راكان بابتسامه:اي , يلا ,..
جيهان باندفاع:.يلا نروح..
راكان:اجل يلا لبسي..
لبست عباتي على السريع واخذت شنطتي..وطلعنا من الفندق..
والتفت له:وين بنروح ما قولت لي؟؟
راكان وهو يدور بعيونه:اصعدي بالسيارة ولا تتكلمين طيب..
جيهان بستغراب:أي سيارة..مو راح نركب بالتاكسي كالعادة؟؟
راكان:لا..
ومشيت وراه ونزل رجال من السيارة
واستقبلو بعض بالاحضان والتبيريك والكلام الطيب..
كان بنفس طول راكان وعنده عوارض جماله متوسط..
وناظرني ونزلت الشال مباشرة..
معاذ بهمس:والله سويتها جد..(وغمز له)..
راكان با ابتسامه:اجل اكذب عليك..
معاذ رد له الابتسامه:لاحقين على السوالف يلا نروح قبل ميعصبون الاهل..
راكان:يلا..
وصعدنا لسيارة..
وكنت ساكته ومعاذ وراكان يتكلمون با أيامهم قبل وكنت مجرد مستمعه وسرعان ما وصلنا..!!!
نزلت رجلي ورفعت نظري..
كان قمه بالروعة ألوان دافئه من بين البني والسكري والرمادي..
تناغم رائع..
حسيت بمسكه يده الدافئه لي..
راكان ابتسمت لها وحسيت ببروده يدها كنها متوترة او خايفة..وشديت على يدها وبهمس:انا معك..
جيهان كلامه طمني حيل ورديت الابتسامه له..

** كانوا يناظرون من النافذة..
شيخه با ابتسامه:ووه بس..رومانسي هالرجال.. شوفيه كيف ماسك يدها..
حياة:والله تغير حيل..صار يهبل مرةة..ما شاء الله عليها..
شيخه بحماس:خلنا نسلم عليه..
حياة:يلا..
وطلعوا واستقبلوهم..
جيهان التفت لهم وكانوا بدون عباية طبعا..
حياة وشيخه:السلام عليكم..
معاذ وراكان وجيهان:وعليكم السلام والرحمه..
حياة وشيخه:شلونك راكان؟؟
راكان:الحمدلله زين..انتو اخباركم؟؟
حياة:وينك انت..وربي لك وحشه..
شيخه:اجل مالك شوفه..طلعت معرس..
راكان ناظر فيني وبابتسامه:عقبال معاذ..
حياة بابتسامة :هد يد العروسة...و خلها تدخل عن الشمس ..
شيخة بقت عينها :هد يدك عنها اشوف ...
ومسكت يد راكان وبعدته عن يدي...وسحبتني معهم لداخل ...
معاذ: ما يتغيرون ..صدق حريم ..حياك داخل بالمجلس..
..دخلت معهم لصاله..
حياة :توه منور البيت فيكم ..
جيهان :تسلمين قلبي ..
شيخه:فصخي عبايتج ..محد بيدخل الصاله الداخليه..
جيهان :تيب..
شيخه:ياحليلج طلعتي دلوعه ..تقول تيب..
حياه بضحكه:ماعليج من اختي ..خذي راحتج على منجيب لج شىء تشربينه ..
وبعد مختفوا من ناضري ..حطيت شنطتي بالجلسة الرفعية المزخرفة من جوانبة بالون الذهبي الفاخر ولون الجلسة سكري ...وسجادة تركواز وسط الصالة تجذب الناضرين وتكسر اللون الهادىء بطابع المكان ...
وطاولة من زجاج بحواف من خشب الداكن ..وريحة المكان تجيب العافية ... شلحت عباتي وجلست اتمنضر بالمكان ..
وفتحت شنطتي وشيكت على مكياجي وتسبحت بالعطر..
التفت لصوت وراي : هلا ..هلاوالله بمرت راكان ..
قمت بست راسها :هلابش يالغاليه ..
أم معاذ:بسم الله ماشاء الله ..وش هازين عليج يابنتي ..بسم الله عليج ..
جيهان بابتسامه :عنونك الحلوة ياقلبي ..
إلا بدخلت شيخه وحياة وهم شايلين الصحن ..نضراتهم كانت مذهولة مرة..
شيخه انفثت علي:الله يحميج من العين..جميلة حيل انتي..
جلسوا جنبي ولزوني حيل وانا وسطهم..وكل وحدة تسألني سؤال والثانية تقاطعها بالسؤال الثاني..كنهم ريا وسكينه هههههههه..
جيهان:اسمي جيهان وعمري 20 سنه..
حياة:ما شاء الله عليج..قمر اربع طعش..
شيخه .ليه تتحجين بالكاف.. خلج زينا احسن ..
ام معاذ: وبعدين انتي وياها قهوها ..عطوها بسكيته صبوا لها شويهة ..
جيهان.هههههههه الله يسعدكم يارب..
شيخه. وياج يارب ..
وصبت لي قهوة ..
جيهان: ويش سمائكم؟؟وكم اعماركم ؟
شيخة : انا شيووخ ..وعمري 22 سنة ..
حياة :انا حياة وعمري 27 سنة..
جيهان ماشاء الله ..الله يرضى عليكم يارب ...
ام معاذ:وياج يارب..اجل كيف ام راكان..؟
جيهان ( انا لله بس كل من شافني جاب طاريها..): الحمدلله ماعليها أي خلاف..
ام معاذ: سمر حبابة .. ماشاء الله عليها..
جيهان كنت اشرب الشاي الا احترقت شفتي من كلامها:اح..
ام معاذ والبنات: بسم الله عليج..وعطوني منديل..


يتبع...