رواية جرحني وصار معشوقي للكاتبه رسمتك حلم ..كامله

**ح ـكآية** · 29-10-2010, 07:28 PM

رد: رواية جرحني وصار معشوقي للكاتبه رسمتك حلم ..

لماوصلوا بيت أهلها..
تولين مسكت يده بخوف وترجي: فيصل الله يخليك لاتتركني لوحدي ...

فيصل:ماراح أتركك بنزل معاك..

تولين:وماتخليني عندهم وتروح

فيصل :لا...

دخلوا القصر ودخلتهم الخدامه
في المجلس...

إستغرب لماجلست جنبه وعيونها
ع الباب...

ناظرها بحيره ..معقوله لهدرجه
أبوها مسبب لها رعب...

رق قلبه لها مومعقوله فيه بنت
تخاف من أبوها...

***

قامت:إيش...تولين وزوجها هنا..

الخدامه:yes miss

:أوك أوك..

معقوله تولين جت هنا...ولها عين بعد تجي...لحظه...زوجها
معاها...فيصل ال.....

طيب ياتولين أنا اللحين أعلمه
كيف يختار ويفضل وحده مثلك
علي أنا...وإلا فيصل ال....
يصير زوجك إنتي...

دخلت غرفتها ولبست أحلى
فستان عندها وقصير...وحطت
ميك أب أبرز جمالها وشعرها الكيرلي خلته مفكوك وتعطرت
بعطرها القوي...

نزلت تحت متجهه للمجلس تمشي بدلع...

دخلت المجلس وشافت فيصل
سرحان في تولين اللي تفاجأت
لماشافت مرام اللي إنقهرت وزاد قهرها شكل تولين..
وعيونها ع فيصل اللي إنتبه لها
متفاجأ وابعد عيونه عنها مستغرب من وقاحتها...

قربت منهم وهي تقول بدلع:أهلين...هلا والله..

مدت يدها لفيصل اللي ماناظر
فيها ولاعطاها وجه..

رفعت حاجبها وجلست وحطت
رجل ع رجل متجاهله تولين:تفضل فيصل حياك...

دخل أبومرام وتولين أول ماشافته لصقت في فيصل...

سلم ع فيصل ورحب فيه وقامت
مرام بسرعه علشان مايسلم
ع تولين وقالت وهي تمسك أبوها وتجلسه:إرتاح يبه إنت تعبان

فيصل ناظر في تولين اللي ماتحركت من مكانها وعيونها
ع الأرض..وقال:سلامات ياعم
ماتشوف شر..

كانت جالسه طول الوقت ع أعصابها وهي تسمعهم يسولفون وتشوف مرام تقدم
القهوه وغيره وهي تتعمد تقرب
من فيصل ...

لماقام فيصل اللي ماعجبه الجو
ومتضايق وهو محتقر أبومرام
اللي ساكت عن بنته...

طبعا تولين ماصدقت فيصل يقوم وقامت معاه ...
وطلعوا ..

وطول الطريق وهي تشوف
فيصل ساكت...

**

ضربت الطاوله بإيدها بقهر
أجل تولين تاخذ هالكشخه والرجوله كلها والغنى وهي تاخذ
واحد يتمنى موتها ويكرهها...

تمسكت بالطاوله لماحست بدوخه وراسها صدع عليها...

**************

تنهدت وهي تناظر في الهديه الكبيره اللي داخلها ساعه ألماس وباقة الورد الحمرا الكبيره اللي أرسلها لها طلال
لأن بكره زواجهم...

إنفتح الباب وطلت ساره:العروسه صاحيه..

صرخت بفرحه:سا ا ا ا ا اره

ضموا بعض وأمل تقول:الحمدلله ع السلامه...والله كنت
خايفه ماتكوني معاي...

ضحكت ساره:وأنا أقدر...مستحيل

أمل:كيفك متى وصلتي

ساره:اليوم وماقدرت أصبر لين
أشوفك...

أمل وهي تجلس وساره تجلس
جنبها:كيفك وكيف وليد معاك...

ساره إبتسمت:الحمدلله تمام
إنتي كيفك مستعده لبكره...

تنهدت أمل وهي تقول:مادري....

مدت يدها ساره ومسحت دمعة أمل وهي تقول:أموله
خلاص لاتبكين...إنسيه ...وشوفي حياتك مع طلال...
أنا سمعت إنه رجال والنعم
فيه و...

غمزت لها وهي تقول:وسمعت
إن في هدايا تتسرب للبيت...

إبتسمت أمل وقالت ساره:طلال طيب ياأمل لاتظلمينه...
إنسي فيصل وشوفي حياتك
مع طلال ولاتظلمين نفسك
وتظلمينه وتضيعين أحلى أيام
حياتك بشئ لايمكن ترجعينه...

إبتسمت أمل وعيونها ع باقة الورد:إن شاءالله...تصدقين كنت
محتاجه أحد يكون معاي...

ساره:وهذاني معك وماراح أتركك لين تحبين طلول وتشهقين باسمه....

ضحكت أمل...وهي مقرره إنها
تحاول تنسى فيصل مع إنه صعب بس بتحاول...وتعيش مع
طلال حياتهاوماتظلمه...

***************

**ح ـكآية** · 29-10-2010, 07:29 PM

رد: رواية جرحني وصار معشوقي للكاتبه رسمتك حلم ..

دخل للبيت وكان هدوء لأنه
رجع متأخر...

دخل للصاله وجلس ونزل شماغه جنبه...

سند راسه ع ورى بضيق..
وتنهد...

بكره زواجها....بكره أمل
بتتزوج غيره...بكره الشئ اللي
كان يحسبه حلم بيصير واقع...

ضم راسه بإيديه وغمض عيونه
بتعب..

ظل ع هالحاله ساعه وصراعات
داخله...وكبوت..

قام بثقل حتى إنه نسى ياخذ
شماغه وصعد فوق...

دخل الجناح..وتفاجأ لماشاف
تولين لسى صاحيه..

ظل واقف مكانه يناظرفيها ما
يدري هالحظه بالذات وهذا حاله ظلت عيونه عليها..

جالسه ع الصوفا ومعطيته جنبها
وعيونها السود الواسعه تناظر
في التلفزيون بسرحان...

ليه لماتكون قدامه ينسى
أمل...

تنهد بضيق ودخل الغرفه...

إنتبهت ع صوت باب الغرفه ..
وعرفت إن فيصل رجع...بس ليه ما حاكاها ..معقوله مانتبه لوجودها...

*************

تفاجأت لماشافت رنا داخله
غرفتها:رنا...

سلمت عليها:متى وصلتوا...

رنا بابتسامه:اليوم الفجر...

إبتسمت:الحمدلله ع السلامه

رنا وهي تجلس ع الصوفا:الله يسلمك...كيفك ياعروسه..

إبتسمت وهي تجلس جنبها:الحمدلله بخير إنتي كيفك وكيف
السفره..

رنا:تمام..الحمدلله..

إنفتح الباب وطل خالد:مساءالخير ع أحلى عروسه طبعا بعد زوجتي

ضحكت أمل وهي تقوم تسلم
عليه:الحمدلله ع السلامه..

خالد:الله يسلمك...

أمل:سوري قطعنا عليكم سفرتكم..

خالد:يعني معقوله بنفوت زواج
أغلى خواتي..الدلوعه..

ضحكت أمل:لاتسمعك ساره
بس تطق من الغيره..

خالد:هي رجعت..

أمل:أيوه تلاقيها اللحين جايه...

جلسوا شوي معاها وإنضمت
لهم ساره ...

قام خالد لماأزعجه رائد من كثر
مايدق عليه يبغاه يجي معاه يشرف كل شئ ويساعده...

نزل تحت وشاف ياسر جالس
يلعب بلاي ستيشن:يسور
هذا وقته تلعب...قوم معاي

رمى ياسر يد الجهاز وقام بضيق:طيب...

****************

تأففت بضيق لماماقدرت تسكر
العقد ...

إبتسمت لماتذكرت إن رعد كان
يسكره لها...

إختفت إبتسامتها لماتذكرت إنها
لسى زعلانه منه ومتضايقه...

عدلت شعرها الكيرلي وفستانها الذهبي ...ورجعت تناظر في الطقم اللي مالبسته
وقررت تلبسه لماتوصل للفندق

أخذت عباتها وحطتها ع السرير
وأخذت شنطتها تدخل فيها أغراضها...

رفعت راسها لماسمعت صوت
رعد:جهزتي...

ناظرت في شنطتها وهي تدخل
أغراضها:أيوه خلصت...

ناظر رعد في الطقم اللي ع
التسريحه جنبها:وهذا ماراح تلبسينه...

لميس:باخذه معاي ألبسه هناك..

عرف رعد إنها ماقدرت تسكره
وماتبغى تطلب منه...

رعد:تعالي أسكره لك..

رفعت عيونها تناظره وماقدرت
تقوله له...

أخذته وراحت له ...عطته إياه
وكانت بتعطيه ظهرها بس ما
عطاها فرصه وكأنه عارف حركتها لمالف إيدينه حول عنقها
يسكره ...

نزلت عيونها بارتباك...وحسته
طول وهو يسكره وكأنه متعمد
علشان يخليها قربه...وهي ماتبغى تضعف قدامه...ولاهي
قادره تتحرك...وعيونه عليها

قرب منها وباس جبينها...وهي
حبست أنفاسها..وغمضت عيونها
لما لصق جبينه بجبينها وماظل يفرق بينهم غير أنفاسهم...

حمدت ربها لما دق جوالها
وقلبها تحسه بيطلع من مكانه
من قوة دقاته...

أخذت جوالها بيدها المرتجفه وردت:هلا ريم...

رفعت نظراتها للمرايا وماشافت
رعد موجود...

زفرت وتنهدت وهي تجلس ع
طرف سريرها...

ريم:الو..لموس شفيك

لميس:مافيني شئ...خلصتوا..

ريم:أيوه وننتظرك..

لميس:اللحين طالعه...

سكرت منها وظلت جالسه لثواني تهدي نبضات قلبها ...

****************

تأففت بضيق وهي تناظر في
الصندل العالي اللي أجبرتها
ريم تلبسه...

أمس قعدت تدربها كيف تمشي
عليه لأنها ماتعودت ولا عمرها
لبسته...

رفعت طرف فستانها ولبست
الصندل...والله خايفه تطيح
قدام الناس وتتفشل...
بس ريم تبغى تعودها....

مشت فيه وهي رافعه طرف
فستانها علشان تسهل حركتها...
وكل شوي توقف علشان ماتطيح ...ومانتبهت للعيون اللي
تراقبها...

تأففت بضيق:الله يسامحك ياريم...دبابه هذي مو صندل...

كانت منزله راسها تناظر في خطواتها بحذر..

وهو كان يناظر حركاتها البريئه ووده يضحك ع شكلها...كأنها طفله..

فجأه رفعت راسها لماحست بوجود أحد كانت تظن إنه ريم..
وتفاجأت لماشافت فيصل واقف
يراقبها...

كانت بتطيح بس فيصل لحق عليها ومسكها...

بعدت عنه وهي منحرجه من
نفسها...:اسفه...

فيصل ضحك:أهم شئ ماتعورتي...من هالدبابه اللي
لابستها ع قولتك...

إبتسمت وهي تفسخ الصندل
:ريم مصره ألبسها...

فيصل:عاد من طولها ريم ..

دخلت ريم :خلصتي...

إنهبلت لماشافت الصندل مرمي:مالبستييه...

تولين إبتسمت:مابي ألبسه مره
عالي...

ريم:لاوالله ..

تولين ضحكت:خلاص بلبس بس
أقصر منه....

ريم :طيب تعالي نطلع واحد

مسكتها وسحبتها معاها...
وعيون فيصل عليها ...كان قبل
لايشوفها حاله غير لأن زواج أمل اليوم لكن لماشافها نسى
كل شئ...حركاتها البريئه وإبتسامتها وضحكتها كل شئ
فيها يخليه يبتسم وسط حزنه...

****************

**ح ـكآية** · 29-10-2010, 07:32 PM

رد: رواية جرحني وصار معشوقي للكاتبه رسمتك حلم ..

*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏

****************

واقفه قدام المرايا ونظراتها
ع فستانها الأبيض بتصميم فرنسي...وطرحتها البسيطه...
تسريحة شعرها ...مكياجها
الناعم ...كل شئ فيها نعومه...

تنهدت وهي تطرد فيصل عن
بالها وتحط قدامها طلال وبس..

لفت للباب اللي إنفتح وإبتسمت
لماشافت سميه داخله وخلفها
سديم...

سميه:كللللللللوووش ألف ألف مبرو و وك أمووله...

ضمتها بخفه وهي تقول:الله يبارك فيك...

سديم:قولي لها عقبالك علشان
تستانس...

ضحكت أمل وهي تقول لسميه
:عقبالك...

