روايتي الثانيه (( لا تصدق انك حلو لا وربي الحلا ما مر صوبك))

**غلا قلبي** · 22-06-2012, 11:20 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

تمهيد قبل البدايه
سيوف شادتنه من قميصه وبصوت عالي: ابي بنتي ابي هنادي رجعها
حازم وماسك ايدها ويبعدها عنه بالقوه: قلتلك بنتك ما عندي " ويصر على اسنانه" بنتك توفت الله يرحمها..انتي ما تفهميين والا ايش؟؟
سيوف وعيونها مليانه دموع: لا بنتي انت اللي اخذتها مني ارجوك ردها لي قبل لا انجن والله حرام تحرمني من بنتي الله ما يرضى
حازم يتمصخر: اها .. اول شي انا ماخذتها وما ابيها حتى وما مستعجب اخذ بنت مثلها.. اوكي.. وثاني شي يووم تقولين الله ما يرضى اجل الله يرضى على اللي سويتيه والا مو محسوووب يابنت مشعل العالي
سيوف: حازم انا ما جايه ارجع الماضي واللي فات فات بس ابي بنتي تكوون معاي وبعدها اوعدك ماراح تشووفني ابدا وابعد عن دربك وانسى اني عرفت واحد اسمه حازم العامري وانسى اني تزوجته وجبت بنت منه
حازم: وانا وش ابيلك... بنتك بالقبر روحيلها اذا تبييها ومرره ثانيه مابي اشووفك جايه بيتي واذا شفتك واقفه جنب باب بيتي والله لا تلومي الا نفسك.. انا واحد متزووج ومابي مشاكل مع زوجتي وخلاص انا طلقتك يابنت انسيني اووف
سيوف ورافعه ايدها للسماء: الله ينتقم منك يالظالم عساك ما تتوفق بحياتك
حازم بعصبيه: اييه انتي لا تدعيين علئ فاهمه؟؟ وبعدين لا تنسي انك حامل وعمرك 20سنه قبل لا اتزوجك وتزوجتك بس عشان استر عليييك لكن انتي ما كفو حد يستر علييك المهم كلمه وما اثنيها اذا شفتك فيووم قدامي والا تساليني عن هنادي راح اخبر اهلك المحترمين انك حامل قبل لا اتزوجك عاد انتي بكفيييك اللي تشوفيه مناسب لك سويييه
مها: ها حبيبي منو هاذي؟؟
سيوف بعصبيه: وانتي وش تبين؟؟
مها بدلع: حبيبي وش تبي منك هاذي ؟؟
حازم: مهاوي دخلي وبعد ما اخلص من مكلمنها برجع واقولك كل شي
مها: طيب بنتك تبيك الحين
حازم: خبريها تنتظرني شووي وانتي يلا روحي من هنا ولا عاد اشوفك قبال وجهي وخلاص انسي بنتك, بنتك ماتت ماتت الله يرحمها

قطع تفكيرها صوت دقة الباب : ادخل
ابراهيم: السلام عليكم
سيوف: عليكم السلام
ابراهيم: يلا حبيبتي شيلي اغراضك بنرووح الببيت خلاص يكفي تاركتني بروحي بالبييت
سيوف: بجلس هنئ فبيت ابووي لين ارتاح شوي حاسه نفسي بنفجر من التعب وبعد بكره تعال اخذني
سيوف بخاطرها: اه يا هنادي ودي اعرف كلام ابوك صحييح والا لا ....

......................................

**غلا قلبي** · 22-06-2012, 11:22 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

شو رايكم اواصل وانزل البارت الاول ولا لا ؟؟!!!!!

**مزاجي وبكيفي** · 23-06-2012, 03:16 AM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

سلام. بديه موفق

واتمنا. تنجحين. اكثر واكثر

ولكن. بخصوص سوالك. تنزلين البرات. حبيبتي انتي. بديتي بشي. لازم تنهينه. لاتوقفين مهمن كان

وتاليف رويه. لازم يكون مسبق. افضل. لك وللقار

وربي يسعدك. ويعينك بكتابتها.

***مزون شمر*** · 23-06-2012, 06:47 AM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

باين ان الروايه حلوه وتحمس على المتابعه
اتمنى تستمرين وحنا متابعين لك
يعطيك العافيه ..

**غلا قلبي** · 23-06-2012, 10:22 AM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

تسلموو ع الردود

وان شاء الله بواصل وبنزل البارت الاول..

**غلا قلبي** · 23-06-2012, 07:21 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

قبل لا ابدا بتنزيل البارت الاول .. احب اقول كلام انه لا احلل لأي شخص ينقل الروايه بدون ذكر الاسم (( غلا قلبي ))

ويالله بنولعها بالبارت الاول ..........

**غلا قلبي** · 23-06-2012, 07:23 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

*(البارت الاول)*
مازال كلام الجد فاضل العالي محفوور في ذاكرة الجميع الكل يتذكر كلام الجد فاضل والكل يتذكر وصيته... طلب فاضل من ابنائه انهم يتجمعوا في بييت ابنه الاكبر حسين الذي قد توفي.... كل نهايه اسبووع واوصى انه الكل يجتمع ولا احد يغيب عن الجمعه الا اذا كان ظروفه لا تسمح ولايستطيع المجي.. وكانت اخر وصاياه التي جعلت الكل متفاجئ انه كل واحد من اولاد العائله يتزوج من بنات العائله بسبب اللي صار لبنت ولده وبنته لما اخذن رجاليل ما من العيله وهاذي الوصيه التي الى الان لا احد قادر ينفذها بسبب ان كل شاب من العائله معتبر بنات العائله اخواته وغير قادر ان يعيش معاها ك زوجه وصاروا كثيرا يتغيبون من الجمعه لكي لا يقابلوا بنات العائله ..... ويصير لهم مواقف كثيره

،~{الشخصيات }~،
1- حسين(ابوجاسم):: الابن الاكبر لفاضل ومتوفي..
مريم( ام جاسم):: مره طيبه كثييير وحبوبه وعلى نياتها وكثييرحلووه
ابنائهم::::::
جاسم: عمره 25سنه يعمل شرطي
الجوري: شايفه نفسها وجمالها عادي جدا 23 سنه
الجازي: وعمرها 21سنه بس عقلها ناقص يعني خبله بس تهبببل
جمان: بتعرفه سالفتها بالقصه
2- مشعل(ابو سيف):: ابن فاضل رجال طيب وعنده هيييبه وكلمته مسموعه
نوره( ام سيف):: مره جميله بس شووي عصبيه تحب عيالها حييل وحنووونه
ابنائهم:::
سيوف:اكبر عيالهم حلوه وايديها مبدعه حييل عمرها 29سنه ومتزوجه من شاب اسمه ابراهيم وضابط بالشرطه وعندها حمدان وعمره 3سنين والحين حامل
سيف: توام سيوف عمره 29 سنه يعمل بشركه
عبد العزيز: عمره 24 سنه عسول كثيير يعمل محامي
دانه: فقدت بصرها بسبب حادث واهي رقيقه المشاعر وحساسه كثيير عمرها18سنه
مشاعل: شقيه ومشاغبه ودلووعه عمرها 15 سنه
3- قاسم(ابو غسان):: محبووب جدا والكل يحبه
فاطمه( ام غسان): شابه رقيقه جدا ورومانسيه حنووونه حييل بس شووي فيها حقد شوووي مو كثيير
ابنائهم:::
غسان: شاب عمره23 سنه اناني كثييير وكل شي يبييه حقه والحين مسافر
عمر: عمره 22 سنه شاب رقييق جدا ويهتم بمظهرره
غدير: بنت جميله دلوووووعه كثيير وشخصيتها حلوه كل حياتها دلع في دلع عمرها 19 سنه
الغاليه: عمرها 15 سنه
4- حنان: ابنت فاضل الاصغر متزوجه راشد
ابنائهم:::::

صابرين: عمرها 21 سنه بالجامعه
هاني: حبوب مرره عمره 19سنه
همس: 18 سنه اخر سنه بالمدررسه
هشام: عمره 15 سنه
صفاء: عمرها 12 سنه حبوبه ودمها خفييف

5- قصي: اصغر ابن لفاضل عمره26 سنه
6- وجدان: اصغر وحده ودلووعه وحبووبه عمرها 20 سنه

*
*
*
*
*
*
يلا نبدا

البارت الاول::::::::::::::::::

.........................................................

بالصباح قامت من نومها وطلعت من غرفتها وراحت للمطبخ عشان تفطر جلست على الكرسي واخذت تشرب الشاي وجلست تفكرر شووي وبعدين اخذت جوالها وراحت صوب الاسماء وضغطت حرف الهاء واتصلت على اول اسم
جمان: صباح الخير
همس: صباح النور شحالك؟؟
جمان: الحمدلله تمام
همس: تبين شي؟؟
جمان: متصله اقولك انه نهاية الاسبووع ان شاء الله باذن الله الكل بيجتمع عندنا وابيك تجي
همس بحزن: ان شاء الله بشووف امي ادري انها ما ترضى بتسمع كلام ابوي
جمان: خلاص امك عندها خبر وقالت بتجي لكن ماراضيه تجيبكم معاها وانا ابيك تخبريها انه لازم تجي انتي واخواتك ترا هاذي وصيه جدي
همس: الله يرحمه وان شاء الله بحاول
جمان: يلا في امان الله

.............
خلصت من الفطور واخذت معاها كاس ماي وقامت وراحت غرفة الجازي:::
طبعا الحيين بحكيلكم سالفة جمان,, جمان يتيمه وبيووم من الايام كان حسين ومريم مارين جنب السووبر ماركت وصادفوا طفله صغيره وبريئه كان عمرها تقريبا 10 سنووات كانت تبكي كثيير كثيير وتشد شعرها الاشقر وجالسه على صخره بروحها بالشارع وسألها حسين لييه تبكي وخبرتهم انها يتيمه وماعندها احد وقرر حسين انه ياخذها ويربيها ومايخليها كذا وجلس يوصي عليها الين توفى والحيين مريم مربتنها كنهها بنتها
والحيين كبرت وعمرها 19 سنه بنت حبوبه وطيبه مرره بس كثييير تتضايق والها شعرر خيال اشقر وطويل جدا وبشرتها بيضاء كثيير وعيونها عسليه ناعسه وجمالها قتال يطييح الطير من السماء

......................

نايمه وما حاسه بالدنيا ابد غاطه بالنووم وتحلم احلام جمييله جدا وفجاة تقووم من نومها مخترعه
الجازي بصراخ: بسم الله علينا وش صاير؟؟؟
جمان وميته من الضحك: ههه ابد سلامتك ماصاير شي بس كبيت المويه بوجهك عشان تصحي
الجازي عصبت وتقوم من سريرها وتوقف قدام جمان وبصراخ: ومن امرك؟؟
جمان: انا امرت نفسي عندك مانع؟؟
الجازي: طيب وش عندك؟؟
جمان: اختك المحترمه تبيك الحيين ضرووري
الجازي بخوف: ها .. وش تبي مني؟؟
جمان: مادري بس ترا كثيير معصبه علييك..وش مسويه؟؟؟
الجازي شوي وبتصييح: ما سوييت شي والله
جمان: اجل ليييه معصبه ومولعه نار؟؟ اعتررررفي
الجازي تدز جمان: بعدي عني ... برووح اشووفهها

......................................................

دانه: استغفر الله من كل ذنب اللهم رب الناس أذهب البأس .. واشفني أنت الشافي .. لا شفاء إلا شفاؤك .. شفاء لا يغادر سقما
وصدت صوب الباب لمن سمعت احد يدقه
دانه: تفضل
سيوف: وش تسوي؟؟
دانه: هلا سيوف.. لا ماسوي شي
سيوف: ممكن اكلمك؟؟
دانه: ان شاء الله بس ايش فيك مهمومه
سيوف: والله يا دانه انا مابعرف وش فيني بس اللي اعرفه انه بمووت من هالحاله اللي انا فييها
دانه: اذكري ربك والحمدلله انك عايشه بهنا ومو ناقصك شي .. قولي الحمدلله
سيوف: انتي ماتدري باللي انا فييه.. يا دانه.. زوجي ماني عارفه وش اسوي معاه والله منقهرره
دانه: ليه ما ترجعين له وش اللي تغير؟؟وترا هاذا زوجك افهمي وانسي اللي صار
سيوف: انتي ما فاهمه علئ يا دانه انا ما قادره انسى هنادي وتدري انه لو كنت ما متزوجه ابراهيم كان حازم بيرجعلي هنادي
دانه: وبعدين..
سيوف بدمووع: وش وبعدين.. انا نادمه انه اخذته ليتني اخترت هنادي ولا اخترت ابراهيم انا ادري انها ما متوفيه بس يبي ينتقم لاني اخذت ابراهييم
دانه: اسمعي حبيبتي.. ترا ابراهيم زوجك ويبيك الحين فاحسن انك ترجعين له بعدين محد بينفعك وبعدين اكيد عيالك بيحتاجون لك والله غلط تاركه زوجك وعيالك بروحهم بالبيييت
سيوف: والحين وش اسوي؟؟
دانه: تبي شوري؟؟ ارجعلي لزوجك وتاكدي انه يحبك ويبيك والا ما بيتركك ترتاحي فبيت اهلك واهو يعابل عيالك
سيوف: ............

....................................................

حاطه يديها على خصرها وعيونها شاعله نار وتطالعها بنظرت شر: يلا دافعي عن نفسك
الجازي: ..........
الجوري بصراخ: تكلمي لييه انربط لسانك؟؟
الجازي: ماخذت شي من عندك
الجوري بصراخ: لاتكذبين
الجازي: انا ما اكذب وبعدين انا ما دخلت غرفتك الا الحيين بس
الجوري: وش يثبتلي انه كلامك صحييح
الجازي: والله عاد بكيفك تبي تصدقيني صدقيني واذا ماتبي هالشي راجع الك
الجوري بعصبيه وماسكه الجازي من بلوزتها: لا تكلميني بهالطرييقه فاهمه
الجازي: بعدي عني احسن والا الحين اشبعك ضرب تعرفيني خبله وبسويها
الجوري: الحين بروح غرفتك و بفتش عنهم بين اغراضك.. والله اذا حصلتهم بغرفتك راح اقتلك فاهمه؟؟؟
الجازي: ادري انه غرفتي مو من مستواك..لكن فتشي فيها سامحتللك
الجوري: والله انا مو منتظره منك تسمحيلي والا لا.. واهو صحيح اني ما يشررفني ادخل غرفتك لكن غصب عني
.....................

دخلت الغرفه وتفتش فيها وفتحت الدولاب وطلعت كل اللي فييه وراحت صوب السررير وقامت تفتش فييه وخلته مو مرتب بالمرره وبهالحظه كانت الجازي معاها وكثيير تبكي وبعدين طلعت وراحت تنادي امها
الجازي: يمه يمه
مريم: تعالي انا بغرفتي
دخلت الجازي وجلست جنب امها
مريم مسكت الجازي من ايدها: وش فيك لييه تصيحيين؟؟
الجازي: تعالي شوفي بنتك وش تسوي بغرفتي
مريم: وش بعد تسوي بغرفتك.. مو تقول كل يووم انه مايشرفها تدخلها؟؟؟
الجازي: تقوول اني سارقه اغراضها والحين تدور عليهم بغرفتي
مريم: انتظريني الحين بشووفها

..............................................

دخلت الغرفه وشافت كل الاغراض مو بمكانهم ومعفوسه فوووق تحت
مريم بعصبيه: وش تسوي بغرفه الجازي؟؟
الجوري: بنتك سارقه اغراضي وانا الحين بدور عليهم بغرفتها القذره
مريم: انتي شفتيها تدخل غرفتك وتشيل اغراضك؟؟
الجوري: لا ما شفتها بس متاكده انها اهي
مريم: طيب عاد انا ابي دلييل
الجوري: ما تتدخلي وخليني بحالي
مريم: يعني ما عندك دليل؟؟ وبعدين ترا هاذي اللي قدامك اختك مو عدوتك
الجوري: لا تقولي اختي.. انا ماعندي اخت بهالشكل وبعدين انا عندي اخ واحد اللي اهو جاسم حبيبي والا هاذي بنتك لا تقربينها صوبي
مريم: طيب اطلعي من غرفتها
الجوري: ما بطلع غير لمن تطلع اغراضي وانتي قلتلك ما تتدخلين فيني
الجازي: قلتلك اغراضك مو عندي روحي دوريهم من وين حاطنهم
الجوري: طيب انا بطلع من غرفتك لكن اذا شفتك بيووم تكلميني والا حاطه دوبك بدوبي والا داخله غرفتي انا بورييك يالسراقه
طلعت من الغرفه وتمشي بدلع وكانت جمان جالسه جنب الباب
الجوري بصراخ: وانتي لييييه جالسه تتسمعي؟؟
جمان: لا حبيبتي انا مو اتسمع واذا كنت ابي اسمعكم وش تقولون كنت بدخل معاكم بس انا مابي اعرف وش صاير
جلست تطالعها بعصبيه وبعدين دخلت الغرفه
الجوري بخاطرها:انا بوريكم اشوف الكل ضدي ويدافع عن هالخبله لكن مابخليكم بحالكم

...................................................

بالمطعم
صابرين باهتمام: طيب حبيبتي انتي وش ناويه علييه يعني وش اللي راح تسويه؟؟؟
غرور: والله على حسب ظروفي المهم اني اذا كنت بروحي بتصل فييه وبخبره بالموضووع وعسا يتفهم. بس انتي
صابرين: انا.. شنو؟؟
غرور: وش حالتك مع اهلك؟؟وبتحضري حفلتي؟؟
صابرين: وش اقولك يعني تدري اني مابطلع من البييت الا بالغصب ولمن يكوون ابوي مو بالببيت واللي مستغربه منه انه امي ماتتكلم ومخلتنه على راحته
غرور: الله يكوون بعونك.. " تلتفت الصووب الثاني وتشوف احد يناديها" لحظه حبيبتي بروح اسلم على حسناء وبرجعلك مو تروحين عني زي كل مرره
صابرين: ههههه تمام اخذي راحتك
.................
ماسكه جوالها وعينها عليه وفجاة تسمع احد يناديها وترفع راسها
صابرين ابتسمت: هلا ماجد شحالك؟؟
ماجد: هلا انا تمام والله وش تسوي هنئ؟؟
صابرين: كانت معاي غرور بس راحت تسلم على صديقتها وبترجع
ماجد: ممكن اجلس معاك ليين ترجع غروور؟؟اذا ممكن
صابرين: عادي تفضل"وتلتفت خلفها وتشووف احد يطالعها وتخترع وتقووم من مكانها"
ماجد بخوف :وش فييك؟؟
صابرين ودمووعها بعينها وبخووف: ابوووووي

..............................................
الجازي: طيب الحين عددنا اكتمل وراح ننفذ الخطه الخطيره الحين ووش رايكم؟؟؟؟ اللي معاي يقول ايييه
الكل: اييه
.............
جنب دكان مبارك لمواد الغذائيه كانت مشاعل واقفه خارج الباب وحمدان داخل الدكان على اساس انه يشتري والغاليه والجازي طالعين برا يتجولوا وغدير جالسه تطالعهم وتراقب اذا احد جاي
وفجاة دشوا الغاليه والجازي الدكان بصراخ: عمي مبارك بيتكم احتررق وانت جالس هنئ بسرعه رووح اهلك ينتظرووك قبل لا يموتوا
مبارك بخووف: وش اللي صار ومتى احترق؟؟
الجازي: الحيين بسرررعه
" وبهاللحظه كانو الباقيين يسرقوا الاكل من الدكان"
الجازي: يلا اخذوا كل اللي تبوون ويلا نرجع بسرعه البيت قبل لا احد يشوفنا
وبعد مارجعوا البيت
..............
الجازي: اها وش رايكم؟؟؟؟
غدير: والله خطيره يا قلبي
الجازي: اييه طبعا
مشاعل: مو هاذي تعتبر سرقه؟؟؟
الجازي: ههههههه لا مو سرقه وبعدين احنا راح نعطييه الفلووس بس مو الحين لانه لو شرينا وعطينا بالمرره كان عادي ما عملنا شي احنا نريد حماس مغامره والا شوو يا حلويين ؟؟؟؟
فتحت الباب ودخلت عليهم وشافت الاكل بالارض الشيبس والبسكويت والشوكولاته
جمان وعيوونها طلعوا لخارج: وش هاذا؟؟ من وين جبتوا هالشي كلله
الجازي: اشتريناه من دكان مبارك
جمان: طيب ليييه؟؟ هاذا الاكل بيكفي حق اسبووع لييه اشتريتوا كثيير والله بيعوركم بطونكم
مشاعل: عادي احنا متعودين ناكل كثيييير.. مو زيك ماترضي تاكليين شي الا بالغصب
جمان وحاطه اييدها على خصرها: والله عاد انا محافظه على رشاقتي وجسمي ماشاء الله كثيير حلو والكل يتمنى يكون زي رشاقتي والا بديتي تغاري مني؟؟
مشاعل: صح صح
جمان: همس وين صابرين؟؟
همس: بالبيت وبتجي يووم العزيمه
جمان: وع وش تسوي بالبييت والله بيتكم يجيب المرض بصراحه
همس بحزن: والله صدقتي عاد البيت من صوب وابوي من صوب والله لمن اروح بيتنا احس عمري بختنق ولمن اجي معكم برتاح

..................................................

في الصاله
الجازي ماسكه الريموت وجالسه تطالع التلفزيون وحاطه سبيستون ومندمجه تطالع الرسوم ... وجمان ماسكه جوالها وجالسه تراسل صديقتها والجوري جالسه بالصوب الثاني وبايديها اللاب توب وشابكه بالنت والجده رايه زوجة فاضل ماسكه الراديو وجالسه تسمع يعني الكل منشغل بشي
دخل عليهم جاسم
جاسم: السلام عليكم " جلس ينتظر الرد لكن محد كان منتبه عليه لمن دخل"
جاسم بصوت عالي: السلام علييييييكم
الكل: وعليكم السلام
الجوري: هلا جسوم
جاسم: اهلين .. وش تسوون ومخلنكم ما تنتبهون على الشيخ لمن دخل
الجوري: والله عن نفسي كنت مشغووله شوي بس هاذول اكيد سمعوك لكن ما ردوا علييك
جمان: لا والله ماسمعناك ..لا يكوون زعلت؟؟
جاسم: لا عادي ماصار شي
رايه: جاسم تعال شوي
جاسم: هلا جدتي وش بغيتي؟؟؟
رايه: جاسم بكره ابيك تكون بالبيت ومابيك تطلع منه لانه بيجتمعوا اهلك فهالبيت
جاسم يضرب راسه: اووه نسيت انه بكره..وش هالحاله ليتني مارجعت البييت
رايه: ترا سمعتك.. وش فيكم انتو لييه ماتحبوا جمعة العيله ترا هاذي وصيه جدكم الله يرحمه لييه تبون تخالفونه
جاسم: جدتي والله موقصدي بس تدري ماحب لمن يكونو البنات معانا
رايه: المهم انا اخبرك من الحين واذا ماشفتك معانا بتشوف شي ما شفته فاهم
جاسم: ان شاء الله بكوون هنئ وبجلس معاكم امري لله بس الحين ممكن اروح داري ارتاح؟؟
رايه: اييه رووح
طلع داره بسرعه ودخل غرفته وقفل الباب واخد جوال واتصل على عبد العزيز ولد عمه
جاسم: هلا عبود شحالك؟؟
عبد العزيز: هلا انا تمام والله ومستانس
جاسم: ولييه مستانس يا حظي؟؟
عبد العزيز: بس كذا مرتاح وفرحان شووي وبطير من الفرحه
جاسم: لا تفررح كثييير ترا فرحتك ماراح تكمل
عبد العزيز اخترع: لييه وش صاير؟؟؟
جاسم: العزيمه بكره
عبد العزيز بصووت عالي: لالالالالا وش تقووول
جاسم بعصبيه: الدب صميتني حشا عاد ما صووت علييك
عبد العزيز: يلا يلا بروووح اجهز اغراضي وبسافر
جاسم: ويين بتسافر؟؟
عبد العزيز: للدرب اللي مايرجع لهالمكان
جاسم: يا حظك يا غسان مسافر من زمان وما تعاني مثل ما احنا نعاني الحييين الله يسامحك يا جدي وش هالوصيه
عبد العزيز: طيب انا عندي خطه كثيير حلوه ومضمووونه وش رايك؟؟؟

.................................................

بترجع سيوف لزوجها والا بتظل فبييت اهلها؟؟
وش هي خطه عبد العزيز وهل بتنجح يا ترى؟؟
وكيف بتكوون الجمعه ؟؟
وش بيصير لصابرين بعد ما شافها ابوها بالمطعم؟؟؟

**غلا قلبي** · 23-06-2012, 07:25 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

وانتظروني بالبارت الجاي

وابي اشووووف ردوود

**مزاجي وبكيفي** · 01-07-2012, 06:15 PM

رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))

الللللللللله

تسلم. ايدك. جد حمستيني للبرات الجايه

والله الله شدي حيلك بل جديد. بس انتبهي. امنه. لاترهقين نفسك بل كتابه الاهم هو صحتك

وبانتظارك بكل شوق

روايتي الثانيه (( لا تصدق انك حلو لا وربي الحلا ما مر صوبك))

روايتي الثانيه (( لا تصدق انك حلو لا وربي الحلا ما مر صوبك))

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget