سلامو لاحلى ناسوو
اشتقتوا لي صح مثل ماشتقت لكم ولا لا ها اعترفوا

اممممممم
صراحه ماحب جو الليل والمساء عموما وتحديدا بعد العصر مباشره
احس جو كئئئيييب ومالي خلق لأي شيء
استمتع بأجواء الصباح احس كلي ع بعضي فرش >>ليه الاخت عصير مثلا
وربي جد احس فيني انتعاش وطاقه حلوه

ماعلينا بما اني طفشانه ووضعي مملل
كنت قبل شوي اقرا بالرسائل واحذف القديمه منها مو الكل
ووحده من الرسايل كانت لها ذكريات جميله ايام كنت اشخبط عند اهل الخواطر
كانت من رؤى الله يستر عليها مدري وين اختفت هالبنت
اي احد يعرف مكانها يطمني عليها وع اخبارها وخلوها تجي بسالها عن شيء

وهم بعد اخونا ابو الاربعاء مختفي
ياوسمي اعرف ان اجازتك خلصت من اكثر من اسبوع
وانك تراقبنا من وراء مكتبك وانت متلطم بشماغك بالدوام مالك خلق شي
اعد لثلاثه ان ماشفناك هنا
بنجي عندك بما انه مكان عملك معروف ونسحبك قدام الموظفين ونفشلك فتعال من روحك احسن لك
ومنو بعد منو بعد
اي عوده حميده لشهرزاد اجازه سعيده ان شاء الله استانستوا وجبتوا لي هديه وياكم
ومنو بعد منو
ورده امل ماراح اسال عنها مزاعلتها ههههههههههه
لالا لانها عندي بالبي بي فاعرف اخبارها
هي وغيومي وميمو وكيان فديييييييتهم
على ان وضعي بالبي بي وضعيه مزهريه بس اهم شي هم عندي عشان احس بالامان >>شنو دخل
ومنو بعد اي وابو العز ماصرت اشوفه وهم عزوز اكل الورد
وربي في اسماء كثير اخاف تروح من بالي اذا تذكرت ارجع اكتبها
اهم شي طمنوني عنكم يالمختفين وارجعوا احسن لكم

اي وصح شكر خاص لشمسي الشموسه
واخوي عبدالرحمن لسؤالهم واستفسارهم
ربي يسعدكم ويحفظكم ولايحرمني منكم
اي صح اهم شي بعد طلع عندي معجبه سريه خلف الكواليس>>اهم شي خليتها من نفسي معجبه
سميتها تومه ترا اسمها فاطمه
وللامانه انا فاشله في التدليع
مرات اقول تمتومه مرات تومه مرات تومي وربي احترت شنو ادلعج يافطومه
عاد هي مدلعتني عبوره شايفين شلون الناس الي عندها احساس ودم تدلعني وهي ماتعرفني احسن منكم
وكله من خلف الكواليس ههههههههههههه ربي يسعدها ويعطيها من خير الدنيا والاخره حتى ترضا

امممم وشنو بعد اي
لحظه بروح انسخ رساله رؤى وارجع حسيت جو روايات عاد انا من عشاق الروايات ومينونه فيها بعد
بس القهر مو فاكره اي خاطره ارسلتها لرورو عشان تحللها بهالتحليل اعجبتني بصراحه
جست منت بيبول

جميييل
أن لا يفهمك سوى
قلمك الذي ينسكب حبره مدادا
على ملامح أوراقك المختزله
على سطر وحرف
تحفظ في غياهييب الذاكره..
طيف

ياصباح الظهر والحب والشوق والوله>> وش دخل
>>ياذكياء عشان اخلق لي جو انو صبح مو ظهر وانتعش
لان نومي خرب وصرت اصحى ظهر
تو مصحصحه ويادوب غسلت ويهي
وهوووبا هنا

اي صح طبوا هنا وشاركونا الحلول في هذا الموضوع المهم



على مال افحط بالمدونات وارجع

وخلف اضطراب مزاجيتي
ملامح جنون
بين قبول ورفض
..........................طيف عابر

جوي الان
كوب قهوه ساخن وطاوله قديمه
يعتليها ورقه وقلم
وفكر تائه
بين خيال وواقع!!
.....................................طيف عابر

صباح الظهر
مع زحمة صداع
ودي اعلق بمدونتي على الاعضاء من فتره
من يوم تعليق نفر عني جيرانا الجن وسؤاله واطمأنانه عليهم اكثر مني
وبعدها بسؤاله عن بنت وتهكير ومدري شنو
عصبت وانا متابعه من وراء الشاشه
وكنت مقرره ادش مدونتي ازفه زفه معتبره

وبنفس الوقت ودي اعلق ع مشكلة صديقتي الي كتبتها هنا
وبنفس الوقت بحاول بتابع بالمنتدى الثاني هناك
يوووووووووه احس اني ضايعه في اشياء كثيره مو ملحقه عليها

لا ويقولون شنو الانثى مثل العنكبوت تقدر تسوي اكثر من شيء بوقت واحد
والرجل مثل الصندوق
كذابين ماعندهم سالفه انا انثى ماقدر اركز الا ع شيء واحد اما عدة اشياء اضيع
تدرون شيء برد على المشكله اول
بعدها ارد على رساله
بعدها اعلق بمدونتي
نفره نفره ونفر نفر
يلا سي يا