قضت ١٥ وبقى زيها ويمكن اقل بيوم !!
هذا رمضان ... اللهم اتممه علينا بخير

...

ابغاكم تشوفون لي حل مع نفسي !
الظاهر بحطم كل الارقام اللي بالعالم اظن مافيه احد يتحداني بذا الشي

اكثر واحدن بالمعموره € حلوه معموره احسني بمسلسل تاريخي
والمثلين مصاريه ههههههه

ايوه نرجع للمعموره اظن اكثر شخص بالدنيا يكرر نفس الاخطاء
اخوكم المربوش صاحب ذا المدونه والله ياناس نفس الاخطاء

كاني السهلاوي قدام باب الهلال نقس الاقوال

مدري ش السواه نص لصق اخطائي وبعض الاحيان مع نفس الاشخاص !!!

والله تعبت وتعبت العالم معاي المشكله اني مدمن اعتذار يعني مستحيل
اترك الخطا بدون اعتذار لين خلصت كل الاعذار

وصرت محترف اعذار لين من كثرها شكلي بالف بي كتاب
واسميه ( فنون الاعذار لكل شخص ورطان )

ماعليكم من هلوستي بس بجد اللي يعرف له حل مع مشكلتي يقول
تكفون نخيتكم يالطيبين شوف لي حل

ذبحت العالم بنفس الاخطاء وكل مره اقول اخر مره
وجهي من كثر ماهو مغسول بمرق صاير تشوف الدم يمشي بالعروق اللي فيه

ساعات اقول بلاهه وساعات اقول لا ذا طبع في اغلبنا لاننا بشر
ولازم نخطي مهما نسوي < اسلك لنفسي بذا العذر

هيا لا اوصيكم نخيتكم اللي عنده علاج لايقصر ويقول

يمكن تاخذون لكم دعوه من متهور ومدمن تائب تكون فال خير عليكم

صح قبل انسى ربي يسعدك شهرزاد ع التقييم خلا النوم يطير من راسي
من زود الكلام اللي فيه حتى من كثره مابوه مسافات بسن الحروف

شوفي لك حل يابنت شكل الشرهان تمكن منك صح يبغالك كرتون سنكرز عشان
ترجعين لوضعك الطبيعي ههههههاي


يالله بالتوفيق للجميع وانتظر الحلول اللي من عندكم لاخوكم الغلبان

في امان الله

خودافس

كل عام وانتم بخير يالربع ياهلي بذا المكان وعساكم من عواده
والله يتقبل منا ومنكم صيام رمضان ويعيده علينا بالخير ...

يامسرع الايام وهي تركض فينا وحنا مغير نطالعها ونايمين بالعسل
اخذت شهر اجازه وختمتها بسفره قصيره قبل كم يوم راجع ..

وهذا حنا رحعنا للدوامات والقلق وكل شي وخلص العيد يالله ان تسعد الجميع
وتعيد اعيادهم سنين وسنين ...

عاد اعذروني الناس اللي تدور الهدايا والعيادا طفرت بالاجازه والعيد ورمضان
ورجعت بخفي حنين حتى الخفين ضاع واحد فيهم

ماعليكم اهم شي شوفتي صح !!

المهم ماعليكم من الكلام الفاضي اللي فوق وكل عام وانتم بخير وعساكم من الفايزين
وينعاد عيدكم بعد الزحمه احلى عيديه تكون لان العالم تعبوا ف العيد

اشكر العالم اللي تذكرونا وعيدونا بذا المكان ربي يسعدهم واللي نسوا ترى لى استقبل
العيديات وكذا لين نهايه ذا الشهر ماعندكم مشكله لحد يقول انتهى العيد

لا لسى باقي عشرين يوم ...

صح قبل انسى فيه ناس تستقبلك بالعيديه وخاصه اذ كنت غايب لفتره
بس اول مره اشوف كذا بعض العرب استقبلوني بالسجن من اول ماجيت

انتظروني في احد ها المواضيع اللي منزلينها هنا والله مدري حتى وين المكان
جاتني رساله ورحت للرابط وما انتبهت لمكان الموضوع بس شكله ف لقائات الاعضاء والله ماني متاكد

اذاكر المره الجايه زين واجي اقول لكم وين مكان السجن هالمره بس صراحه
الموضوع حلو والفكره منتازه جدا

انتظروني راح انزل الرابط هنا اذ جا دوري وترى استنى زيارتكم بالسجن ولحد
يكلف على نفسه يكفي جبنه وحلاوه وتميز بس


...

اي والله قبل اطلع من هنا اليوم وصل لي خبر ان ( جدة خويتنا قلب صافي توفت )
الله يرحمها ويصبر اهلها ويجعلها من اهل جنات النعيم ويوسع لها مدخلها
ويغفر لها انا لله وانا اليه راجعون

عظم الله اجرك اختنا الفاضله ورحم الله جدتك رحمة واسعه

...

في امان الله

سلام !!

لكل منا حدود مع نفسه ومع الغير المفروض نحاول قد مانقدر مانتجاوز هذه الحدود
عشان نضمن ان الامور تكون ضمن الاطار الطبيعي

كلنا لنا حد اذ وصلنا لين عنده نتغير لاننا اوشكنا على تجاوزه نخاف
تتغير ردة فعلنا العاديه ونتحول الى اشخاص مختلفين عن العاده

الغضب يكون هو المسيطر على كل شي الخوف من الانفجار يكون شاغل التفكير
القلق يبدى يبان

تختلف حدة ردة الفعل وتبدى السيطرة على الانفعالات شبه معدومه
يمكن تقول اشياء انت ماودك تقولها لكن خلاص وصلت للمرحله اللاراديه صارت تصرفاتك

وكلامك ماهي بوضعها الطبيعي دخلت عليها امور خلتها تختلف لعبت في الموازين العاديه
صرت تشوف من منظور مختلف يمكن تجيب العيد بكل سهوله وبعضنا

يخسر اشياء بسبب هذه الحاله الانفعاليه !!

قاعد اتفلسف عليكم اليوم بس بجد الحدود بين الاشخاص لازم تكون في نفس وضعها كل مره
الاحترام التقدير هو المسافه الفاصله بيننا اذ فقد واحد فيهم هنا تكون المشكله

مدري كيف اوصل لكم اللي في راسي بس صار لي موقف خلاني اقول هذا الكلام

ويارب ما اكون غلطان ويارب تكمل الامور على خير ويصير اللي ببالي
وتعدي بردا وسلاما على الجميع

استروا ماواجهتوا والوجهه من الوجهه ابيض

خودافس

تبغون تعرفون حكايه الرد قبل الاخير اللي كتبته هنا امس
وحكايه هذه الصوره !!!

اوكي ادخلو ... هنا ...



لايفوتكم الموضوع خطير والضحيه بنيه

سلام

سلام !!

اليوم مكسر وتعبان وبالقوه صاحي البارح كان عندنا زواج لعيال عمي عقبال الجميع
من الكسل ودي لو انام على المكتب عاد الجو بارد مع التكيف والله يجيب النوم !!

المهم ماعليكم كيف الشعب كلن باسمه اشوف الغيابات هذه الايام بزياده
احس العالم كلهم مسافرين مافيه الى كم واحد فيذا !!

عاد ماشاء الله الطلاب ومدرسينهم فالينها لين نهايه ذا الاشهر اجازه
حنا اللي ماكلين هوا كلها سته ايام وزيها برمضان ودوام وياقلب لاتحزن

( رحله مكوكيه !! )

تعرض لها موضوعي الوحيد اللي نزلته هنا من ثلاث سنوات اول مره انزل موضوع
واشوفه تعرض لرحلات جويه مابقى الى يروح لقسم كلام نواعم

نص يوم بملتقى الاعضاء نص يوم بسلة المحذوفات اي والله
نص يوم بالمنتدى العام والان بالفرفشه والضحك

شكله بعد شويه بيروح للمدونات

مدري ش السالفه صراحه ولا وفوق ذا ناس مسجله بمعرفات جديده ويقولون يعرفوني
يارباه مالذي حدث ترى والله كله موضوع بسيط

صح بجد التفاعل معاه كان كبير لدرجة ماتوقعتها وربي حتى بربع ساعه اخذ خمس نجوم وكذا
وعدد ماهو بسيط من التقييمات واللايكات بس شكلي نظرته انحذف بعدها

جاتني كذا رساله تبرر الحذف وبعضها فيها ريحة مقلب وكذا المشكله كنت بالطريق للزواج
وارد على عجل وشكلي زعلت الناس اللي ترسل بدون ما انتبه

والله العظيم مدري !!

اخرتها اليوم الفجر لقيت كمان كذا رساله والله العظيم مدري ش السالفه قمت
اخاف ارد على احد من جد ويطلع مقلب اووم الحاله صح

شكله ذنب شمس واللي سويته فيها

تدرون ليه كل ذا الكلام اللي فوق << ليه ؟؟

والله عشان اقول للجميع يعلم الله ماني زعلان من احد ولا فكرت ازعل من احد
لاني ماخذ الامور سهالات وسعة صدر ووناسه مو اكثر من كذا

بس اخاف اني زعلت احد مني بردودي وكذا فاطلب العذر والسموحه لا اكثر

شايفين كيف وبس سلامتكم !!

ع الطاير

ابعدوا عن النصراويه بذا الفتره تراهم منتهين خلقه

سلام

اقول لكم اليوم فيه شي ماهو طبيعي حولي محد صدقني فيه شي ماهو طبيعي
طيف متعودين عليها هي والدراما اللي تسويها ف مدونتها ساعات تسولف
مع جدران مدونتها وساعات مع نفسها وساعات مع شغالتهم يعني عادي
وساعات تقلب حياه الفهد

تطلع لنا نسخه ثانيه من طيف هنا البلشه والله ش الحل " بحة حزن "
المشكله تقييم وبنفس الوقت تهدد ياليل ابو طويله ش السالفه مدري

بس بعد ماجيت مدونتها هي وطيف اليوم بضم صوتي مع طيف
واقول انها لنو ام شوشه منكوشه !!

مافيه احد يعرف اللي قالتهم بمدونتهم بذاك الفتره الى هي وبدتهم
بشلتها طبعا يعني مخ البنت بتسوي العميله السريه

ترى مدري بس اظن والظن هالمره بنسبه تتعدى 99.9 >> اعلان ديتول ذا

لا يمكن كمان راعية الناقه نفس الستايل والهرج والله
اشلغتنا ذا الادميه هي ونكها الجديد شكلي ماراح انام اليوم لين ماجيب العلم

لو اروح لبيل جتس بنفسه واساله عن ذا المعرف لمين ومن وين طالع
يعني كنا بشغله جاتنا شغله ثانيه الله من رداة الحظ

دوام ومقالب وناس فاضيه في اجازاتهم وناس تطقطق بمعرفات جديده
المشكله اني تركت كونان من زمان ماودي ارجع لايامه وكذا ماني فاضي << خف علينا يابو

بحة تقول انت لسى كلامك كثير وما اختفيت ولا تغير فيك شي
وحاطه الفيسات بالتقييم ماهو سهل تحط فيس يالتقييم قليل اللي يعرفون يحطون فيسات بالتقييم

وقليل اللي اذ جا يقيم اصلا يحط فيسات منهم الثنيتن اللي قلت
وفيه وحده ثالثه بس ما اظن تكوني هي لان اسلوبها اركد بكثير منهم ماهي راعية سوالف كثيره

المهم من ذا المكان اعلن للجميع اللي يقول من بحة حزن
له مني اللي يبغى اوكيشن !!

قبل فتره اشوف مقطع فيديو لواحد يورينا كيف شركات الببسي والكوكا كولا يضحكون علينا بالاعلانات
ويخلوننا نعشق مشروباتهم ونفضلها على غير !!

طلعت السالفه فيها تاثير حتى بالموخ والعصير بوه منشطات لمناطق معينه بالمخ
ويجبونها ف الاعلان بطريقه تحسسك بذا الشي بدون ماتعرف يصير اذا شربت العصير

يجيك نفسك الكلام اللي بالاعلان وتقول اي والله صادقين كلاب الكفار
وفاضين ربعنا يدققون بكل شي

يالله شكلي كثرت الكلام

سلام

سلام عليكم ...

قبل فتره قلت لكم اني موعود بسجن جديد قريبا هنا في احد دهاليز المنتدى
هذه المره السجن كان من فئة الخمس نجوم ..

استضافوني بمكان رائع مختلف هذه المره وتركوا لي حرية الاختيار
وشرف المشاركه ..

الحمد لله انتهت اليوم من تلك الاستضافه بعد اسبوع كامل كنت معهم
ضيفا واتحدث عن ضيف اخر !!

هذه المره كان السجن جميلا والمكوث فيه ممتعا !

اتمنى من الجميع الذهاب الى هنالك والاطلاع وابداء الرأي فيما سيجدون
والبعض لايعلم من هو ضيفي هنالك ليطلعوا على الموضوع

ليتعرفوا اكثر على ضيفي الذي كنت اتحدث عنه طوال الاسبوع الماضي حتى هذا اليوم

اطلت الحديث اليوم بشكل مختلف عن العاده لان الاستضافه ايضا
كانت مختلفة عن العادة !

ساتركم واضع رابط الموضوع

>> هنا <<


لمن رغب في الاطلاع وامل من الجميع المرور من هنا الى هناك
ومتابعه ممتعه واتمنى ان اكون وفقت ولو قليلا في اظهار شيئا من تاريخ ضيفي هنالك

في امان الله وحفظه

هذه بحه المنتهيه لاخلاص عرفناك لا تشرحي اكثر
وابشري طلبك تم فاضي واليوم خميس ومالي خلق ازعل

فقلت قهر هالبنيه الجاسوسه ماعندها توقيع واطمر
للاستديو واخذ اكثر صوره حزينه عندي واضبط عليها الكلام

واكتب اسمك واجيبها هنا



هذه مدري ليه احسها كبيره بس اذ ماضبطت اصغرها اشوي
مدري جربيها وشوفي كيف !!

نجي للتوقيع الخونفشاري



اتمنى يكون الشغل قد المقام ومازودت الحزن شوي
الكلام جبته من توقيعك اللي هناك بس حطيته بحركه نوص كوم

لزم البرستيج << اقول برا برا

طيب لاتدف هي قالت ابي توقيع ومن زود الفضاوه سويت واحد
يمكن بكره تعقل وتقول لنا هي مين

يالله ملبوس العافيه والحساب خالص لا تشيلي هم

سلام

الرد الاخير بالصفحه دايم ما اجبه ودي اقلب الصفحه
بسررررررررعه

لا تروحون بعيد فاصل ونواصل

اي والله هلا بالعياإأإأإأاأإأاأإأل !!

لي يومين غايب وحشتوني وربي كل ابوكم من اصغركم لين اكبركم بنتكم وولدكم
كيف العالم والامور والدنيا معاكم بها الاجازه اللي قربت تخلص << نذل


هلا بالعياإأإأإأاأإأاأإأل

ماشاء الله اشوف كذا مدونه جايه بكراتينها فيذا ياهلا والله بالجدد حياكم الله في عالمنا
عاد ماشفت احد سوى لهم بارتي وحركات وكذا مايصير ياهووو ما خبرتكم بذا البخل

حيا الله اخواننا الجداد معنا بعالم التدوين والهياط

بس ليه نايمين ياهوو مايصير ذا الكلام كلها يومين اللي غبتها واشوف البشر اغلبهم
نامو

لاتخلوني اصدق نفسي يوم تقول اني اعطيكم دفعه للتدوين فيذا !!
ترى النفس اماره بالسووء


هلا بالعياإأإأإأاأإأاأإأل

قهر اول يوم دوام بالاسبوع وينك يالخميس التفت سلم علينا
والله وحشتنا يابو متى راح تسير علينا



<< يابن الحلال تراه قبل امس مار اش فيك مستعجل
ادري لا تدف طيب بس وحشنا والله !!


هلا بالعياإأإأإأاأإأاأإأل

المهم ماعليكم اول كنت افر بالمدونات شفت صوره حاطتها المشفره بحه حزن
والله خنقتني العبره وانا اقرا الاسماء اللي فيها الله يذكرهم بالخير جميع

والله اقلام من جد فقدناها بقووه الله يحفظ اصحابها وين ماكانو فيه

بقياده مرامي البدر
حنين العتيبي
تك تك
قلب صافي
وزير السلطان
بلاك شدو

يارباه وربي اقلام من جد كان لها رنه خاصه القلمين الاولى
ودك مين يبلغ عنهم الانتربول الدولي عشان نرجعهم

الله يسعدهم وربي لتواجدهم شكل ثاني



هلا بالعياإأإأإأاأإأاأإأل

بحة حزن ياويلك لو تكوني جايه هنا وتحزنينا معاك انتبهي اوكي
ترى مدونتك كثير اجي يمها

هلا بالعياإأإأإأاأإأاأإأل

ماعندي شي بس اعجبتني الكلمه


خودافس وبدايه اسبوع جديد ان شاء الله يكون اسبوع خير ع الجميع
وان شاء الله يوصل الخميس بسرعه ورانا جزاوات وكذا

سلام

اووه نسيت

خودافس