لاأجد لـ الكلام معنى .!
كـ الزجآجه الفآرغه .. حين تمتلىء بالهوآء وهي فآرغه !!

هكذآ الكلام حين يتجرد من الأحسآس ,
وهل يصبح لـ الكلام معنى و الإحسآس غآئب !!

[ لاأظن بل إنه مستحيل ]

صبحكم الله بـ الخير ،،
نوقف كثير أحيان بالمكان الغلط وننتظر الشي الصح
مانفكر نغير المكان على الأقل !!

خربشه طفشانيه ماعليكم !!

شكرا لأولئك الذين يتغافلون عن الزلات
من أجل بقاء الود !!
لمن لا يحكمون على النوايا سوى بحسن ظن

شكرا لأصحاب القلوب الكبيرة
التي تعرف أن الحياة لا تستحق عناء الأخذ والرد
للذين يتعاملون معنا كبشر !!

وأننا لسنا معصومين من الخطأ والنسيان والتقلب
شكرا لمن لا نحتاج للتبرير لهم
لأنهم يعرفوننا حق المعرفه .. !!

شكرا لكم دائما

جميل تكون شخصيتك وسط
لا انت الي مأذي خلق الله بلسانك
ولا انت الي تنشب بدون ماتحس !!

جميل تكون شخصيتك تنفع اكثر من عدمها
لما تكون حاضر تكون بين الصمت و الثرثره !

شيء يستحق مداخلتك تتكلم
وشيء مايستحق تكتفي بـ الإنصات !

جميل انك ماتحصر شخصيتك ع نمط واحد
مرا تكون فرفوش ومرا جاد ومرا حكيم
كل موقف ويحدد كيف تكون !!

جميل انك تمدح اكثر من انك تنتقد
و تشوف زلات غيرك وتقول حتى انا مو كامل

جميلة حضور هيبتك
بدون ماتتصنع وتتكلف !!

بـ إختصار كن أنت فقط .. وبس والله سلامتكم

ســلآم

يقول احـــد العاشقين !

لدي عطرا .. خاص بالمناسبات
و عطرا ... يومي
و عطرا خاص .. بك انتي !

فـ من الدهاء ان اصنع رائحة لك تتربص بك اينما ذهبت
لا يتشابه مع رائحة عابرات الأمس و الغد أبدأ

حلوه الفكره مين نفس خوينا العاشق

وياعـاذل القلب توه ماقضى وطره
عروسة أفراح قلبي تو ما انزفت .. !!

القلوب ماتعب نص البشر غير قلوبهم واللي شايله فيها
خلت العالم تهوجس اغلب الاوقات !
عاد اليوم بنتكلم شوي عن القلوب وكيف علاجها او تطبيبها فـ خليكم معاي

القلوب لو بنحكي عنها بيطول الحكي وبنقعد نتفلسف لين بكره بس بختصر شوي
وبحسب اللي اشوفه او عشته او افكر اعيشه خلونا نقول !!

" .. قلب عاشق .. قلب صديق .. قلب غريب .. قلب حاقد او حاسد .."

طبعا باخذهم كل واحد لوحده واقعد اتكلم عنهم بشوي سطور
لحد يغير القناه وخليكم معنا !!!

فاصل وراجعين

اني غريقا في الهوى .. ماعدت ادري ماجرى !
هـا قد عميت ولا أرى !!

هذا افضلهم على الأطلاق اهمهم اكثرهم تعبأ وألم في بعض الاحيان !!
دايم يكون الافضل لان اصحابه يكونون اكثر صدقا مع بعضهم
اكثر تضحيه واكثر عطاء اجمل في كل شي

يقولون انهم يخلونك تكون اكثر ثقه في نفسك لانهم ينظرون للجوانب الحلوه
في شخصياتنا ويركزون عليها اكثر يزيدون من ثقه الشخص بنفسه

يعطونك دافع انك تستمر في تقديم الافضل
لانك تنال اكبر قدر ممكن من الثناء على اي شي تسويه مهما صغر حجمه
يكون اقرب الى الخيال وصف العاشق لمن عشق

فينا كلنا سلبيات وايجابيات لكن العاشق دائما مايشوف الى الايجابي فيك
يكون كريما جدا في العطاء معك اقول لكم يخليك ملاك لو ماعندك سالفه

يصنع افضل ايامك معاه يحاول بكل جهد تكون سعيد حتى لو انك نفسيه
با ختصار لانه عاشق هيمان مايشوف الى الجميل منك وبعضهم لو مايشوف جميل
لانه عاشق بيخلي كل شي جميل فيك مهما يكون

ومن ميزه العشاق تلقاهم دايم في سعاده لان الجوانب السلبيه في شخصايتهم
تندفن تقريبا ماعاد يدقق احد عليها يخلون بعض يشوفون الجميل من انفسهم
ويركزون على اظهار الجمال فيهم وكذا

مشكلتهم في انهم مايبينون لمن يعشقون بعض عيوبهم
خوفا من زعلهم وهذه مشكله في بعض الاحيان


الى ان يتغير او يختفي هذا العشق مدري عاد !!

فـ الأخير
احترمو كل عاشق ولا تحاولون ان تتدخلون فيما يعشقون ابدا !!
فـ للناس فيما يعشقون مذاهب

نقطه ونهايه سطور

خليكم قريب بنكمل

الصاحب اللي يرفع الراس نشريه
نوفــــي لــه الميزان ونكرم جنابه ..

ونزيد في حقه وناخذ ونعـطــيــه
ولانسمــع النمام مهما حـــكى به ..

القلب الصديق هذا كمان من اجمل القلوب احلاها وياسعد
من لقى له صاحب يحمل هذا القلب معه سـ يسعد ايما سعاده

لانه سيجد السند والمرشد والمعين والمحب وكل شي
سيجد من يوجهه اذ احتار في بعض الامور سيعرف ان يذهب اذ ضاقت بها الدنيا

سيكون ممتنا جدا لهذا الصديق صاحب هذا القلب
يالله كم هم رائعين من يحملون تلك القلوب الصديقه التي لا تريد شيئا
كثيرا كل همها ان تكون سعيدا وغير مهتما !!

ابحثو عن اصحاب يحملون تلك القلوب وحين تجدونهم حافظو عليهم كثيرا
ارعوهم بكل ماتملكون كونو لهم اكثر صدقا ومحبة واخوه
فهم يستحقون الافضل دائما !!

حاولو دائما لا يصيرون عشاق لانكم بعدها بتدخلون في النوع الاول للقلوب
وبتطلعون من هذا المكان لمكان آخر

فـ الاخير

من يحلمون تلك القلوب هم الاجمل على الأطلاق بالنسبه لي على الاقل
لانهم يجعلونا نرى عيوبنا ويوجهوننا نحو الافضل بكل حب ويدعموننا دائما بدون
ان يكون لهم اي نيه سوا انهم اصحاب قلوب صديقه جميله

وابعدو عن كل من ازعجتهم هذه الصداقه ويحاولون جاهدين تخريبها
او زعزعه وتشويه جمالها ..

وبس والله سلامتكم

خليكم قريب بنكمل لحد يغير القناه اشوفكم ترا

هذا الغريب عندما يكون اديب وصادق
يكون ايضا جميلا ونسعد بمعرفة من هم كذلك لانهم طيبين ايضا

لا يعرفوننا لكن حين نلجا لمحادثهم او محاورتهم نجد الاحترام منهم
نستفيد من تجاربهم ونقرا لهم في بعض الاحيان
نستمتع بطرحهم نتابع جديدهم هؤلاء يمرون بنا كثيرا في النت بالذات

يكونون غرباء لطفاء قادتنا الصدف لان نتحاور معهم او نعرفهم اكثر
البعض منهم يستحقون ان نرتقي معهم اكثر لنجعلهم في المرتبه الاعلى
ليحظو بمرتبه الاصدقاء

هذول بعد انصح من واقع تجربه ان نكون اكثر حذرا مع ترقيتهم
للمرتبه الاعلى لكن اذ استحقو ذلك لنرتقي معهم بدون تردد !!

فـ الاخير

ليس كل غريب اديب لنجعل هذا القاعده بين قوسين ونحن نتعامل معهم
لان بعضهم قد يسقط للمرحله القادمه اللي بنتكلم عنها بعد شوي

وبس والله نقطه ونهايه سطور

ســـلآم

نوصل لهذا النشبه العله قليل الخاتمه والمروءه والرجوله
انتبهو لمن يحمل مثل هذا القلب فهو مصيبه او شيطان بصوره بشر

مؤذي جدا جدا جدا يبحث ويستمر فـ البحث ليكون مخربا
لكل جميل مفسدا لكل سعاده منكدا على اغلب القلوب التي مرت بنا اليوم

سبق ان قلتوني واخذو فيني العز وايضا سبق ان نقلو هذه المدونه لسله المحذوفات
وقدمو الاعذار الغبيه لمثل افعالهم تلك

ياكثر اللي عانو منهم !!

تسمتر افعالهم السيئه في الخفاء رغم انهم في بعض الاحيان في العلن
يظهر منهم الشي الجميل لكن فـ الخفاء يكونون سيئين جدا

انتبهو منهم لا تسمعون لهم حاولو جاهدين صدهم وتركهم
ولا تسيرون معهم مهما وصل بكم الحال لانهم ينشطون حين الخلافات
يتفاعلون اكثر حين يرون بوادر مشكله في الافق ليجعلونها اكبر

احذروهم فهم وباء على من حولهم
لا تحاولون ابدا ترقيتهم ووضعم في مكان اخر رغبه من اصلاح حالهم
فهم مهما فعلتم لهم سيبقون سيئين دائما

وبس والله .. نقول نقظه ونهايه سطور
اليوم فايق ومرووق وقلت اتفلسف عليكم وكذا

يالله فـ امان الله ومتابعه ممتعه ان شاء الله اتمناها لكم

عاد اللي حاب يضيف شي معنا لا يرده الى نفسه ويده
نقبل كل مشاركه مع التحيه والتقدير

ســــلآم

فيه "إن" في الموضوع !! باين والله !!



وانا اقول وش السالفه وليه كذا وش سالفه الـ " إن " بالضبط
عشان نعرف سالفتها لازم اجيب لكم بدايه هذه الـ " إن " وكيف طلعت اصلا

كان في مدينة حلب أمير ذكي وشجاع اسمه علي بن منقذ، وكان تابعا للملك محمود بن مرداس،
ووقع خلاف بين الملك والأمير، وأدرك الأمير أن الملك سيقتله، فهرب من حلب إلى بلدة دمشق.

بينما طلب الملك من كاتبه أن يكتب رسالة إلى الأمير علي بن منقذ

يطمئنه فيها ويستدعيه للرجوع إلى حلب،
ولكن شعر الكاتب بأن الملك ينوي الغدر بالأمير، فكتب له رسالة عادية جدا، ولكنه كتب في نهايتها

"إن شاء الله تعالى"، بتشديد النون

فلما قرأ الأمير الرسالة، وقف متعجبا عند ذلك الخطأ في نهايتها،
فهو يعرف مدى مهارة الكاتب وذكائه، لكنه أدرك فورا أن الكاتب يحذره من شئ
ما حينما شدد تلك النون


ولم يلبث أن فطن الأمير إلى قوله تعالى (إن الملأ يأتمرون بك ليقتلوك)،
فأرسل برسالة عادية يشكر للملك أفضاله ويطمئنه على








ثقته الشديدة به، وختمها بعبارة "أنا الخادم المقر بالإنعام"،
بتشديد النون في "أنا".

فلما قرأها الكاتب فطن إلى أن الأمير يبلغه أنه قد تنبه إلى تحذيره المبطن،
وأنه يرد عليه بقوله تعالى (إنا لن ندخلها أبدا ما داموا فيها)،
واطمئن إلى أن الأمير ابن منقذ لن يعود إلى حلب فى ظل وجود ذلك الملك الغادر

ومن هذه الحادثة صار الجيل بعد الجيل يقولون للموضوع إذا كان فيه شك أو سوء نية أو غموض

وبس الله سلامتكم حبيت اعطيكم سبب استخدام الـ جمله الاشهر في التاريخ
يوم احد يشك في شغله او شي

يالله اجازه سعيده باذن الله للجميع

وهلا مليوون بالناس اللي نورنا امس في المدونات حياكم الله تو ما اسفرت وانورت
واستهلت وامطرت عقبال باقي الناس الطيبين ماريجعون ليكتبون وكذا

وبدون ما يكون فيه " إن بالموضوع "

ســلآم ســـلآم