لسئ مسبهه مكانه ومو مصدق حركتها الي كهربته وخليته ينسئ عصبيته وكبرياءه

انوار بعصبيه: لييه تركتها تمشي

احمد: وربي مجنونه هالبنت... الا قووويه

انوار بحمق: وش سوت فيك خلتك كذا

احمد بسرعه: اعطيني رقمها

انوار وهي تتحلطم: وربي مامنك فايده كنت جاي معصب وثاير قلت ع عصبيتك ذي بتكسر خشمها بس الظاهر هي الي كسرتك

انوار اعطته الرقم بدون نفس وطلعت م عنده..



________________________*




فالسياره مع العنود وامال .... العنود بصدمه: معقوله حضنتيه .. كيف سويتي كذا ما تستحين انتي

امال بعدم اهتمام وهي تقلد صوتها: لا اجلس اتبكبك احسن.... ايييه اتعلمي الانسان لما يكون عصبي روضيه بسهوله ينسئ عصبيته ويعطيك الي تبين... مو تجلسين تبكبكين ماراح تستفيدين شي غير الذل والاهانه...

بس انا خليته صنم حتئ مشيت وماوقفني تركته يعيش ويحلم ف حركتي الي عملتها معاااه ....

العنود بحماااس: يبختك بقوتك عقبالي استقوئ كذاا لو كنت مكانك كان سوا الي يبغاه وانا لسئ ابكي هالدموع ماراح تفيدني بشي

امال ببرود: ودي ارجع البيت وانام ...ليتنا ماجينا لذي الحفله السامجه... انوار الحقيره راح تشوف الي مايسرها وربي بلحظه نسيت اني كنت اعرفها ذي الوصخه

العنود بآستغراب: وربي لسئ متفاجئه فيها

امال بعدم اهتمام: تفكرين الناس كلها طيبه زيييك.. ماتضمنين احد بهالزمن ... حتئ انا ماتثقين فيني... ونزلت .. كان وقتها السواق وقف قداام بيتهم

العنود بققت عيونها: قوويه وتخوف بنفس الوقت ذي البنت

امال وهي ماشيه: تصبحين ع خير

العنود ببراءه: وانتي م اهله




~انتهئ البارت~


*توقعاتكم للبارت الجاي*

رد: (روايــة مشــيت وررا احـلامـي وفجـاءه لقيـت نفسـي اطيـح)

وااااااو ماشاءالله مررررة حلو البارت ياشيخة بغيتي تشيلين قلبي من الحماس,

توقعاتي: ليان بيتزوجها نواف,

اما بالنسبة لامال والله للصراحة بغض النظر عن حبها الزايد للفلوس فانا مازلت احبها كشخصية ومن جد اتمنى انها نهايتها تكون سعيدة

والله يستر من احمد ذا هو وانوار,

بس البارتين كلهم كانوا جميييييلن وبصراحة ابدعتي, استمري صديقتي,

تحياتي

رد: (روايــة مشــيت وررا احـلامـي وفجـاءه لقيـت نفسـي اطيـح)

و الله خفت على امال الا بغيت اموت هههههه
بس طلعت قويه الاخت هههه
انتب مبدعه و ربي
اممممم صراحه احمد هذا خايفه منه اتوقع بيسوي شي او بيحاول ياذيها
كملي بليز


Sent from my iPad using منتدى عبير

رد: (روايــة مشــيت وررا احـلامـي وفجـاءه لقيـت نفسـي اطيـح)

فديتكم والله وتتوقعاتكم اعجبتني والاتي اجمل واجمل وان شاءالله تعجبكم كل البارتات :rolleyes::thumbup:

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــارت الســـابع



*الآنجـــذااب والأتصـــال المفــاجــئ*


اليــوم الثــاني


صحت امال وجسمها مكسر وفيها النوم ومالها خلق تداوم... وقامت بتمشي للحمام... بس اوقفها صوت الجوال وهو يرن .. وكان المتصل محمد

امال ماعرفت الرقم لان الرقم كان غريب وردت بملل: الوووو.

