،



الله على الاجواء وعلى حلاوتها وانتعاش الصبح بعد نومه أليمه وهذاني بقلب
الصفحه ونبدا من جديد صفحه اكثر تفائل ببكره !!

ونقول صبحكم الله بـ الخير وعساكم دوم بخير
شي الشعور يوم تدخل مع الصوره اللي فوق شوي وتاخذ نفس الوضعيه !!

يــاخي مافيه احسن من البدايه بشويتين تصالح مع نفسك
تبدا من جديد وتنسى امس بكل مافيه من سوء وتحاول تكمل الاشياء الطيبه اللي فيه !!

تصــدقـــون !!

احيان نصادف امور يحاول اصحابها بقد مايقدرون انهم يستفزون هدوءنا
ومشينا بطريق اقل توتر يحاولون قد مايقدرون ياخذونكم معهم للسوء !!

ليتنا نفعل الكنترول الصحي على انفسنا زين !!

" رب كلمه تقول لصاحبها دعني "

من زمان نقول ذا الكلام لان بجد فيه احيان كثيره كلمه في سطر جايه بالغلط
في كلام رائع تفسد روعه الكلام كله !!

انتبهو للكلام اللي يطلع منكم خلوه موزون اكثر لا تاخذكم العزه بالاثم
ماهو المكان المناسب اجيب لكم امثله على كلامي لاننا كلنا اخطينا اما بقصد او بدون قصد

الغلط وارد من الجميع هذه مايبغى لها كلام !!

وبس نقطه ونهايه سطور !!

فـ الاخير

لي تعليق على بعض الصراحات بس بالرد الجاي يكفي الكلام بذا الرد
نخلي شوي للردود الجايه دايم الصفحه تو نقلبها وفيها مجال اكثر

للهربته والكلام وكذا !!


خلوكم قريب راجع باذن الله .. وكونو دائما بخير

.. سلام ..

هذه الصفحه دايم تكون مثار جدل للكثير منا هنا فيها الطيب وهو كثير
وفيها احيان بعض السوء ومن الغباء والتستر خلف كلام غبي !!

مدري الناس اللي تروح عشان تتكلم بشكل سلبي وتنال من ناس
بس عشان شافو لهم شي وما اعجبهم !!

استغرب من قوه هذه العينات في اظهار مدى سوء اخلاقهم بمكان مستتر
امس اكلم واحد بذا الموضوع قال لو " شنب " خله يطلع باسمه

ببدا من كلام جاني عشان حاط صوره بنت صغيره بصفحتي مع اني من زمان ماحط الى
صوره اولاد صغار عاد كان ولد او بنت ماتفرق معاي اهم شي الصوره تكون
من الصور اللي تفتح النفس يوم تجون للصفحه !!

ماعليكم !!

استفزني اكثر شي والله الكلام اللي وصل لطيف في الصراحه الاسواء اللي اقراها من سنوات
كميه همجيه وانحطاط ووصايه ذكوريه غبيه بشكل مستفز !!

حتى لو ارسلتها بنت برضو شي يرفع الضغط وربي
اتهامات سيئه ودخول بالنيات بشكل اهبل واسقاط عبيط وغبي !!

مشكله بعضهم يحسب الصراحه يعني انك تكون وقح وترمي الناس بكلام تافهه
وقبل كذا شفت كمان عند تنهيدهـ كلام ثبته في صراحتها قبل فتره مايقل عن الكلام اللي وصل طيف
يدل على تفاهه بعض المتابعين

نفر ابو الاكواس يشتكي من بعض الصراحات واليوم اشوف نور الفجر كمان يشتكي وقبل شهرزاد قفلت صفحتها
بجد فيه كميه غباء ماهو صاحي ببعض البشر !!

وحصلو المكان اللي يحسبون انهم يتكلمون براحتهم وماخذين الامور بسهوله
ياخي ترا ربي بيحاسبك على كلامك اذ اذيت فيه احد

اعقلو بالله وخلو عنكم فرد العضلات بالاماكن الغلط !!

نفسي اعرف وبعدين طيب جيت وتكلمت زي كذا وطلعت خير وش بتحصل
غير كم دعوه ان يشغلك الله بنفسك !!


ترا محد درى عنك وبعضنا وانا اولهم نحذف الكلام السلبي بسرعه بمجرد مانقراه لانه تافهه

وننساه ونعديه اول كنت اعلق على الكلام السيء بالمدونه الان قلت لا ماله داعي
احسهم يفرحون يوم نعلق على كلامهم المنحط فصرت اتجاهله بكل بساطه

نصيحه مجرب !!

طنشو الكلام السيء فـ الصراحات لا تعلقون عليه تجاهلوه اكثر ريحو روسكم
والله بعضهم يحب يشوف كلامه اللي زي وجهه وحنا نعلق عليه

وبس والله نقطه ونهايه سطور

فـ الاخير

توقع الجيد من المختبئين خلف الستائر امر اشبه بالمستحيل
من يقف خلف الستار غير جدير ابدا ان نجعل له مكان معنا !!

كونو بخير دائما .. وسامحونا على القصور ..

ســــلآم

كذا شكلي ورا الشاشه يوم اقرا لاحد كلام وهو يعلق على كلامي
واحسه مافهم انا وش ابي بالضبط !!

واقول ياربااااه

مو كذا والله مو كذا اللي اقصده لا بالله وقف تعال شوف
المشكله انهم يكملون ويكتبون وانا مستمر بذا الحركه تقول بسوي لهم شي

والله الامور طيبه ياربي لك الحمد والنيه يشهد عليا ربي انها سليمه وماودي
ابد ازعل احد او اضايقه بكلامي بس فـ بعض الاحيان اضايق بعضهم

بس بدون قصد كذا ودي اصفقني يوم اجيب العيد باحد او يفهمني غلط
المكان هذا احبه بقووه والله ومدمن التواجد فيه

بس المشكله احيان كثيره اجيب العيد

بس خلونا نتفق دايم ان الود باذن الله موجود والاختلاف صحي
وعسى الامور تكون افضل فـ القادم من الايام

وبس والله .. حبيت احطكم بالصوره وحالتي يوم اشوف كلامي انفهم غلط
مدري كيف الناس اللي توصل كلامها الغلط وهي مرتاحه

وبس والله .. سلامتكم .. ســـلآم

مسيتو بالخير ... كيف الحاال يا شعب عبير وضواحيها
ياويلي على الاجواء كل مالها تقول الزين عندي

ماعندي شي بصراحه بس دخلت بوزع على الشعب لايكات
وشفت ابو الاكواس وسالفة بنته الله يحفظها لهم وقلت بتحمد له على سلامتها

الف حمد لله على سلامة بنتكم يا احمد وربي يحفظها
لكم ويطمنكم عليها ويقومها بالسلامه

وجعلها ربي اخر الاوجاع يااارب

وبس والله سلامتكم

سـلآم

ع الطاير !!

حمآقة

أن تنظر لهاتفك مرارا
وكأنك لا تثق بتنبيهات !
فقط تثق بحدسك

،

المرأة

إما ان تصلح الفساد الذي بداخلك
أو تزيدك سوء .. باليوم الواحد تنفذ علبة سجائرك !
والورطة ، ان اجتمعت الأثنتين

،

حقيقه

من جعلك شخصا صالح
يتقبل عيوبك قبل محاسنك
فـ ترى نفسك افضل من قبل
يجعلك ناضج تارة وتارة مجنون

،


عن الحب ؟

راقت ل أمي و أخواتي ف انتقوهآ
ف انتقاها عقلي
ثم راقت ل قلبي ، ف قطفتهآ ..' ​

،

اجمع قواكـ !

اكثر الشعور السيء
الذي يخالجك من (صنع افكارك)
لا من الأشخاص ولا من المواقف ..
انت تقرر من تكون بأعينهم
ليس هم من يقررون !!

لا يوجد بهذه الحياة شخصا قوي
بقوة لا تنطفىء
لابد ان ينطفىء ،
ولكن يعود بقوة افضل بعد ان يجمع قواه !!

،


ياربااااه !

شعور جميل
ان تشارك الآخرين نجاحهم
وليس هذا فقط
بل ان تكون من الاسباب الاولية
بأستمرارهم بنجاح
بقدر فرحهم يهديك الله اضعاف فرحهم

،

وبس والله يكفي هذا بهذا الرد ..

فقط كونو بخير .. ســلآم

ياربااااه تصدقون وش باقي عشان تكمل روعه الاجواء هـ الايام
والله مابقى لها غير بحــــر ياويلي ويلاه !!

مبسوطين اللي عندهم بحور بذا الاجواء خلاص قفلو على كل
شي زين وماعاد يبون شي ازود !!

بجد الاجواء صايره من قو ماهي عالميه واليوم خميس يوووه
ليت يطاوعوني الشباب ويخلونا نحول يم البحور ذا الاسبوع

بس ماش اعرفهم راعين صحاري وقنص وحركات !!

ماعليكم !!

ايوه صبحكم الله بالخير يالربع وحيا الله كلن بـ أسمه وربي شي يوم تدخل للقسم الصبح
وتلقى كل شيوخ الهربته والسوالف مدوناتهم قدامك وربي انها قمه الوناسه

مافقدت اليوم احد الى ابو العز لاشي يستحق الله يذكره بكل خير
له فتره مختفي عساك طيب يابو العز اذ شفت كلامي طمنا عنك يالطاقيه
وكمان خفائ لها فتره ماتكتب بمدونتها !! وينك يابت اكتبي دوني
بجد ترا فقدنا انتي بعد تدوينك !!

الباقين ماشاء الله شادين حيلهم ومخلين المكان يزداد جمالا
بقياده ثلاثي محور الشر تنهيدهـ وشهرزاد وطيف

والشباب ماشاء الله ماهم مقصرين ابو العز ونفر ونور
بجد الله يسعدكم على تواجدكم وكذا !!

وبس والله نقطه ونهايه سطور

صح قبل انسى لحظه بوريكم صراحه جاييه لمي " يعني عندي

ابشرك شفت الكلام وهذاني جايبه معاي بالمودنه اسحب فيه تسحيب
المشكله ماهي بهنا المشكله بـ اني مدري مين مرسله !!

صاحب الصراحه الله يسعدك كيف بالله برد عليك وانا ماعرفتك
معلومه للي يرسلون بالصراحه تراه ماهو جوال يطلع لك من ارسل لك وترد عليه
ولا فيه نمبر بوك احط الرقم فيه واعرف من ارسل

كذا حالتي صارت زي خوينا الشايب الله يسعده
راعي الجمله الاشهر بالسعوديه بذا الوقت

" لا علمني لا تخليني اقعد امشي لا مقيد ولا مفلوت " "

المهم هذا ردي على صاحب الصراحه مدري والله من انت
بس ابشرك ياربي لك الحمد الامور طيبه وتمام وعال العال

والنفسيه ضابطه واليوم خميس وبكره عيد
والشعب من زود الطناخه صايرين كلهم رومنسيه

يالله خلوني اطلع الحين بجد لاني مقيد ولا مفلوت
وسلامتكم .. كونو بخير ..

ولصاحب الصراحه اذا عندك جديد هاته ومايصير خاطرك الى طيب

وبس والله

واجازه باذن الله سعيده للجميع الوعد باذن الله الاحد واذ لقيت وقت
طليت عليكم باليومين الجايات

ســـلآم

،

سلام الله ..على وجه تبسم يوم لاقاني
سلام الله على نظره حنونه ..ورمش مايبلى

مساني ومسيته
وقال اهلا وحياني
هذي عادة الاجواد

تلاقي الضيف مبتسمه !!

،

وصبحكم الله بالخير ببدايه ذا الاسبوع والدخول المتاخر اليوم على غير العاده
تقول احد اشغلني واللا انا مشغول بجد !!

يقال دائما الوصول متاخرا خيرا من عدم الوصول !

فـ الحمد لله اني جيت

وهلا والله بـ العياااال هلا والله بورده الامل وحمد لله ع السلامه يابنت هلا والله
من جد زمان عنك وعن كميه الهربتات اللي تنشريها فيذا

ونقول الدار دارك حياك الله وكل عام وانتم بخير في عمان الطيبه
والله يطول بعمر قابوس ويحفظه لكم

هلا مليوون هـ المره !!



نقطه ونهايه سطور

الى صح تعالو هنا بسألكم !!

الحين وراه كذا دايم الاعضاء اللي فـ المنتدى قريب الالف في اقل تواجد لهم
بس بدون تسجيل دخول !!

لو تشوفون تحت كيف الاعضاء 1200 والمسجلين دخول 5

الناس اغلبهم عاجبتهم جلسة السطوح وماتلقى لهم تواجد وكذا
بجد المكان هنا فيه كميه سحر ماهي طبييعه صعب تبعد عنه فتره طويله
لزوم ترجع للمكان لو تبقى فـ السطح

المهم انك تكون قريب منه !!

ماعليكم دايم نقول اهم شي الاخلاق واللا الباقي امره سهل باذن الله

فـ الاخير

فيه كذا صراحه ودي اجيبها واحطها هنا للذكرى ولكميه الجمال اللي فيها
بس شايل هم احد يزعل او شي !!

لان خويكم صاحب ذا المكان مهوي اغلب الصراحات اللي توصل لي
اصحابها يكلموني بكلام طيب ويرفع الراس وربي من الزين اللي فيه

مو هنا المشكله البلا فيني صاحب الصراحه يتكلم باسلوب كاني اعرفه
وانا من الفهاوه اللي براسي ماعرفته

مو اول مره تصير معاي لا واذ كتبت هنا عن صراحته يجي هناك ويحش يقول
افا ماعرفتني !!



لا وربي ماعرفتك كـ العاده الفهاوه طاغيه ابكم احيان اضيع فـ اللي عندي
عاد كيف بالناس اللي فـ الصراحه وربي مدري ترا

بس مايمنع اقول شكرا لكم على تواجدكم وكلامكم الطيب ربي يسعدكم
من زمان مامرت الاقلام السود ع الصفحه بصراحه

شكلهم شايفين ماسك الخط صح فـ محد قاعد يحش للان !!

اذكر يقولون دايم اذ كان الجميع يثني عليك فتاكد ان هناك خلل فيك
او ان وجودك وعدمه نفس الشي !!

ومتاكد ان الاخيره تحكي كل شي

<< ماعرفنا لك يعني يحشون عشان ترتاح
انت اطلع منها وهي تضبط ترا اكلم صوت الضمير مشوها مشوها !!


ونقفل الرد ونقول حياكم الله باي وقت والمكان مكانكم وماتزين الى بكم
وبس والله سلامتكم ..

ســــلآم

لحــــظـــه !!

خليكم معاي لحظه بس بقول كم كلمه تو اذكرها والله
اول احسني طولت الكلام بالرد اللي قبل هذا !!

يسالني واحد مره يقول انتم وش فيكم تواجدكم صاير مايحمس
اقول والله من اللي نلقاه احيان ودك تكون متواجد اغلب الوقت بس تبغى كمان

تشوف اي شي لتواجدك !!

لان بجد الدعم باي شي واللايك ابسطها تراه يفرق اشوف العالم صايره نفسيات اكثر
ويحسسونك انهم مايبون يكون لتواجدهم اثر !!

ياخي اترك النفسنه عنك وخل لتواجدك اثر ملموس
فـ بعض الاحيان كلمه طيبه وتشيجع وكذا ترا تفرق تخلي العالم تتحمس تكتب

يتحمسون يتواجدون وكذا !!

بس يالله انشغلنا فـ ذا الوقت او اوهمنا انفسنا اننا مشغولين ومستعجلين وحنا ماورانا شي
مدري بس اظن الاغلب فينا كذا

موهوم انه مشغول وماهو بفاضي وهو ماعنده شي !
مغير يتمغط ويتسدح او يدور الهوشات !!

نقظه ونهايه سطور

مدري ذا الشي فيني بس او فـ الغالب ذا المكان ادخل له فـ اليوم يمكن ميه مره
كل شوي داخل للمنتدى اشوف المتواجدين الناس اللي كتبو فـ مدوناتهم

واذ سجلت دخول على طول امر المدونات كلها !!

احسه ادمان واحيان اقول لا والله من الفضاوه ست ساعات بالدوام والاجهزه عندنا
عشان كذا اسجل دخول !!

مدري والله بس المكان هذا غير بجد غير !!

تصدقون عاد من ميزات التدوين او الكتابه معكم ايش

تعطيني حماس ادخل هنا تديني حماس اشوف ردودكم على كلامي الناس اللي حط لايكات
يعني تخلوني مشغول باقي اليوم بالمتابعه وانتظار الجديد

هذه بجد من الاشياء الحلوه يوم اكتب هنا وتاخذ اغلب وقتي
والوقت الباقي افكر بكره وش بقول لكم ووش بكتب بالمدونه

وهذه كمان من الاشياء اللي احبها اقعد افكر واجد وش بسولف لكم فيه
وكيف بيكون تفاعلكم مع اللي اكتبه

وهذه وربي من الاشياء الحلوه فـ المنتدى يعطيك حماس للي تكتب
ويعطيك حماس للي بتكتب !!

بالعربي التواجد هنا يعطيني طاقه ايجابيه بدونها احسني فاقد شي
مدري عاد اذ هذه تصنف من الادمان او لا !!

فـ الاخير

خلونا نتفق ان التواجد هنا يعطي المكان شكل ثاني خلو العالم يشفون اثر لتواجدكم
وايش بعد !!

خففو شوي من الاثقال اللي تمنعكم من التواجد لمجرد اشياء في روسكم
احيان مالها سنع او مالها داعي

وبس والله سلامتكم !!

ونقول ... ســـلآم

هناك أناس معينوون فقط !

إذا
تحدثوا إليك | وأنت بمزاج متعكر

تتغلغل بداخلك بهجة الدنيا و
أفراحها !

نصيحة

لاتخسرهم !!

ونختم بذا الاقتباس الخونفشاري

تــعالو فـ الصفحه الجديده .. خلونا نقفل هذه ..

ســلآم