لأنني خادمه/ روايه اماراتيه رائعه /كامله

**لحن آلأمل** · 30-03-2011, 01:55 PM

رد: لأننـــي خادمــــــه/ روايه اماراتيه رائعه /كامله

منوة : استوى لي كذا مرة اني ييت بيتكم .. بس ما انتبهت لوجود كوماري ولا زوبا ولا روز .. جيه وينهم ؟

خالد : خبرج عتيييج .. بعد سيرتج انتي .. شجعتيهن ع الشردة .. روز وكوماري شردن من البيت .. وكنسلنا اقامتهن والحين معمم عليهن .. وحصلنا كوماري بس روز مختفية .. وزوبا خلى البيت عليها سارت صاحت عند اميه عسب تردها بلادها .. عقبها بأسبوع يبنا 4 بشاكير يداد ..

منوة : وحليييلهن .. كله من روز راس الفتنه ..

خالد : هههههههه ترى روز اللي وصلت لي دفترج .. وكشفت حقيقتج ..

منوة بصدمة : احلف ؟؟

خالد : هههه والله ..

منوة : عيل خلاص فديتها ..

خالد تخبل : ههههههههههههههه ..

منوة : انزين عيل مستر خالد .. انا بخليك الحين ..

خالد : ليييش ؟؟

منوة : بس جيه .. خخخ .. يلا مع السلامة ..

خالد : الله يحفظج ان شا الله ..

.

رد خالد البيت واعتذر لامه ..

وامه شكلها ما اتيي الا بالعين الحمرا ..

حزتها بس وعدته انها تسير تخطب له باليوم الثاني ..

وفعلا .. استوى اللي تمناه خال وساروا يخطبون ..

الريال كان حمدان خال ام منوة .. ريال وقور وله هيبة .. وبو خالد ارتاح له ..

منها جاف خالد منوة ..

ومنها تحددت الملجة بعد اسبوع .. سكيتي بلا دق ولا خرابيط ..

.

على طريج المحكمة ..

توجه خالد وابوه عسب يلحقون ويملجون بخالد ويفتكون من صدعته ..

الا ورقم غريب ايي خالد ..

خالد : الو ؟؟

الريال : اذا شفتك صوب المحكمة بتجوف الويل مني ..

خالد غيظ : منو انته ؟؟

سكر الريال ف ويهه ..

وخالد ارتبك ..

بو خالد : منو اللي متصل ؟

خالد : ها .. لا محد واحد شكله مغلط ..

وكملوا دربهم .. الين ما خالد نسى سالفة راعي الرقم موووليه ..

.

وصلوا للمحكمة ..

وف دربهم للبوابة ..

مر حذاهم ريال متلثم ..

ما ايون الا والريال يغرز سجينه ( سكين ) ع قلب خالد .. !!

وركض الريال على طول وركب سيارة بدون رقم وشرد ..!

بوخالد ما عرف شو يسوي حزتها الا انه يصارخ بقوة ..

لين ما يوا السكيوريتي وطلبوا له الإسعاف ..

.

القهر اكثر ان منوة وصلها الخبر وهي توها بتركب سيارتهم ..

ركضت لحجرتها بقهر ..

ودموعها تغلب عيونها الحزينة ..

وكتبت ف دفترها .

" لن أتزوج خالد .. لأنني خادمة ! "

/

\

/

\

نهاية الجزء السابع عشر ...

**لحن آلأمل** · 30-03-2011, 01:57 PM

رد: لأننـــي خادمــــــه/ روايه اماراتيه رائعه /كامله

بكره يا حلوين بحط الجزء الاخيييييير من" لانني خادمه "

ومششكورين عالمتابعه الحلوه

**مجنونة وجنوني يجنن** · 30-03-2011, 03:53 PM

رد: لأننـــي خادمــــــه/ روايه اماراتيه رائعه /كامله

اخ منج ياسررروب تشوفيني مندمجه تقطعييييييييييييييييين ب_ب
لنا الله ننطر باجر هع

**لحن آلأمل** · 31-03-2011, 02:36 PM

رد: لأننـــي خادمــــــه/ روايه اماراتيه رائعه /كامله

الجزء الثامن عشر ( الأخير ) // بدمج الفصلين الأول & الثاني

" لن أتزوج خالد .. لأنني خادمة ! "

.

كلمة رددتها منوة ف حجرتها بحزن غريب ..

بينما هالحزن كان شبيه جدا بحزن هل خالد في المستشفى ..

كان مخيم جو الحزن والكابة ع المستشفى ..

.

ام خالد تصيح بقهر : حسبي الله على ابليس ( بكره ) كله من نحاسة هاي ال منوة .. كله منها ..

بو خالد : لا حول ولا قوة الا بالله .. استهدي بالله يا مرة ..

ام خالد تصيح بقوة : لا اله الا الله .. محمد رسول الله .. بس ولدي بين الحيا والموت (بقهر) حسبي الله عليها ان صاب خالد شي .. والله لخليها تندم ..

عذبة وهي تمسح دموعها : اميه حرام عليج الحين البنية شو يخصها ؟؟

اسما : مسكينة تلقونها الحين تندب حظها ع اللي استوى .

.

مع مرور الوقت ..

ين خوات ام خالد عسب يازرنها ف محنتها ..

وانقسموا لحزبين ..

الحريم ف الانتظار ..

والرياييل صوب غرفة العمليات ..

روضة : حشى هب نحاسة عليها .. مرة وحدة انطعن الريال ؟

عذبة بغيظ : البنية ما يخصها انزين ؟

روضة : هي مررة صدقتج الحينه .. جان مب هي اللي دبرت كل شي ..!

نشت اسما بغيظ وصفعتها ..

والكل تم يطالع اسما باندهاش ..

اسما اللي القوة لأول مرة تحتل جزء منها : بدال الحش و ظن السوء ادعيله بدعوة صادقة .. ولو اني ماظن ان دعاويج مستجابة .. ومنوة ان طريتيها ع لسانج مرة ثانية بتندمين فاهمة ؟!!

روضة حزتها صخت .. وكانت تبا تسير .. الا ان امها يلستها بالغصب عسب ها واجبها ك مرت اخو الهم ..

.

مع مرور الوقت ..

عذبة تهمس لأسما : شبلاج اسمو شحقه صفعتيها ؟

اسما بقهر : ما عرف حزتها قهرتني .. ما يحق لها ترمس عن منوة جييه ..

عذبة : عاد قلنا .. بس شو نسوي هاي لسان بكبرها ..

اسما تصيح بقوة : منوة من ريحة خالد وما يحق لها تسبها ..

ما رامت عذبة تيود عمرها وهلكت من الصياح !! ...

.

أما الوضع عند منوة ..

فكان من سيء إلى أسوأ ..

وهي تندب حظها العاثر اللي بلشت خالد فيه ..

ام منوة : اموت واعرف منو هاللي دبر هالجريمة الحقيرة !

منوة بألم : انا حاسة انه شخص يعرفنا .. وبغى ينتقم منا ف خالد ..

ام منوة : فارس وانسجن .. ما تدرين شو الدافع .. بس والله بودي أسير لأم خالد .. بس عارفة انها ما بترحب فيه ..

منوة نشت من مكانها : كيفج يا اميه .. سوي اللي يريحج ..

ردت منوة وزخت دفترها ..

بعد ما توقعت ان خاتمة هالدفتر سعيدة !! ..

" لأنني خادمة،، حصل ما حصل، وخالد على فراش الموت، أشعر باني ألقيت عليه نحسا لطالما راودني في السابق، كل ما حصل بسبب واحد ،، لأنني خادمة "

وتمت تصيح وتصيح ..

على حظ عاثر كان حليفها بالدرجة الأولى ! ..

.

مر أسبوع ع الحادثة ..

ورجال الأمن مب رايمين يحققون فهالقضية لان المجني عليه خالد لازال في حالة فقدان وعي تامة ..

!

صحيح ان عملية خالد نجحت .. الا ان نبضه لازال قليل مقارنة بالسابق .. فاستلزم انهم يحطونه في غرفة العناية المركزة ..

ولا زالت الاوضاع متردية !! ...

هل خالد بيموت ؟؟

**لحن آلأمل** · 31-03-2011, 02:38 PM

رد: لأننـــي خادمــــــه/ روايه اماراتيه رائعه /كامله

وبتظل منوة بروحها ؟؟

واذا عاش .. هل من الممكن انه يتزوجها بعد كل اللي استوى ؟؟

ومنو صاحب الطعنة الإجرامية ؟؟

.

مر أسبوع ثاني ..

وام منوة حزتها تشجعت انها تروح ..

وشرات ما توقعت ام خالد ما رحبت فيها !! ..

بل حست ان في حالة نفور من قبلها ..

لكنها مع ذلك داست ع كرامتها وأصرت انها تتم وياها ..

يوميا كانت تروح .. على عكس خوات ام خالد اللي بين كل يومين ايون ..

الين ما ردت ام خالد تاخذ عليها ..

وف مرة من المرات ..

أم خالد : عيل وينها منوة ليش ما يت وياج ؟

ام منوة ارتبكت : تدري بعد وضعها .. ويمكن .. يعني ..

ام خالد تنهدت : يا منال انا ادري ان كل اللي استوى كان قضاء وقدر .. ومالها خص منوة في اللي استوى (دمعت عينها) والرمسة اللي كنت اقولها كانت من غيظي وحرقة قلبي بس ..

ام منوة : معذورة يا الغالية .. الضنا غالي ..!

ام خالد : دخيلج باجر ييبيها .. ع الأقل عسب احس ان ودي بعده ( بألم) عايش فهالدنيا ..

ام منوة تأثرت : ان شا الله بيظهر وبتفرحين فيه وبتزوجينه ..

ام خالد : والله ما ياخذ الا منوة ..

ام منوة بحنان : ان شا الله ..

.

باليوم الثاني

يت ام منوة ووياها منوة اللي ويهها كان مصفر من الخاطر ..

من أول لقاء بينها وبين أم خالد حضنوا بعض وتموا يصيحون ..

تموا على هالحال ..

وكل وحدة فيهم تعبر عن شعور صعب عليها انها تعبر عنه في السابق ..

فراق خالد .. هو المصير العالق في بال منوة و أم خالد ..

الين ما نطقت منوة بألم : خالو جفتيه ؟؟

ام خالد صاحت بقوة : ما خلوني اجوفه .. يقولون ممنووع ..

منوة تزخ ايدها بحنان : ما عليه خالو انا بسير ارمس الدكتور ..

وحاولت منوة مع الدكتور ل كذا مرة ..

الين ما طاع الدكتور ..

بس شرط ان شخص واحد بس يدش له ..

فجدمت منوة ام خالد انها تسير ..

لكن مع اصرار ام خالد سارن رباعة ل حجرة خالد ..

.

اول ما دشوا الحجرة ..

ومنوة وام خالد عيونهم ع هالجثة الهامدة اللي طايحه ع السرير ..

خالد سماره متحول لسواد ..

بالأحرى وكأن دمه اللي يسري في عروقه ازرق وعطاه هاللون ..

و اثنيناتهن يصيحن بكل الم على حاله ..

أم خالد ما رامت تتحمل شوفته جيه .. فهرعت بسرعة ل برع الغرفة .. عسب تدراي دموعها اللي نزلت لا إراديا ..

أما منوة فت تجربت من خالد ويلست تصيح بقهر : خالد دخيلك نش .. خالد انته تدري ان مالي فهالدنيا غيرك .. ( بألم ) منو بيحميني من راجو ؟ من محمد وسيف وعبيد ؟ من فارس .. ؟؟ دخيلك يا خالد لا تموت (تشهق) دخييييلك .. انته تدري اني ماروم اعيش بلياك .. نش يا خالد نش .. انا منوة .. دخيلك نش .. (نزلت دموعها بقوة) دخيييييييييلك !! ..

نزلت راسها وايديها لا زالت متمسكة بحديدة سريره ..

حست بضعف فظيع .. بوهن .. بضيج ! ..

يالله ما احقرج يا دنيا ..

حتى اعز خلاني بتبعدينهم عني ؟؟

تمت على هالحال لفترة طويلة تجاوزت ال 10 دقايق المسموحة ..

الين ما يت السستر عسب تظهرها ..

طالعت خالد بحب مخلوط بحزن كبير ..

ومدت ايدها له ..

وانصدمت !

خالد زخ ايدها .. خالد مسكها !! ..

صرخت منوة بفرحة : خالد نش .. نش خالد (تطالع السستر) سيري ازقريهم .. سييييييييري !! ..

كان خالد بعده شبه نايم ..

يحرك عينه بشكل يدل على انه يحاول ينش بالغصب ..

تم يحرك راسه .. وشوي شوي تم يفتح عيونه ..

**لحن آلأمل** · 31-03-2011, 02:40 PM

رد: لأننـــي خادمــــــه/ روايه اماراتيه رائعه /كامله

حزتها ام خالد وخواتها والبنات دشوا ..

منوة بفرحة : خالو نش .. نش خالد ..

ام خالد طالعتها وهي متفاجأة ومب مصدقة : الحمدلله .. الحمدلله .. عذبة سيري زقري ابووج .. سييري ..

ومن طلب ام خالد .. يوا الرياييل بعدها بدقايق ..

بوخالد اللي نظره كان منصب على منوة : نش خالد ؟؟

منوة دمعت عينها بفرح : هييه .. جوفه عمي زاخ اي ( انحرجت وحاولت تسحب ايدها ) ..

بس قبضة خالد كانت قوية ..

بوخالد : هب هين خويلد .. حتى وهو في العناية ماصخ ..

الكل تم يضحك عدا روضة اللي حست بشوية غيظ على منوة ..

رد فتح خالد عيونه بكسل .. تم يتأمل الويوه اللي تحاصره ..

وركز على منوة بإبتسامة حب وامتنان ..

منوة نفسها كانت منحرجة منه انه قابض ايدها جيه !! ..

أحمد بكوميدية : حمدلله ع السلامة يا روميو زمانك ..

خالد بصوت مبحوح موووليه : الله يسلمك جولييت ..

ام خالد : فدييييييت هالصوت علني ما انحرم منه .. والله لو اعرف ايبب جان يببت ..

بوخالد : لا زين ما تعرفين .. تبين يدار المستشفى يتشقق ؟؟

تم الكل يضحك ع بوخالد وع تعليقه ..

منوة بغت تسحب ايدها من قبضة خالد القوية ..

خالد رص زيادة : بلاج انا مرتاح جيه شحقه تبين تودرين ايديه ؟؟

منوة ويهها قفط من الخاطر !! ..

عذبة : اونك عاد يالمستخف ..

منوة طالعت خالد بإجرام عسب يودرها ..

خالد : ترى اذا ودرتي ايديه برد اطيح مرة ثانية ..

ام خالد باندفاع : لالالالا بويه .. خلكم جيه ..(بخبث) لو ادري ان منوة هي دواك جان من اول يوم يبناها هنيه ..

خالد ابتسم : من زمان وهي دوايه الوحيد . بس انتوا ما تسمعون الرمسة ..

احمد : اسميك انته يا روميو ..

**لحن آلأمل** · 31-03-2011, 02:42 PM

رد: لأننـــي خادمــــــه/ روايه اماراتيه رائعه /كامله

راشد : روميو معفن ..

احمد : شحقه يعني ؟

راشد : ما تجوفه راقد من سنة وحطبة هنيه ؟؟ اكيد مصنن الريال هههههه ..

خالد : ههههههههههههههههه ويا هالويه ..

.

مع مرور الأيام ..

تماثل خالد للشفاء ولله الحمد ..

وعن التحقيق .. أصر خالد انه ما يشك الا ف يعقوب ..

خصوصا ان ابوه وصف لهم نوعية السيارة ولونها يوم ركبها القاتل ..

فهالشي سهل المهمة عليهم .. وتم القبض على يعقوب ..

وبالفعل .. مع محاولات الضرب والكهربا .. اعترف بمحاولته ..

والسبب انه مطرش من فارس عسب ينتقم من منوة وامها لانهم سبب سجنه ..

انتقام غريب !! ..

ولاول مرة ف قصتنا ..

يرجع الحق لصاحبة الحق ..

وبجيه نتأكد ان صفحة ماضي منوة انطوت بسجن فارس وفتحية ويعقوب ..

أم فايز وبوفايز يدانون بعد بالجرم ..

لكن من تأكدوا ان هالشخصين هاجروا لبلاد الله العالم بها سحبوا البلاغ ..

وكل ها تم بسرية وخصوصية تامة ..

.

مع إصرار خالد ع نفس السالفة ..

خالد : متى بتسيرون تخطبون ؟؟

ام خالد : ويييه يا خويلد .. ترانا خطبناها وخلاص .. بلاك انته ..

خالد بفرحة : يعني ما في خطبة مكررة ( انتبه لرمسته الملخبطة ) اوه اقصد اروم املج عليها اليوم ؟؟

ام خالد : هيه ...

خالد بلهفة : خلاص اتصلي بهم ..

ام خالد : ياخي ريح شويه .. توك ظاهر من المستشفى ..

خالد : ان شا الله .. تعالي اميه وينها عذبة ..؟

ام خالد : حميد بيرد من السفر اليوم .. وردت بيتها عسب تزهبه ..

خالد : ايوا ..

ام خالد : انزين اخبرك ..

خالد : ها اميه ..

ام خالد : عرسكم عقب عرس احمد انزين ؟

خالد : تامرين أمر يالغالية .. بس ابا ملجة .. والعرس عقب عرس احمد ..

ام خالد : اسميك انته حركات .. تفرنا كلنا ب صوب واحد ^^ ..

.

مع مرور الأيام ..

ملج خالد على منوة ..

وتحقق حلمه بالارتباط بها ..

من بعد عرس أحمد وروضة بشهرين .. كان عرس خالد ومنوة ..

اللي الناس كلها رمست عنه ..

عرس ما يليق الا بمقام منوة و خالد ^^ ..

.

بعد العرس بشهور طويلة ..

وعلى شاطىء بحر الخليج ..

يلسوا أحلى ثنائي مع بعض ..

خالد و منوة

خالد برومانسية : منوتي ..!

منوة ابتسمت له بحب : هلا ..

خالد : ممم بسألج سؤال ! ..

منوة طالعته باستغراب : سؤال بس ؟؟ انته اسأل مليون سؤال ولا يهمك ..

خالد : حبيبتي .. دفترج الذهبي ..

منوة تغيرت تعابير ويهها : شبلاه ؟ ..

خالد : عطيني اياه بقراه ..

منوة : بس اول شي اوعدني انك ما تضحك ع اللي كتبته ..

خالد : فالج طيب غناتي ما طلبتي ..

عطته منوة الدفتر بابتسامة حلوة .. وهو بدوره بدى يتصفحه ..

قرى خالد اخر مذكرات منوة ..

خالد باستنكار : لأنني خادمة ؟

منوة ابتسمت : مب حلو ؟؟

خالد : الا رووعة .. بس نسيتي شي مهم ..

منوة : شوو ؟؟

خالد : ظهري قلمج واكتبي ..

منوة زخت قلمها بكوميدية : شو اكتب ؟؟

**لحن آلأمل** · 31-03-2011, 02:43 PM

رد: لأننـــي خادمــــــه/ روايه اماراتيه رائعه /كامله

خالد حنى نفسه لها وجثى ع ركبتيه بحيث انه كان مجابلنها :

" لأنني خادمة تزوجني من أحب،، ولأنني خادمة فإنني حامل الان وأنتظر مولودي بعد 4 أشهر ،، ولأنني كنت خادمة فمصير هذا الدفتر النسيان،، لأن مذكرات كهذه لا يمكن أن تعود من جديد "

بعد ما خلصت منوة من الكتابة : بس ؟؟

خالد : عطيني الدفتر ..

منوة بحيرة : يعني لازم نفره ؟؟

خالد : مب أي شخص ممكن يتحمل صدمة سالفة شرات هاي .. صح حبيبتي ؟؟

منوة هزت راسها بإيجاب : خلاص .. سو اللي تباه ..

.

مسك خالد الدفتر بإيديه ورفعهم ..

وفر الدفتر لأبعد نقطة قدر يجوفها في البحر ..

هالمرة خلاص .. سر منوة اندفن مع باقي مذكراتها ..

بدون ما يكون في احتمال انها تنكشف ولا تنفضح ..

منوة تمر بتجربة أمومة الحين .. وصعب على الطفل اللي بيي عقب انه يكتشف انه امه كانت مجرد "خدامة" !.

خالد ومنوة عصفت في حياتهم شتى العواصف ..

وأبرقت دنياهم بعد ليالي حارة خالية من أي نسمة هوا ..

ما نقول مثل البعض انهم عاشوا في العسل ..

انما هم كأي زوجين .. وأبوين ..

تحكم عليهم الظروف انهم يختلفون ..

منوة تستحمل عصبية خالد ،، وخالد يستحمل طيش منوة ..

المهم ان كل شخص فيهم كبر ف عين الثاني لمزاياه بغض النظر عن عيوبه .. لأن الحب شرات ما يقولون أعمى ^^ ..

.

روضة وأحمد ،، اقتدوا بمنوة وخالد على الرغم من مشاكلهم المتراكمة ..

وصغر عقل روضة .. وغيرة أحمد الكبيرة ..

إلا أن المسيرة تتواصل عسب يبقون لبعض ،، عناد في كل اللي تكهنوا في مصير هالزواج .. واللي هو الفشل .. ! ..

.

عذبة وحميد كانوا أحلى مثال ينضرب في الحب بعد الزواج،، ولا توقف للعطاء ..

.

أم خالد وبوخالد هم الشيبة والعيوز ،، اللي بعد كل هالعمر وصلوا لمرحلة المناقر والضرايب على شي ما يسوى، بس على الرغم من كل ها فالعشرة أبد ما تهون ^^ ..

.

بس باقي الشخصيات اللي أدوا أدوار ثانوية في القصة ؟؟

أكيد ما ننساهم أبدا ..

محمد / سيف / مزون / ريم / شهد / عمر / روز / زوبا / كوماري ..

ونشهد على دورهم في إحداث متغيرات في القصة ^^ ..

.

بعد كل هالأيام اللي مرت ..

وبعد كل الأفكار اللي انحطت وما تنفذت ..

خلصت القصة .. بحمد الله تعالى ..

12- سبتمبر-2007 م

/

\

/

\

نهاية لأنني خادمة

**لحن آلأمل** · 31-03-2011, 02:45 PM

رد: لأننـــي خادمــــــه/ روايه اماراتيه رائعه /كامله

& كلمه الكاتبه &

بسم الله الرحمن الرحيم

***

انتهت قصتي لأنني خادمة

بعد ما قضيت فترة طويلة فيها ..

اكتب / احلل / أناقش .

لطفا : لكل من ينقل قصتي لمنتدى اخر انه ينقل اللي اكتبه لكم

أبغي قرائي كلهم يعرفون اللي يدور في ذهني .،،

* هدفي الأساسي من كتابة القصة هاي بالذات اني أوضح شي لطالما غاب عن أذهاننا ، وهو حقوق الخدامة على كل فرد ف هالمجتمع تسكن ف بيته خدامة .

* كان المقرر ان العنوان يكون "تجربة خادمة"،، بس ربيعتي الغالية راعية جميرا ما قصرت ،، واقترحت عليه هالعنوان .

* ( موقف محرج ) استوى لي مع الكاتبة المتميزة "روائية حديثة" ،، لأني نزلت قصتي بعد ما هي نزلت قصتها بفترة مب وايد بعيدة ،، وانتبهت فيما بعد ان اثنيناتنا قصصنا تبتدي ب (لأنني)،، فطرشت لها رسالة اوضح لها سوء الفهم،، وبالعكس هي ردت عليه بروح رياضية وفهمتني ان الكتابة ما يقيدها عنوان بل أسلوب الكاتب هو المهم في القصة ،، صدقوني كبرت بعيني اكثر واكثر، وزاد احترامي لها.

* ( صداقات) من هالقصة اكتسبت صداقات وايد حلوة،، منها الاخت الغالية زوايا حزينة / mnoo_gadee / اشجان المحبة (اختي السعودية) / احلى البناتdxb / وغيرهم الكثير ،، طبعا كل قراء قصتي كنت أعتبرهم أصدقاء غالين علي، بلا استثناء ، حتى اللي كانت ردودهم تحبطني شوي ! .

* ( احباط ) الاحباط كان له دور كبير ف هالقصة من جهتي، خصوصا يوم كنت أقرى ردود أبدا ما تسرني يعني مثلا البارت قصير وحرام عليج / طبعا ما ازعل من هالكلمتين لكن اسلوب البعض كان ينرفزني لدرجة لا تطاق، وحتى يمكن هالسبب اللي يخليني ارد ع الاعضاء يوم اكون هادية ومتفيجة ، لاني عادة اذا غيضت بقول رمسة انا مب قدها ، والكل يشهد .

* ( طرائف ) اذكر اني ف اول اجزاء لي ف القصة طريت الفيران والصراصير ، وانا عندي فوبيا منهم يعني لو اجوف الصرصور من بعيد بس اتخبل واسوي حفلة وابويه يحتشر خخ ،، اونه الا صرصور،، المهم بالصدفة نفس اليوم ظهر لنا فار ف المطبخ ، واختي كانت هي اول المتابعين لقصتي من خلف الكواليس ، فيلست تدعي عليه وتقولي اكيد هالفار ظهر من بيت فتحية حسبي الله عليج ! انا شو ذنبي دام بيوت تنبني حذالنا ونحن ف عز الصيف ؟؟ ها ..

* (سرقة أدبية) الصراحة ما حسيت بها الا بعد ما جربتها،، صدق صدق انقهررت من الخاطر، بالصدفة وانا الف احد المنتديات تفاجأت بواحد منزل قصتي ولا بعد يقول انه هو اللي كاتبنها، تدرون شو ارتفع ضغطي ؟ بس حزتها مادري شحقه كنت عاقلة وسكت عنه ، بس الله فوق ، بعد فترة رديت دشيت عسب اطالع شو سوى،، الله راواه حد من الاعضاء كاتبله ان القصة مب له وان أنا الكاتبة ، ساعتها بس تأكدت ان حقي عمره ما راح يضيع لأن .. الله فوق ,,

* ( اطراء ) وايد كنت استانس يوم حد يثني على مجهود قدمته، خصوصا اذا انا كنت حاسة فعلا انه متعوب عليه ، صدقوني يا اعضائي الكرام يوم كنت اقرى ردودكم الحلوة كنت احس بعمري فوق السحاب، لاني فعلا حسيت ان في حد يهتم فيه وف مواهبي المكبوتة خخ ..

* ( مصادفة ) في شلة حلوة وياية في المدرسة مب في صفي بس هم ربيعات ربيعتي، وصلني خبر انهم قروا قصتي و حتى ما عرف اذا حد منهم رد عليها او لا ، بس يعني اللي عيبني فيهم صراحتهم وانهم انتقدوا القصة ب انتقاد بناء والحمدلله قدرت أتفادى هالغلط .. عاد اكيد يدرون بعمارهم منو هم :)

* الصراحة ما توقعت ان قصتي تلاقي كل هالنجاح والأصداء الطيبة، خصوصا بعد ما الكل قالي ان اسلوبي تطور 180 درجة عن قصتي القبلية، والحمدلله ع كل حال .

* هالفترة خلاص بنقطع عن النت وما بيشغلني شي عن دراستي ان شا الله، وما بنزل لا قصص ولا شي .. مجرد اني بس بدش بين فترة وفترة عسب اتطمن عليكم ^^ .. عاد في بالي فكرة يديدة لقصتي .. بس ترى يبالها أعضاء أشرار شراتي خخخخخ ..

بس هاي هي النقاط اللي عندي .. أحب أشكر كل اللي تابعوني واللي ردوا علي وعززوا أفكاري، كنت أتونس يوم أقرى ردود كلها توقعات وخصوصا اذا كانت بكبرها اكشن ..^^ وناسة ..

في النهاية أبغي رايكم النهائي في القصة ،، ترانا خلصناها، رايكم في أسلوبي ؟ في النهاية ؟ في السرد ؟ في الطرح ؟ في اي شي يخطر ببالكم ؟؟

وكل عام وانتوا بألف خير

واسمحولي

قلب دبي

**لحن آلأمل** · 31-03-2011, 02:47 PM

رد: لأننـــي خادمــــــه/ روايه اماراتيه رائعه /كامله

كملت الروايه ..
وسسوري اذا في يوم تأخرت عليكم ..
شكرا لكل من تابع الروايه ...
واوعدكم بالجديد,,

لأنني خادمه/ روايه اماراتيه رائعه /كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget