عيون فارس /رومانسسيه وكامله

**"أنت غرآمي وجنوني"** · 02-05-2011, 03:15 PM

رد: عيـــــون فآرس /رومانسسيه وكآمله

عيون : مشكورة ..
.. : العفو ما شويت شي .. و الأجر عند الله ..
و ابتسمت لي .. انا ب نفسي رديت لها الابتسامة ..
... : ياية مع أهلج ..
عيون : أي .. و انتي ؟
... : انا ياية مع ريلي .. شهر العسل ..
عيون : مبروك
... : الله يبارك فيج ..
عيون : الا ما قلتي لي عن أسمج ؟
... : هند
عيون : و النعم
هند : الله ينعم في حالج .. و انتي شنو اسمج ؟
عيون : يعني لازم ..
هند : ليش شنو فيه اسمج ..
عيون : ولا شي .. عيون ..
هند : انتي من وين
عيون : من البحرين
هند : و انا من الكويت .. حلو الريف صح ؟
ابتسمت لها : أي وايد .. انا تأخريت ع ريلي ..
هند : انتي متزوجة ..
عيون : أي
هند : و ليش متزوجة و انتي صغيرة ..
عيون : ههههههه عمري 20
فتحت عينها : شنو ؟
عيون : 20
هند : من صجج ..
عيون : أي
هند : العمر كله ان شاء الله ..

و اكتفينا ل هذا الحد .. لانها راحت ل زوجها .. و انا رحت لقيت فارس واقف و شكله معصب .. رحت فيها الحين ..
فارس : جان ما ييتي ..
عيون : ....
فارس : افففف .. و انا منو قال لي اخذ ياهل معاي ..
عيون : ياهل الا أنت .. و بعدين محد طقك ع يدك و قال تعال خذني معاك ..
فارس : أقول تعالي اشتري لج ل ملجة مريم و عرس العنود .. احسن لنا ..
عيون : ......

مشيت وراه .. دخلت واحد من المحلات .. كان اليشمك .. ما عيبني شي .. كان اللون الغالب عليهم الوردي .. و انا مليت من الوردي .. ف حبيت اخذ لي لون ثاني ..
دخلت المحل الثاني والثالث و بعد ما عيبني شي ..
صرخ علي : الى متى بعد ..
عيون : أفففف.. تقدر تروح تيلس هناك و انا الي باخذ لي ع كيفي ..
فارس : صدقيني اذا يات الساعة 4 و انتي ما اخذتي شي .. ب نمشي .. و أخذي لج من البحرين ..
عيون : يكون أحسن بعد ..
و مشيت عنه .. دخلت محل الصراحة الفساتين يهبلون .. طالعتهم ب حيرة .. فكرت اخذ ل خطوبة مريم شي بسيط .. كان فارس واقف برع ..
اخترت لي فستان لونه أزرق فاتح .. كان وايد طويل ( هذا موديله ) و بدون أكمام .. اخذت لي من نفس المحل شيلة لونها أبيض .. تطلع حلوة معاه ..
طالعت فساتين السهرات ب حيرة أكبر ..
عيبني واحد لونه أسود .. طالعته .. موديله قصير ل الركبة .. و من ورى وايد طويل .. احسه عاري شوي .. بس فيه من فوق خيط ينربط في الرقبة .. وايد عيبني موديله .. ما أتوقع فارس .. ب يرضى ألبس جذي .. بس عناد له .. باخذه ..
اخترت اللون أحمر ..
و أخذت معاه شيلة سودة .. و فيها ورود لونهم أحمر ..
دفعت و طلعت ..
فارس : كملتي !!!
عيون : لا
فارس : ل متى
عيون : باقي الاكسسوارات .. و الصندل
فارس : افففف يلا
اخذت لي مع الفستان الازرق شريطة اربطها في راسي لونها أبيض .. و نعال لونه ابيض و فيه فصوص زرقان ..
اما ل الفستان الاحمر .. الصراحة احترت .. في الاخير اخذت لي صندل فيه خيط يصير ع ريلي من فوق .. طالع حلو .. و اخذت ورود حمران .. افكر اصبغ خصلات من شعري أشقر .. و بعدين المهم ب ذلين الورود .. و اسويهم حلزونات طايحين ع شعري ..
خلصت ع الساعة 2 ..
احس بطني يألمني .. يوعانة !!!!
دخلنا مطعم فخم ديكوره قديم و ريفي .. يلسنا ع طاولة تطل ع المطار .. طلبنا لنا .. و يلسنا .. اكلت ب هدوء و فارس نفس الشي .. السكوت هذه المرة ارحم من يصرخ علي .. اكلت و انا ساكتة و ما اعترضت ع شي .. و هو نفس الشي ما تكلم ..
فارس : خلاص كملتي كل شي ..
اكتفيت ب تحريك راسي ب الايجاب ..
فارس : الحين شنو نسوي .. باقي ساعتين ..
حركت له كتفي أوني ما ادري ..
فارس : تكلمي .. انا يالس مع صنم ..
عيون : مثل ما كنت تسوي لي .. انا اسوي لك
فارس : عناد يعني ..
ابتسمت ب سخرية : الي ب تسميه ..
و أكلت من المعكرونة .. حسيت ب لوعة .. اخذت كلينكس و خليته ع بوزي ..
فارس : شبلاج ؟؟
عيون : ما ادري ..
فارس : اذا ردينا البحرين ب وديج المستشفى غصبا عنج ..
عيون : ما أبا ..

**"أنت غرآمي وجنوني"** · 02-05-2011, 03:16 PM

رد: عيـــــون فآرس /رومانسسيه وكآمله

بسما استحملت و وقفت ركضت ل الحمامات .. طلعت كان فارس في ويهي .. مسكني من يدي وضغط عليها ..
فارس : قولي لي شنو فيج ؟؟
عيون : قلت لك ماكو شي ..
فارس : لا في شي ..
عيون : .....

سحبني ل الطاولة .. و يلست .. يلس قبالي ..
فارس : تدرين شنو تقول رهف و أحلام ..
عيون : عن شنو ؟
فارس : عن الي فيج ..
عيون : شنو ؟؟
حوط ويهي ب يدينه ..
فارس : أنج حامل ..
عيون : .... >> ( فتحت عيني )
فارس : من جذي لازم تروحين المستشفى
ابتسمت بسخرية : مستحيل اكون حامل ..
فارس : ليش هو كيفج ..
عيون : لا كيفك انت ..
فارس : لو يطلع انج صج حامل .. شنو ب تسوين !!
ب حركة لا ارادية مسكتيدينه الي كانت محوطة ويهي ..
عيون : أنتحر ..
فارس : علشان بس انج حامل ..
عيون : اقدر بعد ارمي نفسي من فوق الدرج ل تحت
فارس : اذا انا معاج ماتقدرين ..
عيون : لا اقدر ..
فارس : ما تقدرين
عيون : لا ما اقدر ..
فارس : ياهل
قرصت في يده .. ف شال ايده عني بسرعة .. و أخذ يهفعليها .. ضحكت عليه ..
فارس : انا من ارد ب اقص اضافرج ..
عيون : انا اتعبفي تربيتهم و انت تيي اخر زمن و تقصهم ..
فارس : أي ب اقصهم .. أحححححح .. حشىمب اضافر ..
عيون : ههههههههههه
فارس : تضحكين جليلة الحيا
وقفت ..
عيون : يلا ..
فارس : يلا ..

دفعنا الحساب .. و مشينا ..
فارس : وين تبين تروحين ..
عيون : ما ب تاخذ لك ثياب ..
فارس : باخذ من البحرين ..
عيون : ....
فارس : تبين نروح صالة البولينغ ..
عيون : في هنا ..
فارس : ما ادري .. بس اتذكر راشد كان يقول انه اذا أيي يلعب فيها ..
عيون : صج .. عيل ابا اروح ..
فارس : تعالي نروح ..

مشيت وراه .. ما ادري كممرة لفينا ع المجمع لما لقيناها .. بس كانت كبيرة .. انا يلست ع الكراسي .. اطالعهشلون يلعب .. ما يخلي و لا وحدة تبقى ..
فارس : تبين تجربين ..
عيون : مااعرف ..
فارس : تعالي ..
وقفت و رحت يمه .. فارس : شوفي مسكي الكرة من ذلينالثقوب و رفعيها .. بعدين رديها ع ورى و ارميها ..
عيون : زين ..
سويت نفسالي قاله .. بس ما قدرت ارفعها .. و هو يضحك علي ..
عيون : ما اقدر احملها ..
فارس : حاولي ..
كنت ارفعها ب مسافة سانتيمتر او 2 .. و بعدين تطيح .. ثقيييلة ..
ما ادري شلون و في أي لحظة فارس مسك يدي و رفع معاي الكرة .. بقيتاطالعه .. لما تلاقت انضاري ب انضاره ..
أحد فيكم جرب يوقف شريط فيديو ..
يوقف شريط الذكريات في نضري ب هذه اللحظة .. و كأن شريط الدنيا توقف كله داخلعين فارس ..
ابتسم لي و رجعنا الكرة ع ورى مع بعض و رميناها .. صج انها ما كانتزينة .. بس هذا انجاز ب النسبة لي ..
مر الوقت و انا الي ارميها بس ادزها مااحملها ..
لما احملها شوي تطيح ع ريلي ..
قضيت وقت حلو هناك .. و هذه اولمرة اندمج ب هذه الطريقة مع فارس .. مر الوقت بسرعة .. حتى ان حنا ما حسينا فيه ..
طالع فارس تلفونه و فتح عينه ..
فارس : الساعة 4
عيون : شنو !!!!!!
مسكني من يدي و سحبني ..
و انا انافخ : بس الله يخليك .. ما اقدراركض ..
وقف ..
فارس : بسرعة ..
يودت ركبتي و نزلت راسي .. و أخذت أنافخ ..
فارس : عيون .. يلا .. اذا تبين الطائرة تطير أبقي ب روحج ..
عيون : ماني ب قادرة ..
بقيت شوي واقفة بعدها أخذت نفس طويييل ..
فارس : نمشي ..
عيون : أي
مشى بعدها مشيت وراه .. احس اليوم كل شي تغير .. بس ( ابتسمت بسخرية ) ما اضن ب نبقى ع طول جذي .. لحضات مثل كل مرة و تروح ..
فارس : شبلاج ..
عيون : و لا شي ..

وصلنا الباص .. و كان بشار يساعد أحلام تركب .. هههه .. حامل و الحمل متعبنها .. الحين هي في الشهر السابع .. الله يساعدها بس ..
ركبت و رديت مكاني .. و فارس نفس الشي ..
كانت مريم تتكلم مع العنود .. فتحت الستارة و اخذت اطالع الطريق .. دقايق و ب نوصل المطار ز. لان ماشي مسافةوايد .. ساعة ب الكثير و حنا موصلين ..
قطع حبل أفكاري صوت التلفون .. فتحتشنطتي و طلعته .. كانت رسالة من نفس الرقم ..
فتحتها .. و ضليت مدة اترجمالكلام الي مكتوب .. حسيت ب صدمة تسري ب روحي .. هذا منو !!!!!!!
كانمكتوب فيها ..
يتبع ............

**"أنت غرآمي وجنوني"** · 02-05-2011, 03:18 PM

رد: عيـــــون فآرس /رومانسسيه وكآمله

الجزء الخامس عشر

::: من هو بقالي كان عني تخليت وانت الوحيد اللي بعمري بقالي الحب ماهو بس خذني وانا جيت الحي وقفه بين غالي وغالي احلم بشوفك شوفة الحي للميت اللي عن ايامه خذته الليالي :::

فتحتها .. و ضليت مدة اترجم الكلام الي مكتوب .. حسيت ب صدمة تسري ب روحي .. هذا منو !!!!!!!
كان مكتوب فيها ..

" نطرت .. و دقيت عليج كذا مرة .. بس ما اقدر استحمل .. اسمعيني تهديدي ب انفذه و هذا وعد مني انا .. فارس .. عفوا ريلج .. ب اذبحه بطيء و هذا انذار لج "

رغم الكره الي ب داخلي اتجاه فارس .. الا ان انا تعودت عليه .. تعودت كل يوم اصبح ب هواش معاه و انام متهاوشة و زعلانة .. هو في يوم ما أكون زعلانة .. كل يوم دمت اعييش مع فارس .. أتعود ..
تنهدت ب يأس ع مصيري ..
... : شبلاج تتنهدين !!
عيون : ملل .. مريوم متى ب نوصل
مريم : وصلنا !!
عيون : صج
مريم : أي عيل اجذب عليج .. يالله تعالي ننزل ..

مسكتها من يدها و نزلنا .. لما شفت المطار .. راودني الحنين ل البحرين .. أول مرة احس ب الحنية لها .. يمكن لان هذه المرة سفرتي غيير .. و مع ناس عمري ما اتخيلت ان انا ب اسافر معاهم ..
دخلنا المطار و كملنا الاجراءات .. دخلت الطائرة و كان تقسيمنا مثل قبل الرياييل جدام و الحريم ( يعني حنا ) ورى ..
مر الوقت و انا اتكلم مع مريم و شوي مع العنود و بعدها اخذت غفران الاعبها ..
حسيت الوقت مشى سريع .. عكس قبل .. الي كنت احسب فيه الدقايق لما نوصل ..
نزلنا من الطائرة .. بس تأخرنا شوي في الاجرائات .. كانت الساعة 6 المغرب .. الكل متلوم ع الصلاة ..
كملنا و ركبنا في سيارات أجرة .. و كل واحد ل بيته ..
وصلت البيت ..
كل شي حبيته في بيته نساني الهدوء .. الليل .. الصمت .. الألوان حتى لون الورد و الفرحه .. و مكاني داهمتني الغربه ليتني ماجيت ليتني .. رديت حزني .. غرب ضحكتي لساني ضيع كلمتي حسيت ب الياس .. و مشيت كنت بشكوك و شفت الحقيقة في عيونه .. تعترف ب كل شي .. كان يطالعني و كأنه فاهم مشاعري ..
اه منك يا فارس ..
دخلت البيت .. طالعته و كأني أول مرة أشوفه .... ضيعت في البداية الغرفة بعدها لقيتها ..
فصخت شيلتي و رميتها .. توضأت و فرشت سجادتي ابا أصلي ..
دخل فارس .. خلى الشنط .. بعدها فصخ جاكيته و طلع من الغرفة .. يمكن ب يروح المسيد .. اعوذ بالله من الشيطان الرجيم .. انا خلني اصلي ب الاول ..
صليت و قريت سورة الرحمن و ياسين ..
فصخت حجاب الصلاة و رديت السجادة و القران مكانهم ..
طالعت ساعتي كانت 7:15 ..
و ل الحين فارس ما يا .. انا شبلاني أفكر فيه ..
طلعت من الغرفة .. أحس ب الم خفيف في بطني و عندي رغبة في الترجيع .. بس .. الي خايفة منه تطلع شكوك رهف و أحلام في مكانها .. ان انا حامل !!

لا مستحيل .. انا قلت ب انتحر اذا صرت حامل .. دخلت المطبخ .. بس ما ابا اكل ..
يلست ع واحد من كراسي الصالة و تنهدت .. طالعت كل زاوية من زوايا الصالة ب يأس ..
بعدها أخذت الريموت .. و فريت التلفزيون فر .. ما لقيت شي زين .. الا مزاجي اليوم متعكر و مالي خلق ل شي ..
بندت التلفزيون و فريت الريموت بعييد .. رميت نفسي ع الكنبة الطويلة و حضنت المخدة الي كانت عليها .. احس نفسي ابا اصييح .. هذا فارس وين ذلف .. و خلاني ب روحي ضايعة .. أبي أعيش ب دنيتي دونه .. مثل الطيور الي بها الجو حره أبي اطوي سنين وامسح جروح داخلي مستمره ولأني على الي راح باجية وندمانة كله مقدر لي ب خيره وشره .. بس هذه كلها أحلام .. ضاعت و ضاعت كل امنياتي و امالي ..

.....

دخلت البيت و دخلت الشنط .. كانت تصلي .. شكلها حلو و بريء .. ما يخلو من الخشوع .. طلعت من الغرفة .. ب أروح المسيد ..
ركبت سيارتي .. و فتحت باب الكراج و طلعت .. افكر اصفي حسابي مع ناصر .. النذل .. وصلت فيه الجرأة انه يهدد حرمتي ..
أخذت تلفوني .. طلعت رقمه و اتصلت عليه .. فيني نار ابا اطفيها و ما ب القى غيره الحين ..
بس كان مشغول .. اكيد يكلم وحدة من خايساته .. ( ابتسمت ب سخرية ) .. شنو يقول .. " خل لي عيون .. لان انا حبيتها قبلك " ههههههه .. الي يسمعه يقول انا اموت ع التراب الي تمشي عليه .. انا لو على كيفي تركتها .. بس وصية المرحوم في رقبتي ..
خليت التلفون ع السايلنت .. و دخلت المسيد صليت و رديت السيارة .. ناصر كان داق علي ..
بسرعة دقيت عليه ..
ناصر : لا خلا من فارس ..
صرخت عليه : الله لا يخليك قول امين
ناصر : يا اخي ليش كل ه الكره .. ماكل حلالك انا
فارس : قول مطفشني في كل وقت
رد علي ب ببروده المعتاد : انا !!!
فارس : لا الطوفة
ناصر : قلت لك .. تبيني اخليك في حالك اترك لي عيون
فارس : ليش هي لعبة اتركها لك
ناصر : ما لي خص

**"أنت غرآمي وجنوني"** · 02-05-2011, 03:21 PM

رد: عيـــــون فآرس /رومانسسيه وكآمله

فارس : عيون ما ب خليها لو ع قص رقبتي
ناصر : ههههههههه
فارس : انا قلت شي يضحك !!
ناصر : ....
فارس : أبعد عن حرمتيو هذا اخر كلام بيننا ..

و صكيته ب ويهه .. يا ربي انا شنو أسوي الحين .. ناصر كان أعز اصدقائي و الدنيا قلبتنا .. عسى الدنيا الفنى .. و لا أعيشها ..
ب أروح الشركة اكيد الشغل الحين متراكم .. وقفت في البارك الخاص لي .. فيالبداية ما رضيت ان عيون تسجل الشركة ب أسمي .. بس هي اصرت .. رغم انها تكرهني الاان عينها تقول انها تثق فيني .. او جدام اهلها .. تبي تبين لهم ان زواجنا عادي وماكو شي فيه ..
نزلت من السيارة و قفلتها .. خليت المفتاح في جيسي .. دخلتالشركة .. سلموا الموضفين علي .. حتى ان انا مب متعود ع كلمة طال عمرك .. حضرةالمدير .. كنت معاهم عادي .. و كأني واحد من موضفين الشركة ..
دخلت غرفة مكتبي .. لقيت السكرتيرة ..
السكرتيرة : اهلا استاز فارس ..الحمدلله ع السلامة .. نورت الشركة
ابتسمت لها : منورة ب أهلها .. سميرة شلون الشغل الحين .. ؟
سميرة : الحمدلله .. بس شي أوراق تحتاج توأيعك..
فارس : زين ييبهم لي ..

و دخلت المكتب .. ماكو شي تغير فيه .. يلست ع الكرسي .. و طالعت الورقةالي كانت هناك .. صفقة بسيطة نسيت ما وقعتها .. قريت شروطها .. بعدها رفضتها .. احسها ب تسبب خسارة في الشركة .. انفتح الباب و انصك ..
سميرة : استاز فارس ..
طالعتها و عطتني الاوراق ..
فارس : وايد
سميرة : تراكم الشغل و ما عادفي حد يوأع فيهن ..
فارس : عسب اصحاب الصفقات ما عصبوا ..
ابتسمت لي : لا .. انا فهمتهن الوضع و ما فيهوش أي مانع ل الشركة ..
فارس : الحمدلله ..

طلعت .. دقايق و ردت ..
سميرة : استاز فارس .. ريال يبيك برع ..
فارس : قولي له يدخل ..
سميرة : حاضر استاز ..

دخل الريال رفعت راسي عن كومةالاوراق الي جدامي .. و وقفت .. طالعته متعجب .. ابتسم لي ابتسامة سخرية و خلى يدهفي جيبه .. تقربت منه و صرخت عليه ..
فارس : انت شنو تسوي هنا
... : ياياصفي حسابي معاك ..
فارس : ناصر .. اذا عندك كلام .. قوله و خلصني ..
صرخ علي : ابا عيون
فارس : و انا قلت لك لا .. ليش هي لعبة تعطيني اياها و اعطيك اياها ..
ناصر : نسيت لما كنت ادرس معاك في ماليزيا .. نسيت لو اذكرك .. شلون كنتاتكلم لك عنها و ان انا احبها و اذا رديت اتزوجها .. و انت شلون اخذتها مني و .....
قاطعته : لا انا ما اخذتها .. انا نفسي ما كنت ادري ان هذه هي ..
دمعتعيونه : لا كنت تدري .. بس كنت تحقد علي .. تبي تعذبني ..
خليت يدي ع كتفه : لاانا ما كنت ابا اخرب عليك .. بس نسيت انك اعز اصدقائي ..
ابتسم ب سخرية : كنت
فارس : غصبا عني اخذتها .. فاهم
ناصر : هههههههههههههه .. جذب على غيري .. ليش انت بنت يغصبونك .. و هي ب شنو تقرب لك علشان يغصبونك عليها ..
فارس : تبيتعرف شنو الي خلاني اخذها تعال اقولك ما تبي .. الباب يوسع يمل ..
ناصر : لا ماابا .. ما اباك تجذب علي اكثر .. روح دور لك ع غيرها ..
دزني ع الجدار ..
ناصر : اضنك قريت كل الرسايل الي دزيتهن ل عيون .. ( ابتسم ب استهزاء ) قصديزوجتك .. ب تموت .. بس ع بطيء ..

و طلع عني .. وقفت و ضربت الجدار ب كفايدي .. خليت راسي ع الجدار .. انا عمري ما توقعت اصير في مثل هذه المواقف .. شلونهذا ما يفهم .. خلاص البنت صارت في ذمتي .. شلون يبيها ..

نشيت ع أذان الفير .. توضأت و صليت .. طالعت فارس شلون نايم .. قلت أوعيه ل الصلاة .. امس ما يا الا متأخر ..
وقفت و رحت يمه ..
همست : فارس
فارس : ......
مسكت كتفه و هزيته ب هدوء ..
عيون : فارس
فتح عيونه و انا شلت يدي ..
رديت ل السجادة اخذت القران و فتحته ع سورة البقرة .. و أخذت أقرأ ..
اما هو ف نش من النوم .. و راح ل الحمام .. اخذ شاور و طلع .. انا شلت القران و فصخت حجاب الصلاة و شليتهم .. طلعت لي ثياب ابا اخذ شاور .. احس نفسي مخنوقة .. شفته يطالعني بس انا ما عطيته أي اهتمام .. دخلت الحمام .. اخذت شاور و بعدها لفيت شعري ب الفوطة .. طلعت شفته يمشط شعره .. رحت ل التسريحة و فتحت شعري .. اخذت امشطه و انا اراقب فارس من المنضرة ..
كملت و رفعته ..
طلعت من الغرفة و دخلت المطبخ فتحت الثلاجة .. امممممممم .. يوعانة ابا اكل شي .. اخذت لي لبنة و لفيتها في خبز .. اكلت منها شوي .. بعدها انسدت نفسي عن الاكل لما سمعت صوت سيارة فارس .. اتذكرت ليلة امس .. الحين ب يخليني بروحي بعد ..
فزعني لما دخل المطبخ .. سويت نفسي أوني مب مهتمة رميت الخبز في الخمام .. و غسلت الصحن و السجين .. طلعت من المطبخ و دخلت الغرفة .. فتحت تلفوني .. مريم كانت داقة علي !!
دقيت عليها ..
مريم : هلا ب الطش و الرش
عيون : يا هلا و الله ب حبي
" هنا دخل فارس و بقى مدة يطالعني "
مريم : ما تدرين شنو صار ..
عيون : شنو !!
مريم : تعالي الشقة و ب اقول لج ..
عيون : متفيجة انا !! .. و بعدين يا خسارة ما عندي سيارة .. جان ....
قاطعتني : لا تتعذرين .. امممممم .. تدرين ب اروح الجامعة .. و اذا رديت ب ايي لج و مرة وحدة اسلم ع فارس ..
خفضت صوتي : اصلا هو متى ايي .. يخليني بروحي ..
" اضنه سمع .. بس طنشته "
مريم : تصدقين الجامعة بدونج ما تسوى ..
عيون : اكيد الجامعة بدوني ما تسوى ..
" فارس اضنه استين .. طلع و صك الباب ب قوة وراه "
مريم : متفائلة ..
عيون : مريوم .. ادق لج بعدين .. باي

ما سمعت ردها و صكيته .. خليت التلفون ع التسريحة و طلعت ورى فارس .. كان توه يمشي سيارته .. الحين خايفة يضن شي ثاني و يجتلني .. يا ربي الحين شنو اسوي .. ؟!
دخلت البيت ..

.......

" ما يذلني شوق مخلوق للطين عايد دام رضى بعدي صار بعده يوم عيدي "

داريتج يا عيون بما فيه الكفاية .. و لها عين تكلمه جدامي .. ضربت السكان .. بس ما اكون فارس ان ما ربيتج .. مشيت السيارة بسرعة .. صج ان انا اكرهها .. بس عزة نفسي ما تسمح لي اشوفها تتكلم مع ريال جدامي لا و تقول لها " هلا و الله ب حبي " ..
وصلت الشركة و نزلت صكيت الباب ب عصبية .. دخلت مكتبي .. حتى سميرة ( السكرتيرة ) استغربت .. كل مرة ادخل مبتسم و اصبح ع كل الموضفين الا اليوم .. ما إلي نفس ..
رميت نفسي ع الكرسي .. و ضميت ويهي ب يدي ..
سميرة : خير استاز فارس .. شكلك تعبان
فارس : لا مافي شي .. انتي روحي ل شغلج ..
طالعتني و بعدها مشت بدون أي كلمة ..
يا عيون .. فقدت اغلى صديق لي علشانج و الحين تكلمين ما ادري منو و جدامي بعد .. افففففففف ..

......

ضليت يالسة في الصالة و انا احركريلي ورى و جدام .. ب اموت من الخوف .. و الله

**"أنت غرآمي وجنوني"** · 02-05-2011, 03:22 PM

رد: عيـــــون فآرس /رومانسسيه وكآمله

طريقتي خطأ و مليون خطأ .. الحين شنو ب يسوي فيني .. اذا ما جتلني زين ..
وقفت و اخذت اروح و ايي و ادخلالمطبخ و بعدها اروح الغرفة الزجاجية .. لما اذن الضهر .. صليت .. و قريت قران .. سمعت صوت باب الكراج .. شلت السجادة بسرعة و قلبي يضرب ب قوة ..
اخذت نفس طويل .. و طلعت من الغرفة .. دخل فارس و تم مدة يطالعني .. نزلت راسي و طاحوا خصلات شعريع ويهي باعدتهم و بعدها طالعت فارس ..
تقرب مني و زخني من شعري .......

**"أنت غرآمي وجنوني"** · 02-05-2011, 03:24 PM

رد: عيـــــون فآرس /رومانسسيه وكآمله

الجزء السادس عشر

تبيني اضحك وانا بداخلي هموم .. تبيني ابكي وشوف الناس فرحانه عيت البسمه على شفاتي تدوم .. ترتجي طيف له الروح ولهانه .. "

نزلت راسي و طاحوا خصلات شعري ع ويهي باعدتهم و بعدها طالعت فارس ..
تقرب مني و زخني من شعري ..
أخذت اطقه ع يده و اصيح : هدني هدني ..
زادت قبضته ع شعري .. حتى ان انا حسيت ان شعري ب ينجلع من مكانه ..
صرخ علي : منو الجلب الي كنتين تكلمينه
صحت : ......
انعقد لساني عن الكلام .. مب رايمة انطق ب كلمة .. شو هو صدق كل شي .. انا كنت ارمس مريم .. مريم .. مريم .. بس حتى لو قلت له ما ب يصدق .. عيل انا الي قلته هين .. لا لا هب هين .. كفاية عيون كفاية لا تلومين نفسج .. ما ب ينفع لومج ما ب ينفع ..
فارس : ما تتكلمين ..
رديت عليه و انا اشهق من البجي : ما كنت اكلم احد ..
فارس : اقول لج تكلمي ..
عيون : ....
رماني ع الباب و نزل ل المستوى الي انا فيه .. مسكني من ذراعي .. غمضت عيوني من الخوف ..
صرخ علي : وين تلفونج ..
عيون : .......
فارس : وين تلفونج ..
تكلمت ب صعوبة : ع التسريحة
تركني بس يا ليته ما تركني رقعني ب الباب .. و رفسني في بطني .. حسيت روحي طلعت مني .. الم في ضهري و بطني ما اروم اوصفه لكم ..
طلع من الغرفة و كان في يده تلفوني .. شوو ب يسوي فيه ؟؟؟
طلع من البيت بعد .. هذا مينون ..
اه .. بطني .. صحت ب حرقة مصير .. حرام عليه .. هذا بدون احساس .. ذبحني .. جتلني .. عساك.....
و خلاص انقطعت انفاسي عن الكلام ..

........

" فارس "

قليل ب حقج هذا !!
ما اكون فارس ان ما ربيتج ..
[Children are wearing new clothes
Bright colours fill the streets
Their faces full of laughter
Their pockets full of sweets
Let us rejoice indeed
For this is the day of Eid
" ل الامانة : كلمات أغنية العيد ل سامي يوسف "

فارس : هذه رنة تلفون عيون ..
اخذته شفت الرقم كان " الغالي "
فجيت عيني .. شوو !! الغالي بعد ها .. اشوف الحين منو ه النذل الي تكلمينه ..
شلته بس ما تكلمت ..
فارس : ........
... : السلام عليكم .. ( كان صوت رجولي .. )
صرخت عليه : من معاي !!
... : فارس .. انا سامر .. شو ما عرفتني ..
شلت التلفون من اذوني و طالعته .. " الغالي " هو سامر .. هذا اخوها .. لاول مرة في حياتي احس ب الذنب .. ضلمتها .. جذي تسوي الغيرة .. ما اجذب اعترف و جدامكم .. مدري شو الشعور الي ياني لما قريت الغالي .. غيرة لو شوو !! .. مدري .. لحد يسألني الحيين .. !!
سامر : الووو .. الووو .. فارس وينك !!

ما إلي خلق ل شي .. صكيت التلفون في ويهه و رميته ورى .. خليت راسي ع السكان .. ما ب تصدقون اذا قلت لكم ان دموعي نزلت .. هيه نزلت .. طقيتها .. و هي ما لها ذنب في شي .. بس انا ل حد الحين هب متأكد من الي كانت تكلمه ..
ضليت مدة ع ه الحال .. الوم نفسي و حالي ع الي سويته .. كنت معصب و خليت كل حرتي فيها .. و هي ما سوت شي .. ما سوت شي ..
شلت راسي عن السكان ب ثقل كبير .. مسكت راسي و عصيت عليه .. انا شوو اسوي الحين .. شو اسوي .. منو يقول لي .. ما تسمعون .. الحيرة ب تقطعني .. منو يقول لي منو منو منو !! تكلموا قولوا لي أي شي .. حالي ما يدري بها غيير الله و انتوا تقرون سطوري و تشوفون حيرتي و كل هذا و لا احد ينطق .. لا تيلسون تقرون و تتطمشون .. ب تعذبوني .. قولوا لي الحين شلون اعتذر منها و اعوض لها عن الي سويته شلون (شلون) هذه جلمة من أربع احرف بس معناها كبيير في جوفي كبيير و وايد بعد !!
مشيت السيارة و انا مدري وين اروح .. شفت نفسي جريب من البحر .. بركنت السيارة و نزلت .. لفحتني نسمة هوى طيرت شعري ع ورى ..
يلست ع اقرب حجرة هناك .. الملم كل شي .. احمل هم الحين .. بس ما اعرف شلون اشيله و ارميه .. يا ليت الارض انشقت و بلعتني قبل ما اسوي الي سويته ..
عيون .. !!
و منو معذبني غيرج يا عيون .. " خليت يدي ع راسي و عصيت عليه " مليت الصمت و السكون الي مالي حياتنا .. لو ما صار الحادث .. جان الحين انا بخيير .. بس هذه هي وصيتك يا عمي .. انك تعيشني انا و بنت اخوك ب هم و عذاب .. كل يوم نلوم نفسنا .. كل يوم !! ماشي تطور في حياتنا ماشي .. الدنيا .. اه منج يا دنيانا اه منج ..
ضليت اراقب البحر شلون تلتطم امواجه ب بعضها ب صوت مفجوع .. صوتها يدوي في اذوني و كأنه يعاتبني .. هذا البحر ايي افرغ فيه كل همي .. بس هذا الهم كبيير .. ما يستحمله البحر ما يستحمله الكون .. شلون انا استحمله !! .. ما تقولون لي شلون !!
وقفت و تنهدت ..
ركبت السيارة و مشيت .. مدري شلون وصلت البيت .. المهم اني وصلت ..
نزلت دخلت الصالة .. وقفت جامد مكاني .. هذه عيون الي جدامي .. كانت مرمية في المكان الي رميتها فيه يطلع دم من بوزها و ما يتحرك شي في جسمها .. تقربت منها ب خطوات ثقييلة .. جثيت ع ركبتي .. مسكتها من ذراعها و هزيتها ..
فارس : عيون .. ردي علي عيون .. عيون .. الله يخليج ردي علي ..
بس ماشي .. " لا حياة ل من تنادي "
وقفت و رحت المطبخ بسرعة .. شلت ماي و صبيته عليها .. بعد ماشي رد ..

" ماهو غلط تشعر بزلتك وتعود صدري وسيع للعذر والسموحه بس الخطا تجحد وخلق الله شهود تجيني وترسم للاخلاق لوحه "

حملتها و مشيت بسرعة .. قولوا ركضت هب مشيت .. ركبت السيارة و خليت راسها ع ريلي .. مشيت ب اسرع ما عندي ..
ضربت بريك و الحمدلله ما دعمت .. فتحت الدريشة و صرخت ..
فارس : انت ما تشوف ..
صرخ علي : الحين انا الغلطان لو انت !!!

طنشته و مشيت .. حسيت ب حرارة في ريلي .. وقفت السيارة ع صوب .. و طالعت عيون .. كانت تبجي .. يعني ما ماتت عيون .. ضربتها خفيف ع خدها ..
همست : عيون
فتحت عيونها شوي ..
عدلتها و سندتها ع الكرسي ..
تكلمت لي ب صعوبة : انا وين ؟
فارس : ب نروح المستشفى ..
عيون : ما ابا اروح ..
صرخت عليها : مب ع كيفج ..
اخذت تصيح : لا ما ابا اروح .. تبي تطقني شرات ما طقيتيني قبل .. طقني .. شو الي ب تسويه بعد قول لي شوو .. ما ابا اروح .. ما ابا !!
مسكت يدها ..
رديت ب حنية : عيون سامحيني ..
ردت علي و هي تبجي : ما أرد للجمرة وأشيلها بكفي جرحتني مرة وأظنها تكفي كفاية فارس .. كفاية عذاب ..
ما تدري انها جرحتني و قطعتني .. ما تدري .. انها ب كلامها هذا .. ردتني ل جرحي .. ما تدري ب شي .. عيون ياهل .. و صغيرة عن هذه الدنيا .. صغيرة ..
نزلت راسي : كفاية عيون .. لا تعذبيني ..
شلت يدها من ايدي و حوطت ويهها ب يدها و يلست تصيح ..
مشيت السيارة و بركنتها في باركات المستشفى .. نزلت .. فتحت الباب ل عيون ..
فارس : نزلي ..
عيون : ما ابا ..
و ردت تصيح ..
صرخت عليها : ب تنزلين لو انزلج ..
عيون : قلت لك ما ابا .. لا تغصبني ع شي ما اباه .. كفاية اني ضليت في المستشفى سنة كاملة و انت السبب .. كفاية !!
مسكت يدها وسحبتها .. حسيتها مب رايمة حتى توقف .. طاحت ع الارض و هي مساكة

**"أنت غرآمي وجنوني"** · 02-05-2011, 03:26 PM

رد: عيـــــون فآرس /رومانسسيه وكآمله

السيارة ..
نزلت ب مستواها .. و مسكتها من ذراعها وقفتها .. قفلت السيارة.. كانت تمشي بصعوبة ف اسندتها .. كان هذا غصبا عني .. حوطت ب ذراعي ع كتفها و خليتها تمشيغصبا عنها .. تصدقون توني الحين مكتشف ان ما عليها شيلة .. بس هذا الوضع ما سمح ليحتى اتذكر هذا الشي .. اشوفها جدامي تصيح .. ما لاحضت ابد ..
لما شافوهاالممرضات ساعدوني و ودوها غرفة المعالجة .. ضليت يالس ع الكراسي ..

" رهف "

لاحضت انخطاف لونه ..
رهف : شبلاك سامر !!
سامر : مدري .. اتصلت ل عيون .. شلاه فارس و كان معصب و صكاه ف ويهي ..
رهف : شوو يعني .. يمكن صاير شي في الشركة .. و ....
قاطعني : لا صاير شي جايد .. احساسي يقول جذي ..

يت لنا غفران و هي تركض ..و تربعت في حضن ابوها ..
غفران : ثوف .. أموو أهلام تطقني ..
دخلت أحلام ..
احلام : تعالي .. غفرانوو ..
اخذتها من حضن ابوها و حضنتها ..
رهف : بسم الله ع بنتي .. شو بلاج انتي ..
احلام : سالي بنتج .. ام لسانين ..
غفران ب ببراءة : انا ما ثويت ثي ..
احلام : امبلى سويتين .. يا الجذابة ..
غفران : انا هب تذابة ..
سامر : شو مسوية .. ؟؟
احلام تيلس يم سامر ..
احلام : رايحة ل بشار تقول له ان انا اطقها .. و يا لي بشار و هزبني .. " برطمت " يرضيك جذي ..
ضحكنا ..
طقيت غفران ع بوزها ..
رهف : صج غفرانوو .. تجذبين ها !!
غفران : واء ..
و راحت ل سامر تصيح عنده ..

....

" مريم "

يالسة ع طرف الصالة .. ع الكرسي الي كان دايم ييلس عليه فارس .. فارس .. وينك يا فارس وينك فيه !! من رحت .. الشقة صارت وحشة ..
متى ايي بكرة .. ما تصدقون ب اطير من الوناسة .. بكرة يوم ملجتي و خطوبتي .. شلون ما افرح ..
دخلت غرفتي و فتحت الكبت .. طالعت فستان الخطوبة .. ضميته ل صدري .. و رحت ل التسريحة .. يلست و خليت يدي ع خدي .. اخذت اتأمل ملامح ويهي .. و أبتسمت .. فتحت الدرج و طلعت الطقم .. زادت ابتسامتي .. شلت الخاتم و لبسته .. و التراكي و السلسلة .. طالعت نفسي في المنضرة .. طالع رهيييب .. وايد ناعم ..
شلتهم لما سمعت صوت الجرس ..
لبست شيلتي و طلعت .. فتحت الباب كانت العنود ..
العنود : السلام عليكم ..
ابتسمت : و عليكم السلام .. تفضلي .. !!
دخلت و يلسنا في الصالة ..
العنود : شخبار العروس ..
انصبغت احمر : بخييير .. و انتي شحالج !!
العنود : يسرج الحال .. الا اقول لج في وين اخذتي صالة ل ليلة عرسج ..
مريم : صالة طيران الخليج ..
العنود : أي سمعت عنها .. يقولون فخمة ..
مريم : تصدقين ما شفتها ..
العنود : عيل شلون اخذتيها ..
مريم : سلطان الي حجز .. ليش كنسلتين الحجز في الفندق ..
العنود : همممم .. ما اباه .. اخذت صالة الدانة ..
مريم : جذي عيل ..

حبك ليا غالي عليا أحسه بقلبي وأشوفه بعيني حبك ليا بيطمني بيعيشني أحلى سنيني ......
" كلمات أغنية حبك ليا " رنة تلفون العنود ..

الصراحة تنرفزت .. ما احب شي اسمه اغاني .. و هذا الي رباني عليه فارس .. فارس !!
ذكراك في قلبي يا فارس .. الله يهنيج فيه يا عيون .. الله يهنيج ..

العنود : هلا و الله .. الحمدلله بخير .. و انت شخبارك ؟ .. ههههههه .. أي .. شوو !!.. مينون انت !! .. ان شاء الله .. تامر امر كم راشد عندي .. هههههه .. مع السلامة ..
صكته و طالعتني مبتسمة ..
وقفت ..
العنود : يلا الحين ب اروح
وقفت : ويين !! .. ما شربتي شي ..
العنود : ما يحتاي مرة ثانية ان شاء الله .. مع السلامة ..
لويت عليها : الله يسلمج ..

طلعت من عندي ..
احس نفسيي تعبانة حييل .. رمييت نفسي ع السرير .. دقايق و طرت في عالم النيام ..

.....

" هيفاء "

حرام عليه و الله حرام .. ابا اعرف ليش طلقني .. انا شوو سويت .. و أمه ليش ما تحبني لييش .. !! انا سويت شي ما يرضيها .. سويت مثل ما تسوي كل بنت في أم ريلها .. حرضت ولدها عليها .. ما سويت شي من هذا !! .. انا الي كنت اقول له يبقى معاها و ما يخليها ب روحها .. لما حملت .. ما جربتون شعور لما يقولون لج ان ياهل في بطنج .. ذاك اليوم انا نفسي هب مصدقة .. طايرة من الوناسة .. اما جاسم ف كان ما يقل عني .. بس .....
جاسم !!
صحت .. وينك يا جاسم وينك فيه !! ليش خليتني و خليت ذكراك ب قلبي ليييييش ؟؟؟ وين انت فيه الحين .. اكييد تزوجت الي تبيها امك .. و انا خليتني جذي .. ما كنت اضنك ما تحبني .. كنت اشوف الحب ب عيونك .. بس ليش طلقتني ليييش ؟؟؟
" حضنت المخدة في احضاني و داريت دمعتي .. بس خانتني و طاحت .. "
دخل سلطان و شاف الدمعة تجري ع خدي ب ألم و حسرة .. يلس يمي ..
سلطان : هيفاء تصيحين
انفرجت عليه اصيح : وين ما اصييح .. و انا انادي و الصدى يرد الجواب .. لا تقول لي ان انتوا معاي .. " زاد صياحي " محد ب يعوضني في ه الدنيا عن الي انا فييه غير جاسم ..
اختفى صوتي مع الصياح .. حضني و ضل يمسح ع راسي ..
كملت كلامي : انتضرته و طال انتضاري .. منو يتحنن علي و يطفي ناري .. انشدك يا سلطان .. من يداريني و ل فؤادي يداري .. فتح عيونك .. و شوف شوو الحال الي انا الحين فيه .. ما جنت احسب يصيدني جذي ..
رد علي و هو يمسح ع راسي و يمسح الامي
سلطان : لا تفكرين فيه .. الي باعج ب رخيص بيعيه ب رخيص ..
هيفاء : انا ب اشتريه ب غالي .. بس لا يخليني .. لا يخليني ..
وجنتي احمرت من البجي .. ب تطليقه لي خلاني اعييش ب هم .. انا الي ما اتحمل جفاه .. هو الي يامرني و لو موتي له فدى .. رد لي .. جاسم .. لو خذني معاك.. يا جاسم و حاجيني .. توني صغيرة ع لقب " مطلقة " .. هب انت خيمة لي .. هب انت حصني يا جاسم ..
يا جاسم.. رد ليي .. الله يخليك .. لا تخليني اعيش ب حسرة فراقك ..
كان في طفل ب حشاي .. في بسماتي و دمعاتي .. انا احبك يا جاسم .. بس امك .. ذبحتني .. و فرقت بيننا ..

......

" فارس "

ضليت يالس مدة برع غرفة المعالجة .. فكري أبد هب معاي .. الدنيا احسها مفترة في راسي .. وقفت .. و طلعت من المستشفى .. رديت البيت ..
دخلت الغرفة .. و أخذت شيلة ل عيون .. طلعت و رديت المستشفى .. تفاجأت ان الدكتور ل حد الحين ما طلع من الغرفة .. يلست ع الكرسي ب يأس ..
مسكت الشيلة و شميتها .. ريحتها ياسمين .. ريحة تفتح النفس ..
طلع الدكتور ف وقفت

**"أنت غرآمي وجنوني"** · 02-05-2011, 03:27 PM

رد: عيـــــون فآرس /رومانسسيه وكآمله

فارس : خيير دكتور
الدكتور : اخذنا فحوصات لها .. اذا طلعتالنتائج نقول لك !!
فارس : أقدر اشوفها
الدكتور : أي تقدر ..

ما سمعتشوو قال بعدها .. و دخلت شرات المينون ل الغرفة ..
كانت مرمية ع السرير .. والتعب باين ع ويهها .. الحين حسيت ب شدة الي سويته فيها .. تقربت منها و خليت يديع خدها اتحسسه .. غطيت شعرها ب الشيلة و رحت ل الدريشة ..
ضليت يالس اطالعالمكان من برع .. الناس تروح و ترد .. و الدنيا ضلمة .. يلست ع الكرسي و ضليت اطالععيون .. حالها الله يعلم فيها .. الذنب و الألم ب ياكلني .. ليش طقيتها يا فارسليييش !!

......

" عيون "

نشيت من ع السرير و طالعتالمكان .. كان ضلام و ماشي حد .. شوي و دخل فارس .. طالعني بس ما تكلم .. تقرب منيو مسكني من يدي و سحبني .. انا مشيت وراه .. طلعني من الغرفة .. كان المكانضلام وايد .. بس شي ضوى متسلل في زاوية من زوايا المكان .. أشر لي أني أروحهناك .. طالعته مستغربة .. بس مشيت ل المكان الي أشر عليه ..
شفت مريحانة وفيها بنوتة حلوة .. طالعت فارس .. أبتسم لي و رديت الابتسامة .. أخذت أمريح الياهلةو كانت تضحك .. بس فاجأني فارس لما يا .. و شكله معصب .. قلب المريحانة والياهلة طاحت و أختفت من نضري ..
في ذي اللحظة نشيت خايفة .. وين انا فيه !!!!
يعني كل الي شفته حلم ..
الياهلة و فارس و الضلام كل هذا حلم !! تنهدت .. و طالعت المكان فارس كان يالس يم الدريشة و شكله هب معاي .. في مكانثاني ..
قلت ب صوت خفيف : ف ف فارس !!
طالعني مفزوع و كأنه كان فيكابوس و نش منه .. تقرب مني ..
فارس : شلونج الحين !!
طنشت سؤاله : اناوين ؟
فارس : في المستشفى
فتحت عيني : المستشفى !!
فارس : هيه المستشفى
عيون : شو اسوي هنا
فارس : ما تتذكرين

ردت افكاري ل ورى .. هيهصح ..فارس طقني ع سالفة التلفون و .... " ما اذكر شو صار بعد هذا !! "
عيون : ابا ارد البيت
اخذ له كرسي و يلس يم السرير ..
فارس : ما ب تطلعين قبل ماتقولين لي منو الي كنتين تكلمينه

اففففف .. ردينا ل طير يلي ..
رديتعليه : ما كنت اكلم احد
زخني من ذراعي و قربني له ..
رد علي و هو صاك عاسنانه : اقول لج قولي منو الي كنت تكلمينه !!!!!
صحت : كنت اكلم مريم
صرخعلي : جذبي علي ب غيرها
زاد صياحي : و الله كنت اكلم مريم .. و اذا ما تصدقاسالها
طلع تلفونه و مداه لي
فارس : اتصلي لها
اخذت التلفون من عندهو يدي ترتجف .. طاحت دموعي ع شاشة التلفون مسحتها من عليه و دقيت الرقم .. و خليتهميكروفون ..
مريم : هلا فارس !!
عيون : انا عيون
مريم : عيون !! خييرشبلاه صوتج ؟؟
عيون : ماشي .. بس انا اتصلت لج الصبح
مريم : هيه اتصلتي
طالعت فارس ..
رديت عليها و دموعي تطيح : كم كانت الساعة ؟
مريم : مدري .. كانت ع ما اضن 9 لو 9و نص
عيون : انزين .. شو قلت لج في البداية
مريم : لييش تسالين !!
صحت : مريم الله يخليج جاوبيني
مريم : شبلاج عيون
شهقتمن البجي : مريم .. جاوبيني رحم الله والديج ..
مريم : قلتي هلا والله
عيون : بس .. شو قلت بعدها
مريم : مدري .. ما اتذكر
عيون : مريم لاتعذبيني .. تذكري
مريم : همممم .. قلتي هلا و الله ب حبي ..
عيون : مشكورةمريم .. مع السلامة
صكيته و يلست اصييح .. طالعت فارس .. كان يطالعني و علاماتغريبة مرتسمة في ويهه ..
مديت له التلفون ..
مسك التلفون و مسك يدينيمعاه .. طالعته و عيوني ضايعة في بحر الدموع ..
فارس : سامحيني عيون ..
شهقت من البجي : ......
شال يده و شل التلفون .. يلس ع الكرسي و خلى يده عراسه .. المكان كان هدوء ما عدى صوت صياحي ..
شعره كان طويل ل حد انه غطى عينه .. شفت دمعة ع وجنته .. هيه دمعة .. فارس يصيح !!
أول مرة اشوف فارس بهذا الحال .. قطع الهدوء صوت الباب ينفتح و ينصك .. رفعت راسي و فارس بعد رفع راسه ..
كان الدكتور !!
لما طالعنا أبتسم ..
الدكتور : مبروك .. البنتحامل !!
يتبع ...

**"أنت غرآمي وجنوني"** · 02-05-2011, 03:28 PM

رد: عيـــــون فآرس /رومانسسيه وكآمله

الجزء السابع عشر

" اذكراني شفتك البارح وانا ساهي وقبل اشوفك فز لك قلبي وحيييتك ولما شفتك رحت لك مستانسوراهي اركض اركض اركض لين ضميتك "

الدكتور : مبروك .. البنت حامل !!
شووه !! انا حامل ..
مدري شصار الي اتذكره أني يلست اصييح و فارس يهدينيالدكتور طقاني أبرة و بعدها غمضت عيني ..

......

" فارس "

حامل !! ما أروم أوصف لكم شعوري الحين مدري فرحان لو شوو !! بصيرابو يا ناس .. بس ...
أم ولدي ب تكون عيون . ما تدخل في بالي هذه ابد .. صجان مشاعري شوي بدت تتغير اتجاهها بس محد قال اني احبها .. لا انا ما احبها .. اعتبرها مثل اختي مريم هب اكثر .. طالعتها كانت نايمة .. دخل الدكتور و ويهه عابس ..
الدكتور : ما هيك البنت تتعزب " تقرب منها و خلى يده ع جبهتها يتحسسها " متزوجة لو لا !!
عقدت حواجبي : شوو .. اكييد متزوجة وانا زوجها !!
الدكتور : ليش كانت تصيح ؟؟
رحت ل الدريشة و يلست اطالع برع
فارس : مدري
سمعت صوتالباب ينصك .. غمضت عيني و تنهدت تنهييدة طويلة .. ليييش يصير كل هذا !!!!
ياهلالحين في بطنها و الحمدلله ما راح لما رفستها .. ها .. رديت يا فارس ردييت ؟؟بعدك ما خلصت من لوم نفسك و الله شوو بقى ما لمت نفسك فيه .. خلاص الي صار صار و ماله داعي الوم نفسي و اعذبها اكثر من ماهي معذبة .. طالعت ساعتي .. 7:30 .. اذن وصار له مدة بعد .. طلعت من الغرفة ب أروح غرفة الصلاة .. صليت و رديت الغرفة .. كانت نازلة من ع السرير ب هدوء .. نضراتها تقاسيم ويهها كلها ذابلة .. طالعتنيبعدها ردت نضرها في الارض .. مرة تعبانة .. ويهها منقلب اصفر شاحب .. اتكأت عالسرير و مشت لين الحمام الي بالغرفة .. تميت أراقب حركاتها .. يا ربي ب تعذبنيهالبنت شكلها يقول ب تموت .. عيل الصدمة هينة بالنسبة لها .. اكييد لا .. اذا اناكان وقعها كبير بالنسبة لي .. عيل هي الي بتحمل الياهل في أحشائها شو ب يكون ردها .. دخلت الحمام و أخذت تتوضأ ..شوي سمعتها تصيح .. وقفت عند باب الحمام.. كانتمتكأة ع المغسلة ترجع و تصييح ب حرقة حرقت قلبي .. نزلت ع الارض و خلت جبهتها عالمغسلة و مسكت بطنها .. عصت عليه و أخذت تصيح .. طلعت من الغرفة و ناديت لها ممرضة .. دخلت لها و حاولت تهدي فيها و هي تصيح و تشكي الامها للممرضة .. يا ليتها تشكيهمها لي يا لييييت .. مسكتها الممرضة و وقفتها ع ريلها اخذت ل السرير و قالت لهاما تتحرك الحينه لانها تعبانة و قالت لها كم نصيحة و عيون رمت نفسها ع السرير وتنهدت ..
قبل ما طلعت الممرضة سالتها ..
فارس : لو سمحت
لفت لي وابتسامة عذبة ع محياها
الممرضة : نعم
فارس : متى نقدر نرد البيت
الممرضة : بكرة او بعد بكرة
طالعت عيون الي كانت تطالعني .. من طالعتها نزلت راسها ..
فارس : ليش عاد !!!
الممرضة : عيون وايد دمها ناقص و تحتاج ل دم و ل الحينما لقينا متبرع ب دمه
فارس : و انا وين رحت
الممرضة : تقدر تروح ل الدكتور
فارس : وين غرفته
الممرضة : الي جنب هذه الغرفة بالضبط
فارس : مشكورة
الممرضة : العفو .. هذا الواجب !!

من طلعت .. طالعت عيون الي كانت تصيحب هدوء و هي حاضنة المخدة بين يدينها ..تقربت منها..و يلست ع طرف السرير ..
فارس : لا تصيحين جذي !!
خبت راسها في المخدة و زاد صياحها .. رحت لها
فارس : لا تتحركين .. انا رايح اسأل الدكتور عنج و بييب لج عشى ..
طلعت منالغرفة .. تقربت يم غرفتين كانوا مقابلينا ..
سمعت صوت ممرضتين يتكلمون ..
_ شفتين الدكتور طارق شو سوى لما عرف ان البنت الي اسمها عيون حامل !!
_ هييييه .. شفته عصب و رمى الاوراق ع الدكتور سعد و طلع من الغرفة
_ قولي طلع من المستشفى
_ هههههههههههههه ...
_ مسود الويه حنا قبال ويهه 5 اشهر ما فكر في وحدةفيننا الحين هذه تاخذ عقله ب هذه السهولة
_من حقه .. تينن ملاك
_ انااحلى منها
_ اقول لج سكتي عاد .. الجمال الزايد الحين .. قولي غيرانة منها
_ صكي الموضوع .. و قولي لي شفتين ريلها
- هيه اينن
" شووو .. ذلين شكلهميانين "
- وسيييم .. شو كان يبا فيج لما ناداج
- هههههه عيون طايحة عالارض تصيح
- شلون كان شكله ذاك الوقت
- ب يموت من الخووف ..
- يحبهايعني
- هييه اكيد يحبها يا الخبلة هذه زوجته
- يا حظها بس
في هذه اللحظةصج عصبت و فتحت الباب عليهم .. طالعتهم ب نضرات يتطاير منها الشرار .. من شافونيشهقوا .. مشيت عنهم و رحت الغرفة .. دخلت كانت عيون منسدحة و مخلية يدها ورى راسها . من شافتني عدلت يلستها و تربعت ع السرير ..
تقرب منها و اخذت كرسي .. خليته يمالسرير و يلست ..
فارس : شو تبين اييب لج من الكافتيريا
عيون : مدري
صرخت عليها : جاوبيني ع قد سؤالي
غمضت عينها و اخذت نفس طوييل .. فهمت انيطولت صوتي عليها ..
فارس : سامحيني عيون .. ما كان قصدي
طالعتني بس ما تكلمت !!
يا ربي تعبان .. مب قادر استحمل اكثر من الي يصير لي .. خليت راسي ع ريلها ..
همست : تعبان يا عيون تعبان ..
خلت يدها ع راسي و مسكت خصلة من شعري .. ردت علي و صوتها مايل ل البجي ..
عيون : لا تسوي جذي في نفسك .. لا تعذبني خلاص ..
مسكت يدها الي كستها الدموع لاخرها
فارس : لا تصيحين انا معاج ..
كنتب أشيل راسي بس هي مسكته ..
عيون : خلك جنبي لا ترووح
فارس : ما تبينعشى
عيون : لا

مريم "

فريت المجلة بعييد و انا أتأفف ب ملل .. يا ربي الوقت يمشي بطيء .. انسدحت ع السرير و تنهدت يا ربي متى ايي باجر .. أتخيل نفسي مع سلطان .. غمضت عيني ب ترقب .. و انا اشوف احلى حلم ب حياتي ب يبتدي من بكرة .. !!

.....
" رهف "
خليتها في حضني و يلست اهزها و اهزها جان بس تصك بوزها الي بطت أذوني ب هالصوت ..
ام سامر : ها .. شبلاج يا رهف .. ذبحتينها !!!
رهف : طفشتني عسى الله ....
قاطعتني : لا تدعين ع الياهلة عطيني اياها .. تعالي غفورة حبيبتي تعالي ..
اخذت تتامل يدتها و هي ساكتة .. بعدها ابتسمت ..
غفران : يدووو
اخذتها من حضني ..

**"أنت غرآمي وجنوني"** · 02-05-2011, 03:31 PM

رد: عيـــــون فآرس /رومانسسيه وكآمله

ام سامر : يا عيون يدو انتي !! " حبتها في خدها "
سامر : السلام عليكم
الكل : و عليكم السلام
سامر : شلونج الغالية ؟؟ " يحب امه ع راسها "
ام سامر : بخير دامكم حواليني .. " تقرب صوتها ل البجي " بس بنيتي عيون مفتقدتها ..
يلس يمها ..
سامر : عيون مافيها الا الخير يا يمه .. مافيها الا الخير
تمسك يم قلبها : لا يا وليدي قلب الام ما يخطي .. بنيتي فيها شي ..
و اخذت تصيح .. !!
سامر : يا يمه الله يهداج .. شبلاج قلت لج عيون بخير !!
ام سامر : اتصل عليها طمن قلبي الله يطمن قلبك ..
مسك تلفونه واخذ يدق ع الرقم .. خلاه سبيكر ..
سامر : محد يشيل التلفون
زاد صياحها : ما قلت لك عيون فيها شي ..
رهف : زيين اتصل ع فارس
طالعني بعدها دق ع رقم فارس ..

......

" فارس "

رن تلفوني مسكته اشوف منووه المتفرغ الي متصل لي هالحزة ..
كان سامر !!!
عيون : منووه ؟؟؟
فارس : اخوج .. سامر ..
نزلت راسها !! هالعيون عجيييبة مرة معصبة و لسانها ماشي ب طوله بالدنيا و مرة ساكتة و هادية .. تقهر ب ببرودها ..
شلت التلفون ..
فارس : يا هلا ب صاحب هالصوت
سامر : هلا فيك .. فارس ؟؟
فارس : لبييه
سامر : امي ملعوزتنا شلونها عيون .. فيها شي ؟؟
اشرت لي ب يدها انها تبيني .. خليت يدي ع التلفون ..
فارس : خير
عيون : لا تقول له اني في المستشفى
فارس : شووه ؟؟؟
عيون : ما اباهم يكنسلون حفلة مريم ب سببي و قلب امي ما يتحمل صدمات غير !!
فارس : بس انتي حامل و اكيد .......
وقفت لما شفت ملامح ويهها اعتفست .. رديت ع التلفون ..
سامر : ويينك !!! الوو
فارس : معاك ..
سامر : أخبار عيون ..
طالعتها ع طرف عيني : الحمدلله بخيير
سامر : عطني اياها
فارس : ان شاء الله
عطيتها اياه بس هي ما رضت انها تاخذه .. حاولت معاها بس منووه يقدر يقنع عيون !!
فارس : ما هي ب راضية
سامر : لييش عاد !!!
فارس : مدري
سامر : سلم عليها عيل
فارس : يوصل !!
سامر : يلا فيمان الله ..
فارس : فيمان الكريم ..

صكيته من عنده و طالعت عيون ..
فارس : ما تقولين لي الحين ليش ما تبين تكلمين اخوج !!
عيون : اذا رديت البيت اكلمه
فارس : اييي قولي ب تشتكين علي ..
عيون : دامك تعرف ليش تسال ..
فارس : لان انا ما احب مشاكل بيني و بينج تطلع برع
عيون : قصدك عند سامر !! اقول لك سامر مهما ركب و نزل ب يطلع اخوي و .....
رديت عليها باستهزاء : خيير ان شاء الله .. اذا كان اخوج يعني يكون الحل الوسط في كل مشاكلنا ..
عيون و هي تنسدح و تغطي ويهها باللحاف ..
عيون : سمه الي ب تسمييه !!

حركت راسي اونها ما تتغير عنييدة و راسها يابس ..

......

" شوق "

اكييد الحين الكل فاج عينه يقول منووه شوق ؟؟.. الا من وين طلعت !!!
هذه من لحن الخريف غصب ادخل في القصة اوني اشرح الوضع في بيتنا .. من حلاته وضع عاد !!!! هدوء ما غيره هدووء ..
" شوق .. اخت ناصر .. عندها اخت توأم " ميثا " .. 17 سنة .. توجيهي .. "
نزلت من الدري و انضاري تتلفت يمين و يسار .. ماشي حد في البيت كالعادة ..
لا اخوي زياد و لا ناصر .. لحضه في حد يالس في الصالة .. طليت لقيتها اختي ميثا ..
عفدت صوبها و رميت نفسي سع الكنبة الي قبالها ..
ميثا : بسم الله .. شبلاج ؟؟؟
شوق : وين زيود ..
ميثا : عنبوه الي يشوفج تتكلمين عنه يقول اصغر عيالج ..
ب ابتسامة سخرية : لا اكبر عيالي .. و خيير يا طير اكبر مني ب 4 سنوات
ميثا : و 4 سنوات طايحة من عينج ..!
شوق : هب كانج فتحتي معاي تحقيق ..
و هي ترد نضرها ل اللابتوب ..
ميثا : مدري
شوق : شووه تسوين !!
ميثا : تقرير كيميا
شوق : أوووه تصدقين ان انا ما سويت لي .. طبعي لي واحد معاج
ميثا : خيير ..عيدي الي قلتيه ما سممعت !!
شوق : شووه فيها لو اخت ساعدت اختها .. عيب ؟؟
ميثا : اقل انقلعي سوي لج ب روحج ..
شوق : انزين هو مرة وحدة طبعيه نسختين ..
ميثا : لاء
شوق : يا ربي شكثر عنيدة.. مدري ع منو طالعة
ميثا : ع اخوج ناصر
ب استهتار : نناصر .. !!
ميثا : هيه ناصر .. ما شفتيه شلون متمك بالبنت الي مدري شووه اسمها من رد من ماليزيا
عقدت حواجبي : أي بنت ؟؟
ميثا : هييه يا حليلج ما تدرين .. تعالي انا اقول لج ..
شوق : ليش هي وراها سالفة ؟؟
ميثا : و كبييرة ..
تربعت ع الارض .. قبالها !!
شوق : و هذه يلسة ..
يلست يمي ..
ميثا : عيل اسمعي ...

.....

" هيفاء "

كالعادة في غرفتي أداري دموعي .. طق طق .. " صوت الباب "
مسحت دموعي .. و همست ب صوت تعبان ..
هيفاء : تفضل
دخلت امي .. من شافتني غمضت عينها و بقت واقفة عند الباب ..
هيفاء : دخلي يمه ..!
ام سلطان : ما اروم افج عيني و اشوف بنيتي ب هذه الحالة ..
وقفت و رحت يمها .. حبيتها ع راسها و حبيت يدها . !
ربتت ع كتفي ..
ام سلطان : الله يرضى عليج و يعوضج بالريال الصالح

رديينا يا يمه ردينا .. ما ابا اتذكر شي ب خصوص الزواج .. كفاية عذاب حرقة مصير ..
تنهدت : دخلي يمه ..
ام سلطان : لاء.. بالاول قولي تم
هيفاء : ع شووه ؟؟
ام سلطان : قولي تم
هيفاء : تم يمه .. شووه صاير ؟؟
ام سلطان : يلا لبسي عباتج و شيلتج و عفدي وراي

عيون فارس /رومانسسيه وكامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget