رواية بجنون أحبك / الكاتبة ساندرا (كامله )

تقليص
X
تقليص
 
  • الصفحة لـ 160
  • الوقت
  • عرض
إلغاء تحديد الكل
مشاركات جديدة
السابق 1 36 37 38 39 40 41 42 43 44 45 46 47 48 49 50 51 52 53 54 55 56 96 146 160 template التالي
  • نبضي
    عـضـو فعال
    • Mar 2013
    • 200
    • رحلـة ـآلـدنيـا .. قصيــرهـ
      وـآلفـرح فيهــا .. سرآآب
      حبـ من تبغى .. تحبـهـ
      آخــر العشـرهـ .. فرآآآآق
    #451
    رد: رواية بجنون أحبك / الكاتبة ساندرا

    فيه بارت اليووم ولا لاء ؟؟؟؟

      تعليق

      • احااسيس
        عـضـو
        • May 2013
        • 25
        #452
        رد: رواية بجنون أحبك / الكاتبة ساندرا

        سندوره غلاتي

        معليش انا يوم قلت احب جرئتك في الروايات كان قصدي انها ماتتعدى الحدود وكويس انك كتبتي الكلام دا

        متى حتنزلي البارت في انتظارك

        دمتي بود. احاسيس

          تعليق

          • الكاتبة ساندرا
            كاتبة روايات
            • Mar 2011
            • 6266
            #453
            رد: رواية بجنون أحبك / الكاتبة ساندرا

            المشاركة الأصلية بواسطة عاتبوني بغلاهم
            ووش ههالابداع
            دووووووووم متميزه ساندرا
            منال مافيه ذرة اخلاق ولا ذوق ولارومنسيه
            الله يكون بعوونه فواز مع عياله
            ممممره رووووووووووووووعه
            الله يسعدك ساندرا

            الله يحفظك يارب من كل سوء حبيبتي , ويعطيك العافية على دعمك لي ..
            بارك الله بك أميرتي , منورة أنار الله دربك |

              تعليق

              • الكاتبة ساندرا
                كاتبة روايات
                • Mar 2011
                • 6266
                #454
                رد: رواية بجنون أحبك / الكاتبة ساندرا

                المشاركة الأصلية بواسطة نبضي
                فيه بارت اليووم ولا لاء ؟؟؟؟

                كما عهدتني صغيرتي أنني ملتزمه بمواعيدي , والبارت اليوم وبينزل بعد لحظات بمشيئة الرحمن ..
                بارك الله بك |

                  تعليق

                  • الكاتبة ساندرا
                    كاتبة روايات
                    • Mar 2011
                    • 6266
                    #455
                    رد: رواية بجنون أحبك / الكاتبة ساندرا

                    المشاركة الأصلية بواسطة احاسيس
                    سندوره غلاتي

                    معليش انا يوم قلت احب جرئتك في الروايات كان قصدي انها ماتتعدى الحدود وكويس انك كتبتي الكلام دا

                    متى حتنزلي البارت في انتظارك

                    دمتي بود. احاسيس

                    أعلم مقصدك يا صديقتي الوفيه , فا أنا أعشقك عندما تسدين لي النصائح المحببة إلى قبي , فهنيئا لي بكي :)
                    أنما عنيت بكلامي سابقا , كما لو كنت أسدي نصيحة لنفسي =)

                    بارك الله بك , الان بينزل أميرتي ..

                      تعليق

                      • الكاتبة ساندرا
                        كاتبة روايات
                        • Mar 2011
                        • 6266
                        #456
                        رد: رواية بجنون أحبك / الكاتبة ساندرا



                        أقل من خمس دقائق , وينزل البارت العاشر ~

                        رعاكم الله أحبتي |

                          تعليق

                          • الكاتبة ساندرا
                            كاتبة روايات
                            • Mar 2011
                            • 6266
                            #457
                            رد: رواية بجنون أحبك / الكاتبة ساندرا



                            رواية بجنون أحبك / الكاتبة ساندرا
                            .. البارت العاشر ..


                            فواز بطل عينه بشويش وكشر : أنا قلت لك جيبي لي حبوب راس ؟

                            لين: لا , بس ملامحك كانت مبينه أنك تعاني من صداع ..

                            فواز بسخرية: تسلمين يا دكتورة ..

                            وسحب منها الحبه والكأس ..

                            ورجع أنسدح من دون ميقول شيء ..

                            لين أبتسمت: صحه ..

                            ورجعت لجهتها وتلحفت , وهي تناظر فيه من ورى ظهره لمدة دقيقتين ..
                            إلا فجئة لف قبالها ..

                            لين شهقت من الخوف ..

                            فواز: شايفه جني ..؟

                            لين با أحراج: أسفة , بس بسرعة التفت ..

                            فواز:..........

                            لين:بغيت شيء ..؟

                            فواز بأمر: قومي دلكي راسي ..

                            لين: إن شاء الله ..

                            فواز بذهول أنها ما نقاشته أو أنها ترفض طلبه !

                            قامت جابت زيت زيتون من المطبخ العلوي ..

                            وجلست تقرأ قران والمعوذات ..

                            أقتربت منه وبهمس: ممكن تعدل جلستك ..؟

                            فواز: لا , قومي أنتي ودهنيني بنفس وضعيتي ..

                            كان هم منسدح على ظهره...

                            لين بهمس:طيب...

                            جلست بالسرير وصارت تدلك رأسه وهي بطرف السرير..

                            وهالطريقه تتعب أكثر من الطريقه المعروفه ولما حست انه صار تمام..

                            بعدت عنه...

                            وقطت نفسها بالسرير لحظات إلا وهي نايمه...


                            ## وعت على دقه الباب بطلت عينها بشويش:ادخل..

                            نانسي دخلت:مدام لين بابا فواز كلام يلا قوم عشان روح للمزرعه...

                            لين تلفتت بالسرير ولا شافته , وشافت الساعه تعلن عن دخول الساعة 7 قامت بسرعه ..

                            دخلت التوليت توضت وصلت العصر والمغرب ..

                            حست بضيقه لعدم الصلاه بوقتها..

                            وزعت البودره المعطر بنحرها ورقبتها دهنت الوشن المعطر بريحه الورد برجلها ويدها..

                            معطر جسم من زهور الريف بخلطه العروس...

                            لبست جلابيتها المغربيه الفخمه جدا...

                            بقطعتين الاولى بلون الذهبي ومن الصدر مزخرف بالذهبي الامع والاخضر التفاحي...

                            مخطط بالطول بطريقه متباعده عن الخط الاخر..

                            والقطعه الثانيه تكون فوقه زي الجاكيت ومعروفين الموديلات المغربيه كذا...

                            القطعه الظاهره باللون العشبي الجذاب با اكمام طويله مزين نهايه الكم بالبيج..
                            العريض ونهايه الجاكيت ومن الكتف وينزل لتحت مزخرف بالبيج
                            وحزام عريض تحت الصدر به زي الظفيره ب الوسط ونازل على تحت..
                            عملت شعرها بف من قدام وفردته حطت فوق جفنها العلوي أي لاينر وتحت عينها كحل اخضر تفاحي
                            ونازل على تحت شوي..وغلوس وردي لامع...
                            حلق وخاتم ناعم ذهبي..

                            شويات الا اذن العشاء قامت صلت...
                            ولبست صندلها العالي..

                            إلا يندق الباب..

                            لين:تفضل..

                            عمر اول مشافها ابتسم:ما شاء الله انيقه يا خاله << ركزت على الأناقة , لأن لين لبست بالجمال المبهر ! معتدله الجمال ..

                            لين ابتسمت بخجل:تسلم يا عمر..

                            عمر:خواتي راحو مع أبوي وأنا بوديك مع الجده..

                            لين تغير معالم وجها..


                            يتبع ~

                              تعليق

                              • الكاتبة ساندرا
                                كاتبة روايات
                                • Mar 2011
                                • 6266
                                #458
                                رد: رواية بجنون أحبك / الكاتبة ساندرا


                                لين تغير معالم وجها..

                                عمر كمل:يلا لبسي عباتك يا خاله ..

                                لين خذت عبايتها ولبستها وسحبت شنطتها البيج وحطت عطرها المفضل بالشنطه..

                                صعدت السياره
                                عمر يسوق وجنبه يزيد..

                                ولين ورى عند النافذه وجنبها أم فواز ورائد عند النافذه يعني يفصل بينهم..
                                وسرعان ما وصلوا للشالية الكبيرة ..

                                نزلت وانا اناظرها بذهول كنها حديقه غناء تبارك الرحمن..

                                عمر انتبه لنظراتها:هذه شاليه جدي الله يرحمه مسجلها با اسم أبوي وهو اللي قايم فيها وعمل كم شغله فيها وصارت اروع ما يكون..

                                لين:أي ما شاء الله , بس مو أحنا بنروح للمزرعة .؟

                                عمر: من قال ؟

                                لين: نانسي !

                                عمر بضحكه: هي تسميه مزرعة , وهي شالية أصلا ..

                                لين أكتفت بالأبتسامه ..

                                اعشاب خضراء بالارض..

                                به احواض على جنب به انواع من الزهور با اللوان جذابة ..

                                وبنصف الارض به بلاط خاص للحدائق باللون الحجري الفاتح ويمشي على الممر الثاني المطل على تواليت..

                                أم فواز:خلينا الجمعه تكون بالشاليه احسن وارتب..

                                لين:اها فعلا..

                                دخلت التواليت وشلحت عباتي ونانسي شالت عباتي مع عبايه ام فواز..

                                والعيال دخلو بالمجلس...

                                جات بتدفع أم فواز بس نانسي منعتها ودخلت داخل ..

                                أما لين فكانت بالتوليت تتعطر وتشيك على نفسها , لما طلعت ما شافت أحد !
                                حست أنها ضيعت ..

                                خذت جوالها ألي بالشنطة ودقت على فواز مرة مرتين ولا رد عليها ..

                                تنهدت وظلت واقفة جنب التواليت وهي متوترة ..

                                وهي تشوف الحديقة وتناظر منا ومناك , كان به من بعد , غرفة أقتربت منها بشويش وهي ترفع طرف جلابيتها الفخمة ..

                                لمحها من بعيد , ونصبر من مكانه وهو يشوف ملاك يمشي بالأرض , طول وجسم وجمال ..

                                أقترب منها مسك كتفها ..

                                لين ألتفت بسرعة بخوف وشهقت ..

                                نزل عينه: هذا تواليت الرجال , روحي داخل عند اليسار مجلس الحريم ..

                                لين أول مشافته ركضت داخل وهي تلطم وجها وتندب حظها وتصرفها !

                                جات بوجها نورة , وبابتسامه وترحيب: هلا والله با العروسه , وين رايحه أنتي , جالسين ننتظرك ؟

                                لين أول مشافتها أرتاحت نسبيا:هلابش نورة , ضيعت السموحة ..

                                نورة: شكلك مرعوبة ولا مستحيه ؟

                                لين: لا بس صادفني واحد من العيال ..

                                نورة بذهول: عيال !

                                لين هزت راسها بالإيجاب: أي نورة , مهوب كبير مرة يعني ..

                                نورة وهي تفتكر: مذكرت والله , المهم عائلتنا كبيرة ولزوم نعرفك عليهم ..

                                دخلت المجلس الكبير لنساء , بلون البنفسجي والرمادي تناغم مميز بالديكور وريحه المكان معطر با أجواء رهيبة والمكان مليان ..

                                الكل التفت لها ليس لجمالها أنما رغبة بمعرفة زوجه فواز :........

                                نورة مسكت يد لين: هذه مرت الغالي فواز , لين ..

                                فواز ألتفت لها وهو منبهر بجمالها ورزتها وحضورها ( سبحان من صورها , كنها مغربية ) !

                                بالمجلس به عمات فواز , وبنات عمه وبناتهم الكبار ..

                                جلست جنب نورة ..

                                نورة بهمس: لا تستغربين وجود فواز , هم بعض البدو عادي بس يتغطون ..

                                لين أبتسمت لوجها: ما ستغربت , الأغلبية كذا ..

                                نورة: هو جالس يسلم على عماته ويطلع بس هم ملزمين عليه بالجوس , ما يقدرون ينسون عرقهم البدوي الأصيل , هههههه حالفين عليه يدخل وهو مكسوف شوفيه ..

                                فواز منزل عينه: بترخص أحين يا عمه ..



                                يتبع ~

                                  تعليق

                                  • الكاتبة ساندرا
                                    كاتبة روايات
                                    • Mar 2011
                                    • 6266
                                    #459
                                    رد: رواية بجنون أحبك / الكاتبة ساندرا



                                    فواز منزل عينه: بترخص أحين يا عمه ..

                                    لطيفة: بدري يا فواز ..

                                    فواز: معليش يا عمه يوم ثاني , فمان الله ..

                                    لطيفة: حافظك ربي ..

                                    موزة شافته لما يطلع: طول عمره مستحي ولا يدخل عند النسوان ..

                                    نورة: ما علي منك يا عمه , بس ذه عيب , وعشان كذا ما رضى يدخل إلا لما حلفتي عليه ..

                                    موزة ناظرت ب لين : ما شاء الله وش هالزين ووش هالذوق والأناقة ..

                                    نورة بمزح تسلمين يا عمه أكسفتيني ..

                                    موزة بضحكه: مهوب أنتي أنا أقصد ألي جنبك ..

                                    الكل: ههههههههههههههههه ..

                                    نورة بضحكه: تحرجيني بعد يا عمه ..

                                    لطيفة: وين مخبين هالجمال , ليه معطوني أياها لولدي ..؟

                                    نورة مسكت يد لين : لا ذي لا أخوي فواز وبس ..

                                    أم فواز بتأيد: أي ..

                                    بيسان تنهدت بطفش: لو تبونها أخذوها , يطلقها أبوي وبشروا بالخير ..

                                    أم فوا بصدمة وبعصبية: بيسان , ووجع إن شاء الله , وش هالكلام يا بنت ؟

                                    أم رعد بحده: أعتذري من خالتك لين ..

                                    بيسان قامت وبنظرات أستحقار ل لين: تخسي تكون ذي خالتي ..

                                    وطلعت من المجلس .. !!

                                    أم رعد ناظرت لين بأحراج :السموحة لين , هي ما تقصد ترى ..

                                    لين تحاول تبلع كلام بيسان: حصل خير ..
                                    منى أبتسمت بلا شعور , عكس الحضور مرتبكين من كلمة بيسان الجارح ل لين ..

                                    دخلت خدامة موزة " كريمة " : يلا عشاء جاهز ..

                                    الكل قام للغرفة الثانية ..

                                    أم فواز بحده: لزوم فواز يوقفها عند حدها ..

                                    أم رعد بقهر: أجل ذا كلام تقوله و قدام الكل بعد ..

                                    لين باندفاع: لا , مريد مشاكل طلبتكم , عشاني ..

                                    أم فواز: بس ...

                                    لين مسكت يدها: عشاني عديها يا الغالية ..

                                    أم فواز تنهدت: إن شاء الله ..

                                    أم رعد باست خده لين: الطيبه بمحياك يا لين ..

                                    لين أبتسمت بوجها ..

                                    ** الزيادة بجميع الأمور قد ينقلب ضد مستخدمها , فا الطيبه أن زادت تسمى " سذاجة " , لربما لين أعفت لأنها لا ترغب بعمل أي مشاكل كما أفضحت !!

                                    وراحو للغرفة الثانية ~

                                    كان به صحون 4 موزع بكل جانب , مفطح ومشروبات غازية بكل سفرة ..

                                    جات بتجلس إلا بصوتها بنبره قرف: أنتي عميه ما تشوفين ذا مكاني ..!

                                    لين بدون متناظرها:أنا أسف....

                                    مكملت كلامها لما شافت ريفان ..

                                    ريفان رفعت حاجبها: ليه تطالعيني كذا ! ترى أدري أني مزيونة , بس أبعدي عن وجهي ..

                                    لين بستغراب معقولة أن بناته كلهم يكرهوني , بس ألي أسمها وعد ما بعد أشوف منها حاجة , الله يستر بس قاطعت فكرها ..

                                    وعد بحده: شكلها ما تفهم ..

                                    لين بعد وعد , أجل الله يعيني عليهم , كنت عارفه أنهم بيصيرون اعدائي من أول ما شافوني وبعد عن المكان ..

                                    أم رعد بهمس: بنات تعدلو مع مرت أبوكم ..

                                    ريفان رفعت حاجبها: يصير خير ..


                                    أستغلت أنشغالهم بالأكل ..
                                    وهي تعدل عبايتها طلعت لبرا المجلس ..

                                    أول مشافها بخوف : علامك يا خيه ؟ أتصلتي بي وقلتي ضروري ..

                                    أم رعد: أنا أشوف أنك تتمكلم مع بناتك أحسن ..

                                    فواز بستغراب: بناتي ! ليه وش السالفة ؟


                                    يتبع ~

                                      تعليق

                                      • الكاتبة ساندرا
                                        كاتبة روايات
                                        • Mar 2011
                                        • 6266
                                        #460
                                        رد: رواية بجنون أحبك / الكاتبة ساندرا



                                        فواز بستغراب: بناتي ! ليه وش السالفة ؟

                                        أم رعد بقهر: على العشاء مسمعينها كلام زي الزفت , وبنتك المصونه بيسان قدام الحضور كلهم تقول خلي أبوي يطلقك وأنتوا أخذوها , أجل ذا كلام !

                                        فواز تنهد: لا حول ولا قوة إلا با الله , الله يهديهم بس ..

                                        أم رعد بذهول: بس هذا ألي عندك !!؟

                                        فواز: وش تريديني أسوي لهن , اضربهن مثلا ولا أعاقبهن !

                                        أم رعد بحده: على الأقل تكلم معهن , وقول أنهم يتأسفون منها , لأن كلامهن مهوب شوي ..

                                        فواز: أنا بتفاهم معهم لما نرجع البيت ..

                                        أم رعد باندفاع: وياليت قدامي , أنا بروح ادخل عشان ما يلاحظون غيابي ..

                                        وبالمجلس ~

                                        موزة: ليه سموك لين ؟ الأسم مهوب عاجبني ..

                                        لين نزلت فنجان القهوة: أمي تقول أن بحملها لأختي كانت صعبة حيل ذوقتها الويل
                                        , وأنا لما حملت فيني وولدت كلها لين ولله الحمد , فسمتني لين !

                                        موزة بابتسامه: الحمدلله , يعني أفهم أنك بعد لينه بحياتك مك أهلك بعد !

                                        لين بابتسامه عريضة: أي ولله الحمد ..

                                        نورة: حلو أجل , الله يثبتك ..

                                        أم فواز همست لي: نورة وموزة هم حمواتي , عمات فواز , وذول كلهم بناتهم ما شاء الله ..

                                        لين بذهول: ماشاء الله , يعني كل وحدة منهم جايبه فوق 8 ؟

                                        أم فواز: لا , لطيفة جابت بس 5 بنات , و2 أولاد , موزة جابت 4 بس ولد واحد و3 بنات , ومزوجتهم ما شاء الله والصغار هم عيالهم ..

                                        لين: أها ماشاء الله ..

                                        جات بنت لطيفة الكبيرة أسمها حصة جلست جنبي: جلابيتك مغربية خيال مرة , وين شرتيها ؟

                                        لين: من مصممة أزياء , فاتحه لها محل جنب مشغل ليديز ..

                                        حصة: ما شاء الله , تشتغلين أنتي يعني ولا , حلو أجل ..

                                        لين: ولو حبيتي جلابيات ثانية منهم , برسل لك عبر الواتس اب ..

                                        حصة بحماس: سجلي رقمي عندك ..

                                        ريفان تهمس لخواتها: تتوقعين أن بعد ما نستمر بتطفيشها , بتروح لبيت أهلها ؟

                                        بيسان باندفاع وبثقه: غصبن عنها , وبعدين ذا البداية ما شافت منا شيء ..

                                        وعد: بس لزوم بعد يزيد ورائد وبالذات عمر , لأنه أبوي قريب منه والعكس صحيح , عشان كذا لزوم نتحد عشان نطردها ..

                                        بيسان : لزوم اليوم بالليل نكلمهم عشان تطلع منا بسرعة ..


                                        بمجلس الرجال ~

                                        ربع فواز بالأستراحة أغلبهم جاين , واقربائه بعد ..

                                        هاني بابتسامه: هاه بشر يا فواز , عساك مبسوط مع الجديدة ؟

                                        فواز تنهد: ربك يسهلها ..

                                        هاني:امداها جايه , وشفت منها الشينه ؟

                                        فواز: الظليمة شينه يا هاني , ما شفت منها الشينه , أصلا ما بعد أجلس معها ..

                                        هاني: أجلس معها وتكلم وأعرف شخصيتها ..

                                        فواز: على أن مالي مزاج حتى أني أشوفها ..

                                        هاني نزل بياله الشاي: علامك يا فواز , منت عاجبني والله , أحس أنك مهوب مقتنع من مبدأ الزواج مرة ثانية !

                                        فواز: والله أني منيب عارف يا أبو خالد , بس أساليبي الطيبه مع منال قبل منيب مكررها مع الثانية ..

                                        هاني تنهد:فعلا , بعض الحريم يجون بعين الحمراء , أفرض عليها أوامرك ..

                                        فواز: وهذا الحاصل ..

                                        هاني: رح طلعها ومشها بالبدايات طيب , يعني تعاملك معها قاسي , بس مشها وطلعها , هي عروس !

                                        فواز: مظن ! بعلمها أن الروحات والجيات مهوب بكيفها ولزوم تشاورني , وأظن هي تعرف طبيعة عملي , وأنا رجل شبة بيتوتي ..

                                        هاني: معك حق , أنت شوق الزين وسوه ..

                                        فواز بحيره: لو أقول لها قعدي قعدت لو أقول لها روحي راحت !
                                        تحيرني بتصرفاتها ..

                                        هاني: بنشوف بعدين هل هي نفس كذا أو لا .. !

                                        فواز كنه تذكر شيء : ما قلت لي متى يخلص بندر بعثته , ما كنه طول ؟



                                        يتبع ~

                                          تعليق

                                          السابق 1 36 37 38 39 40 41 42 43 44 45 46 47 48 49 50 51 52 53 54 55 56 96 146 160 template التالي

                                          google Ad Widget

                                          تقليص
                                          يعمل...