رد: رواية حبه لبسني لبس يني لبس الخواتم فالصبع تم

متابعتج بصمت``
روايو حلوه وحماسيه
نتمنى تكملين الرواية
والحين هالبارت كامل ولا شو؟!

رد: رواية حبه لبسني لبس يني لبس الخواتم فالصبع تم

تسلمين حبيبتي يسعدنيه مرورج
وان شاء الله اكملها
وهالبارت مب كامل لنه تعرفون رمضان وصعب اكتب وان شاء الله اكمله باقرب وقت

رد: رواية حبه لبسني لبس يني لبس الخواتم فالصبع تم

وهاي تكمله البارت عذرنيه ع الاطله
..
..
اذ تذكرون عزوز اليوم بيسوي اللي براسه
بالفعل رح تيي فاطمة بيت قم عزا ع الساعة 4:00 ع اساس انه محد فالبيت
الساعه ثلاث ونص يتراسلن
فاطمة : عزوه متأكده ان محد فالبيت
عزا: يوه فطامي بلاج جم مرة بقولج محد
فاطمة: والله ما فيني انحرج
عزا: اف فطوم والله امايا وابويه وصقر عند يدوه من امس وبيرجعون باجر وعزوز م يرجع البيت الا الساعه 12
فاطمة: تمام تمام نص ساعه واكون عندج
عزا: يلا انتظرج
فاطمة: سيوو
..
ع الساعه اربع وشوي وصلت
عزا: هلا وغلا
فاطمة: هلا بالفورمن
عزا: تعالي بنيلس برا الجو حلو
فاطمة: اوك
دخلن شرات الجلسة زجاج بوسط حديقه البيت .. فصخت فاطمة عباتها لابسه موديل ذهبي وبنصه حزام اسود شكلها راقي وكشــــــــخه
بينما هن يتقهوين ويسولفن دخل عزوز البيت وع طول نظرته ع الحديقه وشافها ع ينب استخف الولد وتم يطالعها وما خاز عيونه
شافته عزا بما انه مقابلنها
ربع ساعه وهو واقف بس يطالعها
عزا رسلت له: عزوز بس قوم بتشوفك البنت
عزوز
عزوز
بس
بتشوفك
عزوز روح
روح
عزوز
والله اذ شافتك م رح اسامحك
روح
عزوز
.. بينما هو خبر خير ولا هام الفون
عزا ارتبكت تخافها تشوفه .. نشت ويلست بحيث انها تقابله عسب فطوم تعطيه ظهرها
فاطمة: بلاج
عزا: لا بس ضربة الهواء ع ويهي
فاطمة: بيأذن المغرب انا بسير
عزا بأندفاع : لااااااا ووووين بعددده
وشافت عزوز ياشر لها بمعناته ليش خليتيها تلف
عزا رفعت فونها عسب يفهم ويشوف فونه
فطوم: عزوه بلاج
عزا: اأاا شرايج نصور
فطوم: لا انتي مب طبيعيه اليوم
عزا: لا جد يالله سلفي نغايض البنات
فطوم: يلا
نشت فطوم
عزا: لا لا يلسي انا بييج
نشت عزا وصورت وياها
عزوز مستغرب ولا فاهم شي عقب استوعب وشاف فونه محطنه صامت فتحه خاز الصامت وشافها مطرشه وهو واقف مكانه ومب وايد بعيد عنهن
دق فونه ولفت فاطمة زايغه
عزا تمنت الارض تنشق وتبلعها
عزوز عيونه ع ويهها اللي صار احمرررر جبس سرعه ولف صوب البيت ودخل
فطامه واقفه مكانه من الزيغه وعاضه شفايفها
عزا بهدوء : فطوم فطوم
فاطمة معقده حوايبها
عزا: فطوم اناا أا
فاطمه بحركه سريعه شلت عباتها وظهرت من البيت وهي تتصل ع اخوها
عزا تلحقها: فطووووم فطوووووم والله مب قصصصدي فطوووم
واقفه ع الشارع ومجبسه
عزا لفت شيلتها وظهرت وراها
ما وحالها توصل إلا اخوها ع الباب ردت ع وراها ودخلت
دخلت البيت معصبه
عزوز: شو صار
عزا وكل انواع الحقد فعيونها: الله يسلط عليك
عزوز: شصااار
عزا بتصيح : الله لا يسامحك الله ياخذك
عزوز يلحقها: والله تقوليلي شو صار شو قالت عزاااا
عزا لفت ع ورا وقابلته وعيونها محمرات: شو صار يعني بتقول ربيعتي وحده خايسه (وطاحت دموعها) الله ياخذك الله ياخذك
عزوز ماسكنها بجتوفها: شو صار شو قالت
عزا مجبسه ودموعها اربع اربع: م رمستني ولا رح ترمسني
رقت الدري بهدوء ودموعها يطيحن
عزوز بصوت عالي: اففف شو صار يعني امبونها بشيلتها ما كلناها قوليلها ما دريتي .. وهو ظاهر من البيت : قوليلها ما دريتي الله يلعن الشيطان
وانفجع يوم شافها بويهه
فاطمه ياله ياله رمست: اانا انا
عزوز فاج حلقه ومفتح عيونه ع الاخر
فاطمه: اا اابا عزا
عزوز زعج: عزااااا عزاااا
ولف لها: أاا اختيه انا والله آسف
فاطمه مجبسه : ما صار شي
عزوز: والله مب قصدي
فاطمه رفعت راسها: عادي ما صار شي .. عزا وين
عزوز تفقط: تصيح فوق
فاطمة فجت حلقها: تصيح !!!!
عزوز: متلومه فيج
فاطمة: ممكن اسير عندها
عزوز خاز عن الباب: اكيد اكيد
مشى جدامها: قربي
رقى الدري وهي وراه
وقف ع يانب وهو يأشر ع حيرتها: هناك
فاطمه: تسلم
دخلت عندها
فاطمة بكل هدوء: ي المينونه
نشت عزا بقوو: فطاااااامي
وحضنتها
فاطمة: قومي ي الخبله ذبحتيني
عزا: والله مب قصدي والله
فاطمة: انزين فججججي ياخي اختنقت
خازت عنها (هو واقف ع الباب)
فاطمة تمسح دموعها : ي الخبله ليش تصيحين
عزا: سوري فطوم والله آسفه
فاطمة: افف عزوه وانتي شدخلج .. اصلا ما صار شي انا بس كنت منصدمه
عزا: منصدمة !!
فاطمة: هيه تدودهت يوم شفت اخوج الغاوي ..هههههه م عرفت شسوي شليت بعمري وقمت
عزا تصيح: الله ياااخذج
فاطمة تمسكها عن تضربها: خلاص خلااااص
عزا تبا تضربها: ي حماااره خوفتيني آخر شي تقولي جي جلبه وحددده
فاطمة: ههههههه خوزي انزين
عزا تبا تضربها
وفاطمة تصارخ رقت فوق الشبريه
(ها كله وعزوز يطالع)
عزا وراها: حيووووانه بتنضربين
فاطمة: لا والله خلاص توووبه وتزاعج
عزا تضربها بالمخده : انا خبله هااا
فاطمة تضحك: خلاص الفورمن والله توووووبه هههههههههههه
عزا: م عليه يالشينه
تعبن يلسن ع الشبريه
فاطمه وهي تنافخ: آآآه تعبتيني
عزا: والله هللكت
فاطمة تغطي ويهها وترد تضحك
عزا: بس جب
فاطمه ما رايمه توقف
عزا م تحملت وضحك وياها
عقن بعمارهن ع الشبريه لين ما وقفن ضحك
عزا: فطيم
فاطمة: عيونها
عزا: الحين عزوز غاوي
فاطمة نشت: ياااااا بنت ذكرتيني يالشينه ما تقوليلي ان عندج غرشوب ونحن نتطالع عيال الناس
عزا ضحكت: الله يغششج الحين ها حلو
فاطمه: ياااااله شو ما غااوي طيحني ابن الذين
عزوز طاااااير من الفرحه
فاطمة: بس تاخرت بسير نسيت ان اخويه تحت
سمع هالكلمه وطااار تحت
عزوز ركككككككض لين الدروازه ووقف يرتب شكله وظهر
نزل اخوها
عزوز: السلام عليكم
يتخاشمون: وعليكم السلام
عزوز: ي حيك اخويه .. وياك عبدالعزيز الـ
الريال: الله يحيك .. سالم الـ
عزوز: قرب
سالم: قريب
عزوز: افااا عليك واصل هني وما تقرب
سالم: لا سمحلي اتريا الرضيعه تظهر
عزوز: ما عليه فنيان قهوه
سالم: ياله ما بنردك
وهم داخلين قابلوا فاطمة وسالم بويهها
فاطمه تنافخ: اووه تخرت
سالم: ردي الريال وراي بتقهوى وبتسير
فاطمه: ياله
دخلت ودخله الميلس خاري
تقهويوا وسارو
..
العشاء
عزوز: تعالي
عزا تلف ورا يمين وشمال وتاشر ع عمرها : اناا
عزوز: لا اليدار
عزا: او ام جي سددمه ما اسدق انـ
عزوز: جب لا اهفج بهالنعال تعالي قلت
عزا يلست : نعم
عزوز: امم
عزا: ام ولا اب
عزوز سرعه: جب
عزا صبعها ع حلجها: اوك انجبيت
عزوز متردد وعزا فيها ضحكه ما مصدقه اسلوب اخوها
عزوز: هاي ( ويحك شعره) البنت أا
عزا: اي بنت
عزوز: هذيك اا ربيعتج
عزا: فطوم
عزوز: حد يقول اسم ربيعته جي جدام اخوه يلا انجبي خل ارمس
عزا بتضحك: رمس رمس
عزوز: المهم .. من وين هي
عزا: شهالسؤال .. من المريخ من وين يعني منا
عزوز: اقصدد.. ما علينا أا (فجأه شات عليها المخده)
عزا زعجت: بلااااااك نفسيه ياخي
عزوز: تطالعن عيال الناس هاه (ويشوت وحده ثانيه)
عزا: يالللللجلب يالس تتسمع (شاتت المخده عليه)
عزوز وقف فجأه وقام يضحك
عزا: واااابووووي ياله بالعقل
عزوز عقب ما وقف ضحك: واااااافديتنيه غرشوب
عزا: الله يغشك يالجلب يالس تتسمع سوالف البنات ( شاتت مخده)
عزوز يطالعها بنظره: عن قله الحيا اخوج العود انا .. (يعدل غترته ع المريا) ياله مغواني ..
عزا: اللهم شافني مما ابتليته
لف صوبها: سمعي انتي من اليوم وساير انا اشلج واردج
عزا وقفت ادعيه فجأه: حللللف
عزوز بغرور: والله
عزا: ليش وعبود
عزوز: ها ياهل طبيه انا بشلج
عزا: الله يكثر من امثالج ي فطيم
عزوز: اسمها فاطمه يعني
عزا تنعش: احلى احلى عاش العشق .. وي حظج ي عزوه بتحومي ع حساب فطيم .. عاااااشوا عاااشوا
عزوز: تعالي ي الخبله
عزا تمشي صوبه وهي تنعش: آممممررررر ابشررررر من فوووق خششمي
عزوز: يلسي طشه
عزا تحرك راسها وهي تأشرله وتلحن : بنسير البوادي ياله ياله عاااشوا
عزوز: بواي شو ويا هالويه
عزا وقفت فجأه: توك تقول
عزوز: انا قلت الاماكن المهمه
عزا يلست: عيل الطلعه ويا فطيم مب مهمه خلاص ما بطلع وياها مول
عزوز: افاااا امزح .. سمعي بقولج
عزا: أمرنا لله .. قول
عزوز: من هاي فطيم
عزا: تستعبط ولا تستعبط ولا تجرب خفه دمك ولا ظرافتك ولا..
عزوز: بس جب جب .. اقصد يعني رمسي عنها
عزا فزت: منقوووووود .. (ابتسمت) بتحومني؟
عزوز يحرك حوايبه: وين ما تريدي بعد
عزا: الله يحفظج ي فطيم ويخليج ويبقيج وو..
عزوز: بس جب جب حشااا ما تسكت
عزا: خلاص بسكت
عزوز: يلا قولي
..
وها يومهم (؛