ضحكت سميه وهي تقول:امين

سديم:شفتي إختي ماتستحي
مشفوحه ع العرس...والمشكله
راكانوه أربع وعشرين ساعه
عندنا...

سميه:حرام عليك يجي شوي
حتى ماتتعدى ساعتين..

سديم:وساعتين شويه...أتوقع
بعد لو مايجي يوم بتنجلط إختي

ضحكت أمل وسميه ضربت
سديم:وجع لاتفاولين إن شاءالله يجي كل يوم..

سديم:والله ع بالي تهاوشني لأني قلت بنتنجلط أثاريها خايفه
ع حبيب القلب مايجي...

إنفتح الباب وشافوا ريم داخله
..
إختفت إبتسامتها لماشافت اللي
دخلت خلفها..

سلمت عليها ريم ونظراتها ع
اللي واقفه جنبها وإبتسامتها
ع وجهها..

ريم:هذي تولين زوجة فيصل..

رمشت بعيونها وهي ترسم
إبتسامه ع وجهها..وعقلها يردد

تولين زوجة فيصل..

زوجة فيصل..

تحس بشئ داخلها يالمها ..

سلمت عليها ورجعت تولين وقفت جنب ريم...

بعدها دخلوا عندها البنات يباركون وهي موقادره تشيل
عيونها عن تولين...كيف عاد فيصل...

طردت الأفكار عن بالها وحاولت
تنسى كل شئ....

**

جلسوا حول طاوله ورشا تقول:
وينها تولين...

دلال ونظراتها تبحث عن لميس:مادري...

رشا لمحت ريم تمشي في
الممر ومعاها وحده ماعرفتها:
مين اللي مع ريم..

دلال:مادري..

دققوا النظر وناظروا بعض بدهشه:تولين

ريم:السلام..

ناظروا فيها مومصدقين إن هذي
تولين...:هلا

ريم ماكانت تبغى تروح لهم بس
تبغى تقهر رشا...

سلموا ومشوا تاركينهم...

رشا:بنت ال... شفتي كيف شكلها..مستحيل فيصل بيرجع
يناظرفيني...وهذي عنده..

دلال:إنتي غبيه كان ماعلقتي
ع شكلها المره اللي راحت..

إنقهرت رشا وقالت:مومهم الشكل المهم تصرفاتها....

ناظرت في دلال اللي تناظر في
لميس:وإنتي ليه قاعده تراقبين
هالميس...

دلال:موشغلك..

**

**ح ـكآية** · 29-10-2010, 07:33 PM

رد: رواية جرحني وصار معشوقي للكاتبه رسمتك حلم ..

بعد زفة أمل وبعد
ماجلست ..

قاموا البنات بيروحون لها..

تولين مارضت تروح معاهم و
فضلت تجلس وتشوفهم من
مكانها...

تلفتت حولها بحيره ..مستغربه
لأنها ماشافت مرام موجوده..

التفتت لماحست بأحد جلس جنبها وشافت رشا تناظرها..

رشا:شفتك جالسه لوحدك قلت
أجلس معاكي ..

تولين إبتسمت وهي مومرتاحه
..
رشا تكمل حكيها:عارفه البنات
مايبغون يجلسوا معاك...

ناظرت فيها تولين بحيره..إيش
قصدها..

وكملت رشا:لأنهم يحبون أمل
وأكيد بيوقفون بصفها ومايبغون
يضايقونها...

وكملت لماشافت نظرات تولين: ليه إنتي موعارفه إن أمل هي
اللي يحبها فيصل...

إنصدمت تولين وناظرت في
أمل مصدومه...معقوله فيصل
يحبها...

قطع تفكيرها ريم اللي جت لما
شافت رشا عندها وأخذتها معاها...وهي موقادره تستوعب
اللي سمعته...جا في بالها فيصل
وتذكرت تصرفاته الأخيره...ماكان يجلس معاها إلالمايكونوا
جالسين مع أهله...سرحانه الكثير... الحزن اللي تحسه في
ملامح وجهه...حتى إذا كان في
البيت يجلس لوحده وبسرحان..

اللحين عرفت السبب..

ناظرت في أمل...لأن اللي يحبها
تزوجت غيره...بس ليه..

إحساس فظيع حست فيه ونظراتها ع أمل...وفيصل في
بالها...من تتذكر حبه لأمل...و
هل هو" غيره"
...

***

باركوا لها ورقصوا عندها البنات
فرحانين لها...

وعيون وحده ع وحده فيهم..

لماشافتها متجهه للدورات المياه
لوحدها...سبقتها ودخلت قبلها
ورفعت جوالها:هلا رعودي..

وقفت لماسمعت صوت دلال
تستوعب الإسم اللي سمعته..

دلال:رعد حبيبي والله عارفه إنك ماتحبها وتحبني..وعارفه إنك
تبغى تتزوجني...........أيوه حياتي
عارفه إن مو قصدك تتركني لما
طحت في المسبح ولحقتها بس
علشان ماتشك وقلبك معاي............ههههههه عارفه
إنها قطعت علينا أحلى لحظه..............كيفك اللحين..........حبيبي والله أنا بعد
إشتقت لك أكثر........بكره.......
أوك حبيبي نتقابل في نفس
المطعم ع الغداء.....

تسندت ع الجدار قبل تطيح وإيدها ع راسها....

مستحيل...مستحيل رعد
يخونها مع دلال...مستحيل

اللحين عرفت ليه يدافع
عن دلال وراضي بقربها....اللحين عرفت ليه مايعترض ع تصرفات دلال وقربها وليه يدافع عنها...اللحين عرفت سبب صمته لماواجهته...

غمضت عيونها وإنسابت دمعتها
ع خدها...ألم حاد يعصف في
قلبها...

إنسحبت من المكان قبل تشوفها
دلال...

***************

**ح ـكآية** · 29-10-2010, 07:34 PM

رد: رواية جرحني وصار معشوقي للكاتبه رسمتك حلم ..

بعد مارجعوا من الزواج...

جلست ع الكنبه وهي تشوفه
يدخل مكتبه ويسكرالباب...

طول الطريق وهي تشوفه ساكت ومكتم مع إن ريم كانت
معاهم وتسولف بس كان بصمت ومو ع بعضه...وهي
عارفه ليش...

بس هي ليه زعلانه ليه متضايقه...من عرفت
إن فيصل يحب...

تنهدت بضيق..أنا طول عمري
عايشه لوحدي...مو مهتمه في
أحد ولا أحد مهتم فيني...ليش
اللحين أهتم فيه...

هل لأنه أنقذني وطلعني من
العذاب اللي كنت عايشته...
أو لأني ..لأني..حب...يت...ه...

أنا عمري ماحبيت أحد ولا أحد
حبني...كيف أقول إني حبيته
أو عرفته إنه حب....اه ياربي..

قامت لما أقنعت نفسها إن هذا
مو حب...ومستحيل يكون حب..

دخلت الغرفه وأخذت شور
وبدلت ونامت...

**

رجع راسه ع ورى وغمض عيونه بتنهيده...

اليوم شافها عروسه لغيره..ماسكه يد غير...

ضم راسه بإيديه وغمض عيونه
بقوه يطرد صورتها عن باله

ظل في مكتبه ساعه بصمت
وهدوء وماتحرك من مكانه...

قام وطلع من مكتبه لماعرف
إنه مستحيل يخلي اللي صار
حلم...

دخل الغرفه وطاحت عيونه عليها...

نايمه ع طرف السرير ولوتحركت طاحت منه وكأنها تهرب منه...خصل شعرها الأسود متناثره ع المخده...
رموشها الطويله السود تلامس
خدها...

ماحس بنفسه إنه جلس ع طرف السرير يناظر فيها...

أبعد عيونه عنها وقام...

***************

فتحت الباب وشافت ريم داخله
ووجهها متغير وشكلها متضايقه...

جلست جنبها:ريامي شفيك حبيبتي..

ريم بصوت مخنوق:حددوا موعد
زواجي...

لميس:متى

ريم ودمعتها ع خدها:بعد ما
نرجع من المزرعه...

لميس بدهشه:شنو
بعدمانرجع من المزرعه ...

سكتت لميس لماشافت دموع
ريم وحاولت تهديها...

ريم:كلما أحاول أنسى يذكروني
ويقربون وقته...ليه ليه

لميس:إهدي حبيبتي خلاص..
إيش نقدر نسوي ماراح نسوي
أي شئ..إنتي زوجته سواء قربوا
موعد الزواج أو أخروه..

سمعوا صوت باب غرفة رعد
ومسحت دموعها ريم بسرعه
لماشافته طالع...

رعد:أهلين ريمو...

قامت تسلم عليه وهي تبتسم
وتحاول ماتوضح له إنها كانت
تبكي...

ريم بابتسامه:إشتقت لكم
وقلت أجي أتغدى عندكم..
بس شكلك بتطلع...

رعد يعدل غترته:أيوه عندي شغل وبتغدى برى...

رفعت راسها تناظرفيه بصدمه
ونزلت عيونها لما شافته يرفع
عينه لها...وقلبها تحسه يغوص
داخل ضلوعها...

طلع وقالت ريم بابتسامه:يالله
ماتبغين تغديني..

******************

سلمت ع أهلها وجلست جنب
أمها بعد ماطلع أبوها وإخوانها
يسلمون ع طلال....

رهف:كيفك أموله..

أمل:الحمدلله تمام

إبتسمت لماشافت رنا داخله
وضمتها:ألف مبروك أموله...

أمل:الله يبارك فيك...

جلست وقالت:ساره ماجت

أم خالد:توها داقه علي وتقول
بتجي...

أمل:وإنتي ماعندك نيه تولدي...

رهف:تقول الدكتوره الأسبوع
هذا ولادتي إن شاءالله...

أمل:الله يسهل عليك ويقومك
بالسلامه..

رنا:بتسافرون بعد شوي

أمل:لاماراح نسافر اليوم بنسافر
الجمعه...طلال مشغول الأيام
هذي وأجلنا السفر ليوم الجمعه
ولأن خالتي بعد مسويه حفله
يوم الخميس ..

دخلت ساره وضمت أمل تبارك
لها وجلست جنبها..

ساره:كيفك وكيف طلول..

إبتسمت أمل لأنها عارفه قصد
ساره...وطنشتها...

قامت ولبست عباتها لماقال لها
رائد إن طلال ينتظرها وهو منغاظ لأنه ماشاف أمل ...فقدها أمس في الليل كانت قبل
لماترجع من زواج تحجر عليه
ماتبغاه ينام لين تسولف له
عن كل شئ في الزواج ....

***************

جالسه في الحديقه مع ريم ورنا لمارفعت عيونها وشافت فيصل طالع...

من بعد الزواج رجع لعادته أول
ماتزوجوا...صار طول الوقت
برى البيت...هي ماصدقت يتحسن معاها وصارت تشوفه
ويجلس معاها حتى لومع أهله
..
ريم:إحم إحم نحن هنا..تراه
طلع من زمان..

إنحرجت ونزلت عيونها وقالت:
وين لميس...

ريم:دقيت عليها وشكلها مشغوله...

رنا:بديتي تجهزي لزواجك

ريم بضيق:لا

رنا:لازم تبدي من اللحين يالله
تخلصي لأن الأسبوع الجاي بنطلع للمزرعه..

ريم ضاق صدرها ونفسيتها
زفتت لماتذكرت زواجها وروحتهم للمزرعه يعني أكيد
بيلزق فيها...

رنا:اليوم بعدصلاة العشاء باخذك معاي للسوق..

ريم:لامابي

رنا:بتروحين يعني بتروحين

ناظرت في تولين:شرايك تولين
تجي معانا منها تنبسطي ونتمشى ومنها تتسوقي...

تولين:مادري بسأل فيصل

ريم:أوك دقي عليه اللحين

تولين:دقي عليه إنتي...أنا ماعندي جوال

تفاجأو البنات إن ماعندها جوال
وإن فيصل ماعطاها...

طلعت ريم جوالها ودقت ع رقم
فيصل ومدته لتولين اللي خذته
بتردد ماكانت عارفه إن ريم بتخليها هي تحاكيه...

طول مارد وجاها صوته:هلا
ريم

تولين إرتبكت لماسمعت صوته
:فيصل..

عقد حاجبه باستغراب لأنه ماعرف الصوت وقال:مين معاي

تولين:أنا تولين...

ناظروا ريم ورنا في بعض...يعني معقوله ماعرف صوتها

ريم همست:من كثرمايقابلها
ماعرف صوتها...

تفاجأ فيصل وتذكر إنه ماجاب لها جوال ..كيف نسى:هلاتولين

تولين:كيفك..

فيصل:تمام إنتي كيفك

تولين:بخير.............

فيصل:بغيت شئ..

تولين:كنت بستأذنك أبغى أروح مع البنات اليوم للسوق..

فيصل طبعا وافق لأنه عارف نفسه إنه مايطلعها من البيت
وأكيد البنت كرهت نفسها...

***

**ح ـكآية** · 29-10-2010, 07:34 PM

رد: رواية جرحني وصار معشوقي للكاتبه رسمتك حلم ..

طلعوا للسوق وتسوقوا وتعشوا
ورجعوا..

جلسوا في الصاله عند أم رعد
لمادخل فيصل :السلام عليكم

جلس جنب تولين ...وقالت تولين
له:تعشيت..

تفاجأ من سؤالها وقال:أيوه..

تضايقت لأنها ماتعشت مع البنات
علشان تلقى فرصه تجلس معاه ويتعشوا مع بعض...

ريم رحمتها لأنها عارفه ماتعشت معاهم ليه....
وإنقهرت من أخوها...

قام فيصل وصعد فوق ولحقته
تولين...

بدل لبسه ورفع جواله لما جاه
مسج..

فتحه..

"تولين ماأكلت شئ اليوم علشان تتعشى معاك"...

رفع راسه متفاجأ وطلع من الغرفه...

شافها جالسه ع الصوفا وسرحانه...

دخل الغرفه وأخذ الكيس اللي
جايبه معاه وطلع...

إنتبهت عليه يجلس جنبها ويطلع
شئ من الكيس اللي معاه...

مده لها وقال:كان المفروض
أجيبه لك من أول زواجنا ...

تفاجأت لماشافت الجوال في
يده وقالت :بس أنا ماأحتاجه..

فيصل:بتحتاجينه إذا بغيت مني أي شئ وأنا مو موجود ..بدل
ما تستخدمي جوال ريم...

تولين أخذته منه تناظره:بس
أنا ماعرف له..

فيصل:مومشكله أنا أعلمك...

إبتسمت وقالت:مشكور...

ركزت نظراتها ع الجوال تهرب
من نظراته...

رفعت راسها لماسمعته يقول
:ماتبغين تعشيني...

ناظرته باستغراب :إنت قلت إنك
تعشيت...

فيصل:تقدرين تقولين مو عشا...

إبتسمت وقامت...

****************

لابسه فستانها الأبيض بكريستالات ملونه يغلب عليها
اللون الفوشي...

لماألقت نظرة أخيره ع شكلها
طلعت من الغرفه وشافته جالس في الصاله وحايس مع
أوراقه...

تحس بضيق لماتشوفه منشغل
عنها بشغله اللي يجيبه حتى في
البيت وأول أيام زواجهم....

:طلال..

رفع راسه وناظرفيها:هلا..

أمل:أنا خلصت ..ماراح تجهز

ترك الأوراق اللي في يده وهو
يطالع ساعته...وقام..

مر من جنبها وهو يبتسم لها ..

جلست في الصاله تنتظره ...
لين طلع وهو يلبس ساعته..

قامت تلبس عباتها متجهه للباب لمامسكها وهو يهمس:نسيت أقولك إنك قمر..

إبتسمت باحراج وهي تسحب يدها...

***************

تأففت وهي تطلع من غرفتها معاها عباتها وهي تسمع صراخ
شهد المزعج...

نزلت تحت وشافتها واقفه عند الدرج بفستانها الوردي المنفوش
والطوق الوردي ع شعرها الناعم...

ناظرتها بفجعه:لا ا ا ايكون بتروحين معنا بعد...

شهد وإيدها ع خصرها:ماتشوفيني لابسه ياغبيه..

صرخت تنادي إختها:مي..

طلعت مي من الصاله:خير
شفيك

قالت وهي تأشر ع شهد:بنتك
بتروح معانا ليييييييه...بتفشلنا قدام الناس..

مي:إيش أسوي فيها راكبه راسها إلا بتروح..وأنا ماقدر ع لسانها..

شهد مطيره عيونها:وبروووح معك مع راكان بعد...

سميه:إنقلعي بس...روحي مع
أمك الله يفشلك بتفشلونا مع الناس أول مره نروح لهم وقاشين بزارينكم معكم..

شهد كشرت:والله عاد رايحه
رايحه...مالك شغل..

نزلت سديم:شفيكم

سميه:تعالي شوفي إختك بتاخذ
هالنتفه معاها

سديم:من صدقك

مي بضيق:إيش أسوي يعني
أجلس ماأروح علشانها..

طلعت شهد مطنشتهم واللي
في راسها بتسويه...

دخلت داليا وسلمت عليهم وقالت
:خالتي جهزت لأن ماجد برى
ينتظر..

سديم تلبس عباتها:أيوه خلصت
اللحين جايه...

طلعت من البيت وشافت راكان
ينتظرها ...فتح لها الباب وركبت

التفتت عليه بتحاكيه وشهقت لما
شافت اللي جالسه في الخلف
بالوسط...ومتكتفه بكل ثقه...

سميه ناظرت في راكان:بسم الله ..هذي إيش جابها هنا...

ضحك راكان وهو يحرك سيارته
يعني ماقدرت عليها...

شهد:أنا قلتلك بروح معاك يعني
بروح معاك...

سميه:يمه منها ..اللي في راسها
تسويه...

****************

**ح ـكآية** · 29-10-2010, 07:35 PM

رد: رواية جرحني وصار معشوقي للكاتبه رسمتك حلم ..

ناظرت في إنعكاس صورته
ع المرايا وهو محتاس يدور ع
شئ...

قالت ببراءه:حبيبي إيش تدورعليه..

قال وهو يرفع مخدات السرير:
جوالي ماشفتيه..

قالت بابتسامه :لا..وين حطيته

وقف وعيونه تدور في الغرفه وإيديه ع خصره:مادري..نسيت
وين حطيته..

لفت تطالع فيه وهي تقول:لايكون ناسيه في المستشفى..

سكت وشكله يفكر:لا لا ماعتقد

حطت أغراضها في الشنطه وهي تقول:يمكن في السياره

أخذت شنطتها:يالله خالد بنتأخر
خالتي تنتظرنا تحت..

زفر بضيق وأخذ غترته يلبسها
وهو يفكر وين ممكن يكون حاطه...

ركبوا في السياره وفتح أدراج
السياره يدور عليه...

أم خالد:إيش تدور عليه

خالد:جوالي مادري وين حطيته

أم خالد:طيب دقوا عليه..

رنا:دقيت خالتي بس طلع مقفل
..
أم خالد:إمش يمه لانتأخر وإن شاءالله تلاقيه في البيت يعني
وين بيكون راح...

******************

ناظرت في لميس اللي جالسه
ع طرف السرير وهي تحط مناكير أحمر وقالت:غريبه لموس جيتي تجهزي عندي...

لميس:ليه ماتبغيني..

ريم:لاوالله ياشينك بس مستغربه بالعاده تقولين لي أنا
أجي..

لميس:أيوه عارفه بس قلت
أنا أجي عندك هالمره ...

دخلت ريم غرفة ملابسها تجيب
صندلها ...

ولميس سرحت تفكر هي جت
عند ريم علشان تهرب من رعد
لأنها ماتبغى تشوفه...بعد اللي
عرفته...

أحيانا تكذب اللي سمعته...بس
لماتتذكر الواقع واللي دايم تشوفه تصدق....

**************

إنبسطت كثير لماشافت البنات
حضروا كلهم....

مع إنها إستانست مع سمر وريهام خوات طلال...بس
لسى ماتعودت عليهم....

ناظرت في تولين اللي جالسه
جنب ريم وساكته...

أبعدت نظراتها وإنشغلت تسولف
مع البنات....

**

تأففت مقهوره وهي تشوف
تولين جالسه وماتحركت من مكانها...حتى ماتقدر توصل لها...

التفتت لإختها دلال اللي تناظر
ملامح لميس بتشوف أثمر فيها
اللي سوته وإلا ....وإنبسطت لما
شافتها كل شوي تسرح ....

ريم:هههههه والله شهد هذي نكته...

داليا:من جد ...أجل إذا شافت راكان يناظر فيك أو يقولك شئ
خانقته وقالت أعلم عليكم..

سميه:والله أحرجتني ...وفشلتني
عنده...

سديم:لاماعليك...هو أصلا عارف طول لسانها...

داليا :بنات شرايكم نطلع للحديقه ..

قاموا البنات وطلعوا للحديقه
الواسعه المزينه...وجلسوا ع
الكراسي...

سديم:بنات وين تولين وريم

سميه قامت:بروح أناديهم..

قامت سميه وراحت تنادي البنات
وقابلت سمر اللي جت تجلس
معاهم...

قامت تولين بتروح للحديقه وفي
إيدها كاس عصير ...وعيون رشا
الحاقده تراقبها...

مدت رجلها بحيث ماحد يشوفها
في طريق تولين قاصده تعثر
تولين اللي طاحت لماتعثرت برجلها وإنكسر الكاس في إيدها

الكل التفت لماسمع صرختها
ومانتبهوا لإبتسامة رشا الشمتانه قاصده تفشل تولين:بسم الله ماتشوفين وإنت ماشيه
ياكافي ماتعرفين تمشين..

ركضت ريم لتولين وشهقت لما
شافت يد تولين تنزف دم ...

ريم:بسم الله عليك تولين...

كانت تتألم من يدها ودموعها
حابستها ...ساعدتها ريم وريهام
وقوموها ودخلوها للمجلس..
وريهام تحاول توقف النزيف...
وريم من فجعها ما تدري إيش
تسوي ..

أخذت جوالها وهي تشوف وحده من البنات دخلت ...
ودقت ع فيصل...

**

وقفت سميه:شنو...وينها اللحين

لمياء:دخلوها البنات للمجلس
وريم دقت ع فيصل ياخذها للمستشفى لأن يدها تنزف..

قاموا البنات يشوفونها..

بس مالقوها لأنها طلعت مع
ريم لفيصل بعد مالفت يدها...

***

مسك يدها يشوف جرحها وعاقد حاجبه ..

وهي تتألم وحابسه دموعها
من ألم يدها وفشيلتها قدام
الناس...

فيصل:كيف طحتي...

ماردت عليه لأنها لوبتتكلم بتبكي
وزياده ع كذا خايفه يخانقها ..لأنها فشلته..لأنها زوجته ...

رفع راسها وعيونه بعيونها الدامعه:تولين...

نزلت دمعتها ومسحها بأصبعه:خلاص لاتبكين...

قام لمادخل الدكتور يعالج يدها
ووقف بعيد جنب ريم اللي ساكته وراحمتها لأنهاعارفه إحساسها...

***

ركبت في السياره مع فيصل
وهي سرحانه إنصدمت لماسمعت إن رعد سافر فجأه..

ناظرت في جوالها...حتى ماقال
لها بمسج...

قررت ماتروح لبيتها وتجلس عند
ريم اللي أصرت عليها تجلس عندها...

طلعت من غرفة التبديل وشافت
لميس جالسه ع طرف السرير
وتناظر في جوالها اللي ع الكومدينه...

وقفت عن تسريحتها تفتح الدرج
بتاخذ الكريم وهي تقول:شفيك
تنتظرين مكالمه...

أبعدت نظراتها وهي تقوم:لا...

ريم:رعد إتصل...

لميس وهي تاخذ ملابسها:لا...

عرفت إنها متضايقه علشان كذا
تأففت ..يعني إلى متى تلاحق
إخوانها ...وتحل مشاكلهم...

ناظرت نفسها في المرايا...:وأنا
مين يحل مشكلتي...

*****************

جالسه ع كرسي التسريحه
تمشط شعرها وعيونها ع خالد
اللي واقف يفكر وين حاط جواله لأنه دوره بكل مكان وما
لقاه...

جلس ع طرف السرير بعد ما
إقتنع إنه أكيد ناسيه ع مكتبه في
المستشفى وإلاوين راح يكون
إذا كان دوره بكل مكان ومالقاه...

إبتسمت وهي تقوم :إلا حبيبي
أخذت إجازه علشان نروح للمزرعه لأن عمي مصر نروح
كلنا...

خالد:أيوه...

فتحت دولابها وطلعت علبه حمرا مغلفه بشريطه فضيه..

جلست جنبه ومدتها له:تفضل...

إبتسم لما شاف الهديه وأخذها:المفروض أنا اللي أهديك حبيبتي...

إبتسمت وهي تشوفه يفتحها وهي كاتمه ضحكتها ع شكله
لماشاف جواله ..

رفع نظراته لها وقال:إنتي ماتتوبين أبدا..

ضحكت لماسحبها له..وهو يقول:إيش أسوي فيك اللحين..
طيحتي قلبي ع بالي طاح مني
وفيه أرقام مهمه..

قالت وهي تضحك:بسم الله ع قلبك..وبعدين أنا كنت ماراح أعطيك إياه إلا بعد يومين بس
كسرت خاطري..

خالد:بعد...

رنا ضحكت:علشان تحرم ترميه
ع الأرض بكل مكان ..وكنت بدعسه بس الحمدلله إنتبهت له
وإلا كان ضاعت الأرقام صدق
..
إبتسم خالد وعيونه تتأملها بحب
ذابت الحواجز بينه وبينها..وحبه
لها كل يوم يكبر...ويكتشف فيها
شئ جديد...والأهم شقاوتها
وعفويتها اللي دافنتها بغرورها...
ويتمنى إن الله يخليها له ولايحرمه منها ويحبها
دووم...

****************

ناظر في خاله بصدمه...

ملكته ع مرام الأسبوع الجاي
بهالسرعه....

مستحيل...

ناظر في مرام اللي تناظره بتحدي ...

وعرف إنها اللي دبرت لكل شئ...

حاول يلغيها بتحججه بشغله و
سفره...بس ماقدر مامشت ع
خاله وعنده حل لكل شئ...

قبض ع إيده بقوه بقهر...

****************

دخل للبيت وهو يحاكي رعد
في الجوال...

وقف لماشافها في الحديقه
واقفه عند حوض الورد عليها
فستان أبيض نعوم وخصلات
شعرها يحركها الهواء....

سكر جواله وعيونه عليها..الأيام
اللي راحت إنشغل كثير ولاشافها
حتى هي ماكانت تشتكي...

قرب منها وهي إنتبهت لوجوده
وإبتسمت:هلا فيصل...

بادلها الإبتسامه:أهلين...أشوفك
في الحديقه ...وينها ريم...

تولين:ريم نايمه وخالتي طالعه..

يعني جالسه لوحدها ..يعني
كانت تجلس لوحدها لماريم
تكون نايمه أو طالعه للسوق
تجهز...لوحدها وعمرها ماشتكت...وعمره مافكر يجلس
معاها....ويتهرب منها...

تولين قالت لماشافته طول يناظر فيها:شفيك...

إبتسم وقال:سلامتك...أتأمل زوجتي......إشتقت لها..

لفت وجهها لحوض الورد وهي
تبتسم باحراج...

التفتت تناظره لماحست بيده تمسك يدها اللي ملفوفه بشاش
يناظر فيها:كيفها يدك ..

تولين:الحمدلله ماتالمني...

عمره ماسألها عن يدها قبل
معقوله متحملته هالقد...

تعلقت عيونه بعيونها ..وشاف فيها وحس باللي كان يهرب منه
وخايف منه....الحب...

قطف ورده بيضا من الحوض وقرب منها ودخلها في شعرها ...

إبتسمت وأناملها تلامس الورده..

إختفت إبتسامتها لماحست بأصابع يده تتخل شعرها وبدى
قلبها ينبض بقوه وإختفى فيصل
من قدامها وحل مكانه ريان
وأصابع ريان..حتى عطر ريان

أبعد يده لماشاف عيونها اللي
توسعت بخوف ورجوعها خلفها
..
فيصل:تولين شفيك..

غمضت عيونها وفتحتها لماإختفى ريان من قدامها...

قالت وهي تحاول تضبط أنفاسها:م مافيني شئ ..أنا بدخل داخل...

مشت بتدخل ووقفها فيصل
اللي قال وحيرته تزيد من تصرفاتها:لبسي عباتك بنروح لأهلك..

تولين:مابي..

فيصل:لازم نروح اليوم لأن بكره بنروح المزرعه وبنطول

راحت متردده ولبست عباتها
وطلعت معاه...

أول ماوصلوا ظلت جالسه ما
نزلت :ماراح تنزل معاي...

فيصل:لا بروح مشوار دقيقه
وراجع ماراح أطول...

ترددت مانزلت وهو يناظرها..
:ماراح أطول..

نزلت ودخلت البيت...

وقفت في الحديقه وتحس بخوف موطبيعي وموعارفه
ليش...

:ياهلا والله بالغزال..

تجمدت حواسها لماسمعت الصوت ...وزادت دقات قلبها...
التفتت بسرعه لماحست بيد
ع كتفها تتخل شعرها..وشهقت
وعيونها توسعت برعب:ريان....

إبتسم وعيونها تاكلها:ياعيون
ريان ..إشتقت لك ياعسل..

بعدت يده اللي نزعت عباتها بصرخه لمادفعها ع الجدار وأنفاسه الكريهه تحاوطها...

ريان ماحس بنفسه إلا طاير في
الهوا وظهره ضرب في الجدار بقوه حس عظام ظهر تكسرت
وماستوعب العيون السود اللي
تقدح نار ..إلا باللكمات اللي تسدد في وجهه بوحشيه ...

قدر بصعوبه يفلت من يدين فيصل ويهرب...

فيصل اللي كسرت خاطره تولين وماقدر يتركها و نزل علشانها...

حمد ربه مليون مره ...لأنه رجع
وجن جنونه لماشاف ريان ولد
عمتها يتحرش فيها...

التفت لتولين اللي كانت تبكي
بقوه وترتجف ..

راح لها وإنصدم لما بدت تصارخ وتضربه:إبعد عني...
ريان إتركني...إتركني...

حاول يسيطر ع إنهياره ويمسك
يديها :تولين إهدي أنا فيصل
أنا فيصل...

أبعد شعرها عن وجهها وإيده
الثانيه ع خدها يبغاها تناظر فيه:
تولين طالعي فيني...طالعي فيني...أنا فيصل فيصل مو ريان

شهقت ودموعها تنزل وهي تناظر فيه وإيدها ماسكه ذراعه..

ضمته بقوه وبكاها يزيد ...

رفع راسه لما شاف الخدامه
قدامه وبعيون دامعه راحمه
تولين..وقالت له مايجيب تولين
هنا لأن هذي مو أول مره يحاول فيها ريان يعتدي عليها
والحمدلله ماقدر عليها..

صدمته كانت كبيره وهو يحضن
تولين...يعني هذا سبب خوفها
وهروبها منه...ريان...ريان النذل...شبت النار في جوفه وهو يتوعده...
معقوله أهلها ساكتين ..معقوله
كانت حياتها بهالشكل لدرجة أبوها فاتح بيته لعيال أخته ومادرى عن بنته أو يمكن عارف ومطنش...

أخذها معاه وهو مصمم ماتدخل تولين هالبيت...وريان
حسابه معاه...

**

غطاها زين لمانامت بصعوبه
وعيونه تتأملها..

معقوله هالبراءه هذي كلها
يصير فيها كذا...

غمض عيونه بقوه...لو صار فيها
شئ...إيش ممكن يصير فيه..

فتح عيونه لمادق جواله ورد بسرعه وهو يطلع من الغرفه...

ضغط ع جواله بقوه وبعصبيه:سافر.....الحيوان...وإنتوا ليه ماوصلتوله قبل يسافر...إيش كنتوا تسوون .......إنقلع ..

رمى جواله ع الكنبه بقوه...متى
أمداه يسافر بهالسرعه...الحيوان

***************

دخلت بيت رعد مبسوطه لغرفة
لميس وفتحت الباب لقت لميس
تسكر شنطتها:يالله لمووس تأخرنا البنات ينتظرونا...

لميس وهي تطلع عبايتها:زين
هذاني خلصت..

ريم بفرحه:وناسه أول مره نروح للمزرعه مع بعض ..إحنا
البنات في سياره وحده....ونا ا ا اسه...

ضحكت لميس وهي تاخذ شنطتها وطلعوا ...

تفاجأو برعد داخل البيت والخدامه معاها شنطته...

ريم:أهلين رعد..الحمدلله ع السلامه...

رعد:الله يسلمك...

لميس مقهوره منه...طنشته
وماسلمت عليه...قالت له:أنا
بروح مع البنات...

طلعت مطنشته وريم ماتلومها
ويستاهل أخوها...

************

راحوا بيت عمهم لأن البنات مجتمعين هناك...

سلموا ع بعض وركبوا السياره "صالون...جمس"..

أما ريم ولميس دخلوا علشان
يسلمون ع عمهم...

ريم:بروح أشوف أمل...تقول سديم إنها جايه..وبغرفتها..تاخذ
أغراضها اللي تبغاها...

لميس:ماتستغنى عن أغراضها
القديمه....روحي وأنا بنتظر عمي ينزل بس بسرعه...

صعدت ريم فوق وظلت لميس
واقفه في الصاله...تحاول تبعد
رعد عن تفكيرها....

إنتبهت لرنا اللي لماشافتها ماسلمت عليها تناظرها ببرود...

جت الخدامه:مدام رنا...

رنا إستغربت لماشافت الظرف الكبير اللي مدته لها الخدامه:هزا
مان برى في إعطي أنا هزا ..يقول هق بابا خالد...

خذته منها :خلاص أنا أعطيه
إياه...روحي...

غصب عنها إيديها فتحت وطلعت
اللي داخله..

توسعت عيونها بصدمه لماشافت صورها مع بندر..

طاحت من يدها لماسمعت صوت خالد...اللي وقف قلبها...

تحركت بسرعه لميس اللي إنصدمت لماشافت الصور وجمعتهاكلها وخبتها ورى ظهرها وتغطت لمادخل خالد...

خالد:السلام عليكم...كيفك بنت العم..

لميس بشكل طبيعي:ه هلا
خالد..الحمدلله إنت كيفك..

خالد:بخير الله يسلمك...

ناظر في رنامستغرب:شفيك حبيبتي..

رنا بارتباك :م مافيني ش شئ

خالد إبتسم:ماراح تغيرين رايك
وتروحين معاي..

لميس قالت بسرعه قبل تفضحهم رنا:لا خالد خلها تروح
معانا ..البنات كلهم بيجتمعون..

خالد:أوك...

طلع لماسمع صوت رائد يناديه
ورنا مومصدقه إن خالد ماعرف
شئ وإن الصور ماوصلت له...قبلها...لكن...

التفتت تناظر في لميس بصدمه
...

***************

**ح ـكآية** · 29-10-2010, 07:45 PM

رد: رواية جرحني وصار معشوقي للكاتبه رسمتك حلم ..

تقفل الروايه الى ان يتم اتمامها من قبل الكاتبه ,,

شكرا على حسن متابعتكم ^_^

**لحن آلأمل** · 29-06-2011, 10:58 PM

رد: رواية جرحني وصار معشوقي للكاتبه رسمتك حلم ..

تفتح الروايه ..
لان العضوة العزيزه
خبله بكيفي
راح تكملها لنا انشالله

متابعه ممتعه

**نقآء آلروح** · 30-06-2011, 05:09 PM

رد: رواية جرحني وصار معشوقي للكاتبه رسمتك حلم ..

يسلمووووو سرووبه لا عدمنناك انشاء الله

انا شفت البارت في منتدى ثاني منزله وحده تقرب لرسمتك حلم
فنزلته لكم مثل ماهو مكتوب بالمنتدى الثاني
السلام عليكم

رسمتك حلم كانت راح تنزل البارت الأخير بس ما قدرت تدخل بسبب مشكله بالعضويه

فكلفتني انزل البارت عنها لأنها ما بغت تتأخر ....

وهذي رسالتها لكم .....

السلام عليكم..

كيفكم وحشتوووووووووووووووووووووووووني كثيييييييييييييييير...

اول شى حبيت اعتذررر عن تاخيري الطووووووويل..بس اكييييد كان لظروف اجبرتني..

اولها..انا قلت لكم اني اكتب الروايه ع جهاز جوال علشان يكون اسرع و اسهل بالنسبه لي
وماينحذف واعيد من جديد..

منقول
لكن لللاسف الجوال تقفل فجاه وماقدرت افتحه وظلل مده طويله احاول افتحه لين الحمدلله قدرت وبديت
اكتب البارت الاخير بس طبعا مو بسرعه يعني كل يوم لما اكون فاضيه اكتب جزء بسيط لاني ماحب اكتب اي شئ..

ثانيا..عمي توفى الله يرحمه واموات المسلمين اجمعين وتوقفت عن الكتابه مده...
وبعد فتره توفت وحدة من قريباتي الله يرحمها وتوقفت ايضا عن الكتابه فتره...

عارفه ان كان المفروض اخبركم لكن ذيك الفتره ماقدرت ادخل المنتدى او النت بشكل كولي..
وماحبيت اعطيكم وعد وتحصل ظروف تمنعني..

هذذا غير ظروفي الثانيه ماحب اطوول عليكم..وفترة الاختبارات..

بس الحمدلله قدرت اخلصها ..

واحب اشكرررر كل من صبر وتحمل غيابي بذووق واحترام ومراعاة ...وهم اللي شجعوني اكممل الروايه..تسلمووووووووووووووون حبايبي ..

اما الردود اللي كانت تحت مستوى الذوق والاحترام اخلاقي ماتسمح ارد عليهم بالمثل..
وخصوصا اللي طلعوا عني اشاعات..

واعتذر مره ثانيه عن تاخيري..وان شاء الله يكون البارت الاخير يشفع لي تاخري..

******

رواية جرحني وصار معشوقي للكاتبه رسمتك حلم ..كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget