رد: (روايــة مشــيت وررا احـلامـي وفجـاءه لقيـت نفسـي اطيـح)

اكيد وااقفه بصف احمد ..اهم شي فديتك ان افكاري اعجبتكم

Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

ايوا فيه تكمله باقي اخر بارتين للروايه

Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

رورو متى المووعد

رد: (روايــة مشــيت وررا احـلامـي وفجـاءه لقيـت نفسـي اطيـح)

بعد يومين بأذن الله بنزل البارت ماقبل الاخير

Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

بلييز نزلي.بارتات

Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

غلطت.

Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت الثـــلاثيــن ماقبـــل الآخيـــر




عند نووواف كان ف مكتبه ويفكر بالسالفه ويحس انه مخنووق ابوووه متضاييق منه م سالفة السرقه وهو للحين ماقدر يعرف م الي سررقه ولعب عليه وبين كل فتره والثانيه يشك ف سكرتيره لانه يحس غياباته كثروووا وصار يطلب كل شوووي يطلع قبل دووامه بساعتين بحجة عنده اشغال...

وهو بين تفكيرررره وشكوكه دخل عليه السكرتير نايف وهو بكل احترام طلب م نووواف استآذان انه يبغئ يطلع شوي بحجة انه ياخذ اخته للمشفئ


نواااف قام بكل عصبيه وانفجر فيه: انت مفتكر اني مو حاس عليك مفكرني مو كاشف لعبتك .. انت تلعب علي ومسوي نفسك عندك ظروف وصارلك اسبوع ماتكمل دوامك وكل الوقت مستآذن وطالع... بس انا مو غبي وادري انك انت لك يد بذي السرقه الي صارت معنا بالشركه.. رغم اني وثقت فيك واعتبرتك اخو وصديق بس انت مو قد ثقه وليت ماسلمتك كل امور الشركه بس وربي مراح تفلت مني والحين ابتصل فالشرطه تجي تاخذك لانك تستاهل السجن... وع طول رفع السماعه يبي يتصل بس وقفه نايف بوسط ذهوله: يا استاذ نووواف انا وش سويت علشان تتهمني بكل هالتهم بدون حتئ دليل

نواااف وهو ينافخ م العصبيه: مايحتاج دليل .. الدليل واااضح وضوح الشمس.. انت كل يوم مستآذن وسالفة طلوعك مو مريحتني ..و24 ساعه عالتلفون تكلم وش قصدك يعني قصتك مشكوك فيها..

نايف حس بصدمه وانقهر ان الي كان مثل صديقه وم  زمان بينهم ثقه وكان ف مقام اخوووه ويستشيره بكل امورره فكيف فلحظه يشك انه يسرقهم .. بس حب ينفذ الي يبغاه: اذا ودك تتصل بالشرطه اتصل.. وانا مثل ماقلتلي بنفذ لان عمري ماخنت ثقتكم فيني وعمري ماقلت لك لا وطول ما انا توظفت هنا كنا مخلص لك ولآبوك ومو م طبايعي الغدر ... واستدر وهو يطلع م مكتبه: انا ف مكتبي لجات الشرطه استدعيني وبتلاقيني جاهز امشي معهم...

نواااف حس بصدق ف كلام نايف وحس بتآنيب الضمير ومايعرف ويش يقول وقعد يفكر ويفكر .. وبعدها اتصل بالشرطه يسآلهم اذا وجدوا اي دليل يدين لنايف ف كل المكالمات الي مراقبينها...
واجاب له الشرطي انه ماوجد اي دليل يدين لنايف وللحين كل مكالماته بعيده عن الشركه والسرقه..

ارتاح نواااف م داخله لانه مايبي يخسررره لان موظف طيب وله احترامه فالشركه بس نووااف هالايام مضغوط وصار يشك بالكل ونفسيته مو مرتاحه وكل تفكيره مشتت..


طلع برا مكتبه وراح لمكتب نايف يعتذر منه عن تصرفه الغير لائق .. واول ماعتذر منه .. ع طول نايف قاطعه وهو يقول له: انا ابستقيل يانوااف.

نواااف انصدم م كلامه: لييه تستقيل وحنا انت بالنسبه لنا احسن موظف موثوق فيه ومانقدر نستغنئ عنك..

نايف بضيق: دام ثقتكم فيني راحت ماقدر اقعد هنا وانا ادري اني مو رخيص لاآسرقكم.. انا بقولك شي علشان ترتاح ويبرد خاطرك.. انا كثر طلعاتي لسبب قوي انا الرجل الوحيد بالبيت عندنا م بعد وفات ابوووي ومعاي امي و 3 اخوات وكل المسؤوليه ع راسي وما اسمح يصير فيهم شي واقصر فيهم .. واختي زوجها توفئ قبل اسبوع وجات هي وعيالها عندنا وحالتها صعبه وعايشه ف حاله يرثئ لها وكل يوم تطيح عليهم ومايدرون كيف يتعاملون معها وبالاخير يتصلووون فيني علشان اجي اخذها للمشفئ يعطونها مهدئ لتنام وترتاح لأن طول الليل ماتنام وعيالها طول الوقت يبكون صاروا يتاما بدون اب وامهم مريضه وكثر مكالماتي الي تشوفهم انا اكون بالدوام وقلبي معهم وكل الوقت اتصل اتطمن عليهم وع اختي وامي الي حالتها. حاله وهي تشوف اختي بهالمنظر... اظن بعد ماقلتلك السالفه اتضحت لك الصوره وانا الحين ابي استقالتي وشكرا ع استماعك لقصتي يانواااف وعلشان ماتشك م كثر طلعاتي انا بستقيل وبفضئ لمشاكل عايلتي لانها تحتاج لي...

نوااف وعيونه اغرقت بالدموع وحس انه احقر انسان بالعالم لان شك لموظف محترم زي نايف وعمره ماسمع منه الشينه .. وقبل يفهم ظروفه او يسآله

قام نووااف واحتضن نايف لان حس عيونه صارت تفض بالدمووع م الضغوط اللي مرميه ع عاتقه.. واعتذر منه: سامحني يانايف.. اتمنئ انك تتقبل اعتذاري وانا مستحيل افرط فيك واخليك تمشي انا بعطيك اجازه لمده شهر لين ترتب امورك مع وضعك وبيتك ومع اهلك وانت لو جيت وكلمتني واخبرتني بظروفك انا ماراح ارفض مساعدتك 


نايف هز براااسه بخجل: مكنت ابي ازعجك بمشاكلي..

نوااف: لا والله مافيها ازعاج وانا صديقك ومراح ارفض اي مساعده لك... المهم  الحين انت رووح وارتاح وشوف اهلك وش يحتاجون وانا اهتم بباقي شغلك.. نايف بآبتسامه: طيب يانواااف وجزاك الله خير..

مشئ نايف لبيته وراح نووااف يهتم بباقي الشغل..




_________________________* 




اليوم الثاني 


الساعه (10:5)صباحا 

رن جرس المنزل ف بيت ابوليان.. واول مافتح الباب انصدم ابو ليان م الي يشوووفه وع طول تكلم بدوووون شعووور: هذا انت؟؟!!......

وع طول قرررب وحضنه بقوووه والدمعه ف عينه.. يمطول الغيبه علينا يالقاسي 23 سنه ماشفتك ولا سآلت عني غير بالجوال وصارلك سنه منقطع بتواصلك معااااي حتئ خوفتني عليك يالعبدالعزيز ماوقفت مع اخوك ف محنته و ف ظروووفه الله يسامحك ياخوي ماجيت تشوف بنتك ولا سآلت عنها...

عبدالعزيز هو ابو ليان الحقيقي دمعت عينه وهو يسمع سيرة بنته: سامحني ياخوي ظروووف الدنيا اشغلتني بس الحين فكرت كثير وقلت اني لازم ارجع لآهلي ولديرتي واشوف بنتي الي قصرت ف حقها كثير .... وع طول صار يتلفتت ف ارجاء البيت وين ليان بنتي؟؟

ابتسم ابو ليان بحب: ليان تزوجت وهي ببيت زوجها الحين..

عبدالعزيز دمعت عيونه اكثر: والله... ماشاءالله رحت وخليتها باللفه والحين صارت عروس.. الله يوفقها بحياتها.. بس لازم اتعرف عليها وع زوجها ابي اشوفهم.. حدي مشتاق لبنتي

ابوليان يفاجئه: لا والحين راح تجيب لك الحفيد..

عبدالعزيز بفرحه غمرته: ابصير جد ههههه ماشاءالله  وربي مو مصدق الي اسمعه... وكمل وهو مستغرب مشاف عنده حد بالبيت: وين ام عبدالعزيز: ماسمعت حسها بالبيت؟

ابوليان ماقدر يمسك نفسه وع طول نزلت دموعه وصار يمسحها بطرف شاله: عطتك عمرها
.
عبدالعزيز مصدووووم صدمه قويه وماصدق: وووششش ام عبدالعزيز ماتتت...  ماتتتتت

ابو ليان: ايييه الله يرحمها ويغفرلها .. كانت الفرحة تغمر البيت بوجودها والحين مثل مشفت كل شي ماله حس بدونها عايش الوحده بدونها..

جلس ابو ليان يبكي وبكئ معاااه عبدالعزيز الي كان يعتبر ام ليان مثل اخته وهي الي ربت بنته وكبرتها ..  ووقفت معاااه بالايام الصعبه... صار ابوليان يشكو لآخوه كل الآلامه وعن امال الي كانت سبب وفاة امها واسلوبها معاااه وانه مايبيها بينهم  بالبيت وانه مايعرف عنها شي ولا اهتم بغيابها لانه ماصار يطيقها واخبره باليان الي دوم كانت عاقله وهاديه وتبغئ رضاااهم .. فرح عبدالعزيد ببنته افتخر بتربيه اخوه وزوجته لليان لان هو تخلئ عنها وهم الي ربوها وكبروها واهتموا بمسؤوليتها... وهم جالسين جوووا عبدالعزيز وغدير لابوهم وتفاجئوا بوجود عمهم الي مايعرفوونه.. وعرفهم عليه ابوهم وقالهم يسلمون ع عمهم ..سلم عبدالعزيز ع ولد اخوهه عبدالعزيز سمااه ابوليان عليه وكان يضحك. ويقوله: انت سماك ابوك علي بس ياولدي لا تصير مثلي وتمشي وترمي كل شي وراك..

ضحك عبدالعزيز: ههههه اصلا مو مثلك انا احسن منك..

ابوليان يسكته: عيب ياعبدالعزيز..

عبدالعزيز بمرح: خلي الولد يتكلم مقال شي غلط هو مراح يكون مثلي يهرب م مسؤولياته..

ابوليان: خلاص الي راح راح .. بس قولي راح تقعد هنا ولا بترجع لبريطانيا .. ماتعبت م بلاد الشقر ..

عبدالعزيز يبتسم: ايه والله تعبت.. والحين مقرر اقعد هنا ع طول ابغئ افضئ لبنتي واعوضها بكل شي ..

ابوليان يبتسم: مثل ماهي بنتك هي بنتي وانا خلاص مراح اتنازل عنها انت عمها الحين وانا ابوووها هههه انا كبرتها وشفتها بكل مراحلها وانت رحت وتركتها

عبدالعزيز يضحك م كلام اخووه: اي والله ماكذبت انت ابوها وهي انكتبت بآسمك وماقصرت ياخوي وربي ماقدر ارد جميلك

ابو ليان يربت ع كتفه: ماسويت شي وانت اخوي وهي بنتي والي سويته واجبي..

عبدالعزيز رجع وغير صوته للجديه: ترا ليان لها اخوان ببريطانيا وبآذن الله راح يجون خلال الاسبوع الجاي..

ابو ليان مصدووم: ماتتوب انت؟


ابتسم عبدالعزيز: لا ماتبت ههه..  بعد عشر سنواات م موت ام ليان شعرت بالوحده ونصحني صديقي اني اتزوج ع قوله الحرمه ماتنسيك اياها الا حرمه ثانيه ونصحني بالزواج وتزوجت ببريطانيه ثانيه والحين صارلي منها عيال .. ثلاثة اطفال ولدين وبنت وراح اجيبهم هنا واعرفهم ع عمهم وولاد عمهم وراح ادور لنا شقه نقعد فيها..


ابوليان بفرح: زين ماسويت بس مراح تقعدون بشقه تعالوا اقعدوا عندي انا وعيالي البيت فاضي وملل ولا جيت انت واولادك راح ترجع الفرحه والحركه بالبيت ونعيش سوا خلي اولادك يتعرفون ع اولادي ويعلموهم اللغه الانجليزيه شوي منهم هههه 

عبدالعزيز م عيوني م طلبت شي ومنها نستانس انا وانت والعيال واعرفهم ع اختهم ليان...

ابو ليان:  اكيد وترجع اللمه.زي زمان..






_____________________________*





احمد بصراااخ: هييييه قومي والا والله بضغطه م ايدي،ارسل هذا الفيديو.. لكل الناس تشوفه..

امال بخوف لما سمعت الصراخ قااامت بسرررعه ووقفت واااقفه: ااوووووف وشفيك..

احمد مسك معصمها بقوووه وهو ينافخ: اتكلمي كويس والا والله لا ارسل هذا ... وهو يوريها الكاميرا ومشغل الفيديو باللحظه الي كانت فيها ترقص وهي شاربه

امال بققت عيوونها: لا احمد ارجوك لااا 

احمد قرب منها وهو يهمس بأذنها: لييه تنامين وانا لسئ ماجيت م الدوام نسيتي التعليمات الي قلتلك فيها ولا تستعبطين

امال بقهر م اسلوبه سكتت ماردت.. واحمد احترق م داخله م سكوتها...وقرب لها اكثر وهو يدفها.. اقول لما انا اتكلم تردين

امال بتعب صرخت بوجهه وصارت تبكي ودموعها تحس بحرارتها بعيونها: انشر الفيديو وسوي الي تبي مصار يهمني،شي انا تعبت منك وم قسوتك وم كذا انا ماصرت اتحمل الاشغال الي تحطها علي كعقاب يكفي انك حطمتني وكرهتني بعيشتي ولكلامك السم اللي تقوله لي وبعد حتي انك قليت ادبك معاااي واخذتني بالغصب وكل هذا علشان ترجع كرامتك ليت بقيت طيب مثل ماكنت اشوفك قبل ولا اشوفك وانت بهالانحطاط.. انت ماصرت تختلف عني انت صرت مثلي وازود وانا ما اسمح لنفسي اقعد معاك اكثر م كذا وكملت بصرااااخ: والفيديو الي تهددني فيه ارسله لكل الناس تشوفه حتئ لو ارسلت الي صار بينا بذاك اليوم انا ماعد شي يهمني وقامت بسرعه ومشت لغرفتها واخذت شنطه وصارت تاخذ،فيها الملابس الي شراها احمد لها لأنه مامعها غيرها .. ودموعها كانت تنزل بغزاره...


مضت دقايق وهي ترتب الحقيبه وبعد ماخلصت رمت نفسها بالسرير وصارت تفكر شووي وكانت تبكي وعيونها اتورمت م البكاء وبعد لحظات لملمت نفسها وطلعت وهي تسحب شنطتها وراااها واتفاجأت لما شافت احمد قاعد بالصاله ولسئ مصدووم قاعد بالكنبه ومنزل راسه وحاط ايديه فوق راسه وكلام امال يتردد بباله معقوله هو صار بهالانحطاط وهووسه ف الانتقام عمل منه انسان منحط وعديم احساس:

ليت بقيت طيب مثل ماكنت اشوفك قبل ولا اشوفك وانت بهالانحطاط.. انت ماصرت تختلف عني انت صرت مثلي وازود وانا ما اسمح لنفسي اقعد معاك اكثر م كذا

وشوي سمع خطواتها وهي تمشي وتسحب الحقيبته بيدها ع طول التفت لها وعيونه ممتلئه بالدموع: خلاص بتمشين

امال ناظرته بإنكسار واستغربت م منظره الهادئ والحزين حست بآلم بقلبها م زمان ماشافت احمد الطيب والحين بهاللحظه تحس ان احمد انكسر غروره ورجع لطبيعته: اييه بمشي وبترك لك كل شي

احمد قام وهو يسحب رجلينه ويمشي بإتجااهها وعيونه تغرق بالدموع: وتتركيني لحالي

امال استغربت لهجته وهو يقولها هالجمله بشبه ترجي لها: اييه ابترك لك غرورك وبيتك وفلوسك والفيديو الي قاعد طول الوقت تهددني فيهم

احمد وهو يشدها م خصررها بقوه: يابنت افهمي انا احبك لمتئ بتبقين كذا قاسيه معاااي احبك وربي احبك ومراح اقدر اكذب اكثر مراح اقسئ عليك علشان اخفي شعوري واليوم ولأول مررره اتنازل واعترف اني ماقدرت اقاووم حبي لك ياما حاولت اكرهك وانساك بس .... وضرب ع صدره بقوووه: هذا مايبي غيرك يا امال انتي اخذتيه لك م زمان...

امال تبتعد عنه بقووه وعيونها بدت تلمع م الدموع ورمت الشنطه م ايدها م الصدمه ماتوقعت انه يعترف بحبه لها.

احمد يكمل: انتي الي خليتني اسوي فيك كذا انتي لعبتي بحياتي وحياة كل الي يحبونك ودمرتيهم ولا عمرك حسيتي بتأنيب الضمير وانا كثر حبي لك كرهت صفاتك وحبيت بيوم اكسر غرورك واذلك بس ماستفدت شي غير اني كنت اتعذب معاك وانا اشوفك كذا موجوعه وكنت احاول قد ما اقدر ما ابين بس اقنع نفسي اني اقدر استحمل واكمل انتقامي بس اليوم انتي حررة وراح افتح لك الباب وامشي وين ماتبين واعذريني يا امال انا فعلا خجلان م نفسي.. مشئ وفتح لها الباب وهو يقول بغصه وضيق: امشي بسرعه

امال وقفت متحيره متدري وش تسوي تحس انها فرصه لها تمشي بس شي بداخلها يمنعها ماتدري وش هووو تحركت خطوتين وبعدها وقفت مرره ثانيه ...

احمد ودموعه نزلت م عيونه: امشي بسرعه .. قبل لا اغير رآيي

امال بسرررعه ركضت بس بدل لا تركض بآتجاه الباب ركضت بأتجااه احمد وبكل قوتها ارتمت بحضنه لين التصق هو بالحيط بقوه ... احمد انصددم م رده فعلها توقعها تهرب بسرعه بس اتفاجأ منها بلحظه لقاها بحضنه...

امال متمكسه فيه بقوووه ومتعلقه برقبته وكانها خايفه انه يتركها وكانت تبكي وهي تحضنه وتششدد م حضنها له.. احمد بدا يستوعب الي صار وبدون تردد ممدد ايديه وحاوطها بأيدينه ع خصرها الرشيق وصار هو يبكي معها ويشم عبير شعرها وعيونه صارت حمررره ..

امال والدموع تنزل ع خدها: انا احبك احبك ... احبك مليوون مررره احبك .. مابي اتركك مستعدة استحمل عقاباتك وعذابك لي بس مابي ابتعد عنك ما ااخليك برووحك.. انت رووحي واهلي وكل شي احتاجه انت تعوضني فيه..

احمد كان مرره متمسك فيها وماوده هاللحظه تروووح: انا آسف يا امال

امال سكرت ع فمه: لا تتأسف انا استاهل كل الي صار لي

احمد هو بعد سكر ع فمها: حنا بشر مالنا حق نعاقب الناس ع اخطائها رب العباد هو الوحيد الي له الحق بعاقبنا وانا مكان لي الحق اني اسوي فيك كل الي سويته

امال نزلت راسها ودموعها ماوقفت وتكلمت م بين دموعها: راح تبقئ طول عمرك قلبك ابيض..

احمد لصق جبينه ع جبينها وباس جبينها بكل حب: الله لا يحرمنا م بعض..

امال ابتسمت بخجل: آمين.





___________________________*




ف قصر ابو نوااف وتحديدا ف غرفة ليان ونوااف .. كانت ليان قاعده تلعب بشعر نووواف وهو يفكر وصار ينعس.. ليان وهي تلعب بشعره وتسولف: حبيبي باكر هو موعدي عند الطبيب وهالمره ابيك تروح معاااي

نوااف: ان شاء بمشي معاك ابغئ اتطمن ع ولدي

ليان بأبتسامه: تمام تروح معاي وبعدها ترجع للدوام

نوااف بحب: اووك

وهم يسوولفووون رن جواله وقام نوااف بسرعه م حجر ليان وشال لجوال وانشغل باله اكثر وهو يشوف انا المكالمه م الشرطه.. ورد بتسائل: الووو

الشرطي: السلام عليكم.

نواف: وعليك السلام.. وش خبارك يالنقيب محمد

النقيب محمد: الحمدلله نشكرالله وانت وش خبارك..

نوااف: الحمدلله

النقيب محمد: يانوااف انا اتصلت فيك حبيت اقولك عرفنا م الي اشترك بسرقه اموال شركتكم ...

نوااف وقف بسرعه ما اتوقعهم يعرفونه بسرعه: ومين هوو؟

النقيب محمد: هو العامل الي عندكم بالشركه الي قدرنا نفهمه منه ان هو الي راقب كل تحركاتك وعرف رقم الخزنه واخبر النصابين بالرقم السري وبالوقت الي الشركه مايصير فيها حد راح هو ونسخ مفاتيح مكتبك واعطاها لهم .. ونحنا قدرنا نعرف بمراقبة مكالماته مع النصابين الي كان يجادلهم بالمبلغ الي اعطووه اياه وماكان مبلغ كبير وهو مارضئ بالمبلغ وصارت بينهم مشادات بالجوال ... هالحين احنا نبيك تكلمه وتجيبه معك للمخفر ونتفاهم عالقضيه...

نواااف انصدم: اي عامل فيهم..

النقيب: اسمه صلاح

نوااف انصدم اكثر: العم صلاااااح... معقوله!!!

النقيب بسرعه: اتصل فيه الحين وجيبه او نحنا نجي نمسككه وناخذه معنا للمخفر

نوااف بحزن:لا انا الي بمره واجيكم


قام نوااف والصدمه لسئ ماراحت منه ع طول قام ولبس ثووبه ومشئ بس وقفه صوت ليان الي وااضح انها مستغربه: وين رايح... وشفيك كذا متضايق!!

نوااف: م ارجع اقولك.

ليان بتفهم: طيب.. بحفظ الرحمن.

مشئ نووااف وكان يسرررع وهو ماشي بالسياره وماهي اللا لحظات ولقئ نفسه قدام بيت العم صلاح.. نزل بسرعه ودق جرس المنزل وبعد شوياات طلع العم صلاااح وهو يستغفر وشكله متغيير ولما شاف نواااف انصدم وحس بالخووف..

نواااف ولسئ مقهور ومو مصدق وم كثر حبه للعم صلاح ماصررخ عليه وكلمه بأسلوب لان مهما كان هو رجال كبير وبمقام ابووه: السلام عليكم

العم صلاح: وعليك السلام..

نوواااف بكتمه بقلبه: لييه ياعم صلاااح لييه سويت فيني كذا

العم صلاااح حس بتوتر وعرف ان نواااف عرف انه له يد بسالفة السرقه وقرب م نواااف وهو يترجاااه: سامحني يانوااااف وربي مكنت ابغئ اخون الثقه بس هما اغروني بالفلوس وانا كنت محتاجهم مررره انا ندمان وكنت راح اعترفلك باللي صارر بس خفت م ردة فعلك وربي انا ندمااان.. ودمعت عيونه بدون شعور...

نواف تصنم مكانه كان متوقعه يبرر يقوله كلام غير كذا بس انصدم م اعترافه ووعرف انه هو السبب: ماهجيتها منك يالعم صلاح ماهجيت انك تغشني وتغدر فيني وتشمت فيني العذال.. ابوي ماصار يثق ف شغلي وكل هذا بسببك ليتك تجيني وتطلب مني المبلغ الي كنت تريده مني وانت تدري اني مراح ارفض لك طلب بس مو تسرقني وتتفق مع نصابين عليييي وانا الي رزيتك وعمري ماقصرت فيك...

العم صلااح: خجلت لا اطلب منك انا كنت محتاج للفلوس ومهموم قد شعر راسي.. زوجتي سوت عمليه وتكاليف العمليه كبيره واضطريت اساعدهم بس اضحكوا علي خذوا الفلوس وعطوني القليل حتئ ماكفئ فلوس العمليه

نوااف: يالعم صلاح الشي الي يبدأ بغلط ينتهي بغلط وانت مافكرت كويس ولو انك طلبت مني كان عطيتك الي تبيه وازود وسامحني بس انا ماراح اقدر اخليك تشتغل عندي اصلا ثقتي بك فيك انعدمت وتعال بكرا الشركه اخذ راتبك وبعطيك تكاليف عملية زوجتك ووقع ع استقالتك انا مابي ادخلك سجون وانت معك عيال ومحد بيصرف عليهم غيرك وكونك رجال كبير بمقام ابوي ماراح اغربلك بذي السالفه وراح اقفل القضيه ..

العم صلاااح صار يبيكي : سامحني يانواااف وجزاك الله خير انك مارفعت علي القضيه.. بس ارجوك لا تطلعني م الشغل انا مالي غيرك ..

نواااف وهو ينزل راااسه بحزن: للأسف مراح اقدر ارجعك للشركه .. بس راح امشي لك راتب شهري تمشي ف امورك انت وعيالك مابي اقطع رزقك...

مشئ نوااف عنه والعم صلاااح يتشكررره وشعوره بالذنب والخجل اتجاااه نواااف الي عامله بمعامله طيبه وعفئ عنه..


نواااف وهو ماشي اتصل بالشرطي وقاله يقفل القضيه...


وبعد دقايق وصل للبيت واخبر ابوووه بكل السالفه وابوووه اتصدم م الي سمعه ماتوقع م صلاح هذا التصرف بس اعجبه اسلوب نواااف وحله للموضوع بذي الطريقه وعرف ان وراه رجال ينشد فيه الظهر لانه مهمارزلاتاتج كان صلاح رجال كبير وانسان ظرووفه صعبه ومعاااه عيال ومسكين وهو الوحيد الي يصرف عليهم واكيد مو م الصح انهم يسجنووووه ويتركون عياله متشردين بالشوارع..

وبعدها طلع نواااف لغرفته وع طول طلع ثووبه وحطه بالعلاق وعلطول انسدح ع سريره يحس انه تعبان... ليان كانت تعطر المكان بمعطر الغرف وكان ريحته مررره نايس ومنعش للنفس..
نواااف اخذ استنشااااق سريع: هالعطر فعلا منعش للنفس

ليان تقرب وتقعد جميه: لازم احط شي مريح مو شرط بخور ودخان هالعطر خفيف وريحته واااو تحس ان شعورك يتجدد ويتبدل وتحس انك مرتاح...

نوااف: اي واللله فيني احساس الراحه بعد الضيق الي كان مصاحبني قبل شوي..

تذكرت ليان صح: وشفيك كنت ضايق وانت طالع م هنا

تنهد نواااف وبدا يحكي لها السالفه.. ليان انكسر خاطرها وصارت تبكي: م جد العم صلاح كسر خاطري وربي مايستاهل اصلا كان مضطر يسوي كذا.. وليش تطرده حرام نواف لا تقطع رزقه..

نواااف تنهد بضيق: ياليان ماقدر اتركه بالشركه وخلاص ماعدت اثق فيه دامه علشان فلوس غدر فينا .. بأمكانه المرره الثانيه.لحد اغرااه بعد بالفلوس يمكن يغدر فينا مررره ثانيه... بس انا مانسيته وراح ارسله معاش شهري ...

ليان بضيق: انا عندي فكره وش رايك تسوي له مشروووع يستفيد منه دااامك فنشته م شغله

نوااف: وش هي فكرتك.

ليان: وش رايك تفتح له دكان بحارتهم يستفيد منه ويشتغل فيه وانت توفر له كل شي..

نوااف عجبته الفكره: اييه ولييه لا

ليان اتحمست وقامت وباسته ع خده: فديت حبيبي الطيوب... الله بيرزقك ع قد نيتك كلما قدمت مساعده لفقير او محتاج.

نواااف بحب: طيب العصر نروح ندور ف حارتهم اذا ف ممكان مرتب يقدر يفتح فيه دكان ونشتريه ونرتبه براحتنا..

ليان متحمسه: وانا اروووح معااك

نوااف: طيب.. بالعصريه اتجهزي علشان نرووح..

ليان بحماس: اوووك





____________________________*




عند عبدالرحمن وعبدالعزيز ابووين ليان｡^‿^｡ كانوا بالمطبخ يرجعون ايام زمان ويطبخون ..

عبدالرحمن: يوووه عاللله ذيك الايام ..عبدالعزيز وربي اشتقت للكبسه الي كنت تسويها..

عبدالعزيز: الحين ماشتقت غير لكبستي

عبدالرحمن يضحك: اجل بشتاق لأيش دامني شفتك وتطمنت عليك الحين عاد ابغئ اكل ودامك جيت انت اطبخ..

عبدالعزيز مقهور: والله وطلعت عيار الحين انت تبيني خدامه عندك..

عبدالرحمن: اذا عجبني طباخك يمكن افكر فالسالفه.. وبعدين اقول بعدك تعرف تطبخ ولا نسوووك الاجانب طباخنا..

عبدالعزيز: لا مانسوني .. مازلت اطبخ واطبخ احسن م الاول .. اعجبك..

عبدالرحمن: زين ماسويت عالاقل تنقذ اخوك الفاشل م ماتت المرحومه وحنا كل اكلنا م المطاعم

عبدالعزيز: الله يرحمها ويغمد روحها الجنه... يعني انت بعدك مثل ما انت ماتغيررت ..اتذكر زمان كل ما جعت سويت لنفسك بيض وطماط الشغله الوحيده الي تعرف فيها..

عبدالرحمن ومازال يضحك: اييه ماتغيرت الشغله الوحيده الي اعرف فيها هي البيض والطماط..

عبدالعزيز بهدوء: اتصل بليان تجي تتعشئ معانا وانا الي بسوي العشاء لأجلها.

عبدالرحمن: مايصير خاطرك الا طيب.. واخذ جواله واتصل بليان ...وبعد رنتين ردت ليان بحب: شخبارك يبه.. عبدالرحمن حط سبيكر علشان عبدالعزيز يسمع: اهلين حبيبتي شخبارك ..

ليان: الحمدلله انت بخير

عبدالعزيز اغرقت عيونه بالدموع وهو يسمع صوت بنته الي ماشافها م كان عمرررها ايام حتئ ماكملت شهر وكيف راح يكون شكلها وهل راح تتقبله او لا

عبدالرحمن ناظر لأخوه وفهم شعوره واكيد مشتاق لبنته: يابنتي نبيك تجي اليوم تتعشين معنا.

ليان ببراءه: بااباااا السموحه مراح اقدر اجي اليوم عندي اشغال كثيره

عبدالعزيز وحس بوخز بقلبه: انحرم م هالكلمه م بنته ودده يسمع كلمة يبه منها بس اكيد مايستاهلها لانه مشئ وتركها وراح سنين ومافكر يجي ويحمي بنته ويهتم فيها ولكن اخوووه عبدالرحمن كان هو الي احسن منه وهو الي رباها وحماااها وكان لها الاب بالكلمه والمعنئ وهو الي يستاهلها اكثر منه هالكلمه ...

عبدالرحمن: اي اشغال ترا انا ماشتاقلك حييل والا حب نوااف نساك ابوك ههه.

ليان ابتسمت: حرام عليك يبه مافي مخلوق ينسيني ابوي بس بجد اليوم معاااي مشواار مهم .. بس باكر انا لازم ازورك لاني م الصباح بروح للطبيب اتطمن ع البيبي وبعدها بسرررعه ابجي لك م عيوني

عبدالرحمن: طيب .. دام عندك شي ضروري عذرتك وبكرا الا تتغدين عندنا مايفوتك انا جايب طباخ هنا واكله ماينشبع منه.. وغمز لأخوه يقهره

عبدالعزيز ركل عبدالرحمن بساقه وهو يقص الخضار وبقهر: الحين انا صرت طباخ.

عبدالرحمن يبتسم يتكلم بشويش لاجل بنتك تصير طباخ مو لي ... هذا اقل شي تسويه لها بعد طول هالغياب

عبدالعزيز اعطاه نظره معناها: اسكت..

ليان: يبه انت م تكلم

عبدالرحمن: اكلم اخوك عبدالعزيز تراااه جنني يبي دراجه وانا اقوله بعدين اشتريها له

ليان: اهاااا فديته انا.... يلا يبه انا بسكر الحين ..مع السلامه

عبدالرحمن: يالله بخفظ الرحمن يبنتي.

واول ماسكر.. عبدالعزيز بحررره دعس ع اصابيع اخوه: اجل انا طباخ هااا

عبدالرحمن بصرراااخ: اوووف يامجنون انت معقوله كل هالسنين الي مرررت وعقلك بعده صغير

عبد العزيز يضحك: هههههه اطلع برا تراك ماخليتني اركز بطباخي حشئ ببغاء ماتشبع م الثرثره.

عبدالرحمن وهو يقوم: خف علينا يا اسامه السيد... وكمل يقلده: اطلع برا تراك ماخليتني اركز بطباخي

ابتسم عبدالعزيز وهوو يحس بالراحه ف ديرته ومابين اهله وبداخله كان يقول ياليته رجع م زمان وماحرم نفسه م ذي اللمه....




___________________________*





اليوم الثاني صباحا.



ف شقة احمد كانت امال نايمه نوووم عميق صار لها فترررره ماحست بذي الراحه وتنام هالكثرررر .. وبعد لحظاااات قامت وهي مصدوووومه وهي تشوووف احمد داخل لغرفتها وفأيده صينيه الفطور ودخل فيها لغرفتها ولحد فراشها وهو يقولها بكل ادب وحب: تسمحين لي ادلعك اليوم

امال ولسئ بصدمتها وفاهت بفمها وماقدرت تتكلم وهي مستغربه م تغيير احمد♡




(إنتهئ البارت)


*تابعوني بالبارت الاخير .. لكم تحياتي حب وورد ... وابي توقعاتكم للبارت الاخير*



Sent from my SM-N9005 using 3bir mobile app

رد: (روايــة مشــيت وررا احـلامـي وفجـاءه لقيـت نفسـي اطيـح)

يااهه أتعب و أنا أقول مبببدععة ..!❤️
ههههه و الله البارت مشووق و الروايهه تجننننن
كملييييي رووونقق ،


Sent from my iPad using منتدى عبير

رد: (روايــة مشــيت وررا احـلامـي وفجـاءه لقيـت نفسـي اطيـح)

تسلمين حبيبتي ع كلامك الطيب

رد: (روايــة مشــيت وررا احـلامـي وفجـاءه لقيـت نفسـي اطيـح)

يسلمك ربي من كل شر
روور متى ينزل البارت !


Sent from my iPad using منتدى عبير