عيون فارس /رومانسسيه وكامله

**"أنت غرآمي وجنوني"** · 02-05-2011, 03:52 PM

رد: عيـــــون فآرس /رومانسسيه وكآمله

قعدتها ع الكوشة .. يلست يمها .. طالعتها ب حنيه ..

فارس : امري الغالية ..
دموعها بدت تنزل : " شهقت من البجي .. ردت و شفتها ترتجف تعلنبداية دوامة من البجي " ابي ام تشاركني ه الليلة .. ابي اصير مثل كل بنت امهامعاها في هذه اللحظة تشجعها .. ليييش بس انا محرومة من ه الشي .. ليش انا بس اليما عندي ام تواسيني .. امي ماتت و هي حامل يا فارس .. وينها ..!! و وين ابويهالحين .. ليش سوى كل هذا .. ليش يبي يحرمنا منها .. ليييش ؟؟؟

مريم بكلامها هذا الكل التفت لها .. الكل ضل يطالعها ب حيرة .. هذا الي تبينه يا مريم .. انتي طلبتي المستحيييل .. منين اييب لج امي الحينه .. !!

امي ماتت و السببابويه .. ربتنا خالتي الوحيدة فاطمة .. ربتنا و كبرتنا لما صار عمري 18 .. اناسافرت ماليزيا اكمل دراستي .. و هي بقت مع بنتها اليازية مع مريم في البحرين .. بسلما رديت .. سافرت كندا ل ريلها .. اما الحين ف ما عندنا خبر عنها ..
سالفةابوي و امي سالفة طويلة .. لما صارت كان عمري 10 .. اما مريم توها 7 سنوات .. ذاكرتي ل الحينه حاملة صورة امي و ابويه ..

نرد قبل 13سنة ..!

كنتنايم في غرفتي .. نشيت ع يد تهزني ب خوف و دموع تطيح ع ويهي ب حرارة .. فتحتعيني لقيت مريم و عمرها 7 سنوات تطالعني و دموعها تسري ع خدها ب ألم .. قعدتبسرعة .. فركت عيني ..

فارس : شفيج مريم ؟؟؟
تصيح : البابا يطق الماما ..

انسدحت و تلحفت و انا اقول لها ب صوت ناعس ..

فارس : أوه .. لاتحلمين و تيين تقولين لي ..

اخذت تهز فيني و دموعها تطييح .. صرخت ب اعلىما عندها ..

مريم : الماما تصييح .. الماما يطلع منها دم .. فارس قوم .. البابا يطق الماما ..

طاحت علي و هي تطقني ع ضهري ..
قمت عن السرير ..

فارس : اففف ..انزين تعالي وريني .. " تثاوبت "

مشيت و هي متشبتةفي ثيابي ..
بس لما سمعت صرخة ابويه .. وقفت مثل الصنم ..

فهد : سكتي لا ذبحتج الحين ..

سمعت بعدها صرخة امي .. تتألم ..

سعاد : حرام عليك بس .. اه ..

الي وقفني بمكاني اكثر لما فتحت الباب ع فتحة صغيرة تسمح ل عيني انها تشوف ابوي و الي ل اولمرة اشوفه ب هذه القساوة .. تشبت في مقبض الباب لما شفت الدم الي ملى المكان .. وامي طايحة ع الارض و هي تصييح ..
بس لما حاول ابوي يرفس امي في بطنها و هي حامل .. فتحت الباب .. طارت مريم عليه و مسكته من ريله ..

تصرخ و هي تصيح : لابابا لا تطق الماما .. لا تطقها ..

مسكتها امي و علامات الالم فيويهها .. صوتها .. ملامحها ..

سعاد : م م م مريم .. روحي ماما .. ر....

و غمضت عينها .. ل الحين مدري .. اذا كانت توفت في هذه اللحظة .. لوأغمى عليها .. الي اتذكره ان مريم طارت عليها و طاحت في حضنها .. مسحت نفسها و دمامي خرس ثيابها ..

صرخت : ماما .. لا تروحين ..

تقربت منهم .. طالعت ابويه ب عتاب .. وبعدها طالعت امي و مريم الي كانت رغم صغرها تقاسي من ألمالحسرة ..

صرخت ع ابويه : ليش سويت جيه يا يبه " صرخت ب اعلى ما عندي " ليش ..؟؟؟؟؟؟

ب صرختي هذه اهتز فيها ابويه .. اهتزت مريم .. اهتزتجدران البيت .. و سماوات الملكوت ..
تقربت من امي .. حضنتها لي .. و انااصيح .. ذاك الوقت بعدي صغيير عن الدنيا .. و مو متحمل اني افقد اعز ما عندي ..

مريم الحينه اكيد تذكرت اليوم المشؤوم .. اليوم الي فارقتنا فيه الامالحنون الي غرقتنا ب حنانها .. اليوم الي فقدنا فيه ابوي و لا ندري وينه .. يقولونمات .. بس أحساسي يقول لا ما مات .. ابويه حي .. و متأكد عايش ب ألم .. يحملذنب عمري ما راح انساه له ولا اغفره ..

ام سامر " تصيح " : مريم بنيتيانا امج .. لا تصيحين و تقطعين قلبي ..
ام سلطان : خلاص مريم .. " شهقت منالبجي " انا امج يا بنيتي ..
هيفاء : الغالية بسج بجي .. تراج بجيتيني .. خليايمانج ب الله قوي ..
رهف : بس مريوم .. " حضنتها " عندج بدل الام أمين .. لاتبجين و الدنيا طويلة جدامج..

تقربت منهم ف تباعدوا عنها ..
فارس : يلا مريم .. سلطان برع ..
اخذت تشهق : .....

ما كانت تصيح .. كان هذانهاية هذه الدوامة ..
مسكت يدها .. و ابتسمت لها رغم غصتي .. مشيتها لين برع .. كانت تمشي ب خطوات مترددة .. بس قبل ما تروح همست في اذونها ..

فارس :عيونما يات لانها في المستشفى ..

وقفت و لفت جسمها كله لي ..

ب تعب : ليش ؟؟؟
فارس : ابشري .. ب تصيرين عمه يا مريم .. ولدي في الطريق ..

شفتابتسامة عذبة ع ملامحها .. تتكلم عن قصة فرح يديدة في حياة اختي مريم

**"أنت غرآمي وجنوني"** · 02-05-2011, 03:53 PM

رد: عيـــــون فآرس /رومانسسيه وكآمله

الجزء العشرين

أحبك هذا اعترافي الأخير أحبك ومدري معك وين المصير هي كلمة مافيها عذاب ولا نظرة تكفي من الكلام هي حب موجز هالحكي هي بعد أعذب غرام يمكن يكون هو أكبر جنون أو بسمة طفل حنون "

ما خرب علي صفو هذا الاحساس .. شخص في عمري ما اباه يكون هني .. وقف قلبي ب توقف جسمي في مكانه ..

وقف فارس و طالعني ب حيرة ..

فارس : شبلاج الغالية ..؟؟
عيون : ....

انا موب حاقرته لا .. عيوني تدقق في ذيك الانسانة .. ابا اتأكد .. هذه هي لو لا .. لما نزل الريال من السيارة تأكدت و يا ليتني ما تأكدت ..

رص ع يدي ..
فارس : عيون .. شفيج .. ؟!

......

" فارس "
عند باب المستشفى .. 7:30 الصبح

حيرتني .. شفيها .. طالعت عينها و مشت انضاري ل المكان الي تطالعه .. أشوف هناك .. لحظة ..!!!
هذه خالتي ام سامر .. شوو تسوي هني ..

عيون : فارس .. أمي هني ..
فارس : ما عليج الحين ب اروح اشوف شو صاير ..

مشيت و انا مدري هي مشت وراي لو لا .. بس لما وصلت سمعت صوتها من وراي ..

عيون : يمه ..!!!

كانت ب تركب السيارة بس وقفت .. نزلت ريلها و لفت جسمها .. طالعتني بعدها طالعت عيون ..

ام سامر : فارس .. عيون

عيون طاحت في حضنها و هي تصيح ..

اما انه بقيت اطالعهم .. خالتي ام سامر .. انسانة الي يشوفها ما يقول يده .. اول ما شفتها تخيلتها احلام .. ما توقعتها ب هذه الدرجة .. فيها شبه وايد من أحلام .. قصيرة و ضعيفة .. ملامحها صغيرة .. تقولون في الثلاثين مو الأربعين .. قطع علي تفكيري .. صوت سامر ..

سامر : فارس .. وين رحت ..؟!
فارس : معاك ..
سامر : شفيكم يايين هني .. عيون مريضة ..!!
فارس : هاه .. لا ما فيها الا الخير ان شاء الله ..

تقربت عيون مني .. مسكتني من ذراعي و عصت عليه .. تبي توصل لي شي .. ما تباني اقول لهم انها حامل لو شووه ..

ام سامر : شصاير ..؟؟!!
فارس : لا خالتي بس عيون .. اي ..

قرصتني في ايدي .. طالعتها و خزرت عليها .. هي لفت ويهها الجهة الثانية ب غرور .. تبي تحرني ..

ام سامر : خير .. بلاج عيون ما تبينه يقول لنا ..؟
فارس : لانها حامل ..
ام سامر : حامل .. " رفعت يدها ع بوزها ب تزغرت " كلللللللللوش ..
سامر : يه .. بس يمه بس فضحتينا جدام خلق الله ..
عيون : يمه الكل يطالعنا ب سببج ..
ام سامر : يووه .. شفيكم خلوني افرح ب بنيتي .. تعالي يمه .. تعالي في حضن امج تعالي ..

طالعتني .. ابتسمت لها ..

خلتني و راحت ل أمها .. حبتها في خدها ..

عيون : عسى الله ما يحرمني منج ..!
ام سامر : و لا يحرمني منج قولي امين ..

غفران : امين ..

عيون : غفراني انتي هني ..
غفران : ايه .. أمو انا أأني ..
عيون : هههه .. تعالي يا بعد عمو انتين ..

حملتها و هي مبتسمة ..

سامر : يلا يمه نمشي ..
عيون : لحظة .. سامر ليش يايين هني ..
سامر : الوالدة داخت علينا .. يبناها هنيه ..
ب خوف : شقالوا لكم ..؟؟!!
سامر : هبوط في السكر و شوي صداع ..
ب همس : الحمدلله ..

ركبت ام سامر السيارة ..

ام سامر : يلا عاد تأخرنا ..
غفران : ما ابا الووح ..
سامر : شو ما تروحين .. تعالي غفران ..

يودت عيون من شيلتها ..

غفران : ما ابا
عيون : انزين .. خلوها عندنا .. بعدين ب نييبها ..
سامر : لا ما يصير .. تعالي غفرانوو ..
غفران : ما ابا .. انت لووح ل لهف .. " انت روح ل رهف "
ام سامر : عيب غفران ما يقولون جيه ل البابا .. و بعدين قولي ماما .. مو رهف ..
تصيح : ما ابا .. ابا الووح ويا اموو ..
سامر : تعالي انتي .. باص الحضانة ب يروح عنج اذا تأخرتي ..
غفران : ما ابا الوووح ..
ام سامر : ما عليه .. تعالي حبيبتي .. بعدين ب نوديج ..
برطمت : لهف ما تلضى ..
ام سامر : عنبوه .. هذه امج تقولين عنها رهف .. ب ترضى .. انا ب اقول لها .. يلا تعالي ..

نزلت غفران و ركبت يم يدتها ..

سامر : مع السلامة ..
عيون + فارس : الله يسلمك ..

....

" ميثا "
المدرسة .. غرفة الصف .. 8:00 الصبح

همست لي : ميثوو .. شفيها شوق اليوم اشوفها تعرج ..
رديت ب نفس مستوى صوتها : طقاها ناصر ..
سوسن : يووه .. ليش ..؟؟! اكيد رفعت صوتها عليه أو شي ..
ميثا : سالفة طويلة بعدين اقول لج ..
سوسن : يا خسارة .. يا ليت شوق معانا في الصف ..
ميثا : لا الله يخليج .. يكفينا البنات .. بعد تييبين لنا شوق و هذرتها ..

المعلمة : ميثا و سوسن .. اييييه .. مسوينها حصة لعب و سوالف اشوف ..

ب صوت خافت : ميثا الحين شو نسوي ما ب نخلص من لسانها ..!

المعلمة : سوسن انتي من صرتين يم ميثا خربتيها .. من باجر ابا اشوفج مكان ليلى .. و ليلى تيين مكانها فاهمة ..

ليلى : ان شاء الله معلمة ..

سوسن توقف .. و تخلي يدها ع خصرها ..

سوسن : لا و الله .. هو كيفج تغيرين مكاني و توديني مكان ما تبين ..
المعلمة ب قلة صبر : لا كيفج تصدقين .. أقول انثبري مكانج و خلينا نكمل الدرس ..
سوسن : افففففففف ..
المعلمة : و ما تسكتين بعد ..
سوسن : أوووه زين زين .. بس سكتنا ..

و تخلي يدها ع بوزها ب طريقة خلت كل البنات يضحكون .. ما سكتوا الا ب صرخة المعلمة ..

المعلمة : بس ..!!!!!!!

.....

" عيون "
سيارة فارس .. 8:21 الصبح

يا ربي ب امووت من اليووع ..

عيون : فارس .. يوعانة ..!!!!
بدون ما يطالعني : انزين ..

شووف .. هذا الي يقهر .. اقول له يوعانة .. يقول لي انزين ..
الي قهرني اكثر .. لف ع جهة البيت .. قلت يمكن ما سمعني زين من مساع ..

عيون : يوعانة فارس ..!

طالعني بس ما رد علي ..

وقف عند البيت .. رديت ب حيرة ..

**"أنت غرآمي وجنوني"** · 02-05-2011, 03:57 PM

رد: عيـــــون فآرس /رومانسسيه وكآمله

عيون : فارس ..

بند السيارة .. و طالعني مدة .. قرب ويهه منويهي .. و قال ب ابتسامة ..

فارس : ابا اكل من ايدج ..
فجيت عيني : بسانه ما اعرف اطبخ ..

باعد ويهه .. و فتح الباب ..

فارس : اليتعرفينه سويه ..

ابتسمت لاني تشجعت ل الفكرة .. بس كفاية .. اهلي صج انهمربوني ع الدلال .. اما الحينه ماشي دلال و دلع قبل .. انه تزوجت و قريب أصير أم .. خلني افكر عدل .. قبل لا أضيع ..

......

" شوق "
المدرسة .. الساحة ( الفسحة ) .. 10:15 الصبح

أمل : أمبييه .. شوق شوفي ريلج .. تخرع ..

رديت و انا اهمز ريولي ..

شوق : مافيها شي ..
أمل : انتين بسشوفيها .. خضرة على زرقة على صفرة على حمرة ..
رديت أتطنز : قولي الوان قوس قزحو خلصينا ..
أمل : شووق .. بلا مصاخة و الله ما امزح .. يمكن كسر .. روحيالمستشفى ..!!
شوق : ان شاء الله دكتورة امل .. بعد شي ثاني ..
أمل : أ.....

قاطعتنا ميثا ..

ميثا : السلام عليكم ..
الكل : و عليكمالسلام ..

قعدت يمي .. فتحت البيبسي .. و قالت و هي تحرك العلبة يمين و يسار ..

ميثا : شلون ريلج الحين شوق ..؟!!
شوق : زينة ..
امل : لا مو زينة ..
شوق : نعم يا لساني البديل ..
امل : هههههه .. لا صج .. ميثا ودوهاالمستشفى ..
ميثا : قلت ل زياد .. قال اذا ردينا من المدرسة ب يوديها ..
امل : احسن ..
شوق : لا و الله .. تشتغلون محامين عن حقوق الضرب و التكفيخ ..
أمل و ميثا : هههههههههههههههههههههههههه ..

ب أعرفكم على أمل .. هذه رفيجتي و رفيجة ميثا المقربة .. أموت عليها .. شوي دبدوبة بس مو وايد .. تحبالافلام الهندية ل حد الجنوون .. اقول لكم ل حد الجنون مو مزح .. الا صج .. ماتصدق على الله تشوف فلم هندي .. تنسى الدنيا و ما فيها

" مريم "
الصالون .. 4:30 العصر

مريم : عيون .. مكياجج روووعة ..

و هي تحط يدها تحت عيونها و تعدل شوي من المكياج ..

عيون : صج ..
مريم : ايه وايد ..
عيون : و انتي متى ب تحطين لج مكياج ..
مريم : بعد هيفاء ..
عيون : أي لون فستانج .. ؟!
مريم : بنفسجي .. و انتي احمر صح ؟!
ابتسمت : ايه احمر .. و هيفاء ..؟!
مريم : مدري .. يمكن أخضر زيتي .. لان الشدو الي حاطينه لها زيتي ..

هيفاء طلعت من غرفة المكياج .. الكل فج عينه يطالعها ..

هيفاء : شفيكم تطالعوني جيه ؟!

اكتفت ب ابتسامة ..

هيفاء : يلا مريم .. دورج ..

وقفت و دخلت الغرفة .. شافتني الفلبينية و ابتسمت .. رديت لها الابتسامة .. و يلست ع الكرسي ..

.....

" عيون "
الصالون .. 4:35 العصر

اطالع مكياجي في المنضرة .. رفعت شوي من شعري عن ويهي .. تسريحتي خفيفة بس حلوة .. صبغت خصلات من شعري أشقر .. سويت في الخصلات المصبوغة حلزونات .. و ردوهم لي ع ورى .. لموهم ع خفيف ب ورود لونها أحمر ..
ل الحين ما لبست فستاني .. مريم و هيفاء حملوا فساتينهن .. و بعدين ب نروح مع بعض بيتنا.. ب نبدل هناك بعدين ب نروح القاعة ..
قطع علي تفكيري ..

هيفاء : طالع المكياج عليج حلو رغم انه وايد غامج و ثقيل ..
ابتسمت لها : ايه .. قلت لها تخفف الاحمر .. بس هي ما تفهم لا عربي و لا انجليزي .. مللتني ..
هيفاء : ههههههه .. " ابتسمت و قالت " الله يخليج ل فارس ..
رفعت ايدي ل السما : و يخليه لي يا رب ..
هيفاء : هههههههه .. كل هذا حب ..

عفدت صوبها ..

عيون : و أكثر ..
هيفاء : اول ما ييت من الامارات انتي و فارس مع بعض ما تنيازون .. و خصوصا لما طقاج انا شكيت قلت يمكن هذا سامر مو فارس ..
ابتسمت : صج ..
هيفاء : هممم .. يعني ما اشوفكم مثل الحين .. قبل حتى ما تتكلمون مع بعض الا نادرا ..
عيون : صح كلامج .. " اخذت نفس " بس الحين كل شي تغير ..

طلعت مريم ..

مريم : شرايكم ..؟!
هيفاء : ح ......

قرصتها ع ريلها و غمزت لها ب عيني ..

عيون : موب حلو ..

فرت ويهها ل المنضرة و تمت تدقق فيه ..

مريم : صج .. اقول لها تعيده لي ..
عيون : ههههههه .. ب العكس وايد حلو و ناعم ..
ابتسمت و هي رافعة حواجبها : ههههههه .. جذابة .. هيفاء شرايج فيه .. ؟؟!
هيفاء : حلو .. " تطالعني ب نص عين " بس انا احلى ..
عيون : هههههههههه ..

......

" العنود "
الصالون .. 7:30 الليل

ما تصدقون شقد فرحانة .. ب أطير من الفرح .. اليووم عرسي .. و راشد ب يصير لي انه و بس ..

يا يمي ولد اخت راشد .. اخذ يسحب في طرف جلابيتي .. قلت ل الكوافيرة توقف .. نزلت راسي له ..

العنود : نعم حبيبي ..
ابتسم ب ببراءة : تقول لث الماما خلثتين ..
ضحكت : لا ماما باقي شوي ..

مشى عني .. رفعت راسي .. و كملت الكوافيرة شغلها ..

شوي و يت ليلى اخت راشد الوحيدة و هي حاملة مايد ولدها ..

ليلى : يقول لي ما خلصتين ..

ارفع خصلة من شعري ..

العنود : باقي شوي ..
ابتسمت لي : ما شاء الله .. و الله و عرف اخويه يختار ..
ابتسمت لها ب خجل : تسلمين ..
ليلى : يسلم غاليج حبيبتي ..

خلت ولدها ع الكنبة .. عمره سنة و 7 اشهر الحينه .. و هو ولدها الوحيد ..

فتحت شنطتها و طلعت منها تلفونها .. اتصلت يمكن ع ريلها .. ب اكلمكم شوي عن ليلى .. هي اخت راشد الوحيدة .. ما عنده راشد غيرها .. كان عنده اخو مات في حادث .. ليلى متزوجة إماراتي .. يت قبل خطوبتي ب اسبوعين .. و بعد الخطوبة ب اسبوع راحت الامارات مع زوجها .. اما الحين توها قبل اسبوع ياية .. و ب تمشي من هنيه بعد 4 أيام ..

ابتسمت لي الكوافيرة ..

الكوافيرة : كملنا ..

وقفت .. و رحت يم المنضرة .. حلوة التسريحة .. ما اعرف اشرحها لكم .. بس الصراحة وايد ناعمة .. عيبتني .. و خصوصا اني صبغت شعري بني غامج ..

دخلت ليلى توها مكملة من التلفون ..

ليلى : ب تصلين ..؟!
العنود : ايه ..
ليلى : توضيتي لو لا ..

**"أنت غرآمي وجنوني"** · 02-05-2011, 04:00 PM

رد: عيـــــون فآرس /رومانسسيه وكآمله

ضحكت : لا توضأت قبل ما أبتدي التسريحة ..
ابتسمت : الغرفة الثانية ل الصلاة ..

اكتفيت ب ابتسامة .. دخلت الغرفة .. كانت هناك ام راشد تقرأ قران .. صليت و شلت السجادة ..

تطالعني ام راشد و دموعها متجمعة في عينها ..
تقربت منها .. حبيتها ع راسها .. و حضنتها .. ضليت اصيح و هي تصيح .. ليلى دخلت و وقفت عند الباب .. تمسح اثر دموعها الي طاحت و هي تطالعنا ..

رفعت راسي من حضنها ..

ام راشد : الله يخليج ..
نزلت راسي : و يخليج لي ..

الحينه انه احمد ربي الف مرة .. الله عوضني ب ام ثانية غير امي الي توفت .. تنهدت و رحت يم غرفة المكياج ..

يلست ع الكرسي .. طالعتني البنت الي تحط المكياج و ابتسمت ..

.....

" عيون "
سيارة فارس .. 8:25 الليل

اتصلنا ل فارس .. يا لنا .. انه , هيفاء و مريم .. كلنا متغشين لان مكياج و كان شوي ثقيل .. طبعا انه ما عندي غشوة .. ف اخذت طرف شيلتي و رفعتها ع ويهي ..

ركبت السيارة ..

الكل : السلام عليكم ..
فارس : و عليكم السلام ..

كان مشغل شريط موسيقى هادية .. السكوت عم المكان .. ما عدى همس مريم ل هيفاء .. مدري عن شنو كانوا يتكلمون .. لاني جدام ..

وصلنا .. بس فارس ما نزل .. قبل ما انزل .. همست ..

عيون : فارس ما ب تنزل ..
فارس : ب اروح اشوف منين ب يطلعون الزفة ..
عيون : ب تتأخر ؟!
فارس : ع 9 ب اييكم ..
عيون : تسع وايد ..
فارس : شسوي بعد ..
تنهدت : انزين .. مع السلامة ..
فارس : الله يسلمج ..

نزلت و صكيت الباب ..

دخلت البيت .. هيفاء فصخت عباتها و مريم نفس الشي .. يطالعون نفسهن في المنضرة المعلقة في نص الصالة ..

عيون : ثيابكن يبتونهن ..
مريم : ايه اكيد ..
عيون : بسرعة عيل لا نتأخر ..

قبل ما اروح وقفتني هيفاء ..

هيفاء : عيون ..
عيون : امري حبيبتي ..
هيفاء : ما يامر عليج عدو .. بس وين غرفة التبديل ..
عيون : عند الدري ..

ابتسمت و مشيت .. دخلت الغرفة .. فصخت عباتي و شيلتي .. فتحت كبتي .. طلعت فستاني .. أمبييه .. شلون البسه الحين .. احسه وايد عاري .. و فارس اكيد ما ب يرضى .. اتذكر لما اخذته كان بداية زواجنا و كنت ما أواطن فارس .. اخذته عناد له .. بس الحين ..

البسه و امري ل الله .. بدلت ثيابي .. لبسته و وقفت قبال التسريحة اطالع نفسي ..

صج انه شوي عاري .. بس وايد حلو .. لونه احمر .. فيه خيط ينربط في الرقبة .. قصير لين الركبة .. و من ورى طويل .. و مفصل جسمي تقريبا .. الحمدلله اني توني حامل .. " خليت يدي ع بطني " ما فيني حتى بطن ..

يلست ع الكرسي الي مقابل التسريحة .. فتحت الدرج .. شفت في ويهي الطقم الي عطاني اياه فارس .. ابتسمت و تذكرت امس .. رفعته .. و طلعت الطقم الي تحته .. لبست السلسلة .. و الخاتم .. التراجي كانوا وايد كبار حسيت اذوني ب تنجلع .. لبست السويرة .. طالعت نفسي و ابتسمت .. مثل ما قلت لكم تسريحتي وايد بسيطة .. كنت مرفعة شعري علشان ما يطلع من الشيلة ..

شلت الربطة و طاح شعري ع كتفي ب تسلسل .. عدلته لانه شوي اعتفس يم الحلزونات .. طالعت نفسي و ابتسمت ..

فتحت كبتي .. و طلعت الصندل .. يلست ع المرتفع الي يفصل الغرفة و غرفة التبديل لانهم متداخلين في بعض ..

دخلت ريلي الاولى في الصندل .. و انفتح الباب .. " فارس " ..

بدت دقات قلبي تزيد .. بس ما بينت هذا الشي .. تميت ارفع الخيط و فارس واقف يطالعني .. انه بقيت منزلة راسي أطالع الصندل .. ارفع خيط خيط ب يد ترجف من الخوف .. رفعتهم ل ركبتي .. شلت الصندل الثاني و نفس الشي .. وصلت ل الركبة .. و ربطته ..

قلبي زاد في خفقانه ..

وقفت بس بعدي منزلة راسي .. اول مرة البس جيه جدام فارس .. رفعت راسي .. بس طالعت نضراته .. ما فهمتها .. كان عاقد حواجبه و هو يطالعني .. ما قدرت استحمل اكثر .. كنت ب اتخطاه و ب اطلع من الغرفة .. بس هو مسكني من ذراعي و وقفني قباله .. طالعني من فوقي ل تحتي و بعدها ايده ميودة ذراعي ..

ب اشمئزاز : ب تروحين جيه ..؟!!

" صخيت شوي بعدين رديت "

عيون : ايه ..

سحبت ذراعي .. و رحت ل السرير .. شلت عباتي و شيلتي ..

لبست العباة .. بعدها رفعت راسي و طالعته .. بعده واقف مكانه يطالعني ب نفس النضرات ..

عيون : فارس .. شفيك تطالعني جيه ..؟!

سكت مدة و بعدين تكلم ..

فارس : بدلي الي لابسته ..
عيون : شنو البس ..؟!

صرخ علي صرخة خلتني أغمض عيني و اشهق ..

فارس : ما يهمني .. المهم ما تطلعين جيه ..

دمعت عيوني بس تداركت الموقف و مسحت دموعي قبل ما تخرب مكياجي ..

حقرته .. لان صج ما عندي رد .. من صجه .. شنو البس !!!!!

فصخت عباتي و شيلتي .. علقتهم .. و يلست ع التسريحة و دموعي تطيح .. فصخت الخاتم ب عصبية .. و رميته .. و السلسلة بعد و التراجي و رميتهم ع التسريحة و انه بعدي اصيح ..

تقرب مني ..

فارس : شفيج ؟؟! انه قلت بدلي ملابسج ..

**"أنت غرآمي وجنوني"** · 02-05-2011, 04:02 PM

رد: عيـــــون فآرس /رومانسسيه وكآمله

شفتي ترتجف ابا اتكلم بس موب رايمة .. سكت و هو يطالعني من منضرة التسريحة .. نضراته تذبحني .. شكله معصب ..

صرخ علي : ما تسمعين ؟!
رديت و انه اصيح : امبلى اسمع .. مانيب رايحة .. وصل مريم و هيفاء ..
فارس : أستينيتي ..
عيون : ايه استينيت زين ..

حوطت ويهي ب ايدي و اخذت اصيح ..

رد علي و كأنه يبا يهديني ..

فارس : ما عليه روحي فيهم .. بس لا تصيحين ..
عيون : .... " ما شي رد "
فارس : بس عيون .. خلاص لا تصيحين .. قلت لج ما عليه ..
صرخت عليه و دموعي تطيح : مو هذا الي يصيحني .. الي يصيحني معاملتك لي و كأني ياهل ..

طالعني ب حنية بعدها ابتسم .. تقرب مني و باسني في خدي ..

فارس : يلا عيون اخرتينا ..

مدري ليش بقيت جامدة اطالعه .. يطالعني .. بعدين طلع .. توني منتبهة ل نفسي .. نقزت .. طالعت ويهي .. يا ربي .. اخترب المكياج .. بسرعة .. لبست شيلتي و عباتي ..

بس قبل ما امشي .. رديت و لبست الطقم الي رميته .. ركضت .. فتحت الباب و طلعت من البيت ..

ايييه .. مريم شكلها معصبة .. ركبت جدام ..

مريم : جان بقيتي ..؟!
عيون : ....... " ماشي رد "
مريم : اكلمج ؟!
فارس : بس مريوم ..

ما سمعت صوتها .. صخت ..

" هيفاء "
سيارة فارس .. 9:15 الليل

احس الجو متكهرب بين عيون و فارس .. احساسي يقول جيه .. من البداية شاكة في علاقتهم .. بس بعدين لما شفتهم ل اخرة مرة .. قلت يمكن قبل كانوا متضايجين من شي ..
بس الحينه ردوا .. و شكلهم متناجرين ..

همست ل مريم ..

هيفاء : مريم ..
ب نفس صوتي : هلا ..
هيفاء : شلون تزوجوا عيون و فارس ..؟؟!

سكتت شوي و بعدين ردت ..

مريم : شلون يعني ما فهمت ..
هيفاء : بس خلاص ..
مريم : شصاير ..

عيون : شفيكم من مساع ل الحينه تتكلمون ب صوت واطي ..

مريم : هاه .. لا و لا شي .. بس تسألني وين القاعة ..

قرصتها في ركبتها الجذابة ..

مريم : اي .. " ب صوت واطي " شبلاج ؟!
نزلت صوتي : جذابة ..
رفعت صوتها : ما غيرج جذاب ..

عيون : يعني مريوم جذابة .. تجذبين علي ؟؟!

مريم تخلي يدها ع بوزها و تطالعني .. انه ضحكت ..

.....

" ام سامر "
القاعة .. 10:00 الليل

ام سلطان : وييه .. فديتها بنيتي ل الحين ما يات ..

التفت لها ..

ام سامر : عيون هم ما يات و لا مريم ..
ام سلطان : مو جنهن صيفوا ..؟!
ام سامر : مدري فيهن ..
ام سلطان : اتصلي فيهن يا خويتي .. طمني قلبي الله يطمن قلبج ..
ام سامر : قطيعة .. منين اتصل لهن ..
ام سلطان : منين بعد .. أحلام و رهف عندج ..
ام سامر : اييه صدقج .. اقول ل رهف ..

و الله انها بنت خير .. من طريت اسمها كانت جدامي ..

رهف : خالتي عيون يات لو لا ؟!
ام سامر : لا ل الحين ما يات .. اتصلي فيها ..
رهف : زين سألوا هيفاء أو مريم .. ثنتينهن كانوا معاها ..
ام سامر : لا الحينه كلهن ما يو .. اتصلي لهن ..
رهف : ان شاء الله ..

راحت يابت تلفونها .. تقربت منا و تلفونها في اذونها ..

رهف : السلام عليكم .. شلونج هيفاء ؟! .. الحمدلله بخير .. ايه بخير .. الا وينكن تأخرتون .. اييه .. ننطركن .. ان شاء الله .. لا الطابق الرابع .. ايه ايه .. بعد الكوفي شوب .. يووه .. غفران عند الباب .. الله يخمد بليسها .. طفرتني .. ييبيها معاج .. ههههههههه .. مع السلامة ..

ام سامر : هاه وينهن ..؟!

ابتسمت و يا محلى ابتسامتها ..

رهف : عند باب القاعة ..

....

" هيفاء "
باب الفندق .. 10:07 الليل

نزلت من السيارة .. مريم مشت جدامي و هي ترفع فستانها لانه كان وايد طويل و يطلع من العباية ..

مشيت لما وصلت ل باب الاستقبال في الفندق .. أوووه .. نسيت تلفوني .. رديت بسرعة ل السيارة .. فتحت الباب .. كانت عيون تصيح .. بس ما انتبهت لا هي و لا فارس لي .. قلت لكم ان صاير شي بينهم .. علاقة زواجهم مدري .. احساس يجيني فجأة احسه زواج غريب .. متقلبين مدري شلون ..

فارس : الحين ما تقولين لي شلون ب تنزلين و انتي تصيحين ..
تصيح : كيفي .. انت ما لك خص فيني ..
فارس : و الاخير معاج .. كنت معصب و اعتذرت لج .. شتبيني اشوي يعني .. احب ريلج يا

**"أنت غرآمي وجنوني"** · 02-05-2011, 04:03 PM

رد: عيـــــون فآرس /رومانسسيه وكآمله

ست عيون ..
عيون : ........ " تصيح "
فارس : مسحي مكياجج علشان محد يلاحظ انج تصيحين .. و نزلي بسرعة اخرتيني ..
عيون : مانيب نازلة .. ابا اروح البيت ..
صرخعليها : عيون .. لا تصيرين ياهل ..
تصرخ عليه و هي تصيح : ما غيرك ياهل ..

انه طلعت و صكيت الباب ..

مشيت ب خطوات ثجيلة .. بعدين سمعتصفعة باب السيارة وراي .. لفيت .. كانت عيون .. من شافتني نزلت الغشوة على ويهها ..

ابتسمت أوني مدري ب شي ..

هيفاء : يلا تأخرنا ..!
عيون : ...... " ماشي رد "

مشيت .. و هي مشت وراي .. وصلنا ل القاعة .. كانت مريمعند الباب .. شافتنا ابتسمت بعدها دخلت ..
دخلنا .. بس قبل ما يشوفونا .. سحبتعيون .. و اخذتها غرفة التبديل ..

فصخت عباتي .. و هي هم فصختها .. تصدقونفستان عيون مرة عيبني .. وايد حلو و ناعم .. بس موب كأنه شوي عاري .. ما عليه خلهاتستانس ب حياتها قبل ما يطلع لها بطن و تتحسر مثل أحلام ..
فصخت شيلتها بس فرتويهها الجهة الثانية .. راحت ل المنضرة .. اخذت كلينكس و مسحت كل مكياجها ..

هيفاء : ليش مسحتيه ..
عيون : هاه .. لا بس وايد ثقيل ..

طالعتها مدة .. بعدين فتحت شنطتي .. طلعت منها علبة مكياجي الصغيرة ..

هيفاء : تبيني احط لج ..
ابتسمت : يا ليت .. الي تحطينه انتي احلى ..
هيفاء : ههههههههه .. انزين .. يلا تعالي ..!!

حطيت لها .. ما شاءالله عيون حتى بدون مكياج حلوة .. قلت ب اقول لها عنها و عن فارس .. بس صخيت لماشفتها تضحك ..

طلعنا و تلقتنا ام سامر و أمي .. ليش تأخرتوا .. و و و و ..
حافظين الاصطوانة ..

ام سامر : وييه .. عيون شنو لابسة .. ؟؟!
عيون : فستان بعد شنو ..
ام سامر : ما قال لج شي فارس ..
عيون : هاه .. لا ما قال شي ..

كانت مرتبكة .. مشت بعد ه الجملة اونها ب تروح ل مريم ..

هيفاء : انه بعد ب اروح ..
ام سلطان : وين ؟!
هيفاء : وين بعد .. مع عيون ..
ام سلطان : انزين .. روحي .. بس بعد جيه نص ساعة تغشوا .. لان راشدو العنود ب يوصلون ..
ابتسمت : ان شاء الله ..

ردت لي الابتسامة .. مشيت و انه رافعة فستاني .. لانه وايد طويل .. بس ناعم .. يعني موب مثل فستانمريم ..

دمعت في وحدة مارة يمي ..

.... : اه ..
هيفاء : السموحة خيه .. ما انتبهت ..
.... : لا عادي ما صار شي ..

بس لما رفعتراسي و طالعتها.. حسيت نفسي منهارة كليا .. و هي مثلي يمكن صدمتها اقل من صدمتي .. انه وقفت صنم ما اتحرك .. اطالعها .. لا هذه هي .. متأكدة هذه هي ..
يتبع ...

**"أنت غرآمي وجنوني"** · 02-05-2011, 04:05 PM

رد: عيـــــون فآرس /رومانسسيه وكآمله

الجزء العشرون(الفصل الثاني)

تطالع الحرمة الي وقفة جدامها .. تحس ب الصدمة تسري في عروقها .. متأكدة هذه هي .. هذه ليلى زوجة جاسم .. و و و .. بنت خالته .. ايه هذه هي الي فضلتها ام جاسم علي ..

واقفة و دمعة تتلألأ في عينها .. بس تخونها في هذه اللحظة ما طاحت .. الا بقت معلقة .. تنطر العاصفة الي ب تهزها .. و ب تطيحها ب براكين من الدموع ..

هيفاء و ليلى .. عنصرين .. في شخص واحد .. ليلى الانسانة الي كانت محيرة ل جاسم .. و هي بنت خالته .. بس جاسم ما حس ب أي شعور يجمعه معاها .. رفض هذا الشي .. و تزوج هيفاء و خلاهم جدام الامر الواقع ..

عمرها امه ما سكتت .. دمرت حياتهم و حولتها جحيم .. لما صار الشي الي تبيه .. سلطان تدخل في الموضوع و خلى اخته تطلب الطلاق .. تزوج جاسم ليلى ..

بس الشي الغامض الوحيد في حياتهم ..
" الياهل .. مايد" منين يا و ليلى ما تييب عيال ..؟!!

غمضت عينها و أخذت نفس عمييق .. فتحتها و كانت تتمنى لو ه الدمعة تطيح .. بس خانتها .. تمت واقفة .. غمضت عينها و تنفست ب صعوبة .. تبا تصرخ .. " ماشي أوكسجين "

خلاص يا هيفاء الاوكسجين نفذ .. ما عاد في أوكسجين .. حست ب دوخة في راسها .. تداركت الموقف في الوقت المناسب و مسكت حافة الكرسي الي كان عدالها ..

ليلى : أ أ أنتي هيفاء ..

ما ردت .. لا موب مطنشتها .. الا لسانها صاير ثقييل ..

حركت ريلها ب صعوبة .. و مشت وهي نفسها ما تدري وين رايحة .. دعمت في وحدة ثانية .. تنهدت و صكت ع اسنانها .. منوو الي ب تفجعني الحينه ..

" هيفاء .. بنيتي بلاج ..؟! بسرعة العنود و راشد ب يوصلون و انتي بعدج .. "

أستوعبت الصوت .. هذه ام سامر .. انفجرت و كأنها من سنة ما بجت .. طاحت في حضن خالتها .. دفنت راسها و نثرت دموعها ..

الكل واقف يطالعها ..

من جهة ثانية .. ليلى مسندة راسها و تسمع بجي هيفاء .. تتمنى لو كانت لها القدرة انها تبجي مثلها .. غمضت عينها .. نزلت ع الأرض .. سندت راسها ع الجدار .. و أنين هيفاء يترنح في أذونها ..

" ماما ... ثوو فيث تثيحين "

فجت عينها .. و دموعها تنزل ب جموود ع وجنتها .. ابتسمت ابتسامة صفرة ..

ليلى : ما فيني شي ماما .. وين يدو ؟؟! .. روح لها ..
مايد : مانيب رايح .. ابا بابا ..

وقفت ع ريلها .. مسكت يد ولدها .. و رفعته لها ب كل ألم .. حضنته .. عصت عليه .. شعرها طايح ع ويهها .. و مغطي نص ويه مايد ..
دموعها غرقت شعره .. ويهها .. و كل أحاسيسها انفجرت في ه اللحظة ..

//
//

نزل ريله من سيارته ب هدوء .. ما يبا ايي .. يحس نفسيته مخنووقة .. " نزل الريل الثانية و تنهد ".. شلون اجابلها الحيين ..
يحس السبب الي خلاه يتهاوش معاها كانت تافه .. و وايد بعد .. بس ....

بشار : يا ريال شبلاك ..؟!
فارس : لا سلامتك مافيني شي .. يلا تأخرنا ..

بشار كان يطالعه و هو عاقد حواجبه ..

فارس : بلاك تطالعني جيه ..
بشار : انت فيك شي اليوم ..؟!
فارس : انا !!!!!! ..
بشار : لا الطوفة .. انت في حد غيرك واقف هنيه ..

سامر : يلا بسرعة ..

فارس : انزين يلا تعال ..

يطالع فارس و هو رافع حواجبه ..

فارس : شبلاك انت اليوم استينيت ..!؟
بشار : انت الي ب تينني ..

يودني من ايدي و سحبني ..

بشار : اقول تعال .. و ما ب تهرب .. ب اعرف كل السالفة ..

وقف مكانه .. و سوى حركة ب ايده ..

بشار : بس بعدين ..

فارس حرك راسه .. أونه موب مهتم .. مشوا بعدها .. بس أكيد ما بيدخلون القاعة ..

ليش يايين عيل .. نوقف برع .. ؟؟

اذا كانت القاعة في فندق .. هو الفندق طابق واحد منه .. فيه قاعتين و حواليهم مطاعم ..

يلسوا فارس و سامر و بشار ع طاولة .. شوي و بشار مدري وين رايح .. المهم ..
تقريبا كل الي كانوا يقولونه عن الشركة و المشاريع اليديدة و الصفقات ..

" بابا "

تلقاها حضن سامر ..

سامر : ههههههههههه .. يا عيون بابا انتي ..

يلست في حضنه .. تلعب ب اصابع ريلها .. فارس و سامر جيه يتكلمون عن مشروع في الشركة و عن ايجابياته و سلبياته .. شوي و تكلمت ..

غفران : بابا تبيك الماما ..
سامر : توج متفيجة قايلة ..

تحك راسها ب طريقة تضحك ..

غفران : نثيت ..
سامر : هههههههههههه .. ماعليه .. ابقي ويا فارس ب اروح اشوف شو تبي الماما .. زين ..
تبتسم : زين ..

و بعدها تطالع فارس ب مكر ..

فارس : يكفينا شرها بنتك .. خذها معاك احسن ..
سامر : ههههههههه " يقرصها في خدها" حليلها بنيتي .. ما ب تسوين شي صح غفورة ..؟!
غفران : ثح ..
فارس : تكفى سامر خذها معاك .. ب تسوي لي مصية هذه ..
سامر : ههههههههههه .. قالوا لك وحش .. دقيقة و ب ارد ..

مشى عنها و خلاها .. نقزت من مكانها .. و يلست في حضن فارس ..

ب ببراءة : انا ما اهبها بتك ..
من غير نفس : عندي الف الحينه .. و أي بنت هذه ..؟!
غفران : أموو أيون .. أقول لها تهملني تقول مانيب حاملتنث .. لان في بتني بيبي ..

**"أنت غرآمي وجنوني"** · 02-05-2011, 04:09 PM

رد: عيـــــون فآرس /رومانسسيه وكآمله

تغيرت ملامح ويهه .. طالع باب القاعة .. و يشوف الي يدخل و يطلع .. رهف و سامر واقفين بعيد عنهن يتكلمون ..

فارس : اي .. شبلاج غفران ؟!
غفران : قول لها تهملني ..
فارس : غفران و الله موب متفيج لج ..
برطمت : انا ما اهبك انت و بنتك أيوون ..
فارس : هههههههه .. هذه زوجتي موب بنتي ..
غفران : لاع بنتك ..
فارس : انزين .. ليش ما تحبينها ..
غفران : لانها ما تهملني ..
فارس : لأن في بطنها بيبي ..
غفران : تذاب .. " تيود بطنها " انا بأد في بتني بيبي .. ثووف ..
فارس : هههههههههههههههههه .. الي في بطنه بيبي ما يحملونه ..
غفران : لاع .. انت هملتها انا ثفتك ..
فج عينه : انا !!!!

" اخذها ع قد عقلها "

فارس : و في وين شفتيني يا حلوة ..
غفران : انا اثني غفلان موب هلوة ..
فارس :ههههههه .. فديتج .. ما عليه وين شفتيها ..
غفران : يووم نلووح هناك ..

" يا ربي و كأنها قطارة "

فارس : في وين هناك ..؟!
غفران : هناك .. بأييييد ..
ياخذ نفس : اللهم صبرك يا روح .. وين بعييد ..
غفران : في البحر ..
يعقد حواجبه : البحر !!! ..

رجعت ذكرياته .. اييه صح البحر .. قصدها الريف .. بس متى يا ربي ما اذكر ..!!!

اخذت عيون الماي و قعدت ترش عليه و هو يركض
فارس و هو يشهق من الركض تركت الماي و وقفت تضحك عليه..

فارس : هين هين عيون .. زين اوريج
عيون : هههههههه بشوف شنو بتسوي

ما شافته الا يركض ياي لها .. خافت أخذت تركض وهي رافعة تنورتها.. ركبت فوق وحدة من الحجارة الكبيرة .. كانت متروسة حفر و هي ما انتبهت .. طاحت في وحدة كبيرة .. و انترست خمق .. أخذت تصيييح مثل اليهال ..
كان يطالعها و يضحك ب صوت عالي ..

صرخت عليه : حمار .. هذا وقته تضحك ..؟!

و ردت تصيح مرة ثانية ..
مد لها ايده ..

فارس : تعالي ..
و هي تشهق من البجي : ما ابا ..
فارس : شبلاج .. هههههه .. و الله ما ب اسوي فيج شي .. تعالي ..!
عيون : قلت لك ما اباك .. غصب .. روح ناد لي سامر .. سامر .. ابا اخوي سامر ..
فارس : كيفج عيل نقعي هنا ..
أخذت تصرخ : سامر

نزل فارس في الحفرة .. راح لها و حملها .. اخذت تصرخ و تطقه ع صدره ..

مينوووون .. خلني .. قلت لك ما اباك عيون :
فارس : غصبا عنج ..

وداها ع الحصير .. نزلها و هي بعدها تصيح ..

فارس : بنتكم ياهل

غفران : فارث ..

انتبه ل روحه ..

فارس : خير ..
غفران : انت ليث تهب أيون ..
ابتسم : لأنها بنتي >> يسايرها ع قد عقلها بعد شو يسوي ..
غفران : وع .. انا ما اهبها .. " تمد له ايدها " اهملني فارث ..
فارس : لا انا ما احمل الي ما يحبون عيون ..
غفران : بث خلاث اهبها ..
فارس : لا ما تحبينها ..
برطمت : اهبها ..
فارس : لا ما تحبينها ^_^
غفران : اوووه .. انت كرييه نفثها .. انا ما اهبك .. " تطلع له لسانها "

و تركض رايحة ل أبوها ..

//
//

يالسة تطقطق ع الكمبيوتر ب ملل .. تصرخ " أوووووه ممل هذا "

تنزل الكتاب من جدام ويهها .. و ترميه ع الطاولة ..

ميثا : هذه موب حالة .. لا تذاكرين و لا تخلين غيرج يذاكر ..

تسوي لها حركة ب يدها ..

شوق : روحي زين .. " تيود الماوس " خلني اشوف شو صار هني ..
ميثا : اففففف .. قومي ذاكري احسن لج ..
شوق : .... " موب مهتمة "

تيود كتابها .. و توقف ..

ميثا : كيفج .. " تأشر لها ب يدها " انتي الخسرانة موب انه ..

طلعت من الغرفة و صكت الباب وراها ب قوة ..

شوق : اييه .. هذه صايرة وايد معقدة ه الايام .. زيين .. خلها تولي ..

" صوت تلفون ميثا "

شوق : ميثا ..

" ماشي رد "

تصرخ ب صوت أعلى و هي ترد الكرسي ع ورى ..

شوق : ميثا و يهد .. افففففف ..

توقف و تدز الكرسي ع ورى .. تاخذ التلفون .. تقلب فيه .. لانه وقف ما يرن .. توها ب ترده و يرد يرن ..

شوق : افففففف .. انا ب اشوف منو هذه الي غربلتني ..

ترفعه بدون ما تشوف الرقم ..

شوق : انتي موب كنج غربلتينا .. نعم .. شتبين ..؟!
" صوت رجولي " : شوق .. " يصرخ عليها " مينونة انتي .. يزاج عندي .. خلني ارد البيت ..

**"أنت غرآمي وجنوني"** · 02-05-2011, 04:10 PM

رد: عيـــــون فآرس /رومانسسيه وكآمله

تنزل التلفون من اذونها .. تطالع الرقم .. " ناصر " امبيييييه .. شوو اسوي الحينه ..

ناصر : شوووووق ..
شوق : هاه هاه .. ش ش شوو ..!!!
ناصر : وشو هاه .. روحي نادي ميثا ابيها ..
شوق : شو تبي فيها ..
يصرخ عليها : شوق ..
انتبهت ل نفسها : ان ش شاء الله .. الحينه ب اناديها .. " ب صوت خافت " وع ..
ناصر : شوو ..
شوق : هاه .. لا سلامتك .. كنت اكلم الخدامة ..
ناصر : ايه احسب بعد .. بسرعة ناديها ..
تاخذ نفس : الحمدلله
يصرخ عليها : يلا ..

تصك ع اسنانها .. و تناقز في مكانها .. ما تدري شوو تسوي .. ترمي التلفون ع المكتب .. و تسمع فيه صرخة ناصر عليها ..

تصرخ : ميثا .. " تحرك ايدها ب عبث " لحقي على عمرج ..

تفتح ميثا الباب ..

تسند روحها ع طرف الجدار .. و تتكتف ..

من غير نفس : ها شتبين ..؟!
تحرك يدها ب طريقة عشوائية : ن ن ناصر .. تلفوون .. يبيج ..
تعقد حواجبها و تعدل يدها : شوو ..؟!
تصرخ : ناصر يبيج في التلفون ..

تيود الباب ..

ميثا : ههههههه .. جذبي ب غيرها ..

تتقرب منها .. تيودها من ذراعها و تعص عليه ..

شوق : و ربي ما اجذب .. يبيج ..
ب خوف : ش شو يبي مني ..
شوق : و الله مدري ..
باقي شوي و تصيح : شوق .. حلفي قولي و الله .. لا تجذبين علي شووق ..
شوق : و الله ما اجذب ..
ميثا : وين التلفون ..؟؟!
شوق : ع المكتب ..

تطالع شوق ب نضرة خوف .. شوق علشان تطمنها ابتسمت .. بس ه الابتسامة زادت شكوك ميثا .. و خلتها تموت من الخوف .. يودت التلفون .. و يدها ترجف من شافت اسم ناصر ..

رفعت نضرها ل شوق ..

شوق : يلا ردي ..

خلته ع اذونها ..

ميثا : ه ه هلا ناص ر ..
ناصر : أهلا ميثا .. شلونج حبيبتي ؟؟!

تفج عينها .. تنزل التلفون من اذونها .. و تطالع الأسم عدل ..

شوق : شبلاج .. شوو قال لج .. ميثا ..
ميثا : متأكدة هذا ناصر ..
شوق : اييييه ناصر .. شوو قال لج .. خليه ميكروفون ..

تبلع ريجها .. و تخليه ميكروفون ..

ميثا : الحم دلله ب ب بخير ..
ناصر : ههههههههههههه .. شو بلاج ميثاني خايفة ..

ترفع راسها تطالع شوق .. و ثنتينهن فاجين عينهن ..

ميثا : هاه .. لا س سلامت ك موب خايف ة ..
ناصر : انزين .. جهزي ب ايي اخذج ..
ميثا : و و و وين !!!
ناصر : انتي جهزي .. بس ما اوصيج .. أحلى ثيابج لبسيها ..
ب خوف : ناصر وين ب توديني ..؟!
ناصر : و لا مكان .. انتي بس جهزي ..
تصيح : دخييلك ناصر لا تخوفني ..
ناصر : شو حبيبتي ما اخوفج انتي لبسي ..
ميثا : اوك يه .. مع السلامة ..
ناصر : الله يسلمج ..

تصكه و ترميه ع طاولة المكتب .. تخلي راسها ع الطاولة .. شعرها يتناثر عليه و دموعها تطيح ب خووف ..

تتقرب شوق منها .. خلت يدها ع كتفها ..

شوق : شو بلاج ميثاني .. لا تصيحين ..

ترفع راسها .. ترد و هي تصيح ..

ميثا : خايفة ..
تبتسم : من شوو .. ماعليه يمكن حس ب التأنيب ع الي يسويه فينا ..
ميثا : لا موب جيه .. لو حس ب التأنيب جان قال لي انا و انتي .. موب ........

و ترد تصيح ..

//
//

سامر : راح البيت انتي وايد تأخرتي .. و بكرة عليه شركة .. ماعليه حنا ب نوصلج ..
عيون : بس ليش ما قال لي ..
سامر : شبلاج عيون .. اقول لج تعبان ..
عيون : اففففف .. انزين .. ب ايي معاكم ..

ركبت سيارة سامر .. و غفران طبعا لعوزتها .. لما وصلت بيتهم ..

عيون : مع السلامة ..
الكل : الله يسلمج ..

نزلت و صكت الباب ..

وصلت ل باب البيت .. كان مفتوح .. فتحته .. و دخلت .. فتحت الباب الداخلي .. المكان ظلام .. شغلت الليت .. و انضارها تدور في المكان .. موب قال تعبان .. وينه الحين ؟؟!

مشت ب خطوات خفيفة .. فتحت باب الغرفة .. شغلت الليت .. فارس ما كان نايم .. أو ب الاحرى موب موجود في الغرفة ..

فصخت شيلتها و علقتها .. و نفس الشي عباتها .. طلعت لها ثياب .. خذت شاور سريع .. طلعت .. و هي تلف شعرها في الفوطة .. وصلت لين التسريحة .. شالت الفوطة و رمتها ع طرف التسريحة ..

فتحت شعرها و طاح ب تسلسل .. اخذت المشط و يلست تسرحه .. عصت ع المشط و هي تسمع صوت حركة في البيت .. شفتها كانت ترجف من البرد و الخوف ..

وقفت و لمت شعرها ع فوق .. طالعت ساعتها .. " 1:30 الليل " .. حرامي في البيت .. بس يمكن فارس ..

**"أنت غرآمي وجنوني"** · 02-05-2011, 04:13 PM

رد: عيـــــون فآرس /رومانسسيه وكآمله

وقفت و راحت يم الدريشة .. فتحت الستارة ع خفيف و هي تطل منها ..

صوت وراها خلاها تنتفض ..

فارس : توج ياية ..

غمضت عينها .. و خلت جبهتها ع الدريشة .. عصت ع الستارة ..

فارس : عيون .. أكلمج؟!
عيون : .... " ماشي رد "

يودها من ذراعها و خلاها مواجهته ..

فارس : تسمعيني اكلمج لو لا ؟!

تلف ويهها الجهة الثانية .. لان لوتلاقت نضراتها ب انضاره .. بدون شك .. دموعها ب تطيح ..

عيون فارس /رومانسسيه وكامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget