رد: رواية حبه لبسني لبس يني لبس الخواتم فالصبع تم

بالباجر
غلا متحمسه ع الآخر تموووت فالحوامه فكيف عاد بيت خالهااا لا وبعد ميرروه وياها طايره من الفرحه ناشه من الساعه ست >> جنها ياهل .. وشاله البيت
...
فالطريج
واستغربت حاله منيره بنت خالها
<< دموع الغدر تصطي ع الخدود .. وحب الأجبار يقسى ع طيبه القلب>>
غيرت غلا حالتها
<< صحيح انا قاسي ولكن اداريك .. وادري بهمك قبل تنطق شفاياك>>
بتلاحضون ان غلا كله تغني هالشيله وتحط كلماتها حاله لأنها تعشقهاااا>>شراتي
وطرشت لها
غلا: صبااااحوا الحلوين الزعلانين
منيره: هلااا وغلااا
غلا: اميرتي ليش زعلانه
منيره: طلبتج لا تسألين
غلا: (فيس متعجب) عسى ماشر
منيره: اليوم بتيون صححح؟
غلا: ان شاء الله
منيره: اخبرج عقب
غلا: اوكيه بس غيري حالتج قاهرتنيه
منيره: خلينيه اعبر عن مشااعري
غلا: ههه عبري بس هب جيه جنج أميرووه كل حالتها حزن وعذاب وعشق وسخافه
منيره: اوكيه بس جب بغيرها
حطت<< اذا نسيت اللي يحبك ويغليك .. الله على هجر المحبين يجزاك
غلا: (فيس معصب) ليش تسرقين كلمان شيلتيه .. يالطائر الحزين
منيره: ههه عشان تحبي حالتي .. والله هالسكن غصب يخليج طائر حزين
غلا: لا ما احبها بدلي هذول الكلمات حقي ي الطائر الحزين
منيره: سيررري هناك وايد تطلبتي ما بغير
غلا: ..
منيره: بسألج ليش عاشقه هالشيله
غلا: لاني احب السعوديه .. واللي يغنيها صوته روعه والكلمات روعه وعااد لو شفته بنسدح
منيره: ههه اذا كان هب حلو
غلا: هب مشكله بعدني احبه
منيره: الله يعينه اذ درى وحده مرجوجه ع قولتهم تحبه
غلا: ههه الله يسامحج .. اقول اخباار طللول
منيره: اقول غلاوي بكلمج بعدين امايا تباني
غلا بشك: اوكيه باي
..
غلا: بلااها هاي اهااا اكيد بسبته هالجلب تحط حالاتها جيه
..
الساعه 11 وصلوا
ام طارق: هلا والله هلا نورتوا البيت
ام هناد: منور بأهله
ابو طارق: يااا مرحباا الساع .. قربوا قربوا
غلا تسلم ع خالها
ابو طارق: ي القااااطعه هب جنيه خالج وتقولي بتسألين عنه
غلا: هه اسمحلي خالي
ابوطارق: هيه اميرووه كل يوم ترمسينها .. وانا خالج ولا فكرتين حتى تسألين
غلا: افاا انت الكل بالكل
هناد: هيه رقعينها الحين
ابو طارق: انت لا ترمس مووليه بعدها هي تطرش سلاام وانت حتى ما تفكر
ام هناد: حد قالك ترمس
ام طارق: قربوا قربوا
..
نتعرف ع العايله
ابو طارق حباااااااب ..ام طارق وفاء طيبه بشكل واثنيناتهم كباار بالعمر شوي
طارق البجر متوفي بحادث وجان متزوج ناعمه وعنده بنوته وحده هدى جميله ماشاء الله عليها تشبه خالتها اميره
منيره 23 سنه طيووووبه وتدرس وساكنه فسكن طالبات
اميره 19 عاااد هذي جميله الجميلاااات فوق انها هبله وتصرفاتها شرااات ساره
حمدان 17 سنه شيخ الريايل وحبيبه ايهم <<كشيخ>>
..
يعني خالات غلا كلهن شيخه(ام مايد) مزنه (ام ناصر) موزه (ام عبدالله) وديمه(ام سعد) سلمى (ام ناعمه)
وخال واحد اللي هو ابو طارق
غلا جانت رايحه عند اميره بس قامن اينها مسجات بالهبل فاستغربت وفتحت الفون
ع البيبي
عاآشق الفتك: هلاا بالسكررر
: وينج اشتقنالج
: لا يكون نسيتينيه
: ام الدويس وينج!!
: هلوووو
: اوكيه سحبي عليه بتندمين
وتم يطرش ولا عشرين ping
اغليــ(بنت الشيــوخ)ـــك: نعمممم
عاآشق الفتك: ما بغيتي
اغليــ(بنت الشيــوخ)ـــك: قلت لك ما ابااا ارمسك غصب هوو؟ .. انت من وين تييب كودي
عاآشق الفتك: والله انااا حافظج من ساسج لراسج بتوقف ع كودج
اغليــ(بنت الشيــوخ)ـــك: !!!
عاآشق الفتك: هه يني .. اقول تتذكرين اسمي
اغليــ(بنت الشيــوخ)ـــك: ممكن تقول الشو تبا لانيه طفرت منك
عاآشق الفتك: بس ابا اسولف وياج
اغليــ(بنت الشيــوخ)ـــك: وانااا ما ابا
عاآشق الفتك: والله اذ سويتين ليه دليت مثل المره الماضيه لهكر فونج وعندي رقمج
اغليــ(بنت الشيــوخ)ـــك: جذااااب
عاآشق الفتك: هب هذا رقمج**
غلا" ياااااابوي ها من وين ياب رقمي
اغليــ(بنت الشيــوخ)ـــك: الشو تبا مني
عاآشق الفتك: نتواعد
اغليــ(بنت الشيــوخ)ـــك: لو الموووت
عاآشق الفتك: بلاج عصبتين جيه امزح وياج .. قلت لج اباا اسولف
اغليــ(بنت الشيــوخ)ـــك: ما عندي سوالف
عاآشق الفتك: هب مشكله انا عندي سوالف .. تعالي نتعرف
اغليــ(بنت الشيــوخ)ـــك: الشو تبا تعرف
عاآشق الفتك: انااا اعرف عنج كل شي المهم انتي تعرفينيه اسمي روميو وعمري 20
اغليــ(بنت الشيــوخ)ـــك: انت الشو مشكلتك
عاآشق الفتك: جمالج مشكلتي
اغليــ(بنت الشيــوخ)ـــك: ووين شفتني
عاآشق الفتك: هب مهم
اغليــ(بنت الشيــوخ)ـــك: جذاااب
عاآشق الفتك: لا لا عاد جيه عيب عليج رجعتين تجذبينيه .. اذ قلت لج ان شعرج اسود وطويل عيونج سوود ودايم تتجحلين ويهج هب طويل ولا دائري وبيضاااا فيج غزوز وغمازتين وقصتج ع عيونج وجسمج هب ضعيفه ولا متينه وابتسامتج تسحررر يعني بالأختصاااار انتي من ذووقي
غلا هنيه نصدمت وشهقت
حمدان: بلااااج
غلا: ه هااه
حمدان: السلام عليكم
غلا: أا وعليكم السلام
حمدان: ليش واقفه هنيه
غلا: أا هاه لا لا ماشي
ركبت الدري
غلا: اميرررروه لحقينيه
اميره: الناس تسلم اول اعوذ بالله بلاااج
غلا: جوفي جوفي
اميره: شوووو زيغتيني
غلا: سمعي السالفه
اميره: قولي والله خوفتينيه
غلا: قبل جم يوم كلمني واحد ... وخبرتها السالفه
اميره: ي بوووووي هذا شدراه بج
غلا: والله ما عرف يقول بيهكر فوني اذ حذفته
اميره: يمكن مقلب
غلا: ما ادري
اميره: كلميه خل انشوف شسالفته
عاآشق الفتك: وينج
اغليــ(بنت الشيــوخ)ـــك: بعدك تجذب مره تقول اسمك روميو ومره راشد
عاآشق الفتك: هه عادي اذ تبينيه اصير قيس بصير واذ تشارد واذ عنتر واللي تبيه
اغليــ(بنت الشيــوخ)ـــك: انزين ممكن افهم شو النهايه
عاآشق الفتك: انااا بسألج وانتي جاوبين واذ جذبتين بتندمين
اغليــ(بنت الشيــوخ)ـــك: اخلص
عاآشق الفتك: شو اسمج
اغليــ(بنت الشيــوخ)ـــك: فاطمه
عاآشق الفتك: هاي جذبه .. شو اسم اكبر خوانج
اغليــ(بنت الشيــوخ)ـــك: علي
عاآشق الفتك: هاي جذبه ثانيه .. وين انتي
غلا: ها شدراه اني اجذب
اميره: يخمن ما عليج كملي
اغليــ(بنت الشيــوخ)ـــك: فدبي
عاآشق الفتك: ما مليتين من الجذب انا الصراحه مليت .. اسمج غلا اكبر خوانج هناد وعندج اختين غاليه وغريبه معرسه وثلاث اخوان ايهم وسعيد وهناد
اغليــ(بنت الشيــوخ)ـــك: شو بعد تعرف
عاآشق الفتك: انج غااويه وعمرج 17 وانتي حبيبتيه وتصلحين حرمتيه
اغليــ(بنت الشيــوخ)ـــك: حبك ضرس .. يوم تعرف هالاشياء شعنه تستهبل
عاآشق الفتك: بس كيفي .. ما تبين تعرفين اذ اناااا حلو ولا لا
اغليــ(بنت الشيــوخ)ـــك: خل حلاتك حق حرمتك
عاآشق الفتك: انتي حرمتيه
طرش لها صورته طرف لحيته مع عنقه
غلا" ي بووووووي شكله غرشوب
اميره: يالله لو حابنيه انا هب زين اخخخ
عاآشق الفتك: هااا بعدج تتأملينيه
اغليــ(بنت الشيــوخ)ـــك: وايد مصدق عمرك
عاآشق الفتك: يلااا حبي الحين طلعت لي شغله اكلمج بعدين
غلا: فجججه
اميره: يلا قومي نزلنا تحت
يت منيره: هلاااااااا
غلا حضنتها: ياااااهلا
منيره: اموووره حياتي ممكن تطلعين عنااا شوي
اميره: وسقم تتحرنيه متخبله اسمع سوالفكن .. انا بسير عند حبيبي
<< ايهم>>
طلعت
غلا: يلاااا قولين الشو السالفه
منيره: مصيـــــــــــــبه
غلا: اكيد طلال
منيره: ي ليتنيه ي غلا سمعت رمستج ولا كلمته
غلا: هـــــــــــــــــــــــــــــيء خبر حد
منيره: لاااااا ودرنيه
غلا: هههههه روعتينيه تحريت شي بعد
منيره: ي بروود دمج اقولج ودرنيه تقولي تحريت شي .. بصيحح والله احبه
غلا: افففف منوور اولا آخرا بودرج الشو تتحرين
منيره: يااااخي انتي ما تعرفين تواسين
غلا: والله انا قلت لج من البدايه انه مستحيل ياخذج بس انتي ما ادري الشو عايبنج فيه
منيره: تخيلي ببرود دم قالي امه خطبت له وهو ما رام يرفض
غلا: يجذب عليج محد ما يروم يرفض بس مل منج خلاص انتي التوي ماله وفنششش
منيره: افففف انتي تحطمين
غلا: اقول الصدق
منيره: سمعي السالفه الثانيه
غلا: قولي
منيره: واحد يقرب حق عموتي خطبنيه
غلا: الف الصلاااه والسلام عليك يا حبيب الله محممممد .. خصااره ما اعرف اقول كلوكلوش < متفيجه الاخت
منيره: غلاااااااااااااااااااااااا
غلا: شوو
منيره: تستهبلين اقولج احب واحد ثاني وانتي تبين تببين
غلا: والشو فيها اصلا ذاج الحمار ما يباج .. اففف الحمد لله انا قلت بتعنسين هنيه
منيره: الله يااااخذج تتمصخرين عليه وانا اشكيلج
غلا: اففف منج ي منووور متى بتكبرين انتي عقلي شوي هذاا الخديه ما يباااااج فهمي
منيره: يعني شو اسوي
غلا: انسيه ووافقي
منيره: واذ ذاج بعد ما يباني
غلا: لو ما يباج ما يى يخطبج
منيره: افففف اصلا هالسكن كرهنيه حياتي
غلا: تحملي باجي شوي
منيره: آه يلا ننزل تحت
..
يو قم ميره
سلمن ويلسن
غلا: نعووم ما بيوا اهلج
ناعمه: ما اعرف اعتقد بيون اليمعه اليوم
<< ناعمه تصير بنت خالة ريلها .. يعني بنت خاله غلا>>
ابو طارق: ام طارق ما زهب الغداا
ام طارق: بين خواتي
شوي ويوصلون

رد: رواية حبه لبسني لبس يني لبس الخواتم فالصبع تم

تحيدون اموله هم
..نتعرف عليهم
ابو ناعمه .. حرمته خاله غلا ..سلمى
ناعمه البجر ..حرمه المرحوم طارق
اموله 23 رقيقه وحبوووبه ويسموها البرنسيسه من اسلوبها ومحد يعرف انها دفشه غير البنات << كلهم يقولون انها حق هناد
مريم 20 الهااااديه الرزينه مخطوبه لولد خالتها
حصه 18 النفسيه (( حبيبه ولد خالتها )) والكل يعرف بهالشي
..
وآخر عايله فهالروايه عايله ابو سعد حمد وام سعد وديمه
البجر سعد 24 خطيب مريم !! والكل استغرب انه ودر اموله عشان مريم
محمد: 20 هذا حبيب حصه << جررريء>>
وحيدتهم شوق 19 الدلوعه
.... عايله الخوال والخالات كلهم كباار واصغرهم شيخه( ام ميره) بعدين عايشه(ام غلا) عسب جيه هن الوحيدات عيالهن صغار
.. ع العموم العوايل خلصن صحححح وايد كبااار لكن بنوضح اكثر
..
تخيلوا هالخمس عوايل فمكان واااحد وشااالين البقعه
... الشواب بروحهم
والشباب بروحهم
والبنات بروحهم
وطبعا الصغار بروحهم
..
البنات 10 !!!
سوالف وضحك..
الشباب 5 حليلهم ويتضاربون << باللسان>>
..
اموله: مليت قومن نقطع خضره
حصه: انتي تموتي لو ما اشتغلتي
ميره: قومي انا وياج
ساره وغاليه سارن فوق ع الأايبادات
اميره حصه وغلا وشوق ما مال شغل
اموله وميره ومريم ومنيره راحن
//
سعد: شباب حد يبا ماي ويايه
مايد: اناا
سعد: سر ييب حق عمرك
مايد: عيل ليش تسأل
سعد وصبعه وعراسه بمعنى كيفي
مايد: خلوني اكفخه
هناد: محد قبضك
مايد: برستيجي قبضني
..
فالمطبخ
البنات ضحك وشغل
سعد: هوود هود
منيره: ادخل محد غريب
سعد: اخباركن
اموله: منيحين اخبارك انت
سعد يطالع مريم: بخير دامكم بخير
ميره: اللف والدوران ليش .. مريم يقولج اخبارج
مريم لفت راسها سرعه صوب ميره
وتطالع سعد اللي موايهنها
مريم: ما سأل عني
سعد:اخبارج
مريم استحت: بخيررر
اموله: الله ي المؤدبين ما رووكم حمود وحصه
منيره: سعد بغيت شي
سعد: هاه أا ماي
.. يابت له منيره ماي
يشرب وياطلع مريم
منيره: كلتها بعيونك
حط الكوب: جب انتي
وطلع
مريم: وااااا فديتنيه
اموله: الحين تتفدين عمرج ليش
مريم: ذوووبنـــــــــــــــــــيه << خخخ تخرفنت البنت
.. سعد اللي يالس يتسمع
ميره: ما قلتي هالرمسه يدامه
منيره: هيه تبيه يطيح بطوله بروحه متدوده
: هههههههه
مايد: سعوووووود
سعد: هششش الله يلعنك فضحتنا
مايد: تتسمع سوالف البنات هاااه
سعد: مشى مشى
مايد: اباااا ماي
سعد: يويلك تقول شي
دخل مايد بعد ما تنحنح
ميره: حلالكم الشرب اليوم
مايد: مريم شحالج
منيره: ابا افهم شسالفه مريم اليوم
مريم: بخير اخبااارك انت
ميره: عيل ما سألتين سعد عن اخباره
مايد: جب انتي .. مريووم توج شو قلتين
مريم: هـــــــــــــيء سمعت
مايد: لا انا ما سمعت سعد يالس يتسمع
مريم وايدها ع حلجهاااا: حللللف
مايد: شو قلتين
مريم: يااااويلتااااااآااه
مايد: هههه ميره هاتي كوب ماي
عطته ميره
شرب وطلع
..
حصه: مااااااااااااااااااااااااافي احدددددد يشتقااااااقلك كثررررررررررري انااااا
اميره: هاي بلاها جيه فصلت هناك حمود
حصه: الحين شو يخص حمود
محمد: حصه شو تقولين عنيه
شوق: هـــــــــــيء هب اذنين جان سمعت
محمد: سررررعه اعترفن بشو جنتن تحشن فيه
هناد: عاااد انت الشو فيك يرمسن عنه
محمد: إلا سمعتهن .. وحصه تقول حموود بعدد
حصه: لاااه يعني كلهن يقولن حمود إلا أنااا حرام
محمد: حلال حلال كله ولا تزعلين
حصه ابتسمت: شكرررا
محمد يتأملها ضربه هناد ع الراس
هناد: انت متى بتتأدب
محمد: وانت متى بتعرس وتفجنااا اذيه تراك
شوق: ههه العروس يدامه ولا يشوف
منصور: منو تقصدين لاااا يكون انتي
شوق: وبططططططططططن ع قوله ساره طبعا هب انا <<ساره مضرب امثال خخ
مايد: عيل
شوق: والله هو ادرى
هناد: شوق عن اللف والدوران عندج رمسه شرات الناس قوليها ما عندج انجعمي
شوق: خلاااص ولا تزعل ما برمسس
غلا: بالله تقوليلي منوو
حصه بصوت ينسمع: ياااا اموله ياااا شوق يااا اميره
شوق: سقممممم انا ما اباه
هناد: لا تختفن ما ابا اللي قلتيهن كلهن
حصه: جذااااااب
غلا: دوري دوري يمكن نقصتين حد
حصه: ساروه وميروه وغلوي صغار فمنو غير هييلا
غلا : ومنو قالج ميره صغيره
اميره: حراااام عليج وين هي وين هوو
شوق: اصلاااا هالسقم منو يبااااه
غلا بصوت مسموع: أيـــــــــــه هب على اخويه ..
حصه بصوت عالي: صحححححححححححح تذكرت بنات عمك
هناد: ما عندي بنات عم
اميره: ميثوووه ومياااسه ورنود وين سااارن
حصه: صح صح رنود تصلح
غلا: سلااااااااااااااااااااااااامتج حرمه اخويه عنديه هب انتي تختارين
هناد: انتن حد قالكن تشتغلن خطابات .. انا بعدنيه
شوق: شعنه بعدك ان شاء شيبت الشو تتريا
غلا: يااااخي لا تدخلن فأخويه يمكن فراسه حد يترياه
اميره: هنوووووود لا يكون تباا ميره والله اخبرها
هناد: هه ليش اذ اباها تتوقعين بقولج
حصه: ما عليج منه يبا اموله
محمد: خلااااص دورن ليه انااا
اميره: نعرف حركاااتك ي الحمار عواااار ما بنقول حصه
محمد: ما له داعي تقولين
شوق: اناااا ابعرف ليش خليت سعد يخطب مريوم وهي تؤامك انت
سعد: ايه ايه لا توزين ع راس اخويه ترااا مريوم حقي
محمد: ريحححح عمرك انااا محير
غلا: ما درينا
محمد: خالوووه سلمى
سلمى: نعممم ابويه
كلهم سكتوا يسمعونه
محمد: خالي اناااا اباا احير حصه حقي
ابو ناعمه انصدم منه وتقفط: ما عليه ولديه اسس عمرك قبل
محمد: لاااا بس اقول عشاان الكل يعرف
حصه بتموووووت
وديمه: يـــــــه ي حمووود لا هود ولاهدا جيه انااا ابا حصه
محمد: امايا انا دوم اقولج انتي تقولين اسس عمرك اول
ام سعد تقفطت من دفاشه ولدها
سعد: حمود بلااااك جيه مستخف
محمد: المهم خالي انت شرايك تحيرها ليه
ابو سعد منحرررررج من ولده ما نطق بولا كلمه
ومايد وهناد قابظين عمارهم عن يضحكون ع خباله
ابوناعمه: والله ما ادري شأقولك ي ولدي
ناعمه تنقذ الموقف: شو تقول بعد ابووويه .. خالي ارمــــــس
ابو سعد ياله ياله رمس من القفطه : والله نحن ما بنلقا احسن من حصه
ام ناعمه: وانا اشوف ما فيها شي يحيرها لين ما يكون عمره
ام وديمه: والله كلنا نباها بس ما يصير نحيرها دون شورها
هني حصه هبببببب متحمله
غلا تدز كتف حصه: قولي قولي
خواتها محد ينقذنها من هالموقف المحرج وكلللللهم يطالعونهااا
ناعمه: خالتيه انا مرمستنها قبل وهي ما عندها مانع
حصه جنه الروح ردت لها
ام ناعمه: هاه حصه نعتمد هالرمسه
ام سعد: ترا ولديه يباج وشاااريج
سعد: وقفطنا عشااانج
: هههههههههه
هنا حلى الجووو شوي وارتاحت حصه
حصه: غلوووي نقذينيه
غلا: تبيه
حصه: لا تستهبلين قولين
غلا: ما يصير تقول عنج
اميره: تبااااه تباااه
محمد شاااق الحلج
ابو سعد: خلاص عيل
ابو ناعمه: مبروووكين
.. شتل البيت من الفرحه << اسمنه تحشيش هالعيال
حصه: قووومن ويايه
شوق: ههه خلج شوي متقفطه حلووو شكلج
دخلن داخل
حصه: ياااابوي ي حمووود والله اذبحك
مريم : بلااااكن
اميره: قوووولوا حق حصيص مبررروك
اموله: شو صاار
شوق: حمود رمس يدامهم كلللللهم وحيرها
ميره: حللللفي
هني البنات قامن يمثلن المشهد ههه وطااايرن من الفرحه
ع الغدا حصه ما رايمه تحط عيونها بعيون هالجريء مووول
نشت اول وحده عقبها حمود
يالسه تتغسل
محمد: مبررروك علينا
حصه زاغت ولفت سرعه: حمووود شعنه سويت جيه
محمد: شعنه بعد عشان تكونين حقيه
حصه: تستهبل انت والله قفطتنيه
محمد يمثل: يعني ما تبينيه عااادي الحين ارووح اقولهم هب مشكله
حصه: لاااااا هب قصدي جيه بس صدمتنيه
محمد بأبتسامه: يعني تبينيه
مايد: حلووو حلوووو هذااا مره طيح الميانه توك بس محيرنها ترا والله حتى ما خطبتها
محمد: افففف لازم يخربون لااا حول
طلعت حصه
مايد: شو قلتلها
محمد: حماااار ما خليتنيه اسمع شو بتقول
مايد: شو قلت
محمد: ماااا يخصككك
مايد: يووووه متى بتينيه بنت اتثيجل عليها
محمد: والله انت هب مخلي وحده بحالها متثيجل ع الكل حق شوو بعد تحير
مايد: هه بس ولا وحده لي
محمد: يااااريال ارتحتتتت
مايد: وانت اصلااا من شو خيفاان الكل يعرف انك تباها
محمد: حتى ولووو شفت ويوههم
مايد: والله ما قصرررت بددعت جنت بنقع من الضحك
محمد: هه اعيبك .. احطهم يدام الامر الواقع
مايد: نشمي والله عقبااااااالي
محمد: اخااااف انت تسواها هب إلا جيه ادمرر
مايد: هه بنشوف بس خل وحده تدخل هالقلب وبراويكم
محمد: اعوذ بالله بتدخلها هلااااك هب قلب
هناد: بلاكم بديتوا ترمسون عن القلوب عافانا الله
: هههههه
الظهر الشباب فالميلس كالعاده يتضاربون
والحريم داخل يسولفن
والريايل راحوا
البنات فوق محتفلات واللي نايم نايم
..
العصر..5:00
ناصر عند ميسا .. ما طولت عليه شوي وطلعت
ميسا: السلام عليكم
عبدالله وناصر: وعليكم السلام
عبدالله: الساعة جم بتردون
ناصر: ما اعرف والله ع حسب
عبدالله: ميسا من الحين اقولج بتتعشين وياه لا تصدعيه ما خبرتهم وما خبرتهم
ميسا تطالع ناصر مستغربه: ان شاء الله
عبدالله بابتسامه: يالله بالتوفيق
ناصر: حياك
.. وراحوا
ميسااا سايلنت فالطريج
...
صلن البنات ونزلن
شالات البقعه لقن الحريم بالصاله
سلمى: بلاكن شالات الدنيا ع روسكن
غلا: خالتيه هب دوم نتيمع
وديمه: الله يديم السعاده
يو الشباب ويلسوا وهم نفس الشي شالين البقعه
شوي ويهدا الكل
هناد: خالتيه اليوم ما نبا أكل الشغالات
وفاء: افاااا عليك جان تبا بروحيه اطبخ لك
مايد: ما تقصرين بس نحن نريد نسوي عشااء
هنا البنات نقعن ضحك
حمدان: جب انتي وياهاا تراكن ويانا
ميره: صبروا صبروا هب انتو تقولون بتسوون العشا شقايل يعني
سعد: يعني نحن بنييب لحم وبنسويه وانتن عليكن الباجي
شوق: عيل انتو شو سويتوا
مايد: اكرمنا عرفتن شغلكن يلا قوموا
عايشه: لا يكون بتسوون عشا من الحين
:ههههههههه
هناد: لاااا خالتيه نحن بنسير نتحوط شوي وعقب بنرجع وبنييب اللحم
شيخه: سيروا
... راحوا الشباب والبنات كملن حفلتهن ويااهم
غلا: ايه راسي يعورني
اميره: ادخلي هالحيره بتلقين حبوب عالطاوله
.. في غرفه فالصاله >> احتياط
دخلت كلت حبوب انسدحت ع الغنفه ولقت عاشق الفتك مطرش لها
غلا: افففففف وقته هذا
عاآشق الفتك: وينج غلا؟؟
عاآشق الفتك: قلت لج لا تطنشيني احذرج
عاآشق الفتك: عندج مهله لين الساعه 5
عاآشق الفتك: انا فالانتظار
اغليــ(بنت الشيــوخ)ـــك: حشااا انت ما تنام
عاآشق الفتك: لا حبي كيف ايني نوم وانتي بعيده عن دياري .. اصلا حتى انتي ما نمتي
اغليــ(بنت الشيــوخ)ـــك: شدراك
عاآشق الفتك: قلت اعرف عنج كل شي حتى انج تموتين فالفتك
اغليــ(بنت الشيــوخ)ـــك: المطلوب
عاآشق الفتك: غيري اسمج حطيه عاشقه الفتك
اغليــ(بنت الشيــوخ)ـــك: غصب؟
عاآشق الفتك: اكيد غصب دام حبيبج طلب منج
اغليــ(بنت الشيــوخ)ـــك: انزين ممكن اناآم الحين
عاآشق الفتك: حد ينام الحين
اغليــ(بنت الشيــوخ)ـــك: انا راسي يعورني
عاآشق الفتك: سلامتج حياتي
اغليــ(بنت الشيــوخ)ـــك: انزين ممكن تخل حياتك ترتاح منك
عاآشق الفتك: ههه تامرين أمر .. بس غيري اسمج اول
غيرت الأسم تبا تفتك منه
عاآشقه الفتك: ارتحت
عاآشق الفتك: اكيد حبي يلا روحي نامي
عاآشقه الفتك: ممكن تودر حبيبتي وحياتي وحبي ترا تكرهني فيك
عاآشق الفتك: طبعا كله ولا كرهج
عاآشقه الفتك: انزين يلا انقلع
عاآشق الفتك: ( بوسه)
غلا: ياااااناس نشبـــــــــــه
من الغصه وعوار الرآس صدق نامت مع انها بس جانت تبا تتهرب منه
..
• و إني لأهوى النوم في غير حينـه
لعـل لقـاء فـي المنـام يكـون
قيس بن ذريح
..

رد: رواية حبه لبسني لبس يني لبس الخواتم فالصبع تم

عند ميسا وناصر
..
ناصر : انتي شو تسمعين
ميسا: أي شي
ناصر: تستهبلي
ميسا: والله اسمع كل شي
ناصر: وميحد
ميسا: احبه
ناصر حطى اغنيه ميحد ما منك اثنين
ميسا لفت له وابتسمت وردت
لما وصلوا
جانت بتنزل
ناصر: ميسااا
ميسا: نعم
ناصر: انتي مقتنعه انج بتتزوجيني
ميسا: نععععععممممم
ميسا بحسها: الشو هالرمسه لا لا مستحيل ناصرر يرمسني جيه بلااااااه
ناصر: اقولج مقتنعه انج تبيني
ميسا: ناصر الشو هالرمسه
ناصر: احس انج ما مقتنعه
ميسا: ناااصر فيك شي مريض انت
ناصر: لا والله صاحي بس ما ادري ليش
ميسا: نااصر ممكن افهم شو ياب لك هالطاري الحين
ناصر: احسج ما تبيني .. تصدق ولا فيوم قلتي لي تعال نطلع او حتى كلمه أحبك ولا حتى مره وحده حطيتي عينج فعيني
ميسا مصدووومه من كلامه وبس تطالعه
ميسا: يعني انت ترمس جد
ناصر: هيه والله ما اتمصخر
ميسا موايهتنه: كاني اتطالعك والحين طالعه وياك وانا احبك .. ممكن تسكر هالسالفه تضيج لي خلقي
ناصر: بلاج عصبتي جيه
ميسا: لاني احسك تستهبل .. يعني لو ما احبك ما جنت وافقت ع الخطبه وملكنا انت غبــــــــــــــــــــي
ناصر اوووووول مره يشوف ميسا الرقيقه جيه ابتسم: يعني تحبيني
ميسا: اكيد
ناصر: قوليها مره الثانيه اسمع
ميسا: مب لازم
ناصر: يلااااا عاد
ميسا: احبك
ناصر باس خدها فجأه : وانا اموت فيج
ميسا ما وحاله تستوعب إلا هو نزل
ناصر: ما بتنزلي
نزلت وياه
يلسوا يختاروا وهو ماسك ايدها
<< جميـــــــــــــليــــن>>
..
يو الشباب
مايد: اميره ممكن شرج ابي اعبي فوني وين احطه
اميره جانت ترمس البنات ومنشغله قالت بدون ما تنتبه : هناك
اشرت ع الحيره اللي فيها غلا!!!
مايد راح فتح الباب شااف المكان مظلم وبااارد شغل الليت وشاف غلا نايمه ع الغنفه
مبطله شيلتها وقصتها ع عيونها ولافه ايديها ع عمرها من البرد
مايد ابتسم وغمض عيونه ورجع يفتحهن
تم يطالعها ثواني واستوعب بند الليت بسرررعه وظهر
مايد: ي حماااار ي المخلوق اللي داااخلي ما تروم ما تطااالع حيوااان تبا تربيه ... استغفر الله استغفر الله
<< صح مايد لسانه صااايع .. لكن افعااااله ذيـــب>>
اميره يايه عنده وهي تنافخ: أااا
مايد يرقعها : أا شفت حد نايم وما حطيت فوني ممكن تحطيه
اميره ارتاحت :ما شاااف منو يعني ما شافها ولا جنت رحت من لسانها
اميره: هات
حطته له شافت غلا شكلها بردانه بندت عنها المكيف وقامت توعيها تصلي
....
غلا نشت وصلت جانت بتطلع وتذكرت فونها
عاآشق الفتك: مساء الخير
عاآشق الفتك: ردي عليه ضررررروري ( فيس معصب)
غلا: اففففف يهالطفرره
عاآشقه الفتك: نعم شووو
عاآشق الفتك: وين جنتي راقده
عاآشقه الفتك: وانت الشو يخصك هب جنك وايد زودتها
عاآشق الفتك: تأكدي انه لو تأكد اللي براسي بذبحج انتي ومايد
عاآشقه الفتك: وانت شدراك بمايد والشو يخصه
عاآشق الفتك: تتحرين ما اعرف عنج شي .. انا اعرف انه دخل عندج
عاآشقه الفتك: شوووو
عاآشق الفتك: والله ي غلا لو دريت انه شي بينكم بقلب الدنيا ع راسج
عاآشقه الفتك: إلزم حدودك تراا وايد مصختها .. سكت لك واايد والله اخبر هناااد دام إنك تعرفه أكيد تعرف الشو بيسويبك .. اذلف عني
عاآشق الفتك: انتي اللي لازم تلزمين حدودج وتتأكدي منو ياج بالغرفه .. قل المذهب .. روحي خبري هناد عشاان أنا بعد اخبره عن سواد ويهج وياا مايد
عاآشقه الفتك: انت الشو قاعد تقول
عاآشقه الفتك: صدقيني ما برحمج إذ طلعتي تحبيه
غلا شكت فالسالفه: هذا الشوو قاعد يقول بينني
ركضت عند أميره
غلا: أميرررررره
أميره: اعوذ بالله زيغتيني شصاير
غلا خذتها بعيد: تعالي
أميره: غلااوي بلاج
غلا بعصبيه : منو دخل عندي وانا نايمه
أميره: مم محد
غلا والشرار يتطاير من عيونها : منوووووو
أميره خافت من نظرتها : والله م ما ماقصدي نسيت .. ه هو جان يبا الشرج ونسيت انج نااايمه
غلا: منووو
أميره: ممايد
غلا: شوووووووو.. ياناس أنا بتينن
أميره: كيف شفتيه هو ما عرف منو انتي سرعه ظهر
غلا: أميره لحقيني بتينن
أميره: بلااج غلا فهميني شالسالفه
وقالت لهااا
أميرة: شوووووووووو
غلا: والله ما ادري كيف يعرف هالشي كله شو اسوي اذ درى هناد بيذبحني
أميره: لا يكون يني
غلا: أميره لحقيني
أميره: نروح نخبر هنااد
غلا: لااا لاا هو قال بيخبره عن مايد
أميره: كيف جيه!!
غلا: والله ما فهمت شي
أميره: ولااا أنا .. بس ما بيدري اذ خبرناا هناد
غلا: جىه درى عن مايد ما بيدري عن هناآد
أميره: تعالي نقوله بدون محد يدري
غلا: ليش منو درى لما دخل مايد
أميره: محد
غلا: نروح نسأل مايد إذ حد درى
راحن عند مايد
مايد يلعب بفونه كلااش
أميره: ماااااايد
مايد: هاه
غلا: نحن منو نكلمم
مايد: شو ترا صدعتني
أميره: منو خبرت انك دخلت هذيك الحيره وشفت غلا ناأيمه
مايد: محد
غلا: مايد دخيلك تذكر
مايد: أقولكن محد اجذب يعني
أميره: انزين حد شافك غيري
مايد يفكر: أا لااا
غلا: ميووود دخيلك تذكر ما شفت حد منا مناك
مايد: صيحي بعددد بلاكن انتن تيننتن
أميره: ترا
غلا سكرت ع اثم أميره: بس شكرااا
مايد: الله يزيد الميانين عقل
..
غلا فتحت الفون خيفااااااااااااااااااانه
عاآشق الفتك: ليـــــــــــــــش رحتي تكلمين مااايد واميره
عاآشقه الفتك: انت تباني اتينن منوووو انت
عاآشق الفتك: تبي تعرفي منو انا
عاآشقه الفتك: هيه
عاآشق الفتك غير اسمه إلا عاآشق غلا
عاشق غلا: عرفتي منو أناا
عاآشقه الفتك: انت تبا تينني
عاشق غلا: لاا اباج لي صاحيه بس آخر مره اقولج لا تقربين صوب مايد ولا والله بيستوي لج شي ما تتخيلينه حتى
عاآشقه الفتك: منووو انت
عاشق غلا: قلت لج واحد يحبج ويموت فيج
عاآشقه الفتك: أي حب أي خرابيط انت مينون كيف تراقبني
عاشق غلا: قلت لج اللي اباه والحين بسير وصدقيني مايد ما رح يكون بخير اذ قربتي له
عاآشقه الفتك: انت مينوووون شو مشكلتك ويا مايد
عاشق غلا: بس جيه اكرهه وما اباج تقربين صوبه
عاآشقه الفتك: عكيفك
عاشق غلا: عكيفي ولا تدافعين عنه احسن لج
عاآشقه الفتك: قلت لك انت ما يخصك
عاشق غلا: انتي تحبيه
غلا تبا تقهره .. عاآشقه الفتك: احبه
عاشق غلا: صدقيني بتندمين
عاآشقه الفتك: ما تروم تسوا شي
عاشق غلا: عيل روحي شوفي شو صار بحبيبج الحين ولا ترجعي تكلميني
..
أميره: ايه لا تصدقيه
غلا: كيف ما اصدقه بعد اللي شفته
أميره: نروح نتأكد عند مايد
طلعن برااا
لقوا اليهال كلهم متولفين
راحن عندهم لقو مايد يالس ع الأرض ويصب دم من ريله
صرخت غلاااا يوم شاافته
أميره: غلا بيشكون سكتي
مايد: بلااااكن سيرن يبن لي شي احطيه آآآآه
غلا تصيح: م ماا مايد أنــ
أميره سحبتها وياها: انتي مينونه الحين بيشك
غلا: كيف جـ جيه كيف
أميره: غلا بس سكتي فضحتينا
غلا: مـ ما يصير ما يصير
أميره راحت تييب صندوق الاسعافات وغلا فتحت الفون
عاآشقه الفتك: انت كيف تسوا جي
ما رد عليها
..
راحن لمايد ووياهن ميره
لفت له ريله
ودخلوا عندهم
فالمطبخ
غلا يالسه ماسكه فونها تترياه يرد
ودخل مايد
غلا: ليش تمشا عليها ما بتصح
مايد: وايد اهمج .. ليش صحتي
غلا تقفطت: آااه لا بس
مايد مبتسم
غلا: انا اخاف الدم
مايد: ههه دلوعه جنتي بتيرحين ميره هذاك اليوم
غلا: هه ما ادري شو بيصير اذ شفت الدم
مايد: عطيني كوب ماي
غلا: ان شاء الله
مايد خذه: غلا متأكده انه ما في شي
غلا: لا
مايد: بصراآحه زيغتيني يوم شفتج تصيحين
غلا: هههه لا ولى شي
مايد عطاها الكوب : شكراا
..
شووو قصه الشخص الغريب اللي يسمي نفسه روميو!!
..
غلا تمت خيفانه وتنتظر منه مسج بس هو ما رد
..

رد: رواية حبه لبسني لبس يني لبس الخواتم فالصبع تم

الفليل
هناد يشوي وناعمه واموله يشكن حذاله
وكلهم يالسين ع سمه وحده برا
غلا وميره يالسات يسولفن
حصه راحت حق ناعمه: ناعمه هداااوي كله تصيح تعالي شوفيها
ناعمه : يايه
تموا هناد واموله بروحهم
غلا ساكته تفكر باللي صار
ميره تطالعهم
غلا التفت ع ميره وشافت ايدها ع خدها وتطالعهم حطت يدها ع جتفها وحضنتها: محد فاهمنج غيري
ميره ماده البوز: افففف الشو الفايده
غلا: برتبها لج .. ونشت
ميره: تعالي ي المينونه
غلا راحت لهم: اموله
امل: هلا
غلا: ممكن تيين ويايه شوي
اموله: واللحم
غلا تزقر ع ميره: ميررررروه
ميره يت
غلا: خلاص ميره بتسويه تعالي
راحن اموله حليلها ما فاهمه السالفه
..
ساكتين اثنيناتهم
ميره تسوي اللحم وسرحانه
هناد: ميره
ميره: ها
هناد: بلاج فشو سرحانه
ميره: هاه لا ولاشي
هناد: هه أا بسألج تعرفين وحده من ربيعاتكن اسم اخوها عبدالعزيز
ميره: هيه ليش
هناد: ممكن تيبي لي رقمه
ميره: الحين
هناد: هيه
<< ما ادري اذ تحيدون عزوز>>
ميره : ايديه وصخات بسوي عقب اوكيه
هناد: بس انا مستعيل
ميره: صبر .. ساررروه
يت ساره: ها
ميره: طلعي فوني
ظهرته ساره
ميره: فتحيه
ساره: جم الرمز
ميره: أا لا هاتي
ساره: انا بكتب مشي ايدي
ساره: اففف اشتغل عندج
مشت صبعها وكتبت الرمز
ميره: بس شكرا
ميره طرشت مسج حق الفورمن
ميره: هلا الفورمن
عزا ع طول ردت: يا هلا
ميره: أا حبيبتي ابا رقم اخوج اذ ما عليج أمر
الفورمن: اخويه!!!!!!!!!!!!
ميره: لا تفهمي غلط في واحد من العايله يعرفه ويبا الرقم
الفورمن: أا صبري ما حافظتنه
شوي وطرشت الرقم
الفورمن: متأكده انه حق اخوج
ميره: هههه اكيد
الفورمن : ترا عيونه ع فطوم
ميره ضحكت: اوكيه اكلمج بعدين
هناد: هاه
ميره: هاك .. عطته الفون.. طلع فونه وسجله
ميره: ممكن اعرف ليش تباه
هناد: اباه فموضوع .. بأبتسامه خبيثه: الصراحه عشاآن اخته
ميره: اخته!!
هناد: هيه اخته
ميره: وانت شدراك بأخته
هناد: هه اعرفهاا
ميره تطالعه بنضره استغراب ومعقده حوايبها
هناد: هههههههههه بلاج تطالعيني جيه جنج امايا
ميره انحرجت: ههه لابس مستغربه
هناد: ليش مستغربه .. مره شفتها وعرفت انها اخته من الشبه اللي بينهم
ميره: هيه ترا هم توم
هناد: وانا اقوول بس ما ينبان انها كبره
ميره بغيره: شو تباني اعطيك تفاصيل حياته
هناد مستغرب: بلاج قلت شي خطا
ميره: لا سلامتك
يت اموله وكأنها المنقذ: هاه ميروه بتكملي ولا اسوي عنج
ميره: لا اصلا خلصت
سارت امل
هناد يطالع ميره ما فاهم تصرفها وغضبها المفآجى وهي مجبسه
ميره يالله يالله قالتها: أا عاجبتنك
هناد يستهبل: ما سمعت
ميره عرفت انه سمع بس نفذت رغبته ورفعت راسها: تباها
هناد يستعبط: منو
ميره: خلاص ولا شي
هناد بأبتسامه: هااااه تقصدين اخته .. أا والله..
ميره قاطعته ونشت: اناا خلصت
سارت وهناد جنه ماي باااارد انكب فويهه: ماعليه ميرووه تسحبين عليه>> تطنشيني
يت آيه
هناد: هلا وغلا ارحبي
آيه يلست: الشو بعد ارحبي المهم .. هنااد
هناد: آمري
آيه : عن الخفيه الزايده ولا تتحمس زياده
هناد: ان شاء الله من عيوني قولي
آيه: ايه بعطيك بنعال تغازلني قليل الأدب
هناد مصدوم: ههههههههههههههههههههههههههههههه عذرينا الغلاههههههههههههه
آيه: غلاك يني هب منك مني انا يايه برمسك بموضوع ضاع المذهب
هناد: بلاج عيوني لا تحرجين .. خلاص آسف آسف .. يالله بنت سالم آمري
آيه: هيه جيه اباك .. اقول شسالفتك ويا ميروه
هناد عقد حوايبه: أي سالفه
آيه: ليش تيلسون بروحكم هب عيب عليكم تراني شفتكم
هناد غمز: تغارين
آيه فصخت نعالها وشاتتها عليه: قليل سنععععع يالماصخ .. ما عليه عند خالتيه
هناد ماسك ضحكته: الشو بتقوليلها
آيه: بقولها ولد اختج قليل حيااا ييلس ويا اختى بروحهم وبعدين يقولي الغلا وعيوني ويغمز لي يتحراني ياهل
هناد: افاااا من قال انج ياهل انتي شيخه الحريم
آيه: شفــــــــــتتت انك نذل انت ما تفهم قلت لك رمسني بأدب
هناد: خلاص سوري سوري .. إلا ما قلتي شو كنتي بتقولي
آيه: خلاص ما مهم يوم تعرف الادب برمسك
هناد: آيه
آيه: نعم
هناد: انتي كم عمرج
آيه: افففف ع الغباء البنت ما يسألونها عن عمرها
هناد: بس انا تحريتج حرمه
آيه: وانا حرمه .. ولا تسأل حرمه عن عمرها أو وزنها
هناد: هههه والله وكبرتي ومسويه لج راس
آيه: جب جب
هناد: عيل ليش ما تلبسين شيله
آيه: هاه .. لاني لــ
هناد: هههههههههههههههههههههههه خلاص خلاص
آيه: جب لا تتمصخر
هناد: آيه
آيه: نعم
هناد يقهرها: شرايج اتزوجج
آيه مبققه عيونها
هناد: يعني بما انج تقولي انج صرتي حرمه يعني يصير اتزوجج ولا لا
آيه بعدها فاجه حلقها
هناد: والصراحه انتي مزيونه وعايبتني شرايج ايي اخطبج
آيه: يا ابن الذين والله انك صاااايع .. منقووووود يا الحمار .. ما عليه جان ما خبرت خالتية عليك ما عليه
هناد: تعااااااااااااااااالي وين سايره .. انا احبج
آيه تلف : حبك ضرررررس
هناد: ههههههههههههههههههههههههههههههههههههه
مايد: الحمد لله والشكر <<يبوس يده جدام وورا
هناد لازال يضحك
مايد: بلاك استخفيت
هناد: ههههه بالله اسمع اسمع آيووه
سكتو يسمعون << يالسن كلهم برا فينسمع وهم هب وايد بعاد عن بعض
آيه: امااااااايا
شيخه: اففف نعم هاااه شوو صدعتيني تراج
آيه: أمايه شوفي هناااد
عايشه: بلااااه هناد
آيه: خالتيه هنود يبا إعاده تربيه
هناد يزعج: آآآآآآآيوووه
آيه: نعممم نعمممم ..خالتيه ترا هناد يتغزل فيني ويقولي احبج اونه يبا يتزوجني
هناااا نقعوا من الضحك
آيه بغصه: خاااااالوه بدل ما تأدبي ولدج تضحكين له
عايشه: ههههه آيهههههه حبيبتي يتمصخر وياج
آيه: حتى ولو عيـــــــــــــــب انا هب صغيره
الكل ناقع من الضحك ع عصبيتها
غلا: هنااااد أي ذوق طفولي عندك مره مهره ومره آيه
هناد: هههههههه تضحك هالبنت ياعالم
آيه: ما يضحك غير ويهك يالضب
شيخه: آيوووه لا تغلطين ع ولد ختيه ترا ما ارضى
هناد: فديتج ولله
ساره: ايوه ايوه بدينا خريط
شيخه: انتي لا تدخلين
عايشه: اقول هناد لحمك ما خلص
هناد: جيه بس هذا ميود يخرب عليه ما ادري شرزه عندي
مايد: ما عليه يالدب انااا رزه برويك
هناد: جب جب اقول
..
غلا ماسكه فونها ع أمل يكلمها هذاك الغريب
..
تعشوا وسولفون ويالسين يشربون جاي
.. اميرتي الغلا كله ..>> نكه: مساء اميرتي الحلوه
اغليــ(بنت الشيــوخ)ـــك: كيف سويت جيه
اميرتي الغلا كله: هاه الغاليه شو سويت
اغليــ(بنت الشيــوخ)ـــك: كيف سويت جيه بمايد
اميرتي الغلا كله: (فيس معصب) ليش ما ترضين عليه
اغليــ(بنت الشيــوخ)ـــك: أكيد ما ارضى انه يتعاقب ع زله .. انت منوووو
اميرتي الغلا كله: ما مليتي من هالسؤال
اغليــ(بنت الشيــوخ)ـــك: لا لين ما اعرف انت كيف تراقبني بس والله ان طلع هذا مقلب وانت من اللي يالسين ويايه والله ما اسامحك
اميرتي الغلا كله: لا تحلفين اميرتي .. ليش حد من اليالسين جان عندج يوم دخل عليج مايد .. ولا حد من اليالسين جان مع مايد لما انيرح .. كلما بعدتي عن مايد بعدتي الشر عنه
اغليــ(بنت الشيــوخ)ـــك: انت شو تبا مني
اميرتي الغلا كله: ابا تكوني لي وبس
اغليــ(بنت الشيــوخ)ـــك: كيف اكون لواحد ما اعرفه ولا يعرفني
اميرتي الغلا كله: هب ضروري تعرفيني واعتبريني قرينج وضلج .. اما انا فأعرف أدق تفاصيل حياتج
غلا ما ردت
: وفديت الأصفر اللي لابستنه
غلا تتلفت يمينها ويسارها تحاول تشوف شي غير اهلها
اغليــ(بنت الشيــوخ)ـــك: اسمع تراك وايد مصختها هكر فوني وخبر هناد بس ما رح ارد عليك لانك انسان تافه ونذل ولا يمكن اطيح فألاعيبك البايخه
اميرتي الغلا كله: انتي تمزحين
اغليــ(بنت الشيــوخ)ـــك: طبعا لا وما بينا كلام
اميرتي الغلا كله: سمعي للحين وانا ارمسج بالطيب
اغليــ(بنت الشيــوخ)ـــك: انجلع
اميرتي الغلا كله: صدقيني انج تهميني ورح تتأذين اذا صديتيني
اغليــ(بنت الشيــوخ)ـــك: انت ما همك غير تتسلى فبنات الناس .. واعلى ما فخيلك ركبه .. انا مارح ارد عليك
اميرتي الغلا كله: يمين بالله اذ نفذتي اللي تقوليه اول من يتأذي مايد بعدين انتي رح اسويلج فضيخه عند اهلج وقدام كل الناس .. مثل ما قدرت اييب كل هالمعلومات عنج فما بيصعب عليه اييب صورج وغيره وغيره .. آسف لكن انتي حديتيني ع هالرمسه
اغليــ(بنت الشيــوخ)ـــك: طيب ممكن ننهي محادثتنا الحين لوسمحت
اميرتي الغلا كله: اكيد .. بس بكرا لنا رمسه ثانيه اذ ما رديتي
غلا ماردت عليه ونشت راحت بعيد عنهم ع حافه الزراعه ما تنشاف ضمت ويهها بأيدينها تفكر شو تسوي
..

رد: رواية حبه لبسني لبس يني لبس الخواتم فالصبع تم

• القرار
إني عشقتك.. واتخذت قراري
فلمن أقدم - يا ترى - أعذاري
لا سلطة في الحب.. تعلو سلطتي
فالرأي رأيي.. والخيار خياري
هذه أحاسيسي.. فلا تتدخلي
أرجوك، بين البحر والبحار..
ظلي على أرض الحياد.. فإنني
سأزيد إصرارا على إصرار
ماذا أخاف؟ أنا الشرائع كلها
وأنا المحيط.. وأنت من أنهاري
وأنا النساء، جعلتهن خواتما
بأصابعي.. وكواكبا بمداري
خليك صامتة.. ولا تتكلمي
فأنا أدير مع النساء حواري
وأنا الذي أعطي مراسيم الهوى
للواقفات أمام باب مزاري
وأنا أرتب دولتي.. وخرائطي
وأنا الذي أختار لون بحاري
وأنا أقرر من سيدخل جنتي
وأنا أقرر من سيدخل ناري
أنا في الهوى متحكم.. متسلط
في كل عشق نكهة استعمار
فاستسلمي لإرادتي ومشيئتي
واستقبلي بطفولة أمطاري..
إن كان عندي ما أقول.. فإنني
سأقوله للواحد القهار...
عيناك وحدهما هما شرعيتي
مراكبي، وصديقتا أسفاري
إن كان لي وطن.. فوجهك موطني
أو كان لي دار.. فحبك داري
من ذا يحاسبني عليك.. وأنت لي
هبة السماء.. ونعمة الأقدار؟
من ذا يحاسبني على ما في دمي
من لؤلؤ.. وزمرد.. ومحار؟
أيناقشون الديك في ألوانه ؟
وشقائق النعمان في نوار؟
يا أنت.. يا سلطانتي، ومليكتي
يا كوكبي البحري.. يا عشتاري
إني أحبك.. دون أي تحفظ
وأعيش فيك ولادتي.. ودماري
إني اقترفتك.. عامدا متعمدا
إن كنت عارا.. يا لروعة عاري
ماذا أخاف؟ ومن أخاف؟ أنا الذي
نام الزمان على صدى أوتاري
وأنا مفاتيح القصيدة في يدي
من قبل بشار.. ومن مهيار
وأنا جعلت الشعر خبزا ساخنا
وجعلته ثمرا على الأشجار
سافرت في بحر النساء.. ولم أزل
- من يومها - مقطوعة أخباري..
../ نزار قباني << من اكثر من احب
...
مايد: غلا!!! شو تسوين هنيه
غلا رفعت راسها: مايد سير منااا
مايد: بلااج
غلا بعصبيه: مايد قلت لك سير
مايد: فيج شي
غلا: لا ما فينيه شي وزينه يلااااا سير
مايد: بلاج عليه ما تسوى
غلا: أنا هب قصدي بس ب .. ممكن تخلينيه بروحي
مايد: بنروح .. وراح عنها
..
بعد مرور شهر
كل اللي صار ان هذا الشخص لازال يكلمها وهي ترد من ورا خاطرها وحتى انها تسبه بس هو عاااادي عنده .. منيره وافقت ع اللي ياها وانخطبت .. إضافتا إلى سلامه اللي انخطبت
..
يوم عرس ناصر وميسا..
قريب المغرب للحين القاعه شبه فاضيه ما بها غير شويه حريم اللي هن عماتها وخالتها
علي: امايااا يقول عبود يبا يرمس ميااسه
موزه: الشو يرمسها هي محد اصلا
علي: عيل مستخف علينا يباها الحين
موزه : روح زقره
.. راحت عند باب القاعه
موزه: شفيك
عبدالله: امايا مياسوه الزفت خذت الكاميرا من عندي ولا ردتها
موزه: هد شوي مياسه بعدها ما يت من الصالون لما تيي اقولها
عبدالله: وخلي هالسنفور عندج ما ابااه أذاني ما خلي حد بحاله
.. علي يالس يلعب بالستاير اللي برا
عبدالله: بالله تشوفيــه امايا هذ فضحنا خليه عندج
موزه: لااااه منقود الشو اخليه عندي .. علووووي
يا يركض: ها
موزه: اسمع بتيلس ويا اخوك ويا ويلك يشتكي منك
علي: ما سويت شي اناا
موزه: ايهم وين
عبدالله: ايهم كفوو يالس ويا الرياييل هب ولدج
علي: ايه احترم نفسك
موزه: جب انت ويلا اذلف عندهم والله ي عليوي ما بيصير لك خير اذ استخفيت
علي: امايا شو استخف ريال شطولي اناا
عبدالله: باااين ما شاء الله شو كنت تسوا عند الستاير
علي: هه بس افحصهن اذ يطيحن
موزه: جب اقووول ويلااا عندهم
عبدالله: تراك هب صغير يالله امش
.. وهم طالعين تلاقوا مع دفعه بنات وهن ما صدقن مره عقن الغشا ويوم شافن عبدالله رجعنه سرعه
عبدالله عرفهن: وييييييييي بسم الله امايا عازمين ين
مياسه: ين فعينك
ميثوه: ي قليل الأدب انت شو تسوا هنيه
موزه: انا زقرته .. يلا سرر
عبدالله: ههههههههه والله لو شافكن هندي بيزيغ
رناد: عبود شرايك تنقلع ناس يايه
مياسه: هيه والله الشو بيقولوا ذا قليل حيا طيحت ويهنا يلاا اذلف
عبدالله: ههههههه جب جب شفتي ويهج اول
ميثوه: عبدالله والله روح ناس يايه
عبدالله: اففف ساير ساير إلا هب جنكن ناقصات
مياسه تضرب ضهره: يلاااا انقلع
عبدالله يروح وهو يضحك
..
سلامه: بنات هب جنه قم ميره وغلا تأخروا قالوا مخلصين
مهره: اكيد هذي سوير معذبتهم
مياسه: يلا يلا ندخل انا بسير عند اختيه
رناد: وانا وياج
ميثوه: وانا بسير ع البوفيه
مهره: يلعنج بيين غلاوي وسوير وبكفخنج
ميثوه: بقولهن بعدني ما كلت ههه
سلمن ع الحريم .. وكلن فيانب
..
الشباب
متيمعين كلهم عدا هناد اللي بييب قم غلا
مايد: بلاه هناد تأخر جيه
زايد: هذا اللي يشل البنات
عبدالله: هههه حليله منتشب
علي: اقولكم
كلهم لفو عليه
علي: تراااا عبود الماصخ اللي مسوي ريال جدامكم توه شاف خواتكم متعدلات بلا غشا
زايد: شووو
عبدالله يرفع ايده: آآه يالهرم .. والله ما يخصني امايا زقرتني وهن ين فويهي
علي: هاه وامايا قالت لك تسولف وياهن
سعد: ي حااافظ
عبدالله: ما عليه يالقره .. والله يكذب
زايد: افاااا ي عبود
عبدالله: جب جب
ناصر: عيل عساا بتعرس قريب
عبدالله: وعععععععع ولا وحده منهن غاويه كلهن مهرجاات
مايد: ايه تأدب تراك زودتها
عبدالله: صدق هذيك سلااامه سوط ورناد فيها حاله نفسيه وميثوه لسانها يلوط اذانها ومهيروه صغيره
محمد: والباجي هب وياهن
عبدالله: والله ما ادري ما اعتقد شفت هذيلا اللي استلمني
علي: تستاهل
عبدالله: عليو دواك عندي
علي: صيدليه الأخ .. ويركض عارف عمره بينضرب
ايهم: بآسلكم انتو هب جنكم ما صخين ترمسون عن خواتكم جدام الريايل
.. كلهم لفوا عليه
عبدالله: سمععععع هالسنفور وينهم الريايل
ايهم: والله انكم مضيعين المذهب الحين سعد وحمود ليش ترمسون جدامهم
محمد: حووو فنعوص انا حرمتي عندي ما زايغ ع خواتهم
سعد: والله ي ايهموه لك لسان
ايهم: ما عليه جان ما خبرت هناد عليكم
مايد: قم انت وهالعقال اللي ما عارف وين راسك
ايهم: ايــــه تأدب هب انا اللي ارمس عن خواتي جدام العالم انتو قليلين الحيااا
منصور: سمعع والله انك ذيب
ايهم: ايه انت احترم نفسك .. لا تشبهني بحيوان
: هههههههههههههههه
سعد: ي حظ هناد بهاللسان
ايهم: وانا شدخلني بهناد اذ انا ريال نشمي لا تمدح اخويه .. والمدح فالويه مذمه
محمد: بالله تقولوا لي من علمه الرمسه
.. يو عيال خال المعرس وغيروا السالفه ويلسوا يسولفون وطبعا ايهم الوحيد الصغير بينهم ومسوي نفسه عوود
..
دخلن مياسه ورناد عند ميسا
مياسه: هاه عروستنا شأخبارها
ميسا: قلبي فريولي
رناد: هههه ريلاكس
ميسا: اففف والله خيفانه
مياسه: من شو خيفانه من نااااصر
ميسا: من كل شي .. يماااه كيف بظهر جدام العالم والله احس اني بتخرطف
رناد: افااا عليج نحن حولج
ميسا: هيه بتكونن حولي يوم ناصر زين اذ ما بكب عليه العصير
مياسه: هههههههههههه اتخيل تسويها
رناد: ي حماره بدال ما تهديها .. اقول مياسي لا تخافي بتكون ميثوه عندج
ميسا: اشك والله
مياسه: حتى انا اشك
رناد: انتي ما تعرفي تنجبين
ميسا: ههههه خليها خليها بييها يوم
مياسه: هع هع انا بكون اضحك اصلا
ميسا: بنجوف
ميسا: اقول شو ناويات تفرني برااا شهالكشخه
مياسه: تسلمين اختيه ادري اني غرررشوبه
رناد: ههههه ي هالبنت كيف بطرانه
...
يو الناس كلهم..
صار وقت الزفه وميسا ميــــــــــته من الخوف بعكس ناصر اللي ولا همه وطاير من الفرحه فيه شويه ارتباك بس مخبيه
دخلت العروس متداورين فيها اخوانها اما علي وضعيه خاصه جدام وماسك يد شهد
وهم يمشوا
حمد: عليوي لعنبو خشك قوم من جدامها عن تطيح علينا
ميسا الخوف مسيطر عليها ما رايمه تضحك وهي تمشي
حمد شل شهد عن علي ومحمد خوز علي
علي: اففف شفيكم خلوني البوس
سعدوش: سكت الله ياخذك خل تطلع صور حلوه
عبدالله اللي يده بيد ميسا: ميسا شوفي البنات كيف يطالعني فديتني غرشوب
علي: جب اقول يطالعني انا
محمد: بتنجبون انت وياه ولا
.. وصلوا الكوشه ركبوها وسلموا عليها
حمد عطا خلود شهد ومشوا بعد ما ضحكوا ميسا بالغصب
وهم يمشوا
محمد يمط يد عبدالله: امش قليل الادب
عبدالله: ي حيوان لا تمطني جدام البنات بتطيح شخصيتي
حمد: الله ياخذك وياها شخصيه
علي: اففف زين منكم جيه خذوا حرمتيه مني
محمد: اي انواع الكفر هذا بياخذ بنت اخوه
سعدوش: فضحتونا الناس بيقولوا ياين يدقوا سوالف هب يزفون
.. طلعوا
اما ع الكوشه البنات تداورن عليها عقب ما ظهروا خوانها
اميره: مبروووك مياسي عقبالي
مياسه: ايه لا تسمينها بأسمي
حصه: انا احيد مياسي ريال هب بنت
اموله : انتن يايات تسلمن ولا تضاربن
.. ين بنات خوال ميسا
..: مبروك ميسا
ميسا بهدوء: الله يبارك فيج
.. : اوح اوح ع المستحيين
مياسه: اقووول فطيم انجلعي مناك لا تأذي اختيه خلينا نفتك منها عن تهون
..: وهي عكيفها تهون
ميره: يلا مياسه نحن بننزل
ميسا: لا والله ما تنزلن
ميثوه: انزين عن تصيحي اخويه ما ياكل
مهره: إلا ياكل ياكل صيحي
مياسه: مهرووه قومي انجلعي
.. راحن بنات خالتها عقب ما سلمن
ساره: واااي بنات شوفن شكلنا كشخه ع الكوشه
ميره: عن تصدقي عمرج
ميسا: وين غلاوي ورنود
غاليه: غلا عند يدوه ورناد سلمت يعني لا تحلمي تشوفيها الطائر الحزين
سلامه: مبروك ميسا
ميسا: الله يبارك فيج
سلمت عليها وسارت
يت غلا وقابضه يدتها
اليده: غلوي قلت لج خوزي شو تشوفيني جسيحه
غلا: افااا ي يدوه وانا افازعج
اليده: هلااا بميسا .. ألف مبروك بنتي
ميسا نشت لها تبوس راسها: هلا الغاليه .الله يبارك فيج
مياسه: يدوه زين جيه خوزتي روجها
اليده: ويدي الشو بعد هاا لا يكون هالصبغ اهم من راس يدتها
ميسا تضرب مياسه: افااا يدوه الكل بالكل
اليده تخبطها بعصاها : ويدي يالفلبينيه لا تصوريني
مياسه : ههههه سوري سوري كومبليت
المصوره عصبت وخازت لين ما تنزل هالعيوز
اليده: يلاا عيل .. وانتن يلا حدرن جىه انتن بتعرسن ولا هيه يلا اشوف جدامي
كلهن جدامها يخافن العصا تتجدمهن
نزلن وهن يضحكن عقب التصوير
.. شوي ويعلنون دخول المعرس
ناصر بآخر القاعه وبدأ يرتبك طشه
ناصر: خيـــــــــه امايا حق الشو هالناس كلهم
مزنه: واابوي عليك يلا امش وانت ساكت
ناصر: اقول ميثوه
ميثه: آمر
ناصر: روحي دوري لي عقلي وين ما لقيته .. من وين ياييبن هالباربي اللي جدامي
ميثوه: فضحتنا ياللي ما شايف خير امش
ناصر: خوزي من عدالي ما اباج تطلعين فالصور.. تعالي الغاليه
لصق امه فيه وميثوه حرجت منه
..
• ياكثير الدل والغنج
لك سلطان على المهج

إن بيتا أنت ساكنه
غير محتاج إلى السرج

وجهك المأمول حجتنا
يوم يأتي الناس بالحج

لا أتاح الله لي فرجا
يوم أدعو منكب بالفرج
ديك الجن .. روائع العصر العباسي
...
ع الكوشه
ناصر: مبروك غناتي
ميسا ميته حيا وبهمس: الله يبارك فيك
ناصر رفع الطرحه وباس راسها
يلس سلمت عليه امه وعمته
ناصر مسك يدها وهي ما رايمه حتى ترفع راسها
ناصر: اقول ميسوه ودري حركات البنات تراج حرمه يلا ارفعي راسج خل يصورون
ميثوه: ي حبك لتصوير
ناصر: جب انتي .. وين يدوه
ميثوه: توها نزلت
ناصر: روحي يبيها بصور وياها
ميثوه: ما ابا بتضربني
ناصر: قومي مهاري
مهره: هيه الحين مهاري يا مال المصلحه
وسارت
.. صوروا وقعطعوا الكيك وشربوا عصير وطلعوا
...
اميره: ايه الشو هااا ما رقصنا
مياسه: قومي نرقص الحين
اموله: يوم سارت العروس
غلا: هيه احسن راحوا الخلق
قامن فوق الكوشه
غلا ومياسه وميثوه واميره وبنات خوالها.. فاطمه وبشاير و وديمه
رقصن لين ما تعبن ونزلن
غلا: يماااااه ميروه وطيتي ع فستاني
ميره: افف شهالذيول
مياسه: ليش ما يتي ترقصين
ميره: مينونه تشوفيني
اميره: خفي علينا
يلسن ع طاوله محد بقا غيرهن
ميثوه: قومن نقشب هالاكل قبل لا يخمووه
ساره: والله باطني يوووع
غلا: سمن بالله
وقامن ياكلن كنهن ما شايفات خير
رناد: اعوذ بالله اعوذ بالله مجاعه الصومال شيابهم
ساره: حرااام عليج من الظهر ونحن بهالصوالين هلكنا
ميره: اقول انطعزي وانتي ساكته
ام غلا: غلا يمه شتسون
غلا: ناكل شو نسوي
ام غلا: تفيقتن
غلا: الحمد لله
ام غلا: يلا قومي شوفي هناد
غلا: امايه اتصلي به
ام غلا: اتصلت ما ادري اذ هو خاري روحي شوفيه
غلا: افاااا ونا بنت عرب وقبايل اروح برع اطالعه وين
امها ضربتها ع الراس: ما قلت تظهرين برا بس خلي حد من الصغار يجوفه تعبت انا
راحت غلا بعد تحرطم
..
أنت شفيعي عندها
يهرق في دائرة
مضيئة دماه
مداه .. قوس لازورد
ليت لي مداه ..
يرش رشة هنا
حمراء .. من دماه
ويوقد الشموع .. حيث
غلغلت خطاه
إذا أتم دورة
قال العقيق : آه
***
أنت شفيعي عندها
يا أحمر الشفاه ...
../ نزار قباني
...
طلعت عقب ما لفت شيلتها بس عند الباب
غلا: ايهم ايهم
ايهم جان راكض سحب عليها
غلا: يووه ذول كلهن حريم
شوي ويهدأ المكان ما به غير بنوته صغيره تلعب بالستاير
غلا سارت لها: سلاام
البنت بس تطالعها
غلا: انتي بنت منووه
البنت: أنت أبدالله الـ (بنت عبدالله ال
غلا: شو اسمج
البنت: أواش
غلا: عاشت الاسامي عواش
يت ام البنت: عواش انتي هنيه وانا ادورج .. سمحيلي اختي
غلا وقفت: لا عادي
راحن وتمت بروحها
شوي ويطلع مايد بويهها
غلا ما انتبهت منو ها إلا عقب ما تغشت
غلا: انت شو تسوا هنيه
مايد: يا بنت الذين تعرفيني انتي
غلا: ميود عن الاستهبال
مايد يحيس غترته ويضبط شكله : اوووخ وتدلعني بعد .. تعرفي ميره
غلا: مايد جد ما عرفتني
مايد: هاه يعني انتي تعرفيني
غلا: جب عن الاستهبال
مايد: لا والله ما استهبل رنوود
غلا: لا غلا
مايد: هاه وانا فرحت تحريت بنت ثانيه ويايه ترمسني ..فقت هالويه يلا روحي زقري ميره
غلا: ما اعتقد اني اشتغل عندك .. وين هناد
مايد: ما اعتقد اني اشتغل عندج .. تقدم للباب
غلا: ايه ايه وين ساير
مايد زعج: ميرررررره
غلا: سحبت عليه وتقدمت ع الستاير لفت تبا تشوف حد محدد غير صغاار وعرفت منهم واحد
غلا بخفيف: سعدوووش سعدووش
ياها: هاه
غلا: وين هناد
سعدوش ينافخ: م مادري اضن بالسياره .. وراح عنها
غلا شبك فستانها بشي كبست تبا تبطله ولما رفعت راسها إلا تخبط بشي
مايد: اعووووذ بالله
غلا تفرك راسها: آآآخ
وما انتبهت ان الغشوه طاحت
مايد: غلاااااا!!!
غلا بعدها ماسكه يبهتها: احووول
مايد يطالعها ما مصدق
غلا: الله ياخذك يالاعور
مايد: هب انا اللي جنت مكبس وامشي
غلا عدلت غشوتها: جنت ابا ابطل فستاني
مايد: رووح عليه الاحمر
سمعوا شهقه وراهم
ميره: لعنبوا دااااركم
مايد: بلاااج
ميره: يالماتستحي .. وتتغزل فيها
مايد: جب جب اقول امشي السياره .. وين امايا
ميره: ما ادري عنها خبرتها
يت ساره: هلا وغلاااا باخويه الغرشوب
مايد: الله ع الذويقين
ساره: غلا شتسوين هنيه
غلا: ارقص .. وسارت
ميره تضحك: ههه جانت تسولف ويا مايد
ساره: تؤ تؤ تؤ ميووود آخرتها غلا
مايد ضرب راسها: فقت تشوفيني حمااار اطالع هايي في اللي احلى عنها
ساره تمشي وياه: اكيد انااا
مايد: هه وانتي الشو اباج ليه
ساره: باله ميوود تقولي منو براسك
مايد: عطيني بوسه اول
ساره: امبوووو منقود ما تشوف الشباب هنا
مايد: ترا جيه السالفه ما بيعرفون منو انتي والله لسوي مقلب محترم
ساره: تغايضهم يالحيوان
مايد: يلا يلااا والله إلا هنااد وشلته
ساره: حلف << ترا هم شوي بعاد بس ينشاف وهي بسبه الغشوه ما تشوف زين
مايد: والله هاه هناد ونصور وعبود وزايد وصقر وماهر
ساره: زين بس بيشوفوني اركب السياره
مايد: لا انتي حبيني وروحي سرعه ما بيطالعوج بيطالعوني اناا
ساره: وانا الشو احصل بالمقابل
مايد: اللي تبيه .. يلا سرعه الحين بتيي ميروه النشبه
ساره باست خده وطيرااان ع السياره
مايد سوااا نفسه ذايب واونه توه يشوف الشباب يطالعونه وانحرج رفع لهم يده
كلهم يو صوبه وهو تقدم لهم
ماهر: آآآ يالهرم جدام خلق الله
مايد اونه مستحي
منصور : ههههههههههههههههههههههههه لعنبوا دارك وانا اقول شو رايح هناك يسوي
هناد: منو بنت الــ .. اللي ماتستحي هاي خل اربيها
مايد: ما عليك انا اربيها
زايد: هيه انت تربيها زين ما طاح عليك غشيان
عبدالله: بالله تقول لي وين مرقمها جريئه ياريال
صقر: ليش بتروح تدور شراتها
مايد ناقع من الضحك وهم كل واحد يخرف من راسه
هناد: اخخ يالخام صدق انكم ما تستحون .. هاي ما وراهاا أهل
مايد بعده يضحك وهم يسبو فالبنت
منصور: سكررران الاخ
ماهر: لو ما سكران ما يتمشى ويا البنت جدام خلق الله
عبدالله: لا وتبوسه بعدد شعليك يالهرم
زايد: ماشاء والله مستمتعين .. إلا انت ليش تضحك
مايد: ههههههههههههههههههههههه صدق انكم نكتههههههههههههه
هناد: الحين نحن نكته واللي انت ويا اللي مسبله بعمرها
مايد: بس لا تسبوا البنت ههههههههههههههههههههههههه
منصور: الله بعد يدااافع
مايد نااااااااقع ضحك
زايد: قم اصلب وفهمنا
مايد: هههههه اغبياهههههههههه
عبدالله: لا تلومنا تدودهنا يوووم شفناكم
مايد يبا يرمس وما رايم: هههههههههههههههههههههه يالحميرهههههههه هاي هاي هههههههههههه
هناد: قم سر عند هلك بدل هالصيع
زايد: لااا الصراحه مايد عجيب بعده محد سوا سواتك
ماهر: وبنت الجلب الامور طيبه
مايد ضربه ع كتفه: ههههههههههههههههه يالجلاب هاي سوير
هناد: شووووو
عبدالله: حرااام راحت مخططاتي
منصور: فقت هالخش ونحن قلنا تطور الريال
مايد: هههههه
ماهر: وليش تخلاها تبوسك جدام الخلق
مايد وهو رايح: عشاااان نمصخركم ويضحك .. رفع ايديه ع فوق ورد شوي شوي وراهم وهو يضحك لين ما شل الفون من عند سعدوش وركض
صقر: الهرم صورناااا
ويركضوا وراه لكنهم ما لحقوه حرك السياره وهو ناقع من الضحك
ام سيف: مايد بلاك ليش يربعون وراك
مايد بعده يضحك
ميره: ايه جوف جدامك عن نسوي حااادث
ساره: ميوود عطني فونك
عطاها الفون والسماعات
ميره: الله انتو من المتى صرتوا ربع لااا ويعطيها فونه
مايد: انتي ما يخصج
ساره بالطريج والسماعات بأذنها وناقعه ضحك وتغطي عن ميره هازبتها امها وعطت مايد الفون
..
الشباب سبوه سب لين م تفرقوا كل حد ع بيته
..
غلا وصلت البيت وفتحت الفون
اميرتي الغلا كله: وينج اشتقت لج
اغليــ(بنت الشيــوخ)ـــك: عن الجذب وبسألك
اميرتي الغلا كله: آمري
اغليــ(بنت الشيــوخ)ـــك: انت محد عندك ع هاللسته عسب تحط هالكود
اميرتي الغلا كله: لا هالفون بس لج
اغليــ(بنت الشيــوخ)ـــك: تتمصخر
اميرتي الغلا كله: ليش مب مصدقه انتي الكل بالكل واسوي اي شي عشان تصيري لي. اباج وشاريج . واتحدى حد ياخذج مني
اغليــ(بنت الشيــوخ)ـــك: قصدك هالكود مضبط فيه كم بنت
اميرتي الغلا كله: يعني بعدج مب مصدقه ان محد فقلبي غيرج
غير كود
غلا وبس: ي بنت فهمي انا اعشقج
اغليــ(بنت الشيــوخ)ـــك: واذ قلت لك اني انخطبت
غلا وبس: اعرف انج تجذبين بس بجاوب .. سهله بقتله وبنخلص
اغليــ(بنت الشيــوخ)ـــك: انت شو مشكلتك فالحياه
غلا وبس: انتي مشكلتي ي بعدهم
اغليــ(بنت الشيــوخ)ـــك: انقلع ابا انام
غلا وبس: عوافي
من التعب فرت الفون وبدلت سرعه سرعه وناامت
..
قال جيفارا:
علموا اولادكم ان الأنثى هي الرفيقه هي الوطن هي الحياه
..
وانتهى البارت الثاني

اتمنى ان تنال اعجابكم
اوعدكم بالأحداث واتمنى تستمرون ويايه
بقلم: بنت الاياآويد

مقتطفات من البارت الثالث
.. !! .. اقولج .. عندي قنبله
.. !! .. انا ابا اعرس
.. !! .. لفت ع ورا وقابلته وعيونها محمرات: شو صار يعني بتقول ربيعتي وحده خايسه (وطاحت دموعها) الله ياخذك الله ياخذك
.. !! .. تتعامل ويا الين
.. !! .. عيونج حمر وتحتهن اسود والله انتي مب طبيعيه
.. !! .. لج مني وعد ريال لو م صرتي من نصبي لقطع لساني قبل م اييب طاريج بالشينه
.. !! .. حبيتيه ي الجلبه
.. !! .. " يهددني "
..
.. هالله هالله فتوقعاتكم ع المقتطفات ومنو اللي رح يقول هالرمسه
وابي اعرف اكثر شخصيه حبيتوها وليش؟؟

رد: رواية حبه لبسني لبس يني لبس الخواتم فالصبع تم

رح انزل البارت باجر بالكثير لا تحرموني ردودكم

رد: رواية حبه لبسني لبس يني لبس الخواتم فالصبع تم

حبه لبسني لبس يني..لبس الخاوتم فالصبع تم
روايتيه الرومنسية والغامضة
بقلمي: بنت الأياآويد
البارت الثالث
..
الحب هو الأكثر عذوبة والأكثر مرارة (أوروبيديس)
..
بالباجر الصبح يوم السبت
غلا ..نشت وبدلت ونزلت
يلست وهي تتأفف : ي الشيــــــــــــــــنه
يت البشكاره : كلت ميه مره لا يقولي سينه
غلا: شينه وشينه وشينه
البشكاره: سو يريد
غلا: ابا ارقص .. شو ابا يعني ابا ريوق
البشكاره: ماسي ريوق ساعه هدأش الهين
غلا: ع كيف راسج انتي .. ابا ريوق يعني ابا ريوق
البشكاره: خلص
غلا: عن الجذب وسرعه
البشكاره: وانا يقول ماسي خلص .. وتقلب ايديها .. خلص يأني ماسي
غلا: ماسي فعينج روحي سوي لي
البشكاره تتأفف: سو يريد
غلا: اممم هاتي نوتيلا
البشكاره: ماسي خبز
غلا: ليش قلت لج ابا خبز ابا نوتيلا بس
البشكاره: ما زين بأديـ
غلا: جب جب بدينا محاضرات روحي يبي وانتي ساكته
البشكاره راحت وهي تتحركم
تداكت ع الكرسي شوي ويت حطت النوتيلا جدامها ومغرفه
غلا: بعدج يبي فوني من فوق
البشكاره حرتها وغلا تضحك يابته ورجعت
غلا وهي تاكل نوتيلا: وينهم
البشكاره: ما يقول
غلا تضحك: حماره بترديها فيني
البشكاره: هماره انتي .. ماما فالسوك
غلا: سوق هب سوك هههه
البشكاره: سب سب
غلا تضحك: جب بعد هههههههه انقلعي اقول
راحت وهي تحرطم
غلا حطت الفون ع طاوله وفتحته وهي تاكل
لقته مطرش: صباح الورد
وينج
ي الكسوله
بسج قومي
وبنقات
.. م ردت
لقت ساره مطرشه
ساره: حووو
بطن يبطج ي حماره ردي
حو
غلا
غليوي
غلووه
غلاوي
ي الشينه
ردي
غلا: نعم
ساره: جان ما رديتي
غلا: الناس تصبح اول
ساره: فكينا عاد
غلا: شو عندج
ساره: بعد مني انا اسأل عنج
غلا: عن الجذب قولي شو تبين عندي شغل
ساره: اوكيه اوني صدقت
اقولج
عندي قنبله تحمسي
غلا: هههههه يلا قولي تحمست
سارة: عندج حساب ميود مال الأنستا
غلا: اعرفه بس مب ضايفتنه
ساره: ضيفي وشوفي آخر فيديو
غلا: ليش
ساره: روحي شوفي بروحج
غلا: اخوج خبل يحط اي شي . وعندي امتحان باجر مب فايقه
ساره: اونه . ترا بخبره
غلا: خفت عاد
ساره: هو عندكم
غلا: والله
ساره: م بحلف انقلعي
باي
حماره وحده
طلعت من الواتس وفتحت الانستا دشت حساب مايد لقته محطي الفيديو مال امس طبعا ساره مب فالفيديو بس رمسة الشباب
ناقعه ضحك وشيلتها ع الرقبه والنوتيلا فحلجها
سمعت هناد يتنحنح من فوق
حاولت تسكت بالغصب وهي تلف شيلتها
نزلو
هناد: السلام عليكم
غلا وماسكه نفسها عن تضحك: وعليكم السلام
مايد: شهالضحك من الصبح
غلا لما شافت ويه مايد نقعت ضحك
هناد: اللهم شافنا مما ابتلاها .. قم رحنا هاي مينونه
وطلعوا وهي تضحك
..
اذ تحيدون عزوز اليوم نفذ مخططه وعزا وهقت فطوم عسبت اتيي بيتهم بس فاطمه يت برغبتها مب عسبت الامتحان اصلا ما يهمها
.. نشوف شو صار
.. بس اول نسير عند المعاريس
..
اليوم الساعه 3:00 طيارتهم لسنغفوره ومناك لماليزيا
نشوا الساعه عشر
ظاهرين وناصر ماسك ايد ميسا
قابلو منصور بطريجهم
منصور: ياله بصباح خير
ناصر: شصبحت
منصور: اوه تطورنا الحمدلله بخير
ناصر: بلاك ع هالنفسية من الصبح
منصور: بدينا نشوف حركات بتان انا عزوبي
ناصر بنظره سخريه: والمطلوب
منصور: يعني ودر ايدها
ناصر يرمش: حلف بس اعتقد انها حرمتي وم يخصك
منصور: بس انا عزوبي ولا اتقبل هذه المناظر
ناصر: ليش شفتنا ... جدامك
منصور: لا إله إلا الله , استغفر الله , نصور اشوفك ضعت
ناصر: اولا اسمي ناصر ثانيا ي العجب منيصير يستغفر اليوم ثالثا اكيد بضيع وامس معرس
منصور فيه ضحكه بس اونه جدام ميسا: عافانا الله مما ابتلاك , ي خي شهالرمسه انا صغير اعوذ بالله استغفر الله يا رب سامحني (تجدمهم)
ميسا: ناصر والله قفطه
ناصر: ما عليج منه هذا خريط
ميسا: لا والله شكله استحى
ناصر يضحك بالقوووو
ميسا: ايه بس عيب
ناصر ياله ياله سكت: بعدج ما تعرفيه
ميسا: مشى مشى
ناصر يضحك: ليش يالس احبي انا
.. دخلو وسلموا
منصور: امايا
ام ناصر: نعم
منصور: انا ابا اعرس
ام ناصر تشوته بالكلينكس اللي عندها
منصور: امايااااا بدينا ياخي شخصيتي جدام ميسا
ام ناصر: اونك اول مره تشوفها
منصور: هيه صح بعد تذكرت مابا من العايله
ام ناصر: وليش بالله
منصور: شوفي هالشيفه اللي عدال نصور ما تغير شي فالبيت كنت اشوفها والحين اشوفها
ناصر: ي الجلب هالشيفه حرمه اخوك وتحطها ع راسك وبعدين غمض عيونك ولا تشوفها
منصور: هاها خاطري اضحك بس ما يضحك
ميسا: صح كلامك منصور روح بعيد ترجع سالم
ناصر: لا والله ليش انا رجعت مكسر مثلا
ميسا: لا م قصد انت غير
منصور: وااااابووي ع هالرمسه , شفتي امايا هم السبب
ام ناصر: والله هم ما قالولك استخف وسير عرس
منصور: بس هم يشيجون مشاعري وعواطفي
ناصر: لعنبو هاللسان قم انت وهالرمسه الفارطه وقابل دروسك
منصور: يووه م قلنا شي ولا بس لنها بالعربي الفصحى ولازم نمصخها نفسكم
ام ناصر: والله ي منيصير اذ م قمت عن ويهي م بيعيبك اللي يصير
منصور: لحوووول ( نش وهو يتأفف رايح صوب الباب
ناصر زعج: منصووور
منصور واقف ع الباب وبدون نفس: شو
ناصر: وين ساير
منصور: م انتو تبوني انقلع بنقلع
ناصر: قلنا سير طالع كتبك مب تحوم
منصور: يوم برجع (وهو رايح) من زينهن ولا منزينهن قال اطالع قال
ام ناصر: لا إله إلا الله
ناصر: وين ميثوه ومهاري
ام ناصر: م ادلهن ما جنهن قامن
ميثوه سلمت وردو السلام
ام ناصر: جان ما قمتي بعد
ميثوه تحط راسها ع ريل امها : تعبااانه
ام ناصر: بلاج
ميثوه: لا بس ياله ياله شبعت رقاد
ام ناصر: وى فقتج وانا تحريت صابج باس قومي يالله تريقي
ميثوه: بعده وقت شو ريوقه
ناصر: بتوصل الساعه 11
ميثوه: منيصير وين
ام ناصر: ظهر
ميثوه تتثاوب : آآآآه ي ماايا آآآه
ام ناصر: واااابوووي جم مره قلتلج لا تقولين هالرميسات
ميثوه: ياله منو محرج بج انتي من الصبح
ناصر: منو غير منصور يعني
ميثوه: انتو متى بتسيرون
ناصر: ع راسج نحن
ميثوه: اف اقصد متى بتسافرون
ناصر: تودي آت ثري او كلوك
ميثوه: اونه . ما بتغيرون رايكم وتشلوني وياكم
ناصر: لا طبعا
قامت ام ناصر
ميثوه: شف بيلس ساكته ولا بتطلب ولا برمس وما ابا عليكم شي بس بمشي وراكم
ميسا: شكرا ما نبي بودي قارد
ميثوه: هيه طلع لسانج يوم ظهرت امايا
ناصر: كيفها شدخلج انتي
ميثوه: م دخلني بس شلوني وياكم
ناصر: ياله مناااك
ميثوه: اصلا عادي بيشلني زوقي المستأبلي
ناصر: انقلي مناك انتي وزوقج
ميثوه: هيه هيه ي بو حمود تغيرت علينا
ناصر: جب بلا درما وحركات بتان روحه ماشي .. يالله برنسيسه سرنا
ميثوه: خييييبه وين من الحين
ميسا: بنسير عند هلي
ميثوه: م وحالج
ناصر: ياهي نشبه شدخلج انتي اففف
ميثوه: انقلع اقول من زينك انت وحرمتك
ناصر: جب غيرانه اصلا قال زوقي قال .(وقفو) إلا مهاري وين
ميثوه: اكيد راقده هاي تنش الحين
ناصر: نومه الظالم عباده
ميثوه: امس تمدحها واليوم قلبت
ناصر: بعدها احسن عنج ويا هالويه
وراحو بيلفون عند اهلها سلام ع الباب وبياخذون لفه عقب ع المطار

رد: رواية حبه لبسني لبس يني لبس الخواتم فالصبع تم

كملي الرواية روععععععه وانا بنتظرج على احر من الجمر

رد: رواية حبه لبسني لبس يني لبس الخواتم فالصبع تم

كملي كملي كملييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

رد: رواية حبه لبسني لبس يني لبس الخواتم فالصبع تم

فديتج مرورج الاروع
اشكرج حبيبتي جنت انتظر تفاعل
واكيد بكملها
اتمنى اكون عند حسن ظنج وانتظر تعليقج ع الباي الياي