.. زهـايـمر حكـي .~

**تنهيدهـ** · 18-10-2016, 11:08 AM

رد: ✒ .. خآصرة حرف رمآدية

‏

الله مع قلبي المتعب .. و الله معاه
احيان الأحزان ما تختار نسيانها

أنا صديق الأمل و أنا حبيب الحياه
وأنا اللي نفسي قليل احيا على شانها

صباح الورد ..

**تنهيدهـ** · 18-10-2016, 12:01 PM

رد: ✒ .. خآصرة حرف رمآدية

‏ياما تشاركنا البكا
بس اختلفنا في السبب

تبكين حب وعاشقه
وأبكي لأني ما أحب

**تنهيدهـ** · 20-10-2016, 06:56 AM

رد: ✒ .. خآصرة حرف رمآدية

‏يا كثر ما قالوا علي !
و يا كثر ما ضقت و غفرت ..

مستكثرين ان انت لي ؟
ترى عشقتك .. ما كفرت ..!

**تنهيدهـ** · 20-10-2016, 12:58 PM

رد: ✒ .. خآصرة حرف رمآدية

سمعوني صوت فيروز الحنون
يوم غنت ياهوى دخل الهوى

يسعد مساكم يا جميلين ومهما غبنا عن الهروج لابد نرجع لها
بفضفضة ما ..
هالفترة تقريبا ومن كم سنه يمكن حاولت آخذ طبع من طبوع
جدي الله يرحمه .. ونجحت بهالشي لأني أصلا أميل للطبع
ذا ..
يعني أحب أبدأ صباحي ببخور وعطور وقهوة وكشخه كذا أحس بشي
جميل من بعد الفجر وتتغير النفسيه وكذا .. أمي وابوي يسموني العروسه علشان ذا الطبع

المهم البارح سويت هالحركه ويوم خلصت قلت بريح وانسدح برا بالصاله
وماحسيت نمت
يجي اخوي اللي بلشنا به من يوم صار يداوم مسائي .. يقول شفيها
الفخمه نايمه بعد ذا كله ويطقطق لين قمت اتقهوى وانا مطنقره ليه
صحاني
وكملت باقي يومي أمتر شوارعنا بتمشيه مع خواتي وقهوه وعشا
وثمن النومه تجي وانووووم

قمت اليوم الصبح سويت نفس الحركه بس كان عندي موعد بمدرسة
شهد أختي مستدعيني لأنها تتأخر الصبح < داريه سخيفين مرا
المهم واتقهوى ثمن اطلع على المدرسه حسبت السالفة بس توقيع
على تعهد وارجع
بس طلعت فيها عنصريه وهيك .. المهم أدخل على الإداريه وأسلم
وأقول لها انا ولية أمر شهد .. قالت أمها قلت لا أختها الكبيره
قالت اقضبي الباب وسكريه زين .. حنا طالبين أمها

قلت اها أمها .. ترى كل الاستدعاءات مافيه غيري ومحد جاي واصبري
دقيقتين بس بتقبلين أختها إن شاء الله .. واطلع ..
دقيت على وحده من جماعتنا من الإشراف التربوي وحكيت لها السالفة
شوي ونزلت للمديره ..
دقيقه كذا وتجي وراي طالبه تقولي أستاذه وضحى تبيك فوق .. قلت
لها معليش قولي لها انا في ضيافة المديره

عاد كاشخه من قلب من قلب يعني المهم ونسولف انا والمديره
واشتكيت على أسلوب الإداريه الجميل وكتبت فيها خطاب تحريض على
العنصريه .. ماصارت كل ماشافت اختي يالجنوبيه يالجنوبيه وكلام ماله
سنع يدل على ضحالة ثقافتها طبعا ..

وقبل اطلع قلت والله لازم احارشها ذي مع الخطاب المرفوع لازم ماتنام
اليوم
رحت لين عندها قلت لها دايما انا ماحب انحدر في سواليف العنصريه
وماشابه لكن ترى مشكلتك اذا كل مارفعتي راسك شفتينا فوق
واطلع واوصي اختي ماتراددها بشي أبدا وتسكت ..

بصراحه البعض يحب يجيب لنفسه شي يكدر يومه ويحسب الناس
ماعندهم إلا هو ترى انا اسبح في مشاغلي وماعندي وقت وكذا

هذا رابط القصيدة اللي فوق لسعيد بن مانع

جديد سعيد بن مانع الجنوبي لاهوى ماهو يخون

https://soundcloud.com/t6wry_magazine/lotlkf5w2k4c

Listen to جديد سعيد بن مانع الجنوبي لاهوى ماهو يخون by t6wry_magazine #np on #SoundCloud

برب ،،

**تنهيدهـ** · 20-10-2016, 02:19 PM

رد: ✒ .. خآصرة حرف رمآدية

تاريخ التسجيل : May 2012

الدولة : مو بقلب أحد

المشاركات : 6,326

معدل تقييم المستوى : 302204

مدري وش اقول وربي بس جد جد انتو سعادهه .. يعني
من جد تخلون الواحد لو يفكر يزعل على أي شي يبطل
وش ذا الكرم يا جميلين ..

مع أنه في تقييم انحذف مع الهوا وكذا بس برضه كل
ما أدخل ألقى تقييمات تشرح الصدر والكلام يجنن
ترى تمونون وربي على راسي ذا اللي شكله بيشوف نفسه
لو اصل 500 الف ..

شكلي بطلب منصب حلو بعد مستوى الخبره ذا واذا عيو
اشيل عفشي واروح الفيسبوك زعلانه لين يحطوني جنب
وزير السلطان وارضى

تهقون اقدر أترك قسم المدونات وكذا .. أحس إنه صار بيتي
أكثر من قسم الشعر مدري ليه يمكن لأني عوبا حبتين
ولساني رايح جاي على مدونات الأغلب وحبيته

شكرا الف وماتوفي لكل من يثلج صدري بكلامه بالتقييم
وكل من يمر هنا ربي يسعدكم جميعا .. حتى اللي يمرون
بدون بصمه والله أحبكم ياخي ..

خودافس لأني مرااااا مدري وش أقول ..

**تنهيدهـ** · 20-10-2016, 05:42 PM

رد: ✒ .. خآصرة حرف رمآدية

**تنهيدهـ** · 21-10-2016, 04:46 AM

رد: ✒ .. خآصرة حرف رمآدية

‏والخوف يا صديقي ..
هو أننا لا نعلم متى سيموت أحدنا
وكيف سيحيا الآخر فاقدا له ..!

**تنهيدهـ** · 21-10-2016, 11:20 PM

رد: ✒ .. خآصرة حرف رمآدية

**تنهيدهـ** · 22-10-2016, 04:40 AM

رد: ✒ .. خآصرة حرف رمآدية

‏أحب الفجر .. ريحته حلوة ،، وتحس مو ليل ولا صباح .

**تنهيدهـ** · 22-10-2016, 09:18 PM

رد: ✒ .. خآصرة حرف رمآدية

التعب عطل أحاسيس ومشاعر
والسخونه .. غيرت فيني كثير

شاعرة لكن هنا بإحساس شاعر
والمرض كافر و لاعنده ضمير

بوح ..

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget