سلام !

( سلاعه ) !

كلمه اول مره اسمعها وتمر عليا ذحين مابقى من عمري اكثر من اللي راح
اول مره في حياتي اسمع ذا الكلمه

والله من سمعتها وانا ادور لها معاني في القواميس
في النت في العم قوقل مالقيت لها شي !

الغالبيه يقولون انها بنت عم سماجه بس مطوره

المهم سالت هنا وبكل مكان وجاني ذا الرد وبحطه قدامكم

هذه شرح لها او خلونا نقول تفسير لمعناها
بس حلوه خفيف دم عند الاناث هههههاي

عاد من ذا المكان تكفون اللي يعرف عن معنى الكلمه شي يقول لي
وايه هذه رساله جاتني زي مايقولون

اعتبرتها مزحه بردحه

مدري بس كذا اللي جا ببالي والله ع العموم لا يصلح العطار
ما افسده الدهر

وكل واحد يصلح سيارته والوجهه من الوجهه ابيض

يالله مبغى اكثر عليكم سلاعه

خودافس !

صبح صبح ياعمي الحج دا النهار دا يوم الخميس
تعرف ايه يعني الخميس !!

يعني اخر يوم دوام اخر يوم تصحى وانت مالك خلق فيه
يعني بكره بتكبر الوساده وبتنام لين الظهر ان شاء الله

يعني اليوم العصر بتسافر تروح يم اهلك وخوالك
يعني اليوم احسن يوم بالاسبوع كل ابوه

عاد خذو احلى شي في ذا الخميس والرجاء من اصحاب القلوب الضعيفه
من الطلاب مايقرون الباقي من كلامي


الخميس ذا بيكون اخر خميس للطلاب وهم نايمين في بيوتهم
وبعد يومين بيرجعون للمدراس نيهاهاهاهاي

احسن خلوهم طفشونا بالليل في الشوارع كل يوم
من الاسبوع الجاي ادب ادب ونوم بعد العشا ههههههههاي

......................


صح قبل اطلع عندي كلمه وبقولها
والله ياشباب يابعض الرسايل يووم تجيك وتقرها يانك تفتخر بمعرفه اصحابها

والله العظيم لقيت رساله اليوم اول مادخلت والله انها تخلي النعسان يصحى
والنايم يقوم الله يارب ان تسعد صاحبها وين ماكان يكون !

بس وسلامتكم

خودافس واجازه سعيده للموظفين ولا عزاء للطلاب ودواماتهم
الاسبوع الجاي جايه يازينك يالاحد عجل علينا يرحم والديك

ياخوان كسل اليوم مدري ليه بس كسل !
ومن امس ماسك معاي احساس الطلاب ورجعتهم للمدرسه وكاني طالب مع
ان لي سنين وانا مالي ف الدراسه بس شعور الرجعه وبكره اول يوم بعد عطله طويله ماسك معاي

كل شوي اصحى من النوم مفزوع بكره بيوزعوننا ف الفصول وبلحق اخذ لي
مكان زي الناس ف الفصل عاد كانت هوشات على الاماكن !

كنت احب اكون بجنب جدار لازم وياحبذا لو يكون قبل الاخير لان الاخير مو شي
تصير شبهه بالفصل واي مدرس طول الوقت حاط عينه عليك

المهم ماعليكم حمد لله ع السلامه للطلاب وعوده مظفره باذن الله
لو الدراسه مخيسه بس والله جمعه الاصحاب فيها حلوه

صحيح على طاري الرجعه حمد لله ع السلامه للطيور المهاجره اللي اشوف لهم تواجد
هنا من كم يوم بقياده المايسترو طيف وغيوم والبرنسيسه

وعقبال مانشوف الباقين باذن الله

قلب صافي وحنين وميمي مع لنو ومرامي البدر الله يذكرهم بالخير
والشباب كمان المهوين نفر واسير مدري بعد وين اختفو الله يجمعنا فيهم هنا قريب

على فكره !!

ياناس والله اكتب هنا بس كذا خربشه لتضييع الوقت وماخذنا وناسه ذا المدونه بكبرها
مدري ليه بعضهم يتحسس من كلامي والله ماقصدي شي

ترى الشغله كل ابوها ورب البيت شخمطه مو اكثر !

يالله ماعليكم اهم شي كل واحد يصلح سيارته وف النهايه
كل واحد ينام ع الجنب اللي يريحيه لانه باختصار محد ماخذ من الزعل الى الضيقه

فتكم بعافيه على قول المصاريه

وخودافس على قول اهل فارس

!! يحدث ان تبكينا المواساه اكثر من الالم نفسه !!

الحل !

! I want go to the Moon

شوفو وش لقيت اليوم وانا الف في مدونات العالم
عاد مودنته لي فتره والله ماجيتها من كثر ما افر شكلي صرت ماعاد اشوف زين

المهم شوفو وش يقول ذيبان

الله يسعدك ياشيخ ويستر عليك ويوفقك ويجعل لك التوفيق في كل مكان
مشكور ع الكلام الراقي وانا اخوك

هذا ياخوان اخونا عبدالعزيز ( لاشي يستحق ) ربي يوفقه

بس ابو العز وش سالفة اخر كلامك !!

ليكون احد قايل لك شي كذا او كذا الله يخارجنا وانا اخوك !

سلام !

اليوم طايح علي النوم طيح والله بالقوه افتح وجاي الدوام
البارح مانمت زين شوي مزكم وكالعاده انا والفلوتاب خوه لازم اخذ حبه

وقسم من اول بالقوه صحيت احسني امشي وانا نايم والله
بس ودي اغمض عيوني على اطول انام !

ش الحل عشان اصحى زين والله ما ادري
ش الحل عشان اقنع المدير بعذر زين واروح البيت اكمل نومي

كمان ما ادري

المهم ماعليكم خلونا في المدونه والمنتدى

تدرون ليه احب ذا المكان حب جنوني وصرت ما عاد اقدر ابعد عنه ابد
صبرو عليا شوي بوريكم كم صوره اخليكم تعذروني

يوم اقول لكم اني اموت في ذا المكان لان فيه ناس تحسسك بقيمتك صح
صحيح ان الزين مايكمل وساعات يجيك من يغثك بكم كلمه

بس عادي خلاص تعودنا على الاختلاف في وجهات النظر
وماعاد ياثر فينا الكلام السلبي بشكل كبير

لانه وباختصار حنا في عالم افتراضي او خلوني نقول خيالي بدرجه كبيره
ما تدري انت مين تكلم وكيف هي اخلاق او تركيبه الشخص اللي تكلمه

يالله ماني مطول عليكم بوريكم كم صوره !



هذه عدد التنبيهات اللي وصلتني ف اليومين اللي راحن من تقييم ورسايل ولايكات
والغالبيه طبعا لايكات

الله يسعدكم والله مروركم من هنا يسعدني




هنا عدد مشاهدات او زوار مدونتي والله من جد رقم يخليك تشوف نفسك
على العالم اللي هنا واللي ماهم هنا لاني دايم اقول عدد زوار مدونتي

تعدى الميه الف زائر من زمان

عاد شوفو التاريخ كم ( 9-2-2014 ) احفظو التاريخ زين لاني برجع لكم بعد كم
يوم وراح اجيب لكم العدد من جديد !

المشاهدات تزيد بشكل كبير حتى لو ما اكتب شي في مدونتي
الله يسعد بعضهم يمر مدونتي ف اليوم يمكن عشر مرات

يالله خلوني اقوم اطلع قبل اغتر من جد وما عاد تشوفون وجهي هنا
ويمكن اشفر مدونتي بكبرها هههههههاي

خودافس

سلام !
لي فتره من رجعت هنا وكاني اشوف فيه شي غريب وعندي احساس
فيه شي !

بس قلت ياولد وش بيكون فيه عادي بس عشاني غبت فتره طويله
شوي من قبل رمضان لين نهايه شهر 10 تقريبا !

يمكن اغلب اللي هنا يدرون عن سالفه ولد اخوي الله يرحمه ويغفر له
من ذاك اليوم او بعده بفتره ماعاد دخلت المنتدى ولا اي مكان ثاني

تويتر اسك اي مكان !

لين هنا الوضع احسه عادي المهم يوم رجعت اشوف عندي
الرسايل هنا واصله للحد الاعلى والمكان مزحوم بس محد جاب لي طاري شي

الى قبل امس والله العظيم واقسم بالله الحي القيوم ما دريت الى قبل امس

شوفو وش يقول لي اللي وصل لي الخبر !



والله لو ما اعرف الرجال اللي قال لي زين وواثق انه مايكذب
كان ماصدق !!

معقوله في ناس لها الدرجه تقول او تنقل اخبار زي كذا !!!
ياسبحان الله

بس والله ويشهد علي ربي اني مسامح اللي نقل الخبر وماني ماخذ بخاطري منه
بس ليه سويت كذا ؟

يالله الحمد لله على كل حال والعافيه طيبه والجنه الجنه
ذحين من جد عشت شعور بعض المشاهير يوم ينقل الناس عنهم اخبار زي كذا

اثاري الشعور معفن والله !!

خلوني اطلع بس وربي مدري ايش اقول !!!