احمد: فديت الآلو م فمك

امال بصدمه: خيررر... م معي م ع وجهه الصبح بذي الحركات الماصخه

احمد: حبيبك حمودي

امال بقهر: ومين ذا .. حمووودي

احمد حب يحرجها: الي بستيه امس

بس امال دفشه وقليلة حيا ماتنحرج ولا تخجل زي البنات
امال بضحكه قوويه واستهتار: والحين وش سالفتك متصل تبغئ بوسه بعد

احمد: ياريت وربي انهبلت فيك يا امول .

امال انقرفت منه: اقول انت ترا ماعندك سالفه انا بسكر وراي اشغال اهم منك

وسكرت ف ووجهه وهي تسب وتلعن فيه ... يحسب اني انوار ذيك الوصخه قليلة الحيا ... اووف وش عرفه برقمي... اكيد التااافهه الحقيره انواروووه...

ودخلت للحمام وتسبحت وطلعت بالروب واستشورت شعرها ولبست فستان صيفي خفيف قصير لتحت الركبه شوي وكان باللون البرتقالي وعليه نقشات باللون التركوازي... ولبست اساووور كثيره بآيدينها بالطريقه الهنديه.. وحلق طويل بآذووونها ولبست برقبتها عقد طويل وفيه احجار كريمه باللون البرتقالي والتركواز... وصندل باللون التركواز وفلت شعرها الطويل كانت مسويته كيرلي ...كانت رووووعه ومبين بهاللبس متغيررره...


طلعت م الغرفه وسلمت ع امها وقالت لها وبدون نفس: ابغئ فلوس لسيارة الآجره
ام ليان بطفش: روووحي خذي م محفظتي

امال بطفر: لا تخافين اردهم لما استلم راتبي

ام ليان هزت راسها بقهر: لاحول ولا قوة الا بالله،،، ماتخاف
ربها هالبنت فيني وكني ماني بآمها

طلعت امال الغرفه ومشت بدون لاوتتكلم وطلعت م البيت ووقفت تاكسي ومشت لقصر صقر....


اول مادخلت استقبلتها روووان بحفاوه وحضن وهي تتكلم وبصوتها الطفولي: اشتقتلك يا امول

امال وهي نزلت لمستواها وتشد خدودها: فديتك انا

صقر وهو يسلم: وش اخبارك امول

امال تسوي نفسها خجوله: انا بخير .. وانت

صقر بآبتسامه جذابه: الحمدلله دامك بخير انا بخير...

وتلاقت عيونهم ببعض وكانت لحظة صمت بينهم بس قطعت هالصمت روان وهي تشد امال م يدها وتجريي ودي نلعب غميضه وش رايك..

امال وهي تعطي صقر نظره دلع: لا مراح نلعب غميضه... اليوم راح نرقص

صقر دقات قلبه تسارعت وصار يناظر فيه بدون شعور لين اختفوا م انظاره... مشئ لمكتبه الي عنده بالقصر وصار يقلب فالاوراق يبغئ يشغل باله وينسئ امال صار يتخيل كل تفاصيلها نظراتها عيونها خصرها الرائع عيونها الوساع وشعرها الاشقر الممزوج بالاسود نسئ الاوراق الي بآيده وصار يتخيلها وشوي فاق م احلامه المخمليه... وبلا شعور لقئ نفسه واااقف امام باب روان وفتح الباب شوي صار يدورها يبي يشوفها...
وبعد لحظات ... سمع صووت المسجله تشتغل وصارت امال ترقص الهيب هوب.. وكانت بارررعه ف رقصة الهيب وكانت ترقص وتلف وتدور وخصرها يتمايل معها وكان لها خفه وسرعه بالرقص

صقر وهو يشوفها خق فيها وماقدر يتمالك نفسه وصارت عيون تناظرها بجنون


امال شوي نظرت صوب الباب ولمحته وسوت نفسها ماشافته وزودت ف الدلع وصارت تتمايل اكثر وترقص بدلع

الصقر دخل وهو يصفق: رقصك راااااائع.. وطبعا انتي الاورع.

