.. زهـايـمر حكـي .~

تقليص
X
تقليص
 
  • الصفحة لـ 126
  • الوقت
  • عرض
إلغاء تحديد الكل
مشاركات جديدة
السابق 1 41 42 43 44 45 46 47 48 49 50 51 52 53 54 55 56 57 58 59 60 61 101 126 template التالي
  • تنهيدهـ
    V - I - P



    • May 2012
    • 2909
    #501
    رد: (خاصرة حرف رمادية ) *"



    يفوز النصر باكثر شي أحبه
    وافوز بحبه و حبه ميولي

    وأجمل شي اذا غيرك يحبه
    لأنه شخص يعشقك وفضولي

    اذا قلبي تغنى بالأحبه
    حبيبي والنصر زانت فعولي

    هنا عاذل يعذرب دون سبه
    كلامه جارح و فعله مهولي

    مريض الفكر مدري ويش طبه
    صغير العقل اذا جادل زعولي

    يقول العالمي ملعون حبه
    يطول الهرج والنبره تطولي

    واقول النصر لو تبتل تسبه
    شعاع الشمس نافذ مايزولي

    لنا تاريخ ما تمحيه غبه
    لنا تاريخ مطنوخ و بطولي


    بوح ..
    17-9-2016














      تعليق

      • تنهيدهـ
        V - I - P



        • May 2012
        • 2909
        #502
        رد: (خاصرة حرف رمادية ) *"



        بعضكم بينتقد انو ليه تخلونها تكلمه
        البنت اللي تتعود تلعب سوني ترى ما تفكر بالأمور ذي غالبا .. مو إني اجردها من
        المشاعر .. بالعكس .. بس التركيز باللعب يكون قوي جدا
        .. بس ممكن موقف واحد يقلب تفكيرها بالأخير ..
        كثير صارت ذي وعندنا حاليا بالعايله بعد سوني 4
        البنات اللي يلعبون لايف محط اهتمام ..

        جيت ذاك اليوم وعيال اخواني يتكلمون عن بنت اختي كل واحد
        يقول للثاني انت تحبها
        قلت هي يا بزران تراها ماتشوفكم شي وربي .. خلكم باللعب ولا
        ترى ما اخليها تعدي لكم مراحل
        قعدو يضحكون علي لأني ماعرف شي بالسوني قالو تلعب بحسابها
        مالها دخل فينا .. راحت هيبة التهديد على الفاضي

        في هالاعمار نحتار بأي أسلوب نقنع المراهقين إن بعض القرارات
        خطأ لأنها نابعه عن إعجاب وليس حب .. لأن للحب ظروف تختلف
        كليا عن سطحية الإعجاب بشخص تسمع عنه وعن افعاله
        أو تحب أسلوبه الكتابي ..

        جد انا مريت بقرار في حياتي كل ما أذكره اقول اللهم لك
        الحمد إنه ما تم .. كل ما نكبر يتوسع تفكيرنا ونفهم ..
        لا تحاول تقنع مراهق برأيك في شخص يعجبه لأنه
        بيسحب عليك ..
        فيه الف أسلوب للإقناع بس تحتاج بال طويل ولسان
        ذرب .. مثلي طبعا < برا

        جد الوحده صارت تخاف تحب أحد يطلع مرتبط بخلايا
        إرهابية < تخوف البنات

        الزبده .. الحب مايوكل عيش ..
        لهالسبب الصيام يريح القلب نوعا ما << مره زعلانه


        فرتين وراجعه .. برب ..


          تعليق

          • تنهيدهـ
            V - I - P



            • May 2012
            • 2909
            #503
            رد: (خاصرة حرف رمادية ) *&quot;




            فيني طبع أكرهه جدا .. إذا تضايقت من شي يبين علي ..
            رغم اني أثق بنفسي كثير والكلام ما اهتم فيه إلا إني
            إذا كنت مو متوقعه الكلام يكون من شخص بنيت عليه تصور
            جميل جدا .. وصار منه .. اتضايق جدا

            لاتجاملني بوجهي وتغير كلامك من وراي .. بما اني
            صريحه ومتفاهمه لك أكثر من فرصة تواجهني بما في
            نفسك .. بس اسحب الفرصه واتجنبك اذا اتخذت
            طريقه مختلفه وجارحه ..

            هنا الذنب كان ذنبك أولا وأخيرا وتتحمل تبعاته
            حاجتك للكلام أكثر مني .. انا امسح على قلبي
            بلطف وارتاح .. لكن أسلوبي راح يتغير معك ميه
            وثمانين درجه ..

            كل إنسان فينا وده يرتاح ويبعد عن اللي يضايقه
            ويغير جو بدخوله للعالم الافتراضي ..
            الله يسعدكم اتركو شخوصنا بحالها .. لحد يفسر
            على كيفه ..









              تعليق

              • تنهيدهـ
                V - I - P



                • May 2012
                • 2909
                #504
                رد: (خاصرة حرف رمادية ) *&quot;



                ‏لا تنجرف وراء العطاء دائما فتنسى نفسك ،
                أنت ايضا تستحق من يقدم لك الورد ،
                من يسعدك بالرسائل ، من يدعو لك ،
                من يحتضنك ويكون بقربك ..


                صباح الحب

                  تعليق

                  • تنهيدهـ
                    V - I - P



                    • May 2012
                    • 2909
                    #505
                    رد: (خاصرة حرف رمادية ) *&quot;





                    مساء الورد

                    قعدت بيني وبين نفسي و فكرت بناس حولي يشتغلون صار لهم
                    فوق الخمس والعشر سنوات بوظايف حكومية .. وش تغير بحياتهم؟
                    وش امتلكو .. وش استفادو من رواتبهم .. أو بالأصح كيف
                    تطير دراهمهم ؟!

                    خلونا نسرد لكم كيف يروح راتب بعضهم .. ووش أولوياته
                    اول مايتوظف يطلع قرض للسيارة .. وييشتغل كم سنه
                    ويطلع قرض صغير يسافر هنا وهناك .. عقب تخرب سيارته
                    يبيعها ويطلع موديل جديد بقرض ثاني .. ويشتغل كم سنه
                    ويفكر يتزوج يطلع قرض للزواج ويتزوج ويستأجر بيت
                    وتبدأ لستة السلف من هنا تبدأ مشاكله على كل طلب وبكل
                    مناسبه .. انتي ماتقدرين وانتي وانتي

                    طيب من البداية ليه وصلت نفسك لهالمرحله .. ليه راتبك
                    بس يكفيك حاجتك المهم ماتطلب الناس و ماتحتاج لين
                    نهاية الشهر وتنتظر الراتب الثاني ..

                    ليه مافيه أولويات - وكماليات - واستثمار جزء تستقطعه انت
                    من راتبك على قدر استطاعتك المهم تكون نفسك صح ..
                    تبني حياتك على أساس قوي و ماتشتكي عقب ديونك ..

                    لو تلفتنا حولينا لقينا أغلب الناس المستثمرة والناجحه
                    تعليمها مايعتلي المرحلة المتوسطة .. يعني ؟

                    التفكير والتخطيط منك انت .. مافيه أحد خلقه الله يعرف
                    كل شي .. لازم تطور من تفكيرك وتتابع الأمور اللي
                    سوقها ماشي صح .. وتشوف المسوقين الثقات وش
                    المشاريع المطروحه عندهم وش الأفكار المقترحة
                    لبداية مرحله استثمارية ناجحه ..

                    النماذج في الحياة كثيرة البعض اعتمد على موهبته في
                    تكوين ثروته والبعض اعتمد على عقله ..

                    مستحيل تكون شخص غير منتج في الحياة .. عندك جانب
                    انت ماتعلم عنه شي .. فتش في ذاتك واستقطع جزء من
                    راتبك وابدا بتكوين نفسك .. مافيه شي صعب ..


                    للحديث بقية .. برب



                      تعليق

                      • تنهيدهـ
                        V - I - P



                        • May 2012
                        • 2909
                        #506
                        رد: (خاصرة حرف رمادية ) *&quot;



                        عدنا والعود أحمد ..


                        توضيحا لكلامي السابق .. راح اعطيكم مثال بسيط يتمثل في
                        وحده من خواتي .. طبعا تخرجت من الجامعة واشتغلت في
                        مؤسسة براتب سبعه آلاف .. لمدة ست سنوات وهي تشتغل
                        كنت أسألها أقول لها الحين وبعد سنه دلعتي نفسك .. وش
                        ببالك من أفكار تستثمرين فيها وقتك ودراهمك ..

                        كان ردها انا ما أحب أحد يحاسبني على راتبي مثل ما
                        انتي حره انا بعد حره

                        مرت ست سنوات وهي بدون فايده ويوم صار عليها
                        حادث وتعطلت سنتين عن الشغل عرفت معنى كلامي
                        وندمت متأخر .. والله استفادتها من السبعة آلاف بس
                        ملابس وكماليات وتغيير جوالات

                        مافيه أي إنجاز يذكر ..
                        لهذا السبب انا أقول لكل شخص يمتلك مصدر دخل ..
                        طور من تفكيرك من ذاتك ومن حياتك ..
                        الناس تمشي حياتها على أفضل حال وانت مكانك سر ..

                        فكرو بكلامي .. لولا اني احبكم ما شاركتكم اياه ..

                        لاخلا ولا عدم




                          تعليق

                          • تنهيدهـ
                            V - I - P



                            • May 2012
                            • 2909
                            #507
                            رد: (خاصرة حرف رمادية ) *&quot;




                            ليس من الصعب التراجع عن موقف .. عن شعور ..
                            عن شخص .. عن قرار .. إن شعرنا أننا اقترفنا
                            في حق ذواتنا الكثير ..
                            حينما جعلنا من أنفسنا مجرد محطة ثقافية
                            يعبرها من يشعر بأنه منهك القلب .. مشتت الفكر ..
                            حتى تزدحم به الراحة ويرحل ..


                            قادرون على الانسحاب .. قادرون على اتخاذ القرار
                            على الاستغناء عن الأحياء اللامسؤولين ..
                            خلق الله الموت في هذه الدنيا ليعلمنا أن الاستغناء
                            عن البعض ممكن مهما كان أثر الألم .. ومهما
                            بقيت الذكرى ..

                            لاتقترف جرما أكبر في حق قلبك ..
                            اكتف بنفسك .. فأنت أجمل
                            حينما تكون وحيدا ..



                            بوح ..



                              تعليق

                              • تنهيدهـ
                                V - I - P



                                • May 2012
                                • 2909
                                #508
                                رد: (خاصرة حرف رمادية ) *&quot;


                                طلعت تنهيده تتعمد تعطيني جرعات لطيفه يوميا عشان ما تشوفني حزينه او اكتب شي حزين :(
                                والله مقدر على ذا كله، ما اعرف أتصرف مع هاللطافه والحب غير بالدعوات



                                ماعرف وش اكتب هنا
                                .. بس دوما اقول الكلمه الحلوهه تغير
                                من نفسية الشخص .. ودوما قبل ما أقول الشي أحب اطبقه
                                وانتي مش أي حد .. بكره بحتاج تعزيزاتك وماتبخلين علي

                                والله مدري وش اكتب هنا .. ماعرفني اذا استحيت من الكلام
                                الحلو والتعبير الاحلى .. مانحرم يارب ..

                                عاد تويتر متنفسي الوحيد اللي أحس مايعرفني فيه إلا القله
                                من هنا .. أخاف الكل يطلع قافطني وانا ما دري ..

                                الحين ماتخافين يقولون شهرزاد هي تنهيده وتعزز لنفسها
                                بتويتر .. ولا محد يمدح أحد هاليومين

                                طقت تسبدي من هالموضوع .. ماطفشتو كل يوم لغتي
                                كل يوم لغتي

                                الله يخارجنا وبس ..


                                خودافس أقوى أقوى شي ..


                                  تعليق

                                  • تنهيدهـ
                                    V - I - P



                                    • May 2012
                                    • 2909
                                    #509
                                    رد: (خاصرة حرف رمادية ) *&quot;




                                    و علمت أن الحب حينا لا يرى
                                    إلا إذا ما غاب عنا و ارتحل

                                    كيف السبيل إلى كتابة غصتي
                                    والجرح أعمق من حروف أو جمل



                                    بوح المساء ..

                                      تعليق

                                      • تنهيدهـ
                                        V - I - P



                                        • May 2012
                                        • 2909
                                        #510
                                        رد: (خاصرة حرف رمادية ) *&quot;




                                        سو ما يطري لك إلا حاجتين
                                        لا تغافلني و لا تكذب علي


                                        صباح الورد






                                          تعليق

                                          السابق 1 41 42 43 44 45 46 47 48 49 50 51 52 53 54 55 56 57 58 59 60 61 101 126 template التالي

                                          google Ad Widget

                                          تقليص
                                          يعمل...