رد: رواية حبه لبسني لبس يني لبس الخواتم فالصبع تم

اشكر كل من تابعنيه واتمنى اكون عند حسن ظنكم وان شاء الله باجر انزل البارت

رد: رواية حبه لبسني لبس يني لبس الخواتم فالصبع تم

يالله الحين ستوى يوم الخممميييييييس الساعة 12 نزلي البارت هههههههههه لا لا امزح خذي راحتج حتى ولو بعد سنة انشاء الله بنتظرج بس اتمنى انه ما يكون بعد سنة > من كل قلبيي لأني بين الروايه مره مره روووعه

رد: رواية حبه لبسني لبس يني لبس الخواتم فالصبع تم

هههههههه تسلمين متابعتيه المخلصه
الحين بجى لي شويه وانزله اول م اخلص اوكيك
علني لا خلا

رد: رواية حبه لبسني لبس يني لبس الخواتم فالصبع تم

حبه لبسني لبس يني..لبس الخاوتم فالصبع تم
روايتيه الرومنسية والغامضة
بقلمي: بنت الأياآويد
البارت الرابع
..
الحب دمعة وابتسامة (جبران خليل جبران)
..
اميرة وغلا
الساعة 1:30 pm
طلعت اميرة من الحمام
غلا: تعالي
يلست حذالها
غلا: خذي نفس وقوليليه شصار
اميره: قسم بالله تعبت
غلا: شوفي انا اللي اعرفة انكم جنتوا ترمسون بعض لفتره طويلة وعقب عرفتين انه حقير وودرتينه شقايل رجعتون
اميره: والله م ابيه بس يهددنيه
غلا: بشو
اميره: يقول بيجلط اميه اذ سوا اللي براسه
غلا حرجت بقووو: حقير هااااا م يحس خالته هااااي
اميره: قلتيها حقير (ودموعها يطيحن)
غلا: وشو قال بيسوي
اميره وهي تمش دموعها وترمس بحسره وبصوت هاااادي: عنده صور يقول بيوصلهن لها وبيألف قصص من راسه
غلا صدددمه : وشقايل تعطينه صورج
اميره تصيح: والله م اعطيته والله
غلا: عيل شقايل يابهن
اميره تغطي ويهها: والله م اعرف والله
غلا: اوك لا تصحين اميره دخيلج هدي
اميره: غلا يستفزنيه
غلا وكل اشكال الصدمه ع ويهها وتتمنى اللي تفكر فيه هب صح: شقصدج
اميره: ورا باجر بنسير عندهم والله خيفاانه
غلا تاخذ نفس وتدعي بخاطرها م يكون تفكيرها صح : اميره شتقصدين
اميره تصيح : يهددنيه ه ه ه ه يستغلنيه
غلا نفد صبرها: اميرررره قولين شيسوي
اميره: غلا ساااعدنيه
غلا حرجت: اميرررره شو سواااا
اميره تصيح بقوه : ح حاول يمسك ايديه بس بس منيره يت
غلا شهقت: اميره لازم تخبرين هلج
اميره تهز راسها : م اقدررر م اقدر
غلا: حقيرررر جللللب
اميره: والله خيفانه ما با اسير عندهم
غلا: سمعين .. خلج عند اختج ولا خالتج وامج لا تمين بروحج مووول
اميره تهز راسها
غلا حضنتها: وشعنه يتصل بج
اميره: يبا يلعب جلــــب
غلا: اول مره اشوف حد يسوي جي ببنت خالته لا احساس ولا ضمير
اميره: كله مني (وتصيح
غلا: م عليج ها حيوان انتي م جنتين تعرفين انه نذل لهدرجه
اميره: والله اخااافه
غلا: لا تصيرين جبانه بيستغلج لا تسكتين له عن يتمادى
اميره: شسوي (وتصيح)
غلا: اموت واعرف شقايل ياب الصور
اميره: والله م عطيته والله
غلا: شقايل عرفتين ان عنده صور يمكن يجذب
اميره: هو طرشهن
غلا: كيف الصور
اميره: وحده انا اخته فالشارجه ووحده فالحيره جنت منسدحه ولابسه بيجامه
غلا: حق منو انتي طرشتيهن
اميره: م اذكر ويقول عنده زياده
غلا: الله يلعنه .. عسب جي اكره التصوير حثاله الله ياخذهم
دقايق ونامت اميره من التعب
..
غلا: رقدت؟
هزاع: لا
سكتت
هزاع: وينج؟
غلا: هنيه
هزاع: فيج شي
غلا: متضايجه
هزاع: شعنه
غلا: بسألك
هزاع: آمري
غلا: ممكن فيوم تفضح بنت
هزاع: مستحيل
غلا: كيف اذ كانت من اهلك
هزاع: مستحيل حد يسوي بشرفه جذا
غلا: حتى ولو استفزاز
هزاع: غلا حبيبتي شالسالفه
غلا: تعبانه
هزاع: قولين شو صار
بسرعه قبل لا ترد: لا يكون حد يستفزج
غلا: لا هب جي
هزاع: غلا قولي
:صورج عند حد
غلا: بلاك
: شوي شوي
: طبعا لا
هزاع: شالسالفه
غلا: م تخصنيه انا
هزاع ارتاح : عيل
غلا: بنت اعرفها
هزاع: يهددها
غلا: هيه
هزاع: وهالغبيه شعنه تعطيه صورها
غلا: هب هي اللي عاطتنه
هزاع: الشرا عيل
غلا: هو من الاهل وم تعرف شقايل يابهن
هزاع: من اهلها !!!
غلا: للاسف
هزاع: لا يمكن
غلا: والله البنت نامت وهي تصيح
هزاع: اميره ؟
غلا: كيف عرفت
هزاع: انتي قلتين انها بايته عندج
غلا: المسكينه والله رحمتها
هزاع: لهدرجه توصل الحقاره
غلا: تخيل البنت خيفانه منه
هزاع: حاول يسويلها شي
غلا: شكله ناوي
هزاع: شو اسمه
غلا: شتباه
هزاع: قولي
غلا: بليز لا تتدخل
هزاع: قولي
غلا: سعود
هزاع: شو يقرب لها
غلا: ولد خالتها
هزاع: برويه هالـ....
غلا: هزاع دخيلك م نبا مشاكل
هزاع: اصلا م اعرفه
غلا: ادريبك تعرف كل اللي تباه
هزاع: المهم .. انتبهين لا تصورين عمرج مول
غلا: م احب التصوير اصلا
هزاع: كله ولا انتي
غلا: لا تخاف م احب هالحركات
هزاع: عندج سناب
غلا: هيه
هزاع: حذفيه
غلا: شعنه
هزاع: بس جي حذفيه م اباه
غلا: فيس متعجب
هزاع: ها البرامج ما منهن امان حذفيه اقولج
غلا: اوك اوك بحذفه
هزاع: لا تتقربين من شباب العايله
غلا: لا انت ينيت
هزاع: سوي اللي اقولج
غلا: والله هب منك من اللي يقولك
هزاع: سمعي الرمسه
غلا: نحن عايلتنا مب جيه
هزاع: ليش هي فكرت ان ولد خالتها ممكن يسوي جي
غلا: اففف تعبت من هالسالفه
هزاع: نغيرها
غلا: لا بنام
هزاع: انزين شخبارج الحين ان شاء الله اهون
غلا: يعني بخذ حبوب وبنام
هزاع: يويلج
غلا: شوو
هزاع: يويلج تاخذين حبوب
غلا: شعنه
هزاع: انا ابا عيال
غلا: خيبه شقايل عرفت
هزاع: يعني البنات شو يتعبهن غيرها
غلا: اها صدقتك
هزاع: المهم ما تاخذين حبوب
غلا: لا والله وشقايل ارقد
هزاع: م يخصني انا ابا عيال
غلا: والله انك تضحك
هزاع: شعنه لني افكر بمستقبلنا
غلا: سير انجلع ابا انام
هزاع: اوك بس ما تاخذين حبوب
غلا: افففف انزين انزين
هزاع: لا تتأففين وسمعي الرمسه
غلا: ترا والله مب ياهل
هزاع: ابا احطج فعيوني واداريج ع الاقل خليني اتشرط وانتي بعيده
غلا: تعال
هزاع: وين الحين ياي
غلا: امزح والله ههههههه
هزاع: ياله نامي هههه
غلا: تصبح ع خير
هزاع: وانتي من هله
غلا: يويلك ترمس غيري
هزاع: فديتهم انا
غلا: يلا منااااك
هزاع: اموووواااااح
غلا: باي
هزاع: بايات
..
بالباجر اميره سارت

رد: رواية حبه لبسني لبس يني لبس الخواتم فالصبع تم

..
يوم اليمعه
فبيت بو عبدالله ع الساعه 11: 20
مياسه : عبووود دخيلك
عبدالله: نو نو نو
يت ام عبدالله: شعندكم
مياسه: امايا قوليلي حق عبود يشلني عند خالتيه مزنه
عبدالله: ياله بصباح خير
مياسه: م قلتلك الحين نسير العصر
موزه: وشعنه ما تشلها
عبدالله: اميـــــه
موزه: ياله حتى انا بسير
عبدالله يطالع مياسه بتهديد
مياسه تغايضه: ياله ياله
عبدالله: اميه خلي بنتج تصطلب ولا والله م اشلها
موزه: اففف منكم جنكم يهال
علي: هلوووووو
موزه: الناس تقول السلام عليكم
علي: السلام على علي
عبدالله: استغفرك ربي من ويه الكفر ع الصباح
مياسه: انت طفرتبنا صباح وصباح ترا بتوصل الساعه 12 معناته ليل
موزه: تريقت
علي: شبعان
عبدالله: ماكل فالحلم
سعيد: ياله ماكل حلاوتي الجلب
ويا يضربه
انخش ورا امه
علي: مب مالتك ي الزطي
سعيد: تعال ي الديايه برويك وين الزط .. اميه شوفيه
موزه: ترا إلا حلاوا
عبدالله: ياله بيضرى مب إلا حلاوا
سعيد يكفخه من ورا امه وعلي يصارخ
سعيد: طلع ي الجلب
موزه: سعيد بس خوز
علي: جب مب مالتك
سعيد: عيل مالتك ي الهرم
عبدالله: بس سعيد يلس صدعتنا
سعيد: هيه ترا مب لك ولا ما بتسكت
عبدالله: يلعن اللي ييلس وياكم
ونش
مياسه: بلاه هالنفسيه
موزه: م ادله صاير بطران هالولد
مياسه: اقولج ما تصدقين ..وبصوت خيفيف: مب منه من هال.. اللي يرمسهن
موزه: شو
مياسه: لا لا ماشي
..
غلا: صباح الخير
اميره: صباح النور
غلا: بتروحون
اميره: يب
غلا: قولي حق امج
اميره: شو اقولها
غلا: اي شي بس لا تسيرين والله انا صرت خيفانه
اميره: حاولت بس اميه حطت براسها ميه الف سؤال
غلا: مب مشكله خلج ويا منيره
اميره: اكيد
غلا: انتبهي والله
اميره: غلا تخوفيني زياده والله بصيح
غلا: انزين معقول محد لاحظ
اميره: اقولج اميه تعشقه لو تشوفينه الشرا جدامها
غلا: منافق
اميره: واكبر منافق اللعين , الله يعيني
غلا: م عليج لا تخافي توكلي ع الله
اميره: تمام
غلا: متى بتسيرون
اميره: الحين
غلا: للفليل!!
اميره: لا بس بنتغدى والعصر راجعين
غلا: اها درب السلامه
اميره: حسستيني امريكا
غلا: هههههه تخيلي
اميره: الله يلعن امريكا جان جيه
غلا: هههه لا تلاعني الامور كستر خلج حذال منور ولا بيصير شي
اميره: اوك , فداعت الله
غلا: باي
..
هزاع: صباح الخير
غلا: صباح النور
هزاع: علومج
غلا: تمام
هزاع: اقلج اليوم بنظهر البر ويا الاهل م رح اقدر ارمسج
غلا: اوكيهه
هزاع: ارتحتي
غلا: م اعرف
هزاع: بشتاق لج
غلا: خيبه من الحين
هزاع: ياله عيل حياج
غلا: حياك
..
ميثوه: هلا سوير
ساره: اهلين
: عجب
ميثوه: شو العجب
سارة: م احيدج ترمسيني
ميثوه: عسب جيه م ارمسج مره ستلمتيني
ساره: هعهع سوري آمري عيوني
ميثوه: خلي عيونج حقج وخلي ميود اييبج
ساره: وين
ميثوه: عندنا
ساره: شو المناسبه
ميثوه: والله انج هرمه
ساره: قصدج حرمه
ميثوه: لو ميروه ترد عليه جان م رمستج ي الخبله
ساره: الزبده
ميثوه: خلي ميروه ترد عليه
ساره: ميروه راقده
ميثوه: جذابه
ساره: اف صدعتيني انتي شو تبين
ميثوه: قولي حق هناد اييبكن عندنا
ساره: ليش
ميثوه: مياسه بتي نبا نتيمع
ساره: وهه فديت هالطاري الحين بقوله
ميثوه: هيه لو قايلين مياسه من الصبح اريح
ساره: حياتي صبوع ايدج مب واحد
ميثوه: ذلفي ذلفي
ساره: ____
ميثوه: حيوانه ما عليه عقب بنتفاهم
ساره: كك يصير خير باي
ميثوه: رديلي خبر
..
دخلت عندها
ساره: ميرا ميثوه تقول نروح عندهم
ميره: شعنه
ساره: بس جيه يبن يتولفن
ميره: انا يالسه اذاكر سيري شوفي مايد جان بيطيع
ساره: لو جيه ما ييت اقولج أنا مايد يسحب عليه
ميره: ذاج اليوم ربع بلاكم
ساره: آآه لا تسألين غدربي النذل
ميره: فجينا وروحي قوليله
ساره: اففف اقولج م بيطيع
ميره عيونها فكتابها
ساره: بس حشاااا كله مذاكر مذاكر انا لو ادرس شراتج بطلع الاولى فالدوله مب الا الصف
ميره زعجت : شعندج ياخي صدعتينا شو تبين
ساره زاغت: خيبه بطلع بطلع لا تاكليني
طلعت
ساره: ميود
مايد وعيونه ففونه: نعم
ساره: منو ترمس
مايد يطلعها بنظره: شعندج دخلي حياتي بعد لا لا دخلي
ساره: خل حياتك حقك (يلست) سمع بقولك
مايد: شتبين
ساره: يوم العرس قلت بتسوا لي اللي اباه وعقب سحبت عليه
مايد: والمطلوب
ساره: شلني انا وميره عند خالتيه مزنه
مايد: ليش خالتيه عزمتج
ساره: لا ميثوه عزمتنا
مايد: وشو عندكن مؤتمر مثلا
ساره: لا اجتماع الهيئه
مايد: ومنو اعضاء الهيئه
ساره: افف كل شي يبا يعرفه
مايد: لازم اشوف مدى اهميه هالاجتماع
ساره: اجتماع سيعقد فبيت خالد المادله منو في تمام الساعه الخامسه مساء بحضور الرئيسه ميثوه والشيخه ساره والشيخه مياسه واللي ما منهن فايده اميره ومهره
مايد: وخلود والعنود
ساره: شو نباهن
مايد: وغلا وغاليه
ساره: هيه صدق هاي تبطرت علينا الحين م ترمسنا مول
مايد: وانا م عندي شغله غير اتسمع سوالفج انتي وغلا
ساره: محد قالك تسأل وبعدين ها يالس لا شغل ولا مشغله
مايد: اففف يومين اجازه حرام نتهنا مثلا
ساره: بتشلنا ولا
مايد: ولا
ساره: سخيف
مايد: خلي السخيف يشلج
ساره: ياخي عن الذل
مايد: م درويل ريلج انا يلا ذلفي مناك
ساره: تباني اتعامل وياك باسلوب ثاني
مايد شاتها بريله: يلا منااااك
ساره: ماعليه ي الرخم
مايد: لا تقولين رمسه م تفهمينها لا ارشج بكف يعدل ويهج
ساره شاتته بمخده وهي رايحه : سير مووووت
مايد: م اتبداج ي النذله
ساره تزعج: تربيتك
مايد: تخسي والله
ام سيف: شعندكم انتو
مايد: هاي بنتج النذله
يت غريبه: السلام عليكم
: وعليكم السلام
ام مايد: وابوي عليك قم عدل يلستك
مايد :
ام مايد: منو ارمس انا
مايد: هاه شوو
ام مايد: شتسوا
مايد: العب
غريبه: سيف بيشلنا عند هلي بتسير ويانا
مايد: لا شلو هالنذله وياكم
ام مايد: بلاك ع اختك اليوم
مايد: هاي صدعتنا اونه ميثوه عزمتنهن
ام مايد: وشعنه ما تشهلن امبونك يالس لا شغل ولا مشغله
مايد: عندي شغل العصر
ام مايد: عن المكر
غريبه: م عليه بنشوف سيف يمكن يخطفهن
علاوي: هوووود ي هل البيت
مايد: دخل عن السخافه
علاوي: هب منك من اللي يعاملك شرات الريايل
ام مايد: فديت هالويه انا
علاوي ع طول عند يدته: افداج
مايد: اونه
علاوي: يدوه
ام مايد: عيونها
علاوي: ببات عند خالوه غلا اليوم
ام مايد: بات حبيبي
مايد: هيه ولا تقصر انت وخالتك خبلوا بخالتيه انا
ام مايد: والله ام هناد م جنها اشتكت لك
مايد: اكيد م بتشتكي
ام مايد: قوم شلنا وياهم اليوم
مايد: ياله تعاضلنا نحن وين نقبل
غريبه: خالتيه انتي سيري ويانا وخليه يشل البنات
يت ساره: هيه صح
مايد: هيه شمت ريحه حوامه
ساره: اونه عاد ترا من بيت لبيت
مايد: عيل ليش محتشره
علاوي: عشان مياسه
ام مايد: ساره غلا م بتسير وياكن
ساره: م ادل م رمستها
غريبه: انا مرمستنها البارحه بتسير عند ام مزنه
ام مايد: مزنه يارتهم صح
غريبه: هيه
مايد: ومن متى نحن نخلي بناتنا يسيرون عند اليران
ام مايد: وانت شدخلك بسوالف الحريم
مايد نش: ياله هب جنه انا اللي جنت يالس وانتن عفدتن عليه
ساره: المهم ترا العصر بنسير
مايد وهو ساير: يلا مناااك
ام مايد: بتشلهن
مايد: انزين انزين
ام مايد: غريبه متى بتسيرون
غريبه: بنتغدا هناك ان شاء الله
ام مايد: يالله عيل ماشي وقت
غريبه: بسير احط شنطه علاوي وبوعي عويش وبيكون سيف وصل
ام مايد: يالله عيل انا بييب عباتي
ساره: بعد شعنه العباه تراه الا بيت خالتيه

..
عند اميره
خالتها مريم حرمه طيبه وع نياتها وتحب عيالها وايد (مدلعين)
ولد خالتها سعود عمره 22 نقدر نقول انه بويهين ورح نلاحظ هالشي
عنده اخت وحده ومعرسه عمرها 20 وعندها بنت وحده
ابوهم ميت <يعني بس هاي عايلتهم >
..

رد: رواية حبه لبسني لبس يني لبس الخواتم فالصبع تم

..
يالسات بالصاله
وفاء(ام اميره) منيرة واميره وحمدان
دخل وجبست ع طول
سعود: السلام عليكم
الكل: وعليكم السلام
سلم ع خالته ويلس حذالها
سعود: علومج خالتيه
ام حمدان: الحمد لله طيبه علومك انته
سعود: بخير الحمدلله
ام حمدان: وينك م نشوفك مول جنه م عندك خاله تسأل عنها
سعود: سمحيلي خالتيه والله م افضى مول الشغل م يخلص
ام حمدان: الله يعينك من مات ابوك كل شي ع راسك
اميره تحترق من داخل : اونه قال شغل المنافق , لا وبعد كل شي ع راسه يعل راسك م يشل شي
سعود: اخبارج منيره
منيره: الحمد لله طيبه
سعود: متى العرس
منيره: م اعرف والله
سعود: ياله بالتوفيق والله انه خالد ريال م عليه كلام
ام سعود: هيه الله يوفقهم
سعود: شخبارج اميره
اميره رفعت راسها بقو: هاه
سعود بابتسامه طنازه: اقول اخبارج
اميره بدون نفس: بخير
سعود: اووه الشيخ هنا
حمدان: هيه تتخبر علوم البنات اول عقب يايني الشيخ
سعود نش ويلس حذاله ويده ع جتفه: افففف سمحنا الذيب
حمدان: مسموح , علومك انته
سعود: ماشي علوم , والله وكبرت ي حمدان
حمدان: لا اترياك تعزمني عسبت اكبر
سعود انقلبن ملامحه: حلف بس
حمدان زاغ: سوري امزح
سعود سحب عليه: هبشي خالتيه
حمدان بصوت خفيف لأميره: بلاه ها
اميره بهمس: م عليك منه نفسيه
حمدان: حشا كلنا بعيونه م تسوى
اميره: طبه طبه بطران م ادل ع شو
حمدان: صدقتي
اميره: نزل عن تهازبك اميه
.. ويلسوا يتقهويون
..
ع الساعه ثلاث
غلا طرشت حق اميره: هباتج
اميره: يوووه غلوي انتي تخلي الواحد يخاف
غلا: شسوي والله فوادي عندج
اميره: م عليج الامور طيبه
غلا: اوك رمسيني اذ صار شي
اميره: ي بوووووي
غلا: والله خيفانه
اميره: م الومج انا بروحي زايغه
غلا: 
اميره: مب مهم انا لاقصه فمنيره
غلا: ههههه خلج جي
اميره: اوكك
غلا: ياله عيل اذيتج وغروب وخالتيه هنيه
اميره: سيو
ام هناد: ياله بوي غلا
غلا: اميــــــــــه جىه الساعه ثلاث ونص
ام هناد: ادلج لين م تخلصين وصلت خمس
غلا: خيبه عااااد مب هالكثر
ام هناد: ياله تراني قلت لج الساعه خمس بنسير
غلا: ياله ي اميه تراه خطوتين
ام هناد: م يخصني انا وخالتج نتريا تحت
غلا: وغريبه م بتسير
ام هناد: لا اونه عيالها
غلا: تشلهم
ام هناد: تبا تيلس ويا ابوج اونه من زمان ما شافته
غلا: أها
ام هناد: ياله انتي
غلا: زين زين
ودخلت تتسبح
..
الساعه اربع
يالسات الحريم , وحمدان وسعود محد
حمده (اخت سعود): اميره حبيبتي شوفيلي طيف جان نشت عن تصيح
اميره: وين
حمده: فحيرتها خاري
اميره: منور قومي ويايه
منيره: شعنه
اميره: ياله
حمده: هاه إلا خطوتين
اميره: منوور
منيره: اف اميره ترا إلا هنيه
حمده: جان م ترومين بسير انا
اميره: لا لا بسير
ظهرت
وع دخلتها نشت طيف وتطالعها قامت تلاعبها وطيف تضحك بقوو
..
نشوف فبيت خليفه اللي لنا من زمان عنه
سلامه يالسه تسحي شواخ
وقامت تصيح لان شعرها منفوش وتصارخ وفجتها
سلامه: افففف من اختج
رناد يلست بتعب: بلاها
سلامه: م مخليتني اسحي كشتها
رناد: برايها
سلامه: انتي بلاج تعرقين
رناد: م ادري جنه حر
سلامه: المكيف مشغل
رناد: م ادري
سلامه تضحك: رنود ماكله كاتشب
رناد: وععع تعرفيني م احبه , ليش
سلامه: شو ها تحت خشمج
مسحت بصبعها: دم!!
سلامه: بلاج
رناد: م ادري مب اول مره
سلامه: ابووي من هالضعف
رناد: اف شسوي م اشتهي الاكل
سلامه: غصبي عمرج
رناد: والله احاول بس م اقدر
سلامه: ياله ما عليه , صح بقولج
رناد: آمري
سلامه: بسير عند خالاتي اليوم بتسيرين ويايه
رناد: لا احس اني تعبانه
سلامه: شكلها حما يايتنج
رناد: م ادري والله
سلامه تغمز: صحي بسرعه بنسير بيت يدوه الاسبوع الياي
رناد تشوتها بالمخده: حيواااانه يصير خير للاسبوع الياي
..
عند اميره
شاله طيف وطيف تضحك
دخل سعود فجأه
سعود: ي هلا وغلا
اميره سرعه حطت طيف وعدلت شيلتها: انت شعنه تدخل لا احم ولا دستور
سعود: اف اف شعنه هالعصبيه
اميره: انجلع
سعود: لازم تتعودين بتصيرين حلالي جريب ان شاء الله
اميره: تخسي إلا انت
سعود تقدم لها: يو يو يو وطولان لسانج امووره
اميره: والله اذ تقدمت زياده بصارخ
سعود يتقدم: حلفي بس
اميره بترجي: سعود طلع
سعود: قلت لج انتي لي والصراحه انا اعتبرج من الحين حلالي
اميره وعيونها كلهن دموع: أمنتك بالله م تقرب دخيلك سعود
سعود: له له له ليش هالدموع
اميره ضربت باليدار: حرامممم لا تقرب والله حراممم
سعود: كل شي حلال فالحب
اميره: حبتك ينيه خوز عني ي الجلب والله بصرخ
سعود صار لاصق فيها حط صبعه ع ويهها: جربي اشوف
اميره: دخيلك سعود خوز
سعود يقرب راسه من اذنها: ليش تستحين
اميره تصيح: حرام يويلك من الله خوز ي جلب خوووز
سعود وهو يشم شعرها وخشونه لحيته ع رقبته: آآآه ي بنت خالتي والله وكبرتي
اميره دزته بقوووووه : لا تلمســــني
سعود: هشششششش .. وبنبره حاده: لا تعلين صوتج عليه لا ارويج شي م شفتيه
اميره تحاول تكون قويه: والله اذ قربت يويلك
سعود يطنز: ي بووووي وشو بتسوين
اميره حاولت تروح صوب الباب بسرعه ومسها بزنودها
صار ويهها بويها: وين حبي وين
اميره تصيح: دخيلك سعود خوووز
سعود: لا تخافين محد ايي هنيه
اميره: اخاف من ربي ي الحقير
سعود لصقها باليدار: لا تسبين
اميره تصيح بصوت عالي
حط يده ع اثمها: قسم بالله اذ م سكتي م برحمج
اميره ترتجف وتهز راسها
خاز ايده شوي شوي: هشششش جي حلوه فديت هالويه انا
اميره تترجاه: دخيلك خلني اروح
سعود يمسح ع ويهها: والله م تهونين عليه
اميره ابتسمت والدموع اربع اربع: خلني اروح
سعود: من عيوني ي عيوني انتي
اميره تترياه يخوز
سعود: بس بشرط
اميره عقدت حياتها ودموعها م يوقفن
سعود: بوسه اول
اميره حط يديها ع اثمها لما شافت راسه بدا يقترب
سعود: خوزي ايدج
اميره تهز راسها بلا
سعود: شوفي الحين بتصبرني بوسه بس والله اذ عاندتي بيصير اكثر
اميره حمرت من الصياح وتترجاه بعيونها
سعود: ياله سرعه
اميره خازت ايدها وهي تصيح
وصاحت البنت وياها
سعود: افففف سكتي انتي بعد
اميره: سعود والله حراامم
سعود: تمام تمام بنخليها للعرس تعالي الحين
مسكها بخصرها ولصقها فيه
وباسها بقووو فرقبتها وهي جبدها لاعيه واضافرها فضهره ولما بدا يحس بالالم صدق دزها وضربت بقوه فاليدار : ي حيوااااانه
تقدم لها ورفع رقبتها بصبعه ويطالع العلامه اللي سواها لها: اووف تستاهل والله
اميره يلست ع الارض تصيح
سعود: قومي قومي عن اللغانه وسكتي هذي وياج
وطلع
قامت سرعه شلت البنت ودخلت الحمام غسلت ويهها وطلعت عن يشكون
..
الرجل يحب ليسعد بالحياة ، والمرأة تحيا لتسعد بالحب ( جان جاك روسو )

رد: رواية حبه لبسني لبس يني لبس الخواتم فالصبع تم

..
سيف شل حرمته وامه بيت ابو هناد يلس شوي ويا عمته(ام هناد) وتغدوا
ع الساعه ست إلا
ام مايد: دوم جيه ما بتتغيرين
غلا: ياله ي خالتيه اتخرت نص ساعه
ام هناد: ما اشوف شي ع ويهج بعد شعنه هالتأخير
غلا: ترا اتسبح
ام هناد: ياله ياله امشي
وسارن
استقبلتهن مزنه
دخلن ويلسن ويا ام مزنه ومزنه واختها المعرسه ووحده اصغر عنها
تمن يسولفن
..
عند البنات
مياسه اول الواصلين
وعقبها ميروه وساره
زهبن اليلسه حلويات وافلام والاهم م تامه مخده فالبيت ومضبطات الجو
ميثوه: ياله ناقصه رنود بس
ساره: ليش محد قالها
ميثوه: قلت لها قالت تعبانه
ميره: وسلامه
ميثوه: عند خوالها
ساره: وغلا بعد محد
مياسه فرت الشيله: ياله اهم شي افتكينا من نصير
ميثوه: هيه من الصبح وانا احاول اقلعه من البيت ناشب نشبه
ساره: الله يخلي ميود
مياسه: هيه هذيلا حاسدتهم انا م ادل كيف جيه ربع
ميره: خيبه خيبه بدينا حش
ميثوه: هيه والله غيرن السالفه
وتمن يسولفن
..
عند رناد
ياها مسج من رقم غريب
أحس بالرعشة تعتريني

و الموت يسترسل في وتيني

و موجة الإغماء تحتويني

فقربي مني و لامسيني

مري بكفيك على جبيني

و قبل أن أرقد حدثيني

* * *

قصي علي قصة السنين

حكاية المشرد المسكين

طوف عبر قفره الضنين

يشرب من سرابه الخؤون

و يشتكي النجود للحزون

و جرب الغربة في السفين

و هام في مرافئ الجنون

كسندباد أحمق مأفون

و عاد بالحمى و بالشجون

محملا بصفقة المغبون

* * *

هاتي كتاب الشعر أنشديني

قصيدة رائعة الرنين

كتبتها في زمن الفتون

أيام كنت ساذج العيون

قبل انتحار الوهم في اليقين

و غضبة الكهل على الجنين

و صحوتي في الواقع الحزين

هل تذكرين الان؟..ذكريني

براءتي في سالف القرون

قبل قدوم الزمن الملعون

يبيعني حينا..و يشتريني

يمنحني المال.. و لا يغنيني

يسكب لي الماء.. و لا يرويني

و يجعل الأغلال في يميني

و يزدري شعري.. و يزدريني

يال شقاء البلبل السجين

في القفص المذهب الثمين

ينشد ما ينشد من لحون

خافتة.. دافئة الشؤون

مثل دم يسيل من طعين

* * *

تعبت من جدي و من مجوني

من كل ما في عالمي المشحون

من مسرح محنط الفنون

مشاهد باهتة التلوين

أغنية رديئة التلحين

إمرأة شابت فما تغريني

برمت بالمسرح.. أخرجيني

مري بكفيك على جبيني

و قبل أن أرقد.. ودعيني

..
..
رناد تموت فالشعر فكيف اذ كان غازي القصيبي
استغربت
لكن م دام هالاستغرب
لنه ع طول طرش ع الواتس
..
مساء الخير
رناد: مساء النور منو ويايه
: بقول بس حلفي يمين انج م تعطيني حظر قبل م تسمعين سالفتي كامله
رناد: اسمع
: انا علي
رناد: منو علي
علي: يار يدتج
رناد صدممممممه: جذاب
علي: قسم بالله
رناد: اذ طلعتي وحده من الشله قسم بالله م ارحمج
علي: ليش الشله كيف تعرفني
رناد توهقت: منو انت
علي: قلت لج
رناد: ثبت لي
علي ع طول يباها من الله ..(مثل م قلنا انه كشخخخخه من امه وجماله شي عجيب)
صور لها فيديو وهو يقول: سلام .. رناد انا علي .. وطرشه
علي: صدقتي
رناد مب مستوعبه: وشقايل تعرفنيه
علي: مثل م عرفت رقمج
رناد: شو تبا
علي: وصلنا للاهم
رناد: من الحين اقولك ان مب راعيه سوالف ولا رح اسولف ولا اريد
علي: اوووف اوووف هدي هدي
رناد: الزبده
علي: اذ تبين الصدق انا اباج ع سنه الله ورسوله
رناد: تعرف بيت يدتيه جانك صادق تعال من الباب مب من الفون
علي: بلاج جيه حاره صبري شوي
رناد: سرعه
علي: اوكك , من اول مره شفتج وانا تعلقت فيج وعلاقتيه ويا اخوج زايد صارت اوكيه وانا ييت اسألج جانج موافقه باجر فبيتكم
رناد: وليش تسألنيه م احيد هاي عوايدنا
علي: والله انج مثل م توقعت
رناد: والمطلوب
علي: بس شكلج كيوت عجب ترمسن جيه
رناد: لاني م اعرفك واذ خلصت انا بسير
علي: عطيني جواب
رناد: تبا تسمعه تعال بيت هلي وتالي يصير خير
علي: بس تم
..
رناد بنت ما لها شبيه فأسلوبها و حركاتها وفعلها وحتى شكلها
حيا , وانوثه , وهدوء جوهري , والجمال يطغي عليها والأهم اخلاقها ترفع الراس
لكن فيها شي نفسيا رح تعرفونه حزتها
..
<< الحيا نقطه اذا فنت فنت الفتاه >>

رد: رواية حبه لبسني لبس يني لبس الخواتم فالصبع تم

..
عند اميره
صار وقت روحتهم
حمدان: حشاا اميه م بغت تنش
اميره: ياله فرجت
حمدان: اهم شي ذاج السقم راح
دخل سعود
حمدان: خيبه لو طارين المليون ابرك من هالشيفه
اميره: م عليك منه قم ظهرنا اميه م بتخلص
وطلعوا ولحقتهم اميره م حطت عينها بعينه وهو طبعا الحشيم جدام اهله
اول م وصلت البيت دقت حق غلا
..
غلا اللي يالسه تسولف ويا مزنه
دق فونها وتطالع مزنه مستحيه
مزنه فهمتها: قومي رمسي خاري احسن لج عن الصدعه
طلعت غلا: هلاااا
اميره: اهلين
غلا يلست: ها شو صار
اميره قالت لها السالفه
غلا: حقـــــــــــــــير
اميره : شسوي غلا م اقدر اخبر حد
غلا: م اعرف والله مسألتج صعبه
اميره: المهم فتجيت منه هالمره وعدت ع خير
غلا: احسن شي انكم م تسيرون غير بالسنه حسنه
اميره: هيه بس هالجلب ايي بيتنا
غلا: بس حمدان ما يدانيه حق شو ايي بعد
اميره: بس جي نشبه اونه النشمي جدام امايه ايي يسلم عليها
غلا: اول مره اشوف حد جي
اميره: افف
غلا: صح بسألج
اميره: قولي
غلا: ليش فجأه جي استوى
اميره: ترا نحن ما نسير عندهم وايد وآخر مره شافني جان عمري خمسطعش تقريبا وسرنا عقبها وجان كله محد وعقب شفته وانا فالثمنطعش وصارت السالفه
غلا: الله يهديج بس
اميره: ندمانه قسم بالله ي ريتنيه م وثقت فيه
غلا: م عليه ان الله غفور رحيم
اميره: لو فكرت بعقل قبل م اغلط
غلا: قالوها الغلط لحظه والندم سنين
اميره: آآه
غلا تضحك: ولا يبا يتزوجج
اميره: يهبي والله
غلا: شبتسوين لو يا صدق
اميره: ها جذاب م قد رمسته بس يبا يلعب
غلا: انزين فكري بالموضوع دامه متوعد لج انتي م ترومين ترفضين
اميره بضيج: غلا لا تزيدين الطين بله
غلا: انا اقولج الصدق .. المهم طنشي انتي ولا جنه شي صاير
اميره تتنهد: وها اللي بسويه
غلا: قسممممم بالله حمود
اميره: اي حمود
غلا: هشش هش عقب برمسج
بندت ووقفت
محمد عاقد حياته: السلام عليكم
غلا عرفت انه م عرفها: وعليكم السلام
محمد مستغرب منو هالبنت الوقحه واقفه جيه جدامه ولا تحركت
غلا: م عرفتنيه
محمد: لا والله
غلا: محمداني!!
محمد مصدوووم: غلووووي
غلا والابتسامه ع ويهها: هيه
محمد: يوووه والله وكبرتين
غلا: هههه
محمد: خاطريه احضنج
غلا: م تغيرت
محمد يحك راسه: هيه بعدنيه ماصخ
غلا: ههههه حشاا
محمد: عيل شتقصدين
غلا: اقصد انه اللي بخاطرك مره تقوله
محمد: هيه ليش اخليه بخاطريه
غلا: يوووه والله كبرنا
محمد: هيه تحيدين ايام الضرايب
غلا استحت: اففف لا تذكرنيه
محمد: علومج انتي
غلا: الحمدلله طيبه
محمد: الصراحه يوم شفتج قلت من هالـ.. ما تستحي واقفه ومسويه بولباس
غلا: خيييبه
محمد: عاد ها الصدق
غلا: ي حيك والله
محمد: غلا شينيتين ردين صغيره بلعب وياج
غلا عاقده حياتها: لا والله
محمد: راحن غمازاتج
غلا تلف ويهها وتبتسم
محمد: حته انا .. لف ويهها
غلا: ايه هب جنه مصخناها
محمد: هيه والله عيب جنا يهال
غلا: ياله اونيه م شفتك اوكيه
محمد: تمام اوني م قلت شي
غلا تضحك : اففف خاطريه اسولف
محمد: ياله انجلعي قليله ادب
غلا: زين زين
محمد يضحك: ايه بس عيب والله
غلا: يلا اوكيه شوف انا بدخل عقب انته دخل واذا شفنا بعض انا بجبس وانت لا تطالعنيه اونه حشيم عاد هم بيخبرونك
محمد: م عقلتين مول
غلا: يوم تعقل انا بعقل
محمد: هاهاي ياله عيل حريننيه داخل
غلا: خيبه جنه تنواعد
محمد: زولي مناك لو رضعتج اميه جان زين
غلا: هيه والله انت مثل هناد
محمد: يلا مناك انا هب هناد استحي ع ويهج وفارجي
غلا : اوكيهه بمشيها
ودخلت
(( هم متربيين مع بعض وهو شرات اخوها بالضبطططط لا اكثر ولا اقل عسبت جيه الامور طيبه ))
عقب دخل هو سلم وردوا السلام
ام هناد: علومك حمود
محمد: الحمدلله
شيخه(اخته المعرسه ) : بعدك حمود
محمد: حلالج خالتيه اللي تبيه
ام هناد: والله وكبرت ي حمود
مريم(اخته ): حمود هاي توأمك غلا
محمد يمثل: اخبارج غلا
غلا اونها مستحيه: الحمدلله
شيخه: اونه كبرنا وقبل يتضاربون
ام هناد: هيه والله حاشرين البقعه امبونهم
مريم: محد غير هناد جان عاقل فينا
ام هناد: ولين يومج ها طبعه
شيخه: يعني بعده بطران
ام هناد: هو هو م تغير
ام محمد: محمد شرايك نزوجك غلا
شهقوا ثنيناتهم والباجي نقعون ضحك
شيخه: بلاكم ههههه
محمد وغلا بنفس الوقت: حنا خوان
ام هناد: عكيفكم خوان
محمد: غلا بحسبه اختيه
ام محمد: ماشي فالشرع حسبه اختيه
غلا: خل عنكم حمود بيتم اخويه
محمد: هيه ولو حلال جنا بعدنا نضارب
مريم: اميه جان رضعتين غلا وريحتينهم
محمد: هيه والله
غلا: حد قالكم ناقصه حليب
ههههههههههه
محمد: هيه عشان تطولين لسانج ولا اروم اصكج
غلا تغايضه بلسانها
شيخه: وانتو بعدكم يهال
محمد: شدخلج انتي
ام هناد: خليهم يسترجعون الطفوله
محمد: هيه والله يرحم الله ذيج الايام
ام هناد: انت قطعتنا
محمد: سمحيليه خالتيه من رجعت من برا وانا مشغول
ام هناد: م عليه طوف لو خمس دقايق
محمد: من عيوني بس والله مستحي من هناد
ام هناد: م عليك هناد م يشل بخاطره هو بروحه جيه
محمد: ان شاء الله بنمركم .. عيل سمحيليه الحين
ام هناد: خلك بنيلس وياك
محمد: سامحينيه خالتيه عاد حزت دوامي
ام هناد: هيه الله يعينك ع زامات الليل
محمد: الله كريم .. ياله فداعت الله
ام هناد: م بتتعشى ويانا
محمد: والله م اظني خالتيه م اقدر
ام هناد: عيل إلا اتيي يوم واعشيك
محمد: ومن فوق خشميه بعد .. حياكم .. حياج غلا
غلا: حياك
..
باجي الاحداث عندهم كلها عادية
..
نروح عند البنات
خاتلات البنات بهدوء تااااام ويطالعن فلم رعب
ومن تطلع لقطة تزيغ يتلايمن ع بعض
.. دخل منصور وشافهن مندمجات ورد ظهر
منصور: ميود يباله
مايد بخبث: شيسون
منصور: يطالعن فلم رعب
مايد: يباله عيل
منصور: يلا اوكك يباله تكتيك صح
مايد: مسهلات المهمه والليتات مبنده
منصور: بس والله عيب ترا ما لابسات شيلهن
مايد: انت شفت
منصور: لا
مايد : عيل شقايل بنشوف , ترا بنسويها وبنظهر وخلهن يصيحن ما بنطالع
منصور: هيه صح
مايد: جم وحده
منصور: حسب .. ميثوه ومهاري , ميروه وسوير ومياسه
مايد: ياله مب ويدات
منصور: ياله دبر نفسك كيف الحين
مايد: امممم , مب صعبه دامنهن اصلا زايغات
منصور: منو اكثر وحده خوافه
مايد: اكيد مب سوير
منصور: وميثوه مستحيل
مايد: اممم يمكن ميرا ولا مياسه
منصور: انا اقول ميرا لنه مياسه تدريب سوير ما بتخاف
مايد: ياله عيل سمع , تحيد اللي مولفينه ذاج اليوم
منصور: هيه هيه موجود
مايد: شوف...( وقام يقوله الخطه)
ما ايوزون عن مقالبهم 

رد: رواية حبه لبسني لبس يني لبس الخواتم فالصبع تم

..
فبيت خليفه
زياد: السلام عليكم
رناد: وعليكم السلام
زياد: بلاج تعرقين اطول ع المكيف
رناد: لا لا امبونه نفسي ضايج
زياد: نروح المستشفى
رناد: لووووو الموووت
زياد تفهمها : ع راحتج اذ تعبتي قوليلي
وقبل م ينش ,رناد: زياد
زياد: آمري
رناد عطته الفون : شوف
زياد: الشو اشوف
رناد: مسك انته
زياد شاف الفون وتغيرن ملامحه: مسود الويه
رناد: بس قلت اخبرك
زياد: زين سويتي , من وين ياب الرقم
رناد: م اعرف والله
زياد: بعطيه فرصه هالسبوع جان ما يا بيذوق الويل
رناد اكتفت بأبتسامه
زياد عطاها الفون: شكلج تعبانه وايد
رناد: لا تخاف يمكن من اليلسه
زياد: محد قالج جم قلنالج روحي درسي
رناد: باله عليك انا فالمدرسه ما ادل الشرا نجحت شكالفني ادرس فجامعات بخصركم ع الفاضي
زياد: قومي امشيج شوي كاسره خاطري
رناد: ههههه لا لا ما اروم
زياد: فكه
رناد: حمار
زياد: منج ولا مني
رناد: روح روح
..
نصيحه: بنات لا تخبن شي ع اخوانكم حتى لو جانو عصبيين خلوهم يثقون فيكن
..
عند البنات
مندمجات ع الاخير
ومايد ومنصور وراهن من ربع ساعه ولا حاسات بالدنيا
مياسه: ميروه خوزي ايدينج خل اشوف
ميره: اففف شي بظهري
ميثوه: شوفيه بعدين سكتن الحين
ميرا: اييييييي بنات شي فظهري
ساره: ياله ي ميره مب وقتج
ميرا: اححححح جنه يلدعني آآآيييي
مياسه: اوووف ميرا اوووف خل نشوف
ميرا قاصر شوي وتصيح: ميثوه دخيلج وقفي وشوفي ظهري
شغت ساره فلاش بفونها وشهقت
ميرا: شووو
ساره: يبوووووي بنات شووفن
عفدن كلهن يطالعن
ميرا: شووو
ساره: ظهرج كله سماسيم
ميرا نقزت تزعج: حلللللفي آآآآى
ساره: صبري صبري
وعفسن الدنيا
شوي وتزعج مهره زعجه محترمه: غووووووووول
وزعجن مع بعض يوم شافن الغور ع الشاشه
م وحالهن يستوعبن انه لعبه إلا يزعجون مايد ومنصور من وراهن
وطقن كلهن ع الارض اللي تصارخ واللي تصيح
مايد ومنصور ظهرو خاري قبل م يشغلن الليت وهم فااااقعين ضحك
ولما بدن يهدن شغلت ساره الليتات
ساره: الله يلعنكم ياجلاب
مياسه تمش دموعها: طاااح قليبي
ميثوه: حيووواناااات قسم بالله
مهره: كيف جيه
وقامن يضحكن ع عمارهن
وعقب هدن شوي ولفن مره وحده ع ميرا
يالسه تصيح من خاااااطر ع الارض
ساره: يممه اختيه ينت
مهره: بلاها هاي
ميثوه: قومن اشوف
ميروه بلاج
ميره بعدها متكوره وتصيح من قلبببب
ميثوه: ميرا حبيبتي كلها مصخره
ميره بعدها تصيح
اندق الباب قامن يلبسن شيالهن
هناد: هوووود هوود
ميثوه: قرب
هناد: السلام عليكم
البنات: وعليكم السلام
هناد: اعووذ بالله شتسون كلكن هنيه
ميثوه: نرقص شنسوي يعني يالسين
هناد: وين اهلكن
ميثوه: اميه وخالتيه محد وميود ومنيصير الجلاب توهم ظاهرين
هناد يطالع ميره ومعقد حياته: وذيج بلاها تصيح
ساره: تيننت
هناد: ميره بلاج
ميره حست ع دمها وهي تحاول تسكت ووقفت
وطاحن السماسيم من تحت بالهبل
وشهق هناد: شوووو هاااا
ميره تداكى ع مياسه: يعووووور
هناد تجدم: شو هاااا
البنات تولفن عليها: خييييييييبه
ميثوه: اوووه نسينا السماسيم
مهره: لا وحضراتنا نضحك
هناد عصب: شالسالفه من وين كل هالسماسيم
ميرا تصيح: ميثوووه دخيلج آآآآييييييي
هناد زعج : بترمسن ولا شووو
ساره زاعت: ها ها ه ميود ونصور هم ه هم مقلب اونه
هناد بنفس النبره: ميثه
ميثوه زاغت: ه هاه
هناد: شلي ميرا فوق ونفضيها
وشلتها
هناد يحاول يمسك اعصابه: وينهم الحين
ساره: م اعرف
مهره: طلعوا
هناد طلع وهو محرررررج
لقاهم يايين والابتسامه شاقه الحلق
هناد بحرررجه: انتو ما تستحون
زاغوا اثنيناتهم: بلاااك
هناد: مب حرام عليكم شهالمصخره
منصور: هاه جنا نتمصخر
هناد: شهالمصخره الثجيله انتو ما تحسون ع دمكم
مايد: هدا بو الشباب كله مقلب صغيرون
هناد: هيه ويقلده"مقلب صغيرون" والبنت ظهرها مورم
منصور: خلها تستاهل
هناد: جبببب انتو حيوانات ما تبون تكبرون موول
مايد: الحين انت ليش معصب
هناد: لنه هاي هب حركات ريايل
منصور: سير ولااا اونك عاد
هناد: صلب عمرك لا اخبر خالتيه عن سواتك
مايد: انت شفيك شفيك
هناد: والله اذ م وقفتون مقالبكم السخيفه هااي يويلكم
مايد : لا والله يعني حلال عليهن وحرام علينا
منصور: هيه هن عادي ذاج اليوم خلنا نتجمد من البرد خاري بس نحن لا
هناد: محد قالكم اكيد انتو بديتون
منصور: م يخصنا نحن يتحملن سواتهن
مايد: عاد انته لا تسواها سالفه هن م اشتكن لك
هناد: قسم بالله انتو م تحسون م فيكم دم مووول تارسين ظهر البنت سماسيم وتقولون مصخره
منصور: هيه مصخره عاد كلهن سماسيم رشه عطر وبيخف
هناد خبطه ع الراس: حمار انت حمار م تفهم
مايد: ياله عاااد
هناد: ارمس بهايم انا م تفهم
منصور: انت شعندك شيايبنك هنا
هناد: م يخصك
منصور: بيتنا ويخصنيه
هناد: سير زووول ابوك وين
منصور يقلده: م يخصك
هناد يعطيه ع الراس: طولان السانك ي الهرم
مايد: هناد بلاك ع الولد شتبااه
هناد: فجنااا انت حاط دوبك دوب البنات
منصور: خف علينا شريف مكه
هناد: احسن منك ي الرخم
منصور: م الرخم غير ويهك مستقوي اشوفك
مايد: فجونا عااد انا الصراحه يوعان
ميثوه حارتنه: واااناااا بعد يووعانه وتضرب منصور
مايد: اعوذ بالله
ساره تضربه ع ظهره ومايد يضحك
ساره: ي الجلاااب
مايد: بس عاد خوزي خربتين سفرتيه
مهره: ضربيه احسسن الحمار هو ساس البلا
ميثوه: م عليه بتشوفون
مايد: اعلى م بخيلج ركبيه
منصور يضحك: وين ميرااا
مياسه: والله حرام عليكم ضهرها كله احمررر
منصور: اسير اشوف
مايد ضربه ع الراس: ي الدب انا جيه علمتك؟
ساره: لا حشااا استاذ مايد هاي نهايه تربيتك بيرد ع اختك
منصور: فكونا عاد من زين اخته يعني عيوز النار
هناد: بتسكتوا ولا شو
مايد: ها وايد مستقوي نصور يباله درس محترم ولا
منصور: نعم انه يباله
ميثوه: خلصونا شي عشا ولا
مايد: نحن مب مسؤولين عنج الشيخه ميثه
مياسه: جىه مسؤولين نتم بيوعنا يعني
هناد: عنبووه وذيج الوليمه اللي داخل
ساره: ها الا حلاوا م تشبع
مايد: بنطلب
مهره: لا نبا نطلع
منصور: وذيج الجسيحه حليلها
ساره: مفتخر حضرتك م عليه جان م انتقمت بدال اختيه
منصور: ميود لو سويناها فسوير مب احسن عن ميروه
مايد: ما عليه بيي دورها
منصور: حليلها ميروه م تستاهل
مايد: مب جنك مصختها
منصور: الصراحه انا عيوزتكم عايبتني الوحيده تحسها انثى من هالشينات
مايد: قسم بالله كلمه زياده واشوتك برع البيت
هناد: شرايكم نتعشى خاري
ساره: يلااا
مايد: وميرا
ميثوه: انا بشوفها
طاعت ميرا وتزهبوا بيشترون عشا وبيتعشون فحديقه عامه تغيير جو
..
قد تتعرض للخداع إذا وثقت أكثر من اللازم
ولكنك ستعيش معذبا
إذا لم تثق بأحد
..فرانك كرين..
..

