تويت
رد: همــس الموت | Whisper of death ™
تسلمووو حبايبي
ربي ما يحرمني منكم ومن ردودكم الحلوة
تسلمووو حبايبي
ربي ما يحرمني منكم ومن ردودكم الحلوة
-
-
رد: همــس الموت | Whisper of death ™
~| الهمسة العشرون |~
//
مريم
،
انزويت ف الزاوية...وانا ارتجف من الرعب...
عيوني تنتقل ف الشخص الضخم اللي جدامي...وف محمد اللي فتح الباب منصدم..!
الارض كلها دم مني...وقطع زجاج متكسرة..
تفاجأت لما دخل هالاسود الضخم علي....وهجم علي....
ولما جفت العاملة الحقيرة المتامرة معاه..
هي نفسها اللي كلمتها قبل شوي لما كنت ويا ريم...
،
حاولت اشرد منه...
مسكني قطع ملابسي.....بسس...مادري كيف فلت منه...
يا ف بالي بس اقتله...
فريت عليه كل العطورات اللي جدامي....والتحف الموجودة..
بس كان يتفاداهم بمهارة..
طاقتي كلها نفذت....ما عدت احس بشي...
حتى لما تعثرت وطحت ع قطع الزجاج..ماحسيت باي الم..
الخووف ماخذ مني كل شي..
وو لما حاصرني ع الزاوية...تفاجأنا بمحمد يدخل..
،
الشعور الوحيد اللي احس فيه الحينة.....اني انتهيت..
كنت مبتلية بواحد...الحينة اثنين...!
.
غمضت عيني باستسلام...
خلاص....مافيني حيل لاي شي...
دافعت عن نفسي قد ما اقدر...
رفعت ايدي اجوفها....
تنززف..وقطع الزجاج بعدها معلقة فيها..
حطيت راسي ع ركبي...
كان عندي امل اطلع من هالمكان سليمة...
بس شكل هالامل مستحييل..!
هال***..بياخذون منا اللي يبون....و عقبها بيذبحونا شرات العنز...
.
رفعت راسي ببطىء...
جفت ضرابة قوية بين محمد و الضخم اللي ما يتسمى..
طالعتهم ببرود...يعلهم يموتوون الحين جدامي...
.
وكأن امنيتي بدات تتحقق....لاني جفت الضخم يالس فوق محمد..ويخنقه..!
هنيي كأن الامل تجدد لي...
جفت الباب مفتوح....رديت اطالعهم...
بعدهم ع وضعهم....!
زحفت لين الباب....وظهرت...!!
وين اسيير الحينة....؟!!
سمعت اصواتهم بدت تهدا....
بسرعه زحفت...و سرت الصالة...
جفت فتحة ضيقة بين الغنفتين....وو انحشرت فيها...
حضنت نفسي...وانا ادعي محد ينتبه لي...
،
الحين..بديت احس بالم ف كل جسمي...
طالعت ايدي...لازم اول شي اظهر كل القطع اللي فيها...
نزعت وحدة...
كنت بصرخ من الالم...
دمعت عيوني.....يعووووور.....!
نزلت ايدي باسى.....ماقدر اكمل...
غمضت عيني.....
ومن التعب....ماحسيت بعمري الا وانا راقدة...!
،
فتحت عيوني ببطىء على صوت حد...
جفت بقعة الضوء اللي جدامي وراس حد...ويتكلم..
دققت في الويه...
شهقت لما جفته محمد...!
مد ايده : يلا تعالي..لا تخافين...!
تراجعت بلصق ف الطوفة...
.
تأوهت بالم لما ضغت ع ايدي ف الارض..
وانغرس الزجاج بزيادة..
قال : شفييييج....!! شي يعوورج...!؟ يلا عاد ظهري...
غمضت عيوني ...مب متحمله...لا الالم..ولا شوفته..!
قلت بصوت مبين فيه الالم : اتركني...ابي اتم برووحي...مابي اجووووفك..!
رديت فتحت عيوني...ماجفته....
تنهدت....يارب ما يرد...!
بس..
حسيت بالغنفة اللي عدالي تتزحزح...
اففف...
ابتعدت الغنفة...وظهر لي ...
شهق منصدم لما جاف..الدم مغطيني و مغطي الارض حولي...
صديت مابي اطالعه....
حسيت فيه يقترب وينزل لمستواي...
جفت ايده انمدت صوبي...
قلت بحدة : لا تلمسني...!!!
قال وكأنه يبرر : انا ماكنت ادري انه بيصير لج جي.....ولا صدقيني ما كنت خليتج بروحج..!
طالعته باستخفاف : ليش حد قص عليك وقال اني ابي اجوف ويهك...؟
مارد علي ...بس مد ايده...وقبل ما الحق ابعدها عني....نزع قطعة زجاج من ويهي...
فركت ويهي بظهر ايدي متألمة..
قال باصرار : لازم نعالجج...جوفي جسمج كله زجاج...و أ...
قاطعته بصوت تعبان : ما يخصك...!
حط ويهه مجابل ويهي وقال بصرامة : لا يخصني ونص....
جفته مستعد يشيلني....
قلت بسسرعه : لا....لا تلمسني....
بس ولا كأنه سمعني...حط ايده تحت ريولي..والثانية تحت ظهري..
ورفعني..
تأوهت بالم : لا...يعووور.....قلتلك لا تلمسني....بلييز....نزلني.....نزلني...!
قال بارتباك : اوو...اسف..! ماعليه..تحملي شوي...
غمضت عيني وعضيت شفاتي بالم..
اخ...احس اشياء تنغرس بزيادة ف جسمي..
.
تعليق
-
رد: همــس الموت | Whisper of death ™
فتحت عيني لما دخلنا الغرفة المشؤومة..
.
حطني ع السرير بشويش....
حاولت ما اتساند بايدي...ولا احرك عمري وايد...
خلاص ما عدت اتحمل ولا الم زيادة....و.فيني غصه عالقة..
طالعته بكره لما سحب كرسي ويلس مجابلني...
قال باهتمام : الحين بسير اييب دكتور لج...
قلت بجفا : مابي شي...اباك بس ترووح وتفكني منك..
طالعني بنظرة غريبة ..مادري حزن...ولا شي ثاني..
صديت مابي اجوف هالنظرات..
بس تفاجأت لما قرب ويهه مني...
رديت ع ورا بسسرعه......
رفعت ايدي على طول لما ألمتني لاني تساندت عليه..
عضيت ع شفاتي بالم..
عيني بدت تدمع....
لا..مستحييل اصييح..مستحيل اصيح جدامه...
غمضت عيني بقووة امنع اي دمعة ممكن تطيح..
.
حسييته ابتعد..فتحت عين وحده..جفته ظهر من الغرفة..
خذيت نفس عميق..ابي اطرد اي صيحه ممكن تييني..
.
لين متى بتم جي...؟ ماقدر لا اتحرك و لا اسوي شي..
وييينج يا ريم عني....!!!
شو صار لج..!!
تعالي ساعديني....جوفي شو سووا فيني..!!
.
مادري ليش تخيلت لو خطفوني بروحي..!؟
مستحيل كنت لين الحينة حية..!
من اول يوم بكون رايحه فيها..
عيل لو ماجافوني..وخذوا ريم برووحها...؟!
اكيد بيوقف قلبها من الخوف قبل ما يسوون لها اي شي..!
.
جفته دخل ووياه عاملة وومعاها شنطه..
ها شفييه ما يفهم...صدق..الحين وف الوقت مب ناقصتنه..
شو هالتغير اللي ياه...!؟
من متى وهو طيب..؟
انا شاكه ف تصرفاته..!
.
تجدم...ويلس ع الكرسي اللي مجابلني..
طالعت الصوب الثاني...
بحسسه..ان وجوده و عدمه واحد...
.
بس وييين اطنشه..!
مسك ايدي..التفت له بسرعه...
قلت بعصبية : اتركني...! ما تفهم...؟ انت تعورني...!!
حاولت اسحب ايدي ببطىء...
بس هو ماسكنها بقووة..
اشر للعامله....فتحت الشنطة ....وظهرت منها اشياء....ملقط...مطهر. ..لصق جروح...واشياء ثانية...
عطته الملقط..
قلت وانا ابلع ريجي : لا....هد ايدي..انا بظهر الزجاج مب انت..
حاولت ابعد الملقط بايدي الثانية....
بس يت العاملة ومسكتني...
عطيتها نظرة وقلت: بعدي عني....!
وو
صرخت بالم..لما نزع قطعه من ايدي...
ييت بسحب ايدي اللي ظهر من مكان القطعه دم...بس ما تركها..
ثبت عينه علي ....قال بهدوء : ماعلييه..تحملي شوي....لازم يعور..
هزيت راسي بلا....
بس ما سوالي سالفة...
نزع كل ف كفي وكتوفي..وانا اكتم شهقاتي...
.
جفته يتنهد براحه : جفتي ..اذا تميتي هادية بسرعه بنخلص..
طالعته بدون ما ارد عليه....لاني كاتمة انفاسي...
وابي اصرررخ...!
واصييييييح...!!!
جفته بيبدا ف ريولي....!
غمضت عيوني..وبدت انفاسي تتسارع..
لا...اه..... اهىء...
ريولي انغرست القطع فيهن عدل...
لاني دستهن بقوة..وعقبها طحت عليهن..
.
انتزع وحده بقوه....
صررخت متألمة...
وعيني دمعت..وهالمرة ترجيته : بسس خلاص....الله يخلييك..والله ماقدر اتحمل اكثر عن جي...
كمل شغله بدون ما يرد علي...
بسسس...
حاول ينزع وحدة كبير..
هني بديت اشاهق من الام...
دمووعي بدت تطييح....
ووو نزعها بقووة...
وانا انفجرت اصيييح بصوت عالي...
غطيت ويهي بايدي....
.
اقترب مني بسرعه ..
صديت عنه وانا اصارخ عليه..
مسكني من كتوفي...يجبرني احط راسي ع المخده...
بعدت كتوفي عنه بعصبية....
تأملني الحقير شوي وانا اصيح..
حاولت امسك عمري شوي...
بس ماقدر...ماقدر..
جفته مد ايده للعاملة....عطته شي...
و ع طول حطه ع خشمي واستنشقته...
ثواني..
بدا جسمي يتخدر....وو صياحي يخف...
مسكني وحطني ع المخده..
ابتسم يطمني : خلاص الحين ما بتحسين بشي..
.
عيوني بدت تغمض...حاولت اقاوم..
بسسس...رحلت لعالم الراحه..!
//
تعليق
-
رد: همــس الموت | Whisper of death ™
علي
،
دخلت البيت...بعد ما وصلت فارس وبدور...
ما جفت حد في الصالة....
اكيد سلمى وعمتي رقوود..
سرت غرفتي..
وو ع السريع خذيت شاور سريع...وبدلت..
وانسدحت ع السرير بتعب..
.
ابتسمت بنشوة...لما استرجعت احداث اليوم..
اليوم عيبني فارس...!!
ههههه اما شكل الكابتن...كان شي..!!
انهان بالقووو...
يزاته الهرم...
مممم ابا اعرف شو بيسوي....؟ كيف بيرد هه ماي كرامته اللي انهدر..ع قولتهم..
يا ف بالي رمسة فارس قبل ما ينزل بيته...
//
فارس : هههههه هييه..اعيببك انا....كنت بكسر عظامه..لولا الشباب ما يودوني..
ابتسمت بفخر ..
ابتسم لي بامتنان : والله مادري كيف ارد لك جمايلك علي....لو ما وقفت وياي..جان الحينة انا طايح من ضربه..
مارديت عليه..تميت اتأمل بدور الراقدة..
حط ايده ع كتفي...: ما تقصر والله يا علي....!
فتح باب السيارة..وشل بدور...وقبل ما يبند الباب..
ضحك بخفة : يلا فمان الله....ترا يمكن باجر ما تلاقيني...اكيد بيذبحوني....! " سكت وعقب كمل بمزاح " بس اقولك عسب ما تمر علي باجر...
//
انا فكرت ف كلامه....بس لقيت انه مستحيل يسوون له اي شي..
خاصه ونحن ف النهائيات...
وفارس شي مهم للفريق..
.
نشيت من ع السرير....وطلعت فوق الكرسي عسب اوصل للمكيف..
بطلت الغطا..وظهرت الاوراق...
حطيتهم ع الطاولة..
وفتحت الصفحة اللي واصلها...
صح تذكرت..
بقولكم شي محد يعرفه..حتى فارس..
قدرت افك بس شفرتين..
وها في الاشهر اللي طافت..
وثنيتنهم تأخرت ف اكتشافهم...
وكلهم كانت عمليات قتل...
يمكن الشرطة ما عرفت بهالشي...لكن انا متأكد..
الاول...مات..لما طاح من فووق عمارة...من الطابق 15..!
وطبعا مافي اي دليل على ان حد قتله.....و اغلقوا ملف القضية على انها حالة انتحار..!
الثاني....ماينعرف..حرمة ولا ريال...بس الاهم..ان الشخص احترق ف البيت...!
حاولوا يكتشفون نوعية الجثة..لكن الجثة خلاص ما بقى منها الا عظم و العظام تهشمت لان شي طاح عليها..اظن السقف..
وبعد نفس الشي اغلقوا ملف القضية..
وانا الوحيد اللي متأكد انهن جرايم مدبرة..
والشي اللي اكتشفته بعد...انهم ما يقولون اسمائهم الحقيقية او تنكتب هني..
لا...يكتفون بالارقام....يعني اللي منفذين الجريمتين...كانوا العميل 9 والعميل 10
.
ظهرت الاوراق مالت الاشهر اللي طافت..
مافي داعي احاول افكهم الحين..لانهم اكيد نفذوا كل الجرايم فيها..
ومممم و هالشهر..الحينة نحن ف نصه..
ببدا فيها الحين..
مممم...اليوم ماشي جريمة...
ويت...
باجر بتستوي...!
بس متى وين ماعرف...؟
.
ظهرت ورقة وقلم...
ودققت في الكتابات الموجودة..
قصيدة غامضة...
بس الاكيد ان فيها بلاوي..!
.
"عند استيقاظ النجوم...واحتضان السماء لؤلؤتها الجميلة
تنقسم اللؤلؤة والعقرب في خط مستقيم..
وتنطلق اشعة الشمس من اسفلهما تشدوا على انغام نبضات الاشعة..!
ووردة حمراء..تتراقص على تلك الانغام بكل سحر وجمال..!
"
اول سطر...
عند استيقاظ النجوم......الاكيد ان الجريمة بتكون بالليل..
احتضان السماء لؤلؤتها الجميلة.........وهاي عرفتها....يعني قمر..!
وباجر بيكتمل القمر وبيكون بدر..!
تنقسم اللؤلؤة والعقرب في خط مستقيم.....؟
العقرب اللي هو الساعه....ممم يعني بيكون 12 بالليل...او 6..؟
لالا اكيد 12 ..النجوم ما تظهر واضحة المغرب..
انزين....بس كيف تنقسم اللؤلؤة...!؟
معقولة اللؤلؤة مب قمر..؟
.
خلينا من هاي...
وتنطلق اشعة الشمس من اسفلهما تشدوا على انغام نبضات الاشعة...!!!
انا بديت اخربط.. كيف الشمس تطلع من تحت بالليل...؟
ووردة حمراء..تتراقص على تلك الانغام بكل سحر وجمال..!
وردة حمرا...ممممم اكيد هالمرة ما بيكون ريال...
بس كيف تتراقص...؟
و اي انغام...؟
يمكن.....يمكن في مهرجان...؟
صح اكيد مهرجان...
بس وين عندنا هني في المدينة...؟
مممم...
هيه..اظن في واحد...بس مادري وينه بالظبط...
انزين..وردة حمرا..؟
شعرفهم انها بتكون حمرا..؟ او تلبس احمر...؟
اكيد عندهم طريقة للتواصل معاها..!
ياربي..
وايد معقد هاللغز...
طالعت ف الساعه...
برقد الحين...وباجر يصير خير..عندي وقت لين الساعه 12 بالليل..
رديت الاوراق مكانهم السري..
وو
انخمدت على طوول..
//
تعليق
-
رد: همــس الموت | Whisper of death ™
//
ريم
،
كنت بعدني ف حالة صدمة من اللي صار لي...!
كنت اجووفهم يضاربون جدامي...
بس ما قدرت لا احرك لساني...ولا اتحرك بكبري..
احس ياني شلل....
.
جفته منصور جدامي..
وشكله مبهدل من الضرابة...
كان يهز كتوفي ..ونظرة الخوف مبينه ف عيونه...
كنت اجوف شفايفه تتحرك...وتتحرك...بس ولا سمعت ولا حرف...
جفته يصفعني ع ويهي..
بس ماحسيت..!!!
حضني بقووة....بس ما تحركت ولا سويت شي..
بعد عني..
وسار ياب قلاص ماي...
كان يشربني...
مادري اذا شي وصل لحلجي او لا..
بس اللي جفته ان الماي ينصب ع ملابسي...
.
رشني بالماي ع ويهي...
جفت ويهه احمر وهو يتكلم وياي...
ابا اتكلم....!
حاولت احرك لساني..
بس ثقييل..
عيني صوبت ع الجثة المرمية ع الارض...
انتفضت بقووووة...
حس منصوورة ومسكني...
هزني بقوو....
ابا اقووله اني ماقدر اسوي شي...بس كيف..
ابا احرك ايدي...
ابا اسوي اي شي...
الخوف بعده ماخذ مني كل شي...
.
جفته رفعني..وركض برا...
مادري وين بيوديني...
بس وصلنا غرفة...
وهني...انصدمت فوق صدمتي..
الغرفة كلها دمم...واشياء مكسرة...
وو
من جفت مريوم ع السرير...وعليها الشاش
كان بيوقف قلبي..!
ابا اصرررخ ازقرها..
ماقدرت...
احس اطرافي تشللت اكثر واكثر..
.
ليش..!!!؟
شوو اللي يصير ويانا....!!
حرام....والله حرام..
شو سوينا عسب يصير لنا كل هذا..!!
.
جفت محمد..يا صوبنا..
وظهرنا من الغرفة...وانا احاول ابقي نظري على مريوم..
ابا اقوولهم ابا مريووووم.....
مابي حد غيرها..
.
يلس منصور ع الغنفة..
ابا اقوم من فوقه واركض لمريوم..
ابا دمووعي تنزل..واصييييح لين اقوول بس..
بس حتى دموعي جفت...!
،
جفت محمد يا صوبي وشكله يفحصني..
كان يتكلم وياي...
ما سمعت شو يقول..
صفعني ع ويهي..
بعد ما حسيت..
وقف...وسار الغرفة اللي فيها مريوم..وانا عيني وقلبي معاه..
ابا حد يفهم ويوديني عندها..
.
جفته رد..ومادري شو وياه..
رفع ايدي...
بس ماكنت اطالع فيه..
كنت اجوف باب الغرفة.....يمكن مريوم تصحى...وتطلع لي...
يارب..مايكون صاير فيها شي...!
.
.
لحظة....احس عيوني بعد تبا تغمض...!!
لا و دماغي.......بعد......
خلاص...........ماصرت....اأ..جوف.....
يمم..كن.....بموووت......!!
ولا لي............................................... ............!
//
تعليق
-
رد: همــس الموت | Whisper of death ™
شهرزاد
،
انصدمت....انصدمت...انصدمت...لما عرفت انه نفسه..
سبحان الله..نجا باعجووبة..
قالي بصرامه : يلا قووليلي شو معنى ها كله..!؟
تنهدت : مابي اقولك....قلتلك..الاشخاص اللي نفسك مابي ابرر لهم..!
رفع حاجبه بتعجب : لانه مافي شي يتبرر..
قلت بقهر منه : خلاص ...الحمدالله ع سلامتك..ويلا تفضل..!
جفته يتنهد ويحاول يظبط اعصابه..
قال : انا اسف....! ادري اسلوبي خايس...بس اكيد انتي بتعذريني....
" سكت شوي " بس انا جاهز اسمع تبريراتج...و اي شي تقولنه بصدقه...
استغربت من تغيره المفاجى..واصراره الا يعرف...!؟
فكرت شوي...؟ اقووله ولا لا..؟
هو بالنسبة له ماظني يتضرر...لانه بالنسبة لهم هو ميت الحين....
قلت بتفكير : انا بقوولك......بس..الكلام هذا يمكن يوديك الموت مرة ثاني......في حالة اذا عرفوا انك مب ميت...!
جفته تحمس....وأشر لي...يعني تريي شوي...
سار وبند الباب بالمفتاح...
ويلس ع الكرسي..
سرت ويلست...
وو
حكييت له كل شي...
،
ماخفت علي ملامح الصدمة اللي ظهرت عليه...
والاهم..انه اعتذر وايد مني ع الكلام اللي قاله لي..
حسيته اشفق علي..!
حاولت ابين له اني قويه..
بس الشي الوحيد اللي ما قلتله..
ان اخواني مب عند سليمان..
.
جفته يفكر ب جدية...
قال : الشرطة ماظن تنفع ف هالنوع من القضايا...وخاصه مع هالعصابة اللي تقولين عنها..
اكيد عندهم حد يشتغل ف الشرطة...!!
هزيت راسي موفقه كلامه : هيه حتى علي حذرني اروح.....وقبله سليمان...
طالعني باستغراب : علي....؟
تلعثمت : ا....ممم...
قال بثقة : صدقيني مستحيل الكلام هذا يطلع لحد...انا اوعدج..
انا بصراحه..ماعدت اثق ف حد...غير ف علي...وفجر....واي حد من طرفهم...
بس هذا...مادري ليش انفلت لساني...وقاله كل شي..
قلبي يثق فيه...!
بس عقلي يقولي لا تثقين ف اي حد...!؟
قلت باختصار : خلاص لا تسأل عنه..
هز راسه احترام لرغبتي..
.
نقزنا بخوف..لما سمعنا حد يدق الباب...
تحرك هالشخص هذا بهدوء..
وقلت بسرعه وهمس: ماقلتلي شو اسمك..
قال بهمس: حمد...!
وو بسرعه دخل الخزانة...
وانا بندتها عدل...
وو
بطلت الباب...
جفت سليمان وو سعيد..
قال سليمان : ليش مبنده الباب...؟
قلت ببرود : راسي يعورني....ومابي اي حد يزعجني...
جفت سعيد شاق الحلج و يأشرلي من ورا : مراحب...!
دخلوا...و يلسنا ع الكراسي..
وتمينا نتناقش عن اللي بنسويه ف الحفلة..
كنت اتكلم بسرعه....اباهم يخلصون..
لان مابي..هذا....مم..حمد....يختنق داخل الخزانة..
،
طالعت ف الساعه ..
وقلت باستعجال : يلا بنتأخر...
وقفوا..
قال سليمان باستغراب : اول مرة اجوفج متحمسة لحفلة..
مارديت على تعليقه...بس قلت : يلا انتوا لحقوني...وانا بزقر الكوفيرة تعدلي مكياجي اللي اخترب..
ابتسم سليمان مستانس...وهز راسه موافق..
وظهر هو سعيدوه..
بسرعه سرت للخزانة...وبطلتها شوي عسب يتنفس..
قلت : اسفة..اكيد طولت..؟
اشر لي انه عادي..
قلت : ترييا..لازم اظهرك من هني...
ييت برووح...بس زقرني..
قال : ماعليه...انتي سيري عسب ما يشكون....انا اعرف كيف ادبر عمري..
وابتسم بثقة..
كمل : خلاص روحي...
هزيت راسي موافقة...وانا مب مرتاحه...اخاف يمسكونه..
ظهرت...بسير ازقر الكوفيرة...عسب سليمان ما يكتشف اني قصيت عليه...
جفتها...
وردنيا الغرفة...
عدلتلي ع السريع...وانا عيني ع الخزانة...
لا...لازم انا اللي اظهره من هالمكان..
بعد ما خلصت...ظهرت...
خذيت شنطتي..وبسرعه سرت صوب الخزانه...
فتحتها...بسس....
ماحصلته....؟!
//
تعليق
-
رد: همــس الموت | Whisper of death ™
فجر..
،
الصبح 6:00
،
..........
اسمع صوت حد يزقرني من بعيد...
: فالس....! فالس.......
تأففت.....ابا ارقد....
عقدت حواجبي بضيق لما حسيت بحد يمسك خشمي..ويلعب ف ويهي..
صديت الصوب الثاني..
بس بعد في حد يضايقني...
قلت : بسسس...
حطيت المخدة ع ويهي..
سمعت صوت ضحكات مكتووومة..
رفعت المخدة....جفت بدور يالسة فوق بطني وتضحك علي..
جفت الساعه...
اووهو بعده وقت..!
قلت برجا : حبيبي بدوووري....ابا اررررقد...والله هلكانة..
جفتها تضحك وتأشرلي على عروصتها....يعني تباني العب معاهم..
متفيجة انا..؟
يلست...شليتها..وسدحتها عدالي...
حضنتها..وغمضت عيوني.....قلت: يلا رقدي...
جفتها استانست واتحرقصت ف حضني...
خخخ...من زمان ما خليتها ترقد وياي..دوم ترقد ع الارض..
لانها ترافسني وهي راقدة..
وانا ناقصة..؟
خليها ترافس في الارض ع راحتها....اهم شي بطني بعييد عنها...
.
وو
رقدت...!
،
نشييت ع صووت حششرة....
حد يدق الباب....؟
فتحت عيوني....
اففففف منوو ها...؟ جفت الساعه 7:15
.
يلست بكسل..
لحظة وين بدوووور....؟!
وقفت بسرعه...
ظهرت برا الغرفة...
سرت المطبخ محد....؟ ولا الحمام..
ولا الصالة...!!
رد الباب يدق...
سرت صووبه بنرفزه...
فتحته...
جفت واحد...وشكله والله واعلم مغلط....
لانه سالني هذا بيت.............
وقلته لا..
بندت الباب و مزاجي تعكر ع الاخر..بسببه نشيت من رقادي...
وطريقة دقه الباب تنرفز....
بس طبعن مب احلى عن دق علي....!
اللي احس الباب بينجلع منه...
.
رديت الغرفة وانا ادري وين بدور..
فتحت الكبت.....شفتها يالسة فيها وحاضنه عروصتها...
ضحكت عليها...
تخاف لما حد يدق الباب بقووة..
شكلي بسويلي جرس..
..
ظهرتها من الكبت..وحضنتها اهديها..
..
بعد ما هدت....خذت لي شاور وبدلت لي ول بدور.....وسويت لنا ريوق..
..
جفت الساعه اووو 7 و 45...
غريبة علي ليش ما يا..؟
يبت فوني اجوف ليش ما دق..
جفت مسج...
وو من علي....قال ما بيمر علي اليوم عنده كم شغله...
شغل ع الصبح.؟
اوهوو...ليش ما جفت المسج من قبل.....؟!
.
بسرعه مسكت ايد بدور..
وظهرنا..
وف الشارع...شليت بدور ع ظهري لانها بطيئة...
وركضت رايحه بيت علي...
مب بعيد عنا وايد..
تقريبن قريب من النادي....
.
لاحظت بدور حاطة ويهها ع كتفي....
اوو...حبييبتي...بعدها تخاف من الناس والسيارات والاشياء اللي جدامها..
عس بجي اوديها بسيارة...
وزين منها تعودت ع اهل علي..
.
وصلت وانا الهث
قلت اعاتبها بمزح : اوو..تعبتيني يالدبة..! يلا جووفي وصلنا...
رفعت راسها...تجوف البيت..
ضحكت بفرح...
.
دقيت الجرس..وو ظهرت لي عمة علي...سلمت عليها...وسالتني عن الاحوال...الخ
نزلت بدور....وخليتها تروح عندها..
.
عقبها ودعتهم....وبسرعه رحت للنادي..
.
وصلت وانا متأخرة شوي..
بس جفت الشباب يالسين ع الحشيش و يدقون سوالف..
غريبة ليش ما يدربون....؟
سلمت عليهم من بعيد..
شوي وسمعت صوت علي يسلم من وراي..
تأخرنا ويا بعض..
قال فهد مستانس : شكلنا بنرد شرات قبل...لا مدرب ولا خربطان..." عق عمره ع الحشيش وتنهد " اه...راحه والله..
قال علي: ليش وين الكابتن...؟
عمر بابتسامة عبيطة : غايب...!
اووه...يوسفوه غايب....؟!
يا الهي...شي لا يعقل..!
قلت : وكابتن ستيفن وينه..؟
حميد بأسى : وهذا الخبر المفجع اللي ينتظركم......هو اللي بيدربنا اليوم....
.
هه معقوولة مفتشل من اللي صار امس...؟
ما ظني....
الاكيد انه يخطط لشي......مب جميل ابدن..!
//
~| نهاية الهمسة العشرون |~
تعليق
-
رد: همــس الموت | Whisper of death ™
~| الهمسة الواحدة وعشرون |~
//
فجر
،
الحينة بسير اييب بدوور من بيت علي...وعقبها بنرد البيت...
حررررر...!
العادة علي يوصلنا...بس اليوم حسيته غريب..
كله سرحان....؟ ومتوتر...
حيرني لما سأل الشباب عن المهرجانات الموجودة ف المدينة...؟
و لما قالوله انه في واحد اليوم..تحمس..!!!
ماحيده يحب المهرجانات..؟
والغريب الشغل المفاجىء بعد التدريب..؟
وين بيسير..؟ وشو هالشغله....
فيني فضوول...احسه مخبي عني شي..!
،
وصلت بيت علي..
