رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

انت بس تكملينها تلقين ردود
استمري
بديتها كمليها ليش توقفينها بدون سبب ؟

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

روووووووووووعه
لا كمليهها
محد يرد الحين لان مشغولين بجوسة المدارس وتعرفين انتي


تم الإرسال بواسطة iPad بإستخدام منتدى عبير

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

مشكورين ع الردود والحين ان شاء الله انزل بارت ..

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء السادس عشر 
المعاناه ~
الساعة 6 صباحا 
(راكان)
وقفت سيارتي عند بيتنا ونزلت على طووول
دخلت البيت ركض .. لقيت ربى جالسة تصيح 
صرخت عليها: وين امي ؟
ربى رفعت راسها: انت جيت؟ .. امي بالغرفة مغمى عليها 
وسحبت يدي وركضت توديني الغرفة 
دخلت الغرفة لقيت امي على السرير مغمضه عيونها وانفاسها هاديه 
ركضت لها ومسكت يدها: يمه .. يمه تسمعيني ؟ .. "وانا ماسك يدها واهزها بحزن" يمه تكفييين قومي 
امي ما تتحرك كانها جثه هامده 
قلت وانا اصيح: يممه قومي ولا تخلينا مالنا غيرك يمه "وحطيت راسي بحضنها وانا اصيح"
مسكتني ربى مع ذراعي .. التفتت عليها لقيتها تصيح وبعيون بريئه: راكان .. لازم نوديها المستشفى 
قلت وانا اهدي نفسي: طيب .. روحي جيبي عباتها بسرعة 
وراحت ربى ركض وجابت العباية : امسك
اخذت العباية: وين اخواني ؟
ربى: نايمين ومابيهم يدرون "ونزلت نظرها لامي ثم ناظرتني" يلا نلبسها العباية وناخذها على طول 
راكان: طيب روحي جيبي الكرسي المتحرك 
وراحت ربى وجابته .. شلنا امي بصعوبه وحطيناها على الكرسي .. ولبسناها العباية والغطوة .. وطيران على السيارة 
ربى وهي تركض: بجي معك 
راكان: وش مطلعك بالشارع روحي جيبي عبايتك بسرعه 
ربى مرتبكه: ايه صح نسيت 
وراحت لبست عبايتها وجت
راكان: السواق وينه؟ ليش ماوديتي امي معاه للمستشفى ؟
ربى بارتباك: ماقدر اركب مع السواق بروحي .. وبعدين ماعرف للمستشفيات مادري وش اقولهم 
راكان: الله يخلف على عقلك .. يلا تعالي نشيل امي بس 
وشلناها وركبناها بالسيارة .. وركبت ربى قدام 
ربى بخوف: راكان اخاف اخواني يقومون وما يلقونا في البيت 
راكان: لا انشالله ما يقومون .. وبعدين معاهم ريان يعرف يتصرف 
ربى: ياربي والله خايفه انشالله ما يصير لامي شي 
راكان: انشالله .. صدق هي وش فيها ؟ 
ربى: مادري اليوم كنت بجيب لها الدواء لقيتها بهالحالة .. "بخوف" راكان ترى من امس كانت تعبانه 
راكان بحزن: الله يشفيها يارب
ووصلنا المستشفى .. ودخلوا امي يكشفون عليها .. جلسنا انا وربى على الكراسي ننتظر وهنا خايفين وربى تصيح .. طلع الدكتور بعد ماكشف عليها وهجمنا عليه انا وربى 
راكان بخوف: طمنا يا دكتور 
ربى بصياح: وش فيها امي ؟؟
الدكتور: للاسف حالتها صعبه .. النبض منخفض جدا .. لازم نسوي لها عملية في القلب بسرعة .. ونحتاج توقيعك "و مد لي الاوراق عشان اوقع"
ناظرته وناظرت الاوراق بحزن .. وربى انهارت 
راكان بحزن: طيب يا دكتور كم نسبة نجاح العملية ؟
الدكتور: 70% ولا تخافون انشالله راح نبذل اقصى جهدنا عشان تنجح العملية .. لازم توقع الحين ضروري نسويها بسرعة .. تفضل وقع 
طلعت قلم من جيبي ووقعت .. وراح الدكتور لداخل غرفة العمليات 
التفتت لربى اللي جالسه تبكي ومنهاره: ربى خلاص .. الدكتور قال انه بيحاول ويبذل جهده ..اهدي وادعي لها بالشفاء .. خليني اوديك البيت ترتاحين ترا العملية بتطول
ربى ببكاء: ما ابي .. ابي اقعد عند امي 
تنهدت: براحتك .. بس خلاص اهدي 
وجلسنا انا وياها على الكراسي ننتظر
ربى بحزن: لو امي تموت شلون بنعيش ؟ .. ابوي بكندا وانت بالشرقية وما عندنا ام شلون بنعيش انا واخواني ؟ "وانهارت تبكي"
راكان بهدوء: ربى انا معكم ماراح اترككم ابد لو وش يصير 
ربى: ودراستك ؟
راكان: ادرس في الرياض مافي مشكلة .. وبعدين انتي واثقه ان امي بتموت ؟ تفائلي خير 
ربى: الله يعين
@@@@@@@@@@@@@@@@@@@@@@@@@@
الساعة 10 صباحا 
(ابراهيم)
اففففف طفش
قلت هالكلمة وانا منسدح ع السرير وورافع رجولي وحاطها على الجدران 
وهذي عادتي كل ما اطفش اسوي كذا .. ولا اقعد ادور بالغرفة كاني خبل ولا اجلس بالحديقة انتف الزرع بملل
الطفش يسوي اكثر من كذا .. لو عندي تلفزيون اتفرج عليه .. ولا لو عندي لاب توب مثل خلق الله 
(ورفعت راسي وقعدت كأني متحمس) ولا لو عندي سيارة اطلع واتمشى وادور الشوارع كلها .. كان ما اطفش ابد 
صح اصلا ماعندي رخصه .. ورجعت انسدحت مره ثانيه بطفش 
تذكرت صح جوالي فيه نت .. فتحت الجوال بس خاب ظني لما تذكرت ان الواي فاي مقفل 
تنهدت بطفش .. ورميت الجوال جنبي على السرير .. وانا افكر 
وصل عمري عشرين سنه وما حققت ولا حلم ..بالطفولة كنت اقول اذا كبرت بصير دكتور .. اعالج هذا واساعد هذا .. واخفف الام المرضى واسعدهم 
وبعدين لما اصير دكتور بتزوج .. وبجيب 4 عيال .. بالعدد بعد .. كأن المسأله بكيفي .. وباجيب توأم بنتين حلوين وينادوني بابا 
ولما كبرت شوي .. وصار عمري 15 سنه .. كنت اقول لما يصير عمري 18 بشتري سيارة فراري واروح لاي مكان ابيه واسافر محد يقولي شي .. بس يصير عمري 18 بصير اسوق واشتري فراري واروح للاسواق والمولات والمطاعم واطلع مع الشباب وننبسط ونفلها .. وارجع على الساعة 2 وماحد يقولي شي .. 
بس يصير عمري 18 بعتمد على نفسي ماحد يقدر يمشيني على كيفه .. حتى ابوي ماراح يمنعني من الطلعة ولا من اكل المطاعم .. وبيكون معي فلوس واشتري كل اللي ابيه واحقق حلمي .. كنت حاس بالكبت وانا مراهق .. عشان كذا حلمت بهالشي .. واعتقدت انه اذا صار عمري 18 بقدر احقق كل احلامي
وصار عمري 18 سنه .. وما اشتريت سياره ولا تحقق اللي حلمت فيه .. طفشت وانقهرت .. قلت بس اتخرج من الثانوي بروح ادرس الجامعة برا وبحقق حلمي وبصير دكتور .. وناسه اخيرا .. بدرس بامريكا واتخرج واخذ الشهادة ويصير اسمي الدكتور ابراهيم .. ويتحقق حلم الطفولة 
وبعدين لما اصير دكتور بتزوج بفتاة جميلة .. واعيش قصة حب نفس الافلام
وتخرجت من الجامعة .. وصار عمري 20 سنه .. ولا تحقق ولا شي من اللي حلمت فيه .. هذاني قاعد عطالي بطالي لا شغل ولا مشغله .. لا جامعة ولا دراسة برا .. ولا سيارة فراري .. ولا زواج ولا شي 
اللي مثلي الحين بالجامعة .. يدرسون وبيتخرجون وبيتوظفون .. وبيتزوجون ويعيشون حياتهم 
الا انا .. بقعد على نفس حالتي .. لا دراسة لا وظيفة لا زواج .. مين بترضى تتزوجني وانا ماعندي وظيفة .. حتى السيارة اللي الشباب بعمر 18 عندهم انا ماعندي اياها
حتى جيبي مافيه الا الف بس .. الف وش تسوي بهالزمن ؟ .. تشتري لي سيارة ؟ .. تشتري لي بيت ؟ .. ولا توكلني وتشربني ؟
حتى المهر الحين البنت ماترضى الا بستين الف وفوقها 
افف وش فيني انا افكر بالزواج .. انا وين والزواج وين 
ابي اكمل دراستي اول .. ابي اعيش شبابي اول 
جلست اتذكر ايام الدراسة .. ايام ما كنت طفل كنت اروح المدرسة مشي واصدقائي يجون بسياراتهم مع ابائهم .. وكنت اتمنى اشتري شنطة سبايدر مان نفس اصدقائي .. كنت اشيل كتبي بيدي او احطها في كيس مع اني كنت اعتبر ولد نعمة وابوي غني .. 
كانوا يحسدوني ان ابوي غني وبيتنا حلو .. مادري على ايش مع ان عيشة الفقراء احسن من عيشتي .. حتى العاب ما كان عندي كنت الحق بزران الجيران والعب معهم بالعابهم
وايام الثانوي كانت ايام مريرة صدق .. اتذكر لما كنت اروح المدرسة على رجولي .. واصدقائي يجون بسياراتهم ويستعرضون باحلى واغلى السيارات .. خصوصا اني كنت اسكن في حي للاغنياء عشان كذا كل اللي في مدرستي كانوا اغنياء 
اللي يقهر اني من عائلة غنيه وفي بيئة غنيه .. وهالشي ساعد على قهري اكثر وشعوري بالنقص .. لاني كنت اشوف اللي حولي معهم سيارات كشخه واشياء حلوة اتمنى احصلها بس ماقدر 
كانوا زملائي يستعرضون بجوالاتهم بلاك بيري وايفون وانواع الجوالات الحلوة .. وانا جوالي قدييم وشين .. البلاك بيري ذا كان حلم من احلامي .. كنت احلم اني اشتريه 
ولا الطلعات اللي للمقاهي والمطاعم والاستراحات .. كانوا الشباب يعزموني بس ارفض وانحرج لان ما معاي فلوس .. وكنت ماحب اختلط كثير ولا اكون صداقات .. ابوي خلا من شخصيتي شخصية انطوائية ومنعزلة عن العالم 
كنت ارفض واقول اني مشغول او مرتبط .. مابي ابين لهم ان ما معاي فلوس وهم يدرون ان ابوي غني 
بس احيانا كنت انحرج صدق .. كان الفصل احيانا يسوون قطة كل واحد يدفع ويعطونها الاستاذ عشان يطبع لهم اوراق عمل او ملخصات للاختبارات .. او يسوون حفلات وعزايم بالفصل .. وكانوا كلهم يدفعون فلوس الا انا 
والاستاذ كان يرحمني ويجيب لي مع انه يدري اني مادفعت .. وكانوا الطلاب ينقهرون ويعترضون ليش هم يدفعون وانا لا .. وانا كنت انحرج واسكت .. وتكرر هالشي اكثر من مره لين صاروا الطلاب يحقدون علي وينقهرون مني 
وهالشي سبب لي عزلة .. صرت اقعد باخر الفصل بالزاوية وما كلم احد .. دايم كنت احس بنقص واحس اني محروم واقل من الناس .. مع ان الكل يدري ان ابوي غني 
بثالث ثانوي وباخر الايام .. في ذاك اليوم كان ما معاي فلوس ولا افطرت وجوعان .. ودخت بالفصل واغمى علي .. ووداني احد المعلمين للمستشفى .. وبعدين اتصل على ابوي يستفسر سبب تعبي ونحفي وصفار وجهي .. وسبب اهمالي وكسلي وضعفي في الدراسة 
نعم انا كنت مهمل وكسلان .. مو عشاني ما اذاكر ولا احل واجباتي .. عشان ابوي ما كان يجيب لي اغراض المدرسة لا كتب ولا مراجع و لا ملخصات ولا شي .. ولا يوديني المكتبة عشان اشتري الاغراض المطلوبة مني
المهم .. اتصل المعلم على ابوي وجلس يسأله ويستفسر ويعاتبه شوي .. ولما رجعت البيت انقهر ابوي وقرر انه يحرمني من الدراسة .. لانه انحرج من المعلم وخاف انه يتدخل ويكشف الحقيقة ويحرج ابوي .. عشان كذا ماخلاني اكمل دراسة 
وانعزلت عن الناس اكثر سنتين كاملة .. لين انتقلنا للشرقية وتعرفت على راكان .. صديق الروح 
صح تذكرت بتصل عليه بسأله وش صار مع امه 
اخذت الجوال ودقيت عليه .. رد وقالي انهم بيسوون لها عملية وللحين ما خلصوا ولا طلع الدكتور .. وجلست اواسيه واصبره بعدين سكرت 
ورجع لي الطفش من جديد 
@@@@@@@@@@@@@@@@@@@@@@@@@
(راكان)
مرت 6 ساعات من دخل الدكتور ولا حس ولا خبر .. واحنا جالسين على الكراسي ما تحركنا .. ربى نامت على الكرسي من التعب .. وانا طفشت وقاعد على اعصابي 
راكان: ربى .. ربى قومي "وانا اهزها مع كتفها"
ربى قامت: هاه؟! .. امي ماتت !
راكان:لا بسم الله عليها .. اصلا الدكتور ماطلع للحين 
قامت ربى وهي تعدل جلستها وتتأفف 
ربى بملل: وش فيهم تأخروا
انا بملل وانا اتثاوب: مادري .. يمكن عملية القلب تطول .. المهم انا جوعان ودايخ وفيني النوم 
ربى: حتى انا "وهي تحط يدها على بطنها جوعانه"
راكان: قومي بروح اشتري فطور من المطعم القريب 
قامت ورحنا نشتري فطور من احد المطاعم القريبة من المستشفى .. اخذنا الاكل وركبنا السيارة راجعين 
التفتت لربى : تتوقعين خلصوا من العملية الحين ؟
ربى: الساعة 12 .. يعني 6 ساعات ماتوقع يتأخرون اكثر من كذا 
ووصلنا للمستشفى .. نزلت انا والتفتت لربى اللي قاعدة ما نزلت 
راكان: ربى .. وش فيك يلا انزلي 
ربى بخوف: اخاف انزل القى امي توفت "وبكت"
راكان بتنهيده: لا حول ولا قوة الا بالله .. يا بنت الحلال تفائلي خير وانزلي 
ماردت علي وجلست تبكي 
لاحول ولا قوة الا بالله .. ربى خايفه وما الومها .. حتى انا خايف ادخل المستشفى ويصعقوني بخبر وفاتها 
متردد وخايف ما ودي ادخل المستشفى
ركبت السيارة جنب ربى: ربى .. امي ماراح تموت .. الحين بننزل بنلقاها بخير .. وبتشوفنا وبتنبسط وبنجيب لها ورد ونفرح كلنا 
كلمات كاذبة قلتها لربى بس عشان تتطمن .. ولا اصلا انا بنفسي حزين وابي من يواسيني ويطمني 
نزلت ونزلت معي ربي .. دخلنا المستشفى واحنا خايفين مترقبين مصير امي ومصيرنا احنا من بعدها .. اكيد بنضيع كلنا .. لالا وش اقول انا .. توني قاعد اطمن ربى وابيها تتفائل .. صرت متشائم اكثر منها 
التفتت لي ربى : راكان ترا ماقلت لابوي ولا لاخواني ولا احد .. حتى رند وريان مايدرون 
راكان بتنهيده: مو لازم تقولين لهم .. بتنجح العملية ونبشرهم كلهم انشالله 
رحنا لقسم العمليات ودخلنا القسم لقيناه على وضعه .. باب العمليات مسكر وهدوء .. يعني ماخلصوا للحين .. ضاقت صدورنا وجلسنا انا وربى نحتري 
حتى الفطور ما اشتهيناه .. حطيناه على الكرسي وجلسنا خايفين 
دقايق وطلع الدكتور .. هجمنا عليه انا وربى بسرعه 
راكان بخوف: بشر يا دكتور
ربى بحزن: تكفى لا تقول انها توفت 
الدكتور بهدوء: الحمدلله العملية نجحت .. بس حاليا تحتاج للراحة في المستشفى اكثر من 48 ساعة 
راكان بفرحه: الحمدلله .. الحمدلله يارب .. مشكور يادكتور
التفتت لربى اللي كان وجهها مو واضح من الغطوة .. بس اكيد انها فرحانه مثلي 
ربى بفرحه: الحمدلله يارب .. وناسه "وضمتني مستانسة"
ضحكت وضميتها وانا فرحان واحمد ربي واشكره انه رجع لنا امي بسلامة 
ربى بفرحة: راكان ابي ادخل اشوف امي 
رحنا للدكتور وطلبنا منه يخلينا ندخل .. قالنا ان امي تحت تاثير البنج ومايمنع لو دخلنا نشوفها بس مانطول .. دخلنا بسرعة واحنا فرحانين 
كانت امي منسدحة على السرير وشكلها تعبانه .. انحنيت عليها وحبيت راسها وربى سوت مثلي 
ربى مسكت يد امي وهي تهمس: يمه .. يمه تسمعيني 
راكان: ربى لاتستعجلين هي تحت تأثير البنج يمكن ماراح تقوم الحين 
ربى بإصرار: لا بتقوم "وبدت تهز يد امي وتحاول تقومها"
دقايق وتحركت امي وضغطت على يد ربى .. فرحت انا وربى وقربنا منها .. شوي شوي فتحت عيونها بتعب 
راكان بفرحه: يمه الحمدلله على السلامة 
ربى بفرحه: ماتشوفين شر يالغاليه "وحبت راسها"
امي بتعب: الله يسلمكم يا عيالي .. الا وين اخوانكم ؟
ربى: في البيت .. حنا ما علمناهم عشان مايخافون 
امي: زين سويتوا .. روحوا يا عيالي للبيت ارتاحوا شوي .. "وهي تناظرنا" شكلكم تعبانين .. روحوا للبيت عند اخوانكم انا ماعلي شر انشالله 
راكان: اكيد يمه ؟ .. يعني انتي بخير ؟
امي: ايه الحمدلله 
ربى: يعني نروح و حنا متطمنين ؟
امي ببتسامة: ايه الله معاكم 
قامت ربى: اوكي يلا مع السلامة "وسلمت على امي" بنجيك المغرب انشالله انا واخواني 
وسلمت على امي .. وطلعنا من المستشفى 
ربى بفرحه: الحمدلله يارب .. بسجد سجود شكر لا وصلنا للبيت 
راكان: ههههه "وانا اتثاوب" وانا اول ما اجي بخمد 
ربى: مالت عليك يا متبلد ههههه
@@@@@@@@@@@@@@@@@@@@@@@
بعد مرور يومين 
الساعة 4 عصرا 
(ابراهيم)
المفروض انام بهالوقت .. بس جوعان ما اقدر انام .. ما اكلت شي من امس على لحم بطني 
طلعت من الملحق .. ورحت ادور بالحوش بطفش .. ودي ادخل البيت واكل واقعد بالصالة واشوف التلفزيون واخذ راحتي .. ايه هذا بيتنا لي حق اخذ راحتي فيه .. لي حق انام فيه واقعد فيه نفس كل الناس 
بس الظاهر ان هالشي ماراح يتحقق .. انا غير عن الناس انا حالة شاذه وطول عمري بظل كذا 
سمعت صوت بالحوش .. اكتشفت اني وانا امشي رحت للجهة الامامية .. طبعا بيتنا له جهتين اماميه وخلفيه .. والملحق اللي انا قاعد فيه بالجهة الخلفية عشان كذا دايم راكان يجي لي بسهوله .. لان الجهة الخلفية مايجونها اهلي كثير 
سمعت الصوت ومشيت بهدوء وتخبيت خلف الجدار وانا اطل براسي بهدوء
شفت ابوي جالس على الكرسي في الحديقة .. ويدخن بالدخان الخشبي حق الاغنياء .. ومعاه جوال يكلم فيه 
ابوي: أي وش اخبار الشركة يابو خالد .. والله تمام .. ماقدر والله مشغول هالفترة .. ايه بروح الرياض 3 ايام .. عندي اشغال بنجزها وارجع .. ومعزوم بعد يعني انا مشغول تماما هالفترة 
وش قال ! .. قال بيسافر الرياض واو وناسه .. وبسام مو موجود يعني باخذ راحتي فللله 
اذا غاب القط العب يا فار هههههههه .. ضحكت بصوت عالي مستانس 
فجأه سمعت صوت ابوي : ابراهيييم .. تعال !
التفتت عليه بخوف .. اكيد سمعني وانا اتجسس عليه واضحك .. يا ويلي 
تقدمت بخطوات بطيئة جدا .. لين وقفت عنده
قلت وانا منزل راسي للارض: سم ؟
لاحظت ابوي يهز رجوله ويحركها في الارض .. خفت منه اكيد معصب .. طول ابوي ما رد 
رفعت راسي بشوف ليه ما رد .. شفته يناظرني بنظرات .. نظراته ماعجبتني كان يناظرني بكبرياء وهو يولع دخانه الخشبي ويدخن ببرود 
تكلم ابوي بعد صمت .. وهو يناظر وجهي بتفحص: تشابه لها .. تشابه لها كثير في الملامح 
انصدمت .. منهي هذي اللي اشبه لها 
كمل ابوي كلامه: اه بس .. راحت وتركتني بقهري .. راحت وتركت وراها حمل ثقيل علي .. حمل ثقيل ابتليت فيه 
هذا وش قاعد يقول وش يخربط .. ناظرته وكأني اطلب منه يفسر كلامه 
ابوي وهو منزل راسه: شلون كانت تبيني اهتم فيك وانت تذكرني بأسوء ذكرى .. امك هي اسوء ذكرى بحياتي .. راح تضل انت وامك نقطة سوداء بحياتي ما راح تنمحي الا بموتكم .. ماتت هي "ورفع راسه وناظرني باحتقار" وباقي انت 
الحين عرفت عن مين يتكلم .. عن امي .. ماتت امي ويبغاني اموت مثلها .. نزلت دموعي بحزن .. ليش ابوي يتمنى لي الموت ليييش ؟
ناظرت ابوي بقهر .. مايرتاح لين يكدر خاطري .. ما ينبسط الا اذا شافني ابكي وحزين .. ليش يكرهني هالكثر؟ .. ليش يكره يشوفني مبسوط ومرتاح؟
قبل شوي كنت مبسوط واضحك .. الحين متضايق ومقهور .. كله بسبب ابوي 
ناظرته بعيون غرقانه .. لف وجهه وصد عني ببرود .. ادري ماراح يأثر فيك لان قلبك حجر .. ياعديم الاحساس 
مشيت عنه بهدوء ورحت وانا اجر خطواتي الثقيله جر .. قبل شوي كنت مبسوط واضحك .. هه على ايش مبسوط ؟ .. ماراح اذوق السعادة بيوم دام اني في هالبيت ومع ناس قلوبهم حجر .. دامك في هالبيت انسى السعادة تماما يا ابراهيم
دخلت الملحق بخيبة امل .. ياحظ الايتام ما عندهم اب .. استغفر الله 
اخذت جوالي وضغطت على الرقم الوحيد فيه .. راكان 
سماع صوته بس يخليني انبسط .. اذا كلمته وانا حزين احس كأنه ينزع المي من صدري ويخفف حزني بكلامه الحلو والحنون .. ويقولي لا تيأس ربك معك 
دقيت عليه و رد: هلا ابراهيم 
ابراهيم: راكان .. وينك ياخي اشتقت لك .. محتاجك جنبي يا اخوي
راكان: انا جنبك بكل وقت .. لو تحتاجني بس كلمني .. امر وش بغيت 
ابراهيم ببتسامة: وانا اقدر اعيش بدون ما اكلمك ؟ .. الله يخليك لي 
راكان: امين ولا يحرمني منك ..تبي شي محتاج شي برهومي ؟
ياحبي له حنووون .. مو قبل شوي ابوي اللي يتمنى لي الموت 
قلت باحراج: ا هههه لا مابي شي بس داق اسولف 
راكان ببتسامة: علييينا ؟! .. من الاخر قولي وش مضايقك ؟ 
ابراهيم: وش دراك اني متضايق ؟ 
راكان: انا حاس فيك .. مثل ماتحس الام بولدها
(مثل ماتحس الام بولدها) من يوم ماسمعت هالجملة انفجرت بالبكاء .. ياليت ابوي مثل اخلاقك وحنانك يا راكان كان انا بخير 
انصدم راكان وهو يحاول يهديني ويستفسر مني .. قلتله السالفة وانا اصيح بقهر .. ابوي يبغاني اموت والله قهر
راكان يحاول يهديني ويصبرني .. هديت عشانه بس .. ولا من يصبر قلب ولد لقى كل هالجفاء والقسوة من ابوه 
سألني راكان اذا تحسنت حالتي و لا لا .. جاوبته بإيه بس عشان ما يزعل وينقهر على حالتي .. ولا انا مهموم
سكر راكان الجوال بعد ماتطمن على حالتي .. وانا اللي طلبت منه يسكر عشان ما اشغله عن اهله بمشاكلي اللي ماتنتهي .. ولا هو اصلا ما وده يسكر ابد الا يوم طلبت منه هالشي 
كل يوم يمر يقربني من راكان اكثر واكثر .. ويبعدني عن ابوي اكثر واكثر .. رحمتك يا رب 
( راكان )
طلعت من غرفتي متضايق .. مقهور على ابراهيم بقوة .. وش هالاب اللي يتمنى لولده الموت 
والله لو ان ابراهيم عاق وراميه بدار العجزة كان عذرناه .. لكن دام ان ابراهيم بار فيه ماله حق يسوي كذا .. وربي بيحاسبه على ظلمه .. والله ماراح يفلح ابد
نزلت للصالة لقيت جدي جالس .. فرحت: هلا والله بجدي تو مانور البيت 
ناظرني بعصبية: راكان يالقطوع .. من متى ما شفناك هاه ؟ .. طالعن على ابوك 
راكان: هاو بدينا بالغلط ! .. وش فيه ابوي؟
جدي بعصبيه: ابوك هالسمرمدي جادعن مرته وعياله ومسافر هايت ببلاد هالكفار .. ميت حي ماندري عنه ماله حس ابد ولا يزورنا ولا شي
راكان: جدي الله يهديك ابوي مب رايح يلعب .. رايح يشتغل 
جدي: هاه ؟
راكان بصوت عالي: رايح يشتغل .. يعني تجارة يا جدي 
جدي: تجارة مخدرات !!
راكان بصدمه: لا بسم الله عليه .. تجارة فلوس مو مخدرات اعوذ بالله 
جدي: ايييه .. الله يوفقه 
بسم الله انقلب .. قبل شوي معصب مسرع رضى !
راكان ببتسامة: ايه جدي وش اخبارك ؟
جدي ببتسامة: اخباري بسوي عزيمة بكرا 
راكان: احلى حركات جدي مسوي عزيمة .. ايه ماقلت لي من عازم ؟
جدي ببتسامة: يعني .. عازم الربع اخوياي تعرف حركاتنا حنا الشباب 
راكان بضحكه: ايش ! شباب ههههههههههههههههههههههههههههههههه .. جدي انت شباب ! ههههههه .. تعديت الستين وتقول شباب ههههههه 
جدي وهو يمسك عصاه: اقول الخلا الخلا بس .. فارق فارق لا يجيك هالعصا على راسك 
قمت بسرعه منحاش وانا اضحك ووقفت عند الباب: جدي تامر على شي انا بطلع
جدي: ايه بكرا ابيك توقف بالدلة عند الضيوف وتقهويهم وتصير رجال 
اووه جدي عليه طلبات .. صدق الشيبان ماينعطون وجه 
قلت ببتسامة وانا مابي ازعل جدي: انشالله .. على هالخشم .. طيب بتسوي العزيمة في بيتنا ؟
جدي: لا في بيتي .. ابيك تجي من المغرب عشان تقلط الضيوف وتتسنع 
راكان: انشالله .. "باستهبال" ما قلت لي انت والشباب تبون قهوة عربية ولا موكا ؟
اخذ جدي عصاه وانا انحشت برا بسرعة وانا اضحك .. ياحليله هالجد 
@@@@@@@@@@@@@@@@@@@@@@@@@@
الساعة 8 مساء 
(ابراهيم)
شفت ابوي يطلع من البيت .. اكيد بيسافر الحين 
اول ماتأكدت انه طلع رحت داخل البيت بسرعة .. ابي شي اكله جوعان 
لقيت اخوي زياد وناديته .. وجا لي 
ابراهيم: زياد جيب لي شي اكله جوعان 
زياد: ما اقدر امي تعيي 
ابراهيم: امك وش دراها ماتدري .. روح جيب لي بسرعة وتعال 
زياد: امي الحين في المطبخ 
ابراهيم بطفش: اوووه طيب جيب اكل على اساس انه لك 
زياد: اصلا توي ماكل "وراح على طول"
اوه وش فيه هذا .. صدق بزر .. وش فيهم اخواني كذا .. لايكون ابوي محذرهم مني .. مو غريبه منه 
دخلت المطبخ لقيته فاضي .. كذاب زياد يقول انه امه في المطبخ .. واضح انه مايبي يجيب لي 
رحت للثلاجة ابفتحها عيت تنفتح .. اووه تذكرت مقفله .. ليش كذا حتى الاكل ماقدر اكل 
طليت في الثلاجة من المستطيل القزاز .. الله وش هالاكل .. كانت مليانه مالذ وطاب من الماكولات .. طيب ابي صحن صغير بيضرهم لو عطوني شوي؟ .. ماراح يضرهم والله ولا بينقص منهم شي
التفتت لبرادة الماء .. مالي الا اشرب ماء هو اللي بيملى بطني .. افف شكله بيرجع لي فقر الدم من جديد .. وبيرجع لي الضعف والصفار والدوخه 
اول كان راكان هو اللي يجيب لي الاكل .. الحين راكان سافر وخلاني .. مين بيجيب لي الاكل؟ .. شكلي بموت لو مارجع راكان 
اخذت الكاس وصبيت لي وشربت وشربت كثييير .. لين حسيت نفسي برجع .. طلعت من المطبخ ورحت الملحق بتعب 
بعد ساعتين 
قاعد في الملحق ومتسند على الجدار واتعصر من وجع بطني .. اوف بموت من يوم ماراح راكان ما اكلت شي اببببد .. يعني من يومين بطني فاضي .. خلاص مافيني حيل مافيني طاقة احس بموت 
سمعت صوت الجرس .. قمت وطليت من الشباك .. شفت زياد يفتح الباب وطلع راعي المطعم وعطاه اكياس .. دققت في الكيسة اللي بيد زياد .. الله ماكدونالدز امووت عليه .. ياحظهم ابي لو شوي 
دخل زياد البيت ولحقته ودخلت وراه .. شفت خالتي زوجة ابوي .. رحت وطلبت منها تعطيني شي اكله .. رفضت وترجيتها قلتلها اني ماكلت شي وعلى لحم بطني من يومين ورفضت .. حسبي الله عليها مافيها رحمة 
قعدت ساعة اترجاها وانا شوي واصيح .. لين اخيرا وافقت وعطتني ساندويتش صغير .. الحين كل هالاكل عندهم وماعطتني الا هذا .. سكتت وما قلت شي عشان ماتاخذه مني .. انا ماصدقت على الله تعطيني 
رحت الملحق واكلته بسرعة حتى ماحسيت اني اكلت شي 
يعني كل يوم بتعب واعاني عشان القى شي اكله .. متى يرجع راكان بس اووف
@@@@@@@@@@@@@@@@@@@@@@@@@@
اليوم التالي 
الساعة 8 مساء 
(راكان)
انا في بيت جدي من الساعة 4 العصر .. وطول الوقت سو كذا حط كذا وكرفني جدي بالاوامر 
عاد الحين جو الضيوف وامتلى المجلس .. ماقدر اقول لا لازم ابيض وجهه قدامهم 
اخذت الدلة وبديت اصبب القهوة للضيوف .. وصلت لاحد الرجال ونزلت نظري لدلة القهوة اصب له .. ولما رفعت نظري انصدمت
تدرون من لقيت ؟!!!
ابو ابراهيم !!!!!!
دققت في ملامح وجهه لاكون غلطان .. أي والله ابو ابراهيم !
وش يبي جاي وراز وجهه وجه العنز ؟!! .. صدق ما يستحي 
وشلون جاي وحنا مانعرفه ولا يعرفنا .. صح تذكرت! .. جدي قال انه يعرفه 
ناظرته باحتقار .. هذا له وجه يقابل الناس؟ .. هذا المفروض مايطلع من بيته بعد سواد وجهه 
التفتت لجدي وقلت بصوت عالي: تصدق ياجدي في ناس مايستحون على وجيههم .. يعني واحد يكون مشرد ولده في الشوارع وباخل عليه ومخليه مثل الفقير يحتاج للناس ويطلب منهم وابوه موجود .. ومع هذا طالع ومستانس ومسوي نفسه قدام الناس الطيب الكريم اللي الكل يشهد باخلاقه
جدي وهو يناظر حوله باستغراب: هاو منهو ذا اللي مسوي تسذا .. في احد يسوي هالسوات ؟
راكان: أي والله ياجدي في ناس كثير زي كذا .. وفي قصص لو تسمعها يشيب راسك منها .. ياما شباب صغار ضاعوا والسبب ابائهم اللي يقسون عليهم ويضربونهم بالملحق كل يوم 
ههههههههههههه كانت نغزه واضحه بس ماحد دقق على كلمة (الملحق) الا ابو ابراهيم.. اللي على راسه بطحا يتحسس عليها 
قام ابو ابراهيم يتلفت وهو منحرج ووجهه احمر 
قلت وانا مبسوط وكاتم ضحكتي: انت وش رايك ياجدي باللي يسوون كذا 
جدي بعفوية: والله انا اشوف اللي يسوي هالسوات ماهو رجال .. وما يستحي على وجهه اجل يخلي ولده يضيع بالشوارع .. ويحتاج وابوه موجود .. اجل وش فايدته دامه مايهتم بعياله ويربيهم
راكان: لا وبعد ابوه غني .. "بضحكه" اقصد بعضهم يصيرون ابائهم اغنياء والله رازقهم ويبخلون على عيالهم بالقرش الواحد .. شفت كيف ياجدي بعض الناس مايستحون 
جدي: والله هالدنيا مالها امان يا ولدي .. ماعاد فيه رجال بهالوقت .. وين رجال اول كانوا يربون عيالهم تربية سنعة .. ما يصير الولد عمره 10 سنين الا وهو يدل المسجد وين دربه .. اما عيال هالوقت لا ترجي منهم خير .. صايعين ضايعين الشرهه موب عليهم الشرهه على ابوانهم اللي ضيعوهم باهمالهم 
هههههههههههه قوووويه ياجدي قووويه .. وناسه فضحناه ههههههههه
التفتت لابو ابراهيم اللي مرتبك ووجهه يصبب عرق: انت وش رايك يابو ابراهيم ماسمعنا صوتك 
ابو ابراهيم بارتباك: ا انا اشوف اللي يسوي كذا ما يستحي على وجهه وماهو رجال 
ناظرته باحتقار .. الحين بفضحك واخلي الناس يعرفون حقيقتك وياكلون وجهك يا مسود الوجه 
قلتلته باحتقار: لا والله ! .. وانت وش تصير دامك مخلي ولدك يضيع بالشوارع ؟
ابو ابراهيم بارتباك: انا ماخليته يضيع بالشوارع .. انا فاتح له بيتي ومخليه يسكن فيه 
راكان باحتقار: والضرب اللي كل يوم تضربه في الملحق؟ .. والاكل اللي تحرمه منه ؟ .. والفلوس اللي تحرمه منها ولا تعطيه حقوقه ؟
جدي باستغراب: راكان ! .. هاو وش فيك على الرجال 
راكان بعصبيه: خلني اقول ياجدي خل الناس يعرفون حقيقته .. "وقلت بصوت عالي" ابو ابراهيم اللي قاعد قدامكم الحين ومسوي روحه رجال واخلاق .. حابس ولده من لحمه ودمه في الملحق ويضربه بوحشيه .. وحارمه من الاكل والفلوس والملابس وكل شي .. وقبل كذا طارده في الشارع ومخليه يتشرد بلا مأوى
كل الرجال انصدموا وقاموا يتلفتون على بعض ويتساسرون 
واحد من الرجال: انت صدق مسوي كذا يا ابو ابراهيم ؟
واحد ثاني: لا حول ولا قوة الا بالله .. حرام عليك هذا ولدك 
واحد ثالث: خاف ربك لا يجيك شي بسبب ظلمك له .. الظلم ظلمات يوم القيامة 
التفتت على ابو ابراهيم اللي منحرج ومنزل راسه ويصبب عرق 
رفع ابو ابراهيم راسه وقام: ا انا بروح عندي اشغال 
راكان: اقعد ماتقهويت 
ابو ابراهيم بصرخه: اذلف يالخسيس "وطلع من المجلس بقهر"
ههههههههههههههههههه .. اخيرا فضحته وخليت الناس يعرفون حقيقته .. اخيرا انتقمت لابراهيم المسكين .. سحبت نفس براحه ورضى 
لكن هالراحه تلاشت لما شفت جدي يناظرني بعصبيه .. اووه الله يعيني .. شكله بيستلمني اول مايروحون الضيوف 
بس اهم شي اني انتقمت من هالنذل وقهرته ههههه وناسه .. كملت صب القهوه للضيوف .. وبعدين جدي قلطهم للعشا .. وتعشوا 
وبعد ماراحوا الضيوف .. التفت لي جدي بعصبيه: انت وراك على الرجال
راكان: ياجدي والله يستاهل 
جدي بعصبيه: بس ولو مايصلح تفضحه قدام الناس
راكان: انا افضحه ابيه يتوب .. انت ماتشوف وش سوا بولده حسبي الله عليه .. تتذكر صديقي ابراهيم اللي كان معي في الاستراحة وجلس معنا في المجلس ذاك اليوم ؟
جدي: ايه
راكان: أي هذا يصير ابوه .. والله ابراهيم مسكين ينرحم متعذب والسبب كله ابوه "وقعدت اقوله وش سوا ابو ابراهيم بولده"
جدي بعصبيه: الله لا يوفقه .. اللي يشوفه يقول طيب واخلاق مايدري ان داخله اسود
راكان بفرحه: ايه كمل جدي ادع عليه 
جدي سحب عصاه: اقول قم قم بس .. قم اذلف بنام 
اووف طرده محترمه .. قلت وانا اقوم: ماش مادري متى بتتسنع ياجدي
جدي بعصبيه: فارق لا اجي اعلمك السنع الحين 
راكان بضحكه : لا خلاص والله هههههههههه
وانحشت وانا ميت ضحك 
@@@@@@@@@@@@@@@@@@@@@@@@@@
انتهى البارت السادس عشر
وش رايكم بتصرف راكان ؟!

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

ابي توقعات ..؟

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

صراحه اللي سواهه واوو عجبني
اللي يسوي جذي يستاهل الفضيحه ..
بس اكيد بيندم قد شعر راسه بالاخير..
واتوقع ابراهيم يتزوج اخت راكان ️️
وبث


تم الإرسال بواسطة iPhone بإستخدام منتدى عبير

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

أسعدني مرورك حياتي منووورهه ..

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء السابع عشر 
المعاناه ~
بعد مرور 3 ايام .. الساعة 1 ظهرا
(ابراهيم)
قمت من النوم على صوت ازعاج و احد يصارخ وينافخ
ابراهيم ونصه نوم: هممم
ابوي بعصبيه: قم قم لا بارك الله فيك 
قمت بخوف وبسرعه يوم عرفت انه ابوي
ابراهيم: سسم يبه !
ابوي وهو يرمي علي 5 ريال: قوم جيب لنا خبز ب 3 ريال .. ورجع الباقي 
قمت وناظرت ابوي بدهشه .. لحظه لحظه ! .. شكلي جالس احلم وللحين ماقمت .. من متى ابوي يطلب منا نجيب خبز ؟! .. الخبز كل يوم يجيبه السواق او اللي يشتغلون عند ابوي .. ويجيبون كثير بعد مو ب 3 ريال 
ماعمر ابوي قال لاخواني جيبوا خبز .. ولا للسواق حتى .. اصلا السواق كل يوم يجيبه بدون لا يوصيه ابوي 
اها اكيد يبغى ينكد علي .. ويدور أي شي عشان يامرني فيه .. وشكله مالقى الا الخبز عشان يحط حرته فيني 
قمت وانا اخذ الفلوس: انشالله 
ابوي بعصبيه: لا تتأخر .. وياويلك تاخذ شي من الفلوس .. ان شفت ريال ناقص قصيت رقبتك قص
اوف وش هالبخل .. ريال واحد وانت عندك ملايين .. طبعا قلت هالجملة بنفسي .. انا من وين لي القوة عشان اعترض واهاوش .. ماني محتاج اخليه يكرهني اكثر .. هو بروحه مايطيق يشوفني 
قلت وانا منقهر ومجبور: انشالله 
ورحت غسلت وجهي ولبست ثوبي وطلعت .. اول ماطلعت الحوش صكتني شمس الظهر الحارة .. شمس الشرقية بالظهر تذوب الصخر .. ياربي حر ورطوبة شلون بامشي الحين 
وبعدين وقت غدا وانا ماتغديت وجوعان .. وصلت محل الخبز بعد تعب .. عطيته الفلوس وجلست انتظره يخلص 
شوي حسيت بدوخه وقعدت على الارض بتعب .. جاتني حرمه كبيره في السن ومتغطيه تماما ماينشاف شي منها 
مدت يدها وقالت: عطنا ياولدي من مال الله .. عطنا ياولدي محتاجة عيالي صغار وزوجي ميت ولا عندنا من يصرف علينا 
ناظرتها وهي كاسره خاطري .. ودي اعطيك بس كيف وانا محتاج من يعطيني 
قالت بصوت حزين: والله ياولدي الخبز ماذقنا طعمه من 10 ايام .. عطني شي اوكل فيه عيالي واسد جوعهم الله يعطيك ويرزقك 
سكتت ونزلت راسي ولا رديت عليها .. شفت الخباز يأشر لي .. رحت اخذت الخبز والتفتت لقيتها للحين واقفه تطالعني .. اخذت خبزة تميس ومديتها لها 
ابراهيم: والله هذا اللي عندي .. الله يعطينا ويعطيك يا خاله 
اخذت الخبز: مشكور يا ولدي .. الله يرزقك ويغنيك 
وراحت وهي تدعي لي .. ابتسمت مبسوط يمكن الله يستجيب دعائها .. بس هالابتسامة تلاشت لما تذكرت ان ابوي في البيت ينتظرني وبيعصب لو شاف الخبز ناقص
اوووه بالطقاق .. هو اصلا قد رضى علي ؟ .. طول وقته معصب علي ويهاوش .. اصلا انا من زمان طايح من عينه لو ايش اسوي 
اخذت الخبز ومشيت وانا حاط يدي على راسي .. احس حرارتي ارتفعت واحس اني بدوخ .. قعدت على الرصيف بتعب .. شكل فقر الدم رجع لي من جديد 
ناظرت قدامي شفت سوبر ماركت صغير .. وقفت .. بروح اشتري لي عصير تعبان احس بدوخ وبيغمى علي لو ما اكلت 
دخلت السوبر ماركت واشتريت لي عصير ومويه .. وقعدت على الرصيف اكل شوي من الخبز اللي اشتريته 
بعد ما اكلت قمت وانا حاس انه بيجيني ضربة شمس من هالشمس الحارة .. خصوصا اني حاس بحرارة وغثيان .. مشيت رايح للبيت لا اتأخر 
ووصلت البيت .. ناظرت كيسة الخبز اللي معي .. مافيها الا خبزة وحده .. والخبزة الثانيه اكلت نصها 
الله يعيني على الضرب اللي بيجيني من ابوي .. اوه صح تذكرت .. انا معي فلوس .. ليه ما اعطيه شوي من الفلوس اللي معي عشان ما يقول اني سرقته 
اووه لا ليش انا غبي كذا .. كان معي فلوس ليش يوم طلعت ماخذتها معي كان اشتريت شي اكله .. اطلع مره ثانيه ؟! .. بس اخاف اتأخر .. خلني اعطيه الخبز اول ثم اطلع وهو مايدري 
دخلت جوا البيت .. لقيت ابوي جالس في الصالة .. تقدمت ومديت له الخبز 
ابراهيم: الخبز "ومديته له"
ابوي: ايه صح .. "واخذ كيسة الخبز وجلس يناظرها ثم ناظرني" ليش الخبز ناقص؟ مب انا قايلك جيب ب 3 ريال ؟
قلت وانا منزل راسي: وحده فقيره جاتني وطلبت مني اعطيها شي توكل فيه عيالها .. عطيتها الخبز واعتبره صدقه 
ابوي بغضب: وباقي الفلوس وينها ؟
ابراهيم: اشتريت لي فيها مويه وعصير .. لاني كنت بدوخ 
رمقني ابوي بنظرة غضب والغريب انه ماسوا لي شي .. اكتفى انه قال : اذلف برا
طلعت برا وفتحت باب الشارع بروح اشتري لي اكل .. بس تذكرت حرارة الشمس والدوخه اللي فيني .. اخاف اطلع ويغمى علي 
دخلت الملحق وكلمت راكان شوي .. قالي ان بيجي اليوم العشاء ..فرحت اخيرا بشوفه .. وطلبت منه يجيب لي شي اكله لاني جوعان .. ووافق على طول ياحبي له
غسلت وجهي بمويه بارده عشان الحرارة .. بحط كمادات بس موب الحين .. رحت عليت المكيف على اقوى شي .. وانسدحت على السرير.. ونمت 
@@@@@@@@@@@@@@@@@@@@@@@@@@@
الساعة 9 مساء 
(راكان)
توني وصلت للرياض .. اخيرا بزور ابراهيم اليوم من زمان عنه .. دقيت عليه بسأله وش يبي اجيب له بس ما رد .. استغربت وش فيه اليوم مايرد .. رحت لماكدونالدز اعرف ابراهيم يحبه .. اشتريت له وجبه وحركت متوجه لابراهيم
دقيت مره ثانيه وثالثه ورابعه .. بس مارد
لا يكون فيه شي .. سترك يارب 
رحت لبيت ابراهيم على طول .. وقفت سيارتي ونزلت
البيت هدوء ومظلم .. شكله مافي احد 
بس شلون اعرف ابراهيم فيه ولا لا .. وانا ادق عليه ما يرد 
رحت طقيت الباب مثل ما اسوي كل مره اجي لابراهيم .. طقيت بهدوووء 
ماحد فتح وما فيه صوت ابد .. ناظرت البيت بخوف 
وين ابراهيم ؟! .. اهل البيت اكيد طالعين ..بس ابراهيم ما يطلع معهم ابد .. طيب وينه؟ .. شلون بعرف وهو مايفتح ولا يرد ابد
ناظرت الجدار مو عالي مره .. اقدر انط .. اتهور واسويها ؟!
يله توكلت على الله .. يارب ماحد يشوفني .. ربطت ثوبي على خصري .. ورقيت فوق سيارتي ثم فوق الجدار .. تسلقت لين وصلت فوق وقعدت على الجدار اناظر البيت 
البيت ظلام وهدوء .. بس لمبة الملحق مفتوحه .. يارب ابراهيم بخير يارب
نزلت من الجدار بشويش لين طحت ع الارض .. قمت انفض ثوبي وانا متجاهل الالم اللي جاني من الطيحه .. ركضت بسرعه لين وصلت الملحق وفتحت الباب على طول
لقيت ابراهيم منسدح على السرير ومغطي كل جسمه ووجهه باللحاف كالعادة 
رحت وسحبت اللحاف .. انصدمت يالله وش هذا ؟!
ابراهيم منسدح وشكله تعبان مرره ووجهه احمر ويالله ينسمع انينه 
نطيت فوق السرير بسرعة وجلست جنبه بخوف 
راكان بخوف: ابراهييييم .. ابراهيم تسمعني ؟ 
حطيت يدي على جبينه .. اوف حار مرره .. قمت وجلست فوقه وهو بين رجليني .. وانا اضرب خده بخفيف 
راكان بقلق: ابراهيييم .. ابراهيم تسمعني .. ابراهيم قوم اوديك المستشفى 
ابراهيم يأن بصووت خفيف .. ويهذي بكلام مافهمته .. وكان فاتح عيونه بشكل خفيف بس مو صاحي ويتنفس بصعوبه وكأنه مكتوم
فكيت ازرار بلوزته لين فتحتها كلها .. الجو حار وكتمه خصوصا ان ابراهيم كان متغطي كله باللحاف 
اخذت القارورة اللي عند السرير وجلست ارش مويه على وجهه .. بس ماصحى 
وش اسوي الحين ؟ .. جلست افكر واتذكر الاشياء اللي تعلمتها بما ان لي خبرة بالطب .. حرارته مرتفعه يعني لازم كمادات .. واليوم كلمني وقال انه طلع بالشمس يعني اكيد هالاعراض من ضربة شمس 
اخذت شماغي وكبيت على طرفه شوي من المويه البارده وحطيته على راسه 
اخذت القارورة الباردة ولصقتها بخده: ابراهييم اصحى 
فتح عيونه وهو يأن .. وشكله دايخ 
ابراهيم بتعب: عطر .. ابي عطر
قمت وركضت اجيب عطري من سيارتي .. اخذت العطر وعلبة باندول وكيسة الاكل ورجعت للملحق ركض
اخذت مناديل وبخيت العطر فيه وحطيته على انف ابراهيم .. سحب نفس عميييق .. حسيته ارتاح شوي ووخرت المناديل عن وجهه 
صبيت كاس مويه من القارورة اللي عنده ومديته له مع الباندول: تفضل 
اخذ الباندول واكله على طول وشرب المويه دفعه وحده 
راكان: ابراهيم .. حرارتك مرتفعه اوديك المستشفى ؟
التفت لي ابراهيم بحزن: طلعني من هالبيت .. "بصراخ" ابي اطلع من هالبيت والله ملييييت "وبكى بحرقه"
ناظرته بحزن .. والله لو بيدي كان اشيل الحزن والضيقه من صدرك واصنع الفرحة لعيونك 
ابراهيم ببكاء: راكان والله احس بحرقة وقهر وكتمة وضيقه بصدري .. مليت من هالبيت ابي اطلع ابي اتنفس "ومسك بلوزته كأنه بيشققها" ابي اشم هوا احس بكككككتمه احس اني ماقدر اتنفس بهالبيت الكئيب 
سكتت ونزلت راسي بحزن .. يوم شافني مارديت عليه قال بهدوء ودموع: راكان ابي اطلع من هالبيت لو ميت .. "وصرخ" اذبحني تكفى ابي امووووت "وانهار من شدة البكاء"
كنت اول مره بحياتي اشوف ابراهيم بهالحالة .. كان يصرخ ويبكي بقوة ومنهار .. وكان يرفع راسه وجسمه عن السرير ويرجع يصقعه بقوه اكثر من مره .. ويتحرك على السرير بكثرة وهو شوي ويقطع نفسه من القهر 
ابراهيم بقهر الدنيا كله: ابي اطلع من هالبيت .. طلعني ابي اطلع ابي اروح لاي مكان لو للقبر .. القبر اريح لي بكثير من هالبيت ومن عذاب الدنيا .. تكفى طلعني والله ضايق صدري وبموت لو قعدت هنا اكثر "وزاد بكائة بقهر"
حطيت يدي على صدره وسدحته على السرير وانا اطبطب على صدره ابيه يهدى 
قلت بهدوء: ابراهيم .. تعوذ من ابليس وخلاص اهدى لا تصرخ وتقهر عمرك على الفاضي .. ارتاح انت تعبان 
ابراهيم بهمس: راكان ابي اموت .. ابي اموت وافتك من هالدنيا .. تكفى ادعي لي بالموت
راكان: الله يطول بعمرك ويخليك لي .. "بحزن ودموعي نزلت" ابراهيم لا تدعي على نفسك بالموت انا احبك وابيك جنبي
ولصقت وجهي بوجهه ونزلت دمووعي بكثرة .. ما حبيت الا هالانسان .. وما انحرق قلبي الا عليه .. الله يحرق قلوبهم مثل ماحرقوا قلبي وقلب اعز انسان علي 
يعني ماراح نخلص ؟ .. متى نخلص من هالعذاب متى ؟ .. كل يوم اصحى مرتاح بس اتذكر ابراهيم يتكدر خاطري عليه وانقهر .. انكتب لي اعيش معاه واتعذب وانقهر معاه .. لانه صديقي واخوي .. ليش هالانسان اللي حبيته ما يعيش مرتاح ويريحني معاه؟ 
ليش مانعيش انا وياه مثل أي اصدقاء .. نطلع مع بعض ونقعد مع بعض ونتمشى مع بعض بسعادة وراحة نفسيه .. ليش دايم لما نقعد مع بعض تتحول قعدتنا لحزن وصياح .. متى نضحك مع بعض متى نذوق السعادة والراحة متى ؟
يارب ابو ابراهيم يموت او ينشل .. ونفتك من ظلمه للأبد .. يارب
ونزلت دموعي بكثره .. وانا حاط وجهي على وجه ابراهيم واصيييح 
{ في سكون الليل , هناك شابان , الاول يبكي حرقة على ما اصابه , والاخر يبكي حرقة على اخيه , اللهم عليك بمن احزنهم وابكاهم قهرا وحرقة , اللهم انتقم منهم شر انتقام و رد لهم ظلمهم , ياعزيز ذو انتقام }
@@@@@@@@@@@@@@@@@@@@@@@@@@
ومرت ساعة .. وانا وابراهيم على نفس الحالة .. هو يبكي وانا حاط راسي عليه وابكي .. 
رفعت راسي وناظرت ابراهيم .. وكان وجهي قريب من وجهه هذي اللحظة .. ناظرت ودققت في وجهه .. عيون متعبه وتحتها هالات سوداء .. خدين رسمت الدموع خط عليها من كثرة البكاء .. جسد نحيف وهزيل .. وجه ظهرت فيه ملامح الالم والمعاناة 
اللهم عليك بمن اتعبه واحزنه وقهر قلبه .. اللهم انتقم ممن ضيع شبابه وطفولته ولم يذقه السعادة يوما من الايام .. اللهم انتقم منهم ياعزيز ياجبار 
اميين .. يارب استجب دعائي يارب .. يارب مايجي بكرا الا وابراهيم متحرر من قيود الظلم والقهر .. يارب مايجي بكرا الا و ابو ابراهيم ميت او مشلول .. يارب انتقم لهذا المسكين وارحم ضعفه امين يارب العالمين
ابراهيم: راكان 
راكان بدموع: عيون راكان 
قام ابراهيم وجلس وهو يمسح دموعه ويسحب نفس: معلييش .. كل يوم اضايقك بمشاكلي اللي ماتنتهي 
راكان: انا ما اتضايق منك انا اتضايق عليك واحس بمعاناتك .. تدري ليه؟ .. لان انا وياك واحد مو اثنين .. اللي تحس فيه انا مثلك احس فيه .. هذي مو مشاكلك بروحك مشاكلي انا بعد .. عشان كذا بصبر معاك وببقى معاك طول العمر لانك اخوي
ابراهيم بحزن: الله يصبرني على الهموم .. ويصبرك علي
مسحت دموعي وقلت: وش رايك ننحاش ؟
ابراهيم بيأس: لو انحشت بيلاحقني بسام .. انا ما ابي انحاش انا ابي اطلع براحتي بدون خوف وما ارجع للابد
راكان: الله يعين " ابتسمت احاول اطلعه من الحزن اللي فيه" ماعليه .. شلونك الحين "وحطيت يدي على جبينه" الحرارة للحين مرتفعه
ابراهيم: بحط كمادات بعد شوي
ابتسمت له واخذت الكيسه ومررتها فوقه: جوعان؟ .. جبت لك من ماك
ابتسم واخذ الكيسة على طول وهو يفتحها بسرعة متحمس .. ضحكت عليه واضح انه جوعان 
سمعنا صوت طق الباب 
راكان: اقعد بروح افتح 
ورحت للباب وفتحته .. لقيت ولد مراهق ويناظرني باستغراب من فوق لتحت
فهد: مين انت ؟
راكان: انت اللي من انت ؟
فهد: انا فهد .. هذا بيتنا وش جابك 
ناظرته بحتقار: انا ادري انه بيتكم 
فهد: ليش جاي في بيتنا 
راكان:كيييفي .. وبعدين تعال تعال 
ومسكت شوشته وجريته لي وعطيته كف باقوى ماعندي ونزلت راسه بيدي خليته يركع غصب
فهد بالم: اييي فكني فكني 
انا بعصبيه وبكل كلمة ضربه: تهايط على ابراهيم هاه ؟ تتقيوى عليه وهو مريض يالبزر يالجبان ياللي مافيك ذرة رجولة 
وكملت ضرب بعصبيه 
فهد بالم: اييي فكني والله لاعلم ابوي 
عصبت وعطيته بقس قوي على بطنه لين بغى يستفرغ
راكان بعصبيه: تعلم ابوك هاه ؟ تنخش ورا ابوك يالجبان يا دجاجة ابوك الله يلعنك انت وياه 
وسطرته كف باقوى ماعندي .. وطيحته على الارض وركبت فوقه 
راكان بعصبيه وقهر: تهايط علينا هاه ؟ يعني اني الزاحف .. يلا ورنا هياطك اشوف .. والله لاطلع هالهياط من عيونك 
ونزلت جزمتي وضربته بالجزمه على وجهه وهو يصيح 
راكان: والله قهر هالجزمه عليك بس تستاهل 
وكفخته وسطرته بالجزمه على وجهه وبردت قلبي فيه لين قال بس .. قمت وهو مازال منسدح ووطيت على صدره 
صرخت وانا ارفسه على جنبه: حقير وظالم وجبان وخبيث وما تسوى جزمة 
قام بخوف وهو يصيح وانحاش .. لحقته بالجزمه وحذفتها عليه وانحاش .. رحت اخذ جزمتي بعصبيه 
والله قهر هالجزمة تتقطع عليه لا وجديدة وماركة بعد 
لبست الجزمة ورحت لابراهيم اللي كان يطل علينا من الشباك 
قلت وانا ادق صدري بفخر: أدبته لك شرايك فيني هع 
ابراهيم ببتسامة: كفوو والله انك شنب تسلم يا بعد حيي .. خشمك "و باس خشمي بفرحة"
راكان بضحكه: هههههه لو ادري انك بتفرح كان طقيته كل يوم .. اروح اكمل عليه ؟
ابراهيم بضحكه: لالا خلاص اخذ حقه وزياده هههههههههههههه 
راكان: احم انا في الخدمة .. ان جا لك ولمس شعره منك نادني بس والله لا اصفقه لك 
ابراهيم بضحكه: اقول بس بلا هياط .. ذكرتني بتوم وجيري يوم الكلب يقول لجيري صفر بالصفارة وانا اكفخ لك توم
راكان: ههههههههههههههههههههههههههههه حلوه .. يلا انا ماشي تبي شي ؟
ابراهيم ببتسامة: سلامتك .. الله معاك
راكان: الله يسلمك .. لا تنسى تحط الكمادات وعندك الباندول اذا احتجته .. واذا ارتفعت حرارتك تروش بمويه بارده ولا تهمل نفسك زي كل مرة
ابراهيم: انشالله لا توصي حريص 
راكان: يلا مع السلامة .. بكرا بجيك اتطمن عليك 
ابراهيم بامتنان: ياحبيلك بس تحبني و تخاف علي .. مشكور راكان
راكان ببتسامة: ما سوينا الا الواجب .. يلا فمان الله 
ابراهيم: فمان الكريم 
@@@@@@@@@@@@@@@@@@@@@@@@@@
اليوم التالي 
(ابراهيم)
يومي زي كل يوم .. قمت الساعة 10 الصباح .. احس نفسيتي تحسنت بعد ليلة امس .. تروشت بمويه بارده عشان تروح الحرارة .. ودخلت البيت 
لقيت ابوي قاعد في الصالة وشكله بيطلع .. فرصة اكلمه واشكي له شوي .. يمكن يمكن يحن قلبه شوي .. مهما كان هذا اب .. واكيد فيه قلبه حنان شوي لو مقدار ذرة
رحت وجلست جنبه على الكنبة .. وكنت اول مره اتجرأ واسويها 
ابراهيم بهدوء: يبه .. يبه انت ليش قاسي .. يبه نفسي مره احس انك ابوي .. يبه انا مابيك تشتري لي سيارة ولا جوال اخر موديل نفس الشباب .. انا ابيك بس تعاملني معاملة حلوة .. ابيك ماتضربني ولا تهيني .. ابيك تحبني وتحن علي وتنفق علي مثل ما يسوي كل اب لولده .. ابيك ماتفرق بيني وبين اخواني بس هذا اللي ابيه .. والله ماطلبت شي تعجيزي 
يوم شفت ابوي ما رد كملت كلامي بحزن: يبه انا وش سويت لك عشان تكرهني كذا .. قد مره غلطت عليك او عليت صوتي عليك او ضريتك بشي ؟ .. قولي تكفى وش سويت لك 
مع اني ما اعتقد ان فيه ذنب يستاهل كل هذا .. انت ذوقتني المر يبه .. انت خليت حياتي كلها الم وحزن .. "بترجي" يبه ارحمني تكفى .. ما طلبت منك شي صعب .. بس ابتسم لي وحسسني بحنانك .. يبه نظف قلبك من الحقد وناظرني .. ليش لاف وجهك ناظرني انا ولدك 
شفت ابوي لاف وجهه وصاد عني .. قلت بحزن ودموع: يبه انا احبك والله .. بس مادري ليش تكرهني كذا .. وتتمنى لي الموت فيه احد يتمنى لولده الموت؟ .. حرام عليك يبه .. فيه ناس يشيلون اولادهم للقبر شهداء وهم يبكون بكاء مر .. فيه ناس يتمنون يكون عندهم اولاد .. وانت ماعندك اهتمام ولا مبالاه 
ناظرت ابوي اشوف مدى تأثير كلامي عليه .. لقيته لاف وجهه عني ووجهه جامد بلا شعور
قلت بصعوبه وغصه بحلقي تمنعني من الكلام: براحتك يبه .. اضربني اكثر واقسى عليه اكثر .. بس لا اشوفك بعد موتي حزين وندمان .. انا بموت قريب وحاس بهالشي .. انا حاس ان موتي قريب 
وحطيت راسي على كتفه وانهرت ابكي بشدة .. ماكنت اتوقع ان حالتي بتسوء كذا .. ماكنت اتوقع اني ببحث عن الحنان في قلب اقرب انسان لي ولا القاه .. ماكنت اتوقع اني ببحث عن الرحمة في قلوب البشر بدون نتيجه .. ماكنت اتوقعك يبه بهالشدة والقساوة .. عجيب ! انت اب ولا عدو ؟ .. خبرني يمكن اكون غلطان واحسبك ابوي .. خبرني وقولي ليه وش السبب ؟ 
ابراهيم ببكاء: يبه .. تكفى حن علي شوي .. ابي اتذكر شي حلو منك لو شي واحد .. ابي اذكرك بالخير .. مابيك تندم بعد موتي تكفى حس شوي
يبه انت تحبني وسويت لي شي حلو تدري ليش؟ .. لانك اذا توفيت وتركتني ماراح ابكي ولا احزن .. يبه انت بتخليني ما القى شي حلو اتذكره منك وابكي عليه 
يبه ماكنت اتوقعك بالشده والقساوة .. ماكنت اتوقعك تكرهني كذا كأني عدوك مو ولدك .. يبه يمكن ماتشوفني بعد هاليوم .. يمكن تكون هذي اخر لحظة .. تكفى خل النهاية حلوة وخلني اموت وانا مبسوط ومرتاح 
ابوي تأثر بشدة وبكى وضمني بقوه: يا ولدي انا اسف .. سامحني انا قسيت عليك كثير .. والله ماعاد اقسي عليك ولا اهينك .. وخلنا نفتح صفحة جديده .. تكفى ياولدي سامحني تكفى سامحني 
ضميت ابوي بقوة: مسامحك يبه .. مسامحك 
رفعت راسي عن كتف ابوي .. ونفضت هالخيالات عني .. هالشي مستحيل يصير مستحييل
حط ابوي يده على صدري وابعدني عنه بقرف: وخر لا توصخ ثوبي بدموعك وقرفك 
ناظرته بحزن .. ايه كمل بعد اجرح محتاج اكرهك اكثر .. راكان كل يوم ابكي على صدره وما يقول شي .. وهذا يوم بكيت مره على كتفه تقرف مني .. قسم بالله فرق السماء عن الارض .. 
اللي قبل شوي خيال ومستحيل يصير .. ابوي من ماتت امي وهو على هالحالة .. ماتغير من 16 سنه بيتغير الحين ؟
قمت وانا يائس من صلاح حاله .. يئست خلاص لا يمكن يحن علي لو تنطبق السماء على الارض .. ابوي يكرهني .. يكرهني بشدة ولا راح يجي اليوم اللي يحن علي فيه .. للابد 
@@@@@@@@@@@@@@@@@@@@@@@@
في نفس الوقت 
(راكان)
تأففت من هالعلة اللي قدامي : لاحوول ياخي خلني اشوف ابراهيم دقيقتين موب ضارك 
بسام بلعانه: لا يعني لا 
راكان: ليش طيب وش بيضرك؟
بسام: كيفي .. وبعدين انا كم مرة قلتلك لا اشوفك هنا بالحارة .. يله فارق من قدامي لا اوريك الوجه الثاني 
الله ياخذك .. الله ياخذك قل امين 
راكان بقهر: ياخي حرام عليكم .. فوق ما انتو منكدين عليه وحابسينه بالبيت حارمينه من شوفة الناس .. ياخي خل عندك خوف من الله 
بسام: لا تحاول شوفة مانت شايفه لو تنطبق السما على الارض
راكان بقهر: حرام عليك جعله يصير بعيالك كل هالظلم اللي سببته له .. حرام عليك ياخي وش تستفيد من هذا قول انك تحب تنكد عليه قول انها استهبال قول انها نزوى
بسام بضحكه: نزوى كرم ؟ هههههههههه
راكان بقرف: وععووه يا ملغك .. انت وانت ساكت ماتنبلع شلون عاد وانت تستهبل ؟
بسام بعصبيه: اقوول تراي عطيتك وجه .. فارق من هنا احسن لك 
فجأه جا ابراهيم وطلع وسلم علي وهو مو معبر بسام ولا كأنه شايفه .. وشكله توه باكي ويتصنع الابتسامة
ابراهيم ببتسامة: هلا والله .. حيا الله راكان 
سلمت عليه وانا مستغرب: الله يحييك 
سحب بسام ابراهيم من ملابسه: هييه هييه خييير انشالله ؟ مو شايفني قدامك 
ابراهيم باستهزاء: لا والله حسبتك الجدار 
مسك بسام ابراهيم من ثوبه وقربه منه وهو يزفر بعصبيه: تكلم عدل واحترمني واحشم روحك لا يجيك شي ماتتمناه
ابراهيم باحتقار: لا والله؟ .. ومين انت عشان احترمك .. انت اصلا خدام عندنا ابوي اللي يأمر وانت اللي تنفذ غصب عنك .. على ايش نحترم واحد حثاله مثلك كل همه الفلوس لو يهين نفسه علشانها
انصدمت اول مره اشوف ابراهيم بهالجرأه بس استانست وفرحت اخيرا صار ابراهيم قوي وشجاع يفرض شخصيته وياخذ حقه بنفسه .. ابتسمت بفرح 
لكن هالابتسامة تلاشت لما شفت بسام يعصب ويمسك ابراهيم من ثوبه ويجره بعصبيه لداخل البيت وهو يصرخ: انا حثاله؟ .. انا اوريك يالكلب 
ودخل بسام للملحق ورمى ابراهيم على الارض وقفل الباب وراه .. شهقت بصدمه وركضت للباب اضربه وانا اصارخ: ابراهيييم ابراهييييييييييييييم .. افتح يا كلب 
سمعت صراخ ابراهيم وصياحه ووقف شعر راسي من الخوف .. وضربت الباب باقوى ماعندي وانا اصارخ برا وهو يصارخ جوا بدون فايده 
سمعت صراخ ابراهيم وهو يناديني ويستنجد بي: راكان .. راكان الحق علي بيذبحني والله بيذبحني 
راكان بصراخ: ابراهيييييييم لا 
وضربت الباب باقوى ماعندي وانا اترجى بسام واناديه .. لكن لا حياة لمن تنادي
ركضت للشباك وفتحته وطليت على ابراهيم .. انصدمت وبغى يوقف قلبي .. شفت بسام ماسك ابراهيم ويضربه بعنف .. وطلع سكينه مطويه من جيبه وطعنه مع فخذه بقوه 
صرخت وانا اصيح: لا ابراهيييييييم .. حسبي الله عليك يا بسام الله يشل ايدك .. جعلني اشوفك تموت محروق قدامي 
سمعت صوت صراخ: خير وش فيه؟
التفتت لقيت ابو ابراهيم واول ما شافني انصدم: انت؟ وش جابك ببيتي يالخسيس؟
اشرت على الملحق وانا اصيح: الحق ولدك لا يموت بين يدينه .. الحق ولدك ان كان فيك ذرة ايمان بقلبك 
اندهش ابو ابراهيم وطل على الملحق من الشباك وانصدم .. التفت لي ومسكني مع ثوبي 
ابو ابراهيم وكأنه خايف: اطلع برا اطلع برا بسرعة 
وشالني ودفني من الباب وطحت على الارض على بطني .. وسكر الباب بقوة
@@@@@@@@@@@@@@@@@@@@@@@@@@
انتهى البارت السابع عشر
وش مصير ابراهيم ؟ 
و ايش كان قصده لما قال "انا حاس ان موتي قريب" ؟ 

روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الحيييين بنزل البارتات الأخيرة plz ابي ردووود ..

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء الثامن عشر 
الانتقام ~
(ابراهيم)
كنت انضرب بقسوة ووحشية من اقسى اثنين في الدنيا .. ابوي وبسام .. ايه ابوي بعد كان يضربني لانه سمع السالفة من بسام وعرف اني سبيته واهنته .. وبسام مدير اعماله ومثل ولده ما يرضى عليه الاهانه .. وكان يبيها من الله لانه يدور الزلة علي ويدور أي شي يعذبني فيه .. والظاهر انه خلاص قرر يذبحني ويتخلص مني للأبد 
وكان يسب بكلمات انت عار علي انت سبب فضيحتي .. خليت الناس ياكلون وجهي بالكلام .. وكلام ما سمعته لاني كنت بين الحياة والموت 
حسيت بالسكينة تشقق صدري .. صرخت بألم وانا استنجد براكان .. هو الوحيد اللي يقدر يساعدني ويوقف معاي لكن كيف ؟ وهم مقفلين الباب حسبي الله عليهم 
صرخت ببكاء: اتركووووني اتركووني والله بمووت 
بسام بصراخ: موت خلنا نفتك منك جالس على قلوبنا بدون فايدة 
قلت وانا ابكي من حر الألم: والله ماعاد اقعد عندكم بس فكوني ووالله اطلع من عندكم واختفي من حياتكم للأبد .. وعد اني اختفي من حياتكم للأبد وما تشيلون همي بس فكوووني "ناظرت ابوي وصرخت وانا ابكي" يبه انا ولدك تكفى اتركني يباه 
وكملوا يضربوني بقوة وانا بين ايديهم احس ماقدر اتحرك من الالم اللي فيني 
ابوي بصراخ: انت السبب .. انت وامك السبب موت خلني افتك منكم ومن ذكراكم الشينه
ابراهيم ببكاء: يبه خلاص والله لاطلع من عندكم وماعاد تشوفني ابد .. اذا ذبحتوني بتدخلون السجن .. تكفون انا مابيكم تدخلون السجن بسببي مو عشاني عشانكم .. تكفى يبه امنحني فرصة اعيش .. انا مثلك يبه انسان وابي اعيش تكفى اتركني ولا تذبحني .. تكفوووون فكووني ووالله ماعاد أأذيكم بشي والله لاختفي من حياتكم للأبد 
ورفسني بسام مع جنبي بقوة .. صرخت وتكورت على نفسي بألم وانا اشوفهم يجرحوني بالسكين ويطلع الدم من صدري .. وفخذي يطلع الدم منه بقوووه بسبب الطعنه وهو بيذبحني من العوار
ابتسمت وانا اشوف دمي حولي .. اخيرا بموت .. اخيرا برتاح من شقى الدنيا وعذابها .. اخيرا بموت واترك الدنيا وابوي سبب عذابي وحزني .. اخيرا بروح لربي وادخل الجنة واعيش بسعادة .. اخيرا ب .................
بديت احس بالموووت يحوم حولي .. غمضت عيوني واستسلمت .......
@@@@@@@@@@@@@@@@@@@@@@@@
بنفس الوقت 
(راكان)
قمت بعد طيحتي ونفضت ثوبي عن التراب .. ومسحت دموعي بألم .. يعني خلاص ما راح اشوفك يا ابراهيم ؟ .. للأبد ؟! .. بتموت وتخليني وحيد
لا يارب لا .. يارب ما يموت يارب .. يارب لاتفجعني بموت اعز انسان على قلبي يارب احفظه لي بعينك التي لاتنام
ورجعت ابكي بشدة مره ثانية .. رحت للباب وجلست اخبط على الباب بقوه 
راكان ببكاء: افتحوا الباب .. افتحوا خلوني اشوف اخوي .. افتحوا لا تذبحونه وتذبحون قلبي معاه .. افتحوا حرام عليكم .. فرقتوا بيني وبينه وعذبتوه وعذبتوني معاه وماكفاكم اللي سويتوه تبون تذبحونه بعد .. تكفووووون لا لاتذبحونه الله يخليكم .. والله بعطيكم اللي تبونه بس لا تذبحونه لا تذبحونه لا 
وانهرت ابكي بشدة .. وانا اسمع صوت ابراهيم من الملحق يصارخ ويناديني .. ويناديني انا من بد كل هالعالم ليه؟ .. لاني الوحيد اللي يحبني لاني الوحيد اللي اساعده واوقف جنبه واسانده واحبه اكثر من ابوه ومن اقرب الناس له 
التفتت حولي وانا ابكي بشده واصررررخ .. ماحد يسمعني من الجيران؟ .. ليش مافي احد ليش انا وحيد ؟ 
ناظرت البيوت اللي حولي .. كلها قصور وغالبا الاحياء الراقيه تكون هاديه ومافيها احد خصوصا بهالوقت وقت دوامات .. ليش ماحد يسمعني ليش؟ .. ليش بهالوقت بالذات وانا محتاج ليش ؟!
ركبت السيارة وانا اضرب راسي على الدركسون بقهر وببكاء .. توني احس بالمعاناة .. توني احس بمرارة الظلم .. توني احس بمعاناتك يا ابراهيم 
يارب ارحم ضعفي وقلة حيلتي .. يارب ساعدني اوصل لحل .. مخي انشل عن التفكير .. مادري وش اسوي 
يارب اذا اخذت روح ابراهيم خذ روحي معاه .. لاتخليني اعيش على ذكراه المريرة وابكي واتحسر .. يارب 
جلست ابكي تقريبا عشر دقايق .. لين قررت ما اسكت لهم .. لازم انتقم منهم لازم .. لازم اخذ بثار ابراهيم منهم .. وطلعت جوالي بسرعة .. فتحت الجوال وانا ما اشوف بسبب دموعي مسحتها على طول وضغطت على الرقم 
هذا رقم الدكتور وليد .. الدكتور اللي كان يعالج ابراهيم وهو اللي نقل دمي له 
يمكن اوصل لحل .. يارب يقدر يساعدني وانتقم منهم 
د. وليد: الووو .. مين معاي 
قلت ببكاء وبدون مقدمات: انت قلت لابراهيم اذا احتجت شي كلمني .. ابراهيم محتاجك الحين 
د. وليد باستغراب وصدمه: مين انت ؟ .. هد نفسك وفهمني
قلت وانا اهدي نفسي: انا راكان صديق ابراهيم اللي جيت لك في المستشفى وتبرعت لابراهيم بدمي .. ابراهيم اللي كان فيه فقر دم
د. وليد بخوف: ايه عرفتكم .. ابراهيم اللي عطيته رقمي ووش فيه ؟ 
راكان ببكاء: الحق يا دكتور ابراهيم بيموووت
د. وليد بصدمه وخوف: بيمووووت ؟ ليه وش فيه ؟؟؟!!!!!!!!! 
راكان: ابي اقابلك الحين ضروري .. ابيك توقف معاي عشان نقدر نخلص ابراهيم تكفى
د. وليد بخوف: طيب وين اقابلك ؟ 
قلتله على المكان .. و قال بيجي بسرعة و سكرت
جلست انتظره وانا جالس بالشارع على الارض وممدد رجولي ومسند ظهري على السيارة .. وتعبان وحالتي حالة .. وحلقي جاف ودموعي نشفت واحس الهموم كلها على راسي .. 
ابراهيم .. اول ما قابلته كسر خاطري وعزمت اني افرح قلب هاليتيم واتصدق عليه .. لكن مادريت اني بحزن معه وبيتعلق قلبي فيه وبيصير توأم روحي .. بعد ماكان فقير تصدقت عليه صار لزيم الروح اللي القلب ما يقوى فراقه 
لو يموت ابراهيم ! .. شلون بعيش؟ .. شلون بنساه وبنسى ذكرياتي معاه؟ .. شلون بقعد في الاستراحة بدون ماتذكر جلستنا وسوالفنا مع بعض كل يوم .. شلون بنسى شخص ضميته وبكى على صدري وهديته ومسحت دموعه ؟ .. شلون بنسى شخص كان قريب لي وطول وقته معاي ؟
والله ما انساك يا ابراهيم وببكي على كل ذكرى تمر في بالي .. ماراح انسى شخص حبني واعتبرني اخوه ومصدر سعادته وفتح لي قلبه .. ماراح انسى شخص يحس بأمان بقربي ويحس بسعادة بوجودي جنبه .. ماراح انسى شخص فرحته وحنيت عليه وحسيت بمعاناته وبكيت بجنبه .. كيف بعيش بعد موتك يا ابراهيم ؟
رفعت راسي وانا اتذكر السكينه وهي تدخل في ابراهيم قدامي .. طعنوه ووش بيسوون بعد ؟ وش باقي ماراح يسوونه لابراهيم؟ وش باقي ظلم وقسوة والم ماذوقوه اياه ؟ ..
نزلت دموعي مره ثانيه .. وصورة السكين وهي تدخل وتطلع معلقة في بالي 
سمعت صوت سيارة .. وقفت ونزل منها شخص يركض وقرب مني وانحنى علي 
د.وليد بخوف: راكان ؟ .. وش فيك ووش فيه ابراهيم ؟ قولوا لي وش صاير 
قلتله السالفة كلها 
د.وليد بشهقه: انت مجنووووون ؟! .. ليييش قاعد قوم نبلغ الشرطة 
راكان بحزن: تعتقد بيسوون شي ؟
د.وليد : اكيييد ماراح يسكتون لهم هذولا بيذبحونه .. قوم معاي بسرعة 
ومسك يدي يقومني .. قمت معاه وركبنا السيارة .. وانطلقنا لمركز الشرطة 
راكان بحزن: وليد اخاف يموت ابراهيم ولا نقدر نلحق عليه 
د.وليد: لا انشالله ماراح يموت .. انت ادعي له 
راكان بحزن: بس انا شفت بسام يطعنه .. ومادري وش بيسوون له بعد 
د.وليد: لاحوول ولا قوة الا بالله .. وش هالأب ؟ .. انشالله الشرطة بياخذون حق ابراهيم منه 
راكان بقلق: الله يستر يا رب .. يارب ابراهيم مايموت .. بسرعة ياوليد لا نتأخر ويفوت الفوت 
د.وليد: انشالله انشالله 
ووصلنا لمركز الشرطة .. دخلنا عند الضابط واشتكينا له .. كان وليد هو اللي يتكلم لانه يعرف اما انا طول الوقت ساكت وادعي 
الضابط : ممكن تعطينا اسم الجاني والمجني عليه 
التفت لي وليد وكأنه يتسفسر .. قلت: اسم الجاني احمد الفهد .. والمجني عليه ابراهيم الفهد 
الضابط بصدمه: احمد الفهد ! .. هذا متورط بقضايا كثيرة .. والشرطة ما يعرفون وين مكانه 
قلت باستغراب: وش القضايا اللي متورط فيها بعد ؟ 
الضابط: قضايا سرقة اموال واراضي .. انت تعرف وين مكانه بالضبط؟ 
سرقة اموال واراضي؟! .. حقير و مجرم و مايخاف الله .. عشان كذا ما يمشي الا ومعاه حرس وبودي قارد عشان يقدر يتخبا وينحاش .. صدق حرامي ومجرم .. لكن طيحتك على يدي يابو ابراهيم 
راكان: ايه اعرف ياحضرة الضابط .. ومو بس هو الجاني .. معاه واحد اسمه بسام 
الضابط: بسام ايش ؟ 
راكان: مادري والله 
الضابط : تقدر توصف لنا شكله ؟
راكان بحيرة: امممم مادري "وسكتت شوي احاول اتذكر اوصافه" ممممم .. اسمر شوي ومسوي سكسوكة .. شعره فلافل وقصير .. معضل وطويل شوي .. ودايما معاه عود اسنان يهايط به 
الضابط وهو يسجل الاوصاف: طيب وين المكان بالضبط ؟
ووصفت له على المكان .. وانطلقت دوريات الشرطة 6 دوريات وانا ووليد نلحقهم بالسيارة .. ووصلنا البيت وحاصروه الشرطة 
كنت حاس اني بفلم .. مو مستوعب اللي يصير قدامي .. بس انشالله يقدرون يقبضون على ابو ابراهيم ونفتك منه للأبد 
نزلوا الشرطة من السيارات ونزلنا معهم انا ووليد .. قربوا الشرطة ورنوا الجرس 
سلامات يرنون الجرس؟ .. والله فاضين 
قلت باستغراب: وش حقه ترنون الجرس؟ .. ياخي اكسروا الباب اقتحموا البيت بسرعة نبي بأكشن
قال واحد من الشرطة والظاهر انه اقشر: ماودك تدخل بدالنا ؟.. لا صدق تفضل ادخل واحنا بنقعد نحتريك برا 
تفشلت وناظرني وليد يعني اسكت وسكتت وانا منحرج 
رنوا الجرس مره ثانية .. وفتح بسام وناظرنا منصدم
اول ما ناظرته تقرفت وكشرت صدق مايستحي بعد كل اللي سواه .. كان ودي اهجم عليه واذبحه بس خايف من الشرطي الاقشر
تكلم الشرطي:احمد الفهد موجود ؟ 
بسام بصدمه: ايه موجود 
الشرطي: قوله يتفضل معانا المركز 
بسام بصدمه: ليش هو و..وش مسوي ؟
الشرطي: متورط بعدة بقضايا 
بسام بصدمه: تأكد ياخوي .. هذا احمد الفهد .. اللي الكل يعرفه ويشهد له بالاخلاق الحسنة 
قلت باحتقار: ايش ؟! .. اخلاق حسنة ! .. هذا سراق وحرامي وظالم وتقول انه اخلاق !! .. "والتفتت للشرطة وصرخت" هذا هو بسام اللي قلتلكم عنه .. هذا اللي ضرب ابراهيم وطعنه 
فجأه سمعنا صوت صرخه: بسام جهز السيارة بسرعة قبل لا يمسكوننا 
وفجأه انسحب بسام وركض جوا البيت هجموا الشرطة لداخل البيت وانا ووليد معهم .. ركضنا وشفنا ابو ابراهيم وبسام يركبون السيارة وينحاشون 
صرخ الشرطي: الحقوا بهم 
وركضوا الشرطة وركبوا السيارات ومسكني وليد وجا بيركبني معهم صرخت وقلت: لحظه بشوف ابراهيم اخاف يموت
وليد بصرخه: بعدييييين مو وقته 
وركبني غصب بسيارة الشرطة وركب هو جنبي .. وانطلقوا سيارات الشرطة وانطلقت الصفارات وهم يلاحقون سيارة ابو ابراهيم 
وانا كنت منصدم من اللي يصير حاس كأني بفلم اكشن بس حماس ودي انهم يمسكون ابو ابراهيم باسرع وقت 
انقسموا الشرطة لقسمين وصاروا يلاحقون ابو ابراهيم وهو يفحط ويلفلف بالشوارع وصارت مطارده كبيرة وتفحيط وتسحيب والشرطة يحدون من هنا ومن هنا وكل ما مرينا طريق لقينا فيه سيارتين شرطة او اكثر .. كل هذا وما قدروا يمسكون ابو ابراهيم 
طلع الشرطي الجهاز اللي يكلم فيه وطلب انهم يرسلون دوريات اكثر.. وانطلقت الدوريات في احياء الدمام ورا سيارة ابو ابراهيم .. ومترنا الشوارع ما بقى طريق ما مروا عليهم واحنا وراهم 
التفتت لوليد: اللعنه وش هذا اهب عليهم 
وليد: لا تخاف بيمسكونهم اكيد
راكان بقلق: ياربييه وش صار لابراهيم الحين والله خايف عليه .. بس ماراح ارتاح لين اشوف بعيوني ابو ابراهيم مسجون 
انتبهت للشرطي طلع مسدسه وقام يطلق على كفر سيارة ابو ابراهيم يبغاه ينسم .. لكن حصل اللي ما توقعناه ولا خطر على البال 
لفت سيارة ابو ابراهيم وانحرفت عن الطريق وانقلبت ست قلبات واستقرت على الارض وهي مقلوبه .. وتخفست وتكسرت وانعدمت على الاخر 
وقفت سيارات الشرطة ونزلوا يشوفون الحادث .. نزلت معهم وانا منهبل ومندهش من اللي يصير قدامي .. توقعت اني قاعد احلم وبصحى بعد شوي لكن اللي صار قدامي كان حقيقة 
صرخ الشرطي: حاولوا تطلعونهم من السيارة 
ركضت ابي اشوف الحادث من قريب واجتمعوا الناس والشرطة .. كنت اشوف وكأني ما اشوف وتذكرت كلامي اللي كنت اقوله لا ابراهيم 
"بيجيهم يوم اسود وقول راكان ماقال"
"بيجيهم يوم اسود وقول راكان ماقال"
"بيجيهم يوم اسود وقول راكان ماقال"
والله صدقت هذا هم صار لهم حادث وهم بين الحياة والموت الحين .. بس يارب ان ابراهيم بخير 
قربنا من السيارة انا ووليد وشفناها كانت متخفسة مررره والقزاز كله متكسر وشظايا زجاج متطايرة بكل المكان .. وفيه دم على الارض
بدوا الرجال يصارخون ويحاولون يطلعونهم من السيارة قبل لا تنفجر .. كانوا ناشبين بقوة ودمهم ينزف وخصوصا بسام اللي مو بخير 
شفت الشرطة طلعوا ابو ابراهيم من السيارة وكله جروح واصابات والقزاز متناثر على وجهه وكله دم وكان بغيبوبه .. جات سيارة الاسعاف وكشفوا عليه الرجال .. قالوا انه احتمال كبير يصير مشلول وبغيبوبه وبيودونه المستشفى .. وطبعا اول ما يطلع من الغيبوبه بيدخلونه السجن على طول 
لا اله الا الله .. تذكرت دعوتي عليه امس
" يارب مايجي بكرا الا و ابو ابراهيم ميت او مشلول"
" يارب مايجي بكرا الا و ابو ابراهيم ميت او مشلول"
" يارب مايجي بكرا الا و ابو ابراهيم ميت او مشلول"
وهذا هو صار مشلول الحين .. هذا جزاء افعاله الخالية من الرحمة والانسانية .. هذي حوبتنا وقهرنا انا وابراهيم .. هذي دعوة المظلوم
اما بسام .. ماقدروا يطلعونه لان السيارة كانت متخفسه بقوة من جهته وكان ناشب بالسيارة .. قدروا يطلعون نص جسمه بس اما رجلينه ماقدروا يطلعونها .. كان كله دم وجروح .. وكان يهذي بكلام غير مفهوم وهو بين الحياة والموت 
ناظرت وجهه المليان دم والجروح اللي عليه .. وراسه اللي انشق بالنص .. وصدره اللي انشق وكله دم واصابات .. هذي عاقبتك يالظالم .. تستاهل ما جاك واشد هذي حوبة ابراهيم ودعائه عليك 
سمعت صرخة احد الرجال: ابعدوا السيارة بتنفجر 
صرخنا وركضنا كلنا وحنا خايفين .. وابعدوا كل الرجال .. وانفجرت السيارة بقوة واحترقت حريق كبير 
بسام .. انفجرت السيارة وهو داخلها .. انفجرت واحترقت وانحرق معاها .. تذكرت كلامي يوم دعيت عليه اليوم وانا مقهور
"جعلني اشوفك تموت محروق قدامي"
"جعلني اشوفك تموت محروق قدامي"
"جعلني اشوفك تموت محروق قدامي"
وهذا هو مات محروق قدامي .. سبحان الله كل شي صار حقيقة .. كل اللي دعيت فيه عليهم تحقق الحين.. ابو ابراهيم وصار مشلول .. وبسام مات محترق .. وجاهم يوم اسود وعقاب لهم .. اخيرا افتكينا منهم ومن ظلمهم .. اخيرا افتكينا من المعاناة .. هذي عاقبة كل ظالم 
شفت المطافي جت عشان يطفون السيارة .. الشرطة جت والاسعاف جت والمطافي جت كله عشانهم .. وكل هذا صار لهم سبحان الله يوم اسود لبسام وابو ابراهيم 
شفت المطافي وهم يطفون السيارة .. بعدها طلعوا جثة بسام .. شهقت من منظره .. كان اسود ومتفحم وغير انهم قطعوا رجلينه عشان يطلعونه لانه كان ناشب .. يالله وش هذا .. منظره مقرف ومرعب .. يالله خاتمته سيئه جدا 
وهذا كله من اعماله السيئة .. تذكرت ابراهيم يوم يشكي لي منه ويبكي بحرقة وقهر .. تذكرته يوم يجي لاستراحتي ويضرب ابراهيم ويرميه على الارض .. تذكرته يوم يطعن ابراهيم بالسكينه .. تستاهل يالظالم .. تستاهل جزاك واقل من جزاك 
ياما عانى ابراهيم منك ومانام الليل من ظلمك .. ياما بكى بحرقة واشتكى .. لكن جا هاليوم اللي انتقم فيه منك واقتص منك على كل الظلم اللي سببته له 
التفتت لوليد .. شفته يناظر الموقف ويهز راسه بأسف 
وليد: ماكنت اتوقع ان هالشي بيصير
راكان: ولا انا .. هذا من دعائنا انا وابراهيم .. وهذا جزائهم 
شفتهم يشيلون السيارة ب سطحة بيودونها للتشليح .. وشالوا ابو ابراهيم للمستشفى .. وبسام للقبر 
هزيت راسي بأسف .. شوي شوي راحوا الشرطة وبدوا يخفون الرجال ويروحون شوي شوي فضى المكان وما باقي الا انا ووليد 
التفت لي وليد وحط يده على ظهري: يله نمشي 
هزيت راسي ومشيت معاه .. وقفنا تاكسي على الطريق والتفت لي وليد
وليد: وين بتروح ؟
راكان: انا بروح لبيت ابو ابراهيم اشوف ابراهيم .. وانت روح لبيتك مشكور ماقصرت .. وقفت وقفة معاي الله يعطيك الف عافية 
وليد: الله يعافيك .. اجل انت خذ هاللموزين وانا باخذ لموزين ثاني 
هزيت راسي وركبت اللموزين .. قلتله يروح لبيت ابو ابراهيم ووصفتله المكان وراح
وصلنا البيت ونزلت بعد ماعطيت اللموزين حقه .. كانت الساعة 2 الظهر .. لقيت الباب مفتوح دخلت البيت ركض .. لقيت البيت معفوس وحالته حاله وشفت ولد جالس بالحوش يصيح 
وقفت عنده وقلتله: ليش تبكي ؟ 
زياد بصياح: ابوي مادري وين راح .. امي تدق عليه مايرد
هزيت راسي بأسف وحطيت يدي على كتفه: ابوك بالمستشفى سوا حادث
شهق وهو خايف: حادث؟ "وبكى اكثر" هو وينه ووشلونه الحين ؟
بصراحة كسر خاطري .. حرام عياله يضيعون بعده .. صدق انك ما تستاهلهم يابو ابراهيم .. ليتك متت قبل لا تطلع على الدنيا وتعذب هالعيال من بعدك 
قلت بأسف: هو بمستشفى ال(............) .. روح انت وامك للمستشفى وشوفوه 
قام بسرعة وهو ينادي امه ويبكي .. ودخل جوا البيت 
قمت ورحت للجهة الخلفية من البيت .. ويوم قربت للملحق انصدمت وانا اناظر دم على الارض .. شهقت بخوف ودخلت للملحق بسرعة وانا اصرخ: ابراهييييييييييييييييييييييم
بس مالحقت عليه الا باخر لحظة .. شفته طايح على الارض وغارق بدمه .. ركضت له بسرعة وانا ابكي وجثيت عنده 
راكان ببكاء: ابراهيييم .. ابراهيم تكفى قوم .. ابراهيم تكفى لا تخليني بروحي .. ابراهيم تكفى لا تموت وتخليني "وانهرت ابكي بشدة"
شفت بلوزته البيضاء تحولت لاحمر غامق .. وبنطلونه من عند الفخذ مشقوق وطالع منه الدم بكثرة .. حسبي الله عليهم 
نزلت شماغي ولفيته على فخذه .. وانا ابكي بقوة .. لايكون ذبحوه لا يكون مات لا 
وحطيت راسي على صدره وانا ابكي .. قلت ببكاء: ابراهييم .. ابراهيم قوم تكفى .. ابراهيم شوفهم خلاص عاقبهم الله وانتقم لك منهم .. ابراهيم شوف بسام مات وابوك صار مشلول .. ابراهيم رد علي 
ابراهيم انت تقول اذا تخلصت منهم راح تجي وتعيش معاي .. ونعيش مع بعض بسعادة وحرية .. هذا انت تخلصت منهم يلا قوم وتعال معي .. يلا قوم نروح للاستراحة ونقعد مع بعض على العشب ونسولف ونضحك .. يلا قوم نلعب ونضحك مع بعض وناكل ونسولف .. ابراهيم يله قوووم 
ابراهيم هذي فرصتنا .. بسام مات وابوك بالمستشفى وماحد عندنا يمنعنا .. ابراهيم هذي فرصتنا تقدر تطلع و تجي معاي وماحد يمنعنا .. يلا قوم هذي فرصتنا .. 
رفعت راسي عن صدره وانا اشاهق .. قمت اخذت مقص من الدرج وقصيت بلوزته بالنص لين انقسمت نصين .. وانكشف صدره 
شهقت وانا اطالع صدره وزاد بكائي اكثر .. صدره كله دم وجروح عميقه 
اخذت شماغي وقصيت منه قطعة وحطيتها على صدرة .. مادري وش الفايدة او ليش سويت كذا .. بس مابي اشوف دم ابراهيم يطلع قدامي .. منظرة يوجع القلب .. طايح على الارض وكله دم كأنه خروف مذبوح بعيد الاضحى .. بس الفرق انه انسان وهالشي ما يرضى فيه احد .. خصوصا انه صديقي واعز انسان على قلبي 
كان منظر محزن انك تشوف صديقك وتوأم روحك يموت قدامك و توقف عاجز قدامه ما تقدر تسوي شي .. منظر يوجع القلب 
ناظرت شماغي اللي على صدره اللي تشرب الدم بسرعة .. وتحول للاحمر الغامق
هزيت راسه وانا اناديه ابيه يقوم .. لكنه ما قام ولا يرد علي .. يعني مات ؟ .. لا ابراهييييم ما مات .. ابراهيم الساعة 10 كان يكلمني ويضحك علي وسلم علي .. ايه سلم علي بيده .. ابراهيم قبل شوي كان يكلمني ما مات لا ما مات 
قربت منه اكثر وحطيت يدي على صدره .. امتلت يدي كلها دم ووخرتها عن صدره بسرعة .. ناظرت يدي اللي امتلت بدمه .. هذا دم ابراهيم .. هذا دم اخوي الغالي اشوفه يطلع قدامي ولا اقدر اسوي شي 
والله ماتستاهل كل هذا يا ابراهيم .. انت طيب وماعمرك أذيت احد ولا تأذي نملة حتى .. ليش كلهم يأذونك بدون ذنب ليش ؟
لصقت وجهي بوجهه ومليت وجهه بدموعي وقلت 
راكان ببكاء: ابراهيم .. قوم شوف بسام مات .. انت من زمان كنت تبي تنتقم منه وتبغاه يموت وتفتك منه .. قوم شوفه مات .. ابراهيم انا من زمان ابيه يموت ومات وافتكيت منه .. لكن فرحتي ناقصة لانك بتموت بعد وتخليني 
ابراهيييم .. ابراهيم يا حبيب قلبي قوم ولا تخليني .. ابراهيم حياتي من بعدك مالها طعم .. ابراهيم انا كنت انبسط لا تصدقت عليك وفرحتك .. تدري وش شعوري لما اتصدق عليك؟ .. لما اتصدق عليك وعلى كل لقمة اعطيك اياها وكل ابتسامة اخذ مئات الحسنات احس كأني ادخل الجنة بسببك .. انا وكافل اليتيم في الجنة كهاتين .. انت بتخليني ادخل الجنة يا ابراهيم
ابراهيم انت متت خلاص وما راح اخذ اجر مره ثانيه .. ماراح افرح مره ثانيه واحس اني سويت شي فيه خير .. ابراهيم بنحرم من الاجر والسعادة وكل شي لا خليتني .. ابراهيم قوم تكفى ولا تخليني 
ابراهيم والله لا افرحك واخليك تتوظف وابني لك بيت جنبي بس قوم تكفى .. الحين مات بسام وانشل ابوك وتحققت امنياتنا وافتكينا منهم بس وش الفايدة من هذا كله دامك بتموت وتخليني 
كنت ابكي بشدة .. كنت منهار .. كنت حاس اني فقدت اغلى شي بالدنيا .. كنت احس ان حياتي راح تكون بدون طعم و لا لون 
قربت من ابراهيم وقبلت جبينه .. وانا ادعي له بالرحمة والغفران .. واودعه للأبد .. بكيت بشدة والم 
فجأه رفعت راسي ومسحت دموعي .. لا ابراهيم ما مات .. لا ابراهيم حي بس تعبان .. وينتظرني اوديه المستشفى الحين واعالجه .. لازم اتصرف لازم ماخليه كذا 
اخذت جوالي ودقيت على عبدالعزيز بسرعة 
رد وانهبل يوم سمعني ابكي واشاهق: ركووون وش فيييييييك ؟
راكان ببكاء وانهيار: عبدالعزيز تعال لي بسرررررعة انا محتاجك محتاجك 
عبدالعزيز بصدمه: وش فيييييييييك ؟؟
راكان ببكاء: تعال للبيت اللي قد مره جيت له واخذتني انا وابراهيم .. يوم نروح للمطعم الصبح 
عبدالعزيز: ايه اتذكره اتذكره .. بس انت وش فييييك ؟؟ 
راكان: تعال بسرررعه وانا اقووولك 
عبدالعزيز: طيب جاي جاي 
وسكرت منه .. وقعدت عند ابراهيم ومسكت يده 
راكان ببكاء: ابراهيم .. ابراهيم خلاص الحين بيجي عبدالعزيز ونروح للمستشفى .. خلاص الحين بيعالجونك وتصير طيب ونعيش انا وياك مع بعض .. ونتزوج ونجيب عيال .. ابراهيم انت ماراح تموت الحين .. ماراح تموت الا بعد ماتشوف احفادك .. ابراهيم انت بتبقى معاي طول العمر ومراح نتفارق ابد .. بس خلك قوي وتحمل ولا تموت
اخذت المقص وقصيت بنطلونه من عند الفخذ عشان مايلصق البنطلون بالجرح .. فتحت البنطلون وكشفت عن فخذه وانهرت من البكاء .. شفت جرح عمييييق بفخذ ابراهيم والدم يتفجر منه .. شفت اللحم طالع أي والله لحم ابراهيم طالع .. لا حول ولا قوة الا بالله انا لله وانا الينا راجعون .. حسبي الله عليك يابسام جعلك تتعذب بقبرك ليوم القيامة
حتى وانت ميت مارتحنا منك .. ابراهيم الحين بيمووووت ويخليني كله بسببك 
اخذت القطعة الباقيه من شماغي ولفيتها على فخذه وربطتها بقوة عشان اوقف النزف .. شلت ابراهيم وحطيت راسه بحضني وحطيت راسي على الجدار وانا ابكي بمرارة 
بعد 15 دقيقة جا عبدالعزيز اخيييرا .. دخل داخل البيت لان الباب كان مفتوح وقام يصارخ ويناديني عشان يعرف مكاني .. صرخت وناديته وتبع مصدر الصوت لين جا .. وانصدم لما شافنا 
انا ثوبي مليان دم وحزين وتعبان وحالتي حالة .. وابراهيم منسدح بحضني وكل جسمه ملطخ بالدم الغامق من صدره الى رجليه 
صرخ عبدالعزيز بصدمه ودهشه واستغراب: وش فيييييييييكم ؟ ابراهييييم مات !!! لا
@@@@@@@@@@@@@@@@@@@@@@@@@@
انتهى البارت 
ابراهيم صدق مات ؟ 
كيف راح يعيش راكان بعد موت ابراهيم ؟