عيون فارس /رومانسسيه وكامله

**"أنت غرآمي وجنوني"** · 02-05-2011, 10:28 PM

رد: عيـــــون فآرس /رومانسسيه وكآمله

مسحت دموعي ب كف أيدي .. خليت راسي ع ريول فارس و دمعتي تطيح .. شفتي كانت ترتجف .. مدري من البرد لو من كثر البجي ..

عيون : فارس ..
فارس : عيونه ..!!

رفعت راسي و طالعته .. رديت و انا أصيح ..

عيون : لا تخليني فارس ؟
فارس : تبيني اخلي روحي .. مستحيل أخليجعيون لو كان هذا اخر يوم في حياتي ..

....

" فارس "
غرفة عيون .. 10:30 الصبح

من بين كل الدموع المجتمعة في عينها .. كانت ابتسامة صغيرةمرتسمة في شفتها .. رديت لها الابتسامة .. ما توقعت بعد ما تروح مريم ب ابتسم .. شوفة عيون حسيتها ردت لي الحياة مرة ثانية ..

فارس : عيون .. حبيبتي قوميشيلي ثيابج ..
عيون : ليش ؟؟
فارس : ب نروح بيتنا .. بعد ليش ..
عيون : بس انا ابا ايلس ويا امي ..

ابتسمت لها ..

فارس : ترفضين طلبيعيون ..

نزلت راسها .. باعدت شعرها المنتثر ع ويهها ..

فارس : يلاعيون .. انا انطرج تحت ..

وقفت .. وصلت ل الباب .. بس قبل ما اطلع .. لفيتاطالعها ..

التقاء نضرات و دموع دام 10 دقايق .. بعدها طلعت من الغرفة .. نزلت تحت .. تلقتني خالتي ام سلطان ..

ام سلطان : فارس .. ما عندكم خبر عنوليدي ..

نزلت راسي ..

فارس : لا ..

سمعتها تصيح منهارة .. تعبانة .. قلبها الضعيف ما يستحمل اكثر .. سلطان شهرين محد يدري عنه .. الدنياافتريناها بس ماشي خبر عنه .. وينك فيه يا سلطان وينك ..؟!؟
يلست عالكرسي

.... : شلونك فارس ؟؟!

رفعت راسي اطالعها .. كانت " هيفاء "

فارس : بخير .. انتي شلونج ؟؟!

طالعت أمها ..

هيفاء : ما ب يرد لوننا قبل ما نشوف سلطان ..

عيون نزلت من فوق .. الخدامة نزلت شنطتها .. طالعت الكل و الدمعة متعلقة في عيونها .. رغم ابتسامتها من مساع الا انها ما بدلت الأسود .. بدلت ثيابها بس ردت لبست بانطلون جينز و بلوزة سودة ..

وقفت اتدارك الموقف .. زخيت ايدها احسسها ب الامان ..
وقفت خالتي ام سامر ..

ام سامر : ب تروحين بيتج ؟؟

ردت و دمعتها ع خدها ..

عيون : ايه ب اروح ..
فارس : ما يصير خالتي شهرين هني .. " طالعتها " و الحينه نفسيتها احسن .. ما له داعي تيلس هني و بيتها مفتوح ..
ام سامر : ب راحتها ..

تقربت منا .. و ب جفنة عين .. حضنوا بعض و ب صوت عالي يصيحون .. ب ألم .. جنهم يعيدون مأساة فقد الغالية ..

....

" شوق "
البيت .. 11:00 الضهر

طحت ع سريري أصيح ..

شوق : مانيب رايحة معاه .. ما ابا ..

تقرب زياد مني ..

زياد : ما يصير شوق .. هذا اخوج لازم تسمعين كلامه ..

ردت عليه ميثا و دموعها تطيح ..

ميثا : ما نبا نروح .. نبا نيلس هني معاك ..
زياد : ما يصير .. لازم تروحون .. و انتن ما ب تروحون ل غريبة هذه خالتكن ..
صرخت عليه : خالتنا و ما نعرفها ..

رميت روحي ع السرير و انا ارفس ب ريولي مثل اليهال ..

شوق : ما نبا نروووح ..
زياد : لا تصيرين ياهل شوق .. يوم السبت الاسبوع الياي ب ايي ياخذكن .. لا تستون يهال ..

قبل ما يطلع صرخت عليه ..

شوق : لييييش تبا تخلينا ليش ؟؟ ما توقعت قلبك جاسي جيه .. ما توقعت ..

دفنت راسي في المخدة ..

زياد : حرام عليكن .. الحين انا قلبي جاسي .. كل هذا قدركن و لازم ترضون فيه .. اسمعن كلامي و ما ب تخسرن شي .. اذا سرتون هناك كملوا دراستكن ..

كلامه شوي هداني .. وقفت دموعي .. بعد نص ساعة شلت راسي عن المخدة و طالعت ميثا .. الي كانت يالسة ع كرسي المكتب .. مخلية يدها تحت راسها و سرحانة ..

شوق : ميثا !!
ميثا : ..... " ماشي رد "
شوق : ميثا !!!!!!
توها منتبهة : خير ..
شوق : شو رايج ؟؟
ميثا : في شو ؟؟

نزلت من ع السرير و رحت يمها ..

شوق : عن السفر ..
ميثا : مدري ..
شوق : شو ما تدرين ..
صرخت علي : ايه ما ادري .. عندج حل تسوينه غير انج ترضين ب الي قالوا علي ..
شوق : شبلاج انتي صايرة عصبية ..؟؟
ميثا : ماشي ..

**"أنت غرآمي وجنوني"** · 02-05-2011, 10:32 PM

رد: عيـــــون فآرس /رومانسسيه وكآمله

....

" هيفاء "
بيت ام سامر .. 1:30 الضهر

الجو متكهرب .. و دموعي من شهرين ما وقفت عن الانهمار .. راسي احسه يدور .. و يدور كأن الأرض تفتر فيني ..

أم سلطان : بنيتي ما تبين غدى ..
هيفاء : لا يمه ما ابا ..

طالعتني امي بعدها مشت .. ما طولت معاي في الكلام لأنها تدري فيني متلومة ع أخويه .. و مريم اه يا مريم .. وينج .. فقدتج ..

....

" عيون "
المطعم .. 1:35 الضهر

عيون : بس فارس .. ما ابا ..
فارس : شو ما تبين .. انتي ما اكلتي .. شي و انتي حامل لو نسيتي ..
عيون : لا ما نسيت بس ..
فارس : بس شو ؟؟
عيون : موب مشتهية ..
فارس : حبيبتي عيون .. مريم راحت و الكل متحسر و متألم .. بس هذا ما يعني انج تحرمين نفسج من كل شي .. حتى الاكل ..
عيون : .....
فارس : انزين اذا مو علشانج .. علشان الياهل الي في بطنج .. شو ذنبه هو ؟؟
عيون : ما ابا فارس ..
فارس : اوكيه .. يلا قومي عيل نمشي ..

وقفت ب صعوبة لاني وايد تعبانة .. من الحمل .. و من النار الي تشتعل في جوفي ..

دفعنا الحساب .. و طلعنا .. ردينا البيت .. لما شفته تذكرت ايام قبل .. اه يا مريم .. كل شي في هذا البيت يذكرني فيج .. حتى الورود و عليلها يذكرني في نسيم حضورج .. يا ريت الزمن يرد ع ورى .. و تردين رفيجتي مثل ما كنتي ..

....

" العنود "
بيتنا .. 1:42 الضهر

راشد : حبيبتي .. العنود .. شبلاج ؟؟ كل هذا قدر الله.. و انتي اكيد ب تحملين ..
أصيح : بس صار لنا 6 أشهر متزوجين .. و حمل ما حملت .. راشد .. لا تجذب علي و قول الصج .. شو قالت الدكتورة ..
راشد : مثل كل مرة ماشي شي يديد ..
العنود : لا أكيد قالت لك شي أكيد .. قالت لك اني ما اييب عيال .. صح راشد ..؟!
أخذ نفس : يا عنود يا حبيبتي .. انا متى شفت الدكتورة و انتي موب معاي علشان تقول لي ؟؟
العنود : عيل ليييييش ؟؟؟؟؟
راشد : كل هذا من عند الله .. نحمده و نشكره موب نعترض على حكمه ..
العنود : اللهم لا اعتراض .. " يودت ايده " عفية راشد .. قول لي انك ما ب تتزوج علي ؟؟
راشد : شو ه الرمسة العنود .. انا اتزوج عليج .. انهبلتي ؟؟
العنود : مدري .. بس خايفة ..

ربت ع كتفي و أبتسم ..

راشد : لا تخافين دامني معاج ..

ام راشد : العنود .. راشد .. يلا الغدى زاهب ..

ابتسم لي ..

راشد : يلا نشي ..

وقفت .. طلعنا من الغرفة و ايدي ب ايده .. شافتنا خالتي .. ابتسمت .. يلس راشد قبال خالتي و انا يلست عداله ..

ام راشد : خير .. شو قالوا لكم العيادة ..؟!

نزلت راسي ..

راشد : الهرمونات موجودة .. بس " قالها ب يأس " العنود موب حامل ..
ام راشد : شو الي مخليكم مستعيلين جيه ع عوار الراس .. استناسوا في حياتكم بعدين فكروا ب اليهال ..

سكتنا .. لأن صج ما عندنا رد نرده عليها ..
خلصنا الغدى .. ساعدت خالتي اشيل الصحون .. لما يلسنا في الصالة .. كانت خالتي ام راشد تشرب جاي ..

ام راشد : يمه راشد .. دق لي ع ليلى ..
راشد : ان شاء الله يمه ..
العنود : قلتون لها مريم توفت ..
راشد : لا .. ليش انتي ما قلتين لها ...
العنود : لا انا ما قلت لها ..
ام راشد : عطني التلفون انا ب اقول لها ..

....

" ليلى "
بيتنا .. 2:00 الضهر

دلني على حبك حبيبي ..
عمرها الدنيا ما استوت ب عيونك ..
المرض هشم(ن) ضهري بعدك ..
حبيبي ودعني ب ابتسامة ..
موب ب دموع(ن) و أنين ..
دلني ع قلب(ن) مثله يحبني ..
موب شفاة ل الناس ابتسمت ..
و لي انا عمرها ما انرسمت ابتسامة ..
( من تأليفي )

صكيت دفتر خواطري .. ع صوت تلفون البيت ..

وقفت ب اخذه .. سبقني مايد ..

مايد : الووو .. " ب فرحة " بابا .. الماما .. بابا ييب لي هلاوة .. مانيب مناتنها .. ابا هلاوة .. زين ..

" طالعني و قال ب براءة و هو يمد التلفون لي "

مايد : البابا يبيث ..

أخذته من عنده .. و يلست ع الكرسي الي عدال التلفون ..

ليلى : السلام عليكم
جاسم : و عليكم السلام ..
ليلى : تبيني ..؟
جاسم : هيه .. بس ب اخبرج اليوم ب ايي البيت اتغدى .. موب متغدي في الشغل ..
ليلى : تتغدى ..!!! ليش عسى ما شر ..
جاسم : يعني الواحد لما يبا ييلس مع ولده شوي تقولين شر ..
ليلى : لا .. ما كان قصدي ..
جاسم : انزين .. مع السلامة ..
ليلى : الله يسلمك ..

غريبة اول مرة يرد البيت يتغدى .. اه بس غمضني لما قال ب اييلس مع ولده .. ليش ما قال زوجتي .. ليش انا موب زوجته .. وقفت و رحت اتأكد من الغدى .. بس قبل ما أدخل المطبخ .. التلفون رد مرة ثانية يدق .. رحت له .. كان الرقم خارجي .. شكله من البحرين ..

ليلى : الوو..
راشد : السلام عليكم ..
ليلى : و عليكم السلام .. هلا راشد .. شلونك .. و شلون أمي .. العنود شلونها ..؟؟ هاه بشر حملت ؟؟
راشد : ههههههههههه .. شبلاج جيه .. كل هذا اجاوب عليه مرة وحدة ..
ليلى : شو اسوي بعد .. مشتاقة لكم ..
راشد : قلنا لج قولي ل جاسم اييبج هني تسكنين ..
ليلى : شلون اييبني يا راشد .. و انت تدري ان شغله .....
قاطعني : ايه أيه .. عرفت ما يحتاي تعيدين .. اقول لج امي تبا تتكلم معاج ..
ليلى : عطني اياها وحشتني ..
ام راشد : و شلونج بنيتي ..؟!
ليلى : الحمدلله بخير .. انتي شلونج ؟؟
ام راشد : بخير الله يسلمج .. شلون ميود و جاسم ..
ليلى : طيبين ..
ام راشد : ليلى ..
ليلى : امري يمه ..
ام راشد : ما يامر عليج عدو .. بس ب اقول لج .. ان مريم تعرفينها .. اخت فارس ..
ليلى : ايه و منو ما يعرفها .. فديتها شلونها ؟؟
ام راشد : مريم توفت ليلى ..

شلت السماعة من اذوني و طالعتها مدة ..

ام راشد : الوووو .. ليلى وينج ؟؟
ليلى : معاج .. بس شلون ماتت ؟؟ و هي ....
ام راشد : واحد مدري شو اسمه .. ناصر .. يصير أخوها .. دعمها ب السيارة ..
ليلى : شووو .. ما يدري لو متعمد ..
ام راشد : الا متعمد .. الله يقطعه ..
ليلى : لا حول و لا قوة الا ب الله العظيم .. عيون شلونها الحين ؟؟
ام راشد : الله يعينها .. بس اقول لج لا تقولين لها منو الي دعم مريم ..
ليلى : ليش عاد ؟؟
ام راشد : مدري .. بس امها قالت لنا ما نقول لها ..
ليلى : الله يرحمها .. الا العنود ما حملت ..
ب صوت خافت : لا ل الحينه ..
ليلى : ليش ما يسوون فحوص ..
ام راشد : سوو كذا مرة بس ما يفيد .. هرمونات موجودة .. بس ما يدرون ليش ما تحمل .. الله يفرجها .. والله العنود بنت و لا كل البنات .. و ان شاء الله تييب ل وليدي الذرية الصالحة ..
ليلى : الله يسمع منج ..

صوت الباب ينصك .. اكيد جاسم وصل ..

ليلى : يلا يمه جاسم وصل ..

**"أنت غرآمي وجنوني"** · 02-05-2011, 10:33 PM

رد: عيـــــون فآرس /رومانسسيه وكآمله

ام راشد : سلمي لي عليه ..
ليلى : يوصل ..
ام راشد : مع السلامة ..
ليلى : الله يسلمج ..

مايد : بابا ..

حمله و رفه فوق .. حباه في خده ..

جاسم : يا عيون بابا انت ..

طالعني .. بعدها مشى لين الغرفة .. اه ل متى ب اعيش ه الحياة .. من تزوجته ما شفت السعادة في عيونه .. ادري به يحب هيفاء .. بس انا هم أحبه .. ما اقدر اشوف ويا حرمة غيري .. وقفت و رحت ل المطبخ .. فتحت درج المطبخ و طلعت الصحون .. غسلتهم و صفيتهم ع الطاولة .. خليت الغدى ..

دخل جاسم ..

صبيت العصير في الكاسات .. طالعت جاسم

ليلى : مريم .. زوجة اخو " عصيت ع اسناني " هيفاء .. سلطان .. توفت ..
بدون ما يطالعني : ايه دريت ..
ليلى : و ليش ما قلت لي ..؟؟

صخيت لاني اول مرة اتكلم معاه جيه .. بس الحمدلله ما رد علي .. قطع علي تفكيري .. مايد يسحبني من تنورتي ..

مايد : ماما ابا هلاوة ..
بدون ما اطالعه : اوووه .. وخر ميود .. اسنانك ب يروحون جيه .. من الصبح لين الحينه و انت حلاوة و حلاوة ..

يطقني ع ريلي ب كف ايده و هو يصيح ..

مايد : ما ابا .. ابا هلاوة .. ابا هلاوة ..
صرخت عليه : مايد ..

ك العادة يصيح و يتعفر في الارض .. نزلت ل مستواه باخذه عن الارض .. بس في نفس الوقت نزل جاسم .. رفعت نضري اطالعه .. و ل أول مرة تتلاقى عيوننا ..

باعدت عيوني عن عيونه بسرعة .. و وقفت .. شلاه ع الارض و هو بعده يصيح ..

رد جاسم يهديه ..

جاسم : ماعليه بابا .. ب اعطيك حلاوة بس انت تغدى ..
مايد : ما ابا ..

ادري به ما ب يسكت الحين .. مشيت و انا اتذكر الموقف الي صار من مساع .. أخذت نفس و فتحت خزانة المطبخ .. طلعت منها علبة الحلاوة .. شلت ثنتين في يدي .. و رحت يم جاسم .. مديتهن ل مايد ..

ليلى : ها ميود يودها حلاوة ..

يود جاسم من رقبته و هو مبرطم ..

مايد : ما ابا ..
ليلى : عيل شو تبا ؟؟
مايد : ابا هلاوة ..

حركت الحلاوة جدام عيونه ..

ليلى : هذه شو عيل ؟؟

رد و ابتسامة عريضة مرتسمة في شفته ..

مايد : هلاوة ..

أخذها من ايدي و بسرعة فتحها .. جنها ب تطير .. حمله جاسم و يلس ع الكرسي قبال الطاولة .. يلس مايد ع الكرسي الي عداله .. و انا يلست قبالهم ..

مايد : بابا .. ثوف ماما أتتني هلاوة .. انا احبها .. انت تحبها بابا ؟؟

انصدمت من الي قاله مايد .. صج انه قالها ب ببراءة .. بس كان هذا الكلام ب يحدد كلام قلبي ..

طالعني جاسم جنه يبا يشوف ردة فعلي .. بس انا نزلت راسي ..

رد جاسم و هو يلعب ب شعر مايد ..

**"أنت غرآمي وجنوني"** · 02-05-2011, 10:36 PM

رد: عيـــــون فآرس /رومانسسيه وكآمله

..::] الجزء الثاني و العشرون .. الفصل الأول [::..

مايد : بابا .. ثوف ماما أتتني هلاوة .. انا احبها .. انت تحبها بابا ؟؟

انصدمت من الي قاله مايد .. صج انه قالها ب ببراءة .. بس كان هذا الكلام ب يحدد كلام قلبي ..

طالعني جاسم جنه يبا يشوف ردة فعلي .. بس انا نزلت راسي ..

رد جاسم و هو يلعب ب شعر مايد ..

جاسم : انت ليش تحب الماما ؟؟
مايد : لانها تأتيني هلاوة
جاسم : بس !!
مايد : و بأد هممممممممم " خلى صبعه في بوزه " لانها الماما ..
أبتسم له : ايه انا احبها لانها اختيه ..
مايد : لا هذه أمك ..
جاسم : امبلى أختيه .. في حد في الدنيا ما يحب أخته ..
مايد : بس الماما تحبك ..

غمضت عيني .. اه ع المصيبة .. شو قال ميود .. جاسم يعتبرني اخته .. بس انا زوجته يا ناس .. شكلي الوحيدة في هذا العالم الي مصدقة اني زوجته .. فتحت عيني ب هدوء و طالعت جاسم وسط الدموع شوي عرفت اميز ملامح ويهه .. ما كان منصدم .. الا كانت جامدة و عادية ..

جاسم : الماما قالت لك ..؟!
مايد : ايه ..

فجيت عيني لأني ابد ما تكلمت معاه في مثل هذا .. خلاص خدي احترق من الدموع الي بدت تطيح ..

جاسم : شو قالت ؟؟

بس بس يا جاسم لا تسأله .. خلاص ..

مايد : انت لما ثرخت عليها امث ثاحت ..

طالعني بعدين رد طالع مايد ..

مايد : قالت لي ان انا اهبه بث هو ما يهبني .. و ...

سكت شوي لانه كان يطالعني بعدها اشر علي ..

مايد : ثوفها ماما تثيح ..

طالعني جاسم ..

وقفت و ركضت الغرفة .. و دموعي مثل السيل ع خدي ..

فتحت باب الغرفة و رميت روحي ع السرير .. ضميت المخدة ل صدري و اطلقت ل دموعي العنان ..

انفتح الباب و أنصك ..

جاسم : شو فيج ؟؟

نشيت عن السرير .. مشيت دموعي ب كف يدي .. و همست ..

ليلى : ماشي ..

يلس يمي ع السرير ..

جاسم : ماشي !!!!!! و منين هذه الدموع .. كل هذا ع الي قاله ميود ..

طالعت الجهة الثانية .. صح كلامه .. سبب موب مقنع اني أصيح ..

همست : اسفة .. ما كان قصدي ..

الحركة الي يات منه .. و جن ماي انصب ع ويهي .. زخ ايدي و همس ..

جاسم : انتي تحبيني ليلى ؟؟

مر أسبوع علي و ل الحينه ذكري ه اللحظة في عقلي .. أتذكره لما قال لي " تحبيني ليلى ؟؟ "

شلون همسه منه هزت كل مشاعري .. صوته عيونه .. خلت دمعتي غصب تطيح ..

جاسم : تحبيني .. ؟؟
ليلى : ليش عندك شك !!

توقعته ب يرد علي انه يحبني .. بس كلماته خلتني أصيح ب صوت مفجوووع ..

جاسم : تدرين اني اعتبرج اختيه .. تزوجتج و قلبي موب معاي .. تدرين صح ؟؟؟ " عص ع ايدي " انتي تدرين اني أحب هيفاء و تحت الحاح أمي و اخوها بعدين طلقتها .. و انتي رغم كل هذا قبلتين تتزوجيني ..

رديت عليه و انا اشهق من البجي ..!

ليلى : عيل طلقني .. ما ابا اعيش معاك ..
رد منصدم : مينونة انتي .. و مايد تبين تفرطين في ولدج ..
ليلى : مايد موب ولدي و انت تدري ..
صرخ علي : بس ليلى .. لو شو يصير ما ب اطلقج ..
ليلى : حرام عليك يا جاسم .. ما ب تطلقني علشان تعيشني في عذاب .. " رديت أصيح "

سكت شوي .. نزل راسه بعدها طالعني ..

جاسم : اذا كنتين تحبيني ضلي .. ليلى لا تصيرين ياهل .. ادري بج عاقلة ..

طالعت الجهة الثانية ادخل ه الكلام في مخي .. محد قال اني ابا أتطلق .. بس بدون شعور قلتها له ..

جاسم : ليلى ..

مسحت دموعي ب كف ايدي ..

ليلى : ن ع م
جاسم : مشكورة ليلى ..

طالعته و ب التحديد عيونه .. الي من تلاقت موب مثل كل مرة تتنافر ..

ليلى : ليش ؟؟
أخذ نفس : ربيتين مايد و هو موب ولدج .. مايد ولدي و انتي ما مانعتين تربينه .. عاملتينه شرات لو كان ولدج .. هملتج و انتي ما نطقتين الا تميتي ساكتة ..
ليلى : جاسم لا تقول جيه .. انت قبل ما تصير زوجي .. انت ولد خالتيه ..
أبتسم : عيل نشي ..
عقدت حواجبي : وين ؟؟
جاسم : من متى ما طلعتين من البيت .. قومي لبسي مايد و لبسي و انا ب اخلص شغلي و ب ارد لكم ..
ابتسمت موب مصدقة : من صجك جاسم ..
جاسم : ايه .. عيل اجذب ..

اه لو احد كان يمي قلت له يقرصني .. ابا اتأكد كل هذا حلم لو واقع .. شلون طلعت معاه .. لعبنا ميود و رحنا مطعم تعشينا و الجو كان أحلى جو عشته من أخذت جاسم ..

.....

" فارس "
بيتنا .. 3:00 العصر

( بعد أسبوع )

طالعت عيون .. كانت يالسة قبال التسريحة .. تحط لها ميك اب .. توها من يومين شوي بدت تخلي الأسود .. بس الحينه شلون اقول لها ترد بيت أهلها لأني اليوم مسافر أودي شوق و ميثا .. و هي أصلا حتى ما تعرف ب سالفة اخواني .. و لا تدري ان عندي أخوات و حتى الي دعم مريم هو أخويه .. قطع علي تفكيري صوتها ..

عيون : فارس .. حبيبي شو فيك موب ع بعضك ..

نشيت عن السرير و يلست عدالها ..

همست : ما بي شي ..!!
أبتسمت : تصدق فارس .. باجي بس شهرين و أولد .. ب تصير أبو و انا أصير أم ..

أكتفيت ب ابتسامة .. عقدت حواجبها و زخت أيدي ..

عيون : حبيبي لا تخبي علي انت مريض .. فيك شي ..!!
فارس : ما بي شي .. لا تخافين ..
عيون : شو ما أخاف و انا أشوفك ب هذه الحالة ..
فارس : انزين عيون " أخذت نفس " حبيبتي قومي شلي أغراضج ..
عيون : ليش ؟؟
فارس : ب اوديج بيت أهلج .. عندي شغل ل الشركة ب اسافر و اذا رديت اخذج ..
عيون : تخليني و انا حامل ..
فارس : فهميني عيون الشغل مهم و ما يتحمل تأجيل ..

نزلت راسها و يلست تلاعب اصابع ايدي ..

عيون : حتى أهم مني ..

رفعت راسها ..

فارس : هو في شي في الدنيا أهم منج ..

أبتسمت لي .. وقفت .. و نزلت ب صعوبة ب تطلع الشنطة .. نزلت بسرعة و طلعتها ..

فارس : لا تعبين روحج ..
عيون : ليش شو فيها .. ما صارت شنطة ..
فارس : تحملين شنطة و انتي حامل و انا موجود أطالعج ..

ابتسمت و طلعت ثيابها و خلتهن في الشنطة .. ما توقعت انها ترضى بسرعة جيه ..
طلعت من الغرفة .. و طلعت تلفوني .. اتصلت ع زياد ..

**"أنت غرآمي وجنوني"** · 02-05-2011, 10:38 PM

رد: عيـــــون فآرس /رومانسسيه وكآمله

زياد : هلا فارس ..
فارس : شلونكزياد ؟؟
زياد : الحمدلله بخير .. انت شلونك ؟
فارس : بخير .. شوق و ميثازاهبين ..
زياد : ايه زاهبين ..
فارس : قول لهن اني الحينه ياي لهن ..
زياد : ان شاء الله ..
فارس : الحينه أخليك ..
زياد : اوكيه .. معالسلامة ..
فارس : الله يسلمك ..

صكيته .. و احس ان عاصفة ياية في الطريج .. الله يستر ..

....

" رهف "
بيتنا .. 3:25 العصر

رهف : خالتيه ..

شالت فنجان القهوة عنها و خلته ع الأرض ..

ام سامر : امري بنيتي ..
رهف : ما يامر عليج عدو .. الا دريتين ان عيون اليوم ب تيي البيت ..
تتنهد : ايه دريت ..
رهف : شو قالت لما عرفت عن اخوان فارس ..
ام سامر : ما تدري ..

و شربت رشفة من الفنجان ..

رهف : شو ما تدري .. ؟؟
ام سامر : مدري والله .. فارس قال ما يباها تعرف ..
رهف : اوكيه .. ليش عاد ..
ام سامر : مدري لا تسأليني ..

صوت الجرس ..

رهف : انا ب اشوف منو !!

وقفت ورحت ل الباب .. فتحته شفت عيون جدامي .. لميتها و بستها في خدها ..

عيون : شلونج رهف ؟؟
رهف : بخير .. انتي شلونج ؟؟ شلون الحمل معاج ..؟
عيون : تعبانة منه ..
رهف : ههههههههه .. انزين دخلي داخل .. الا وين فارس ؟
عيون : ينزل شنطتي ..
رهف : وين ب يسافر ..؟
عيون : يقول كندا عنده شغل هناك ..
رهف : انزين دخلي ليش واقفة برى ..

أبتسمت لي .. دخلنا .. راحت ل خالتيه .. سلمت عليها و باستها ع راسها .. يلست يمها ..

ام سامر : ما قالج كم ب يبقى هناك ..

أبتسمت و حركت راسها ب النفي ..

عيون : لا ما قال ..
ام سامر : الا وينه ؟؟
عيون : ينزل شنطتي ..

انفتح الباب و دخل فارس ..

فارس : السلام عليكم ..
الكل : و عليكم السلام ..

باس خالتيه ام سامر ع راسها ..

فارس : شلونج خالتيه ..؟؟
ام سامر : بخير .. الله يسلمك ..

طالعني ..

فارس : شلونج رهف ؟؟
رهف : الحمدلله .. يسرك الحال ..
فارس : عيل وين سامر ..
رهف : طلع ويا غفران ..

يلس يم عيون شوي .. تكلمنا في مواضيع متفرقة .. بس ما يبنا طاري اخوان فارس .. لان عيون معانا ..

طالع ساعته ..

فارس : انا تأخرت ..

وقف ..

فارس : مع السلامة ..

.....

" عيون "
بيت ابويه .. أربع العصر

أحس قلبي انقبض .. شاكة ان فارس موب رايح ل شغل ..
طالعته .. كان واقف ب يمشي و يتكلم ويا أمي ..
قبل ما يمشي .. بدون أرادة وقفت و زخيت ذراعه ..

عيون : فارس .. ب ايي معاك ..
فارس : بس انا مسافر شغل موب سياحة تيين معاي ..
صحت : الله يخليك فارس ب ايي معاك .. ما اباك تروح ب روحك ..

وقفت أمي و باعدتني عنه ..

ام سامر : بس عيون .. قال لج عنده شغل ما ب يتأخر .. كلها كم أسبوع ..
رهف : عيون تعالي معاي الغرفة .. شكلج تعبانة ..
صحت شرات اليهال : ما ابا .. أبا اروح معاه ..

بس فارس مشى .. شلت ايدي بسرعة و ركضت ب اطلع من البيت ..

ام سامر : عيون .. عيون .. بنيتي تعالي .. رهف .. نشي بنيتي اتصلي ع سامر خله ايي ل أخته ..

فتحت باب الحوش .. و طالعت فارس ب يركب سيارته .. زقرته و دموعي تطيح ..

عيون : فارس ..

وقف .. و طالعني .. نزل من السيارة و تقرب مني .. ركضت له و تناسيت حملي ..

عيون : فارس .. لا تخليني ..
فارس : وين أخليج .. هذا بيت هلج ..

صحت مرة ثانية ..

عيون : فارس انت ما ب تروح ل شغل صح ؟؟

طالعني جنه يبا يخفي ملامح ويهه ..

فارس : امبلى عندي شغل .. ب اخلصه و ب ارد ..

دفنت راسي في حضنه و انا أون شرات اليهال .. رفع ايده و ضمني ل صدره ..

بس مسرع ما شالني عنه ..

فارس : عيون .. ما ب أتأخر .. ب الكثير شهرين ..
عيون : شهرين !!!!!!!! " صحت ب صوت أعلى " شهرين ب تودرني علشان شغل .. و الياهل أول ما يفج عيونه ع الدنيا وين أبوه ..

خلى ايده ع كتوفي ..

فارس : قلت لج ب الكثير .. مع السلامة عيون .. " ب حنية " أهتمي في روحج ..!

باسني في خدي و ع راسي .. جنه ما ب يشوفني مرة ثانية و مشى ..
كنت ب اروح له .. بس انهد حيلي و طحت ع الأرض .. لما شفته يختفي جدام عيني .. خليت ايدي ع الارض و عصيت ع ركبتي .. صرخت و انا اطالع اثر طيفه ..

عيون : فارس

بطلت عيوني .. " نشيت متروعة كل هذا حلم " بس لما شفت ويه أمي و رهف و اخويه سامر خايفين .. طاحت دموعي ..

عيون : وين فارس ؟؟

زخت امي ايدي ..

ام سامر : عيون .. حبيبتي لا تعبين روحج .. نامي ..
صحت : ما ابا .. ييبوا لي فارس .. ابا فارس ..
سامر : فارس ما ب يتأخر .. ب يرد .. عنده شغل .. بس انتي لا تسوين في روحج جيه ..

غمضت عيني و رديت نمت ..

.....

" أحلام "
بيتنا .. غرفتيه

يودت ريول بدر ولديه و انا احركها .. قلت ب صوت مسموع ..

أحلام : يا ليتني أشوفك يوم تحرك هذه الريل ب روحك .. تراكض في البيت و انا الحق وراك .. اقرك بدر بدر حبيبي تعالي أكل هذا .. أو تعال البس الجوتي .. " ابتسمت و غمضت عيوني

**"أنت غرآمي وجنوني"** · 02-05-2011, 10:44 PM

رد: عيـــــون فآرس /رومانسسيه وكآمله

أتخيل الدنيا ب هذا الشكل " الحينه الي ب عمرك يحبون ع ركبهم .. " طاحت دمعتي " بس ليش انت ما تمشي .. ليش ؟؟!

.... : لان هذا قدر ربج ..

طالعت ورىكان بشار .. تقرب مني و باسني في خدي ..

و يلس ع الكرسي الي عدالي ..

بشار : لا تسوين في روحج جيه ..
أحلام : ما اقدر .. ما تشوفه انت .. وده برى .. دور له أي علاج ..
بشار : قالوا لج ماشي فايدة .. برى لو في البحرين ..

طالعت بدر و صميته ل صدري و انا أصيح ..

.....

" هيفاء "
بيتنا .. الصالة

باستني امي ع راسي ..

ام سلطان : اللهيوفقج بنيتي ..

خليت راسي ع حضنها و هي تمت تمسح عليه ..

هيفاء : موبناقصنا الا سلطان ..

حسيت ب حرارة دموع أمي الي كانت تطيح ع راسي ..

ام سلطان : اه .. وينك يا وليدي ..

شلت راسي ..

هيفاء : انا ب اتصل ب أحلام أبشرها .. الا تدرين ب اتصل ب عيون ..

طالعت اميالجهة الثانية و هي تمسح دمعتها ..

ام سلطان : عيون !! الله يعينها ه البنت ..
عقدت حواجبي : ليش شو فيها ؟؟
ام سلطان : فارس مسافر علشان يودي اخواته لخالته ..
هيفاء : انزين .. و ليش شو فيها عيون ..؟؟
ام سلطان : ما تدري حتىب سالفة الاخوات ..
فجيت عيوني : ما تدري !!!!!!!!!
ام سلطان : ايه ماتدري .. فارس موب راضي احد يقول لها ..
هيفاء : ليش ؟؟
هزت كتوفها : مدري ..

شلت تلفوني الي يمي ..

ام سلطان : ل منو ب تتصلين ..؟؟
هيفاء : ل عيون ..
ام سلطان : لا تقولين لها ..
هيفاء : ايه ادري ..

رهف : الو ..

هيفاء : السلام عليكم ..
رهف : و عليكم السلام ..
هيفاء : شلونج رهف ؟؟
رهف : بخير .. انتي شلونج ؟؟
هيفاء : بخير ..
رهف : وينج ما تنشافين ..؟
هيفاء : كنت أسجل ل الجامعة .. و نجحت في السياقة ..
رهف : صج .. الف مبروك .. شوسجلتي ؟؟
هيفاء : فنون ..
رهف : صج .. مبروك ..
هيفاء : الله يبارك فيج .. الا وين عيون ؟؟
تتنهد : نايمة ..
هيفاء : اوكيه .. سلمي لي عليها ..
رهف : يوصل ..
هيفاء : مع السلامة ..
رهف : الله يسلمج ..

طالعتأمي ..!

هيفاء : راقدة ..
ام سلطان : ما قلت لج تعبانة ..
أخذتنفس : الله يساعدها ..

....

" شوق "
المطار .. نسافركندا

شوق : فارس ابا أروح الحمام ..
فارس : انزين .. نشي ..
ميثا : و انا ..
فارس : شو ب يصير لج .. ضلي هني دقيقتين و حنا رادين ..

وقف ..

فارس : يلا شوق .. بسرعة لأن نص ساعة و تطير الطائرة ..
شوق : اوكيه ..

وقفت بعد تردد ..

**"أنت غرآمي وجنوني"** · 02-05-2011, 10:45 PM

رد: عيـــــون فآرس /رومانسسيه وكآمله

مشيت وياه .. و انا اشوف الكل جنهم يطالعوني .. زخيت فارس من ذراعه .. طالعني ..

فارس : شو فيج ؟؟
شوق : خايفة ..

طالعت الممر الي نمشي فيه .. شفت حرمة من شافتنا جنها انصدمت .. تكلمتويا الحرمة الي يمها و ذيك طالعتنا منصدمة .. طالعت الجهة الثانية ..

.....

" عيون "
بيت أبويه .. الصالة

( بعد ثلاثساعات )

عيون : يمه تعبانة ..
ام سامر : قلنا لج .. روحي رقدي ..

طالعت الجهة الثانية ..

عيون : و شلون اييني رقاد و فارس موب معاي ..
رهف : ما عليه عيون .. كلها شهر .. لو شهرين ..
عيون : تشوفينها قليلة ..

تين .. تين ..

" صوت الجرس "

رهف : انا ب اشوف منو ..

وقفت .. شوي و ردت ..

رهف : عيون .. في بنت تبيج برع ..

وقفت ب صعوبة ..

عيون : تبيني انا .. وينها ؟؟
رهف : دخلتهاالميلس ..

مشيت ل الميلس .. و انا حاطة ايدي ع ضهري من التعب .. فتحت الباب .. أبتسمت لما شفتها .. سلمت علي .. بستها في خدها ..

عيون : دانة .. وينج من زمان ما شفتج ؟؟
دانة : شو نسوي مشاغل الدنيا ..
عيون : تفضلي ..

يلست عدالها ..

دانة : ريلج وينه ؟؟
أستغربت : ليش .؟ مسافر ..
دانة : ويا منو ..
عيون : ليش تسألين ..
دانة : انتي جاوبيني ..
عيون : عنده شغل .. سافر ب روحه ..
دانة : سافر ب روحه .. " مدت ليتلفونها " عيل هذه منو الي معاه ..؟

يودت التلفون و ايدي ترتجف .. وقفت لماشفت الصورة .. فارس وياه بنت و مساكتنه من ذراعه .. كا عليها حجاب و لابسة قصير .. طاح التلفون من ايدي ..

دانة : حبيبتي عيون .. انا موب قصدي افرق بينج وبينه .. بس ييت انبهج ..
صرخت عليها : طلعي برى .. ما ابااشوف أحد هني ..

حوطت ويهي ب ايدي و يلست أصيح ..

( بعد شهرين )

نزلت من الدري و ايدي ع ضهري .. الحينه انا فيشهري الاخير .. و اشك ان اليوم ب اولد من الألم .. خلاص بعد كل هذا عشت ويا الوضع .. فارس تزوج علي .. و سافر ويا حرمته .. و الصورة الي ورتني اياها دانة أكدتي ليكل هذا .. فارس ما يحبني !!! و هو ل الحينه حتى ما رجع من السفر ..

كنت بادخل الصالة .. بس تراجعت .. قلت ب ادخل الميلس ..

يودت باب الميلس .. فتحته .. بس حسيت ب رجفة في كل جسمي .. لما تعلقت عيوني ب عيون فارس ..

>> يتبع

**"أنت غرآمي وجنوني"** · 02-05-2011, 10:48 PM

رد: عيـــــون فآرس /رومانسسيه وكآمله

الجزء الاخيير

نزلت من الدري و ايدي ع ضهري .. الحينه انا في شهري الاخير .. و اشك ان اليوم ب اولد من الألم .. خلاص بعد كل هذا عشت ويا الوضع .. فارس تزوج علي .. و سافر ويا حرمته .. و الصورة الي ورتني اياها دانة أكدتي لي كل هذا .. فارس ما يحبني !!! و هو ل الحينه حتى ما رجع من السفر ..

كنت ب ادخل الصالة .. بس تراجعت .. قلت ب ادخل الميلس ..

يودت باب الميلس .. فتحته .. بس حسيت ب رجفة في كل جسمي .. لما تعلقت عيوني ب عيون فارس ..

لحظة فيها التقت نضراتي ب انضار فارس .. الي من شافني وقف .. كنت ابا احرك ريلي اطلع من الميلس .. بس شي خلاني أوقف .. و أتأمل في الانسان الي عطيته قلبي .. بس خيانته كانت أكبر ..

بلعت ريجي و رديت ع ورى ويا كل خطوة كان فارس يخطوها لي .. مد لي ايده !

فارس : تعالي .. عيون انا فارس ..

حركت راسي ب النفي شرات اليهال .. و دموعي تطيح .. عقد حواجبه و هو يتقرب مني .. دعمت في اليدار .. اليدار الي يمنعني اني اتباعد ب خطوات اكثر من فارس .. زاد بجيي لما تقرب فارس مني و صار قبالي ..

فارس : انا فارس ..

يود ايدي و سحبتها بسرعة و انا اصرخ عليه ..

عيون : خلني .. ما اباك .. خلني .. خلني " أختفى صوتي ويا البجي "

حسيت ويا ألم بطني الي زاد .. ألم المواجهة ! كنت ب اواجهه ب زواجه علي .. بس العبرة خنقتني .. و طلعت من الميلس موب امشي الا اركض .. وقفت عند حافة الدري .. لأن الألم زاد و حسيت روحي ب تطلع .. طحت ع الارض و انا مسندة روحي ع طرف الدري .. صرخت و انا ميودة بطني ..

عيون : اه .. يمه .. لحقي علي ب امووووووووووت ..

الالم زاد و انا اشوف علامات الارتباك في ملامح امي و رهف .. بس فارس ليش واقف هني كنت ب اصرخ ب اقول له يروح .. بس سبقتني امي ..

ام سامر : فارس .. وليدي شنو تنطر .. عيون شكلها ب تولد .. خلنا نوديها المستشفى .. رهف قومي ييبي عباتي و شيلة عيون ..
همست : ان شاء الله !

تقرب مني جنه ب يحملني .. نسيت ألمي و دفرته عني ..

عيون : روووح عني ما اباك .. " رديت اصيح "
ردت امي تهديني : يمه عيون .. ما يصير جيه .. تبين تولدين في البيت ..
عيون : ما ابا .. نادوا لي سامر .. ابا س س اه .. ب اموووت ..

مدري شو قالت امي ل فارس .. هذه المرة تقرب مني و وقفني .. حاولت اباعده .. راسي دار والالم كل ماله و يزيد .. خلاص أحس روحي ب اموووت .. لبستني رهف الشيلة ..

وداني ل السيارة .. ركبت ويايه امي .. و سندت راسي ع ريلها و تقرا علي قران ..

وصلنا المستشفى .. نزلت ب صعوبة .. و انا اصييييح من الالم .. دخلت حجرة الولادة و انا اصيح موب من الالم .. الا من العذاب الي ينتظر الي ف بطني ..

فجيت عيني .. و انا اطالع المكان ..

همست : يمه ..

سمعت صوتها الدافي عدالي ..

ام سامر : الحمدلله ع سلامتج ..

غمضت عيوني .. و انا اتذكر .. خليت ايدي ع بطني و انا اشوف ان مافي انتفاخ .. ابتسمت أبتسامة صغيرة .. فتحت عيوني و طالعت امي ..

عيون : انا شو يبت ؟؟
ابتسمت لي : بنت !
عيون : بنت !!!
ام سامر : ايه .. مريم

غمضت عيوني من نطقت أسم مريم ..

عيون : يمه .. وين فارس ؟؟!
ام سامر : يسجل البنت ب اسمه ..

طاحت دمعتي !!

عيون : بنته ..
ام سامر : ايه بنته .. عيون شبلاج ؟؟

عدلت يلستي ع السرير .. و أخذت نفس ..

انفتح الباب و انصك .. كانت رهف .. أول ما لمحتها غفران تركض لي .. ركبت فوق السرير ..
حضنتها ..

غفران : وين البيبي ؟؟؟؟

ابتسمت لأني أصلا مدري وينها ..

ردت أمي : خذوها يبدلون لها ..

تقربت مني رهف .. باستني ..

رهف : الحمدلله ع سلامتج ..
ابتسمت : الله يسلمج .. وين سامر ؟؟
سامر : موجود !!!!

باسني ع راسي ..

سامر : شلونج الحينه ؟؟
عيون : بخير ..
سامر : هاه شوو مسوية لهم العفسة لما ب تولدين .. ما سوت رهف مثلج ..

ضحكت عليه .. سامر ابد تعليقاته ما يخليها .. حتى وقت الي احس قلبي فيه مفجوع .. ضحكني
..::] .العنود. [::..

المستشفى .. 3 العصر

راشد : كم رقم الحجرة ..
العنود : مدري .. قالوا 158 .. في قسم الولادة ..
راشد : هذا الجناح يعني ..
العنود : ايه .....

قبل ما اكمل .. تسندت ع الجدار و غمضت عيني ..

راشد : حبيبتي .. شبلاج ؟؟
العنود : تعبانة شوي ..
راشد : تعالي اوديج الطبيب ..
العنود : لا ما يحتاي ألم و ب يروح ..
راشد : الحينه حنا في المستشفى .. يمكن حامل ؟؟
طالعته ب نص عين : يا ليت .. بس ....
راشد : لا بس و لا شي .. تعالي نروح ..

**"أنت غرآمي وجنوني"** · 02-05-2011, 10:53 PM

رد: عيـــــون فآرس /رومانسسيه وكآمله

/
/
/

الدكتورة : مبروك المدام حامل
..::] .هيفاء. [::..
بيتنا .. غرفتيه .. 3:15 العصر

طق طق طق ..

همست : منو ؟؟
ام سلطان : انا ..

قمت و فتحت الباب ..

ام سلطان : هاهما ب تسيرين ويايه ..
عقدت حواجبي : وين ؟؟!
ام سلطان : ل عيون بعد ل منو ..
هيفاء : اه .. مضغوطة .. بكرة علي .....
قاطعتني : ايه ايه .. بس بسدرينا ..
هيفاء : يمه حرام .. بس هم ب اسير .. الجامعة في صوب و عيون بنتخالتي في صوب ..
ام سلطان : هههههههههه ..

" صوت الجرس "

امسلطان : ب اروح اشوف منو .. انتي تجهزي ..
هيفاء : ان شاء الله ..

مشتأمي .. انا لبست عباتي و شيلتي .. ردت لي و شكلها متوترة ..

هيفاء : منو !!
ام سلطان : تعالي الميلس و ب تشوفين ..

عقدت حواجبي ومشيت ..

فتحت الباب .. اول ما شفتها .. وقفت جامدة .. " ليلى "
وقف جاسم .. وهو حامل مايد .. طالعوا بعض و ابتسموا ..

ليلى : شبلاج هيفاء ؟؟
هيفاء : ماشي .. حياكم تفضلوا ..

نزلت راسي لما شفت نضرات جاسم .. بس هذه المرةانا قوية .. موب شرات كل مرة اهتز من أول نضرة ..

ليلى : جاسم تكلم ..
جاسم : هيفاء انا ... " سكت شوي " انا و ليلى يايين نردج لي ..
عقدتحواجبي : شو ؟؟
ليلى : استغربتين صح ؟؟ بس انا اشوف سعادة ولد خالتي معاج .. حتىلو كنتين ب تصيرين زوجته ..
هيفاء : ........ " مستغربة "
جاسم : هاهشو قلتين .. امج تدري و موافقة ..
رديت بسرعة : متى ؟؟

ابتسموا لي ..

نزلت راسي ..

ليلى : شو ردج ؟؟

وقفت .. و طالعتهم ..

هيفاء : تتوقعوني ارجع ..

وقف جاسم ..

جاسم : و ليش ماترجعين .. و حتى لو ما ب ترجعين لي .. ردي ل ولدج ..

طالعته مصدومة ..

هيفاء : ولدي !!!!!!!!
أخذ نفس : ايه ولدج .. لما طحتين ما سقطتي .. الا ولدتين .. و الياهل ..

" رفع مايد "

هيفاء : بس ....

وقفت ليلى و تقربت مني ..

ليلى : شو ردج هيفاء ؟؟
هيفاء : انتون الحينه خيرتوني بين الموت و الحياة ..
جاسم : قصدج حياتج معاي شرات الموت ..
حركت راسي ب النفي : حياتي معاك شرات الحياة و بدونك الموت .. و انا اخترتالحياة ..
ام سلطان : كللللللللللللوش

طالعت وراي .. و انا أشوفسلطان واقف و ابتسامة صغيرة في شفته ..

سلطان : مبروك هيفاء ..

وقفتجامدة .. سلطان هني ..
طحت في حضنه .. جني خايفة انه يروح شرات ماراح قبل ..

سلطان .. سافر بعد وفاة مريم .. لما حس ان نفسيته اعتدلت رد .. وردت روحي معاه ..

**"أنت غرآمي وجنوني"** · 02-05-2011, 10:56 PM

رد: عيـــــون فآرس /رومانسسيه وكآمله

..::] .شوق. [::..
كندا

عفدت وراها أصرخ ..

شوق : ساروووونة .. و صمخ ..

وقفت ..

سارة : لوهي أني ..
شوق : شوف .. عند امج يا الدبة ..
سارة : انتي دبة ..
ميثا : شوق .. خليها .. زيغتي الياهل ..

يودتها من خدودها و سحبتها .. حبيتها ب دفاسة ..

شوق : أحبها ..
اليازية : شوق .. خلاص خليها ..

ضحكت ويلست يمهم ..

شوق : ما يتكم أي أخبار عن فارس اخويه ..
اليازية : احم .. قصدج ولد خالتيه ..
شوق : لا .. حنا بعد بنات خالتج ..
اليازية : ههههههههههه .. اتصل يقول زوجته ولدت ..
شوق و ميثا : صج !!!!!!!

طلعتخالتيه فاطمة من المطبخ ..

فاطمة : ايه صج ..
شوق : خالو .. ما ب نسيرالملاهي اليوم ..

يلست يمي ..

فاطمة : عنبووه .. ما تملون انتوا ..
شوق : الله يخليج خالوو ..
فاطمة : اليوم لا .. ب نرد البحرين الاسبوعالياي ..
فجيت عيني : شووووو ؟؟؟
فاطمة : هههههه .. شبلاج ..؟ ابا اشوف حرمةولد اختيه .. و بنته ..
ميثا : يابت بنت ..
فاطمة : ايه بنت ..

وقفت ..

شوق : زين عيل ب اروح اشيل اغراضي ..

زختني خالتيه من ايدي ..

فاطمة : تعالي .. وين رايحة .. لاحقة بعدين .. خلينا نيلس ويا بعض شوي ..

يلست يمها و بستها في خدها ..

شوق : اممممممممواح .. تامرين امر .. كم خالة عندي ..
بعد قليل .. مع عيون ..!!!

و نهايةالنفق

" عيون "

مر يومين و انا في المستشفى .. حتى ما شفت فارس .. قربت سرير الياهلة مني .. راقبت خدودها المحمرين .. بستها في خدها .. و شلتها .. رفعتها .. حسيتها تبا تفتح عيونها .. من ولدتها ما شفت عيونها .. فتحتها ..

بسرعة غمضت عيوني .. من شفتها .. حسيت ب رجفة .. جني أشوف فارس .. جدامي .. قطع علي تفكيري صوتها تصيح .. خليت صبعي ع بوزها و اخذت احركه ..

عيون : اممم .. بس مريومة .. بس حبيبتي خلاص ..

افففف .. شكلها موصخة .. امس امي قالت اني ب اطلع اليوم .. تقول سامر ب اييني و هو ل الحينه ما يا ..

طلعت حفاضة .. و بدلت لها .. ما تتصورون شعوري .. شقد كنت منقرفة .. الا كنت فرحانة لأني صرت أم ..

لفيتها جسمها الصغير في الفوطة .. و طلعت من الحمام .. اول ما شفته كان فارس توه فاتح الباب .. أبتسم لي .. بس انا فريت ويهي موب مهتمة ..

خليتها ع السرير .. و لبستها الحفاظة .. عدلت ثيابها .. أبتسمت و انا اشوف صغر ثيابها .. تذكرني ب غفران لما يابوها لي المستشفى اول ما ولدوها !

حسيت ب يد تتحسس ويهي .. رفعت ويهي و انا عاقدة حواجبي طالعت فارس .. الي من طالعته شال ايده .. شلت الياهل و خليتها ع السرير ..

يلست ع السرير .. خليت مريم في حضني .. و طالعته جني اقوله " شو تبا ؟؟ "

رد ب حنية : حبيبتي عيون .. شو فيج متغيرة علي جيه ؟؟
رديت محرجة : ما ابا اسمع اسمي ع لسانك ..

تقرب مني .. و انا تباعدت ..

فارس : طيب .. ليش ؟؟ انا شو سويت ؟
قلت ب خوف : فارس .. لا تتقرب مني ..

يلس عدالي ع السرير .. حسيت ب رجفة في جسمي !

قلت بسرعة : اطلع برى ..

زخ ايدي ..

فارس : زعلانة لاني سافرت و خليتج ؟؟

حاولت اشيل ايدي بس فارس كان زاخنها ب قوة ..

عيون : هدني ..
فارس : قبل ما تقولين لي شو فيج ؟؟
صرخت عليه : خلني ..

شال ايده و طالع الياهل .. حملها و طالعها ..

فارس : تشبهج صح ؟؟
عيون : ...... " مطنشته "
فارس : ما تبين تردين علي ..

وقف و هو حامل مريم ..

عيون : وين ب تروح ؟؟
فارس : بيتنا بعد وين .. نشي شيلي اغراضج ؟
عيون : ابا أروح بيت هلي ..
فارس : و انا اقول لا ..
عيون : ما ابا ارد وياك .. فارس طلقني ..؟

طالعني مصدوم ..

فارس : اطلقج !!!

عيون فارس /رومانسسيه وكامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget