تغريدة صباح } ..

**ShahrzaD** · 18-11-2016, 11:24 PM

رد: تــغــريــدة صــبــآح } ..

اليوم قضيته في مدونتي،، أقلب صفحاتها بشكل عشوائي وأقرأ،
شكلي وحشتني

ماني فاهمه سبب هالشعور.

بأقتبس لكم منها ماتيسر لين أطفش.

**ShahrzaD** · 18-11-2016, 11:25 PM

رد: تغريدة صباح } ..

المشاركة الأصلية بواسطة ShahrzaD

كثير أوقات أفضل أبقى بلا علاقات

مافي أحد كامل ولا أنا أوصل للكمال

لكن أجامل .. وانا ما احب المجاملات..

واتمادى في التساهل واكل العلقات

ليتني تغيرت بعد هذا ولا تحيرت

إلا عدت لطبعي العطوف

و أروف
و أروف
و أروف

S.M.F

.............

**ShahrzaD** · 18-11-2016, 11:28 PM

رد: تغريدة صباح } ..

المشاركة الأصلية بواسطة ShahrzaD

أبشع صنف شفته

| حسود |
ما يتضرر منه الغريب !
قد ما يتضرر منه القريب

شهرزاد~

......

**ShahrzaD** · 18-11-2016, 11:44 PM

رد: تغريدة صباح } ..

المشاركة الأصلية بواسطة ShahrzaD

وش تسوي بالمشاعر
اللي تحس انك مريض ( وحده )
لأن اللي تحب تسولف له
مقفله كل الطرق عنه

*

أغني وأطرب أسماعي بالاشجان
أسلي جرحي اللي ضاع فيني

أغني بكره نلتقي بالاحضان
نجدد فرحنا الي من سنيني

ملت أشواقي نبراتي والالحان
تترجم كم حنين وشوق يضنيني

**ShahrzaD** · 18-11-2016, 11:45 PM

رد: تغريدة صباح } ..

المشاركة الأصلية بواسطة ShahrzaD

يسوقنا قطار الحياة,,ونمر بمحطات
لا فينا نوقف في محطه للأبد !
ولا بإيدنا نرجع للمحطات السابقه
مالنا اللا نواصل والطريق قدامنا
ونستعين بالله ل رحلاتنا القادمه

..........

**ShahrzaD** · 18-11-2016, 11:50 PM

رد: تغريدة صباح } ..

المشاركة الأصلية بواسطة ShahrzaD

نصادف انسان :

قد يكون لايعجبنا لا أخلاقه ولا شخصه ,
أو يخالفنا ولا يمكن أن نصل معه لنقطة اتفاق .
يتبع الدنيا وملذاتها إلى حد الفساد !
أو حتى يتبع دين أو طائفه مختلفه .
.
.
قبل تنظر لحاله المؤسف وننتقده أو نعيبه :
- ( إرجع لنفسك وراجعها ولا تنسى أن تحمد الله انه لم يبتليك مثل ما ابتلاه )
- عامله بالحسنى , تعاملك قد يكون عامل في تغير هذا الشخص وتجعله يراجع نفسه ويتحول للأفضل .
- ان لم تحتمل وجوده أو حتى الحديث معه, تحاشاه بذوق والحذر الحذر أن تجرحه, فأنت لا تعلم ان كان هو يطيق نفسه أصلا ويتحملها !
- العين وتعابير الوجه أصدق من الكلام وأسرع وصولا لمن هوأمامك, فالأفضل أن تبتسم , فإن كنت تريد أن تعرف السبب حاول أن تتأمل الحكمه من جعلها صدقه !
- لا تنسى أن من هم حولك بشر, يخطئون ويصيبون . ولا تنسى ان دينك دين الانسانيه , فتعامل بها .
- تعلم من أخطائه =) .

تقبلوا نصائح أختكم
S.M.F

.......

**ShahrzaD** · 19-11-2016, 12:02 AM

رد: تغريدة صباح } ..

المشاركة الأصلية بواسطة ShahrzaD

يامن تملكون القلم
وتحكمون السيطرة عليه وعلى نزفه
أهنئكم,, وأغبطكم,, فأنا قلمي يشبهني,, أخرس
بينما هنا في داخلي,, عواصف هائجة لا تهداء
ولكن دون فائدة,,
فأنا أعجزعن التعبير,, عاجزة تماما
بعض المشاعر تظل عالقة بين أضلعي
حبيسة لهذا العجز
كأشواقي مثلا ,, لأناس لا يحق لي أن أشتاق لهم
لأحباب لا يحق لي القرب منهم
كقلب يشعر بأنه وحيد
ذنبه أنه ذاق الحب يوما ما,,
ومزقه القدر.

-بوحي

إنتهت إقتباسات الخواطر...

**ShahrzaD** · 20-11-2016, 07:38 PM

رد: تغريدة صباح } ..

السلام عليكم ورحمة الله وبركااااته

صفحة جديدة << فرحانه إنها تعلمت تحسب الصفحات

توي كنت في قروب العائلة صورت الدكتور اللي في المسلسل التركي (حرب الورود)
وأرسلته في قروب العائلة وقلت لأخويه الكبير شوف شبيهك التركي، قال " ويييين p: "
قلت الا والله الفرق بس شوي في الأنف ،، أنف سعودي وتركي ههههههههههه
وفجأه !! لقيت أبويه يكتب ،، مسكت جبهتي أحميها من الصقعه الجايه

رد أبويه وقال : ( ولدي اشيك واحسن وارجل ) هههههههه غرت صراحه
لحظه بحط صورة شبيهتي وأشوف رد أبويه..
أوعى إيدك من الكنترول على قولة الوسمي

حطيت الصوره وكتبت:" يالله قولو وييييين انتي أحلا وكذا

"
ردت أختي الكبيره بتعزيز " والله انك احلا بدون مقارنه "
وانا خاطري أشوف تعليق أبويه اللي دايم تعليقاته تحفه وغير متوقعه ههههههه
وجا أخيرا وعلق.. قال " قريبين من بعض .. لكن انتي اصيله "
عاد مدري هو يقصد اني الأصل وهي التقليد والا أصيله ك مدحه جانبيه ^_^

المهم كانت فرصه سعيده أحارشه وكذا :)
طبعا ردي عباره عن فيسات خجل وقلت " لسني أستطيع على هذا التعليق " هههههههههه
فصحى مع شهري .

فاصل ونواصل

**ShahrzaD** · 20-11-2016, 08:53 PM

رد: تغريدة صباح } ..

جييييت
قبل العطر يبرد .. تم ترم تم

بسم الله علي اليوم ماني على عهدي، جيت من الدوام على غير عادتي
كلي نشاط وماني جيعانه،، ف بدلت وعلى الحوش مشيت ساعه ،
وبرضو ما تعبت ولا جعت، رغم اني افطرت اول اليوم لوزين وعصير وعلى ١٢ لاتيه بدون سكر
ولما خرجت على ٣ ونص اكلت ليز كيس صغير.
المهم اني كذا لين أذن المغرب وبعدين سويت شغلات للبابا الا معدتي تصوصو وتئلمني،
تقول " ياعالم ياللي فوق، إفتكرونا ههههههه ورحت حميت مكرونة الغدا اللي ما ألحق عليه بسبب دوامي،
وأكلت لكن ماكان مملح بشكل كافي ولكن سكتت معدتي بكم لقمه.
الآن أحس بتعب زي خفقان القلب، لأني ما أكلت وجبات متقاربه ومفيده،، وأنا أكتب هالمشاركه تذكرت سبب تعبي،
هو اني أجهدت نفسي بالدوام وبالبيت وما أكلت زين قبلها، أكره هالطبيعه فيني ما أعرف اني مجهده نفسي إلا متأخر.
أخذت لي حبة يوسف أفندي عشان فيتامين سي ممتاز للإجهاد، وان شاء الله اسير عال العال.

قرأت قي مدونة الوسمي عن مشكلة نسيانه، وهذي سارت متفشيه المشكله أكثر بعد الأجهزة
لأن الأجهزة تشتت، مانقدر نحتفظ بذهن صافي على طول ومعانا أجهزة فيها كم برنامج تجينا منها مشتتات بشكل متواصل، أكيد بنتأثر ونتوه

ليه أقول الأجهزة، لأن العمل والدراسة اذا اشغلت عقولنا فهي شي ضروري ننشغل فيها ومنحدين لها، لكن البرامج مجرد مكملات ولكنها محملة تركيزنا فوق إحتماله.

بالإضافة للنوم الكافي ....... النوووم الكافي....... ولكل عمر ساعات معينة لازم ياخذها من النوم وبعمري لازم ٧ ساعات ع الأقل. الآن ما أستغني عن هالشي الحمد لله تحسن نومي وحريصه عليه عشان أقدر أكون فعاله طول اليوم، وصحتي ووجهي ونظري .. كل شي تحسن وارتاح مع النوم الكافي.

فيه عوامل كثيره تدعم التركيز والذاكره وما ذكرتها،، وتتعلق بالغذاء، خصوصا لما جربت أهمل صحتي بشكل غير معقول فقدت تركيزي ونظري وأشياء كثير ولما أفطرت يوميا تمر شفت الفرق، برضو أوميغا ثري سواء من الأغذيه اللي تحتوي هالعناصر والا من الكبسولات.. ردو لي عقلي

وراح الصداع اللي كان بسبب الصحة المهملة، وخف تساقط الشعر اللي برضو كان ناتج عن هالاهمال .
الجسد إذا اشتكى منه عضو اشتكى سائر الجسد.. سبحان الله . إهتمو لصحتكم لأنها أهم رفيق في نهاية العمر.

**ShahrzaD** · 21-11-2016, 11:15 PM

رد: تغريدة صباح } ..

مساء الخير والمسرات

بحكيلكم من خبرتي بكل تواضع .. في الأوادم
بلاشي تغترو بالتعامل أو الظاهر فقط... بطلو تحكمو لا بخير أو شر..

استمتعو بالتأمل وبس
في ناس عايشه تناقض بحياتها يخدعو اللي حولهم، ويحاولو يمثلو المثاليه،
رغم انو ممكن يشتغلو على نفسهم ويصبحو مثاليين بدون تمثيل وخداع واستهانة بعقول الآخرين..! وهم المستفيدين،
لأن لو أنا مثلا أسوي الكبائر ( والعياذ بالله) ، ما أسوق على الناس اني متدينه! أحاول أحل مشكلتي هذي وأكون صادقه مع نفسي في صلاتي وباقي مناسكي اللي أأديها.
فيه ناس بتقول يا شهرزاد اذا انا أبتليت بالكبائر مو معناته ما أصلي.. برافو عليك وعلى مداخلتك، أتكلم عن من اتخذ التدين أو مظهر الشخص الملتزم بحدوده، فقط لإيهام الناس ونيل مايريد بخداعهم، أو لأن المجتمع ما بيقبله الا بكذا، كيف يتحملون يعيشون هالعينه حياتهم اللي قايمه على الإحتيال! صراحه مدري كيف متقبلين نفسهم ومتعايشين معها.
مداخله ثانيه ( وإذا بليتم فاستترو ياشهرزاد) طبعا الشخص يستر على نفسه لكن ما يتمادى.. لا يرضى على نفسه يعيش متناقض وخصوصا إذا كان مؤذي للغير !،، هذا المؤذي اللي اتكلم عنه من اليوم، مش اللي متناقض لنفسه، مشكلته.
حقيقة الشخص لابد تطفى على ظاهره مثل الزيت المخلوط بالمويه ،، مهما خفقناهم مع بعض عشان المويه تخفي الزيت،، لابد الزيت يطفى ويظهر بوضوح.
طيب لو أنا بأدعي المثالية من باب التحسين في نفسي،، ماهو خطأ ولكن بشرط يكون هدفك (نفسك) وتهذيبها ، مو (الناس) ورضاهم وإعجابهم فيك .. أو كم شخص قدرت تلعب بعقله ويقول واااو كم أنت مميز،، كذا ترجع تغلط وتصبح غشاش ومنافق، ولابد تفشل وتنفضح.

يؤسفني اللي ينصدم بحقيقة الناس المزوره .. هالمواقف تذكرني بأفلام الزومبي..
لما البطل يحسب ان البشر اللي حوله أشكالهم طبيعيه ويمارسو حياتهم طبيعي،، ولكن كل مره يتفاجأ بإن هالانسان الي شكله لطيف وياسلام .. حقيقته زومبي مقزز ومؤذي!

بريك .. ويمكن ما أواصل :)

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget