تويت
رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة
الجزء الثاني عشر
المعاناه ~
(ابراهيم)
قمت الساعة 2 الليل .. راسي مصدع ورقبتي تعورني من النومة الغلط .. فتحت عيوني وناظرت بالمكان .. وانصدمت
لقيت نفسي بالملحق .. قديم ووصخ ومليان اغراض وحوسة .. ومنسدح ع البلاط بدون لحاف ولا شي !
بغيت اصيح من القهر .. قسم بالله الخدامات ابوي حاطلهم غرف داخلية وفخمه ونظيفه .. والحراس والعمال احسن منهم بعد .. وانا ولده من لحمه ودمه قاطني بالحوش كأني قطو
الحين لا هو اللي طردني من البيت وخلاني ادبر عمري.. ولا هو اللي دخلني البيت وحطلي غرفة ومكان انام فيه
لا يرحم ولا يبي رحمة الله تنزل !
ما يحبني ولا يبيني ليش يخليني عنده ؟ .. تأففت بقهر وانا ودي اصيح
قمت وطلعت من الملحق .. وانا ماسك بطني جوعان .. رحت للباب اللي يدخل على البيت لقيته مقفل .. تلفتت حولي لقيت ملحق كأنه بيت صغير بس فخم وجنبه مطبخ
غريبه ابوي حاط مطبخ بالحوش
دخلت للمطبخ وفتحت الثلاجة .. كانت مليانه فواكه وحلويات وكيك وفطاير ومعلبات وخضروات وعصيرات.. ومالذ وطاب من الأكلات
اخذت صحن الفطاير والكيك وتوني بسكر باب الثلاجة
الا لقيت بسام واقف قدامي ومعصب
فزيت وقلت بخوف: يمممه !
بسام بطنازه: ههههه يممه ! .. وانت شفت امك اصلا ؟!
ناظرته بحزن .. كيف طاوعه قلبه يقول ليتيم هالكلام ؟
جعلك تفقد امك يابسام عشان تحس بالألم اللي حسيت به
ابراهيم بحزن: من عاب ابتلي .. جعل الله يبتليك عشان تحس
بسام باحتقار: شف بس .. فاقد امه ويبي الناس تصير مثله .. انثبر وانطم هذا قدرك وتستاهل هذي عقوبة الله
ابراهيم بقهر: ليش انا ظالم مثلك ؟
بسام بحتقار: اقوول لا تقعد تسوي لي فيها المظلوم والبريئ وانت ابليس بعينه
هذا الكلام معه مايفيد .. صعب تحسن صورتك عند مشوهين العقول
طنشته واخذت اكلي ومريت قدامه بصمت .. سحبني مع ذراعي
بسام: اقول تعال تعال .. وين انشالله .. "وناظر الصحن" اشوفك ماخذ من ثلاجتي وانا ساكت لك
انصدمت .. ثلاجته !
قلت وانا مو متأكد من كلامي: هذي ثلاجتنا
ضحك بسام: لا يا حبيبي هذي ثلاجتي والمكان هذا كله لي .. انت انقلع للملحق هناك مكانك كأنك سواق هندي .. ولا تجي هنا مره ثانيه .. "بضحك" سمعت بابا ؟
يضحك علي ويكلمني كاني بزر .. بس ع الاقل احسن من ما يكون معصب ويهاوش
قلت وانا استغل روقانه
ابراهيم: طيب جوعان .. ابي أكل
بسام ببتسامة: همم ؟ وش قلت؟ تبي أكل؟ .. اوكي خلاص .. "وفسح لي الطريق" .. تفضل خذ اكل خذ كل اللي تبيه .. لا صدق عمي خذ اللي تبيه ماني قايلك لا
قلت باحتقار: تتطنز ؟
بسام: انا ادري عنك؟ .. جوعان روح قرض لك من العشب اللي في الحوش يمكن تشبع .. " اخذ مني الصحن" والحين يله فارق .. اشوف عطيتك وجه .. يلا فارق يله يله
ونزل عقاله وانا انحشت بسرعة ودخلت الملحق وسكرت الباب بخوف
الحين بسام الحقير اللي يشتغل عند ابوي خدام يامره وهو ينفذ .. يصير له كل هالمكان الكبير والفخم ؟
اكيد ابوي اللي معطيه كل هذا وهو مادفع ولا قرش .. حسبي الله عليه عرف يلعب على ابوي .. وابوي ليش مصدقه ويحبه كل ذا الحب ؟ .. عشانه يكرهني ويعرف يهيني ويذلني ؟ ..
انقهرت منه .. حب ابوي له وثقته خلته يتمرد على كيفه ويلعب بذيله الحيوان .. ابوي هو السبب
تلفتت وانا اناظر المكان حولي ..صغير .. قديم .. مغبر .. حوسه .. وصخ
قارنت بينه وبين ملحق بسام .. وييين فرق .. اصلا مافي مجال للمقارنة
يالله خلني اصير قنوع .. غيري نايم بالشارع
قررت انظف المكان وارتبه شوي .. خلاص هذا المكان اللي بعيش فيه .. يمكن للأبد
اول شي سويته شلت الاغراض والاشياء القديمة ووديتها للمخزن .. ولقيت بين الاغراض والحوسه سطول بويه .. فرحت وجت ببالي فكرة خطيرة بس أجلتها لاخر شي ..
اخذت مكنسة من الحوش وبديت اكنس الغبار والتراب والوصخ .. خلصت ثم اخذت قطعة من الملابس القديمة اللي كانت بالملحق .. وبللتها بمويه ومسحت فيها الجدران
برضه الجدران وصخه ومتشققه البويه .. استعديت للشغل بحماس
اخذت سطول البوية وفتحتها لقيت 3 الوان ابيض وبيج وبني .. امم البيج مناسب .. اخذت فرشة الصبغ وبديت اصبغ
صبغته باللون الابيض اول شي عشان اخفي الشقوق .. بعدين صبغته باللون البيج .. وقعدت اشخبط بالبوية وارسم خرابيط ونجوم وكتابات شوي سب وشتم وشوي تفو عليك بسام .. ضحكت
خلصت 3 جدران وباقي الجدار الأمامي صبغته باللون البني الترابي الغامق .. طلع جدار غامق والجدران الباقيه فاتحه طلع المكان خطييير .. الوان متناسقة وهاديه
ابتسمت على شغلي المتقن برضا .. واخذت السطول والفرشة وحطيتها بالمخزن ودفنتها بين الاغراض
وطبعا ماخلصت من الشغل والحوسة هذي كلها الا على الساعة 7 الصبح
غريبه ما قام احد .. طلعت برا شوي عشان تنشف الصبغه يبيلها ست ساعات عشان تنشف .. مو مشكلة اهم شي يطلع المكان حلو
بس ناقصني لحاف او مفرش انام عليه .. رحت لبسام اللي مانام ابد وش عنده الخفاش .. طول الليل قايم
طلبت منه بالبداية دوشق لو صغير .. بعدين صرت اطلب مفرش او بطانية .. بعدين طلبت لو شرشف .. لكن عيا .. وماطلعت الا وهو يحذفني بنعال
رحت جلست عند الباب اللي يدخل على المطبخ وجوا البيت .. قعدت احتري عند الباب كأني قطو .. لين فتحت الخدامة ومعها كيس الزبالة تبي ترميه
انخشيت بسرعه مابيها تشوفني .. حطت الزبالة وراحت على طول .. قمت اخذت كيس الزبالة ونثرته على الأرض وانحشت ..
طلعت الخدامة وهي منهبله من اللي نثر الكيس .. وراحت تجمع الوصخ وهي خايفه ومستغربه
استغليت انشغالها بالتنظيف ودخلت للبيت .. وانا اتلفت كأني حرامي
وقفت بالصالة اتلفت يمين يسار خايف لاحد يشوفني .. الحين اكيد بيسوون الفطور جوعان باخذ لو شوي
فجأه سمعت صوت نحنحه .. خفت دورت مكان انخش فيه مالقيت الا الطاولة وانخشيت تحتها على طول .. وانا اراقب من تحت
شفت ابوي ينزل من فوق وهو يعدل شماغه .. ونادى بسام وجا وجابله الجريده وصار يلحقه بها
احسن كان واضح انه منذل .. يستاهل الحقير يذل نفسه عشان فلوس
جلس ابوي على الطاولة قدامي .. وانا ما اشوف الا رجلينه
وجت الخدامة وحطت شي مدري وشو على الطاولة .. والظاهر انه قهوة
صب بسام لابوي القهوة وجلس يحرك له ..
بسام: سم طال عمرك
ابوي بعصبيه: حطه على الطاولة
بسام: انشالله طال عمرك
وانا انبسطت وانا اشوف بسام وهو منذل هههه احسن
وجاو اخواني وجلسوا على الطاولة .. يووه من زمان ما شفتهم .. وزوجة ابوي مدري وينها عساه طلقها
سلموا على ابوي وحبوا راسه .. انقهرت قلت بنفسي وانا بعد ليه ما اسوي زيكم واجلس وافطر معكم .. يبه حس فيني انا هنا اناظركم وانا محروم
زياد: يبه متى تجي امي ؟
ابوي: بعد يومين انشالله
محمد: يبه لا جت امي عاد نبي نطلع ونفلها وكذا .. من يوم ماجينا للشرقية ماطلعنا مع بعض طلعة حلوة
ابوي بحنان: انشالله .. اول ماتجي امكم نطلع طلعة حلوة .. يلا الحين افطروا بسرعة ولا تتاخرون عن المدرسة
انصدمت .. ياناس توي ادري إن ابوي حنون .. ولا هو حنون مع اخواني بس وانا قاسي علي .. ليش شمعنى هم وانا لا ؟
جتني الصيحة بس قلت مب وقته
جت الخدامة بالفطور .. وانا اشوفها تمشي من بعيد ومعها العربية .. وشفت العربية وقزيت كل اللي فيها
والله ياهو فطووور يجنن .. كروسان ومرتديلا وتوست محمص.. وعجة البيض وأومليت وفطيرة التفاح وبان كيك ..وساندويتشات صغيرة مدري وش هي بس شكلها يشهي .. مع القهوة والكابتشينو
فطور هاي كلاس .. اشتهيت والله.. ياحظ اخواني .. انا هالاكلات اسمع بها واشوفها في بيتنا بس ماعمري ذقتها ولا مره .. شكلها يشهي
صح اني عشت مع راكان وهو غني بس كل اكلنا كان من المطاعم هارديز وماك وطقتها.. مافيه احد يطبخ لنا ويسوي لنا هالاكلات الحلوة
جلست انتظرهم يخلصون وانا بطني يطلع اصوات من الجوع .. لين خلصوا اخواني وقاموا .. وابوي لسا جالس هو وبسام الله ياخذه ..
اففف متى يقومون .. ودي اذوق البان كيييك
جلست اطل عليهم ابي اشوف وش يسوون .. فجأه التفت علي بسام وشافني
اهب عليه .. كيف شافني جعله العمى
بسام: عمي شكلكم مانظفتوا المكان زين
ابوي باستغراب: ليش ؟
بسام: فيه فار تحت الطاولة
ابوي: فار؟!
بسام: ايه .. خلني اشوف شغلي معه
ودخل يده ومعط شوشتي بقوه .. كتمت صرختي عشان مايسمعني ابوي .. وانا احاول افك يد بسام الكلب
ودخل رجله ورفسني كم رفسة .. ووقف وهو يعدل شماغه
بسام: خلصت عليه "وهو يأشر باصابعه وعاض برطمه يعني ياويلك"
ابوي: يله انا طالع
بسام: توصل بالسلامة عمي .. تبيني اوصلك ؟
ابوي: لا "وراح"
التفت لي بسام بعصبيه: انت يالفار اطلع
وفصخ عقاله وانا طلعت من تحت الطاولة بسرعة .. وهو يلاحقني
انحشت بسرعة ودخلت الملحق وقفلت على نفسي
قعدت ربع ساعة اتأكد إن بسام راح .. وطلعت وتلفتت يمين يسار .. مافيه أحد
انطلقت للصالة ركض .. لقيتهم شايلين الفطور .. اففف جاني احباط .. حسبي الله على بسام هو السبب
الحين شلون اكل ؟ .. جوعان من امس ماكلت شي
دخلت المطبخ لقيته فاضي ومافيه احد .. والخدامات راحوا غرفهم
انطلقت للثلاجات فتحتها عيت تنفتح .. مقفلة لا وبرقم سري بعد
حاولت فيهن كلهن مقفلات .. افف لهالدرجة حتى الأكل حارميني منه
اخذت كاس ماء وشربت 3 كؤوس .. ابي أي شي يملى بطني
رحت للملحق اللي كانت ريحة البوية منشره فيه .. وفتحت جوالي لقيت مكالمة من راكان
شوي ودق علي راكان
رديت وانا فرحان: هلا والله هلا بالغالي
راكان: هلا فييييك ..شخبارك هاه اشوفك مبسوط انشالله امورك تمام ؟
ابراهيم بحزن: أي تمام ياخوي أي تمام ؟؟
راكان: صدق والله؟ .. وش مسوين لك ؟
ابراهيم: ابد مخليني انام بالملحق
شهق راكان: الملحق! .. حسبي الله عليهم
ابراهيم بحزن: والله حالتي ماتسر .. انت وينك الحين ابي اشوفك
راكان: انا بالرياض .. بجي الليلة انشالله
ابراهيم بحزن: راكان ياخي والله طفش وقهر قاعد بالملحق بلحالي .. ودي اجي عندك ما ابي اسكن عندهم هم يكرهوني كره العمى
راكان بحزن: ياعمري والله لو بيدي كان خلصتك منهم .. لكن شسوي مابيدي شي .. العين بصيرة والإيد قصيرة
ابراهيم: ياليته يطردني عشان اعيش حر .. لكن لاهو اللي طاردني ولا هو اللي معيشني عنده عيشة مثل الناس
راكان بتنهيده: انت الحين شخبارك ؟ .. تاكل زين ؟ .. لا يكون حابسك بالغرفة مثل المره الأولى ؟!
ابراهيم: لا اشوى ما حبسني .. والاكل اخذ الباقي منهم اذا بقوا لي بعد .. بس بسام الحيوان مبهذلني
راكان: الله يبهذل عيشته .. اسمع انا بجي الليله للدمام .. اذا ناموا اهلك وشفت الأوضاع اوكي دق علي بجي اشوفك
ابراهيم: وش الفايدة ؟
راكان: بس ابي اشوفك اتطمن عليك .. المهم دق علي اوكي ؟
ابراهيم: اوكي خلاص
راكان: واذا تبي شي دق علي
ابراهيم بستغراب: اذا ابي شي ؟
راكان ببتسامة: واذا تضايقت دق علي .. واذا طفشت دق علي .. واذا ماعندك شي دق علي بعد
ابراهيم: هههه انشالله
راكان: يلا اخليك بروح انام .. فمان الله
ابراهيم: فمان الكريم
وسكرت منه .. ورحت اخذت الشنطة اللي فيها اغراضي وحطيتها تحت راسي .. واخذت فوطتي وتغطيت فيها .. ونمت
يا حياة الشقا ...
@@@@@@@@@@@@@@@@@@@@@@@@@@
صحيت على صوت ازعاج
زياد: ابراهيم .. ابراهييييييييم
ابراهيم ونصه نوم: هاه ؟
زياد: قوم قوم ابوي يبيك
فتحت عيوني وجلست .. شفت زياد كاشخ وريحة البخور تفوح منه
ابراهيم: وش يبي ؟
زياد: عندنا ضيوف وابوي يبيك تقهويهم
اففف ضيوف هذا وقته .. العمال مالين البيت ليش ماخلاهم يقهوون
هذا اللي ناقص اشتغل قهوجي بعد
قلت وانا افرك عيوني: طيب
وراح زياد .. فتحت الجوال شفت الساعة 7 مساء .. افف نايم كل هالوقت .. صاير نومي كثير مدري ليه
قمت وغسلت وجهي ولبست ثوبي وطلعت
دخلت للمجلس .. لقيته مليان رجاجيل و شباب .. و ريحة العود والبخور منتشره في المكان
يعني المجلس متروس عالاخر .. رجال من جميع الأعمار .. ناظرت الوجيه مو غريبه علي .. هذولا عماني جايين من الرياض.. من زمان ماشفتهم .. من زمان مقاطعينا .. او انا اللي مقطوع عنهم
ناظرت جهة الشباب لقيت اولاد عمي .. اتذكرهم ماكانوا يحبوني ولا كنت احبهم ابد .. وكان اخوي فهد جالس معهم وسواليف وفله وضحك .. لو اقعد معهم ماراح يتقبلوني لا هم ولا عماني
مدري ليش احسني منبوذ من العائلة وماحد يحبني .. مدري وش السبب
رحت وقفت عند الجمر واخذت دلة القهوة .. وانا اتخيل ان ابوي يقولي كلمة ولا يفشلني قدامهم كيف راح يكون موقفي .. سترك يا رب
اخذت الفناجيل وبديت اصبب القهوة .. سمعت صوت الشباب من وراي
بضحكه: هذا اخوك ؟
فهد بفشله: هاه؟ لا لا هذا قهوجي جايبه ابوي .. "بهمس" الله ياخذه فشلنا
انقهرت منه ودي اصكه بالدلة على راسه .. اذا ماتبوني ومتفشلين مني ليش مخليني عندكم ؟
صدق كلاب وما يملى عينهم الا التراب
عطيتهم نظرة وطنشتهم وبديت اصبب القهوة للرجاجيل .. لين وصلت عند عمي اللي جنب ابوي
صبيت له القهوة وزدت الفنجال شوي .. وعطيته
ابوي بعصبية بصوت واطي: لا تملى الفنجال يالغبي .. انت ماتعرف لأمور المرجلة؟ .. انت مانت برجال؟ .. "ناظرني من فوق لتحت" والله ماظن إنك بتصير رجال وهذيك امك .. الله يلعنها الفاجرة
فقدت اعصابي وصررررخت: امي اشرف منك
فجأه تلفتوا كل اللي بالمجلس منصدمين .. ويناظرون ابوي كنهم يقولون هالبزر الخدام يصرخ عليك وين رجولتك ؟
تفشل ابوي وعصب .. قام وكأنه يبغى يوريهم رجولته واني ماحد يقدر يرفع صوته علي .. وحب يفرض شخصيته ويوريهم قوته قدامهم
ومن الضحية ؟؟؟ انا
قام وعطاني كف قوي ودفعني بقوة
طحت ع الارض بقوه على يدي وصرخت من الألم .. وانكبت الدلة علي وبالتحديد على صدري .. صرخت متعور من حرارة القهوة .. وبكيت متألم
والرجال كلهم وقفوا يناظروني ويناظرون الموقف باستغراب
تفشلت وبكيت أكثر .. حاولت ابعد الثوب عن جسمي عشان الحرق .. قمت وانا احاول اجمع كرامتي المفقوده .. اللي فقدتها اول ماوطت رجلي هالمكان
ناظرت ابوي .. سبب ألمي وحزني .. سبب عذابي وقهري ..سبب تشردي بالشوارع سبب ضياعي سبب كل اللي انا فيه الحين.. من اول ماطلعت على هالدنيا ماذقت يوم حلو معاه
ناظرته بحزن .. وعطيته نظرة اظن ماراح ينساها طول حياته .. وطلعت من المكان
{ وظلم ذوي القربى أشد مضاضة **** على المرء من وقع الحسام المهند }
@@@@@@@@@@@@@@@@@@@@@@@@@@
نهاية الجزء الثاني عشر
قراءة ممتعة
الجزء الثاني عشر
المعاناه ~
(ابراهيم)
قمت الساعة 2 الليل .. راسي مصدع ورقبتي تعورني من النومة الغلط .. فتحت عيوني وناظرت بالمكان .. وانصدمت
لقيت نفسي بالملحق .. قديم ووصخ ومليان اغراض وحوسة .. ومنسدح ع البلاط بدون لحاف ولا شي !
بغيت اصيح من القهر .. قسم بالله الخدامات ابوي حاطلهم غرف داخلية وفخمه ونظيفه .. والحراس والعمال احسن منهم بعد .. وانا ولده من لحمه ودمه قاطني بالحوش كأني قطو
الحين لا هو اللي طردني من البيت وخلاني ادبر عمري.. ولا هو اللي دخلني البيت وحطلي غرفة ومكان انام فيه
لا يرحم ولا يبي رحمة الله تنزل !
ما يحبني ولا يبيني ليش يخليني عنده ؟ .. تأففت بقهر وانا ودي اصيح
قمت وطلعت من الملحق .. وانا ماسك بطني جوعان .. رحت للباب اللي يدخل على البيت لقيته مقفل .. تلفتت حولي لقيت ملحق كأنه بيت صغير بس فخم وجنبه مطبخ
غريبه ابوي حاط مطبخ بالحوش
دخلت للمطبخ وفتحت الثلاجة .. كانت مليانه فواكه وحلويات وكيك وفطاير ومعلبات وخضروات وعصيرات.. ومالذ وطاب من الأكلات
اخذت صحن الفطاير والكيك وتوني بسكر باب الثلاجة
الا لقيت بسام واقف قدامي ومعصب
فزيت وقلت بخوف: يمممه !
بسام بطنازه: ههههه يممه ! .. وانت شفت امك اصلا ؟!
ناظرته بحزن .. كيف طاوعه قلبه يقول ليتيم هالكلام ؟
جعلك تفقد امك يابسام عشان تحس بالألم اللي حسيت به
ابراهيم بحزن: من عاب ابتلي .. جعل الله يبتليك عشان تحس
بسام باحتقار: شف بس .. فاقد امه ويبي الناس تصير مثله .. انثبر وانطم هذا قدرك وتستاهل هذي عقوبة الله
ابراهيم بقهر: ليش انا ظالم مثلك ؟
بسام بحتقار: اقوول لا تقعد تسوي لي فيها المظلوم والبريئ وانت ابليس بعينه
هذا الكلام معه مايفيد .. صعب تحسن صورتك عند مشوهين العقول
طنشته واخذت اكلي ومريت قدامه بصمت .. سحبني مع ذراعي
بسام: اقول تعال تعال .. وين انشالله .. "وناظر الصحن" اشوفك ماخذ من ثلاجتي وانا ساكت لك
انصدمت .. ثلاجته !
قلت وانا مو متأكد من كلامي: هذي ثلاجتنا
ضحك بسام: لا يا حبيبي هذي ثلاجتي والمكان هذا كله لي .. انت انقلع للملحق هناك مكانك كأنك سواق هندي .. ولا تجي هنا مره ثانيه .. "بضحك" سمعت بابا ؟
يضحك علي ويكلمني كاني بزر .. بس ع الاقل احسن من ما يكون معصب ويهاوش
قلت وانا استغل روقانه
ابراهيم: طيب جوعان .. ابي أكل
بسام ببتسامة: همم ؟ وش قلت؟ تبي أكل؟ .. اوكي خلاص .. "وفسح لي الطريق" .. تفضل خذ اكل خذ كل اللي تبيه .. لا صدق عمي خذ اللي تبيه ماني قايلك لا
قلت باحتقار: تتطنز ؟
بسام: انا ادري عنك؟ .. جوعان روح قرض لك من العشب اللي في الحوش يمكن تشبع .. " اخذ مني الصحن" والحين يله فارق .. اشوف عطيتك وجه .. يلا فارق يله يله
ونزل عقاله وانا انحشت بسرعة ودخلت الملحق وسكرت الباب بخوف
الحين بسام الحقير اللي يشتغل عند ابوي خدام يامره وهو ينفذ .. يصير له كل هالمكان الكبير والفخم ؟
اكيد ابوي اللي معطيه كل هذا وهو مادفع ولا قرش .. حسبي الله عليه عرف يلعب على ابوي .. وابوي ليش مصدقه ويحبه كل ذا الحب ؟ .. عشانه يكرهني ويعرف يهيني ويذلني ؟ ..
انقهرت منه .. حب ابوي له وثقته خلته يتمرد على كيفه ويلعب بذيله الحيوان .. ابوي هو السبب
تلفتت وانا اناظر المكان حولي ..صغير .. قديم .. مغبر .. حوسه .. وصخ
قارنت بينه وبين ملحق بسام .. وييين فرق .. اصلا مافي مجال للمقارنة
يالله خلني اصير قنوع .. غيري نايم بالشارع
قررت انظف المكان وارتبه شوي .. خلاص هذا المكان اللي بعيش فيه .. يمكن للأبد
اول شي سويته شلت الاغراض والاشياء القديمة ووديتها للمخزن .. ولقيت بين الاغراض والحوسه سطول بويه .. فرحت وجت ببالي فكرة خطيرة بس أجلتها لاخر شي ..
اخذت مكنسة من الحوش وبديت اكنس الغبار والتراب والوصخ .. خلصت ثم اخذت قطعة من الملابس القديمة اللي كانت بالملحق .. وبللتها بمويه ومسحت فيها الجدران
برضه الجدران وصخه ومتشققه البويه .. استعديت للشغل بحماس
اخذت سطول البوية وفتحتها لقيت 3 الوان ابيض وبيج وبني .. امم البيج مناسب .. اخذت فرشة الصبغ وبديت اصبغ
صبغته باللون الابيض اول شي عشان اخفي الشقوق .. بعدين صبغته باللون البيج .. وقعدت اشخبط بالبوية وارسم خرابيط ونجوم وكتابات شوي سب وشتم وشوي تفو عليك بسام .. ضحكت
خلصت 3 جدران وباقي الجدار الأمامي صبغته باللون البني الترابي الغامق .. طلع جدار غامق والجدران الباقيه فاتحه طلع المكان خطييير .. الوان متناسقة وهاديه
ابتسمت على شغلي المتقن برضا .. واخذت السطول والفرشة وحطيتها بالمخزن ودفنتها بين الاغراض
وطبعا ماخلصت من الشغل والحوسة هذي كلها الا على الساعة 7 الصبح
غريبه ما قام احد .. طلعت برا شوي عشان تنشف الصبغه يبيلها ست ساعات عشان تنشف .. مو مشكلة اهم شي يطلع المكان حلو
بس ناقصني لحاف او مفرش انام عليه .. رحت لبسام اللي مانام ابد وش عنده الخفاش .. طول الليل قايم
طلبت منه بالبداية دوشق لو صغير .. بعدين صرت اطلب مفرش او بطانية .. بعدين طلبت لو شرشف .. لكن عيا .. وماطلعت الا وهو يحذفني بنعال
رحت جلست عند الباب اللي يدخل على المطبخ وجوا البيت .. قعدت احتري عند الباب كأني قطو .. لين فتحت الخدامة ومعها كيس الزبالة تبي ترميه
انخشيت بسرعه مابيها تشوفني .. حطت الزبالة وراحت على طول .. قمت اخذت كيس الزبالة ونثرته على الأرض وانحشت ..
طلعت الخدامة وهي منهبله من اللي نثر الكيس .. وراحت تجمع الوصخ وهي خايفه ومستغربه
استغليت انشغالها بالتنظيف ودخلت للبيت .. وانا اتلفت كأني حرامي
وقفت بالصالة اتلفت يمين يسار خايف لاحد يشوفني .. الحين اكيد بيسوون الفطور جوعان باخذ لو شوي
فجأه سمعت صوت نحنحه .. خفت دورت مكان انخش فيه مالقيت الا الطاولة وانخشيت تحتها على طول .. وانا اراقب من تحت
شفت ابوي ينزل من فوق وهو يعدل شماغه .. ونادى بسام وجا وجابله الجريده وصار يلحقه بها
احسن كان واضح انه منذل .. يستاهل الحقير يذل نفسه عشان فلوس
جلس ابوي على الطاولة قدامي .. وانا ما اشوف الا رجلينه
وجت الخدامة وحطت شي مدري وشو على الطاولة .. والظاهر انه قهوة
صب بسام لابوي القهوة وجلس يحرك له ..
بسام: سم طال عمرك
ابوي بعصبيه: حطه على الطاولة
بسام: انشالله طال عمرك
وانا انبسطت وانا اشوف بسام وهو منذل هههه احسن
وجاو اخواني وجلسوا على الطاولة .. يووه من زمان ما شفتهم .. وزوجة ابوي مدري وينها عساه طلقها
سلموا على ابوي وحبوا راسه .. انقهرت قلت بنفسي وانا بعد ليه ما اسوي زيكم واجلس وافطر معكم .. يبه حس فيني انا هنا اناظركم وانا محروم
زياد: يبه متى تجي امي ؟
ابوي: بعد يومين انشالله
محمد: يبه لا جت امي عاد نبي نطلع ونفلها وكذا .. من يوم ماجينا للشرقية ماطلعنا مع بعض طلعة حلوة
ابوي بحنان: انشالله .. اول ماتجي امكم نطلع طلعة حلوة .. يلا الحين افطروا بسرعة ولا تتاخرون عن المدرسة
انصدمت .. ياناس توي ادري إن ابوي حنون .. ولا هو حنون مع اخواني بس وانا قاسي علي .. ليش شمعنى هم وانا لا ؟
جتني الصيحة بس قلت مب وقته
جت الخدامة بالفطور .. وانا اشوفها تمشي من بعيد ومعها العربية .. وشفت العربية وقزيت كل اللي فيها
والله ياهو فطووور يجنن .. كروسان ومرتديلا وتوست محمص.. وعجة البيض وأومليت وفطيرة التفاح وبان كيك ..وساندويتشات صغيرة مدري وش هي بس شكلها يشهي .. مع القهوة والكابتشينو
فطور هاي كلاس .. اشتهيت والله.. ياحظ اخواني .. انا هالاكلات اسمع بها واشوفها في بيتنا بس ماعمري ذقتها ولا مره .. شكلها يشهي
صح اني عشت مع راكان وهو غني بس كل اكلنا كان من المطاعم هارديز وماك وطقتها.. مافيه احد يطبخ لنا ويسوي لنا هالاكلات الحلوة
جلست انتظرهم يخلصون وانا بطني يطلع اصوات من الجوع .. لين خلصوا اخواني وقاموا .. وابوي لسا جالس هو وبسام الله ياخذه ..
اففف متى يقومون .. ودي اذوق البان كيييك
جلست اطل عليهم ابي اشوف وش يسوون .. فجأه التفت علي بسام وشافني
اهب عليه .. كيف شافني جعله العمى
بسام: عمي شكلكم مانظفتوا المكان زين
ابوي باستغراب: ليش ؟
بسام: فيه فار تحت الطاولة
ابوي: فار؟!
بسام: ايه .. خلني اشوف شغلي معه
ودخل يده ومعط شوشتي بقوه .. كتمت صرختي عشان مايسمعني ابوي .. وانا احاول افك يد بسام الكلب
ودخل رجله ورفسني كم رفسة .. ووقف وهو يعدل شماغه
بسام: خلصت عليه "وهو يأشر باصابعه وعاض برطمه يعني ياويلك"
ابوي: يله انا طالع
بسام: توصل بالسلامة عمي .. تبيني اوصلك ؟
ابوي: لا "وراح"
التفت لي بسام بعصبيه: انت يالفار اطلع
وفصخ عقاله وانا طلعت من تحت الطاولة بسرعة .. وهو يلاحقني
انحشت بسرعة ودخلت الملحق وقفلت على نفسي
قعدت ربع ساعة اتأكد إن بسام راح .. وطلعت وتلفتت يمين يسار .. مافيه أحد
انطلقت للصالة ركض .. لقيتهم شايلين الفطور .. اففف جاني احباط .. حسبي الله على بسام هو السبب
الحين شلون اكل ؟ .. جوعان من امس ماكلت شي
دخلت المطبخ لقيته فاضي ومافيه احد .. والخدامات راحوا غرفهم
انطلقت للثلاجات فتحتها عيت تنفتح .. مقفلة لا وبرقم سري بعد
حاولت فيهن كلهن مقفلات .. افف لهالدرجة حتى الأكل حارميني منه
اخذت كاس ماء وشربت 3 كؤوس .. ابي أي شي يملى بطني
رحت للملحق اللي كانت ريحة البوية منشره فيه .. وفتحت جوالي لقيت مكالمة من راكان
شوي ودق علي راكان
رديت وانا فرحان: هلا والله هلا بالغالي
راكان: هلا فييييك ..شخبارك هاه اشوفك مبسوط انشالله امورك تمام ؟
ابراهيم بحزن: أي تمام ياخوي أي تمام ؟؟
راكان: صدق والله؟ .. وش مسوين لك ؟
ابراهيم: ابد مخليني انام بالملحق
شهق راكان: الملحق! .. حسبي الله عليهم
ابراهيم بحزن: والله حالتي ماتسر .. انت وينك الحين ابي اشوفك
راكان: انا بالرياض .. بجي الليلة انشالله
ابراهيم بحزن: راكان ياخي والله طفش وقهر قاعد بالملحق بلحالي .. ودي اجي عندك ما ابي اسكن عندهم هم يكرهوني كره العمى
راكان بحزن: ياعمري والله لو بيدي كان خلصتك منهم .. لكن شسوي مابيدي شي .. العين بصيرة والإيد قصيرة
ابراهيم: ياليته يطردني عشان اعيش حر .. لكن لاهو اللي طاردني ولا هو اللي معيشني عنده عيشة مثل الناس
راكان بتنهيده: انت الحين شخبارك ؟ .. تاكل زين ؟ .. لا يكون حابسك بالغرفة مثل المره الأولى ؟!
ابراهيم: لا اشوى ما حبسني .. والاكل اخذ الباقي منهم اذا بقوا لي بعد .. بس بسام الحيوان مبهذلني
راكان: الله يبهذل عيشته .. اسمع انا بجي الليله للدمام .. اذا ناموا اهلك وشفت الأوضاع اوكي دق علي بجي اشوفك
ابراهيم: وش الفايدة ؟
راكان: بس ابي اشوفك اتطمن عليك .. المهم دق علي اوكي ؟
ابراهيم: اوكي خلاص
راكان: واذا تبي شي دق علي
ابراهيم بستغراب: اذا ابي شي ؟
راكان ببتسامة: واذا تضايقت دق علي .. واذا طفشت دق علي .. واذا ماعندك شي دق علي بعد
ابراهيم: هههه انشالله
راكان: يلا اخليك بروح انام .. فمان الله
ابراهيم: فمان الكريم
وسكرت منه .. ورحت اخذت الشنطة اللي فيها اغراضي وحطيتها تحت راسي .. واخذت فوطتي وتغطيت فيها .. ونمت
يا حياة الشقا ...
@@@@@@@@@@@@@@@@@@@@@@@@@@
صحيت على صوت ازعاج
زياد: ابراهيم .. ابراهييييييييم
ابراهيم ونصه نوم: هاه ؟
زياد: قوم قوم ابوي يبيك
فتحت عيوني وجلست .. شفت زياد كاشخ وريحة البخور تفوح منه
ابراهيم: وش يبي ؟
زياد: عندنا ضيوف وابوي يبيك تقهويهم
اففف ضيوف هذا وقته .. العمال مالين البيت ليش ماخلاهم يقهوون
هذا اللي ناقص اشتغل قهوجي بعد
قلت وانا افرك عيوني: طيب
وراح زياد .. فتحت الجوال شفت الساعة 7 مساء .. افف نايم كل هالوقت .. صاير نومي كثير مدري ليه
قمت وغسلت وجهي ولبست ثوبي وطلعت
دخلت للمجلس .. لقيته مليان رجاجيل و شباب .. و ريحة العود والبخور منتشره في المكان
يعني المجلس متروس عالاخر .. رجال من جميع الأعمار .. ناظرت الوجيه مو غريبه علي .. هذولا عماني جايين من الرياض.. من زمان ماشفتهم .. من زمان مقاطعينا .. او انا اللي مقطوع عنهم
ناظرت جهة الشباب لقيت اولاد عمي .. اتذكرهم ماكانوا يحبوني ولا كنت احبهم ابد .. وكان اخوي فهد جالس معهم وسواليف وفله وضحك .. لو اقعد معهم ماراح يتقبلوني لا هم ولا عماني
مدري ليش احسني منبوذ من العائلة وماحد يحبني .. مدري وش السبب
رحت وقفت عند الجمر واخذت دلة القهوة .. وانا اتخيل ان ابوي يقولي كلمة ولا يفشلني قدامهم كيف راح يكون موقفي .. سترك يا رب
اخذت الفناجيل وبديت اصبب القهوة .. سمعت صوت الشباب من وراي
بضحكه: هذا اخوك ؟
فهد بفشله: هاه؟ لا لا هذا قهوجي جايبه ابوي .. "بهمس" الله ياخذه فشلنا
انقهرت منه ودي اصكه بالدلة على راسه .. اذا ماتبوني ومتفشلين مني ليش مخليني عندكم ؟
صدق كلاب وما يملى عينهم الا التراب
عطيتهم نظرة وطنشتهم وبديت اصبب القهوة للرجاجيل .. لين وصلت عند عمي اللي جنب ابوي
صبيت له القهوة وزدت الفنجال شوي .. وعطيته
ابوي بعصبية بصوت واطي: لا تملى الفنجال يالغبي .. انت ماتعرف لأمور المرجلة؟ .. انت مانت برجال؟ .. "ناظرني من فوق لتحت" والله ماظن إنك بتصير رجال وهذيك امك .. الله يلعنها الفاجرة
فقدت اعصابي وصررررخت: امي اشرف منك
فجأه تلفتوا كل اللي بالمجلس منصدمين .. ويناظرون ابوي كنهم يقولون هالبزر الخدام يصرخ عليك وين رجولتك ؟
تفشل ابوي وعصب .. قام وكأنه يبغى يوريهم رجولته واني ماحد يقدر يرفع صوته علي .. وحب يفرض شخصيته ويوريهم قوته قدامهم
ومن الضحية ؟؟؟ انا
قام وعطاني كف قوي ودفعني بقوة
طحت ع الارض بقوه على يدي وصرخت من الألم .. وانكبت الدلة علي وبالتحديد على صدري .. صرخت متعور من حرارة القهوة .. وبكيت متألم
والرجال كلهم وقفوا يناظروني ويناظرون الموقف باستغراب
تفشلت وبكيت أكثر .. حاولت ابعد الثوب عن جسمي عشان الحرق .. قمت وانا احاول اجمع كرامتي المفقوده .. اللي فقدتها اول ماوطت رجلي هالمكان
ناظرت ابوي .. سبب ألمي وحزني .. سبب عذابي وقهري ..سبب تشردي بالشوارع سبب ضياعي سبب كل اللي انا فيه الحين.. من اول ماطلعت على هالدنيا ماذقت يوم حلو معاه
ناظرته بحزن .. وعطيته نظرة اظن ماراح ينساها طول حياته .. وطلعت من المكان
{ وظلم ذوي القربى أشد مضاضة **** على المرء من وقع الحسام المهند }
@@@@@@@@@@@@@@@@@@@@@@@@@@
نهاية الجزء الثاني عشر
قراءة ممتعة
تعليق