رد: بحبك انا صرت مجنون /بقلمي /كاملة

إنتي الحلوة والله،،
الله يعافيك واهو البارت حاولت قد ماقدر يكون طويل،،

رد: بحبك انا صرت مجنون /بقلمي /كاملة

وهذا بارت لعيونك،،،
وبعد بكرا بارت عل قولتك بمناسبة الاجازة،،
تسلمين عل ردك والله،..

رد: بحبك انا صرت مجنون /بقلمي /كاملة

البارت نايييييييييس
بسم الله عليك رورو ماشأءالله تبارك الله حصني نفسك تراكي مبدعه مرررة انتي من روايتك الاوله اظهرتي لي الكل انك تستاهلي لقب ابدع كاتبه
يالله مابي اطول عليكم بالرد
ننتظر البارت ع اعلى درجأت الحماس

،،،وحيدةة بدنيتي ،،،

(روجي )

.

رد: بحبك انا صرت مجنون /بقلمي /كاملة

اليوم بتنزلي البارت صح لنه يوافق تاريخ بعد بكرا من قبل يومين وانتي اخر شي قولتيه انك بتنزليه بعد بكرا يعني في اليوم بارت حماس نتظرك رحومهه

وحيدةة بدنيتي
روجي

رد: بحبك انا صرت مجنون /بقلمي /كاملة

وينك رومأ

تأخرتي علينا كثييير

واحنا حدنا متحمسييين

تكككككفين نبي بارت طوييل اذا سمحتي

رد: بحبك انا صرت مجنون /بقلمي /كاملة

ننتظرك ------------------------------------------------------------------------------------------------------------------------------جاري الانتظار ----------------------------------------------------------+--

رد: بحبك انا صرت مجنون /بقلمي /كاملة

البارت رق9 م



شالها وخرج فيها لبرا تحت صراخ الجميع،.
ميس بضحكه:عل ووييين؟!،.
قصي:عل اللي روحه بتجين معي ولا لا؟!،.
ميس بجنون:معاك لو للقمر،.
قصي ضحك وحطها عل الارض
ميس:شفيك؟!،.
قصي:امزح معك مو رايحين مكان بس اكره الروتينيات زي ماتعرفي،.
ميس:يعني تبا تسوي اكشن انت ووجهك؟!،.
قصي:تونا متزوجين خلي اليوم يعدي يا ميس،.
ميس:استحي عل وجهك،.
قصي:استحي ليه ها زوجتي من ايش استحي؟!،.
:الله يهنيكم،،..
قصي التفت هو وميس محد توقع انو احد بيلحقهم
ميس:أحلام؟!،.
أحلام:وش شايفه قدامك؟!،.
قصي:ليش جيتي؟!،.
أحلام:انت وعدتني وحلفت كذب ياقصي،.
قصي لف وجه..
أحلام:اكلمك واجهني وقربت منه ولفت وجه له كانت جد فاتنه وعيونها مغرقة دموع:ليش تكذب علي وتحطني بامل مو موجود اسخدمتني لعبه علشان تثق ان ميس تحبك ليش وش ذمبي تخليني احبك ماتقولي لييه ياقصي؟!،.
قصي نزل يدها وقال:مالنا نصيب يا أحلام،..
ميس دفت أحلام ووقفت بوجهها:تبين تتفاهمين معاه بعد شهر العسل حقي وبعد مامل تعالي توي عروسة ماخليتيني اتهنا اصلا انتي تخلي احد يتهنا يللا فارقي..
أحلام:انا اتفاهم معاه مو معك،.
ميس:واللي تتفاهمين معاه يصير زوووجي واقولك يلا فارقي،..
أحلام راحت وتركتهم،.
قصي شالها وقال:اليوم انتي حلالي وللابد كمان،. ومشي فيها لين السياره،.
ميس:ههههههه قصي خلني اغير فستاني،.
قصي:لا يعني لا
ميس:هههههههه ورينا وين بتوديني في اول يوم زواجي،.
قصي:احد قال بوديك انا اقولك بشيلك لعندي انتي ماتفهمين ماقدر اصبر،.
ميس ووجهها احمر:قصي لا خلها بعدين،.
قصي:احلمي يا ماما،.
وراحو للفندق،.
ميس:ههههه بي قصي خليني اغير،.
قصي:لا يا شيخه امشي بس انا اغير لك ،.
ميس:عيييب،.
قصي:ذي المرة عيب بعينك امشي بس،.
ميس:هههههههههه ودخلت الغرفة وقفلت الباب بالمفتاح،.

يوم جديد،.
بقي عل رجوعهم للسعودية ثلاث ايام وبدو يشترو من دحين اغراض،.
قصي وميس لوحدهم،.
ومراد والشباب مع البنات،.
مراد بمزح:محد يبا يقلد قصي ويتزوج هنا؟!،.
فراس:ههههههه ليش شايفنا مجانين،.
الكل ضحك لانهم جد مجانين،.
بعد ماخلصو شراء وكل شي رجعو الفندق مهلكين ونامو

بعد يوم بكرا الصبح الطياره ومتوترين كيف حيقولو لاهلهم انو قصي وميس اتزوجو،.
ميس:مرا ماجا عل بالي،.
مراد:عندي فكرة،.
ميس:اتحفنا،.
مراد:نرجع سكاتي مانقول لاحد وبعدين قصي يتقدم لميس ويحكي ابوه كل شي ويسووو الزواج سكاتي يعني انك دحين اتزوجتو مو اول،.
ميس:يا ذكائك بس،.
مراد:اعجبكم،.
فارس:حلوة الفكرة،.
قصي يناظر ميس،.
ميس:ماتجي هنا،.
فراس:وليه؟!،.
ميس:لاني...
قصي:ماعجبتنا الفكره وبس،.
مراد:ياسلامم،.
ميس:انا حتكلم انا احتمال اكون حامل،،.
الكل شهق الا قصي لانه عارف،.
ريماس:مايمديك،.
ميس نزلت راسها وهي تتذكر كيف انو ماسمح لها تاكل الحبوب اللي اعطتها اياها ريماس كان حيكسر الباب لو مافتحت،.
ريماس:انا ماعطيتك حبوب،.
قصي:ياسلام حبوب منع الحمل من اول ليلة،.
ريماس:لانه احتمال كبير تحمل ثاني يوم،.
قصي:ماتجي،.
ريماس:الا تجي وقد صارت مع وحده اعرفها،.
لانا:طيب حاسه باعراض؟!،.
ميس:لا بس لما كان يستهبل قصي رحنا عند مستوصف علشان دخت وقالو احتمال تكون حامل وعلشان يتاكدو بعد يومين روحو اكشفو،..

فراس:ومتى بتروحو تكشفو؟!،.
ميس هزت كتفهابمعنى مادري،.
فارس:خلاص نرجع ونبلغ عمو خالد باللي حصل ويصير زواج ولا كان احد داري انكم اتزوجتو قبل،.
ميس:أنا قلت لقصي بس يقول ماتجي،
قصي:مدري ابوي مارح يوافقنا،.
ميس:وكيف نتزوج كذا هاه؟!
قصي يهمس:حسابك اليوم،.
ميس بعدت عنه مبتسمة،.
مراد:خلاص سوو إللي قلته لكم،.
قصي اتنهد:هه طيب خلاص بنشوف ردة فعل ابويا،.
عامر:طيب يللا كل واحد عل غرفته،.
محمد:لا خلونا نسهر مع بعض،.
مؤيد:منجد،.
أميرة:صح بنات خلونا نسهر،.
محمد:كنت اقول مع بعض،.
أميرة ضحكت،.
مازن:وش ورانا،.
خالد خطيب لانا:ولا شي،.
عمار:تبون اروح اجيب افلام،.
علاء:وانا بجي معم،.
قيس:يللا قومو ونحنا هنا بنزبط الجلية،.
علاء:أوكي،.
وراحو،.
وكملو البنات والشباب سهرتهم لين الصبح
ورجعو لارضهم وحبيبتهم السعودية،...


اليوم الثاني بمكتب أبو قصي،.