دقييت الجرس...
يلا..الله يخلييكم ..بسرعه افتحوو...احترقت..!
دقيت الجرس مرة ثانية...
سمعت صوت بشكارتهم : اووكي..اوووكي....افففف..
شفيها هاي تتحرطم...؟
فتحت الباب وهي مكشرة....ولما جفتني ابتسمت..
موولت..
قلت مستعيلة : وين بدووور..؟
قالت : بدوور...يروووه من زمان..!
عقدت حواجبي..: راحت...؟ وين راحت..؟
قالت : ايوا..راهت.....اكيد يرووه البيت....يأني وين بيروه ان شاءالله...؟
شفيها..هاي...؟ والله لسانها يباله قص..
قلت متنرفززه منها : روحي..روحي...زقري ماما..
بوزت...: ماما راقدة..
تافف : سيرري ازقريلي اي حد..بسسسرعه..
بندت الباب ف ويهي...!!
والله ما تستحي...!
دقيقة..واسمع صوت خطوات ورا الباب...
كنت بصارخ عليها..وبغسل شراعها....بس سمعت صوت بنية....؟
...: السلام عليكم..
انا : وعليكم السلام..
...: خير اخويه...شو بغيت من امايه..؟
قلت : وينها خالتي..؟
...: امايه الحينة راقدة...
قلت : انزين ..انا ياي اخذ بدوووور....وينها...؟
سمعتها تقول مستغربة : بدوور..؟ راحت من زمان البيت..
دق قلبي بسرعه...
قلت بسرعه : كيف راحت البيت...؟!!! وو ويا منوو...؟
قالت بارتباك : أأ....ويا علي وو ربيعه..!
قلت باستنكار : كيف..؟ اصلن علي قال عنده شغل......وو بعدين منو ربيعه...!؟
يالله..شوو ها.....!!
ريولي بدت ترتجف من الخوف.....بدوور راحت ويا منوو...؟
محد يعرف عنها الا انا وعلي واهله...!
وعلي ما قال بيمر بيت اهله او بياخذ بدور..؟!
قالتلي :...اكيد ربيعه فارس...
قلت بعصبية : انا فارس...!
حسيتها انصدمت وماعرفت شو تقول..
قلت : علي شو قالج..؟ قال بيوصل بدور ولا شو..؟
قالت بلعثمة : انا ماجفت علي......اظني كان ف سيارة ربيعه.....لان ربيعه هو اللي نزل وخذ بدور وراح..
حسيت ب ماي بارد انصب علي..!
من كلامها..يعني مب علي اللي خذها...!
بدوور......بدوري انخطفت...!!
ماقدرت اوقف...نزلت ع الارض....
شووا سوي...!!!
منووو اللي خطفها...!
مسكت راسي....يارب...يارب..الا بدوور...احمييها يارب..
هذي أمانة عندي..!
سمعت الباب ينفتح...
وجفت البنية واقفة جدامي...والدموع معلقه ف عيونها..
قالت وصوتها يرتجف : أأنا اسفه....وو...الله كنت احسبه انت.....هوو قالي بسرعه خلي بدور تطلع علي يترياني في السيارة...هو اللي قص علي...
طالعتها....يعني ما جافت انه ما يشبهني...؟
وكأنها قرت افكاري : لا ما جفته...كان معطيني ظهره....بس لمحت انه لابس نظارة..
ولما صاحت بدور...رفعها وحضنها...وما قدرت اجوف ويهه لانها غطته...
بدور..صاحت....!!!
تقطع قلبي....اكيد بتصيح لانه غريب..!
ولا العادة لما تجوفني تناقز من الفرحه....
تنهدت بالم....
مسحت ويهي بكفي افكر شو ممكن اسوي الحين...
وين بقدر احصلها...وانا ما عندي مواصفات اللي خطفها الا انه يلبس نظارات..؟!
لحظة..!
نظارات..!!!
رفعت نظري لها بسرعه..جفتها تصيح بصمت قلت : الريال كان لابسة نظارات..؟
هزت راسها بهيه..
قلت بتأكيد : نظارات طبية....؟
طالعتني متفاجأة : هيه..
قلت وانا قلبي يدق : طويل..؟ وو ضعيف بس معضل..؟ وشعره اسود مب طويل...؟
قالت بسرعه : هيييه...
لا ياربي.....ارجووك احمييها منه...
وقفت بسرعه...
قالت : تعال ادخل..بدق على علي بخلييها الحينة ايي...
قلت بسرعه : لا ....لا تدقين عليه....خلاص عرفت وين بحصلها..
تركتها..
وركضت بروح البيت...
.
وصلت و بسرعه طلعت فوووق...
يارب تكون داخل...
.
شكوكي ف محلها...هو موجود داخل...
لان الباب ما كان مبند بالمفتاح..
دخلت...
وو
التقت نظراتنا....
لمحت ف نظرته خبث..
.
طاح قلبي لما جفته ماسك سكينه..ويمسحها بمنديل...
حركها جدام عيونه يتأكد من لمعانها...
جفت انعكاس ابتسامته على سطحها..
قلت وانا احاول اكون هادية : اسمعني...بدور ما يخصها ف اللي بينا...اذا تبا تنتقم...انتقم مني....هي بريئة وما يخصها...
طاف...!
بس رفع حاجبه وهو بعده يطالع سكينته..
قلت بحذر : وين بدور...!؟
طالع فيني وبانت اسنانه من ابتسامته اللي واضح ا ن وراها اشياء..!
قلت بنفاذ صبر : ويينها....شو سويت لها.....!!!
قال ببرود قاتل : شوو تتوقعين من شخص شراتي يسوي فيها...؟ يبوسها..؟ يلعبها...؟
قلت بعصبية : لو صار لها شي....ما تلوم الا نفسك..!
رفع حواجبه بسخرية : انزين لو قلتج اني مثلا " رفع السكين جدامي " ذبحتها..؟ شو بتسوين..؟
!!!!!!!!!!!!!!!!
حسيت نبضات قلبي توقفت...!!!
والدنيا بدت تسود ف عيوني...
قتلها...!!
لا......اكيد يقص علي...
حاولت اتماسك...
طالعت عيونه يمكن الاقي اي شي يدل انه يكذب علي....
بس.....نظراته كانت قاسية...
احس بنخنقه....ابا هوا....
بدووووري.....بدوور....ماتت...قتلها...!!
صرخت وانا اهز راسي بلا : لا....لا...ما قتلتها صح....! ب....بدوري ما قتلتها...!
ما رد علي الا ضحكته الحقيرة....
يت صورتها جدام عيني.....وهي تصيح برعب.....تصارخ..تباني انقذها...!
ووو صورتها هي مقتوله..
الدم يغطي المكان....
صورة يوسف.....وهو يضحك بانتصار..!
.
طالعته وعيوني يتطاير منها الشرر..
خلاص الشيطان عماني...
تجدمت منه...قلت بحقد وبغضب : قتلتها هاه....!؟...عيل انت الحين بتلحقها...
وو قبل ما يرد علي..
هجمت عليه..وبسرعه سحبت منه السكين..
انشلت حركته....
طالعني مصدوم.....مب متوقع ان السكين بايدي الحين..!
بس بسرعه ردت ملامحه طبيعية..
قلت وانا اتنفس بغضب..: بقطعك قطعه قطعه.....بخلييك تتعذب.....ابيك تذوق الالم اللي ذاقته.....!!
قال بهدوء : بتقتليني...؟!
صرخت ف ويهه..: هيييه...بقتلك.....!
وقف ببطىء وهو رافع ايده..
رديت ورا شوي..
جفته يبعد عن الغنفه..ووقف ف نص الصالة...
صرخت عليه : وقف مكانك....اي حركة ثانية....بغرس السكين فيك..
هز راسه وهو يضحك باستخفاف...
فار دمي...ها يحسبني امزح......!!
..
يت صورة بدور وهي تصارخ وتصيح....
..
ما قدرت اتحمل...ركضت صووبه وانا اصرخ....
مسك ايدي اللي فيها السكين...
قلت : والله بقتلك....بقتلك يا يوسف......انت احقر انسان جفته.... " صرخت ف ويهه " ما تساهل تعيييييش....!!! لازم تمووووت وتريح الناس منك...انت تستاهل المووت...!!!!
ضربته بايدي الثانية...
وحررت ايدي اللي ما سكه السكين....
رديت وهجمت عليه..لين طاح ع الارض وطحت معاه...
وجهت السكين لرقبته.....حاولت اقربها اكثر....ابا اقتله...بس هو ماسك ايدي بقووة...
يت صورة بدور وهي مقتولة...
طالعت ف يوسف كيف ييحاول يتشبث ف الحياة...
بدور....؟ كيف دافعت عن نفسها...
كيف قتلها..؟ قص رقبها اول..؟ ولا عذبها وعقبها موتها...؟
.
انتبهت لنظرات يوسف ...وووو دموووعي اللي طاحن ع ويهه بدون ما احس...
قلتله بصوت باكي : انت مب بشر....! ما عندك قلب..!! ما تحس....؟!! " شهقت بالم "
انت.....أأ..ن ت قتلتها...!!
قال بجفا : لا تصيحين عليها.....ترا في الاخير هي ما تستويلج..
طالعت فيه بصدمة.....ها معدووووم من الاحساس...!!!
هزييته بعنف من كتفه وصرخت وانا اصييح بقوة..: كيف.....كيف..يطاوعك قلبك تقتل ياهل.....ياهل بريئة..! م...ما لان قلبك لما جفتها تصيح من الخوف...؟ ما رحمت ضعفها وبرائتها....!
عضيت شفايفي..وهزيت راسي باسف ما شي فايدة....
ماقدر اعبر...
خذت نفس عميق احاول اكتم شهقاتي..
قلت بضعف واسف : شو ا قول...؟ بأي لغة افهمك....؟ " تنهدت وبهدوء قلت " اكرهك....!!....اكرهك يا يوس.......
قطع كلامي لما هجم علي..وووو
صار وضعي العكس....!!!!
انا تحت وهو فوق..!!
ومثبت ايدي الثنتين ع الارض...
.
لحظة صمت....
.
صديت ويهي عنه..
ودموعي تنزل ع الارض..
خلاص الحين بموت....وما بعيش وانا شايله ذنب موت بدور..
الحين بلحق بدووووري..
سمعته يقول : تبين تموتين.....؟
.......
ردد كلامه : تبييين تموتين...؟!!
قلت بهمس : هيه...
سكتت...
وو
مسكني من ياقتي.....وشدني....لين قعدت..
وو شدني اكثر....ل حضنه...!!
قال بنبرة غريبة : بس انا مابيج تموتيين...!
!!!!!
شفيييه...!!!!
انصدمت من حركته....!
أأ لا..يمكن هاي من حركاته الحقيرة.....؟
بسس..
قدرت اسمع دقات قلبه السريعه..
.
ليش..؟ شو يبا مني الحين.....!
مادري ليش تسلل الخوف لقلبي...يتني رجفه..
حسيته حس فيني..
وشد علي اكثر...
وو
بعد فترة
قال بنفس نبرته الغريبة : تكرهيني صح...!؟
سكت....!
قال بنبرة اشك انها الم : ما بلوومج...الاكيد ان خاطرج تمحيني من الوجود...
رصيت ع السكين..
تنهدت وهمس بصوت واطي : لا تكرهيني..ارجوج...!
مادري هاللي سمعته او العكس..؟
قال : خلاص.....اقتليني....
خفت..خفت وايد......انا يوسف ما اضمنه..
شفييه...؟ شوو اللي يفكر فيه...!
قال يشجعني : يلا....!
مادري اقتله ولا لا..؟
عندي فرصه اطعنه ف ظهره..
بس ايدي متجمده.....
هيه.....يلا انتقمي ل بدور.....اقتلييه...وقطعييه بعد..
بسس..
ايدي ما تتحرك...!!!
ليش ما اقدر اقتله...؟
هو يستاهل.....يستاهل المووووت...
.
جافني طولت....بعدني عنه...
طالعني....
جفت ملامح غير عن اللي دوم اجووفها...
مادري..الم..؟ حزن...؟ ندم...؟ او تخفي وراها خبث...!؟
قال بصراخ : مب انتي تبين تقتليني...؟ يلا....شو تتريين...!
ماعرف شوا قول....
هزيت راسي بلا.....ماقدر....
بس ليش...!!!!
.
تنهد.....وو عقب قال بجدية : فجر.....
اقشعر جسمي لما سمعت اسمي...
كمل : فجر...تبين تراحين....؟ تبين حياتج ترد شرات قبل..؟ تبين تفتكين من ها كلللله...؟
طالعته اترياه يكمل..
قال : اذا تبين .....ابيج توثقين فيني...!
طالعته باستنكار..!
اثق فيه...؟ مستحيل..
قال بثقة : صدقيني لو وثقتي فيني..بأحمييج منهم كلهم...!
قلت باستنكار : كيف....كيف تحميني..وانت واحد منهم...!!!
قال يسكتني : اششش......خلاص الماضي انسييه...بنبدا صفحة يديدة..بعيد عن ها كله..
قلت وانا بعدني مب مستوعبة اللي يقوله : كيف تباني اثق فيك....وابدا صفحة يديدة وياك...وانت اللي كم ن مرة غدرت فيني...؟ فهمني كييييف..!
قال باصرار : قلتلج الماضي انسييه...! قبل كنت اكرهج..! وما كنت اعرف سبب هالكره..
" سكت شوي " لانه في الاصل مب كره....
دزيته من صدره ابتعد عنه...
قلبي يدق بقووووة.....شوو...شو يالس يخربط هذا..؟!!!!
قلت بسرعه : بس انا اكرهك.......اكرهك....!!!
انتفضت لما مسك ايدي..
ووجه السكين لصدره..
صرخت بخوف : لا...!
حاولت اسحب السكينه بعيد عنه...
بس هو ماسكنها بالقوو..
يبا يغرس السكينة ف صدره..
..
انا ليش امنعه لييييش...!!!
بكيت بقووة من غبائي ومن شخصيتي المتناقضة...
قلتله بدون شعور وانا اصيح : بسس...بسسسسسس....!
لا مب بسس..خليييه يموووت....
هالانسان ما يستاهل الرحمة....!
بدور...قتل بدوووووور!!!
هييه...هو اللي ذبحها وموتها....
.
حسيت بقبضته تخف ....
نزل ايده..
قال باستغراب : ليش....ليش ما تبيني اموت....!
نزلت راسي..وبكيت بصمت....
حط ايده ع راسي....: فج....
...: ف...الس.....
؟؟؟
....: ف..الس.....!
رفعت راسي اطالع يوسف....
جفته مبتسم ابتسامة ميته...
هزيت راسي بقوووة..
بدييييت اتخبل...!
.
لا..ها مب صوت بدور...!
.... : فالس...!
وقفت بسرعه وانا ارتجف : انا اسمع صووت بدووور.....والله اسمع صووتها...! بدووري..ويييينج.....؟! بدوووور تسمعيني...!
سكت احاول اسمعها....
سمعت صوت صياح خفيف ياي من غرفتي...
طالعت يوسف وانا اتنفس بقووة....
يارب ما يكون حلم...
.
مشيت بحذر لغرفتي....
جولت نظري فيها...
محد......
مافي الا مكانها المعروف.....
اقتربت من الكبت.....
سمعت صوت صياحها المكتوم ....
فتحت بسرعه الكبت...
جفتها...
جفت بدوووووووووووووور...
حاضنه عمرها..وييها منتفخ من الصياح..
.
مم..ماعرف اوصف شعووري ف هاللحظة.....اصييح...؟ ولا اضحك...!!
تصنمت مكاني...!
.
ماحسيت الا وهي لاويه ع خصري وتصييييح..
نزلت ع الارض ..
وضمييتها بقوووووووووووة...
وانا اتمتم بالشكر لربي..
واصييح مع صياحها...
.
صحيح ان بدور بس لها شهرين و اكثر معاي...
بس اعتبرها كل شي بحياتي...
حسيت معاها بجو العايله اللي فقدته..
ما اتخيل افقدها...مع اني اعرف انه في يوم بيي وبنفترق...
بس اتمنى اتم معاي للابد...
.
لمحت يوسف متكتف عند الباب ويطالعنا..
صديت عنه....ومسحت دموعي..
تنهدت..
وقفت..وبدور بعدها متعلقة فيني...
رحت صوبه..ووقفت جدامه..
جفت ملامحه الباردة ردت شرات قبل......!
تنفست بعمق...وو بقوة قلتله : يوسف......انت بتبقى يوسف البارد القاسي المجرم ف نظري.....ومستحيل تتغير..! " سكت ...وكملت بتحدي " وبتبقى الحرب بينا لين ما حد فينا ينتصر على الثاني...." رفعت ايدي بتحذير " بشرط...بدون اي طرف ثالث فيها...
جفته يبتسم بسخرية...ويهز راسه موافق..
عقبها صد عني...واختفى من جدامي..
.
طالعت بدور...وتنهدت براحه...
بستها ع راسها : يلا بدوووري...خلاص حبيبتي...لا تصيحييين..!
حطيتها ع السرير...وسرت المطبخ اسويلنا غدا..
//
ريم
،
تعبت من الصياح....من نشييت وانا بس اصييح..
صحييت من حالة الصدمة اللي كنت فييها..
وكل ما ذكر اللي صار اتييلي قشعريرة...!
ياربي...لو ما يا منصوور ف هاك الوقت....شو كان بيصير لي...!!!!!
الحمدالله....الحمدالله....اللي انقذني منه..
.
طالعت ف مريوم اللي راقدة بتعب...
نزلت دموعي على حالها...
وايد عانت مع الحقير هذاك...
..
كلله من العاملات الحقيرات....هن السبب...
هن اللي خططن كل هذا...
الله ياخذهن....
بس يستاهلو كلل اللي بييهم..
سمعت محمد ومنصور يقولون بيقتلونهم كلهم..
.
عدلت لحاف مريوم..
تأملتها...
مع ان محمد ساعدها...
الا انها اول ما جافته صرخت وانواع السب كلها عطته ف ويهه
والغريب انه كان ساكت..!؟
صح انهم السبب في اللي نحن فيه...
لكن مع هذا ساعدونا...
والاغرب انه ماكانت لهم نية يأذونا...
قلت لمريوم هالكلام...
المفروض تشكره او تسكت..
بس خرعتني لما صارخت علي..زين ما كفختني...!
احترت من كلامها..
قالت ها كلله بس عسب يقصون علينا...
وع قولتها نطيح ف فخهم...؟
.
احس كلامها ما يخصه.. كيف فخ..؟
معقولة هم خططوا ها كلله..؟
مستحيييل...لان اللي صار كان جدي...
وكلنا تعرضنا للخطر..
.
منصوور...احسه وايد طيب...
لالا مب طيب...
لا هو مب طيب.....بس فيه خير شوي..
والاهم انه عكس محمد...
مممم حتى محمد حسيته صاير طيب..
يمكن بيشفقون علينا وعقب بييظهرونا من هني..؟
.
حطيت ايدي ع خدي طفرت من التفكير..
.
سمعت حد يدق الباب...
وعقبها دخلت عاملة..
كانت تكلمني وهي منزلة راسها....اوونه احترام..
تقول مستر منصور يبي يجووفني...؟!
هاي اكيد جذابة..
غسلت شراعها بصوت واطي عسب ما ازعج مريوم...
وو
جفتها سارت بتظهر..
وقفت عند الباب...وكانت تكلم حد..
خفت..
يمكن بتييبلنا واحد شرات امس...
بس..
جفت راس منصوور يدخل من الباب..
و قال بصوت واطي..ايي عنده...
.
وظهر..
شووو يبا....؟
اسير..؟
لا مستحييل اسيير...
بسس...يمكن بيقولي شي ضروووري...؟
هيه بسير بجووفه وبرد بسرعه..
وقفت بسير البس لي عباة...
بسس..
حسيت بمريوم تمسك ايدي...
صديت اطالعها..
جفتها مغمضه عينها..
قالتلي بتحذير : لا تسيرين..
قلت بلعثمة : مريوم..يمكن يبا شي ضروووري..
فتحت عينها ويلست...
شدتني صووووبها...
وحضنت ويهي بكفوفها... : ريم...الله يخلييج...انتي تصدقين منو.؟ انا ولا هم...؟
قلت : اكيد انتي...بسس....مريوم صح انهم السبب لكن يمكن بعدين يظهرونا من هالمكان..
كملت باصرار : وليش ما ظهرونا الحين...؟ لانهم هم السبب.....هم سبب دخولنا هالمكان..
" تنهدت " ريماني..لا تكونين بريئة بزيادة عن اللزوم....اللي شراتهم...تفكيرهم يكون خبييث...! تبين افهمج هم شو يبون...؟
هزيت راسي بهيه
قالت بغيض : هاي كلها مسرحية مخططين لها....بتقوولين شو هدفهم...؟
هم من البداية شو قالولنا..؟ قالو يبونا متعه لهم.....! يبون يتسلون فينا..
بس لو فكرتي....المتعه الاكبر..لو يينا لهم نحن بريولنا....
باختصار شديد..حركتهم هاي الهدف منها انهم اييبون راسنا...!
شهقت بصدمه من سذاجتي...!
وانا الغبية والغبية و الغبية صدقتهم...!
حضنت مريوم بسرعه...وانا صدق ندمانه..
.
حسينا بحد في الغرفة...
رفعت راسي اطالع صوب الباب....
جفت منصوور يطالعنا...
بسس...
مب النظرة الحنوونة اللي دوم اجووفها...
لا...
هالمرة كانت نظرة غييض وحقد..
جفته يطالع مريووم مقهوور...
ومن نظرته هذي.....تأكدت من كلام مريوم 100%
طالعته باحتقار : ما يشرفني اجوفك ولا اكلمك.....!!!
صد عنا بعصبية...
وو
ظهر من الغرفة...
//
تعليق
-
رد: همــس الموت | Whisper of death ™
//
علي
//
بالليل الساعه 10 ونص
//
توني مبند من فارس وتطمنت على بدور...بعد ما قالتلي سلمى اللي صار..
بس ما قالي شو اللي صار بالظبط ومنو اللي خذها..
بعد ما خلص شغلي بجووف شو السالفة..
.
وقفت سيارتي في الباركنات الموجودة...ونزلت منها متوجه لموقع المهرجان..
وبالموت حصلت مكان جدام....
.
قعدت وانا اراقب بحذر...
مافي وحده ع المنصة لابسة احمر...؟!
التفت للي عدالي جفته مندمج ومتحمس مع العروض ..
سالته اذا في العاب نارية بيسوونها...؟
قالي في ع الساعه 11 ونص ...
مممم 11 ونص..؟
ظهرت الورقة.....وبديت اعصر مخي.." تنقسم العقرب واللؤلؤة "....؟!
رفعت راسي فوق....جفت البدر....كأنه لؤلؤة في نص السما..!
بس كيف ينقسم...؟ هه بيفجرونه مثلن..؟
لحظة...
يمكن لما الالعاب النارية بتطلع فوق...بتمر من نص القمر....ف بيطلع لنا كانه منقسم نصين..!
.
تميت ساعه كاملة وانا احاول افهم اللغز...وو احصل البنية اللي لابسة احمر..
طالعت في الساعه...11 ونص...
باقي نص ساعه بس..!!
.
انتفضت من صوت الالعاب النارية اللي طارت في السما...
بدا قلبي يدق بقوووة...
تلفت بسرعه بين الناس....وينها...وينها.....؟
اففف....لا وردة حمرا ترقص ع الشلق ولا القمر انقسم....
شو هالتحلييل الغبي...الشلق هو اللي بيقسم القمر هههه...
.
ترييت لين ما خلصت الالعاب النارية...
بقت ربع ساعه فقط...!
انزين..؟ مافي ولا شي غريب...
.
خلص المهرجان...والناس بدت ترووح...
؟؟؟؟
وقفت ادوور ع المكان اراقب....
ما بيسوون جريمة جدام الناس..
اكييد بيتريوون لين الكل يروح..
.
رديت قعدت ع الكراسي برووحي....
الكل اختفى...؟
معقوولة المكان والزمان غلط....؟
الا اكيييييد غلط...!
مافي حد هني ....و كل اللي صار...ماكان مطابق للورقة...
طالعت في الساعه....10 دقايق وتستوي الساعه 12...
.
مافي فايدة.....وقفت وسرت صوب سيارتي...
ركبتها وتحركت...بدور ع المكان...يمكن اجوف شي غريب قريب من هني..
رحت صوب الاماكن القريبة...
نفس الشي...المكان هادي...
باقي 7 دقايق...
خليت السيارة تتحرك ببطى..وفتحت الجامة اراقب الشوارع...
تنهدت وحطيت ايدي ع خدي...
طالعت في برج الساعه الطويل واللي يعتبر فن معماري ف مدينتنا...
باقي بالظبط 5 دقايق...
.
معقولة الجريمة بتكون في مدينة ثانية او مكان ثاني بعييد عن هني..؟
لحظة...!
برج الساعه....!
رفعت نظري له....دست ع البنزيين بقووة.. ساير صووبه..
وانا اقترب منه...عيني كانت ع القمر...
لين صار القمر في النص....و قمة البرج من فووق تقسمه نصين..
كتمت انفاسي وانا اقترب اكثر واكثر....الجريمة بتصير تحتهم....
ووو اكييد بيصير انفجار هناك...
خففت السرعه لما صرت قريب....
باقي دقييقة وحده بسس..
.
بما ان البرج في مركز المدينة....ف عادة ما يكون الناس متواجدين هناك ...
وقفت السيارة قريب وبديت اراقب....
وو
ليين ظهرت لي الوردة الحمرا...!!
.
سيارة حمرا تتحرك ببطىء وكانها تتريا حد...!
هييه..هي هذي المقصوودة...انا متأكد...مافي الا سيارتي وسيارتها الموجودات...
احس اعصابي مشدوودة...
ماعرف شو اسوي بالظبط..
اشرت لها بليت السيارة....
جفتها وقفت...
لبست الكاب والنظارة الشمسية..و
فتحت الباب ونزلت....واشرت لها اتيي..
ارتحت لما وقفت...وبتردد نزلت من السيارة..
الحينة شو اقوولها...؟
وين الانفجار بيكون بالظبط...
جفتها وقفت عند سيارتها وما تحركت..
ياربي.....تعالي ليش واقفة...؟
مشت بطىء صوبي...
لين عم الصمت فجأة لما سمعنا صوت الساعه العالي.....12:00....!
" تنقسم اللؤلؤة والعقرب في خط مستقيم....! "
صرخت عليها : اركضيييييي......
وو
هي ف نص المسافة بيني وبينا.....
صار اقوى انفجار ف حياتي شفته..!!!!! " وتنطلق اشعة الشمس من اسفلهما تشدوا على انغام نبضات الاشعة..! "
ومن قوته طرت في الهوا....وطحت ع الرصيف...وسمعت صوت زجاج سيارتي يتكسر..
رفعت راسي بالم...
جفتها....جفت البنية تطير فوق....." ووردة حمراء..تتراقص على تلك الانغام بكل سحر وجمال..! "
قلبي نبض بقووووة......كل اللغز تفسر جدامي...
وقفت بصعوبة...وسحبت ريولي لين عند البنية...والناس اللي واقفين بعيد عنها ويصارخون..
اقتربت منها.......يالله..!!!!!
تقطع قلبي لما شفت شكلها....!
توها كانت يا زينها....الحين تشوهت بالكامل...
غضيت بصري عن ذراعها اللي جلعها الانفجار..
يلست قريب منها...
بلعت ريجي.....ماتت ف لمح البصر....!!
ليش...
شو سوت عسب يقتلونها...!!!
طالعت ف الناس الواقفة....يمكن يكون المجرم بينهم...؟!
عضيت شفايفي بقهر وانا اطالعها..
همست بغيض وحزن : ليش...!!!! ليش قتلوووج...؟ حرام علييييييهم...!!
انا السبب....انا,,,,,لو عرفت الحل من قبل كنت بقدر انقذج...." ضربت بقبضتي ع الارض بقهر " انا غبي...غبي..
.
...!!
انتبهت لشفايفها تتحرك....!
تتكلم...!؟
حطيت صبعي عند خشمها اتاكد اذا تتنفس او لا......
تنفسها بطىء...!!
حسيت بسعادة....الحمدالله....
صرخت ع الناس الواقفة بعيد : اتصلووووو في الاسعاف.....ما ماتت...
سمعت همسها...
يالسة تكلمني...!
قلت بسرعه : منو سووا فيج جي....!؟ تعرفييينهم....؟
قالت بصعوبة : ه........يه..
قلت : انزين ليش يبون يقتلونج....!؟
قات برجا : اب....ت.عد.....عن..هم.......لو......و..ق.فت. ..ف و...يه..م..............بت..موت...!!!!!
قلت بقهر : انا ماخاف منهم.....وبتم الاحقهم لين اعرف منو هم.......صدقيني بنتقم لج...
بس انتي قووليلي منوووو هم....الله يخلييج قووووولي...
همست بكلمة غريبة...
مافهمتها......وو عقبها سكتت...وما صارت ترد ع تساؤلاتي...
حطيت صبعي عند خشمها مرة ثانية...
توقف تنفسها...!!
ووو ثواني الا و سيارة الاسعاف والمطافي وصلوو...
وو
ماتت الوردة الحمراء..
//
~| نهاية الهمسة الواحدة وعشرون |~
تعليق
-
رد: همــس الموت | Whisper of death ™
مشكوره فجوره
ننتظركتعليق
تعليق