رد: رواية حبه لبسني لبس يني لبس الخواتم فالصبع تم

نشوف غلا والشخصيه الغريبة
احبج..غلا: صباح الخير >> وها كان الساعه 6
اغليــ(بنت الشيــوخ)ـــك: صباح الخير
احبج..غلا: ليش م رديتي
اغليــ(بنت الشيــوخ)ـــك: توي فاتحه الفون
احبج..غلا: مب مهم
اخبارج
اغليــ(بنت الشيــوخ)ـــك: ياخي عجب مطرش صباح الخير وبس
احبج..غلا: يعني تبيني اطرش اكثر
اغليــ(بنت الشيــوخ)ـــك: لا طبعا بس استغربت
احبج..غلا: داومت خلص اجازتي
اغليــ(بنت الشيــوخ)ـــك: احسن
احبج..غلا: (فيس يضحك) ليش
اغليــ(بنت الشيــوخ)ـــك: يمكن ما تنشب هالكثر
احبج..غلا: وراج وراج ي بعدهم
..م ردت
احبج..غلا: تعالي وينج استحيتي
اغليــ(بنت الشيــوخ)ـــك: ي خي ما يصير جي ما اعرف عنك شي
احبج..غلا: يعني رضيتي بحبي لج
اغليــ(بنت الشيــوخ)ـــك: لا اكيد .. بس انت تعرف عني كل شي ع الاقل اسمك
احبج..غلا: اول خبرتي حد عني؟
اغليــ(بنت الشيــوخ)ـــك: احيدك تعرف كل شي اسويه
احبج..غلا: بعدني اعرف بس ابي اشوفج تجذبين ولا
اغليــ(بنت الشيــوخ)ـــك: لا شكلك فقدت الموهبه
احبج..غلا: موهبتي عشق هاللي لابسه المخور بحري وبس
.. انقلب ويهها يوم شافت كندورتها مخوره بحريه
اغليــ(بنت الشيــوخ)ـــك: خلاص اسحب رمستي
احبج..غلا: انزين ليش تعدلين شيلتج (فيس يضحك)
اغليــ(بنت الشيــوخ)ـــك: جب م يضحك .. مب إلا بتشيل بتغطى 24 ساعه
احبج..غلا: يعني ما بتتسبحين (فيس يضحك)
اغليــ(بنت الشيــوخ)ـــك: لا لا وصلت لهدرجه (فيس تنزل منه دمعه)
احبج..غلا: الله يلعن الشيطان .. وياج انا فكل مكان
اغليــ(بنت الشيــوخ)ـــك: (فيسات يصيحن)
احبج..غلا: اروح فدوه للوحمه اللي فرقبتج
غلا صرخت بصوت عااااالي: بتخبـــــــــــــــــــل اناااااااااااااااااا
فرت الفون لين سمعت البنقات
احبج..غلا: آسف
تعالي
غلا
خلاص سوووري
تعالي
لا تصارخين
غلا
اغليــ(بنت الشيــوخ)ـــك: انت يني
احبج..غلا: لا آدمي
اغليــ(بنت الشيــوخ)ـــك: تتعامل ويا الين
احبج..غلا: خلاص توبه م رح اقول شي عنج كله ولا تفتر حبيبتي
اغليــ(بنت الشيــوخ)ـــك: افتريت وخلصنا الله يلعنك ويلعن شكلك يعلك ما تتوفق بحياتك ,عساك ما تنام الليل من اللي تسويه ,. يعلك ما تشوفني لو بحلمك .. حسبي الله فيك , اكرهك , الله يلعنك , بسب وبقول اللي بخاطري يالـ .... وما تروم تسوا شي الله يسلط عليك يالـ..... والله انك ..... ما ربوك اهلك الله ينتقم لي منك يالـ ...... والـ........ ي .......... عساك شلل م تقوم منه , موت الله ياخذك
م رد عليها
فرت الفون ونزلت تحت
ع الساعه ثلاث الفير
م نامت طول الليل م تعرف ليش كله تفكر تتمنى اللي يصير حلم ولا انها ترمس يني ع قولتها .. خيفانه ودها تفهم شو صاير ما قادره تستوعب اللي يصير فكرت ترمسه بكل صراحه قبل ما تتخبل بس متردده وتجرأت وطرشت
.. مب لازم الكودات بنحط بالاسم ..
اغليــ(بنت الشيــوخ)ـــك: رقدت؟
احبج..غلا: تعالي واتس
الولد طرشلها ع الواتس: لا م رقدت
طبعا غلا ما استغربت انه ياب الرقم صارت متوقعه كل شي
غلا: ليش
الولد: عرفت انج ما بتنامي
غلا: ليش جي .. قسم بالله بتخبل ما فاهمه شي من اللي يصير
الولد: خلينا نبدا بدايه يديه
غلا: حرام عليك والله ما رايمه انام والله حرام
الولد: اسمي هزاع
غلا: دخيلك ودرني ارحمني دخيلك
هزاع: عمري 20
غلا: م ابا والله ما با حرام عليك
هزاع: خلينا نختصر الرمسه
م اقدر اودرج .. احبج بشكل مب طبيعي .. خلاص م عاد بسوي لج شي بس خلج وياي .. م اقدر اودرج ولا تقدري تودريني .. نحن لبعض اقتنعي وبس
غلا: انت اي انواع البشر
هزاع: شو تبي تعرفي عني
غلا: كيف تقدر تسوي جي
هزاع: ها الشي الوحيد اللي م اقدر اقوله
غلا: انزين انا م ابيك
هزاع: وها مب بأختيارج
غلا: يعني خلاص ماشي امل
هزاع: لا
غلا طاحت دمعتها
هزاع: تعشيتي؟
غلا بأستسلام : لا
هزاع: ليش
غلا: لاني شوي وبصير مينونه
هزاع: بتسمعي رمستي؟
غلا: غصبن عني
هزاع: وقفي
وقفت
هزاع: طلعي برا الحيره
طلعت
هزاع: انتي برا؟
غلا: ليش ما تشوفني
هزاع: لا انا وعدتج خلاص م رح اراقبج
غلا: اوك
هزاع: نزلي المطبخ
راحت المطبخ
هزاع: يلا كلي
غلا: شو بتسوى اذ م كلت
هزاع: انتي وعدتينيه تسمعين الرمسه
غلا حطت الفون وسوت لها توست ونوتيلا
غلا: يالسه اكل
هزاع: احبج
غلا: تعبت
هزاع: من شو
غلا: هب قادره افهم شي
هزاع: وشو اللي تبي تفهميه
غلا: م قادره افهم انت شو تبا .. صرت كني دميتك
هزاع: كل اللي اباه انتي
غلا تغسلت ورقت فوق
هزاع: بتنامين؟
غلا: م اقدر
هزاع: تمام عيل بسهر وياج
غلا: (فيس يصيح) انت وعدتني
هزاع: لا والله م اقصد اراقبج بس ع الفون والله
غلا: اوك
هزاع: يلا قوليلي اشياء عنج
غلا: انت كل شي تعرفه
هزاع: م اعرف تفكيرج
غلا: مشوش واحس انك خيال وانا خبله وبنش من النوم وها كله بيروح
هزاع: غيره
غلا: ماشي
هزاع: انسدحي
انسدحت
هزاع: انسدحتي؟
غلا: يب
هزاع: ياله قوليلي اي شي عنج لين م تتعبي وتنامي
غلا: ما عندي شي كل شي تعرفه .. انت رمس
هزاع: شو تبي تعرفي عني
غلا: كل شي انت تعرفه عني
هزاع: انتي سألي وانا بجاوب
غلا: من اي اماراه
هزاع: بوظبي العين طبعا
غلا: صدق اسمك هزاع
هزاع: هيه
غلا: شو تشتغل
هزاع: فساعد
غلا: عايلتك
هزاع: عندي اختين واخو وابويه واميه وما عندي يدود
غلا: شخص مقرب منك
هزاع: ربيعي اعتبره كل شي
غلا: يعرف كل شي عنك؟
هزاع: هيه
غلا: شسمه
هزاع: سيف .. وانتي منو اللي يعرف عنج كل شي
غلا: ثنتين بنات خالاتي
هزاع: خوات؟
غلا: لا وحده بنت عمي وبنت خالتي والثانيه بنت خالتي بس
هزاع: شساميهن
غلا: ميره واميره
هزاع: ميره اخت مايد
غلا: يب
هزاع: واميره بجرهم متوفي؟
غلا: يب
هزاع: سألي
غلا: م حبيت؟
هزاع: قبلج لا .. وانتي
غلا لا رد
هزاع: تحبي مايد صح
غلا: اعجاب
هزاع: يعني ممكن تنسيه
غلا: اكيد لانه يشوفني ياهل
هزاع: ما عليج منه اهم شي انا احبج وانتي رح تحبيني
غلا: كيف بقدر احب شخص جنه يني
هزاع: كل شي بالوقت
غلا: انزين .. لونك المفضل!!
هزاع: نفسج الاسود
غلا: عطرك المفضل!!
هزاع: دهن العود المركز
غلا: اكلتك المفضله!!
هزاع: برياني الدياي . وانتي؟
غلا: العرسيه
هزاع: كملي
غلا: كم ربيع عندك!!
هزاع: 3 مقربين وواحد مسافر و 2 يعني مب وايد .. وانتي؟
غلا: 4 من المدرسه وويدات من العايله
هزاع: كملي
غلا: شي ما تتطلع من البيت بدونه!!
هزاع: النظاره الشمسيه .. انتي الساعه صح ؟
غلا: يب .. شي مدمن عليه!!
هزاع: الديو .. انتي الكرك صح
غلا: دامك تعرف ليش تسأل
هزاع: ااكد معلوماتي
غلا: شخص دوم وياك!!
هزاع: سيف
غلا: يومك!!
هزاع: دوام رقاد وحوامه واكل وفون .. انتي
غلا: مدرسه رقاد افلام اكل وفون
هزاع: شو تطالعين من الافلام
غلا: م احيد يفوتك شي
هزاع: خلينا طبيعيين
غلا: اكشن ورعب .. وانت
هزاع: ودرتهن
غلا: م عندك مواهب
هزاع: اغني ودق عود
غلا: حلف!!
هزاع: (فيس يضحك) للأسف لا صوت صوت ولا رسم ولا فلاحه
غلا ضحك صدق: وللاسف مي تو
هزاع: شو تسمعين من الاغاني
غلا: كل انواع الكفر
هزاع: (فيس يضحك) انزين اغنيتج المفضله
غلا: يوبيتو
هزاع: شو بعد هاي
غلا: رومانية
هزاع: بنزلها .. بسألج
غلا: اسمعك
هزاع: شو سجلتي ع رقمي
غلا: م سجلت
هزاع: يلا سجلي
غلا: شو
هزاع: اللي تبيه
غلا سجلته علامه استفهام
هزاع: شو سجلتيه
غلا: م بقول
هزاع: افا انا وعدتج م اشوف لا تخليني اغير رايي
غلا: علامه استفهام
هزاع: ليش
غلا: بس
هزاع: المهم ما تعبتي
غلا: ليش انت تعبت
هزاع: لا
غلا: يلا بنام
هزاع: تصبحي ع خير
غلا: وانت من اهله
طبعا ما نامت بس تفكر صلت الفير وتزهبت حق المدرسه
الساعه سبع طرش: صباح الورد
غلا: صباح الخير
هزاع: رقدتي زين
غلا كذب : هيه
هزاع: يلا م بأخرج ع الدوام بس حبيت اتطمن
غلا: اوك
هزاع: اول م تردي طرشي مع اني متأكد ما بصبر
غلا: اوك

رد: رواية حبه لبسني لبس يني لبس الخواتم فالصبع تم

..
فالفرصه
يالسات الشله كامل م عدا الودايم غايبه
غلا سرحانه
زعجت مريم: غلوووووووي
غلا نقزت: خيبه تخيبج الله ياخذج طيحتي قلبي
مريم: بل بل بل شوي شوي علينا
موزان: غلا ما عايبني حالج اليوم
عزا: عيونج حمر وتحتهن اسود والله انتي مب طبيعيه
غلا: م رقت طول الليل
مريم زعجت: ليش
غلا: اوووف مريم اوف كله تزاعجين راحت اذني
فاطمة: والله ي غلا هاي مب انتي حالج ما تطمن
ميرا: قومي نتمشى شوي
غلا: مب لازم
عزا: يلا قومي قومي وياها
غلا: لا والـــ
فاطمة: يلاااا
غلا: انزين
نشن ميرا وغلا
مريم: اففف ليش حتى نحن نبا نعرف
موزان: يالله ي مريوم خفي شوي قسم انج طفره
مريم بصوت عالي: اخخخخخيه وانا شقلت الحين
عزا: م قلتي ولا تقولي .. ياخي غلا وراها سالفه
فاطمة: هيه والله رحمتها شكلها مب طبيعيه مول
مريم: انا م اشوف فيها شي
موزان: انتي حمااار .. م تشوفيها فالحصص ما رمست مول ولا تجاوب وكله سرحانه وعيونها جنها طالعه من قبر استغفر الله وترمس من ورا خشمها
مريم: خيبه خيبه خلاص سوري سوري
عزا: مريوم دخيلج سكتي لاعت جبدي
.. عند غلا وميرا
ميرا: يلسي
غلا: ليش يينا هنا؟
ميرا: بلاج
غلا تأفأفت: من الصبح اقلكم مافيني شي
ميرا: غلاا
غلا دمعن عيونها: بس تعبانه
ميرا: قولي يمكن ترتاحي
غلا: ما فيني شي
ميرا: اوك ع راحتج بس جي ما ينفع تمين طول اليوم جي
غلا: شسوي يعني
ميرا: خل نتصل بهناد
غلا: يكون احسن والله ما رايمه اوقف
ميرا: قومي
غلا: صبري بقولج انتي رمسيه وقوليله اييب فوني
ميرا: والله العظيم سالفتج سالفه
غلا: يلا سرنا
..
الحب كالحرب من السهل أن تشعلها . . من الصعب أن تخمدها (بيرون)
ميره: السلام عليكم
هناد: وعليكم السلام منو معاي
ميره: ميرا
هناد: آمري
ميره: تقدر اتي المدرسه
هناد: شالسالفه غلا فيها شي
ميره: لا لا تخاف بس تعبانه شوي
هناد: تمام مسافه طريج وياي
ميره: هناد
هناد: نعم
ميره: تقلك ييب فونها وانت ياي
هناد: بس انا فالدوام
ميره: ياله ما عليه
هناد: فمان الله
ميره: حياك
..
ميره: ما بييبه
غلا: ليش
ميره: هو فالدوام بيي مناك
غلا: اوه نسيت
ميره: يلا بييب جنطتج وبيي
غلا: ميرا لا تخوفي البنات بليز
ميره: تمام انتي ارتاحي تالي رمسني اوك
غلا هزت راسها
يابت لها الجنطه وما لقتها بالاداره سألتهم قالوا سارت السياره
ميره مشت صوبهم تضحك ع حركه غلا فاهمتنها
نزلت غلا وغمزت لميرا
م رامت ميره ما تضحك
هناد بصوت عالي: يلااا بتأخر ع دوامي
غلا: يلا يلا
..
مريم: وين غلا
ميره: ماتت ودفناها
فاطمه: الله ياخذج وياه تنكيت
موزان: صدق وينها
ميره: شافتها شكيرا
مريم: ي بووووووي (شكيرا المراقبه هن يسمنها جي عسبت لون شعرها)
عزا: شو صار
ميره قابضه ضحكتها: شافت عيونها وسحبتها
فاطمه شهقت: ليـــــــــش
ميره: تسوي لها فحص
عزا مصدومه: صددددق
موزان: عجب هاي تحاتي حد
ميره تضحك : تتحراها تتعاطى مخدرات
مريم تشوت المقلمه: الله يلعنج ي ميرووه والله خوفتيني
موزان: اوف عاد ميرا قولي
ميرا تضحك: شلها اخوها
فاطمه: وانا اقول ذي الاسبانيه ليش يايه تنكت
ميرا: بس جب يت المس
..
فالسياره
هناد: سلامات عسى ما شر
غلا: ماشي بس تعبانه
صدت صوب الجامه وسرحت
ساكته طول الطريج
.. نزلت وراح شغله
رقت فوق
وشافته مطرش بيسيات
كتبت
غلا: باك
هزاع: ليش
شو صاير
ليش رجعتي من المدرسه
غلا: شوي شوي علي
هزاع: خل عنج وقولي بلاج
غلا: بس تعبانه
هزاع: يلا عيل نامي اشك انج راقده امس
غلا: تشك
هزاع فهمها: والله العظيم بس اتوقع والله
غلا: اوكك
هزاع: يعني صدق م رقدتي
غلا: لا
هزاع: وليش ما قلتي لي
غلا: جنت ابا افكر شوي
هزاع: بتتعبين من التفكير
غلا: لى متى
هزاع: شو
غلا: بنتم جي
هزاع: لين ما يكتب الله تصيرين حلالي
غلا: تعبتني
هزاع: ياله سيري نامي
غلا: ما فيني رقاد
هزاع: ياله ياله ومن تخلصين طرشيلي صورتج اشوف الشراه غديتي
غلا: حلف بس
هزاع: امزح امزح
غلا: باي
هزاع: باي
..
اتصلت بأميره وهي منسدحه ع بطنها
غلا: الو
اميره: ي هلا عسى ماشر ليش مب مداومه
غلا: اميره متى بتيون
اميره: شالسالفه
غلا: متى؟
اميره: شدراني .. انتي قولي شالسالفه
غلا: م تنقال ع الفون
اميره: فتحي سكايب
غلا: م عندي
اميره: فتحي الحين
غلا: م اروم
اميره: غلا حبيبتي شالسالفه والله صوتج ما يطمن
غلا طاحت الدمعه: اميررره تعالي
اميره: لا اكيد انتي مينونه منو بييبني الحين .. غلا والله تقولين شالسالفه
غلا بس صوت صياحها
اميره: اوك اوك بشوف اذ حد بييني
..
بندت وسارت الحمام ومثل ما توقعت يتها الدوره
صار الهم همين
ظهرت من الحمام وقابلتها امها
ام هناد: غلا ابوي بلاج
غلا: م فيني شي
ام هناد: يتج؟
غلا تيلس: هيه
ام هناد: م تبين تاكلين شي
غلا بس تهز راسها
ام هناد: ياله ارتاحي بخليها تسويلج جاي وتييب المطاره
غلا: انتي وين سايره
ام هناد: واصله السوق
غلا: والبشكاره
ام هناد: بشلها بس اتريا ام محمد تزهب
غلا: يارتنا؟
ام هناد: هيه بنسير يميع
غلا: زين
ظهرت عنها
دقايق وتي الشغاله
شربت الجاي
ووصلها مسج
هزاع: م رقدتي صح؟
غلا: لا
هزاع: حالج ما تطمن
غلا: بغيتك وطلبتك لا تردني
هزاع: آمري
غلا: نوقف هالمصخره
هزاع: نسي
غلا: يومين
م رد
غلا: والله بس يومين
هزاع: ليش
غلا: تعبانه
هزاع: انا السبب
غلا: شي وشي
هزاع: تمام
غلا طارت من الفرحه
هزاع: خذي راحتج ومتى ترتاحين رمسيني انتظرج
غلا: حياك
هزاع: احبج
غلا: فداعت الله
هزاع: صبري بقولج
غلا: آمر
هزاع: كل يوم بطرش لا تضايقين ولا تردين الا متى تبي
غلا: حاضر
هزاع: وتأكدي اني بشتاق لج
ياله حياج
غلا: باي
..
• أغرك منـي أن حبـك قاتلـي
وأنـك مهمـا تأمـري القلـب يفعـل
امرؤ القيس
..
نروح عند قم ابو طارق
اميرة: دخيلك ابويه
ابو طارق: ي بنت باجر عندهم دوامات وانا وراي دوام
اميره: انزين ببات
ابو طارق: لا ما يصير
اميره: ابوووووي دخيلك دخيلك
ناعمه: عمي منور فالسكن وانا بسير
ابو طارق: وين بعدنا ما شبعنا من هدوي
ناعمه: عمي انا العشا برجع البيت ومحد هنيه حمدان ما ييلس جيه ولا جي بتم بروحها خلها تسير
ابو طارق: ومنو بيرجعها
ناعمه: ما عليه تبات اليوم وباجر يصير خير
ام طارق حطت صينيه الجاي: شسالفه من يبات
ابو طارق: اميره تبا تسير عند قم عمها
ام طارق: بتباتين
اميره: هيه
ام طارق: شتسوين غلا عندها مدرسه
اميره: اصلا غلا مريضه واليوم ما كملت دوام
ابو طارق: بلاها
اميره: لا لا ماشي بس تعبت شوي
ام طارق: شوفيها اذ بتداوم باجر لا تسيري واذ م بتداوم سيري
اميره فرحت : تم
نقزت فوق
اميره: غلا
غلا: هلا
اميره: عسى م ازعجتج
غلا: لا جنت بنام بس اتريا منج خبر ان شاء طاعوا
اميره: ابوي عنده دوام فإذ بيي لازم ابات
غلا: تمام باتي احسن
اميره: ودوامج
غلا: اصلا مابا اسير صار العذر عذرين
اميره: متأكده
غلا: ميتين ميتين تعالي فديتج بنتسلى
اميره: اوك يايه
غلا: اموااااح
اميره: سيو
..
حطت راسها بتعب ع المخده وغمضت عيونها ودها تنش وكل اللي يصير حلم
فتحت غاليه الباب بكل قوتها وصرخت غلا من الزيغه
غاليه: حششاااا
غلا: الله ياخذج طيحتي قلبي
غاليه: م تسوى
غلا: شعندج
غاليه: في احتمال هالويكند نسير البر
غلا: شدراج
غاليه: سمعت هناد
غلا: ليش يا هناد
غاليه: يب
غلا: جىه الساعه جم
غاليه: ثلاث ونص
غلا زعجت: حلللللللفي
غاليه: اللهم شافني مما ابتليتها مينونه انتي
غلا: جب انقلعي وبندي الليت وسكري الباب سرررعه
غاليه: شو رقاده هالحزة
غلا: اوووف شدخلج ياخي يالله م رقدت آآآآ
غاليه: تخبلت البنت
غلا زعجت: قلبي ويهج
غاليه: جب ي النفسيه
فتحت الباب كامل وشغلت كل نقط الكهربا عوار
غلا: ي الجلـــــــــــــــــبه تعالي
قامت سرعه سكرت الباب وبندت الليتات وتلحفت كامل
ونامت من التعب
خاري..
غالية: ي هلا وغلا يحيج والله
اميرة : سمع العيوز مشي اقول مشي
غالية : تشربي قهوه
اميرة: زين
اميرة: خالتية وين
اميرة: طالعة من اول العصر السوق جنه
دخل هناد: السلام عليكم
غالية واميرة: وعليكم السلام
هناد يلس: اوه ميره هنا
اميره : اميرة وليس ميره
هناد: م يفرق
اميرة: ع كيف راسك طبعا يفرق
غالية: بدينا حركات يهال
هناد: غالية وين غلا
غالية: إفيت
هناد: شو افت بعد هاي قولي نعممم يوم ارمسج
غاليه: اووف يا وت دو يو وانت ايفاندم
اميره: خيبة يالمكس تركي وانجليزي
هناد يغايض : واو ي الانجليزي
اميرة: اخييييه شفيك انته اليوم م احيد جي
هناد يتنهد: ملان
يى ايهم: جني سمعت ان حد ملان غيري
غالية: عجب ليش مخلي اليران بدون حراسة
ايهم: جب جب .. هناد شرايك نحوم
هناد: لا عندي شغل
ايهم بتهديد: هناااد
هناد: غالية صبي لي قهوة
غالية: دام انه غير السالفة معناته تهديد
ايهم: افف شدخلج انتي
هناد: اميرة منو يايبنج
اميرة ساحبة علية وقابضة فونها
هنا: اميررررة
اميرة: افف شعندك
هناد: منو يايبنج
اميرة: ولد اليران منو يايبني يعني ابوي
هناد: وينه عيل
اميرة بطفش: رجع
هناد: ومنو بيرجعج
اميرة: يالسة ع قلبك
ورقت فوق
هناد: ي الهرمه
ايهم: خل عنك البنات بنص عقل وقم نسير
هناد رافع حايب: مصدق عمرك انته
ايهم: قم بدون هذرة زايدة
غالية: اوخ اوخ وراك سالفة ي عقلة الإصبع
..

رد: رواية حبه لبسني لبس يني لبس الخواتم فالصبع تم

..
فوق
اميرة دخلت ولقت غلا بسابع نومة حطت يدها بتوعيها وتعايزت
ونزلت
..
ايهم رقد ع الكنبة ريولة فوق وراسة تحت وطايح شعرة بشكل طر
يلست اميرة عدالة وتلعب بشعرة
اميرة: والله انا البنت شعري مب جي
هناد حط فونة : تراج ينية من يوم يومج
غالية: خيبة توه م يرفع راسة والحين حق المضارب مرره
اميرة: من حلاتك انته عاد
هناد: ع الاقل شعري نعيم
اميرة: جذاب
هناد بصدق: والله
اميرة بتحدي: صدقتك انا عاد
هناد فر الغترة وطاح شعرة نعيــــــــــــــــــــــم وطايح ع اذنية بس مب مطولنة
اميرة مفتحه عيونها ع الآخ
هناد: صدقتيني
اميرة: حتى ولو شعر ايهم احلا
هناد: لو ابا طولته
غالية: عيل ليش م تطولة
هناد: منقود عند العرب
غالية تطنز: صدددق
هناد: جب انتي
غالية: تبي تشوفي صورة مال لندن
اميرة: هاتي
هناد: والله لو نشيتي يويلج
اميرة: تخافي منه
غالية: لا احترمة
هناد: جب انتي م تأثري فشيخة الحريم
اميرة: ترا يضحك عليج
هناد: قوليلها جان اضحك عليج
غالية: انا اللي بنقيلة حرمة
اميرة ضحكت من قلــــــــــــب
هناد: نجذب نحن
غالية: والله
اميرة: يضحك عليج ي بغام
هناد: م اضحك عليها , وحرمتي عليها , ادريبها عاقلة وتعرف تختار
اميرة منصدمة : ايهم م رمست
ايهم: آآآه م اروم اجذبهم حالف يمين م ياخذ البنت إلا بشورها
اميرة مفتحة عيونها ع الآخر: صدق هناااد
هناد: والله
غالية: عشان م تقولي ياهل اوكيه
اميرة: تبي الصدق تستحقي هالشرف
ايهم: صعلوكة ومخ تارس راسها
سكتو ع اذان المغرب
نزلت غلا وعيونها منتفخات وهي تفركهن وحالتها حالة
اميرة فزت: غلاااا !!!
غلا عيونها حمرر ويلمعن : ي هلا والله
اميرة شهقت : بلاج
هناد: فداعت الله م نبا نحضر افلام هندية
ايهم فز: وياااك
هناد: ايهم
ايهم: هناد
هناد: مشى مشى
غالية: والله لعرف سالفتكم
..
اميرة بعدها حاضنتنها: غناتي ليش جــــي
غلا: تعالي فوق
اميرة: غالية
غالية: ايفيت
اميرة: خلي البشكارة تييب شي حار نشربه
غالية: بس تم
رقن فوق وصلت اميره وعقب ..
اميرة: غلا حياتي شفيج
غلا: ما شي بس تعبانه
اميرة: منها
غلا: منها وحما شكلها ياية
اميرة: الله يعينج والله
غلا: بردانه ومعرقة م دل كيف جي
اميره: الحما ويهت .. ياله قولي السالفه
غلا: مب مهم اصلا اللي هالكني هالمرض مب السالفه
دخلت غاليه وشاله كوبين جاي اخظر
غلا: غالية حياتي تعرفي اني اشرب الكرك
غاليه: انزين ها نعناع احسن لج
اميره: هاتيه هاتيه
عطتها وطلعت
اميره: والله حظكم بهالبنت
غلا تبتسم: الا يوم تبا
اميره: شو صار ع هزاع
غلا: لا تسألي
اميره: سالت وخلصت والحين بتقوليلي
غلا.. قالت لها السالفه
اميره: وانتي ليش تصيحين
غلا انسدحت ع ظهرها : بطني يعورني
اميره: لاااه وشاللي يصيح بذاك الموضوع
غلا: م نمت
اميره: مينونه انتي
غلا: هيه بديت احس اني تيننت
اميره عصبت: غلااااا اصطلبي
غلا نشت: اف اف شفيج
اميره: رمسي بادب
غلا: يوووه اميره م عارفه شسوي
اميره: رمسيه
غلا: لا والله
اميره: قوليله يوقف هالمصخره
غلا: هيه والتهديد
اميره: اففف انزين سلكي له
غلا: المهم يزول .. اقلج
اميره: قولي
غلا: آآآييي بطني يعورني
اميره صرخت : غلاااا
غلا ضحكت: خلاص خلاص .. شسمه يمكن نسير البر
اميره: ويا منو
غلا: شدراني بس اكيد خالتيه ويانا
دق فون اميره وبندته
غلا: اميره
اميره تستغبى: وت
غلا: من يلسنا فونج م وقف منو ها وليش م تردين
اميره: شدخلج انتي .. المهم يلا قومي نسير خاري
غلا: سبقيني ببدل
اميره: بنحوط ع الحاره
غلا: هاهاي قلبي ويهج اقول
قبل م تظهر دق الفون وغلا تطالعها بشك ردت وظهرت
اميره: نعم .. صدعتني ترا .. لا تتصل .. ببيت عمي .. هيه .. انقلع .. الله ياخذك
نزلت ولقت غاليه ع اللاب
اميره: شتسوين
غاليه: العب
اميره: وين هناد وايهم
غاليه: طلعوا
اميره: وخالتيه ما يت
غاليه: جىه فوق تصلي
اميره: تعالي نظهر لين ما اتي غلا
غاليه: ما فيني
اميره: قووومي عاد
غاليه: افف م اروم اودر مزرعتي
اميره: الله ياخذ اللي مسوي هاي دي السخيفه
وطلعت
يلست تتمشى ع رجعه ايهم وهناد
هناد: شتسوين
اميره: ارقص
هناد: جب م يضحك .. اقصد ليش بروحج
اميره: م يخصك
هناد: والله بعطيج كف ع الويه لو م رمستي عدل
اميره: اتريا غلا
هناد: انغلن مصارينج فماي حار قولي آمين
اميره: ع الداعين ي ررررب
ايهم: والله انكم يهال
وراح
ولحقه هناد
هناد: شخبارج الحين
غلا: اهون
هناد: الحمدلله .. وراح يبا يمشي
غلا: هناد
لف: نعم
غلا: الله ينعم بحالك .. عادي نظهر انا واميره نتمشى خاري شوي
هناد: لا والله
غلا: والله دخيلك اباا امشي
هناد: مشي فالبيت
غلا: بقره انا
هناد: انزين بس ايهم بسير وياكن
غلا: تمام
هناد: روحي بزقره انا
غلا سارت عند اميره: طاع
اميره: شو طاع
غلا: بنمشي خاري
اميره انصدمت: شووووكد هناد طاع !!
غلا: يب
اميره: كفوو عليج .. سرينا
غلا: صبري ايهم ويانا .
اميره: اووكك
يا ايهم: مشن
ظهرن يتمشن وتبعدن شوي عقب وهن رادات قابلن بنت يرانهم ويا بنات يمشن
البنت: هلا غلا
غلا عاقده حياتها: ي هلا
البنت: م عرفتيني
غلا: لا والله
البنت: انا مزنه بنت يارتكم
غلا بابتسامه: مززنه يا هلا والله وينج من زماان
البنت: هني والله تعرفين الجامعه وجي .. ها بنات عمي
سلمن ع بعض
غلا: سمحن لنا عاد بنسير
مزنه: م عليه اصلا بنلتقي يوم اليمعه
غلا: حيكم
مزنه: لا اقصد انتو بتيون
غلا علامه استفهام بويهها
مزنه: م خبرتج امج
غلا: لا والله م دريت عن شي
مزنه: يوم اليمعه انتو معزومين عندنا
غلا: اها
مزنه: اكيد بتيي صح
غلا: أأ
مزنه: خل عنج والله من زمان م يلسنا شرات اول ومحد فالبيت بس نحن وانتو
غلا: اوكك عيل م اردج
مزنه: ي حيج بنت سيف
غلا: ياله عيل فداعت الله
ورجعن
اميره: بتروحين
غلا: هيه حليلها جنا وايد ويا بعض قبل
اميره: هيه احيدج اول معششه فبيتم تضاربين حمود
غلا: هيه والله ايااام .. الحين لا اعرفه ولا يعرفني
اميره: م شفتيه مول !!
غلا: جىه شفته يوم العيد جدام بيتم ونحن ظاهرين بس ما جنه شافني .. ومره من زمان جان يغسل سيارته خاري ونحن طالعين
اميره: غاوي؟
غلا: عرفتج وين تبين توصلين .. ضحكت: هيه مزيون
اميره: حلو ترتيب عيل
غلا: مشي اقول
اميره: وين ايهم
غلا: اونه هالفص استحى ورد البيت
اميره: والله انه يضحك هالولد كيف مخلي عمره عود
غلا: جان تبي تضحكي صدق شوفيه فحساب هناد اوووونه
اميره وهي تضحك : روتني اموله مره
غلا تضحك بقووو: شفتيه فيديو القهوه
اميره ناقعه ضحك: هيه
دخلن بيت وهن سكرانات من الضحك
هناد: وااابوي رحتن تتمشن ولا بار
م رايمات يرمسن كله يضحكن
هناد بقوه: صلبن عودكن وابوي عليكن
غلا تغايض له وتضحك: ليش ليش ليش
اميره: آنه آنه
غلا: زعلانه مني آآآنا
اميره: مشيتي عن هواناااا
غلا: نسيتي من هوانااااا
يمشن ويغنن جنهن سكارى
غلا بمياعه : تيـــــل ميرى تيـــــــل ميرل تيـــــل
اميره: سقممممم يسقمج
غلا: والله حلو رقصها .. ليش ليش آنه أنه زعلانه مني آنه
اميره تضحك: واهم شي (بدلع) وذ مامـــا
دخلن ولقن خالته يالسه
غلا تغني الاغنيه بلغاااااااانه وتدز جتف امها بجتفها
عصبت امها وهي تخوزها
غلا: ولو ولووووو
ام هناد: غلا اصطلبي
وقفت وبجديه: اميـــه
ام هناد: نعم
يلست : سنـــــي سوفيوروم سنـــي
ام هناد: شهالرمسه انتي من وين تتعلمين هالخرابيط
غلا: تركي ها , م علينا صدق صدق يوم اليمعه بسير عند ام مزنه
ام هناد: شدراج انتي م حيد اني خبرتج
غلا: خبرتني مزنه تونا تلاقينا فالشارع
ام هناد: اول مره يعزمونج وتسيرين
غلا: اول مره التقي بمزنه من زمان , بس جي دقت بخاطري
ام هناد: زين عيل بنسير اليمعه
غلا وقفت : بس تم
مشت وشافت ميره يالسه: م بتقومين
اميره ابتسمت: لا سيري انتي
غلا فهمتها وابتسمت بحزن ورقت فوق
سوت اللي فهمته من اميره وفتحت الفون
م لقت ولا مسج منه
تضايجت
غلا: مسرعك نسيتني
كتبت إلا جيه ولا انتبهت انه متصل شافته وشهقت
رد ع طول: حشااا عليه
غلا: عيل ليش م طرشت شي
هزاع: عشان تشتاقيلي
غلا: بس انا م اشتقت لك
هزاع: عيل ليش طرشتين
غلا توهقت: بس جي يت بخاطري وكتبها
هزاع :  عسى الله لا يحرمنيه
غلا: الحين انته صدق تحبنيه
هزاع: صدق وصدق وصدق واللي تبينه بسويه
سكتت
هزاع: جان تبينيه ايي الحين بيتكم فالج طيب , بس انا قلت خلصي وع طول بيي
غلا: الشرا
هزاع: الشرا!!
غلا: كيف حبيتنيه وانا م اعرفك
هزاع: رضي بالقدر
غلا: رضيت
هزاع: لج مني وعد ريال لو م صرتين من نصبيه لقطع لسانيه قبل م اييب طاريج بالشينه
غلا: كيف تفهمني سرعه
هزاع: لاني م كذبت لما قلت احبج
غلا: واذ درى هناد وانت تعرف شبيسوي
هزاع: لا تخافي م رح يعرف , بس انتي سجلي ع اسمي اسم بنت لاني رح اتصل فيج
غلا: وت !!!
هزاع: م اروم , ياله حفظيه عن تتوهقين
غلا: يويلك تتصل
هزاع: م اضمن لج شيطانيه
غلا: خبل انته
هزاع: وعشقيه انتي
غلا: ي خي لا تقول جيه
هزاع: ليش (فيس يضحك)
غلا: لاني اتدوده م اعرف شقايل ارد
هزاع: مب لازم تردين تكفينيه ابتسامتج
غلا: رجعنا 
هزاع: قسم بالله م اراقبج والله العظيم بس احساس
غلا: اوك
هزاع: صدقتينيه
غلا: يعني , لين م افهم كل شي م رح ارتاح
هزاع: فاهمنج , بس مب لازم تفهمين اهم شي توثقين فينيه
غلا: صدقني مجبورة اصدق
هزاع: بتحبينيه ولا رح تدرين
غلا: يليت م يبدا هالحب جي
هزاع: بدا وانتهينا عليج بالحاضر
غلا: ..
هزاع: بشو تحسين
غلا: بالخوف , احس اني اخون اهلي كل دقيقه , احس ان ذيج البنت البريئه انت خليتها حال حال أي صايعه
هزاع: اخسي والله
غلا: 
هزاع: لا تسوين فيني جي , اعرف اني حقير لاني ورطتج فيني بس والله احبج
غلا: خلاني
هزاع: م اقدر
غلا: وعد اذ خليتنيه وييت تخطبنيه عقب م اخلص م رح اتردد لحضه فالموافقه
هزاع: ليس تسوين جي , كل ما نقول الامور صارت طيبه ترجعين تفتحين هالموضوع
غلا: لاني هب مرتاحه , ضميري مب مرتاح
هزاع: احبج
غلا تبتسم غصبا عنها: انت مينون
هزاع: واموت فيج
غلا: وانا م احبك
هزاع: تبي تحبينيه ولا
غلا: الصراحه
هزاع: اسمعج
غلا: هيه
هزاع: عيل خلي كل شي ويمين بالله م تندمين
غلا: خليت
هزاع: عيل نزلي تحت
غلا: لا ترجع تروعنيه
هزاع: لا تخافين والله روحي صوب الدروازه من داخل وبتلقين جيس شليه
غلا: انت مينون رسمي
هزاع: ياله سيري سيري
غلا تربع ووالوضعيه شي خيالي
ام هناد: وين سايره
غلا: ربيعتيه مطرشتليه شي جدام البيت
اميره والخوف فعيونها: بيي وياج
غلا ربعت خاري وشالت الجيس فتحتها
فيها اسواره ذهب حرفها وورقه
( اميرتي غلا احبج للابد )
تبتسم غصبا عنها فيها شعور م حست فيه قبل فرحانه وم تعرف ليش
يت اميره: حشا ليش تربعين
غلا جان جوابها الابتسامه وبس
اميره وايديها ع خصرها وتنافخ: هو صح
غلا هزت راسها وانصعقت اميره
اميره: شهالحماااار
غلا: شفيج قصري صوتج
اميره بخوف: غلا!!
غلا ترفع جتوفها بمعنى م اعرف
اميره: حبيتيه ي الجلبه
غلا: لا والله بلاج حشااا
اميره : حالتج صعبه
وضحكت ع خبال غلا
غلا: ايه بس سكتي
اميره: جنج م شايفه خير هههههه
غلا: شسوي م اعرف ليش فرحت
اميره: مينونههههه
غلا: والله توقعت يجذب جني اربع عسب اتأكد
اميره سكتت: والله حبيتيه
غلا: بس سكتي سكتي
..
ما الحب إلا جنون (شكسبير)

رد: رواية حبه لبسني لبس يني لبس الخواتم فالصبع تم

.. حدرن
غلا: ي الخبل
هزاع: شرايج
غلا: روووعه
هزاع: جان خاطريه احط اسمي بس اعرفج م رح تلبسيها
غلا: بسير اتعشى
هزاع: اوك انتظرج
غلا: سيو
هزاع: امووووووواح
غلا: بس عيب
هزاع: ياله سيري سرعه
غلا: برب
..
تعشت ورقن فوق
اميره: تبين ترمسيه صح
غلا: هيه
اميره: ياخ مالي داعي هنيه صار هو علاجج
غلا: جب جب انتي حياتي
اميره: تقدري تقوليله يسكت عشاني
غلا: اكيد
اميره: ياله با اشوف ابا اسهر وياج مب قابضه هالفون
غلا: انزين م قبضته
اميره: ادريبج الحين بتقبضيه
غلا: اوكك بتشوفي
..
غلا: باك
هزاع: يا هلا
غلا: ممكن نرمس باجر
هزاع: ليش شو صار
غلا: بنت خالي عندي ومتضايجه اني ماسكه الفون طول الوقت
هزاع: يعني اروم اصبر انا
غلا: براضيها وبرجع لك
هزاع: بنتظرج
غلا: لا نحن بنسهر
هزاع: وانا بسهر
غلا: ويا منو
هزاع: فديت اللي يغارون
غلا: لا تغير الموضوع ويا منو
اميره: غلااااا
غلا: اوك اوك الحين اقوله
هزاع: ويا سواف
غلا: باي عيل
هزاع: يويلج ترقدين قبل م تطرشين شي
غلا: اوكك
هزاع: بديت اغار من بنت خالج
غلا: ههههه ياله سير سير
هزاع: 
..
سهرانات فالحوي خاري ع الضو لنه ايام برد
والكل دخل ع الساعه 1 بس هناد ما رجع اصلا
اميره: اففف من زمان ما تولفنا شرات قبل
غلا: الشرا يعني
اميره: قبل كلنا نحن وبنات خوالج والحين ياله ياله نتشاوف
غلا: باتي هني بعد باجر وبنخلي ميود اييب ميره
اميره: فاضيلج ميود
غلا: هيه لا شغل ولا مشغله
اميره: ههههه والله انه مفيسنكن
غلا: ياله انتي قولي تم
اميره: لااااه اصلا ياله ياله قنعت ابويه ابات اليوم ولو ما نعوم م طاع
غلا: ليش نعوم عندكم
اميره: يت اليوم وجانت بتسير عقب المغرب
غلا: اهاا .. اقلج
اميره: ها
غلا: نعوم ليش م تعرس
اميره: م اعرف والله مع انه ابويه قالها بس هي م رضت
غلا: ليش حرام بعدها شباب
اميره: تعرفين عشان بنتها
غلا: وين المشكله
اميره: م اعرف والله اصلا م اعتقد حد ياها
غلا: الله يعين
اميره: غلا
غلا: عيونها
اميره: تعالي نلعب
غلا: ايووه حزة اليهالة
رن فون اميرة وصكرته
غلا عاقده حياتها وبنظرة شك : اميرة ترا مب اول مره تبندين المكالمات
اميره: شخبار بطنج الحين
غلا: م عليج منه بكل حبوب .. قولي انتي
اميره: مب زين الحبوب تــ
غلا بعصبية: اميررررة
اميره: اف اف مب لازم تعرفين
غلا: اميره
اميره وانقلب ويهها وعقدت حوايبها وجنها بتصيح : شو
غلا: منو يتصل بج هالكثر
اميره تصد ع يانب: محد
غلا لفت ويهها وشافت دموعها: اموووره
اميره تمش دموعها: مب مهم قومي تعبت ابا انام
غلا: ويمين بالله م انام قبل م تقولين
اميره قامت تصيح بقوو
سمعن صوت سيارة هناد
غلا: قومي قومي سرعه
رقن فوق سرعه
يلسن ع الشبرية
غلا: شالسالفة
اميره تصيح بقووه وتشاهق : ســ سعــود
غلا انصدمت : بعدج ترمسينه !!
اميره وهي تصيح: لا والله والله م ابيه غلاااا م ابيه
غلا تحضنها : هششششش هدي هدي
اميره: م ابيه والله تعبت م ابيه
غلا: بلاج حبيتي هدي شو سووى هالحقير
اميره تحاول تتكلم بس صياحها طاغي عليها وم فهمت منها غير كلمه
" يهددني "
غلا: قومي غسلي ويهج

<< قال شكسبير: اعتن جيدا بسمعتك , لانها ستعيش أكثر منك >>

انتهى البارت الثالث




نلتقي فالبارت الرابع
اتمنى تكون الرواية قد المتابعه
واوعدكم بأحداث اكثر واكثر
خلكم متحمسين لان هاي مجرد البداية

.. مقتطفات من البارت الخامس
.. !! .. : يقول بيجلط اميه اذ سوا اللي براسه
.. !! .. :ابا احطج فعيوني واداريج ع الاقل خليني اتشرط وانتي بعيده
.. !! .. : دم!!
.. !! .. تصيح: حرام يويلك من الله خوز ي جلب خوووز
.. !! .. : اذ تبين الصدق انا اباج ع سنه الله ورسوله
.. !! .. زهبن اليلسه حلويات وافلام والاهم م تامه مخده فالبيت ومضبطات الجو
.. !! .. بعطيه فرصه هالسبوع جان ما يا بيذوق الويل
.. !! .. وطقن كلهن ع الارض اللي تصارخ واللي تصيح
.. !! .. فرت الفون وتمت تصارخ: حيوااااان جلللللللب حقيرررررر

فداعت الله
مع حبي : بنت الأياآويد
..
استاهل اعرف توقعاتكم ع المقتطفات !!

رد: رواية حبه لبسني لبس يني لبس الخواتم فالصبع تم

سؤال": شو اكثر شخصيه حبيتوها؟؟
بليز جاوبو لا تحبطونيه

رد: رواية حبه لبسني لبس يني لبس الخواتم فالصبع تم

البارت رووووعه كملي متحمسه وايد
اكثر شخصية حبياتها هن شخصياتين
غلا وميره

رد: رواية حبه لبسني لبس يني لبس الخواتم فالصبع تم

كملي وينج قطعتي مره وحده