تويت
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
عوافي طب طب
البارتات حلوه
مشكوره حبيبتي ..
عوافي طب طب
البارتات حلوه
مشكوره حبيبتي ..
-
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
واو
الروايه جنان
يسلموووووووووووووووووووو
ياجنجن متابعه لك
ياليت تنزلي بارت اليومتعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
منورات حبيباتيتعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
فيصل ألتفت له وقال:ممكن شاهي لو سمحت.
سعود:ابشر خمس دقايق وهو عندك وحقره وطلع سعود للجناح هشان يشيك على العمال
اما فيصل إسترخى على الكنب وقال:من قدك يافصول ومالقي غير البربيكان قدامه ورفعها وشرب منها وقال بنتعاش
:هههه غزل هي حياتي
الب الثاني عشرارت
**************************
سعود طلع الدرج وراح للجناح وأعجب وماقدر إنه يدخل لأنهم كانوا يرصون الرخام والسقف تقريبا إنتهى بس لزومله تلوين وصار يحط إصباعه على الجدار كالعاده المعهوده للكل والجميع>>> أموت وأعرف السبب ليه؟؟؟
أحتاست يده وبسرعه رفعها وصار يمسحها بيده الثانيه !!
سعود ماتكلم معاهم ولا كلمه لأن الشغل صراحه كان جبار وكتفى وقال إمتنان لهم:عصير ولا شاهي؟؟
رد المعلم عليه وجبينه كله عرق :اللي يجي منك كله خير ,,,ونطقها بالهجه المغربيه.
سعود:الله يعطيكم العافيه مشاء الله أنجزتوا الشغل تقريبا.
المعلم:ايوه والعصر بكره بالكثير وكل شي منتهي.
سعود:بجد ماقصرت الله يعطيك العافيه.
ونزل من عندهم وطلب من الخدامه تسويلهم شاي وعصير برتقال ومويه بعد
وتسوي شاي لهم ..
^^^^^^^^^^^
أمان شافت ان الساعه قريب عشره وبسرعه دقت على أمها...
أم سعود:نعم!!
أمان:هلا يمى شخبارك؟
أم سعود: الحمدلله فينك!!
أمان:أنا بالحكير لاند والسايق بره وسعود ماسأل عني؟؟
أم سعو: لا قلتلو انك معي.
أمان:الحمدلله وربي مايحرمني منك وأنا الحين بروح البيت وقول له إني طفشت من بيت خالتي
وانتي تبين تقعدين وتطولين عندها.
أم سعود:لا لا لتروحين البيت هو مليان رجال وسعود بلغني إننا مانيجي البيت إلا بعد إتصال منه
بعد مايخرجون العمال.
أمان بتحلطم:وأنا ماقدر أجلس هنا صحباتي خلاص بيرحون هم بعد.
أم سعود: مادري عنك ودبري حالك!!
أمان:يمى إنت وش قاعده تقولين؟؟
أم سعود:إذا تعالي هنا على بيت خالتك نوره.
أمان:وع إنتي عارفه إني ماطيقهم!
أم سعود:شوفي لو ماتيجين اللحين ياقليلة الذوق على هنا صدقيني راح أدق
على سعود وعلمه إنك من اليوم وانت داجه في الشوارع.
أمان بضيق: يمى!!!
أم سعود:مثل ماقلتلك ولاتكثرين معي حكي انت عارفه اني ماطيق الهذره بالجوال مع السلامه.
أمان :يمى يمى !!
أم سعود:وش بغيتي أخلصي!
أمان بقهر:إنت عند أي وحده فيهم.
أم سعود بلهد:قلتلك خالتك نوره وشغلك عندي ,,وقفلت الجوال في وجهها.
أمان لا حول ولا قوة ومثل ماقلتلها أمها راحت سيدا على بيت خالتها نوره وتذكرت إنها
مو ذيك الكشخه لانها كانت عامله لوك الكووول مثل صحباتها لكن مع بنات خالاتها غيرررررر
تموت وتكون قدامهم رزه وتحب تتكشخ بجمالها عندهم لانهم هم بعد انواع الحقد معاها وقالت يتنهيدت قهر:هذا كله منك ياسعود!!
^^^^^^^^
سعود بعد ماطلب من الخدامه الشاهي لهم جلس على الكنب :أخبارك يالطيب
فيصل طالع فيه وكان التحليل بين الشوطين يعني راح يزهق وانجبر على الوضع وقال:
الحمدلله وإنت علومك؟؟؟
سعود بإبتسامه :تسرك.
فيصل حس ان في تقدم بين علاقة سعود و(وله) :الله يجعله دووووم.
سعود وهو يحط صباعه على جبينه ويقول:أنا أعتقد إنك جيتني بحاله مايعلم فيها إلا الله
وخرجت من هنا ورجعتلك وإنت تصارخ على المباره خير فيصل؟!
فيصل قصر صوت البلازما وطالع فيه وقال بهدوء: فين الشاهي!!
سعود ماوده يعلق وطالع وراه ورجع قال: جايك بس كلمني خير صاير شي؟؟
فيصل يقلب بالريموت وقال:أنا ماتذكر إنك أشتركت بالجزيره الرياضيه وال art
بس تصدق أستانست عليها لاني اموت فيها.
سعود تنهد وقال ببرود:مب أنا عزوز اللي مشترك فيها.
فيصل عقد حواجبه وقال:والله كبر وصارت عنده علوم إلا على فكره هو فينه
الداشر ماشوفه؟!!
سعود إبتسم وقال:عند خالتي وقبل وصيته بشغلات ومثل خبرك هو .....
سعود مسك الطفايه اللي عنده ورفعها وقال بقهر:تتكلم ولا أقبع هذه بوجهك.
فيصل ضحك وأخير جلس على أطراف الكنب وصار يطالع الارض:سعود إنت بتتزوج بعد بكره
بس أنا ....... ورفع راسه وهنا ملامحه كانت جامده:ملكتي بطول للصيف وأنا أحب أغزل لكن هي ماتبيني أزورها وأتوقع إنها تخاف من شي وأنا وربي ماحبيت أقولك شي لكن مالي غيرك والحيره
ذبحتني وأنا خوك وحبيت أخذ رايك ..
سعود:انا مو فاهم شي.
فيصل علق نظراته بسعود:أحسها ماتبي قربي!
سعود تذكر غزل وجرائتها بل وقاحتها وخاف إن غزل فيها شي وستحاله يكون خجل منها
وشك أخيرا بشي ثاني يوم تذكر خجل (وله) وأكتشف وقال:من جدك إنت!
فيصل بلع رقيه:مادري سعود لكن بس احسها تبي تعتذر مني كل ماقولها أبي أزورك!!
سعود وهو يطالع فيصل بحده:إنت جريئ معها؟؟؟<<<سلامتك يابو سعديه!!
*********
أمان وهي واصله حدها من الموقف اللي صارلها لانها كاتنت تتوقع هذا اخرشي
تنحط فيه ,,وأخيرا دقت على أمها..
ام سعود:نعم!
أمان: انا قريبه من البيت خلي احد يفتحلي الباب.
أم سعود:البزارين كلهم في الشارع وأكيد الباب مفتوح
أمان بزعل:زين مع السلامه.
ورجعت قالت بقرف:أمحق عائله.
وفعلا لحظة ماوصلت البيت كان مليان اطفال بجميع المقاسات عند الباب قربت من واحد منهم تقريبا سبع سنوات كانت متأكده إنه من عيال خالتها نوره وقالت :شسمك ياقمر؟؟
طالع فيها وهو بالطبع مو عارفها لانها أخرمره دخلت بيتهم بعيد الفطر
تكلم وقال:أنا عمر
أمان مسحت على شعره الناعم والطويل:حبيبي عموري ممكن تشوفلي طريق لفوق
عمر :هذا هو البيت عندكم امشي سيدا وبعدين يمين وإلا الحريم بوجهك.
أمان بتحلطم:هيا عاد شوفلي طريق لحمامات الرجال وماتدري اذا فيها أحد
عمر وهو يميل فمه للتأكيد:لا اليوم بس عزيمة حريم وتعالي بسرعه وراي.
أمان:اوووف مابغيت!
ورجع للاطفال وقال بصوت عالي:لاتلعبون انتظروني ذحين راجعلكم بعد مادل الطريق للنشبه ذي
أمان:................؟؟؟!!
ودخل البيت وأمان تمشي وراه!!
عمر دخل الصوالين وشغل النور وقال شوفي الحمامات من هناك.
أمان طلعت برينجلز من شنطتها:خذ عموري.
عمر طالع فيه وبعدين طالعها :لا أنا ماحبه.
أمان بضحك:وانا بعد ماحبه بس شرايك تودي لصحابك
عمر أبتسم وأخذه منها :شكرا
أمان:تحت أمرك ياسمو الأمير,
وخرج من عندها وهي راحت للمغاسل وشغلت الانوار..
وصارت تحوس بينفسها شعرها مشاء الله ماكان محتاج شي
تركته على طوله وبسرعه فتحت شنطتها وحطت مكياج راقي
بعد ماغسلت الهبال اللي كان في وجهها مثل صحباتها وركبت عدسات خطيره
لونها اخضر بالرمادي ..
ومثل الصاروخ لبست بلوزه قطني ناعمه كت لونها فوشي وفيها رسمت بنت بالشاموه الاسود
وعليها فصوص ناعمه من مانجو كانت مخذتها من غرناطه
ومن حسن حظها كان عليها جينز فاتح لوويست وحزام وصندل راقين.
ودقت على السايق وطلبت منه يرسلها عمر,,, خمسه دقايق بالكثير وعمر عندها
أمان حست بأحد منتح فيها ولفت:هلا عموري بسرعه حبيبي خذ هذه الاكياس
وخلي السايق يحطها عنده بالسياره.
عمر مثل ماقلتله وتركها,,,أمان:ههههه ياحبي لك.
أمان اخيرا فتحت شنطتها وتعطرت حيل من عطرها مس ديور..
وكانت تطالع بحالها بالمرايه كانت جنان لانها تشبه سعود ولكنها على أنوثه صارخه
وصارت تعدل بالروج لزوم الاناقه على أخر شي,
ومدت يدها وقفلت الإضائه وكانت تستعد للخروج...... إلا صارت تسمع صوت ناعم ورخيم
في الصالون:ماعليك أنا الأن بحملهم لكن من الأنا بلغك ترى الهاردسك مليان.
إيه إيه خلاص هو جاهز ياله ثمان الله..
&&&&&&&&&&&تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
فيصل المسكين وهو يجاوب سعود :لا لا أنا عادي معها يمكن جريئ بالكلام لكن غير كذا
ماصار شي!!
سعود:متأكد.
فيصل:ولي خلقني مثل ماقولك.
سعود عرف إن غزل تسوي نفسها ثقيله عليه أو عندها شي ثاني وودها تأجل كل شي بوقته..
سعود:صديقني فيصل هي مافيها شي وتحبك وتموت على قربك لكن هي عندها شي!!
فيصل ببلاهه:مو فاهم عليك ؟؟؟
سعود يبي يطمنه:يعني تسوي عليك ثقيله عشان تتعلق فيها أكثر لأانها لاحظت إنك ميت عليها
وطايح عندها... سعود كان كلامه بذكاء.
فيصل سكت خمس دقايق وبدهاء اكثر قال:ليه هو العكس معك.
سعود نصدم:نعم!!
فيصل بإبتسامة مكر:هي (وله)ميته عليك وعلى قربك وإنت تسوي ثقيل عليها,
سعود كان يطالع متنح وفيصل لمح لمعة بريق بعين سعود إنه كشف شي من زياراته ل(وله)
فيصل:يابن اللذين كيف تمسك نفسك إنت!!
سعود قام وقال:الشاهي خلص لحظه أجيبه لك.
وكان يبي الفكه من فيصل!!!
فيصل قام ووقف بطريقه وضربه من أكتافه وبمكر:بجد صار شي سويت شي.
سعود بزعل:كل تبن ومو انا اللي اسوي اللي تقصده وانت عارف ذا الشي.
ومشي من جنبه !!
فيصل راح وراه وبسرعه خنقه بيده على رقبته ولف اليد الثانيه على خسره وضحك وقال:
أموت أنا ياجمس بوند مؤامرات عليها وصدفه تطيح في غراما ههههههههههه.
سعود نقهر من فيصل وبسرعه لف بجسمه وكان يحاول يفك نفسه إلا إن فيصل ماسكه بقوه
سعود رفع ركبته وضربها بقوه في بطن فيصل وفك حاله منه إلا فيصل يحط رجله على رجل سعود
ولفها عليها وسعود هنا ماقدر يسوي شي لأنه لابس ثوب وبقوه طاح على الأرض ,,فيص مثل الصاروخ طلع عليه وحط ركبته على صدر سعود وثبت يدينه بالأرض وقال:إعترف وش سويت؟
سعود:قم عني كسرت ظهري.
فيصل:اول قول اش سويت معاها وأنا أتركك.
سعود كان بيحلف وقال:والله إني............
وبسرعه سكت يوم تذكر بوسته واحضانه ل(وله),
فيصل وهو سكت ورافع حاجب وبهدوء:وربي منت بهين ومسويلي فيها نكد وهم وغم
وإنت ذايب بالغرام.
سعود بثقل:فيصل ظهري مو حاس فيه.
سعود رجع طالع الباب اللي ورا فيصل وقال:يمى مين جابكم؟؟؟؟؟
فيصل لا شعوري ألتفت لورى إلا سعود بسرعه قام على حيله ورزع فيصل
على الارض وثبت يدينه برجوله وقال:أولا مالك خص ثانيا عشان ثاني مره تعرف كيف تتصرف
مع الجنس الناعم تعبت وأنا علمك لكن للأسف هذا إنت قاعد تدورلك حل ومالك غير الرفض.
فيصل انقهر لووول من كلامه وقال بستهتار:هو إنت مامسكت نفسك مع (وله)شلون تبيني
أمسك نفسي مع غزل.
سعود بسرعه حط يده وخنقه إلا فيصل يقول بصوت متقطع ومخنوق :خلاص خلاص
سعود حرام عليك بموت .
المعلم كان بيكلم سعود على درجات الألوان وبسرعه قال يوم ماشافهم:ياربي ياربي
يأخوي سعود أعوذ بالله من الشيطان ياخوي سعود ,,
سعود حس إن في شخص يحاول يقومه وطالع إلا المعلم شوي ويبكي ويقول:أتركه اتركه وتعوذ من الشيطان الرجيم ..
سعود +فيصل:........................!!
وفجأه هم الإثنين:هههههههههههههاي هههههههههههههه
المعلم:...................؟؟؟!!!
سعود بعد عن فيصل ووقف وقال:نعم وش تيبي!
المعلم:انتم صحاب.
فيصل وهو يمسح على رقبته:كان الزفت بيذبحني.
سعود:ثاني تحترم نفسك
فيصل بيبرد حرته:أول إنت إحترم نفسك مع بنت الناس.
سعود قرب منه إلا فيصل بسرعه يروح ورى المعلم.
المعلم:ههههههههه حرام عليكم طيحتوا قلبي حرام عليكم.
فيصل:وفي بعض الرجال قلوبهم بعد طايحه عند ناسهم.
سعود طالع فيه وحقره وقال :خير معلم عبدالفتاح.
المعلم بهدوء:لا بس انا كنت باخذ رايك بالون الكريمي أو الرمادي..
سعود عقد حواجبه :فين بتكون هذه الألوان؟
المعلم:في القوس اللي يكون فوق السرير.
فيصل يغير صوته وبمكر:معلم ماينفع الأحمر.
المعلم:لا لا هذا مو مرغوب لكن العنابي ينفع.
فيصل:لا صدقني الاحمر ينفع عشان يغلق الناقص وعشان....
سعود بنفاذ صبر:ممكن تمطرنا بسكاتك.
فيصل رفع يده الثنتين بقلة حيله وقال:مثل ماتبي ولا تقول ليه ياعزيزي مانصحتني.
سعود طالع للمعلم وقال:خليه كريمي ... ورجع قال بسوط واطي عشان يفتك من فيصل:أحس
الكريمي أروق كثير وأفخم.
المعلم:إن شاء الله ونحنا باكثير بعد ساعتين راح ننخرج من هنا.
سعود بعد ماطالع الساعه:يصير خير.
********
نرجع لأمان بعد ماسمعت الصوت اللي كان يجيها من الصوالين حطت يدها على فمها وكانت بترجع تفتح النور لكن خافت إنه يدري عنها وصارت ترجع على ورى وخبط جنبها بقوه بطرف المغسله
وتعورت حيل وعظت على شفايفها بقوه عشان تكتم صرخة الألم اللي حست فيها ,,,وهي مو شايفه شي من الضلمه كانت بتحط يدها على مكان الخبطه اللي بجنبها إلا وهي تطيح بيدها كاسات الشموع والكريمات الزجاجيه والعطورات اللي كانت مكملة لديكور المغاسل..
وطاحت وتكسرت أمان لحد هنا وهي مو عارفه وين تلقي وجها ويقالها إنها تبي تمنع الصوت اللي كان يصدر من التحف اللي طيحتها ,,,وكانت المسكينه ترمي نفسها بالتدريج بالهلاك وهي مو داريه..وفجأه حست بألم فضيع من قوته شافت إضاءات قويه كانت كالأسهم أمام عينها بالرغم من الضلام الحالك اللي كانت فيه وأخيرا تركت كل شي على حوسته وصارت تبكي بأنين.
خالد بلع ريقه وأيقن إن المكان فيه أحد غيره مليون بالميه .. وشك إن في أحد من الأطفال يحوس
عند المغاسل وقال بصريخ:مين اللي هنا!!
أمان عضت على شفايفها من رهبة الموقف اللي هي فيه وإلى الان مو عارفه هذا صوت مين!
خالد:يالزفت إطلع ولو جيتك راح أذبجك.
أمان صارت ترتعش لخظة ماسمعت صوت وقع أقدامه على الرخام إنه جاي عليها,
خالد مد يده وشغل النور وصار يطالع بالمكان وهو مجهز حاله إن يحط حرته
بالولد اللي أخره عن خوياه...
وفجأة طاحت عينه على أمان اللي كانت جالسه على الأرضيه والزجاج حولها والمكان ريحته تعج من الروائح الزكيه المختلطه بعطرها مس ديور والعطورات اللي هي ماقصرت وكسرتها وبعد رائحة الكريمات...والأدهى والأمر من هذ كله الدم اللي كان خارج من يدها وحايس أم الدنيا!!
خالد كان مصدوم على الأخر:.................؟؟؟؟؟؟؟؟!!!!!!!!!!!!!!
أمان كرهت نفسها ستين وكرهت وكرهت بيت خالتها زياده وقالت بصياح:أبي أمي إطلع بره
إطلع برررررررررررررررررره.
خالد:مين إنتي؟؟؟
امان:نادي أمي وطلع بره ياحمار سعود سعود ,,,,وتتكلم بصياح :سعود تعال.
خالد فتح عينه وتنح وقال: أمان!!
أمان أنحرجت من وضعها وكشرت بلامحها وغمض عينها من الألم اللي حاسه فيه: يمى يمى.
ورجعت فتحت عينها:نادي أمي بدل تناحتك ذي ياحمار!
خالد فعلا كانت متنح بالملاك اللي قدامه وهي صح تشبه سعود لووول ولكن بنعومه وأنوثه .
**********************
نرجع للمهابيل العرسان...
المعلم تركهم وطلع يكمل شغله اما سعود وفيصل كانو جالسين ويتابعون المباره وكانت على نهايتها ..
فيصل يطالع البلازما وبعدين سعود ورجع يتابع المباره وبعدين طالع سعود وبهذه اللحظه عيونهم
تعلقت في بعض ,, فيصل قفل على فمه بقوه عشان يسيطر على نفسه ورجع للمباره
ولتفت لسعود إلا كان مسمر نظراته عليه فيصل بقوه: هههههههههههههههههههههههههههههههههههههههههههههههههه ه
سعود بزعل واضح:فيصل خلاص ترى وربي مصختها.
فيصل وهو يحاول يسيطر على ضحكته واخيرا سكت وقال:أبشر.
وصار يصب بالشاهي ويشرب !!
بعد عشره دقايق سعود:الرجال الي بالسجن إعترف ان المروج الكبير حقهم هو سلطان الناشي..
فيصل بصوت كالهمس: إيه وبعدين.
سعود يطالع فيه بشتات :مادري!
ورجع تكلم وهو يطالع البلازما:ابوراكان بيأمر بلقاء القبض عليه وهو بطريقه للرياض من مزرعتنا.
فيصل بستغراب لوول : كيف ؟؟
سعود:الخميس الجاي بسوي عزيمه بالمزرعه وسلطان بيحظر العشى وبطريقه للرياض راح...
فيصل يقاطعه وبقوه: و(وله) ؟؟؟؟
سعود لف لفيصل وماتوقع هذا الشي منه وقال بحسره رهيبه:مادري مادري يافيصل مادري!
فيصل حط الفنجال على الطاوله :سعود!
سعود كان يطالع فيه وفيصل لمح شي غريب بعينه ماعمره شافه وقال: انت تحبها ؟؟
سعود ركز عيونه عليه أكثر ولكن ماكان يشوف غير (وله) وماكان يشم غير ريحة عطرها غوتشي
ومايسمع شي بإذنه غير أنا ماودي أتركك وأخاف هذه اللحظه تبدر علي .. تبدر علي ..تبدر علي.
فيصل بثقل :سعود !!
سعود من غير مايحس أبدا أبدا أبدا نزلت دمعه من عينه على خده وبسرعه مسحها وبلع ريقه وماكان يسوي غير إنه يمسح شفايفه بلسانه أكثر من مره لأن كل شي فيه جف وانتهى من إنفجار المشاعر اللي فيه.. وهذا كله بالطبح ماغاب عن بال فيصل!
وكان فقط ساكت لانه محترم سعود ومحترم مشاعره اللي كانت رايحه فيها بسبب القرارات وصعوبتها والمواقف الوعره اللي قاعد يمر فيها بليلة زواجه!
وفجأه سعود إبتسم بألم لدرجة إن البسمه ماتت قبل ماتوصل لعينه وكأنه يقول خلاص لحد هنا أنا ماقدر أتحمل أكثر وصار يتكلم بشتات ذهني وضياع نفسي ويقول:
أنا مو عارف شسوي خلاص بكره زواجي وبعده أبوها يكون بالسجن وأنا مدري ليه أحس أنها تدري عن أبوها وابوراكان يقول خلي كل شي علي وانا أحبها أحبها وهي زوجتي وأنا ولهان عليها وشي أكيد راح يصير كل شي لكن إحتمال كبير أن الموضوع يكبر وأنا في النهايه أكره طوالة لسانها وأكره أبوها لحد الجنون وأكره وضعها وعيلتها بس أنا اموت فيها وعليها ولكن أخاف
إذا صار شي ومقدر على عيشتي معها بالرغم من عشقي لها تكون حامل ويمكن ممسك أعصابي
وأطلقها ووقتها فعلا راح أعيش في الجحيم !! وانا فكرت إن زواجنا يكون على الورق فقط بس وربي إني غرقان لراسي بغرامي فيها وكيف كل شي يكون على الورق بس انا راح اخليها تاخذ
شي بس حرام هي بعد تنحرم من الامومه بس مو حرام علي اني ناوي أطلقها قبل ماتزوجها
تصدق زواج على الورق افضل الحلول لكن انا أحبها وفيها منتهي وهي في النهايه ترها زوجتي
اه ياخوي يوم حظنتها وربي مامسكت نفسي عنها شلون أعيش معها وتركها ولو تشوفها يوم تبكي تنسى نفسك واليله اللي جييت فيها صدقني إن ربي رازقني بملاك وكيف أطلق ملاك بس
هي تدري عن ابوها وانا وقتها راح أعيش معها مثل أخوها وكيف أكون أخوها وانا اموت عليها.
.........تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
.........
فيصل فعلا كان يبي سعود يتكلم ويفصفض لكن سعود الله يهديه قال كل شي ولا بعد صار يتكلم مثل السكران وبسرعه فيصل :سعود الله يهداك أذكر ربك.
سعود رجع طالع بفيصل ومقدر يمسك نفسه وصار يبكي وبسرعه حط يده على عينه وعظ شفايفه
وبصوت مبحوح مليان هم:الله كريم والحيره موتتني والعذاب يقطعني في اليوم مية مره ياخوك!
ونزل يده وأرخى راسه ويضغط عليه بيده لان شويه وينفجر من الهموم اللي راكبته,,
فيصل في نفسه:كل هذا فيك وانت عايش وماتحكي لأحد وانا كنت أظن وكنت أظن إن العذاب فارقك بزواجك من (وله) عشان ترمي ابوها بالسجن أتاري الهم ماعرفك إلا بعد (وله) وضمتك ل(وله)
****
فيصل قام وجلس عنده وحط يده على ظهر سعود وقال:سعود أذكر ربك وصدقني ماعندك إلا كل الخير واللي فيك ترى طبيعي من الارهاق والتفكير وحوسة الملحق ولاتنسى ان لك شهرين
والله العالم فيك عشان القضيه!!
ورجع قال يطمنه:وعندي إحاس قوي ان الامور بتعدي على خير و(وله) حطها بعينك وانا متأكد بعد انها هي تموت فيك وهذا اهم شي ومثل ماقالك ابوراكان إنه يتكفل بكل شي ولي فهمته من غزل إن سلطان بختصار شديد بنته ماتعنيله شي وهي تبادله نفس الشعور أما انت كل دنيتها ياسعود .
سعود تنهد ورفع راسه ورتاح بعد كلام فيصل وكتفى وقال:الله يكتب اللي فيه الخير.
فيصل:سعود قم صلي ركعتين عشان ترتاح بالرغم والله ماعند إلا كل خير ياخوي .
****************************
نرجع لأمان,,,,
خالد بسرعه ستوعب واخيرا وليس بأخرا إن العطورات وروائحها موطيبه لجرح أمان.
وأخذ من الماشيف الصغيره اللي بالسله ورفع ثوبه وجلس على أطراف رجله وحطها على الجرح
وهي كانت ترتعش من الالم ...
خالد بعد ماحط المشفه عليها صار يتأمل جمالها ومبحلق بملامحها وقال:لزوم تروحين للمستشفى الجرح عميق ويبيله خياطه.
أمان والألم بدأ يدوخها لأنها من الأساس كانت مرهقه من الدجه اللي كانت فيها وقالت بعين ذبلانه:كل تبن ودق على سعود!!
خالد إبتسم: كبيرتي حيل وصيرتي مثله.
أمان كانت تحس بالموت وهذا طايح معاها سواليف!!
أمان بدأت تفقد السيطره على نفسها من الألم ومن الصدمه اللي عاشتها من لحظة امها ماأمرتها تيجي هذا البيت إلى دخلة الوسيم خالد عليها بالصالون وبعدين جلوسه عندها وقربه منها وهي بكامل زينتها ...
أمان وهي ماتدري عن نفسها وبالتعب خرجت من الكلمات: سعود أبي سعود
.,,,, وطاحت على حيلها.
خالد بسرعه جلس على ركبه وحط يده تحت راسه عشان مايطيح على الرخام وبخوف وربشه:
أمان أمان
وأخير عرف إنها غابت عن وعيها !!
ودخل يده وخرج الجوال من جيبه بيد تنتفظ ومو عارف يدق على مين قال:ردي ردي ردي
رغد بدون نفس لاحووول ذا وش يبي ورت ببرود:نعم!!
خالد بقوه:رغد فين خالتي ساره؟؟؟
رغد عقدت حواجبها الرقيقه من صوت خالد: ها
خالد صدره يعلو ويهبط من القهر:يالزفت فين خالتي ساره؟؟
رغد: هنا عندنا!
خالد:بسرعه إنت وياها انزلو في صوالين الرجال ...ورجع قال بقوه: بسرعه .
رغد المسكينه مو قادره تتحرك من الخوف ورجولها متسمره بالارض وقالت:زين زين ,
وبالتعب تحركت وراحت مشاء الله عليها بقوة اعصاب ونادت خالتها ساره على جنب: هلا رغد
رغد وهي تبلع ريقها وتحك شعرها ومو عرفه اش تقول : خاله ساره عزوز تحت ويبي منك شغله ويقولك لاهنتي انزليله الان ينتظرك بصوالين الرجال .
أم سعود ببرود: ماعليك منه الظاهر انه يبي يشاورني على البيته لكن هو مصخها قليل الأدب.
رغد وهي تفرك يدها ببعض:لا لا خاله ساره انزليله يبكي ضروري.
ام سعود انقلب وجها مية لون: ليه؟؟
رغد :مادري بيستشيرك بشي ويقولك بسرعه أنزلي عشان لو ماعجبك يمديه يرجعه قبل المحلات ماتقفل,,,
أم سعود ترمش بعينها بستغراب لأن الوقت تقريبا تأخر على المحلات وحست ان فيه شي وراحت تاخذ الطرحه وتحطها على راسها عشان تنزل..
أما رغد صارت تنزل الدرجه أربعه أربعه ,,,
^^^^^^^^^^^^^^
سعود طالع بخوي دربه بكل حب وإحترام :فيصل أنا أعتذر منك لكن كل شي بالدنيا له حدود وعلى قد مامر على بحياتي ماتوقع إني راح أشوف العذاب اللي صارلي بعد ماعرفت (وله)
وهنا انا كل حدودي وخرايطي راحت فيها وماعاد أقدر أتحمل ,,
فيصل حط يده على رجل سعود: إنت بن حلال وبرك بامك صدقني مايروح بلاش ولاتنسى إنك من البدايه ماسويت ذا الشي إلا عشان قلوب الأمهات اللي تتقطع بسبب موت عيالهم بالسموم
وهذا كله بأجره وصار إنك حبيتها هذا خيره لكم بعد لانها هي برضوا عايشه بضياع
وتحتاج من يلمها وحتى لو كانت تدري عنه أعذرها هو ابوها مهما كان ولكن يمكن تكون
بقرارات نفسها ماتحبه ولا هي راضيه عن اللي يسويه واللي أنا متأكد منه مثل ماقتلك
إنها ماتطيقه أبدا وتتضايق موت يوم يكون بالرياض وشي طبيعي انها ماتعترفلك
بهذا الشى عشان تحافظ على صورة كبريائها أمامك...
سعود بعد كلام فيصل تذكر غزل يوم كلمته بحديقة قصر الناشي وعرف ان الكلام هو من الاساس
من غزل,,, وتنهد وقال: الله يجيب العواقب سليمه.
ووقف وقال:أنا طالع اصلي ركعتين ونت خذ راحتك البيت بيتك
فيصل طالع الساعه:خلاص سعود الساعه قربت 11 وضروري أخرج عندي بعض الأمور لأزم أنجزها<<نصاب ماعنده شي لكن عشان يبي
سعود يرتاح من إجتياح عواصف الهم اللي تجتاحه كل ماحس بالراحه والإطمئنان.
سعود بترجي من عوايده:أقول خلك العمال مطولين وانا زهق لحالي..
فيصل مو عارف اشيسوي وده يروح ويخليه يرتاح ووده يجلس ويونسه
لانه اول مره يشوف دموووووووعه...
ومن غير حيله:زين لا تتاخر.
سعود أوئم براسه بكل رضا وطلع ...
بعد عشره دقايق انفتح باب الفله وفيصل صار يكح ورخى راسه إلا عزوز:حركات تتابع مباريات
فيصل ماتكلم لانه كان متوقع أحد معاه...
عزوز بعد ماقرب منه: انا أسف فيصل كنت اضنك سعود.
فيصل وقف وطالع فيه ومسكه من رقبته من ورى وضغط عليه وقال: حلويت يالداشر
عزوز وهو يفك نفسه منه: من يومي حلوههههههه طيب بس فكني ههههاي
فيصل: أحلف
عزوز: شخبارك فيصل ؟
فيصل مو عارف اش يسوي وفيه طاقه وده يفرغها يمكن من الهم اللي ركبه من حال سعود,,
بسرعه مسك يدين عزوز وثبتها لورى ومسك بيه الثانيه شعره الطويل الناعم ورفعله راسه وقال: فين كنت طول الوقت ..
عزوز : عشتوا قلو الناس !!
فيصل:شوف الزفت كمان يطول لسانه علي.
عزوز يغمض عينه ويقول: أي أي أي سعود سعود
فيصل: تعاكس بنات الناس صح؟؟
عزوز:لا لا كنت بكنتاكي
فيصل:وليه ماجيبت معك وصار يشد عليه
عزوز:صديقني محد قالي اجيب معي وانا مدري انك هنا
فيصل:إنت شايف الكزيس براه يعني اكيد في ضيف ومو بقاعد لهذا الوقت إلا ويبي عشى
عزوز بيقهروه:كنت اضنها للعمال اللي فوق..
فيصل: نعم!!
وكان بيوريه انواع التعذيب إلا سعود نزل وقال:متى جيت؟؟
عزوز:سعود الله يعافيك فكني منه.
فيصل ضحك على عزوز وتركه ورجع مسكه بيدينه الثنتين مع راسه وقربه منه
وباسه بقووووووووووه من خده وقال:غالي وربي ياعزوز واخو غالي..
عزوز صار يمسح شعره من كثر فيص ماشده وقال: هذا وانا غالي وأخو غالي كيف لو العكس..
فيصل وهو ياخذ جواله ويحطه بجيبه وشماغه اللي على الكنب وقال:تصدق عاد اللي احبهم هم اللي اسوي معاهم كذا
عزوز:الله يعين زوجتك على كذا..
فيصل:نعم يابن اللذين تعال هنا!! عزوز ضحك وهو طالع من الدرج :تصبح على خير ماي فريند!!فيصل:وانت من اهله.
وطالع سعود وهو يضبط بشماغه وقال:جاك عزوز مالك عذر.
سعود:خلك الحين العشى جلي بالطريق.
فيصل:يابعدي الوقت تاخر صبعه شوي ويوم دخل عزوز نشفت على بالي أهلك
بكره نتقابل من بدري اوكليك.
سعود:يصير خير..
فيصل:إلا هذا الزفت عليه جمال الله يحفظه مو بطبيعي.
سعود:طالع لأخوه,
فيصل: وأنا شهد,, وقرب من سعود وحظنه وهو بعد رفع يدينه ولمه..
إلا فيصل يقول:تعوذ من بليس وذكر ربك وعيش يومك ولا تقهر نفسك على شي
مو موجود من الاساس وهذا عزوز وربي يكفيك بالدنيا ومافيها!
سعود ضحك بصوت عالي وجنان: وإنت بعد كل دنيتي
فيصل:وبعد (وله)
سعود:وبعد (الوله)
وبعد ماسلمو على بعض وبعد الاحضان الرائعه الكل تمنى للثاني تصبيحه على خير !!
&&&&&تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
في بيت الخاله نوره
رغد بعد نزولها من الدرج ..
دخلت وشافت الوضع وشهقت وحط يدها على صدرها من الحوسه ومن البنت الي مغمى عليها في حظن خالد وابدا ماتوقعت تشوف ذا الشي
وبصريخ: خالد اش صاير!!
خالد ووجه رايح فيها: بسرعه شوفي عبيتها على المغسله جيبها بسرعه.
رغد:لا لا مقدر وربي مقدر
خالد وهو مسكر على أسنانه: يالزفت هي مو ميته بس مغمى عليها من الجرح اللي بيدها.
رغد وعينها تدمع وتاشر براسها :لا لا
خالد ولع منها: الله ياخذك بسررررررررررررعه.
رغد شوي وهي بعد يغمى عليها وقربت من أمان وأخذت طرحتها وجلست على الارض
وبيد تنتفظ صارت تلم شعر أمان الطويل والغزير وربطته وبالشباصه اللي كانت عليها
ولبستها الطرحه وبعدين بدأت بالعبايه .وكانت تتأمل جمال وجسم امان اللي كان واضح
من الوويست الضيق اللي عليها... إلا خالد وعاها وقال:رغد إنتبهي من الزجاج اللي تحتك.
رغد ماكانت تسمع شي وقالت بعد مانتهت من العبايه:يمى منك يخالد وش سويت
فيها اوش سويت فيها..؟؟؟
خالد أنواع الطناش ودق على أصحابه عشان ينتظرونه عند بوابة الطواري في أحد
المستشفيات الأهليه...
أم سعود دخلت عليهم وبعد ماستوعبت كل شي:ياويلي على بنيتي وش صارلها؟؟
خالد وقف ومسك خالته من أكتافها:خاله مافيها إلا العافيه لكن العطر نكسر وكانت بتلمه
ونجرحت وغمى عليها..
أم سعود جلست عند أمان :أمان يمى قومي خلاص قومي والله ماعاد اغصبك على بيت خالتك
خالد: ............؟؟؟
أم سعود وهي بعالم ثاني من الصياح:أمان قومي نروح بيتنا حتى لو الرجال هم فيه
خالد تكلم لأن البنت تعبانه وهم يهذرون عندها وقال وهو مو داري أش أم الطبخه:
خالتي الله يهداك هي مافيها شي !
أمان فتحت عينها بهدوء وبصوت متقطع: سعود!
خالد بعد أمها عنها وقرب منها :سعود جايك وانت هدي بالك.
وشالها وخرج فيها من الصوالين بعد ماطلب من رغد تلحقه على السياره.
ولكن هو فين ورغد فين اللي طلعت تحوس بعبايتها ,, وحرك خالد على المستشفى لحاله معها.
**********************
عزوز نزل وقال:راح فيصل
سعود:إيه راح
وبسرعه عزوز على البلازما ويقلب بالقنوات وقال:لا اش ذا !!
سعود:تصدق مالها منتهي إلا ربع ساعه
عزوز :عارف.
سعود:ليه الزعل شوفها بالإياب
عزوز:لا أنا ذحين بشوفها بالإعاده على ال art السادسه
سعود:طيب ليه برضوا الزعل.
عزوز:ماطيق هذا المعلق..
سعود:لا تضيق خلقك على شي مايسوى وانا أخوك
عزوز: ..........؟؟!!
سعود طلع الدرج وسيدا على جناحه وكان قمه وكلمة رائع قليله في حقه
كل شي انتهى والإضائه بعد منتهي وشكله مع الالوان والجبس والرخام جنان
إبتسم سعود وقال:هذا هو برج العرب عندي يا أمان...
سعود شكر العمال لوووووووووووووووول على الإنجاز العظيم اللي كان منهم تقريبا بيوم ونص
ولكن هو بعد ضاعفلهم أجورهم أربعه مرات وهنا تكمن كلمة السر وسبب الإنجاز,
وودعهم بعد ماسلم على كل واحد منهم وكان يمدحهم ويثني عليهم!!
ودخل غرفته وتمدد بثوبه على السرير وتنهد من الارهاق النفسي والجسدي اللي يمر فيه.
******************
أما غزل ووله ماكان عندهم هذيك الاحداث ماغير كل وحده طايحه بأنواع الاهتمام والعنايه
بالجسم والشعر,,,غزل:اش عنده سعود يوم دق عليك<<لزوم
القافه لأنها دخلت سونا يوم (وله) كانت تكلمه وبعدها أنواع التدليك
والمساج والحين جاتها وهي محمررررررررررررم من البخار(وله): يبي رقم ابوي عشا عزيمة خلق الله
غزل :وانتي ماتبين تعزمين احد من الجامعه
(وله) : لا هديل ولين كفايه.
غزل: بس حلة انك تعزيميهم
(وله) : واللي يرحم والدين كانا مقتنعة بذه الفكره.
غزل ببرود: بكيفك.
غزل:على فكره كيف ارتحتي لأمان اخت سعود
(وله) : انا ماعرفها لكن شكلها طيبه ومريحه وباين انها انيقه
غزل: الحمدلله
(وله) : نعم!!
غزل: الحمدلله انها طيبه..
غزل ارتاحت على امان عشان متوقعه ان سعود راح يكون شديد عليها وانبسطت ان امان طيبه لجل تغير جو (لوله) بذات انها بتعيش عندهم,
(وله) تقطع تفكيرها: غزولي ميته جوع.
غزل تضحك:مو منك من الحريم اللي هدوا حيلك
(وله) تغمزلها : عقبالك.
غزل : ولو مانكره!.
ورجعت قالت:تصدقين عاد انهم يهدون حيل العروس
غزل: على الاقل طلعوا بنتيجه
(وله) .............؟؟
غزل: حبيبتي الاغراض والدنيا بالكثير مكلفتهم الف ريال واليوم بس اخذوا مننا عشره
الاف ريال بذات انك قولتيلهم يالدلخه انك عروس.
(وله) : اها
غزل: على العموم بسرعه قومي البسي وانتي تطايبتلك الجلسه هنا وناخذ عشى سفري
وكل وحده تطس على بيت أبوها..
وفعلا صار مثل اللي قالته غزل,,
غزول أكلت وجبتها واخذ تشور دافي يريحها أكثر ولبست بيجامه مريحه لول
ورمت نفسها باسرير ودقت على فيصل وكانت تهذر معاه بالرغم انها لاحظت شي متغير فيه
وكانت هذه بركات سعود وبدأت تدوخ ونامت وهو يتكلم معاها وحس فيها وعرف انها مو معاه
وقالها :ياريتني جنبك,,,بالطبع قالها لانها بعالم ثاني .. ورجع ضحك وقال :وانت من أهل الخير!
وانهى المكالمه معاها.
اما (وله) تعشت في شرفة جناحها يعد الشور اللي خذته وخلصت اكل ودقت على الشغاله
تنظف المكان ووقفت ومسكت السياج الجبسي بيدها الرقيقه وطالعت السماء والنجوم
وقالت:يارب سخرلي سعود وعوضني بامي وابوي فيه يارب انك على كل شي قدير.
وتنهدت بنعومه وهيبعد رمت جسمها الهلكان على سريرها واخذت جوالها وودها
تدق عليه لكن خوفها مايرد وتزعل وماتنام فأكتفت برساله منها كانت:
يسألوني ليه احبك ؟!
وليه يضمني قلبك وتضمك عروقي..!
وليه اذرف دمعي لاذكرتك؟!
وزاد شووووقي..!
يسألوني ما نسيت..؟
يسألوني وش جنيت ؟!
يسألوني عن مشاعر ..
عن هوى بالقلب حاضر..
عن نواضر ..
كنت فيها تعتليها!!
اذكرك ..
وابكيك واضحك ..!!
تخنق العبرات صوتي
تفضح العبره سكوتي
خنت جرحي ما نسيتك
ما بخلت انا عطيتك
خذت قلبي والمشاعر
صرت حتى في عروقي
قد هالدنيا..
ع شقك ..!
وقفلت جوالها استعداد ليوم الغد الموعود وراحت بسبعه وستين نومه!!
**********
سعود وهو بغرفته نام من التعب وهو مايدري عن حاله وبعد خمس دقايق بين
الصحوه والسبات كان يسمع نغمة رساله جديده ونغمات الاتصال ويضن انه بحلم
وبعد تكرار الاتصالات صحى وفتح عينه وستوعب انه كان غافي بالنوم وطالع الكومدينه
والجوال مو بعليها وهو الان مفهي ولاهو داري عن شي بدا جواله بالرنين وتنهد وبتعب وكسل
دخل يده وطلع الجوال من جيب الثوب ويم شاف النتصل عليه ماكان وده يرد لكن هو شخص محترم وحشيم وبصوت مليان تعب:هلا هلا بوخلود
خالد:شلونك سعود؟
سعود وهو قافل عينه :هلا هلا حياك بخير الحمدلله.
خالد:أنا أسف على الازعاج لكن أنا هنا في مستشفى ********* وأمان هنا لانها
سعود مثل الصاروخ جلس وقال:أمان عندكم بالمستشفى
خالد:سعود هي مافيها شي لكن
سعود بقوه:أمان عندكم؟؟
خالد:يابن الحلال مافيها شي
سعود:خالد خذ بالك منها .
وقفل الجوال بوجه وبسرعه على سيارته وسيدا على المستشفى
خالد:والله مالومك يوم أزعجتيني فيه.
..........
أم سعود بطبيعة الحال لاهي بخير ولا بعلم وخواتها كانو يهونون عليها
وهي ماودها تكلم سعود لانه هلكان حيل وبكره يكون زواجه وصعب عليه السهر وقعدت المستشفيات وكانت تنتظر يزيد يجي وياخذها على المستشفى
انا بنات خالاتها مو ذاك الزود والخوف عليها وشوق وحنين طيح أسئله برغد
أما هي بس كانت صورة أمان وهي مغمى عليها ماتغيب عن بالها
وهي إلى الأن موعارفه أش اللي صار بينها وبين أخوها خالد
********
أحب أعرفكم بخالد والباقين....
خالد هو حاليا يدرس طب وهذه سنة الأمتياز وهو إلى الأن ماتخصص لكنه
ناوي يكون دكتور جراحه .. وسيم لكن مو مثل سعود وفيصل ..طويل ونحيف وحنطاوي
وشعره مشاء الله حلو وملامحه بعد حلوه واللي يمزه ضحته وأسنانه ,,وهو
فله وراعي وناسه وسهرات
أما أخته رغد هي بعمر أمان ثلاث ثانوي علمي وهي بعد حليوه ودمها خفيف
ولكن ليست بجمال أمان لأن أولاد ساره هم أجمل أسرة فيهم
أما شوق وحنين تؤم يدرسون بالجامعه مع غزل و (وله) أطباعهم عكس بعض
حنين غيوره وماتطيق أحد وأحيان تسيطر على شوق وتخليها مثلها
أما شوق طيبه ومرحه وتدخل القلب يوم ماتكون مع أختها وجمالهم عادي
لكنهم رشيقات وبيض وشعورهم حرير وبني...
أما يزيد أخو البنات التوأم وهو خوي خالد لكنه يدرس بالبترول والمعادن
ويسير على الرياض بالوكيند والإجازات وهو بعد فلاوي مع أصحابه لكنه هادي شوي
مع الناس ومثل خواته ابيضاني وجسمه حلو لانه يعشق الرياضه وملامحه عاديه..
****************
سعود بعد ربع ساعه بالكثير وهو بمدخل الطواري وشاف خالد وسلم عليه:فينها أمان
خالد:قلتلك مافيها شي بس ننتظر المغذي يخلص ونكتبلها خروج.
سعود وهو معلق نظره عليه وعدساته تتحرك بقوه لخوفه على اخته:فين غرفتها؟؟
خالد كان يمشي وسعود وراه بقلق وفتحله باب الغرفه سعود دخل بخطوات ثقيله
وشاف أمان ومايدري هي نايمه ولاغايبه عن الوعي ولاحظ يدها الملفوف عليها بعد الغرز
اللي لمت جرحها العميق بلع ريقه ومسح على شعرها:أمان أمان!
هي نايمه ولاهي داريه عن شي!!
سعود مسك يدها :أمان الجناح صار مثل ماطلبتي قومي شوفيه.
أمان حست بأخوها وحنانه عليها حركت عينها شوي وفتحتها
سعود قرب منها وقال بحنيه عظيمه بصوت جياش:شخبارك يالغلا.
أمان عرفته وفتحت عينها بكسل وبعدين فتحتها كلها:هلابك سعودي..
سعود يطالع فيها ومن غير مايحس: (وله) .
أمان:............؟؟
سعود قرب منها أكثر ويرمش عينه بخوف وقال:إنتي حاطه عدسات؟؟
أمان مو داريه عن شي: مين؟؟
سعود قرب منها أكثر وأكثر:إنتي حاطه عدسات بعينك؟؟
أمان تفتح عينها على الأخر لأنها مو فاهمه عليه وهي على بالها إنها في بيتهم..
سعود بعد مابحلقت بعينها تأكد وقال:يامجنونه.
وبسرعه قال:لاتتحركين فاهمه دقايق وأرجعلك.
أمان تلتفت يمين وشمال والحمدلله إستوعبت إنها بمستشفى وتذكرت اللي صارلها
في بيت خالتها وبدأت بمناحه!!
سعود مثل الصاروخ خرج من الغرفه وينادي:خالد خالد
خالد كان واقف وراه عند الباب :نعم خير أمان صارلها شي
سعود:بسم الله عليكم.
ورجع قال:بسرعه المجنونه ذي لها نايمه مدري كم ساعه والعدسات بعينها
خالد: ها؟؟
سعود سكر على عينه من الهبال اللي يسونه معاه ,,,ومسك يده ودخله عليها وهو مو مستوعب اللي قاعد يسويه ولكن الأهم فالأهم!!
وقال بقهر:الزفت ذي نايمه وحاطع عدسات بعينها.
خالد صار يطالع أمان ويطالع جمالها:شلونك أمان
سعود مسح على وجه من القهر وبقوه ظرب خالد من رقبته لانه لاحظ خالد كيف يناظرها
وقال:وربي لو ماتشوف شغلك مع الزفت الثانيه ذي لغير تكون بالسرير اللي جنبها
خالد بنفور:وأنا واش بيدي؟؟؟
سعود يصارخ :وأنا داري عنك مو إنت دكتور
خالد:إيه بس مانزل عدسات.
سعود:خالد تصرف قبل البنت ماتروح عينها..
خالد ماصار يسمع غير,, تروح عينها تروح عينها تروح عينها
ومثل الصاروخ راح على أمان وصار يحط مخدات ورى ظهرها عشان تكون شبه جالسه
وقرب منها حيل وبلع ريقه من فتنتها وصار يطالعها بعشق وهيام وهي بعد ماقصرت معاه
لأنها إلى الأن تشوفه فارس أحلامها ومنقذها..
سعود وصل حده منهم ومن حركاتهم وبقوه شات برجوله رجل خالد وهنا هم إختل توازنه وطاح على أمان وهي تعورت وبدأت مناحه ثانيه....
خالد إلتفت عليه:سعود خير
سعود بثقل:إذا ماتعرف تتصرف أذلف عنها
خالد حقره ورجع طالع بأمان وقال:أمان ياعمري خلاص لاتبكين عشان أقدر أنزلها منك.
سعود بعد ماسمع كلامه وهو مابيده شي خرج من الغرفه وطبع الباب وراه بقوه
أمان :يمى ناديها لي
خالد:أمان شوفيها خالتي ساره
أمان ببلاهه :فينها؟؟
خالد أشر على السقف وهي لاشعوري طالعت وهو بسرعه مد يده وبمهاره خرج العدسه ورماها
أمان شهقت وقالت:يالزفت ليه ترميها انا ابيها
خالد ببرود:مارميتها
أمان بغباء أكثر:فينها؟؟
خالد:شوفيها فوق بالسقف.
ورجعت تطالع:إلا خالد ينزل الثانيه
وصار يضحك بصوت عالي
أمان بسرعه مدت يدها وصكته كف قوي على وجه.
خالد وقف مكانه ومسك خده وقال:تمونين وربي
وطالع الباب وبسرعه رجع يطالع فيها ودنق عليها وباسها بقوه اكثر من كفها له على خدها
أمان تنحت وفجأة:سعووود سعوووووووووووود
سود دخل وهو ميت خوف على باله عين أخته خلاص راحت..
أمان تبكي وتتكلم وتتحلطم..
سعود بعد ماشافها طيبه لف على خالد وساله
خالد:زعلانه على العدسات اللي رميتها لها
سعود بستحقار:صدق بنات ناقصات عقل
خالد وهو يمثل الزعل:صدق الله يهديم
سعود بقوه نزعج منها:أمان خلاص سكري فمك!!
أمان:يمى يمى أنا أبيها
خالد بحنيه:لاتشيلين هم ذحين تيجيكي.
سعود خلاص راحت السكره وجات الفكره وقال:طلع بره
خالد :نعم!!!
سعود:مثل ماسمعت..
خالد رجع طالع بأمان كأنه بيشبع منها إلا سعود بقوه يجره مع يده ويقول لأمان:صوتك لا أسمعه فاهمه...
وخرج وهو يجر خالد معاه وقفل باب الغرفه وقال:وبعدين!!
خالد:ها
سعود:ممكن يادكتور خالد تفهمني كل شي؟
خالد:ها
سعود:الحين توصي عليهم يحطون بالهم منها ومتى ماخلص المذي يعطونا خبر.
خالد قاطعه:أنا أحط بالي عليها.
سعود:إنت اللحين تاخذني على أفرب كفي هنا!!!
خالد بلع ريقه وقال: حياك .
*************
انتهى البارت ...تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
الب الثالث عشر ارت
**************************
يوم الأربعاء بعد منتصف الليل وبالتحديد في احد مستشفيات الرياض
سعود وهو مسترخي على الأخر وماسك بيدينه كوب موكا حار ..وكان يطالع للبخار اللي يتصاعد ويفكر بأمان اللي جات لوحدها هنا مع خالد وهو موعارف أش اللي صار إلى الأن!! خالد كان جالس معاه أما هو إكتفى فقط بقارورة مويه وشرب نصها دفعه وحده عشان يبل ريقه من خوفه على أمان ورهبته من سعود ...وأخيرا خالد تكلم بهدوء اكثر من هدوء المكان وقال بثقه:سعود لايروح بالك بعيد!!!
سعود هنا كان مميل راسه ومعلق نظراته عليه وقال بهمس:زين ممكن تتكلم !!
خالد ماكان وده يقول لسعود إن أمان كانت لوحدها تحت بصوالين الرجال لحاجه في نفسه !!
وبدون نفس قال:أختك كانت مع رغد بالحديقه وعتقد غنهم كانو ياكلون شي والبيت ماكان فيه احد غير الحريم وأختك دخلت للمغاسل اللي تحت عشان تغسل يدها وأنا دخلت البيت كنت أبي هاردسك كنت حاطه تحت وسمعت صياحها وجا على بالي انه أحد من البزارين وكنت انادي ومحد يرد علي
ومثل ماقلت ماكنت اسمع غير صياح ودخلت ولقيتها جالسه على الأرض والدنيا متكسره حولها
والزجاج بكل مكان والدم حايس الدنيا...
سعود كانت يستمع له وكل هذا ماكان هاين عليه أبد!
وكان وده يسأل عن أشياء أكثر ولكن اللي صار صار وأمتنان لخالد على على إنه جاب أمان لهنا
أكتفى وقال:نكتبلك الأجر وكونك قومت بالواجب ماكان له داعي الزياده في الأمور ..<<<كان يقصد تصرفاته ونظراته الطويله واللي خارجه عن الأدب
....
خالد كان يطالعه ومقال شي غير بنفسه:هذا هو سعود اللي أسمع عنه..
سعود بثقل:وصلت المعلومه !
خالد بزعل: تراها بنت خالتي !!
سعود وهو قايم : وهنا بيت القصيد !!
وأخيرا قال:على العموم كثر الله خيرك وماقصرت وتوقع الأن هي جاهزه للخروج.؟؟
خالد:لاتحط في بالك واجب علي وصار.
سعود: مشكور وماقصرت وتركه وراح عنه..
خالد يطالع قفاه ويقول: هذول من فين جايبين عزة النفس والثقه الزايده؟؟!!
سعود وهو في طريقه لغرفة أمان دق على أمه:هلابك يابوي.
سعود لحظة ماسمع صوتها إنشرح صدره وقال: هلابك أكثر شلونك يالغلا.
أم سعود كانت بتتكلم وماقدرت عشان البكوه فيها وفضلت السكوت...
سعود فهم وقال :الحمد لله أمان بخير ومافيها إلا العافيه.
أم سعود بستغراب وراحت البكوه منها وقالت :إنت فينك؟؟
سعود: في المستشفى وربع ساعه بالكثير وحنا عندك.
أم سعود: الله يبشرك بالخير ,,, ورجعت قالت : سعود هي طيبه وتقدر تمشي ؟؟
سعود:ياعيون سعود هي طيبه وهي اللي تسوق ..
امه ضحكت وقالت:حياكم وربي مايخليني منكم !!
سعود: ولا منك يارب.
وانهى المكالمه مع امه بعد ماطمنها ودق الباب وفتحه ..
أمان كانت تحاول تضبط الطرحه ولكن مع يدها مو قادره ويوم شافته قالت:إنت فين روحت ..وصارت تبكي..سعود ضحك عليها وقال: كتبتلك خروج ولا ماتبين!
أمان صارت تبكي وتأشر بعينها يعني إلا أبي أخرج
سعود:شلونك الحين؟؟
أمان تجاوبه وعينها مليانه دموع :الحمدلله طيبه لكن ... ورجعت للمناحه
سعود زعل عليها وجلس عندها على السرير وقال:امان خير ؟؟
أمان تبكي وتقول :زواجك بكره!
سعود إبتسم :طيب وخير..
أمان :شلون أتكشخ وأرقص..
سعود ضحك بقوه ولما لحضنه وقال:وربي لو بيدي لأجله لكن ..
وبعدها عنه وقال:ليه هو إنت ترقصين وتردحين بالسيف؟؟
أمان ببلاهه :لا أصلا أنا رقصي ناعم ومقدر اشيل السيف!
سعود بحنيه: على كذا ليه الزعل تقدرين ترقصين مثل ماتبين.
أمان تطالع لفوقي قالها تفكر وقالت:ايه نسيت صح كلامك..
سعود أبتسملها وهو ميت من التعب والإرهاق وقالها:ياله مشينا
ونزل تحت عند الريسبشن وأمان معاه عشان يكمل إيجائات الخروج !!
خالد كان ينتظرهم تحت وبيده أوراق .
سعود يوم شاف خالد أعطى أمان ريموت السياره وقالها تخرج عندها وهو يلحقها بعد مايكلم خالد
أما خالد لحظة ماشافها وهذه أول مره يشوفها فازه على حيلها وباين انها رزه ..سعود جا عنده وقال:وبعدين يخالد أعتقد إننا خلصنا من الموضوع ..
خالد قال بسرعه:لا أنا بس كنت بطمن عليها.
سعود وده يمسكه ويصفقه ولكن إكتفى وقال :عندها من يطمن عليها أكثر.وبعد تسلم على ماسويت وماقصرت وسلملس على خالتي وشوفك على خير!
خالد : سعود سعود
سعود إلتفت عليه: نعم!!
خالد: هذه ورقة الخروج وهذا إيصال الدفع.
سعود رفع حاجب ويقول في نفسه : هذا اش قصة أهله؟؟
ورجع قال:ليه التعب؟؟
خالد:ماسوينا شي ولو بيدنا كان سوينا أكثر..اش يقصد الله أعلم..!
سعود هنا عرف إن خالد رايح فيها للأخر إبتسم وقال: الله يقويك وحياك الله بكره في قصر الناشي.
خالد بسرعه تذكر بأن هناك فرصه ثانيه يقابل فيها أمان وبسرعه بعد سلم على سعود وقال:مبروك مبروك وربي تستاهل كل خير ..
سعود: عقبالك إنت بعد
خالد: يارب
سعود إبتسم وقال:إنت شد حيلك وربنا يكتب اللي فيه الخير ..
خالد الفرحه مو سايعته وقال بهبال: وربي مالوم أمان يوم تنادي بسمك حتى وهي مو داريه عن الدنيا ومافيها.
سعود سلم عليه وخرج بسرعه قبل لايلعن والدينه لانه هنا عرف عن أمان جات المستشفى معاه وهي مغمى عليها..سعود بعد ماركب السياره :شلونك أمان؟
أمان : الحمد لله
سعود وهو يحرك السياره: امان انت متى حدك بالدنيا..
أمان إلتفتت عليه بقوه : نعم !!
سعود ماتكلم يعني جاويبيني ؟؟
أمان: مادري لكن أتوقع أنه ..مادري بس
سعود عرف إنها من بيت خالته وهي بعالم ثاني !!
وقال بثقل:تبين عشى؟
أمان:لا لا المستشفى حامت كبدي.
سعود اوئم براسه وسيدا على بيتهم .
أمان موعارفه السبب من أسئلة سعود معاها وش يبي بالضبط.
بعد مادخلوه البيت ام سعود تحظن أمان بقوه وأنواع البكي
سعود:يمى الله يهداك مافيها شي وهذه هي مثل الحصان قدامك
أمان ستأذنت منهم وطلعت غرفتها عشان ترتاح... أم سعود إلتفتت عليه وقالت:إنت من قالك.
سعود:خالد دق علي.
أم سعود:بس لو عتذرت منه يابوي إنت حدك تعبان.
سعود :يمى هذه أمان وهي الأهم.
أم سعود وعينها تدمع:الله يعطيك العافيه ويوفقك ربي وين مالقيت وجهك .
سعود يسلم على راسها :وربي ماسوينا شي ودعواتك ذي بالدنيا ومافيها.
يتبع
تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
وطالعها بحنان وقال: يمى بنوم ذحين ولو يتفجر البيت لحد يصحيني.
أمه:طيب أنتظر العشى أحطه لك.
سعود:فيصل كان هنا وتعشينى سوى.
سعود نصاب لا تعشى ولا شي ولكن الإرهاق هد حيله وبس اللي يبيه السرير لا غير.
سعود طلع وشاف عزوز خاج من غرفته وقال: امان توها خارجه من المستشفى روح سلم عليها
عزوز بستغراب :مستشفى مين.؟؟
سعود تركه ودخل غرفته وصكر الباب!!
أما عزوز لسى مكانه وماتحرك.
أمان خرجت من غرفتها إلا عزوز قدامها وقالت:الحمدلله إنك هنا عزوزي حبيبي ممكن تربطلي هذه
الكيسه على يدي ..
عزوز بألم:أمان اش اللي صارلك.
أمان تضحك على وجهه وتقول:ماعليك شوية غرز لا أكثر ولا أقل
عزوز: تعورك ؟؟
أمان:لاتصدق روحت تصورت بجنب مبنى المستشفى ورجعت ..
عزوز :وجع إحترمي نفسك.
أمان:أنا داريه عنك ..بسرعه شوف شغلك ..
وقال بقهر :هاتي أشوف ,,,وصار يربط لأمان بقوه وهي صرخت من الألم ..
سعود خرج من غرفته: خير خير !!
عزوز هنا حط رجله وصار يجري وأمان تجري وراه إلا شافت باب الجناح مفتوح ووقفت عنده
وقالت بصوت عالي : واو!!
سعود جا وراها وقال ها اش رايك ؟؟؟
أمان طالعته وقالت:سعودي وربي جنان
سعود: ها أنا عند كلمتى ولا ؟؟
أمان رمت نفسها عليه وقالت:مشاء الله مره خطير ماتوقعته يطلع كذا.
سعود سمع صوت غريب وبعدها عنه وشاف يدها والكيس: ههههههههههه
أمان : خيرر!
سعود : لا لا ولا شي بس الله يرفع عنك بس ليه كذا.
أمان بحسره: شسوي باخذ شور وأخاف المويه تيجي على الجرح وأبتلش.
سعود كشرر بسرعه وقال:إيه إيه فهمت عليك .
أمان :........؟؟!!
سعود:إنتي عارفه إني أكره الجروح وسواليفها .
أمان:زين الله لايوريك إياها وممكن تروح ترتاح وتنام ..وغمزتله.
سعود إبتسم :زين ماطلبتي شي وتصبحين على خير ,,
......................
أما عند خالد ساعة ماراح لبيتهم كانت أمه تسأله عن أمان وهو قالها غنها طيبع ومافيها إلا العافيه
والدكتور كتبلها خروج وهي الحين في بيتهم .
طلع لغرفته وكان ينزل ثوبه من عليه إلا رغد تدق الباب .. خالد :ابوووك يالأدب حبكت يعني
وبصوت عالي :رغد أدخلي..
دخلت رغد وجلست على السرير وقالت:شخبار أمان؟؟
خالد: طيبه ماعليها وهي الحين في بيتهم.
رغد : خالد وش صار تحت بالضبط.. خالد كان يطالعها لان الكل بدا يشك فيه
وقال:والله لو لقيتوها ميته ماكان سألتوه كل ذي الأسئله.!!
رغد:حرام عليك البنت وش سويت فيها .
خالد: .......؟؟!!
رغد تتكلم بقوه:خالتي ساره من المغرب وهي هنا وأمان ماكانت معاها وفجأ كذا انت تتصل علي اخر الليل وانزل ولاقي البنت مغمى عليها والدم حولها.
خالد يتكلم بهدوء:هي ماكانت عندكم فوق؟؟
رغد:أقولك ماشوفتها أبد ..
خالد بخوف: وأنا بعد مادري عنها جيت تحت ولقيتها جالسه على الارض لوحدها ميته من الالم
وهي مليانه دم والزجاج عندها متكسر !!
رغد خبطت يدها على صدرها وقال بفجعه: ياربي معقوله أمان تبي تنتحر.
خالد بفجعه أكثر: ها؟؟؟؟؟؟؟؟
رغد:وربي خالتي من العصر وهي عندنا وأمان طول الوقت وهي تحت لوحدها كل هذه المده
أكيد انها زعلانه وتبي تنتحر الخبله ؟؟
خالد بسرعه تذكر خالته ساعة ماتبكي وتقول : امان قومي والله ماهاد أغصبك على شي أمان قومي
وبيت خالتك ذا ماعاد أخليك تدخلينه..
رغد : خالد .
خالد مازال: .......؟؟!!
رغد بخوف: خالد كلمني اش فيك.
خالد قفلت الدنيا بوجهه وخاف وفكر بشي ثاني وقال: أمان اش عندها وله تبي تنتحر.
رغد: خالد.
خالد طالعها وقال:انا قلت لسعود انك كنت معاها تحت وهي دخلت تغسل يدها
وصار اللي صار .. اذا احد سئل قولي كذا سامعه
رغد : بس انا ماي علاقه فيها وهي ماتحبنا وشايفها نفسها
خالد تذكر جسمها وجمالها:يحقلها
رغد بقرف : نعم نعم !!
خالد جلس على السرير وقال :اطلعي بره واقفلي النور بنوم
رغد : الحمد لله والشكر..
وخرجت مثل ماقالها بعد ماصكرت النور والباب
انتهى هذا اليوم وأبطالنا كلهم بغرفهم ونايمين.
تعليق
-
رد: آعزف على قيتآرتي لحن آحزآني من مؤآمرة حبيبي|رومنسيه جرئيه
*************************
يوم الخميس تقريبا الساعه 11 الظهر ...
كانت(وله) تتقلب في فراشها وشعرت بأصوات غريبه في بيتهم منعتها من الإستمتاع بالنوم وفجأه كانها تذكرت شي وبقوه فتحت عينها وطالعت السقف الرائع وبعدها تطل بعينها يمين وشمال ورجعت غطت بالحاف وغمضة عينها بقوه ...
وسمعت جوالها يهتز ومدت يدها على الكومدينا لانها كانت حاطتها على الصامت واخذت الجوال وردت : هلا
غزل صارت تزغرط بقووووووووه
إلا (وله) تصكر السماعه في وجهها.
غزل رجعت دقت عليها (وله) ردت إلا الثانيه تبي تبدأ تزغرط (وله) قالتلها: غزل غزل
واللي يرحم امك بالجنه أخرسي وربي إني ميته خوف وجسمي مو حاسه فيه
غزل:كل تبن يارعية النكد ....ورجعت قالت: لحظه لحظه إنتي توك قاعد من النوم
(وله) : إيه !
غزل: أمنت بالله إني ماشفت ببرودك فزي قومي على حيلك يالدلخه.
(وله) بصوت ناعم حيل: غزل خايفه.
غزل تقلد صوتها: الحمدلله مافي شي جديد وعلى فكره لا تاكلي شي انا بجيب معاي
فطاير جنان وعصير أجن. باي وسكرت السماعه .
(وله) قلبها طبوول لأن هذا اليوم غير عن كل أيام حياتها وقامت من السرير ودها تعرف هذه
أصوات مين واش قصتها على مانزلت من السرير إلا تشوف صندوق كبير وذهبي وفيه حلزونات
مخملي قربت منه وكانت عليه بطاقه راقيه ومكتوب فيها بالفرنسي وكانت تبريكات من المصمم
وعبارت عاطيفيه راقيه..(وله) : ياحليلكم انتم اللي عايشين حياتكم..
ووقتها عرفت عن هذا فستان زفافها ..كانت بتفتح الصندوق إلا الأصوات تعلى وراحت فتحت باب غرفتها إلا الخدم أنواع الصريخ يعني أرجعي أدخلي لأن بيجامتها رايحه فيها.. والرجال ملي المكان
لجل الديكورات والتنسيق..
(وله) بقهر: اقلبي وجهك وخرجت
ولحظة ماشافت اللي قدامها شهقت وقالت: واو جنان واو ..
لان الدرج الحلزوني كان قريب من غرفتها وشافت باقت الورد بالجوري الابيض على طول الدرابزين الطويل ,,والثريات الضخمه كان نازل منها عقود من الفل والياسمين واشكل من الازهار البيضاء اما الستائر كلها قلبت للون الابيض المخملي..وكانت الصوالين مفروشه بالشيفونات البيضاء وباقة الورد في كل مكان وتحت عند أخر درجه كانت موجوده ستاندات كبيره عليها باقة ذات منظر خلاب ومن وسطها شمعه كبيره وطويله لونها ابيص..
إلا الخدامه: انسه (وله) هنا رجال كتير أدخلي جوها
(وله) : وجع فيك أنا سيده مو أنسه !
الخدامه: ........؟؟!!
رجعت (وله) قالتلها فين أبوي؟؟
الخدامه وهي مبسوطه للول من الوضع: بابا بره مع رجال في حديقه عشان يسوي زي كيدا..
(وله) مثل الصاروخ دخات غرفتها وكانت تجري فيها ونقزت صندوق الفستان وفتحت باب الشرفه بقوه ودخلت طالعت المكان ولحظه ماشفته زين قالت وعينها تدمع : تسلم يابوي تسلم ياكل الغلا ..
ابوها شافها ورفع يده لها .. (وله) راحت فيها وصارت تنطنط وتأشرله بيدها وتضحك بقوه ..
لأنها ماتوقعت ابوها يفرحلها لهذه الدرجه ..ولكن كل شخص وله مبريراته يا(وله).
وفعلا كانت الحديقه خيال وكلمة رائعه قليله فيها .. الطولات مليانه ورد ابيض وشموع بيضه..
يتبعتعليق
تعليق