رد: روايـه ( و حبيت الحـيـاه عـشـانك )

(( بارت 47 ))




وصلت الطياره المطار ف المنطقه المطلوبه ..

الخادم الخاص لعيلة نواف واقف ينتظره شافه نواف و اشر له يشيل الشنط و يحطها ف سيارة نواف ..
الخادم بتسأئل : سيدي السياره الخاصه وصلت احط الشنط فيها ..،
نواف : لا ما وصلتك رسالتي قلت ابي سيارتي ،
الخادم بخوف : سيدي امرك الحين اقول لسواق يجيبها .. ،
نواف : اوك بنجلس على الكراسي الانتظار ممكن تنفصل من عملك عشان الرساله الي ماوصلتك ..،
افراح بكل استغراب شافت على الخادم المسيكن الي مبين منه متزوج و رزقه و رزق بزورته ف هالخدمات البسيطه الي يقدمها لعيلة الفهد بمقابل راتب جيد .. ،
نواف وهو يناظره : ابي علبة التدخين و قارورتين مويا .. ،
مشي نواف و جلس على كراسي الانتظار و جلست افراح على الكرسي الي جنبه ..
افراح ف نفسها : يدخن ذا اوف على الريحه المعفنه كيف بستحملها .. ،
نواف اندق جواله ..
نواف وهو يرد : ي هلا .. ،
احمد ( ولد عمته ) : الو ي هلا فيك نواف ككيفك..؟
نواف ببرود : بخير .. ،
احمد : الف الف مبروك على الملكه ان شاءالله احنا بكرا بنوصل عندكم امي توها خبرتني قلت لازم اتصل و ابارك لك .. ،
نواف : اوه يبارك بعمرك توصلون بالسلامه ننتظركم .. ،
احمد : يسلمك ربي يالله بالاذن اشوفك بكرا ..،
نواف : فمانه .. ،
جاء الخادم و عطاه الكيس الي فيه قارورتين مويا .. نواف طلع قارورة المويا و عطى لافراح ..
افراح : مابي .. ،
نواف طنشها و حط القاروره على جنب ،
و بكل هدوء قال : براحتك .. ،
طلع علبة التدخين و الولاعه من جيبه و بدا يدخن .. ،
افراح شافت مكتوب ( نوو سموكينق ) - ممنوع التدخين ؛
افراح ناظرت على نواف و بقهر : نوو سمووكينق ،
نواف حس انها متضايقه من الريحه قام و بدون مايرد عليها راح وقف عند الزجاج الي يطل على المنظر الخارجي .. ،
افراح قامت و راحت لدورات المياه الخاصه بالمطار ..
غسلت وجهها و شافت نفسها على المرايا و نزلت الدموع من عيونها .. ماتوقعت بهذي السرعه راح تبعد عن كل اهلها و تبقى وحيده مع شخص ماتعرفه ..
نواف شاف على الكراسي انتبه انه افراح مو موجوده مشى خطوات و شاف ف كل مكان و دور عليها افراح رجعت و كانت رايحه تجلس وقفت لمن سمعت صوت نواف ..
نواف بعصبيه : ليه ماخبرتيني وين رحتي..؟،
افراح التفتت و تراجعت شوي على ورا و قالت : اسفه .. ، نواف : طيب .. ،
جاء الخادم و قال لهم انه سيارة نواف وصلت و حطو الشنط .. نواف و افراح راحوا لسيارة .. ،



______


ف البيت ..
افنان جالسه لوحدها ف غرفتها على السرير و تفكر و بكل حزن تنهدت ..
نوره جات جلست جنبها : افناني وين افراح وحشتني ..،
افنان مهمومه : ابد تزوجت و راحت بيتها .. ،
نورا : قلنا نرقص بزواجها ..،
افنان : مو لازم ..،



_______

وقف نواف السياره قدام مشغل الكوفيره و شاف على افراح و قال : انزلي ..!
افراح : مابي ..،
نواف : افراح انا قلت انزلي ..!
افراح بعناد : و انا قلت مابي انزل ..،
نواف بعصبيه و بصوت عالي : ياخي انزلي ..،
افراح مسحت الدموع الي نزلت من عيونها خافت لانه ماعمره احد صارخ عليها كذا .. ،
نوواف بتأفف و بعد لحظة صمت : افراح ..!
افراح سكتت و ماردت و بديت تبكي .. ،
نواف : والله حلفت ماني ماشي من هنا لين تنزلين .. ،
افراح بنبرة بكاء : و ليه تباني انزل ؟
نواف : عشان تتجهزين شوي و يكون مظهرك ذوق مو باين انك مغصوبه علي و توك بكيتي .. ابي انه ابوي يتأكد اني تزوجت زواج حب و ماني ناوي اكسر له قلبه افهميني ولو اننا نكذب ادري انك تحبين عبدالله .. !
افراح مسحت دموعها و سكتت و فتحت باب السياره و نزلت ..
نواف ببرود اعصاب : انتظرك .. ،
بعد ربع ساعه طلعت افراح من المشغل .. عملت لها الكوفيره مكياج خفيف و سرحت لها شعرها و عملت لها فير و مكر خفيف على شعرها الناعم و الطويل .. مظهرها صار مرتب و تجنن و تهبل ..
جلست ف السياره ..
شافها نواف و قال و هو يشغل السياره : مشكوره انك سمعتي كلامي .. ،
افراح : العفوو .. ،
نواف حط السي دي عشان يشغل الاغنيه بس قبل لا يشغل شاف على افراح و قال : الحين لا تبكين اوك .. ،
افراح نزلت عيونها و بديت تناظر ف يدها و تحاول تفكر ف اي شيء عشان ماتبكي و تضعف .. صار لها ايام و هي على هذا الحال طول الوقت ضيقه و بكاء و دموع و وجع ماينقال .. ،



الساعه السابعه تماما ..
الفهد شاف على الساعه المره العاشره .. و بكل قلق قال لخادمه الخاص ( حازم ) : تأخرووا .. ،
حازم بأبتسامه : سيدي اكيد زحمة مرور ..،
الفهد كان جالس ف الصاله الواسعه و الكبيره الضخمه لدور الاول و الاثاث كإن من النوع الفاخر و الكنب عليه ورود بلون الذهبي و الخلفيه بلون البيج .. طبعا من نوع الراقي و الفخم .. و الستاير كانت مسدله على الزجاج الي يطل على المنظر الخارجي لقصر الفهد ..
_________

نواف دخل السياره ف حدود قصر الفهد و وقفها ف مواقف الخاصه .. استقبلهم احد الخدم و نزل الشنط ..
نواف كان بينزل انتبه على افراح : اوه نسيت انزلي .. ،
افراح : طيب .. ،
نزلت افراح و لحقته و مشيت وراه شافت على الحديقه الضخمه الي حول القصر و النافوره الي بوسط المكان عطت للمكان منظر جميل و جذاب .. استغربت بقوه وين جات و وش جابها و باين عليهم مرا راقيين و غنييين .. استقبلوهم الخدم بكل حب و موده ..
طلعوا نواف و افراح على الدور الأول كان كل المكان مشع بالانوار و الاضاءات ..
الفهد وهو يشووف نواف و يمشي خطوات لعنده : ياهلا ي وليدي نورت بيتك .. ،
نواف ابتسم و باس ابوه على راسه و يده و قال : نوووورك ي عيووون نواف .. ،
انتبه على افراح الي واقفه وراه و عيونها على الارض عرفها على ابوه و كمل : هذي افراح ... ؛ و بعد لحظة سكوت و تردد : زوجتي و ح حبيبتي ي يبه .. ،
الفهد ناظر فيها و انبهر بقوه و قال وهو يحط يده على راسها بكل حب و احترام و عزه : ماشاءالله تبارك الرحمن عرفت تختار ، نواف ابتسم و ماعطى اي تعليق ..،
افراح بكل رقه سلمت عليه و قالت بصوت منخفض : الله يطول بعمرك يا عمي .. ،
الفهد افتكر زوجته و شاف الشبه الكبير الي فيها .. دارت في مخيلته كلماتها ( ابو نواف انا نفسي اجيب بنت لنا انا و انت تكون حلوه و تشبهني و انت تدلعها حيل فهم ابوك يقتنع ارجووووكك ...... )
نواف قاطع خياله و بكل توتر : يبه ..،
الفهد : يالله ارتاحووا انتو توكم راجعين اكيد تعبتووا .. ،
نواف وافق على رايه و قال للخدم يدلون افراح على الجناح الخاص للضيوف عشان تروح ترتاح هناك و تأخذ راحتها .. ،
ابو نواف رغم انشغاله انتظرهم و استقبلهم و كان مؤجل الأجتماع تبعه .. بس بعدما شاف ولده ردت له روحه و تطمن و انبسط لمن شاف افراحح و كأنه اتطمن لها حيل و حبها .. و فكر انه ولد اختار البنت الصحيحه كزوجه له بس ابو نواف ماكان يعرف وش صار و على باله انهم يحبون بعض حيل .. ،





____________




نواف دخل غرفته كانت مرتبه و واسعه بالحيل و على اليسار كنب مرتب مع طاوله الزجاجيه ف الوسط .. و على الجدار الي قبال الباب نافذه ممتده و مصنوعه من الزجاج كلها .. و الستاير كانت مسدله و قدام النافذه سرير و قبالها التي في. و على نفس الجدار التسريحه الي فيها العطور الخاصه حقت نواف و اغراضه .. و على بعد خطوات كثيره مدخل و بعدها غرفة تغيير الملابس و الدولاب و قباله باب الحمام .. شغل نواف الانوار و التي في بلازما و المكيف شاف على الشنط و طلع اللاب و ركبه و حطه على سريره .. و راح الحمام عشان يأخذ شاور سريع .. ،
....
الخادمه ( سيمي ) : تفضلي انسه افراح .. ،
افراح ابتسمت و شكرتها و دخلت الغرفه كانت واسعه جدا و فيها على ركن كنب بلون الابيض ..
و دولاب بلون ابيض و جنبه نافذه عاديه و مسدله بالستاير البيضاء على احد الجدران الاربع .. و السرير ف الوسط و على بعد خطوات مدخل و بعدها باب الحمام .. ،
افراحح انبهرت من الغرفه و عجبتها حيل .. و هذي لسه كانت مجرد غرفة لضيوف العائله الخاصين .. بس الفهد قال انها تبقى هناك لين يوم الزواج .. و بعدها طبعا بتكون غرفتها نفس غرفة نواف .. ،





__________

رد: روايـه ( و حبيت الحـيـاه عـشـانك )

ي سلام الله يتمم على خير
ننتظر البارت الجاي بفارغ الصببر

رد: روايـه ( و حبيت الحـيـاه عـشـانك )

و اخييررررررا
ننتظر البارت الي بعده

رد: روايـه ( و حبيت الحـيـاه عـشـانك )

روعات

رد: روايـه ( و حبيت الحـيـاه عـشـانك )

(( بارت 48 ))






رتبت لها سيمي ملابسها ف الدولاب .. اختارت افراح بلوزه بلون اسود طويله و اكمامها كامله و جينز ابيض و راحت تتروش عشان تخفف من تعب السفر .. ،



طلعت افراح من الحمام و نشفت شعرها و طفت المكيف لانها حست بالبرد
و رقدت على السرير شالت الجوال الي عطاها نواف و بديت تشوف الصور شافت صورة عبدالله مع نواف و هما واقفين ف مركز التدريب العسكريه الي يداوم فيه نواف و نواف لابس البدله و عبدالله لابس جينز و بلوزه بلون زيتي .. اتجمعت الدموع ف عيونها لمن شافت عبدالله كبرت الصوره و بديت تناظر فيه .. و بعد لحظات غلبها النوم و نامت و الجوال مفتوح على الصوره المكبره على عبدالله .. ،




___________


نواف اتعشى و كان بينام بس افتكر افراح طلع من غرفته و راح لعندها ..
فك الباب و دخل و مشي خطوات شافها نايمه على السرير كان بيروح بس انتبه على الجوال ف يدها ف جاء ف باله يحط الجوال بعيد عنها .. شال الجوال و فكه شاف صورة عبدالله الي قبل شوي افراح كانت تشوفها ضغط على الخيارات و عطاها ديليت من الجهاز .. ،
نواف : منت عز الخوي و لا انك كفو عبدالله .. ،
حط الجوال و طلع من الغرفه .. ،
نام نواف و هو يطنش كل هالسالفه مايبي يفكر و لا يبي ينقهر ..




________


الساعه 8 صباحا ..
أفرراح صحيت و غسلت وجهها و تجهزت شوي و غيرت ملابسها لبست بنطلون جينز و بلوزه بلون ابيض اكمامها قصيره .. و حلقها كبير شوي و عليه فصوص تلمع ..
حطت المحدد الاسوود على عيونها و الماسكارا و الكحل .. و حطت رووج وردي طلعت تجنن و عيونها محدده بالاسود بالحيل تجذب ..
مشطت شعرها و فردته .. و طلعت خصلات بسيطه من قدام و رتبت القصه ..
اليوووم قرررت قرار صعب لحياتها قررت ماعاد تفكر ف اي شيء يخليها تحزن .. و رغم الأحزان راح تعيش حياتها بكل تحمل و صبر .. و رغم الي صار لها و الإتهام الباطل الي اتهموها .. فكرت كل شيء ربنا شايفه و بيظهر الحق ف يوم من الايام و هي ف اشد الانتظار لذاك اليوم الي راح يثبت برائتها قدام الكل ..
فكرت انها ماعاد تسترجع الماضي و لا عاد تفكر ف عبدالله الي باعها ف ثواني .. كل هالذكريات الاليمه دفنتها .. و افتكرت الشعور الغريب الي حسته لمن شافت ابو نواف حست انه شخص جدا انيق و فخم و اخلاق .. ولو عشانه ماتبي تخرب سمعة نواف و ناويه تدفع لحظات عمرها .. لين تكتشف حقيقة الاإتهام و تثبت برائتها و بعدها راحح تترك نووواف ..
- انقطع حبل افكإرها بصوووت نواف ..
نوواف : أفراح .. ،
التفتت افراح و شافت على نواف الي متكشخ و لابس بنطلون اسود ضيق و تيشيرت ابيض اكمامه كامله و مكتوب بالاسود حرف N .. ،
أفراح ببرود : هلا .. !
نواف : الوالد يبيك .. ،
أفراح ابتسمت ابتسامه بارده و راحت معاه لغرفة ابوه ..




_
ف غرفة الفهد الواسعه فيها مكتبه الخاص و بعض الاثاث الفخم ..
نواف و افراح جلسووا جنب بعض ..
الفهد : ي هلا فيكم حبايبي ..،
أفراح بأبتسامه مصطنعه : اهلين فيك يالغالي .. ،
نواف : يبه وش المفاجاأه .. ؟
الفهد طلع السلسله الي كانت لزوجته طبعا هو لبسها يوم ملكتها و كانت بالذهب الاصلي و مرا غاليه و عليها فصوص من الذهب .. ،
الفهد وهو يبتسم : نواف تدري هذي السلسله الي انا لبستها لامك يوم ملكتنا مع اني ماحضرت الملكه معاكم ف ابيك تلبس افراح قدامي و تخليني انبسط .. ،
نواف قام و اخذ السلسله منه .. شاف على السلسله و بكل حزن افتكر امه .. ،
أفراح حست انه نواف مفهي و مو ف باله اصلا يلبسها و لا يبي .. و بكل حزن سكتت كل شيء بالغصب و المجامله و التمثيل ماعاد يهمها اي شيء حياتها كلها انخربت ما عاد ترتجي من هالدنيا شيء طاب خاطرها .. ،
جلس نواف جنبها و قال : افراح ممكن تبعدين شعرك شوي .. ؟
الفهد بضحكه : شفيكم مستحيين قدامي انا بعمرك ياولدي على طول لبست زوجتي هههههههههههه .. ،
نواف لبسها السلسله و لا شافها .. ،



وبدأ الفهد يحكيهم سوالفه و بعد ساعه استأذن نواف عشان يرووح لمهمه ضروريه ..
-

السكرتير الخاص : نواف الفهد .. حضرة الضابط استدعاءك لأمر هام .. ،


راح نواف الغرفه و سلم بالطريقه العسكريه بس استغرب انه الكرسي على الجدار و مافي اي رد ..
نواف : أمرك حضرة الضابط.. ،
مهند بحماس و هو يضحك لف الكرسي و قام : حضرة الضابط هاه ؟..،
نواف : انت وش جابك هنا ..

( مهند ) ولد عمة نواف .. عمره 25 خاطب بنت عمه ( غلا ) ابوه رئيس ف قسم الشرطه رباهم احسن تربيه هو و اخوه ( احمد ) الي عمره 30 و متزوج اخت غلا ( إيلين ) و عندهم ثلاث اطفال ( لين ) عمرها 5 سنين ( حلا ) 3 سنين و ولد صغير عمره سنه ( فراس ) ..

عمة نواف الشخصيه المثاليه و الذكيه و الصريحه ف كل شيء كانت مغروره و عارضت على زواج ام افراح قبل سنين و الحين بعد انقهرت لمن عرفت انه نواف بيتزوج برا العيله ..


( مهند ) كان نحيف و طويل و اسمر و عنده غمازات من الخدين و بالحيل يشبه ابوه و مرا مفرفش و مرح و ف نفس الوقت ذكي و خطير و يحب التحقيق و جريئ إنسان يتمتع بذكاء و خفة ظل و هذا الي يميزه عن اخوه احمد الهادئ جدا .. خاله الفهد دايما كان يمدحه و يثني عليه و اكثر الأحيان كان يبقى و يعيش عند خاله مع نواف .. صداقتهم كانت قديمه و منذ الصغر وهو كان يحب نواف و يحب طبعه الغريب و الهادئ و ف نفس الوقت اخلاق عاليه و يفدي خويه بالروح ..





_______
مهند بحماس : ي هووه من متئ الحب و الغرام ذا ما خبرتنا حتئ ..؟
نواف و هو يصرف : والله ماعرف فجأه .. و كذا ههههه .،
مهند وهو يجلس علئ الكرسي : علينا .. !!
نواف حاول يصرف السالفه و لمن شاف مهند لابس البدله العسكريه قال : كيف حوولوك هنا ..؟
مهند و هو يصفر : بابا حولني قدمت اوراقي عنده و قلت بطول عندك و لانه .. ،
نواف و هو يقاطعه : و لانه وششش. ؟
مهند بدلع : حبيبتي هنا .. ،
نواف : غلا ..؟ ،
مهند : يسس ؛ و كمل كلامه بطفش : ياخي ابيييييي اتزوووووج بس ابوي حاط علئ راسي شرط .. لازم اخذ الترقيه اول بعديين ،
نواف بضحكه : هههههه مستعجل هاه .. ؟
مهند : بالحيل بس حظك ي ولد الفهد قام حظك والله بتتزوووج بنتن سنعه و بتنشغل افا بس من لنا .. ،
نواف : عادي ياخي مو لازم الترقيات ذي اكلم ابوي يكلم ابوك و نقدم موضوع زواجك .. ،
مهند بضحكه : ههههههههههاءي لا لا اول نتخلص منك و كذا بعدين انا ماعلي .. ،
نواف : ايه علئ بالي مستعجل و بقوه بعد .. ،
مهند بضحكه : هههههههههه مو كثرك اسكت بس .. ،
نواف وهو يسلك له : اصه .. ،
مهند : لا مو اصه و قسمن بجننن مرت اخوي افراح لين اعرف كل حكاية حبكم والتاريخ و المكان و الزمان بعد و انا مهند ولد فراس .. ،
نواف بطفش : اقوووول فارق اتحداك تقولك كلمه وحده .. ،
مهند : راح تقول كل القصه مو كلمه وحده خهههههههههه .. ،
نواف وهو يصرف : ي شين اللقافه بس..؛ الحين انا جيت سألتك متئ حبيت بنت عمك و متئ حبتك و متئ و متئ .. ،
مهند وهو فاطس : ههههههههه مشكلتك انك ماتحب تتملقف بس انا عن نفسي اعشق اللقافه.. ،
نواف : اقول رووح اتعلم من احمد الزين و الهدوء و الرزانه .. الي يشوفك يقول مثل الخبلان يدور سالفه و يحقق فيها .. ،
مهند وهو يغمز : هذي هي ميزه من مميزاتي الصعبه ههههههههههه .. ،





_______

روايـه ( و حبيت الحـيـاه عـشـانك )

كملي بليييز ابداع

رد: روايـه ( و حبيت الحـيـاه عـشـانك )

كمليييييي يا مبدعة،روايتك تجنن ما شاء الله،
الله يحفظك ،موفقة...

رد: روايـه ( و حبيت الحـيـاه عـشـانك )

(( بارت 49 ))





عمة نواف ( نهال ) دخلت قصر الفهد و معاها زوجة احمد و عيلته .. استقبلوهم الخدم بكل صدر رحب .. ، إيلين و هي تنتظر : مرت عمي وين العروسه .. ؟
نهال بغرور : إيلين روحي الجناح الخاص لضيوف العائله و ارتاحي لاحقين نشوفها و انا بروح عند اخوي ابيه بكلمة .. ،
اإيلين ابتسمت ابتسامه مصنعه و بمجامله ردت : اوكي يالغاليه .. ،
إيلين لابسه الفستان العودي الطويل و ناعم و راقي جدا و مافيه اي زركشه ساده بس من الاكمام القصيره لؤلؤ .. و مسويه كعكه ف شعرها .. و لامه شعرها بكل ترتيب ..
شالت ولدها ف حضنها و ناظرت على بناتها و بصوتها الي ثقيل شوي و فيه بحه نوعا ما : يالله انتي وياها قدامي .. ،
( إيلين ) شخصيتها مميزه جدا أمراه تهتم بكل حاجه تخص جمالها و اناقتها و ذكيه و تحترم الجميع و تسمع كلام مرت عمها و تجاملها اكثر الاأحيان .. ،




العمه نهال جلست على الكنب و ناظرت ف اخوها الي مشغول يشوف الأوراق ..
العمة نهال : اشوفك ماتطبق نصائح الدكتور و ماتريح نفسك .. ،
الفهد بأبتسامه : حياك ي أختي ..،
العمة نهال : يحييك ي الفهد .. ،
الفهد : نورتي القصر ،
نهال بغرور : منور بأهله و أفراد عيلة الفهد فقط .. ،
الفهد وهو يصرف : لين الحين مارضيتي على زواج نواف و أفراح .. ،
العمة نهال بأنفعال : لا ماراح ارضئ ،
الفهد : اهم شيء فرحة ولدي .. ،
العمة نهال : مابقولك شيء لانه طبعا الولد بيمشي على خطى ابوه .. ،
الفهد طنش كلامها الي ماله معنى و كمل : ربي يتممم على خير ..،
العمة نهال غادرت الغرفه و راحت ترتاح ف الدور الثالث الي فيه الجناح الخاص لها هي بالذات .. ،



إيلين و هي متحمسه تشوف العروسه راحت الغرفه الي فيها أفراحح .. ،
أفراح تفاجئت و بكل ذوق قالت : حياك ..،
اإيلين جلست ع الكنب و حطت فراس ولدها جنبها و بأبتسامه مجامله : حلوووه بالحيل مثل ماتوقعتك .. ،
أفراح ابتسمت و عدلت شعرها : تسلمين .. ،
إيلين : هههههه يسلمك ربي انا ماعرفتك على نفسي انا زوجة احمد الولد الاكبر لعمة نواف بناتي ناموا عشان السفر كانوا مرهقات ..،
أفراح : اهلين فيك تشرفنا .. ،
جات سيمي و ضيفتهم عصير برتقال طازج و راحت .. ،
إيلين بلقافه : نواف و أنتي تعرفون بعض من كم فتره ..؟
أفراح سكتت لحظات و جاوبت و هي تسلك لها بقوه : اممم اء شهوور و كذا .. ،
أيلين : اوووه على بالي حب من سنين .. ههههههههه .. ،
أفراح ابتسمت و ماعلقت على كلامها.. ،
إيلين بشفقه : مرت عمي ماتبي تشوفك راحت ترتاح موضوع زواجكم مرا مو عاجبها .. مدري ليه .. ،
أفراح توقعت هالشيء طبعا و ردت : ربي يسعدها يمكن على بالها انا متكبره بس انا مو كذا .. ،
إيلين : عادي عيني لا تأخذين على نفسك اهم شيء انا انبسطت بخبر زواجكم و جبت لك هدايا و كل شيء و بعدين عمي الفهد كثير قال لي كل شيء بهتم فيه انا .. ،
أفراح بأبتسامه : مششكوره وايد .. ،


___________




بكل حب حضنها شافها بعد شهور الشووق امتلئ فيه ..
و هي ف حضنه : وححششتني حيل.. !
مهند بأبتسامه ابتعد شوي و قال : لو يرضيك اترك العسكريه و اجلس معك والله لاسويها لعيونك .. ،
غلا وهي تتدلع عليه : و كيف أشتاق لك بعدين .. ؟
مهند : يكفي انا بكل لحظه اشتاق لك و لو انك جنبي .. ،
( غلا ) البنت الرقيقه و الحساسه دلوعة مهند الي يحبها من زمان و مخطوبين من فتره .. كانت ملامحها نحيفه و ررقييقه و شعرها قصير و مسويه صبغه بلون البني الفاتح و بالاشقر .. لايقه عليها الصبغه و مبينتها بنت غير عن الكل و جميله بملامح رقيقه و حلوه ..،
كانت لابسه بلوزه بلون الاحمر و تنوره قصيره بلون الابيض .. ،



بعد لحظات طلعوا غلا و مهند من البيت و وصلوا لسياره ..
مهند و هو يجلس ف السياره شاف على نواف : تأخرنا.. ؟
نواف بطفش : ايه تأخرتوا مرا ..،
غلا ضحكت و ردت : اسفين .. ،

مهند بأستغراب شاف على علبة السجائر : تدخن انت ..؟ من متى.. ؟
نواف وهو يصرف : ايه من فتره .. وش فيها ..؟
مهند و كأنه ماعجبه هالشيء : لا مافيها شيء .. ،
نواف : تبي ..؟
مهند : لا شكرا .. ،
نواف و هو يسوق : عادي ترا. .،
مهند وهو يفتكر : الا اخبار عبوووود ..؟
نواف بدون قصد : عبوود منووو .؟
مهند : ياخي ناسي خويك انت ..؟
نواف ببرود : قصدك عبدالله ماعرف عن اخباره والله ،
مهند بكل استغراب : اما ... !!! ماعزمته على زواجك ..؟
نواف بلا مبالاه : لا ..،
مهند حس انهم متزاعلين : ليه ليه .. افا بس ..،
نواف : خلاص قفل السالفه بدون سبب كذا مابيه .. ،
مهند سكت .. و ماحب يحرج خويه الحين لانه غلا كانت معاهم و فكر يكلمه لمن يكونوا لوحدهم .. ،
نواف ف نفسه : اذا عرف سالفة هالبنت الله يعين بس الظاهر اني بقوله كل شيء و ماخبي الي صار معي .. ، “





__________


الساعه 4 و نصف .. عصرا
وصلوا نواف و مهند البيت .. و التقئ مهند بأفراح بس بعدما التقى فيها حس انها هادئه و مبتعده عن الكل و كأنها حزينه .. لاحظ فيها هالشيء و انها مو مهتمه ف نواف و لا تجلس جنبه مرا .. و لانه مهند كان يحب غلا ف فكر ف تصرفاتهم و استغرب و انهى تفكيره و اسئلته و ققرر يسأل نواف .. ،



________



الساعه واحده و نصف ليلا بعد العشاء كل احد فيهم راح لغرفته عشان ينام .. طبعا زوج نهال اعتذر بسبب اعماله انه ماراح يحضر الزواج و احمد بسبب عمله قرر يحضر اليوم نفسه و ايلين راحت مع امه قبله بأيام..،


__________
افررراح ف نفسها ( وووحشششتيني ي افنان انا هنا رغم وجود البشر لوووحدي .. احس الوحده تخنقني افتكر نوره و بدر .. ، ياربي وش هالحال متى راح التقي فيكم و اطلع من هنا .. وشش اسووي ماني موافقه على هالزواج .. كيف اقول لهذاك ..، !! الي اتورط فيني بسبب سمعته و اهله و عيلته و ناوي يضحي بكل سنينه بس عشان انه متعلق ف ابوه حيل و انا وش لي اضحي بعمري معاه لا مستحيل لازم افكر ف حل و اطلع من هنا .. !! بسسس كييف كيف كيف .. !! )





_____________



ف غرررفة نواف ..




مهند فسخ الجاكيت الاسود الي لابسه و كان لابس تحته بلوزه بدون اكمام لونها ابيض و بنطلون اسود ..

مهند وهو يجلس على السرير جنب نواف الي يتفرج على الفيلم الانجليزي على اللاب ..قفل اللاب على وجهه فجأه و ابتسم و بكل رواق سحب السماعات من اذنه .. ،
مهند وهو مرووق : ايه .. وش كنا نقووول ..،
نواف وهو يرفع حاجبه : مهند سلامات ترا اللقطه مهمه خلني اتفرج ..،
مهند : عادي ماراح يموتون كله تمثيل ..،

رد: روايـه ( و حبيت الحـيـاه عـشـانك )

مرره حلووه نتظر القادم

رد: روايـه ( و حبيت الحـيـاه عـشـانك )

بالانتظار