ايش؟؟..لا بس زياد تعبان شوي.....اممم..لا انا الحين في المستشفى...رغووده حبيبتي لاتخافين ...لالا مايحتاج

سكرت مشاعل من رغد
ام فهد:هذي رغد؟؟
مشاعل:ايه..دقت علي تسألني عن احوالي وتفاجأت اني بالرياض!!
ام فهد:شكلها ارتاعت
مشاعل:ايه والظاهر بتجي

- مشاعل!!

التفتت مشاعل ل عمها اللي جاي مرتاع..وناظرت جدتها وقالت :شفتي روعتيه؟؟
ام فهد:مصيره بيعرف..
جا ماجد:سلامات وش فيه...زياد
مشاعل سكتت ماتقدر تحكي..تكلمت ام فهد:حادث الله يشفيه ويقومه ب السلامه..
ماجد:حادث؟؟؟؟؟؟؟..طيب متى وكيف؟؟؟؟..وش صار عليه؟؟
مشاعل دمعة عينها قالت اجابه تغني عن كل شي:شلل
ماجد..سكت..مايدري وش يقوول..يحاول يتسوعب!!...:شلل؟؟..مشلول يعني؟
مشاعل:أيه..
ام فهد:تعوذوا من ابليس..الدكتور يقول احتمال مهوب اكيد..ادعوا له بس انتوا
ماجد جلس ع الكرسي..لو قام زياد ودرا وش بيسوي؟؟..لالا..متسحيل اكيد في خطأ في الموضوع..زياد صديقي ايام الثنوي والجامعه..مشلول..!!

راح ماجد ل دكتور من حسن حظه لقاه :السلام عليكم
الدكتور:وعيكم السلام
ماجد:انا جاي ابسألك عن زياد عبدالمجيد..
الدكتور فتح ملف عنده به الاسم:زياد عبدالمجيد؟؟
ماجد:ايه نعم!!
الدكتور:هوا الشاب اللي تعرض ل حادث؟؟
ماجد ب نفاذ صبر:ايه..هوو
الدكتور:واللاهي احنا مش متأكدين..بس احتمال يكون شلل في رجوله بس
ماجد:شلل؟؟...يعني صح؟؟؟
الدكتور:هوا دا قضا ربنا...ماتزلعش نفسك يابني..
ماجد:في احتمال يتعالج برا؟؟
الدكتور:واللاهي النائج هنا نفس هناك..بس ان شالله لما يصحى حنشووف هوا عاوز علاج في الخارج او لا
ماجد:طيب متى بيصحى؟؟
الدكتور:دي في ايد ربنا..هوا في غيبوبه..عالجنا بعض الكسوور والرضوض..بس باقي ننتظر حتى نشوف..احتمال الشلل اكيد او لا

"عند رغد"
وصلت رغد المستشفى مع تاكسي بعد ماخذت معها عزام..تبي تطمن على مشاعل او زوجها.."زوج مشاعل"..لان واضح من صوت مشاعل انه موب ب خير..وهي لازم توقف مع بنت عمها في محتنتها

عزام:لاحووووووول..انتي بعد..ماتخلين الواحد ينووم
رغد وهي تمشي في اسياب المستشفى:تراك نايم العصر ناوي تفخها نومه لين بكره؟؟
عزام:ب راحتي..انا حررررر
رغد:طب امش بس
وصلوا عند مشاعل وام زياد اللي كانوا جالسين عند غرفة زياد وملوا من الانتظار في انتظار النساء

رغد:ميشوووو!!
راحت مشاعل ل رغد وضمتها وجلست تصيح..ماتدري ليه تصيح..تحس ب الذنب اتجاه ه الانسان اللي كان بيموت وويودع الدينا..وهوو شايل ب قلبه عليها..ماتتخيل انه بيروح ..صحيح ماتحبه بس صعبه فكرة ان شخص يموت وهو شايل عليك لو حجم ذره..
رغد:خلاص ياقلبي ان شالله بيقوم ب السلامه
وخرت عنها مشاعل وتمسح دموعها:شكلي قومتك من النوم..يوم اكلمك صوتك شكلك نايمه
رغد:لاوالله..كان فيني النوم بس مدري ليه مانمت

جا ماجد وقال ل مشاعل وش قال الطبيب..اما رغد راحت تكلم ناصر.
\
/
\
/
جوال ناصر اللي يرن..ويرن..ويرن..ويرن!!..بس مسفه فيه ليش انه يناظر مباراة

سعود:ناصر!..جوالك المسكين بيموت..ارحمه كود ربي يرحم الهلال ويفوزون
ناصر ماعنده فيهم:..............
فراس:نصوووووو..جوالك يالزلابه
ناصر:قله يسكت...
تركي وفراس وخالد:هههههههههههههههههههههه
سعود اخذ الجوال..وناظر:اختك نصوور
ناظره رتكي ثم رجع نظره ل شاشة التلفزيون
ناصر:لاحوول ولاقوة الاب الله..وش عندها بعد؟
سعود:وش دراني..
ناصر:رد عليها..شف وش تبي
سعود:ارد؟؟
ناظر تركي سعود نظرات حاده..حس ب نفسه يغلي..
ناصر:أيه!!..مو انت ولد عمتها..رد بس
سعود:اوكي..."ورد"...الووو
رغد ارتاعت:أ..ألوو؟؟
سعود:هلا رغد معك سعود
رغد ب اختصار:ايه هلا..وين ناصر
سعود:ناصر يناظر المباراة..يقول انه مشغوول
رغد:عطني اياه ابغا ضرووووووووري!!
سعود ماقدر يمسك نفسه وسألها:وش فيك رغد؟؟...صاير شي؟؟..!!صوتك مو عاجبني

تركي في نفسه..."وانت وش عليك من صوتها يال..........يقهر"

رغد:لابس زياد زوج مشاعل ب المستشفى
سعود:افا..ليش؟
رغد:صاير له حادث ووو الحين في غيبوبه..ومدري متى بيصحى
سعود:غيبوبه؟؟؟؟؟
الكل التفت..طبعا تركي معهم ع الخط من زمان
ناصر يمد يده بياخذ الجوال:وش الساللفه
فراس:من اللي ب غيبوبه؟؟
سعود يمد له الجوال:زياد زوج مشاعل في غيبوبه
ناصر ناظره موب مصدق..حط السماعه في اذنه:هلا رغد!!
رغد:ناصر!!..تعال الله يخليك انا في المستشفى
ناصر:طيب طيب..انتي في أي مسشفتى..
رغد قالت له

سكر ناصر وهو يحط جواله في جيبه..:ابرووح ل اختي في المستشفى
تركي:اختك؟؟..وش فيها
ناصر يبتسم:لالا مو اختي زوج بنت عمي..يصير واحد من اصدقاء مجود
تركي:اجل انا جاي معاك.."لاحظ نظرات ناصر والكل"..لاتنسى ان مامعي سياره
ناصر:أيه صح...تعال
قام تركي وقال سعود:اجل انا بعد بروح
خالد يقوم :وش يجلسني انا بعد..
فراس:مشينا

قاموا وتركي راح مع ناصر ب نفس السياره..اما خالد وسعود
فراس ركب سيارته ماراح معاهم لان امه دقت ولاكان يبي يروعها ف اظطر يرجع ل البيت..
طبعا من حسن حظ مشاعل
\
/
\
/
كان مسند راسه ع الجدار ويظرب رجوله ب الارض من التوتر..الساعه الحين 11..
عزام يتثاوب ويتحلطم..يلكم نفسه:لاحوول..هو يدخل المستشفى وانا ابتلش..افف..وانا وش علي اذا هوو مسوي زايده.."تنهد"..ناس ماتذكر تسوي زاييده الا الليل لا وايام دراسه
رغد:انت وش فيك تحلطم؟؟
عزام:احاكي نفسي..حرام؟؟
رغد:لاموب حرام.."وهمست له ب صوت واطي"..زياد مو مسوي زايده..هو تعبان صاير له حادث
عزام ماصدق تبي بس تسوي اكشن ه الانسانه:أيه!!!
رغد شافت الجيش المقبل عندهم..:الله!...هذا جاب كل قبيلتهم معاه
عزام:حشى..تراه مسوي زايده..اللي يشوفوهم يقول عملية كلى..."ماسكه معاه زايده من الصبح ..خخخ"..
رغد تتأفف:عزاموووه..كم مره قلت لك صاير له حادث..ماتف..
سكتت لانها شافت تركي جاي بس شكله ماأنتبه لها..
مسكت يد عزام وراحت على طوول وقفت جنب مشاعل وام فهد
مشاعل:بسم الله عليك..وش فيك؟؟
رغد تناظر الجهه الثانيه عشان لو انتبه لها يعرف انها موب مهتمه له:ولا شي..
مشاعل:وراك تترتجفين كنك شايفه وحش
رغد تضربها على كتفها ب خفيف:وشو وحش انتي بعد..لاوحش ولا شي...
وقفوا خالد وتركي بعيد..اما ناصر راح ل اخته..وناداها لانه لاصقه في مشاعل...
جته:نعم
ناصر:وش السالفه ليش زياد في غيبوبه؟؟؟؟؟..
تلكم عزام قبل رغد:يابن الحلال وش فيكم انتوا..كلها زايده وانتهينا..
ناظره ناصر موب فاهم..
رغد عصبت من عزام:افففف منك..كم مره لازم اقولك الرجال صاير له حادث؟؟
ناصر ضاقت به الوسيعه..لاحول ولاقوة الاب الله:ووش صار عليه طيب
رغد:أسأل ماجد..هو توه جاي من عند الطبيب

رجعت رغد عند امها ومشاعل..
جلست جنب ام فهد وب شكل تلقائي طاحت عينها على تركي..ماكان يناظرها كان يكلم خالد..اول مره تشوفه ب بدله..امممم..حلوو شكله ب الجينز ck..كووشخه والله مايلعب "لوول"..وقميص ابيض وفاتح صدره وطالع شعر صدره..مما عطاه روجوله زياده..ومصفط اكمامه..وباينه عضلات يده..صحيح عضلاته مو كثيره..بس كان جسمه رياضي..كان يبتسم..ابتسامته الشريره..اللي تخووفها..بس تدرون من كثر ماتخاف منها تحب تناظرها..
حلووه سكسوكته والديرتي..كانت سكسوكته سوووووودا..وديرتي خفيف..وشعره اول مره تشوفه لانه في المرتين اللي شافته فيهم كان لابس ثوب وشماغ..ولا وقفته حاط يده ع الجدار ومعاه الجوال شكله يناظر الساعه..كان مايل فيها.."وقفته"
رفع يده ل شعره ومشت لين استقرت على رقبته.."فجأه"..ناظرها..
نزلت راسها على طوول ووجهها مووووولع..طالعته مره ثانيه لقته يناظرها وهو مبتسم..وعيوونه تلمع..نزلت عيونها عنه ..
مشاعل:رغد وش فيك؟؟..شكلك متوتره
رغد:لا.."وتشبك اصابعها"..م..مدري احس اني خايفه..
تفاجأة من نفسها قالت الصدق..
مشاعل:من ايش؟؟
رغد:هاه!!..لالا بس يمكن ارتجف من المكيف..
مشاعل:اها..
رجعت تناظره..فضولها يجبرها..تبي تشوف اهو لين الحين يناطرها ولالا
لقته مسند راسه وظهره ومغمض عيوونه ومتكتف..تموووت وتعرف وش يفكر فيه.. وش قاعد يدور في راسه..
فتح عيونه ونزل راسه جلس يطالع في ال"لاشيء"..ابتسم كأنه يدري انها تناظره ثم ناظرها
تجمدت..بس مانزلت عينها..نقدر نقول تحدي..زادت ابتسامة النذاله حقته..مما خلاها تخاف اكثر واكثر..رفعت حاجب..هي صحيح متغطيه بس يبين..عض شفايفه ورفع حاجبه هو بعد...
بس!... خلاص
نزلت عيوونها لان عيونه تخووف.حاده ب شكل محد يتصووره..

عزام:رغووده..خل نروح ل محل الكووفي اللي تحت
رغد:عيب عليك الرجال داخل العنايه وانت تبي تروح ل الكووفي>>علمي نفسك لوول
مشاعل:رغووده وديه وش ذنبه هوو..
رغد:لا لازم يقدر الظروف..
عزام:ياربييييييييييييييه
مشاعل:عشاني روحي...
رغد وهي تقوم..:اووكي.."تكلم عزام"..لعد تتعودها..
عزام يمسك يدها:ايه ان شالله..امشي بس
رغد ناظرته بس ماعلقت

مشت واللي خلاها ترتبك انها مرت من عنده..بس اللي فاجأها انها مارافع عينه لها..


سعود:ناصر..وقفتها هنا مالها داعي خل نروح البيت
ناصر:مدري انا ماراح اروح الا لما أتأكد ان في احد بيجلس عنده
ماجد وهو ضايق صدره..يكفي انه فقد صديقه حمد في حادث "مقصود"..والحين بيفقد صديق عمره في حادث بعد..:مانيب رايح الا لما اكلمه ب نفسي
خالد:مجوود..لازم تروح لاتنسى ان امك ماراح ترجع الا انتم معها.. ام حمد واخته بيجونكم اليوم..موب حلووه يجون ومحد يستقبلهم
ماجد يحط راسه بين يدينه:مدري..مدري..
ناصر يربت على كتف ماجد:مجوود..هونها وتهون..انت ادع له ب الشفاء..ترا الصبر له اجر
ماجد شوي وتنزل دمعته:ي الله اني لاأسألك رد القضاء..لكني أسألك اللطف فيه

استغرب تركي منهم..كيف ان قلوبهم على بعض..هم مالهم حاجه له المريض ..ماراح ينفعهم ب شي..ولا بعطيهم حق وقفتهم وانتظارهم...وينتظرونه يقوم وهم موب عارفين..بيقوم او لا لوه مكان زياد من بيوقف برا ينتظره يقووم؟؟..
امه اللي ماتت؟؟..ولا ابوه الله يرحمه؟؟..اصلا لو كانوا عايشين ماراح يهتمون..متى ماقام بيجون ياخذونه..بس من يقلق عشانه ..من بيهتم له ان طاح مثل طيحة زياد؟؟..لو انشل مثله..من بيرحمه ومن ماراح ينظر له نظرة شفقه؟؟..

نفض ه الافكار من راسه وراح ياخذ له "كوفي"