رد: رواية [[ ارجوك انساني ]]

او روحي اشتري من برا بسلف او يالله نبيع اي شي و نقضي لحاجات البيت او كل واحد منا يإكل قليل عشان يكفي للثاني ... و عندهم حتى خدمهم يإكلو اكل فخم و راقي و برضو يبقى او يجلسون يتفرجون او طول وقتهم فلهه ..، بس الحمدلله ..، عيشتنا اهون من الي يعيشون ف الشارع او مايلقون مكان ينامون فيه ..، انا وعدت دفتري اني ماخبي عليه شي و كل احاسيسي اكتبها من جد شرف كبير اني صديقة فهد لانه فهود مرا طيوب احسه انسان مخلوق من الطيبه و الاخلاق عمري ماشفته يقسى ع احد او حتى يزعل ...! صح حتى عمره مازعل مني ... و انا قدايش اتكلم كلام غبي ماله معنى...، الظاهر رانيه نامت و حتى عمتي اكيد نامت و انا مافيني نوم ابد و حتى فهود نام اخر شي كتب لي تصبحين ع خير يا اشواقو ... خلاص و انا بعد بنام الدوام شي يخليني اطرطع اذا ما كملت نومي ...]

ف قصرررر ابووو فاديهه فاديهه بكل فرحه صرخت ; من جد بابا راجعين احنا راجعين متأكد ..؟
ابو فاديه : ايه جهزي كل شي الصباح بنروح المطار ..، و ف المساء عندنا حفله الكل يبي يحضر ابيك مفرفشه وقتها و مافيك لا تعب و لا نوووم ..، فاديه بحماس : اكيد بابا اصلا من يوم قلت لي راجعين طار النوم من عيوني ....، ابو فاديه : يالله اشوفك الصباح برروح انام انا ...
الصباح الساعه ستهه جوال اشواق يندق فهد الخبل يتصل بك .. اشواق ف النوم ردت و قالت و صوتها ف النوم ; الووو اهلين فهووود وش مصحيك بهذي السرعه ..، ؟ فهد وهو طاير عقله : اشواق ياخبله اليوووم اجازه ماكوووو دوام انبسطي و هذا الي مصحيني يابعدي ...، اشواق انتبهت و قالت: اووووهه عشان كذا طيب خلاص زي الشطار قفل الخط عشان انا انام و ارتاح لاني ف الليل نمت متإخر. .، فهد بجديه : اشواق ممكن اقول لك شي بس ماتزعلين ..؟ ، اشواق بإستغراب : اممم قول وشووو ..؟ فهد : اذا تكوني ف النوم او توك صاحيه من النوم و انا اتصل لا تردين اوككك ..؟ اشواق بكل استغراب : و ليه ...؟ فهد وهو يصرف السالفه : اممم بدون ليه عشان اكلمك و انتي مفرفشه ..! اشواق و هي مو مقتنعه : لا لا جد ليه ..؟ فهد : امممم بعدين اقولك " اشواق بطفش : متى بعدين ..؟ لا قول الححين ....! فهد : ماني قايل ... و ع فكره اليوم صاحب ابوي راجع و مسوين له حفله ضخمه و الكل بيحضر و انا عازمك انتي ياصديقتي الحلوه اوكي ..؟ اشواق بإستغراب : و انا وش دخلني ..؟ ،فهد ; الي دخل فهد دخلك انتي بعد يالله انخمدي باي ....،
الساعه 11 صححيت اششواق من نومها. و تجهزت و خرجت من الغرفه شافت رانيهه تجهز لبس مرا حلو استغربت و قالت : رانيه عندك مناسبه اليوم ..؟ رانيه بإبتسامه ; ايوا و هذي الملابس داليا وصتني البسها .. و راح نروح انا وياها ... ، اشواق بإستغراب : و انتي اتجننتي تلبسين لبس قد كذا غالي ..؟ ، رانيه و هي تعدل الخرز الي ف فستان القصير : نو هي اعطتني لانها لبسته مرا وححده ف مناسبه و بالنسبه ليها صار قديم .، اشواق : اوووه عشان كذا والله لو انا منك م البسه لو تموت قدامي مالبس شي انا ماشتريته حتى لو في المناسبه البس نفس اللبس الي لبسته تسعين مرا ... عادي ...، رانيه بدلع : ي اششووواق هدي انتي و شخصيتك بس رانيه مستحيل تفشل صحبتها. ..، اشواق برواق : مو فشله عادي ..!
رانيه بغرور ; هههههه وربي حتى فهد اكيد اكيد يتفشل منك ..، اشواق وهي تشمق ; لا ياعيوني فهد مو تفكيره كذا ابد ...،
الساعه 6 طبعا جهزت اشواق بلووزهه باكمام طويله بلووون ابيض و تنوره بلون اسووود عليهه رسمةة ورود من تحت ع جنب بلون ابيض ... انتبهت اشواق ع جوالها الي يندق كانت مشغولهه تطلع اككسوارات خفيفه الي معاها من زمان .. ردت اشواق ع الجوال : الو فهووووود ... فهد وهو يسوق : امممم يالله انزلي ... ، اشواق بإستغراب اتجننت انت ..؟ فهد وهو يضحك : ليهه ..؟ اشواق ; لسه ما لبست و لا سويت شي .. .، فهد : اوكي ياشواق خذي راححتك بس بليز اكثر من ساعه لا.... اووكي ... ، اشواق بإبتسامه اوووكك باي ..، انتبهت اشواق ع رانيه الي خارجه من الحمام بفستانها القصير بلون وردي و عليهه خرز فضي و فاردهه شعرها. اشواق و هي تناظرها : وش بتقولين لعمتي وين رايحه ..؟ رانيه بدلع : شايله همي انتي ..؟ اتطمني قلت لها اني رايحه حفله مهمه مع صحبتي و كمان اعطيتها فلوس الي داليا اعطتني عشان اشحن جوالي ..، اشواق بإستغراب : اها طيب ممكن اخذ الكعب حقك ، رانيه و هي تعدل خصل شعرها قدام المرايا : لا انا بلبس الاسود انتي البسي الي لونه ابيض تلقينه محطوط ف كيس ، اشواق : طيب مشكوره غريبه اعطيتيني ع طيب خاطر ، رانيه ف نفسها : اي ياختي بطيب خاطر عشان هو شوي و ينقطع و اذا طحتي و فشلتي فهد راحح ارتاحح انا ..، خرجت رانيه و هي تودع عمتها الي بالمطبخ ..،
و بعد لحظات اتجهزت اشواق و لبست التنوره و بلوزه كانت باينه بريئه و هبله شمقت ع مرايا اول ماشافت شعرها و قالت بتعب : كييييف اسوي شعري ..؟ و اخيرا جا ع بالها تربط الشريطه ع شكل فيونكه و تلم شعرها ع خفيف .. الساعه سبعه و ربع اتصل فهد و قال لها تجي ع السياره لبست اشواق الكعب و هي خايفه انها تطيح بس طمنت نفسها و مشت بشويش لين وصلت للسيارهه ...، اشواق بخجل : اتإخرت ..!؟ فهد وهو ضايع يناظر فيها : هاه لا لا بس جد انك باينه مرا حلوه ... ! اشواق بحزن : لا ماظن. ، فهد وهو يقنعها : وربك رغم بساطتك باينه قمر و اصلا دام فهد اخوك انتي قمر مايحتاج ..، ضحكت اشواق و قالت : ربي يسعدك ياخوي فهد ..،
و بعد لحظات وصلو الاستراحه الي صايره فيها الحفله .. فهد وهو يشوف الوقت : اشواق .. ، اشواق وهي تحط مرطب خفيف و ف يدها المرايا : هاه. ؟
فهد: لين متى تقدرين تقعدين معاي ، اشواق :امم لين الساعه تسعع. نص ،
فهد : ليهه بدري. ' خليها 11 و انا اوصلك ، اشواق وهي تناظر جوالها. : لا فهود اتجننت مقدر والله ، فهد بإبتسامه : اوكي خلاص انزلي خليني اعرفك ع بابا ، ...
فاديهه كانت واقفه عند الباب و منتظره فهد من يوم ماسمعت من ابو فهد انه راحح مشوار و راح يرجع بعد شوي و كانت ف يدها الهديه الي سوتها لفهد ف كيس كبير و فيهه بوكيه ورد طبيعي ..،
اشواق وهي واقفه عند السياره : فهد مدري ليه خايفه مرا ..، فهد وهو يقرب من اشواق : و ليه خايفهه ...؟ ! اشواق وهي تنزل عيونها : مرتبكه و خايفه اول مرا اروح حفل كذا ..، فهد ابتسم و مد لها يده و قال ; لا تخافين اخوووك فهد معاكك. ،
فهد كان باين مرا خقه و ذوق كان لابس بلوزهه بلووون اسود و عليه جاكيت بلون ابيض و بنطلون ابيض ضيق و بوت اسود و ابيض و ساعه بلون ابيض .. ،فهد كان اسمر بس مو مرا و شعره طويل شووي.و نحيف شوي ،
فاديهه كانت منتظرته بجنون ماشافته من خمس سنين و كل بعد شوي كانت قاعده تتتخيل كيف صار شكله الححين و من يوم صحيت حتى مافطرت من فرحتها بحفلة اليوم. .. الدقايق كانت حاستها ساعات طويله ف انتظاره ...، فاديه البنت الرقيقه الحلوه و النحيفه و انيقهه برشاقتها كانت لابسه فستان طويل لونه بيج. و اكمامه شفافه و طويله و الحلق شوي مفتوح و مسويهه تسريحه مرا جنان و ع مكياج خفيف كانت طالعه جنان مرا،
دخل فهد وهو يضحك و يتسولف مع اشواق .. انتبهت فاديه و قالت بصوت عالي : ف ف فهددد ، التفت فهد و شاف فاديه و ابتسم و قال : اوووووووووهه هاي فاديهه .. كيففك ياقمر ...!
اشواق كانت مستغربه بقوا و قاعده تناظر فهد و مفهيه ع اخر ..،
فاديه بكل فرحه : فهد مرا صرت حلوو ياناس مو مصدقه اني اخخيرا شفتك ... ، فهد بابتسامه : حياك ياقمرهم بصراحه فرحتيني بجيتك .. امممم كمل وهو يناظر ع اشواق : هذي اشواق اختي و صحبتي .. اشواق هذي فاديه صحبتي سابقا هه ..، ابتسمت اشواق و بدون اي تعليق سلمت عليها. ، فاديه بكل رقه و دلع : اشواق انا حاسهه خلاص مهمتك انتهت و جات فاديه علشان فهد هههه .، مشكورا وايد انتبهتي عليه هههه ، فهد : استاإذنك بروح اسلم ع بابا ، لا مو كذا يا فاديه ع فكرهه انا الي اجبرتها تتصاحب معاي. ،
اشواق كانت مستغربه حيل من الي صاير و انحرجت بقوا من كلام فاديه اتمنت لو انها ما شافتها اساسا ،
فهد كان قاعد يمشي خطوات سريعه و معاه اشواق تمشي بشويش و غرقانه ف التفكير. ، ..
ابو فهد وهو ينتبه لهم : ياهلا ياوليدي يالامير ياهلا ... ، فهد بإبتسامه بعدما باس ابوه ع راسه : بابا هلا فيك كيف صحتك ... بابا هذي اشواق تدرس معاي بالجامعه قلت لك عنها قبل ..، سلم فهد ع اصحاب ابوه الي كانو واقفين و من ضمنهم ابو فاديهه. ،
اشواق وهي تسلم ع ابو فهد : كيف صحتك ياعمي ان شاءالله بخير. ، ابو فهد بإبتسامه : بخير بخير يابنتي فهد حكاني عنك قال لي بنت طيوبه سويتها اختي ف قلت اشوف اختك الي خلتك تعقل بحياتك هههه ...، ابتسمت اشواق بخجل و قالت ; الله يطول بعمرك ياعمي .. ، فهد : يالله اشواق تعالي نشرب عصير ، اشواق وهي تمشي مع فهد : اووف شوف القمر اليوم كامل ... ، فهد وهو يناظر فيها : ايه ، حلووو،
و فجإة جا صوت من عند الطاولات و الكراسي واحد قاعد ينادي فهد و يإشر له راح فهد عنده و اشواق معاه الطاوله كانت جنبها ست كراسي و اربع من اصحابه كانو قاعدين. , صاحبه عبود بإبتسامه : حياك فهد اقعد معانا عطنا وجهه يالامير. ههه ، فهد قعد ع الكرسي الي جنب عبود و قال: ايوهه كيفكم ..؟ اوه نسيت اعرفكم ع اشواق صحبتي ، فهد وهو يناظر اشواق : هذي اشواق صحبتي بالجامعه ..،
اشواق اوول ماتقدمت و كانت رايحه تسلم ع عبود الي جالس جنب فهد اتقطعت جزمتها و طاحت ع فهد ...!!!
واحد من اخويائهه قال بصوت عالي : بسسم الله ..، اما عبود فطس ضحكك و الاتنين الي كانو جالسين جنب بعض قاعدين يتكلمو و يضحكو مع بعض ..،
فهد بكل حنيه : اأ أاأشوواق انتي بخير؟ اشوواق بعدت نفسها بسرعه و مشت خطوات سريعه عشان تبتعد من هناك كانت متفشله مرا بقوا و وجهها احمر من الخجل و الدموع ف عيونها و م حسست انها مشت قد كذا كثير انها جات مكان مافيهه ناس كثيرين و زي الحديقهه مليانهه اشجار و طاولتين محطوطه مع كراسي جلست اشواق على الكرسي و بدأت تبكي و حاطه يدينها ع وججهها فشلت فهد قدام اصحابه و الكل ضحك عليها ... و فجإة سمعت صوت كاميرا و كإنهه احد قريب منها ..!
اشواق نزلت يدينها من وجهها و شافت قدامها ..!
حمد بابتسامه : هإي نحن هنا. .. اوف وش فيك تبكين قولي لي منو ضربك لإاروح ادبحه إلححين هه ، طنشته اشواق و كإنها ماشافت شي ...، حمد بإستغراب سحب الكرسي لحد عندها و جلس و حط الكاميرا ع الطاوله و قال : انتي ماتشوفيني و لا وش ياهو انا بشر هههههايييي بنت وش إسمك. ؟
اشواق بصوت منخفض : اشواق. ، حمد : اووووهه طمنتيني اني بشر مثلك ع بالي قاعد اكلم الهوا ههههه ، هيا قولي لي منو زعلك. ، ؟ اشواق قولي ...!
اشواق بقهر : محد تقدر تروح من هنا ..!
حمد بزعل : ماني رايح قووولي قوولي ..،
اشواق و هي توقف : انا راح اروح ..!
حمد : اشواق روقي و اجلسي ...،
فجإة مر عليهم واحد و معاه كاسات عصاير حط لهم عصيرين و راحح ..،
الصدق اشواق كانت عطشانه بقوه و مو مستحمله و بدون اي تفكير شالت الكاسه و شربت العصير ..، حمد بإبتسامه : بالعافيه ..، اوه صح اشواق نسيت اسإلك انتي تعرفين فهد صح ، اشواق وهي تناظر ع الإرض : ايه اعرفه اخوي و صديقي ، حمد : اها ربي يخليكم لبعض..،
اشواق : امين، ماقلت لي انت صورت مين بكاميرتك هذي. ، حمد وهو يصرف لها : القمر صورت القمر تدرين اشواق انا لمن سافرت صورت مناظر كثيره اذا جيتي يوم راح اوريك الصور مرا حلوه ترا و كمان حاوولت ارووح اماكن طبيعيه ... و رحت للبحر بعد مليانه صور بصراحه نفسي اوريك ، ابتسمت اشواق و قالت : طيب راح اشوفها.،
حمد كان عمره 28 طبعا اخر العنقود من اخوانه و اخواته عالمه كلهه سفر و رحلات و فرفشه و سوالفه ماينمل منها كثيرات حبوه و اتجننو فيهه بس هو كان يعامل الكل بكل ذوق و بس. ماعمرهه خصص احد لمشاعره و احاسيسه ..،..و ف نفس الوقت انسان جدا فوضوي .. و يعشق الشياكه و الكشخه و يموت ف العطور .. و احيانا كان يكتب خواطر من عقله ف موقعه الخاص .. و طبعا كان عنده اصطبل خاص للحصان حقه الي يومه ما يمر بدون مايشوفهه ...
حمد كان نحيف بس مو مرا و طويل شوي و ابيض مايل ع سمار قليل .. بس كان عليه جمال يجذب الكل.. ،
حمد : اوووه حتى جوالي مو معاي محطوط ع الطاوله الي اصحابي جالسين فيها ...' يالله اشواق نمشي ..؟
اشواق انتهبت و شافت رجولها و افتكرت انه الكعب انقطع و اكيد مرمي نفس المكان ....! اشواق ف نفسها : اما امشي حافيه لين اوصل سيارة فهد و هذي اللزقه حمد مايبي يفارق اوف وش ذي المصيبه ...، ....
نهايةة بارت 1 ....،
يهمني رأيكم !!

رد: رواية [[ ارجوك انساني ]]

واو تجنن

استمري ننتظر جديدكك

Sent from my GT-P3100 using منتدى عبير mobile app

رد: رواية [[ ارجوك انساني ]]

ثانكسسسس حبيبتي تسسسلمين لي ... ^_^ اوووكي راححح انزل و اكيد ...

رد: رواية [[ ارجوك انساني ]]

يعطيك العافيه
استمري

رد: رواية [[ ارجوك انساني ]]

ثانكسس الله يعافيك

رد: رواية [[ ارجوك انساني ]]

{{{ باررررت 2 }}}}
حمد وهو ينتبه : اشووووواق ... وين جزمتك ؟ اشواق بترردد : مدري ، يمكن لمن كنت جايه هنا ماكنت لابستها ، ... حمد : طيب و كيف بتروححين. ؟
اشواق بخوف : انا بروح لسيارة فهد بقوله يوصلني البيت ..، حمد بكل تفاهم : خلاص البسي البوت حقي و لمن توصلي للسياره حطيه برا و انا برسل احد عشان يجيب لي ..، اشواق : لا لا لا مابي مابي ، مشكور راح اروح كذا ..، مشت اشواق بسرعه عشان لاحد يلاحظ انها حافيهه .. و طنشت حمد الي قاعد يناديها ..، عاتبت نفسها و ف الاخير اقنعت نفسها انهه الي كان الصح سوته ..
خرجت من الاستراحه و وصلت السياره وقفت هناك و شافت فهد نايم ... ف السياره ..! طقت الزجاج مرتين صحي فهد و انتبه و فتح لها ..
جلست اشواق ف السياره و لمن افتكرت الموقف بكل خجل قالت : فهد من متى انت هنا ..! فهد وهو صوته ف النوم قبل شوي انتظرتك و من ربع ساعه اتصل ف جوالك و افتكرت انك ناسيه الشنطه هنا .. ياحظي .. ، اشواق : اممم كنت جالسه لوحدي الا خالك جاء .. بصراحه مرا ماحب خالك كلامه كثير ..، فهد و هو يعدل جلسته : افا ليهه. ؟ و ليه اختفيتي كذا انتظرتك كثير لين مليت و مالي نفس ع العشا حتى قلت لإبوي بروح البيت و انام ..! ..، اشواق : فهد انا اسفه اليوم فشلتك قدام اصحابك بس وربي ماكنت ادري انه هالجزمه بتنقطع و اصلا مو حقتي حقت رانيه. ، فهد. وهو يشغل السياره : لا عادي بالعكس ..!
وصلت اشواق البيت الساعه 9 و نص تماما عمتها كانت ف المطبخ راحت عندها و قالت : عمتي وش تطبخين تصدقين اني جوعانه حيل ...!
العمه : يابنتي فين رحتي .. ؟ اشواق وهي تبتسم ; كنت ف حفلة مع صحباتي و بس ماتعشيت قلت لصحبتي توصلني بسرعه .. .العمه : شوفي انتي رجعتي بس اختك الله يهديها و يصلحها مارجعت لين الحين ..، اشواق وهي تطمن عمتها : لا تشيلين همها راح ترجع تلقينها مع داليهه صحبتها ..، العمه : طيب طيب يالله انتي كلي معاي ..،
ف بيت فهد _ فهد وهو ع فراشهه فتح اللاب و رقد عشان يكتب كعادته مذكراته'
{ تووي. وصلت اشواق و جيت رقدت اهه جوعان و فيني نوم ...
رجعت فاديهه ف حياتي .. فاديهه الي تحبني و انا ابد ماحس بإتجاهها هالاحاسيس .. احس نفسي قاسي .. بس وش اسوي يوم هالقلب مايتإثر لامنها و لا من كلامها .. هي بالنسبه لي مجرد صديقهه اعاملها بالرسميات .. و خاصةة لمن عشت مع اشواق حسيت الدنيا مالها طعم بدونها ...،اتعودت عليها حيل نفسي ادلعها و اخليها بس تضحك و تبتسم ف حياتها ابغاها مبسوطه دايما .. و لين اليووم ماأنسى لمن سويت حادث و قلت لها على الجوال كيف خافت علي و اتجننت يومتها حسيت بشعور اني اهمها حيل حيل حيل .. اي انا اهمها .. و هي تهمني .. بس ماعمري اظهرت هالمشاعر ليها هي تهمني حيل بس ماتدري و ماتتوقع اكيد قدايش}
... الساعه وحدهه ليلا قبل ساعه رجعت رانيه و نامت و العمه بعد نامت .. اشواق كانت صاحيه مع دفترها و قلمها تكتب و تكتب و تكتب ... راح اقعد اكتب و لين اخلص هالدفتر و ابدأ اكتب ف الي بعدهه .. اليوم مريت بموقف صعب صعب بالنسبه لي .. وش دخلني ف هالعالم .. البنت الي اسمها فاديهه ذلتني بكلامها و جرحتني .. كثير .. شفت ف عيونها تحدي بس على ايش .. تبين فهد خذيهه بكل عافيهه اصلا هو يعاملني مثل اخته و عمره مافكر ف اي شي و حتى انا هو لي مجرد اخخ يحس فيني و يعزني و يخاف علي .. و بصراحهه خفت منها .. افتكرت مرت ابوي .. كانت مرا مغروره .. كثير ذلت امي و انا صغيره كنت اتحمل و اسكت كعادتي لين ربنا اخذ روح ابوي و مرتهه ف حادث .. حادث عمتي تعرف كل تفاصيله .. مرض امي ازداد لدرجهه انها اعطتني عمرها .. عشان اعيش و اكمل الشقى .. الي ماله نهايهه ... لو كنتي يامي إلححين معي كنت اعيش مبسوطه و مماحزن و لاخاف من اشكال الي زي مرت ابوي ...! .، امي للإسف بنتك رانيهه تغيرت حيل صارت ماتجلس معاي .. و تكرهه فهد ليش تكرهه مافهم .. فهد يعزنا و يخاف علينا و هي تكرهه لين يومنا ذا و انا مافهم سبب كرهها.. ! يممكن عشان هو غني .. بس ذا السبب ما يقنعني لانه حتى داليهه و اخوانهها غنيين.
امممم يالله النوم ذبحني برووح انام ..؛
_ الساعهه 7 صباحا
خووي حمد حط لايك ع اخر كلمات كتبها حمد ... الي هي
( و انا لمن أشوفك أشوف ف عيونك حياتي قلبي لك أسير بس ما أعترف حتى لذاتي ..
هو غرور و لا محاولﮩه عشان أنسإاك؟
تتوقعين أحبك و لا مجرد عابر كتب أحساس قلبﮩه وهو ف الحقيقه قاسي...! )
حمد بإبتسامهه كتب ف التعليقات “ ثانكس ع اللايك ي زيزوو اوول لايك ههه'
_ حمد كان جالس و ف يدهه الإيباد و ينتظر الفطور قدام الطاولهه الفاضيهه و ف نص محطوطه مزهريهه كبيرهه بورود حلوووه ...طبعا ما كان في اححد ف البيت هدوء ف كل مكان حمد اتعود ع هالعيشهه بسبب سفرهه الكثيرر ...
حمد بصووت عالي : وسام وش هالتإخير انا ميت جوع ..!
وسام الشيف الخاص لحمد يفهم ع طبعه و ذووقهه ف الإكل و لمن يكون موجود ف هالبلده يرجع البيت عشان يطبخ لهه احلى الأكلات بالراتب الرهيب الي كان يعطي لهه حمد ..،
جاء وسام و معاه الفطور و بكل سرعه بدأ يححط .. وهو يقول : اسف اكتير ياسيد حمد .. بس مئاضي البيت بتنتهي و مالئيت غير البيض و الحليب ...،
حمد وهو يشمق: ياخي بطلت افطررر انت عارف اني ماحب البيض و اكرهه الحليب وسام وش فيك اليووم طيب اطلب لي الفطور و بسرعهه الله يسامحك بس ..،
وسام راح المطبخ و اخذ التلفون و طلب '
حمد شال الجوال و اتصل ع عامل الي يشتغل ف الاصطبل ..،
العامل : الو الو الو ،
حمد بإبتسامه. : كيفك ..؟ اممم نظفت خلاص ..؟
العامل : ايوا ايوا كله نظيف ..، حممد ; اوكي مشكور ...يعطيك العافيه. ،
_ بعد لحظات وصل الفطور .. و وسام رتبهه ع طاوله و بكل اددب قال : اتفضل استاذ حمد بالعافيه الفطور..، حمد وهو يناظره : تعال اجلس و افطر معي ... و صح كنت ابي اقولك لا تجي البيت وقت الغدا راح اتغدا مع اخوياي...، و العشا بروح عند فهد ..، وسام وهو يجلس : كتر خيرك استاذ ولك يسلم لي هالئلب الطيب،
_ اشواق وهي تتجهز للجامعه بسرعه و تكلم فهد : اسمع فهد من بكرا الاختبارات ... يووووهه قهر .. فهد وهو يسووق : اي انقهري بكيفك .. بس لازم تذاكرين فاهمه يالخبله..، اشواق بحماس : بس احلى الأجازهه وربي من كثر ماني متحمسه ع الاجازه ناسيه هم الاختبارات حتى ..، فهد : هههههه اي والله خليك كذا ..،
اشواق : فوف دقايق بس اليوم بسوي لك السندويش الي دايما تطلب مني اجيب لك ...، فهد وهو مبسوط : واو من جد .. ليت كل يوووم تسوينهه عودتيني اكلهه و لهه طعم رهيب مرا ي الخطيره وش تحطين فيه. .؟ ، اشواق وهي تضحك ; احط فيهه مسكرات عشان تدمنه و تطلب تأكله مرا ثانيهه ، فهد : ههههههه ابشري ببلغ عنكك يالاخت اشواق ..، اشواق بحزن : فوف يالزفت صدقت امزح ... بس كفايه اشواق الشاطرهه تسويهه و يطلع طعم مرا ..، فهد بإبتسامه : ربي يخليك لي يالشاطره انتي ..، اشواق : اننننننن باي اشوفك ف الجامعهه.. ،
اشواق طارت ع المطبخ و طلعت شرايح الدجاج الي طبختها من ليل و سخنتها بسرعهه و حطت كل المقادير و بدأت تسوي السندويش طبعا اتنين واحد ليها و الثاني لفهد .. خلصت و حطت ف الشنطهه و جريت ع الباب وهي تقول : عمتي اليوم تإخرت يلا باي ..،
_ ف الجامعهه اشووواق وهي تزعج فهد : اووووهه صح سويت السندويش بس ماني معطيتك ..، فهد وهو يناظر فيها زي القط الجوعان : وليه .. اهجدي ياشواق و اعطيني تراني مافطرت و حدي جوعان هاتي يلا ..، اشواق حطت الشنطه ف حضنها و مسكتها بيدينها بكل قوه و قالت : اول قووول لي هذي فاديهه صداقتها معك مثل صداقتنا ...؟ فهد بلا مبالاه : لا و ستين لا بس صحبتي ماعرفها كثير ..هاتي السندويش و لا ...، اشواق وهي تشمق ; و لا ايشش ؟ ..، فهد بكل رواق : ولا اتوقعي اي شي ...، اشواق : مثلا مثلا وش ...؟ فهد : اصكك ..! اشواق بقهر : تصكني وشش ؟ فهد وهو يضحك : اصكك قرصهه قويهه ع خدودك هاتي احسن لك ..، اشواق : يمه خوفتني .. راح اكسر يدك لو قربت حتى ....' و كملت وهي تطلع السندويش : خذ يالدوب الحقود ...، فهد فطس من هالكلمهه و بداإ يضححك ....
اشواق : ابي اكل ايسكريم اليوم..؛ فهد : اوكككيي من عينيا ... بس يالله ع القاعهه،شوفي الساعه كم ، ...
_ حمد كان جالس ف الشاليهه مع اصحابهه ... الجو كان بارد اليووم وشووي حلووو و عشان كذا كانو جالسين قدام المسبح ..
كان لابس حمد برمودا بلون ابيض و بلوزه بدووون اكمام بلووون اسود و شعرهه مبلل شوي و ف يدهه الايباد و جالس و رجوله ف المسبح و معاه راكان يتسولف وياه ..، حمد وهو كإنهه يفتكر شي : اي ياخي راكان كنت ابي اوريك الصور الي توي مصورها ابي رأيكك ..،راكان : قبل لا تقول ترا في مسابقهه كبيرهه ع احلى صورهه تصور و تبدع ف تصويرك واحد من اخوياي قال ...،حمد بتفكير ; امممم اذا انت تشارك انا اشارك. ، راكان ; ياحبيبي ع مستوى العالم ..! حمد : من جدك ؟! راكان : ياخي انا مابشارك انا فإر م اعرف اصوره .، حمد : طيب انا بشارك بجرب حظي ..، راكان : طيب انا برسلك الرابط عشان تقرا و تتسجل و تتفاهم معاهم ..، حمد بإبتسامه : اوكي حبيبي يسلموء ، و كمل وهو يإشر ويوريه الصور : شوف هذي توي قبل ايام صورت وش رايك ف التصوير ..، راكان وهو ينتبه: منو هذي ؟ ، حمد وهو يناظر صورة اشواق وهي حاطه يدينها ع وجهها : اما نسيت اسمها خوويةة فهد قصدي اختهه ع قولتهه خخخخ ، راكان وهو يضحك : ابدعت ف التصوير باقي اكتب التعليق كم صار عمرك يالحزن خخخخخخخخ ، حمد وهو فاطس : وربي انك زفت هههههههههه .. دقيقه بسويها ديليت لو شاف فهد راح يقطعني ..، راكان : اتوقع لو شاركت بالمسابقه و عرضت هذي الصوره بتطلع الفايز الاول ..، حمد : و اتخيل البنت تدبحني و تإخذ الجائزهه ... هههههههه. ، راكان : لا حرام خلاص مسحها ..، حمد مسح الصوره وككملو سوالفهم بالضحك و التريقهه ...
الساعهه 12 ظهرا .. اشواق و فهد ف السيارهه بعد الدوام .. اشواق وهي تشيل شعرها بالشباصه: شفت دارين يوه قهرتني يوم مسويه نفسها الشاطره و انها راجعت المنهج الصعب ... طيب وش نسوي لك مثلا ..، فهد : اي والله بغيت اسإل الاستاذ كم اسئلهه بس ما عطتني فرصه ياخي صج تقهر ..، اشواق : يلا ع الايس كريم عشان اروق و انبسط .. ، فهد : يب انسي بس ذاكري زين و لا وش رأيك نتفق و نلتقي عشان نذاكر مع بعض ..، اشواق : يس فكرهه حلوووه ..، ...
_ ف الشاليهه .. طبعا راكان بعد نص من سوالفهم راح و نام ف الغرفه
دخل حمد ف الغرفه الكبيره المكيفه ع أخر تبريد شاف راكان نايم ع السرير و ديكور الغرفه لونين بني و بيج ..
حمد بصوت عالي وهو يسحب البطانيه : راكان قوووم بسرععه امشي نتغدا ... راكان رراكان ياخي قوم ... ، راكان ف سابع نومه و مو داري..، حمد قرب منه و جلس ع السرير وقال : راكان قوم يالدوب و لا بتصل ع معجبتك غرام و اخاويها ..، راكان قام و القهر مالي عيونه : حم ... ، حمد بإبتسامه : كمل كمل كمل ...! راكان وهو يضحك : حمودي حبيبي خلني انام روح امانه لا تزعجني ..! ، حمد : راكان وش فيك وراك دوام ..، راكان وهو يجلس : والله صح عندي بالاستديو شغلات مهمه .. و بعدين مدير الإنتاج خاصمني ع التإخير، حمد : اكيد من كثر معجبينك ي المذيع راكان ..، راكان بضحكه : لا انا مفكر بمشروع كمان ... و ف الليل عشان كذا م اقدر اكون معاكك اشبك انا اخر واحد اكون قاعد ف الاستديو ..، حمد : يالله اتجهز و ننزل نتغدا ..، راكان وهو يووقف : اوكككييي حبيبي ..،
_ الساعه 1 تماما رجعت اشووواق البيت .. مرت ع غرفة عمتها و سلمت عليها و شافت رانيهه الي لين إلحين نايمهه .. اشواق وهي تحط الشنطه و الكتب : رانيه وش ذا النووم قومي خلاص ..،
رانيه وهي ف النوم : اليوم كان فيه دوام ؟ ، اشواق وهي فاتحه الدولاب و تختار الملابس : اكيد انا رحت ع بالي بتغيبين ماصحيتكك.. ، رانيهه وهي تقوم : اوف كنت بروح لازم كنت براجع قبل الإختبارات ليه ماصحتيني..، اشواق بندم ; اسفه وربي .. اسإلي من اي احد ف قاعتكك! ..، رانيه وهي تقوم : اوكي بحاول ..، اشواق : يلا استاذنك بروحح اتروش ..،..
راحت اشواق تتروش و العمه ف المطبخ تجهز الغدا و رانيه معاها ..
خرجت اشواق من الحمام و كانت لابسه بجامه بلووون اسسوود و بلووزه طويلهه بلوون وردي عليها رسمة ورده بالاسوود كانت فارده شعرها المبلل الي الين نص ظهرها ..
لبست اخراس سوده صغيرهه و حطت كحل .. طبعا ماكانت تتجهز للجامعه كذا و عمره فهد ماشافها وهي متجهزه و لو قليل .. لإنها عمتها كانت تخاف عليهم و ماتخليها تلبس غير التنوره و البلوزه و اما رانيه كانت تمشي بكيفها و ترد ع عمتها بإنهه عادي و مافيها شيء ..
' قامت اشواق من قدام التسريحه و طلعت من دولابها مذكرتها الي كانت مرا دوبا و مليانه بالاوراق و طلعت القلم من شنطتها و بدأت تكتب .. كل لحظهه ف حياة الأنسان تكون حلوووه اذا عاشها بكل امل و يقين انهه راحح يعيش ايام احلى من هذي الأيام بكثيررررر امنيتي اغمض عيوووني و تتساقط قطرات المطر علي و اكون مبسوطه و مرتاحه و القى القلب الي يفديني بروحهه ياترا ي اشواق راحح تعيشين هذي الحياه الي انتي تحلمين فيها اسإل نفسي .. و اجاوب نفسي اي اكيدد دام عندي قلب ينبض بكل امل و تفإؤل .. كثيرر تغيرت حياتي .. اول كنت افكر انه البشر كلها تفكر ف الشر و تتمنى الشر للناس بس من يوم لقيت ف حياتي ارواح جميله صرت اقول و عشان الناس الي تعزني من قلبها و تغليني عشانهم لازم اتفائل و اعيش بكل امل و سعاده .. مجرد حلم اسافر و اشوف الطبيعهه و اشوف البحر و اجلس قدام البحر و اكتب اشواق الخياليهه .. و احط رجووولي ف البحر و اشوف الطيور تطير بكل حريه .. “
و فجإة اشواق توقفت عن الكتابه لمن سمعت جرس البيت و ف هذا الوقت مييين ياترا ..،
العمه تنادي بإعلى صوت : اشواق شوفي مين ع الباب .....!

رد: رواية [[ ارجوك انساني ]]

اشواق جريت ع الباب و فتحت الباب و عيونها مفتوحهه عشره ع عشره و مفهيه ع إخر ...شافت قدامها شخص واقف لابس نظارهه شمسيه و تيشرت اسود و بنطلون ضيق بلون ابيض .. و شايل الشنطهه و ف يدهه الثانيه شنطة السفر ...
اششواق وهي تصرخ بإعلى صوتها : زياد زياد ياعمتي حطت يدها ع فمها من الفرحه و نسيت حتى تقول له شي ..،زياد بإبتسامه : شكلي غلطان بالعنوان،
اشواق وهي خجلانه من غبائها : ا اتفضل زياد ..
العمهه اول ماشافت ولدها نزلت دموعها من الفرحه،باسها زياد ع جبهتها و نزل النظاره و قال : كيفك يالغلا وحشتيني ياأغلى الحبايب.،
العمه جلسته ع الكنب و قالت : انا طيبه انت كيفك ياوليدي وربي انتظرت هالساعه من سنين
رانيهه جات و جابت المويا و سلمت و راحت '
اشواق كانت متحمسه و ما فارقت عمتها و زياد و لا لحظهه ..
زياد وهو يناظر اشواق : صرتي قمر يابعدهم ..!اشواق بخجل : تسلم زياد وربي صرت كشخه و انت بعد ماشاءالله ربي يحميك ياخوي..انا بروح ارتب لك الغرفهه ..، زياد وهو يناظرها : ع وين لا اقعدي خليك اتغدي واجلسي معاي مو مستعجل ارتاح.،العمه : ايوا ياشواق عادي ..، اشواق بعتاب : و ليه ماقلت لي من اول انك جاي كنت اجهز لك الغرفه ، زياد وهو يحط نظارته الطبيه ; اممم كنت بفإجئكم ههه ، اشواق :طيب بحط الغدا عمتي انتي اجلسي مع ولدك ..، اشواق كانت رايحه زياد مسك يدها و سحبها و قعدها ع الكنب الي قباله و قال : اجلسي رانيه راح تحط ..،اشواق ابتسمت بخجل و مافهمت ع زياد و حركته هذي ..،
زياد كان نحيف و ابيض و شعره شوي طويل و دقن خفيف ع خدودهه كان يجنن بمعنى الكلمه و مرا كيوووت من شكله و بريىء و هادىء جدا و كان يعشق الهدؤء و رومنسي و طيوب حيل،
_ جات رانيه و حطت الغدا و قالت بدون انتباه : يالله اتفضلو، العمه بحنيه : رانيه تعالي انتي كمان وين رايحه انتي مافطرتي حتى ..،رانيه : اجيب جوالي واجي يمكن داليه تتصل علي ..،
و بعد لحظات كلهم اكلو .. رانيه راحت ع غرفتها و قالت بتروح تذاكر ... اما اشواق جلست ف الصاله مع زياد و امه ..،
زياد وهو يقومم :انا بروح اترووش والله حاس نفسي متكسر ..، اشواق : اووكي طيب اعطيني ملابسك ارتب لك هي ف الدولاب عمتي تعبانه و مابي اتعبها اكثر. ، العمه : الله يسعدك يابنتي انا بروح انام و اغراضي انقليها ع غرفتكم و انا اقول رانيه ترتبها و تحطها..، زياد شال الشنطتين و حطها بالغرفه.و راح يتروش انشغلت اشواق و بدأت تحط ملابسه و ترتب الغرفه و تشيل اغراض عمتها لانهه الغرفه كانت نفس غرفه عمتها نطفت الغرفه بتمام وقفلت المكيف و فتحت الستاير و خرجت راحت المطبخ و شربت مويا و راحت غرفتها.
شافت عمتها نايمه ع سريرها و رانيه جالسه ع سريرها و تذاكر مالقيت حل غير انها ترقد ع ارض.. شافت ع جوالها مكالمتين لم يرد فهد الخبل ..
كتبت له رساله { اسفه فهد كنت مشغوله مرا.. ' } و بعد شوي رد فهد { بعد ايش ..؟ امززحح اسمعي اتورطت مع فاديه اتصلت علي و عزمتني ع الغدا ماقدرت ارفض لها بس طفشت و فقدتك ياختي}
اشواق ردت : { انا بنام و ف الليل اقوم اذاكر تصبح ع خير } ..
_ الساعه 1 و نص ليلا قامت اشواق ع صووت عمتها .. وهي تقول : اشواق قومي ذاكري. ، اشواق جلست و لمت شعرها بالشباصه شافت رانيه نامت ..،و عمتها قاعده ترتب الاأغراض ف الدولاب.،اشواق وصوتها ف النوم : عمتي الساعه كم ؟، العمه : الساعه واحده و نص ،
قامت اشواق من فراشها و غسلت وجهها و اتجهزت شوي مشطت شعرها و لمته بالشباصهه .. شالت الكتاب و الدفتر و المرسمه عشان تذاكر و خرجت تجلس ف الصاله ماحبت تذاكر ف الغرفه عشان رانيه لاتنزعج عمتها راحت تسوي الفطور لولدها و لكلهم ..العمه وهي ف المطبخ : اشواق يابنتي روحي صحي زياد كثير نام خليه يقوم يفطر معانا ، اشواق وهي تذاكر : اوكي عمتي، و كملت وهي تشوف زياد توه طلع من غرفته : اممم عمتي زياد صاحي ..، العمه حطت السفره ..
أشواق راحت المطبخ عشان تجيب مويا زياد دخل المطبخ و ناظر فيها و قال بعتاب ; عندك اختبارات و ماتقولين لي و رتبتي لي الغرفه ليهه كذا ..!.، اشواق : عادي يا زياد وش فيها و ..قاطعها زياد و قرب منها و قال بصوت هادي ومتغير : حطي عينك بعيني، اشواق نزلت عيونها بخجل و دقات قلبها تزيد و كانت مرتبكهه و خجلانه بقوهه و قالت بكل ترردد و عيونها ع الإرض : هاه ، زياد : اوعديني تذاكرين و تجيبين نسبهه حلوه ؟ ،اشواق بعدت شوي و بكل خجل قالت : ان شاءالله و راحت،..
اكلوو كلهم و العمه راحت تنام عشان كانت بتروح لمحل الخياطه ف الصبح لانها ماداومت امس بالمرا ..
اشواق كانت مقفله جوالها ..فهد اتصل مرتين و استغرب و انشغل باله..
ف الصاله _ اشواق كانت جالسه تذاكر و زياد مشغول ف جواله، اشواق: زياد مافكرت تتوظف. ،زياد وهو يناظرها ويحط الجوال: الا بس صاحبي قال عبر النت اسهل كذا تروح تدور اي وظيفه محد بيعبرك ومشكله ماني عارف ولا عندي لاب بس ادبر ف يومين ان شاءالله، اشواق وهي تفكر : الله يعينك.انا قلت عشان مو كفايه عمتي تكون تعبانه و تروح للمشغل الخياطه و تشتغل بتتعب اكثر ، زياد وهو يناظر اشواق : صح كلامك ان شاءالله ادبر لنفسي اي وظيفه بسرعه دعواتك بس. ، ابتسمت اشواق و رجعت تذاكر و اما زياد قام و راح غرفته ماكان يبي يجلس و يحرجها وهي تذاكر مع انهه الغربه هدت حيله و كان مشتاق وايد يجلس معاها بس فكر ف مصلحتها و اختباراتها ..
الصباح الساعه 6 .. بدأت اشواق تتجهز لبست تنوره جينز و بلوزه بلون ابيض و شالت شعرها زي ذيل الحصان و حطت مرطب خفيف .. افتكرت السالفه الي فكرتها ف الليل و فتحت دولابها تدور الصندوق الصغير حقها فيها حاجات بسيطه من امها للذكرى شافت سلسلة الذهب الي امها اعطتها كانت غاليه مرا و حلوه و ع شكل قلب .. طلعتها و رجعت الصندوق مكانه حطت الكتب ف الشنطه و السلسله سوتها ف المنديل و حطتها ف الشنطه طبعا كانت مفكره تبيعها و تشتري لاب توب لزياد ..
شالت اشواق الكتب وافتكرت فهد قال لها يبي منها كتابين فتحت الدولاب وهي مفهيه ع اخر شالت دفتر مذكراتها والكتاب الي محطوط و حطتهم ف الشنطه و مانتبهت انه الثاني مو كتاب ..!
رانيه دخلت الغرفه و شافت الساعه ف جوالها و قالت : انسه اشواق يالله ع الجامعه اتإخرنا ابي اراجع مع داليه و خذي جوالك ، اخذت اشواق جوالها و شالت الشنطه و قالت : يالله رانيه ،
طلعو رانيه و اشواق من البيت و جلسو ف الباص و بعد لحظات وصلو الجامعه خرجت اشواق من الباص و شافت فهد جالس و باين من وجهه قهران اشواق مشت بسرعه و وصلت عنده اشواق وهي تشوفه : احم وش فيك فهود زعلان ؟ ، فهد بدون مايشوفها : وين جوالك ؟، اشواق جلست ع الكرسي وقالت: اوف زعلان عشان جوالي مقفل قلت لك كنت اذاكر يافهد ، فهد وهو يناظر اشواق : مو معناته تقفلين جوالك! ، اشواق وهي تقنعه: الا مرا ماركز كذا و اسفه ماعيدها، فهد ابتسم و قال : مايحتاج تتإسفين يالله نراجع ،
_ الساعه العاشره صباحا .. خرجو اشواق و فهد من قاعة الإختبار و هم يتسولفون و يضحكون .. و اما رانيه راحت مع داليه اول ماخرجت من قاعة الاختبار
اشواق وهي تفتكر : فهد خذ شنطتي انا بروح اشتري جالكسي جوعانه ، فهد: الا يالخبله وين الكتب الي وصيتك عليها ، اشواق وهي رايحه: الي ف الشنطه كلها ،
شال فهد الكتب و حطها ف شنطته وهو يإشر انه هو كمان يبي جالكسي، جات اشواق بعد شوي و اعطته و استإذنت منه عشان تلحق الباص اتحرك الباص و قبل لايوصل ع بيت اشواق. اشواق بصوت عالي : لو سمحت وقف هنا ابي انزل اشتري اغراض.. راعي الباص وقف الباص نزلت اشواق و شافت المحلات و شكرت ربها انه في محل لبيع الذهب ..مشيت اشواق خطوات سريعه و دخلت المحل طلعت السلسله و سإلت البايع : ع كم يقدر ينباع ذا ،البايع اخذ السلسله و شاف بالجهاز و ابتسم و قال : الف و عشرين ريال فقط ، اشواق بكل فرحه ; طيب خلاص انا ابغا ابيعه ، البايع طلع و اعطاها الفلوس و اخذ السلسله و حطها. ، خرجت اشواق وهي مبسوطه و تفكر ف زياد ..
راحت ع محل الإجهزه دخلت المحل و بكل حماس اختارت احلى لاب توب و سإلت ع كم ، البائع : ذا بإلف و سبع ميه ، اشواق بحزن افتكرت انه فلوس السلسله مو قد كذا اتجننت و فكرت و ماعرفت وش تسوي و بعد دقايق من التفكير طلعت الجوال الي كان اهداء من فهد جوالها كان مطور و اخر نوع و احلى نوع اشواق وهي تناظر الجوال : طيب ممكن تقول لي بكم اقدر ابيع ذا ؟ البائع : ذا ب الفين و سبع ميه و راح ينباع ب سبع ميه و خمسين ريال !، اشواق بإبتسامه : خلاص ببيع ذا و اشتري اللاب و كملت و هي تطلع الفلوس ..خذ ، رجعت عندها تقريبا ميتين و خمسين ريال سإلت البايع عن ارخص انواع الجوالات و اشترت لنفسها و خرجت من المحل مشت خطوات سريعه وهي مبسوطه ب اللاب توب الي اشترته كانت مفكره تفاجئه بالهديه منها اتوقفت لحظات قدام محل ملابس الشباب عجبتها البلوزه الي معروضه ف المحل كان لونها اسود و ابيض و الكتابه بالاسود مرا كانت رهيبه و ماركه و جات ع بالها فكره كمان و بكل ثقه دخلت المحل و اشترت بالفلوس الباقيه ، و اشترت ساعه مرا رهيبه و حلوه بلون اسود. ،مشت خطوات سريعه لمن افتكرت رانيه لانها كانت مفكره ماتقول لرانيه شي لانه حتى رانيه كانت عندها سلسله زيها من امها و مستحيل تقول لها انها باعتها ، و بعد لحظات وصلت البيت و فتحت باب البيت شافت جزمةة رانيه خافت بقوه و بلعت ريقها وهي شايله الإكياس والواضح اي احد يشوفها انها راجعه من السوق وجهها كان محمر و حالتها حاله .. فكرت بسررعه و جريت ع غرفة زياد بدون تفكير ..فتحت الباب بسرعه زياد كان طالع من الغرفه و انصدم فيها اشواق قفلت الباب ووقفت وهي لاصقه ع الباب و زياد قبالها زياد وهو مفجوع : ا اشواق وش فيك ؟ وش صاير ، اشواق بلعت ريقها و بكل خوف اشرت بعيونها انه يسكت وهي ف يدها شنطتها و الاغراض ، زياد وهو مستغرب : وش فيك اشواق خوفتيني ..اشواق ردي و قبل لايكمل كلامه لا إراديا حطت اشواق يدها ع فم زياد عشان يسكت زياد ناظر فيها بكل حنيه بعدت اشواق يدها و كانت خجلانه بقوا و ماعرفت كيف قدرت تسوي كذا ، سحبها زياد لعنده و قفل الباب بالقفل مشى خطوات سريعه. وهو ماسك يدها و جلسها ع السرير و قال بصوت يجنن : اشواق وش فيك ؟ ، اشواق بخجل وو بدون ماتشوفه : جبت لك هديه و مابي انه رانيه تعرف ، زياد وهو يناظرها و بصوت هادي : خوفتيني عليك ، أشواق طلعت اللاب من الكيس و البلوزه و الساعه و حطتهم ع السرير و قالت : هذي الهديه مني لك انت! ،زياد وهو مستغرب : و من وين لك الفلوس، اشواق : بعت السلسله الي ماما اعطتني و عشان كذا مابي انه رانيه تعرف..، زياد وهو يناظر فيها : مجنونه انتي ؟ ، اشواق وقفت و قالت : المهم بليز لا تقول لإإحد مابي احد يعرف ، زياد بكل جرائه وقف و قرب منها و قال : أبشري و ششكرا ع الهديه يا قلب زياد انتي. ، استحت اشواق و جريت ع الباب و فكت القفل و خرجت .. سعادتها كانت لاتوصف .. زياد يقول لها كذا ما اتوقعت.
زياد قفل الباب و رجع يشوف البلوزه و الساعه و اللاب الهبله ماكانت شالت اسعار الاغراض شاف زياد الحاجات غاليه و استغرب من تصرفاتها الغريبه بس الصراحه انه كان مبسوط من قلبه لإنه عرف انه اشواق تهتم فيه حيل .. و انه هو غالي عندها وايد حط الإغراض كلها ف الشنطه كإنه هو الي كان جايب معاه و حتى مافتح اللاب كان مفكر يفتحه مع اشواق بعدين ..
_ اشواق راحت و غيرت ملابسها لبست بنطلون اسود ضيق و بلوزه طويله بلون السماوي و اكمامها نص .. وقفت قدام تسريحتها و فكت شعرها و حطت كريم ع وجهها و يدها و شالت الشباصه ف يدها و راحت قعدت ع السرير و حضنت المخده و بديت تفكر .. و تبتسم ف نفسها وهي خجلانه، رانيه بإستغراب ناظرت فيها و قالت : وش فيك اليوم مودك صاير رومنسي فهد قال لك شي ؟ ، اشواق كانت مفهيه ف عالمها و لا سمعتها ، رانيه وهي ترمي عليها المخده : اشواق انا اكلمك انتي، اشواق : هاه فهد بخير ..هههه ، رانيه وهي تشمق : ماسإلت عن حاله انا قلت اشبك انتي اليوم ؟، اشواق : مافيني شي يارنووو ، رانيه : اقول شوفي وجهك ع مرايا ، اشواق وهي تبتسم : قلت لك مافيني شي انتي كيف كان اختبارك؟، رانيه وهي تناظرها : حلوو مرا اتخيلي اضمن لك راح اجيب الدرجه الكامله، اشواق : اممم شي حلوو الله يوفقك ياروحي، اشواق بعد شوي قامت و طفت النور و رقدت ع السرير و قالت : انا مابي اتغدا بنام ..! ، رانيه.: امم ليش ؟ اقول لك ياشوش عمتي بترجع الساعه 12 بالليل و اتخيلي بتتقاعد خلاص، اشواق وهي تتغطى ف اللحاف : احسن لها.!
ف قصر فاديهه _
فاديه كانت تتمشى ف غرفتها وهي لابسه الكعب و لابسه بنطلوون ضيق و بلوزه قصيره بلون العودي بدون اكمام و فارده شعرها و مسويه مكر خفيف طالعه جنان لانها صبغت شعرها بالاشقر،و ماسكه الجوال منتظره مكالمة فهد و تلعب ف الاسوره الي ف يدها .. غرفتها الكبيره كانت من افخم الديكورات ف غرفتها كنب فخم ع جنب الغرفه و بلون الموفي و ستاير طويله مسدله ع النافذه و السيراميك بلون الموفي الفاتح معطي للغرفه شكل رهيب و جميل ،
فاديه بصوتها الناعم وهي ترد ع موبايل : الوه اهلين فهودي ،
فهد : هلا فاديه ليش اتصلتي ؟!،
فاديه بدلع : لشو اتصل يعني اكيد وحشتني حيل و هيك ،
كملت فاديه تتسولف مع فهد ع جوال ولو غصبا عنه و مايبي يكلمها،
_ حمد وقف السياره قدام مبنى الإستديو و اتصل ع راكان و صفر و قال بدلع : حبيب ألبي انزل يالله ، راكان كان معصب مرا و رد ; دقايق.،
حمد كان فاتح صوت الاغنيه ع أخر اغنية اكيد انا بكيفي اسوي الي براسي ،
السياره كانت بارده مره .. و حمد كان لابس بنطلون اسود و تيشرت بدون اكمام بلون سماوي و حاطط نظاره شمسيه و شعره مبهدل كالعاده ،..
بعد لحظات جا راكان وجلس ف السياره و العصبيه مليانه ف عيونه.، راكان كان لابس بنطلون ابيض و تيشرت بلون كحلي اكمام كامله ، راكان كان ابيض و مايل ع سمار شوي و نحيف و طويل و مغرور مرا و عنده غمازات ، صداقته هو و حمد من يوم كانو ف المتوسطه مع بعض يعشقو بعض و متعودين ع بعض مرا و يثقوا ف بعض ،و هالصداقه كانت جدا غاليه ع قلوبهم و محد كان يخبي شيء ع ثاني ،
راكان وهو متضايق خفض صوت الاغنيه وقال : مرا ماله داعي، حمد وهو يناظره : منووووووو؟ ، راكان وهو معصب : الصوت العالي اجل منو يعني ؟..، حمد : اوف اوف اوف و ليه معصب ياروحي انت ؟، راكان بكل جديه : ياخي احسها خاينه. ، فطس حمد و بدأ يغني بصوت عالي : وووووووو خاينه و ما قاطعه راكان و قال : انا اتكلم معاك بدون مامزح و انت تغني.! ،حمد وهو يرفع حاجبه : كيف تقول خاينه ؟ ، راكان : من اول ابي اقول لك نختبرها مع بعض و انت مطنش، حمد وهو يبتسم : قدام عيوني لك ي راكان بس مابي اشوفك متضايق بليززز ، راكان ابتسم و ققال : فديتك حبيبي بس ابي منك تختبر لي غرام اوكي ؟، حمد : اوكك و لايهمك بس بليز اي وقت اتصل عليك خلك ع الخط و انت ساكت ،! ، راكان : ابشر. ، حمد : يالله نروح نتغدا عند فهد ، راكان : طيب دق عليها إلحين و اتفقو ع كوفي او اي شي، حمد بطفش طيب هات رقمها „ راكان كتب له رقمها و اتصل حمد و اتفقو ع كوفي استغربت غرام بس بالإخير انبسطت لانه دايما حمد يطنشها و مايعطيها وجهه و فجإة يتصل عليها و يطلب منها مقابله من جد لغرام كان شي داعي للفرحه ,

رد: رواية [[ ارجوك انساني ]]

_ وصلو راكان و حمد بيت فهد و بداو يتسولفو. و بعد الغدا حمد دخل غرفة فهد كان رايح يجيب الشاحن و فجإة شاف الكتب محطوطه ع التسريحه. ، حمد بصوت عالي : فهود وش هالكتب ؟ ابيها بليز، فهد بصوت عالي وهو يرد عليه : خذها كلها رجعها بسرعه لأنهه مو حقتي ، ابتسم حمد و شال الكتابين وهو يرن رن ف نفسه و خرج من غرفة فهد،و نادى الخدام و قال له يحطها ف سيارته ،
جلس حمد و قال : يالله راكان مشينا فيني نوم.، راكان وهو يذكره بشيء : عندك شغله بعد العصر كيف تنام ؟ ، ابتسم حمد وقال : اوه نسيت ، فهد وهو يتملقف : وش الشغله ؟، راكان صرف له و قال : بنلتقي ف واحد ، فهد: اها ،
الساعه خمسه و نص عصرا قامت اشواق من النوم و راحت تتروش و اتجهزت و لبست بجامه بلون ابيض و بلوزه طويله بلون اسود عليها كتابه بالابيض كانت واقفه قدام التسريحه و غرقانه ف التفكير حطت كحل و شوية روج خفيف و اما شعرها خلته مفرود لانه كان مبلل بس عدلتهم و حطت شباصه صغيره ع ورا
شافت نفسها ف المرايا و ابتسمت اشواق كانت مرا حلوه و بريئه و كانت بشرتها بيضاء مايله ع السمار القليل بس جمالها و رقتها كانت تخلي اي اححد يشوفها بس يقعد يناظر فيها كانت تعشق تتجهز بس ما كان عندها مكياج كثير و لا اي شي للشعر رغم فقرها و بساطتها كان فهد يحبها من قلبه .، قامت اشواق و راحت ع الدولاب و بديت تدور دفتر مذكراتها خافت بقوا انها مو لاقيتها و عضت شفتها و قالت ف نفسها : ياترا وين حطيت اصلا ماكتبت من زمان وين تكون راحت، رانيه ناظرت فيها و قالت : اشواق وش تدورين كركبتي كل الدولاب ؟، اشواق بخوف : رانيه دفتر مذكراتي كان محطوط هنا و مو لاقيته ياترا وين راح ؟، رانيه وكإنها تفتكر شيء : يجوز انا طلعته مع الكتب القديمه الي طلعتها و حطيتها بالكرتون و خرجتها برا البيت، اشواق وهي تجلس ع السرير و تناظرها : لا تقوليها. رانيه بليز دوري لي ، رانيه : خلاص راح ادور و اذا لقيت اخبرك ، اشواق بحزن : اوكي ،
قامت اشواق و راحت المطبخ لإنها كانت جوعانه حيل مالقيت شيء غير اتنين خيار مرمين ف الثلاجه ، بكل حزن و قهر قطعتهم و بديت تإكل و ف عيونها الدموع. ! زياد دخل المطبخ شافها مرا حزينه و استغرب ناظر فيها و قال : اشواق وش فيك؟ ، اشواق بنبرة حزن : مافيني شيء ، زياد وهو يوقف قبالها : حتى لزياد ماتقولين وش فيك ؟ ، اشواق نزلت منها الدموع و حطت يدينها ع وجهها و قالت وهي تبكي بكل برائه : تجرافي ضاع ، زياد اتضايق لمن شافها تبكي و بكل حنيه بعد يدينها من وجهها و مسح لها دموعها و قال : يا حياتي لا تبكين طيب ، اشواق كانت مرا خجلانه منه و بعد لحظات راحت من المطبخ ، وقفت ف الصاله قدام النافذه و بديت تفكر .. ليش انا يوحشني هو ؟ و ليش اشتاق له و ليش اخجل منه و ليش ارتبك بوجوده و ليش كلما اشوفه اضيع ياترا هو يهتم فيني بس كذا و لا انا اعني له شيء؟_
جا زياد و قعد ع الكنب و معاه اللاب و قال وهو يناظر ع اشواق : اشواق تعالي اقعدي معاي ، اشواق ابتسمت بخجل و راحت قعدت جنبه فتح زياد اللاب و ع موضوع الوظيفه بداو يدورو و يتسولفو مع بعض ،
ف الغرفه _ رانيه وهي تكلم داليه : اقولك تتوقعين ولد الفقر ف يوم واحد يصير غني مثلا والله جايلي ضحك ع اشواق كيف تجامل عمتها و ولد عمتها عاد انا ماينزلو من حلقي، داليه بضحكه : اوه يمكن شايفه فيه مستقبل عاد اختك اي واحد تلقاه ماتسيبه تحسب ذا من ضمن طيابتها الزايده ..، رانيه بضحكه : اي والله هههههاييي ، ..
اليوم ذا مر بسرعه و ع احداثه طبعا حمد قابل غرام مثل ماتفقو كانت غرام مو مصدقه و مبسوطه حيل لانه ع بالها انه راكان مو داري عن شي ..
و اما زياد دورله. ع كم. شركات و ارسل عليهم السيره الذاتيه و شهاداته عشان الوظيفه. ،
العمه اليوم ذا راحت عند صاحبة محل الخياطه الي كان اسمها خاله هنادي صاحبة الاعمال و المحلات الخياطه و راحت قالت لها عن وصيتها البسيطه اذا انها فارقت الحياه توصل الكلام لزياد بعدين ..خاله هنادي مامنعت و قالت بكل سرور وفاء للايام الي اشتغلت فيها ام زياد عندها ،
اليوم التالي و الساعه السادسه صباحا _
اتجهزت اشواق و لبست البلوزه التنوره و حتى رانيه اتجهزت كانو جالسين ف الصاله يراجعو و العمه نايمه بالغرفه خرج زياد من الغرفه و هو طاير من الفرحه راح جلس ف الصاله و قال: باركو لي حصلت وظيفه الصبح الساعه ثمانيه بروح لهم. ،
اشواق وهي طايره من الفرحه : مبرررررررووووووكك زياد ربي يوفقك ان شاءالله ،
ابتسم زياد و قال : كله من مساعداتك يا اشواق ، اشواق ابتسمت وقالت : من تعبك بعد .يالله احنا بنروح الباص وصل ،..
راحو اشواق و رانيه و اختبروو ، و ع قولة رانيه الاختبارات كانت سهله و حلوه.
الساعه كانت 9 و نص .. اشواق وهي تناظر ف فهد : فهود كيف كان اختبارك ، فهد وهو يشوفها : ححلو ياقمر ،وش رايك اليوم انا اوصلك البيت، اشواق : اوكي يالله ..جلسو فهد و اشواق ف السياره اندق جوال اشواق طلعت اشواق جوالها و ردت : الو اهلين عمتي' ايوا خلصت الإختبار خلاص جايه ، العمه وهي مبسوطه : اشواق بنتي قبل شوي زياد جاء و قال لي لقي الوظيفه و دقايق و يتجتز و رايح لشغله. راح يرجع بالليل، اشواق : اوكي عمتي انا جايه بعدين نتكلم مع السلامه ، .. فهد وهو معصب لمن شاف الجوال الرخيص الي مع اشواق و بكل عصبيه قال : متى بعتي جوالك و ليش. ؟ اشواق بإبتسامه ; يافهود ظروف البيت عشان كذا بعت ، فهد وهو معصب و بصوت شوي عالي : طيب كان قلتي لي اعطيك ولو تطلبين مليونين كمان اعطيك عادي انا صديقك ليش تخبين علي انا هاه ؟، اشواق كانت مفجوعه و خايفه منه اول مرا تشوف فهد معصب و اول مرا رفع صوته عليها كانت مرا خايفه منه اتجمعت الدموع ف عيونها و هي مفجوعه من فهد، فهد وهو يرفع صوته.: اشواق ردي ع كلامي مابيك ساكته ليش ماقلتي لي ؟ كنت اساعدك و ماكنت اردك انتي ليشششش كذا ؟ استحي ع وجهك شخص قد كذا يحس فيك و انتي ماتحسبين له اي حساب ، اشواق بديت تبكي وهي خايفه من فهد و مصدومه ماتوقعت يسمعها كلام او يعاملها بهالطريقه ،اشواق بنبرة بكاء : نزلني بيتي بسرعه مشكور ،..
فهد وهو يناظرها اتحسف ع الي سواه و قال بشوية حنيه : اشواق ماكان قصدي ازعلك بس انا قلت الحقيقه ..،
وقف فهد السياره ع الشارع التاني الي قدام بيتها و قال : اشواق ردي علي ايم سوري بس ماكان قصدي ،و قبل لا يكمل كلامه ،مسحت اشواق دموعها و نزلت من السياره و قفلت الباب بقوه و مشيت خطوات سريعه عشان توصل البيت و هي منهاره و تبكي ،
دخلت اشواق البيت و رمت الشنطه العمه بكل استغراب : يابنتي اشواق مين خاصمك ؟،
اشواق بصوت منخفض وهي رايحه لغرفتها : محد،
قفلت اشواق باب الغرفه و بديت تبكي بقوهه و هي تفتكر كلام فهد الي جرحها ،قعدت ع السرير و ضمت نفسها و حطت راسها ع يدينها و بديت تبكي و تفتكر امها .. و ف نفسها { امي اليوم بنتك انجرحت امي كلهم كلهم كذا قاسيين مايحسووون يتكلمون كلام يجرح و عادي عندهم عرفت كل شيء انا مجرد فقيره قدام فهد الي هو يشفق عليها و متصاحب معاها وهو الغني يتفضل علي قصده كذا}
افتكرت اشواق رانيه راح تجي قامت بسرعه و راحت الحمام و غيرت ملابسها و غسلت وجهها مع انه كان باين من عيونها انها بكيت بس حاولت تبتسم، خرجت من الحمام و فكت باب الغرفه و رجعت جلست ع السرير ..، العمه جات و قالت : اشواق يابنتي ماكلتي احط لك شي عشان تإكلين .، اشواق وهي تبتسم غصبا عنها : لا عمتي لا تتعبين نفسك مالي نفس اكل ، العمه : يابنتي كلي لك شي.، اشواق بهداوه : لا عمتي مابي اكل اإلحين قلت لك ، العمه و هي خارجه من الغرفه ; بكيفك الي يريحك و لا نامي يمكن تعبتي ،..
_ اشواق كانت ماسكه راسها و جالسه تفتكر ذكرياتها مع فهد إليمه بعد كل هذي العشره و الصداقه يعاملها بهذا الإسلوب ..
_ فهد كان ف سيارته متكي و قهران و متحسف ع الي سواه .. فهد وهو يكلم نفسه : انا بكيتها ..! ياربي كيف اراضيها الظاهر زعلت و بقوا و فهمتني غلط .. اشواق انا اححبك بس اخاف تفهميني غلط كعادتك ... '
فهد كان متوتر مرا و قهران ماحب يرجع البيت ؛
_ ف الشاليه حمد وهو فاطس ضحك : اهه اهه ياغرام ههههههههههههههههه عذبتيني، راكان وهو يبتسم : وربي انك زفت ليش تخرف ، حمد : لا بجد خرفت اني خفت عليها عشانك بس ..، راكان : حمد لايكثر ، حمد وهو يضحك : و اذا كثر.. يالخبل كله عشان مصلحتك ..! ، راكان بإبتسامه : فديت الي يخاف ع مصلحتي يالله انا بروح الإستديو ..، حمد : و انا بطير عند فهد اتخيل وسام اخذ مني اجازه عشان مرته جابت بيبي ههههههايي، راكان : خخخخخخ بالهنا ، حمد : اوه صح ما قلت لك خلاص اشتركت بالمسابقه و ارسلت الصوره ، راكان بإستغراب : وش صورت ياخي ؟ ، حمد : صورت الحصان حقي وربي مجرد تجربه مادري يمكن مافوز ، راكان : لا حبيبي و انا راكان صدقني بتفوز يالله بالاذن اكلمك ع الموبايل اوكك ، حمد وهو يوقف : اوكي ياروح حمود ،..
بعد لحظات خرج حمد من الشاليه و جلس ف السياره و اتصل ع فهد ، حمد : الوء هاي فهود وينك ؟ ، فهد وهو متضايق : موجود ، حمد : ابوك عازمني ع الغدا تعال هاه..! ، فهد بهدوء : طيب اوك راح اجي باي ، حمد استغرب لمن قفل الخط ع وجهه و قال : باي ف عينك ..' نكد مو علينا. ،
_ الساعه واحده ظهرا رانيه رجعت من الجامعه و نامت ع طول و العمه كانت راقده ع السرير ، اشواق ف الصاله اخذت دفتر جديد و بدأت تكتب فيه ذكرياتها ،
و في بيت ابو فهد اتغدو فهد و ابوه و خاله و جلسو فهد و حمد ف الغرفه الي كانت غرفة الشباب ف القصر الكبير حق ابو فهد طبعا كان محطوط فيه الكنب و الغرفه واسعه و حلوه ..
فهد وهو يناظر حمد : خالي ..، حمد رد عليه وهو مشغول ف الجوال : هاهه. ، فهد : بليز بليز بليز ابي منك طلب ، حمد بطفش وهو يرقد ع الكنب : قول الطلب بس اذا مابي اسويه لا تزعل ، فهد ; بليز خالي لا تردني ، حمد وهو مغمض عيونه : قول طيب ، فهد : ابي منك تتصل ع اشواق و تراضيها عشان هي زعلانه مني ، حمد باستغراب : مابي و انا وش دخلني ، فهد وهو يحاول فيه : بليز خالي بليييزز عشان خاطري ، حمد غمض عيونه و قال : طف اللمبه و روح من هنا ابي انام تعبان حدي و مابي اتصل لا ع اشواق و لا ع شوق خخخ ، فهد بزعل : خالي طلبتك لا تردني ، حمد وهو يلعب ف شعره: مابي روووح من هنا يافهد خليني انام ، فهد وهو حزين : بليز خالي بس قول الي انا راح اكتب لك و بس بليييزززززز ، حمد كان يكرهه احد يترجى فيه و قال وهو فيه النوم : طيب هات الي مكتوب فيه دوري و هات الرقم ، فهد وهو يبتسم : ثانكس خالي احبك ، حمد ابتسم وهو ف النوم و اخذ الجوال من فهد بعدما كتب الرقم و ققال : وين دوري الي راح اقوله بسرعه يا فهود ، فهد كتب ف جواله الكلام و اعطى الجوال لحمد ، حمد اتصل ع اشواق .،
اشواق شافت رقم غريب و قالت ف نفسها يمكن هذي شروق اليوم معطيتها الرقم انا ،
حمد ف النوم ; الو.
اشواق بإستغراب : الو مين ؟
حمد كان ماسك جوال فهد و قال : انا واحد مرسول من عند فهد ،
اشواق انقهرت و قالت : وش بغيت اتكلم بسرعه ..،
حمد وهو فاطس بس كتم ضحكته و بدأ يقرأ الي مكتوب ف جوال فهد : فهد يقول لك انا اسف سامحيني يا يا اشواق انا غلطت و حقك علي و ماكان قصدي اكلمك بالاسلوب ذا سامحيني ..ارجوك
حمد انتبه انه مكتوب ابوس راسك وبدون انتباه قال لإشواق : اممممممواح ع راسك،
اشواق انقهرت و قفلت الخط ،بس حمد ماعرف و كمل الكلام الي مكتوب : حقك علي سامحيني ياشواق ، انتبه حمد و شاف الجوال : اما قطعت الخط ، فهد وهو مفجوع : خالي انت اتجننت و ليش قلت البوسه انا بس كذا كتبت ووربي اشواق راح تدبحني بسبب سواياك هذي ، حمد بإبتسامه انت وياها مع نفسكم خليني انام و محد قال لك تترجى فيني اراضيها لك و انا وش دخلني ..،و كمل وهو يغمض عيونه : يالله جيب لي اللحاف بنام ، فهد وهو متحسف : وربي راح اندبح و انا ماكان قصدي تقول كذا ياخي فشله ،و كمل وهو رايح : طيب طيب ، حمد وهو يتكلم ف نفسه : ياخي ماجرمت و لا اعرفها مادريت عنكم اصلا ،..
اشواق كانت جالسه معصبه و قاعده تتكلم ف نفسها { مدري مين كان واحد مايستحي وجهه وسخ و انا الغبيه رديت ع اتصاله ويع ، زفت اكرهه مدري كيف الناس ماعندها ذوق و ماتستحي ع وجهها مالت } ..
_ نام حمد و ماهتم لشيء و اما فهد راح يتمشى ف حديقة بيتهم كان طفشان و قهران. مرا ماحس بهذا الإحساس من قبل. قبل سنتين عاش كل ايامه مع اشواق بكل موده و طيبه و اخلاق و فجإة اتزاعلو شيء م ححسب له فهد اي حساب ..! و ابد ما كان داري وش فكرت اشواق بس كان خايف لا تفكر انه هو مغرور خاف من هالشيء و كتب لها رساله اشواق ياختي وربي ماقصدت ازعلك كذا و تدرين انه انا و انتي عمرنا مازعلنا من بعض بليز انسي .. و الي كلمك قبل نص ساعه كان خالي يا اشواق انا اترجيته يراضيك و بالغلط هو حسب انه وحده ثانيه و قال لك كذا سامحيني ياشواق انا اعزك من قلبي و انتبه لك و اخاف عليك
_ أشواق قريت الرساله و مسحتها و كتبت { سامحتك ، } ،
الساعه 12 و نص رانيه كانت تذاكر ف الصاله و اشواق راقده ع الكنب و تراجع بس كذا و بالها مشغول متى يرجع زياد كانت خايفه عليه مرهه و العمه كانت نايمه ع سرير اشواق ، أشواق كل بعد شوي كانت تشوف الوقت ف جوالها كانت فارده شعرها و راقده و لابسه بجامة ضيقه بلون اسود و بلوزه طويله بلون موفي اكمامه كامله و شفافه ،“

رد: رواية [[ ارجوك انساني ]]

م راح اكمل الروايه لين اقراأ تعليقاتكم و رأيكم. .و لا م راح انزل اي بارت ،