-
-
رد: تغريدة صباح } ..
صبااح الخيير :)
حتى أنا صحيت وفي خاطري بيتزا تقوطر جبن زي اللي في سلاحف النينجا ^^"
الى متى نقلد بعض ياتنهيده !
واضح ان تويتر يشيشنا على الرجال واحنا خلقه متشيشين، وننفلت على اللي هنا ههههههههه
انك تتخيلين المشاكل وتتدربين على حلها او التعامل معها ترا نوع من التدريب ومعروفه هالطريقه،
الملاكم علي كلاي لما حصلت له ضربه وجلس في المستشفى لمده طويله،،
جلس يفتح على فديوات الشخص اللي ضربه ووصله للعجز، ويتخيل مضارباته معاه
وكيف يتصدى لهالضربات وكيف يباغته وكذا، ولمى طلع باراه وفاز علي كلاي. التخيل جاب نتيجه.
هالفتره ماني فاهمه اش المناسبه، ما يمر يوم الا فيه مكالمات من امهات لخطاب، حتى أختي تقول
انتي حضرتي عرس والا اش السالفه
وأمي تسأل هاه يابنت ردي علي اش اقول لهم، وانا مو عارفه على اي اساس اقول ايه والا لا !!
حتى لو ارسلو شكله ومعلوماته ، والله فكرت أجهز استبيان زي اختبار القدرات والا اسئلة المقابله الشخصيه،
أرسلها لجميع الأمهات يوصلونها لاولادهم،، يجاوبون ههههههه احس بينسحبون على طول مابيجيني جواب.
ترا سرت خبره في أساليب اختبارات القدرات والمقابلات
ناويه اجهز استبيانات اجربها في أخواني وشباب المنتدى عشان افهم شبابنا اكثر بعدين اعتمدها للخطبان.
تعليق
-
رد: تغريدة صباح } ..
والله اليوم مبسوطه من نفسي، نمت الليل وصاحيه ٦ الصباااح وافطرت وجهزت جك مويه وهوووباا على مكتبة البابا، تنظيف غبار ، من قلب فصفصتها حتى المروحه اللي عنده فكيتها وتورطت وانا اركبها .. ركبتها والله بس في جزء عيا يدخل وتتقفل .
وكل شوي اخذ فاصل مع التعب وامسك الجوال والا المنتدى ولقيت سؤال في مدونة نفر كويس، وأقول له الحمد لله ان مشاركتك طارت والا كملت على تنهيده بعد الترند وانت تروح فيها هههههههه أمك داعيالك ، وحتى أنا بصف معها كالعاده ما أصدق ألقى غلطه.
إي نعود للسؤال ....
أشارك برأيي وأقول، كل شخص حر بشكله ، لكن اذا تزوجو يكون مقتنعين بأشكال بعض وواعين انها حريه شخصيه، ما أحب اللي يقول بعد الزواج لا تقصين أنا أحب الطويل، واذا هي رفضت يتمشكلون !.. ولا أحب اللي تقبل بشخص بلحيه والا قصير او طويل وتتذمر من شكله! وهالشي شفته بعيني بنات يتذمرون من اشكال أزواجهم قمت سألتهم هو في الشوفه كان نفس الشكل؟ يقولون إيه .. تنرفزت منهم طب ليه توافقون بدون إقتناع ؟! مالهم حق يتذمرون والله.
السوال اللي يبطح نفسه هل الشكل التجميلي ياثر على قبول ورفض الزواج
وهل اختلاف وجهات النظر في الشكل ياثر يعني العريس يشوف الشعر الطويل جميل والعروسه لا تحب القصير هل هو شبب للرفض
انا اذا احد جاني وقال احب الشعر الطويل، تلقائي يدي تحكني أبغى أقصه بوي ، عناد ما أحب أحد يتدخل بشكلي لأن مو تعبان على شكلي غيري من اهتمام وتمشيط وخلطات وغيره.
في ناس ممكن ما نقتنع بشكلهم لكن نلقى فيهم أشياء تخلينا نقتنع بهم غصب، سواء تعاملهم الراقي والا أخلاقهم او مكانتهم الاجتماعيه، كل شخص والجانب اللي يجذبه أكثر تلقائي يتنازل عن بعض متطلباته الشكليه.
يالله أرجع للتنظيف الى حين..
تعليق
-
رد: تغريدة صباح } ..
أدري ما أمداني أخذ فاصل،، قررت يطول هالفاصل واضبط قهوه مع معمول من دياتي. وعبال ما تجهز القهوه بحكيلكم عن وجهة نظر عندي وانتو ردو علي واتحفوني هل انا غلطانه والا صادزه << صادقه.
أنا أغظ نظري عن اللي يخطبوني وهم يمدحون فلوسهم، والا احنا جدنا اللي قال وفعل وفعولنا وعلومنا
<< تذكرت غنية خمبله"علومنا علوم الرجاجيل.. في هز الفناجيل
ولا أتطمن للي تقول لي ولدي مطلق مرته عشانها مدلعه،ماتعرف تطبخ،، واللا أي عذر بايخ زي كذا،
يعني مافيه ذنب يستاهل وبالذات اذا كان بينهم عيال، أبغض الحلال عند الله سار الكل مستهين فيه لا اناث ولا ذكور.
عندي قناعه ان الرجال يقدر يخلي مرته من انسانه ما تعرف شي ولا تفقه شي، لانسانه زي ما يحب هو،
وشفت هالمهارات ع الواقع، لكن اذا هو فاهم بيتصرف صح،
حتى اللي يقولون مرتي مو رمنسيه او ما تعرف تتجمل زين،، بادر وعلمها فنون الرومنسيه ، ودخلها دورات تجميل مثلا
الحرمه ما تستعبط وتكرهه في عيشته الا لانه مقصر والحرمه بعد نفس الشي .
أحيان الامهات اللي يناقشوني في الخطبه أقول لهم ،، انا في خاطري اكمل دراستي واتوظف
اقولها وانا مو من جدي، في مجال اغير رايي، لكن اعرف تفكيرها من ردة فعلها، اذا قفت ونسيت من السالفه
أعرف انها تبغى بنت تقليديه، ما تفكر بنفسها .
أما اللي تقول لي ايوه كملي والله يوفقك يابنتي احنا نحب الطموحين ، بناتي دكتورات ومن هالكلام.. اقتنع فيها أكثر، وجتني هالام بس وقتها كنت في دراستي ومو مستعده للزواج.
واذا شفت العائله زينه ، يطلعون اولادهم مو زيهم، واذا فيه شاب ياسلام يطلعون أهله ما يتعاشرون
أنا أشبه أخويه الكبير عمره بيصك الاربعين هذا اذا ما صكه، وما تزوج، لازم اخذه ونروح لاخصائيه تقنعنا نغامر ونتزوج ونخوض هذه الحرب، هما يقولون ان الزواج هي الحرب الوحيده اللي تسكن مع عدوك.
أغبط اللي مبسطينها ويتزوجون بالبركه ههههههههه وتفشل زواجتهم ويالله محاوله ثانيه وثالثه،، ماشاء الله عليهم.
كان ودي اكون مستهتره كذا واغامر لين تزبط معي
بعد هذا العصف الذهني الطويل العريض أمامكم،، يازين العزوبيه والله مي شينه لين أسير كهله وأخذ كهل ونلف الدنيا بفلوس التقاعد حقنا
ما بنكون كهيل مره المهم فينا شوية قوه عشان نعرف نتمشى ونسافر
تعليق
-
رد: تغريدة صباح } ..
واضح ان المدونات بتقلب مثل جنوب السعوديه،، صاروخ رايح صاروخ جاي،
بشغل سورة البقره لكم قبل اسوي تسجيل خروج، مالقيتو تهجمون علينا إلا وقت ما أنا مشغوله
مادام طيف متحصنه بالعلم ومحاضرات الحقوق وتنهيده بالتحجير فأنا بجي أسد بعض الثغرات إن وجد.
عيوني عليكم هاه
تعليق
-
رد: تغريدة صباح } ..
تابعو وحده بالسناب خفيفة دم وبس تسافر ما شاء الله سناباتها مضحكه ممتعه
deemavan
خصوصا البنات مدري عن الشباب اذا بيحبون سنابها. تعليق
-
رد: تغريدة صباح } ..
رغم ان فيني نوم بعد التعب ومصدعه
الا ان هالسطرين للوسمي اجبرتني أرد ذلحين..
عطونا رايكم في ذا المضوع وهاتو استبياناتكم نعبيها لكم بما يرضي الله قبل يرضيكم
ومستعد للاستبيان من الان بس بشرط الاسئله تكون اكثر موضوعيه
وماتركز على اشياء ثانويه او مالها داعي سامعين !!
استبياني بيكون أحلى من استبيانك وأكثر إحترافيه
والمشاركه سواء شاركنا في استبيانك او استبياني المفروض تكون اجابه صادقه محد ينظر فيها لموافقة او إعجاب أحد! والا إش الفايده من الاستبيانات، وعلى فكره ناويه استعين بوحده تسوي الاستبيان على صفحة انترنت بحيث ما أعرف اللي شاركو وياخذون راحتهم وتكون فيه مصداقيه في الاجوبه. وأتمنى بجد يكون استبياني كذا.
واخر سطر من جد ودي اعطيك كاس عصير بثلج وأقول رووق ،، يعني عشان فضيت للمنتدى بتستقعد لنا ههههههههه
دقيقه ارجع لاستبيانك اللي ما أقنعني من الوهلة الأولى،، شكله من كيس أحدهم.
أقتبسه وارجع.تعليق
-
رد: تغريدة صباح } ..
النقاط عامه ووسيييعه، مين اللي يوفر هذا كله لشريكة حياته !!
الحين يقال والعهده على الراوي ان المراه تهتم بثلاث اشياء لو
يسوها لها الرجل بتكون من اسعد النساء عنده !!
ويقولون كمان ان المرأه تشوفها من اولوياتها واننا نحن الرجال نهمل
واحد من هذه الامور الثلاث او اغلبها !!
وهذه سبب اغلب المشاكل يبنهم في حياتهم
ودي تدوني رايكم بذا الكلام
وهذه الثلاث امور هي :
( مشاعرها - رغباتها - الاستماع اليها )
طيب لو تححقت لكن هذه الامور اهتمينا في مشاعركن
لبينا رغباتكن واسمتعنا لكن !!
بيتعدل حالكن المايل ولا بتبقون بنص عقل كمان !
مو كل شخص يوصل لهالمستوى ،عشان كذا ما أقتنعت بها.
الأن الشخص يعتقد إنه وصل لهالمستوى من الفهامه ويحسب انه وفر كل اللي تتمناه شريكته.
يحسب إنه يسمع لها ولكن هو يسمع بدون إهتمام صادق لا عرف اش اللي يقلقها ولا وش تبغى توصل له من رساله،
يشوف اش عندها وبس، واذا طلبت مصروف خاص يقول وشهوله ماكله شاربه (يحسب انه لبى رغباتها) في نظره المصروف زياده عن حاجتها وماله لزوم ، تبغى تحضر زواجات صديقاتها او تزورهم أوك يوديها لبى رغبتها مره مرتين،، لكن لو تكرر طلبها تقوم القيامه،.. يحسسها انها تمادت وهي بالعكس من حقها تتواصل مع اللي تحب.. حتى لو كانت تبغى أهلها وكثرت روحات لهم .. برضو يحسسها انها متماديه وانعطت وجه. والا لما تشترط انها تكمل دراستها او تتوظف،، يقول اوك هذي رغباتها وموافق عليها،، لكن من جانب ثاني دبري لك أحد يوديك، مو مشكلتي .
يعني اللي طرحتها ماهي معايير كافيه ، ضيف عليها معايير من عندي ومن اطلاع ومعرفه:
الشخص اللي قدر يكسب ثقتها ، واللي إذا وعد وفى، والي يعطيها إهتمام صادق، وتقدر تعتمد عليه وكان ظهرها بعد الأب والأخ.
إذا كان الشريك كذا ف اللي تميل مالت عليها طوبه ان شاء الله
تعليق
-
رد: تغريدة صباح } ..
صبحهم يالله بالهناء والسرور
جهزت إستبيان ما قبل الزواج من الساعه 8 لكن كنت أخذ راي أخصائيه الجتماعيه وأم بنفس الوقت وزوجه بطله,
حبيت ما أنزله لكم إلا بعد استشاره وهيك. وأبشركم أنا اللي صمم الصفحه وأنتجها ^_^ لازم نحلل المخ وكذا << بسم الله علي
زي منتو شايفين الاستبيان راح يوصلني بدون ما اميزكم وأعرفكم, عشان يكون فيه مصداقيه وحابه أطلع على أجوبة الشعب إناثا ورجالا (موجه للبنات والشباب على فكره),
عشان أفهم الصوره النمطيه بشكل عام للزواج عند الغالبيه, وممكن تستفيدو من الأسئله تنسخوها لخطبانكم بعد الشوفه الشرعيه,
ولازم تكونو مجهزين اجوبتكم قبل تطلبوها من الطرف الثاني لأن يحق له يطلع عليها كمان.
(ياريت تسترسلو في الإجابات مو تكتفو بكلمه كلمتين,, وضحو وجهة نظركم )
هالأسئلة طرت ببالي زمان شفت فديو للدكتور جاسم المطوع تكلم عن كيف الشخص يفكر قبل الزواج وكان فديو طويل 3 ساعات ممكن,
وطرا هالأسئلة الجوهريه وجمعتها لكم وأضفت اللي يحتاج أضيفه, نشوف الأجوبة والآراء الي توصلني بخصوص هالاستبيان.
اللي عندهم تعديل او سؤال إضافي مفيد لا بأس بإقتراحاتكم.
التعديل الأخير تم بواسطة ShahrzaD; 06-10-2016, 01:02 AM.تعليق
-
رد: تغريدة صباح } ..
اذا عندكم فضول ناحية إجاباتي، لما تخلصو الاستبيان وترسلو
راح يطلع قدامكم في اخر الصفحه ( استعرض الردود السابقه وكذا)
انا ثاني رد .
تعليق
تويت
تعليق