اليوم حاسه بارهاق وتعب
ومالي حيل اكتب شي
وقبل اشوي اقلب بالفيسات
وحبيت الي شكلهم زعلانين فوق
بنت ولد اشكالهم تدنن
وحطيتهم لان مالي خلق اكتب شي

فشكلي بقضي هالصفحات
كلها فيسات تعبير عن الحاله
تعب وارهاق وبرد ونوم

اعوذ بالله لي فتره شريت اشياء
لاني يقال لكم بسوي مشروع صغير
ومنها تسليه وتقضيه وقت فراغ بشي مفيد
فكل ماحطيت اغراضي ع الطاوله ببدا
يجني تثاؤب حق نوم مو طبيعي
واحس جسمي متكسر من داخل خمول ومافيه اي طاقه
رغم اني قبلها مصحصحه من النوم
ولما خلاص اقرر اروح انام اتقلب بالسرير ولا يجيبني نوم
ونفس الشي اذا سويت لي جدول اتعلم انقلش او اي شي
نفس الحاله اول مافتح الكتاب حاله تثاؤب وخمول بالجسم
وسرحان
وجع شنو ذا
لا وبعد البرد الحين بيجي ماحبه لاني احس بشعور كئيب
اعوذ بالله من الطاقات السلبيه
كاني من اول بطبع ورق عشان اسوي شي
بس مدري شنو صاير فيني الم بجسمي كله مع صداع حق نوم
شعور مو حلو بوقت تكوني متحمسه تسوين شي
حتى وانا اكتب الحين اكتب بالغصب

السلام عليكم ورحمه الله
شخباركم من بعد غطه
اعذروني تاخرت عليكم بتنزيل مقلب اخونا نفر
بس جد حالتي حاله وهاليومين الي راحت وضعي بالنازل
فمن كثر مازاد الالم عن حده
قررت اخذ قرار شجاع واقطع الشك باليقين
واروح المستشفى لانه بجد الم مايحتمل
وحتى وانا اكتب الحين احس خلاص معاد فيني لاي شي
الالم والتعب من جهه والوسوسه بان فيني مرض مو كويس من جهه اعصابي تعبت
فيارب سهلها يارب
حتى كنت بشارك بموضوع جدا مهم ارسلته لي عطر اليمن كموضوع نقاش
والمشكله قلت لهم تم على انه خلاص بشارك
بس معاد فيني مو قادره حالتي حاله ولا راح اقدر اعطي الموضوع حقه
وانا بهالشكل واعتذرت عن المشاركه



حتى كنت ناويه انزل المقلب بعد ماتحسن شوي
بس زاد الوضع كلام اخوي نفر عن الدواعش النفسيه صارت في الحضيض
الموضوع مافيه ضحك الموضوع يقهر ويخوف بعد
ياخي وانا اختك تكفى حلفتك بالله تنقل انت وزجتك واهلك من بيتكم
دامهم عارفين مكانك وفيها تهديدات
الله يهديهم للطريق الحق او ياخذهم اخذ عزيز مقتدر
عفيه انقلوا لاتقلقنا عليكم وتشيلنا هم

وبالنسبه لكلامك هنا

هو من ناحيه انحرق انحرق
بس شنو اسوي وانا اختك ماجت ع الكيف
خلاص بنزله شوي
بس بدون ماعلق عليه
لانك بقصصك عن الي مايتسمون قفلت على ان الواحد له نفس يعلق او يضحك بعد

يلا كاهو مقلب ابو كويس
سنشيروا بطل الابطال
وبصراحه لازم اعلق
نعدل بينه وبين شهرزاد
ومنها تغير جو ونضيع وجع الالم

وكالعاده بحه داشه بقوه
وارسلت نفس الشي لاخونا نفر
اترك لكم المتابعه والاستمتاع

[IMG][/IMG]


[IMG][/IMG]

اسلوبي غريب وابي الفكه منك ها
ع فكره ماخليتها بقلبي كلمته بالخاص وهاوشته
لحد هاللحظه نفر ماشي بالسليم
ياترى راح يبقى صامدا حتى النهايه ولا يخبص
ويجيه ذاك الشرير الي جاء شهرزاد

.. .. ..
هنا الرد ترى على جزيئين سواء من نفر او بحه
عن البنت الي سببت الفوضى ..وعني انا
فلما يقولون طيف يعني الكلام الي فوقه خاص للبنت فهمتوا
عشان ماتخلطون مع بعض

[IMG][/IMG]

ها اعزائي المشاهدين جفتوا شي
شنو جفتوا

اها طلع الكائن الشرير نفس الي جاء اخته شهرزاد
يقول لها ماظني سفهتك تراها تسويها يعني شنو
يعني تراها بايعتها وهالبنت موصاحيه
لا ويتشكى لها بعد يقول ارسلت لي ولا ردت

تراه نصاب هو صح طلبت من خدمه مستعجله
كان وقتها في تسجيل وظايف بموقع ولا عارفه شلون ومابقي الا عشره دقايق وينتهي التسجيل
وانا دشيت بسرعه وقلت له ابي مساعدتك
ماقصر قال ابشري بعدها طلع على طول وانا ماكان عندي وقت
وكلمت غيومي ع البيبي وزين كانت صاحيه وحاولنا من هنا لهنا وسجلت باخر لحظه
ومع هذا ياسيد نفر مازعلت وقلت ليه سفهني وطلع عطول عذرتك قلت يمكن مشغول
بعدها انا نسيت ارد عليه واقول اني سجلت مع غيوم
يعني كذا متعادلين يابطل

بعدين حرام عليكم انا اكثر وحده ارد على رسايلكم يمكن اطوف يوم
بس مو معناه اني سافهتكم يمكن تكون النفسيه صفر ولا لي خلق اطنقر على العالم مالهم ذنب


[IMG] [/IMG]


هههههههههه هنا عصب اخوي نفر
بنت الرجال بحه ماقصرت ابدعت فيه
وانا بنفس الوقت ارسلت له انت قايل لبحه عني شي
فالرجال مخه افتر ..شكلنا طلعنا له قرون
فقال لحظه بروح واجي
شكله يقول بنفسه وش طيحني بين هالمهابيل


بصراحه
شكل يوم مقلبنا اخوي نفر كان معصب من احد
او عنده مشكله
ومقلبنا جاه وياه بوقت غلط

بس يلا تعيش وتاكل غيرها ان شاء الله

وبس خلاص كان مقلب مرعب بالنسبه لي انا وبحه
وخفنا وانسدت انفسنا وجانا اكتئاب مدري ليه
واخرتها بعد ماهدت انفسنا حسينا المقلب جميل>>اي هين
بس الصراحه يوم قريت كلام شهرزاد ابمدونتها ارتحت شوي
اما اخوي نفر برطم علينا
وهاتك بمدونته قصه الذيب والغنمات مدري الراعي
وراح المقلب في خبر كان ولا نزلناه لان نفسيتنا انسدت

اما مقلبنا مع الوسمي ماصار شي
لانا خفنا من رده فعل اخوي نفر وخفنا يصير مثله ويزعل علينا
خساره ليت بحه تشجعت للنهايه وخربناها وشفناهم ثلاثتهم هههههههه

واخيرا وليس اخرا
بحه ليه نزلت من الاشراف تو اليوم وانا انسخ الرسايل انتبه
وليه اختفت
بنت ارجعي لابارك الله في العدو الكافر
ترا المنتدى مايسوا بدونك انتي مسويه جو
ارجعي عشان نكمل مقالب بالناس الباقيه>>ابدا ماتابت واخذت درس

وبس سلامتكم الى لقاء بيوم اخر
عاد مدري متى هذا اليوم

صباح الهدوء
يتخلله قليل من الشغب والرجه مع عائلتي الكريمه

ياهو امس امي وخواتي اخذوني طقطقه
ع اساس اروح المشفى اليوم بس هونت خفت
ولحد هاللحظه خايفه قلت بكره اروح مابي اليوم>>يقال تخفف عن نفسها

وكملتها علي غيوم دشت علي بالبيبي
وخاصمتني روحي ولاتهملين نفسج ومن هالسوالف
الله يسعدها هونت علي كثير وارسلت لي دعاء بعد تخفف عني
بس هم بعد خايفه
وقالت لي اذا مرحتي بتجي وتسحبني مع شوشتي
الله يسعدها هالبنت ياخي سعاده جميله بحياتي
يعل عيني ماتبجيها
بس خلاص باجر قرار حازم بغصب نفسي طيب غصب
منها يعطوني شي يخفف الالم
ومنها اجوف شنو فيني


والشكر موصول بعد لبقايا شتات بتهوينها علي وسؤالها
فديتها

اما احتريتك دازه لي مسج باسمها لما افتحه تطلع لي صفحه تعريفها
فيا قلبوشتي ياحتريتك شنو السالفه
تراي ايقين فرند
وبس خلاص ماكو في شي اقوله

اماكن مهجوره
خلفت بعد الغياب اوراق مبعثره

تملىء الطريق

تحمل رائحه حنين لتلك الذكريات
بحبر عتيق
يكتبها اسما خلد بالذاكره..
...................................................................خواطر ممزقه

.

ههههههههههههههههههه
اليوم فرنكت على قوله الوسمي
فرنكت من المشفى مارحت

و لا اليوم من زود الفشله
من الخلق الي ضايفتهم عندي بالبيبي واضفت وياهم كيان انسانه فديتها
وانا وضعيه مزهريه
فقلت عيب يابنت البنت امس ضايفتها وماترسلين شي عيب

وارسلت للخلق رساله جماعيه
وياليتني مادزيت وخليتني ع وضعيه المزهريه
دشت علي غيوم وهاتك فيسات معصبه وتعليق
اني ليه مارحت اليوم ع اساس اني وعدتها اني اروح اكشف اليوم
ههههههههههههههههههه ياخي هالبنت ماحبيتها من فراغ وربي
هي واسلوبها وكلها ع بعضها

ان شاء الله باجر اذا مارحت للمشفى وفرنكت بنزل لكم محادثتها وياي
يازينها يوم تعصب فديتها
لالالا غغيوم بروح باذن الله خلاص باجر اروح ان شاء الله وعد
لاتدش علي الحين وتغسل شراعي

اي صح وقبل لا انسى لاني امس نسيت اشكر بعد
شهرازد وهم بعد الوسمي
وربي امس شكيت ان الوسمي فيه عرق من غيوم
يقول اذا مارحت ماكلمك
ليه كلكم علي ياخي
ياخي راعوا شعور الخائفين

ومع ذلك
مشكورين ماقصرتوا
والشر مايجيكم وربي يسعدكم
وبس
يلا مع السلامه
سبحانك اللهم وبحمدك اشهد ان لا اله الا انت استغفرك واتوب اليك

.

فررررنكت مره ثانيه

لالا بقول لكم شنو صار

صار اليوم الثاني الي ع اساس اني اروح فيه
وجهزت نفسي نفسيا وعقليا اني اروح
لانه خلاص بلغ الالم مبلغه>>بالله كيف التعبير
فقلت خلاص لحد هنيه وكافي يابنت
التاخير مو بصالحج
عشان لا سمح الله اذا في شي نلحقه من البدايه قبل لا يتضاعف
وان شاء الله يارب مافي شي ويشفي كل مريض ويعافي كل مبتلى
المهم
كالعاده صاحيه من 4 فجر وجهزت الريوق ع 7 س
وقلت لبابايا ياببيتو عوزه اروح للمشفى
واكلني بقشوري وزفني زفه معتبره
انه ليه مارحت امس يوم راحت اختي>>طيب ياخي ماكنت مستعده نفسيا
غير عندي غسيل ملابس مافي وقت>>تعزز لنفسها
المهم وعشان اقطع الزفه الصباحيه الي يت ع راسي ومراعاه لنفسي ومشاعيري
قلت خلاص مو لازم توديني اليوم بكره او احد من اخواني
وكاني ماصدقت يت من الله اني ماروح للمره الثانيه فكه



يا اليوم الثاني ورحت وانا كلي ع بعضي متوتره
من زمان عن المشتفيات
وكاني طالبه سنه اولى ابتدائي رايحه غصب اول يوم لها
وقلبي يطربق طربقه كانها خيل بسياق الخيول
طربق طربق طاع طاع طربقبق بق
طربق طربق طاع طاع طربقبق بق
تا طربقبق تا تا تا >>الاخت موسيتها موسيقها وتغنيها

المهم وطول الطريق وادعي بدعاء ارسلته لي غيوم
وكأني هديت شوي
بس اول ماشفت بوابه المشفى تلوح لي بيديها مدري بأبوابها الكريميتن
من قريب
وهاتك شعور الدغدغه حق الخوف
ويارب هونها يارب
وادش انا والسستر اختي وحجزنا واكره مايطيق على الانتظار
كان زحمه حيل وجذيه زاد توتري يالليل ماطولك


ولا والشي الغريب المضحك انه
نادرا ماسمع احد مثل اسمي
لان بجماعتنا كلها محد نفس اسمي يعني منفرده ومتميزه عنهم
وبايام الجامعه من وين لوين اسمع نفس اسمي 3 او 4
ترا وربي اقول الصدق
عاد الي يضحك بالموضوع يوم كنت بالمشفى
احس اسمي انتشر فجاءه
كل دقيقه والثانيه يناودن نفس اسمي بنفس اللحظات ككشف اولى
واقوم متوتره يطلع مو انا وربي انهم كثيرررر
حبيت اسمي بصراحه من كثر مايناودونه
بس كرهته من كثر ماوترني وخفت كل شوي نفس الاسم وماطلع انا
وصرت ادعي كثير حتى غلطت بالدعاء من الرجه الي انا فيها

المهم واخيرا صار دوري
ودشيت ع الدكتوره ويادوب بس قلت لها
لالا لحظه بقول لكم وش صار اول يوم نادتني الممرضه الفلبينه
عشان تكشف على الضغط وهالسوالف
من الهبال الي فيني وهي تعبي البينات
فاضيه اسالها كم طولي وكم وزني
الهبال مو هنا الهبال يوم سالتني في الم قلت لها لا مافيني شي
ويوم طالعتني بنظره سريعه رديت عليها
لاني اذكر بعد من فتره طووووويله
يوم رحت اسوي كشف كامل قالت لي اللمرضه اش في تعب قلت لها مافيني شي
عصبت قالت اذا مافي شي وتعبان ليه في يجي
قامت اختي قالت لي بنت قولي لها انك تبي مكملات غذائيه
مدري نسيت بصراحه شي حق فيتنامينات وشي كذا
وانا صادقه وربي وقتها ماكنت تعبانه ولا فيني شي ليه اكذب

عاد يوم رجعت لي الذاكره هالمره قلت الا في الم وعددت لها وقلت لها عاد
بعدها دشيت ع الدكتوره وسالتني سؤال ويادوب سالتني الالم يروح ويجي ولا دايم
بس يادوب قلت لها يروح ويجي
مالحقت اقولها شي وانه له اكثر من ثلاث اسابيع ماسك وياي ويزيد
ماعطتني فرصه اقول شي
ع طول قالت روحي للمختبر
طيب يابنت الحلال مو المفروض اسوي اشعه
قالت وهي تبي تخلص مني روحي اول سوي تحليل دم
طيب كتف ظهري ماعطتني فرصه اقول شي
بعد نتجيه التحليل بكون خير
وتيتي تيتي مثل مارحتي مثل ماجيتي
سويت تحليل دم وارجع لهم بعد اسبوعين
هوووف
وبس سلامتكم تعبت وانا اشرح لكم
بروح اصلي وارد على الباقين براسايلهم
بباي

قبل شوي وصلني تقييم من اختي بالرضاعه
حلم عابر
وهو كالتالي

طبعا الرابط مافتح وياي
وسويت نسخ له وبحث وطلع لي السجن الادبي
وكان في دعوه من اخوي دمعه مظلووم
يالله من زمان عنه وعن اخباره

وهي كالتالي

اسسسسفه والله اسفه
بجد جد اسفه ياخوي
وربي ماكنت ادري
ولا كان عندي خبر
اختك في الله فاغره ومفهيهه بهالحياه
ماتدري عن شي
فالله يجزاها خير حلم عابر لو مانبهتني بالتقييم ماعرفت
واكرر اسفي على تاخري مو تطنيش بس وربي ماكنت اعرف
ولا عندي خبر
وانا مو مثل قبل افر باقسام المنتدى
حدي المدونات واطلع
حتى قسم الخواطر من وين لووووين ادشه واقرا فيه شي
الا اذا كان نفسي شوي اخربش خواطر

وايه يوم جيت برد ترا مكتوب الموضوع مغلق ياخوي
فشكلهم زعلوا ولا مدري
وربي فشله
ياناس اذا في شي نبهوني ثاني مره بمسج او تقييم
اذا ترقوا ناس ولا صار شي او دعوه مشاركات مثل مشاركه اخوي دمعه
لاني بجد مفهييه ولا ادري عن شي

وصح مدام تذكرت مره وحده مبروك اخوك نفر على اني اذكر اني باركت له
بس اذا اكو شي جديد وانا ممادري فمبروك
وهم بعد قريت ان سيارتك فيها شي مادري تسبح مادري شنو فيها
المهم سلاماتها ماتشوف شر
وثاني مره اربطها عند بيتكم عشان ماتسبح من وراكم
بس والله معاد فيني اتكلم كثير احس تعبت
مع السلامه

الله صباح خير
مالا صباح النكد



وانا على نياتي
ع بالي تقصد احد يسولف علي عشان يبعد عني التوتر
طلع شي ثاني

اصلا شي ماتعرفونه عني
انا انسانه ماسولف كثير بحياتي العامه
ولا اشاغب وسولف الي احس جوهم مثل جوي حق غشمره ولعب

والمكان الوحيد الي اطلع كل شي بخاطري هو مدونتي فقط
لاني انسانه صامته باغلب الاوقات
بس انا اراويك
وبعدين جوفوا من يتحجى عنالسوالف الكثيره
جوف روحك من كثر سوالفك تقلب الصفحات وانا من وين لويين
واحد صصصصصصصفر
وقووووووووووووووول وهدددددددددددف

ولا عشاني اسولف ماسوي فواصل مثلك صارت سوالفي كثير
اصلا محد قلك دش مدونتي

والشرهه ع الي راح تسولف من هاللحظه
راح اهاجر واترككم خلفي تبجون>>ياواثق
راح تترجوني اكتب نص سولافه
ربع توله حرفين ماكو يعني ماكو

بترككم وارجع لقسم الخواطر حقي
واصير رسميه مع الكل
سترون سوف تندمون
>>شي العربي الفصيح تحسينج قويه وعندك عضلات>> وش دخل بس لغه التهديد فيها قويه هاع

ماشاء الله
قبل اشوي كنت افحط بقسم الخواطر
وقبلها بمدونه الاخ عبدالرحمن

ياخي شي الابداع الي اجوفه
ماشاء الله عليهم
حبيت هالاسطر من الكاتب سهو
ياهي فشله ع بالي انها بنيه لاني رديت عليها بخاطرتين
اذا مانسيت او خاطره ع اساس انها
بنت ياخي والله مو مني من اسمائكم مكتوب سهو عبالي بنيه
المهم حبيت هالاسطر اني احتفظ فيها بمدونتي
لانه ولدت براسي جزء من حروف
احب الخاطره الي تسنزف خيالي وتخليني اكتب غصب عني


حاولي أن تتذكري
إنك كنت يوما .. صفحتي .. وأوراق دفتري
وكل قصائدي التي كتبتها.... إليك

... ... ...

وهاي بقتها اي سرقتها اي خطفتها
من مدونه اخوي عبدالرحمن
سوري



كوني كما تشائين
ف أنتي جميلة جدا
حتي عندما تغضبين
أو تضحكين أو تبكين



حسيتها كيوووت

.