تويت
البنت مهما قست تظل حساسه !
ماهو بلازم تفارقها ... وتجرحها
.
.
سلم لي على قلبها واليا زعل .. / واسه
.
.
وليا غلطت .. / من غلاتك انت سامحها ..
-
البنت مهما قست تظل حساسه !
ماهو بلازم تفارقها ... وتجرحها
.
.
سلم لي على قلبها واليا زعل .. / واسه
.
.
وليا غلطت .. / من غلاتك انت سامحها ..
-
حبوا من تحبون من غير ... تقصير
واعطوا بلا منه .. وعيشوا بلا غياب
مامن ورى العزله سرور وتباشير
غير الحزن والدمع ل أصحابها اصحاب
وان شحت الافراح ف استبشرو خير
ما صك باب الا " انفتح غيره ابواب ..
تعليق
-
(| الاستغفار |)
لا يصنع الأمل فقط . !
بل يرمم ( الأحلام ) . .
تذكير :
| . استغفر الله العظيم و أتوب إليه . |
| . استغفر الله العظيم و أتوب إليه . |
| . استغفر الله العظيم و أتوب إليه . |
تعليق
-
سلام
اول مره اجي واكتب في هذا الوقت واصلا مدري ليه جاي وكل اللي
باقي دقايق وينتهي شغلي واقضب الباب
بس تصدقون تذكرت اني راح اغيب يومين وما اراح اكون فيذا
فقلت حرام مدونتي في اخر الصفحه واخاف تروح بالصفحه الثانيه
وزي منتم عارفين الدوافير كلهم قدام محد دافور ويجلس ورى
فقلت بروح ابشك معاهم فوق واخذ علومهم ومنها ينتبهون على المدونه ف اليومين الجايات
ومدري ليه احسني جعان هرج وسوالف ومن اول احوس اليوم ف الاسك
ومغير ازعاج في خلق الله وتحقيق مع العالم وطافي الانوار هناك
وناسه يوم تسولف مع احد وانت تعرفه وهو ماهو داري انت مين
واهم شي الاخلاق نسولف ونمزح ولا نغلط على احد ابد !
تدرون شايل هم اللي ازعجتهم اليوم يقرون ردي هذا ويعرفون مين اللي كان
يطق طق معهم اليوم بس ماعليه دام اليوم اخر يوم دوامات
العالم فايقين وماراح ياخذون بخواطرهم !!
صح احد بياخذ بخاطره هاه مسمع احد يقول شي
اخذ ماخذ بخاطره
لحمد لله يعني الوضع زين والكل مسامحن الله يجزاكم بالخير وفرتو عليا
كنت ناوي اراضي اللي ماخذ بخاطره بجوال ايفون 6 بس الحمد لله محد زعلان
يالله ع العموم في امان الله يالربع والوعد باذن الله الاحد
وانتم باحسن حال وطيبين
استرو ماواجهتم
خودافس
تعليق
-
ياصباح البرد ونسماته اليوم الجو مع الصبح فيه لفحت براد
وفيه ريحه من الشتاء ..
بدايه صفحه جديده هنا معكم بالعبير اشكر كل العالم اللي كان لتواجدهم بصمه هنا
عاد بتقييم او لايك ياهلا والله ويامرحبا ..
تصدقون كل ما جيت بسوي شي اتراجع ف الاخير اللي زي حالتي يجيب لايك فيذا
مدري عشان ايش بس ماهي راضيه تضبط معاي صح ..
اللي يرفع ضغط الواحد انك ماتكون سويت شي وتقابل لك رده فعل مو زينه
تدور وش صار ليه كذا ولا تدري وش السالفه اصلا !!
يالله ماعليكم كل واحد يصلح سيارته
نقطه ونهايه سطر !
يقال والعهده على الراوي ولا على الناقل الى البلاغ ...
! ان هناك من يمنحك الفرح بدون مقابل !
بس المشكله تدرون وين هل يستمر هذا الشخص في منحك الفرح
بدون مقابل !!
نقطه ونهايه سطر !
يقال ايضا
( انه جميل ان يكون هناك في هذه الدنيا الواسعه
من يراك كل شي ويرى فيك سعاده
ويهتم لامرك ويفرح لفرحك )
طيب اللي يحصل زي كذا المفروض يفرش له الارض كلها ورود
نقطه ونهايه سطر !
يقول الاطباء هذه المره
( ان القلب يتوقف دقيقه على الاقل اثناء النوم
)
دقيقه وحيرت الاطباء كل هذه السنوات وليه اصلا يوقف دقيقه
طيب اللي قلبه توقف من سنين وصار ميت وهو حي
وش السواه معاه !!
نقطه ونهاية سطر !
يقال ايضا
( ان لم تكن يوما سببا لسعادة احدهم
كن ممحاة لبعض احزانه )
هذه اعجبتني لان المساحه ارخص من القلم امزح وربي
بس صحيح مو شرط انك تكون سبب في سعادة احد وتفكر كيف تسعده
تقدر تكون بس سبب في نسيان بعض احزانه هنا ستصل الى سعادته وسعادتك انت بعد
نقطه ونهايه سطر !
بختم الكلام بهذه وان شاء الله يوصل اللي في راسي للي في بالي
يقال
( لا ضاق صدرك .. مد لله يدينك ..
واللي قسمه لك ربك اقنع به وكون راضي ... )
هذه اوصيكم فيها وبقوه بعد لان الرضا بالاقدار قمه في الراحه النفسيه
وسبب من اسباب السعاده اللي يبحث عنها كثير منا
نقطه وها المره نهايه كلام مو بس سطر !
في امان الله
خودافس !
تعليق
-
ماعندي كلام ها المره لقيت صوره هالورده في مكان ماهو بعيد
اعجبتني وربي وقلت بخليها هنا للعالم اللي تمر من هنا
يالله عسى ربي يسعد كل من مره من هنا وكان مروره يختلف عن مرور غيره
لان بعضهم يمر وهو مغمض وتقول بينقص منه شي لو حط لايك وترك بصمه
ياخوان وربي يازين شوفت بصمه للي يمرون من هنا
ليه نبخل على بعض بذا الشي البسيط
استغرب صراحه البعض ولا يلتفت لشي وانا متاكد من تواجده الدايم فيذا
المشكله يوم تروح لمدونته وتترك بصمه تلقاه يسابقك هنا عشان يرد عليك
او يعطيك وجهه ياعيال الحلال كذا تخلون الواحد يبطل يعطيكم لايكات او تقيم
تدرون ليه لانكم ماتعطون الى يوم تاخذون فتحسسون الواحد بدون ماتشعرون ان تقييم مجرد
رد تقييم لا اكثر !!
يالله لحد ياخذ على كلامي تراني اليوم مدري وش فيني صاير فيلسوف زماني
وصح قبل انسسى !!
يارب اليوم اللي ببالي ينهزم ومايفوز قال ايش قال وطنيه
في امان الله وحياكم الله في اي وقت مكانكم وربي واتشرف بتواجدكم فيذا
خودافس !!تعليق
-
اللهم أمين
بالاول ياهلا والله بالعالم اللي جايين من زمان عنهم وانا اقول وش فيها
المدونه والممرات اللي توصل لها كلها غبار
هذول الله يسلمكم جو مع بعض طيف وميمي ومعهم ياسمينه
واشكال الغبار زمان ما اشوفهم وامس جايين هنا طيب علمونا قبل
عشان ناخذ الاحتياطات
ونضبط المدونه لكم
المشكله كلهم هلاليات داي جايين عشان الشماته
لا ووحده فيهم تقول مدونتك زينه بس ليه تحش بالهلال
بالله احد نصراوي تبونه يمدح بالهلال ماتركب ابد
باختصار الله يحييكم من ملفاكم لين ملقاكم >> بدى الهياط
صح قبل انسى ياولد فيه حركه حلووه وربي ف المدونات امس كتبت هنا
واليوم لقيت مدونتي في الصفحه الثانيه ماشاء الله العالم
اشوفهم رجعو لمدوناتهم الله يحيي الجميع اسفرت وانورت واستهلت وامرطت
حيا الله ايفري بدي فيذا المكان
يالله خلوني اطلع قبل اجيب العيد لاني وربي متحمس شوي
لا وكملها اللي مايتسماش وفاز البارح
يالله في امان الله
خودافس !
تعليق
-
الذكرياتـ ...
الذكريات ... !
بعض ذكرياتنا تعزلنا عن من حولنا وتاخذنا معها لأماكن
لم نزرها ولكن كنا نزوها من خلال ارواح اصحابها
الذكريات ... !
في غالبه تحمل معها بعض من الالم وقليل من الفرح
نعيش كل تفاصيلها في لحظات بالرغم من ان لها سنوات
الذكريات ... !
رغم كل ماتحمله الى انها شي جميل في حياتنا لانها تبقى
على الدوام معنا متى ما احتجنا لتواجدهم حولنا فقط استعدنا ذكرياتهم معنا
الذكريات ... !
تاخذنا من بينهم وتنلقنا لهم رغم كل شي نعود لتذكر كل شي جميل
في احيان ننام على ذكرياتهم ونراهم في احلامنا
الذكريات ... !
بدونها لا تكتمل بعض لحظات السعاده
ومعها تحضر بعض من لحظات الالم
الذكريات ... !
مزيج بين الفرح والالم لكنها تبقى رائعه !
اسال الله ربي ان يسعد كل من جمعتني بهم بعض الذكريات
وكانو جزأ من ذكرياتي التي استرجعها في بعض الاوقات
نقظه ونهايه كلام !
اليوم صاحي وكلي ذكرياإأاأت ...
خودافس
تعليق
-
جلس رجل في زاوية القهوه .. وفي يده ورقه وقلم
☇ العجوز ظنته يكتب رسالة لوالدته
☇ المراهقة ظنته يكتب ل / حبيبته
☇ الطفل ظنه يرسم
☇ التاجر ظنه يتدبر صفقة
☇ السائح ظنه يكتب بطاقة بريدية
☇ الموظف ظنھ يحصي ديونھ
كل شخص ،
يفسر ٺصرفات الاخرين من :
زاوية اهتماماته
و كل شخص ،
يرى الناس :
ب / عين طبعه
. . . . . فلا ٺظلموا احد
تعليق
-
الاحلام سرب ..طيور .. تطير من مكان الى مكان اخر !!
.................. لا تتوقف..وربما يسقط احدها فيحزن الاخر .. ويترهل ويسودة
الالم وينتشي به الحنين ..ويموت ليلحق بصاحبة ..!!
هي الاحلام كذلك ..!!
........ هي الاحلام كذلك..!!
.........................هي الاحلام كذلك..!!
التعديل الأخير تم بواسطة * الوسمي *; 18-09-2014, 09:49 AM.تعليق
تعليق