يلا عاد بقول لكم سالفه صديقنا جنجون
الي تخاف لاتدش
وخصوصا ام رموسه الخوافه

هذا ياطويلين العمر والعمرات
كنت افرفر باليوتيوب ودشيت مقاطع عن الينانوه اي اخوانا الجن
ومن مقطع لمقطع

وكان قبل صلاه الجمعه باقل من ربع ساعه
عشان جذي سالت هم بس يطلعون بالنهار ولا بالليل وانا عارفه انهم اصلا يطلعون بكل وقت
بس عشان محد يكذبني

المهم كنت حاطه السماعات بذوني ومقصره الصوت
يعني راح اسمع اذا احد بيناديني او شي
المهم ومع الحماس ومنشده للاصوات ومركزه وياها حيل
الا اسمع قربعه بالبيت وجري بالدرج وازعاج
ع بالي اخواني يركضون صاعدين الدرج يرمون ملابسهم لغرفه الغسيل
وبليحقون ياخذون شور ويرحون للصلاه
وطنشت لاني معصبه منهم ماخلوني اركز زين
ورفعت صوت المقطع عشان اسمع زين السالفه
وصوت الركض والازعاج زاد
وطفيت ايبادي بروح اشوف مين الي يراكض بالدرج واهاوشه
طلع ماكو احد واخواني نايمين والبيت كله نايم
ماكوا الا انا وامي بس الي صاحيين

وبنفس اليوم الي جيت بقولكم السالفه
وماقلتها بعد مراحوا اهلي العرس
مابقي الا انا واختي عاد الا طلعت نفس الاصوت بالسطح ركض من اول السطح لاخره
تقولون سباق خيل
مع صوت الكرسي الدوار حق المكاتب تعرفونه كان احد يددفه ويلعب في من اول السطح لاخره
طبعا سبق وقلت لكم عن موقف صار لي
وانا صغيره مع الاصوات يوم كنت بروحي بالبيت
ومره يوم جيتكم خايفه يوم قلت لحد ينام لاني سمعت صوت مره تصارخ باذني
مالي حيل اكتبها ابحثوا عنها بمدونتي

ومره مو بس انا الي سمعته عشان ماتقولون موسوسه
امي واخوتي سمعوه بعد وطلع ابوي يشوف مالقي شي
قلنا يمكن من جيرانا
عاد جيرانا قفلوا سطحهم كامل وخلوه غرف
وقالوا بالعكس نحن نحسبهم انتم لانا نسمع باخر الليل
كان احد يسحب كنب وسطحنا فاضي مافيه لاكنب ولا غيره ماكو الا حبل الغسيل
وبس توته توته خلصت الحتوته

صباحووو الي قرييب من الظهرررو
لالا ماتجي ظهرووو قافيه مضروبه
صباحوا وبس

الي مايستحون مانظروا بشكواي
ولا ردوا نص رد 16 مشاهده بدون رد
ماعندهم دمقراطيه واحترام راي التعبير
مالت عليهم
خلاص انا زعلانه بهاجر من المنتدى
تبون شي ولا شي
وداعا
لحد يمسكني هدوني هدو عباتي سارحل << تجري بالحركه البطيئه وتناظر ورا بنظره مكسوره
ودددددددددددداعا ماركو>>هذا المستخدم متاثره بسبيستون الرجاء عدم الشرهه وشكرا
.

لحظه لحظه بقول لكم شي
اول مادشيت المنتدى
لقيت 16 لايك وواحد تقييم ورساله زين

فتحت الايكات وخلصت
جيت للتقيم مالقيت شي بس لقيت الرساله

تتوقعون منو الي قيمني وووين التققييم
لايكون صديقي جنجنون قييم تققيم طيفي مختفي الاثر
لا ولا ترا صج اقول لكم مالقيت التتقييم فيس يسوي بيدينه مدري وين راح
من هنا اين انت تكلم هل انت عربي>>راحت فيوز البنت فيها

.

تصدقون مدري ليه اشك بغلاهم انها مرمر زامني
تجون نسوي لها تحليل دي ان اي
حييييييل كتابتها تذكرني فيها فيس حزين

عاد المطفوقه الرجه بحه مافرحت زين انها رجعت
فجاه اختفت
شكلها تحب هاللعبه ع بالج توم وجيري ها
بترجعين انتي وياها ولا شلون
ترا مايصير جذيه مابقي الا انا صامده حتى النهايه
وشكلي جذيه بلحقكم واختفي من الهستره الا انا فيها

احس اني اليوم مو صاحيه فماتدرون يمكن يجي طبق فضائي ويخطفوني
واصير فضائيه>>>> لا وضعي ماينسكت عليه اليوم احس فيني شي مو طبيعي
على اني للان ماحطيت شي ببطني لهالوقت ع طول صحيت
ورحت اسوي الغداء وراسي براسكم
بروح اسوي لي ريوق يمكن وضعي يتعدل شوي ويتغذى مخي وياي هاع
يلا بباي

اليوم طفشانه
منو تجي تلعب وياي اشد شعرها وتشد شعري
والي تخلي الثانيه صلعاء هي الفايزه >> هذا المستخدم حالته ميئووس منها

ودي اعلق ع بعض تدويناتكم بس مالي حيل
خلوها بعدين

جميله هي الحياه
عندما تجد حولك اشخاص رائعون
بصدق نواياهم
وصدق اخوتهم
وصدق محبتهم
واحترامهم
لايريدون مقابل ذلك شي..
دمتم لي إخوة واصداقاء واكثر من قرابه الاهل
في هذا الصرح العالي
فدييييتكم الله لايحرمني منكم

سين سؤال ليه الي دايم اللي يعصبون ويبرطمون
مايحبون يسمعون صوت احد الا صدى صوتهم
ولا يحبون احد يغلطهم وانهم صح

هدووا شوي وفكوا عقده الجبين مدري النونه
وبلاتقطيب حواجب
وابتسموا وتقبلوا الحياه بابتسامه
اللهم لاتجعلنا من المبرطمين المعقدين




شكلي رجعت اررروووووق ع الاخر
واحد سنكرز ياجماعه سنكرز
لالا السنكرز فيه حبوب>>صار اللوز حبوب الله ياخذ العدو
ابي جالكسي وحليب سعوديه اذا فيه
مستعجل لو سمحتوابسرررررعه

تراها تقصدني بس مستحيه
والله ليننكم مثل مايننتوني صبركم علي
اليوم رايقه وفاضيه
راح اطلع يننوني عليكم