رد: دانه أنت حبيبة قلبي

ياعمري أنا... من عيوني يا قلبي والله يعطيك العافية

رد: دانه أنت حبيبة قلبي

عندك روايات. قصيرة..... قبل النوم

Sent from my T1-701u using 3bir mobile app

رد: دانه أنت حبيبة قلبي

أن شاء الله راح أكتب واحده خاص لك يا zoooooz

رد: دانه أنت حبيبة قلبي

الفصل الثالث والثلاثون....



نرجع لعريسنا الجديد
بعد ما انتهت الحفلة سعد أخذ ميسم وراحوا على الفندق
سعد: مبروك يا حياتي علينا الزواج بس ممكن أعرف يا ميسم ليش كسرتي كلامتي
ميسم بارتباك: أنا متى كسرت كلمتك
سعد: اليوم الي قلت لا تروحين عزيمة الزفت دانه ورحتي
ميسم وبشوية شجاعة: لو سمحت لا تتكلم عن أختي بكلام وسخ وأحترم نفسك
سعد وبحدة: وليش يعني أنا مو محترم في نظرك
ميسم بكل صدق: لو كنت محترم ما تتكلم في دانه وهي في بيتها.. وعلى فكرة دانه مو حقوده مثلك
سعد: هههههه لا والله ... وأعطاها كف خلاها تطيح على الأرض
ميسم ببكاء: يا سارق الزيت (صرصور) يا كلب يا حيوان
سعد بشراسة: أنا الحيوان والكلب يا قليلة الأدب، طيب الحين راح تشوفين أيش راح يسوي فيك الكلب والحيون يا بنت أبوك.. ومسك يدها علشان يسحبها معه.. بس هي حاولت تسحب يدها منه فشالها بخفه ودخلها على غرفتهم ورماها على السرير
ميسم وبخوف وبكاء وهي تشوف سعد يفسخ ملابسه: أنت أيش تريد مني خليني أروح لماما... سعد طنشها وقرب منها وبدأ يجردها من ملابسها بعنف وهي تحاول انها تقاومه وتبعد عنه ولكن هو كان أقوى منها... لا لالا بعد عني لا لا لا حرام عليك و........... ميسم أغمى عليها، وسعد خاف ووخر عنها بعد ما شافها تنزف بشده فحاول يفوقها بس ما صحيت وكانت تنتفض وتتمتم باسم ماما... سعد ترك السرير ولبس ملابسه وطلع من الغرفة وخلاها، وهو يفكر كيف راح يتصرف، وفي النهاية أتصل على أمه
أم سلطان: هلا حبيبي بغيت شيء
سعد وبخوف: يمه أنتي فينك
أم سلطان: أنا في السيارة مع أخوك محمد علشان نرجع على البيت
سعد بارتباك: لا يمه تعالي عندي على الفندق ضروري
أم سلطان وبخوف: ليش فيكم شيء يا سعد
سعد بنفس بارتباك: ها لا بس أنتي تعالي بسرعة يمه
أم سلطان بقلق وخوف: طيب الحين أجيكم
سعد: طيب يمه بسرعة الله يخليك... وقفل الخط وجلس ينتظر أمه وأول ما وصلت
أم سلطان بقلق: أيش فيكم عسى ماشر يا سعد وفين ميسم
سعد بخجل وحياء من أمه: ميسم فاقدة وعيها... أم سعد طالعت في سعد باستغراب وتركته ودخلت على الغرفة وأول ما شافت ميسم والي كانت مجردة من جميع ملابسها ومكشوفه غطتها بلحاف وجلست جنبها بصدمة وهي تتحسس حرارتها والي كانت مرتفعة مره وبعد كذا خرجت لسعد
أم سلطان: سعد أنت أيش سويت فيها، أنا مو قلت لك لا تقرب من البنت اليوم.. حسبي الله على ابليسك ليش قربت منها
سعد بخجل من تصرفه: يمه والله ما كنت بقرب منها بس هي استفزتني وصار الي صار
أم سلطان: حسبي الله عليك من ولد بس هي ساعتين وأنت ما رحمت البنت كذا
سعد: يمه أيش فيك تتحسبين علي تراها زوجتي، والله قلت لك ما كان قصدي... تهاني تركته وهي معصبة ودخلت ولبست ميسم ملابسها وعبايتها ونادت سعد علشان يشيلها ويخرجون... وبعد ما خرجوا راحوا على المستشفى، وأول ما وصلوا دخلوها على الطوارئ أما تهاني فجلست وهي مقهورة من تصرف ولدها.. الين خرجت الدكتورة في حالة ذهول
الدكتورة وبارتباك: هل أنتي أمها
تهاني بخوف: نعم أنا أمها هل هي بخير
الدكتورة وبنظرة حقد لسعد: هل تعلمين بأن أبنتك تعرضت لاعتداء جنسي ويجب علي تبليغ الشرطة
سعد وبعصبية: هي لم تتعرض لأي اعتداء فهي تزوجت اليوم
الدكتورة بتعجب: ماذا هل تقصدون بأنكم زوجتم هذه الفتاة الصغيرة
تهاني: نعم فهي تزوجت اليوم وهذا شيء طبيعي يحدث مع كل فتاة
الدكتورة وبقليل من العصبية: وأين هو زوجها الهمجي وكيف يفعل بفتاة صغيرة ما فعل
سعد بعصبية وهو يرص على أسنانه: يمه والي يرحم والدينك سكتيها لا أرتكب فيها جريمة
الدكتورة بشك: ماذا هناك ولماذا هو غاضب هكذا
تهاني: كلا لا شيء ولكن هل يمكن أن نأخذ أبنتي
الدكتورة وبحدة: لا فهي ستمكث هنا ليومين ويجب عليكم احضار وثيقة الزواج لكي أتأكد بأن ما حصل لها من زوجها وليس اعتداء جنسي
سعد طلع عقد الزواج وأعطاه للدكتورة: تفضلي هذا هو والان أنا سأخذ زوجتي
الدكتورة وبعد أن رأت العقد: ولكن أنت لا يمكنك أن تأخذها فهي مصابة بنزيف حاد فأنت لم ترحم ضعفها...وبحدة/ وأنتي أي أم مجنونه لكي تزوجين أبنتك وهي في هذا السن المفروض أن آخذكي إلى السجن لأنك زوجتي أبنتك وهي قاصر
تهاني بقهر طلعت جوالها واتصلت على اخوها... وطلبت منه الحضور وبعد عدة دقايق كان عندهم... وهي بدورها قالت له كل الي صار معهم ومع الدكتورة... أخو تهاني أتكلم مع الدكتورة واللي تركتهم وهي معصبة
*************************************
اهم الاحداث...
ميسم// خرجت من المستشفى ثاني يوم على بيت زوجها واللي هو بيت فهد ومحد عرف بموضوعها غير سعد وتهاني ومحمد
سعود// فرح لرجوع فرح له، وهم الحين يعيشون في بيت أبوها
سمير// ولدت زوجته مرام وجابت له بنت وسموها منيرة
رهام// حامل في الطفل الثاني وزياد طاير من الفرح
نجود وزيد// سافروا على المانيا علشان دراستهم
جوهر ودانه// سافروا على أمريكا وهي قلقانة وخايفة على أختها ميسم
فيصل// سافر بعد سفر جوهر ودانه بيومين، وهو يفكر في دانه اللي أتعلق فيها هو ولده طلال
جوري// بدات دراستها في كلية التقنية وهي مبسوطة بدراستها
العنود وطلال// حاسين بفراغ في البيت من بعد ما سافر جوهر ودانه، وفيصل مع ولده طلال
ميساء// التحقت بمدرسة في الرياض هي وأخوها علي بعد ما خلص سعود أوراقهم
ندى// بدات دراستها وهي فرحانة لوجود فرح وعيالها في حياتها
****************************
نرجع لروايتنا وأبطالنا في أمريكا... وفي بيت جوهر ودانه
جوهر وبعصبية: دانه يله بسرعة والي يرحم والدينك تراك والله أخرتيني عن المحاضرة
دانه وهي نازله من الدرج: كأني جيت يا حبيبي... روزه أرجوك تعالي وأقفلي باب المنزل
جوهر سحبها من يدها وخرجوا وأول ما طلعوا على السيارة: والله يا دانه يويلك لو ما خلاني الدكتور أدخل الحاضرة
دانه بابتسامة: لا ان شاء الله راح تدخل يا قلبي
جوهر: ايوه طبعا حاطه في بطنك بطيخ صيفي لأن محاضرتك بعد ساعة لكن الشرهة مو عليك على الي جلس ينتظرك ... دانه ضحكت بينها وبين نفسها وخافت تقول شيء ويلطشها مثل ما سوى قبل يومين معها وأول ما وصلوا نزلوا وقبل ما يدخل على محاضرته.. قال/ أول ما تخلصين تنتظرني، وياويلك لو شفتك مع الأشخاص إلى كنتي معهم أمس
دانه بخوف: ان شاء الله يا حبيبي وراح وخلها... دانه راحت وجلست في البوفيه وفتحت دفتر محاضرتها وفي هل اللحظة جاءت خلود وتومها خالد
خلود وخالد: السلام عليكم
دانه: هلا وعليكم السلام
خلود وهي تجلس جنب أخوها: ايش لونش دانه
دانه بابتسامة: الحمد لله بخير كيفك أنت يا قلبي
خلود: زينه والله بس فين باقي الشلة
دانه: ماحد وصل باقي
خلود: أوكي أنتي فطرتي
دانه طلعت في خالد ولي كان يطالع فيها من وقت جلوسه: أي الحمد لله فطرت في البيت
خلود: أوكي قوم يا خالد وجيب لنا شيء نأكل
خالد: لا والله أقول قومي أنتي
خلود: أف أنت كل شيء تخلي علي أنا
خالد: أقول قومي بس بسرعة قبل ما تبدأ المحاضرة
خلود: ان شاء الله بس لا تدف أف
دانه وبقلق علشان لا تجلس مع خالد لوحدها: خلود خلاص أنا راح أجيب لكم الفطور وراحت وخلتهم
خالد وبشوية عصبية: أنتي ليش ما رحتي لأني كنت أبي أتكلم مع دانه على أنفراد
خلود: لا والله وأنت أيش تبي في البنت خليها في حالها ولا ما تحس أنت أنها خجول على طول
خالد: يا أختي البنت عجبتني وأمكن أتقدم لها وأتزوجها
خلود: طيب أمكن تكون مخطوبة أو مرتبطة
خالد بإنفعال: أقول فال الله ولا فالك.. ان شاء الله تكون من نصيبي، مممم على فكره أنت قلتي لي أنها سعودية صح
خلود: أي هي سعودية ومن عائلة معروفة في السعودية
خالد: الحمد لله يعني أكيد هم من نفس مستوانا صح
خلود: والله ما أعرف لأني ما سألتها... وفي هل اللحظة جات دانه وأعطتهم الفطور
مارية وبابتسامة: هاي يا أصدقاء
الكل: مرحبا... وجلست جنب دانه وقدام خالد، وبدات تتغزل في خالد
دانه وقفت: عن إذنكم أنا بروح القاعة لأن ما بقى شيء على المحاضرة... الكل وقف وأتوجه على المحاضرة
*****************************
نرجع لي السعودية وفي بيت فهد
كانت راجعة من المدرسة وتمشي في الممرات متوجهة على غرفة نجود وكانت خايفة من ذلك الشخص الشرس الي قضى على كل أحلامها في ليلة وحده ووقت واحد.. وأول ما دخلت غرفة جوري قفلت على نفسها بالمفتاح وهي ترتجف غمضت عينها وحمدت ربي أنها ما شافته
سعد: كل هذا خوف مني يا ميسم، ميسم شهقت من الخوف وبغت تفتح الباب وتشرد بس هو كان أسرع منها.. على وين يا قلبي
ميسم وببكاء: أيش تبي فيني خليني أخرج
سعد وبخبث: ما بتخرجين لأني أبي حقوقي ويكفيك أسبوعين هجرانك لي... وإذا أنتي ما تقدرين تجيني أنا أجيك لحدك
ميسم بلعت ريقها وبخوف: بس أنا ما أريدك أتركني في حالي
سعد وهو يمسكها من يدها: عادي مو لازم تبيني... أنا أبيك يا قلبي ويا روحي أنت والحين يله على السرير
ميسم هزت رأسها بنفي: لا لا اتركني ترى والله أصرخ وأجمع كل البيت عليك
سعد وبنفس الخبث: عادي لأنك راح تفضحين نفسك يا البزر والحين أمشي قدامي أشوف... وشدها من يدها ميسم حاولت تقاومه وتخرج من الغرفة بس هو كان أقوى منها وفعلا أخذ الي يبيه وخرج وخلاها وهي تبكي وتحس أنها وحيدة وقرفانة من نفسها ومن سعد... المهم في وقت العشاء وهي جالسة جنب تهاني
ميسم بارتباك وخوف من سعد الي كان مركز معها من أول ما جلست: خالتي أن أريد أروح عند ماما
سعد قبل ما تتكلم أمها: مافي روحة لعند أمك الين تتعدلين وتصيرين مثل الحريم العاقلة واليوم الي تقررين تجين لغرفتنا أنا وأنتي أنا راح أوديك لي المكان الي تبينه
أم سلطان وبحدة: سعد أنت من جدك... بكره تأخذ البنت لعند أمها علشان تتطمن على أمها وأخواتها
سعد: والله يمه أنها ما راح تروح الين تنفذ الي قلت لها ويا أنا أو هي ونشوف كلام مين الي راح يمشي وقام وترك المكان
أم سلطان: حسبي الله على أبليسك يا سعد ولا تهتمين يا بنتي أنا راح أكلم فهد وهو راح يخليه ياخذك عند أمك
ميسم وبغصة: لا خلاص أنا ما بريد أروح والحين بروح وأنام مشان بكره عندي مدرسة
أم سلطان: كملي أكلك وبعدين روحي يا حبيبتي
ميسم بقلة حيلة: ما بشتهي يا خالتي... ميسم رجعت على غرفة نجود وهي تفكر هل توافق على طلب سعد وتروح غرفته علشان تروح وتشوف أمها وسعد يرجع لها جوالها ولا تتركه.. وبينها نفسه (بس المشكلة أنا لو مارحت هو يجي عندي ويسحبني لي غرفتنا غصب عني) حطت راسها على المخدة وهي تفكر إلين وصلت لي قرار واستسلمت لي النوم وفي اليوم الثاني وبعد أتجهزت نزلت علشان تفطر وتروح المدرسة
ميسم بابتسامة: صباح الخير
سعد وتهاني: صباح الخير
تهاني: ميسم حبيبتي خلصي فطورك علشان السواق والشغالة ينتظرونك
سعد: وليش ينتظرونها
تهاني: علشان يوصلوها على المدرسة طبعا
سعد: لا ماله داعي أنا راح أوصلها ثاني مره على طريقي
تهاني: طيب على راحتك المهم أنتبه عليها
سعد وهو يطالع ميسم: لا توصين حريص يا يمه تراها زوجتي
ميسم نزلت راسها ووقفت: أنا خلصت ورح أنتظرك في الصالة ورحت وخلتهم
تهاني وبحدة: على أيش ناوي يا سعد ومن متى أنت فكرت توصل هذي المسكينة
سعد وهو يوقف: عن إذنك يمه علشان لا أتأخر على دوامي
تهاني بتعجب: روح الله يستر عليكم وعلى المسكينة الي ما خذها... سعد أبتسم وراح وخل أمه
سعد: يله يا ست الحسن شرفي علشان أوصلك على مدرستك... ميسم وقفت وجات تخرج بس سعد مسك يدها بكل قوته وبحدة/ أنت لا يكون تخرجين كل يوم وأنتي كاشفه وجهك يا مدام
ميسم وبخوف: لا الحين أغطى... وغطت وجهها وهي ترتجف وخرجت وراه وأول ما وصلها على المدرسة
سعد: متى بتخرجين
ميسم: ان شاء الله واحدة ونصف
سعد: طيب أنا راح أكون هنا على واحد ونصف، وأتمنى أنك ما تتأخري فهمتي
ميسم بصوت كله خوف: ان شاء الله والحين مع السلام
سعد: مع السلام... نزلت ميسم من سيارة سعد ودخلت على مدرستها وسعد راح على شغاله

رد: دانه أنت حبيبة قلبي

قراءة ممتعة يا حبايبي وأعتذر عن التأخير

رد: دانه أنت حبيبة قلبي

الفصل الرابع.... إهداء خاص لمتابعيني الاعزاء....




وفي بيت أبو تركي.....
فرح وهي تفرك يدينها: سعود
سعود وهو يشتغل في بعض الاوراق: هلا
فرح بارتباك: أنا أريد أشوف بنتي
سعود ترك كل شيء والتفت لها: مين بنتك بالضبط يا حبيبتي
فرح: ميسم طبعا ترى ما أعرف عنها أي شيء من يوم ما راحت مع زوجها وأتصل على جوالها بس كل يوم القاه مقفول فالله يسعدك شوف لي حل
سعود بإبتسامة: خلاص أن شاء الله أخذك بعد العصر لبيت فهد علشان تتطمني عليها
فرح بابتسامة: شكرا الله يعطيك العافية
سعود وهو يتذكر بنته: فرح دانه كلمتك
فرح: أي كلمتها أمس وكانت تعبانه شويه
سعود وبخوف: أيش فيها وأيش يوجعها بالضبط
فرح: تقول إنها مسخنه وجوهر حاول معها أنه يأخذها على الدكتور بس أكيد تعرف بنتك عنيدة ورفضت تروح
سعود وبشوية عصبية: أشلون ترفض، وجوهر ليش يطاوعها كان أخذها ووداها غصب عنها لكن الغلط مو منها، وكل الغلط من جوهر وأنا راح أتصل وأتفاهم معه
فرح برجاء: سعود أنت لا تكلم جوهر وكلم دانه لأني أخاف أنك تروح وتعصب على الولد ويزعل عليها
سعود وهو يتصل على دانه: يصير خير أن شاء الله
*********************************
وفي أمريكا
دانه كانت مستلقية على الكنب اللي في الصالة وكارهة نفسها من حالة الغثيان اللي تمر فيها وأول مارن جوالها اعتدلت وطالعت في الرقم وردت
دانه وبتعب: هلا يبه
سعود أول ما سمع صوت دانه حن قلبه ونسى عصبيته: أهلا يا دانه كيفك يا بنتي
دانه بتعب: والله تعبانه يا بابا أنا ما أعرف أيش جالس يصير لي
سعود بحنان: طيب ما رحتي لعند الدكتورة
دانه بنفس الحالة: لا أمس جوهر جاب لي دكتورة لحدي وكشفت علي تقول يمكن شوية أرهاق وأعطتني ابرة مهدية بس اليوم أحس حالي أخس من أمس
سعود: طيب وفين جوهر عنك
دانه: جوهر راح شركة أبوه الي هنا لأن عمي وظفه فيها واليوم أول يوم له في الوظيفة
سعود برجاء: طيب لو رجع خليه ياخذك لأقرب مستشفى
دانه: أن شاء الله يا بابا
سعود: وانتبهي على نفسك يا بنتي
دانه بابتسامة: أن شاء الله يبه... بس يا بابا قلي كيف حال أختي ميسم لأني أتصل عليها وجوالها مقفول والله أنا قلقت عليها
سعود وهو يبي يطمن دانه: لا ميسم مبسوطة مع زوجها ويمكن هي ما ردت عليك لأنها مشغولة في دراستها
دانه بفرح: طيب أهم شيء أنها بخير وكيف ماما وندى وعلي وميساء وجدي وجدتي والله اشتقت لكم أحس نفسي أني ما شفتك من سنه ومو شهر
سعود باشتياق لبنته: ههههه بدري عليكم يا بنتي ولكن أن شاء الله راح نجي ونزورك في الاجازة أنا وأمك وأخوانك
دانه بفرح: والله يا بابا
سعود: ما أظن أني بكذب عليك يا دانه
دانه بارتباك: لا يا بابا والله مو قصدي كذا وكل هذا من فرحتي يا حبيبي
سعود: طيب أنا راح أخليك ترتاحين الحين وانتبهي على نفسك وعلى زوجك أوكي
دانه بابتسامة: أن شاء الله وبعد ما قفلت من أبوها طلبت من روز تجبلها عصير برتقال وهي مستغربة من نفسها لأنها ما تحب عصير البرتقال أبدا بس فجأة حست نفسها تتلذذ فيه وشربته بدون أي تذمر مثل ما كانت تسوي قبل... وبعد كذا وقفت بصعوبة ودخلت على دورة المياه (أكرمكم الله) وأخذت دش دافي وبعد ما خرجت لبست فستان أسود قصير لحد الركبة ومشطت شعرها وخلته مفرود وحطت روج أحمر وتعطرت من عطرها وبعد كذا نزلت وجلست في الصالة تنتظر رجوع جوهر وعلى الساعة عشره ونصف رجع جوهر
جوهر: السلام عليكم
دانه بابتسامة: وعليكم السلام هلا حبيبي وقفت وأخذت بعض الاورق اللي كان شايلها
جوهر قبل لا تتركه دانه أحتضنها وهمس في إذنها: كيف صحتك الحين يا روح جوهر
دانه بخجل وابتسامة تذوب الصخر: طالما أنت معي أنا بخير يا قلبي
جوهر بابتسامه وهمس في أذنها: لا لا ترى أنا كذا أتهور مع أني تعبان
دانه بأرتباك وخجل: لا بلاش تتهور الحين لأني أمكن أطلع في أي وقت (وأنت بكرامة)
جوهر وبتعجب: على كذا الين الحين أنتي مريضه والله شكلك ماخذة لهفة برد شديده يا روحي
دانه: لا أنا الحين أفضل من أول... والحين يلا روح وغير ملابسك علشان نتعشى
جوهر وبخبث وغمز لها: أي نوع من العشاء بالضبط يا حبيبتي
دانه وبدلع ممزوج بخجل: جوهر وبعدين معك يلا روح وغير ملابسك علشان نتعشى أوكي
جوهر وهو يعض على شفايفه: أوكي يا روحي الحين بروح بس خليني شوي في حضنك
دانه وهي تدفه: جوهر حبيبي بعد لا تجي روزه وتشوفنا... والحين يلا روح تراني ميتة من الجوع
جوهر وبابتسامة: أخس على الجوع الي يعذب حبيبتي وطلع وخلاها وفجأة حست بدوار فجلست بسرعة وحطت يدها على فمها
روز: سيدتي هل أنتي بخير
دانه: نعم أنا بخير هل العشاء جاهز
روز: نعم يا عزيزتي ولكن ما رأيك بأن أجلب لك عصير ليمون فأنا أرى بأنك لست على ما يرام
دانه بابتسامة: حسنا وأنا سأكون شاكرة لك ولكن أرجوك أضيفي اليه القليل من السكر
روز: حسنا يا سيدتي... المهم بعد ما أتعشوا أبطالنا ناموا
*********************************
وفي المانيا
زيد بخوف على نجود: نجود حبيبتي قومي أوديك عند الدكتورة ولا عاجبك حالك وأنتي كذا
نجود بدلع: لا يا قلبي أنا طيبه وهذا كله من البرد بس أنا أخذت حليب وزنجبيل أن شاء الله راح أكون أفضل
زيد وهو يتحسس جبهتها: بس الين الحين حرارتك مرتفعة يا حبيبتي وأخاف يصير لك شيء يا قلبي بعدين أنا من فين أروح وأجيب نجود ثانية
نجود بشوية عصبية: لا والله يعني أنت تفكر تجيب نجود ثانيه
زيد بابتسامة: أي أنا بسمي بنتي على أسمك علشان تكون مثلك في كل شيء
نجود بزعل: أي وأكيد راح تحبها أكثر مني (والله أنك بزر يا نجود)
زيد وهو يسحب نجود لحضنه: يخسى أحد يأخذ مكانك يا عمري، وزيد مستحيل يحب عياله أكثر من أمهم
نجود: متأكد يا زيودي
زيد باستغراب: أنت من جدك أنا ممكن أحب عيالي مثلك أو أكثر منك
نجود وهي تحتضن زيد: الله لا تحرمني منك يا قلبي والحين قل لي كيف كانت اختباراتك
زيد: الحمد لله كانت تمام يا قلبي والحين قومي نروح المستشفى وبعد ما نخرج نروح على السينما وبعد كذا نروح ونتعشى ونرجع على البيت
نجود: مممم أوكي بقوم وأغير ملابسي وأرجع لك يا قلبي
زيد: أوكي يا حبيبتي... نجود تركت زيد وراحت وغيرت ملابسها وبعد ما خرجوا راحوا على المستشفى وأول ما دخلوا على الدكتورة كشفت عليها وبعد كذا طلبت منها تسوي بعض التحليلات وبالفعل خرجوا من عند الدكتورة وسووا التحاليل المطلوبة وبعد ما خرجت النتيجة رجعوا لعند الدكتورة بس ما دخلوا علشان كان عندها مريضه
نجود: زيد أيش رايك نروح والله أني خايفة وقلقانة وما أعرف ليش
زيد مسك يدها وباسها: وليش الخوف أن شاء الله ما فيك الا العافية يا حبيبتي
الممرضة بابتسامة: سيدة نجود الدكتورة في أنتظاركم
زيد: حسنا... زيد مسك يدها ودخلوا على الدكتورة
الدكتورة: أهلا تفضلوا بالجلوس ... زيد جلس ونجود جلست جنبه
زيد وهو يراقب الدكتورة والي كانت تقلب في نتيجة نجود: طمينني كيف النتيجة
الدكتورة: لا توجد أي مشاكل ولكن السيدة حامل
زيد بصدمة: ماذا؟ ماذا قلتي!
الدكتورة تطالع زيد باستغراب: أقول لكم مبروك السيدة نجود حامل
زيد وكأنه يطير من الفرح: هل أنتي متأكدة يا دكتورة من هذا الخبر
نجود: زيد أمشي نروح والله الحرمة بتطردنا بعد شوي
********************************
نرجع للسعودية وفي بيت فهد
سعد: ميسم أيش رايك نخرج
ميسم: فين بنروح وكمان أنا عندي اختبارات واليوم الاستاذة جلست تعاتبني لأني ما كتبت الواجب
سعد: وليش ما حليتي الواجب حضرتك
ميسم: لأن حضرتي خرجت معك وما رجعنا الا متأخرين عرفت الحين ليش ما حليت يا زوجي العزيز
سعد: هههه ...عن جد أنتي غريبة الأطوار يا ميسم
ميسم عفست وجهها ورفعت حواجبها: وليش أن شاء الله أنا أيش سويت علشان تقول عني كذا
سعد وهو يضحك من قلبه: ههههه ما سويتي شيء والحين بتخرجين معي ولا
ميسم: أسفه لا لأني بجلس وأذاكر دروسي
سعد بخبث: لآ لا تخليني أسوي فيك نذاله وما أخليك تروحين المدرسة
ميسم: .......
سعد بخبث: ليش ما تردين أنا أبي أسمع ردك
ميسم وهي مندمج بكتابها: ما أحب أجدلك في هذا الموضوع لأني أعرف أنك تبي أي شيء علشان تتهاوش معي وتمنعني أني أروح المدرسة بس أنا ما راح أرد عليك لأني أبي أكمل دراستي مثل أختي
سعد بشوية حده: وأن شاء الله أنتي كمان تبين تدخلين الطب مثل ست الحسن أختك
ميسم علشان تقفل على الموضوع: الله يجيب الي فيه الخير لي ولأختي... والحين الله يسعدك تنام أو تخرج وتروح لأصحابك أو أنا بخرج وبروح غرفة نجود وأذاكر
سعد بزعل: طيب يا ميسم أنا تقولين لي كذا طيب انتظري عليا أنتي بس وأنا راح أردها لكي بطريقتي
**************************************
في أمريكا.... وفي الكلية
خلود: دانه أنتي أيش فيك اليوم مو على طبيعتك
دانه: ما فيني شيء كل شيء طبيعي مثل كل يوم
خالد: لا عن جد أنتي اليوم تعبانة يا دانه
دانه: لا ما فيني شيء يا خالد وشكرا على سؤالكم
ساره: دعوا الفتاة فأنا أشعر بأنكم تضايقونها جدا والآن يا دانه هل ستذهبين معنا اليوم إلى السينما فاليوم سيعرض فيلم لجنيفر
دانه بالعربي: لا ما أقدر أخرج من البيت وأنا ما أحب السهر كمان
سارة: ماذا تقولين
دانه: لا لن أذهب معكم فأنا لدي بعض الاعمال سأقوم بها في المنزل
خلود: دانه أنتي أمك وأبوك معك هنا
دانه: لا طبعا أمي وأبوي في السعودية
خالد: طيب أنتي مع مين تعيشين هنا... قبل ما ترد دانه على خالد رن جوالها
دانه وهي ترد: هلا والله
جوهر بطفش: أنا انتظرك في السيارة والي يرحم والدينك لا تتأخرين علي فهمتي
دانه: أن شاء الله الحين بجيك وقفلت جوالها ووقفت: أوكي نلتقي يوم الاثنين
خلود: دانه فكري لو بتروحين معنا السينما أحنا راح نمرك وأن شاء الله أتصل عليك الساعة تسعة أوكي
دانه وهي مستعجلة: أن شاء الله يصير خير والحين باي وراحت وخلتهم وأول ما دخلت السيارة/ السلام عليكم
جوهر بدون نفس: وعليكم... وحرك السيارة بدون ما يقول أي كلمة إلين وصلوا البيت واول ما دخلوا
دانه بتساؤل: جوهر أيش فيك زعلان في أحد مضايقك يا قلبي
جوهر وبشوية عصبية: ما فيني شيء والحين أنا بروح وأنام لأني أبي أروح الشركة اليوم بدري علشان أقدر أخلص شغلي بدري
دانه برجاء: جوهر أيش رايك اليوم تأخذ أجازه علشان نخرج والله طفشت من الجلوس في البيت
جوهر وبحدة: لا والله تبين أترك شغلي علشان أخرج وأتمشى صح يا مدام
دانه باستغراب من ردة فعله: هو يوم واحد يا جوهر... والله أنا طفشت من البيت للكلية ومن الكلية للبيت فلو أنت ما تبي تخرج خليني أروح مع صديقاتي لو يوم واحد في الاجازة
جوهر بعصبية وصراخ: دانه أنتي تبين أكفخ اليوم وأحط كل حرتي فيك اليوم
دانه بلعت ريقها وبخوف: لا طبعا وعلى أيش مو لازم نخرج
جوهر وبتهديد: طيب أنقلعي عن وجهي ولا أقولك أنا راح أروح واخلي لك المكان علشان لا أرتكب فيك جريمة... وراح وخلى المكان
دانه أتأففت وجلست بملل وبطفش: والله هذا مو حال وكل ما أتكلمت معه عصب علي أو ضربني... أنا كان مالي ومال الزواج ووجع الرأس... والأفضل لي أطلع وأنام، وأول ما التفتت شافت جوهر متكتف وواقف وراها ويسمع كلامها
جوهر: خلصتي من الردح يا دانه
دانه من الخوف ما عرفت أيش تقول فنزلت راسها في الأرض وبينها وبين نفسها (والله راحت عليك يا دانه اليوم مين راح يفكك من جوهر)
جوهر أتنهد وهو يشوف شكل دانه الي ميته من الخوف فهز راسه بنفي وقال: روحي وجهزي الغدا يا دانه
دانه: طيب وراحت وخلت المكان وأول ما دخلت المطبخ استغربت بأن كل شيء مثل ما تركوه في الصباح وهذا يعني أن روز ما جات اليوم فراحت وفتحت الفريزة وطلعت لحم مفروم وبدات بالطبخ وبعد كذا بدات بتنظيف كل شيء ورتبت السفرة وبعد ما جهزت الاكل نادت جوهر وتغدوا وعلى الساعة ثمانية طلعت من المطبخ وراحت على غرفة نومهم وهي تحس نفسها أنها تعبانة حيل فأخذت لها شور وبعد ما لبست ملابسها حطت راسها على المخدة وظهرها كأنه بينقسم قسمين من الالم... ويا دبها بدات تغفوا فتحت عينها على صوت جوالها أخذته وردت
دانه: الووو
خلود: هلا أيش هذا الكسل يا دانه
دانه: والله مو كسل بس تعبانه شويه أحس ظهري بينكسر من الألم
خلود: طيب ليش يمكن من الدورة
دانه: والله ما أعرف لكن كل شيء جايز
خلود: يا ربي على كذا أنتي ما راح تروحين معنا على السينما
دانه: لا طبعا لأني من البداية قلت لك أني ما بروح بس أن شاء الله أروح معاكم المرة الجاية
خلود: أن شاء الله بس لازم تروحين لعند الدكتور
دانه: أن شاء الله مع أنه ما يحتاج
خلود وبشوية عصبية: شلون ما يحتاج وإذا ما عندك أحد يوديك أنا أجي وأخذك مع أخوي خالد
دانه بانفعال: لا يا قلبي والله ما يحتاج أنا راح أرجع عند الدكتورة
خلود باستغراب من تصرف دانه: أوكي على راحتك والحين عن أذنك يا قلبي أنا بقفل علشان خالد ينتظرني يا قلبي والحين في أمان الله
دانه: مع السلامة وقفلت الخط ورجعت ونامت على ظهرها بس أول ما تعبت تركت الفراش وجلست قدام التلفزيون وبعدين طلعت جوالها من جيبها واتصلت بنجود
نجود بترحيب: هلا والله ببنت عمي وبأخت زوجي
دانه بابتسامة: هلا فيك يا قلبي كيف حالك وكيف زيد
نجود بفرح: الحمدلله بخير وزيد كمان طيب وفرح أنه بيصير أب
دانه بابتسامة: من جد يعني أنتي حامل
نجود بسعادة ما توصف: أي أنا حامل وعقبالك يا عمري
دانه: يا الله أنتي ما تعرفين قد أيش فرحت لكم أنتي وزيد
نجود: عقبالك أن شاء الله والحين قولي أخبارك أنتي وجوهر
دانه بابتسامة حزن: الحمدلله مبسوطين والله
نجود: وكيف الكلية معاكم
دانه: الحمد لله الين الان كل شيء تمام
نجود باشتياق: الحمد لله... ما عندكم أجازه قريبه علشان نتقابل في السعودية
دانه بقهر: لا ما عندنا وحتى لو كان ما أظن بأنه جوهر راح يقدر يسافر لأنه مسك فرع شركة عمي الي هنا ومستحيل يخليني أروح وأخليه
نجود: الله يعين مع أني نفسي أشوفك والله اشتقت لك
دانه: أن شاء الله راح نتقابل يا قلبي والحين وصلي سلامي لزيد وألف مبروك على الحمل
نجود: الله يبارك فيك يا حياتي وعقبالك أنتي وميسم
دانه وبخوف: ميسم... لا يا نجود لأنها توها صغيرة على مسؤولية الأمومة
نجود: الله يكتب لكم الي فيه الخير يا دانه أنتي وأختك
دانه: أمين يا رب والحين مع السلام
نجود: مع السلام يا حبيبتي
دانه قفلت وهي طايرة من الفرح علشان حمل زوجة أخوها وبنت عمها ودعت في سرها أن ربي يرزقها بطفل مثل ما رزق نجود بس في نفس الوقت اتذكرت بأن الدورة أتأخرت عليها بس كمان هي مو حامل لأنها سوت تحليل منزل وبين لها أنها مو حامل وقطع تفكيرها صوت جوالها وأول ما شافت الرقم ردت على طول
المتصل: هلا بالخاينة دانه
دانه بابتسامة: حرام عليك أيش سويت أنا علشان تقولي كذا ترى والله أشتكيك عند زوجي
المتصل بحدة: أقول مالت عليك أنتي وزوجك والله خوفتيني
دانه: زيدوا وبعدين معك أنت ليش تقول علي كذا ترى والله أعلم بابا عليك
زيد بتريقه ومزح: ههههه بابا أنت الحين صرتي حرمه وقريب بتصيرين أم وتقولين بابا والله عيب عليك
دانه بحزن وبصوت باكي: والله حرام عليك ليش تسوي فيني كذا يكفيني الي فيني
زيد بارتباك: لا يا حبيبتي والله أنا أمزح معك يا عمري ومو قصدي أضايقك
دانه بنبرة حزن: بس أنا والله تعبانه يا أخوي كلكم تركتوني كأني ما عندي أخوان ولا تسألون عني وما تدرون عني لو كنت عايشه أو ميته حزينة ولا سعيدة
زيد حس بضيق دانه: ليش تقولين كذا يا حياتي أنتي مو مبسوطة مع جوهر مع أني دايما أسأل جوهر عنك ويقول لي أنك مبسوطة
دانه وبانفعال: وليش ما تتصل وتسألني عن حالي وتسأل جوهر ليش أنا مالي حق عليك
زيد بأسف: والله أني أسف وصدقيني ما هو قصدي يا عمري... بس وحتى انت مقصرة لأنك ما تتصلين علي وكل اتصالاتك لنجود صح ولا أنا غلطان يعني مثل ما أنا غلطان أنتي غلطانه يا دانتي
دانه من أعماق قلبها: آآآآه أنت الين الحين تتذكر هذا الاسم يا زيد
زيد بتساؤل وخوف: وليش تقولين كذا
دانه بابتسامة: لا سلامتك والحين قول لي كيف حالك وكيف الدارسة معك
زيد بقلق على دانه: الحمد لله كل شيء تمام يا دلوعة أخوها
دانه بابتسامة: أسفه نسيت أبارك لكم على البيبي الجديد
زيد: الله يبارك فيك وأنا أسف على التقصير يا أختي وأن شاء الله راح أتصل عليك كل بعد فتره وما راح أقاطعك أن شاء الله المهم لا تشيلين في قلبك علي
دانه بابتسامة: أنت تعرف أنو من سابع المستحيلات أزعل عليك لأنك عزيز وغالي على قلبي
زيد: الحمد لله والله لا يحرمني منك يا حبيبتي والحين انتبهي على نفسك وعلى زوجك الخايس
دانه بابتسامة: أن شاء الله يا خوي الغالي وأنت كمان أنتبه على نفسك وعلى نجود
زيد: طيب يا حبيبتي والحين في حفظ الرحمن ومع السلامة
دانه: شكرا على اتصالك ومع السلام وقفلت الخط وضمت جوالها لصدرها وهي مبسوطة لأنها كلمت أخوها

رد: دانه أنت حبيبة قلبي

الفصل الخامس والثلاثون ........


دانه: شكرا على اتصالك ومع السلام وقفلت الخط وضمت جوالها لصدرها وهي مبسوطة لأنها كلمت أخوها وبعد نصف ساعة دخل جوهر عليها
جوهر: السلام عليكم
دانه وهي تلعب بجوالها: وعليكم السلام
جوهر أتكتف وطالع فيها: قومي وغيري ملابسك علشان نخرج ونتعشى
دانه: مالي خلق أخرج
جوهر وبقهر من تصرفها معه: لا والله أجل ليش تقولين في الظهر أنك تبين تخرجين والحين فجأة صار مالك خلق طبعا طوال الوقت ماسكة في هالجوال وطايحة لق لق مع الناس
دانه طالعة فيه أتنهدت: .......... وماردت تجنب للمشاكل
جوهر أرتفع ضغطه فراح وشد الجوال من يدها ورماه على الأرض ومن أثر الطيحة أنكسر الجوال ومسكها من فكها وبعصبية: أنا لمن أتكلم معك تتركين كل شيء وتسمعين لي فهمتي يا مدام
دانه بدموع وهي تتألم من مسكة جوهر: آآآهـ ـ أتـــ ـــركــ ـــنــ ـي يا جوهر
جوهر وبحدة: ولو ما تركتك أيش بتسوين يعني
دانه بنفس النبرة وهي تمسك يد جوهر الي كانت ماسكه فكها: جوهر حرام عليك أنت راح تكسر فكي
جوهر تركها وبحدة: الحين تروحين وتغيرين ملابسك علشان نخرج
دانه: وأنا قلت لك ما راح أخرج لأني مأبي أخرج خلاص أتركني في حالي
جوهر وبتهديد: وأنا عناد فيك وغصب عنك راح تخرجين ووالله لو ما رحتي وغيرتي ملابسك خلال خمس دقايق ماراح يصير لك خير فهمتي يا دانه ونشوف كلام مين اللي راح يمشي ... دانه طالعت في جوهر وطلعت على غرفتهم وغيرت ملابسها ونزلت وخرجوا وهي ساكته وما أتكلمت بأي حرف وراحوا على السينما وعلى الساعة وحدة ونصف خرجوا وراحوا على المطعم وبعد ما تعشوا رجعوا على البيت عاد لمن رجعوا كانت دانه تعبانه من ظهرها وبالضبط أنها جلست ساعتين متواصلة في السينما فعلى طول غيرت ملابسها وحطت راسها ونامت جوهر أستغرب من تصرفها بس في نفس الوقت حس أنه قسى عليها بس أيش يسوي وبالضبط مع ضغوط العمل والدارسة
جوهر: دانه أنتي نمتي يا حبيبتي ... وبينه وبين نفسه (أنا أسف يا حبيبتي لو كنت قاسي عليك اليوم وأعرف أني مقصر معك بس ظروف العمل والدارسة هي إلي حكمت علينا كذا يا قلبي وأعرف أنك مستحملتني كثير يا قلبي) وبعد كذا حط راسه ونام وفي اليوم الثاني وبعد ما قام تسبح وغير ملابسه وخرج من الغرفة يدور على دانه فلقاها جالسة في الصالة
جوهر: مساء الخير
دانه بتعب: مساء النور
جوهر: ليش جالسة هنا عسى ماشر
دانه بنفس التعب: مافي شيء
جوهر: طيب قومي وغيري ملابسك وخلينا نخرج ونتغدى وبعد كذا نروح على ديزني
دانه: جوهر واللي يرحم والدينك أنا ما أبي أخرج وكمان عندي مراجعة في بعض المحاضرات ويكفي روزه لها يومين وما جات وكل شغل البيت على راسي وأنت حضرتك أمس معصب ومكسر جوالي
جوهر: يا ربي عن جد أنا مآخذ وحدة وجهها نكد... تعرف أحسن أجلسي في البيت إلين ما تتعفنين يا دانه أما أنا فبأخرج علشان ما أنكد على نفسي
دانه بتعجب: فين بتروح وتخليني وأنا..... بس سكتت وما كملت / أوكي تروح وترجع بالسلامة يا جوهر
جوهر وبحدة: الله يسلمك يا دانه... وراح وخلاها
دانه بقهر: قال أيش أنا وجه نكد أمس قلت نخرج سوى للمول وبعد كذا خرجني غصب عني... لكن ما أقول غير الله يهديك يا جوهر ويصبرني عليك وبعد كذا قامت وسوت لها صحن سلطة وبعد ما أكلت دخلت الغرفة ونامت الين ما سمعت صوت جرس الباب فقامت وفتحت بصعوبة
روزه: مرحبا يا سيده دانه
دانه: مرحبا تفضلوا بالدخول
زوره: كلا يا سيدتي فأنا في عجلة من امري ولكن جلبت لك خادمة أخرى وهي من سيستمر معك كما أنها ستجلس هنا لديك فهي تركت زوجها وليس لديها مكان تذهب اليه وانا سآتي غدا لكي أخبرها بطريقة عملك
دانه: حسنا ولكن كم سيكون أجرها
روزه: أجرها سيكون مئتين وخمسون دولار
دانه: حسنا وشكرا لك يا روزه وغدا عندما تأتين سأعطيك أجرك لأن جوهر ليس هنا الآن
روزه: حسنا يا سيدتي والآن أنا سأتركك مع ماريه لكي تتعرفان على بعضكما
دانه: حسنا وشكرا لك مرة اخرى يا روزه... وبعد ما راحت روزه طالعت دانه في مارية: حسنا يا مارية بأمكانك أن تتصرفين وكأنك في منزلك وأظن بأن روزه أخبرتك بكل شيء عني وعن زوجي هل هذا صحيح
مارية: نعم يا سيدتي
دانه: كم عمرك يا مارية
مارية: عمري سبعة وثلاثون ولدي ولدان وهم في حضانة زوجي الآن
دانه: حسنا يا عزيزتي والآن تعالي لكي أريك غرفتك... دانه أخذت مارية إلى غرفتها وبعد كذا راحت وجلست في الصالة وبدات تستذكر دروسها
جوهر: السلام عليكم
دانه: وعليكم السلام
جوهر بتريقه: كيفك يا زوجتي يا ثقيلة الدم
دانه بتعب: والله تعبانه
جوهر باستغراب: أيش فيك أنا تركتك وأنتي طيبه
دانه بتعجب: وأنت أيش عرفك أني طيبه، أنت حتى ما سألت عن حالي
جوهر جلس جنبها: طيب قومي غيري ملابسك علشان أخذك للدكتورة
دانه قفلت دفترها وابتسمت: لا خلاص أنا أخذت مسكن وأحس نفسي أفضل
جوهر بشك وعدم تصديق: أنتي متأكدة يا دانه
دانه: أي والله والحين أيش هذي الأغراض الي جايبها معك
جوهر: أبد يا حبيبتي هذا جوال لك بدل اللي كسرته وجبت لك عشاء بس تركته تحت في المطبخ
دانه: أوكي بس ترى اليوم جاتنا شغالة جديدة وراح تجلس معنا هنا في البيت
جوهر باستغراب: أنتي من جدك من فين جبتيها يا دانه
دانه: مو أنا اللي جبتها روزه جابتها
جوهر: طيب طالما روزه جابتها زين والحين قومي وأتعشي علشان أوريك الجوال الجديد
دانه: لا أنا راح أكل أي شيء خفيف والعشاء راح أخليه لماريه
جوهر: بس أنا جبت لكي يا حبيبتي... وعلى فكرة نفس الاكل اللي أكلت منه جبت لك مثله، وخليها الشغالة تسوي لها أي شيء تاكله
دانه: طيب خلاص أنا راح أقسم كل شيء بيننا أنا وهي خلاص
جوهر ضم دانه وأبتسم: سوي الي يريحك يا حبيبتي أهم شيء أنك تأكلين
دانه بابتسامة وخجل: طـ ـطيب بس أبعد لا تجي الحرمة وتشوفنا كذا
جوهر: وإذا جات أيش يعني تراكي زوجتي يا دانه
دانه بخجل وكل ألوان الطيف في وجهها: جوهر والله ترى أستحي
جوهر: ههههه والله أني أحبك وأحب خجلك هذا يا روح جوهر وأحمد الله أنه رزقني بزوجة مثلك
دانه وهي ترفع حواجبها وتعصر عيونها: أها مع أنك اليوم في الصباح قلت عني نكديه
جوهر: تستاهلين علشان ثاني مرة تطلعين معي
دانه: يكفي أمس طلعت غصب عني وأنا تعبانه
جوهر: والله هذا غلطك لأنك ما قلتي لي أبدا أنك تعبانه وبكره أستعدي علشان أوديك المستشفى ويسون لك تحليل شامل
دانه برجاء: لا يا جوهر والله ما أحب الفحوصات يا حبيبي
جوهر بابتسامة: تحبين ولا ما تحبين أنتي بتروحين يا دكتورة دانه
دانه برطمت: طيب أنا بروح وأجيب العشاء حقي... وقامت وتركت جوهر اللي كان يضحك عليها ومن تصرفاتها
جوهر: الله لا يحرمني منك يا دانتي والله يرزقنا ببنت مثلك يا حبيبة وبعد كذا أخذ جوالها وفتحه: يا حبيبتي أن شاء الله يعجبك الجوال يا دانه وفجأة سمع صوت كسر شيء: بدينا بتكسير أغراض البيت... بس جوهر أتفاجأ بصرخة خلته يرمي الجوال ويفز من مكانه وينزل جري على المطبخ وأول ما دخل شاف دانه طايحة على الأرض ومغمى عليها، وماريه جنبها تحول تفوقها...
جوهر جلس جنبها ورفعها على ركبته: دانه حبيبتي ردي علي الله يخليك
دانه: .........
ماريه: سيدي يجب عليك نقلها إلى المستشفى فهي تنزف وربما تكون حامل
جوهر بخوف وهو يشوف دم دانه: أيش حامل فشالها بسرعة وخرج وكانت ماريه معها وأخذوها على المستشفى ومن يوم ما وصلوا جلسوا يستجوبون جوهر عن سبب نزيفها بس كان مرتبك وخايف على دانه فكان يكتفي بكلمة لا أعرف أقسم لكم بأني لا أعرف
مارية لاحظت أرتباك جوهر فأخبرت الدكتورة بكل شيء حصل معهم وبعد كذا قالت لي جوهر: سيدي لا تخاف فهي ستكون بخير
جوهر وبدمعة: يا رب أحفظ لي زوجتي يا رب... على طول طلع جواله وأتصل على أمه
أم طارق: هلا حبيبي
جوهر: يمه ألحقي على دانه بتروح مني بتروح وتخلينا يا يمه
****************************************
وفي السعودية... وفي بيت أبو تركي
سعود: بشري ردت
فرح: لا والله الين الحين الجوال مقفول والله أخاف صار لهم شيء أنت تعرف أمريكا يا سعود
سعود: اذكري الله يا بنت الحلال انا الحين بأتصل على طلال وأخذ رقم جوهر
فرح: ايوه أتصل الله يحفظك وطمني على بنتي الله يطمنك
سعود: طيب وأن شاء الله يكون بخير... سعود على طول أتصل على طلال وبعد عدة رنات جاوبه: السلام عليكم كيف يا أبو طارق
أبو طارق: هلا والله وعليكم السلام كيفك أنت يا أبو زياد وكيف العيال أن شاء الله يكونوا بخير
سعود: الحمد لله كلنا بخير وأن شاء الله ما أكون أزعجتك.. بس والله حبيت تعطيني رقم جوال جوهر لأننا لنا يومين نتصل على دانه وجوالها مقفول فعلشان كذا قلقنا عليهم
أبو طارق: طيب بس ترى أنا باقول شيء بس
سعود وبخوف: عسى ماشر يا أبو طارق فرح كانت تراقب سعود وتبي تعرف بالي صار وتفاجأت بسعود اللي اتصل على زياد وطلب منه أنه يحجز لهم على أمريكا في أقرب طياره هو وفرح وبعد ما قفل
فرح: أيش اللي صاير يا سعود أيش فيها بنتي دانه
سعود: طالع في فرح وطلب منها تجهز لهم أغراض علشان بيسافرون

رد: دانه أنت حبيبة قلبي

قراءة ممتعة يا حبايبي

رد: دانه أنت حبيبة قلبي

الفصل السادس والثلاتون......



نرجع لأمريكا
جوهر كان جالس جنب دانه اللي كانت في عالم ثاني وهو مسك يدها ويقرا عليها بعض الآيات اللي هو حافظها الين غفلت عيونه ونام من شدة الإرهاق
الممرضة وهي تطبطب على جوهر: سيدي يجب عليك أن تذهب إلى النزل فهي لن تفيق الآن لأن الدكتورة أعطتها أبره منومه
جوهر: كلا دعيني فأنا لن أذهب وأترك زوجتي هنا
الممرضة: ولكن يا سيدي وجودك لن يفيدها في أي شيء كما أنها لن تشعر بوجودك
جوهر أتنهد من أعماق قلبه: حسنا سأذهب وسأعود في الصباح
الممرضة بابتسامة: حسنا وأنا متأكدة بأنك عندما تعود في الصباح ستكون أفضل
جوهر: أن شاء الله وبأذن الله أنها تكون بخير... وطالع في الممرضة وخرج ورجع على البيت ولقى ماريه تنتظره عند الباب
ماريه بتوتر: كيف حالها يا سيدي
جوهر: أن شاء الله تكون بخير... وراح وتركها وأول ما دخل على غرفتهم أخذ دش دافي ورمى نفسه على الفراش ونام وهو يحس نفسه متكسر من جلسة الكرسي بس فتح عينه بكسل على طرقة باب الغرفة
جوهر بعصبية: ماذا تريدين يا مارية
ماريه: سيدي هناك سيدة تقول بأنها أمك فهل أدعها تدخل إلى المنزل
جوهر ترك فراشه وفتح باب الغرفة بسرعة: ماذا؟ وأين تركتها الآن
مارية: أنها في الخارج ... جوهر ترك مارية ونزل بسرعة وفتح باب البيت بسرعة فشاف أمه وأخته
أم طارق: وأخيرا يا جوهر
جوري: ما بغيتم تفتحون أنت وشغالتك الغبية... ودخلوا
جوهر على طول أرتمى في حضن أمه: يمه لحقي على دانه بتروح مني
أم طارق سحبت جوهر وجلسوا: صلي على النبي يا ولدي وأن شاء الله راح تكون بخير
جوري وهي تجلس جنب أخوها: كيف حالها الحين
جوهر: الحمد لله الدكتورة تقول قدروا ينقذون جنين واحد بس الأول أجهضته
أم طارق: ليش هي كانت حامل... وبتوأم كمان ماشاء الله
جوهر: أي بس أنا ماكنت أعرف بأنها حامل لأنها ما قالت لي
جوري: طيب يمكن هي كمان ما تعرف لأنها قبل يومين مكلمتها وكانت تقول أدعي لي أحمل علشان أفرح جوهر
أم طلال: المهم كيفها الحين وكيف صحتها
جوهر: الحمد لله على كل حال ولو كان الحمل خطر على صحتها أنا ما أبي شيء بس أبي دانه تقوم بالسلامة
أم طارق: أذكر الله يا جوهر... وأن شاء الله راح تكون بخير
جوهر: أن شاء الله يا رب
جوري: طيب خلونا نقوم وننام وبكره نروح ونشوفها لأني والله تعبانه من الرحلة
أم طارق طالعت في ولدها واللي كانت علامات الحزن على وجهه: طيب بس أتصل على أبوك يا جوري وقول له أننا وصلنا بالسلامة
جوري: طيب أن شاء الله وأنت يا جوهر أيش أسم شغالتكم علشان تجي وتساعدني أشيل الشنطة على الغرفة اللي راح ننام فيها
جوهر: فين حابين تنامون هنا ولا فوق لأن فوق في غرف وهنا غرفتين
أم طارق: لا أحنا راح ننام هنا في غرفة وحدة
جوهر: طيب ليش طالما البيت فيه غرف ليش ما تنامين في غرفة وجوري في غرفة
أم طارق بابتسامة: لا خلينا ننام في غرفة وحدة
جوهر: طيب اللي يريحكم يا يمه ونادى ماريه علشان تشيل الشنط وبعد كذا رجع على غرفته ونام وما قام الاعلى الساعة سبعة ونصف قام وغير ملابسه وخرج ولقى ماريه تنظف البيت
مارية: الإفطار جاهز يا سيدي إذا كنت ستتناول طعامك
جوهر: لا... أنا سأذهب إلى المستشفى ومن ثم سأذهب إلى الكلية ولكن أهتمي بأمي وأختي الصغرى
ماريه هزت راسها بالموافقة: حسنا يا سيدي ورافقتك السلامة... جوهر خرج من البيت وراح وشاف دانه واللي كانت مثل ما تركها.. وبعد كذا راح الكلية وقدم اجازة أسبوع لدانه ويومين له وأول ما خرج رجع على المستشفى ودخل على الدكتورة وسأل عن حالة دانة وأول ما دخل عليها راح جنبها ومسك يدها وباسها
جوهر: دانه حبيبتي قومي والله اشتقت لك وكمان عندي لك مفاجأة راح تحبيها
دانه فتحت عيونها بصعوبة: جوهر خرجني من هنا الله يخليك أنا ما أحب أنام في المستشفى
جوهر ضم يد دانه ومسح على راسها: أن شاء الله راح تخرجين بس مو اليوم بكره علشان الدكتورة تبي تتطمن عليك يا روح جوهر
دانه بصوت باكي: بس والله أنا طبيه وما فيني شيء بس أحس بشوية ألم تحت بطني ويمكن هذا من الدورة
جوهر بابتسامة: لا يا حبيبتي علشان سوو لك ربط
دانه بتعجب: أيش وليش أنا حامل
جوهر بنفس الابتسامة هز راسه بالموافقة: أيوه يا حبيبتي أنتي حامل والله يهديك ما انتبهتي على نفسك وبغيتي تسقطين بس الله ستر يا روحي
دانه بتعب وفرح: أحلف يا جوهر قول لي إنك صادق معي وما تقول كذا علشان أجلس في المستشفى... جوهر قبل ما يرد رن جواله بس هو أستغرب من الرقم فرد
سعود: السلام عليكم
جوهر طالع في دانه: هلا وعليكم السلام هلا عمي
سعود: أنت فينك بالضبط
جوهر وهو يطالع في دانه: أنا في المستشفى يا عمي
سعود: كم رقم الغرفة...جوهر قال سعود الدور ورقم الغرفة
دانه: مين تكلم يا جوهر
جوهر أرتبك وطالع في دانه: دانه حبيبتي الحين برجع لك
دانه مسكت يد جوهر وبرجاء: لا تروح الله يخليك... لا تروح وتخليني لوحدي
جوهر: والله ثواني وراجع يا عمري
دانه: وعد ما تروح وتخليني
جوهر: وعد يا عمري الحين برجع... وأول ما تركها خرج بسرعة علشان يستقبل سعود وبالفعل جاء هو وفرح
جوهر بابتسامة: هلا عمي هلا خالتي
سعود وهو يسلم على جوهر: فين بنتي
جوهر: في الغرفة
سعود وبحدة: فرح أدخلي على دانه لأني أبي أتكلم مع جوهر شويه
فرح: طيب ...ودخلت وتركتهم
سعود أتكتف وطالع في جوهر: ممكن أعرف أيش اللي صار لبنتي يا جوهر
جوهر بلع ريقه ونزل راسه: عمي دانه تعبت شويه من ظهرها ولمن جبتها المستشفى أجهضت وهذا سبب دخولها للمستشفى بس......
سعود بقهر من جوهر: هو في بس كمان أوكي بس إيش كمل كلامك يا جوهر
جوهر: دانه كانت حامل بتوأم واحد نزل والدكتورة قالت لا نقول لها علشان حالتها النفسية وهي الحين تعرف بأنها حامل بطفل لأنهم قدروا يلحقون على الثاني
سعود: ومن متى وهي حامل وحضرتكم أنت وهي مهملين الموضوع
جوهر حس أنه تورط وبكذب: من شهرين تقريبا يا عمي
سعود أتنهد: أنا لي كلام معكم أنتم الاثنين بس خليها تقوم بالسلامة والحين خلينا ندخل علشان أتطمن عليها ... ودخلوا
سعود: السلام عليكم
دانه بابتسامة وهي تبعد عن حضن أمها: بابا وفتحت يدها لأبوها... سعود راح وأحتضن بنته وحب راسها وهو ناسي بأنه زعلان منها لأنها أهملت في صحتها
سعود: كيفك يا حبيبتي
دانه: مشتاقه لكم ويعني كان لازم أمرض علشان تجون وتزوروني
سعود بابتسامة: أنا قلت لك أننا راح نجي ونزورك في الاجازة بس أنتي شكلك تبين تشوفين غلاتك عندنا
دانه: الله لا يحرمني منكم يا حبيبي بس والله ما كان في داعي أنكم تتعبون نفسكم وتجون من السعودية علشان تزوروني
سعود وبحدة: كلامك صح بس فين جوالك
دانه طالعت في جوهر: جوالي أنكسر يا بابا
سعود: وأيش اللي كسره وليش ما جبتي غيره أو زوجك جاب لك ثاني
دانه بكذب: طاح من يدي وأنكسر وجوهر جاب لي واحد ثاني والله ما قصر بس ما لحقت أستخدمه ودخلت المستشفى لكن أول ما شفتكم أحس نفسي أفضل بكثير
سعود: الحمد لله يا حبيبتي والمهم أنك تكوني بخير... وفي هالوقت رن جوال جوهر والكل التفت لجوهر واللي رد على جواله وبعد كذا استأذن وخرج وخلاهم
فرح: كيفك الحين يا حبيبتي
دانه بابتسامة وبكذب: والله يا ماما أنا طيبة لا تخافين علي
فرح تحسست حرارة دانه: الحمد لله حرارتك زينه
دانه: أنا قلت لك أني طيبه والحين قولي كيف حال ميسم بعد الزواج
فرح: الحمدلله مبسوطة مع زوجها
دانه: الحمدلله والله أني اشتقت لخواتي كلهم من جد الغربة صعبة
سعود: هذا حال الدنيا يا بنتي والحين قولي لي كيف جوهر معك
دانه بابتسامة وبكذب: الحمد لله مبسوطين والله طول الأسبوع مشغولين بالدراسة وفي الويكند نخرج ونغير جو
سعود وبشك: متأكدة يا دانه يعني هو ما يعصب عليك ولا يمد يده عليك
دانه وبشوية خوف: أيوه يا بابا هو صحيح يعصب بعض الأحيان لو غلط بس يرجع ويراضيني لكنه ما يضربني ومن وقت ما تزوجنا ما مد يده علي
سعود بعدم تصديق: الحمد لله ولكن ليش كذا ضعفانة ووجهك أصفر وأيش سبب الهالة الي تحت عيونك وكيف تحملين وأنتي ما تعرفي هذا معناته أنك ما رحتي وحللتي صح
دانه بتبرير: لا يا بابا والله أنا سويت تحليل منزلي بس ما أعطاني نتيجة حمل
سعود وبشوية عصبية: ماشاء الله وحضرتك ليش ما خليتي زوجك المحترم يجيبك على المستشفى ها
فرح برجاء: سعود الله يخليك أجل هذا الموضوع... البنت مريضة
سعود طالع فرح وبنفس العصبية: أنتي أسكتي ولا تتدخلين بيننا فهمتي
فرح طالعت فيه ومن ثم التفتت لدانه: طيب أنا أسفه يا سعود
دانه بخوف من ردة فعل أبوها: بابا أنت تعرف بأني ما أحب المستشفيات
سعود وكان بيضرب دانه: عندك هذا راح يخليني أمد يدي عليك
فرح ضمت دانه: سعود ترى أحنا في المستشفى يا سعود...
دانه ضمت أمها بخوف: أنا أسفه يا بابا بس الله يسعدك لا تزعل مني والله ماكنت أعرف أنه راح يصير كذا... في هذي اللحظة دخلت الممرضة ومعها الغدا وعلاج دانه
الممرضة بابتسامة: مرحبا يا سيدة دانه حان موعد طعامك لكي تأخذين دوائك
دانه: شكرا لك فأنا لست جائعة الان
سعود وبحدة: أرجوك أترك الطعام هنا وشكرا لكي
الممرضة: حسنا وأنتي يا سيدة دانه يجب عليك أن تتغذين جيدا من أجل جنينك وحتى يكون بصحة جيدة
دانه: حسنا وشكرا لكي... وأول ما خرجت الممرضة
سعود: فرح أكلي بنتك كل الاكل وما أبي أرجع وأشوف الاكل مثل ما هو فهمتوا وخرج وتركهم... المهم في اليوم الثاني خرجت دانه وهي بحال أفضل وبالضبط بوجود أهلها وأهل زوجها جنبها
*************************************
وبعد أسبوع من خروج دانه من المستشفى.......
جوري: دانوا ياويلك لو ما جبتي بنت تشبهني فهمت
جوهر: لا والله هو نسخ ولصق وكمان أنا أبي بنتي تشبه أمها أو أبوها ومو وحدة قشره مثلك
أم طارق: جوهر أنا بنتي قشر
دانه: خالتي لا تزعلين من كلام جوهر وأن أتمنى أن بنتي تكون شبيهتك أنتي
أم طارق ضمت دانه: والله أنك عسل يا حبيبتي
جوهر: والله طاح كرتنا يا جوري
دانه: جوري ليش ما تجين وتدرسين هنا عندنا منه نتسلى ومنه تكوني معي
أم طارق: أنتي من جدك يا دانه أنا لو بودي أخذك أنتي وجوهر وأنتي تقولين جوري تجي عندكم
دانه: والله لو بيدي أخليك أنتي كمان هنا بس أكيد عمي ماراح يستغنى عن حبيبة قلبه صح يا جوهر
أم طارق بشوية حياء: استحوا على وجيهكم أنتي وهو
الكل: ههههههه
جوهر: يا حبي لك يمه
أم طارق: وأنا بعد أحبك يا حبيبي وأنتي متى أهلك بيرجعون السعودية
دانه: يمكن على الخميس يا خالتي لأن أبوي عنده اجتماع مهم
أم طارق: الله يسهل خلونا أحنا كمان نستعد علشان نرجع السعودية
دانه برجاء: لا خالتي لا تروحون اجلسوا معنا أسبوع كمان
جوري: لا والله... لا تنسين أنا عندي كلية يا فالحة ولا حضرتك تبينا نبلط هنا
دانه: أي صح أنا كيف نسيت
جوهر: دانه أيش رأيك تقومين وتنامين علشان السهر مو زين لك ولا تنسين أنك تعبانه وبكره عندك كلية ويكفي غياب يا دكتورة
دانه: لا جوهر أنا بجلس مع خالتي وجوري شويه بس
جوهر وبحدة: دانه أنا قلت قومي نامي
أم طارق: روحي ونامي وبكره راح نجلس مع بعض يا حبيبتي
دانه: طيب خالتي والحين تصبحون على خير
الكل: وأنتي من أهل الخير
جوهر: دقايق وبلحقك أوكي
دانه: طيب وطلعت على غرفتها وغيرت ملابسها واستلقت على سريرها ونامت على طول
**********************************
وفي السعودية في بيت أبو تركي
أم تركي: ندى كلمتي أبوك وخالتك وعرفتي متى بيجون
ندى وهي تراسل صديقتها: أيوه بابا يقول بيجون يوم الخميس أن شاء الله وعلى فكره يا جدتي أحنا اليوم بنروح بيت عمي فهد
أم تركي: وأيش عندك علشان تروحون هناك أجلسوا في البيت وبلاش دوارة
ميساء: بس أحنا وعدنا ميسم أننا بنروح لها
ندى وبحدة: وكمان أحنا ما بنروح مكان غريب أحنا بنروح بيت عمي
تركي وبعصبية: ندى أتكلمي مع جدتك عدل لا أقوم وأربيك من جديد فهمتي
ندى: وليش أنا أيش سويت علشان تقول تربيني يا عمي
تركي بنفس العصبية: شب ولا تجلسين وترادديني في الكلام والحين قومي واذلفي على غرفتك
ميساء وبخوف: ندى قومي نروح
ندى وهي تتحلطم: أبدا هذا البيت مافي ديمقراطية كلش يعصبون ويضربون
تركي وبصراخ: ندى وبعدين يعني... ندى أخذت ميساء وطلعوا وهي معصبة من تصرف عمها
أم تركي: الله يهديك يا تركي خرعت البنات
تركي: لا يا يمه أجل كنتي تبيني أخليها تتطاول عليك وأتركها جد أنها بنت قليلة أدب
أم تركي: الله يهديها يا يمه... والحين أتصل على أخوك لأني ماني متطمنه من سفرهم هذا هو وزوجته
تركي وهو يعرف سبب سفر سعود: يمه الرجال عنده شغل وما حب يروح لوحده علشان كذا أخذ زوجته معه
أم تركي: طيب مع أن قلبي ناغزني
************************************
وفي أمريكا في الكلية
خلود وبعتاب: دانه عسى ما شر فينك من أسبوع مالك حس عسى ماشر
دانه وهي متضايقه من نظرات خالد لها: كنت مريضه يا خلود وكنت في المستشفى
خلود قامت وجلست جنب دانه: أيش مستشفى ليش أيش فيك يا حبيبتي وليش ما قلتي لنا عشان نزورك
دانه حست بخوف خلود عليها: خلود حبيبتي أنا تعبت شويه بس أهلي خافوا علي وودوني المستشفى بس الحين أنا طيبه يعني لا تخافين علي والحين لو تقدرين اشرحي لي المحاضرة الي أخذتيها
خلود: أشلون أشرح لك الحين بس ممكن أجي عندك البيت اليوم وأشرح لك كل شيء أو أنتي تجين عندي
دانه وهي تعرف أن جوهر مستحيل يخليها تروح لخلود: أيش أجي عندك أنا لا ما أقدر والله
خلود بتعجب: طيب أيش رأيك أجي عندك أنا
دانه: أي عادي هلا فيك
خلود باستغراب: أوكي أعطيني عنوانك عشان أقدر أوصل لك
دانه: أوكي وأعطت خلود العنون
خلود: تصدقين يا دانه أنتي قريبة مننا شويه وأن شاء الله راح أكون عندك على الساعة خمسة
دانه: أوكي وسامحيني لأني راح أتعبك معي
خلود بابتسامة وخبث: عادي يا عمري خليني أخدمك وبتلميح... يمكن أحتاجك تخدميني لو صارنا أهل والتفتت لخالد
دانه بينها وبين نفسها (أيش تقصد خلود يا ترى)
لورين: مرحبا يا دانه لقد افتقدناك هل أنتي بخير
دانه: كلا فانا كنت مريضة
لورين: ماذا يا ألهى وهل أنتي بخير الان
دانه بابتسامة: نعم أنا الان بخير وشكرا لسؤلك
خلود: دانه أنتي ليش جوالك مقفول
دانه: طاح وأنكسر بس جبت جوال جديد ورقم جديد والحين خذوا رقمي وبعد ما أعطتهم الرقم راحوا على المحاضرة وبعد ما رجعت للبيت وهم يتغذون: جوهر على فكرة اليوم راح تجي عندي صديقتي خلود
جوهر: مين خلود لا تكون البنت الكويتية الي يدرسون معك هي وأخوها
دانه باستغراب من سأل جوهر: أي هي بالضبط
أم طارق: الله يعينك يا دانه
جوهر طالع في أمه وبعدين التفت لدانه: وليش أن شاء الله أيش عندها بتجيك
دانه باستغراب: بتجي علشان تشرح لي المحاضرة اللي فاتتني طبعا وكمان البنت ما قصرت أن هي اللي بتجي وما طلبت مني أروح لها
جوهر: لا والله قومي وروحي لها وشوفي أيش راح يصير لك
دانه طالعت في جوهر وتنهدت ووقفت: عن إذنكم أنا بروح وأنام أفضل لي
أم طارق وهي مقهورة من تصرف جوهر: أجلسي كملي أكلك يا بنتي
دانه نزلت راسها: لا يا خالتي أنا شبعت والحين عن إذنكم ...وراحت وخلتهم
أم طارق: ليش يا جوهر تتعامل مع البنت كذا والله حرام عليك
جوهر: ليش وأنا أيش سويت أن شاء الله أنا من جد ما أطيق هذي البنت هي وأخوها
أم طارق: وليش أن شاء الله أنت شفت شيء غلط عليها
جوهر: لا بس ما أحبها
أم طارق: إذا ليش تحكم عليها وكمان طالما هي اللي بتجي عندك فين المشكلة هنا وكمان حرام عليك تحبس البنت لا تخلي أحد يزورها ولا تخليها تروح لي أحد
جوهر: وليش يا يمه أنتي تبيني أخليها تروح وتجي لكل الناس مثلا
أم طارق: والله أنت الكلام معك ضايع يا ولدي والله يعين دانه عليك وما أقول غير الله يهديك يا جوهر وراحت وخلت له هي كمان المكان
المكان وطلع على غرفتهم جوهر وبعصبية: طيب يا دانه أنا راح أتفاهم معك الحين وترك

رد: دانه أنت حبيبة قلبي

قراءة ممتعة يا حبايبي