سلام وصبحكم الله بالخير كلا باسمه يا هلي وناسي
ادري اني ازعجت بعضكم بالقناه الثانيه !!

وادري ان بعضكم اعجبته وقال فكه من قرقرته وهذرته الزايده

وجاني كذا تقييم يقولون ارجع للقناه الاولى وشفر القناه الثانيه
وكمان فيه عالم تقول خلك كذا اختياراتك وخواطرك اللي تجيب روعه !!

لين صارت الصوره اللي فوق تمثلني بقوه من جد ارضاء الناس غايه لا تدرك
فخذ لك من كل مكان جزء وكن على طبيعتك احسن شي

عشان كذا ودي انزل تصويت بالردين الجايات بشوف اي قناه راح تفوز
وبكثر لكم منها وبخليهم يتوصون ف الكاتشب والمايونيز

فعندي طلب ياشباب ولا يهنون البنات طبعا لانهن هن الاكثيره هنا
لحد يحط لايك ف الردين الجايه الى اذ كانت القناه تعجبه

اللي القاه مدرعم وحاط لايكين ف الردين راح اديه بلوك >> يامهوي مافيه بلوك هنا
ايه صح نسيت متحمس احسبه تويتر هههههاي

المهم تكفون لحد يحط لايك الى على القناه اللي يشوفها افضل
وعادي اللي يبغى يقول ليه يقدر يقول برساله خاصه او تقييم

وراح انزلها ف المدونه بشوف كيف الوضع بيكون
مع اني احب السوالف اكثر عشان كذا صوتي راح يكون مع القناه الاولى

صح قبل انسى ببارك لشهرزاد اليوم خميس يعني بكره اجازه وشكلها اول
اجازه ف الدوام الجديد



يالله بنزل التصويت بعد شوي اوعوا ايديكم من الريموت كنترول
فاصل ونواصل

سلام

.
.
.

يالله هذا الرد بيكون خاص ف التصويت للقناه الافضل
ركزوا للقناه الافضل ماهو للفتاه الافضل بالقاف

بسم الله اذ اعجبتك القناه الاولى حقت السوالف والهذره والكلام بدون نسخ ولصق

الله لا يهينك اترك لايك هنا في هذا الرد

طبعا : اللي يبغى يقول ليه يقدر يقول برساله او بتقييم ؟

شاكر ومقدر للجميع المشاركه وربي مشاركتكم بتسعدني كثير
وتفاعلكم هو اساس استمراري هنا

سلام

يالله هذا الرد بيكون خاص ف التصويت للقناه الافضل
ركزوا للقناه الافضل ماهو للفتاه الافضل بالقاف

بسم الله اذ اعجبتك القناه الثانيه حقت النسخ واللصق

الله لا يهينك اترك لايك هنا في هذا الرد

طبعا : اللي يبغى يقول ليه يقدر يقول برساله او بتقييم ؟

شاكر ومقدر للجميع المشاركه وربي مشاركتكم بتسعدني كثير
وتفاعلكم هو اساس استمراري هنا



تكفون بدون تكرار اللايكات ف الردين هذول بالذات
اترك لايك للقناه اللي تعجبك

سلام عليكم ... اجمعين ... هلي وناسي هنا بعبير ...
من جد فقتدكم ف اليومين اللي راحن فقدتن هذا كبرها

عاد قهر تاخرت ع الدخول المعتاد امس لظروف خارجه عن المعتاد وتاخر رحله
كالعاده ماهو شي جديد على ربعنا عوايدهم

بعتذر اول شي للعالم اللي كنت واعدهم امس ولا قدرت اكون فيه بس على قولتهم
ان تصل متاخرا خيرا من اللي ماوصل >> اوم التصريف

ببدا من خبر صراحه ماهو زوين قريته قبل شوي

هذه شمس تقول في مدونتها ان الغائبه الابرز هذه الايام ( انه حرف ) سبب غيبتها
مرضها .. الله يشفيها ويقومها بالسلامه ويبعد عنها كل سوء وترجع باحسن حال

لان من جد لغيابها اثر باين الله يسعدها فرضت احترامها ع الجميع
الف سلامه يالطيبه وترجعين بالسلامه ان شاء الله ويارب يكون اخر الاوجاع




نجي للتصويت اللي نزلته الاسبوع اللي راح



هذا اللي وصل لي من لايكات ورسايل ع اليومين اللي راحن يارباه كم انتم كرماء معي
الله يسعدكم يارب اقسم بالله لتواجدكم سعاده وروح تخلي الواحد وده يصرف لكم مليون

تحيه ايوه تحيه لا تحسبونها فلوس

نجي للتصويت جاني على الردين (19) صوت خمسه منها مكرره ف المكانين
طبعا القانون واضح يستبعد المكرر الى ان فيه صوتين اصحابهم ارسلو لي بتقيم ورسائل سبب

تصويتهم للقناتين فاقنعوني صراحه بكلامهم وكرمهم

والنتيجه كانت كعادة اغلب التصويتات العربيه دايم الفوز لاحد الطرفين بنتيجه كاسحه
نفسي اشوف تصويت عربي تكون فيه النتايج قريبه من بعض ليه عندنا دايم اكتساح

معليكم اهم شي قناتي فازت والله يعينكم على هذرتي الزايده

قبل اطلع بقول

حمد لله ع السلامه بحة الاحزان وجعلها اخر الغيبات والله يكمل جمعتكم
ويرد المطفوقه طيف وغيوم وميمي على خير

صح قبل انسى والله من فتره ودي اسال عن عالم كانت معنا هنا
ولتواجدهم شكل مختلف وفي غيابهم فقدنا اقلام متمكنه بكل معني الكلمه

داري ان سوالي ماراح القى عليه رد بس برضوا ذكرى الطيبين ماتزيدهم الى وفا

فأي احد يعرف عنهم شي لا يبخل برساله او تقييم
ودي اسال عن مرامي البدر الله يذكرها بالخير ويسعدها وتك تك وحنين العتيبي ومعهم
بنت الجزيره وامير الذوق الله يذكرهم بكل خير



ف الاخير

ببارك لاخلاقي سر كياني ونفر فوزهم بالسعفه الذهبيه مدري الريشه الذهبيه
الف مبروووك تستاهلون صراحه الموضوعين في قمه الجمال والكماليه

من جد مايجيبها الى رجالها دائما ف المقدمه اقلام الشباب هنا لها الاسبقيه

هلا بالعيال

داري ردي بييجب لي شوي زحمه بس عادي يستاهلون الشباب صراحه منافستهم
شبه مستحيله اقلام متمكنه تتعب راحوا الطيبين

يالله قبل اجيب العيد بطلع وشكرا للجميع مره ثانيه
خليكم قريب لاني باذن الله راجع

وبوه فكرتن براسي شكلي بتهور واسويها الله يستر

خودافس

بالله ياناس لحد يزعل من كلام القصد منه والله تضييع وقت
ووناسه ماهو اكثر !!

خلونا نفكر بشكل ايجابي لاي شي يمر علينا لا ناخذه من طرف
ونترك الطرف الثاني وبعدين والله ماقصدي شي كلامي الغالب فيه استهبال ماهو اكثر

ودي اللي يدخل هنا وبوه بخاطره شي اذ قرا يغير جوه شوي
وش ماخذينا منها يرحم امكم والله ف الاخير بتتعدل الامور وبتزين باذن الله

بعد العسر يسر !!

فيه احيان ودك اذ كتبت كلام او قلت شي تحط لهم قوسين وتكتب فيها
اني كنت اقصد كذا وكذا عشان محد يفصل الكلام على كيفه

نعاني كثير ساعات من كلامنا اللي نقوله لانه يطلع بثواني وينكتب بنفس اللحظه
والمشكله يقعد سنين مكتوب واثاره تبقى لفتره طويله

يعني لحد ياخذ من المكان الى الشي اللي يعجبه خلو الغثا يبقى بمكانه

سالني واحد مره عن شي قلت له بكل بساطه

( اعرف انك بخير اذ سمعت صدى صوتي عندك )

سالني وش تقصد !! ماقلت له شي لاني اعرف مع الايام راح يعرف وش اقصد
مرت الايام وماسمعت صدى صوتي عنده والان شاك انه ماهو بخير !!

الله يكتب له كل خير ويبعد عنه كل ضيقه ويسعده قولوا امين

يقولون مافيه فرق بين الثقه والغرور واصلا الواثق مغرور
لا والله الثقه مطلب والغرور مصيبه هذا الفرق

يوم اثق بنفسي مايعني ابد اني مغرور

نقطه ونهايه سطور وكلا يغني على ليلاه

سلام

يارباه ما اجمل تفاعل البعض باللي اكتبه هنا



لا وشوفوا بداية الرساله كيف كانت اقسم بالله قمه في الاخلاق ..
من جد اللي ارسل لي هذه الرساله اقسم بالله قمه في كل شي

التفاعل اسرع من اللي توقعته بكثير

الحمد لله هذه رساله تطمنا فيها صاحبتها على مرامي البدر الله يذكرها بالخير
عاد مرامي من جد اكثر من دعمني وقدمني في ذا المنتدى

وسبب اول في كل شي وصلت له مدونتي وتدويني لين اليوم
وسبب حبي لذا القسم اللي اصلا كانت نشائته على يدينها الله يذكرها بالخير

وخويكم صاحب ذا المدونه كان من اوائل المشرفين على ذا القسم
برضوا كان الدور الاول فيه لمرامي يعني مرامي البدر سوت القسم وابدعت فيه

وحطت مشرفين ومراقبين وكان من ضمنهم حنين العتيبي الله يذكرها كمان بكل خير
سووا شغل خرافي بذا القسم لين صار اهم قسم بالمنتدى

وتركوا المكان بعدها في احسن حالاته الله يذكرهن بكل خير

شكرا للي ارسلت تطمنا على مرامي وان شاء الله نسمع اخبار زينه عن الباقين

ماعندي شي جديد بس وصلتني ذا الرساله وقلت لازم احطها فيذا

صح قبل اطلع ياشباب انتم والبنات ترى التصويت انتهى خلاص
اتخذت القرار وانتهيت يعني الاصوات الان مجرد ديكورات

الاصوات وصلت قريب الثلاثين بعد ماقفلنا التصويت وين كنتم طيب من اول
فرق يوم مدونتك تكون مع الدوافير ويوم تكون بالصفحه الثانيه
او الثالثه ...

المهم ماقصرتوا وحياكم الله

سلام

سلام وياويلي ويلاه من الجاي
ادوني دور في مسلسل شكله بيكون طويل شوي الله يعينكم عليا وينعيني عليكم
وعلى تعليقاتكم

المهم راح يكون قريبا ف الاسواق والدعوه راح تكون عامه واتمنى
الفرجه الممتعه للجميع والاستفاده هي المطلب والمطب

المهم اذ صار الموضوع راح انزل لكم الرابط هنا

واترك التعليقات لكم

وجايب اليوم صفحتي ف تويتر عشان اللي يبغى يوصل صوته
لين هناك ونصايح مدري كيف

يتفضل



هذه صفحتي ف تويتر اهلا بالجميع وحياكم الله

بس تراها هنا شوي حزينه وحالتي تجيب المغص بس اللي بيتابعن يستحمل
اللي يلقاه هههههاي


سلام

صبح صبح ياعم الحج صار اليوم الثلوث
يامسرع الايام اذ كنا بخير مانحسب لها حساب واذ كان البال رايق تعدي زي البروق !!

الله يفرج هم كل مسلم ويبعد عنه الضيقه مسيرة عام
الله يسعدكم جميع تصدقون تو اتاكد ان الاجواء العامه تفرق بالنفسيه وريحة المطر تهدي البال

امس واليوم اجوائنا ف المدينه ترد الروح صح زحمه عشان الحج بس
من احسن الاجواء اللي مرينا فيها لين الان هالسنه ماشاء الله الاجوء مع قوه الحراره اللي فيها
بس الغيوم والامطار تعطيها شكل ثاني !!

تحس انك من قوة الفوقان لو يبغونك تهد الجدر اللي قدام مكتبك بالدوام عشان تطلع
هديته وانت تضحك لا تصدقون شوي مبالغه

حسب التوقعات واهل الطقس ان المدينه امس واليوم وبكره والخميس فرصه الامطار فيها
وعليها كبيره يعني الجو بنهايه الاسبوع ذا يبغى لها تبسن معلق وشبة نار بالديره وبراد شاهي

الديره هي هي ( الضيعه ) اللي عند الشوام بس هنا ندلعها شوي

عاد مع فروقات بسيطه بالبيئه فيها هناك خضرا هنا صحروايه وكلها جبال بس هذا الفرق

المهم ماعليكم العافيه طيبه والجنه الجنه

على طاري العافيه الله يارب يشفي انه حرف وترجع بالسلامه ويكتب لها كل خير
قولو امين

ايون قبل انسى وبحكم ان ذا الرد بيكون اخر رد بذا الصفحه

هذه رساله من احدى الطيور المهاجره اللي سالت عنهم امس روحها الطيبه على
قولتها مرتني امس وارسلت لي تقول انها بخير

وماشاء الله صايره تتكلم لغات

هذه مكلة الاتكتيت والفن الراقي وسيده التميز ومن اقوى الداعمين ليا
هنا في بداياتي ف عبير

حنين العتيبي ... الله يسعدها ويردها لروحها اللي تحوم بالمنتدى
وان شاء الله نشوف لها تفاعل فيذا

من جد ماتوقعت اكثر ثنتين كنت اسال عنهم يطلعون بنفس اليوم
ويردون على كلامي اللي امس يارباه

ليتني تكلمت عن الفلوس والسيارات يمكن احصل لي شي

اي والله لا يكثر

سلام

سلام الظهر وبدايه صفحه جديده في هذه المدونه
وبدايه فصل جديد في ملفي بذا المنتدى !!

هالمره بحترف التمثيل قلت لكم قبل امس انو جاني عرض تمثيل هنا
اعجبتني الفكره صراحه والهدف منها

واخذت حالي واشتريت كل اشركه المسلسلات العربيه من باب الحاره لين
افتح ياسمسم حقنا ف الخليج

المهم شكلي بعد فتره ماراح ادي احد وجهه بعد الشهره
نصيحه اللي يعرفني الحين ياخذ اللي يبغى مني بعد فتره يمكن حتى السلام ما ارده عليكم

بحط لكم رابط الموضوع والدعوه عامه
والتقييم خلوه بعدين لاني مدري كيف بتكون النهايه

المهم شاركونا فيذا



هنا


نقول الله يستر لاني بالبدايه دايم اجيب الاعياد
عاد بعيد الاضحى الكتل سهل جدا

سلام