>..:..الجزء الثاني..:..<


فزت مشاعل من مكانها وهي تسمع صووت الجرس..هذا اكيد زياد
نادت الشغاله بس مافي رد

راحت ل الدرج تذكرت ان ام فهد طالعه واخذت معها الشغاله
نادت ماجد
مشاعل:ماجد!...يام جوووووووووووووود
بس مافي رد..وابوها الحين المفروض طالع..
مشاعل:امري ل الله بروح
طلعت..فكرت تروح وتسحب عليه..ولا تروح تغير ملابسها ع الاقل
بس خلاص لا مفر "الشايب" جا..!

فتحت الباب ووجهها احمر..كانت مستحيه كثير

- السلام عليكم
ناظرت مشاعل "الشايب"..اللي دخل..ماكان شايب ابدا..
شافت شاب واقف قدامها يناظرها ب ابتسامه لابس ثوب وشماغ وماسك معاه بشته ونظاره اللي كانت على جيبه كان وسيم وملامحه حلووه سكسوكته مملحته اكثر وأكثر..

صنمت مكانها كنها شايفه توم كروز ولا شين وورد..لووول
زياد:بسم الله عليك..وش فيك
طررررررراخ
سكرت الباب في وجهه..
ودخلت جووا البيت..ب اطراف ترتجف..
مشاعل:يمه من ذا..من ذا؟؟..وين الشيبه ..."تذكرت..وضربت راسها على طوول"..لحظه..يمكن هذا زياد؟؟..انا من قال لي انه شايب!..ياغبيه يامشاعل..اففف..موب مشاعل الا مشاكل..

سمعت صوت الجرس مره ثانيه..

مشاعل وهي عند الباب وترتجف:م...مين؟؟
زياد:انا زياد يامشاعل افتحي
فتحت مشاعل الباب ووجها احمر.. من الفشيله والحيا..واصلا وقفتها قدام رجال اول مره تشووفه من غير غطا..تحسها غلط..صحيح زوجها بس ماخذت عليه لي الحين
مشاعل شوي وتصيح:ا..اسفه
زياد ماسك ضحكته:لالاعادي..
مشاعل:ت..تفضل!

دخل مشاعل وهي تلعن وسب في نفسها اولا وفي الشبشب اللي ماغير يطلع صوت ب سبب احتكاكه في الارض..

تحس ان زياد وراها فاقع ضحك عليها..او على شبشبها..
او على حركتها..
كل شي...
\
/
\
/
شاف ه الطفله اللي عنده واضح انها صغيره:اسف حبيبتي ماعرفتك
رفعت البنت حاجب:اسمي وريف احمد..الممرضه الجديده؟؟
سعود:اها..بس موب كن توك ع التمريض
وريف:انا داخله مبكر وبعدين انا مو صغيره عمري 19 سنه..ومعهد التمريض سنتين بس
سعود مو مصدق عمرها 19 سنه..اممم...يمكن...ليه لا
سعود:اوك..تفضلي شوفي شغلك..!
وريف:ان شالله
طلعت وريف وهي كارهه ه الدكتور اللي في نظرها وقح يقول حبيبتي لا ويحسب اني صغيره بعد
\
/
\
/
- نوره..انتي متى ناويه تخلين زواجك؟؟
نوره:مدري افكر في الصيفيه
نورس:الله!...بعيد مرره ..خليه عطلة بين الترمين
نوره:لالا عطلة بين الترمين قرريبه كلها كم اسبووع
\
/
\
/
زياد:طيب كيف الجامعه؟
مشاعل:الحمدالله ب خير الله يسلمك
زياد:عاد ابيك تشدين حيلك
مشاعل حايمه كبدها:ان شالله

رن التلفون
مشاعل:عن اذنك دقيقه

راحت مشاعل ترد ع التلفون

مشاعل:الووو؟
....:الوو..هلا مشاعل كيفك؟
عرفت مشاعل صاحب الصوت..اصلا كيف تنساه..:فراس؟
فراس:ايووه..
مشاعل:الحمدالله بخير..انت شلونك
فراس:بخير دامك بخير..الا وين امي؟
مشاعل:طالعه..تبي شي؟
فراس:لا بس قولي لها فراس دق
شاعل سرانه في صوته..ياكثر ماحلمت فيه..وفي صاحبه..
فراس:مشاعل
مشاعل:أ..أ.اوكي..
فراس:اوكي يللا .."يستهبل"..بدك شي؟؟
مشاعل:سلامتك!
فراس:الله يسلمك يارب..يللا في امان الله..
مشاعل:مع السلامه
وسكر
\
/

دخلت وريف على سعود:دكتور..في مريض ينتظرك
سعود هاتي الملف حقه..
عطته وريف الملف ولامست يدها يده..سحبت وريف يدها على طوول..
ناظرها سعود مستغرب من حركتها بس ماعلق..حركتها مو عاديه صحيح في بنا يستحون ب شكل كبير بس هذي في شي مريب في الموضوع
طلعت وثواني دخل المريض
\
/
\
/
مايحتاج اوصف لكم حالة مشاعل يوم سمعت صوت فراس..الحين هي لازم تدخل على زياد

تبعثرت مليون مره..دخلت عليه وهي تفكر ب حبها له اللي كل يوم يموت

زياد شاف وجهها اللي تغير:مشاعل؟
ناظرته ولا تكلمت..
زياد:وش فيك؟
مشاعل:ولا شي..بس شوية صداع
زياد:سلامتك..تبين بندول
مشاعل:لا مو الحين اذا طلعت اباخذ
فهم زياد الطرده..:اوكي اجل انا طالع لان عندي شغل..تبين شي يالغلا؟
مشاعل:سلامتك..
زياد ابتسم لها:اوكي..يللا في امان الله
وراح وهو متحطم بس حط لها مليوون عذر وحتى طردتها له على انها مستحيه..وعذرها..لان قلبه بدا يميل لها..واضح انها خلووقه ومؤدبه وطيبه..وه الشي بادي على وجهها..يمكن مايقدر يحكم من الو مرره بس الايام يتثبت
\
/
\
/
رجع من صلاة الفجر..!ودخل البيت لقى عياله ماناموا
-اجل انا بروح انوم..رغد لاتقوميني الا الظهر لاني تعبان
رغد:سلامتك يبه
ابو ناصر:الله يسلمك بس مصدع شوي."شاف ولده اللي منسجم مع التلفزيون"..عزام وش رايك؟
التفت عزام اللي مايدري وش السالفه والحليب راسم شنب على وجهه الصغير:هاه؟
ابو ناصر:وش رايك اروح انوم؟
عزام:ايه وشسمه ذا..يقولون النوم زين ل الضحه ويقوي العظام واجد
ابو ناصر:ههههههههههههههه..
راح باسه ودخل ابو ناصر غرفته..عشان ينووم
\
/
\

الظهر في اليوم الثاني
-انا ممكن افهم انتي ليش ماتكلميني؟؟..تدرين كم صار لنا مانكلم بعض؟
سفهته وهذا الشي هو اللي تسويه من اسبوعين او اكثر..جلست ترتب التسريحه في الغرفه وهي معطيته ظهرها
ناصر:ملاك الله يخليك وربي ماتسوى علي حركه سويتها..خلاص ارحميني
ملاك:..............."لارد"
ناصر راح لها ولفها له..:ملاك كلميني
ملاك:نعم؟؟
ناصر:لي متى واحنا كذا؟؟..وربي مليت
ملاك تجمعت الدموع ب عيونها
ناصر:انا كنت ابي اصحيك
ملاك:كذا تصحيني...غرفت عقلي
ناصر:ملاك سامحيني وربي اسف بس كثر حبي لك مدري وش اسوي..من قبل وانا احبك بس انتي ماكنت يتدرين..كنت اتمناك زوجه لي..وحبيبتي قبل كل شي..بس كنتي صغيره واتنظرتك لين تتخرجين.. وحتى لم عرفت انك فقدتي ابوك حزنت عليك كثير..وماتتصورين قد ايش كانت صدمتي لم عرفت انك ماتطلعين من البيت ولا تشوفين احد..حاولت اعرف اخبارك ولما عرفت انك وصلتي له المرحله ماكان في بالي الا ه الفكره "الغبيه" اللي اتمنى تسامحيني عليها
ملاك نزلت دمعتها بس ابتسمت..تذكرت يوم تزعله وهو على طوول رضى..خلاص هذا ناصر ولازم ماتزعل
ناصر:رضيتي؟
ملاك:وانا اقدر ازعل من نصووري؟؟
ناصر:وه فديتك ياحبيبة نصوورك



اذن العصر
رغد:عزام رح قوم ابوي..
عزام:ياربيه!!..مابي..
رغد:عزاموه انقلع قووم ابوي..بسررعه
عزام:لاع بكمل الفلم..
رغد:امس الفجر شايفه..رحححح
عزام وهو يقوم:طيب طيب افففففف

راح عزام ودخل غرفة ابوه اللي كانت برودتها حلووه..ابو ناصر مايحب تصير الغرفه بارده لما يجي ينوم

عزام:يبه!..يبه!..يللا قم اذن ترا...........يبه!!!
ابو ناصر:.........."لارد"..
عزام خاف على ابوه:يبه!..يبه!...
فتح عزام اللحاف وشاف وجه ابوه اللي تغير..حط يده على يد ابوه اللي بقا له في ه الدنيا بعد ماراحت امه..
كانت يارده
سكر عزام اللحاف مره ثانيه ولحف ابوه وهو يطرد الفكره من راسه
وطلع..!
\
/
\
/
دخلت وريف على الدكتور سعود..وهي قمة توترها..سعود مستغرب منها ه الانسانه ماغير تتوتر من جت
وريف:في مريض جاي د.سعود
سعود من غير لايناظرها لانه مايبي يحرجها او يتورها اكثر:اوكي خليه يدخل
دخل المريض وسعود يفكر ه الانسانه بتسبب له لغز بعد غير مشكلة ريما
\
/
\
/
- عزام ليه ماقومت ابوي صلوا الحين
عزام:............"لارد"
رغد:عزاموه...ليه ماترد ساعه اكلمك
عزام:.............
رغد:عزام اكلمك انا ترا
عزام :.............
رغد:اففففف..الكلام معاك ضايع

طلعت رغد من غرفة عزام وراحت ل غرفة ابوها..

دقايق وسمع عزام صوت اخته تنادي ابوها..هذي اقوى أشاره ممكن يفهمها..
خلاص راح هو بعد..

قام عزام من مكانه..وركض ل اخته..!

دخل شافاها حاظنته وجالسه تصيح

ضمي ملامح صورته
ضميه .. لعله يفيق...!
يشهق .. أو يرد النفس..؛
ضميه لعله حبس..
صوته .. رعشة عروقه
وخيم حزين الصمت فوقه..,
مات .. مات

\
/
\
/
دخلت ريما على سعود طبعا بعد ماأخذت موعد

ريما:هلا د.سعود
سعود مستغرب من جيتها:هلا بك..تفضلي
ريما:ممكن اعرف وش صار على موضوعي
سعود عصب منها..وش ه الانانيه هو ماغير يفكر في موضوعها وهي جالسه الاخت وحاطه رجولها على مويه دافيه
سعود:ان شالله خير..وانتي قررتي ايش؟؟
ريما:انا و..وافقت!
قام سعود من محله ب عصبيه:وشوووو؟؟
ريما خافت منه..اول مره تشوفه به الحاله..سعود العاقل الرزين الهادي يعصب؟؟..
ريما:انا اسفه سعود وربي اني احس ان هذا هو الانسب لي بس مدري لاني خلاص مثل ماقال عبد الملك معد لي اهميه
سعود:ريما!..وش ه الكلام انتي مظلوومه والحق بيطلع في يوم
ريما:هذا كلام نسمعه في الافلام والروايات بس الواقع شي ثاني..الظالم هو اللي ينتصر في الاخير..
سعود:اسمعي!..انا من راي تسافرين ومسألة الزواج انسيها..عبد الملك ماراح تتزوجينه
ريما:طيب ليه اجلس كذا لارجل ولا ظهر؟؟
سعود:ريما..روحي ل أي مكان..وانا في اقرب فرصه وانسي ه النذل اللي اسمه عبد الملك..مثل ماقلتي سافري..وانا بدبر لك كل شي
ريما:لا موضوع السفر خله علي..انا اقدر ادبر نفسي
سعود:حلوو
\
/
\
/
طلع ناصر وملاك من غرفهم لموا سمعوا صوت رغد وهي تنادي ابوها
ملاك ماتحملت الموقت وطاحت مغمى عليها

وفي وقت دخلتهم دخلت لمى..اتجهت ل أبوها ..
لمى:بابا!..بابا..بابا رد
ه الموقف مر على لمى بس كانت صغيره وقتها
لمى:بابا قووووووم
اخذ ناصر لمى وعزام وطلعها برا وغطى ابوه
ناصر وهو ماسك ملاك ومايدري وش يسوي..:رغد اطلعي برا
رغد منهاره وتبكي ب شكل هستيري:مابي مابي..مامات هو بس نايم شوي
ناصر ودمووعه على خده..:رغد اطلعي

؛

مر أول يوم من العزى..واللي كان وافق مع رغد وأخوانها خالتهم..ام راشد

ام راشد:شلون مرة اخوك؟؟
رغد ب خشمها الاحمر:دخلت عليها قبل نص ساعه لي الحين تبكي..وامها عندها الحين
ام راشد:الله يكوون ب عونكم..الله يرحمه ويغفر له يارب
رغد:امين

"عند الرجال"

سعود يكلم ناصر:ناصر ادري موب وقته بس من هذا؟..من امس اشوفه
ناصر شاف تركي اللي واقف معهم طول أيام العزى..:هذا تركي ال".."
سعود استغرب اللي مثله جاي عزى ابو ناصر:وش جابه ذا هنا؟
ناصر:والله انه رجال..واقف معنا من امس..واليوم جاي بعد


"نرجع ل الحريم"


مشاعل تسلم على بنت عمها:كيفك رغوده؟
رغد:الحمدالله ب خير..انتي شلونك؟؟..
مشاعل:والله ي خير..
رغد:تفضلي ميشوو ارتاحي
مشاعل:لا ه المره ماراح تلعبين علي ابساعدك...مو زي امس
رغد ابتسمت بس ه الابتسامه كانت نقطه في بحر حزنها..قبل كم سنه امها والحين ابوها
مشاعل حست فيها..ضمتها وبدون سابق انذار..وقالت:الله يرحمه يارغووده
رغد صاحت كأنها محتاجه:امين ياميشوو وربي اشتقت له هو وامي..
مشاعل:ادعي لهم ب الرحمه..!
ام راشد:رغووده!..تصيحين؟..ألحين انتي الكبيره؟..مفروض تقوين اخوانك؟؟
رغد :ان شالله خالتي

راحت خالتها عند الحريم..وجت لمى..:رغد فكي هذي الحلاوه
مدت لها لمى يدها اللي كان فيها حلاو مصاص..
اخذتها رغد وحاولت تفكها..بس ماعرفت..حاولت مرره ثانيه..بس ماقدرت تحس مافيها طاقه ابد لان الاكل ماذاقته..والنوم بعد
وهي تحاول تفكها طاحت منها..
لمى:يؤ..طاحت
اخذتها مشاعل وفكتها..وراحت لمى ..
اول ماراحت لمى نزلت دمووع رغد مره ثانيه..تحس ب العجز الحين
مشاعل:رغد؟؟
رغد وهي تصيح:يحسبوني قويه!..ويبوني اقويهم..وربي مقدر مقدر...انا محتاجه ل احد..انا مقدر على ه المسؤليه..ليش يروحون واحنا نجلس
مشاعل:استغفري ربك يارغد...هذا قضاء ربك
رغد:والنعم ب الله
مشاعل:وبعدين من قال انك مو قويه ب العكس..أنتي عن 10 رجال
رغد:من قال؟..انا اضعف وحده به الكون
مشاعل:لا..واذا ضعيفه صيري قويه عشان لموو وعزام
رغد:الا على طاري عزام وينه؟؟
مشاعل:تو شفته برا معيي يدخل..
رغد:بعد عمري..من م..صار اللي صار ولا نزلت له دمعه..كان يدري بس انا الغبيه
مشاعل:يدري؟
رغد:ايه..انا قلت له يقووم ابوي..وهو عرف ولا قال..وخلاني اكتشف ه الشي بنفسي
مشاعل:المسكين اكيد مصدووم..مو مشكله هو طفل الحين مع الوقت بيتجاوز الموضوع وب مساعدتك يارغد
رغد:خلني اساعد نفسي عشان اساعد غيري
مشاعل:ترا ازعل منك..وناصر من يوقف معه..انتي امهم وناصر ابوهم
رغد:................

\
/
\
/
في مطار الملك خالد..
نزلت من سيارتها واتجهت ل طيارتها اللي مابقى عليها شي
"بتوحشيني يالرياض.."
لبست نظارتها ودخلت المطار
\
/
\
/
- عزام ليه جالس هنا؟؟
التفت عزام على ناصر وعيونه مليانه دموع..:بس
ناصر:اجلس هناك معي عند الرجال
عزام:مابي.."وناظر الشارع"..
ناصر:طيب موب حلوو شكلك كذا جالس ع الرصيف يللا عزام خلك رجال وتعال
عزام:عمري ماراح اصير لاني السبب في موته
ناصر:عزام موته قضاء وقدر..اترك عنك ه الحكي
عزام تكلم والعبره خانقته:انا قلت له رح نم وهو سمع كلامي.."نزلت دموعه ب غزاره"...خلاص معد ابيه يسمع كلامي مره ثانيه
ناصر مد يده له:هو مامات بسببك..وبعدين ان شالله ابوي ب الجنه مو احسن له من هنا؟؟
عزام:...............
ناصر:مافكرت في رغد ولمى من يجلس معاهم؟؟..هم لحالهم الحين..وملاك؟
عزام مسح دموعه..
ناصر:تعال معي عند الرجال
عزام:طيب
وقام معاه

"عند ملاك"

- ملاك حبيبتي يكفي بكي..انا مصدقت خبر رجعتي ل طبيعتك
ملاك:هو قال انه خلاص صاري ابوي..والحين يتركني هو بعد
ام ملاك:احمدي ربك على كل حال..هذي الدنيا..
ملاك:الحمدالله...الحمدالله
ام ملاك:قومي صلي لك ركعتين..وكلي لك شي تراك من امس ماكلتي ولا طب بطنك شي ابد
ملاك:من له نفس..
ام ملاك:ترا ازعل منك
ملاك:لا يمه كلش ولا زعلك..ان شالله
قامت ملاك عشان تتوضى وتصلي...
\
/
\
/
دخل عبد الملك..وسأل الرسبشن عن د.سعود

سمعته وريف..
وريف:نعم يالاخوو..تبي شي ب د.سعود؟؟
عبد الملك تفحصها ب نظرات وقحه خلتها تنحرج:ومن انتي الاخت؟؟..ماشالله شكل الاخ سعود عنده معجبات..
وريف رفعت حاجب..وش يقصد
عبدالملك:قولي ل.."وب سخريه"..د.سعود...اني مريت عليه..قولي له عبد الملك
مر من عندها ونظراته مانزلت عنها الا يوم بعد عنها..هي انحرجت هي مجرد اشتباك يدها مع رجال غريب تتوتر..كيف عاد واحد وقح مثل عبدالملك..
\
/
\
/
رجعت مشاعل من الجامعه..اليوم كان عادي حطت شنطتها..

رن جوالها..
المتصل>>اشواق

مشاعل:الوو
اشواق:هلا ميشوو..اخبارك؟
مشاعل:الحمدالله..انتي؟
اشواق:بخير..ولو اني شايفتك في الجامعه..المهم..اخبارك مع العريس
مشاعل:ابشرك رجع من السفر
اشواق:هههههههههه..ايه قلتي لي اليوم..
مشاعل:يللا مو مشكله كل بنت مصيرها الزواج..
اشواق:هذا وماجد ب نفسه مدور لك عريس..
حطت يدها على فمها..تذكرت انها سمعت فراس وهو يقول ان ماجد هو الغلطان لانه عرض مشاعل بس هم قالوا لها لاحد يدري
مشاعل:ماجد؟؟!..
اشواق:امززح ميشوو
مشاعل:لالا مو تمزحين وش السالفه
\
/
\
/
وصلت لل فرنسا تحديدا باريس..
فتحت جوالها تبي تعلم سعود ب وصولها بس توقعت انه ماراح يهتم..اممم..مو مشكله مصيره بيعرف..
وقفت لها تاكسي وركبت عشان يوصلها ل فندق اللي حجزت عنده
جالسه تتأمل باريس من خلال الشباك حق السياره كانت لما تجي هنا تستانس وتفرح ماتوقت ان في يوم من الايام بتجي هنا هروب..

وصلت الفتدق انهت الاجراءات ودخلت ل غرفتها المفروض انها تكون تبعانه بس من له نفس يرتاح..اخذت لها لبس وطلعت برا تتمشى..

"]×..الفصل العاشر..×
>..:..الجزء الاول..:..<



ممتع وقمة اللذه ان تستشعر نكهة المتعه..
في قمة ألمك!
والامتع اذ ذرفت وموع ألمك وانت تبتسم..
ب عذووبه؛
حينها حين تسأل عن مصطلح الالم..
تبحث عينيك عن الاجابه المفقوده..لوضعها في مكانها..
لكن!
يضل المكان خالي..
لأنك وبلا تعقيد نسيت الالم..وأحساسه..
وأطلقت العنان ل تلذذك ومتعتك..!



نبذه عن حياة"زياد"
دخل زياد بعد ماوقفت سيارته قدام باب الفله..
ابتسم لما شاف سيارة اخته الوحيده اللي تكبره ب 5 سنين واقفه برا..
دخل القصر الكبير والفخم..

دخل المدخل الكبير..

زياد:السلام عليكم جميعا
ردة امه وابوه واخته اللي كانت تصب القهوه..:وعليكم السلام
ركضوا صالح وشادن ل خالهم زياد اللي يحبونه..
صالح:خالي جا خالي جا
زياد:ههههههههههههههه.."وشاله"
شادن تحط يدها على خصرها:لا والله!..وانا ولا مالي رب؟؟
زياد:ههههههههه..تعالي ياروح خالك انتي
شادن:هههههه.وش جبت لي
سحر اخت زياد:ههه..موب ل الله يعني الحب
زياد:وانا اقوول راضين عني اليوم
ام زياد:وينك يازياد؟..صار لك مده مختفي
سحر تناظر اخوها:بلكن عند حبيبة القلب
زياد أكتأب وجهه يوم تذكر مشاعل وان اخر مره شافها يوم يعزيها يوم موت عمها وبس:خخخ..وش دراك؟؟
ابو زياد:الحمدالله يازياد الله يوفقك ه المره..
زياد يحط عيال اخته:الحمدالله على كل حال..المهم تبون شي انا طالع فوق
ام زياد:سلامت عمرك..بس لاتنام واجد يمكن ابو مشاعل يحتاجك خلاص انت صرت زوج بنته
زياد ابتسم لان ذكرى مشاعل مرت في خاطره مره ثانيه:ان شالله
سحر:الله يوفقك يازيوودي
زياد:امين

رقى زياد فوق وقبل يدخل غرفته مر من غرفه بغت تدمع عينه يوم شافها..فتحها..
لقاها نايمه..ابتسم ب حنية الابوو وعطفه..وسكر الباب واتجه ل غرفته
دخل غرفته الواسعه اللي ممصمه ل زوجين..مو ل عزوبي..
كانت غرفه عباره عن جناح كبير..وغرفته النوم اول مايدخلها في كرسيين وفي الوسط طاوله وبعدين في أخر الغرفه درج عليه السرير اللي مصمم ب شكل كلاسيكي..
وغرفة ملابس وصاله صغيره فيها كنب وتلفزيون ماكانت مبتذله لان لا زياد ولا زوجته الاولى اروى يحبون الفشخره ..
رمى شماغه وفصخ ثوبه ودخل الحمام يتروش..

تذكر يوم يعزي مشاعل

زياد:عظم الله اجرك يامشاعل
مشاعل:اجرنا واجرك..
زياد سكت يتنظر منها أي كلمه او أي حركه..البرود واضح فيها..وخصوصا اتجاهه..
مايخفي ان مكانهم مايسمح ل اثنين مقبلين ع الزواج والمفروض في بداية حبهم يتكلمون
لان كانوا في الشارع ومشاعل الحين بتدخل بيت عمها اللي توه متوفي وهو بيدخل عزى الرجال

زياد بيسكر ه الصمت اللي شوي ويجننه:مشاعل!
مشاعل:نعم!
زياد طنش صدها له :فيك شي..؟؟
مشاعل رفعت حاجب:وش فيني مثلا؟
زياد:لا ابدا..بس قلت يمكن موت عمك مأثر على نفسيتك
مشاعل:حلوو انك عارف اوكي..مو حلووه اني اوقف هنا معاك خصوصا مو كل الناس تدري اني ......متزوجه!
زياد:اوكي..انتبهي ل نفسك..
مشاعل:ان شالله
زياد:في حفظ الرحمن

سكر المويه الساخنه اللي كانت تنكب على جسمه ب كل قسوه وبدون رحمه..مثل كلمات مشاعل وحركاتها اللي كانت تنكب عليه من غير رحمه..
لف على نفسه الفوطه..وطلع من الحمام ولبس له اقرب بيجامه له ورمى نفسه بس النوم مجافيه
ليه لاوهو يحس انه بيخوض تجربة حب فاشله "ثانيه"
يكفي اللي شافه من حبه ل بنت عمه.."اروى"..

همسة دينية:{{العشق مرض..ليس فيه اجر ولا عوض..
\
/
\
/
ب النسبه لمعظم الموطفين
ف ان ساعة نهاية الدوام تعتبر احد اهم الساعات المرتقبه بشغف كبير من قبل الجميع..وقلما تجد احدا مستعد ل التخلي عنها ولو في دقيقتها الاولى وحسب..

هذا ماجد من اول ماأعلنت الساعه عن نهاية الدوام جمع اغراضه وطلع من الشركه وركب سيارته

- هلا استاذ ماجد..
التفت ماجد ل احد الموطفين :هلا بك يا احمد
احمد اللي كان مجرد مو طف في الشركه اللي يشتغل فيها ماجد:اجل بتروح البيت؟
ماجد يبتسم يجامله:ايه..وانت؟
احمد:لا والله معزوم عند واحد من الربع!
ماجد:اها..اجل في امان الله
احمد:فمان الله

ركب ماجد سيارته وهو مكشر منه..ه الناس غثيث يعني مايعرف انه ينتظر متى يخلص ه الدوام الثقيل عشان يجي ذا ويسلم عليه في الشارع وتحت الشمس..

شغل اغنية "هذا المساء"
وجلس يستمتع فيها..

رن جواله..
المتصل>>حمد!

ابتسم ماجد..هو ه اليومين صار قريب من حمد..لو في شي بيخليه يحس ب التأنيب الضمير اتجاه دانه..ف هو حمد!

ماجد:هلا والله
حمد:ه..هلا ماجد..شلوونك؟
ماجد:الحمدالله يسلمك..انت شلونك
حمد:بخير..ماجد ودي اكلمك في مووضوع
ماجد:خير ان شالله..
حمد:كل خير..بس ماينفع ع التلفون ودي اشوفك
ماجد:أكيد..متى بس تبي؟
حمد:الساعه 5 حلوو؟
ماجد فكر..يقدر ينام ويتغدا ويروح:ايه حلوو
حمد:يالله اجل فمان الله
ماجد:مع السلامه
\
/
\
/
لم رجعت مشاعل من الجامعه..
ام فهد:مشاعل بتروحين معي ل العزى؟..أليوم اخر يوم
مشاعل:ايه يمه..بس دقايق بغير ملابسي
ام فهد:اجل عجلي

راحت مشاعل ولبست لها لبس يصلح ل العزى..واخذت عبايتها ونزلت ل امها
\
/
\
/
- من سأل عني؟
وريف:واحد اسمه عبد الملك..
سعود لاحظ الارتباك:طيب ممكن اعرف ليه الخوف؟
وريف:هاه..ايه..لا ولاشي مافي شي
سعود رفع حاجب:اوكي روحي ل شغلك
وريف:اوكي..
وطلعت..

مسك سعود جواله ودق على ريما

ريما:الووو..هلا سعود
سعود:هلا ريما..اخبارك؟
ريما:الحمدالله
سعود:وصلتي؟
ريما:ايه
سعود:الحمدالله على سلامتك..
ريما ابتسمت:الله يسلمك
سعود:كيف لندن..ولا..
ريما:ههه..لا انا في فرنسا
سعود:اها..ومن معك؟
ريما ارتبكت:م..محد
سعود:يعني ماتبتي ياريما؟
ريما:وش اسوي..من محرمي؟؟..بعدين خلاص كل شي راح
ودمعت عينها
سعود:لا ياريما انا مابي ه التشائم..
ريما تنهي ه السيره:اوكي..بس مافي اخبار عن عبدالملك
سعود:شكله الى الان مافقدك..ادعي ربك ينساك..لانه مو احسن لنا
ريما استانست من كلمة "احسن لنا"..هذا دليل ان قبله معها..وهو معها..
سعود:اوكي اجل ماأطول عليك..فمان الله
ريما:سعود!
سعود انتبه بس مارد:.......
ريما:أ.أ...شكرا على كل شي
سعود يمزح:تعالي انتي!..
ريما خافت:هاه!
سعود:كم مره لازم تشكريني؟....جايب لك مال قارون وانا مدري؟
ريما ابتسمت ب نعوومه..ودها تصرخ وتقول ل كل العالم انها تحبه:بس في اشياء اهم من الفلوس
سعود يختبرها:مثل؟
ريما:الحب!..والاهل..
سعود:صح..بس عاد لاعاد تمدحيني..ترا يكبر راسي ولا عد اطلع مع الباب..ثمن اجلس في العياده
ريما:هههههههههههههههه...احسن..عشان تبتلش
سعود:أيا النذله...هذا وانا معتبرك اختي؟؟
ريما رقع قلبها:اختك؟
سعود فهم:ايه اختي..والصغيره بعد..هههههههههه
ريما شوي تصيح:ليش تضحك؟؟
سعود:وش فيك مرتاعه؟؟..اختي ب الاسلام ...حلووو؟
ريما ابتسمت فاهمها وكاشفها وه الشي كان مخووفها اول بس الحين يحببها فيه اكثر واكثر:هههههههههه..ايه حلوو ياخوي
عجبتها كلمة اخووي..بس لايصير سعود اخوها..لانها تبيه...............
اممم..يمكن بدري نقولها..
حس سعود انه جلس يسولف معها..مهمت كت هي غريبه:اوكي اجل انا بسكر..انتبهي ل نفسك..ولا تكلمين احد غريب..وخلك ب الفندق طوول وقتك..وان شالله ان حصل لي زرتك
ريما:اوكي..توصي شي؟
سعود:ايه
ريما:امرني..."طبعا زله لكن ماتدري هي حلووه ولالا"
سعود يبتسم:مايامر عليك عدوو..انتبهي ل نفسك...تراك غاليه ياريما
ريما نزلت دمعتها:ان شالله ..
سعود:فمان الله
وسكر منها..جلست ريما ل اقرب كرسي..كانت مبسوووطه مرره من ه المكالمه خصوصا يوم قال انها غاليه..او لمره تحس ب احد يحسسها به الشي لانها دايم تحس العكس..بس صارت تحس به اكثر يوم فعلة عبد الملك اللي انهت حياتها ومستقبلها..مو مهم معتبرها غاليه في قلبه او لا..المهم انها.."غاليه"
\
/

قام زياد من نومه..
ونزل تحت..
سحر:صباح الليل..
زياد ابتسم عليها:صباح الظهر
سحر:تبي عشا؟؟..
زياد عقد حواجبه:عشا؟
سحر:يس
زياد:كم الساعه؟
سحر:7 ونص
زياد:امممممم..لالا..ابطلع تبين شي؟
سحر:سلامتك..

طلع زياد من الفله الكبيره..وشاف صالح وشادن..
ابتسم وهو يشوفهم بس انطفت الابتسامه يوم شاف.."مي"..اللي كانت واقفه وماتدري وش السالفه..مايصدق ان عيال اخته الحين كملوا ال7 سنين وبنته كملت ال 6 سنين بس عقلها عقل طفل ب ال 3 من عمره

اتجه لها مشتاق لها حيل اليوم كله ماشافها..
زياد:ميوو بابا
التفت مي ل ابوها:بابا..
اتجهت له بنته وضمها ل صدره..
زياد:ههههه..خلاص كبرنا ع الشيل لازم تمشين
مي:بابا اليوم ماما جت وعطتني لعبه..وراحت
زياد:ماما جت؟
مي:ايووه..
ابتسم زياد ل بنته..وباسها وحطها..
مي:بتروح؟
زياد:ايووه..تبين شي؟
مي بوزة:لاتروح كلكم تروحون انت وماما
رحمها..ه الطفله مالها ذنب في ان امها ابوها يتركونها..قال:امممممم..تبين تروحين ل مكان معين؟
مي:ملاهي..
زياد:ههههههه..ان شالله من عيووووني..
\
/
\
/
انتظر ماجد حمد في سيارته وهو يسمع بعض الاغاني عشان يملى لحظات الانتظار..
ثواني وركب حمد
حمد:السلام عليكم
ماجد:هلا حموود..وعليكم السلام
حمد:اخبارك مجوود؟
ماجد:ازقح..انت؟
حمد.تمام التمام
ماجد:وش عندك..شكلك تبي شي ضروري؟؟
حمد:ايه حرك وانا اقولك كل شي..
\
/
\
/
ام راشد:رغد يرضى لي عليك..روحي جيبي مويه ل الناس
رغد تقوم:ان شالله
ام راشد راحمتها:هانت يابنتي اليوم اخر يوم ب العزا..وراح تفتكين من الطلبان
رغد تبتسم بس ب وجه غير بشوش..:لاشدعوه ياخاله
طلعت رغد وام راشد تدعي لها:يطول ب عمرك ويرحم ابوك ويرضى عليك

مشت رغد وهي تعدل طرحتها على راسها..وتمشي ب خطوات كسيره المليانه بذكرى ابوها..ولا كانت تدري ب اللي يراقبها..ويراقب خطواتها ويتبعها..
وصلت رغد ل المخرن..ونظراتها متشتته...
فتحت الباب والدنيا ظلام استغربت من الظل الي امتد قدامها..كان ظل ضخم واكيد واقف واراها..لانها تحس ب اقتراب انفاسه..
بس تعوذت من ابليس..ونسبت كل اللي قاعد يصير ل قلة النوم اللي ماذاقت طعمه من توفى ابوها الله يرحمه..غمضت عيونها وفتحتها بسرعه على صوت

- عظم الله اجرك
التفت التفاته سريعه وحست عيونها جحظت من الروعه..!
رغد وهي تحاول تظهر عدم الاهتمام وتعدل طرحتها:انت؟؟.. وش جابك؟؟
تركي:لالا رغوده الله يخليك..حسني اسلوبك تكفين ماودي ازعل عليك
رغد:استح على وجهك..بعزى ابوي وتقول كذا؟؟..ياخي خاف ربك
تركي:كيف نفسيتك؟؟..ان شالله مو تعبانه؟؟
رغد:لو سمحت وخر عن طريقي..ماني فاضية لك
تركي وهو يرفع يده الي كانت تبغى تضم رغد بس شي يمنعها..يحس ب قيود:لا..ليش موفاضيه؟؟..انا لازم اوقف مع حبيبتي في اصعب لحظاتها..
رغد:ممكن توخر!.."وعيونها تجول وتدور في مكان تقدر تطلع منه"..مابي احد يلاحظ غيابي..وخالتي تنتظرني..
تركي وهو يقرب منها:لا ماحزرتي..الليله ماأحد ينتظرك ويقابلك غيري..
رغد تتراجع ب خطواتها ل ورا:اقول ابعد ل....
وسكتت هي دايم لما تشوفه تصير تحت رحمته..وهي كلها مرتين بس قدر يزرع الخوف داخلها
تركي:أيش؟..اقول رغوده!..وين ودك نقضي ليتنا هون؟..لا.."وب صوت هامس"..فوق!
رغد بخوف بس تحاول تخفيه:الله يخليك وخر!..ابعد تكفى..
وصلت ل اخر المخزن المظلم..لكن هيهات تبعد عنه
تركي:واذا مابعدت؟؟.."وهو يقرب منها"..وش بتسوين؟؟
رغد ب عيون تلمع ب الخوف:تكفى..الله يرحم والديك..
مسك ترقي ذقنها:لا..احد تجيه النعمه ويرفسها؟؟.."واذن العشا..التفت..ورجع نظره لها..اللي ارعبتها..وكمل ب صوت هامس"..مهبووول!
رغد:والله والله لو ناصر يشوفني معاك بيذبحني..يحسبني راضيه..تكفى
بعد عنها شوي بعد ماكان قريب منها واجد..:ربي فكك مني اليوم..لانه اذن..ابطلع ل الصلاة عشان لايحسوون ب غيابي.لكن لنا لقاء ثاني حياتوو

اعطاها ظهره..ومشى شوي..وقال بدون لايلتفت:تصدقين!...
ناظرته رغد..بس ماتكلمت..اليوم يوم حظها
تركي:حلوو شكلك وانت يذليله!...
ابتسم وراح
انهارت رغد وبكت وبكت..ومتلى وجهها دموع وراحت جووا الفله ونفسيتها.."عدم"

\
/
\
/
الاشاره الحمراء..
ما من احد لا يكرهها..
بها يتوقف نبض الحياة..
أقلها ب النسبه ل المركبات المختلفه التي نستقلها
الكل امامها سواسيه
الكبير قبل الصغير..القوي قبل الضعيف..الغني قبل الفقير..؛
فما ان تومض حتى تصطف امامها السيارات بتانسق عجيب
أشبه ما يكون ب رتل عسكري مدرب تمتنع خلالها عن اصدار أي حركه..او صوت
تلك النكهه الخاصه يعبر عنها اللون الاحمر المتوهج..

صوت محمد عبده يمل المكان..الا من صوت ثاني
صوت مي وهي تكلم الشغاله..
كان زياد يفكر ب مشاعل وكيف بيقدر ينحج ه الزواج مع انه يظن ان مشاعل مو متعاونه معاه في انهم يبنون عش زوجيه..
جديد...
مي:بابا متى نوصل؟؟؟؟؟
زياد يلتفت ل بنته ويبتسم:خل تولع الاشاره..
مي:ياربيه..دق على الشرطه يولعونها
ابتسم زياد ب كابه..اللي بعمرها الحين في المدرسه واكيد مثل ه الاشياء ماتخفى عليهم بس هذا اللي كتبه له ربه..

ولعت الاشاره وراح مع بنته ل ملاهي حقت احد المجمعات الموجوده في الرياض..

دخلوا السوق وانظار الناس تلاحقه هو وبنته..وماأن يناظرهم حتى يبعدون عينهم..بس الاطفال الصغار يمشون ويناظرون في بنته ويمكن بعض البنات اللي في بدايه شبابهم يبحلقون في أبو توه صغير على مسؤليه مثل هذي..ومن غير أم
ليه لا ووشاب ماسك بنت "منغوليه"

مي:بابا ليش يطالعوني؟
زياد يبتسم:عشانك حلووه..
مي ماأقتنعت بس سكتت..

وصلوا ل الملاهي..وقضت مي وقت حلوو..وبعدها تعشوا
\
/

ماجد:مافهمت وش تقصد؟؟..
حمد:أسمع ياماجد..انا صحيح ان ماصار لي اعرفك الا مده بسيطه بس انا حاليا ماأثق الا فيك
ماجد ابتسم:ثقتك في محلها ان شالله..بس انت امرني
حمد:انا ابي اوصيك على دانه وامي..
ماجد مافهم..:انت من جلست تتكلم ب الغاز.. وضح!
حمد:اسمع القصه من الاول بس لاتقاطعني
ماجد:اوكي
حمد:انا عندي عم وعياله طماعنين ب ورث عندي من سنين..بس انا مخبيه عندي عشان سبب..انا رجال على قد حالي موطف براتب محدود بس هم طمعانين ب الورث..
ماجد:بس ليش ماتصرف على نفسك من ورثك
حمد:انا شاك من مصدر الفلووس..الفلووس ورثتها من جدي لان ابوي مات من زمان قبل جدي..وقبل موت جدي كتب كل شي ب اسمي..وقال لي اني ارد الامانه ل أصحابها..لان الفلووس مو ملكي ولا ملكه..وهم يبوونها حتى لوها.....حرام!
ماجد:طيب وش تنتظر رجعها
حمد:ماأخفيك اني خايف منهم..هم جماعه وانا واحد
ماجد يضرب على صدره:انا معاك لاتخاف..
حمد يبتسم:خلاص فات الاوان ياماجد
ماجد:ليه؟
حمد:هم يهددوني ومن هنا لين ارجع الامانه قد..نفذوا تهديدهم
ماجد:هددوك في ايش......لايكوون بيبلغون عنك ويقولون انك سارق الفلووس؟
حمد:ههه...لا مو ل صالحهم..لان الفلووس راح تروح عليهم..بس بياخذون مني اختي..ب حجة انهم طالبين القرب ويبونها زوجه ل ولد عمي..ب حكم ان علاقتنا مقطووعه من يوم وفاة جدي..
ماجد اشتعل:ولد عمك؟؟
حمد:أيه..بس ه الولد صايع ضايع..لا هو ولا اخووانه استغفر الله بس
ماجد ارتاح:طيب وش بتسوي
حمد:مدري بس ان صار شي ابيك تحط امي واختي في عيوونك لاني ماأثق ب الدنيا هذي كلها الا فيك
ماجد:يصير شي زي ايش
حمد ابتسم:من طرف عمي وعياله
ماجد:ابشررررررر ب عزك..افا عليك
\
/
\
/

رغد جالسه ب غرفتها..حتى في بيتها ماتقدر تحس ب الامان الان السبب ل الرئيسي في عدم شعورها فيه هو محاولة اعتداء تركي لها..لا..وفي بيتها..وه الانسان اللي مسبب لها خطر كبير..محل ثقة اخووها اللي هو مصدر امانها الوحيد..
بس ماتنسا عيونه اللي تسبب لها رعب كبير على حلاوتها الا انها كووم ل حاله..لانها الرعب ب عينه في نظرتها..

عزام:رغد ماتبين تتعشين؟
رغد تكشر:مالي نفس..
عزام:براحتك
وطلع..
تحس ب تأنيب الضمير اتجاه ه الطفل..حتى لمى اللي من موقفها مع تركي ماتدري عنها..بس مشاعل محل الثقه..
حطت راسها ع المخده وتركت العنان ل دمووعها..

لمى!!..تذكرت شكلها..

المنزل في حالة مضطربه وعيناي ظمأه لاي خبر
لا اعلم لما احسست انني لن اتذوق حلوى العيد
ولن أفرح..,
لا افهم مايحدث حولي
ولا اريد ان افهم
شي مرعب

هذا تعبير بسيط عن شعور لمى..

وها هو بغير قصد منه يكتب لي صفحة حزن كئيبة سوف تسطر هذا الاحساس ولاول مره في كراسي المتواضع للحياه..؛
\
/
\
/
-هلا راشد!..ليه تكلف على عمرك وتجي
راشد يبتسم ل ولد خالته:لا كلافه ولا شي..انت اخووي
ناصر:والله فيك الخير..
كان تركي واقف ورا ناصر ويناظر راشد..بس شكل راشد ماعجب تركي
ناصر:راشد هذا تركي..من أعز اصدقائي
ابتسم تركي ب سعاده من كلمة اعز اصدقائي:هلا...راشد؟
راشد:هلا بك..

دخلوا جووا..
\
/
\
/
مر أسبوع وهدت الاوضاع في بيت ابو ناصر..
الناس قلت..وام راشد رجعت ل بيتها ول عيالها..

ناصر:ادري ياعزام ان مالك خلق بس لازم تروح
عزام يصارع دموعه لانه مايحب يصيح عند احد:ان شالله
باس ناصر راس اخوه الصغير اللي تغير من بعد وفاة ابووه
ناصر:ابغاك تدرس وتنحج عشان تشتغل وتساعدني في خواتك..خلاص؟
عزام وهو يقوم بيروح ل غرفته:ان شالله ..لاتشيل هم

راح عزام ل غرفته عشان ينام..من اسبوع معد صار يخاف ينام لحاله ..يمكن احساسه ب المسؤليه خلى مخاوفه من اشياء اكبر من الظلام والوحده اللي جربها من بعد موت امه وابوه

>..:..الجزء الثاني..:..<


- انا ممكن اعرف ليه ه الخوف ؟؟
ناظرت وريف الدكتور سعود ب ربكه وخووف..:هاه..ولا شي؟
سعود يبتسم:صرت احس ان فيني نجاسه..تراني ماأكل والله
وريف ماضحكت:ب..بس انا..مدري..
سعود اشر لها تجلس:ممكن تجلسين؟
وريف:اجلس؟..ل..ليه؟
سعود:لاحوول..ترا وربي ماأكل
وريف:بس عندك مرضى
سعود:لا انا فاضي لك..
وريف تجلس بربكه..حتى انها غلطت وبغت تجلس على يد الكرسي..بس تداركت الوضع وجلست
سعود:ماأبي امدح نفسي..بس ب حكم خبرتي ك طبيب..انتي فيك شي
وريف:الحيا زين
سعود ابتسم:ههه..تدرين انك فضحتي نفسك؟؟..
وريف ناظرته..شلووون؟
سعود:لما قلتي الحيا زين..يعني انتي تبررين وانا الى الان في نظرك..المفروض اني ماأدري وش فيك..صح؟
وريف تفاجأت..ذكي وسريع بديهه..
سعود:ممكن اعرف وش فيك..واعتبريني دكتورك
وريف:بس مامعي فلووس عشان ادفع لك
سعود:ماله داعي..على حسابي..وبعدين من متى الصحه لها مقابل انا اسوي كذا احتسب الاجر عند الله
وريف:بس انا ماعندي شي..يعني مشاكل خاصه
سعود:اسمحي لي اقولك .انتي تكذبين علي..اول شي لانك رفتضي بحجة ان مامعك فلووس وهذا معناه ان صدق فيك شي..والشي الثاني ان مشاكل البيت ماتخلي الواحد متوتر وخايف كذا من الناس..ولا انا غلطان؟
وريف بدت تتبلور دمعتها..بس مانطقت
سعود ب حنان وجديه:صارحيني..اعتبريني طبيبك
وريف تلعب ب أصابعها:م..مدري شقولك يادكتور..احس نفسي ضايعه
سعود مافهم بس مانطق..وريف مرتاحة له لان كل من طلع منه صار مرتاح
وريف:انا عايشه مع ابوي واختي..بس......................................... ..
سعود يحثها تكمل:ايووه
وريف:ابوي س..س..خلاص انا لازم اقوم وراي شغل
سعود:سكير؟
وريف التفت عليه:..................."لاتعليق"
سعود:حسيت..صعب ان الشخص اللي نعتبره عزوه يصير...
وريف:ادري..ادري
سعود ابتسم لها:اوكي..اجلسي
وريف جلست:......
سعود:اوكي كملي؟؟
وريف:ابوي مثل ماقلت انت..ويبيني اجيب..وربي مقدر اقول يادكتور
سعود:تجيبين ايش؟..
طنش سعود خووفها او تعاما عنه لايكبر فيها
وريف:يبي اجيب ........اسفه يادكتوور هذي اشياء خاصه ومقدر اقوول
سعود ماتغيرت ملامحه....يمكن تبلد..:فهمت عليك..
وريف:فهمت؟؟
سعود:صعب مثل ماقلت لك..ابوك في حاله مثل هذي شي طبيعي انه يبي الفلوس ب اي طريقه حتى لو شغل بناته شغله غير شريفه..كملي..
وريف:...معي مدة شهر ان ماجبت بيجيب لي هوو ب نفسه
سعود تعجب من ابوو مايخاف على شرفه وشرف بناته:ب أي مقابل؟
وريف تبكي:ل اللي يدفع اكثر..
سعود:وكم باقي ع الشهر؟
وريف:اسبووعين!
سعود:اها..اوكي..عطيني مهله افكر لك وش تسووين
وريف ب براءة طفله:بتساعدني؟
سعود يطمنها ب ابتسامه دايم على وجهه:أكيد
\
/
\
/
اشواق:طيب وش بتسوين؟؟..وش بتحطين ل الزواج؟
مشاعل:امممم..مدري خصوصا ان عمي توه ميت مدري احس مو حلووه نحط حفله كبيره
اشواق:صح
مشاعل:وش رايك؟
اشواق:اجل مالك الا انك تكتفين ب شي صغير وبسيط
مشاعل:اوكي..حتى انا صلا مالي خلق حفله وحووسه
اشواق:فراس كل ماجا يعجل نوير ب الزواج تأجل..مدري وش عندها
مشاعل:....اها...الله يهنيهم
اشواق:امين
مشاعل:عاد احس نوره تبي تجهز زواج كبي...
قاطعها صوت جوالها يرن

المتصل>>زياد
مشاعل:هذا زياد
اشواق:ههههههه.اشتاق لك
ابتسمت مشاعل وطلعت عنها..لان مشاعل كانت جالسه مع اشواق في الغرفه

مشاعل:الوو
زياد:هلا مشاعل..كيفك؟
مشاعل:الحمدالله ب خير..انت شلونك؟
زياد:ب خير.."يمزح"..وينك ماتدقين حتى ماتقولين عندي "زوج"..ابكلمه
مشاعل رفعت حاجب..يمووون الاخوو:لا ابد بس مشغووله في الاسعداد ل الزواج مثل ماتعرف
زياد:محتاجه شي؟؟..تبين مساعده
مشاعل:لا مو محتاجه منك شي..
زياد :اوكي!..بس ان احتجتي لا يردك شي..
مشاعل تحس انه شايف نفسه..على باله ان كل العالم محتاجين له ..:مشكوور
زياد:أوكي شكلك مشغووله..اتصل عليك في وقت ثاني..أو انتي اتصلي
مشاعل:ان شالله...يللا تبي شي؟؟
زياد:سلامتك

سكر زياد منها وهو يلملم الباقي من كرامته..بس لازم يتحمل هذا ثاني زواج له ولازم يحاول قد مايقدر انه ينجح..
طرد الافكار من راسه ونسب تصرافتها ل "الحياء"
\
/
\
/د
خل ماجد المجلس
حمد:حياك..البيت بيتك
ماجد يبتسم:الله يحيك
حمد:لحظه بقول ل دانه تجيب لنا شاهي
ماجد:خذ راحتك

راح حمد وقال ل دانه تسوي لهم شاهي..
ورجع ل ماجد
\
/

ام سعود:سعود الله يخليك..ارحمني انا ابي اشوف عيالك
سعود يبوس راس امه:اسمعي يمه وأفهميني..انا انسان مشغوول لين شوشتي ان فضيت قلت لك دوري لي..حلوو؟
ام سعود:طب خلني ادور لك على ماتفضى؟
سعود:لالالا..تكفين يمه
ام سعود:نعن ابوك صار عمرك 30..خف على عمرك من الحكي
سعود:هههههههههههههههههههه..ان شالله ان شالله
طلع سعود فووق..وهو يضحك على شكل امه اللي شوي ويكفخه
\
/
\
/
- طيب بدال جلستك كذا ب الرياض ليه ماتسافر؟؟
ناصر:لا..اهلي كلهم يدرسون..اصلا من له نفس
تركي يبتسم:مافهمت علي شكلك...لحالك
ناصر :وأتركهم..صعبه ياتركي..اروح من غيرهم
تركي:ب راحتك..بس ع الاقل تغير جوو
طبعا ناصر منالنوع الطيب ولا فهم تركي وش يرمي به

وصلوا ل البيت..
طلب ناصر من رغد تسوي شاهي
ناصر:معليه تأخر عليك
تركي:لا عادي..الا انت اختك في أي سنه؟؟
ناصر:ثاني او ثالث والله اني ناسي
تركي:ماعندك الا هي وعزام؟؟
ناصر:لا في لمى
تركي:انت متزوج صح؟
ناصر:ايه..توني ماصار لي الا شهر تقريبا
تركي يبتسم:مبرووك..
ناصر:انت ليه ماتزوج؟؟..ألا كم عمرك؟
تركي:لا توني ع الهم..عمري 32
ناصر:ماشالله..العمر كله..بس ماتفكر حتى؟
تركي ب لاهتمام:لا..ولا ابي...
ناصر:ان شالله تحب وتجيك بن الحلال اللي تسعدك
تركي تذكر رغد..محد بيسعده غيرها...بس هل ب "الحلال"؟؟
\
/
\
/
- لاحووول انتي يامس غباء
غاده:هاه!..وشو ابيك تجين عندنا وتنامين بعد..وفي امك خير قولي لا
روان:لايين..موب وحده..ابوي يعيي
غاده:هههههه..ماحرزتي ياقمر...انا كلمت امك قبل لاكلمك تقوووول يسسسس
روان:احراج يختي
غاده:هاهاها..لا ياست..انت ملكي اليوم وبكره اقوول تعالي بس..خلي فراس يجيبك يللا
روان:لا تعالي اضربيني احسن
غاده:لا انتي تعالي ويصير خير..
\
/
\
/
سكرت سحر السماعه من ام فهد:تقول انهم بيكتفون ب عزيمه في بيتهم وخلاص
ام زياد:زين..اللي يريحهم..
سحر:تقول بعد اسبوع لانها بتكون عزيمه متخصره
ام زياد:سوو خير والله
سحر:مدري انا مو معجبني زياد ه اليومين
ام زياد:وراه؟
سحر:احسه متغير..شكله شايل هم الزواج ياحياتي ياوخيي
ام زياد:اقوول روحي شوفي مي وابوك..عسيهم
سحر تقوم:ههههههه ان شالله..
وقامت..

ثواني ودخل زياد
زياد:السلام عليكم
ام زياد:هلا والله وعليكم السلام
زياد:وين سحر؟
ام زياد:راحت تعس ابوك وبنتك
زياد:اها
جلس حنب امه
ام زياد تمزح:وراك ماقلت لنا ان مشاعل ردت؟؟
زياد:وش قالت؟
ام زياد:هو!.."مستغربه"
زياد يبتسم:انا ماكلمت مشاعل عشان التجهيزات
ام زياد:اييه اشوى!..حسبالي صار سي بينكم
زياد:هههه..لا وش قالوا لك
ام زياد:هههه..المهم انا بس بقولك ان عزيمتهم بتكون صغيره ومختصره لان عمهم توه متوفي.
زياد:ومتى؟
زياد:الاسبوع الجاي..ان شالله
زياد:ان شالله

رن التلفون..
ام زياد:رد تكفى مالي خلق ارد

رد زياد ع التفلوون
زياد:الوو؟
- الووو؟؟
عرف زياد الصوت على طوول ليه لا وهو في فتره من حياته حبه وعشقه...بس لازم ينسى
زياد:هلا اروى
اروى:زياد؟؟..هلاوالله كيفك؟
زياد:الحمدالله انتي شلونك بشرينا عنك
اروى ب كابه:حالي انت اعلم به يازياد
زياد:........
اروى:زياد!
زياد:تبين امي؟؟..ولا سحر؟
اروى شوي وتصيح:زياد..تراني ماأستاهل ه الصد منك..وربي اني لين الحين "احبك"
زياد:..............
اروى صاحت:زياد الله يخليك..انا مالي ذنب..انت عارف اني ابيك من يومي بس هذا قدرنا..بس لاتظن اني نسيتك مثل مانسيتني
زياد:انا ماأنسى احد غالي علي..وانتي بنت عمي وغاليه
اروى:اجل ليش تروح تتزوج؟؟..تبيعني؟.وتبيع حبك؟؟..اخر شخص توقعته يتزوج انت..توقعتك بتعيش على حبي وحبك
زياد:من تبين امي ولا سحر؟؟
اروى:ابغاك انت يازياد..زياد افهمني انا احبك!
زياد يكلم امه:يمه هذي اروى تبي تكلمك
اروى تمسح دموعها:زياد..الله يخليك

-الوووو

يوم عطا زياد امه السماعه طلع فووق..وهو يمحي بقايا من ذكريات وحبه ل اروى بنت عمه..

وهو طالع شاف اخته سحر تنزل
سحر:ولكموووو ماي اخوو
زياد:هههههههههه..هلا والله ماي اخت
سحر:لا تنام ترا انا اللي مسويه الغدا
زياد:والله؟؟..اجل شكل بنام مثقل..تعرفين اني احب طبخك ياحلووه
سحر:لا تجلس تتميلح علي..بس ه اليوم ب مناسبة زواجك القريب
زياد:خساره ياليتني كل يوم اتزووج
سحر تضربه مع كتفه:وجع..لاتفاول ان شالله هذي اخر زواجه وراح ترتاح
زياد:ههه..امين يارب..ألا وين عيالك؟؟
سحر:جابهم ابوهم من الروضه وطلع بهم يتمشوون وانا صراحه مالي خلق اتمشى الظهر..قلت له يجيبني هنا
زياد:وكيف ابووي وميووش
سحر:الحمدالله ..مي نايمه وابوي نفس الشي بس عطيته علاجه
زياد:زين ياشيخه كنت شايل همه
سحر:الله يجعله في ميزان حسناتك..والله انك تعبت مع ابووي
زياد:هذا ابوي ياسحر..واللي مافيه خير في اهله مافي خير في الناس

راح زياد ل غرفته وغير ملابسه..طل على بنته وابووه..ونزل تحت عشان ياكل من طبخ سحر اللي يحبه
\
/

ملاك:رغووده من فتره صايره تهوجسين وروحين بعييد
انتبهت رغد على نفسها وانها جالسه ع الغدا ولا تاكل الهواجيس تجيبها وتوديها..من عرفت ه اللي مايتسمى وهو مقلق راحتها..حتى ب نومها ملاحقها
رغد:ولا شي بس افكر ب اختباراتي
ملاك تبتسم تريحها:انتي تقولين كذا اجل انا وش اقوول؟؟
رغد:ليش؟
ملاك:انا من بدت السنه ماكنت لم الدراسه ابد والحين يوم توفى المرحوم.. هذا الترم الثاني بدا ونسبتي ب الاول مو حلووه
رغد:75%..حلووه..مدرستك متعاوونه معك كثير
ملاك:لاتنسين اني ثالث ثنوي وعلمي
رغد:معك وق تشدين حيلك..
ملاك:هذا انا اقوولك انا شديت حيلي..بس باقي انتي..لاتخلين الوساوس تاخذك بعيييد..انتي ركزي ب الدراسه وجهدك ماراح يضيع
ابتسمت رغد ل بنت عمها..اللي تأنس لها وحدتها..وتشيل همها وهم اخوانها..صدق هي عون لهم..بس ماتدري ان رغد تشيل هم اكبر من الدراسه لان لو تركي نجح ب اللي يفكر فيه مستقبلها كله بيضيع..ليته دراسه ياملووكه لان الدراسه ان مافلحت فيها في كورس ثاني بس ه الشي لا

- السلام عليكم
دخل ناصر معاه عزام ولمى..كانوا راجعين من البقاله
ملاك:اهلين!..وش شريتوا؟؟
لمى:حلاو
ملاك:اهم شي شريتوا لي؟؟
ناصر:لا..خلاص انتوا كبار
رغد:لاوالله؟؟...نبي ولا رح جب لنا
ناصر:اشتغل سواق عندك انا؟؟
عزام:رغد وملاك تبون كيستي؟؟
ومد كيسته ل رغد
طالعته رغد عزام متغير مره عن اول:لا ياعزام انا وملاك نمزح
ملاك:هههههه..عزام حبيبي نمزح ان اورغد
ناصر:اكشخ ياعزاموووه كريم..وش يقرب لك حاتم الطائي
عزام يرفع حواجبه وينزلها ب طريقه تقهر:اخوووي!!
ناصر:الله يسلمك..
ملاك:هههههههه..انا اشهد
ناصر:اقوول ملووكه لاتخليني اتهور عندهم..
رغد:لالالالا..في مبزره هنا..روحوا جناحكم
لمى وعزام وهم مايدرون وش السالفه:هههههههههههههههههههههه.."خخ"
\
/
\
/
-هههههههه ارحمك..شلون طارت من يدك
تركي:تضحكين مالت عليك؟..وش اذن
سمر وقفت ضحك:من جدك؟؟..صراحه اول مره اشووف واحد بيفعل فعلتك الشنعاء ياعمي..ويهوون عشانه اذن..ههههههه..عليك ديانه اهنيك عليها صراحه..ههههه
تركي بغا يقوم يكفخها:أقول تلايطي بس..اسمعي
سمر:هلا
تركي:البنت ماخذه فكره شينه عنك..ابيك تحسنينها
سمر ب لامبالاه:واذا؟؟..اهم شي انا واثقه من نفسي
تركي:سمير..ابغاك تستدرجينها..ابغا البنت انا
سمر:ياخي اذا مانفع معها ب اللين ينفع ب الغصب وتراها بنت وان ترجال يعني انت الاقوى
تركي:لا..انا ابي ب رضاها عشان لايكوون في حجه لها..انا لاتنسين طالع منها طالع..بس ابي ب رضاها ماأبي الجريمه تعتبر اغتصاب..
سمر:مشكلتك عارف انها جريمه
تركي:المهم..ابيك تحسنين ه الصوره...رحتي ل عزى ابوهم؟؟
سمر ب قرف:نعم؟..تبي ادخل ه البيووت البسيطه مثل هذي؟؟..نونونو..
تركي:لايكثر بس..ابيك لما تشوفينها ب الجامعه تعزينها..وابيك تتقربين منها..وخليها تاخذ فكره انك تغيرتي عشان لا تبعد عنك لانها لو بعدت عنك بتبعد عني عرفتي؟؟
سمر:وش تبي بها؟؟..اوكي البنت كيووت..بي في منهوو احلى منها
تركي ب ابتسامه:ابكسر غرورها..هذا اللي ابيه..بعلمها ان عزة النفس مو لها
سمر:اوكي بس ان صار شي ان امالي شغل
تركي:قلت كل شي بيتم ب رضاها
\
/
\
/
كلمت اشواق مشاعل ع التلفوون
اشواق:اممممم..ميشوو انا بطلع مع فراس تعالي معي
مشاعل:فراس؟؟..
اشواق:ايه بنروح ل الشوق بليز
مشاعل:طالعه لك انت يواخوك انا وش دخلني؟
اشواق:ماعليك المهم تعالي بليز..روانووه رايحه عند صديقتها
مشاعل تناظر ساعتها ومابي تبين ل اشواق انها ميته بس تبي تشوف اخووها:بس توننا الظهر الحين
اشواق:عادي السوق مسكر وماتدخل الشمس..بليييييييييييييز
مشاعل:أوكي!
\
/
\
/
- غاده وربي اني ميته ابغا انام
غاده:لالا تحلي شوي..خل نروح ناكل لنا شي
قامت روان لانها صدق جوعانه..
نزلوا تحت رمت روان نفسها على اول كنبه...
غاده:وش تبين ساندويش حين..ولا طحينيه..ولا بيض..ولا
روان:أي شي ..
غاده:اووووووكي ثووواني
دخلت غاده ل المطبخ وروان راحت في سابع نوومه
\
/
\
/
ركبت مشاعل السياره مع اشواق وفراس اللي كانوا راكبين قدام
مشاعل:السلام عليكم
فراس واشواق:وعليكم السلام..
فراس:كيفك مشاعل؟
مشاعل رفعت راسها له كان لابس نظاره شمسه وزايدته حلاوه:الحمدالله تمام..انت شلونك؟
فراس:والله الحمدالله
اشواق:ميشووووووووووووو..وين تبين نروح؟
مشاعل تناظر ل برا من جهة الشباك تخاف عيونها تخونها وتناظر فراس:عادي
اشواق:لالا..نبي رايك
مشاعل:انا أي شي..كل شي يظبط معي
فراس:افا ياميشووو..انتي ضيفه الحين
مشاعل فز قلبها من كلمة ميشووو..اول مره يقولها من 6 سنين يمكن..
مشاعل:لا جد أي شي..مافي شي بالي

اتجهوا ل اقرب مجمع لهم
\
/
\
/
دخل خالد البيت ويهف على نفسه ب الملف اللي معه..الجوو حار خصوصا في ه الوقت ب الرياض..
توه بيطلع الدرج انتبه ل"البنت "..النايمه في الصاله..
تنحنح..بس ماتحركت..تنحنح ب صوت اعلى..لانه يبي يمر بس مو حلووه يمر والبنت موجوده ولا تغطت.بس لارد..كح بصووت عالي..ماش البنت ماعندها نيه تتحرك
خاف لايكوون فيها شي..خبط ب جزمته ع الارض...
روان:.................."لارد"
اتجه وهو مرتاع حاول يصحيها..:يابنت..هيي...حرمه!..
بس ماترد..
خاف خالد لايكوون فيها شي..
رقى فوق ل أمه..
\
/
\
/
نزلوا ل المجمع..
كانوا مشاعل واشواق..وفراس وراهم..

وهم في محل
قال فراس ل اشواق:اواق انا بروح ل "كوستا" ان خلصتوا انا هناك
اشواق ومعها بلوزه معجبتها:اوكي
طلع فراس وراح ل كوستا
\
/
\
/
فتحت روان عيونها ولاحظت التجمهر اللي صاير عندها..
ام خالد...غاده.................وخالد!
اخذت المخده وخطت بها راسها على طوووووول
غاده وام خالد:هههههههههههههه
اما حس خالد على عمره وطلع فووق..
غاده:هههههههههههههههههههههههههههههههه..روعتينا كل هذا نووم؟
روان:اسفه بس والله مادريت انا نومي ثقيل
ام خالد:هههههههه..المسكين خالد مرتاع..يحسب صار فيك شي
روان شوي وتصيح..نزلت راسها له الدرجه نومي ثقيل؟؟..والله الفشيله
غاده:حصل خير
طلعت ام خالد فوق عشان تكمل نومها..
غاد جابت الصحن من المطبخ:الساندويش!
روان ب عصبيه:لاعاده الله من ساندويش..اقول امشي فووق بنام..
غاده ترقى ومعها الصحن:هههههههههههه..
طلعوا فوق عشان ياكلون وينامون..بس من بيجيه نوم بعد ه الموقف


أن شالله حلوو البأرت

رغد..هل بيقدر عليها تركي؟؟....

ووووو ناصر بتمشي ع ليه حركات تركي..ولا بيكشفه على حقيقته؟؟..


مشاعل وزياد المسكين..وش اخرتها معاهم..هل هو حب..ولا طلاق؟؟