اليوم ماسكه وياي
اقرا بقسم الخواطر
خواطري القديمه على اني يوم اقرا كل سطر فيها اكرهها مدري ليه

امممم
شكلي جذيه والله اعلم برجع لقسم الخواطر
واترك قسم المدونات
وارججع بالزمن للوراء تدريجيا
لحد ماترك المنتدى مثل مادخلته بقسم الخواطر اودعه بالخواطر







تخيييلووو عاد اتركم مابقي الا هي معصين
يالسه على قلوبكم
بس يمكن ازعالكم
وراجع لجنون القلم
ومداعبه الحروف والعبث بالوانها على تلك السطور
ربما

وارجع البنت العاقله الرسميه
الي مالها بالفلفسه الزايده


قريبا في الاسواق
وداعا ياعالم المدونات
وولكم بالك لقسم الجنون قصد ي الخواطر هاع

حبر اسود
يتوغل في ادغال فكري
وكانه نمر يبحث عن فريسته
اثار اقدامه
تتضح على أرض سطري
خطوه
خطوه
يخطيها بحذر
لانقضاض على حرفي
تنبهت كلمات
كانت تغط بسبات
ايقظت نبضات
بليل كفيف
اصوات هامسه في كل مكان
جنون قصه خافيه
يحكيها الصمت
في سراديب الكلام
محبوس خلف قضبان
محبره عتيقه
كانت من مخلفات الماض
في كهف الهجران


مزلنا نعيش الجنون
في عمق محبره وورقه وحرف


جزء من جنون الحبر حينما يتحدث
كانت لي ردا على احدا الخواطر
مدري ليه حبت انقلها لمدونتي
يمكن تشير سطورها
الى بقايا حروف مدفونه
داخل فكري
جاري البحث والتنقيب
عن تلك الحروف ومن ثم العوده للشخبطه
واعاده الهيكله

ياخي مشكله الي متعوده على حب الوناسه
حاولت اني اصير رسميه ماقدرت
بالله عفيه احد فيكم يجي يزعلني
عشان ابرطم
واروح اكتب بقسم الخواطر تكفون

ويا مساء الخير
والاشتياق والوله ..

مساء لا يليق الا باهل عبير حبايبي ..

فحطت بين جنبات الطريق>> يمديكم على اللغه مكس عامي فصيح
المهم وانا افحط ماعجبتني بعض مدونات
سلامات ياقوم مابالكم مالذي جرا لكم خلو البرطمه على جنب
واطلقوا العنان لبراطمكم للابتسام الدنيا حلوه بس نفهمها ا

عوده للحش
ومن ثم اجوف لكم صرفه لاهل الاحزان والنسخ واللصق

نبدا الحش والتوضيح على انه راح وقتها
بس مافي راسي شي اليوم فاضيه وماعندي سوالف
فا نريوس ورا شنو ورانا الساحه فاضيه
بس قبل قبل كل شي بقول همسه في اذن العقلاء

( الدعوه مشاركه اخويه بين عايله العبير
لا تنم عن حقد وكرهه لاشخاص معينين
الدعوه مجرد سؤال واراء ومزح وغشمره وود لكل الاطراف المشاركه
وعلى قوله كابتن ماجد

سدد اهدافا لا تيأس لاتخشى المرمى هاع
كن حسن الخلق مع الخصمي
فاهدافك اسمى هاع)
ترا يالسه اغنيها ومستعتمعه بالجو هههههههههههههههههههه


ونبدا بابو العز >>ياويلك
هذا ياطويلين العمر يقول طويل العمر في مدونته مايلي

انتم لو مسووين حسنه بالي حووولكم
كان رفعوكم باعلى سماء وحطوا لكم نجووم وخلوكم ضباط
بس يفتح الله
النقاط المكروهه وراكم وراكم


يتبع باقي الحش في الاخرين
في يوما لاحق

..................
...................

