هالو
هالو
هاي هاي
هأالو

ترا يالسه اغني مو اهلي فيكم ههههههههههههه
مساكين الي قاعدين يردون ليه عبالكم صدى يامهابيل >> يالله انك تشفيها يارب

يلا غنوا وقولوا وراي هالو هاي هاي هالووو
وناسه هلاغنيه

ماعلينا تبون اسوي لكم القطارو السريع توت توت مثل زمان ولا بطلتوا
وش عاد بسمع لكم
بمدونتي وبنزل فيها الا ابي كيفني حره هاع
يلا الي بيقمون قيموا اخر تقييم
لاني بسوي لكم صوره جماعيه
لان نصها طارت مع زحمه العيد

بباي

ويا صباح القشطه
وياصباح البونجور
وياصباح الاوهايو
وياصباح المشرقي في كل يوم التقي مع رحاب المدرسه والروضه المحببه
>>هذي مو كانها من اناشيد كتاب المطالعه حق الشيبان الي انا مو منهم

وبعدين تعالوا هنييه يامجرمين
الحين انا جايبه قطاري وابي افحط فيه فيكم واسوي عن عوووع خمسات
صار فيه باص وشرده من وراي لا وبالحج ليه كده ياقماعه
وبعدين ليه جذيه يالوسمي ولا عشان تعرف اني كل حج وانا عندكم بالمدينه
قلتوا فرصه نشرد منها

والله ماخليكم بروح معاكم يعني بروح
تقوم تاخذ المايك وتصارخ بصوت عالي على الي في القطار
انزلوا لابارك الله في ابليسكم بيفوتني الباص
وانا بسوي لكم صوره عائليه مدري جماعيه من زين هالخشش عاد انزلوا اشوف

تفتح دولاب ملابسها وترميها كلها بالشنطه
وتطب فوق الشنطه تناقز عشان تتقفل
لحظه اشوف هذي يبليها نطت انترديكر هو اسمه جذيه ولا يتهيا لي
المهم وتنط النطه القاضيه حتى الشنطه انكتم نفسها
وتجري بسرعه وتاشر للباص يعني وقوفوا وخذوني

اه تلهث من التعب وجع يوجعكم يامنسمين مابغيتوا تاخذوني
ترمي شناطها باول مقعده من الطفاقه وتلف راسها عليهم وتهاوشهم
ترا من الحين انا عند المكيف قدام ..ابن ام جد خال عم تقولون لا
ولا اقولكم بيلس ورا عشان نكشف وناخذ راحتنا
هلا بالبنات>> يعني العيال احسن منا عندهم هلا وحنا لا معصين
بنات الي تبي عصير قهوه حفله تجي تاخذ لاني مراح اعطيها
واسحبوا السنكرس من السواق تراه ماهو بعقله وهو ماياكله عاد اذا اكله اخاف يودينا افريقيا ولا السودان

عاد بما اني ختمت المملكه سفرا ذهابا وايابا
ما باقي الا جزيره فرس النهر مدري فرسان ذي الي ماراحنا لها
فراح اتقدم بالتطوع واكون خريطتكم الميمونه
اي شوفوا عاد اذا مريتو عندنا خلو الرمان حقنا بحاله لاتخلصونه كل واحد ووحده يتقاسمون بالنص
بعدها نطلع ابها ع طول الباحه ياع مو حلوه عشان ابو كويس فيها
ونسوي نفسنا ماشفنا نفر وحرمته عشان مايصير الباص زحمه
وبعدين ياخي خلاص هم ساكنين في الجنوب ليه يرحون ويانا
>>تصرفهم عشان مايبلشنا هو وحرمته ويسوون مطاوعه علينا وغطوا غطوا

اي صح ياخي وناخذ ميمو وغيومي بعد اذا مراحوا ماراح اروح وياكم

لا اشتري قطار واركبهم فيه واسابقكم بالخط هههههههههههههههههههههههههههه
تطلع راسها من باب القطار وتاشر بيدها عليكم حبيتن وتغبر عليهم وتتقدمهم هههههههههههههههههههههاي>>عشت الجو
>>مدري منو قالها انه سباق الهجن مدري الهجل حق الجمال ذا
وناسه لو يصير صج
كان ابو وخال عم الفللات كلها
اقول اذا عندكم زحمه بالباص تعالوا اركبوا وياي بقطاري السريع يمشي ولا يستريح توت توت


ودووس دوووس يالسواق
وزوجتك ايه شنو فيها
وش الاغنيه ياصافي
اي صح ترا صافي الي ما اعرفها جت الي كانوا يسالون عنها
جت
ويلا لا لا عاشوا عاشوا الصبايا
ودوووس دوووس
اغطس نط افرح
اغرق فحط العب
>>لا احسن غني بابا فرحان استنى شوي ولا افتح ياسمسم >>الله يخلف على العقل ليتك ماجيتي

ماهذا ياقوم
اغط عنكم يومين الاقي الدنيا حفله

بصلي وارجع اعلق على المتاعييسس خايبيبن الرجاء
وفوقهم مدونات بعض الناس
وفوقهم بحه خانوم

بريك اضطررارري
خروج للصلاه ومن ثم عوده وتعليق


تشيييييز يامتاعييييس

سبحان الله بدايه الصفحه بديتها حش بهالبحه
وراح انهيها بعد حش بهالبحه
بس في فرق بينهم الاولى حشه مدح
والثانيه حشه ذم

مع تفاعل البعض بمدوناتهم عليها بصراحه فاجوءني برودوهم
مع شويه صدمه مع شوكليت>>وش دخل يقالكم بتغطي عليكم انفعالتكم الخايبه


نجي لاول شخطه مدري شخمطه والتي تقول فيها


وانا اقولها خراطه يعني نصابه يعني غشاشه لالا الاخيره ماتجي
نرجع للموضوع
اي نصابه لاننا جايين للمنتدى عشان نحب وننحب
ياع تخيلوا عاد تخيلو بس احبكم تبون الصدق عاد اي وربي احبكم
لحظه بجري واتخبى ورا الباب يعنني مستحيه
لا غلطتي يابحتي لاني عن نفسي موجايه ادور صداقات اكيد واطقطق على الناس لا
جيت عشان لقيت نفسي مثل ماحبها تكون بوسط اهلها وناسها
باختصار ماعمري شفت عبير الا انهم اهل واعز بعد
اشبه نفسي واشببهم كأنا ساكنين قصر واحد وكلن بجناحه
وله مفتاحه الخاص ومع هذا مدخل دخولنا لهالقصر وخروجنا باب واحد
وطبيعي اذا دخل احد يعتبر جزء منا
واذا شفناهم غابوا سالنا >>عايشين ببيت واحد ياجماعه وش بلاكم قال هدف مدري اهداف سلامات

نجي للجزء المهم الي انفهشت واندهشت من الموضوع
وخصوصا بعض الرود عليها نشوف اول الموضوع بعدين اعلق

اول شي قبل لاعلق على صاحبه الرساله الموجهه لهالبحه
متفاجاه من تفاعل البعض والوقوف بصف بحه دون سابق اصرار وتفحيص مدري تمحيص
يعني عشان ان بحه نعرفها نقوم ع الطرف الثاني بصراحه متافجئه منكم وخص نص الوسمي
جاب العيد برده الله يصلحه عز الله بعد الي قلته راح يصير رصيدك صفر
كان من باب اولى نسمع للطرفين قبل نشتط ونكتظ ونسوي فيها قوميات واحزاب واطراف مشاركه بالحرب
وحنا مالنا خص فيها لا من قريب ولا من بعيد اي لاتناظروني جذيه يعننا منصدمين
الحق حق ولازم ينقال صح بحه اعرفها بس المفروض نعرف الموضوع من الطرفين مو من طرف
ولنا في القران الكريم حياة وعبر
تاملوا وياي هالايه الكريمه :

( قال لقد ظلمك بسؤال نعجتك إلى نعاجه وإن كثيرا من الخلطاء ليبغي بعضهم على بعض إلا الذين امنوا وعملوا الصالحات وقليل ما هم وظن داود أنما فتناه فاستغفر ربه وخر راكعا وأناب ( 24 ) )

( قال ) داود ( لقد ظلمك بسؤال نعجتك إلى نعاجه ) أي : بسؤاله نعجتك ليضمها إلى نعاجه .

فإن قيل : كيف قال لقد ظلمك ولم يكن سمع قول صاحبه ؟

قيل : معناه إن كان الأمر كما تقول فقد ظلمك ، وقيل : قال ذلك بعد اعتراف صاحبه بما يقول .

( وإن كثيرا من الخلطاء ) الشركاء ، ( ليبغي بعضهم على بعض ) يظلم بعضهم بعضا ،
( إلا الذين امنوا وعملوا الصالحات ) فإنهم لا يظلمون أحدا .
( وقليل ما هم ) أي : قليل هم ، و " ما " صلة يعني : الصالحين الذين لا يظلمون قليل .

قالوا : فلما قضى بينهما داود نظر أحدهما إلى صاحبه فضحك وصعد إلى السماء ، فعلم داود أن الله تعالى ابتلاه ، وذلك قوله :

( وظن داود ) أيقن وعلم ، ( أنما فتناه ) أنما ابتليناه .


يعني كان من باب اولى انا نعرف وش السالفه اول
قبل نجيب العيد
لانه استحاله البنت تقول لبحه شي من الباب للطاقه جذيه
وداشه ومدرعمه وتسب فيها
اكيد بحها متغديه فيها قبل لا تتعشاء فيها البنت>>حشى حسيتها قصه ليلى والذئب
وخصوصا اني اعرفها تمام المعرفه عندما كانت تصول وتجول في قسم الخشخشه مدري الفرفشه سابقا
وماخلت احد من هواشها وسبها
ياكثر ماتهاوش الناس على سنع وغير سنع ههههههههههههههههههه
خصوصا الي مشاغبين مانساها يوم تقول لهم بمدونتهم ياكلاب وطايحه سب فيهم
وبصراحه وبدون زعل هي لسانها يلوط اذانها يعني اكيد مسويه مشكله مع البنت
استحاله البنت تجيها مدرعمه جذيه من راسها الا اذا كانت طفشانه>>تدافع عن البنت لحد ماتسمع لها الحق حق
يعني ياخونا يامسلمين قبل ماتدرعمون وتوفقون بصف هالفيل الحزين مدري هالبحه الحزينه
تاكدوا قبل تهاوشون خلق الله واعرفوا ان البلا منا وفينا قصدي منها وفيها اكيد
وقصوا يدي ان ماطلعت بحه هي الي غلطانه بحقها لالا قصدي خذوا كي بودري مني وخلوا يدي عشان اسلم عليكم بعيدين

راح اتكلم بجد هالمره بعيدا عن الغشمره
وياليت محد يزعل سواء بحه او غيرها
لاني بقول كلام واقعي وحاصل في حياتنا كثير

ليه دايم نحب نكون نحن الصح وغيرنا هم الغلط
ليه نحب دايما ندافع ونبرر ونكون بصف الي نعرفهم ونعزهم
ونكون الطرف المحارب للاخر رغم عدم معرفتنا بهم
يعني كمثال يجي واحد متضارب مع واحد وصديق الاول
يجي متاخر ومايدري وش السالفه
بدل مايفهم وش صار من البدايه لا يقول خويي الي صح وانت الغلطان
وهاتك يامضارب واخرتها يا احد يموت او بالسجن
ترا في حكمه او مثل عظيم يقول الصديق من صدقك وليس من صدقك

وهنا نفس الشي صاير معانا
عشان نعرف بحه قمنا على الثانيه وخليناها نفسيه وجبنا العيد فيها >>مدري ليه حسيت اني مسؤله عنها

ماشاء الله احسني صرت حكيمه زماني فجئه ههههههههههههه يمه بسم الله علي اخاف انظر نفسي
اليوم سويت شيئين انثين حسيت اني انثى طبيعيه وعاقله بعد ماشاء الله مراح اقولكم وشهو اصلا كيفني حره


المهم لحد يزعل وتسوون فيها يعنني ترا الحق ماينزعل منه
والي بيزعلون يطقون راسهم بالطوفه

للحديث بقيه يتبع بس باخذ بريك احس ريقي نفش مدري نشف
لالا ماكو بريك بس بشرب ماي وارجع ماقدر الموضوع يحمس
واعرف نفسي اذا طلعت معاد رجعت هذا غير النت عندنا
يجيب المغص بعد

تابع مسلسل شاهد مشفشي حاقه
هالمره بأرض ابو الاربعاء
يوم قريت مدونته صدمني برده
ياهو معصب تعصيب لدرجه يوم طلع صك الباب وراه من قوته خفت حتى الباب بكبره خاف
سلامات يابو هد شوي شوي ماهكذا يارجل
هو من جهه كلامه في متمه مثل مايقولون
ومن جهة احس انه جاب العيد لاني احسه يقول كلام ينقاض فيه نفسه
تبون نسوي اقتباسات ونأكشنها ولا لا
قولوا ايه
اصلا مو ساله فيكم>>البنت متغيره علينا وش بلاه تدور الشر

يقول الاخ افندي مايلي


ابد مافيها شيء الدنيا حلوه والناس هم الي مخربينها باشياء ومعتقدات تربوا عليها
بالعكس (وجعلناكم شعوبا وقبائل لتعارفوا) مو لنتحرصوا باهاليكم وب فكركم لا
حلو انا نتعرف على الناس بشتى بقائع الارض
نتعرف على ثقافات مختلفه طبائع مختلفه افكار بعد مختلفه
كل هذا يصب في نمو الانسان لانه راح يرقى بنفسه بكل ماحيط به من شتى المجالات


اما من ناحيه تخلف
فهو تخلف مثل ماقلت بس مو كانك تناقض نفسك بالهجزئيه
يعني اذكر مره سألوك ان كنت متزوج تخلي زوجتك تدخل منتدى واعتقد قلت لا ومدري وش
ماذكر بالضبط وش كان بس ردك كان بالرفض
يعني انت الحين متخلف لانك ماتبي زوجتك تكلم احد مثل ماقلت
وعلى هذا نفر بعد مثلك
لانه هو متزوج بعد ويسولف ويانا بس حرمته لا تشوف بس ماتشارك ليييه لانكم متخلفين >> ماكنك جبتي العيد
>>ابد تراه خلص باقي يومين بس وندخل ب11

ولاشيء يستحق متزوج واب بعد يعني متخلف بعد مثلكم
لالالا اصلا هو مايدش الا من وين ووين ومايكلم الا حرمته يعني هو اعقلكم
وبالاخير وليس اخرا يعني انا اعقلكم كلكم
لاني مو متزوجه وحتى اذا تزوجت بدش يعني بصير متخلفه مثلكم ههههههههههههههههه
الله صرنا كلنا متخلفين وناسه


اي صح وسمي ونفر اتحداكم ثم اتحداكم تكونون كووول
وتخلون حريمكم يشاركون وياكم هنا بالمنتدى ونتعرف عليهم



وهالمتخلفين وخلصنا منهم باقي الاخيره
البطله صاحبه المعمعه قصدي الحلقه
يتبع الرد النهائي لصاحبه الرساله

الحلقه الاخيره
لشاهد مشفشي الا نص حاقه وخبى حاقه >> تحشيش
هالحين نجي للي مسويه الدراما الاكشنيه
يلا نفتح الستاره
ونرجع للاقتباس الناري الملتهب>> حشى افلام كرتون الرميه المتهبه

بس بقول قبل الاقتباس شيء

قالت بحه بمدونتها

لكن أنا هنا راح اقول
ليس معنى أن نختلف مع من نحبهم ونعزهم أن نتخلى عنهم

عشان جذيه جاك الموت ياتارك الصلاه مدري ياصاحبه الرساله ياويلك

اههئئئئئئئئ صوت شقهة قويه من بعد ماكانت تشرب فنجانا من القهوه في امان الله
ثم تبخها من بعد شرقة
تمسح فمها وتناضر بصاحبه الرساله لالا قصدي الرساله>>خافت تجيها

لحظه لحظه سلامات
انتي منتبهه ياقلبوش للكلام الي كاتبه للبنت اول شي
اول شي تقولين لها متزوجه مو من حقك تسوين كذا>>رجاء المتزوجين من الحين يطلعون برا
ولا اقول لكم موتوا احسن هذا منتدى عوائل قصدي عزابيات

ثاني شي تقولين لها مبسوطه انفتح الخاص لا يابنت البنت حزينه وزعلانه
ماتشوفين اسمها بحه حزينه وراك انتي عليها الا بتخلينها مبسوطه ههههههههههههههه

لا جد بعيدا عن الغشمره
ياخي انتي تناقضين نفسج بنقدج لها
ليه تقولين لها وشاملتنا بعد معاكم بالموضوع

