،
.
.



الســلام عليكم .. وصبحكم الله بكل خير بذا الاجواء العالميه
صوره من امطار امس فـ المدينه هذه ( العنبريه ) و ( وسكه القطار ) جنب الحرم

بينها وين مكان دوامي شارع يعني اطلع السطح تقريبا كذا تكون الصوره من هناك
بس مو بذا الارتفاع اقل شوي

المهم هذا اللي بالصوره ( مسجد العنبريه ) بنوه العثمانين ايام كانو ماسكين
الحجاز ونفس الكلام على القطار اللي جنه المبني الاصفر اللي قريبه منه تحت وفيه اقواس
هذاك قطار كان يوصل لين تركيا من المدينه يمر بمكه وبالشمال لين تركيا
اللي بقى منه الان صار متحف اثار والباقي حديقه ترفيه للعوائل

طبعا بعد الحرب العالميه الثانيه تدمر خط سير القطار وماعاد رجعوه !!

اللي يزور المدينه يمر هذول المكانين تراهم مره قريب الحرم
المسجد بالذات صاير مزار للاتراك يعني ايام العمره الحج ماتلقى لك مكان هناك
من زحمه الاتراك يفرحون يشفو شي من بقايا تركيا

اصلا اللي يشوف الصوره اللي فوق ومايعرف المدينه يحسب اني مصورها
في تركيا خاصه مع الاجواء الماطر اللي زي امس !!

وبس سلامتكم اليوم حبيت اعطيكم شوي معلومات عن مدينتا شوي

وصح زي ماقلت لكم ترا مكان دوامي بينه وبين ذا المكان شارع بس
وبيتنا تقريبا على نفس الشارع حذفت عصا من هنا

يعني لو اطلع من فوق سطوحنا واحذف حصاه القاه بالمكتب حقي تقريبا

وبس والله ..

كونو بخير وترا مافي القول خيرا بلا عمل ولا في الحياه خير الى مع السرور

ســلآم

آأإأم بآأإآك

تصدقون احسني ماشي ومستعجل لي فتره !! مدري وش مستعجل بي !!
هذه يمكن خامس صفحه اقلبها معكم من رجعت

مدري الوضع طبيعي ولا انا بجد مستعجل !!

بس الاكيد اني مستانس معكم زي ماقلت لكم قبل شي تكون مع نفسك
وترووق المانقا على قلوتهم

لا وكمان صاير احب ..



اي وربي صاير احب ذا الصفحه حقت الصراحه
العالم بدات تستخدم الصفحه زي مالفروض تكون له للصراحه

مو للحش والتقليل من اي احد !

صرنا نعرف نختلف في وجهات النظر ننقد الكلام او الطريقه ف الكلام
بس مانقلل من الشخص صاحب الموضوع !!

وهذا اللي المفروض يصير مو تدخل تسوي كونان وفاهم الامور وتحش وتمشي
لا الحمد لله الشعب صار اكثر وعي لصفحات التواصل ومواقع التواصل بشكل عام

صرنا شوي احسن نقرا ننتقد او نبدي وجهة نظرنا بدون تقليل من احد

وهذا اللي المفروض دايم يصير !!

نفسي اصور لكم والله صفحتي حقت الصراحه فيه كميه كلام راقي رهيب
يختلفون معاك بكلامك ينتقدونه بس يبقى الاحترام هو المسيطر على المشهد

الله يسعدكم ياشيخ !!

بجد كميه وناسه القاها بصفحه الصراحه ماعاد انفس اذ رحت لها
انصحكم تسوون فيها صفحات شي التواصل عن طريقها ممتع

يعطي الشخص راحه اكثر في الكلام ويعطي صاحب الصفحه خيارات كثيره
في انه يتوقع مين اللي ارسل له الكلام وهذه متعه ترا !!

يعني احيان اكون متضايق من شي او احد القى كلام اول شخص
يجي ببالي انه هو ارتاح لا ارادي وربي لو مو هو اللي مرسل الكلام
بس خلاص مخي يتركب فيه انه هو اللي مرسل الكلام

شايفين كيف لو نحاول نحول اي شي ايجابي لمصدر سعاده لنا
سهله الامور مايبغى لها شرح

فيه كم صراحه يبغالي اسوي لها تصميم واجيبها هنا عشان اعلق
بس والله مافيني حيل للفوتوشوب اليوم مكسل شوي

تعرفون لازم انسخ الكلام من الصراحه واروح للفوتوشوب ادور الصوره اللي
الصق عليها الكلام وامسح الكلام الاول واحط الجديد

واوزن الكلام واسوي له فرمته لاني ماحب اجيب اي اسم في الصراحات اللي
اجيبها هنا احب تكون بدون اسماء فاسوي فلتره لبعض الصراحات

احفظ الصوره ثم اروح لموقع عشان احمل الصوره
وانسخ الرابط واجي هنا وانزله بالرد شايفين كيف اللفه عشان اجيب لكم صراحه

واعلق عليها مشوار صح

قرقره زايده مالها داعي ادري بس وربي جعان هرج مع ذا الاجواء

خلوكم قريب عندي صراحه مدري وش اقول عنها بس بجيبها
فيها مجال للطقطقه

بروح اسوي اللي قلت لكم اول واجيب الصراحه واعلق عليها

كونو بخير .. وتاكدو ان لا صداقه بدون وفاء

ســلام

ســلام بذا الخميس وذا البرد وذا المطر وذا الجو اللي بجد يفتح النفس
اليوم بخليه كله لاصدقاء الصراحه !!



بحاول اجيب لكم بعض الصراحات الزوينه اللي تحمس وكذا
وبعلق على بعضها شوي تعليقات

عاد خليكم قريب ولحد يغير القناه




ببدا بهذه لان ابو العز عزيز وغالي .. هذه ياطويلين الاعمار
ابو العز خوينا .. " لاشي يستحق " الله يسعده ويوفقه وربي ونعم الخوي
ما ذكر شفنا منه الى الطيب

الهلال من رجعتي وهم يحاولون فـ البطوله الاسيوه والنهائي السبت باذن الله
الساعه وحده ونص وذا جابو البطوله ويحلمون طبعا

بيوصلو لمكان النصر ومكانه الطبيعي بس كمان يحلمون
عشان كذا قاعد من فتره اطقطق عليهم وبس والله

وجاهز لباقي الاسئله باي وقت !!



والله ماني فاهم السالفه بالضبط بس يبقى التصنع مذموم في كل الاحوال
المشكله ماهو هنا المشكله وليه افكر اسوي كذا !!

الحمد لله رايتي بيضا مع الكل باذن الله

وبس وربي ماعندي تعليق على ذا الكلام اكثر من كذا
وودي اللي فهم شي من الكلام يشرح لنا !!




بالاول الله يهني سعيد بسعيده

لايملك الرجل المراه حين يتزوجها هذه الفكره هي الغلط الرجل يتشارك
مع المراه الحياه عندما يتزوجها !!

وبعدين من يقول ان الغلا يظهر من القله ربما الكثره
هي التي تدل على الغلا !!

لو بنمشي على كلام سعيده اجل اللي يملك سياره وحده اغلا من اللي
ماعنده الى سياره وحده هههاي مو كذا ياسعيده !!

نقطه ونهايه سطر



انا اشهد انك صادقه فيما كتب هنا اصفق لك على فكرك وربي
لكن ليتك وقفتي عند الجزئيه الاولى بس !!

كانت اكثر فائده من الجزء الثاني وبعدين ترا هذه الصراحه
هي الجزء الباقي من كلام صراحه

الحرمه افضل من الرجل اللي جبتها قبل لكم يوم

بس بجد صاحبه هذه الصراحه عندها وجهه نظر محترمه وكلامها والله
رهيب وفي محله لن تستمر الحياه لو كلن بيستقعد للطرف الثاني

لنقبلنا بكل عيوبنا فنحن فـ الاخير معرضين للخطا والصواب
كوني بخير اختاه فلقد ابدعتي في كلامك



هلآ فيك والله

ذا القلم فيه من ريحة الطيبين والله ..

ترا جماعتي قصدها الرجال اللي منهم نفر وابو العز على سبيل المثال
هلمو ياشباب لنقتص من صاحبه هذا القلم لنريها ان الحرب هي لعبتنا

ع العموم

قالوها قبل : " لا تقول بر لين توكي عليه "
الشرح : لا تقول ان ماتملك هو بر يعني حب الى ان تضعه في كيس وتحكم اغلاقه




احـــم احـــم

هذه كنت متردد اجيبها والله من فتره بس بعد كلام اني اتصنع
الاعجاب ومدري كيف والله غير اجيبها

عشان ماعاد تعصبون بي !!

شكرا لصاحبه الصراحه هذه الله يسعدك ياشيخه
بجد بعض الكلمات تكون رااااقيه محمسه داعمه وربي انها تفعل الكثير فيني

بس كله من كلام البعض عن التصنع اتردد اجيب ذا الكلام هنا

ليت فيه اسماء تطلع في الصراحات عشان اصور لكم الشاشه
وتقتنعو ان الكلام والله يجي كذا لا اتصنع ولا شي !!




نختم بهذه الصراحه الخفيفه كلها خمس كلمات بس فيها كميه
كياته وطعامه تجنن

بجد احسني فوضوي وبقوه والله بس اللطافه كثروا منها
ماظنيت اني املكها !!

الي اذ بتصنع << تعقد من التصنع

ع العموم يكفي صراحات احسني زودتها شوي وربي
بس من كميه السعاده اللي في الصراحات ودي اجيب كل شي

وبس والله

الله يسعد من كان له دور في سعادت صاحب هذه المدونه ومالك
تلكم الصفحه في الصراحه

شكرا لكم جميعا

كونــو بخير واستانسو بالويك اند

شهرزاد تحزن كل الناس فرحانه بالويك اند الى هي بعد يومين بتداوم
يالله ماعليك الدوام ازين احيان للفكر ويشيل عنك

التفكير السلبي من كثر الجلسه لوحدك << بدا يتلفسف

سلام سلام

اليوم ناوي اجيب العيد !!



مدري ليه !!

بس احس الغالبيه في البنات هم السبب في تشتت قلوبهم في انكسارتها
يحبون كذا انها تشتت قلبها ماتخليه يستقر !!

مدمنين شتات خلونا نقول !

يحبون انهم يكونو هم المظلومين المهظوم حقهم اللي يتعرضون
للخيانات والانكسارات ومدري كيف !

خفن على انفسكن يرحم ابوكن !

خلو قولبكم على كراسيها وثبتوها قد ماتقدرون ترا فـ الاخير
المتضرر الاكبر انتم وبسببكم

لا تحاولون تعيشون ادوام الضعف لا كونو اكثر قوه
مع انكم ماتقدرون بالعاده بس حاولو تكونو اقوى بكل شي لا تبينو
لاحد انكساراتكم لان بعضنا الله يصلحهم يحسبون انهم الدكاتره فيل مو دكتور

فتلقونهم يتطايرون على الفلسفه ومدري كيف !!

احسكم معشر البنات تحبون الشكوى والتشكشكه حلوه الكمله الاخيره
وربي مدري كيف بتقرونها

بس تكفن خفن علينا شوي ترانا كـ شباب مرهفين الاحاسيس صعب نشوفكم
تشتكون ومانكون الدكاتره فيل او ستيف هارفي

لازم نطلعكم من حلطمتكم فخلونا نعرف نعيش لان نكدكم ياثر علينا
فما نعرف نشتغل صح ونخلص امور الشعب صح !!

وبس والله سلامتكن جميعا

فـ الاخير

خليكن اقوى واكثر ثقه واقل حلطمه وخففو علينا من انكسارتكم
وبطلو تحملون الشباب كل اللي يصير لقلوبكم

وايش كمان ايوه تعلمن تطبخن ترا جليكم ماش ماعاد يعرفون
الى كم طبخه وفرحانين فيها او انواع الحلى بس !!

يالله العافيه طيبه والجنه الجنه

وبس سلامتكم

اقوى خوداااافس بيوم الخميس .. وهلا بالخميس

سلام

لا لا لا

هذا الكلام مدري كيف جاي او على أي اساس بناه صاحبه
اكيد ماراح يدخلنا جنه او نار ونعوذ بالله من النار وشرها !!

بس مو كذا يكون الكلام او بذا الطريقه
هذه الطريقه خطا !!

من متى صارت السعاده بالكلام الايجابي عبوديه
وكمان من متى صار الانتقاد وسماعه مهما كانت قسوته عبوديه

ليه نحاول نكمم افواه الناس لندعم من اراد الدعم لنكن معه
لنحاول ان نجمل الحروف لمن يستحقون ان يقروا حروفا تدعم مايقومون به

في نفس الوقت خلونا نسمع النقد ونرضى به ونحاول نعدل
من اخطائنا زي تو كنت في مدونة شهرزاد كلامها في محله بخصوص كلامي
او ردي اللي قبل هذا !!

بجد احيان التنفيس يكون هو السبيل الوحيد للبعض وخصوصا
في عام النت اذ لقو مكان ينفسون فيه من غضبهم

عشان كذا اعتذر عن الرد اللي قبل هذا يمكن تحمست شوي
بس قصدي كان التقليل من الشكوى !!

ماعليكم

نرجع لصاحب الصراحه هذه اللي تو جبتها حتى مااعندي وقت
اسوي عليها تصميم كالعاده

المهم كلام صاحبنا او صاحبتنا في الصراحه مو صحيح
كل مانتعرض له ياثر علينا وبشكل اكثر من اللي نتوقعه فعادي جدا اننا نتاثر

بالمدح كما بالذم !!

لن نكون عبده للافواه على قولتك لكن نحن بشر توثر فينا الكلمه بشكل مباشر حتى
لو ماكانت مقصود منها الايذاء

وبس والله

عصبتو بي بجد هالمره !!!

لنكن اكثر تقبل للامور بدون تحليل مدري كيف جاي زي التحليل اللي اتكلم عنه
تحليل في غير محله وخطا جمله وتفصيلا

ادري صاحب الصراحه قصده طيب ويبغاني ماشيل بخاطري وكذا
الله يجزاه كل خير

بس وانا اخوك او اختي مو كذا خانك التعبير هذه المره

وبس والله سلامتكم

اجازه سعيده باذن الله استانسو ووسعو صدوركم
ونبارك مره ثانيه وثالثه لماثر عيدهم الوطني واحتفالاتهم

وكمان نبارك لشمس افتتاح معرضها او محلها وعقبال مانشوف اسمها مع البراندات العالميه ..

اشوفكم باذن الله الاحد وانتم طيبين

كــــونـــو بـــــخير

ســلام

منذ

( 2001 - 2017 )

ومازالت


グローバル強い困難

وبالياباني كمان هالمره بس اللي فرق انه بالياباني انقالت
بالعاده خليجي او استراليا اووه ومن ينسى سيدني

تخليو من 17 سنه وهم بفحطون ولا شفنا شي بس تفحيط ومهايط
ع الفاضي ياربااااه وربي عمر

تصدقون الولد اللي توه انولد اليوم بيتخرج من الجامعه
البنت اللي كمان توها انولدت يمكن الان معها عيال

وراعين قادمون يا آسيا للان يفحطون !!

الحمد لله اني نصرواي بس !!

اجل 17 سنه بنفس المكان نفس الطقطقه كل سنه قسم
فريق مايستحي على وجهه وجمهور مدري كيف يهايط

الحين يجونك مدرعمين على الاقل حنا وصلنا النهائي << بالله

ليتك ماوصلتم كان ارحم لكم ولحال فريقكم اجل توصل ثمن تاكل
على وجهك وقدام العالم كله الله لا يفشلنا ياشيخ !!

قلناها قبل صعبه قويه وقالها كثير لدرجه رؤساءكم قالوها
جمهوركم رددها اكثر من مناسبه

بس مشكلتكم وجيهكم مغسوله بمرق

خليكم بالمحليه فضحتو فينا والله على الاقل هنا محد يدري غير ربعنا
بلا عالميه بلا كلام فاضي

اقول الخلا بس

اقول لكم ياربي لك الحمد اني نصراوي
وعالمي من (17) سنه يوووه

ويكفينا العالميه

فـ الاخير

العالميه صعبه قويه

ســلام

يآأإأرب

ان لكلآ منا امنيات وتطلعات واحلام وتوقعات فيارب ياكريم
حقق امانينا وامانيهم ويسر امورنا جميعا

واكتب اللهم لنا كل خير

احيان كثير ودك بمن يجمع اسمك معه في دعائه
اللهم اكتب الخير لمن مر بهذه الاسطر اللهم اسعده وابعد عنه كل اذى
واكتب له كل خير !!

لن نصل لما نريد في الغالب لكن لن نتوقف او نتكاسل سنستمر
في طلب مانريد حتى نصبح قريبين منه او لنتاكد بالفعل انه لم يكتب لنا ذلك الشي

خلونا اكثر قبول لكل شي بعدو عن النفسنه وجلد الذات
والتقليل من كل شي وخاصه ابعدو عن التقليل من انفسكم بجد ترا راس مالنا
هي ثقتنا بانفسنا لا تخلون هذه الثقه تهتز او شي !!

تصدقون عاد !!

اليوم من الصبح ادور التلاوه اللي كانت بتوقيع شهرزاد
ياهي كانت تريح اللي يسمعها المشكله نسيت اسم الشيخ !!

بجد احيان ودك ترتاح وتريح اذنك وتسمع اللي يخليك تكون اكثر روقان
من هنا اطالب شهرزاد ترد التلاوه في توقيعها او تذكرنا باسم الشيخ

فيه بتوقيع نفر الله يجزاه بالخير كمان تلاوات وكذا

المهم خلونا نفكر بشوي ايجابيه لكل شي يمر فينا مهما كان صعب
يمكن الخير في الجاي وهذه بس مقدمات او اختبارات لنا

قدمو الايجابيه للامور الغيبيه وخلو عنكم النفسنه المبكره !!

- توقع الافضل افضل من العيش بخوف اليوم لواقع لم نصل اليه بعد !!
ومحنا دارين اصلا وش بيصير بعدين

قاعد اتفلسف ادري بس وش اسوي احيان تعصبون بي

فـ الأخير

" لا ياخذ احد معه إلا الجميل الذي يصنعه "

كونـو بخير فبجد بجد والله اننا ولله الحمد بخير الله لايغير علينا
ويمدنا بالصحه والعافيه وراحه البال

وبس سلامتكم

كان معكم .. وسمي اذ كان جعان هرج .. << الخلا اقول

لا تدف طيب طالع وربي

خودافس

آأإأآم بآأإأآك



بوه كم كلمه لسى ماقلتها وتو اذكرها بس ارجعو للصوره اقرو الكلام اللي
فيها زين والله من اجمل ماقرات هذا اليوم !!

بجد !!!

اذا تحب شخص ادع له الله ان يسعده فهو سبحانه الادري
بالطرق اللي تسعده !!

وهو القادر سبحانه وتعالى على بث السعاده في قلبه

فـ الاخير

اللهم سامحنا على تقصيرنا وزلاتنا واعف عنا
واغفر لنا يارب العالمين

كونــو بخير .. وخلوني اروح افطر واشوف مين داوم
من الشباب الهلاليه امس محد منهم داوم

احيان الكوره تشيلك واحيان ترمي بك سابع ارض

يالله فـ امان الله
خودافـــــــــــــس

شكــرا لكل من جعل هذا المكان من الاماكن التي يزورها يوميا
شكــرا لمن كانو سبب في بقاء هذا المكان للان

شكرا للكل وربي بجد مدري كيف اوفيكم حقكم او اشكركم زين
بجد تخلون الواحد غصب يشوف نفسه والله لو ان ماعنده سالفه

بس بجد كلامكم بالتقييم في صفحه الصراحه في مدوناتكم
بجد يسعد اي شخص كان !!

الله يسعدكم بقد ما اسعدني تواجدكم ودعمكم وكلامكم !!

تصدقون هذه الصفحه (299) في مدونتي ويمكن اكثر عدد صفحات بالمدونات
هذه المدونه لاني من سويت ذا المدونه للان ماغيرتها ولا شي !

المشاهدات للان رقم خيالي ولا كنت احلم بربعه تخطينا حاجز (233) الف مشاهده
اللايكات على انهم صفروها بالممنتدى كذا مره بس
هنا واصلين معاي فوق (17) الف لايك يارباااه بجد رقم خيالي كمان

اجمالي عدد نقاط تقييم المدونه رقم كبير والله ماني عارف اقراه
بس اظن (71) مليون نقظه



هذا مجموع عندد نقاط التقييم وربي رقم مجنون بجد !!

ولي الان معكم تقريبا (11) سنه يارباااه يامسرع الايام للان اذكر اول يوم
وكيف سجلت معاكم ومين اللي استقبلني وحمسني لذا المكان

راح اقول لكم السالفه بس مو اليوم مو وقتها



المهم باقي على ذكرى تسجيلي معكم تقريبا (10) ايام بالضبط لاني
في 7/12 راح اكمل معكم (11) سنه ابغى بارتي وحركات وكذا

عاد المشاركات مطلب لا تبخلون علينا فيها
وبس والله سلامتكم

فـ امان الله

ســلام

وبنقفل هذه الصفحه بهذا الرد وان شاء الله يكون
مسك الختام !!

تفائلوا بحدوث أشياء سعيدة وأخبار جميلة !

ومستقبل أفضل ، فالثقة بالله تجلب كل خير
لا تخسر قيمتك بـ كلمة ولا تفقد احترامك بـ زلة ..

ولا تجعل همك في الدنيا هو حب الناس لك
فـ الناس قلوبهم متقلبة تحبك اليوم وتكرهك غدا ..وهكا !!
.
ولا تحزن فالمعصية لها توبة والهم له فرحة !!
والإكتئاب له راحة والضيقه لها سعادة

وكل شيء له حل .. حتى لو طال انتظاره !!

وتذكروا دايم

انه حينما يكون المزاج سيء ..
نرى أجمل الأشياء ممله !! ‏‎

وحين نشتاق لشخص ..
يبدو العالم كله خاليا من البشر ..
فالشعور بهذه الامور امر طبيعي !!

لنجعل الغد افضل وتكفون لا تاخذو معكم احزان اليوم لبكره
فرمتها سوي لها دليت عايدي بتعدي اسوا اللحظات

مهما كانت صعبه في بدايتها بس راح تمر باذن الله
وبس والله ماعندي سالفه بس بقفل الصفحه بذا الرد


كونـــو بخير مع من تحبون استمرو في العطاء قللو الشكوى
اجعلو لكل شي نقظه رجوع لا تقطعوا الامل في شي

فـ الاخير
دايم ارددها لانها بجد تعبر عن كل شي

" الأماكن كلها .. مشتااااقه لكـ .. "

وبس سلامتكم

ونقفل الصفحه
سلام