لا

ليه جذيه من اول اسوي ورد باسمي
وصابني شد عضلي بمخي وعيوني
وانا اسوي للمره المليون فيها
واخرتها ورد مقطع والاسم مختفي
ماقبل جذيه غش رجعوها
والله مارجع اسويها مره ثانيه
تخيلوها اسمي من مخيلتكم
على انها تمام بس اسوي ارسال
يطير اسمي مع الوردات
من جد شكل اسمي اسم على مسمى طيف عابر

لحظه اصور لكم الشاشه عشان تصدقوني
وربي قهر

لا بعد مره ثانيه

يوم صورة الشاشه
وجيت بجيبها هنا يقول لايقبل صوره من غير جي بي جي
والله لانزلها يعني انزلها
يانا ياهي
واذ ماضبطت لافجر نفسي بالمنتدى والي فيه
ولا انحرف واصير هكر واهكر المنتدى
اي شنو ع بالكم اتعب ع الفاضي
وانتم اخرتها تشوف ورد نوقيطات مثل نقاط اجابتي لا معصين
صبركم علي لو ادري اواصل لحد الظهر

وانا بنت ابوي جبتها مع شوشتها
سحبتها تسحيب للفوتو
فتحت الباب وانا معصبه
قام الفوتو قال بسم الله وش فيه
قلت شفت هالسخله هذي مدري الغنمه سوي لها كونفيره
مدري تسريحه شعر ونيو لوك مدري نيو بكشتر
وخلها عندك وسميها جي بي جي
قال بس جذيه انتي امري امر

الله من العناد الي ماهو عناده مع الصباح الباكري
كنت يايه بعلق على مدونات
لاتخافون مو حش هالمره
لا شوق للغايبين ومشاكسه لبحه من زمان عليها
وفجاه اكتفشت اني فيني عرق طنقره
الا مصره اسوي اسمي الحمد لله والشكر
لو اني مسولفه جان اصرف لي من الورد المنتف
ماطلع منها غير طيف الطاء ومو كامل بعد كله ملصق ع بعضه


[IMG][/IMG]



واهم شي اسمي كله سلام
ورد ابيض

عوده للقرقره
بلا ورد بلا خرابيط

الحين اغيب نص يوم على نص يوم يديد بعد
الاقي المختفين
راجعين رجعه خطافيه الظهور
قبل شوي بحه تقولي امس حنين دشت
حنيييييييينوه بنت مسويه فيها افلام الننجا دخول طيراني
مع تذكره خروج ها
اصلا انتي ممنوعه من السفر هاتي اجوف جواز سفرك عليك مخالفات
ولويه لاخر الليل >>وحده ناويه تخوفها
فرجعي هنا لابلغك عليك الاسعاف

اما مرمر زماني هذي يبليها
تعليق بالمروحه مع نمور تذكورنه
واخلي راسها تحت وريولها فوق
لحد ماعيونها تدش باذونها من الدوخان
وجع وربي ياني شعور غيثان وانا اتخيل المروحه مقلوبه>>بنت تحجي زين انتي وكلامك هالمعوق
اي وربي تراني من بعد ذاك المقلب وانا احس اني مو ع بعضي
ودمي ثقيل حتى الي اكتبه احس فيه كميه سماجه ياع
بس شنو اسوي خلوني اغير جو نفسيه شوي ماعليكم


اي صح وابارك للاخوين شوقي وتفيد
قصدي الاخ اخلاقي سر كياني واخوي نفر كويس
على توليهم الامتياز>> بغيت اقول رايه الحكم متاثره بالاخبار

اي وشنو بعد اي ياخي وليه مايعطونا نحن بعد
ترا نحن بعد من زمان عندكم بالمنتدى
ليه ماتعطونا شريطات حمراء
وجايزه نوبل للسلام
ياخي لاشفنا هديه من يوم دشيت المنتدى ولا حتى زرعه ذهبيه
مدري سعفه على قوله اخوي الوسمي

بحه بالله حطي لي مثلهم
حطي قدام اسمي طيف منتازه جدا وخلوني وزيره سلام
هي وزيره ولا شنو يسمونها ذيك مالت السلام
ترا من صج ناستها كونتيسه سلام لالا
ياناس وش قبل سلام
مدري المهم انها كشخه ياوزيره وياكونتسيه شي جذي والسلام