صندوق ذكرياتي يفتح

البارت الخامس

في احد مستشفيات اطاليا واشهرها
كان نايم على سرير ابيض مشبك في كثير من الاجهزة دخلت الممرضة لاجل تعدل له المغذية شافته نايم فما حبت تزعجه .......كانت الممرضة خاقه عليه وعلى جماله كان اجمل شاب شافته في حياتها..... وهي مفهيه فيه انتبهت انه تحرك وكأن في شي ازعجه ....انقلبت ملامح وجهه الهاديه لملامح غضب وحقد وكره فجأة ....... ظنت انه يتألم فنادت على الدكتور .......
هو صحى على صوت الدكتور وهو ينده عليه ...... : ماجد ماجد ....... انت سامعني ........
فتح عينه بس رجع غمضها لما ازعجه ضوء مسلط عليه ...... فتحها بشويش الى ان قدر يفتحها كلها .... قال بصوت مهموم وتعبان : انا وين ....
الدكتور : انت في المستشفى ...........
ماجد وصوته مرتجف : ليش انا هنا ..........
الدكتور : انت تعبت امس شويه وجابك رجال كبير يبدوا انه قريبك وشاب بمثل عمرك ...........
ماجد فهم ان الي جابه للمستشفى عبد الله بس مين الرجال الكبير الي معه ..........
*********************
عند البنات في المتعسه " المدرسة "
اتفقوا على انهم يكرهون هبلة العربي في نفسها وفي الساعة الي قررت تدرسهم فيها ..........عرفوا ان الي خطبها واحد اسمه سيف ال ....... ومن حسن الحظ ان لقب خديجه صاحبت نجود نفس لقبه ......
ندى : هاه خدوج وش قلتي
خديجة : مثل ما تامرين .......... بس متى التنفيذ انشاء الله ...........
سارة : بكرة ....... رح يبدا فلم العذاب ........
امل : بنات كل وحده عارفه دورها ولا لا
عهد : ايوه ما يحتاج كلام ...........
امل : بس انا ..... انا .....انا ....انا
عهد عصبت منها : انت وش
امل ببراءه زايدة : بس انا ما اعرف ......
ضحكوا البنات على شكل امل كانت تتصنع البراءه وشكلها كان طفولي وكيوت ........وقالوا لها البنات وش دورها في الخطة ............
************************
في بيت ابو حامد .......
كانوا جالسين في صالة البيت القمه في الفخامه ............
ام حامد : الله يصبرك ي وخيتي على ما ابتلاكم .....
ابو حامد : الا كيفه ابو حامد .........
ام حامد : الله يشفيه .........من امس وام رائد واقفه عند راسه تقول مغير يون .........
ابو حامد : ايه ي ابو حامد الله يعينك وتقدر تسدد الدين الي عليك ويصبرك على ما ابتلاك فيه وانا اخوك ...........
******************
عند البنات
بعد ما انتهى الدوام قرروا البنات يمرون على رهف و يتطمنوا عليها بعد ما عرفوا بالي صار " ابو رائد خسر فلوسه وعليه ديون لازم يسددها طبعا السبب هو ماجد الي ارسل رجاله عشان يحرقون مستودع البضايع الخاص بشركة ابو رائد........ وبي طريقته الخاصة قدر يدخل الى حساب سلطان ال......(( ابو رائد )) الخاص بالبنك وتصفير رصيده من بعد ما كان فيه ملاين صار فيه اقل من ثلاثة الاف ريال .... كله عشان ينتقم منه " راحوا البنات مع سواق ابو خلود بعد ما ارسلوا لاهلهم خبر من جوال راجا (( السواق الزاحف )) انهم بيروحون لبيت ام رائد عشان يتطمنون على صاحبتهم ......... ونجود الي كانت بتطق من قهرها " ليش يروحون وانا كاشتين فيه ما ياخذوني " ..... وصلوا البنات بيت رهف دخلوا سلموا على ام رائد وطلعوا على طول على غرفة رهف الي اول ما شافتهم راحت لهم على طول وهي تبكي على حالهم وحال ابوها الي من افلس تعب .
عهد تحاول تهديها وهي حاضنتها : رهوفتي خلاص ما صار شي والفلوس تتعوض ي اختي والله تتعوض ..........
رهف وهي تحاول تمسك دموعها بس دموعها خاينتها : والله الفلوس عندي عادي جات راحت عادي بس الي مزعلني ابوي والله من اشوفه قلبي يتقطع عليه .......... " ورجعت تبكي من جديد "
خلود : رهف حبيبتي خلاص والي يعافيك بسك بكي ........
رهف تمسح دموعها بدينها زي الاطفال : خلاص خلاص معاد ببكي ........
ضحكوا البنات على شكل رهف ...... وحبوا غيرون الجو الكئيب ......... وقعدوا يسالفون عن اشياء كثيرة وعن تخيطاتهم لابلة العربي الي ما تطيقها رهف ودها تذبحها باسرع وقت ...........
رهف : من جد هالعجوز انخطبت ...........
ندى : زي ما سمعتي انخطبت لواحد اسمه سيف ال.......... ولا ازيدك من الشعر بيت اصغر منها عمره 45 سنه .........
رهف : وييييييييييييييييييييع هذي من مودع عمره وخاطبها ......... الله يعينه على ما ابتلاه ........ بس انتم وش ناوين تسون ........اكيد بتسون شي صح ولا غلطانه ...........
خلود : افا عليك بس .........
رهف : ايه كذه تعجبيني .....بس ما قلتولي وش بتسون .........
قالوا البنات عن الي بيسونه في هبلة العربي ..... وعجبها رهف الي ناوين عليه البنات وهي كمان اعطتهم شوية مقترحات عشان الخطه تكمل .....
*********************
في اطاليا .......
عدل جلسته على السرير و اخذ موبايله الي طلب من عبد الله يجيبه له في المستشفى ...... ودق على رقم معين .......جاله صوت يعشقه يموت فيه هو بكفه والعالم والكل بكفه ثانيه ........
: الوووووووووو مجود وينك ........ حبيبي انا مررررررررررره اشتقت لك ..... وينك ي القاطع .......ليش سافرت وما قلت لي ...." وقعدت تبكي "...........
ماجد ضحك غصب عنه واغتصب الابتسامه بس ما يبي يحسسها انه تعبان وان فيه شي : دلول حبيبتي انتي ما كان نفسك في ساعه الماس من ايطاليا هذاني رحت عشان اجيب لك وحده ي حياتي ..... وبعدين لا تبكي تدرين ان دموعك غاليه ي عسل .........
: طيب بس انت متى رح ترجع ....... مجودي انا كثير مشتاقه لك تعال بسرررررررررررعة الله يخليك لا تتركني لوحدي مره ثانيه بليز جوجو ...
ماجد : طيب ي عمري .......... وان شاء الله اليوم جاي وش رايك عاد بالخبر ........بس انتي لا تنسين الي تفقنا عليه تراني ماني اصغر عيالك عشان تدلعيني ...... انا رجال والرجال ما يتدلع ....... " معلومه ماجد ما يحب أي احد يدلعه حتى خالته الي حسبت امه "
: ياي يجنن هالخبر ومن عيوني معاد بدلعك بقلك ماجد وبس ......
ماجد ضحك على جنانها :ايه كذه احسن ..... دلول حبيبتي سلمي لي على الكل وطمنيهم علي .........
: يوصل ان شاء الله ..........
ماجد : الا مصعب وينه ........ صار له يومين مو مبين ............
: مصعب فوق في غرفته ....... تبيني ارو ح اناديه لك ..........
ماجد : اذا ما عليك امر ي الغاليه ...........
: لا عادي ذحين اروح " وقبل ما تحط السماعه جاها صوت ماجد وهو يقول بكل حنيه " داليا تدرين اني احبك موت ي الغالية .......
ابتسمت داليا بفرح وقالت بخجل : وانا احبك ي احلى مجود بالعالم ........ يله انا بنادي مصعب " وهربت قبل ما يعصب عليها ويهزءها مره ثانيه "
ماجد ابتسم على خجلها و تصرفاتها الطفوليه وقعد يفكر فيها وش بتسوي ذحين بس قطع عليه تفكيره صوت مصعب وهو يقوله بستهزاء واضح : هاه اشوفك متصل ......وش عندك داق ومهبل في اختي القلب حن ولا وش السالفه..... على العموم احنا ما عندنا بنات يكلمون رجاجيل..... واذا تحاول تلعب بعقلها وتضحك عليها بكم كلمه صدقني بانسى انك ولد خالتي واذبحك...... هذي اختي الصغيره وما عندي استعداد اخسرها او اضيعها سامع.... وهذي بنت ناس وعالم مو زي البنات الي بشركتك فاصخات الحياء و مودعينه .......ما كأن عندهم اهل مربينهم ومعلمينهم الادب ....... وخل كلامي حلق باذنك سيد دكتور معلم بيطري مكنيكي الي تبي ماجد افندي ......." وقعد يضحك " .........
ماجد : هي هي ..........وش فيك قمت علي .......
مصعب : تبيني اشوفك تغازل اختي واسكت لك ..... محسبني سبيكه ولا تيس تضحك عليه ........
ماجد : هههههههههههههههه .......... اقول لا تاخذ في نفسك مقلب انت موبس سبيكه وتيس الا ثور وبهيمه .......
مصعب يتصنع الزعل : خلاص خلاص ..... ماجد انت حطمت معنوياتي معاد احبك ........ روح الله يزوجك وحده ما تحبك .......
ماجد عصب : اقول ي هوه اسمعني اليوم انا برجع وبروح الطايف ........
مصعب حس بتغير نبرة صوته من طاري الزواج وقال بستهزاء يحاول يغير الجو : والمطلوب ..........
ماجد : انا حجزت للاهل على اول طياره لطايف........واستاجرت لهم فله في الحلقه ابيك توديهم لها ....... والمفتاح عند حارس الفله خذه منه ......وبعدين عبد الله بيرسل عامل يغير كل الاقفال حقت الفله ..........وفيه سيارات رح تلاقيها قدام الفله مفاتيحها مع الحارس برضه ........
مصعب : ما شاء الله جهزت كل شي ولا اخذت رئي احد ........... على العموم انا ما رح اروح معهم ........
ماجد بعصبيه : وليش ان شاء الله ..........
مصعب : لاني توني راجع من الطايف ما صار لي يوم حتى و بعدين انا عندي كم شغله في الرياض لازم اخلصها ........
ماجد بامر : انت روح مع الاهل ذحين وما رح يضرك شي اذا رحت مره ثانيه وكل شي يتاجل ......سامعني........
مصعب بخوف تملكه : ماجد انت وش ناوي عليه بالضبط ....... ماجد لا يكون .......
قاطعه ماجد وهو يقول : انت سو الي قلت لك عليه وبعدين تفهم كل شي .........مصعب قل للاهل ما ياخذون معهم شي انا جبت كل شي يحتاجونه واذا على ملابس يروحون السوق ويشترون الي يبونه بالسعر الي يكون ...........
مصعب : ماجد ي اخوي تكفى قلي وش ناوي عليه الله يعافيك بسك عاد الي صار صار والرجال الحين بالسجن ولا تنسى انه اب.............
ماجد عصب ونيران الحقد والقهر اشتعلت وشياطين العالم كله حواليه : مصصصصصصصصصصصصعبببببب لا تعيد هالكلمه مره ثانيه فاهم ولا افهممممممممممك انا بمعرفتتتتتتتتتتتييييي ..........
مصعب خاف من نبرة صوت ماجد والي يمكن يسوي أي شي اذا عصب : ماجد اهدى شوي الموضوع مو مستاهل والي يرحم لي والديك تكفى هدي شوي ......
ماجد بعصبيه : كيف مو مستاهل .......... مصعب خلاص قفل على الموضوع بعدين نتفاهم " سكر الخط من دون ما يسمع ولا كلمه من مصعب "
ماجد حس بتعب خفيف .......حاول يهدي نفسه شوي ويفكر في اشياء حلوه هو يحبها بس للاسف ما لقى شي حلو بحياته كلها .....ما كان فيها أي شي حلو.... كلها حقد وغضب ورغبه بالانتقام ....... وحتى الاشياء الي كان يحبها صار يكرها ويكره سيرتها يكره كل شي يذكره بماضيه ....حياته تحولت لجحيم ....... لازم ينتقم لازم ينتقم لازم لازم لازم ........كان يكرر كلمة الانتقام لحد ما تعب ونام .......

صندوق ذكرياتي يفتح

********************
في السعوديه ............. في بيت ابو وائل والد مصعب ........ سعد ال............
كان يفكر بالي ناوي ماجد يسويه وهو يدري بماضي ماجد...... ويدري قد ايش عانا ...... يدري ان محد يقدر يخفف الامه غير خالته وداليا ...... يدري انه وحيد قدام هالعالم الظالم بدون ام او ابو او حتى اخوان ........ يدري ان عنده سر ما يبي يفضحه ........ يدري ان لو انفضح هالسر يمكن يموت ماجد .......... يدري ان الموت ملاحقه في كل مكان ......... يدري بمرض ماجد الي محد يعرف به غير خمسه هوه واخوه وائل والسكرتير عبد الله وصاحبهم طلال و الدكتور المسؤول عن حالته .......يدري بكل شي بحيات ماجد ........ معاد شي وحد سبب كره ماجد للبنات وفكرة الزواج ......يكره سيرة الزواج حتى خالته لما تقوله ي ماجد خلني ادور لك على عروس ي وليدي تهتم بك وتونسك وتنسيك همومك ..... بس كان يرفض ويتضايق ويطلع وهو معصب وما يشوفونه الا بعد اسبوع اسبوعين او حتى اكثر ......
تنهد بقوة وبضيق : اه ي ماجد بس لو ادري وش تفكر فيه وانا اخوك ........
جاته طايره وهي تصارخ : مصعب مصعب مصعب ...........
مصعب بدون نفس : هاه وش تبين ........
رند : وجع ............
مصعب يتصنع الغضب : الحين جايتني من فوق وجري عشان تقولين لي وجع ........
رند بكل برائه : ايه ............
مسكها مصعب من اذنها : اوى ان شاء الله ..... اه ي الي ما تستحين على وجهك وهذا وانا اخوك الكبير ........
رند بعناد : عادي وش يعني ....... مانك زايد عني بشي صح ولا غلط...............
مصعب : اله زايد عنك ...... انا انولدت قبلك ............
رند : عادي اروح اقول لامي جيبيني قبل مصعب وهي اكيد بتوافق ...........
مصعب توسعت عيونه من هبالت اخته : لا والله .......... تستعبطين انتي ...........
داليا : لا تستهبل ........ حلوه صح .........
رند : تسلمين كشخه .............
مصعب : عز الله رحت فيها مدام المهبل اجتمعوا ........
داليا : ما مهبول غيرك انت وخشتك .........
رند : داليا حبيبتي نويه ...... مستحيل ننزل لمستواه خلينا اكبر من كذا ي عمري .........
داليا : اوفكورس حياتي ..... بس هالاشكال لازم لها تسكيته .......
رند : ولا يهمك ي عمري ما مصير ماجد و وائل يجون ويعلمونه الادب والاخلاق .......
داليا : وبيربونه من جديد ...........
مصعب تخصر وهو يطالعهم بنص عين : لا بالله ست داليا ....... رند وما نشره عليها بس انتي ........ وش لك بهالطريق ي وخيتي ........
رند عصبت وتنرفزت من مصعب وداليا كاتمه ضحكتها .........
رند : اقول مصعب افندي ما ودك تطس عن وجيهنا ..........
مصعب : ههههههههههه عصب يحيى الفخراني ......... " مشى مصعب وهوطالع قال لداليا " اقول دلول قولي لامي ولاء يجهزون على الساعة 2 نبي نروح المطار ........ " ولف على رند وهو يقول " ولي يرحم والديك لا تجيبين القطو ذاك يخرب علي كشختي ........
رند : اله بجيبه وبحطه بحجرك ......... حررررررررررررره .........
داليا : مصعب اتركك منها ليش بنروح المطار وش فيه......... ماجد ولا وائل فيهم شي.........
مصعب : لا ما فيهم الا العافيه بس ماجد حاجز لنا على الطايف يقول نبي نصيف هناك ويمكن نطول .......
رند : هيييييييييييي فله ...........
داليا : اسكتي ي المخبوله وش نصيف والمدارس ما صار لها يومين باديه ...........
رند : عادي اتز ايزي ...........
طلع مصعب وتركهم يتهاوشون لان رند بايعه الدراسه و داليا كمان بس ماجد وعدها اذا نجحت على الاقل بجيد يجيب لها الي تبيه ...........
********************
نعرفكم على عايلة ابو وائل ......... سعد ال........ رجال كبير في السن عمره تقريبا 66 سنه يدير اعماله من بيته احيانا اذا احتاج وائل ولده لمساعده ......... ام وائل ابتهال ال.......... خالة ماجد والمسؤوله عنه بعد وفاة اهله ربة منزل والنعم فيها ........ وائل اكبر عياله عمره سنه25 يدير اعماله ويساعده ماجد ماديا ومعنويا في كثير من المشاريع الى ان تنجح طيب وحبوب انسان مهذب وكتوم عصبي شوي بس اذا احتاج الوضع طويل ومليان شوي ابيض البشرة وواسع العيون عنده غمازات جذابه انسان وسيم جدا شعره اسود وناعم ........ مصعب 23 سنه متوسط الطول اسمر شوي نحيف عيونه جذابه جدا رموشه طويله شعره اسود طيب وحنون يحب يعذب داليا ورند يعمل كمذيع لبرنامج مشهور على ال mbc .......ولاء 21 سنه تدرس طب متوسطة جميله جدا لدرجه الذهول بجمالها نحيفه وشعرها اشقر بيضا البشرة طيبه وحنونه بس مغرووووووووره لابعد الحدود ......... رند14سنه مزعجه عربجيه بس احيانا تجيها حالات انوثه نسخه طبق الاصل من اختها ولاء بس مو احلى منها قصيرة شوي شعرها لنص اكتافها اسود بيضا البشره عندها غمازات جذابه زي وائل ....... ماجد 10 سنين واخر العنقود يشبه مصعب لدرجه كبيره في شكله ووائل في طبعه .......... وداليا 14 سنه اختهم بس مو اللزم " بالرضاعه " تشبه ماجد لدرجه كبيره لانها اخته بس محد يعرف انها اخته لسبب بعدين نعرفه نحيفه وكيوت بيضا البشرة شعرها طويل وبني تصرفها وطبعها مثل رند مدرستها الخاصه بالحياة ......
******************
في بيت ابو خلود ....... فيصل ال.........
بعد ما رجعوا البنات من عند رهف راحت كل وحده على بيتها .... وخلود وعهود اول ما وصلوا البيت مسكتهم نجود وما فكتهم الين قالوا توبه والله معاد نعيدها .......... طلعت خلود غرفتها ونجود مسكت عهود جلست استجواب ........
في غرفة خلود .....اول ما دخلت الغرفه جلست على سريره وفتحت اللاب بس سمعت صوت مبايلها رفعته وشافت المتصل : الوووووووو حياتي وينك كثير مشتاقه لك كذه تروح وما تسال علي .......
ابو خلود : انتي ما تجلسين عاقله ولو مره وحده ي بنت اكبري " كان يكلم بنته وهو ماشي رايح غرفة ماجد يبي يتطمن عليه " .......
خلود بصوت طفولي : بابا حبيبي انا كبيره بس انت ما تعترف فيه ليش ........
ابو خلود وقف عند باب غرفة ماجد وهويكلم خلود ويوقلها : ي بابا انا معترف فيك انك اكبر بناتي بس انتي لسى في عيني طفله صغيره وانت بعد دلوعة بابا .....انا مقدر على فرقاك يوم واحد وحتى اذا سافرت محد يرجعني غيرك ي خلودة .......
خلود : لو تسمعك نجود كان ذبحتني على طول ..........
ابو خلود : كلكم بناتي وحبيباتي بس انتي بكري وعيوني وقلبي وروحي حتى عمك يشهد على هالشي ويقول بعد خوخة الحلى كله لو عندي ولد بزوجه خلود ي فيصل ......... بس انا اقله لا خلود بتعنس عندي بعد عمري مقدر على بعدها .........
خلود : الا صح كيف عمي واخباره عساه طيب ان شاء الله ..........
ابو خلود : يسلم عليك ي الغاليه وده يشوفك باسرع وقت بس الشكوه لله ي عيوني ..........
خلود : ايه ي بابا لو تدري وش كثر مشتاقه له ولسواليفه وكل شي فيه ..............
ابو خلود : وهوبعد مشتاق لك وده بعد يشوف عهود ونجود يقول متحمس يشوف توؤم .....
خلود : ي بعد عمري ي عمي ............
ابو خلود : على العموم هي كلها سنه ويرجع لنا ...... يله حبيبتي تامريني على شي ......
خلود : سلامتك بابا ....
ابو خلود : اجل مع السلامه ........ " وسكر الخط ودخل غرفة ماجد " ....... السلام عليكم ....
ماجد بضيق وقهر وحقد وكل شي بس مو واضح : وعليكم السلام ..........
ابو خلود : كيفك اليوم ان شاء الله احسن .........
ماجد : ايه احسن عن امس " ماجد كان متضايق من الي سمعه ........ سمع كل محادثة ابو خلود مع بنته وكان يقول في نفسه اجل هالحقير بيطلع بعد سنه ...... انا بنتظاره ........ رح ادفعه ثمن فعلته غالي ما رح اقبل بغير دمه وانا ولد راشد "
ماجد : ابو خلود جهز نفسك اذا تبي ترجع معنا اليوم لطايف ........
ابو خلود متحمس وفرحان لانه بيرجع اليوم لطايف وبيشوف بناته لانه ما يقدر على بعادهم : ايه ي ولدي ابرجع معكم ان شاء الله ...بس متى.......
ماجد : الساعه 4 الفجر عشان يكون الوقت تقريبا على الساعه 11 في السعوديه ...........
ابو خلود : يحصل خير ...... بس الدكتور سمح لك بالخروج ........
ماجد : اكيد بيوافق...... يعني وافق ......
**********************
في مدرسة البنات
بعد عذاب الى ان قامت نجود عكس البقيه كانوا متحمسين علي بيسونه ..........
امل وندى يتمشون قدام غرفة المعلمات ويرفعون الاصوات يبونهم يسمعون وش يقولون.......
امل : ندى انتي ما سمعتي عن الي لقوا في شقته بنات ........
ندى : ايوه سمعت ويقولون ان البنات كانوا في اوضاع مخله بالاداب ........
امل : اعوذ بالله هو اسمه سيف .........
ندى : ايه اسمه سيف عوا ض ال.............تقول خديجه تعرفه وتعرف اخلاقه لانه من جماعتهم وتقول الله يحفضنا من سمعته زي الزفت في القبيله ........
امل : الا حبيبتي ندو انتي وش دراك لا تقولين بالجرايد لاني فتحتها كلها وما لقيت شي .......
ندى : انا ي عمري عرفت عن طريق اخوي يحكيني عن واحد من اصحاب ابوي يعمل بالهيئه وعن صاحبه الي بمركز الشرطه الي كلهم اكدوا انه له سوابق في هالمجال ........... وحتى خدوجتي قالت لي هالسالفه ........ في البدايه انا ما صدقت الين سالت وحده من نفس القبيله وقالت لي واكدت لي كلام خدوجه ......... وعاد دوجدوج ما تكذب انتي تعرفين اخلاقها زين ............
امل : ايه بنت والنعم فيها ........
في جهه ثانيه من المدرسه ......
كانت خلود وشروق يسالفون في نفس السالفه وقدام شله فتانه تحب تنقل الاخبار
شروق : اعوذ بالله ....... الله يستر على خلقه .........
خلود : ايه الله يستر على خلقه ....... خلاص خلينا نغير السالفه اخذنا اثام لين قلنا بس .........
وفي فصل من الفصول كان دور نجود وخديجه وعهود الي اقنعوها بالزور بعد كم صيحه من نجود .......
وقدام المقصف عهد وساره ........
وفي الحمامات كانوا بنات من شلة نجود وثقه عاد " تدري انهم فضيحه عشان كذه قالت لهم تبي الخبر ينتشر باسرع وقت " كانوا يسالفون بالسالفه وهم يضنون انها صدق ما يدرون انها خطه من خطط البنات تحت شعار نعم للعوانس ........
كانوا البنات مخططين انهم ينشرون الخبر بين المعلمات والبنات وهم مركزين على مكان تواجد اكبر كميه من الفتانات يعني قدام المقصف شله وفي الحمامات شله وفي الفصول شله وفي زاوية الحوش كانوا اكبرشله ...... انتشر الخبر بسرعة البرق ودق الجرس وطلعوا على الفصول ....... وهم طالعين مع الدرج سمعوا صراخ من غرفة المعلمات والبنات كانوا متجمهرين قدامها يطالعون ايش اللي صار .......... هبلة العربي طاحت مغمى عليها من الصدمه وجا الاسعاف ونقلها على المستشفى .........
عند البنات .........
خلود : بنات احنا وش سوينا ..........
عهد : تصدقون والله حرام الي سويناه من جد حرام الحرمه صح انها شريره بس احنا وش دخلنا بحياتها الخاصه .......
عهود : والله اني خايفه يصير فيها شي ونروح فيها .........
سارة : ي ذكيه وش دراهم انا احنا الي نشرنا الخبريمكن أي احد ثاني .........
امل : بس بنات والله حرام اذا صار فيها شي ضميري بيعذبني ........
: لا والله تو ما صحي ضميرك انتي وهيه ........
انصدموا البنات من صاحبت الصوت ........... لفوا وجيههم وشافوا الي مو في الحسبان صدمه دهشه عجزت الكلمات عن الخروج .........

النهايه

رد: صندوق ذكرياتي يفتح

أوف أوف

ويش ذي انذاله في البنات. والله حرام

واختي. بدايت قصتك. حلوه. بس يا ريت. تكون. في موضوع وحد حتى نكون. متواصلين

وصراحه. اكثر شي يعجبني. في الرويه. اهي. قصة ماجد

وشكرا

صندوق ذكرياتي يفتح

*****************
البارت السادس ..........
: لا والله تو ما صحي ضميرك انتي وهيه ..........
انصدموا البنات من صاحبة الصوت .......... لفوا وجيههم وشافوا الي مو في الحسبان صدمه دهشه عجزت الكلمات عن الخروج .........
: وش فيكم تطالعوني كذه .............
البنات كلهم صرخوا بصوت واحد : اريج .........
اريج : هههههههههه...... والله اشتقتلكم .......
قاموا البنات كلهم وضموا اريج معاد خلود كانت تناظرهم من بعيد ولا كأنها تعرفهم ......
لفت اريج على خلود وهي تقلها : هيي خلوده مشتقتي لي ي دبى افا وهذا وانا صحبتك .......
ضمتها خلود وهي تقول : اله اشتقت لك ....... بس انتظر متى يجي دوري وتخف الزحمه .........
اريج : هههههههه ..... وينك ي القاطعه معاد سمعنا عنك شي يعني افتكيتي منا يوم سافرتي ......
خلود : ايه .......
ضربوها البنات بقوه وهم يصيحون عليها : اوى يئويك ان شاء الله ....
ندى : اه ي الجاحده وهذاني عازمتك على حسابي امس .....
امل : وانا ضامتك او ما جيتي ..........
ساره : وانا خاقه معاك على البزر المهايط ذاك .........
عهد : انا ماسويت شي بس يله قاطه وجهي على يعنني معاكم في السالفه ......
شروق : وانا اوصلك اخبار المتعسه كلها خدمه 24 ساعه .......
اريج ضحكت على جنان البنات وشكلهم الي تنرفز وسبب رعب لخلود : بنات وشبكم قمتم علي ترا دعابى على قولة اخوي مناحي بن مطلق .......
ندى : بلا مناحي بن مطلق بلا عايض بن مسفر كلكم سواء في النصب والاحتيال......
خلود : حشا الي يسمعك الحين يقول عني مروج مخدرات .....
امل : اه ي الكذابه مروج مخدرات بس الى حشيش وافيون واحتمال يكون كوكاين ....
عهد : وشمه بعد ...... لاتنسين ان اكبر تاجر لها بالعالم هيه .......
خلود : اقووول لا يكثر بس " ولفت على اريج وهي كاشته فيهم " ايوه ي الخاينه كيف تتزوجين وما تقولين لي ......
عهد تهمس لامل : ويعني اذا قالت لك وش بتسوين ....بتفزعين معها يعني .....
امل تضحك بشكل هستيري والبنات ضحكوا كمان لما سمعوا كلام عهد ........
وخلود الي طرطعة من كلامها لفت عليها وهي تقول : لا اباخذه منها .....وش رايك يعني ......
ساره تهمس لعهد : والله وعجبني ردك ......
عهد تهمس لساره : اجل تبينها تكشت فينا وتحقرنا واسكت .... لا وانا بنت ابوي ......
كملوا البنات سواليف وضحك وطقطقه على اريج الي كانت تحكيهم عن شهر العسل والي صار فيه وخجلها اللا محدود من محمد وكلامه الي ينقط عسل وهي من حيويتها مطنشته وما تبي تسمع غزله فيها لانها موت تتستحي ........
*******************
كان تعبان ومره هلكان وحاس بضيق لان ما صار له طالع من المستشفى الا نص ساعه وحتى الدكاتره كانوا رافضين خروجه وسفره لان حالته ابد ما تسمح له بالسفر بس ماجد اذا حط شي براسه يسويه يعني يسويه ..........
جالس في غرفته فيها كل شي يحبه من العابه واغراضه واشيائه العزيزه عليه كان يذاكر ومشغول بمذاكرته خاصه لما وعده ابوه انه لو نجح بياخذه مكان عمره ما كان يحلم فيه وبيجيب له كل الي يبيه خاصه انه فاشل في الدراسه ولعوب ومشاغب بدرجه كبيره في المدرسه ودايم يسوي مقالب في المدرسين و24 ساعه ابوه او زوج خالته مستدعينهم الادارة كان مثل الجني ما يهجد...... بس لما وعده ابوه بشي وما قال له وش هالشي اشتغل فيه طبع اللقافه لازم يعرف وش هالشي وياخذه ...... نجح وجاب شهادته بتقدير جيد وفرح ابوه فيها لان ابنه دايم مقبول وينجح بالدف وقرر يسوي له حفله عشان ينبسط ويفرح بولده و يشجعه على انه يستمر على هذا الشكل ........ في يوم الحفله جاء كل اقاربه واصدقاء ابوه في العمل حتى اصدقاء الدراسه جو وهم اعز الناس لابوه كان ابوه طاير من الفرح بشوفة اصحابه وبنفس الوقت مستغرب جيتهم صار له اكثر من 7 سنسن ما شافهم او سمع عنهم الا احبار قليلة وكمان كانت اخبارهم توصله من الجرايد والمجلات ...... عدت نص الليله على خير من دون أي مشاكل بس الي ما كان في الحسبان الي صار ......اصحاب ابوه دارت بينهم مشاكل مع ابوه وكانوا يتوعدونه ويهددونه وانهم رح يحولون حياته لجحيم اذا ما وافق على طلبهم بس هو كان رافض ومصر على رفضه وانه لو يذبحونه ما سوى الي يبونه ....... خرجوا اصحاب ابوه من عنده وهم معصبين ونياران الغضب مشتعله فبهم متوعدين لابوه وناوين عليه بمصيبه ...... مر اسبوع على الحفله وكان فيه سفره هديه له على نجاحهه .... هو لاحظ تغير كبير على ابوه من بعد الحفله الي صارت حس ان ابوه فيه شي لان تصرفاته متغيره صار يعصب على اتفه شي وكل وقته سرحان حتى دوامه ما صار يروح له كثير كله يتكلم بالالغاز ودايم يسمعه يكلم واحد ويتهاوش معاه ولما تخلص مكالمته يكون مثل الكبريت المشتعل وده يحرق أي شي ....... في يوم من الايام صارت المصيبه الي كان ابوه خايف منها الي صار هو ......................
فز من نومه ويصرخ : لا
ابو خلود : ماجد ... بسم الله عليك ي ولدي وش فيك .........
ناظره بكل حقد وغضب وده يقوم ويذبحهه بس تمالك نفسه وقال بكل هدوء وهو يرجع شعره على وراء : ابد سلامتك ما في شي بس كابوس .....
ابوخلود عرف ان ماجد يتذكر الي صار ويحلم به و قال في نفس" بس والله الي صار حادث ما كان قصدنا فيه وانا ادري انا غلطنا وغلطتنا كبيره رب العالمين ما يقبلها حتى بس ي رب سامحنا والله انا تايبين لك ومعترفين بخطأنا وان دمرنا حيات شخص بريئ ما له ذنب بالي صار" .......
*******************
انتهى الدوام بالمدرسه والكل حاط يده على قلبه خايفين لا يكون صار بهبلة العربي شي ......
قرروا البنات انهم يجتمعون في بيت خلود ويسالفون شوي ويسهرون الى الفجر ويسحبون على يوم الاثنين غياب وحتى رهف قررت تجي وتشوف اريج وطقطق عليها .........
*******************
وصلوا اهل ماجد على الطايف وراحوا للفله الي حجزها ماجد لهم طبعا الكل كان موجود معاد ماجد الي بيوصل اليوم على الطايف و وائل الي عنده اجتماع بالدمام مع الموضفين بسبب مشكلها حاصله بالشركه ......
رند وداليا كانوا يتضاربون مع زعبول " ماجد الصغير يسمونه زعبول وهو يسميهم الحيتين و التوؤم المختلف " على الغرفه يبون الغرفه الي على الحديقه وهو كمان يبيها .........
رند : هذا وجهي ي زعبول كان اخذتها .....
ماجد : انا ادري ان هذا وجهك اجل ذاك ......
داليا : زعبول لا تستعبط تراك مانك بقدنا ي الخبل ......
ماجد : ههه انا ادري اني ما ني بقدكم اصغر منكم ي العجايز .........
رند : دلول حياتي شكل الطيب ما ينفع معاه ....
داليا تصارخ : اجل هجووووووووووووم ........
مسكوا ماجد وبدوا فيه شغل دغدغه لحتى وافق على انه يعطيهم الغرفه ...... بس الي حطم نفسيتهم مصعب وهو يقول : ي هووه هذي غرفت ماجد لا تحلمون فيها ذحين يجي وي خذها وانتم موت قهر .........
رند وداليا بدون أي اعتراض طلعوا ورند تتافف :أي شي حلو ماجد بياخذه ........ اووووووووف قهر الغرفه مره نايس ........
مصعب صرخ بصوت عالي لما شافهم بعدوا شوي وهو يسكر عليه باب الغرفه : هههاي ضحكت عليكم ي المخفه ........
مويه بارده وانكبت على رند خلتها تصحصح .......
داليا وهي خلاص بتموت قهر من مصعب كيف ضحك عليهم وقدر يلعهم بسهاله .......
جري على باب الغرفه وهم يدقون بقوه وصياحم واصل للشارع : مصعب ي تراب فك الباب والا ..........
مصعب حط راسه ونام وكشت فيهم وفي صراخهم الي ختى البواب سمعه ..........
*******************
بعد ما وصلت الطياره لمطار جده الدولي كانت سيارة ابو خلود الفورد تنتظرهم عشان توصلهم لبيت ابو خلود بحكمة انه بضيفهم ........ اما ماجد كان ما يبي يروح بيت ابو خلود بس غصب نفسه وراح عشان ابو خلود مايشك بشي وانه للحين يمكن يكون ما سامحه وتفشل كل مخططاته ........
*******************
في بيت ابو خلود تجمع الكل من البنات وامهاتهم حتى اخوانهم الصغار حضروا .......في الصاله كانت السواليف بين الحريم عن ايش صار مين الي انخطبت ومين الي ولدت ومين الي ملكة ومين ومين يعني سواليف حريم ........... اما في غرفة خلود كانت السواليف على موضوع واحد الي هو ابلة العربي والمصيبه الي راحوا فيها ......
رهف : بنات احنا خططنا على ان نطلقها مو نذبحها ........ شوفوا من ذحين اقلكم انا مالي دخل .......
ندى : اه ي الخاينه اجل تبيعين صحباتك .......
خلود بيأس : بنات تخيلوا تموت ويسون تحقيق ويعرفون ان احنا الي ذبحناها .......
اريج : لالا ما اتوقع .....وحتى ان صار على ايش بيتهمونكم الحرمه جاها انهيار عصبي يعني عادي .......
امل : لو سألوا بيعرفون انه من الخبر الي انتشر على زوجها وبيحطون اللوم علي نشره ......
ندى : وبيقعدون يسؤلون كل بنت لحد ما يعرفون انه احنا ........
عهد ضحكة بستهزاء : ههه هذا اذا ما كانوا عارفين انه حنا ........
ساره بخوف : صح بنات أي مصيبه تحصل بالمتعسه يدرون ان احنا وراها ..........
اما في حديقة البيت كانت تخطيطات جهنميه لمعركه للا سف الشديد التاريخ لم يسجلها ...... جيش المتمردين ينوي ان يشن هجومه على المسلمين في حصنهم بقيادة القائد الشهم المغوار فهد وجيشه المتكون من " وليد – سلمان – سالم – سديم – سمر – وياسر " الكل متحظر للمعركه وناوين على معركه طاحنه بدؤوا بصرخة المعركه : هيا ........ دخلوا البيت بهدوء تام عشان لا احد يشك بالوضع ولعوا فوق لغرفة البنات وبكل ادب وذوق ي ناسي عليهم دقوا الباب ففتحتلهم نجود .......
نجود : اعوذ بالله ... خير وش تبون ..........
ناظروا لها برائه بعدين تحولت لنظرات مرعبه وبدؤوا الهجوم رشوا البنات بالمويه والبنات يجرون ويصارخون : اه ه ه ه ه ه........
وهم فاطسين ضحك على اشكال البنات وهم يجرون ومغروقين بالمويه .........طلعت ام خلود تبي تشوف وش فيه البنات يصارخون وانصدمت او الاحسن نقول انفجعت من اشكال البنات الي مغروقين بالمويه والكحل سايح على وجيههم وشعورهم مبلوله و مغطيه وجيههم كان اشكالهم ولا دراكولا ........ لفت ام خلود على الي يضحكون وقالت بصوت حازم وهي حابسه ضحكتها : عيال وش سويتم ..........
فهد : ابد ي خالتي بس حبينا نتسلى ........
نجود نطت ومسكت فهد مع ياقته : تتسلى هاه اذا معا علمتك الادب ما اكون بنت ابوي ..........
عهد : صبرك هذا اذا ما علمته قبلك ..... " ونطت ومسكت فهد مع نجود " ........
رهف : ولييييييدوووه تعال هنا .......كيف تسوي كذه في اختك الكبيره ي الي ما تستحي على وجهك .....
وليد ببرائه تمغص : الشيطان لعب براسي بعدين هم اغوني ..........
سالم : لا يالكذاب مين الي جاب الفكره ...........
وليد ببرائه : انا ...........
خلود : خلاص هو اعترف اقضوا عليه ..........." ونطوا البنات كلهم يدغدغونه خلود واريج على سمر وساره على سالم مسكينه باط كبدها وندى على سلمان وعهد ونجود على فهد ورهف وعهود على ياسر وهو يضحك وهي تضحك معاه من جد توحد "
وليد من بين ضحكاته : رهف هههههه خلاص هههههههههه والي يعاف هههههههه كي خلاص هههههههه ....
رهف رحمت اخوها الصغير ودلوع بيتهم بس انبسطت انه ضحك وهو الي من افلس ابوه تشوفه حزين مو على بعضه ولا هو وليد القديم الي ما يمر يوم الا رافع ضغطهم فيه : خلاص بتركك بس قل توبه ......
وليد : ههههه توبه هههههههه
بعد ما هدا الجميع وقعدوا يسالفون مع العيال الي اصروا انهم يقعدون معهم بحكمة انهم طفشوا وما فيه شي يتسلون فيه .... اما البنات لبسوا مناشف جابتها لهم الخدامه عشان يجففون شعورهم وملابس من عند خلود و خرجوا وقعدوا في الصاله الي بين غرف النوم منها تجديد جو وعشان فيه عيال فما يصلح يقعدون في غرفة بنت ........ الكل كان يطلب يشوف فلم يبون يتسلون فخلود استأذنتهم تروح للمجلس وتجيب فلم كانوا يتفرجون فيه العيال ............
*******************
عند باب مدخل البيت دخل ابو خلود وماجد وعبد الله استأذنهم يبي يكلم اهل ويقلهم انهم وصلوا وبيلحقهم .......... ابو خلود اشر لماجد على المجلس وهو يقول له : تفضل ي ولدي على المجلس ابروح اقول للخدم يجيبون القهوه واجيك ......
ماجد : خذ راحتك ي عم .......
دخلت خلود للمجلس تبي تاخذ الشريط من ال DVD ودخل ماجد للمجلس الي اشر له عليه ابو خلود " المجلس له بابين باب على جهة الحريم وباب على جهة مدخل الرجال " خلود كانت لابسه بنطلون سكيني ابيض وبلوزه كت برتقالي مشخمطه بالاسود والابيض وصندل ابيض وشعرها مبلول ورافعته على فوق بشباصه وحاطه كحل اسود وبلشر خفيف وشدو خفيف برتقالي وقلوس برتقالي ناعم ..... اما ماجد كان لابس بنطلون جنز وبلوزه رسمي مخططه بالابيض والاسود وفاتح الازارير الثلاث الاولى وحاط نظاراته الارماني على شعره وبيده جواله بلاك بيري بورش ........

انتظروا التكمله

رد: صندوق ذكرياتي يفتح

الله يعطيك العافيه
استمري ..

رد: صندوق ذكرياتي يفتح

مشكور على. الباره

حلو مشا الله.

بانتظارك

صندوق ذكرياتي يفتح

تكملة البارت السادس .......

دخلت خلود المجلس و راحت على طول لجهاز الDVD بدون ما تشوف او تنتبه للي واقف عند الباب وحاط عيونه على جواله البلاك بيري بورش يقرأ رسالة وصلته من دون ما يلاحظ الي دخلت المجلس او حتى يلمحها ....... رفع راسه لما سمع صوت احد تتأفف : اووووووف منك ي نجود ما بقيتي شي صاحي بالبيت .........
ظل يطالعها بنظرات اعجاب وهو مفهي فيها........ اما هي حست باحد يطالعها وكانت تضن انها تتوهم فرفعت راسهاعشان تتاكد اذا فيه احد غيرها بالمجلس ولا لا .......... صدمة ....... خوف ........ تجمدت مكانها ....... انهبلت ........ تمنت الارض تنشق وتبلعها .......بس كل الي كان يخطر على بالها " من ذا وش جابه هنا يمه نظراته تفجع وش فيه يطالعني كذا " : ا....ا ....
لما انتبه على نفسه صد بسرعه عنها واعطاها ظهره وغمض عيونه بقهر وحقد ونيران الكراهيه تسري بدمه ........
هو لما صد عنها واعطاها ظهره فركت من مكانها باسرع ما اعطاها ربي تركت الشريط والجهاز وحطة رجلها متفشله لا يكون واحد من الي يشتغلون عند ابوها او شي وميته خوف لا يعلم ابوها بالي صار والله ليذبحها بحكمة انه يغار عليهم وما يحب احد يشوف محارمه طلعت بسرعه فوق عند البنات و شافتهم جالسين يسالفون ويتقهون حتى انهم ما انتبهوا لها دخلت بسرعه على غرفتها وسكت الباب بعدها وسندت ظهرها عليه وحطت يدها على قلبها وهي تتنفس بسرعة من شدة خوفها وارتباكها طار عقلها لما سمعت صوت الباب يتخبط " ي ويلي لا يكون ابوي والله ليذبحني او انه بيهزأني ..... ي ربي وش اسوي " : مين ؟؟
: انا اريج افتحي الباب ........
حست براحه وطمأنينه وتنهدت بقوه وفتحت الباب لاريج .......
اريج : وش فيك .....
خلود بارتباك واضح : هاه ما فيني شي .....
رفعت اريج حواجبها وطالعتها بنص عين : خلود انا صاحبتك اعرفك زين اذا فيك شي قولي لي شفتك طالعه تركضين مع الدرج وشكلك مو على بعضك " قالت لها بصوت كله حنيه يحسس الواحد بالراحه " صدقيني محد يفهم عليك كثري فخلصي وقولي لي من الاخر قبل ما اخليك تتكلمين بمعرفتي .......
خلود خافت من اريج انها تجمع البنات وتقلهم ويمسكونها اسئلها واعترافات : خلاص خلاص بقلك .... انا يوم رحت اجيب الفلم الي بجهاز الDVD الي بالمجلس دخل علي واحد ........والمشكله اني قد شفته من قبل بس ماني متذكره وين وخايفه يكون واحد من الي يشتغلون عندي ابوي او ولد واحد من اصحابه ويقول لابوي ......
اريج : طيب كملي ........
خلود : وش اكمل هذا الي صار .....و لا غير كذه شافني بهاللبس الفاصخ ........
اريج تضحك على شكل خلود الخايف : ههههه طيب بس لبسك مو مره فاصخ ......بس ما قلتيلي هو خقه ......
خلود : تصدقين ما انتبهت .........
دخلوا عليهم البنات دفعه وحده وهم يقولون : على ايش ما انتبهتي ......
خلود انهبلت هذولي وش جابهم لا يكونوا سمعوا شي والله لانجن ..........بس انقذتها اريج وهي تقول : سالتها اذا انا نحفت او لا فقالت لي ما انتبهت .........
البنات منهم الي صدق ومنه الي ما صدق وكان اولهم نجود .........

********************

في مجلس الرجال دخل عبد الله وشاف ماجد مسرح وفي عالم مو عالمه كان يناديه ويكامه بس هو من جد مو معاه ...............
ماجد يفكر في البنت الي شافها هو شافها من قبل ولا مشبهه عليها .... جلس يفكر ويفكر وهالبنت كانت شاغله عقله وتفكيره و انتبه ماجد على صوت عبد الله الي يناديه : خير.......
عبد الله : علامك ي اخوي وش فيك .........
ماجد : ابد سلامتك ي الحبيب ما فيه شي .......
كان عبد الله بيساله اذا الموضوع له عللاقه ببوه بس قاطعه دخول ابو خلود وهو يقول : ي حيا الله من جانا تو ما نور البيت ...
ماجد : منور باهله .......
وقعدوا الرجال يسالفون عن الشغل ويتكلمون فيه وعن المشاريع الي بينفذونها ..........

*****************

في الصاله عند البنات الي قرروا يكنسلون الغياب و يرحون يوم الثلاثاء المدرسه عشان ما يشك احد فيهم ......
ندى : بنات انا ابي اروح السوق بكره احد بيجي معاي ......
ساره : و الله كان ودي بس مشغوله ........
عهد بنبرة استهزاء : ايه مسكينه ساره ما عندها وقت تحك راسها .....
ساره بنبره تقهر عهد ودلع : ايوه شفتي ي عهودي خالي عبود راجع عشان كذه ما اقدر اروح واخليه ........
عهد لما سمعت اسم عبد الله تجمدت مكانها وفز قلبها وبدا يدق بقوه : مشاء الله عبد الله بيرجع متى ........
ساره عرفت تاثير اسم خالها على صاحبتها : اليوم ان شاء الله " ولفت على البنات وهي تكلمهم " بس ما اوصيكم تعالوا عندي عشان نحتفل ونستانس برجعه عبادي .....
البنات كلهم يحبون عبد الله ويبونه بس يعطيهم وجه لانه على قولتهم عذاب : ok
ساره : وجع ما صدقتم احد يقول لكم ي المخفه كل هذا عشان خالي ........
رهف رمتها بالمخده وهي تقول لها : مدامك ما تبينا ليش تعزمينا ..........
ساره ماسكه ضحكتها : حسبتكم ذوق وتقولون ما نقدر مشغولين ........
امل : اقول لا يكثر خلاص الي صار صار وحنا جاين الكل موافق .....
صرخ الكل : موافقين .........
امل لفت على خلود : ي هوه بتروحين معانا ولا لا ......
بس خلود ما كانت معاهم ابد تفكيرها كان في مكان ثاني مع الشخص الي شافته بالمجلس تحاول تتذكر شكله وصورته بس قطع عليها تفكيرها فيه شي يالم خبط فيها لفت وهي معصبه شوي و تنفجر : ويعه مين هالي تستضرف ان شاء الله .....
البنات من شافوا شكلها المعصب وهم يفركون لصاله الي تحت عند الحريم " جري على الدرج " ..........

******************

في مكان ثاني
جالس بسيارته الرياضيه الي كانت بالون الازرق والابيض " طبعا عشان الهلال ما هو هلالي متعصب " مشخل اغية ايام السراب لراشد الماجد ومرجع كرسي السواق على وراء ومنزل الكاب على وجهه وغاط بالنوم ما صحي الا على صوت رائد وهو يقله : ولد قوم يله مشينا .......
حامد بصوت كله نوم : انت جيت .........
رائد : لا احتريك .......
حامد : ههه ي خف دمك ..... اقو ل ماني فايق لك انت واستهبالك سك الباب خلنا نمشي ......
رائد سك باب السياره : اقول حامد وش عندك معاد تكلم مشاعل...........انت ساحب عليها ........
حامد : لا بس البنت هي الي معاد تبي تكلمني .......
رائد : افا ليش ان شاء الله .........
حامد : والله ما ادري عنها بس فكنا والي يرحم والديك من سيرتها تكفى .........
رائد حس انه ضايق حامد بكلامه بس وش يسوي بيطمن على صاحبه ورفيق عمره صار له كم يوم متغير وما يدري وش السبب ...........

**********************

عبد الرحمن : اقول ي جماعة الخير ما كان رائد وحامد سحبوا علينا ......
رعد : ي الله ي عمي انت ما همك بالدنيا غير بطنك .........
حمد : اتق الله في نفسك الاكل الي تاكله وين توديه .........
عبد الرحمن توسعت عيونه : هب هباك الله انت وياه وش دخلكم اكل من حلالكم شي تراني دافع زي زيكم في القطه .......
حمد يكلم رعد ويطالع بعبد الرحمن بنص عين : يقول دافع زيه زينا هههههههههه ..........
رعد يطالعه بسخريه : ي قلبو ...........
عبد الرحمن كان بيقوم ويعطي كل واحد منهم بقس في خشته بس رائد وحامد انقذوا الموقف بدخولهم : ربي جابكم ...... وين العشاء ......
رائد حاب يلعب باعصاب عبد الرحمن شوي : ما جبنا ولا عشاء ......
عبد الرحمن صرخ بصوت عالي : ليييييييييييييييييييييييييييييييه .......
رائد : كذه ياخي لقينا المطعم زحمه فرجعنا .......
عبد الرحمن : مشاء الله وش تبونا نتعشاء ذا الحين ..........
حامد : انا عني ما ابي عشاء ...........
رعد فهم قصد حامد وانه يبي يطلع عيون عبد الرحمن : حتى حنا ما نبي واذا جعنا البقاله جنبنا نجيب جبنه وعيش مافي مشاكل .........
هنا عبد الرحمن كان بينصرع الا بطنه فوق كل شي : انا عبد الرحمن صالح ال....... تبيني اكل جبنه و عيش .......
حمد : اجل موت من الجوع محد بيعطيك وجهه ......
عبد الرحمن طلع جواله وهو يقول : لا انا موب ميت من الجوع ذحين ادق على المطعم واطلب لي ذاك المندي الي يرد الروح ........
العيال توسعت عيونهم وتجهت انظارهم لعبد الرحمن ..... رائد : صدق انك دب لا دق ولا شي جبنا لك عشاء .........
عبد الرحمن بعدم تصديق : وينه .......
حامد : تركناه في السياره ........
عبد الرحمن : ليش ما جبتوه معاكم .......
حامد : بننتضر طلال يقول جاي .........
عبد الرحمن : اف من هالطلال دايم يتاخر وانا الي اروح فيها .....
رعد صرخ فيه : ي الدب اصبر موب ضارك شي ........
طلال وصل ودخل المجلس الي جالسين فيه الشباب وسمع كلام عبد الرحمن ورعد وراح عند عبد الرحمن وقعد جنبه وهو يقول له : افا ي خوي اجل انا دايم معذبك انت وكرشتك من عيوني معاد بتاخر مره ثانيه .........
العيال ضحكوا من الي قدامهم وفطسوا ضحك وما قدروا يمسكون نفسهم

*********************

في فلة ماجد الي استاجرها ......
دخل البيت بوقت متاخر بعد ما اخذ له كم لفه في الطايف بعد عزيمة ابو خلود ...... لقي الكل نايم فما حب يزعجهم وهو بعد كان مره تعبان وفيه نوم طلع فوق على جناحه الخاص الي بالدور الثالث ..... دخل غرفته وكان هلكان وده ينام بس ما قدر ينام وباله وتفكيره كله عند البنت الي شافها في بيت ابو خلود تمدد على السرير بعد ما بدل ملابسه بس النوم مجافيه ومو قادر ينام كان وده يعرف من هالبنت الي اخذت عقله وتفكيره مين اليشافها هو شايفها من قبل ولا مشبهه عليها مين هالبنت الي اخذت عقل ماجد راشد ال........ الي ما احد قدر ياخذ عقله و شغل باله تنهد بضيق وملل وهو يقوم من على السرير وراح لمكتبه دخله وسكر الباب بعده و جلس على كرسي مكتبه الفخم وفتح خزنته الي كانت جنب مكتبه فتحها وطلع منها ملف اسود كبير قعد يقلب في اوراق الملف وقف عند صفحه يتامل الصوره الي فيها مو مصدق الي يشوفه مستحيل يكون الي بباله مستحيل تكون هي مستحيل تكون خلود بنت فيصل مستحيل ..........


نهاية البارت

رد: صندوق ذكرياتي يفتح

الله الله

وبعدين. ويش بيصير

اختي الباره. حلوه

وواضحه حيل

متحمس معها. وياليت. تقوالين. متا. تنزيل. البارات

متابع

رد: صندوق ذكرياتي يفتح

ان شاء الله هذا الاسبوع

رد: صندوق ذكرياتي يفتح

طيب. بانتظارك. اختي