صبحكم الله بالخير

فيه شي اكتشفته بس ماراح اقوله لكم لو يصير اللي يصير
باين اصلا من اللايكات للاذكياء فقط

عاد والله هنا يافيه اذكياء بشكل ماهو طبيعي يعجبونن الاذكياء
وتحليلهم للامور بعضهم والله انه يسرق الكمله من مخي سرقه

كانه متربع فيه !!

عندي سوال بس صندوق الرسايل عندي مليان ومافي حيل امسح شي
بس بخليه لوقت ثاني بعد ما اقلع ضرس العقل اللي طير عقلي معاه

كل ماجيت دكتور يقول اقعله الشغل بضرس العقل صعب لان مكانه في نهايه الفك
وصعب يتعاملون معاه وخويكم رافض الى يبقى بمكانه ويعالجونه

يقول مانقدر نقلع العصب قلت ليسه ويطيب ليسته وماطاب
خلصت علبتين بروفين ف الكم يوم اللي راحن

ماني بقالع الضرس لحد يقول اقلعه يحلون هو اصلا عندي عقل
عشان اقلع ضرسه

بس صراحه طعم البروفين كلام ولون يجيب العافيه صصاير اداوم وفي جيبي العلبه
تقول حلاوه ماهو علاج

سلام مع ذا الظهر اللي يكتل بالحر اذ طلعت بعيد لو شوي عن المكيف
ياخي سلمو لي على اللي اخترع المكيفات !!

تعالوا هنا ماني مصدقني اي احد قريب يديني كف يمكن اكون احلم



من جده صده ترى امزح يابو

ماعليكم ابكم ايش كنت اقول والله نسيت وش جاي اقول !!
شكل يبغالي كفن ثاني

ايه صح بالش كفوف تذكرت كنت قبل شوي بمدونه بقايا شتات الم لم بقاياها

لقيتها منزله صوره بعدد المشاركات في مدونتي والله ماني مصدق معقوله
بالله شوفوا كيف واحكموا



الفين واربع ميه واربعه واربعين مشاركه من جدهم ذول ولا يمزحون
معقول كل هذه مشاركاتي لوحدي بذا المدونه << اجل مين يابو بيكون معاك

يارباه وربي رقم يخوف والمشاهدات ميه وتسعه وخمسين الف مشاهده يارباه
كم انتي كريم يارب

يالله الحين وين اصرفها لو بحولها فلوس

كان يمدي ماخر لي سياره جديده وانا اضحك بعد !!

ع العموم ربي يسعدكم جميع والله لو اجلس لين بكره المغرب امدح فيكم ما اوفيكم حقكم
متابعتكم سبب كالعاده في قرقرتي ولا ماكان وصلتها لذا العدد المجنون من المشاركات

ياويلي ويلاه اقسم بالله اثاريني قرورو كبير شكلي من جماعه نفر وماني داري

يالله خلوني اطلع وربي انتهى دوامي وبلحق ع البصمه قبل تصير زحمه

يالله سلام .... وخودافس

صبح صبح ياعم الحج سلام عليكووم
ذا الفيس زمان ادوره مدري مين فينا اللي مضيع الثاني بس ابشركم لقيته من تركته
لين اليوم وهو يجري بطارياته اصليات

اليوم كنت ولا عندي نيه اداوم وحذفت التنبيه حق الجوال
وبرجع انام بس مدري وش صار مسك معاي ضميري وليه ومددري كيف

وتعوذت من ابليس وحذفت باللحاف وصحيت اتسحب
والان مداوم والحمد لله اني ماسحبت عليهم جو اخر يوم بالدوام ينشرى بفلوس

مع الرواتب واخر يوم واجواء متوقعين امطار اليوم يعني تتحمس تداوم غصب

نقطه ونهايه سطر !!

الان نفسي اعرف ليه مانسامح ليه نشيل في قلوبنا على بعض المشلكه كل مازاد
الخصام والزعل كل مازاد معاه القلق !!

اي والله انه يزيد القلق شيل الهم عن صدرك وسامح ولا تدور الزله على خويك
مافيه احد ماعنده عيوب وربي كلنا عيوب لحد يدقق كثير والله بيتعب !!

نقطه ونهايه سطر !!

كلنا ولدنا احرار وبنموت احرار لا تخلون عقولكم توديكم لاماكن حجبت
عنكم لانكم لو عرفتوها مالكم اي فايده !!

خلو المحجوب محجوب لو صاحبه حب يقول بيقول براحته لا تتوقعون ان ضغطكم
على الشخص انه يقول او يسوي شي مايبغى يسويه بيكون ف مصلحتكم !!

الامور في بعض الاحيان حجبها مفيد والبوح فيها مايفيد !! حكيم ياشيخ

نقطه ونهايه سطر !!

سجلوا عندكم دام رضيتوا ورضينا نكون اعضاء في منتديات راح نتشارك
مع الكل ف التواصل ف الكلام ف مشاركة الافكار واحيان تجمعنا امور تهمنا ويمكن ماتهم احد

لا تخلون التواصل يكون سبب القطيعه الود يبقى محفوظ للجميع والاخوه مطلب
والاحترام واجب والتقدير يشهد عليا ربي للجميع

حنا في مكان مانعرف البعض الى باسمائهم بس باحترامهم كسبوا احترامنا وبثقتهم
حصلوا ثقتنا !!

نقطه ونهايه سطر !!

احب اكتب واذ كتبت ارتاح لي كم يوم صاير مدمن الهجوله في قسم الحوارات والنقاشات
مدري وش السالفه بس تحمست شكلي والله ع العموم سيروا هناك

في مسابقه القفص الذهبي ماني مشارك بس الكل مشارك مغير ادرعم وارد على المشاركات
صرت احسني ماني انا يوم اكون هناك


نقطه ونهايه رد هالمره

سلام

ماعندي شي بس اليوم وامس ومن فتره مريت على مدونه
صاحبها مبدع قليله فيه كلامه واشعاره وبوحه قمه ف التميز

صراحه انصحكم تتابعون مدونته ماراح تندمون
وحقين توتير واللي يدورن البوح بيلقون كثير منه هناك

مدونه صراحه من احسن المدونات اللي مرت عليها
صاحبها مزينها بالكلام اللي فيها

اللي ماهو مصدق يعض على طرف ثوبه ويضغط ع الرابط تحت

هنا

ويروح يشوف ماراح تندموون بتلقون كلام رائع

لو كان لي ف الشعر والخواطر كان مليت مدونتي من ذاك الكلام

يالله نقطه ونهايه سطر !!

بقايا تقول تبغى مقابل تعينها مديرة اعمال مدونتي وجبات من كنتاكي وطقتها
بس ماطلبتي شي ولا يهمك بس ترى بشرط

تسعه شهور تبدى من الشهر الجاي يعني بعد اربعه ايام
هي فتره التجربه بشوف كيف الشغل اذ ضبط

بكلم كنتاكي يفتحون فرع فوق سطوح عمارتكم

نقطه ونهاية سطر !!


يالله بطلع وباخذ بريك ف اليومين الجايات لا اوصيكم باللايكات والتقييمات
والنشر وكل شي

يالله اتركم وكلي امل القاكم واذ الله كتب ومارجعت
لا تنسونا من دعائكم

خودافس

سلام عليكم ... كيف الحال !!
وبداية اسبوع جديد واخير قبل الاجازه يالله يارب ان يكون اسبوع خير وبركه ع الجميع

عاد يابخت الطلاب اجازتهم جات ولسى مايمديهم يدرسون
المشكله ف الي زي حالتي جا تكليف زي كل سنه تكليف بالدوام وقت اجازه الحج !!

لاننا جهه خدميه ويتعلق شغلنا بشكل شبه مباشر مع الحج
يعني مابوه اجازه !!!


بحاول اسحب عليهم اذ قدرت وذا ماقدرت او ماتمت الامور زي ما ابغى
يكون خيره باذن الله !!

ماعليكم اهم شي فلوها يالطلاب لو طالب من بكره يبدا غيابي
ويدوروني اجيهم بباقي الاسبوع يحمدون ربهم اصلا اني جيت لهم اول يوم

ع العموم العافيه طيبه والجنه الجنه !!

بس قبل اطلع شدني شي قريب من هنا !! لحظه بجيبه !!

شهرزاد شاده حيلها بتعلمنا انقلش ايون كثري من ذا الردود يمكن
نطلع بنهايه السنه كلنا نرطن انقلش

مو ذا اللي شدني بالموضوع اللي شدني الكلام !!

من يقول تاتي للحياه وحيدأ لا والف لا وين راحوا الممرضات والدكتوره
وامك !!

يمكن تغادر وحيدا بس تجي وحيدا كثروا منها كله من القرايه الكثيره تجيب تخليك
تصدق بعض الاقوال لو انها فيها مبالغه وضحك ع العقول




وبس سلامتكم ماعندي سالفه ادري بس استفزني ذا الرد لاني شفته
كمان ف تويتر ومر عليا بكذا مكان !!

يالله سلام

( يقال والعهده على الرواي ان ما انكسر لايمكن اصلاحه !! )

هذا الراوي اللي يقوله صحيح بس قبل تطلع الشركات ويطلعون لنا اشياء
تصلح المكسور يعني يتصلح !!

السوال هنا بعد الاصلاح او خلونا نقول محاولة الاصلاح
هل يعود كمان كان !! هنا المهم !!



هو بيصلح بس بيكون له ضرر عليك يمكن يتجازو اي ضرر ثاني !!

عشان كذا انتبه زين للشي اللي كسرته او كنت سبب في كسره
راح تكون عواقب ذا الشي صعبه !!

كلام ف الهوا صحيح بس شي في نفسي وحبيت اقوله

سلام

صبحكم الله بالخير ... معقوله القى مدونتي بالصفحه الثانيه
افا مايصير ذا الكلام هذا وانا موصيكم !!

يالله مسامحين كل ابوكم بقايا ترى بنقص من نقاط التقييم حقتك
هذا ولسى ماكملنا شهر من تعينك فيذا !!

هذا الكلام جاني عشان ضرس العقل الله ياخذه من ضرس وربي
خلاص ماعاد اقدر اكثر من كذا !!

المشكله معند وخايف بنفس الوقت لان كثير كلموني انه اذى في قلعه
واذى اذ تركته !!

اما 84 يوم قلعتيه ذا من الدوفره وانا اخوك ماهو من الضرس
ماشاء الله عليك ..

صح بوريكم شي !!



ذا السمك حقي بالبيت ماعليكم من الالوان اللي تفتح النفس
حقت السمك ركزوا بالله على الارضيه ولون الحجار

بالله ماهو فن اللون !!

امي كل ماجات قالت ذبحك ذا اللون حتى السمك الضعيف
اجهرته بذا اللون

المشكله الصوره هذه ماخذها اليوم الصباح وانا طالع للدوام ناوي انزلها فيذا
عشان كذا تشوفونها مدري كيف جايه فيني النوم ومستعجل

وضرسي وربي ذابحن والان صدع براسي لو ودي احط له
طرطيعه العصفور اذ تعرفونها واولع فيه اخليها تفجره تفجير

يالله ماعليكم ...

مبارك عليكم العشر والله يارب ان تبلغنا الاجر وتكتب للحجاج حج ميسور وسهل
ويرجعون لاهلهم سالمين مغفور لهم ذنبهم

قولوا امين

المهم اذ مارجعت باليومين الجايات اعرفوا اني ثورت بضرس العقل
يمين الوجع فيه يكتل والخوف من قلعه اكثر قتلا ما احب اصوات

الاجهزه اللي في عيادات الاسنان تجيب لي القلق
اصلا من اجيهم اكون على اعصابي لو ودي اكسر يد الدكتور

هيأأأ سلام

وكل عام وانتم بخير