صفا حا ت من الحياة..

**طيف عابر** · 27-12-2013, 10:43 PM

رد: صفا حا ت من الحياة..

وازداد مسائي
جمالا
بك جدتي

ومنك إليك
انقادت مشاعري
للتسلسل بخفاء
بظلمة الليل
للكتابه
نحو كوخ مدونتي
عبر غابات
جمال طفوله الماضي
وعبث انحرافات
مسير الحاضر
لأرتمي على سطور الأمنيات
هنا
وتسجيل ذكرى جميله
تمنيتها بيوم من الأيام
وهاهو الان
قد حدث..

ولي في نسمات الصباح بقيه
هذا اذا صحيت

بالله قولوا الصدج ما اشتقتوا لي ولا لا

<< ماقدرت اجلس عاقله بصراحه
خربت جو الصفحه

**طيف عابر** · 05-01-2014, 11:29 AM

رد: صفا حا ت من الحياة..

ويالله من صباح رائع
عندما يعانق صوت المطر
الطرق على نافذتي..

فاستيقظ بجمال هطوله
لأحتسي كوبا من الذكريات
هنا معكم على اطلال مدونتي..

..

..

احلى مافي الذكريات الحلوه
انها تنعاد علينا كانها شريط فيديو
بس تناظرين مع نفسك بنقطة فراغ بغرفتك

او اي مكان جالسه فيه وتوزعين ابتسامات مع نفسك

يعني اي احد يمر عليك بهالوضعيه
مايقول الا الحمد لله والشكر البنت انجنت تضحك مع نفسها

هذا اذا مامصخوها وقالوا لك يابيلك استشاري نفسي

المهم مالكم بالطويله الا خلاني ارجع اخربش في ذا وانا اليوم
انتم

اي والله قبل كم يوم كنت مفحطه هنا ومسويه جو خواطر مع جدتي
عاد فديتها جدتي حبيبه قلبي
قلت والله لارجع اكتب في مدونتي عشان عيونها واه فديتها وفديت دلوعتها الي هي انا << اطلعي برى لعاد تورينا ويهك

وشلون لا ..جزء صغير تحقق من حلمي برجعه نص المياه لجاريها

ان شاء الله المره الجايه اخربها وماعلي من احد وانام بحضنها واطلب منها اشياء من زمان ودي اسويها
بس مشكله بعض الاهل حتى بعض المشاعر لازم فيها يتحكمون نشبه

ماعلينا نوافيكم بالاخبار بعدين

الي خلنا اخربش في ذا نعود مره ثانيه << تصدقون احس اني مكلجه وخايفه كاني طالبه سنه اولى ابتدائي
من زمان عن مدونتي احس ماعرف اتحجى عدل مخترعه هههههه
المهم يوم كتب هنا قيمني الاخ مدري الاخت ساو تذكرونه

يوم كنت اقول اسمه سيو مدري سوا ههههههههههههههههه الله لاتبالانا زين انه صحح لي المعلومه وماقلت له موبايلي هههههههه
الله يسعد ايامه رجعني لالبوم ذكرياتي هنا معاكم كنت وقتها مرجوجه<< تكفين يالعاقله الحين

وعاد كملت الذكريات اليوم يوم انطنط على مدوناتكم وجع جبتو لي غصه دموع وانا اتذكركم

ومنها اضحك بعد
مريت على مدونه مجرد حلم وانا اقرا فيها لفت انتباهي وردتها تذكرون يوم زعلت على المنتدى لان الورده الي بتوقيعا صغرت
ههههههههههههههه الله ياخذ ابليسك مجرد ضحكتني من قلب اليوم
وكملها اخوي اسير بعد يوم افحط بمدونته ذكرني بهبال المطفوقه لنو واخوها من الرضاع الوسمي هالثلاث نفرات
مجانين رسمي

الله يسعدهم وين ماكانو يوم اكون بمدونتاهم اضحك من قلب
بس والله زعلانه عليهم عاد لنو مختفيه من قبل والحين اخونا تاز بعد اختفي الله تذكرون لما نناديه تاز
زمان يافن

المهم الله يعرف عنهم شي يطمنا هالعالم مختفيه مادري وين
والله حلاة المنتدى فيهم وبالناس الي كنت اعرفهم فيهم
الحين وانا داشه هنا احس كاني داشه مدرسه يديده ماعرف فيها احد
يالله فديييييييييتكم اوغوف فوا
والله اشتقت حيييييييييييييييل لكم والكلام كله ع بعضه ملخبط العذر والسموحه
مادري احس نفسي مستحيه مادري ليه هههههههههه كانها مو مدونتي مدونه الجيران

قايله لكم وربي كاني داشه مدرسه يديده وربي مافيها احد من الي اعرفهم
عاد انتم تعالوا كلكم مصختوها وربي<< البنت معاد تجمع خربتها بام التكليج

..

**طيف عابر** · 12-01-2014, 07:18 PM

رد: صفا حا ت من الحياة..

اوف اوفين ثلاث اوفات بعد

تو جايه من معد انقلش
احس ودي اتضارب ويا احد
وربي قهر شهرين راحت بس بسوالف مالها داعي

وهالقرمر الي رفعت فيها ضغطنا
ولا فوق ذا كله تقول جيبوا الكتاب
ولما شريناه تقول ماله داعي

طيب يوم ماله داعي ليه تخلينا نشتريه من الاساس
ولا بعد ماقلت لازم تشرحين لنا من الكتاب
ونحن مامشينا بالانقلش زي مانبي
تقول الغلط منكم ضيعنا وقت بالكتاب وفي ناس ازعجونا
الي يبون الكتاب تقصدني

من جد خساره شي يرفع الضغط
مو كفايه ان المعهد نفسه مايأهل اصلا للتدريس مافي وسائل تعليميه حديثه
بالله احد تتبرع وتقط وياي هنا نقلبها هوشه تمغيط شعور اي شوش اي هير<< اروح شربه انا بالانجليزي مع نفسي

بجد ودي اتخانق ويا احد فيس شرير

مو انا صرت ظلام المنتدى مثل مايقول اخوي اسير طلع لي اسم جديد

ابو الحكم والامثال ماتلاحظون انه صاير حكيم
والله يخلي لنا الشيخ قوقل الي يخليه يطب علينا بامثاله وهباله

.

**طيف عابر** · 03-02-2014, 08:01 PM

رد: صفا حا ت من الحياة..

ماكو شيء أقوله
بس احس نفسي بهاللحظه اشتقت لكم
كلكم بدون استثناء

من جد مادري ليه
جذيه وبدون مقدمات لقيتني بعبير
وحسيت بعطافة اشتياق !!

يالله انبسطوا اشتقت لكم وايد
واشتقت لروحي بينكم بعد

**طيف عابر** · 04-02-2014, 05:16 PM

رد: صفا حا ت من الحياة..

كون بان وا ..افري بدي
يعني مساء الخير باليابني

<< مكس ياباني امريكي هاع

انا مادري ليه نقول مساء الخير ونحن بوقت عصر

المساء المفروض وقته ليل
والعصر عصر يعني المفروض نقول عصر الخير

ماعليكم تحشيش من زود الفضاوه والقهر

تخيلو اليوم مجهزه نفسي من كله ميك اب وشعر ومسويه تسريحه انا وويهي

بوف بسيط مع رفعة شعر يعني مسويه البنت الكيوت التي منعنشه

وفرش للاستعداد ليوم جديد بطاقه وحيويه جديده

وحزرو شنو صار<< وش صار معدت اعرفني ومادري شنو بعدها وراسي طار بالمطار والله مادري حتى الاغنيه صح ولا مالفتها من راسي جالسه ادندنها انا وويهي مع نفسي

ماعليكم نرجع للطبيعه شنو كنت انا بقول نستتني عيونك ههههه لا والله اليوم محششه من صدج

وجع نسيت شنو بقول من صدج

اي تذكرت اي حروزا شنو صار بعد كل هالكشخه واللويه
دزوا لي مسج محد بيجي اليوم حتى الاستاذه بكبرها
طيب ياخي ليه جذيه كان قلتولي من اول بدل ماتعب روحي على الفاضي
والله اني زعلت وقلت والله مامسح شي من وجهي ولا اخرب شعري

الله عاد من الميك بيني وبيني ماحب المكياج الثقيل احس طين بويهي
كلها كريم فير اند لفي و وروج وردي فاتح وكحل ازرق خفيف وبلشر وخلصنا

بس والله انه حلو وارتاح فيه يعطيك نعومه وشكل حلو وانيق وعلى الطبيعه
احسن من كيلو بودره بويهك والوان قوس قوزح السبعه

فايعني افهموها يابنات واستحو على وويهكم ووحده فيكم تعزمني ولا تجي عندي

عشان ماتروح الكشخه على الفاضي والله قهر

اذا ماجينا قالوا ليه متاخره واذا جهزنا روحنا وخلصنا قالوا ماهي بجايه << حياه سقيمه << شكلي بقلبها واغني كسرات هههههههه
مادري احس فيني طاقه ونشاط وحيويه كنت متحمسه وباخر شي ماكو طلعه

يالله عاد بنات حلفت عليكم تعزموني ولا انا اعزمكم وحده من الثنتين

تصدقون عاد احس اني للحين مو على بعضي
احس كأني مو بمدونتي حتى حجي مثل العالم والخلق مو مرتب مثل الناس
احس اني مربوشه ومضيعه شي مادري وشهو

هههههههههههههههههه
استغفر الله العظيم من جد في شي مو طبيعي
يالله كلها كم يوم وارجع اتعود على نفسي القديمه هاع

**طيف عابر** · 17-02-2014, 08:36 AM

رد: صفا حا ت من الحياة..

صباحكم سعادة
صباح يتغنج بأصوات العصافير
بالقرب من نافذتي
وطقطقة حفريات امام شارعنا
يضج بعربجه ازعاج << خربتي ام الجو ياشيخه

ماعلينا اهم شي الاخلاق والنوم طار

تصدقون اني كنت من عشاق الصباح بجنون
ومن يوم دخلت هالمعهد والدنيا مقلوبه

صرت ماشوف حبيبتي الشمس الشموسه

الا من فين لفين طاقتها نومه والليل سهر
والمخ ضرب والحاله هي حاله

تصدقون عاد مره ثانيه

كنت داشه بس اشيك على المدونات كالعاده
واوزع هدايا وتقييمات للخلق

وماكنت ناويه اشخبط في ذا

بس استفحت بمسج من الحسناء غيوم التعابير فديتها

ياخي هالبنت سعاده وربي فديييت خشتها انا
ياهي اخلاق بجد الله يسعدها البطه << مافي اسلوب مدح زين خبله ماتعرف

وهم بعد الدبه الثانيه موتي ولا دمعه امي

احسهم هالثنتين فولة وانقسمت نصين << بالله وش رايكم فيني ثنتين ونصين مو شاعره

<< برا
احسهم عوضوا غياب كثير بنات كنت فاقدتهم هنا
وزين مايختفون هم بعد ولا كان علقتهم من رجولهم بشجره طويييله عشان محد ينزلهم منها

يالله فتوكو بعفيه وطعميه واؤشطه وعسل ومربى << بالله هذا سلام خروج ولا عازمتنا على ريوق

... ...

**طيف عابر** · 20-02-2014, 07:17 PM

رد: صفا حا ت من الحياة..

ما زالت ابتساماتي
تنهدم شيئا فشيئا...

لم يعد يجدي معها ترميم
السعادة المزيفه..

انفاسي تختنق بداخلي
ولا اجد لها ولي مخرج
نحو حرية ما اريد ان أكون..

ف يا إلهي امنحني الصبر
........................................................................ف ذاتي لم تعد تطيق ..... .... ....
.....................................................................................لم تعد تطيق ..... .... ....
......................................................................................... لم تعد تطيق ..... .... ....

طيف عابر

**طيف عابر** · 25-02-2014, 07:32 PM

رد: صفا حا ت من الحياة..

ماكو تحشيش اليوم

بس برز مدونتي قدام
يعنني البنت التي تبي تجي بالصف الي قدام

<< حركات سنه اولى ابتدائي في الطابور

تصدقون عاد اني كنت الطفله الوحيده
الخوافه الي ماتحب تصف قدام ههههههه
كنت نفسيه
هههههههههههههه
استغفر الله مو صاحيه
هذا وانا قايله ماكو تحشيش اليوم

تصدقون عاد من كثر مارز هالفيس الاخضر

بمدونتي
احسها بتقلب حلقه خضار
ولا راس حبحب اي بطيخ من كثره

**طيف عابر** · 25-02-2014, 08:30 PM

رد: صفا حا ت من الحياة..

يعتريني بهذه اللحظه
جنوون لمشاكسة القلم
والعبث بمحبرته
لأسكب جنون حرف لم يكتب بعد..
!!!

............................................................................... طيف عابر

**طيف عابر** · 01-03-2014, 04:15 PM

رد: صفا حا ت من الحياة..

مساء << ولا خلوني اقول صباح الخير
واتخيله صباح ما حب جو العصر احس بكابه
بتخيله صباح بما اني قبل شوي مصحصه من النوم ومتمغطه

واي حدي عظامي تعورني يعني اي وحده بتدفني بصبعها احس بتوحش

كله من الرقص والكعب العالي وهبال البنات امس

امس خطوبه بنت خالتي.. عقبال عندكم

وعاد شوفوا انواع الراقص والهبال
حتى الحريم الكبار الي المفروض ينقدونا
استخفوا امس وصرنا كلنا بالهوا سوا

والشيل والحط وتحضير العشاء
ولويه وزحمه

وكل شوي تناظرين بالساعه تقولين متى نخلص وربي تعب
ماصدقت ارجع للبيت ونصلي الفجر وامغطها نومه
وقبل شويات صحصحت واحس كلي ع بعضي متكسره
ههههههههه استغفر الله كاني عيوزه تذكرت نكته تشبه حالتي الحين

في وحده عيوز راحت المشفى والدكتور مصري فقالها بتحسي بايه سات الحقه
فقالت طايحه من ضلع مادري من جبل مادري شنو

المهم انه تشبيه بليغ عن حالتها

فقالها ياساتر هو انتي ازي عيشه طايحه من قبل( اي جبل

)
فقاله ولدها تقصد كل عظامها توجعها هههههههههه << كأنه يوصف حالتي الحين

يالله بشوفكم بعد الصلاه
بروح اتريق واسوي شويه رياضه
وربي كانج لعابه بملعب صابوني

وربي للحين اتالم

سي يا

صفا حا ت من الحياة..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget