قامت من النوم ولفت مالقت ناصر ب جنبها..شالت اللحاف عنها ودخلت الحمام غسلت وجهها.. وراحت ل الصاله شافت ناصر واقف ومعطيها ظهره
ملاك:ناصر؟
ناصر من غير لا يلتفت:هلا ملاك قمتي؟
ملاك تبتسم:ايه...
ناصر تعالي نتغدا

طلعوا من الفندق وتغدوا في مكان حلو
كانت الاشجار تحاوطهم من كل مكان طبيعه حلوه

جلسوا بعد بعد ماخلصوا من الفطور..وجه ناصر كان متغير
ملاك:ناصر انت تعبان؟؟
ناصر ناظرها..دخل يده في جيبه وطلع كرت
اخذت ملاك الكرت المكتوب فيه
"مبروك الزواج ياملاك....ابوك"
رمت عروستها..
اخذت الكرت وضمته ل صدرها وقامت تصيح وتضحك:بابا عرف اني تزوجت
ناصر اخذ الكرت ب قوه:ملاك من هذا؟
ملاك ب حيره بس ب ابتسامه:من ابوي...هو يحبني ويجيب لي هدايا
ناصر:ملاك حبيبتي...ابوك مات..بس من ذا؟
ملاك:لا مامات...
ناصر رحمها بس لازم تفبق خلاص:ملاك قلبي خلاص اصحي!
ملاك دفته:انا اكرهك...روح عني
قامت ملاك وهي تصيح :انتوا ماتحبون بابا....انت حمار وخر عني

قام ناصر وتركها..بعد ماعطاها نظره
\
/
\
/
-وش فيك مجود مو على بعضك؟
التفت ماجد ل فراس:مافيني شي
فراس:علينا ه الحكي؟؟...تكلم وش فيك
ماجد:بندر اخوي مديون
فراس:وليه؟؟..من مين؟
ماجد:من زياد...بس اشوى حليناها زياد بياخذ مشاعل
فراس:مشاعل؟...وليه ياخذها؟؟..عشان يسدد الدين؟
ماجد:أيه..
فراس:لاحول ولا قوة الا ب الله....والله حاله
ماجد:وانت بعد وش عندك تقول ميت لك احد..مشكله بسيطه وانحلت
فراس:مشاعل تتزوج عشان تنقذ ابوها ليه طيب؟
ماجد:هي موافقه...وخلاص..
فراس:ي الله مايندرى وين الخيره فيه
ماجد:افف ب الموت وافق
فراس:ب الموت؟..يعني انت اللي قلت له؟
ماجد:ايه
فراس:غبي!..في احد يعرض بنت اخوه على رجال
ماجد:لا تجي انت الثاني..تراني مو ب رايق لك ابد
وقام عنه..وجلس مع الشباب
\
/
\
/
لا أعرف ل الاعتذار اسلوبا..
وها نحن قد اختلفنا..
هو يجلس وحيدا هناك تحت الشجرة,,
ويغمض عينيه كانه يهرب من نظراتي المتوسله اليه,,
وانا..أجلس على الارجوحة ودميتي بيدي ودمعتي تتبلور بداخل عيني !
بدأت أخطو خطواتي..المتثاقلة باتجاهه..وبدأت دمعتي تخطو خطاها على وجنتي,,
أحس بالخجل من نفسي لا أعلم لم اغضبته مني
جثوت على ركبتي وتساقطت دموعي كأوراق شجر الخريف..!
سارت دمعتي من محجر عيني مرورا بخدي انتهاء بذقني المرتجف..
صرخت بهدوء..وصوت متقطع وعيون مغمضه:الله يخليك...تكفى
وبدأت افتح عيني تدريجيا وكلي أمل بأن اجده مبتسما
ولكن...؛
خاب أملي..
وجدته قد أحكم إغلاق عينيه أكثر من السابق..
أخفضت صوتي لان صوت شهقاتي قد طغى عليه:والله ماأسويها مره ثانيه..صدقني أتوب..
وأغمضت عيني..وأطلقت العنان لدموعي..
لكن..
احسست فجاه ب اصبعه الممرر على وجهي.. ليقتل دمعة قبل ان تولد,
وأخذ يداعب شعري وقال:ماأقدر امسك نفسي اكثر يادلوعه
ازلت اثار الدموع...
واعدت ترتيب خصلات شعري المبعثره
وحملني وأخذ يجري سريعا.. وأنا أصرخ واتشبث به أكثر خوفا من السقوط
وقف قليلا..ليطبع بين عيني قبله لأغمضهما بشده,,وأبتسم..
و افتحهما لاجدنا نضحك ضحكة صاخبة..ل نكمل ليلتنا ب جنون مثلها..
\
/
\
/
-من متى تهتمين يا ريما؟؟؟...بس يوم عرف ه اللي اسمه سعود حسيتي؟؟
ريما وهي تصيح:انا غلطانه...بس لازم اخذ حقي
أمل:ياماما ليش تاخذين حقك؟؟...انتي خلاص...معد صرتي تهمينه اخذ حاجته منك
ريما:بس لاز..............
رن جوالها..
امل:ردي
ريما:مالي خلق
اخذت امل الجوال وردت وحطته ع السبيكر
-الو
عرفت ريما الصوت.....تسمرت عيونها في الفراغ
عبدالملك: ريما!!...ليه ماتردين؟؟..خايفه ياعمري؟
ريما اخذت الجوال:انت حقير!
عبدالملك:ههههه..لالا ماأتفقنا عل كذا..بس صراحه صدمتيني يوم عرفت انك تروحين ل طبيب نفسي
ريما:.................
عبدالملك:لا تظنين انه بيقدر يساعدك اللي مثلك خلاص مالهم اهميه...انتي معد صرتي..كيف اجيبها لك...يعني صرتي مثل الحيوان مالك ا اهميه
ريما صاحت وجلست تصيح ب شكل يخوف
عبدالملك:اسمعي انا قررت اني اجي اخطبك ان شالله يوم الاثنين لاني وقتها بكون فاضي..خليك جاهزه لاني ماراح اتحمل مظاهر..لانك ماتستاهلين .....وايه قبل انسى..ترا مافي مهر..لانك وب كل بساطه ب النسبه لي رخيصه......او ب بلاش..ههههههههه...باي
طوط.....طوط..طوط

انصدمت امل من كلام عبدالملك...
امل:وانتي ساكته ليه مادريتي
ريما:ودي ل سعود
امل:انسي ه السعود..خلاص
ريما امل الله يخيلك وديني ل سعود
\
/

صار لك يومين تكلمني وتسكر بسررعه
فراس:والله ياقلبي اني مشغوول
نوره:اوكي..بس لاياخذك شغلك مني...
فراس بتنهد:اووكي
نوره:فراس وش فيك؟؟
فراس:عمي بندر
نوره خافت:وش فيه؟
فراس:مديون ل واحد...وبيسدد..ويمكن مشاعل بتظحي وتزوجه عشان ماينرمي ابوها فالسجن
نوره:لاع..مسكينه ميشوو..ماتستاهل تاخذه
طبعا هي تظن انها بتاخذ واحد كبير..شايب
فراس:ايه والله بس يمكن يسعدها
نوره:ماأظن بحاول اتصرف

×..الفصل الثامن..×
>..:..الجزء الاول..:..<

ان وقوعنا في الحب لا علاقة له بمن نحب ،
وانما ل تصادف مروره في حياتنا بفترة نكون فيها دون مناعة عاطفية لاننا خارجون توا من وعكة"عشقية ,
فنلتقط حبا كما نلتقط رشحا بين الفصلين ..!!
• أحلام مستغانمي




يتراقص النعاس فوق أهدابي ويتمايل..ليثقل رمشي فاغلق عيني لأسافر بعيدا..!
كان يوم زفافي..كنت البس فستاني الابيض..لأبدو كأميرة من إحدى الحكايات والأساطير القديمة
كانت أمي في قمة سعادتها المتهورة..وكنت أنا في قمة فرحي المقلق.. المجنون
كانت الفرحة تؤثر على يداي..فترتجف لتاخذ برودة الكون وتحتويها في داخلها..
كنت سعيدة لدرجة أن قلبي الصغير سيتوقف من فرط السعادة..
كيف لا ومن سأزف له الليله حلم الطفولة..والمراهقة والصبا؟!
بدأت أصوات أمواج البحر وهي ترتطم بنفسها تصدح بالقاعة وبدأت معها المعزوفات الغنائية..
ليتزامن وقتها مع وقت خروجي..ضربات قلبي تزداد بشكل مخيف..
لأتسمر في مكاني بلا حراك..أنه ليس هووو.....!!
ليس من اعتقدتني سأزف اليه..
لا يمكنني التراجع ولا وقت للبكاء..
فأمي تامرني بالسير..ولف ذراعي حول ذراعه ومبادلته القبل..
نهضت وأنا أسحب نفس عميق وسريييع..اه كم هو مرعب هذا الحلم..!
لم التفت ولكني اكتفيت بتمرير يدي على مكانه..
لا اريد ان انصدم..!

طردت مشاعل ه الواقع..زواجها من زياد ب يتم في اقرب فرصه

همسة حالمة:{{ذابت نجوم الليل من جمر الاهات..


\
/
\
/
- اسمحي لي بس انتي مرره غبيه يادانه
دانه:ليش؟...منى فكري معي..واحد مثله لؤطه..ماينرد
منى:انتي مو متبليه عليه؟؟
دانه ابتسمت يوم تذكرت:أيه
منى:وليه بيفكر يتزوج اكيد يبي يسنعك ويرجعك بيت اهلك
دانه:مافي احد حقود له الدرجه
منى:ههههه..الظاهر انتي مو بالدنيا..نسيتي عمك وعياله
دانه:الله يخاذهم..والله طلعة البر لو ماجد ماخربها
منى:انتي جبتيه ل نفسك..متهوره الله يصلحك
دانه:ههههههه...ابغا استانس خوالي بيرجعون ل جده قلت بوسع صدري معاهم
منى:المهم انا من رايي تقولين ل اهلك انك ماتبينه
دانه:خساره..وربي حبيته..بس معك حق
منى:مراهقه
دانه:هههههههه
\
/
\
/
طلعت ملاك من الغرفه لقت ناصر جالس ع الكرسي وسرحان
اكيد يفكر منمين الهدايا..ويمكن يقول انها منها
ملاك:نصووري؟
ناصر:هممممممم.."سرحان"
ملاك:ناصر..
التفت لها:هلا
ملاك:ليش ماتنام؟
ناصر قام وهو مبتسم:اوكي جاي
\
/
\
/
-وافقت؟؟
ماجد:ايه..وابيك من بكره تجي تخطبها رسمي
زياد:ماجد انت متأكد؟
ماجد:متأكد ونص..احنا ماقلنا لها..قلت لها ان في واحد متقدم لك ووافقت مثل أي بنت تنخطب
زياد تنفس ب راحه:اوكي..بجيب الوالده بكره ان شالله
ماجد:حلووو
\
/

الله!..اجل زواجي وزواجك في نفس الوقت؟؟
مشاعل:ههههه..شفتي كيف؟؟
اشواق:اخر وحده توقعتها تتزوج في العالم انتي
مشاعل:بسم الله علي بيني اعنس مثلا؟
اشواق:طب منهوو سعيد الحظ
مشاعل ارتبكت..وش تقول؟؟..انه شايب؟؟..:م..مدري ماقالوا لي شي
اشواق:هههههههههههههه..طلعتي متشققه ع الزواج..شكلك على طوووول قلتي موافقه بدون لاتدرين حتى وش اسمه
مشاعل:ع الاقل مو مثلك اجلس مية سنه افكر
اسواق:ياماما هذا زواج مو لعبه
مشاعل تنهدت:اللي كتبه ربك بيصير لاتجلسين تدققين
اشواق:طيب وش بتسوين الحين..متى الملكه والشبكه وه الحركتات
مشاعل:امممم..ماأعرف الى الان أي شي بس ان شالله يأخرون كل شي
اشواق:ليش؟
مشاعل:بس....عشان استعد
\
/
\
/
- عزام ماودك تذاكر؟
عزام:دقيقه يارغد بس بشوف ذا المسلسل..واروح اذاكر
رغد:صار لك ساعه الا ربع تناظره..؟..حشى ماخلص؟
عزام يقوم:لاحوول..طيب طيب بقوم..بس شووفي
رغد:هاه!
عزام:قولي سم..عيب يامره
رغد:لاوالله؟..
عزام:المهم..ترا في فلم بيجي يوم الجمعه موب تجلسين تقلقيني تقولين نم لانه بيجي في الليل
رغد:ايه لين جا يوم الجمعه يصير خير
عزام:لاسلكين لي..ابناظره ياست رغد
رغد:اقوول رح ذاكر وترا ابسمع لك

دخل عزام غرفته وجلست رغد تناظر المسلسل اللي كان يناظره
كان اكشن وكله دم وذبح وذبيح
رغد:حشى وش يناظر ذا؟؟..كل ذا فلم؟

- السلام عليكم
رغد:هلا يبه..وعليكم السلام
ابو ناصر:شلونكم..وشلون عزام ولمى
رغد:لمى نايمه وعزام يذاكر
ابو ناصر عقد حواجبه:نايمه؟..تونا 8
رغد تبتسم ل ابوها:ايه هي تنام ه الوقت
ابو ناصر:الله يرضى عليك ..حليليني يارغد كاني حملتك حمل اكبر من عمرك
رغد راحت تحب راس ابوها:لا يبه ..لاتقول كذا هذول اخواني..هههه ومعتبرتهم عيالي
ابو ناصر يبتسم لها:قولي امين
رغد:امين
ابو ناصر:جعلي اشوف عيالك
رغد:امين يارب وتسميهم واحد واحد
ابو ناصر:ههههههه..ورجلك؟
رغد:ب كيفه..ماله شغل احمل واولد واتعب وهو يسمى؟؟..
ابوناصر:لا يارغد..ان جاك النصيب ابيك تحطينه في عينك..ابيك مثل امك لاتخلينه يحتاج شي..
رغد:ان شالله يبه
ابو ناصر:و ان جاك ولد سميه نواف
رغد:ابشششر
حب ابو ناصر راس بنته ودخل غرفته عشان يتروش ويغير
\
/
\
/
- ومنهو سعيذ الحظ؟؟
ماجد:زياد بن عبد المجيد
ام فهد:ماشالله..ماشالله...والله والنعم
ماجد:انا من رايي يمه اننا نستعجل لان هو تعرفين ان سفراته كثيره مع الوالد
ام فهد:انتوا شوفوا مشاعل
ماجد:انا قلت لها قالت سوو اللي تبون..وش رايك؟؟
ام فهد:والله رايي من رايك ياماجد..بس لاتعلنون شي هالحين..يعني كذا لي قربت الملكه اعلنوا
ماجد:لا..حتى بعد المكله تبي لي قريت ايام الزواج
ام فهد:خلاص..صار
\
/
\
/
دق باب غرفة ابوها ثواني وجاها الاذن ب الدخول
نوره:هلا بابا
ابو نورس:هلا بك نوره.."يبتسم"..بغيني شي؟
نوره:امممم..ايه بغيتك ب طلب صغيرووووون
ابو نورس:تعالي
راجت نوره وجلست قريب لم ابوها اللي كان جالس في مكتبه:امممممم..تعرف ابو مشاعل؟
ابو نروس:ايه..وش فيه..عم فراس
نوره:هو مديون ب مبلغ كبير..واذا ماسدده قريب..بينسجن وانت عارف ه الشي
ابو نورس:لا ماأدري انه مديون
نوره:هو مامعه الملبغ...ف قرروا انهم يزوجونه مشاعل..بابا وربي ميشوو ماتستاهل..تاخذ شايب..بليز لاتخليهم يسوون كذا
ابو نورس:طيب انا وش اسوي
حاولت نوره تطلع دموع ب الغصب:بليز بابا عطهم ه المبلغ هديه..اي شي المهم ميشوو تطلع من الموضوع
ابو نورس يبتسم ل بنته:اووكي خلاص..اعتبري الموضوع منتهي
\
/

في اليوم الثاني
كان ماجد طالع مع زياد:ودي ارجع البيت واشوف وش يسوون الحريم
زياد يبتسم:يتقهوون..
ماجد:يابردك..المهم..وش رايك تدق على اختك وتسألها؟؟
زياد:لا ياشيخ؟؟..مايصلح انت دق على بنت اخوك واسألها
ماجد:والله ميب شينه بس موب هالحين

وقف زياد عند محل كوفي شوب..
ماجد:خذ take away
زياد:ليش؟..ماتبي تغير جوو؟
ماجد تسترخي في جلسته:في احد يحصل له يجلس في مثل ه السياره ويقول لا
زياد:هههههههههه...معجبتك؟
ماجد:اووووف..مرررره
زياد:مقدمه
ماجد:لا يرحم امك خلها لك..كان ودي اخذها بس اخاف عليك ترجع بيكم وتصيح..واكتشف انك تجاملني
زياد ب صوت هامس:الله!..ماتسوى علي كلمه
ماجد:هههههههههههههههه

طلب زياد وحرك سيارته وكمل تمشيته هو وزياد
\
/
\
/
دخل سعود الشقه بعد ماسمح له عبدالملك

سعود:يمكن مستغرب جييتي لك..صح؟
عبدالملك يأشر ل سعود يجلس:لا..انا عارف ليه جاي
سعود:اوكي مدامك عارف..ممكن تفهمني واحد عاقل وفاهم مثلك يسوي ه السواة؟
عبدالملك ب ابتسامه غريبه وشريره:لاني حاولت فيها..بس هي العنيده..ف حبيت اجبرها
سعود:بس ماتجيها من مكان حساس..ياعبد الملك البنت لي خسرت شرفها..خسرت كل شي
عبدالملك:ان ماوافقت على اللي انا ابيه..ابتخسر اكثر واكثر
سعود:توافق؟
عبدالملك:انا متقدم لها..وابيها توافق
سعود:من جدك انت؟؟..
عبدالملك
سعود:تكفى..عندي لك طلب لاتردني
عبدالملك:نعم؟
سعود:عاملها زين الرسول قال وعاشروهن ب المعروف
عبدالملك:هههههه ياحليلك..اللي مثلها سلعه ل البيع..وانا ماأعتبر نفسي متزوجها..ألا شاريها شرا من محل..لا ومحل رخيص بعد
سعود مسك نفسه لا يقوم عليه..شي جواه يقوله قم اكفخه:عبدالملك..هي ضحيه ولا تنسا انها ضحيتك انت..انا جاي ابي اصلح بينكم
قام عبدالملك..وهذي اشاره ان جلستنا خلصت
عبدالملك:لاتدخل نفسك يادكتور في مشاكل انت مو قدها.."حط يدها على كتف سعود"..انت مو مستوانا..انت انسان في حالك..وخلك كذا طول عمرك احسن
سعود:انا ماطلبت منك تعلمني ...انا جاي ابعلمك ب الطيب وان مانفع معاك ب الطيب..اكثر ماكثر الله الطرق ل"التأديب"..
عبدالملك:ههههههه..والله وطلع لك لسان يادكتور..ماتحقر نفسك
سعود ابتسم له..هذي احسن طريقه ل الاسفزاز
عبدالملك:اوكي يادكتوور..ممكن تطلع برا..ورح ل مجانينك احسن لك
سعود:ان شالله تجرب وساعتها بتعرف ان المجانين لهم مكانهم يا.........عبدالملك
وطلع سعود وهو مبتسم..مايدري ليه مافي في راسه فكره بس هو عارف ان الحق معاه ولا راح يضيع
\
/
\
/
كانت مشاعل تدور في محلات ه المجمع مع اشواق وروان..جالسين يشترون لها بس هي ماتحمست ابد
كيف لا وهي بتنزف ل غير فراس؟

روان:هيه!..وين وصلتي؟
مشاعل:معاك
روان:وش رايك ب هذا؟
مشاعل:كيفكم انا مالي خلق شي ابد
اشواق:انتي من زمان مالك خلق..ماتقولين لي وش فيك؟
مشاعل:مافيني شي..
\
/
\
/
- وش اسوي لك يعني وديتك له ومو موجود..اتصلتي عليه مايرد
ريما تصيح:انا لازم اشوفه..لازم
امل:مشكله صراحه تدورين واحد مايدري عنك..خلاص ياريما مايبي لها كلام..أرفضيه..تتزوجين عبد الملك؟
ريما:لا..ماراح ارفض..يمكن يسوي شي
امل:تخافين منه؟؟..هه!..من متى؟
ريما:..............
اخذت الجوال اتصلت على سعود...بس مافي رد
رمت الجوال ونزلت دموعها مره ثانيه وب شكل اغزر
\
/

مر اسبوعين ولا في يستحق الذكر..
الا ان طول ه الاسبوعين الهدايا تجي ل ملاك..وتوصل لي غرفتها..وناصر محتار من ه الشي..!

ناصر يلف ملاك له:ملووكه!..احنا لازم نحط حد له اللي يصير..
ملاك:طيب انا ماأبي ارفض هدايا بابا
ناصر:ملاك حبيبي..لاتسوين فيني كذا ولا في نفسك..ملاك انتي كبيره وتفهمين
ملاك:نصووري انا مابيك تزعل مني..بس والله انا احب بابا ولا ابي ارفض هداياه..الله يخليك
ناصر طالع عيونها:ملاك..الهدايا من ابوك؟
ملاك:..........."لارد"
ناصر:شفتي ان من جواك انتي عارفه انها مو من ابوك
ملاك صاحت:انا عارفه انك مثل ماما وميشوو ماتحبوون بابا..
ناصر ضمها له..حالها مايسر..بس مهما كان هي ضحيه
\
/
\
/
كانت مشاعل تدور في غرفتها رايحه جايه..متوتره اليوم ملكتها..اللي محد يدري عنها..

طق..طق
مشاعل:ادخل
دخلت ام فهد ومعها عصير برتقال
مشاعل:هلا يمه..
ام فهد:هلا مشاعل..وش فيتس؟
مشاعل:مدري متوتره..
ام فهد تبتسم:لازم..خذي جبت لتس عصير..بيجي ماجد هالحين عشان توقعين
جمعت الدموع في عيون مشاعل

ترتعش أوصالي..
أبكي لأواسي نفسي..
لكن ما فائده نهري الساخن على خدي..
وأنا خارج اطار الدائره


همسه رمادية:[الموت ماهو مشكلة//المشكلة لا ماتت الازهار والمثوى"الرصيف"..

\
/
\
/
دخلوا ملاك وناصر..كانت ملاك مبسووطه مرره صحيح بعد نقاشهم..وان ملاك هي الغلطانه ب عنادها..بس ناصر قدر حالتها وراضاها..

ناصر دخل الحمام وملاك تتفرج ع التلفزيون
\
/
\
/
كانت رغد جالسه في الصاله اليوم خميس وطفش..وماعندها اي شي تسويه

- السلام عليكم!
التفت رغد على ابوها اللي كان توه جاي:وعليكم السلام
ابو ناصر:ههههه..شكلك طفشانه
رغد تبستم له:مررره
ابو ناصر:طيب وش رايك تروحين ل وحده من بنات عمك
رغد:اليوم خميس ومو فاضين لي
ابو ناصر:طيب وحده من صديقاتك؟؟
رغد بققت عيونها:اروح ل صديقتي؟
ابو ناصر:ايه خلاص انتي صرتي كبيره ويعتمد عليك..
رغد:بس مو كنتوا ترفضون روحتي ل صديقاتي؟
ابو ناصر:هذاك اول
رغد:ابشووف اقرب صديقه فاضيه..والله وناسه

قامت رغد عشان تشوف أي وحده من اقرب صديقاتها المقربات
\
/
\
/
بعد ماوقعت بيد ترتجف..اختفا الجميع عن نظرها..وبعدها تدخل في بكاء طويل..!


{.. الود ودي نجتمع لو في... //تابوت ..؛
\
/
\
/
فتحت شنطتها عشان تاخذ جوالها..لفت نظرها كرت
تذكرت صديقتها سمر..يوم تعطيها ه الكرت..
رغد تكلم نفسها:اكيد العزيمه خلصت من عشر قروون

فتحت الكر عرفت ان سمر تسوي حفلات دي جي..كل خميس..وان ه الكرت دعوه ل كل خميس
رغد:خووش والله!..كرت ماتنتهي صلاحيته..ههههههههه
قررت انها تروح له الحفله..

دورت لها لبس..كانت تبي تظهر ب المستوى المطلوب لان سمر واهلها مو أي ناس..

لقت فسان ليموني حلوو..تحت الركبه وكت وحزام تحت الصدر..مكياجها خفيف مجرد كحل ومسكرا وكلووس..وكانت كيوته...،،

طلعت ل ابوها

ابوناصر:ههههههه..كل هذا عشانك بتروحين ل صديقتك؟؟
رغد:لا بس هذي عزيمه مو روحه عاديه
ابو ناصر:حلوو..اجل يللا نمشى؟؟
رغد:اممممممم..طيب عزام ولمى؟
ابو ناصر:وديتهم عند امي..
رغد:اوكي يللا..
\
/
\
/
دق ماجد على بن اخوه الباب
مشاعل:ادخل!
دخل ماجد وهو مبتسم:مبروك ياعرووسه
مشاعل تبتسم له:الله يبارك فيك..
ماجد:عقبالي بس بعد مية سنه..
مشاعل اكتفت ب ابتسامه
جلس ماجد ع السرير..:ميشوو فيك شي؟
مشاعل:لا ابدا..ليش السؤال؟
ماجد:اذا انا ظالمك قولي لي..!
مشاعل ودها تصيح بس مسكت نفسها:لا ياماجد ازعل منك ترا
ماجد يبتسم ب راحه:الله يريحك مثل ماريحتيني
مشاعل:طيب وراك هنا مو مفروض انك تنزل عنده؟؟
ماجد:هههههه..تستحين تقولين اسمه؟؟
مشاعل ابتسمت ولا علقت
ماجد:قولي زياد عادي
مشاعل:ادري..
ماجد:ميشوو..مري شقولك...والله اني مستحي منك
مشاعل:افا..ليه؟
ماجد:زياد..راح
مشاعل مافهمت:وين راح؟
ماجد:مو المفروض تشوفينه ويشوفك؟؟..
مشاعل تذكرت انها ماشافته اصلا..ولا جا على بالها..حى ماأستعدت:أيوه؟
ماجد:زياد اظطر انه يسافر الليله
مشاعل:ليش؟
ماجد:لان ابوه مريض..وراح معه ل العلاج
مشاعل:اها...خير ان شالله
ماجد:يعني ماضاق صدرك؟؟
مشاعل:لا طبعا هذا ابوه..واللي مافيه خير في اهله وش ابي به
ماجد باس راسها:الله يكملك ب عقلك..

بعد ماطلع من عندها..حمدت ربها انه سافر..لان جد مالها خلقه..ه الشايب لي الحين ابوه عايش؟؟..
واحد يمكن انه اكبر من ابوي..ويبي يتزوج وحده كبر بنته..وكيف فيه خير في ابوه؟؟..

>..:..الجزء الثاني..:..<

لو دريت ان البحور بلا.. //مواني...ماسبحت.،،

وصلت رغد ل المكان المقصود..بعد ماأتصلت على سمر اللي طارت من الفرحه يوم درت ان رغد جايه..

دخل بعد ماراح ابوها..

سمر تسلم على رغد:هلا رغووده..الحمدالله انك جيتي
رغد:خخخ..ياحبي لك..

شافت رغد المكان..كان حلوو وكبير وعلى مستوى من الفخامه..ليه لا وهي من بنات متعب ال(...)

دخلت ل مكان اللي يتواجدون فيه الناس ومدعوين..كانت اشكالهم تخووف..الdj
على اعلى شي ناس ترقص وناس جالسه..كانوا منتثرين..
وفي بنات مسترجلات..كانت الحفله مو من الحفلات المفضله عند رغد..بس اضطرت انها تجلس مجامله ل سمر
\
/
\
/
- نووره يختي احبك..كبرتي ب عيني..
نوره:هههههههههه..هذي ميشوو مو أي وحده..
فراس:احبك قد السما يانوره والله ماخاب طني يوم اخترت زوجه لي
نوره:فراس !
فراس:عيونه
نوره:ههههههه..احبك
فراس:اخ...اخيرا سمعتها..قوليها ثانيه
نوره:والله انك ماتنعطى وجه..
فراس:ههههههه..مقبوله منك المهم قوليها ثانيه
نوره:اموووت فيك..وانت؟
فراس:ودي عايزه كلام؟؟
\
/
\
/
الساعه 12:40

دخلت رغد الحمام عشان تتصل على ابوها يجيها
ابو ناصر:خلاص هذا انا اباخذ عزام ولمى من عند امي وجايك
رغد:اوكي..مع السلامه
سكرت رغد وطلعت من الحمام.."وانتم ب كرامه"..ورجعت لهم

ثواني وتفاجأت ب دخوول شباب..تقريبا 12 واحد..
حست ب روعه تسري ب جسمها..
ركض ل مكان العبايات واخذت عبايتها..لبستها وهي معصبه بس ماتدري من نفسها لانها راحت ل وحده مثل سمر..مشكلة اللي يحتك ب طبقات مو من طبقته..
ولا من سمر اللي ترضى انها تدخل شباب ل عزيمتها..اللي اكثر كلمه تستحقها انها"تافهه"..

- على وين؟؟
التفتت رغد ل سمر..وقالت ب عصبيه:بروح ل البيت
سمر:تونا بدري يارغووده..الساعه 12 تووه يبدا لحماس..
رغد:اسمحي لي هذي حفلاتكم اللي تبدا 12 اما انا 12 مفروض اكون ب البيت
سمر:طيب ليه معصبه؟..انا زعلتك ب شي؟؟..احد زعلك؟؟
رغد:لا..بس شي اللي مثلك مايفهمونه
سمر:مافهمت عليك يارغد
رغد:تدخلين رجال؟؟
سمر تضحك:هههههههههه...الحمدالله على بالي عندك سالفه..عادي ياقلبوو..هذول عمي وعيال عماني
رغد:لاياشيخه؟؟..احلفي بس انتي؟؟..اذا انتي معتبره عيال عمك محارم لك..انا لا..
لبست طرحتها وطلعت عنها..!

مشت الحوش ب طووله ل حالها..وكانت خايفه وخصوصا ان ابوها الى الان ماجا..

تمشي ب عصبيه واضحه..!..تظن اني من نوعيتها الرخيصه!

حست ب احد يمسك يدها..
رغد ترص على اسنانها:سمر لو سمحتى!..ابعدي عني
- افا..ليش زعلانه طيب؟
انصدمت من الصوت..كان صوت رجال..
التفت شاف رجال..يطالعها ب نظرات غريبه..وأبتسامه على ثغره كانت مخوفتها
الرجال:ليش الحلوو متضايق؟؟
رغد تسحب يدها منه بس مافي فايده يده كانت قويه
الرجال:ههههههه..شكلك عنيده ويبي لك ترويض
رغد:انت لو فيك ذرة رجوله كان ما.........
رجال:لالا..ماأتفقنا على كذا..لاتنسين انك في بيت اخوي
عرفت رغد انه عم سمر اللي حكت عنه..
سحبت رغد يدها منه..ولفت تكمل طريقها
الرجال:ادينا فيس طيب!
عرف من خلال خبرته ان اللي مثلها مايجي ب الحكي المعسول
مشى ب خطوات اسرع من خطواتها وهو عارف او متأكد انها من جووا ترتجف من الخووف
وقف قدامها:لم أكلمك..تناظريني فاهمه؟؟
رغد:ابعد يا.............."وسكتت لانها تحت رحمته"
الرجال:ههههه..اسمي تركي ياقلبوو
رغد كانت تتنفس ب صعووبه كان تخايفه منه ومن شكله اللي كان طاغي في الوسامه..
عيونه الحاده وابتسامته اللي تدخل على غرور طووله الفرعووني وعضلاته اللي زادته رجوله وواخيرا سمار وجهه والديرتي الخفيف مع السكسوكه..بس على جماله الا انه كان وحشي
تعدى"تركي"..حدوده ه المره في انه شال وب خفه طرحتها اللي كانت مغطيه وجهها المزين ب مكياج خفيف..
رغد من الخوف اللي كان مختلط مع عصبيه..ب شكل الي عطته...............
طرررررررررررررراخ!!!!!!
حست ان الكره في ارضها الحين...طالعته ب غرور مثله..ومشت عنه بس قبل لاتمشي رمت..:حقير!

ول حسن حطها انها يوم وصلت ل الباب كان ابوها واقف ومعاه عزام ولمى اللي فررحوا ب شوفتها..

طالعها تركي وهو ماسك خده...مرر اصبعه عليه وابتسم..
تركي:هه!..والله ويبي لك لعبه يانتي..بس صبر مافي احد يمك يده على تركي بن متعب ويطلع منها...اعلمك منهو الحقير..

{..رجاء ابتعد عني...انا مو ناقصه اللعابك..
\
/
\
/
- انتي وش تقولين؟؟..ناويه تفشليني؟؟
دانه وهي تصيح:تكفى حمد لاتزوجني اياه..الله يخليك
حمد رحمها:طيب ليه؟
دانه:ماأبيه..ماأبيه..الله يخليك افنع امي
حمد:بس انا عطيت الرجال كلمه وعيب اتراجع فيها..
دانه:الله يخليك حمد..تكفى...انا اختك الوحيده
حمد:ان شالله!..ابقول ل امي بس ان حسيتي ب تأنيب الضمير وحسيتي انك بتحطيني في موقف"سخيف" انا موجود
وطلع عنها

كانت في غرفتها تسمع ل فيروز اللي ادمنتها من يوم حبته..ه الحب اللي جا فجأه..يمكن لانه كان كل يوم يكبر ب عينها..مو مهم كيف حبيته اللي تعرفه انها تحبه وبس

همسة؛فيروزية:{{يقولوا الحب..يقتل الوقت..//و يقولوا الوقت يقتل ال ح ب..!
دموعها تنزل كيف لا وهي بتنزف ل غيره..تذكرت حلمها اللي حلمته.وكيف انها كانت بتنزف ل فراس بس تفأجأة ب شخص ثاني غيره...

الله يصبرني على ه الحب..غير ناجح ومن طرف واحد..!
\
/
\
/
دخل ناصر الكرت وولعت اللمبه الصغيره الخضرا اللي ع الباب يعني تقدر تدخل الغرفه..
دخلوا ناصر وملاك الغرفه وعلطول دخل ناصر ل الحمام"الله يكرمكم"..وملاك وصلت ل السرير ورمت شنطتها وحطت راسها ع المخده..وسرحت بعيد جالت ب نظرها ع الغرفه..
لكن!
استوقفها شي..كان فوق الطاوله القريبه من البلكونه..قامت ومشت ب خطوات متعبه بعد المشي اللي مشته في المول..ومسكت ه الشي بين يدينها الصغار اللي يزين اصبعها خاتم راقفها من ايام الخطوبه!
مسكت العلبه اللي كانت بيضا ومربوطه ب شريطه حمرا انيقه وتفوح منه ربحة عطرها المفضل"نينا ريتشي"ماكانت الريحه عن سلسلة الهدايا اللي كانت تجيها من قبل..
مسكت الشريطه ب اطراف اصابعها وجلست ع الكرسي
وفكت الشريطه...وبعدها شالت الغطاء حق العلبه..كانت مليانه ب قصاصات الورق الحمراوفوقها علبه صغيره..مسكت العلبه وفكتها سلسلة اللماس ناعمه..مسكتها بين اصابعها وقعدت تتأكلها ب عيون تلمع
قطع عليها ناصر اللي طلع من الحمام ومعاه منشفه وينشف وجهه ويدينه
ملاك ب براءه وانبهار:ناصر شوف!
ناصر ب استغراب وحواجبه معقوده:وش ذا؟
ملاك متحمسه ب الحكي:أكيد من ابوي..
دخلت اصابعها بين قصاصات الورق وسحبت شي واخيرا طلعت ورقه
ملاك:رساله من بابا
ناصر ب لامبالاه:وش مكتوب فيها؟
ملاك ب صوتها الناعم ودلعها التلقائي:نصوري اصبر بقراها واقولك
ناصر وهو ماد يده ل ملاك عشان يقرا الورقه:اتركيني ه المره اشووف
ملاك وهي تعطيه الورقه:طيب بس ب صوت عالي عشان اسمع
ناصو وهو يفتحها: ok
"ملاكي الغاليه..وصلني خبر زواجك فرحت لك من قلبي تمنيت اني كنت موجود عشان امسك بيدك واسلم ناصر الامانه الغاليه..بنتي وجبيبتي ودلوعتي..تمنيت لك التوفيق والخير والحياة الهاديه..مع زوجك وولد عمك ناصر!..أللي ماراح يقصر عنك ب شي
ملاكي!..اشتقت لك ول براءتك ودلعك يالغاليه اشتقت لك شوق اكبر من انه وق انسان محبوس ب مكان ضيق ومظلم..اشتقت لك في الثانيه 60 مره..
ملني صبري وانا مليته مايهم,المهم اننا نبادل بعض نفس الشعور
عشان كذا..!انا قررت اقابلك.."
أطلقت ملاك شهقه عفويه..رفع ناصر عيونه ل ملاك طالعها..ثم نزلها وكمل..
"قررت اقابلك عشان ماأتعبك وياي انا جيت ل الهوليدي ان مطرح ماأنتي وزوجك موجودين..ماأوف من كثر الحكي فايده..ملاك اتمنى اشوفك ب الكوفي شوف الخارجي ل الاوتيل الساعه 6 بتوقيت ماليزيا..ابيك تكزنين هناك ل حالك..وزوجك يمدينا عليه..لاتنسين موعدنا اليوم لانه يمكن مايتكرر..
اتمنى تكونين ب خير الين ذاك الوقت
ب حفظ الرحمن
أبوك.."
\
/
\
/
كانت في غرفتها تفكر ب اللي صار لها..هي الغبيه ليش تروح ل وحده مثل سمر..!
شعور غريب..يوم كلمت ناصر حست ب تأنيب الضمير أتجاهه..بس خلاص توبه تروح لها مره ثانيه..

عزام:فقدتك..ياعز الناس..فقدت الحب والطيبه..وانا من لي به الدنيا سوواك ان طالت الغيبه...
رغد:ههههههههه..بسم الله متى دخلت؟؟
عزام:من تقريبا.."يناظر ساعته"...14 دقيقه و6 ثواني ولحظتين
نصاب مايعرف ل الساعات
رغد:ههههههههه..وين لمى؟؟
عزام:تناظر وم وجيري..الا وينك مالك حس ابد
رغد:ابد كنت اهووجس
عزام يغمز:أيه..في حبيب القلب
رغد:ههههههه..منت سهل والله..ماتنحقر
عزام:نياهاههاها..
رغد:انا يوم اني كبرك كنت استحي اقول كذا..يالبزر
عزام:هاه!..مو كذا يارغووده..عيب ياماما عيب..
رغد:هههههههههههههههه..والله انك مهوووووي!..امش بس نروح لل الصاله
\
/
\
/
نعس ناصر عيونه..ورمى الورقه ب حضن ملاك..
ورمى نفسه على السرير..وحط يده تحت راسه ومد رجله اليمين وثنى رجله اليسار
ملاك عيونها كانت حايرهماهي عارفه هي فرحانه ولاخايفه بس الالحين مستغربه ولا اهتمت ل ردة فعل ناصر
ناصر وهو حاط اصبعه على شفته السفلى:ليش ابوك مايبيني؟؟
ملاك ب عيون تلمع ب دموع بريئه:لاحبيبي ناصر..أبوي يبيك ويحبك لانوبينته تبيك وتحبك
لف ناصر وجهه عنها لاتبين السعاده على وجهه وهمس ل نفسه:احبك ياملاك والله احبك
ناصر يحاول يكابر:وانا ماراح تاخذيني معاك؟؟..
ملاك ويدها على فمها وقامت من الكرسي وجلست جنب ناصر وحطت يدها على رجل ناصر المثنيه:نصووري..انا اسفه بس ماأقدر ابوي بيشوفي لجالي.."وب ابتسامه"..بلكن بيقولي سر؟؟
لف ناصر وجهه:لا خلاص انا زعلت!
ملاك وفمها مقوس ل تحت:نصووري الله يخليك
ناصر يهز لاسه ب لا وهو مغمض وماد شفته:لالالا
ملاك وهي شوي وتصيح:تكفى
ناصر وهو يقوم ب سرعه:أقول!
غمضت عينها كأنها خايفه يسوي بها شي
ناصر:اقوول مالت على اللي يزعل منك..امشي بس من زمان ماضميتك من الصبح واحنا الحين العصر..
ملاك:هههههههه..:ومدت يدها له"..يلا ضمني نصووري
مسك يدها وسحبها وب خفه وجلسها ب حضنه وباسها ب جنب اذنها
وقال ب صوت هماس:يعني بتروحين ل أبوك لحالك؟؟
ملاك تهز راسها:ايه بروح لحالي
ناصر:يعني ماراح تخافين؟
ملاك:لاه
ناصر:اجل خلينا ننزل ونتغدا عشان نرجع وننام ويمديك تروحين
ملاك وهي تقوم:ان شالله
\
/
\
/
- البنت مو من تفكيرك ياتركي
تركي يكلم بنت اخوه:كيف يعني مو من تفكيري؟؟..
سمر:يعني انت ياعموو تعود على البنات ال حركات نص لفه..وهي مو من ه النوع
تركي يبتسم:هه!..ليه في انواع من البنات
سمر عدلت جلستها ع الكنب الانيق:معقووله تركي مخقق قلوب العذارى مايعرف ان البنات موب دزاين واحد؟
تركي:هههه..عجبتني مخقق...المهم انا ادري ان البنات مو دزاين واحد بس من طريقة كلامك واضح انها كلش مارح تلقيني بال
سمر:ايووه عليك نوور
تركي:لا ياقلبي..البنت تحب الحكي الزين ولاتنسين نظري ذات السحر ال..
سمر:لاحوووول..تراك ذليتني على ه النظره
تركي:اقوول اها بس..تراي عمك كانك ناسيه
سمر:لامانسيت..المهم انا من خلال تقيمي له البنت واضح انها من الطبقه الكادحه
تركي:هههههههه ايوه
سمر:وووو..عليها عزة نفس مو بطبيعيه..عندها اخوين واخت واحد كبير وواختها واخوها صغار وامها ميته وهي اللي متوليه مسؤليتهم
تركي:عاد شكلها صغيره
سمر ب غير اهتمام:21..مو صغيره
تركي:ههههه..21..حلوو..صغيره
سمر:الا وش سر ه الاهتمام الزايد؟
تركي:دخلت قلبي
سمر فقعت ضحك:ههههههههههههه..العب غيرها!
تركي وهو يقوم:لاتصدقين...المهم هاتي رقمها
سمر تفتح جوالها:اوكي..بس مثل ماقلت لك ماراح تعطيك وجه
تركي:بنشووف المهم ان طالع ارسلي اياه بطاقة اعمال
وطلع
\
/
\
/
وصارت الساعه6 وقت الموعد
ملاك تعدل حجابها ب المرايه وناصر منسدح
ملاك:يللا ناصر انا الحين ماشيه
ناصر:اوكي..وانا بنام لي شوي..اسمعي تو سمعتهم وانا ب اللوبي ان الاصنصير معطل..انزلي من الدرج لايوقف عليك بسم الله عليك
ملاك تبتسم:اووكي...باي نصووري
ناصر:بايات
طلعت ملاك من الغرفه وراحت ب أتجاه الدرج وناصر بعدها من غير لاتدري ب اتجاه الاصنصير ووصل ل اللوبي قبلها

وصلت ملاك الكوفي شوب اللي كان فاضي الا من شخص...شخص كان لابس شماغ..ومتلثم فيه
ملاك تكلم روحها:شماغ وب ماليزيا..غريبه..اكيد انه..انه
بسرعه راحت ملاك ل الرجال الغريب اللي منزل راسه ولابس شماغ وثوب ب ماليزيا
ملاك ب دموع شوق:بابا!...
مارفع الغريب راسه..بس كتب لها بخط يده اللي حبته مع الايام
"ايه نعم انا ابوك ياملاكي"
ملاك:يبه ارفع هذا عن راسك وكلمني!..شيل هذا..
وحاولت تشيله بس"ابوها"بعد عنها..
ملاك ودموع الشوق زادت:بابا!
وقف"ابوها" مكانه ومو قدار يتحمل دمووعها الغاليه..
قربت ملاك وشالت الشماغ..........
\
/
\
/
جالسه ب غرفتها..
سمعت صوت دق الباب
مشاعل:ادخل!
دخلت ام فهد عليها:هلا مشاعل
مشاعل تبتسم :هلا يمه!
ام فهد سكرت الباب وراها وجلست عل اركسي بجنب مشاعل..
ام فهد:اممممممم...مشاعل انتي تبين زياد؟
مشاعل ليه؟؟
ام فهد:انا ادري انك داريه عن سالفة الدين
مشاعل:هاه؟..اي دين؟
ام فهد:مشاعل؟...انا امك واعرف
مشاعل:..............
ام فهد:شوفي يا مشاعل..الدين وتسدد..وانتي موب مظطره انك تتحملين شي عن ابوك
مشاعل:تسدد؟
ام فهد:أيه..ابو نوره ونورس سدده الله يعافيه
مشاعل :ابو نووره؟
ام فهد:ايه
مشاعل:لالا..ابوي مو ب حاجه ل فلووسه خليها له..انا بسدد دين ابوي
ام فهد:ليه نرد المساعده
مشاعل:قلت لا...وربي يمه ان اخذتوا الفلوس منه مدري وش بيصير فيني تكفين يمه لاتاخذوونها
ام فهد:يعني اقول ل ابوك يردها..وتاخذين زياد؟
مشاعل:ايووه انا راضيه
ام فهد تقوم عنها:ب راحتك..
\
/
\
/
جحظت عيون ملاك..وضربته كف هز اركان الكوفي شوب..

همسة؛شكر:{{شكرا...لجرح كانت فيه.. //صحوتي !!

كف مستحيل يطلع من ملاك..البنت الناعمه والرقيقه..بس طلع..
وطلع على خد.."ناصر"
ملاك وعيونها اللامعه مثل البلور:انت!..."وحطت يدها على فمها"
رمى ناصر الشماغ واللتزم الصمت القاتل...!
أنتهت اللعبه!!

×..الفصل التاسع..×
>..:..الجزء الاول..:..<

قاس هو موقفك حين تقف اما زجاج..
يرقد خلفه نصفك الاخر..
قاس جدا حين يمنحوك خيارين ..
احلاهما مر..؛
ف أما يعيش معك بلا حراك..لكن ب قلب نابض..
او..يتوقف نبضه ل الابد
ها انا انظر ل ذات القلب الطاهر..
والشكل الملائكي..مستلقيه على السرير..
الابيض
والبياض يكتسي كل ماجوارها..
وقد فقدت معظم اجهزتها عملها..!
تقدمت لها ب خطاري وانا اركع على ركبتي..!
ودنو منها ل اهمس في اذنها :حياتي والله مشتاق ل سوالف حيل.
وتلتمع عيناي ب الدمووع..!
رفعت رأسي لعلي ارى ملامحها..لعلي الحظ الخجل الذي بات يميزها..
حين تخجل ل تزداد جمالا!
لكن ابت حالتها ان تسمح
عدت ل أهمس:اقسم لك ب رب الكون اني احبك..وبنتنا مالها غيرك به الحياة وان ه الكون بلياك ضاق فيني..
وهنا بدأت دموعي الرجوليه ب الانسكاب
رفعت رأسي لعلي ارى منها تلك الدموع التي ل طالما حين انطق "احبك" فتقف عاجزه عن الرد ف ستنجد ب دموعها..
لكن لادمووع!
بل اجابتني الاجهزه التي حولها ب الصراخ كأنها تستدعي الاطباء..
وفعلا ها انا ارى جمع من الاطباء والممرضين
يلتفون حوالها..ويحاولون اسعافها..
لكن..هاهي احذى الممرضات تقترب ل غطي ملامح حبيبتي وتحجبها عني..
صرخت بها:هي!..حدك عاد الا زوجتي,,شيلي يدك عن وجهها ووخري ذا
الممرضه ب برود الكون واسلوب جاف:زوجتك ماتت والبقا ب راسك..
لم تتم الكاف حتى زحزحتها من كانها ب صفعه استقرت على خدها الايمن..
يليها:لاتفاولين عليها هي نايمه شوي وبتصحى بس فكينا من شرك
وب صوت متحشرج:تكفين!
بدأت تتزاحم في ذكرياتي جميع تلك الذكريات واللحظات التي كانت تجمعنا..
كانت ب النسبه لي جنة الدنيا..واسعد لحزاتها
وهي ب جانبي
خطاي تتراجع لل الخلف حتى اصدمت ب الحائط
ل اغلق عيني ب شده
لاريد ان اعي انها ذهبت ورحلت هواء لايختلط ب انفاسها..
لاريد
لا..أ..ر..ي...د!!!
اخذت ابكي ب صوره هستيريه..
اخذت ابكي ك طفل صغير احتضر واليه امامه..هاهم الناس يحاولون تقيدي..
وهاهي زوجتي وحبيبتي تبتعد عني فوق اكتافهم..
منعنوني من مرافقتها ل مثواها الاخير
ل عدم تماسكي..كيف اتماسك واصبر
ومن علمني الصبر فقد صبره ورحل
وهي من كان يمدني ب القوه والتحمل
كنت لابالي ب لاهانات والتقليل من قدري
لأنني مكتمل ب وجودها
وهاهي قد رحلت
كل ماحولي يضيق بس
كل ماحولي ينسحب..
كل ماحولي يذبل ليسقط ك اوراق خريف

-أبوووووي!..يللا قم

قام بندر على صوت بنته..اللي شكل صار لها ساعه تدق الباب
بندر:طيب طيب جاي
مشاعل:انتظرك..
شرب بندر من المويه اللي ب جنبه..مر على وفاتها 16 سنه ومو راضي ينسى..ه الموقف يتكرر عليه في كل مكان..في نومه وصحوته..

الله يرحمها
\
/
\
/
-عجبتك الحفله اللي سويتيها تحت أمس؟؟..وفوق كذا ماتتكلمين؟؟
ماردت عليه من بعد موقفها معه امس وهي ماتكلمه..يمكن هذي هي صدمتها اللي جت متاخر..ب وفاة ابووها
ناصر:ملاك انا اكلمك ردي علي
ملاك:...................."لارد بس دموع"
ناصر:اوكي ..بس حبيت اقولك ان بكره ان احنا في الرياض..!
ماردت عليه..
دخل ناصر الغرفه وضرب الباب ب رجله ..
ناصر وهو يرمي نفسه ع السرير:اخ ياقهر..انا وش سويت؟؟..ه الشي صح ولا غلط..
انا لازم اوديها ل سعود
\
/
\
/
دخل شقته..ه الشقه شاريها له من زمان..
احيانا يبي يجلس في مكان ل حاله..بس ه المره يحس ماله خلق ل أي شي
فتح جواله لقى اتصال من ريما
أتصل عليها

ريما:الووو
سعود:هلا ريما..داقه علي؟؟
ريما من سمعت صوت سعود وبدت تصيح يمكن تحس ب الامان ب وجوده او بس ب سماع صوته:سعود عبدالملك خطبني!!!..وش اسوي؟؟
سعود انصدم له الدرجه جرئ ه الانسان:متى؟
ريما:من تقريبا اسبوعين بس ماعطيته رد تمويه ل عمي
سعود:عمك؟؟..وابوك
ريما ب سخريه:ابوي توفى من زمان
سعود:.ا..اسف ريما ماكنت ادري..عظم الله اجرك
ريما:حتى لو عايش ماراح يتغير شي...
سعود يغير الموضوع:عندك نيه توافقين؟؟
ريما:ماأعرف..ماأدري
سعود:مشكله صراحه..ولا ناويه تاوفقين؟؟
ريما:سعود انا اسفه لاني دخلتك في مشاكل انت في غنى عنها
سعود:هذا واجبي ياريما...وانا ك طبيب لازم اساعد مرضاي..
انجرحت ريما منه كونها مجرد مريضه ب النسبه له..وولا شي ب حياته
ريما:انا فكرت اسافر وأبعد عن كل شي
سعود:تهربين؟
ريما:ايه..المهم ارووح!..انا ملبقى لي شي خلاص
سعود:ريما اصبري علي شوي..ب احاول احل المشكله..اوكي؟..وان مانفع سافري وسوي اللي تبين
ريما:اوكي!..
\
/

في اليوم الثاني رجعوا ملاك وناصر طبعا بدون أي كلام بينهم..ووقت الضروره ناصر هو يتكلم او يلقي الاوامر وملاك تنفذ من غير كلام..ودمووعها تعرف مجاراها على خذها الحريري

وصلوا لل البيت
رغد:ياهلا ويامرحبا..
عزام:هلاهلاههلا..توها مانورت الرياض
ناصر:ههههههه..منوره ب اهلها..
اشر ناصر ل رغد انها تاخذ ملاك ل الغرفه

لا اريد ان اصدق الخبر
لا اريد ان افهم معنى انه ذهب بلا رجوع
لا اريد ان اعي معنى ان امي تأن الم وحزن وابي ذهب
لا اريد ان ارى العالم من حولي ضعيف امام هذا الخبر القوي
أحبه رغم انه لم يعد يستنشق هواء هو هواءنا
ولا يسكن فوق ارض هي ارضنا
رحمك الله يا من سرى بدمي حبه "الابوي" الصادق
أحبك


ابوناصر:وش في مرتك ياناصر؟؟
ناصر:لابس تعبانه من السفر
ابو ناصر:لايكوون مزعلها؟؟
ناصر:لايبه ملاك في عيوني
ابو ناصر ب شك:ابروح اشوف
ناصر:مو لازم يبه تعال انا مشتاق لك مووت
ابو ناصر:انت لاحق عليك..ابروح اسلم على بنت اخوي ومرة ولدي


رغد:وش فيك ملووكه
ملاك وهي جالسه ع السرير وعيونها المليانه ب الدمووع:مات
رغد ارتاعت:منهوو؟
ملاك:أبووي!..مات يارغد
رغد راحت لها وضمتها..اكثر من ممكن يعرف مشاعرها رغد لانها فقدت امها بعد من 3 سنين بس..
رغد:الله يرحمه...ادعي له ب الرحمه يارغووده

دخل ابو ناصر وشاف ملاك به الوضع
ابو ناصر:ملاك يابنيتي وش فيتس؟؟
ملاك وهي تصيح:ابوي !..خلاص مات
اخذ ابو ناصر ملاك ل حضنه ومسح على شعرها...ه البنت يتيمه ولو تبلغ ال 30 بتظل يتيمه في نظره
ابو ناصر:افا ياملاك..انا ابوك..اي شي تبينه قولي لي يبه ابغا وانا اجيبه لك
ملاك:يبه؟
ابو ناصر:ايه قولي لي يبه
ابتسمت رغد وهي تشوف ملاك..بس قطع عليها ..
صوت جوالها ب رقم غريب..
عقد حواجبها..
طلعت برا عشان ترد..ظغطت على رز الرد..بس ماتكلمت
الصوت:الوو؟؟
كان صوت رجال
الرجال:هلا رغد!..ليه ماتردين؟
رغد:مين؟
الرجال:افا!..مسررع مانسيتي صوتي؟
رغد وكأنها تذكرت صاحب الصوت:انت!؟؟
الرجال:هههه لازم تنسين..اسمي تركي!>>ياخف دمي
رغد:والمطلوب طيب...ياخي انت مافيك ذرة رجوله تدق علي بنات الناس؟؟..ماعندك خوات؟
تركي:لالا..ترا ازعل منك رغووده..
رغد رغد خافت من نبرته الواثقه:لا يكثر بس
وسكرت الخط في وجهه

نزل تركي السماعه من اذنه وابتسامته مو مفارقه وجهه
\
/
\
/
مر اسبوعين..
ناصر كان ناوي انه يروح ل سعود يسأله عن حركته في ملاك هل صح او خطأ ..او يمكن تأثر على صحتها او نفسيتها..الى الان ماعرف كانها رجعت مثل اول او لا

تذكر انهم طول ه الاسبوعين مايتكلمون ابد..وان البينهم من كلام كله من طرف ناصر وبس اما ملاك وتنطق ب ولا كلمه

نزل ناصر الدرجات وهو يهرول لانه تأخر ع الشغل..اخذ له فطاير ع السريييع وراح ل شغله حتى من غير لا يقول باي..
رغد:ياويلي راح...من يوديني الجامعه الحين؟
ملاك:دقي عليه طيب؟
ابو ناصر:خلاص انا اوديك..يللا
رغد وهي تاخذ عبايتها:ملاك ماراح تروحين ل المدرسه؟؟
ملاك:لا..ابرتاح اليوم
رغد:اوكي براحتك..يللا باي
وطلعت..!
ركبت سيارة ابوها..ورن جوالها
المتصل>>رقم تركي
رغد:افففففف...نشبه
ابو ناصر:مين؟
رغد:هاه!..لا وحده من البنات دايم تدق تبي تنقل مني محاظراتي
ابو ناصر:طيب صيري كريمه وعطيها
رغد:لالا..هي دايم تضيعهم
\
/
\
/
- كيف اجهر يمه وانا مدري متى حظرته يرجع؟؟
ام فهد:دامك ماتبينه ليه تردين فلوس ابو نوره المسيكين مجتهد وجايبها
مشاعل:احنا مو بحاجته..المهم متى بيرجع زياد العزيمه اللي المفروض تكون زواجي بعد تقريبا اسبوع وحظرته ماشرف من المانيا
ام فهد:يقول ماجد انه بيوصل اليوم ان شالله ف الليل

اول مانطقت ام فهد اسم ماجد دخل..
ماجد:السلام عليكم
الكل:وعليكم السلام
ماجد اول مادخل على طوول راح ل درج..
ام فهد:وراك ناصي الدرج على طوول اجلس معنا ياكافي
ماجد وواضح انه يفكر:لا..ابروح انام.."وتوه بيرقى بس تذكر شي"..يمه ترا البنت رفضت
ام فهد حطت يدها على صدرها:هو!..هماها وافقت؟؟
ماجد:أيه بس صارت تبي تكمل دراستها
ام فهد:موب لعب عيال هو..تقول موافقه ثمن تهون
ماجد:انا عاذرها..
وراح فوق
جلست ام فهد وهي تحلطم..
مشاعل:هههههههه..يمه خلاص دوري له وحده ثانيه
ام فهد:ماأظن ماجد بيوافق...الله كريم...الله كريم
\
/
\
/
الساعه 2 الظهر وقت خروج رغد من محاظرتها..
اتصلت على ناصر اللي جاها بعد مالطعها شوي ع الشمس

طلعت لقته يوسلف مع واحد طويل القامه وعريض ونظاره شمسيه مخفيه نص ملامحه
ناصر اشر ل رغد انها تركب على مايكلم الرجال
دققت رغد في وجهه...عرفته..تركي؟..وش جابه عند ناصر؟؟...وكيف يعرفه

ثواني وركب ناصر
ناصر:اسف تأخرت عليك؟
رغد نست اللطعه اللي انطعتها تو:لا..من هذا؟
ناصر:هذا عم صديقتك بنت ال(.....)
رغد:اها..وش عرفك فيه؟
ناصر:ابد!...ألرجال باين انه ولد ناس ومحترم..جلس يسولف معي...عاد تصدقين في البدايه استثقلت دمه بس بعدين والله انه وسيع صدر..أسمه تركي
رغد ب لامبالاه:اها..!
\
/
\
/
- حلوو..يعني فكيتي عمرك
دانه:ايه الحمدالله انك نبهتيني ولا كان تزوجته وبحلت ب عمري
منى:امممممممم...ساعات الواحد يحتاج مخ زي مخي عشان يفكر
دانه:يالثقه
منى:خخخ..المهم امك وش قالت يوم درت انك ماتبينه
دانه:ابد اخذت لي تهزيئتين حلووات..وبس..مستحيل امي تغصبني على شي
\
/

هلا يمه!...الله يسلمك
ام ملاك ماسكه السماعه:والله ياملاك البيت بلاك ولا شي..حتى مشاري فقدك
ملاك:هههه..يمه انا صار لي 4 شهور ماطلعت من غرفتي
ام ملاك استانست انها خلاص معد تقول"قبري":بس والله لك فقده
ملاك:اوكي يمه ابكلم ميشوو بدك شي؟
ام ملاك:لا سلامتك ونتبهي على نفسك وناصر
ملاك:ان شالله
ام ملاك:مع السلامه
سكرت ملاك من امها وكلمت بنت عمها اللي تحبها مثل أختها او اكثر..مشاعل
\
/
\
/
من بكره وفي اليوم الثاني..
رغد تكلم ناصر اللي لي الحين ماجاها..
رغد:يالله ياناصر..متى تجي يعني؟
ناصر:اوكي اوكي هذاني طالع الحين من الشغل
رغد:اففف...منك!..يللا انتظرك

طلع ناصر من الشغل وركب سيارته...
لم مشى شوي حس ان في شي مو طبيعي..لم شاف لقى ان كفرات منسمه>>لوول..k.s.a
-يعني التاير او الكفر او الاطار مافيه هوا..لووول-

وقف ناصر مايدري وش يسوي رغد هناك مععصبه مرره
يأس اخرتها فكر ياخذ تاكسي..بس المكسين وقف ربع ساعه عند الشمس..ولا في اصر ل أي تاكسي..

مرت من جنبه سياره فخمه...روزرايز...
وقف صاحبه ب جنب ناصر ولم فتح الشباك..عرفه ناصر على طوول
تركي!

تركي:هلا والله..يامحاسن الصدف
ناصر:ههههههه..ياهلا بك
تركي:اخبارك؟؟
ناصر:والله تمام..
تركي:ههههه..موب شكلك ابد تمام
ناصر يناظر سيارته:والله الكفر منسم الله ياخذه
تركي:افا!...حظك شين اليوم
ناصر:انا اشهد
تركي:اركب انا بعد رايح ل الجامعه
ناصر:وش دراك اني رايح الجامعه؟
تركي ارتبك:هاه!..ايه خمنت لان اختك مع بنت اخوي
ناصر مستغرب منه اللي في مثل طبقته مايروح يجيب بن تاخته او حتى اخته من الجامعه..لان اللي مثلهم يكون عندهم 100 سواق وسياره

رفض ناصر انه يركب بس تركي اصر انه يركب..وبعدها انصاع ناصر له وركب

"عند رغد"

رغد تنظر ساعتها:افففف..لاحوول وينه ذا؟؟...

رن جوال رغد استانست على بالها ناصر
المتصل>>ملووكه
رغد:هلا لوووكه
ملاك:هلا رغد وينك؟؟
رغد:انتظر ناصر ماجا لي الحين
ملاك:ماجاك؟؟..انا جابني من المدرسه طيب
رغد :ايه مو انا اطلع بعدك ب ساعه ونص
ملاك:اها..اوكي اجل انتظرك
رغد:اوك!..باي

سكرت رغد من ملاك وعلى طوول دق عليها ناصر
رغد اول ماردت:مبكر!
ناصر:اوف اوف..طيب وش اسوي نسم الكفر علي
رغد:ايه ايه صررف
ناصر:هههههههههههههه...رغووده حبيبتي..انا اخوك حبيبك
رغد:وفر تمليحك لل البيت..الوعد هناك
ناصر:ههههههههه..يللا بس اطلعي..وانا اوريك
رغد:اوكي..

طلعت رغد من الجامعه لقت ناصر واقف عند الباب..مشت معه
رغد:وين ملبق سيارتك انت؟
ناصر:مو سيارتي سيارة تركي
رغد ب روعه:تركي؟
ناصر:ايه نعم..تووركي
رغد:من تركي..عم سمر؟
ناصر:يب

وصلوا لل السياره ورغد مييته خوووف..

تكلم نفسها:مافي شي يخووف يارغد..معاك اخوك خلاص مافي شي يخووف يارغوووده الحلووه..لووول

ركبت وقالت السلام عليكم ب صوت هامس
بس تركي رد ب صوته اللي انطبع في ذاكرتها:وعليكم السلام

ناصر:الا صح وين بن اخوك؟؟..
تركي ارتبك:هاه!..ايه..ماجت اليوم
رغد تبي تحجر له لانها عارفه انها خطه من اعداده وتنفيذه:بس انا شفتها اليوم
تركي ناظرها في المرايه ورفع حاجب..الي الان تخاف من عيونه:بس انا كلمتها اليوم..وقالت انها غايبه
رغد:لا..انا اليوم شفتها وكلمتها بعد..وسولفت معي
طبعا رغد صادقه وتريكي هو اللي يكذب
تركي يطلع جواله ويدق على سمر..وحط السبيكر متجاهل وجوده ناصر
سمر:الووو..
تركي:هلا سمر وينك؟
سمر:ب البيت..
تركي:داومتي؟؟
سمر:يوووه ياعموو كم مره لازم تسألني؟؟
تركي:طيب جاوبي
سمر:لاء
كمل تركي كلامه مع سمر بعد ماطفى السبيكر..
رغد انصدمت يعني سمر في صفه..مو مشكله ماراح يقدرون علي مو لأنهم اعلى مني معناها ان الدنيا صارت فوضى..
\
/
\
/
رجعت اشواق من الجامعه ورمت شنطتها ع السرير..فكرت تتصل على مشاعل..بس ذكرت انها مقفله جوالها من يومين ..
كل هذا يسويه العرس؟؟..

راحت تتوضى وتصلي الظهر لانها فاتتها في الجامعه ونامت
\
/
\
/
مر الوقت بطئ على مشاعل اللي استعدت استعداد كامل ل"زواجها"..من الشايب اللي الى الان ماشافته..
خلصت من صلاة المغرب واستعدت لأنها تبي تروح تشوف ملاك من زمان عنها..صدق الزواج يلهي الواحد عن اعز الناس له
هذا وانا مابعد شفت الباشا

اخذت قهوتها ونزلت الدرج شافت عمها ماجد يرقى الدرج وهو يكلم..أبتسمت له بس هو اشر لها انها ماتكمل نزولها لانها الظاهر يبيها
ماجد:اوكي..اوكي..ابد ثوووووواني بس..ههههه..الله يحيك
سكر ماجد وابتسم ل مشاعل
مشاعل:ايووه..بغيتني؟
ماجد:ايه..زياد جاي ب الطريق..ويبي يشوفك لان يوم المكله ماشافك
مشاعل:امداه يودي ابوه يعالج
ماجد:هو ماكمل..بس ابوه اصلا ماله علاج الظاهر..المهم مو هذا موضوعنا روحي غيري ملابسك
مشاعل ب عناد:حلوو لبسي
ناظر ماجد لبسها اللي كان عباره عن بنلظون جينز سكني وبلوزه بيضا عليها رسمة كرفيتا حمرا
ماجد مايبي يعاندها:اوكي ب راحتك..
مشاعل استغربت منه توقعت انه بيجادلها..من جدها بتدخل على زوجها كذا؟؟..اول مره يشوفها؟..ايه شايب..بيظن ان هذي الموضه..خخخخخ

نزلت الدرجات وهي تحاول تتخيل شكله وكيف انها ماراح تتكلف في اسقباله ..احسن محد قال له الشايب يتقدم لي
او ع الاقل يفكر انه ياخذ فلوس من ابوي
\
/
\
/
كان شعود جالس في الكتب حقه يفكر ب ريما اللي احتلت جزء كبير من تفكيره..

طق..طق!..
سعود:ادخل..!!
دخلت بنت عمرها تقريبا...اعطيها 15
سعود ناظرها مو شكلها مريضه
البنت:السلام عليكم دكتوور سعود
سعود:هلا وعليكم السلام