امال ابتسمت بآنتصار: تسلم

روووان وهي تقرب م ابوها: شفتهاا ... رقصها حلووو حيييل

صقر وعيونه ماراحت م ع امال: حيييل حلوووو زييها

امال تبغئ تجننه اكثر فكت شعرهاا.. وصارت تلعب بشعرهااا وهي تسولفه

صقر خق اكثر: ابغاك شوي ع انفراد يا امال

امال بخبث عرفت تجننه وتجيب راسه وهي متآكده انا صادته بشباكها... وتكلمت بدلع: تيب

صقر يكلم روان بحب: اقعدي هنا امال راح ترجع لك

روان ابتسمت: طيب

مشئ صقر لمكتبه. وامال وررراه .. ولما وصل لمكتبه توتر ماصار يدري ويش يقول... سكت وهو يطالعها ويدور كلام بس ما لقئ ...

بس امال قطعت ذا السكوت وتكلمت: اييه ياصقر وش تبغئ

صقر انربط لسانه بس ماحس بنفسه الا مقرب منها ولاصق فيها بالحيط وهو ماسك ذراعها...

امال انفجعت وبنفسها .. وش فيه ذا تهور والا وش.. وبققت عيونها بذهول: وش فيك ياصقر

صقر وعيونه تلمع ويقاوم الكلمه الي بغت تطلع وهو يقاومها ماتطلع بس بالاخير ماقدر يقاوم وقالها: احبببببك..

امال ماصدقت وحست انها بحلم ..و
معقوله الصقر بهالسهوله يرضخ وانا افتكرت اني راح اتاخر لآخليه خاتم بيدي ..بس حلووووو .. تعالي شوفي يا انواروووه ..وانا قلت امول لاحطت شي ببالها لازم تسويه..

صقر مستغرب منها شافها مفهيه وماتكلمت: اللوووو ..الووو ..امول وش فيك

امال رجعت لواقعها وارتبكت: لا بس احس اني بحلم ..انت وش قلت

صقر بضحكه قووويه: تبين تسمعينها مرره ثانيه،

امال بدلع وهي تمسك ياقة ثوبه: لاااا بس اتفاجآت... يمكن انت تختبرني مدري ذا مقلب منك

الصقر بغرور: يقولون لي الصقر وماعرف للمزح وللمقالب شي ..كل شي اقوله لازم اكون قاصده.

امال زاد ارتبكها: يعني .. انت .. ااا.. ... الصقر يقاطعها: اييه انا احبك... وش اسوي ترا هبلتيني فيك ودلعك ذا. هو الي مخربطني

امال تضحك بدلع وتكلمت بس الصقر وبدون سابق انذار .آومئ برااسه ناحية خدها وباسها ..

امال انتفضت: لو سمحت ابتعد

صقر عجبته شخصيتها قويه وعنييده وماتنكسر بسرعه: Sorry I did not mean
(آسف لم اقصد)

امال خقت فيه وهو يتكلم الانجليزيه وطالعه م فمه روووعه: عادي ماصار شي..

امال ماتتكلم انجليزي بس تفهم شوي وتبعدت م حضنه بسرعه وهي تحس انها خجلانه وخدودها محمره م الموقف الي صار: سوري بس بمشي لروان اتاخرت عليها


صقر يحب اهتمامها بروان وابتسم ذيك الابتسامه الجذابه: طيب خذي راحتك

مشت لروان وهي تسترجع كل الي صار واعترافه لها وكانت تبتسم ابتسامه واااسعه انها قدرت تملك قلبه بسرعه

دخلت لروان االي كانت ملانه مررره: اتاخرتي مع بابا وش تسووون

امال ابتسمت م تعبير روان وحست بشعور غريب وهي تجمعها مع ابوها: كنا نسولف واخذنا الوقت..

روان بحمق: مرره ثانيه لا قالك ابوي تعالي لا تروحين له وتتركيني ترااه ثرثار واخذ م وقتي كثير

امال ضحكت: هههههههههه تغارين م ابوك ياغبيه ..هو مو ثرثار .. بس كان يبي مني شي مهم وخلاص انتهئ

روان بفضول: وش كان يبي

امال وهي تضربها بخفه ع فمها: عييب للصغار مايتدخلون بسولف الكبار

روان زمت بشفايفها: طيب بنسكت


وبعد لحظات ررن جوااال امال ولما شافت الاسم تنهدت بقوووه ...اوووف وش يبي ذا اللزقه.. وسكرت بوجهه ورجعت لروان كملوا هي واياها لعب بالالعاب الذكيه وتركيبهم وامال ودايم تخلص بسرعه وروان تزعل وتالي ترجع تلعب لين بالاخير امال خسرت نفسها علشان روان تفوز خوتفرح....



---------------------------------------



عند ابو ليان كان فمكتبه وماصدق: وووششش

نواف بصدق: اييه حبيتها لما شفتها بالمشفئ وم ذاك اليوم ماتطلع م بالي... وابي اخطبها وتصير زوجتي بالحلال

ابو ليان: تحبها ولا شفقة فينا تبغاهااا

نوااف: الله يسامحك يابو عبدالعزيز وربي مو شفقة فيك لا تشوف كل الامور ضيقه منظورك.. انا حبيت البنت وابيها ياليت لو توافق ع خطبتي ولا وافقت اكلم اهلي ونجي نخطب

ابو ليان ومو مقتنع لانه نواااف غني وم عايله كبيره وهم فقاره وفباله اهله مراح يرضون فيه وفي بنته ولانها مو م ثوبهم: طيب انت كلم اهلك بالاول ولا وافقوا تعال اخطبوا البنت

نواااف بفررح: طيبب اكلمهم اليوم وبعدها اخبرك بموعد زيارتتا لكم..

ابو ليان بضيق: طيب

سكر نواااف وهو يفكر في ليان الي ملكت قلبه م اول نظره له وصار يتخيلها وفتن فيها اكثر بآخر مررره يوم جاء بيتهم وشافها لما فتحت له الباب انفتن ف بساطتها وشعرها الطويل والاشقر وجسمها النحيل والخصر البارز وعيونها الكبار ولونها العسلي مع رصاصي يحس ان ملامحها اجنبيه اكثر م انها عربيه وبياضها الناصع كل شي احبه فيها وصار يحلم فيها ومايبي غيرها ياخذها..

تيقظ م احلامه ع صوت سكرتيره وهو يسلمه ملفات: استاذ نوااف ذي الملفات الي طلبتها

نواااف ولسئ غارق ببحر ليان: طيب حطها هنا ...وهو يآشر ع مكتبه جنب للابتوبه..

وضعها والسكرتير ..ومشي لمكتبه وترك نووااف وهو يتنهد ومتوتر لا قال لاهله معقوله رااح يوافقون..بس انا ماراح اخليهم لازم اخذها ان ماخذتها ماخذ غيرها...
ورجع يكمل شغله بسرعه وهوو يحاول يشغل نفسه م ليان



---------------------------------------------



بالليل عند ليان قاعده تخيط ملابسها وتشوف التيفي ..جات امال وجلست جمبها بملل: ماتتعبين انتي م ذي الخياطه والتيفي.. مالك طموح انتي... تعلمي م اختك امووول

ليان بتواضع: ما اتعب وانا متعوده ع ذي الشغلات انتي لو تجربيهم مراح تصبري منهم..

امال: ويييع.. لا لا ياحبيبتي ما افكر اجربهم اخليها لاصحابها

ليان ابتسمت م تعجرفها الي ماله حدود: طيب لا تجربين بس تواااضعي يا امول لمتئ اسلوبك بيتم كذا..

امال: غروري احلا مافيني وش دخلك انتي .. وقامت: ووين ذيك الكائتات الصغيره استغفرالله العظيم جعت وودي اكل... مقصدها ( عبدالعزيز وغدير)

ليان: بالغرفه غدير ترسم وعبدالعزيز يلعب بلايستيشن ماتعرفين يعني عزوز مستحيل يقوم م ذي البلايستيشن...

امال: اباشوفهم بيتعشون انا وصلت حدي ترا

ليان قامت طيب راح احط العشاء...

امال بدلع: اييه قومي حطي زين تسوين خففتي علييي..

قامت ليان تحط العشاء وامال م طلعت م غرفة ااخوانها مشت لغرفة اهلها


…………



ف غرفة ابو ليان وام ليان كان يخبرها بخطوبه ليان ونواااف

ام ليان تحمست: وااخيرا الدنيا تبسمت لنا لا تزوجت ليان منه راح يتحاذف علينا الخير م كل مكان

ابو ليان: لا تتحمسين واايد نقدر نتاكد لا كلم اهله ويجون لنا يخطبون

ام ليان بضيق: ايييه.. بس تهقئ يوافقون

ابو ليان: مدرري .. حنا بينا فرق م المستوئ المعيشي ومندري وش طبايع بيت العالي.. وتعرفين الاغنياء مايرضون بالي اقل منهم... بس عسئ خير..

ام ليان بتسآل: بس ياعبدالرحمن اخوك عبدالعزيز ماكلمك ذي الفتره ولا سآل عن بنته معقوله قسئ قلبه

عبدالرحمن: لا ذي الفتره ماتوااصل معاي مدري وش.. بس لا صار وبنته انخطبت رسمي راح يدري وطبعا انا بقوله

ام ليان بحب: هالبنت م جت هنا وعمري ماشفت منها شي يزعجني وربي لا تزوجت مدري وش اسوي بدونها بنتي الي طلعت م بطني ماتحبني زي ماتحبني ...وربي اشوف فيها هي وكنها طلعت م بطني مو امال... وياليت امال تصير زيهاا..

ابو ليان: كلهم بناتك يا ام عبدالعزيز: ماتنسين انك حتئ ليان رضعتيها م صدرك وصارت بنتك زيها زي امال...

امال لما سمعت ذا الكلام م ورا باب الغرفه انصدمت: معقوله ليان مو اختي... وانا اقول ملامحها اجنبيه مو زينا وخلقها مختلف عنا وحلاوتها غريبه ماتشبه لا امي ولا ابوي


ام ليان: اييه عبدالرحمن وربي ما افرق بينهم ويمكن احبها اكثر م بنتي ربي يحفظهم ويرزقهم كل خير

امال وهي تدق الباب وتسوي نفسها ماسمعت ولا شي: بابا ماما .. العشاء جاهز يلا طلعوا بنتعشئ

امها وابوها: طيب بنطلع


امال وهي طالعه للصاله وتتفكر: م زمان كنت احس ف فرق بيني وبينها ملامح وجهها هي جميله وجمالها غربي وغير عنا انا وعبدالعزيز وغدير.. اكيد يا امها اجنبيه والا شاميه ... ولييه هي ... لييه امي تحبها اكثر مني مع اني انا بنتها ..وهي تحب بنت الناس اكثر مني ..هي رضعت معاي ..يعني تصير اختي ...اووووف .. بس صح مين راح تتزوج سمعت انه جايها عريس وشكله عريس لقطه بعد..

راحت للصاله جلست عالسفره وهي تشوف ليان وتناظرها وتتمعن ف ملامحها وتصرفاتها...


بعد العشاء كل واحد اوئ الى غرفته ونام ماعدا امال .. كانت تتخيل اللحظات الي صارت بينهم وهي وتتبسم وتتخيل وهو يقولها احببك ..حستها طالعه م القلب......
وبعد ماشبعت م تخيلات ف صقر غلبها النوم ونامت..



~انتهئ البارت~


توووقعااااتكم