رد: رواية حبه لبسني لبس يني لبس الخواتم فالصبع تم

..
غلا درت البيت تتسمع اغنيه meherbaan مال فلم bang bang وتعلب بشعر علاوي اللي نايم بثبانها
شوي وتشوف سناب ساروه مصوره الطريج
غلا: وين سايره بنص الليل
ساره: هناد مطلعنا نتعشى خاري
غلا: هناد !!
ساره: هيه نحن البنات توه يا بيت خالتيه
غلا: اها
ساره: م غرتي
غلا: طبعا لا
ساره: ليتج ويانا
غلا: استمتعي الحين وخبريني عقب
ساره: احسج صايره نفسيه
غلا: سوير عن الهذره الزايده خل اطالع
ساره: شالطالعين
غلا: اسمع اغنيه ميهريبان
ساره: ي الحيوانه تطالعين قله ادب
غلا: خيبه ي التفكير قلت اتسمع مب اطالع
ساره: اها صدقتج
غلا: هيه زين بس فارجي
ساره: اوكيهه ي النذله بنتفاهم عقب
غلا: سلمي عليهم
ساره: يوصل
..
لما وصولوا وعقب م يلسوا
ساره: هيه صح تسلم عليكم غلا
مايد: خلصت مزاور
هناد: مزاور شو
مايد: هب هي رايحه عند يرانكم؟
هناد: وانته شدراك
مايد: هب مهم اخبارج ميرا
ميره صاااخه من اول ما ظهرون مستحيه من هناد ع صياحها
هناد: م يباله ميرا هالمستحى اللوم مب عليج ع البهايم المرفوع عنها القلم
مايد: شقصدك
هناد: انت ادرى
منصور: ياااخ غايضنيه هالريال م ادري ع شو شايف نفسه
مياسه: حقه يشوف نفسه لنه اغوى منك
منصور: جب انتي عاااد
ميثوه تبا تقهرهم: انتو مولودين بنفس اليوم صح
مع بعض: لاااا
منصور: فرق ساعتين
مياسه: هيه يالياهل
مايد يغيضهم اكثر: يعني يصير تتزوجون
منصور: تخسي اخذ هالعيوز
مياسه: يحصلك اصلا وانا م اباك يالياهل
منصور: ياله مناك لو شايفه ويهج بالمرايا م رمستين
مياسه: الحمدلله اشوفه وعايبنيه هب شراتك ي السوط
منصور: اونج انتي الدبه
مياسه: ع الاقل انا بنت
منصور حس ع دمه وشافهم كلهم يطالعونهم إلا هم يتحاكون: بلاكم
هناد: خلصتوا المسرحيه
مايد: والحين بعد اذنكم يعني نبا نتعشى
ميثوه: انت ليش باطك اليوع م تشبع
مهره: قسم بالله لو راقده بالبيت اريح من مضاربكم حتى هنا بيتحاكون سخيفين كلكم
ميرا وقفت: ميثه قومي نمشي
مايد: ماشي نشه يلسي
ميرا بوزمت: شعنه
هناد: م يصير تمشن بروحكن الفليل
ميرا استحت ويلست
مياسه ومنصور مكملين ضاربتهم وشالين البقعه ومايد وميثوه شوي ويتصافعون مهره حزت رقادها وساره ساحبه عليهم وتطالع فونها
هناد : ميرا م يباله ترا والله عادي
ميرا بدون م تطالعه: شو
هناد: اعرف انج مستحيه لنج صحتين جي جدامي بس ترا عادي
ميرا رفعت راسها وهي ماده بوزها شرات اليهال: يعني شكلي يضحك
هناد: لا جنج ياهل
ميرا ياااااااهل من امه: تضحك عليه يعني
هناد: لا ليش اضحك
ميرا صدق جنها ياااهل: جذاب تضحك عليه
هناد: قلت لج م اضحك عليج بس اقول يعني جنج ياهل
ميرا ماده بوزها
هناد فيه ضحكه: يعني مثل الحين
ميرا: يعني ياهل صح
هناد فاطس من الضحك بس قابض عمره: وشو فيهم اليهال حلوين
ميرا حست ع دمها ووقفت حركات يهال
يا عبدالله وغطى عيون مياسه
مياسه: يمممممممه هناااااااااد ميوووود ايد ريال ..شوي وبتزعج حط يده ع اثمها
وكلهم ناقعين ضحك عليها
رجع يغطي عيونها: عبوووووود وينككككك شوف عيال عمك الحيوانين م قالوله شي
وزايغه تبا تقوم وهو ميلسها
عبدالله لف عليها وهم ميتين ضحك محد رايم يرمس
مياسه قاصر شوي وتصيح (ومن الزيغه م عرفت انه اخوها) : يممممممممممه لحقي عليه يممممممممممممممممه
عبدالله ودرها وهو ميت ضحك
مياسه تضربه: عبووود ي الجلب لا وانتو تضحكون
وبعدهم ميتين ضحك عليها
مياسه استحـــــــــــــــــــــــت: بس عااااد
هناد: والله انج نكتهههههه
ساره: تحريتيه بيغتصبج هاهاهاهاهاهاهاهايييييييييي
مايد يكفخ ساره: شوف التفكير انتهه
جان وده يصفعها بس رحمها انه م رايم من الضحك
منصور: واكككككككككك ي الجبااااانه تصلبتي ههههههههه
عبدالله: م صدقت حد يحضنهااااااااااااااااااااههههههههه
شوي وصخوا كلهم
عبدالله: اشتقتوالي
مياسه بعصبيه: طبعا لااااا
.. تعشوا ونشوا ع طول ..
الساعه 11:00 pm
هزاع: رقدتي
غلا: الحين سايره
هزاع: عيل شو ميلسنج
غلا صورت علاوي
غلا: ها اللي ميلسنه
هزاع: روحي حطيه بفراشه وتعالي اشتقت لج
غلا: عيل ليش اتخرت
هزاع: توها فتحت الشبكه
غلا: ون مت بحطه وبيي
حطته
هزاع: وين حطيتيه
غلا: ع فراشي
هزاع: ليش
غلا: شو ليش
هزاع: هذا مكاني مب مكانه حطيه بحيرت امه
غلا: هههههه امه بتسير
هزاع: م يخصني ها مكاني
غلا: وايد واثق
هزاع: اشتقت لج
غلا: شقصدك
هزاع: لو تخليني ارجع اشوفج
غلا: وكيف
هزاع: لا تحاولين م رح اخبرج
غلا: ياله دخيلــــــــــك
هزاع: لا تحاولين
غلا: اهون
هزاع: ابووووي انتي م تهونين
غلا: قول عيل
هزاع: قلت لج هالشي المستحيل اخبرج اياه
غلا: اكرهك
هزاع: اهم شي انا احبج
غلا: بذبحك
هزاغ: هههههه حلالج
غلا: انقلع
هزاع:توج مشتاقه لي
غلا: منو قال
هزاع: عيل ليش تقولين اتخرت عليج
غلا: اففف بس سكت صدعتنيه اختيه تباني
غريبه: وينج
غلا: ييت ييت
ميرا حضنتها: اشتقت لججججج
غلا: مي تووو
مايد يطالعهن بشمئزاز: وععع
ميرا: شقاهرنك انته
مايد حضن خالته: وهه فديت خالتيه اناااا
دخل هناد: خيبه بتموت اميه
مايد: جب انته
غلا: هناد شعنه تسير وم تقولي
هناد: مب انتي تزاوين ولا تقوليلي
غلا تطالعه بنص عين
ام هناد: هاي طماعه تبا تسير بكل مكان
ميرا: احسن لج
ضحك مايد
ام هناد لوت ع ميرا: شمسوين بميروووه
عاد ميره م صدق قامت تدلع: سألي ولد اختج الحمار
مايد: خالتيه انا اللي ياي احضنج هي يايه حق غلا
ام هناد: خل عنك قول شمسويبها
ميرا: خليها ع الله
مايد: غريبه بتردين ويانا ولا بيي ريلج
غريبه: لا وياكم
مايد: ياله عيل اتخر الوقت
ام هناد: وين وين م شبعنا منكم
ام مايد: انا عندج من العصر وهذيلا وشفتيهم خل عنج
ام هناد: ياله م شبعت من ميروه
مايد: جنت بيلس لو قلتي انا
ام مايد: وانت ع كيفك تيلس
مايد: هيه انا اللي بسوق
ام مايد: مشى مشى
مايد : هاتي عويش عنج
شلها وسلموا وراحوا
..
غلا طرشت عيون
هزاع: غلا جم تام عن تخلصين مدرسه
غلا: هالفصل بس
هزاع: ادري اقصد جم يوم
غلا: ههههه م حسبت شهر جنه , ليش
هزاع: ابا اشوفج
غلا: م فهمت
هزاع: خلج زاهبه انتي بس
غلا: بتقول ولا
هزاع: بيي اخبطج ع طول
غلا: حلف
هزاع: يمين بالله
غلا: ياله اوني صدقتك
هزاع: بتصدقين عقب شهر
غلا: المهم انا م يخصني ابا اشوف شكلك ليش انت تعرفني وانا م ارعرفك
هزاع: طرشت لج مره
غلا: تقص علي انته مطرش لحيتك ورقبتك
هزاع: ما يسد
غلا: كل ريال حلو بلحيه وعنق
هزاع: مصره
غلا: مررررره
هزاع: سعوديه الاخت
غلا:انت ادرى , لا تضيع السالفه ياله ابا اشوف
هزاع: اوكك ادور صوره غاويه
غلا: هعهع انتظر
هزاع طرش لها صورته فالسياره واللي يصوره برا وهو لاف ع يانب خشمه طويل ولحيته وسط وخنجر وبشرته بيضا وعيونه وساع وجحليات ورموشه غلاظ
غلا بخاطرها" مايد احلى منك": تمشي الحال
هزاع: حلفي بس
غلا: شقول يعني
هزاع: اللي استاهله
غلا: مزيون
هزاع: بس
غلا: بس جب حمد ربك ع اللي بدك
هزاع: يليت عندي صور لج
غلا انصدمت: انت مب هو ذاج الاولي
هزاع: ليش
غلا: اول حتى الملابس تعرفهن والحين م قادر تييب صوره
هزاع: شكلج بديتي تستهينين فيني
غلا: وشكله التهديد م قام يخوفني
هزاع: شتقصدين
غلا: بما انك فقدت موهبتك فأنا مب مجبوره ارد عليك
هزاع حزت بخاطره: يعني كل هالفتره ترمسيني من ورا خاطرج
غلا: طبعا لا تتحرا نفسك شي مهم بس التهديد اللي مصبرني للحين عليك
هزاع: والحين شبتسوين
غلا: مثل م قلت انت شكلك راحت موهبتك ونا مب مجبوره اتصنع واسلك لك
هزاع: انتي شتقولين
غلا: لا تفكر اني حبيتك ولا حتى تقبلتك انت مفروض عليه وانا ما ادانيك
هزاع: غلا!!
غلا: هيه نعم لا يكون فكرت انك شي مهم ترا لو ما خيفانه ع نفسي م رمستك
هزاع: لا انتي مب غلا
غلا: لا عيوني لا بشحمها ولحمها ودامك م تروم تسوا شي ولا عادت عنك ذيج القوه فأنت بسابع طااااف
هزاع: غلا لا تعصبين بي
غلا: شعندك
هزاع: يعني هالفتره الماضيه م تحرك شي بخاطرج
غلا: لااااه انت عاطي نفسك زياده عن حقها ولا انت نسيت انك مهددني
هزاع: ذاج ماضي وطاف
غلا: لا عيوني م طااااف مب كيفك تهددني وتالي تطلب مني اتقبلك وتتوقع اني بحبك
هزاع: لو نأجل الرمسه احسن
غلا: سمع بذكرك لا تنسى تهديداتك ولا تنسى الرعب اللي عيشتني اياه ولا تنسى اني من يوم اصيح الليل خيفانه ع عمري منك
هزاع: غلا قصري الشر
غلا: لا لايكون لاني فيستك صرت تحسب ان عاجبني الوضع لا ي بابا ترا انا بنت ناس وم يعني اني ذايبه فيك ولا يمكن افكر بواحد يهددني وعقب يطلب احبه ولا حركت رمش من عيوني وتخسي بعد
هزاع: تصبحين ع خير
غلا: مب كيفك اوكيهه
: ترا انا آدميه انا بنت انا سمعه هلي كلهم ي الاناني
هزاع: شتبي الحين
غلا: دامك م قد تهديدك ولانك رايم ع شي لا تحلم ارد عليك
هزاع: لا انتي زودتيها
غلا: انجلع
هزاع: سمعي ي بنت قلتيليه م اراقبج وسمعت رمستج هب لنيه خروف بس لنيه احترمتج بس الظاهر م تستاهلين
غلا: فجناااا
هزاع: انتي م يعجبج اللين .. سمعي اقولج كندورتج السودا هاي اللي لابستنها مثل قلبج اللي م يستاهل حد يحبه اوكيه حتى ولد اختج ها اللي الحين حذالج ع الشبريه انظف منج ولا تذلينا بسمعتج ترا لو ابا اسوي شي سويت من زمان بس انتي م قد احترام وحب
غلا وقفت وهي تنتفض
هزاع: لا ي اموره يلسي ولا تخافين
غلا دموعها اربع اربع
هزاع: لو سمعتي الرمسه وخليتينا حلوين م طاحن دموعج الحين
فرت الفون وتمت تصارخ: حيوااااان جلللللللب حقيرررررر
سدت المغسله وعبتها ماي ودخلت الفون وطلعته جم مره فالماي وفرته تحت ويلست تصيح لحد م تعبت
نش علي ووقف جدام باب الحمام: قلاااا
غلا وقفت وهي تمش دموعها: عيونها
دخلته الحيره حضنها
غلا تمسح ع ظهره: هششش حبيبي تعال ننام
حطته ع الشبريه وبينت له ان ما فيها لحد ما نام ودموعها عبن المخده
يلست ع الارض وهي متلايمه وتصيح بدون صوت ياله ياله قامت ولبست بيجامتها وحطت راسها وعقب تعبت قدرت تنام
..

" ماهي الجحيم؟
أنا ثابت على أعتقادي إنها العذاب جراء عدم القدره على الحب"
فيودور دوستويفسكي
..
اتمنى تعجبكم روايتيه وتواصلون
ابي تفاعلكم عسبت اكمل
ونشوف بعض المقطفات من البارت الخامس
.. !! .. لا والله ي خالتيه القلب متصوب نحتري الوقت
.. !! .. م وحالها تحط شواخ إلا رن فون ميرا وشافت الرقم غريب
.. !! .. بلاكم شو صار ليش تزاعجين
.. !! .. يلا تعالي من ورا البيت عند النخل اترياج
.. !! .. تم .. وبسرعه: ي ..... انا ابا اطلب يد رضيعتكم
.. !! .. : عد محد انضرب كثري حمرت ايديه
.. !! .. : آآآآه ليتج تحسين باللي حسيته يوم حضنتج
.. !! ..: وإلا يربعن البنات كلهن اللي تشاهق والله تصارخ
.. !! ..: صار ويهه بويها: صبري شوي بعلمج الحرام انااا

فمان الكريم
بقلمي: بنت الأياآويد

..
توقعاتكم ع المقتطفات؟