أبو قصي بعصبية:قولولي كيف تتزوجو هاه؟!
ميس:ياعمي اهدى،.
أبو قصي:كيف تبيني اهدا ها كيف وانتم متزوجين من ورانا ولا كان عندكم اهل،.
قصي:ماقلنا كذا بالعكس ابوي واهلي عل عيني وراسي،..
أبو قصي:عني لذي الدرجه مستعجلين قولو لنا بنزوجكم باسرع وقت مو بالطريقه الجنونية ذي صدقيني يا ميس لو ابوك حي مارضى باللي سويتيه،.
ميس:اقل شي ياعمي سوينا شي حلال موب حرام،.
هنا دقت عمها بالكلام،.
وسكت،.
صح هم معطيينهم حرية كبيرة لدرجه إن ممكن يصير بينهم شي بس مصيرهم يتزوجو طيب لو قصي وميس سوو غلط وقصي اتوفى ايش بيصير في ميس،. كوويس انهم اتزوجو قبل لايحصل شي علشان لايكون بالحرام،..
أبو قصي هدى وقال:طيب خلاص بسكت عل الموضوع وبساعدكم بس ياويلكم تقوو لاحد عير إللي كانو معاكم بالسفره،.
قصي:ولو اكييد،
أبو قصي:ميس تراك بتروحي تعيشي عند امي رحمه علشان اخوك هناك فخلاص كلكم هناك،.
قصي:لامافي زوجتي تقعد معاي،.
أبو قصي:بعقلك إنت محد داري انها زوجتك،،
قصي:خلاص دامك عرفت لاتخليهم يخلوها تبات برا بيتها مالي،.
أبو قصي اتنهد:هه ايش اسوي فيك ياقصي،.
قصي:ابويا الله يخليك،.
أبو قصي:طيب طيب خلاص حلو عني اثنينكم،.
وراحو،.

حاولت حاولت قد ماقدر اكتب لكم ولو شي بسيط بس وربي معذورة سامحوني صار عندي عزا ومع العسد ويوم عرفة مرا كنت مشغوله وماقدرت تكتب وهذا إللي قدرت عليه ماحدد لكم يوم خاص لان نفسيتي شوي تعبانه فتوقعو ممكن باي يوم اجي واعطيكم بارت،،...










Sent from my iPhone using منتدى عبير

رد: بحبك انا صرت مجنون /بقلمي /كاملة

يعطيك العافية
كملي عزيزتي
بارت حلو
تحياتي

رد: بحبك انا صرت مجنون /بقلمي /كاملة

سلام
خدي راحتك قلبوو
اليوم الي تحسي نفسك فيه
تمام كملي الروايه
اهم شي صحتك ودراسنك
البارت مرةةةة روعه
اتوقع يصير شي ويتاخر الزوأج
او انه احلام تسوي شي وتخرب الزوأج
او انها تسحر قصي ويتجوزهأ
وبعدها تروح عنه ميس
وبعدها لمن يتعالج يصير شي
لها تموت او اي شي
امممم وبعدها يندم
هههههههههههههع
مجرد توقعات لاحد يلومني
تقبلوو مروري

،،،وحيدةة بدنيتي ،،،
(روجي )

.

رد: بحبك انا صرت مجنون /بقلمي /كاملة

البارت ر0 م


يوم جديد ببيت الجده،.


الجده:الصراحه دامكم كلكم هنا عندي خبر حلو مرررة،.
أبو قصي وهو قلقان:وش يامي،.
الجده:ادري يا ميس علقناكي بقصي بس صدقيني ادري فيك ماتحبي احد يلزمك عل شي فانا مارح اوقف نصيبك واقولك من دحين فيصل جمال ال...... متقدم لك أنا بقولك خذي راحتك بالتفكير ولاتتسرعي تراه ولد زين،.

قصي رفع راسه بسرعه،.
فارس:بس مو قصي وميس مسميين حق بعض؟!،.
خالد:امي حرام كذا،.
الجده:ميس هي إللي تقرر واذا قصي يبا بنت مابقول لا،.
قصي:طيب أنا ابا ميس،.
الجده:اجل انتظر لين ترفض هي وماتوقع ترفض لانه زين وكل شي فيه مو مقصر بيعيشك ملكة صدقيني،.
ميس:بس أنا مادخل مزاجي يا امي،.
الجده بعصبية:أنا بعتبر نفسي ماسمعت الحكي ذا فكري زين وبقولهم إنك موافقه،.
ميس تناظر عمها يعني اسعفني،.
الو قصي:بس يامي قصي خطب ميس مني قبل السفره،.
الجده:ماوصلني خبر ماتصير خطوبة وانتهى قصي بيخطب اخت فيصل ريماء بنت ولا احلا البنات،.
قصي معصب وساكت،.
أبو قصي:يامي مايصير،.
محمد:راح تكسبي ذنبهم،.
الجده:وش ذنب؟!
محمد:إنك تغصبيهم عل الزواج مو حلوة بحقهم..
الجده:أنا ماغضبت احد أنا بجيب مصلحتهم مايصلحو لبعض،.
ميس مسكت بطنها،.
ابتسام:قومي معايا،.
الكل طالع ميس
وابو قصي "لا يكون حامل بتودينل في سنين دهيه"
قصي خايف عليها،.
الجده:وش فيكيا ميس سلامات،.
محمد يتريق:لانك بتغصبيها عل فيصل،.
الجده صدقت:لا ياماما محد غاصبك خلاص خلاص خذي قصي واتهني فيه بعد ولو مايبيك بشيله من اذونه .
الكل مات ضحك،.
وقصي ياشر لمحمد انو ممنون. له،.
أبو فارس:مايمعنا صوتك يا مراد او سالم وش تحب نناديك؟!
مراد:افضل مراد لاني اتعودت عليه،.
أبو فارس:إللي تحبه للمهم ماسمعتنا صوتك؟!
مراد:وش اقول احس نفسي جديد وغريب عليكم،.
قصي ضربه من كتفه:كنت قاحبي وصرت ولد عمي احلا ياخي،.
خالد:لا تتحمس يرحم امك،.
فارس:منجد قصي لما تتحمس تشطح تراك،.
أبو قصي:ايوا والله،.
محمد يتريق:وشهد شاهد من اهله،.
الكل:هههههههههههه



طيب نروح لبيت جديد شويتين علينا،.

بيت أبو علاء

بصراخ:قلت لك اكوي مريولي،.
أميرة بصوت منخفض:مني مسؤولة عنك في خدامة تكوي لك مريولك،،
هي بعنف وصراخ:لا والله جاية إنتي وعلى راسك ريشة مثلا؟!،.
أميرة:أنا ماجيت اعيش مع ابوي علشان اخدم فيك إنتي وامك أنا جايه اعيش زي ماكنت عائشة بقصري ولاتنسي إن إنتي وامك ولا شييي بالنسبة ليا قدام ابوي،.
:اهئ اهئ اميييلا...امييييللا،.
أميرة:هلا حبيبي بدر ايش فيك؟!،.
بدر:اهئ اهئ لامي اخد البستيشن،.
أميرة بضحكه:البستيشن...طيب حبيبي أكيد علشان سبب ليش اخذه منه؟!،.
بدر:علشاني ماسويت الواجب حقي وقام قالي مافي لين تحل واجبك وانا مابا احله،.
أميرة مطنشة إللي واقفه قدامها وقالت:وليه ماتبا تحله؟!،.
بصوت جهوري:يالله إنتي بتخربيه بدلعك أميرة،.
أميرة ابتسمت:بس عمره مايتجاوز الثمانية سنين صغير لسا،.
:ياشيخه لا هو رجال مايتدلع يصير رجال زيه زي أنا و علاء،...الا تعالي وين علاء؟!،.
أميرة:الله يهديك ماتعرف وين اخوك؟!،.
هي بصوت عالي:اصلا مو عارف إن اسمه رامي تبيه يعرف وين اخوه هه ومشيت،.
رامي ناظرها بحنق،.
أميرة بحزن:ماعليك منها صدقني راح تتعالج رامي،.
رامي بحزن:لينا كم سنه نحاول يا أميرة مافي فايده،.
أميرة:هو مجرد فقدان ذاكره مؤقت راح ترجع لك ذاكرتك صدقني،.
بدر:دحين أنا ابا العب بستيشن،.
أميرة:لا اول شي حل الواجب،.
بدر عصب وراح يجيب دفتره حق الواجب،.
رامي:أميرة؟!،.
أميرة:سمي؟!،.
رامي:ليش روز كانت تصرخ فيك؟!،.
أميرة؛تباني كالعاده اكوي مريولها،.
رامي:أنا مو متخيل انو امك الله يرحمها اتحملت إن ابوي متزوج عليها في فترة قصيرة بعد زواجهم شي يؤلم،.
أميرة:اأاأاأاأاه هاذي هيا الحياه يارامي يوم لك ويوم عليك،.
رامي بصدق:وعسى كل ايامك لك يارب،.
أميرة ابتسمت:أمين وانت كمان ياقلبي،.
بصوت عصبي وحاد:ماقالت لك روز تكوي ملابسها يال####،.
أميرة بهدوء:الا،.
أم روز:وليش ماكويتيها إن شا الله،.
اميرة:اولا لان عندي اختيارات وانا ثانوية عامه وثانيا لاني مافضيت وثالثا لان مالي خلق ورابعا لاني مو خدامة تحت رجلك إنتي وهيا،.
أم روز مسكتها من شعرها بقوة وصرخت:أنا لما اقولك شي تسويه سواء أنا ولا بنتي...الظاهر رجعة ابوك من السفر وسفريتك قوتك علي شوي لكن هين أنا اوريك وادبك من اول وجديد يا بنت ال#####،.
أميرة بصراخ:امي مو مثل ماتقولي امي اشرف منك ومن عشرة مثلك،.
أم روز:شب ولا كلمة أنا اعلمك الادب زين،.
وصفعت راسها بالطاولة الخشبية كذا مرة وتركتها تتالم..
رامي بالم عل اخته:اسف والله ماقدرت اسوي شي وانتي قدامي لكن والله عاجز اسوي شي والله عاجز..وانتي مو راضية اقول لابوي،.
اكيرة ماسكة راسها بالم:لا يا رامي لا تقول لابوي أنا عارفه انه بتصير مشكلة وانا مابا بدر يعيش بين أبو وام منفصلين حرام لساتو صغير،.
علاء:السلام عليكم،.
رامي و أميرة:وعليكم السلام والرحمه،.
علاء مسك اخته:تاني مدت يدها؟!،.
أميرة:لا علاء أنا صقعت بالطاولة،.
علاء:لا تكذبي اصلا ماتعرفي تكذبي،.
أميرة:علاء زي ماعشت بين أم واب غيرك كمان يبا يعيش مع إم واب بليز لا تسوي شي،.
علاء:مستحيل اشوف شقيقتي تنضرب من وحدا مثلها واسكت،.
رامي بحقد عل امه:وتراها اهانت امك كمان،.
أميرة غمضت عيونها الم وخوف من إللي بيسويه علاء الا امه محد يغلط عليها،.
راح لها وهو هائج وغاضب والله وحده يعلم ابش بيسوي فيها هيا وبنتها،.

بيت أبو مؤيد

ياقوت:ماما الله يخليكي،.
أم مؤيد :يابنتي ماني مرتاحه للروحه ذي،.
ياقوت:امي الله يخليك،.
أم مؤيد :روحي يابنتي بس مو مرتاحه أنا قلت رأيي بس،.
ياقوت:تسلمي ماما،.
أم مؤيد اتنهدت بهدوء وهي جد مو مرتاحه للروحه ذي،.
مؤيد دخل عل تنهيدة امه:السلام عليكم،.
أم مؤيد:وعليكم السلام والرحمه،.
مؤيد:عسى ماشر وش إللي مزعلك يام مؤيد،.
أم مؤيد:والله اختك تبا تروح لبيت بنت عمها اليوم بنت عمك روز عاملة جمعة بنات وهي رايحه علشان أميرة ماتقعد لحالها وهاذي الجمعه مو بالبيت ببيت بنت خالة روز وانا والله مو مرتاحه للروحه ذي ومابا اقولها لا لاني مافيها شي لو راحت،.
مؤيد:بس قلب الام غير ،.
أم مؤيد:لا تمنع اختك وانا امك الله يخليك لعين ترجيك خليها تروح،.
مؤيد:مالي غيرك يالغلا..وكلامك اوامر،.
أم مؤيد:الله يرضى عليك دنيا واخره،.
مؤيد:أمين يارب،.
وابتسمت له،.
مؤيد:وين ابوي؟!،.
أم مؤيد:طلع له شغل طارئ مع عمك أبو فارس وراحو للشركة،.
مؤيد:امممممم طيب مين بيودي ياقوت؟!،.
ياقوت:بروح مع السايق،،
مؤيد:ليه ؟!،.
ياقوت:لاني كلمته وقلت له يشغل السياره ودحين خلاص خارجه،.
كانت لابسة،.
فستان لونه سماوي قصير لين الركبة ماسك من عند الصدر و حركة اكس من وري ماسك لحد البطن وبعدها منفوش كت من غير علاقات

ماوصفت لكم ياقوت من قبل،،.
بيضة جدا وصغنونه نحيفه جدا كانها سنفور دايم اخوها يسميها يا سنفورة شعرها سايح لين نهاية خصرها صابغته اشقر وعاملة قصه لين حواجبها مرررة تجنن وكانت لابسة كعب لونه سماوي عالي وماسكة شنطة يد من غير علاقه لونها برضو سماوي
باختصار كانت جميللللللةةة،.

مؤيد لما ناظرها صفر:فديت سنفورتي أنا،.
ياقوت استحت منه بس قالت:مؤيد مو وقتك ابا اخرج وصرخت:مرياتي..مرياتي..
جت مرياتي:نعم مدام،.
ياقوت:هاتي عبايتي،.
مؤيد:أنا حوصلك،.
ياقوت:مؤيد لحظة حبيبي،.
مؤيد:ها،.
ياقوت لبست العباية وباست امها عل يدها وراسها وقالت:سلمي عل بابا كثيييير وانا مارح اتاخر رح ارجع بدري يعني قبل الفجر يلا سلام مامي،
ومسكت ايد مؤيد وهمست:ماقصد اعمل مشكلة بس إنت تقول اذا ركبت معاك اغطي وجهي صح؟!،.
مؤيد بنفس همسها:ايوا؟!،.
ياقوت:بس أنا مابا اغطي وجهي بس اتلثم لو سمحت خلين طبيعية يضايقني للغطا،.
مؤيد:نتكلم بالسياره،.
وراحو لسيارته كان نوعها لكزس لونها لولي،.
ياقوت ركبت السياره وهما لسا بحوش القصر،.
مؤيد:إنتي قلتي ابي تتلثمي؟!،.
ياقوت:ايوا،.
مؤيد طالع عيونها
وكانت راسمه حواجبها وحاطة مسكرا وكحل واي لاينر،.
مؤيد ابتسم:أوكي بس بشرط،.
ياقوت بحماس:وش،.
مؤيد بابتسامه مكر:مسحي إللي عل عيونك اول،.
ياقوت:نععمممم؟!،.
مؤيد:هذا شرطي ولا ارمي الغطا عل وجهك،.
ياقوت:مؤيد،.
مؤيد:مافي شرطي وقلته،.
ياقوت:همممممممممم تكفى لا تفتح الشبك إللي فوق والسياره مظلله الله يخليك،.
مؤيد:عل حظك لانها مظلله لكن لو رحنا للبي أم ماكنتي قعدتي بس يلا اتلثمي،.
اتلثمت وحرك مؤيد لبيت خالة بنت عمه،.

انتهى البارت،.

التوقعات،.
ايش ممكن يسوي علاء في أم روز مرت ابوه؟!،.
ليش أم مؤيد مو مرتاحه لخرجة ياقوت؟!،.
روز تخطط عل شي ولا ايش السالفه للجمعه المفاجئة دي وليه ماسوتها ببيتها ليه ببيت بنت خالتها؟!،.
أميرة بعد ماعرفنا قصتها لمتى راح تتحمل الظلم والقهر إللي يصير لها؟!،.

انتظروني مارح احدد موعد يمكن اليوم يمكن بكرا واذا مانزل لا اليوم ولا بكرا يصير باذن واحد احد السبت الجاي،.
سلام


Sent from my iPhone using منتدى عبير