رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

يسعد صباحك
الرواية حدها روعهه
أتمنى ينزل البارت القادم بأقرب وقت ممكن
وبالتووفيق

Sent from my GT-N7100 using منتدى عبير mobile app

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

عشانكك ي قمرهه الحين انزل بارت عشانك

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء التاسع


(راكان)


بعد مرور يومين .. الساعه 4 عصرا


اليوم كان موعد خروج ابراهيم من المستشفى


كنت جالس اجمع اغراض ابراهيم واحطها في كيس .. والدكتور جالس يكشف عليه


الدكتور يكلم ابراهيم: لا اوصيك انتظم على الأدوية .. ترى المره الاولى اهملتها عشان كذا تعبت


راكان: ماعليك انا بخليه ياخذ الأدوية غصب


الدكتور ببتسامة: و كل أكل صحي .. عشان فقر الدم


راكان: ماعليك ان ما اكل زين والله لا اوريك فيه


ابراهيم يناظرني بقهر


الدكتور يكلمني ببتسامة: حتى انت كل اكل صحي عشان تعوض الدم اللي فقدته


ابراهيم بضحكه: ههههه حتى انت يعني مب بس انا


راكان: انا على الاقل اهتم بنفسي .. العيب على البزارين


ابراهيم يرمي المخده علي : انا بزر يالثور


راكان ببتسامة: المهم ماعلينا .. يلا اخلص بنطلع الحين


ابراهيم: طيب تعال ساعدني اقوم


راكان: طيب


وساعدته ورحنا نخلص اجرائات الخروج .. وركبنا السيارة


ابراهيم: راكان وين الدفتر ؟


راكان: هذا هو بالدرج اللي قدامك


ابراهيم فتح الدرج واخذه .. حسيت من تصرفاته كأنه حريص اني ماشوف الدفتر ولا اقراه .. استغربت وش ممكن يكون كاتب فيه؟


طنشت وحركت السيارة .. ووصلنا للاستراحة


اول ماوصلنا نزل ابراهيم بسرعه وهو فرحان


راكان ببتسامة: تعال وين يالمطفوق؟ .. شيل اغراضك اول


ابراهيم بفرحه: الله وناسه ياخي اشتقت للاستراحة


قلت وانا انزل الاغراض وادخلها الاستراحة: تراك ما فارقتها الا يومين


ابراهيم: هههه شسوي ياخي المستشفى كئيب .. فرحان اني جيت هنا


راكان: دوم الفرحة انشالله


ابراهيم بسعاده: تدوم ايامك

@@@@@@@@@@@@@@@@@@@@@@@@@@

(ابراهيم)


اول ماجيت انطلقت للاسطبل .. من زمان عن الخيول اشتقت له


اخذت خيل وركبته: راكان اركب لك خيل والحقني


راكان: وش ناوي عليه ؟؟


ابراهيم ببتسامة: الحقني وتشوف


راكان اخذ خيل وركبه .. مشيت معه وهو يلحقني لين طلعنا للشارع


راكان ببتسامة: نمشي بالخيول بالشارع؟؟ .. من جدك؟؟


ابراهيم ببتسامة: تعال معي بوريك شي


مشينا انا وياه بالشارع .. وبما ان المنطقة اللي فيها استراحة راكان منطقة مخصصة للاستراحات .. وغالبا المناطق اللي زي كذا تكون خارج المدينة .. واغلبها مناطق برية وسكانها قليل


مشينا انا وياه لين طلعنا عن خط الشارع .. ووصلنا صحراء كبيرة .. مشينا بالخيول لين رقينا تل .. ولما نزلنا اندهشت انا وراكان


الوقت كان على وشك الغروب .. والمنظر جميل .. صحراء كبيرة تغطيها الرمال الذهبية .. والسماء حمراء والشمس تغرب على الجبال .. والمكان هدوء




راكان بدهشه: ياخي المنظر جميييل .. كيف لقيته ؟


ابراهيم ببتسامة: كنت عارف ان الغروب في الصحراء منظر جميل جدا


راكان ببتسامة: أي والله .. سبحان الله



ابراهيم: منظر يخليك تتفكر في خلق الخالق ويزيد إيمانك


راكان: صادق والله ..تصدق ابراهيم .. كنت اقول منظر البحر وقت الغروب احلى منظر .. لكن طلع الغروب في الصحراء اجمل بكثير


ابراهيم ببتسامة: خلاص نروح يوم من الايام انا وياك للبحر ونقارن بينهم


راكان: أي والله فكرة حلوة .. "بضحكه"ولا تصدق .. لا تزوجت اروح مع زوجتي وقت الغروب يكون احسن لا وبعد بيكون جو رومنسي .. اما جو رومنسي و2 شباب ماينفع ابد


ابراهيم: أي والله هههههههههههه وش ابي بك انا .. اروح مع زوجتي احسن


راكان نزل من خيله


ابراهيم: على وين ؟


راكان ببتسامة: ياخي نفسي ارررركض لين اتعب


نزلت من خيلي: يلا انا معك


وركضنا لين قلنا بس .. ولعبنا .. وضحكنا .. وانبسطنا .. وكان يوم جميل


راكان هذا اختصرة بكلمة وحده {سعادة } .


راكان بتعب: اوف تعبت خلاص


ابراهيم: أي والله تعب .. بس فله


راكان ببتسامة: من جد


وسكتنا واحنا نتنفس بتعب


راكان ببتسامة: ابراهيم شوف صوتي يطلع صدى "وصرخ" ا


ابراهيم: هههههههههه اسكت لا يسمعك احد يقول وش فيه ذا


راكان: ههههههه ماعليك شوف بس "وصرخ" احببببببببببببكك ابراهيييييييييييم


ابراهيم بفرح: ياحبي لك بس "وصرخت" احببببببببببككك راكان


راكان: ههههههههههههههههههه صدق مجانين


ابراهيم: هههههههههههههههه تكلم عن نفسك انا ماني مجنون


راكان بضحكه: لا مجنون غصب


ابراهيم: لا انت المجنون


راكان: لا مجنون يعني مجنون "وصرخ" ابراهيييييييييييم يا مجنوووون


ابراهيم: ههههه انثبر يالخايس "وصرخت" راكان مجنوووووووووووون


وعصب راكان وبدا يسب بصوت عالي وصراخ


ابراهيم: هههههههههه راكان الله يفشلك انا بقوم خلاص


راكان بضحكه: اصبر لا تخليني ههههههههههههههه احس كل من مر قال ذولا مهابيل


ابراهيم: هههههههههههههه كله منك


وركبنا خيولنا ومشينا لان المكان بدا يظلم .. ووصلنا للاستراحة


حطينا الخيول ورحنا نصلي المغرب


ويوم رجعنا رحت فرشت على العشب وحطيت القهوة والشاي والمكسرات والشوكلاطات والحلويات وشبيت الضو وجلسنا انا وراكان حولها


كان الجو بارد وحلو .. والجلسة رهيبة خصوصا مع ريحة الحطب والقهوة .. ومنظر العشب والورد في الليل .. وصوت صرصور الليل > هالصوت عشق


راكان وهو يتقهوى: ابراهيم قبل شوي كلموني اصدقائي .. اللي كلمتك عنهم قبل مده تتذكر ؟


ابراهيم: ايه وش فيهم ؟


راكان: ايه قالوا بيجون زيارة لي


ابراهيم: اها اوكي الله يحييهم


وما جلسنا عشر دقايق الا رن الجرس



وتو راكان بيقوم يفتح الا يدخل راشد: اقعد اقعد بس مايحتاج


ودخلوا وراه الشله : خالد . طلال . عبدالعزيز


راكان باستغراب: انتم شلون دخلتوا ؟


عبدالعزيز: من تحت الباب


راكان ببتسامة: لا جد عاد ؟


راشد : انت الله يهديك مخلي الباب مفتوح "وسلم عليه" هلا والله شخبارك


راكان: هلا فيك "وسلم على كل واحد"


عبدالعزيز ببتسامة: ماعرفتنا على الاخ "وكان يأشر علي"


راكان: هذا خويي ابراهيم


عبدالعزيز يسلم علي: هلا والله خشمك يالذيب


ابراهيم بضحكة: هلا فيك


وسلمت عليهم كلهم .. عبدالعزيز كان معروف بسخريته وحبه للاستهزاء وكان خفيف دم بس احيانا يزودها شويتين


وخالد تقريبا نفس عبدالعزيز بس اخف منه شوي .. وكان سمين


وراشد يعني عادي بس حبوب ويحب المغازل وعليه حركات مش ولا بد


اما طلال ف كان بريء وحبوب وخفيف دم وهو اكثر واحد حبيته وهضمته من بينهم


والشي المشترك بينهم انهم فله ويضحكون وجريئين وما يهمهم شي .. وطبعا كلهم اعمارهم 20


وجلسنا على شكل دائرة .. وبعد السؤال عن الاخبار والاحوال


عبدالعزيز: شباب نلعب بالوت ؟


راشد: لا انا اقول كورة احسن


عبدالعزيز: لا كورة انا مالي خلق وبعد لانه ....


طلال بمقاطعه: خلاص كورة كورة احسن


عبدالعزيز: ممكن بعد اذنك تنطم لين اخلص كلامي؟


طلال بسخريه: كمل كمل كلامك يا هتلر


عبدالعزيز باستغراب: وش دخل هتلر ؟؟


طلال: مادري بس حسيته فاهم


ابراهيم: هههههههههه


عبدالعزيز ببتسامة: اقول بس انثبروا وخلونا نلعب .. يلا راكان قم جب البالوت


راكان: بالوت طل ماعندي الا اونو


خالد: اونو يالبزر؟


راكان: هههه والله هذا اللي عندي


وراح راكان يجيب الاوراق


عبدالعزيز: انا اللي بوزع


خالد: انثبر انت اللي موزع اخر مره


عبدالعزيز بعصبيه: انا انثبر ياللي ماتستحي


خالد بعصبيه: خليت الحيا لك


ابراهيم: انتم ماتقعدون دقيقة وحده بدون ماتتهاوشون


طلال ببتسامة: عادي لاننا نحب بعض


عبدالعزيز بضحكه: طبعا اجل تبينا نضم بعض ونقول ياقلبي وياعمري ومادري ايش .. حنا مايبين حبنا لبعض الا اذا تهاوشنا


خالد: الصداقة بالمواقف والفعايل موب بالاقوال


عبدالعزيز يخبط ظهر خالد بقوه: درر درر يا خالد ماشالله عليك


خالد: اخ ياظهري انت ماتتعامل الا بالضرب


عبدالعزيز: لا بالقسمة ههههههههههههه


جا راكان: ها ها ها ها ها ها نضحك؟


الكل: هههههههههههههههههههههههههههههههه


عبدالعزيز ببتسامه: ماعليه مسموح يالغالي


راكان بضحكه: المهم وزعوا الاوراق


انقسمنا 3 فرق انا وراكان . وعبدالعزيز وخالد . وطلال وراشد


ووزعنا الاوراق وبدينا اللعب


خالد يغش ويحط 3 اوراق مع بعض


ناظرته بنص عين: تحسبني ما شفتك شيل الاوراق بسرعه لا افركها بوجهك الحين


خالد شال الاوراق وهو يضحك


خالد يناظر اوراقي بنذاله: ابراهيم معه 4 حمراء و2 زرقاء وسحب اربع الوان و .............


سحبت اورقي عنه: انططططططم يالنذل


خالد: انا نذل يالباكستاني ؟؟


ابراهيم: باكستاني جابته امك


خالد بعصبيه: لا الحلو قام يغلط على امي


ابراهيم بسخريه: الله واكبر !


طلال: اذن ؟


راكان بعصبيه: خلاص انت وياه كلكم باكستانيين خلاص اهجدوا


ابراهيم وخالد بعصبيه: منهو الباكستاني ؟


راكان بخوف: هاه ! .. ايه انا


الكل: ههههههههههههههههههههههههههههههههه


وكملنا لعب وكانوا خالد وعبدالعزيز كل شوي يفوزون


راشد بعصبيه: اهب عليكم حظ والله اني شاك انكم تغشون


راكان: أي والله شكلهم يغشون


عبدالعزيز بغرور: وانتوا أي واحد قوي وكل شوي يفوز عليكم ويهزمكم حطيتوه غشاش؟


خالد يصف معه: ماعليك منهم شكلهم منقهرين


راكان: لا والله !


ابراهيم: خلاص يلا نلعب مره ثانيه


وعدنا اللعبه من جديد


عبدالعزيز يأشر على التلفزيون بصراخ: شباب شوفوا هالبنت صارووخ


التفتنا كلنا .. وعبدالعزيز طلع ورقه من تحته ورماها بحضن خالد بسرعه


طلال: هذي صاروخ؟ .. مالت على ذوقك


عبدالعزيز بفشله: ليش مو حلوه ؟


راكان: لا عجوز


ابراهيم بشك: عبدالعزيز قم شوي


عبدالعزيز: ليه ؟


عصبت ورميت الاوراق: قم قم بشوف وش تحتك يالغشاش


عبدالعزيز بخوف: هاه لا ليش اقوم مانيب قايم


وتعاونا عليه انا وراكان لين سحبناه وشفنا نص الاوراق تحته


راكان بصدمه: هئئئئئ يالغشاشين


طلال ببتسامة: وانا اشوووف خالد ساكت ويضحك طلع خبيث


ابراهيم بضحكه: انا من زمان شاك فيهم ياخي اشوف خالد مبسوط ويضحك طلع عبد العزيز يغششه الغشاش


راكان رمى الاوراق: مالت عليكم وعلى اللي يلعب معكم


طلال راح للمخزن وطلع عربيه حقت المعاقين


طلال ببتسامة: راكان من وين لك ذي


راكان: هذي حقتي يوم انكسرت رجلي قبل فترة


طلال: وناسه بفحط به


ابراهيم ببتسامة: وانا بركب معك


طلال يأشر على الجيب اللي في العربية من ورا: ابراهيم انت المفروض تركب هنا بالجيب من نحفك هههههههههههههه


عبدالعزيز: أي والله ههههههع ابراهيم لا راح السوبر ماركت المفروض نركبه بالعربيه لا ونركبه بالمكان حق البزارين يدخل رجلينه فيه هههههههههههههههههه


وعاد بدت سماجتهم اللي ماتنتهي


خالد بضحكه: مو كأنه تيمون ؟؟


راشد: تيمون بس محترق ههههههههههههههههه


راكان ببتسامة: وجع انت وياه لا تتطنزون على خويي


عبدالعزيز: مالت عليك انت من حاكاك انت وفنيلتك تقول التلفزيون اول مافتح


(راكان كان لابس فنيله بيضا مخططه باسود)


راكان:من زينك شايف لبسك تقول وزار هندي


ابراهيم: ههههههههههههههههههههه


عبدالعزيز: ضحك الصرصور ضحك


ابراهيم بعصبيه: انا صروصور يالبعير


خالد بضحكه: والله نحيف واسمر ماغلط عبدالعزيز يوم قال صرصور هههههه


راشد: ههههههه يشبه لرابح صقر ههههههه


عبدالعزيز: هههههههههههههههه شوفوا شوفوا عصب وحمر وجهه


طلال بضحكه: لا احس ماينفع يحمر وجهه وهو اسمر بيطلع تقل كشنه


خالد: هههههههههههههه كشنه محترقه ههههههه


عبدالعزيز بضحكه: ابراهيم نحيف والشعر كشه بالله مو كأنه مكنسه ؟؟


خالد وطلال وراشد: ههههههههههههههههههه أي والله جبتها


خالد: التشبيه أليييم ههههههههههههههه


واستمرت الطنازه والسخريه ساعة تقريبا .. وانا اسمعهم واضحك ماعندي مشكلة


خالد: شباب وجهه كأنه ركبة افريقي ههههههههههههه


طلال: يرحم امكم خلاص هههههههههههههههه


عبدالعزيز بضحكه: ههههه خالد بالله مو كأنه قرد ؟؟


خالد: هههههههههههههههههههههه والله تخيلت شكله بحديقة الحيوانات مع القرود ههههههههههه


عبدالعزيز: والله كان مانفرق بينهم ههههههههههه


وبدا طلال يقلد القرود واصواتهم والشباب يضحكون .. وبعد ماسكتوا شوي


عبدالعزيز قرب وحط يده على كتفي: ابراهيم لا تزعل ترانا نحب نطقطق ونستهبل ..


حتى احيانا اذا مالقينا احد نتطنز عليه نتطنز على بعضنا .. يعني شوف راشد مثلا شوف حواجبه متصلة ببعض مو كأنها طريق الرياض للخرج؟


راشد بضحكه: من زينك انت وعيونك الكبار يالضفدع


عبدالعزيز يكمل بضحك: طيب شوف الدب خالد مو كأنه كيس طحين؟


خالد بعصبيه: انا كيس طحين ياكيس الزبالة


عبدالعزيز: ههههههه ماعلينا طيب شوف راكان خشمه كأنه قسام كهرب


راكان بضحكه: اقول بس انت وخشمك تقل شراع سفينه بنص وجهك


الكل: هههههههههههههههههههههههههههههههههههه


عبدالعزيز: انطم انت وشعرك تقل شعر تيس


ابراهيم: شوفوا من يتكلم بس المقرع هو راسه تقول قالبين عليه طفاية دخان


راكان: ههههههههه طارت الجبهة طارت


عبدالعزيز بضحكه: اصلا ادري غيرانين من شعري لانه ناعم سنسبيل


ابراهيم بضحكه: سنسبيل من وين جبتها هذي هههههه


عبدالعزيز بترقيع: سنسبيل هذا كريم للشعر كانت امي تحطه لي يومني صغير عشان كذا طلع شعري ناعم


خالد بنص عين: ايا النصاب تتذكر امك يوم كانت تروشك بشامبو قمل


الكل: هههههههههههههههههههههههههه


راكان: ههههههههههههههه اما عاد شامبو قمل يا راشد


عبدالعزيز: لا هو صادق ههههههههههه .. اذكر امي كانت تروشني بشامبو قمل ويطلع من شعري قمل ودود ونمل وحشرات .. يا حياة الشقا هههههه


ابراهيم: ههههههههههههههه الله يقرفك


طلال: هذا عشه مو شعر ههههههههههههههه


عبدالعزيز بضحكه: هههههههههههههه أي والله .. حتى مره امي حطت على شعري قاز وانا فرحان مادري على ايش ورحت لعبت بالطراطيع لين بغى يولع شعري بس الحمدلله ماصار شي هههههه .. "بتنهيده" كانت طفوله قاسيه جدا


طلال ببتسامة: عاد انا وش اقول عن نفسي يوم كان اخوي الكبير يضحك علي ويقولي قوم جيب لي ماء ويقول يلا نشوف مين اسرع انت ولا الصاروخ؟ .. وانا كنت اشد حيلي وارررركض مالت علي


راشد: ههههههههه وانا مره كنت العب انا وبزارين خالاتي قمت خشيتهم بمكان الجني الازرق مايعرفه ورحت لخالاتي وانا اركض وصرخت البزارين طاحوا بالخزان .. يا اني اكلت تصفيق ذاك اليوم لين قلت بس .. وخالتي حامل وبغت تصقط .. وامي بغت تنط بالخزان من الروعه هههههههههههههه


الكل: ههههههههههههههه


عبدالعزيز بضحكه: كلنا عشنا طفولة قاسيه الا راكان التسلب مطنوخ من يومه صغير


راكان: هههههههه وش اللي قاهركم طيب؟


خالد بقهر: ايه كانت امه مدلعته مالت عليه


طلال: تتذكرون يوم كنا باولى متوسط يوم راكان طاح بالمدرسة وانشق راسه ويوم جا من بكرا جابت له امه جوال اخر موديل وبلايستيشن 2 اللي كنا نحلم فيه يومنا صغار


راشد: ايه ههههههه الحيوان كان مدلع انا يومني صغير كنت لا صقعت بالجدار وانشق راسي تجي امي تسكتني وتضرب الجدار عشان اسكت ههههههههههه .. وهو التسلب يجيبون له جوال والله قهر


عبدالعزيز: اتذكر يوم نجحنا من سادس جاب له ابوه دباب كبير وامه سوت له حفله .. وانا ابوي جاب لي المسطرة اللي فيها موية ونجوم بس وطرت من الفرحة هههههههههه


راكان: هههههههه ايه ياحبيبي الناس مقامات


عبدالعزيز بضحكه: بطلب تعويض من امي على الاشياء اللي حرمتني منها وانا صغير


خالد ببتسامة: يالله اهم شي الحب والحنان ولا الاشياء الثانيه نصبر عليها بعدين


ابراهيم: عن اذنكم شباب بروح شوي وارجع


عبدالعزيز: اذنك معاك


(راكان)


انا من زمان كنت ملاحظ ان ابراهيم متضايق من السالفة


راكان: شباب خلاص لا تجيبون طاري الام ولا تسولفون عنها


راشد باستغراب: ليش؟


راكان: لان اللي فاقد امه اكيد بيحزن


عبدالعزيز باستغراب: مين فينا فاقد امه ؟


راكان: ابراهيم


طلال بصدمه: ابراهيم امه متوفيه ؟!


راكان بحزن: أيه الله يرحمها


خالد: لاحول ولا قوة الا بالله "وقام" كسر خاطري بروح اعزيه


راكان: اقعد يالغبي الرجال ماتت امه من زمان وانت توك تعزيه؟ .. اقعد لا تفضحنا


خالد: والله؟ "وقعد"


راكان: أي والله .. ماتت امه من زمان وهو صغير


عبدالعزيز: بس ماشوف انه متضايق ولا حزين بلعكس مبسوط ويضحك معنا


راكان: هو يضحك لانه مايبي يبين لكم هالشي .. ولا هو يحترق من الداخل


طلال: ليش زيت مكينه هو ؟؟؟


راكان ببتسامة: ماش ياخي الكلام مع جدران ماينفع


راشد: انا اشهد هههههههههههه


راكان: خلاص اسكتوا هذا هو جا


وجا ابراهيم وجلس معنا .. وكملنا الجلسة سوالف وضحك وهبال وفله .. وابراهيم اندمج مع الشباب وحبهم كثير وانبسط معهم


وماطلعوا الشباب من عندي الا الساعة 2.. وكنت مبسوط لان ابراهيم نفسيته تغيرت شوي وصار مبسوط وبس يضحك .. وتحسنت نفسيته كثير .


( الأحداث بدت تهدأ .. وهموم ابراهيم تقريبا انزاحت .. لكن في هم ماراح يتخلص منه الا اذا خلصت الرواية )


@@@@@@@@@@@@@@@@@@@@@@@@@@

نهاية الجزء التاسع


قراءة ممتعة

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الله يسعدك:)

Sent from my GT-N7100 using منتدى عبير mobile app

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

وياك قلبي

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء العاشر

(راكان)


مرت الأيام تلو الأيام


تغيرت نفسية ابراهيم كثير .. صار غييير تماما عن أول .. وينه ووين ابراهيم القديم .. أول كان بس حزين ودايما يبكي .. الحين مبسوط دايم ينكت ويضحك


وشعوره بالنقص زال .. صار يحس انه شاب عادي حاله حال أي شاب بعمره .. ماعنده هموم واوجاع تكبره عن عمره الحقيقي


وتعلقنا انا وياه ببعض كثير .. كنت اقول ماراح يفرقنا الا الموت ....


لين جا ذاك اليوم الموعود


كنت جالس بالمطبخ اسوي عصير .. دخل علي ابراهيم وهو مبتسم


ابراهيم: غرييبه راكان داخل المطبخ؟ وش عندك


راكان ببتسامة: قلت باسوي عصير مافيها شي .. وتعال اسمع


ابراهيم: هاه ؟


راكان: وجهك موب عاجبني .. اكلت دواك؟


ابراهيم يضرب راسه بيده: اوووه صح نسيت .. بروح اخذه


راكان: تعال تعال .. تغديت اليوم اكلت شي ؟؟


ابراهيم: لا


راكان: ولا يكون بتاكل الدواء على معده فاضيه ؟


ابراهيم بترقيع: ا لا اييه الله يهديك كنت بقولك اني باكل قبل بس ماعطيتني فرصة


راكان ببتسامة: طيب تعال معي نسوي العصير


ابراهيم: بأي نكهة ؟


راكان: كوكتيل


وراح ابراهيم يقطع المانجا .. وانا قطعت الفراولة والموز والبرتقال وحطيناه بالخلاط ..

وخلصنا وحطيناه بكاسات طلع يهبل طبقات وقطعنا فراولة ومنجا داخل الكاس .. صار سلطة فواكة مو بس عصير


ابراهيم وهو يذوقه: ممم لذيييذ


راكان بفخر: اكييد دام الشيف راكان مسويه


ابراهيم ببتسامة: لا تنكر اني مساعدك يالجحود


راكان بضحكه: هههه وانت بعد


قطع علينا كلامنا صوت الجرس


ابراهيم: ياليييل من اللي جاينا ذا الوقت


راكان: اللي يسمعك يقول بنص الليل .. ترانا بالمغرب


ابراهيم: ياليييل طيب ماشربت العصير


راكان بضحكه: الحين من كبره كله كاس صغير زطه وانت تمشي


وشرب ابراهيم العصير دفعه وحده .. وحطه على الطاولة وراح يفتح


توجه للباب وفتحه بسرعه بدون لا يقول مين


دخل رجال بسرعه وعطى ابراهيم كف قوي لدرجة طلع له صدى بالمكان .. وشال ابراهيم من ملابسه ورماه على الارض حسيت ان عظامه كلها تكسرت من الرميه


قمت بخوف اشوف ابراهيم وانا منصدم من هو ذا الرجال مع اني حاس اني شايفه من قبل


ابراهيم بألم وصدمه: بسام !!


بسام وعيونه تطلع منها شرار من العصبيه والحقد: ايه بسام يالكلب .. انا قايل اني بطلعك بطلعك لو من تحت الأرض


راكان شهق: انت وش تبي يالنذل ؟!!!


بسام : انطم انطم ماكلمتك "والتفتت لابراهيم" .. انت يالحمار مالك الا بيت ابوك سامع ؟؟ .. تحسب انك بتطلع من بيت ابوك ؟؟ .. تحسب انك بتنحاش ؟؟

.. لا ياحبيبي .. بسام وراك وحارق دماك وين ماتروح يلقاك


ابراهيم بصوت على وشك البكاء: الله يرحم والديك فكني تكفى انا وش سويت لك؟


بسام يأشر على راسه: كيفي مزاج .. "ورفع اصبعه بتهديد" اسمعني .. لك يومين بس يومين "ويأشر باصبعه 2" سامع يومين بس والقاك مجهز اغراضك وقشك..

مع اني ادري ماعندك اغراض من عرفتك وانت حافي منتف .. ولا تحاول تنحاش لاني مطلعك مطلعك لو تروح للمريخ


ابراهيم ببكاء: ما ابي ارجع معك ما ابي .. ياخي انا وابوي نتفاهم انت وش دخلك؟


بسام بصراخ: لا ياحبيبي تروح معي غصب ورجلك فوق رقبتك .. انت تدري ابوك وش قال لي؟ قالي اسحبه مع شعره وجيبه عندي للبيت ..

لكن احمد ربك انا ع الاقل رحمتك وعطيتك فرصة يومين


ابراهيم بقهر: وابوي لو يقولك طب بالنار تطب ؟؟؟


بسام: والله انا انفذ اوامر عمي ابو فهد هو اللي بينفعني بخيره ولا انت واشكالك ماراح ينفعوني > تفكير مريض


ابراهيم بقهر: ياخي انت ماتخاف ربك ؟؟ .. تطيع الناس بمعصية الله ؟ .. تظلم الناس عشان فلوس ؟؟ .. تبيع دينك كله بغرض من الدنيا قليل ؟


بسام بعصبيه: اقول انطم تراي عطيتك وجه .. بتسكت وتروح تضف قشك برضاك ولا اسحبك من شعرك واوديك عند ابوك الحين؟ .. "بسخريه" وفرصة الحين دامه معصب اخليه يجلدك ويعذبك واستمتع


ابراهيم بضعف: خلاص باجي بعد يومين .. توكل الحين


بسام ببتسامة سخرية: والله يا ان ابوك متوعد فيك .. متى بس يجي بعد بكرا عشان اشوف ابوك وهو يجلدك ويعذبك ويهينك مثل الكلب قدامي .. اقول الله يرحمك مقدما


ومشى وتوجه للباب وهو بطريقه شاف الورد اللي عند المدخل


بسام بحتقار: بعد حاطين ورد انتم ووجيهكم "وشال الورد وقطعه ودف القزاز اللي كان فيه الورد برجله وكسره .. وطلع"


سكتت بصدمه ماني مستوعب اللي شفته قدامي قبل شوي .. انا بحلم ولا بعلم ؟!!


معقوله ابراهيم يتعرض لكل هالعنف والقسوة والإهانة .. وكل هذا من بسام بس كيف عاد ابوه ؟!! .. هذولا قلوبهم صخر ؟؟ .. مايحسون؟؟


كيف يعاملون يتيم هالمعاملة القاسية .. كيف هان عليهم هالشي ؟


رحت لابراهيم اللي كان يبكي بصمت .. وكان يغطي وجهه عني


شلته لانه كان طايح وسندت ظهره على صدري


راكان: ورني اشوف ظهرك


شفت ظهره مزرق لانه طاح عليه من رمية بسام الكلب .. وخده محمر من الكف .. حسبي الله عليه


راكان بحزن: ياعمري انت.. ابراهيم اصبر يا اخوي .. صدقني الله بيحاسبه على كل مره ظلمك فيها .. بيحاسبه على كل مره خلاك تبكي وطير النوم عنك.. ماراح يرتاح وهو ظالم صدقني .. بيجي يوم ماراح يذوق طعم النوم فيه من همه


ابراهيم بحزن: راكان.. ماني مصدق ياخي .. بعد يومين برجع لابوي .. برجع للألم والعذاب النفسي والجسدي ..برجع للذل والاهانة.. وكأني ما سويت شي


سحبته لصدري وضميته: اجر انشالله .. ابراهيم كلما حزنت وتألمت كلما زاد اجرك وتكفرت ذنوبك .. يوم من الايام راح تكتشف ان حزنك حماك من النار .. ودخلك الجنة بإذن الله


ابراهيم رصني اكثر كأنه يدور الراحة .. ودفن راسه بصدري وهو يبكي


اقشعر جسمي من حركته .. ونزلت دمعه من عيني .. مسحتها على طول عشان مايشوفها ابراهيم ويتأثر


ابراهيم: بسام يهددني .. ابوي يضربني .. اخواني يوقفون مع ابوي مكتوفين الايادي .. من يخلصني منهم ؟!! .. قسم بالله حالتي ضاقت يا راكان


راكان بحزن: بس يا ابراهيم اصبر ولك الجنة .. من زعلك بيجي احد يزعله .. من ضرك بيجي احد يضره .. من تسلط عليك الله بيسلط عليه من هو اقوى منه .. كما تدين تدان .. لاتحسب انهم بيعيشون مرتاحين .. والله مايغمض لهم جفن ولا يهنأ لهم بال وهم ظالمين .. هذا اذا ماصار شي اقوى بعد .. وبتقول راكان قال

"ابتسمت له" يلا اهدى شوي ولا تضيق خلقك .. الدنيا كلها مصاعب .. لو كانت الدنيا سهله ميسره ما كان الصبر احد ابواب الجنة .. صدقني الله ابتلاك عشان يختبر صبرك ويكفر ذنوبك .. ان الله اذا احب عبدا ابتلاه .. اذا رأيت الله يبتليك ويكثر عليك المصايب .. اعرف انك عزيز عنده ..

ما سمعت قوله تعالى(واصبر لحكم ربك فإنك بأعيننا) .. حتى الانبياء كان يبتليهم الله .. كلنا عندنا مصائب وبلوى لكن تتفاوت على قدر محبة الله .. انت يحبك الله يا ابراهيم عشان كذا ابتلاك .. وانه يبغاك تصبر وتسلك طريق الانبياء والصالحين وتقتدي بهم


ابراهيم : صادق والله "بعد عني وهو يمسح دموعه" مشكور يا راكان .. طمنت قلبي بكلامك الله يطمن قلبك .. والله ما انسى لك وقفتك هذي ومساندتك لي .. كلامك بس يجيب لي الراحة


ابتسمت: العفو .. يلا قوم غسل وجهك واهدى شوي


ابراهيم: طيب .. الله لا يسامحه خلاني ابكي كأني بنت


راكان: هههه ياخي مو عيب ان الرجال يبكي .. تصدق يا ابراهيم اكتشفت فيك شي حلو .. ماشالله عليك على كثر همومك ومشاكلك الا انك متمسك بدينك كثير .. لو شاب ثاني بعمرك كان انحرف وراح لطريق المخدرات يدور الراحة..

لو شاب غيرك كان فكر ينتحر من الهموم اللي فيه .. انت ماشالله عليك متمسك بدينك وما أثرت فيك الظروف .. وهذا دليل انك رجال وعن الف رجال بعد


ابراهيم ببتسامة: ياخي والله ماحد مصبرني على الهموم الا انت .. اتخيل اني ماشفتك ولا لقيتك كان مت من الهم .. الله يحفظك يا راكان انت نعمة لي


راكان ببتسامة: كلنا نعمة لبعضنا


ابراهيم: لا انا ماسويت لك شي.. انت دايما تعطيني بدون مقابل


راكان: الا سويت لي اشياء واشياء كثييرة بعد


ابراهيم: وش سويت لك؟


راكان:انا اقولك وش سويت لي .. اولا من الناحية الدينيه ابراهيم انت اول مادخلت حياتي وانا متغير 180 درجة للأحسن .. تصدق قبل لا اعرفك كنت بس اسمع اغاني .. مهمل صلاتي كثير ..

كنت ماصلي الا الفجر لاني اكون سهران وقتها اما باقي الصلوات انام واسحب عليها .. كنت انام النهار كله والليل سهر ولعب وطلعات .. واول ماشفتك خجلت من نفسي بصراحة ..

كنت اقول هذا يتيم ومتضايق وحزين وكله هموم ورغم هذا محافظ على صلاته ودينه .. وانا وش زيني مابي الا العافية ومو ناقصني شي ومع كذا مهمل صلاتي وديني .. اول ماشفتك تبت وقررت اني ابدا صفحة جديده

وغير كذا انت كنت تعينني على الخير يا ابراهيم .. قبل ماتجي كنت بروحي في الاستراحة ومافي احد يقومني للصلاة ويحرصني ويذكرني بها .. وجيت انت صرت تقومني بنفسك و تذكرني بالصلاة وتروح معي المسجد .. هذا ثاني شي

وثالث شي انت بنفسك بمثابة اجر وخير لي .. كلما احسنت لك كلما زاد اجري وحسناتي .. وانت عارف اجر الاحسان لليتيم والفقير .. وللناس عامة

وغير كذا في اشياء ثانيه بعد .. انت مهتم بنظافة الاستراحة والترتيب واكل الخيول وكل شي .. حتى بنفسك شفت كيف صارت الاستراحة بدونك يوم طلعت عني .. تقول ضاربها زلزال من الحوسة اللي فيها

وخامس شي انا بدونك كنت وحيد وجيت انت ومليت علي حياتي ولقيت احد اسولف معه واضحك والعب معه

شفت انك سوييت لي اشياء كثيييرة ولو اقعد اعددها من اليوم لبكرا مابخلص .. واحلى شي الراحة النفسيه اللي جتني من بعدك "ببتسامة" ها اكمل ولا خلاص؟


ابراهيم ببتسامة: لالا يكفي خلاص .. مع اني ادري ان كل اللي ذكرته مايجي ربع اللي سويته لي .. ولا يوفيك جزاك.. يلا عن اذنك بروح اصلي وانام ارتاح لي شوي


راكان ببتسامة: نوم العافيه


ابراهيم : الله يعافيك

@@@@@@@@@@@@@@@@@@@@@@@@@@

اليوم التالي

الساعة الرابعة عصرا


كنت جالس على العشب وبيدي كوب شاي .. ومعاي اللاب توب


وابراهيم من امس ماشفته .. من يوم قال بنام دخل الغرفة وماعاد طلع


وبين ما انا اتصفح تويتري وبيدي كوب الشاي الا سمعت صرخة ابراهيم


فزيت وبغى ينكب الشاي على الاب توب من الروعه


طلع ابراهيم وشكله مبهذل وفاصخ بلوزته وحاطها على كتفه ووجهه ما يبشر بالخير


ابراهيم هو يمشي نحوي بعصبيه: راكان شوووووف الكلب


راكان بعصبيه: صميت اذني وروعتني وطيرت عقلي .. وش عندك يالمجنون وش عندك ؟؟؟


ابراهيم قرب مني وهو يمدلي الجوال بقهر: شوف شوف وش مرسل لي الكلب


شفت الجوال كان مكتوب :


( باقي يوم على موعدنا .. تجهز يا حلو .. على فكرة ترا علمت ابوك بكلامك امس يوم تقولي لا تطيع ابوي وعصب وانجن .. قلتله هدي انا بتولى امره لا جا لكنه عصب وقال والله ما ارحمه ابد .. يعني الله يعينك بس تستاهل يالكلب ببرد حرتي فيك اخيرا يالحقير انت وامك الفاجرة انت ما تستاهل الا الموت مثلها

باي برهومي

عمك وحارق دمك بسام )


ابراهيم بعصبية الدنيا كلها: شفت الحقير ؟ شفت الحيوان اخ بس يالقهر وصلت فيه يسب امي الكلب والله مايجي ظفرها الواطي


اما انا انجنيت مادري وش اسوي او وش اقول صدق اللي سواه بسام مو شوي واي واحد مكان ابراهيم ممكن ينجن ويفقد اعصابه


ابراهيم يضرب نفسه وشوي ويشقق ملابسه من القهر: اخ بس يالقهر اه وش سويت انا بدنياي عشان كل هالمصايب .. انا وش سويت له الكلب عشان كل هالحقد والكراهية كني ذابح امه وانا مادري .. راكان قلي وش اسوي قسسم تعبت .. ياصبر الأرررررررض


وجلس على الارض وهو حاط يدينه على راسه .. جلست جنبه وحطيت يدي على كتفه


راكان: ابراهيم ماله داعي نعيد كلام امس .. وش قلت لك انا ماقلت لك اصبر ؟


راكان بقهر الدنيا كله: ياخي صبررررررت ونفذ صبري .. الصبر له حدوود وانا تعبت خلاص .. بسام هذا يجنن اللي مايتجنن .. بسام هذا يخلي الحليم يفقد اعصابه .. بسام هذا يحرك الصخر بافعاله


وقام بسرعه وتوجه للمطبخ وطلع ومعه سكيين كبيرة .. وشكله ناوي شر


راكان بهلع: تعال ابراهييييم وين وين


ابراهيم لقط مفتاح سيارتي اللي كان على الطاولة وتوجه للسيارة بسرعه


لحقته وانا خايف ومسكت يده: ابراهيييم اهدى شوي وش بتسوووي ؟


ابراهيم بجنون: اترررركني خلني ارووح اذبحه .. والله مارتاح ليين ما اغرس هالسكين بقلبه .. والله مايهنئ بالي لين ما اشوفه مييت قدامي .. اترررركني


مسكته بقوه: ابراهييييييم اهدى شوي لا تسوي شي تندم عليه بكرا .. المشاكل ماتنحل بهالطريقة


ابراهيم بعصبيه: ياخي انت ماحسيت بشعوري ماحسيت بناري وبقهري اتررركني


راكان: ماني تاركك صدقني بتندم لو تركتك .. انت الحين متهور وفاقد اعصابك ماتحس بحجم الغلطة اللي بتسويها


ابراهيم بعصبيه: راكان اتركككني ولا بذبحك بداله


ورفع السكينه بوجهي وتركته وتراجعت على ورا بخوف


راكان بخوف: ابراهيم تعوذ من ابليس واذكر الله


ابراهيم بحده: ابعد تراني معصب ودمي ثاير ف ابعد احسن لك


وفتح باب السيارة وركبها .. وشغل السيارة


بيسويها .. ميه بالميه بيسويها .. انا لا يمكن اتركه


فتحت باب السيارة وركبت بالوقت اللي حرك فيه ابراهيم السيارة بسرعه خاطفة بغيت اطيح لكن تمسكت وركبت زين وطلع ابراهيم برى الاستراحة لان باب الكراج كان مفتوح


ابراهيم بعصبيه: يوووه وش تبي انت يالنشبه ؟؟؟


راكان: وقف وقف يامجنوون .. وقف على جنب


ومديت يدي ومسكت الدركسون بقوه


ابراهيم: ماني موقف لو تمووووت خلني انتقم منه وابرد حرتي فيه


راكان بصراخ: لا بتوقف غصب عنك .. يالمجنون هذي فيها قصاص


وتهاوشنا انا وياه على الدركسون هو يلف يمين وانا الف يسار ابيه يوقف على جنب .. ووسط هالهواش انحرفت السيارة عن الطريق ونزلت بقوه في المنحدر الرملي اللي على جانب الطريق ....


وقف شعر راسي من الخوف قلت جا المووووت


لكن قدرنا نسيطر على السيارة ووقفت.. كانت بتنقلب لكن الله ستر


التفتت لابراهيم بعصبيه: شفت كننا بننقلب بسببك يالمجنووون


ابراهيم ترك الدركسون وحط يدينه على راسه


راكان بعصبيه: شفت تهورك وين ودانا؟؟ .. ياليتني تاركك تذبحه عشان تدخل السجن وتتأدب .. "اخذت السكينة منه" لا عاد اشوفك ماسك السكينة سامع ؟؟.. تحسب انك بترتاح وتفتك منه لا قتلته ؟؟ لا يا حبيبي بتتعذب اكثر هذي فيها قصاص ولا سجن مؤبد وبتندم قد شعر راسك


ابراهيم بندم: ادري والله بس ياخي والله قهرني وحرق قلبي الله يحرق قلبه


راكان بهدووء: وهذا مو حل .. الغلط ماينحل بغلط .. اسمعني ابراهيم ..

اترك كل شي على ربك .. ماسمعت الله وش قال عن المظلوم؟ .. قال سبحانه وتعالى (وعزتي وجلالي لانصرنك ولو بعد حين) ..

الله وعد واقسم انه ينصرك يعني خلاص تطمن .. وصدقني عقابه بالاخرة راح يكون اشد بمليون مره من عقاب الدنيا .. يعني انتقام الله راح يكون اشد من انتقامك وانتقام غيرك


ابراهيم: خلاص انا بدعي ان الله ينتقم منه .. وباسمع نصيحتك


راكان ببتسامة: كفوو .. يلا رجعنا للاستراحة ولا عاد تكرر هالغلطة ابد


ابراهيم ببتسامة: انشالله


ومشينا للاستراحة .. وكل ما يمر الوقت كلما يقترب الموعد .. موعد فراقنا انا وياه


مادري اذا بيرجع لي مره ثانيه .. ولا ماراح اشوفه للأبد


مادري بيكون فراق مؤقت .. ولا فراق مدى الحياة


ابراهيم .. والله بشتاق لك يا مجنون ....
@@@@@@@@@@@@@@@@@@@@@@@@@


توقعاتكم :

. هل ابراهيم وراكان بيتفارقون مدى الحياة ؟؟ ولا بيرجعون لبعض ؟؟

. كيف راح يكون لقاء ابراهيم وابوه ؟؟

$ نهاية الجزء العاشر $

ها نحن قطعنا نصف المسافة .. ولم يتبقى إلا القليل

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

وين الردود

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

رووووووووعه الروايه ميششششو منتظرينككككك


"عرفنا قدرنا وابتعدنا بكرامه "

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

انتي الرووووووعةة والله والحين بارت

رد: روايةة الدنيا ياصاحبي كلها مآسي وأحزان ما تضيق الا بالصبر تهان / منقولةة

الجزء الحادي عشر

وبدأت المعاناه ~


الساعة 4 عصرا


(ابراهيم)


كنت جالس جنب راكان بصمت


راكان: وش عندك ساكت ؟


بدون ما اناظره: اليوم اخر يوم


راكان بحنان: ابراهيم اذا انت متضايق مره شرايك نحجز فندق ونسكن فيه ؟


ابراهيم: لا بسام بيلقاني اكيد .. هو قال بطلعك لو تروح المريخ


راكان: قال كذا بس عشان يخوفك ولا هو ما يقدر


ابراهيم: انت ماتعرف بسام .. بسام هذا مايعوق معه شي


راكان: لو تبينا نطلع برا الشرقية ماعندي مانع


تنهدت: لين متى الهروب ؟


راكان: عندك حل ثاني ؟


ابراهيم: لا .. بس صعبه نطلع من الشرقية صعبه يا راكان .. وغير كذا حرام اخليك تطلع وتترك استراحتك وكل شي علشاني .. مايهون علي والله


راكان بتنهيده: براحتك مثل ماتبي


وسكتنا .. وخيم الصمت علينا


ابراهيم: راكان .. حلمت اليوم حلم غريب


راكان: وش حلمت؟ عساه خير


ابراهيم: حلمت اني بغابة واسد يلاحقني .. وانا اركض وصلت لحفرة عميقة.. وكان بالجهة الثانية رجال لابس ابيض وكان يناديني باسمي .. ماكنت اشوف وجهه بس جسمه وثيابه ..

المهم ان الاسد صار يلاحقني وانا نطيت وتجاوزت الحفرة وطحت على الارض من الجهة الثانية .. اما الاسد طاح في الحفرة .. وجا الرجال اللي لابس ابيض وشالني .. وخلص الحلم هنا


راكان باستغراب: غريب حلمك .. انشالله خير


ابراهيم: انشالله


@@@@@@@@@@@@@@@@@@@@@@@@@@

في مكان اخر


في حارة قديمة وبيت شعبي قديم


العم صالح: بسام ماشفت فلوسي اللي حاطها على الطاولة ؟


بسام ببرود: لا


العم صالح: اكيد انت اللي سارقها


بسام: نعم ! انا اسرق منك يالمنتف ؟!


العم صالح بلوم: بسام طلع الفلوس احسن لك .. يا رجال خاف ربك الفلوس هذي مو لي .. هذي امانه عندي


بسام بعصبيه: وانت كل مايضيع لك شي حطيته برقبتي ؟ .. ما سرقتها ولا انزل لهالمستوى .. هذا مستوى الحراميه الشحاذين امثالك


جت الام على صراخهم: وش فيكم .. وش بلاك يا وليدي


بسام: شوفي هالشايب مضيع فلوسه وحاط اللوم علي


العم صالح بضعف: انا ماضيعتها انا حطيتها على الطاولة ورحت الحمام دقيقتين ورجعت مالقيتها .. وماكان فيه بالغرفة إلا بسام


الام: ياوليدي استهدي بالله ورجع الفلوس لعمك .. هذي امانه عنده .. انت مب اول مره تسويها .. ياما سرقته وتغاضينا


العم صالح: لو كانت فلوسي كان مابقول شي .. لكن هذي امانه عندي


بسام بعصبيه: لا حوووول الله .. يمه يمه حبيبتي .. لاتصدقين هذا شايب مخرف يضيع اشيائه ويحطها برقبتي .. يمه لا تصدقينه هذا كذاب .. وبعدين لا تقولين لزوجك هذا عمي هالكملة ترا تنرفزني .. هذا ما اتشرف انه عمي


الام بضعف: يا وليدي عشاني عشان خاطري رجعها له .. واذا تبي فلوس وقاصرك شي انا بعطيك .. ورجع فلوسه له


بسام بعصبيه: اوهوووو يعني الواحد مايقعد بهالبيت مايرتاح بهالبيت .. اول مايضيع لكم شي اتهمتوني انا .. صدق تجيك التهايم وانت نايم .. اروح لبيت عمي ابو فهد احسن لي


العم ابو صالح بقهر: روووح رووح عسا تروح روحك قل امين .. لا خيرك ولا كفاية شرك


بسام باحتقار: انت انطم انطم يالمخرف يالشحاذ .. روح اشحذ بالمسجد مثل كل مره يمكن تطلع قيمة الفلوس اللي ضاعت.. "والتفت لامه" وانتي قومي طلعي لي ثوب زين اقابل فيه عمي ابو فهد بسرعه .. هناك الوناسه مو هنا .. وجيه تسد النفس


وراحت الام وجابت له الثوب .. اخذه بسرعه وطلع


بسام وهو يركب السياره: العن امه ماتسوى علينا هالالفين وخمسميه اللي اخذناها .. مايضيع له حق ابن الكلب .. لكن انا اوريه .. ان ماطفرتك وقطيتك عالحديده يا صالح ما اكون انا بسام


وحرك السيارة: خل اشوف ابراهيم ابرد حرتي فيه شوي


ودق على ابراهيم واول مارد صرخ عليه


بسام بصرخه: نص ساعة وراجع للبيت إن مالقيتك فيه موتك على يدي


وسكر الجوال بوجهه .. رما الجوال بالمرتبه الجانبيه بضحكه : إن ما كسرتك وبردت حرتي فيك يا ابراهيم .. وبالمقابل كم الف تطيح بيدي من عمي ابو فهد .. ياوناستك يا بسام


وحرك السيارة وهو مبسوط
@@@@@@@@@@@@@@@@@@@@@@@@@

الساعة 6 مساء

عند ابراهيم وراكان


ابراهيم جالس يجمع اغراضه بسرعة


جا له راكان: ابراهيم .. بتروح الحين؟


ابراهيم ببتسامة: ايه .. احسن من ما يجرني بسام مع شعري ويوديني بنفسه للبيت


راكان: الله يعينك .. يلا باوصلك


ابراهيم: اوكي


وخلص تجميع اغراضه .. وركب مع راكان السيارة


وصف ابراهيم لراكان البيت .. ووصلوا


*بوصف لكم شعور كل واحد*


*راكان* كان البيت فله عباره عن قصر مصغر .. حلوه وفخمه ويدل على ان صاحبها من الطبقة الغنيه ..توني ادري ان ابو ابراهيم غني .. لا وحاط حراس عند البيت وبودي قارد ..

سبحان الله كيف بخله على ابراهيم خلا ابراهيم كأنه فقير مامعاه ولا فلس .. اللهم اعطي ممسكا تلفا


لكن البيت واضح انه كئيب .. الله يعين ابراهيم مادري وشلون بيعيش هنا


طفيت السيارة .. وجلسنا واحنا ساكتين


راكان: ابراهيم .. باقولك شي


ابراهيم: سم


راكان: سم الله عدوك .. ابراهيم لا اوصيك على ابوك .. لا تغلط عليه ولا ترفع صوتك على صوته .. مهما يغلط عليك قابل السيئه بحسنه .. خليك احسن منه ..

لا تبين له انك متضايق منه .. بالعكس ابتسم في وجهه وحسسه انه احسن اب في الدنيا ولو كان عكس هذا ..

لاتعصي امره وخلك بار فيه تراه جنتك ونارك .. لعل الله يكتب له يتغير بمعاملتك الحسنه له


*ابراهيم* نزلت دمعه بطرف عيني .. قلت وانا احاول امسك نفسي: انشالله .. بشتاق لك يالغالي


ورميت نفسي بحضنه وانا ابكي .. ياناس ما ابي افارقه ولا دقيقة .. ابيه هو .. ابيه هو وبس .. حتى لو تغير ابوي وصار حنون ماراح احبه كثر ماحبيته


ابي اعيش معاه للأبد .. هو الوحيد اللي احس بالسعادة قربه .. هو الوحيد اللي اثق فيه واحس بالأمان بجنبه .. هو الوحيد اللي حسسني بالحنان اللي انا فاقده من زمان .. الحنان اللي فاقده من امي وابوي عوضني عنه


ماقد حسيت بالراحة والسعادة كثر ماحسيت بها معه .. وقف معي بحالات الضيق والحزن .. شاركني الهموم ومسح دمعتي بقلبه قبل كفيه .. رميت همومي كلها عليه وما تضايق ولا اشتكى .. اقومه من نومه وقت حزني ولا يتذمر مني


هل يحق لي اكره فقدانه ؟


*راكان* ضميته بقوه: وانا بعد بشتاق لك وبفقدك يالغالي .. بفقد توأم روحي اللي ملى علي وحدتي .. بفقد صوتك اللي كسر وحشة هدوئي .. بفقد ضحكك ولعبك وطيبتك وابتسامتك ومقالبك وكل شي فيك .. بفقدك وكل مكان بالاستراحة بيفقدك


ماتحملت ونزلت دموعي مثل السيل


مثل مابيفقدني انا بعد بفقده .. وبينشغل بالي عليه خصوصا ان اللي بيسكن عندهم وحوش مو اهل .. الله يقدرني واخلصك منهم يا ابراهيم


قلت وانا اضمه بقوه: فرج قريب يا ابراهيم .. فرج قريب بإذن الله


ونزلت دموعي بلا توقف


فجأه انفتح باب السيارة بقوه .. وناظرنا بسام بحقد


بسام باستهزاء وهو يصفق: برافو برافو .. قسم بالله سنوات الضياع ولا شي عندكم .. اهنيكم على الفلم الهندي اللي سويتوه


فاضي هذا يستهبل .. والله مو رايقين له


بسام سحب ابراهيم من عضده ونزله من السيارة: اسف قطعت عليكم اللحظة الرومانسية .. "والتفت لابراهيم" وانت يالله قدامي ع البيت


ومشوا بعيد وابراهيم التفت لي وناظرني بحزن .. ناظرته بحزن عمييق وكل ذكرياتنا تمر علي كأنها حلم


تذكرت لعبنا وضحكنا ومقالبنا.. تذكرت جلستنا حول الحطب كل يوم وسواليفنا وسهرتنا .. تذكرت اول مره تقابلنا وكيف دخلنا قلوب بعض على طول .. تذكرت كل اللحظات اللي عشناها مع بعض الحلوه والمره


تذكرت ومرت علي الذكريات كأنها طيف .. واحنا نناظر بعض وما زال ملتفت علي .. لين دخل مع بسام البيت واختفى عن انظاري


تنهدت وكأن حزني و همي جبال على صدري من ثقلها .. حركت سيارتي ومشيت متوجه للرياض .. ايه ماقدر ارجع للاستراحة الحين بدونه .. لو رجعت بتذكر كل شي ويمكن ماراح اوقف عن البكاء ..

فضلت اني اروح الرياض .. يمكن يرتاح بالي بشوفة امي الغالية .. اشتقت لها .. لعلها تخفف من همي وحزني شوي

@@@@@@@@@@@@@@@@@@@@@@@@@@

(ابراهيم)


امشي وانا اجر خطواتي الثقيلة جر .. وبسام وراي وماسكني من ذراعيني كأنه شايلني .. مشيت معه وانا اتمتم ب الله يصبرني على من قتلوا فرحتي .. وفرقوا بيني وبين اعز اصدقائي


مشيت مع بسام ووقفنا عند غرفة .. الغرفة هذي اتذكرها مكتب ابوي .. البيت تغير علي شوي خصوصا إني غبت عنه 3 شهور


لكني اميز هالغرفة لاني اكرهها كره شديد .. الغرفة اللي دايما يكون جالس فيها ابوي لانها المكتب حقه .. ودايما يحاسبني ويهاوشني فيها .. كل ماسويت شي غلط يناديني لها ويبدا التحقيق والهواش ..

كل ما اسمع هالجملة (ابوك يبيك في المكتب) انتفض واخاف حتى لو ماكنت مسوي شي غلط .. عارف انه يا بيهاوشني او بيضربني .. يعورني بطني كل ماشفت هالغرفة


طق بسام الباب وفحته ودخل وسحبني معه للداخل


بسام: اجلس


جلست عالكنبه اللي كانت بعيده عن المكتب شوي .. وانا اشوف ابوي جالس وواضحه العصبية عليه .. انتفضت بخوف


ابوي: مشكور بسام .. اطلع وخلني اتفاهم معه


بسام بطاعه: العفو عمي ابو فهد


عمي ابو فهد ! .. قبل كان اسمه ابو ابراهيم .. والحين صار ابو فهد !!


تنهدت .. شكله صدق تبرى مني وما يعتبرني ولده


وطلع بسام .. التفتت لي ابوي بنظرات حاده


بغى يوقف قلبي خصوصا إنه للحين هادي وما سوى شي .. اخاف منه اذا كان هادي اكثر مما يكون معصب .. لانه يكون صارم وشديد اذا كان هادي .. هدوء ما قبل العاصفة

استمر وهو يناظرني بنظراته القاتله وتكلم اخيرا: ما تقولي وينك فيه كل هالمده ؟


ابراهيم بخوف: ا كنت باستراحة خويي


فجأه تحول ابوي لوحش مفترس وصرخ علي: ويوم قلتلك ارجع ليش مارجعت ؟؟


ابراهيم برجفه: ا انت ليش طردتن ي ؟


ابوي بحده وهو يصك على اسنانه: لا ترد على سؤالي بسؤال ثاني


بلعت ريقي وانا اشوف عيون ابوي شوي وتطلع من مكانها من العصبيه


ابراهيم: ما قدرت ارجع وانت معصب علي


ابوي بسخريه وبصوت عالي: لا والله !!.. عذر اقبح من ذنب .."وتغيرت ملامحه لصرامه" شوف انا كنت بسامحك وماني ضاربك لو انك رجعت لي .. "وبدا يعلى صوته اكثر" لكن الحين بما انك عصيت امري تحمل اللي بيجيك يالخسيس !!!

وبدا ينادي: يا بسام .. بسام


خفت وعورني بطني ..كنت عارف انه بينادي بسام وبسام مع البودي قارد اللي معه بيتولون امري والله مايردني الا المستشفى .. رحت لابوي وجثيت على ركبتي عنده


ابراهيم بترجي: يبا خلاص تكفى والله اخر مره .. والله ماعاد اعصي امرك ولا اقولك لا .. بس تكفى لا تنادي بسام .. "حبيت راسه بترجي" .. الله يخليك يبه .. لاتناديه والله بيذبحني


ابوي مد يده وعطاني كف قوي حسيت ان فكي انكسر من قوته .. طحت على ورا بألم ..احس اذني طنت و الدنيا صار لونها بنفسجي وكأني فاقد الوعي ..

سمعت صوت بسام وهو يدخل المكتب .. تكلم هو وابوي لكن ماميزت شي من كلامهم بسبب دوختي ..

شالني بسام وحطني بالغرفة على الأرض .. وراح وتركني

@@@@@@@@@@@@@@@@@@@@@@@

الساعة 11 مساء

( راكان )


وصلت للرياض ودخلت لبيتنا


لقيت امي وخواتي بالصالة يسولفون وسلمت عليهم


سلمت على راس امي وجلست جنبها


تكلمت ربى وهي جالسة وبحضنها شوق


ربى ببتسامة: وينك يالقطوع ماعاد تنشاف ؟


امي: أي والله يا وليدي وراك مقاطعنا وانا امك


ربى تحارش امي: يمه تلقينه تزوج ولا يبي يقولنا


رند تكمل كلامها: ايه وتلقينه متزوج سوريه ولا لبنانيه عشان كذا خاشها عنا


راكان بشرهه: مالت عليكم امحق خوات هذا بدال ما تعاونون اخوكم وتدعون له بالتوفيق


رند: ليه رايح تجاهد ؟


راكان: رايح ادرس يالغبيه


رند ببتسامة: عاد انت اللي مقطعك الذكاء


طنشتها والتفتت على امي: يمه ابي اكلمك شوي


ربى ببتسامة : عشتوا "والتفتت على رند" انا قايله اخوك هذا عنده شي


رند: وش عندك لا يكون اسرار قول ماحنا غريبين


يالييل شكلنا ماراح نخلص اليوم


ربى بتفكير: لا يكون ناوي يتزوج ويبي يفاتح امي بالموضوع


رند: أي والله بس مو صغير ؟


ربى بشاعريه: الحب ماله عمر ياروحي


رند تدق صدرها: خلها علي ياخوي عندي لك ذيك البنت الحلوة السنعة اللي يمشي على فخذها التيس


راكان بضحكه: مثل هذا ولا وشو ؟


رند: ايه مثل حق عجايز المهم شرايك اخطبلك اياها ؟


التفتت ربى على رند: اي وحده؟


رند: هذيك اللي شفناها بالعرس قبل يومين


وتركتهم يتناقشون والتفتت على امي


راكان بهمس: يماه .. عندي شي باقوله لك


جاو رند وربى يتسمعون


ابتسمت .. هالثنتين مالهم حل .. رند الخبله ماعليها شرهه صغيره عمرها 12 ..لكن المشكله ربى اللي بتوصل 18 وهي لسى ماعقلت


طفشت وقررت اني اتكلم قدامهم


راكان بجديه: يمه .. عندي واحد شاغل بالي كثير


رند بمقاطعه: واحد ولا وحده اعترف


امي: رندووه وجع خلي اخوك يتكلم


كملت كلامي: يمه تعرفت على واحد مسكين .. ابوه يكرهه ومايطيق يشوفه ابد .. يعذبه ويحبسه بالغرفة ويحرمه من الاكل.. بسبب قسوة ابوه تشرد بالشوارع ..

وجا سكن عندي 3 شهور .. وما خلصت السالفة .. ابوه صار يطارده يبغاه يرجع .. واليوم رجع للبيت ..

"وخنقتني العبرة" يمه ابوه متوعد فيه ومعصب عليه واخاف يعذبه .. وغير كذا عنده واحد يشتغل عند ابوه حاقد عليه وما يخاف الله .. يمه اخاف يذبحونه هاللي مايخافون الله .. "قلت وانا على وشك البكاء" يمه ادعيله تكفين .. ادعي الله يهدي ابوه


سكتوا كلهم وهم متأثرين .. ربى ورند ساكتين من الصدمه


امي بتأثر: الله يهدي ابوه ويحنن قلبه عليه .. ويصبر امه


راكان بحزن: لا امه توفت الله يرحمها .. توفت وهو صغير .. يعني لا ام ولا اب


امي بحزن: الله يصبره ويحنن قلب ابوه عليه .. انا بدعي له بعد كل صلاة .. وانت يا ولدي خلك معه ساعده ووقف معه .. لاتخليه بروحه كافي اللي صار له


راكان بحزن: يمه انا واقف معاه ومساعده بس مابيدي شي .. هو شاغل بالي كثير هالفترة .. عشان كذا ما قدرت اجيكم


تكلمت ربى بعد صمت: ا هو ماعنده خوال اعمام يساعدونه ؟


راكان: بصراحه مادري .. ايه صح تذكرت قالي ان عنده خال صغير بس مابيده يسوي شي .. مايقدر يخلصه من ابوه الظالم .. واعمامه اظن نفس طينة ابوه


رند بهدوء: انا لو ابوي كذا كان انتحرت


بتكحلها عمتها


راكان: انتي للحين مانمتي ؟ .. بكرا وراك مدرسة


رند: وانت ما وراك جامعه ؟


راكان بغرور: اصلا لو بروح الجامعة بكرا محاضراتي ماتبدى الا الساعة 10 ووراها .. مو مثلكم الساعة 6


تخصرت رند: لاه دخل الجامعة وتكبر علينا


امي : اقول رنيد تعوذي من ابليس وقومي نامي احسن لك


راكان بنذاله: يماه قولي لها تنظف غرفتي عشان بنام فيها اليوم


رند بغرور: باحلامك حبيبي اصلا بروح انام وراي مدرسة "وركضت فوق"


راكان: هههههه ياحليلها

@@@@@@@@@@@@@@@@@@@@@@@@@@

(ابراهيم)


قمت الساعة 2 الليل .. راسي مصدع ورقبتي تعورني من النومة الغلط .. فتحت عيوني وناظرت بالمكان .. وانصدمت

@@@@@@@@@@@@@@@@@@@@@@@@@@

نهاية الجزء الحادي عشر

من ايش انصدم ابراهيم ؟

وهل بيقدر يتخلص من ابوه الظالم ؟

+ رايكم بالبارت ؟