تويت
.
رد: زينة هي الموت و المنعوت و النجوى / كاملة
أثبتت الشك باليقين !
لما شليبا شافت ردة فعل صقر خافت ..
حست بخوف شديد , خلاها ترتجف , واهي تتذكر ردة فعل ناصر .
رجعت بجسمها للخلف .
لأنه عيون الصقر كانت شديدة القتامه ..مفزعه بشكل خيالي ..اهو أفزعها أكثر من ناصر نفسه .
لكن بصوره مفاجئه .
تغيرت ملامحه للهدوء , بطريقه أبهرتها ..
وأسترخت إيده .
رفع الأدويه , وبدى يقرى .
بعدها قال بصوت منخفض " لا ماكو مشكله على البيبي"
اهي كانت لاتزال ترجف , حط اهو الأدويه داخل الكيس , طلع قلم , وكتب على الكيس شي , ومده لها ثم قال " هاج "
مدت إيدها بتردد له ..ورجفه واضحه بأصابعها !
وخذت الكيس ..واهي عيونها عليه , خافت تنزل عيونها تتفاجئ بكف .
قال بصوت غريب لكن قوي " هذا تليفوني , إذا في مشكله سوي تليفون "
نزلت عيونها تشوف الرقم المسطر على الكيس !
وبعدها أرفعت راسها , وحست بالدموع والأمتنان يغمرها .
هزت راسها بالموافقه بعد ما ابتسمت له " أوكي "
طلعت من جدامه واهو ظل مكانه ..
مرة أبوه حامل ..
اخو أو اخت له واهو بعمر الثلاثين ..هذيله عياله مو أخوانه .
كان بهاللحظه حاس بكم من مشاعر وده لو يعرف شلون يبجي ! , جان بجى ..
ابوه بيصير أبو مره ثانيه .
من أسوأ الأباء اللي في الدنيا بيصير أبو !!
والله العظيم مسخره .
ومنو راح يهتم بهالياهل القادم بالطريج ..اهوووووو ..
هه
اطلعت ضحكه من فمه ..
وبعدها أنطلق بالضحك..
شر البلية ما يضحك , قسم بالله
" ههههههههههههههههههههههه "
بعدها سكت فجأه مثل ما ضحك فجأه !!
واهو يحس بهموم الدنيا على كتفه , يدري ألحين إنه هالمرأه والياهل اللي بتجيبه بالطريج بيكون من مسؤوليته اهو .
سند كوعه على السكان (الدركسون) وغطا وجهه بأيده .
يحس نفسه مستهلك , خلاص ما عاد فيه على هالمشاكل اللي قاعده تتحاذف عليه من كل جهه .
يا رب أعني , ولا تعن علي .
بعد ما حس إنه لازال بالسياره , رفع راسه , ما راح يخلي أحد يشوف تعبه ..
تحرك بالسياره ..
اليوم شكله طويل ..
زينه :
لفت ويهها بسرعه , على أمل تشوف أبوها !
شافت منيره اللي قالت " شتسوين اهني حبيبتي ؟! "
كان بمنيره غموض غريب ..
حست زينه بخيبة أمل كادت إنها تقطعها لأشلاء ..
ردت عليها زينه بتوتر , حاسه عمرها لأول مره إنها متطفله " حنيت لأبوي "
أسترخت منيره ..
تنهدت وادارت عينها على الغرفه اللي كانت بيوم من الأيام خاصه بخالد .
ردت عيونها لزينه وقالت بحنيه " أنا بعد , كلما أشتقت لأبوج ييت لهالغرفه "
وكملت بصوت أكثر حنيه " وعشان جذي ما غيرت فيها شي , ظلت مثل ما اهي , ما حركت فيها شعره من وفاته الله يرحمه "
قالت زينه بحقد ..قبل ما تفكر " يعني صقر ما قال لج امحي كل أثر لصاحب هالبيت , بعد ما خذاه من ..."
تغيرت ملامح منيره للصرامه ..والجديه .
ما كانت عارفه أسباب تغيير زينه على صقر , ولا صقر على زينه , واللي سمعت جزء منه امس ما خلاها تعرف , لكنها مو حابه نظرة الحقد هذي , ولا هالأسلوب ولا راح تسمح فيهم , ولدها ما شرى هالبيت إلا بعد ما طلبته اهي !
فما راح تخلي زينه تهاجم صقر على شي إهي قايلته له !
وقاطعت كلام زينه " صقر ما شرى هالبيت يا زينه إلا بعد ما انا طلبت منه "
تجمدت زينه بمكانها من المفاجأه ..منيره !!
ليش !!
منيره طالبه منه !!
شحقه ؟
يعني شنو ..
انزين ..هي شلون عبالها إنه ..إنه خدع أبوها ..وخذى منه البيت .
اهي أستنتجت هالشي من نفسها..!
ولا اهي توصلت حق هالنقطه من كلام أبوها قبل زواجها من فواز..وقبل معرفتها بأنه البيت صار ملك صقر .
هزت راسها بضياع ..
كان كل هذا تحت عيون منيره , اللي كانت تتابع تلاحق التعبيرات على وجه زينه .
قالت زينه " إنتي طلبتي منه ؟! " وكملت " ماني ..ما ني فاهمه ؟! ليش ؟! "
لأنه منيره ما تبي تكسر صورة خالد جدام بنته خاصه بعد ما تأثرت صورته جدام الناس اللي اعرفوا بالموضوع ..ما تكلمت للحظه .
عصبت زينه وقالت " منيره ليش قلتي إنج إنتي اللي طلبتي من صقر يشتري البيت ؟ " ..وكملت بنرفزه " إنتي أكثر وحده عارفه إنه هالشي بيضايق أبوي .."
وقفت عن الكلام !! ليش أبوها باع البيت أصلا ؟ شالسالفه ؟؟ اللي اهي ظنت إنه صح , بدت تحس عقب كلمة منيره والتعمق بالتفكير بعدم واقعيته ..
منيره هدت شوي من عصبيتها ..ما تحب أحد يتكلم عن ولدها بالطريقه اللي تكلمت فيها زينه ..لكن شكل زينه واهي بهالضياع أثارت شفقتها ..
خاصه لإنه الموضوع متعلق بخالد , راحت للمكتب , وحطت إيدها عليه ومسحته , وطلع بأيدها الغبار , فقالت " هالخدم ما عليهم متكل ..الغبار تارس الغرفه "
ولما لفت وشافت زينه لازالت تشوفها وعيونها واضح عليها التصميم على المعرفه ..قالت " لأني إن ما قلت له ..كنا راح ننام بالشارع يا زينه "
اخرستها هالكلمه عن الحديث وما عاد فيها تتكلم ..للحظه
وكررت الكلام " تنامون بالشارع ! "
تنهدت منيره , وأخفت الحقيقه الكامله وقالت الجزء اللي ما راح يجرح زينه .." أبوج مر بضائقه ماليه ..والبيت كان مرهون "
قعدت زينه على الكرسي اللي وراها من ثقل هالكلام ..
وقالت بصوت مخنوق " ضائقه ماليه ..البيت كان مرهون !!! وأنا وين كنت عن هالكلام !! , ليش ما قلتوا لي ..ليش ..شلووووون أنا اخر من يعلم "
قاطعتها منيره وقالت بلطف " أبوج ..أبوج ما كان يبيج تعرفين , كنتي توج متزوجه ومسافره أمريكا لما صار اللي صار , انا مرته ما دريت إلا متأخر ..وما كان جدامي إلا إني أطلب من صقر "
يعني اهي مديونه حق صقر ..اهي وأبوها مديونين له بالشكر
قالت بحره " فواز ما كان راح يقصر عليكم ..جان قلتوا لي ..لو أبوي كان قايل لي جان حليناها من غير تدخل الغريب "
منيره تغيرت ملامحها وقالت " صقر مو غريب يا زينه ..صقر ولدي , ورابي معاج من كنتي صغيره ..كان بالنسبه لج الأخو والأبو ..وكل شي ..مو قصور بخالد ..لكن زود بصقر "
لما شافت منيره شحوب ويه زينه قالت بصرامه لكن أقل حده من سابقتها " انا وأبوج ما بغينا تنزل قيمتج بعين ريلج وبعيون حمولتج ..بغينا لج الراس المرفوع ..والكرامه المنصانه " وكملت "و صقر اللي مو عاجبج ما دخل هالبيت من بعد ما شراه ..عشان ما يحسس أبوج بشي , كنت ما أشوف ولدي إلا برا البيت حرصا منه على كرامة أبوج , ولا قط مره كلم أبوج بأي تغيير يسوويه بهالبيت ..ولا عاتبه ..ولا شي ..وكان يبي يكتب البيت بأسم أبوج لو ما أبوج رفض هالشي ..رفض قاطع "
كانت تسمع هالكلام تحس فيه مثل الرصاصات على قلبها ..
أكيد اهي بكابوس .
صقر له فضل عليهم ..كلهم !
قامت من مكانها بصوره مفاجئه وراحت تركض لغرفتها كأنها تهرب من شي ..تاركه وراها منيره ..
منيره ما لحقت زينه , بنت ريلها تحتاج لوقت عشان تستوعب اللي قالته لها للتو .
هذا واهي ما قالت لها الحقيقه كلها ..واكتفت بالجزء الأقل سوء .
ردة فعلها كانت قويه على هالكلام ..الله يعين لو كانت قايله الحقيقه كلها .
زينه راحت لغرفتها , لملجئها الوحيد , ورمت روحها على الفراش !!
صقر ساعد أبوها ! وضفه مثل ما ضفها !
ضمت روحها بقوه .
منيره قاعده تكذب ..اكيد قاعده تكذب ..
لأ منيره ما تكذب..ما تحب الكذب .
يعني صقر ساعد أبوها .
وألحين ساعدها .
بغض النظر عن كل اللي صار بينها وبينه ..وبين أبوها وبينه ..هذا جميل جديد يعلق على رقبتها .
ضمت روحها بقوه أكبر .
اهي من وين لها فكرة إنه صقر سرق هالبيت ..خيالها بكل هالبساطه جمح فيها ؟
ظنت إنه أدام العلاقه متوتره ..ومملوءه بالكره بين أبوها وصقر , فأكيد إنه أبوها ما راح يعطي بيته برضاه لصقر وبالتالي أكيد صقر سرقه أو خدع أبوها أو نصب عليه ..وبهاللحظه أكتشفت غباء فكرتها .
ألحين لما تفكر بالموضوع واهي عندها هالحقائق الجديده بدت تشوف عدم منطقيتها ..ومنطقية فكرة منيره ..أبوها فقد أملاكه , قال لزوجته تروح لولدها تطلب الفلوس ..أو منيره راحت من نفسها لولدها لأنه مالهم غيره , وطلبوا منه المساعده ..
عدم معرفتها بأسباب فقد أبوها لأملاكه وعدم بحثها بالموضوع خلاها بموقف سخيف ..
لكن عطت التبرير لنفسها ..أهي ما بحثت لأنها ظنت إنه معاها الحق ..إنها تكتشف إنه أبوها فقد أملاكه كلها بعد زواجها وبعد وفاة أبوها..وإنه البيت أنتقلت ملكيته لصقر خلاها تتصور إنه السبب بهالشي صقر .
لأنه صقر سبب تعاستها ..
بكل شي اهو سبب تعاستها فما أستبعدت أنه هذا فعل من أفعاله ..عشان يضيف لتعاستها عنصر يديد ..
غبيه ..غبيه .
تفكير غبي ..تفكير طفله .
غير منطقي .
ليش ما احد قال لها ..ليش توهم يقولون لها ؟.
ليش أبوها ما قال لها إنه صقر ساعده ؟.
ليش سكت وخلاها تظن إنه الكره لازال قائم بين الطرفين ؟.
ليش اهي اخر من يعلم .؟
ليش ما رمى أبوها حموله عليها ..اهي بنته مهما قالت منيره أهي بنته ولها حق إنها تعرف , ما كانت راح تقول لأحد إذا ما كان يبيها تقول ..
ليش ..وليش ..وليش ؟؟؟؟؟
حاسه بألم بقلبها بيذبحها .
صقر ساعد أبوها ..ترفع عن الخلافات اللي بينهم وساعده ..
خذت المخده , وخشت ويهها فيها , وزادت من ضمتها لها ..
لما شليبا شافت ردة فعل صقر خافت ..
حست بخوف شديد , خلاها ترتجف , واهي تتذكر ردة فعل ناصر .
رجعت بجسمها للخلف .
لأنه عيون الصقر كانت شديدة القتامه ..مفزعه بشكل خيالي ..اهو أفزعها أكثر من ناصر نفسه .
لكن بصوره مفاجئه .
تغيرت ملامحه للهدوء , بطريقه أبهرتها ..
وأسترخت إيده .
رفع الأدويه , وبدى يقرى .
بعدها قال بصوت منخفض " لا ماكو مشكله على البيبي"
اهي كانت لاتزال ترجف , حط اهو الأدويه داخل الكيس , طلع قلم , وكتب على الكيس شي , ومده لها ثم قال " هاج "
مدت إيدها بتردد له ..ورجفه واضحه بأصابعها !
وخذت الكيس ..واهي عيونها عليه , خافت تنزل عيونها تتفاجئ بكف .
قال بصوت غريب لكن قوي " هذا تليفوني , إذا في مشكله سوي تليفون "
نزلت عيونها تشوف الرقم المسطر على الكيس !
وبعدها أرفعت راسها , وحست بالدموع والأمتنان يغمرها .
هزت راسها بالموافقه بعد ما ابتسمت له " أوكي "
طلعت من جدامه واهو ظل مكانه ..
مرة أبوه حامل ..
اخو أو اخت له واهو بعمر الثلاثين ..هذيله عياله مو أخوانه .
كان بهاللحظه حاس بكم من مشاعر وده لو يعرف شلون يبجي ! , جان بجى ..
ابوه بيصير أبو مره ثانيه .
من أسوأ الأباء اللي في الدنيا بيصير أبو !!
والله العظيم مسخره .
ومنو راح يهتم بهالياهل القادم بالطريج ..اهوووووو ..
هه
اطلعت ضحكه من فمه ..
وبعدها أنطلق بالضحك..
شر البلية ما يضحك , قسم بالله
" ههههههههههههههههههههههه "
بعدها سكت فجأه مثل ما ضحك فجأه !!
واهو يحس بهموم الدنيا على كتفه , يدري ألحين إنه هالمرأه والياهل اللي بتجيبه بالطريج بيكون من مسؤوليته اهو .
سند كوعه على السكان (الدركسون) وغطا وجهه بأيده .
يحس نفسه مستهلك , خلاص ما عاد فيه على هالمشاكل اللي قاعده تتحاذف عليه من كل جهه .
يا رب أعني , ولا تعن علي .
بعد ما حس إنه لازال بالسياره , رفع راسه , ما راح يخلي أحد يشوف تعبه ..
تحرك بالسياره ..
اليوم شكله طويل ..
زينه :
لفت ويهها بسرعه , على أمل تشوف أبوها !
شافت منيره اللي قالت " شتسوين اهني حبيبتي ؟! "
كان بمنيره غموض غريب ..
حست زينه بخيبة أمل كادت إنها تقطعها لأشلاء ..
ردت عليها زينه بتوتر , حاسه عمرها لأول مره إنها متطفله " حنيت لأبوي "
أسترخت منيره ..
تنهدت وادارت عينها على الغرفه اللي كانت بيوم من الأيام خاصه بخالد .
ردت عيونها لزينه وقالت بحنيه " أنا بعد , كلما أشتقت لأبوج ييت لهالغرفه "
وكملت بصوت أكثر حنيه " وعشان جذي ما غيرت فيها شي , ظلت مثل ما اهي , ما حركت فيها شعره من وفاته الله يرحمه "
قالت زينه بحقد ..قبل ما تفكر " يعني صقر ما قال لج امحي كل أثر لصاحب هالبيت , بعد ما خذاه من ..."
تغيرت ملامح منيره للصرامه ..والجديه .
ما كانت عارفه أسباب تغيير زينه على صقر , ولا صقر على زينه , واللي سمعت جزء منه امس ما خلاها تعرف , لكنها مو حابه نظرة الحقد هذي , ولا هالأسلوب ولا راح تسمح فيهم , ولدها ما شرى هالبيت إلا بعد ما طلبته اهي !
فما راح تخلي زينه تهاجم صقر على شي إهي قايلته له !
وقاطعت كلام زينه " صقر ما شرى هالبيت يا زينه إلا بعد ما انا طلبت منه "
تجمدت زينه بمكانها من المفاجأه ..منيره !!
ليش !!
منيره طالبه منه !!
شحقه ؟
يعني شنو ..
انزين ..هي شلون عبالها إنه ..إنه خدع أبوها ..وخذى منه البيت .
اهي أستنتجت هالشي من نفسها..!
ولا اهي توصلت حق هالنقطه من كلام أبوها قبل زواجها من فواز..وقبل معرفتها بأنه البيت صار ملك صقر .
هزت راسها بضياع ..
كان كل هذا تحت عيون منيره , اللي كانت تتابع تلاحق التعبيرات على وجه زينه .
قالت زينه " إنتي طلبتي منه ؟! " وكملت " ماني ..ما ني فاهمه ؟! ليش ؟! "
لأنه منيره ما تبي تكسر صورة خالد جدام بنته خاصه بعد ما تأثرت صورته جدام الناس اللي اعرفوا بالموضوع ..ما تكلمت للحظه .
عصبت زينه وقالت " منيره ليش قلتي إنج إنتي اللي طلبتي من صقر يشتري البيت ؟ " ..وكملت بنرفزه " إنتي أكثر وحده عارفه إنه هالشي بيضايق أبوي .."
وقفت عن الكلام !! ليش أبوها باع البيت أصلا ؟ شالسالفه ؟؟ اللي اهي ظنت إنه صح , بدت تحس عقب كلمة منيره والتعمق بالتفكير بعدم واقعيته ..
منيره هدت شوي من عصبيتها ..ما تحب أحد يتكلم عن ولدها بالطريقه اللي تكلمت فيها زينه ..لكن شكل زينه واهي بهالضياع أثارت شفقتها ..
خاصه لإنه الموضوع متعلق بخالد , راحت للمكتب , وحطت إيدها عليه ومسحته , وطلع بأيدها الغبار , فقالت " هالخدم ما عليهم متكل ..الغبار تارس الغرفه "
ولما لفت وشافت زينه لازالت تشوفها وعيونها واضح عليها التصميم على المعرفه ..قالت " لأني إن ما قلت له ..كنا راح ننام بالشارع يا زينه "
اخرستها هالكلمه عن الحديث وما عاد فيها تتكلم ..للحظه
وكررت الكلام " تنامون بالشارع ! "
تنهدت منيره , وأخفت الحقيقه الكامله وقالت الجزء اللي ما راح يجرح زينه .." أبوج مر بضائقه ماليه ..والبيت كان مرهون "
قعدت زينه على الكرسي اللي وراها من ثقل هالكلام ..
وقالت بصوت مخنوق " ضائقه ماليه ..البيت كان مرهون !!! وأنا وين كنت عن هالكلام !! , ليش ما قلتوا لي ..ليش ..شلووووون أنا اخر من يعلم "
قاطعتها منيره وقالت بلطف " أبوج ..أبوج ما كان يبيج تعرفين , كنتي توج متزوجه ومسافره أمريكا لما صار اللي صار , انا مرته ما دريت إلا متأخر ..وما كان جدامي إلا إني أطلب من صقر "
يعني اهي مديونه حق صقر ..اهي وأبوها مديونين له بالشكر
قالت بحره " فواز ما كان راح يقصر عليكم ..جان قلتوا لي ..لو أبوي كان قايل لي جان حليناها من غير تدخل الغريب "
منيره تغيرت ملامحها وقالت " صقر مو غريب يا زينه ..صقر ولدي , ورابي معاج من كنتي صغيره ..كان بالنسبه لج الأخو والأبو ..وكل شي ..مو قصور بخالد ..لكن زود بصقر "
لما شافت منيره شحوب ويه زينه قالت بصرامه لكن أقل حده من سابقتها " انا وأبوج ما بغينا تنزل قيمتج بعين ريلج وبعيون حمولتج ..بغينا لج الراس المرفوع ..والكرامه المنصانه " وكملت "و صقر اللي مو عاجبج ما دخل هالبيت من بعد ما شراه ..عشان ما يحسس أبوج بشي , كنت ما أشوف ولدي إلا برا البيت حرصا منه على كرامة أبوج , ولا قط مره كلم أبوج بأي تغيير يسوويه بهالبيت ..ولا عاتبه ..ولا شي ..وكان يبي يكتب البيت بأسم أبوج لو ما أبوج رفض هالشي ..رفض قاطع "
كانت تسمع هالكلام تحس فيه مثل الرصاصات على قلبها ..
أكيد اهي بكابوس .
صقر له فضل عليهم ..كلهم !
قامت من مكانها بصوره مفاجئه وراحت تركض لغرفتها كأنها تهرب من شي ..تاركه وراها منيره ..
منيره ما لحقت زينه , بنت ريلها تحتاج لوقت عشان تستوعب اللي قالته لها للتو .
هذا واهي ما قالت لها الحقيقه كلها ..واكتفت بالجزء الأقل سوء .
ردة فعلها كانت قويه على هالكلام ..الله يعين لو كانت قايله الحقيقه كلها .
زينه راحت لغرفتها , لملجئها الوحيد , ورمت روحها على الفراش !!
صقر ساعد أبوها ! وضفه مثل ما ضفها !
ضمت روحها بقوه .
منيره قاعده تكذب ..اكيد قاعده تكذب ..
لأ منيره ما تكذب..ما تحب الكذب .
يعني صقر ساعد أبوها .
وألحين ساعدها .
بغض النظر عن كل اللي صار بينها وبينه ..وبين أبوها وبينه ..هذا جميل جديد يعلق على رقبتها .
ضمت روحها بقوه أكبر .
اهي من وين لها فكرة إنه صقر سرق هالبيت ..خيالها بكل هالبساطه جمح فيها ؟
ظنت إنه أدام العلاقه متوتره ..ومملوءه بالكره بين أبوها وصقر , فأكيد إنه أبوها ما راح يعطي بيته برضاه لصقر وبالتالي أكيد صقر سرقه أو خدع أبوها أو نصب عليه ..وبهاللحظه أكتشفت غباء فكرتها .
ألحين لما تفكر بالموضوع واهي عندها هالحقائق الجديده بدت تشوف عدم منطقيتها ..ومنطقية فكرة منيره ..أبوها فقد أملاكه , قال لزوجته تروح لولدها تطلب الفلوس ..أو منيره راحت من نفسها لولدها لأنه مالهم غيره , وطلبوا منه المساعده ..
عدم معرفتها بأسباب فقد أبوها لأملاكه وعدم بحثها بالموضوع خلاها بموقف سخيف ..
لكن عطت التبرير لنفسها ..أهي ما بحثت لأنها ظنت إنه معاها الحق ..إنها تكتشف إنه أبوها فقد أملاكه كلها بعد زواجها وبعد وفاة أبوها..وإنه البيت أنتقلت ملكيته لصقر خلاها تتصور إنه السبب بهالشي صقر .
لأنه صقر سبب تعاستها ..
بكل شي اهو سبب تعاستها فما أستبعدت أنه هذا فعل من أفعاله ..عشان يضيف لتعاستها عنصر يديد ..
غبيه ..غبيه .
تفكير غبي ..تفكير طفله .
غير منطقي .
ليش ما احد قال لها ..ليش توهم يقولون لها ؟.
ليش أبوها ما قال لها إنه صقر ساعده ؟.
ليش سكت وخلاها تظن إنه الكره لازال قائم بين الطرفين ؟.
ليش اهي اخر من يعلم .؟
ليش ما رمى أبوها حموله عليها ..اهي بنته مهما قالت منيره أهي بنته ولها حق إنها تعرف , ما كانت راح تقول لأحد إذا ما كان يبيها تقول ..
ليش ..وليش ..وليش ؟؟؟؟؟
حاسه بألم بقلبها بيذبحها .
صقر ساعد أبوها ..ترفع عن الخلافات اللي بينهم وساعده ..
خذت المخده , وخشت ويهها فيها , وزادت من ضمتها لها ..
يتبع ...
تعليق