يوم تقولين لها مبسوطه عشان فتح الخاص ليه تجمعك علاقه حب مع احد ولا شنو
ينهارك اسود ومش فايت ومنيل بستين نيله
مو انتي طيب بعد راده عليها خاص
يعني انتي مبسوطه ان خاصك مفتوح وبعد ليه مفتوح لايكون تحبين احد مثلها بس محد يدري
قولوا ترا والله ماعلم عليكم سركم ببير

وعلى هالكلام انا بعد قليله ادب لان خاصي مفتوح
وارد على الكل على كذا احب اخوي الوسمي ونفر وعزيز وبقايا ولا بعد شاذه لاني ارد على البنات
بحه وميمي وغيومي ومجرد حلم وكيان وهمس وغيرهم كثير يووووه يعني انا منحرفه لاني احبهم وارد عليهم
وهم بنات بعد يادي النيله المهببه

ياحلووووووكم ضحكتوني لين قلت بس
رجاء من اداره المنتددى
افتحوا قسم خاص للمتزوجين والمتزوجات
ونسميه ركن اللطم عشانهم بيلطمون انفسهم على حظهم انهم متزوجات
ونحن نبي نمر عليكم ونقول هاهاها متزوجات الله لاتبلانا
ونحن المنتدى لنا كلنا

عيييييييييييييييييييب هالكلام وربي حركات بزارين
اصلا لو اجيب بزر من الشارع اساله اقوله
حبيبي شنو رايك بالي يدشون النت متزوجين او عزابين
بيناظرني بنص عينه ويقول عادي وش فيها
ويمشي يكمل اكل ايس كريمه ويقول الحمد لله والشكر



وداعا ماركو
اللى اللقاء في يوم اخر

.



سبحانك اللهم وبحمدك اشهد ان لا اله الا انت استغفرك واتوب اليك

.

بسم الله
الله ياخذ ابليسكم على ابليس الي فكرت تسوي شيء
مو من ضمن معاملات حياتها
ولا وش حلاتي وش زيني يوم كنت بحالي في امان الله

على العموم للتوضيح للي صار وصارت بعدها الدنيا حفله
كلمه فقط قبل اوضح
( العقلاء فقط لمن تأملوا بمقاصد طيف وعقلوها ..
ولمن جاز لهم استباق السطور وقراءة مايشتهون..
فلست عن ذلك بلمومه )

سبحان الله العرب فيهم صفه غالبه
يحبون دائما يفسرون الشيء على هواهم ويستقبون الاحداث
من غير أدنى محاوله معرفه

هذا وانا كاتبه لكم دليل من القران ومهيأءه لكم الجو وغمزات بين الكلمات
وماخذه الموضوع ضحك وغشمره
بس الله يخلف تحبون تاخذون الي تشتهون من الكلام وتنطون باقي السطور
من غير ماتعطون نفسكم وللغير فرصه

عموما كل الي صار كان مقلب للجميع لكل من قرأ مدونتي
وعلى وجه الخصوص ثلاثه اشخاص مختارتهم صاحبه الشان

والموضوع بدايته
ان كلام بحه في مدونتها ما كان مزحه ابدا
من صاحبه الرساله لحد مانضرب مخها انها تترك المنتدى
يعني كانت بجد البنت زعلانه
ويوم جلست بينها وبين نفسها الهانم وغيرت قرارها بالخروج

كانت بتسوي فيني الهانم مقلب
بس لانها انتهجت نهج شمس في المقالب
كفشتها من اولها
الله يجزي اخوي الوسمي خير الي علمنا على اسلوب كشف مقالبهم
ولا كنت ناويه ادش اعلق بمدونتي وازف بحه
بس طلعت براسها تراسلني وتمقلبني وكفتشها
وصار اني انا وياها انضربنا بعقولنا
وقلنا خلينا نسويها مقلب مدام قررت تغير رايها وتجلس
وياليتني ماتحمست ولا فكرت
اني اسوي هالشي ياهووو احساس يوجع بالحيل


يتبع بغيت اقول لحد يرد
على بالي موضوع ههههههههه
الله ياخذ ابليسكم ان كانكم خرشتوني وهذا وانا الي مقلبتكم وجع يوجع العدو الكافر