صفا حا ت من الحياة..

**طيف عابر** · 19-12-2014, 08:03 PM

رد: صفا حا ت من الحياة..

عند يدتي الكتوكته

فديتها حبيبه قلبي

الله يحفظها ويخليها لنا يارب
تصدقون عاد ودي انام بحضنها ولا احط راسي على ريلها

بس فشله احس راسي ثقيل. عليها هههههههههههه
احبها وايد اكثر من نفسي ودي اصورها واحطها بمدونتي للذكرى

**طيف عابر** · 18-01-2015, 06:38 PM

رد: صفا حا ت من الحياة..

قريبا في الاسواق
وحصريا على عبير
( يوميات مندي )

<< مندي ولا مظبي لا كبسه سماجه

وهي عن شغالتنا اليديده
لا و( البق بروبلم ) انها لاتتحدث سوا الفرنسيه

عاد راح اوافيكم باهم التفاصيل ومايحصل خلف الكواليس قريبا
لا واهلي مخليني المرشد السياحي لها في البيت واعلمها

على شنو مدري يقالكم عندي ثقافات متعدده

<< المفروض انكم تتبنوني لاني متعدده المواهب

>> كثري منها

يوووه نسييت من الطفاقه اسلم عليكم

بون جوور يا فمليتو << يعني السلام عليكم ومرحبا مع بعض وتجي صباح الخير

>> ماقلت لكم متعدده مواهب ماصدقتوني

ياأن لكم وحشه قد البحر بالي فيه

توحشتكم بالزاف ياوحشين

اي صح وياني بتوحش على الناس المختفيين

الله ياخذ ابليسكم لهدرجه خفتو مني

مابقي الا سنشيروا المغوار على قولته

واخونا اسير بعد يلعب بالساحه

ولا الباقي مالت عليكم ياشرار

شكلي بتعلم فرنسي عشان يوم ازفكم محد يدري

ههههههههه

عاد انتم من الحين المفروض تتعاقدون معاي

لاني بشتغل لكم ترجمه لغات
يمكن تجيبون شغاله فرنسيه وتبتلشون فيها
واترجم لكم عشان ماتتورطون مثلنا

يالله .. سايونارا << يعني مع السلامه بالياباني

ماقلت لكم متعدده مواهب بس محد اكتشف مواهبي
شكلي انا الي بعزز لنفسي ياحسرتي اهههههههههههاء

خلاص قلت مع السلامه رجاءن لحد يناديني

خلاص هدوا عباتي لاتحاولون قلت مع السلامه يعني مع السلامه

<< البنت مصدقه روحها انو مشتاقين لها

**طيف عابر** · 30-01-2015, 08:18 PM

رد: صفا حا ت من الحياة..

ياعرب احد شاف طيف عابر
لايكون شغالتهم اللتي تتحدث الفرنسية

عفستها وسوتها سلطة نيسواز الفرنسية

وانت الصاج ممتو هي الي طنقرت علينا

ياساتر طيب انا شنو خصني بالطنقره يوم يشملني الموضوع

تقولون من السفراء ولا الوزراء يوم تشملني الاوامر الطنقريه

ياخي مدري ليه الشغالات السابقون والحاضرون منتخبين لهم محامي دفاع

وبالاخير انا الي اكل تبن ومحدش يطبطب علي ليه

قررت انا طيف عابر قرار ملكي
وهو اني اشرد مع شغالتنا اذا قررت النحشه

والله ولي التوفيق

هذا اذا مادكرنه من امي وقتلتنا قبل الهجاجان

الله يستر

**طيف عابر** · 30-01-2015, 09:04 PM

رد: صفا حا ت من الحياة..

.

ليت بعض متاعبنا بالحياه تقتصر على الإشارات ..
حتى تهدىء مسماعنا من صخب الأصوات ..

ولكن
هكذا ولدت في أرض تسودها الصراعات فقط ..
فلا مفر..هه
طيف عابر

............................................................................................................ فاصل اكشني حزين اعطيكتم ويه من بدايه الصفحه وانا اضحك

**طيف عابر** · 05-02-2015, 08:41 PM

رد: صفا حا ت من الحياة..

.

سا تسلب مني مملكتي قريبا ..( ويا اسفي )
وأنفى خارجها ..
الى مملكه لاتليق بملامح احلامي

كيف لهم ..؟!!!

ان يحرقوا ذكرياتي ؟؟؟!!!
ويحرقوا معها ماتبقي من بقايا ذاتي ؟؟؟!!

حتما سأنتهي
وتنتهي ابتساماتي..

لم يعد الكلام يجيد نفعا
بعد ان صمت أذنهم
عن صوت جرح تكرر على مسمعهم وهو ينادي

...............................................................................................طيف عابر
.........................................................................................................................................................تمزقت مشاعرها حتى قتلت على قارعه عبورها أحلامها الواهيه ..ههه

..

**طيف عابر** · 11-02-2015, 09:31 AM

رد: صفا حا ت من الحياة..

وياصباح الانوار

والهدوووؤء
والسلام
<< الثنين الاخيره بالحقيقه ما فيه بس عاد نتخيلها وش ورانا

ياصباح البدايات الجديده

ونهايه الحياه التعيسه

<< شكلي بقول شعر مع هالصباح الباكري

وياصباح المورننق والبونجور مع فرنسيتنا

وياصباح التمغط من بعد ريوق نعنش لي مزاجي << الله الله

ماعليكم زود >> اطلعي برا

**طيف عابر** · 11-02-2015, 10:14 AM

رد: صفا حا ت من الحياة..

وبما اني رايقه حبتين

عاد بسولف على راسكم سوالف توجيه وارشاد

<< الاخت مسويه علينا مشرفه نفسانيه ليت تعالج روحها اول

>> اي والله صادقين

بالاول وقبل ماكتب اي شي غيومي فديتج ترا مزاجي فل الفل

يعني لاتشيلين هم وتقولين شنو فيج اعرفها هالبنت فديت قلبها وروحها وكلها ع بعض

دشيت علي على البي بي وهاتك قلق وخوف

ياعلني مانحرم من وجودد بدنياي قولي امين

المهم لانروح بعيد عاد انا خلقه ماعرف اعبر واخبصها فوق تحت

وياليت اوصل للي ابيه الا كله بالشرق والغرب فشله

تصدقون عاد مو عارفه من وين ابدا

بس انتم عاد جمعوا الكلام لاني اعرف اني مفهيه على طول الخط

المهم ياساده ياكرام ياكبار ياصغار
بالفتره الاخيره وانا افرفر بالنت مادري وش احس بوه يوم اني اجيب لروحي وجع القلب

ادش على صفحات مشاكل الناس تحت عنوان مشكلتي وياكثرهم سببت لنفسي ازمه بسبب مشاكلهم<< وربي اني خبله
وش خصني فيهم اصلا

بس يلا طلعنا بفايده من كل مشكله وفتحت عيوني على اشياء عشان نتجنبها لو تزوجت بالمستقبل

ياكثر مشاكل المتزوجين والمطلقين جاتني ازمه بسببهم وكرهتم ثنيناتهم حتى كرهت نفسي معاهم

المهم شكلي ضعيت المخرج ياجماعه مشكله السرعه والكلام بالجوال وانتي تسوقين خط سريع مايمديك تشوفين الملف
الا وانتي طالعه فوق الاشاره مدري الرصيف هههههههه

<< بنت عدلي جلستك مدري مخك واهرجي زين

طيب بشويش علي وربي اني مضيعه بجد

هههههههههههههه

لا بجد نرجع ريوس ورا للكلام الي فوق بسطرين
اكتشفت ان اغلب مشاكلنا بالحياه هو انعدام الحوارات
وعدم الالتقاء عند نقطه فكر تحتوي الجميع
ماراح اتكلم عن طريقه تعامل فرد ومجتمع
لكن بحصرها بدائره المجتمع الصغير الاول وهو العايله
الي هم اساسا بعدين نتاج مجتمع كامل

ابي افهم بجد عايله كامله ومتكامله
مافيها شي اسمه اجتماع عائلي
شي اسمه حاورني نقاشني
عشان نتجنب تراكمات متاعب نفسيه
وجسديه بعد
طيب ليه؟؟؟!!!

لا بجد لمتى نظل هالوضع المزري الي حنا عايشين فيه
لا واذا جينا نحاور تعالوا جوفوا المصارعات الحره

تقولون ثيران مو بشر ماكو شي اسمه اسلوب تخاطب
برقي سامي
لا كله مشاكل وهواش ووجع راس

وبعدين يجي السؤال ليه ابنائي مو مثل عيال الناس ولا ليه اهلي معقدين؟؟!!

ليه ماعمرنا حاولنا نحتوي بعض من البدايه ونحط اساسيات
من بدايه نشأه الاسره قبل يجيون بزارين وزحمه دنيا

يمكن كلامي ذا ماراح ينفع وخصوصا للناس الي خلاص شربوا وتطبعوا هالطبع
بس نصيحه اخويه لوجه الله
اي ثنين متزوجين جداد
حاولوا انكم تبنون حياتكم بالاحترام والتفاهم قبل تجيبون اطفال
وبعد ماتجيبون اطفال هم خلو عندكم اساسيات لحفظ حقوقهم منكم
وعشان تستحقون هم بعد تفتخرون فيهم
لاترفع قدر الصغير على الكبير وتلغي وجوده واحترامه كعامود ثالث للبيت بعد الاب والام
لاتعطون حق ادراه البيت لبنت عن بنت
بالنهايه انتم دفه السفينه
اذا ماقدرتوا توجهونا بعرض البحر شلون تمشي
بتوزيع المهام على عضو وطاقم فردي فيها الكل بيغرق
حتى لو على الاشياء البسيطه والي تجوفونها تافه بنظركم
هي بحق عيالكم تسوا شي ومو اي شي شي كبير بعد
تعلموا انكم تتناقشون بهدوء بدون رفع صوت وقله احترام
كمثال صغير
حابين تغيرون نظام البيت وعندكم عيال من كل الاعمار
لاتجي ام ولا يجي اب من راسهم والطريق ويلا نغير
والي بالبيت بالطقاق
ولا تاخذون راي احد وتسحبون على الثاني
والا المصيبه الاعظم يوم تعشم ولدك ولا بنتك
وتقولين اختاري غرفتك لانها بنغير شي
وتكتشفين بالنهايه انك تسوين شي على لاشي
تحلمين وتخطيطين ويطلع القرارالاول والاخير
لاختك الي اصغر منك وتحنطين بموقف بايخ قدام نفسك
وفرحتك تنكسر
والمسؤل عن كل ذا منو؟؟
لما يكون عند بعض الاهالي عقد من اهاليهم
وللاسف بدال مايتجنبوها مع عيالهم
لا يمارسون نفس الاسلوب الاستفزازي
طيب ليه
وان احد حاول يغير للافضل ويوجهم للشي الصح
شافوه متخلف ولا معقد ولا متوحد بعد

المهم مالنا بالطويله
ياعالم ياهو خلونا نرتقي مع بعض بالحوار المحترم
الي يخلي غيرك مايتمنى فراقك
مو العكس يتمنى الهججان الى الربع الخالي

وبس سلامتكم
يوه احس نشف ريقي مدري اصابع ايديني من كثر الحتسي ههههههههههه
وسايونارا بالياباني ورقصني ياقدع

<< يالله انك تشفيه الفيوزات ضربت عندها
يازينك ساكته

اي صح ونسيت حتى باليوتيوب يوم اجوف التعليقات
كلها سب وقذف وشتم ولعن

وقله ذوق وادب

وكل ذا من شنو؟؟!!!! كلها بالنهايه نتاج اسري تربوي
<< البنت منفقعه مرارتها باين رجعت تكتب وتعتدل هههههههههههه

وبس سلامتكم لاخر مره

**طيف عابر** · 12-02-2015, 05:12 PM

رد: صفا حا ت من الحياة..

هالمره صفحه خاصه
الو الو حول حول رجاء الي حاط رجله على سلك المايك يرفعها<< ياقدمك الحين المايك بدون سلك يتكلم من حاله

اخوي الوسمي ادري انك تراقبنا من ورا الشجره

ثم تشرد لبيتكم ياخي تعال كنا نمزح وياك هههههههههههه
بعد لك لثلاثه ان ماشفنا خشتك في ذا

مضطره عاد وقتها نبلغ عليك ونسوي بلاغ فقد

الرجاء من الاخوه المواطنين في عبير
اذا رايتم رجل يحب يوم الاربعاء ويطير فرحا بقربه

ولو انه خلاص غيرو النظام بس مازال على حبه القديم له

كما ان لون عينيه زرقاوتان وحده خضراء وحده رزقاء<< ارسيلك على بر

الرجاء من يشاهد شخص بهذا المواصفات الاتصال على الارقام التاليه
999 او على النظام الامريكي ناين ون ون

باسرع فرصه ممكنه وشكرا

لا بجد الي يعرف اخونا الوسمي يطمنا عليه وعلى اخباره
اختفى حتى بالاسك ماله وجود

ان شاء الله المانع خير

**طيف عابر** · 24-02-2015, 02:48 PM

رد: صفا حا ت من الحياة..

.

هههههههههههههههههههههههههه
لي تعليق على ماذكر اخوي سنشيرو مدري نفر

على منو الخاين

لي عوده رجاءن يعني لحد يسبقني ويعلق
عطو الطير فرصه

**طيف عابر** · 27-02-2015, 10:33 PM

رد: صفا حا ت من الحياة..

ودي اكتب وانزف مشاعر الم وحسره وقهر
ودي احرر غضبي من سجن الصبر
ودي اكتب اشياء تثير الجنون

لكن بالاخير لا اريد لصفحه من صفحاتي
ان يكن بها اثر نازف من دمائي
فتتلوث ذكرياتي بها عند العبور

طيف عابر

وجرمي بالحياه انني التزمت الصمت ولذت به وطنا
فما كان من شغالتنا الا علي ان تتفلسف وياقلب لاتحزن ههه

نقطه انتهى

صفا حا ت من الحياة..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget