رواية يا خاطفي وين ألقى عزتي في زمان المذلة ! / كاملة

***مزون شمر*** · 27-02-2012, 05:53 PM

رد: رواية يا خاطفي وين ألقى عزتي في زمان المذلة ! / كاملة

يوسف : انت غبي .. والحين تقول ندمان يوم كلمتك ليش مافهمت منها السالفه
عبدالله : ماقدرت يايوسف .. ذاك اليوم انصدمت بوجودهم شكلها مايروح من بالي
يوسف : انت تتوهم انك تحبها اجل ... ماتحبها مجرد وهم
عبدالله : لا والله اني امووت فيها مستعد اخسر حياتي عشانها .. لكن مقهور منها ابيها تتعلم درس ماتنساه
يوسف: مو بذي الطريقه ... شغل مخك شوفها قفلت الخط بوجها .. تبي الصدق تستاهل انا لو مكانها اشوتك واسحب عليك ... " يقلب عيونه يبي يقهره " .. منت كفوو حب
عبدالله وقف مشعلل من كلامه : اقول انطم عني تراني معصب ماني بناقصك
يوسف : هههههههههههه ... طيب لاهديت خبرني اوكي
عبدالله : صادقين يوم قالوا اللي يده بنار مو زي اللي يده بالماء
يوسف : اجلس يابن الناس ويش فيك صاير تعصب على طول ... كح كح كح كح
عبدالله بخوف : يوسف علامك ؟؟!! . صدرك يوجعك
يوسف يادوب يتكلم وياخذ نفس : الد....ووواء
عبدالله : وين حطيته ؟؟... عند فراشك ..
يوسف يهز راسه ... راح عبدالله ركض يجيبه
يوسف : ههههههههه مشى عليه المقلب .... كح كح كح
عبدالله : جيتك جيتك .... خذ يالله قول بسم الله
يوسف ياخذ الواء ويبخ بخه بفمه اخذ نفس بعدها طالع عبدالله بنص عين : خفت علي
عبدالله : اي والله .. كيف تنفسك الحين ؟؟
يوسف : الحمدلله ...
عبدالله ياخذ نفس طويل : خوفتني عليك ياخي ... هالنوبات اللي تجيك تخوف مره
يوسف : ويش نسوي بالربو ..
عبدالله : الله يكون بالعون

:::
:::
:::
لينا : الله يبارك فيك ..
ريم : وربي فرحت يوم قالت لي سحر ... خصوصا اني اعرفك انك تحبينه
لينا : ياويلي ياريومه .. يوم قال لي ابوي قسم جلست ارتجف احس ان حرارتي وصلت مليون ... معاذ يضحك علي يقول شوفوا شكلها كيف كأننا نقول لها بكره بتموتين
ريم : هههههههههههههههه ... لاتكونين بكيتي مثلي
لينا : يووووه المخده تقول يمه ارحميني من دموعك .. دموع فرح × صدمه × خيال
شي رهيب اقولك شعور لايوصف
ريم : اي والله شعور لايوصف .. وابوك ويش قالك
لينا : هههههههههه لو تدرين مسكني واعطاني محاضره طويله عريضه .. يابنتي ربي شرع لنا الزواج وله عدة حكم منها نصون انفسنا ومنها نسل ومنها حب والفه بين الزوجين
والزوجه هي ستر وغطاء لزوجها ... والزواج شي حلوو وانا كمخه احسبه يعطينا نصايح
كالعاده مادريت انه يمهد للموضوع
ريم : هههههههههههههههههههههه كملي بعد ويش قال
لينا : طيب نجي للطامه الكبيره هذا اللي وربي ياريم كنت بموت يوم قالها ابوي ... قال لي يابنتي انا عارف ان هزاع يحبك ويموت فيك .. واهله كلموني لانه يبي يخطبك فانتي فكري يابنتي واعطيني جواب بعد ماتستخيري وتاخذ وقتك بالتفكير وصدقيني ماراح اعارض اي قرار تتخذينه
ريم ميته ضحك : هههههههههههههههههههاي .. بالله وجهك ماصار طماطم
لينا : طماطم فلفل خيار جزر... اقولك معاذ بعدها اخذني تريقه
ريم : واستخرتي ؟؟
لينا : اكيد على طول قمت توضيت وانا بطير من الفرح واستخرت .. بس مسويه ثقيله كل ما سالوني اقول خلوني اخذ وقتي بالتفكير .. وانا اكذب عليهم بس عشان مايقولون مشفوحه على هزاع هههههههههههههه
ريم : يامصيبه ... قسم انك داهيه هيه خلي ابوك يرد لا يفكر بغيرك
لينا : اعوذ بالله منك فاولينا خير
ريم : وين كلمتك فالك بسروالك خخخخخخخخخخخخخ
لينا : خلاص من اليوم بهجر العربجه وتلزق بالانوثه والنعومه والغنج
ريم : ياهوووووووووو على التطورات ... منتي سهله يابنت
لينا : اجل تبيني اروح لهزاع وازل عنده بكلمه يفقع علي ضحك لالا ياروحي لازم اخذ كورسات من اللحين .. وانتي معي بكره ورانا زواج ..
ريم : الحمدلله ربي معطيني النعومه << تبي تقهرها
لينا : اموووت على الغرور .. ياشيخه وربي تعدي من جنبك وماتسلم عليك هههههههه
ريم : ههههههههههههههههه يقطع شيطانك .. يالله شحن الاب بيخلص توصين شي
لينا : سلامتك .. ترى ما امانع تكلميني تليفوون
ريم : افكر ... هههههههههه يالله سيووو
لينا : سيوووو

:::
:::
:::
بعد المغرب .. وصلت هديل وحنين وخلود
هنادي : حي الله من جانا .. نورتوا البيت
حنين : بوجودك ياروحي .. اخبارك
هنادي : تمام ... وين الغيبه .. ليش المقطعه
ريم : انا ادري عنهم .. كالعاده بيقولون امي ماخلتنا
حنين : اي والله امي شديده مرره علينا مايحتاج نقول لكم
سحر : هههههههههههه حلال فيكم انتم ...خلوها تمشيكم على الصراط المستقيم
هديل : وربي يابنت اني ابي اطلع ابي اشم هواء قسم بالله انكتمت
شهد : خلاص عندي لك حل ..انا عازمتك اليوم على مطعم نتعششى فيه بس ماحد يقول
عشان ابوي مايهاوشنا وامك تعرفينها بتحرم عليكم الجيه مره ثانيه هنا
حنين تبوس شهد : ياقلبي انتي والله مايطلع
خلود : الله يفرحك فرحتي قليبي المسكين
سمر : والله انكم تحزنون ... بس شهد نبي مطعم فخم
شهد : ابشري كم سموور عندي ... بوديكم لمطعم بجنب الحرم مررره هادي ورمنسي
بعيشكم جوو رومنتك
سحر : حركات .. رومنسي .. الحين البس عباتي
رغد : ويش فيك مستعجل ياقرويه اجلسي .. بعد العشاء نمشي له كلنا
شهد : بس هاه مو تكلفون علي ترى مامعي الا 400 ريال
رغد : بفزع لك 200
خلود : ليش هو غالي ؟؟
شهد : شوي مو مرره بس احنا كثار
شوق جات من المطبخ ومعاها دله القهوه والفناجين : ويش اللي غالي
ريم : شهد عازمتنا على مطعم
شوق تطالع بشهد وابتسمت : جد والله شهوووده
شهد : ايه نغير جو ...
شوق : كويس بس على شرط
الكل : ويش
شوق : تمشون بهدوء اعرفكم مزعجين مررره ... وبعدين ابي اروح هنا ابي اروح ههناك مافي سامعين
الكل : طيب

××××
××
×

اخيرا اترك لكم التوقعات والانتقاد

**SOoΚaRh** · 28-02-2012, 11:18 AM

رد: رواية يا خاطفي وين ألقى عزتي في زمان المذلة ! / كاملة

يعطيك العافية مزون

تابعي

***مزون شمر*** · 28-02-2012, 02:10 PM

رد: رواية يا خاطفي وين ألقى عزتي في زمان المذلة ! / كاملة

هلا سوكره
الله يعافيك ..

***مزون شمر*** · 01-03-2012, 03:41 PM

رد: رواية يا خاطفي وين ألقى عزتي في زمان المذلة ! / كاملة

ال ب ارت الثالث ع ش ر

لا تفكرفي { مصيري;.

وكيف بحيا في بعادك ;.}

تبقى:

أغلى شخص عندي

مهما توهمني بسرابك..}!

وببقى:

أصدق قلب حبك ..

وأدفى نبضة

تموت فيك "

تموت فيك "

تموت فيك "

:::
:::
:::

البنات

نزلوا من السياره كلهم ... 10 بنات كل وحده لها شكل وهيئه خاصه فيها ... الا هي مميزه بينهم مميزه بكل شي حتى بهيئتها وشكلها عبايتها على الراس عكس كل اللي معاها كلهم عبايتهم على الكتف فيها شويه تخصير وتطريز واضح مثل شهد ورغد .. محتشمه بغطايتها وعبايتها ومشيتها ..
ريم : اي واحد شهد ياكثر الفنادق هنا ..
شهد : امشي وراي وانتي ساكته .. ولاتسالين بتشوفينه
سمر : شوق ويش فيك ساكته ؟؟.. تكلمي
شوق : ويش اقول بس الله يصلحكم .. امشوا يالله
رغد : خلود وينها ؟؟
خلود : هنا انا ... بس امشووا يالله .... ترى طفشت مرره
شهد : خلاص وصلنا ...

دخلوا الفندق كلهم ومشوا لمكان المصاعد الزجاجيه
رغد : يالله بنطلع الدور الثالث لان المطعم بالدور الثالث
هديل شهقت : وووووووووووويش ؟؟؟... بالمصعد هذا .. والله ما اركبه لو على جثتي
شوق : اسكتي فضحتينا كل الناس يسمعونك ... امشي ولا يكثر هرجك
هديل تمسك سحر مع يدها وبخوف : لا والله ما اطلع فيه بايعه عمري وبعدين ياليته حديد قزاز
والله ما اركب خلاص انا برجع للسياره استناكوا لاخلصتوا تعالوا
شهد عصبت من هديل: وبعدين معك يالله كلنا بنطلع
هديل : لالالالالالالالالالالالالالالا .. مابي اخاف من المرتفعات
رغد تقرصها : مرتفعات بعينك ... شوفي امة لاله الا الله تطالعنا بسبب صوتك العالي .. بتركبين ورجلك فوق رقبتك سامعه يالله بدون اعتراض ...
انفتح المصعد .. ودخلو كلهم وشهد ورغد يدفون هديل غصب عنها
هديل ماسكه الجدار ماتبي تركب : اتركوووني ... مابي اركب راح يطيح من الاوزان الثقيله اتركوووني .. والله لو اموت ما اسامحكم
شهد تفك يدها وتسكر فمها ورغد تدفها بقووه ويدخلون المصعد
هديل تتمسك برغد وتضمها بعد ما انقفل باب المصعد : ائهههههههههئ والله انكم نذلات بتموتوني .. ماعاد بروح معكم مطعم لابوك ولا ابو المطاعم اللي تخليني اتبهذل اخر عمري
انطلقت ضحكات بالمصعد لفت هديل وشافت ثلاث عيال معهم بنفس المصعد انحرجت والبنات كل وحده كاتمه ضحكتها وهنادي يسمعون شهقات ضحكها ميته ضحك على شكل هديل ... غطت عيونها زين عشان مايشوفون دموعها ... انفتح الباب مره ثانيه .. واول وحده طلعت هديل من المصعد على بالها وصلوا الدور الثالث ..
واحد من العيال : وين رايحه هذا الباركينج الله يصلحك.... ارجعي ..!!!
انطلقت ضحكات الكل حتى شوق موقف لايحسد عليه ولع وجه هديل من الاحراج ماتدري ويش تسوي ترجع وتتحمل الضحك والتريقه والا تكمل طريقها وتطنشهم ... تمنت الارض تنشق وتبلعها ولا تنحرج بذي الطريقه قدام ناس اغراب ... رجعت دخلت والكل يضحك ... سكتوا لثواني وسمعوا صوت الكل طل بهديل اللي جلست تبكي
حنين : هديل ويش فيك ؟؟
هديل : مافيني شي بس بطني تعورني.. (( ياربي قسم انها فشله مابعدها فشله قرويه ورايحه مطعم ويش يتوقعون تسوي غير كذا واكثر .. ائههههههههههههئ ياليتني مارحت ))
رغد كاتمه ضحكتها همست بأذن هديل : بطنك تعورك .. والا انحرجتي من الفشله
هديل صرخت عليها : كلي تراب واسكتي ماني ناقصتك الحين ...
الكل : هههههههههههههههههههههههههههههههههههههههههههههههههه ههههه
وصلوا الدور الثالث بعد معاناه بالنسبه لهديل وفرفشه وضحك لهنادي وريم وسحر والبقيه
طلعوا كلهم وهديل وقفت بمكانها تبي تتاكد مو تتفشل كالعاده ..
نفس الولد : لاتخافين اطلعي هذا المطعم ... ههههههههههههه
هديل اعطته نظره احتقار : سخيف وغبي
سحبتها شوق من يدها واتجهوا للغرف ... بعد ما اختاروا لهم غرفه ودخلوها كلهم جلسوا على الكراسي
هنادي : ههههههههههههه مقدر انسى شكل هديل ... ههههههههههههه
ريم : وربي ضحكت من قلب اول مره اضحك كذا .. موقف ولا اخطر منه
هديل : انا اخاف من المصاعد بالنزول والله بنزل مع درج عادي لو تموتون مانزلت بالمصعد
شهد : ههههههههههههههههههههههه ياغبيه هم اخترعوه لنا عشان نريح ونرتاح
هديل : تخيلي يصير حريق وينقفل فينا ويش نسوي
خلود : ياربي على تفكيرك الارهابي ان شاء الله مايصير الا كل خير
ريم : لازم تتعودين تركبي مصاعد الدنيا تطورت
هديل : هالتطور ذا ما ابيه
هنادي : هههههههههههههههه لالا صراحه اليوم شبعت ضحك تسلمين ياهدوله ضحكتيني
وكملت ضحك كل شوي تتذكر شكل هديل يوم طلعت من المصعد وتموت ضحك
سحر : بس خلاص .. ياساتر كل هذا ضحك
هنادي : مقدر انسى شكل هديل قسم نكته ... المفروض تدخلي موسوعه قينيس للاغبياء
هديل معصبه : مخليه الذكاء لك ياذكيه
شهد : بس بس فضايح يالله كل وحده تطلب لها عشاء
خلود : ياخوفي نستقر على همبرجر وببيسي
رغد : شكل ذا اللي بيصير

:::
:::
:::

وقف قبال مرايته بعد الشور يتأمل شكله ... رفع شعره المبلول عن وجهه ولمس الشلخ اللي بخده قرب اكثر من المرايا حس الدم يفور بعروقه والقهر يملي قلبه وهو يطالع جروحه ... رمى العطر على الارض وانكسر كل يوم يزيد قهره وحقده عليها .. ضرب يده على تسريحته
وكله كره والم .. اخذ بلوزته ولبسها ...وكمل كشخته وبدالخا براكين تفور وتفور .. وتنتظر لحظة الانفجار ... دق جواله
فهد بهدوء تام : الو
وليد : وينك فهيدان تأخر مررره علينا .؟
فهد : جايكم بالطريق .. تبون شي
وليد : جيب معك بكت دخان لريان
فهد : ابشرر .. يالله شوي واجيكم
وليد : باي

طلع من غرفته وهو يصارخ على الخدم
فهد بعصبيه : ليزا .... ميري
ليزا : يس سير ... وت هبنت ؟؟
فهد : اطلعي لرومي ...وسوي كلين اوكي
ليزا : اوكي اوكي سير ...

طلع من البيت وركب سيارته قبل يتحرك فيها خطوه شغل اغنيته المفضله صدقيني ومطربها اللي يعشقه .. رابح صقر حرك السياره بسرررعه كعادته متهور بالسواقه ولايهتم لشي غير صوته عقله وعناده

:::
:::
:::

وصلوا البيت وكلهم مبسوطين وفرحانين
حنين : صراحه اليوم مرره استانست ...
شهد : ان شاء الله دايم ياررب
هديل : بالنسبه لي اتعس طلعه طلعتها
الكل : ههههههههههههههههههههههههه
هنادي : بالله انك تخافين من المصاعد ... بس اليوم كله كوم وموقفك كوم ثاني
حنين وخلود : هههههههههههههههههههههههههههههههه
حنين : بقول لامي الموقف صراحه مايتفوت مررره .. اما ابوي لو يدري بيمسكها عليها
هديل : ياويلك تفتحين فمك بكلمه .. بيمسكونها علي ويطفشوني
شوق : خلاص خلاص اسكتوا ترى راسي مصدع من رجتكم
رغد تجلس على الكنبه : بليزز وحده تنط تجيب لي مويه
ريم : ليش مالك رجول تروحين ؟؟
رغد : بطني مرره توجعني ومتحمله من العشاء عشان ما اخرب عليكم الطلعه
شوق تقرب منها بخوف : رغوده ويش يوجعك ؟؟
رغد تطالعها بحب وتبتسم : لاتخافين مجرد الم ويروح
شوق : تبين اقول لجلالي يوديك المستشفى
رغد : لا مايحتاج بروح اخذ مسكن وانام
سحر : خلاص روحي غرفتك بدلي ملابسك وانا اجيب لك مويه
شهد : يالله رغد روحي ارتاحي ... وجهك لونه اصفر
رغد تبتسم بتعب : طيب بروح انام ... وراحت للغرفه
سمر : ويش فيها تعبانه مرره كذا ؟؟
حنين : الله يرحم ذكائك ماتدرين ان رغد كل شهر تموت تعب
سمر حطت يدها على فمها وتضحك : هههههههههه ايه صح تذكرت
شوق بنظره حاده : بنت انتي وهي .. ويش تقولون
حنين ابتسمت وقامت ترقع : ولاشي بس في بيننا سر
شوق تنزل عبايتها واتجهت للمطبخ تسوي لها قهوه تعدل فيها مزاجها
اجتمعوا كلهم بالغرفه وجلسوا يسولفون ويضحكون ... ويحشون ويلعبون

:::
:::
:::

بالرياض وتحديدا ببيت ليان
ليان : انا جهزت كل شي جوازي واغراضي كامله
دانا وانا كمان سرقت جوازي من شنطه امي
ندى بتردد : بنات والله انا خايفه .. هذي فيها علووم ماني برايحه
ليان : هيه ياخبله ترى ماحنا بنروح برى المملكه .. ترى كلها جده ونرجع
ندى : لالا مقدر قسم ابوي غير ينحرني
دانا : يعني حنا اللي بيصفقون لنا ... بس نغامر ويش ورانا
ندى ترمي نفسها على السرير : والله مدري.. بس كل اللي اعرفه انهم راح يقومون الدنيا علينا ولن يقعدوها
ليان : تكفين لم يقعدوها بنقول لهم جت فجأه
ندى : طيب طيب .. خلاص صجيتوني بروح وامري لله

:::
:::

***مزون شمر*** · 01-03-2012, 03:44 PM

رد: رواية يا خاطفي وين ألقى عزتي في زمان المذلة ! / كاملة

بعد يومين

ريم : اوووف قربت الاختبارات النهائيه
هنادي بزعل وتأفف : يرحم امك لاتذكريني .. بس اتذكر باقي اسبوعين احس اني بنجلط
سمر : عادي ياختي اللي تذاكر مو زي اللي ماتذاكر
هنادي تقلدها : يييي .. انطمي
سحر : ويش رايكم نسوي جدول ونذاكر من الحين عشان نراجع بس ايام الاختبارات
ريم : نو بروبلم بيبي ... ماعندي اي مانع
هنادي تشد شعرها : ليش كلهم يهتمون بالدراسه اهم شي ننجح وبس قال نسوي جدول من الحين .. ياعمي طيري
سحر : بفهم انتي كيف تنجحين وانتي ماتفتحين الكتاب
هنادي : تف تف بسم الله علي .. خمسه وخميسه لاتطقيني عين اطيح عليكم الحين
سحر : ياربي على عربجتك .. ايوه ريم ترى لينا عزمتنا عندها بالبيت اليوم قالت لي
ريم : ما اتوقع ابوي يوافق صاير مررره علينا لاطلعه ولاجيه
سمر : احنا من اول مانطلع كثير اللهم مشاوير المدراس والطلبات
ريم : اقولك سحر اعتذري منها ماني ناقصه اخذ لي هوشه من ابوي
سحر : انا بخلي شوق تطلبه لنا ماراح نتاخر نروح بعد المغرب ونرجع على 9
ريم : امممممممممممم مدري والله
هنادي : بروح معكم
ريم وسحر بصوت واحد : لا

هنادي بخرعه : يمه منكم .. مالت عليكم من زينكم اروح معكم ..
ريم : اجلس لاتطلبين مره ثانيه .. وانثبري بالبيت
سحر : بروح اقول لشوق عشان تكلم ابوي ... اخاف اروح لغرفته
ريم : طيب روحي

اتجهت لغرفة شوق .. دقت الباب بشويش
شوق تمسح دموعها وتعدل جلستها : تفضل !!
سحر : شوقه .. ممكن اطلبك طلب
شوق : ويش تبين حبيبتي ؟
سحر : لينا صديقتي عزمتني انا وريم عندها يوم الثلاثاء اطلببي ابوي نروح عندها
شوق : وليش ما تطلبينه انتي ... انا ما اعرف خويتك ذي
سحر : شووقه لينا اللي دايم نسولف عنها تكفين خلينا نروح قبل الاختبارات
شوق تبي ترفع ضغطها وقفت وراحت للمكتب اللي دايم تكتب عليه وفتحت الاب توب
شوق : امممم تيب بقول لعمي واشوف
سحر : تكفين ياشوق حاولي معه الله يسعدك
شوق تطالعها باستغراب : ليش مصره تروحين
سحر : اول مره تعزمنا واول مره نروح لوحده من صديقاتنا ويش معنى رغد وشهد يروحون حتى احنا بنروح عند لينا
شوق : طيب بطلب عمي يازنانه
سحر : تكفين حاووولي باللي تقدرين
شوق : من عيوني

:::
:::
:::

هنادي : خير ويش تبي ؟؟
ماجد : افا مو انت هاني .. والا انا غلطان
هنادي : ماجد عن الاستهبال .. خلاص انت كشفتني وانا ماعاد بسوي شي شين اوكي
ماجد : ايه زين كذا ... تعدلي خليك سنعه مو بنت خرطي
هنادي وعيونها بتطلع من مكانها : خرطي ؟!!.. اقول انا اعطيتك اكبر من حجمك يالله طس عني ولاعاد تدق سامع
ماجد : ماني بداق مرة ثانيه بس حبيت اتطمن انك عقلتي
هنادي : لايكون كنت مجنونه وانا خبر خير ؟؟
ماجد : والله ياختي انتي ادرى مجنونه او عاقله ... المهم تتركين سوالف العربجه عنك وتصير زي كل البنات
هنادي : طيب شكرا ..
ماجد: العفو هذا واجبنا
هنادي تطالع بجوالها نفها تطلع له مع السبيطر وتخنقه لانه ينرفزها : طيب مع السلامه
ماجد ماسك نفسه : مع السلامه ياهاني لاتقطعنا عاد ..
قفلت الجوال منه مقهوره ووجهها احمرر من العصبيه
هنادي (( الله يلعن ابليسك ياماجد دواك عندي انا قسم لا اخليك تدور حول نفسك مليون مرره صبرك علي ماعرفتني زين انا هنادي ))

اما عنده
ماجد ميت ضحك : هههههههههههههه عصبت مني تستاهل اجل في بنت عاقله تسوي حركات المبزره حقتها هين ياهناديوه اذا ابوك مو داري عنك انا اللي بربيك وراك وراك لين ماتمشين على الصراط المستقيم .. مستحيل اسمح لحد يقرب منك دامني عرفت سرك انا اللي بحميك لانك بذمتي ..

:::
:::

***مزون شمر*** · 01-03-2012, 03:45 PM

رد: رواية يا خاطفي وين ألقى عزتي في زمان المذلة ! / كاملة

سقى الله يوم اناطفله /

انام ولاحدن قدي ..

ولا احاتي هموماليوم ..!!

ولا احاتي امل بكرا..!!

تداعب { امي}بشعري
وتمسح يدهاخدي..
ونومي هادي و ساكن //
ورعانا الرب في ستره ..
تلاع بيدي الدمية
وعندي هالزمن وردي..!
همومي لعبتي ضاعت
وعندي هم وش كبره ..
"كبرت وعشته الدنيا"
"كبرت ولاهو بودي"
"كبرت بشكلي ورسمي"
وعقلي باقي بصغره ..

قفلت دفترها اللي هو ملجئها وومكان تبحر فيه لعالم ثاني تنسي فيه من تكون .. تسطر فيه احلامها الضائعه.. امالها المستقبليه .. امنياتها اللي تتمناها بحياتها البائسه .. كلمات تخرج من قلبها لتجد لها مكانا تستقر به الى حين ...
شوق : اه بس من الاحاسيس اللي تجيني .. ماني مرتاحه ابد في شي شاغل بالي ... فهد اه منك يافهد لخبطت كياني وحياتي ماعاد افكر غير فيك ... افكر بانتقامي منك .. يارب انت الجبار العظيم انتقم لي منه انتقام عزيز مقتدر امين ..

وقفت وفتحت باب غرفتها ... واتجهت لغرفة عمها عشان تكلمه بموضوع سحر .. وقفت وترددت تدق الباب بس سمعت صوت حركه وتشجعت تدق عليه ..
شوق : خلوني اطلبه الحين يمكن يكون هادي .. دقت الباب
ابو مها : مين ؟؟
شوق : انا شوق ياعمي
ابو مها : ادخلي يبه ادخلي انا كنت جايك .. فتحت الباب ودخلت وقفلته
شوق : امرني عمي بغيت شي مني
ابو مها : اول شي ويش تبين جايه ؟؟!
شوق : عمي سحر وريم عازمتهم صديقتهم بالبيت ويبون يروحون وهم طلبوني اطلبك لانهم خايفين منك
ابو مها : ومن ذي البنت ؟؟
شوق : صديقتهم لينا بنت الدكتور خالد اللي بالجامعه الاسلاميه
ابو مها : اللي ساكن باخر الحاره
شوق : ايوه هوو
ابو مها : والله ابوها انسان مافي مثله .. خلاص قولي لهم يروحون بس مايتاخرون
شوق : تسلم ياعمي هذا عشمي فيك
ابو مها : الله يخليك يابنتي لنا ولايحرمنا من روحك .. الا انا كنت بحاكيك بموضوع مهم
شوق : ويش هو الموضوع ياعمي
ابو مها : في مشروع عقاري اذا ربي وفقني وكسبت فيه بتتغير حياتنا كلها بس انا ماودي اجازف باموالكم انتي وخواتك بغير رضاكم .. عشان كذا ابي اخذر رائيك بذا الموضوع
شوق : انا ما افهم ياعمي بالمشاريع وكذا .. سوا اللي تشوفه زين انت
ابو مها : بس هذا حلالكم يابنتي انا بدخلكم معي
شوق : عمي انا من البدايه قايله لك حلالك حلالنا والعكس كلنا واحد
ابو مها : طول عمرك عاقله يابنتي الله يوفقك ويرزقك باللي يستر عليك ويسعدك بدنياك
ارتجفت من دعوة عمها لها تردد صوت عمها وصداه بأذنها

((ويرزقك باللي يستر عليك .... ويرزقك باللي يستر عليك. .. ويرزقك باللي يستر عليك...))

راحت لعالم ثاني نزف جرحها من جديد وتجددت جروحها كلمتها عمها جت على جرحها

شوق : تامر بشي ثاني عمي
ابو مها : سلامتك يابنتي ..
شوق : تصبح على خير ياعمي
ابو مها : وانتي من اهله يبه

:::
:::
:::

شهد : ردي عليه وريحينا وربي ماني عارفه انام من كثر دقه عليك
رغد : خليه يدق لين يشبع ... اجل انا رخيصه
شهد عصبت وتغطي بالبطانيه بقوه : اوووووف لو يدق مره ثانيه راح ارد واسفل باهله
رغد : هههههههه لا تعصبي خلاص نامي وفكينا
شهد : شكلك مافيك نوم ومبسوطه انه يدق حطيه سايلنت لا اوريك انتي مو هو
رغد بتفتك من رجتها : طيب بحطه سايلنت نامي نومة الظالم عباده
شهد : الحين صرت ظالم ... مصيرك بتعرفين قدري

رغد تحط يدها ورى راسها وتعدل جلستها وصارت تفكر بحلمها اللي شافته بمنامها وقلبها مو متطمن له .. قلقانه منه وخايفه على نفسها وعلى قلبها .. انتشر نور الجوال بالغرفه لفت له وشافت رقمه
رغد (( ارد والا ما ارد ... خلوني ارد واشوف ويش يبي والا اقول اقفله احسن لي وانام بكره وراي جامعه .. قفلت جوالها وحطت راسها على مخدتها والنوم مجافيها طلع الفجر وهي ماغمض لها جفن ...

خايفان اڷزمن يبعدك عنۓ ..
تمضيۓ ۈتزيد من نزف اڷڇړۈح..
خايفان اڷغيړ يسړقك منيۓ ..
عڷى صدى صۈتك تتړكنيۓ أنۈح .
يحفظك ړبيۓ..صاړحنيۓ ۈعڷمنيۓ ..
عطنيۓ من اڷامڷ قصړ ۈصړۈح ..
دخيڷ عيۈنك..طمنيۓ ۈړيحنيۓ ..
هۈ أنا أستاهڷ قړبك ۈإڷا أړۈح

قامت وصلت صلاة الفجر وبعدها صحت الكل عشان يصلون ويفطرون ويروحون لاشغالهم
شوق : ريم قبل تروحين المدرسه ترى كلمت عمي ووافق تروحون بكره لصديقتكم
ريم بصدمه : صدق .. اجل بقول لها اليوم بالمدرسه
شوق : وقولي لسحر اوكي
ريم : اكيد .. يالله بايووو
شوق : باي وانتبهوا لدروسكم
هنادي لبست عباتها وطالعتها بنص عين : ننتبه ... طيب طيب بنتبه
شوق ابتسمت : طيب يا فايق انت لاتنتبهي لدروسك
هنادي تضحك : هذا الكلام اللي يفوق من جد .. يالله لاتنسى تفصلي التلفون عشان مايزعجك
ونزلت مع الدرج .. وقفت شوق على الباب وهي تضحك
شوق : عشان مايزعجني والا عشان مايدقون المدرسه
هنادي ترسل بوسه سفري : يعجبني ذكائك ياحلووه
شوق : انتبهي لاتطيحين مع الدرج خبري فيك رفله
هنادي : لالا ياسنعه .. يالله بروح الحين يمسكوني هواش الدوافير تحت عشان تاخرت
شوق : هههههههههههههه تيب يالله طسي

:::
:::
:::

صحى بدري عشان يبدأ مخططه اللي جهزه قبل ينام وفكر فيه بدل المره ألف .. ولازال تفكيره فيه جاري .. نزل وجلس على طاولة الاكل .. والدنيا قافله بوجهه
فهد : ليزا
ليزا : يس سيررر
فهد : شوفي ابيك تروحين ... قاطعه صوت الجرس لف للباب اللي انفتح
ندى : اوووف ترى من جد تعبت اليوم مرره
ليان : شوفينا وصلنا بالسلامه ..
وقف وهو مو مصدق اللي يشوفه ... صدمه × دهشه × خيال
فهد : ندى ... ليان ... دانا
البنات يضحكون على شكله اللي برد من شافهم : ايه
فهد : ليش جايين لحالكم ... احد صار له شي ..
ندى : طيب سلم بالاول قول حي الله من جانا .. تو مانورت جده على طول ليش وليش ؟؟
فهد توه صحى على نفسه : هلا هلا .. حياكم .. وسلم عليهم وجلسوا بصاله الاستقبال
ليان : هههههههه اكيد مفاجئه لك
فهد : والله من جد مفاجئه ماتوقعت انكم تجون
دانا : اشتقنا لك وقلنا نجيك نزورك
فهد : من راسكم جايين والا قايلين لاهلكم
ندى بنظره خوف : تبي الصدق ماقلنا لاحد وجينا بطيارة ابوي
فهد طلع من عيونه الشرار وقام يصارخ عليهم : كيف تجون ومحد يعرف شي لو صار لكم شي ويش بتستفيدون من تهوركم ...
ليان مسكت يد ندى خايفه : قلنا نجي لك نسوي سوبرايز
فهد : سوبرايز ويش تلاقين اهلكم ميت خوف عليكم انتم متبلدات ماتحسون
دانا : قبلنا انت متبلد ولا تحس ومحد قال لك شي
انصدم بكلام دانا اللي نزل عليه كانه صاعقه تغير وجهه واول مره يبان عليه الارتباك
(( انا متبلد وما احس ... وليش ازعل كلامها كلها صدق ماقالت شي خطاء ))
فهد : بس انا ولد مو زيكم
ندى : ويش تفيركم المحدود ذا بنات بنات .. عادي ياخوي
فهد صرخ عليها صرخه وقفت قلبها: ويش عادي لا العن جدفك الحين .. انتم شرفنا تبون توطون راسنا
دانا وقفت : اذا ماتبي تستقبلنا قول من البدايه ومالها داعي محاضرتك يا شريف .. اصلا محد منزل راسنا غيرك وحط ذي الملعومه براسك ...
بدون مايحس اعطها كف الجمها عن الكلام
فهد : اتوقع انك ماتربيتي .. وتربيتك علي يدي يا دانا ... مو فهد اللي احد يرفع صوته عليه
"صرخ " .. فاهمه
دانا بحقد طالعته : انا الغلطانه اللي جيت هنا .. لفت اخذت شنطتها وطرحتها ومشت خطوه
وقفتها يد فهد اللي بكل قوته لفها عليه
فهد : انتي دخلتي هنا بكيفك .. لكن ماراح تطلعين الا بكيفي انا
ندى تحاول تهدي الوضع مسكت يده : فهد خلاص اهدى مافي شي يستاهل
فهد لف عليها وابتسم بسخريه وجلس على الكنبه : تقولين ذا الكلام صدق ... مافي شي يستاهل ... اذا سافرتوا لحالكم اجل ماندري ويش تسوون من ورانا
تغيرت وجيههم كلهم
ليان (( ماتوقعتك كذا ياخالي .. معقوله انت المثقف والانسان الفري يكون تفكيرك رجعي بالصوره ذي ... لالالا بقووه طحت من عيني بس ايش يقصد ماندري ويش تسوون من ورانا لايكون يقصد اننا نطلع ونكلم عيال والله لو طلع هذا قصده بيكون اثبت ان له سوابق ))

ندى (( فهد يقول هالكلام احسن اني بحلم مو بعلم ما اصدق عيوني متغير حيييل ))
دانا (( اه يالقهر انا يمد يده علي ... ماقلت شي غلط كل اللي قلته صح مليون بالميه ))
فهد : يالله روحوا ارتاحوا ... مبين انكم تعبانين
ليان : لا بنروح ... وقف واعطاهم ظهره وكلهم يرجفون منه لانه فارض شخصيته وهيبته على الكل مشى للدرج وبصوت مسموع
فهد : صيروا بنات مطيعات .. وبشوفون اللي يسركم كل وحده تختار الغرفه اللي تبي البيت كله تحت امركم ... وطلع لغرفته بدون حتى مايلف عليهم

:::
:::

***مزون شمر*** · 01-03-2012, 03:48 PM

رد: رواية يا خاطفي وين ألقى عزتي في زمان المذلة ! / كاملة

بالجامعه

كانوا جالسات لحالهم انعزلوا عن الشله بعد اللي صار كل وحده لاهيه بحياتها واهتماماتها ودراستها او امور ثانيه شاغله تفكيرها
جات كوثر لهم وكلها اشتياق لسوالفهم وكلامهم
كوثر : كيف الحلوين اليوم ؟
رغد وشهد : الحمدلله بخيررات
كوثر : من زمان عنكم .. ماتقولون لنا صديقه اسمها كوثر ندور عليها
شهد : اعذرينا حبيبتي والله مشغولات بحياتنا
كوثر : صدقتي الدنيا تلاهي .. ويش اخر اخباركم ايش مسوين ؟؟
رغد : الحمدلله ماشي الحال
كوثر : سويره وينها مختفيه مرره وحتى فاتن شفتها قبل يومين ... شرقت شهد بالعصير اللي تشربه ..
رغد تدقها على ظهرها : صحه صحه !!
شهد بانت العصبيه على وجهها : كوثر بليزز بتجلسين معنا اللي اسمها فاتن لاتجيبين طاريها على لسانك اوكي
كوثر : اوكي لاتزعلي .. ويش فيك عصبتي علي ؟
شهد : ماعليش انا اسفه بس فاتن لاتجيبن طاريها عندي هالحقيره الواطيه
كوثر : ويش مسويه لك ؟.. الظاهر بينكم سالفه كبيره
رغد : لا سالفه ولاشي بينهم سوء تفاهم وافترقوا عن بعض ماعاد صاروا صاحبات
كوثر : الله اعلم بس فاتن يوم شفتها فيها كدمات وضربات يوم سألتها قالت صار لها حادث بسيط
شهد بحقد (ليتها ماتت وفكت الناس من شرها هذي شيطان على هيئه بنت تسحب الخلق وتورطهم حسبي الله عليها كنت الوم ريماس ووقفت معها والحقيره خانتني وخانت العهد اللي بيننا خساره تكون ادميه هذي مريضه ))
رغد : سلامتها ..(( احسن ان شاء الله من هذا واردى يارب.. مايكفيني اني اشوفها تنكوي بالنار حلال اللي يصير فيها كانت بتدمر شهد والله العالم ويش سوت بغيرها وغيرها هالمجرمه ذي ))
كوثر : ويش فيكم ساكتين !!
شهد : مافي سوالف مرره طفش
كوثر : على فكره ترى ريماس انخطبت وحفلة خطوبتها يوم الخميس
رغد وشهد بصدمه : صدق !!
كوثر : ايوه صدق انا سلمت عليها وقالت لي
شهد وقفت : انا بروح ادورها ..
رغد : خوذيني معاك .. عن اذنك كوثر
كوثر تطالعهم باستغراب : تفضلوا ... ايش فيهم كانهم مقروصات غريبه الايام هذي مرره اتغيروا يالله كل الناس تتغير مو بس هم

دوروا عليها لفوا الساحه لف ... لكن مالقوها
رغد : اووف تعبت مرره وانا سهرانه مانمت والحر يمرض بزياده
شهد : شكلها طلعت مو مشكله بكره ان شاء الله نكلمها خلينا نروح الحين البيت
رغد تطالع الساعه : يالله عشان يمديني امر الصيدليه
شهد : كم الساعه الحين
رغد : 10 ونص .. يالله امشي
شهد : طيب يالله لفوا بيرجعون مع طريقهم ... قابلتهم فاتن وهي تمشي لحالها كانت نظراتها لهم غريبه وتخوف بنفس الوقت
رغد : طنشيها لاتطالعيها الحيوانه
شهد : نفسي امسكها واطلع حرتي فيها .. تحسبني ريماس بسكت لها وربي ما اسكت لها
رغد : شوفي كيف تطالعك
تقابلت نظراتهم مع بعض كل وحده تطالع الثانيه بنظرات غير مفهومه لكن بداخلهم فاهمينها زين ماشالت شهد عيونها وكانت نظراتها ناريه .. وفاتن نظراتها نظرات اشمئزاز وانتصار وخبث ..
فاتن (( ربي حماك مني ياشهد مرره لكن صدقيني بوريك الويل صبرك علي صبرك ))
رغد : يالله مشينا
شهد تلف عنها باحتقار وغرور : يالله ... وطلعوا للسياره وركبوا
رغد : جلالي
جلالي : نعم
رغد : روح للصيدليه بعطيك اسم دواء تجيبه لي
شهد : ويش سالفتك مع الادويه انتي
رغد : ياشيخه خلص المسكن حق الم بطني وانا حافظه اسمه ابيه يجيب لي لاني والله تعبت مره
شهد ترجع راسها على ورى : اه تعب وتعب وتعب .. نفسي ارتاح
رغد : خليها على ربك ..
شهد : الله كريم ... اقولك جلالي وقف بسوبر ماركت ابي شي بارد يبرد علي مع الجو الحارق هذا
رغد : اي والله تسوي فينا خير البيت مرره بعيد
جلالي : تيب تيب .. انا بجيب لكم اللي تبونه
رغد وشهد : هههههههههههههه نبيه ..
شهد : والله حركات ياجلالي متاثر بابوي مرره
وصلوا للصيدليه
رغد : هذي الورقه فيها الاسم جيبه لاتتاخر ترى حدي تعبانه .. سندت راسها على الخداديه اللي موجوده بسياره وغمضت عيونها وتذكرت موقفها معاه والصدفه اللي جمعتها فيه
عبدالله : سلامات .. تعورتي
رغد تبكي : لالا ما تعورت
عبدالله : اذا تعورك اوديك المستشفى ..
رغد : لا مايحتاج .. ابتسمت من تحت لثمتها وهي تذكر لمسات يده ليدها
رغد (( شكلي هسترت بجد صايره اهوجس فيه لانوم انام .. وحتى بيقظتي يلاحقني )) فتحت عينها ولفت لجهة القزاز تناظر الرايح والجاي .. لفت انتباهه سياره والاهم من السياره الموجودين داخل السياره ... فتحت القزاز لانه مظلل تبي تقطع الشك باليقين
تلاقت عيونهم عيون ماليها اللهفه والشوق وعيون تتأمل من تحب بصدق واخلاص ..حست ان دمعتها بتخونها لكن منعت نفسها حاولت قد ماتقدر تشبع عينها من شوفته ..

***مزون شمر*** · 01-03-2012, 03:57 PM

رد: رواية يا خاطفي وين ألقى عزتي في زمان المذلة ! / كاملة

أعرف انك ماتصدق بس والله
فوق والله..
والله أنه راح مني نصف عمري
>>في غيابك..
وأعرف أني شلت همي تاركن
حبي على الله..
كني أبعد من نجوم الليل وأقرب
من ثيابك..
ياعساك وياعساني وياعسانا
وياعسى الله!
ياعسى الدنيا تموت وما يعيش
إلاترابك..
يا أحبك واعشقك واهواك.. وإلا
يفتح الله..
ماتعودت افتخر باحساسي إلا
(تحت بابك)
ايه أحبك والقضيه واضحه
والشاهد الله..
يطرد المظلوم خصمه وأنت
خصمي ياهلابك..
ياهلا بك يوم تجرح خافقي
ويسامح الله..
ياهلا بك يوم تلحق غيمتي!
والحق سرابك..!
جابك الله في حياتي ياحياتي جابك الله..
ليش؟مدري! .. وين؟ مدري.. كيف؟ مدري بس جابك..
كل ماقلت ابتدينا في المحبه
قلت يالله..
مادريت إن النهايه بين بعدك واقترابك..
إنظلمت ولا شكيت..
وقدتركت الأمر لله..
كان همي أنتظر باقي عذابك في عذابك..
الله الله إنتبه.. واحذر.. وفكر
والله الله..
مثل ما أحسب حسابي في هواك أحسب حسابك..
ماطلبت المستحيل ولا رجيتك
شي لله!
ماطلبتك أرتفع من حجرتي
واسكن سحابك..
يصرخ القلب المعذب يالمعذب
(وكل الله)..
شاب حبك في عيوني وانت توك
في شبابك..
رحت شي.. وجيت شي "مختلف" ياحسبك الله..
تصدق إني مابغيت اجلس مع
حضرةجنابك..
غير (ذاك الزمان) ويازماني
منك لله..
ليش ماغيرت فيني شي يوم
إني أهابك..
ليش مايعطف حنانك علي
وتوحد الله..
يعرفون انك سؤال ويعرفون
اني جوابك..
ويعرفون اني حلفت ولا اعرف
أغلى من الله..
والله انه راح مني نصف عمري
في غيابك

كان سرحان بالعيون الساحره الي سحرته من اول نظره .. العيون اللي علقته بحبها من اول لقاء .. عيون ازدانت حياته بوجودها فيها ... سرح بخياله لبعيد واستقر على شاطئ مدينتها
ماقدر يمنع نفسه انه يذوب في حبها ماقدر يمنع قلبه انه يدق لغيرها .. ملكته من اول مره بعلمها وبدون علمها
يوسف : الله يلطف بحالتك ياشيخ وين سرحت ؟
عبدالله : اه يايوسف .. كل ماشفت عيونها يزيد الامل فيني احس أتمسك بالحياه حتى لو كنت بقمة الياس عيونها فيها سحر غير عن كل انواع السحر سحر ماذوب غيري
يوسف منسجم بكلام عبدالله : اول مره احس انك صادق بشي تقوله من قلبك
عبدالله : انا مقدر اتحمل اكثر من كذا
يوسف : ويش بتسوي ؟؟!!

اما عندها هي كانت بعالمه المجنون عالم صارت اسيره له
شهد : وين وصلتي ياحلووه ؟
رغد : معاك .. بس نعسانه مووت
شهد : مانمتي بالليل
رغد : لاماجاني نوم فيني قلق معرف ايش سببه
شهد ابتسمت وكاتمه ضحكتها : انا عرفت سببها ..
واشرت وراها .. لفت رغد بسرعه كلها فضول تعرف ويش تقصد شهد .. شافته واقف جنب الباب ويأشر لها تنزل القزاز ... ماهي مصدقه اللي تشوفه قلبها بدت تزيد دقاته .. يدها بدت ترجف مجرد شوفتها له بجنبها يتكهرب كيانها اللي استولى عليه بكل مهاره وسرعه ارتبكت بشوفته تلخبطت امورها .. وين جرئتها وقوتها كلها اتبخرت ومابقى منها شي
فتحت القزاز بعد ما اشر لها مرره ثانيه ..
عبدالله وعيونه شوي وتاكلها : سلام
رغد ماقدرت تحط عينها بعينه نزلت رساها بسرعه : وعليكم السلام
عبدالله : رغد ..
رغد : هلا ..
عبدالله : ليش ماتردين علي امس خفت انه يكون صادك شي
رغد رفعت عينها له بسرعه مستغربه منه : صادني ؟؟
عبدالله : اقصد صابك شي ..؟؟
رغد : الحمدلله انا بخير بس كنت برى الغرفه والجوال بالغرفه
عبدالله يحط عينه بعينها لانه عارف انها تكذب : كنت برى والا ماتبين تردين
رغد طالعته بقوه : ايه مابي ارد فيها شي ذي
عبدالله : مافيها شي ابد ...
رغد : وبعدين انت تلاحقني هاه ؟؟
عبدالله : اليوم ايه جيت للجامعه قلت اكيد فيك شي والا كان رديتي
رغد : وايش السبب
عبدالله : الكلام اللي قلتيه لي باخر مكالمه
رغد : انت اللي خليتني اقوله
عبدالله : انا اسف وحقك علي ... بس حطي نفسك مكاني
رغد طالعته بعيون شر : عبوود وقلت لك انا ... لو كنت رايحه برضاي يحق لك تتكلم لكن انا رحت مجبره
عبدالله : عارف
رغد : وبعدين انا لسى ماحاسبتك على كذبك علي
عبدالله : اي كذبه ؟؟
رغد عصبت وبدت تفقد اعصابها : واي كذبه بعد يعني في كذب على طول الطريق
عبدالله : رغودتي .. ويش تقولين انتي فهميني ؟
رغد : طيب بين كلام بس بالحر هذا مقدر اتكلم وانت تحت الشمس
عبدالله : اوكي انا بروح البيت اول ماتوصلي كلميني
رغد : طيب يصير خير
عبدالله يطالعه بنظرات غريبه : رغد سامحيني ترى وربي مقصد شي
رغد : افكر .. وارد لك خبر اذا سامحتك او لا
عبدالله انقهر .. تركها ومشى
شهد تقلدها : افكر .. اصلا انتي غبيه افهمي وربي شكله يحبك ويجري وراك يامجنونه
رغد : ويش اسوي يعني اذا يراكض وراي ..بعدين انا صح احبه لكن م معناته اهين نفسي عشان حبه كرامتي قبل كل شي ..
شهد : اي كذبه تقدصن انتي بكلامك
رغد بعصبيه : ياهبله انتي مو فاهمه شي ذيك الليله انتي وين وانا وين
شهد شوي وتبكي : اخ من ذيك الليله ناشبه بحلقي قسم بالله احسها غصه
رغد : وعبدالله قهرني قهرني
شهد : ليش ويش سوى بعد
رغد : تدرين اكتشفت انه مايشتغل بالمطعم
شهد انصدمت : كيف ؟؟ ايش تقصدين ؟؟
رغد : عبدالله بالمباحث ... عشان كذا ذيك الليله كان في بلاغ عندهم عن الشقه اللي رحنا لنا ومن نحاسة حظي انه كان بذيك العمليه
شهد : يعني هو مايشتغل بالمطعم
رغد : لا هو ضابط بالمباحث ..
شهد تحس انها تحلم : من جدك تتكلمي ... ضابط !! ما اصدق
رغد : والله العظيم ضابط . بسهو ماقال لي انا لما كنا بالقسم يحققون معنا سالت الشرطي قالي انه ضابط
شهد : مو مصدق الى الان يارغد
رغد : انا صدمتي كانت اكبر لكن سكت وتحملت كان يكذب علي بس عذرته قلت شغله وصعب يتكلم عنه عندي ..
شهد : والله طلع مصيبه ذا العبدالله

:::

***مزون شمر*** · 01-03-2012, 03:58 PM

رد: رواية يا خاطفي وين ألقى عزتي في زمان المذلة ! / كاملة

ريم : اووف طفشت تاخر جلالي مرره
سحر : روقي الحين يجي ويش مطيرك اصبري
ريم : صرت دجاج مشوي بالحر ذا
سحر : مشوي مرره وحده ... خلاص شوي ونوصل البيت
هنادي : هايوووو
سحر : هايات
هنادي : وين سمر
ريم : دخلت البقاله تجيب مويه
سحر : انا تعبت بتكي على السياره ... راحت لسياره كامري ابيض مظله بالكامل وتكت عليها بتعب
هنادي : حلوو شكل السياره .. وجلست على السياره من قدام
ريم معصبه : هذا جلالي بس يتاخر علينا بس شهد ورغد يركض لهم ركض
هنادي : حرام عليك تعرفين ان رغد تتعب على طول .. كافي انها تدوخ من الحر وماتتحمل
سحر: بس مو يلطعنا كذا تعرفين الجو ناررر مرره
هنادي : اوووف منكم سولفوا مع لينا طيب على بال مايجي
سحر: لينا راحت من بدري مشت على رجولها ابوها مو جاي لها عنده محاضره
ريم : والله اننا غبيات لو قلنا لها نوصلها معنا
سحر : صدق والله راحت من باللي يالله الايام جايه
هنادي : سمر وينها .. تاخرت .. جت سمر ومعها مويه
ريم : ثانكس ..
سحر تعدل طرحتها اللي بدت تطيح :ك اووف مرره مو وقتها ذي
هنادي : روحي ورى السياره محد بيشوفك وتظليلها مرره غامق
سحر : ايه بروح .. انتبهوا لاحد يلقطني وربي بيدوخ لو يشوفني ويشوف جمالي الباهر
ريم : لالا امووت بصراحه... اقول قسم انه غير يشرد ومانشوف غير غباره
سحر : ياربي على الغيره ....وتلف بغرور عنهم وهي فاطسه ضحك على كلامهم
هنادي : اللهم استر لاتصير حوادث ياعتاب هههههههههه
ريم وسحر : هههههههههههههاي
نزلت طرحتها وصورتها معكوسه على قزاز السياره رعت شعرها ولفت الطرحه وزبطت النقاب على عيونها وهي تزبطه بدأ القزاز ينزل بشويش ... خافت وماتحركت من مكانها
...: وي وي وي ماتوقعت في بنت بالجمال هذا ... ماقدرت ترد عليه لانها ماتوقعت ان السياره فيها احد
...: اخق على هالزين اللي تملكينه ... مشت بسرعه وهي ترتجف
سحر شوي وتبكي من الخرعه : رررررريم .. هنادي
ريم انتبهت ليدها وهي ترجف : علامك ترجفين كذا
سحر : السياره فيها عيال ... نزلت دمعتها .. خوفني بعد ماعدلت طرحتي فتح القزاز يغازل
هنادي : من جدك تتكلمين
سحر : والله العظيم .. وانفتح القزاز اللي جهت هنادي
...: ليش تحطمينها يابنت ...
هنادي : اقول تلايس بس واسكت
...: اقول ويش هالمزيونه
سحر تمسك ريم وتاشر لهنادي اللي مبين انها ناويه على هوشه : يالله نمشي ندخل جوا
هنادي : مشينا .. عيال متخلفين بالمرره
شافوا سيارتهم من بعيد واتجهوا لها

:::
:::

رغد : طيب وبعدين
عبدالله : بعدين ولا شي .. انا لو ما احبك كان من ذاك اليوم تركتك
رغد : مو بس انت اللي تحبني وانا كمان احبك
عبدالله مو مصدق اللي تقوله يحس انه يحلم : رغد .. ويش قلتي .. ماسمعت
رغد ابتسمت بدت حرارة خدودها ترتفع وتميل للون الوردي : اللي سمعته
عبدالله : عيديها من زمان انتظرك تقوليها
رغد : صح اللي نسويه غلط ويمكن مايستمر .. لكن صدق صدق احبك ياعبدالله ولو انك كذبت علي بس حبيتك من قلبي ومحد قدر يكسر قوانين قلبي وحياتي غيرك انت
عبدالله : اول شي انا ماكذبت انا انسان فقير ومسؤل عن عايله كامله بس شغلي مقدر اقول لاحد عنه
رغد : انا عذرتك والحين كل شي اتصلح وفهمت انت كل شي
عبدالله : ايه فاهم من زمان .. بليزز سامحيني
رغد : سامحتك بس لو تكررها مره ثانيه صدقني بمحيك من حياتي وقلبي
عبدالله : قلبك !! تدرين اول مره احد يقولي انه يحبني واني بقلبه
رغد حست انه حزين ومكسور كل يوم تكتشف فيه شي جديد : اول مرره ؟؟!!
عبدالله : ايه اول مره انتي حبتيني لذاتي مو لمالي او شكلي
رغد ماحست الا والكلام يطلع منها بدون اي شعور : ايه حبيتك لشخصك مو لاشياء تافهه .. شفت فيك اللي ماشفته باي احد ثاني .. شفت فيك انسان متواضع ومحبوب يكفيني قلبك انت ياعبوود
عبدالله كانه طفل وفرحان بهديه انهدت له الو مره يسمع كلام كذا ومن مين من وحده حبها بصدق وماكذب عليها رغم انه يدري بالغلط اللي يرتكبه ويجبرها على ارتكابه : صدقيني يارغد ماراح اخذ غيرك انتي لو بعد خمس سنين بسوي كل اللي اقدر اسويه عشان اتزوجك انتي وبس لاني مستحيل اتزوج غيرك الموت اهون من اني اتركك تروحين من يدي
رغد ولع وجهها ماقدرت تنطق بحرف واحد وقفلت الجوال وتحس الدنيا تدور فيها من فرحتها بكلامه ... خبت وجهها بالمخده وماحست بنفسها الا وهي تسافر لعالم الاحلام بعد يوم شاق ومتعب لها

:::
:::

***مزون شمر*** · 01-03-2012, 04:00 PM

رد: رواية يا خاطفي وين ألقى عزتي في زمان المذلة ! / كاملة

بجده
ندى ترمي نفسها على السرير : ماتوقعت فهد بالشكل هذا
دانا : قال فري والله ماعنده سالفه السعودي سعودي لو يصير اللي يصير بيظل طريقه تفكيره قديمه
ليان : انصدمت بكلامه مرره .. الله يعين اللي بيتزوجها
ندى وقفت منخرعه : تهقون دق على ابوي .. ياويلي قسم غير ينحرني ابوي
دانا : الله يستر ندمت اني جيت .. كلها من فاكارك ليان
ليان : محد ضربكم على يدكم وقال تعالوا معي
ندى : انتي الخوف منزوع من قلبك بالمرره
ليان : بنام تعبانه حيل .. خوف وارهاق وتعب سفر .. يالله ناموا لاتشيلون هم
دانا : صدقت ندى يوم قالت الخوف منزوع من قلبك .. الحين شايلين هم اهلنا اللي لو يدورن بيسوون لنا سالفه وهذي ناموا
ندى : بتجنني المتبلده ذي .. قومي فكري بطريقه تنقذنا من توهقيتك الغبيه ذي
ليان : اذا صحيت قلت لكم على طريقه خلوني انام
دانا : اقولك ندوو تعالي نفرفر بالبيت شكله حلوو خصوصا انه على البحر .. بروح اتفرج على البحر
ندى : امشي نروح للبحر يمكن تطلع لنا فكره .. اخذوا بعض بعد ماغيروا ملابسهم وطلعوا للحديقه اللي بدايه لشاطي البحر
دانا : تصدقين فلته احلى مليون مرره من فلتكم
ندى : بيتنا اللي مافي زيه تقارنينه بهذا .. ماعندك ذوق
دانا : شوفي بالله تفتحين الستاره والجدار كله قزاز ويطل على الحديقه اللي كلها ورد وخضره وجلسات خشب والبحر قدامك ..بالله تقارنين ببيتكم
ندى : صح حلوو ما اقول لا بس بيتنا افخم ولايقارن فيه
دانا : والله حتى بيت فهد فيه فخامه وابداع شوفي الديكورات ومدخل الفيلا والبوابه معقوله هذا ورثه من امه
ندى : لا هذا غير .. قصر جده افتكره يوم وفاة امه كبير كانه فندق ونظامه كمان جونان احلى من هذا
دانا : غريبه اجل ليش مو ساكن فيه
ندى : هو وحداني مو متزوج ولا شي كيف يسكن فيه لحاله هو والخدم
دانا : مدري .. بس اخوك ذا سره كبير ليش ما يجي ويسكن عند جدي بقصره بدل جلسته وحيد .. نفسي اعرف مايطفش مايمل من حالته وحياته الكئيبه هذي
ندى : تتوقعين ليش مايبي يتزوج وهو مليون بنت تتمنى واحد مثله جمال وعقل وثقافه وعز وفلوس ماناقصه شي والحمدلله وابوي مو مقصر معه
دانا : السؤال هذا بتلاقين اجابته عنده .. لان محد بيجاوبك عليه غيره
ندى : بقوله بدور بنت حلوه ونزوجه .. ماصارت بيدخل ال30 قريب وماتزوج
دانا : يمكن يكون بباله وحده معينه
ندى : عاد بنجرب ونشوف ويش يقول لنا
دانا : اقول امشي للمراجيح بروح العب بسترجع ايام الطفوله
ندى تركض قبلها : اي والله اشتقت للطفوله ..
دانا : يانذله استني خليني اجي معك
ندى تمد لها لسانها : ياحرام ابي اسبقك ...

:::
:::
:::

المغرب
دخل بيتهم وهو متخذ قراره ومنتهي ولاراح يسمح لاحد يتدخل بقراره حتى لو عارضوه

سيف : يبه بغيت اتكلم معك
ابوه : قول ويش عندك
سيف: ابي املك على ريم
امه : ليه مستعجل .. بدرري على الملكه
سيف : يمه لابدري ولا شي .. انا احتمال اتزوج بالاجازة فلوسي وجاهزة والبنت بتخلص ثالث
مافي شي يمنعني أأجل الزواج
ابوه : طيب بكلم ابوها واشوف ويش رده
ساميه بقهر تطالع اخوها : يعني مصر عليها
سيف : ايه مصر عليها واذا بتقولين اختها اختها تزوجت وكل شي حلال الزواج لا عيب ولا حرام
ساميه : احسن الكلام بيأذيك انت مو احنا
سيف : وانا راضي ويش دخلك انتي
ساميه : ابي مصلحتك ...
سيف : تكفين لاتتدخلين باللي مالك فيه
ابوه : خلاص انت وهي ... احنا تكلمنا عند الرجال ومانبي نتراجع عن كلمتنا حنا مانلعب
وكله قسمه ونصيب
ساميه : انت موافق يبه
ابوها : ايه موافق يوم فكرت بالموضوع ليش نظلم البنت بذنب هي مالها دخل فيه حرام تنهدم حياتها بسبب شي ربي كاتبه عليهم
امه : وانتي ياساميه حطي نفسك مكانهم تخيلي اللي بيصير فيك ... اللي ماترضيه لنفسك لاترضيه لغيرك
ساميه : انا ماقلت شي .. واللي تبون تسوونه سووه
سيف : ايه بنسويه واخر وحده ناخذ رائيها انتي
ابوها : بكلم ابو مها واشوف رده ..

:::
:::
:::
ريم : بكلم لينا واقولها ان بكره بنجيها
سحر : طيب كلميها ..
هنادي : يعني ابوي موافق .. ياسلام
سحر بتقهرها : ايه وافق وبعدين لاتحشرين نفسك بيننا
هنادي : مابي احشر نفسي ... وقفت .. بروح اكلم عبير ابرك لي ولكم
ريم بتنرفزها : كويس تهويننا لان في مووع بقوله لسحر وانتي كاتمه علينا
هنادي تقلب عيونها : طيب يالمهمات انتم .. عفوا قصدي الخوافات بخليكم وقولوا اللي تبونه
سحر : يالله برى لو سمحتي
هنادي : هه ههه هه بايخه ..
سحر : ماسالتك بايخه والا لا
هنادي : بس انا لازم ابدئ رائيي بكل شي
ريم : هذا دليل على حبك للقافه ..
هنادي : روحي كلمي لينا ابرك لك

؛؛؛
؛؛
؛

ياترى ويش بيصير للبنات عند لينا معقوله تمر الجلسه عاديه ؟؟

شوق .. ويش يخبي لها القدر من مفاجات ؟؟

ندى وفهد ..ويش بيصير بينهم ؟؟ وفهد ويش بيسوي للبنات !!

عبدالله ورغد بدات حكايه حبهم هل بتستمر او يقدر لها الموت
او بتنتهي بفرح وسعاده لهم ؟؟

هنادي ويش بتسوي لماجد ؟

ومها الغائبه عن الاحداث هل ستكون لها رجعه قويه ؟؟

سيف وريم ..وماذا سيكون بانتظارهم ؟

والاهم .. فهد ويش بيفاجئنا بالاجزاء الجايه

تتوقعون يكشف لنا بعض غموض حياته .. او يظل بغموضه المعتاد ؟

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget