كبرتي و صرتي بالعشرين طويلة و فاتنة و تغرين / رواية كامله

**AMŁ7 ώ7Dą** · 17-02-2010, 12:01 AM

خالد:يمه..انا بطلع مع ماجد..ويمكن اتأخر
ام خالد:الله معك
غاده:متى بترجع؟؟
خالد يعدل بدلته:مدري بس ان شالله الفجر...ليه؟
غاده:اها..بس اسأل..
خالد:يلله ف أمان الله..
غاده:وش ه الجاكيت؟؟...
كان خالد لابس بنطلون جنز وقميص عنابي وعليه كاروهات(مربعات)ب الكحلي والاحمر..وفاتح صدره وجاكيت جينز
خالد:وش فيه؟؟
غاده:حر
خالد:مو شتوي ه الجاكيت..
غاده:بس حرر
خالد يطنش:يلله قود باي
وطلع
\
/
\
/
طلعوا من السوق
نورس:من جدك نوير؟؟..دافعه 4000 بس في روحه وحده؟؟
نوره:ابصر شو..انا نوره مو حي الله
نورس:اقول نوير!...ليش كل ه الملابس والاغراض..ماصارت
نوره:ابوي مو مقصر..ليش احرم نفسي..بكره بتزوج فراس..ولا راح اقدر اشتري زي كذا
نورس:وش دخل فراس
نوره تلبس نظارتها:لا تنسين ان فراس مو ب مستوى ابوي..وانا ابغا اوسع صدري
نورس:طيب ليش ماخذته يامدام نوره..دامه موب معجبك؟
نوره تشهق:فروسي مو معجبني؟؟..بلللللللللعس
نورس:تحبينه؟
نوره:مره!..فوق ماتتصورين

\
/
\
/
اشواق مصدومه من اللي سمعته من امها..صحيح عندها خبر..بس مصدومه
ام فراس:هو!...اشواق..وش فيتس؟
اشواق:يمه..مابي اتزوج
ام فراس:ب كيفتس..بحوله ل روان
اشواق:لاوالله؟...ايميل وانا مدري..انا ابيه..هونت
ام فراس:ههههههههههههههه..
اشواق استحت:قصدي......"وسكتت"
ام فراس:طيب تبين اعطي الحرمه كلمه...تراه مايتفوت
اشواق:امممممم...مدري..ب كيفكم
ام فراس:انا عن نفسي موافقه..وابوك موافق...بس انتي؟
اشواق:رايي..من رايكم
ام فراس:اجل نقوك.مبروك!
\
/
\
/
سعود:بس لازم اعرف انا طبيبك
ريما:مافي شي لازم تعرفه..انا اقولك..صرت ملك ل اخو صديقتي
سعود:طيب ممكن اعرف من هو هذا اخو صديقتك؟
ريما:وليه؟؟
سعود:ابشوف بنفسي
ريما:م...مو لازم
سعود:اروح ل جده له معليش المهم ابشوفه
ريما:مو في جده هو..اصلا عايش في الرياض
سعود:حلو...
ريما:بس مو انا اللي دليتك عليه
سعود:اوكي..بس ابغا منك تختفين ه اليومين..
ريما:اوكي...بس متى بتروح؟؟
سعود ماجاوب:هذا رقمي الخاص..

**AMŁ7 ώ7Dą** · 17-02-2010, 12:05 AM

استانس من الخبر اللي قالت له اخته..
ناصر:من جدك؟؟..اجل الحين اوديك
رغد:ههههه..طيب وعزام من يجلس عنده؟
ناصر:بطلع انا وهو ابوي
رغد:اوكي..
دخلت رغد غرفتها وغيرت..واخذت معها لمى وغيرت لها..

وطلعت ل أخوها..

ناصر يلعب ب المفتاح:خلصتي؟
رغد:يسس
طلعوا
لمى:نصووري..ابغا شاطر شاطر
ناصر:ههههههههههه...حملت كل اغاني نانسي على جوالي..خذي..
عطاها الجوال بعد ماشغل لها شاطر شاطر
ركبوا السياره
رغد:ادمان ه البنت
ناصر:عوديها ع الاناشيد احسن لها
رغد تناظر اختها اللي ب حظنها وتبتسم:من جد...يبي لي اعودها
\
/
\
/
كان راكب السياره..ويسمع اغنية "ناديت"
خالد:وش عنده الحبيب؟
ماجد:ههههههه..انا حبيب؟؟
خالد:ايه حبيب...
ماجد:من هي تعيسة الحظ؟
خالد:انا أسألك
ماجد:اقول خالد...ماقال لك حسن وين المخيم فيه؟؟
خالد:لا..بس قال اول ماتوصولون عند الدائري كلموني
ماجد:حلوو..بس ترا الفجر ان شالله نرجع
خالد:اووكي..المهم من هي تعيسة الحظ؟
ماجد:وش دراني..زليخه يمكن
خالد:هههههههههههههه...ماتبي تقول؟؟
ماجد:مافي ولا راح يكوون فيه
\
/
\
/
روان ماسكه السماعه وتكلم صديقتها:والله مدري ..
غاده:وش ماتدرين..خالد طالع..تعالي يابنت الناس
روان:بشوف امي..وارد لك..

سكرت روان من غاده..وراحت ل أمها...وقالت لها
ام فراس:لازم؟؟
روان:يمه البنت طالتبني..تكفين
ام فراس:خلاص روحي..بس بقول ل فراس يجبك مبكر
روان:يسسسسس!..اوكي اوكي
قامت وراحت غيرت ملابسها..
لبست تنوره قصيره تحت الركبه فيها كسرات لونها زيتي..وبلوزه أخضر ..وفكت شعرها

نزلت ووداها فراس قبل يروح ل نوره.."
\
/
\/
خالد سكر الجوال وهو توه مكلم حسن..
ماجد:الا فراس ماكلمك؟؟
خالد:الا..يقول ماراح يجي
ماجد:ليه؟؟..
خالد:عنده مشوار..تقدر تقول الوالد طالبه ب شغل..وقال بروح ل خطيبتي اول
ماجد:هذا هو توه متملك سحب علينا..اجل لو بيتزوج وش بيسوي
خالد:هههههههه...لاله الا الله!
ماجد:محمد رسول الله..!
\
/
\
/
- وهذي هي عروستنا...!!!
ملاك ب ضحكه بريئه حلووه:ههههههههههههههههههههههههههههه..انا حلووه ياميشوو
مشاعل:احلى ملووكه في الدينا!
ملاك:ههههههههههههههههههههههههه..."بس انطفت الضحكه بوم تذكرت"..بس غدي وندى يقولون انا مو حلووه..انا مثل البيبي!
مشاعل:هم اصلا غايرين منك..لانك احلى منهم..
ملاك استانست:والله؟..يعني انا حلوه واحلى منهم؟؟
مشاعل تقبص خدها:احلى من كل الناس
ملاك تبتسم:بس مو احلى منك..انتي مرره حلووه ياميشو
مشاعل:هههههه..تسلمين ياقلبي
\
/
\
/
استقبلت صديقتها:هلا هلا هلا..ب روان
روان تشيل طرحتها:ههههه..هلا فيك..
غاده:توه مانور البيت..ياشيخه وينك مالك حس!
روان:وش اسوي..لهيت ب ملكة اخوي..انتي اخبارك؟؟
غاده:ازقح..ليش واقفه هنا..تعالي جوا
روان:يلله
دخلوا..وسلمت روان على ام خالد وراحوا ل غرفة غاده
\
/
\
/
طلع سعود من العياده وهو يفكر كيف بيجيب "عبدالملك"..
مايدري ليه هو متحمس مع سالفة ريما..بس يبي ينهيها..يمكن واجبه ك طبيب يحتم عليه انه لازم أي مريض يطلع من عنده..متعافي ب أذن الله..

ركب سيارته وأتجه لل البيت

**AMŁ7 ώ7Dą** · 17-02-2010, 12:06 AM

- اهلا وسهلا..
دخلت لمى وهي مستانسه:هلا ميسوو
مشاعل تسلم على رغد:كيفك؟؟
رغد:الحمدالله!..انتي اخبارك
مشاعل:ب خير
رغد:وش جابك هذا وانا على بالي اني شاطره وجايه لحالي
مشاعل:هههههه..شفتي اني احسن منك
رغد:هههههههههه..
جت ام ملاك:هلا والله..
اشرت ل مشاعل تروح ل ملاك..وسلمت هي عليهم

راحت مشاعل ل ملاك ب غرفتها
مشاعل:لووكي!..وينك؟
ملاك:م..مابي اطلع
مشاعل:ليه؟
ملاك:أخ..اخاف يسوون زي اول..يقولون ان بابا مات..."وتصيح"..والله ميشوو مامات
مشاعل:ماراح يقولون شي..تعالي انتي بس
ملاك:بس.........
مشاعل:لووكه!..اذا قالوا شي انا بقولهم انه مامات..يلله تعالي
ملاك:يعني ياميشوو انتي تصدقين ان بابا مامات؟؟
مشاعل ارتبكت:لووووكه!..امشي يللا!
قامت ملاك اللي ماتقدر ترفض طلب ل بنت عمها اللي تحبها كثير
قامت وراحت هي واياها
\
/
\
/
كانوا جالسين وياكلون شبس..وماخذتهم السوالف والضحك..!
غاده:أشواق؟؟..هههههه...ماأتخيل ان عندها زوج وعيال
روان:هههه..من جد..اتخيلها ب كرشتها..
غاده..تبي تجس النبض:الا روان
روان تاكل من الليز الحار:هلا
غاده:امممممم..وش رايك ب خالد اخوي؟
روان عقد جواجبها:من أي ناحيه
غاده تهز كتفهها:مدري..بس امي تدور له..ووحده قالت لي انه مو وجه زواج..تهقين واحد عمره 29 مو وجه زواج؟
روان:امممم..انا من راي ان اقل كلمه تقال في حقه انه رجال..وماعليك من احد..دوروا له بس.."وهي تغني"..ومن العواذل ماعلينا!
غاده:هههههههههههه...طيب عجزنا وانا ندور له..عندك احد ينفع؟؟
روان:اممممم..بدور وحده من بنات العائله الكريمه..وش رايك ب مشاعل بنت عمي بندر
غاده:طيب مافكرتي في نفسك
وقفت البطاطسه على فم روان:انا؟؟..وش فيني؟؟
غاده:ازوجك خلوود اخوي
روان ماخذه الموضوع مزح:هههه...كان يرجعني من ثاني يوم
غاده تشرب من الببسي وماخذه الموضوع مثل روان مزح:ليه؟
روان:امممم..انا مو في سن زواج..توني 18 سنه..
غاده:انا أشوف انك مرره تنفعين ل خالد..
\
/
\
/
ام ملاك:انا موافقه
ناظرت مشاعل ام ملاك..تسرعت في قرارها
رغد:بس خالتي..هذا قرار مصيري وانا من رايي انك تسألين ملاك اول
ام ملام تبتسم:ليه انا ماأنفع
رغد:مو على كذا بس.........
ام ملاك:خلاص هذي بنتي وانا ادرى ب مصلحتها..انا موافقه وياليت تسرعون
رغد:بس....."ترددت"..خلاص..بقول ل ناصر
ام ملاك:خليه يجي يشوفها الحين..والملاك يجي بكره..
رغد استغربت من مرة عمها..بس يللا هذا اللي يبيه ناصر..
\
/
\
/
كان واقف يتفرج ع الرمل اللي مغطي كل المكان..طلعتهم اليوم حلووه..بس هو مستغرب من نفسه يحس انه مو مستانس..
- ليش واقف هنا؟؟
التفت ماجد وشاف خالد:ابد...اتفرج ع الرمل
خالد يوقف جنيه ويناظر مثله:ههههههه..اللي يسمعك الحين ويشوفك يقول يناظر الاشجار الخضرا والحدايق..ولا واقف ع البحر يتفرج ع الغروب
ماجد:ههههههه..
خالد التفت عليه :ماعجبتك الطلعه؟
ماجد:الا..بس مافي أكشن
خالد:امش نركب دباب
ماجد يأشر على خيمه:بس هناك في عوايل...خطر يسطرونا
خالد:ماعلينا منهم..امش بس نركب

اخذ خالد دبابين.وركبوا..

***مزون شمر*** · 17-02-2010, 03:57 AM

مشكوره
استمري متابعه لك

***مزون شمر*** · 03-03-2010, 06:10 PM

لان البنت طولت علينا ولا كملتها
من حقي كمشرفها عالقسم اكمالها حسب القوانين
لهذا راح اكملها لكم

***مزون شمر*** · 03-03-2010, 06:12 PM

مشاعل تكلم مرة عمها:ليش سويتي كذا؟؟..ملاك مو مستعده لل الزواج
ام ملاك:هذي بنتي وانا أعرف مصلحتها أكثر من أي شخص ب الدنيا
مشاعل:بس هذا قرار مو أي احد يتخذه غير ملاك...افهميني..انتي غلطتي
ام ملاك:لا ماغلطت...هذا احنا تزوجنا صغار ولا شفنا شر
مشاعل:مو هذا قصدي.....انا اقصد ملاك مو مستعده..ملاك مريضه
ام ملاك:لا مو مريضه...واذا مريضه هذا علاجها
تنهدت مشاعل...ماتدري وش تسوي
\
/
\
/
كان ماجد يحاول يتجنب البنت اللي كانت راكبه الدباب ومسرعه ب شكل يخووف..كانت تسررع ولا همها احد..وماجد كان خايف لايصدمها
"لاحوول..هذي ماتخاف على عمرها لاتطيح؟؟.."
مشى بعيد عنها.. وراح من عند تل مرتفع شوي عن الارض..بس تفاجأ انها طلعت له من الجهه الثانيه..وهي تصرخ ب شكل جنوني...
ماجد:الله ياخذ ................."سكت"
عداها ه المره مع انها مو اول مره..مشى وسررع..."ماعلي منها..لو صدمتها هي الغلطانه"..رفع دبابه غزاله...بس توه بينزله تفاجأ انها تقريبا تحته...لف مع الجهه الثانيع بس.....
طرررررررررررررررراخ....!
طاح ماجد..
وقفت البنت مكانها...مو مستوعبه انها سبب في سقوط ماجد
قام ماجد وهو يتألم:أححح...
حرك يده بس ماقدر وصرخ صرخه:اه!..."لكن كتمها"..امممم...
مسك يده ب يده الثانيه..ونزل راسه تحت وهو جالس ع الارض والدباب "مرمي"..ب جنبه
\
/
\
/
ملاك:ماودي
مشاعل:لووووكي!..بليز
ملاك:طيب ليش البس..مابي اطلع ل شي
مشاعل:لالا..اللبسي لبس بشوف اذا تشبهين سنوو وايت
ملاك:والله!......سنوووايت؟؟..احبها
مشاعل:ههههههه..هي بعد تحبك..يللا شوفي هذا اللبس البسي وبعد شوي بجيك
وطلعت عنها بعد ماعطته اللبس

راحت ل ام ملاك.
مشاعل:خالتي انا بتصل ع السواق يجي..بروح اجيب لي ملابس وجايه
ام ملاك:طيب بس لاتطولين وانا امك...محتاجتك انا اليوم
مشاعل تبتسم لها:انشالله
اتصلت مشاعل ع السواق اللي دقايق وجاها

***مزون شمر*** · 03-03-2010, 06:13 PM

الجزء الثاني..:..<

توقف نبضها وإحساسها..مصنمه مكانها..وش سويت؟؟
وقفت : والله...والله ماكان ق..
ماجد:اه..خلاص وخري
البنت:وربي ماكنت ادري.. صدقني..
ماجد مغمض عيونه..والالم ياكله أكل
-سلامات مجوود
ناظر ماجد خالد اللي كان جاي يركض:خالد..ابروح لل المستشفى يدي تعورني...ودني تكفى
خالد يمسكه:طيب يللا قم..

- دانه!...وش تسوين هنا!
ألتفت البنت وناظر شاب جاي وشكله معصب..
حمد اللي شكله اخو دانه:وش السالفه
خالد يحاول لا يسطر دانه لانها من الاول واضح انها مطفوقه..قال له السالفه..
حمدد ناظر اخته والشرر يتطاير من عيونه:انا مو قايل لك لا تسرعين؟؟..شوفي وش سويتي ب الرجال
هنا دانه صاحت..:هو..هو كان يلاحقني..انا ماجيته
ناظر ماجد دانه اللي كان شكله يقطع القلب..مصدووم!..مذهوول!..في ناس واطين به الشكل؟؟
حمد ناظر ماجد:انت!
ماجد:كذابه اختك..والله ماجيتها
حمد:ماتخاف ربك انت...تلاحق بنات الناس... ماعندك خوات؟
خالد يمسك حمد:هيه!..هيه!..يالاخوو..اختك هي الغلطانه..ماجد ماسوا شي
حمد مسك نفسه:لاتقول شي الحين..شف يدك وش صار فيها..خل نوديك المستشفى
\
/
\
/
ام فهد تناظر مشاعل اللي تنزل الدرج مسررعه:هو!..وين ماجلستي معي
مشاعل تحب راس امها:ماعليه انا مستعجله
طلعت وام فهد علامات الاستفهام فوق راسها..

طلعت مشاعل من البيت وهي تدور رقم ناصر اللي اخذته قبل شوي من جوال ابوها..
\
/
\

***مزون شمر*** · 03-03-2010, 06:13 PM

- هههههه..الله يبارك فيك.....مع السلامه
سكرت ام ملاك من رغد..بعدها دخلت ملاك اللي كانت لابسه فسان..
ملاك:ماما..انا مثل سنوو وايت صح؟
ام ملاك:ههههه..واحلى بعد!
ملاك:ميشوو قالت لي انه مثل فستان سنوو وايت..هههههههه

كانت لابسه فسان فوشي لين نص الساق..وحزام تحت الصدر كانت كيووته

مشاعل تكلم ملاك وهي تفصخ عبايتها..وتوها جايه:لووكه..روحي ل المجلس
ملاك:طيب..تعالي معاي ميشوو
مشاعل:روحي الحين بجيك
ملاك:لا..تعالي معاي
مشاعل:انا بشرب مويه..روحي الحين بجي
ملاك:اوكي!
طلعت ملاك
ام ملاك ب فررح:ملكناهم
مشاعل طيرت عيونها:بس توها مخطوبه اليوم
ام ملاك:خير البر عاجله...
"ماأمداني اروح الا هي ملكتها اجل لو اسافر وش بتسوي؟؟..مشكله!"
مشاعل:وكيف وافقت
ام ملاك:بسم الله عليها..بنتي تسمع كلامي..قلت لها تقول لل الملاك موافقه ووافقت..
مشاعل:وين الشهود؟؟..ومتى جا الملاك اصلا
ام ملاك:الشهود خوالها..توهم طالعين..والملاك طلع
مشاعل:كل ذا صار وانا طالعه؟؟
ام ملاك:ترا صار لك حول الساعه طالعه.
مشاعل ثواني تحاول تستوعب..!
\
/
\
/
"في المستشفى"
خالد:ليه تعبت عمرك وجيت..!
حمد عطاه نظره:لا شدعوه..اختي الله يهديها مرجوجه!..
خالد:ههههههه...كذا الصغار
حمد يكلم نفسه..مدري من الصغير؟؟
خالد:ماتدري..في ناس ماتهجد الا في ال 30..
حمد يجامل:ههههه..
رن جوال حمد..ناظر
المتصل>>دانه
حمد:الوووو
دانه:حمد شلووونه؟
حمد:بعدين نتفاهم..
دانه تصيح:طيب حمد..اب
حمد يرص على اسنانه:دانه بعدين!
دانه:ان شالله

***مزون شمر*** · 03-03-2010, 06:14 PM

سمع خالد حمد وهو يكلم دانه...ابستم عليها..ماجد حقود ب طبعه..كيف بيردها لها..ماراح يتركها تمشي كذا..بيردها لو وشو..مسكينه "دانه"..ماتدري انها تتعامل مع ماجد..

حمد وهو ماسك جواله بيده:اقوول اخ خالد
خالد:هلا..امر
حمد:ممكن رقمك لان الاهل الحين يبوني...وودي اتطمن على ماجد
خالد ايه اكيد......
راح حمد..وخالد شاك...او متأكد ان حمد مو غرضه انه يتطمن على ماجد
\
/
\
/
كانوا يتغدون..وهو سرحان في"عالم" ثاني..
ام سعود:هو!..سعود؟..وين وصلت؟
سعود انتبه!
ام سعود:بسم الله عليك...مو منك من مشاكل ذا العالم اللي ماتخلص
سعود:ههههه...وش عرفك
ام سعود:اعرف..المهم تغد!
سعود:ان شالله!..
\
/
\
/
دخلت ملاك على.."زوجها"..
ملاك تحط يدها على فمها..:يؤ..عيب وش جابك بينتا؟؟
ناصر يقوم لها:ههههههههه
مسك يدها وجلسها ب جنبه..:شوفي ملووكه!..انا الحين حقك..اي شي تبينه بس قولي لي
ملاك:أي شي؟؟
ناصر يبتسم لها:أي شي!
ملاك:ابغا بابا
ناصر اكتأب وجهه:بس......
ملاك خنقتها العبره:مامات...انا اعرف
ناصر يبتسم لها..وباس عيونها..:يصير خير ياملووكه..يصر خير
\
/
\
/
طلع ماجد من الغرفه..ويده مجبسه
خالد:سلامات حبيبي مو على بعضك سلامات
ماجد:اخ يالقهر..بنت تطيحني..شفت كيف؟
خالد:هههه..حرام عليك..تدق على اخووها كله عشان تطمن
ماجد:تقتل القتيل وتمشي في جنازته..اجل انا اللي جيتها؟..بنت ال...
خالد:استغفر الله ياماجد..الموضوع مايستاهل..الرجال طلع متفهم
ماجد معصب وهم يطلعون من الباب:متفهم في عينه..وش علي منه..حقي اباخذه لو وش يصير
خالد:خلاص خلها تروح في حال سبيلها..ربك بيعاقبها..
ماجد:ماراح ارتاح الا لم ارد الدين..ياأنا ياهي.
خالد يبتسم:طيب من وين بتجيب البنت
ماجد:هذي المشكله...ماأعرف الا اسمها حتى اسم اخوها ماأعرفه
خالد:حمد..!
ماجد:المشكله ماأعرف اسمه الكامل
خالد يمسك جواله:ماودي اساعدك ع الشر بس هو اخذ رقمي...وبيجي يتطمن عليك
ماجد استانس:الله يبشرك ب الخير......
خالد سكت ولا علق
ركب ماجد السياره..هو وخالد..
\
/
\
/
مر شهر..
دخلت مشاعل البيت وهي ترمي شنطتها..ب ملل
ام فهد وهي جايه من المطبخ:وش فيتس تتأففين؟
مشاعل:ضايق صدري...
ام فهد:وراه؟؟
مشاعل:ملووكه زواجها قرب وانا اساعدها حتى مافكرت اساعد نفسي..وماغير ادور لي وادورلها..وفراس بيتزوج..حالتي يرثى لها يمه
ام فهد عقدت حواجبها:واذا تزوج فراس؟..عرسه مهوب هالحين
مشاعل ارتبكت:هاه؟..لالا..بس قصدي زيادة غثا..تعرفين سوق..وحوسه..
ام فهد:ايه والله...
دخل ماجد وهو يشيل الشماغ عن راسه اللي كان مليئ ب حبات العرق..
ماجد:السلام عليكم
مشاعل+ام فهد:وعليكم السلام
طلع ماجد فووق..استغربوا منه..العاده يستهبل بس هو متغير ه اليومين
ام فهد:من انكسرت يده وهو متعيوم!
مشاعل:متعيوم؟؟
ام فهد:يعني صاير عوومه
مشاعل:ههههه..قولي صعب المراس
ام فهد:عليكم حتسي..الله يكافينا شره

***مزون شمر*** · 03-03-2010, 06:15 PM

"عند ماجد"

دخل غرفته وفصخ ثوبه..دخل الحمام "وانتم ب كرامه"..وغسل وجهه..لبس بيجامه ورمى نفسه ع السرير..
ماجد يكلم نفسه: ماجد لاتصير غبي!...مجوود انت جالس تخاطر!...مايصير كل هذا انتقام..

رجع ب الذاكره يوم يدق حمد على خالد..
ويوم يقابل حمد في بيتهم...هو هدفه ينتقم من دانه..
لف ع الجهه الثانيه............فكر يدخل مشاعل ب السالفه..مشاعل يعتمد عليها..بس لا!..انا ينتقم ب طريقتي..

تذكر نظرة حمد له يوم يروح......والله يادانه ان تدفعين ثمن ه النظره غالي..!
مو ماجد اللي تتلبين عليه وتطلعين منها سالمه!
\
/
\
/
"في اليوم الثاني"

طلع ناصر من الشغل وهو يفكر في ملاك..وكيف وصلت له الحاله..لازم يحاول يطلعها منها..راح ل"سعود"

ثواني وهو واصل لل العياده..ومن حسن حظه ان ماعنده مواعيد

ودخل عليه على طوول

سعود:هلاهلا..هلا ب مريضي الحبيب
ناصر:ههههههه..انا مريض
سعود:احلى مريض
ناصر:ههههه..اجل ابصير مريض
سعود:ههههههه..مبروك الملكه يالاخوو
ناصر يجلس:الله يبارك فيك
سعود:هههه..تفضل!
ناصر:جلست موب لازم تقول..
سعود:وش عندك؟..تخبر ماودي اطردك ..عيب!..بس انت تعرف ان هذا مو مكان سواليف
ناصر:ههههههه..ياقليل الخاتمه..المهم انا جايك بستشيرك في موضوع
سعود:تفضل!
ناصر:انت تعرف طبعا اني خطبت ملاك بنت عمي
سعود:ايه
ناصر:وو..الزواج بعد 3 اسابيع
سعود:ولو اني مدري ليه مستعجل..بس ايه؟
ناصر:ملاك فاقده ابوها..وهي مو معترفه انه مات..ومشاعل قالت لي
سعود هز راسه من غير كلام...وكأنه داري
ناصر:مشاعل بنت عمي بندر قالت لي بين ان حالتها طبيعيه بس ماقدرت تطلب مني اجيب لها ابوها
سعود:انا قلت ل مرة خالي بس رفضت اني اعالجها..ومثلك عارف مقدر اعالجها من غير رضا امها
ناصر:انا ولي امرها الحين..انا اقولك عالجها
سعود يبتسم:ناصر!...ملاك بنت امها الوحيده..ومو حلووه كذا في فترة المكله تعاند..يعني لو بعد الزواج شوي يمكن تبلعها..
ناصر:هذا مسقبل!..يعني لو احد ثاني خاطبها قبلي كان علوم
سعود:ربك ستر!...شف هي وحده من ثنتين ياأنك تعجل ب الزواج وتطلعها من حالتها..ياأنك تأخر الزواج لين ما تكبر..يعني 3 سنين قدام
ناصر:وش يصبرني وانا اخوك
سعود:ههه..والله انك حاله بالحالها
ناصر:هههههههه
سعود:امممممم..انت حاول بعد الزواج معها..ان مانفع انا ب الخدمه
ناصر:يعني تهقا مايحتاج لها علاج؟؟
سعود:من وجهة نظري لا...لاني ماأحب اعطي المريض علاجه من اول موعد...حاول وان مانفع مثل ماقلت لك انا موجود
ناصر:شكرا ياسعود..انت احسن واحد في العالم
سعود:ههههههه..العفوو
\
/
\

كبرتي و صرتي بالعشرين طويلة و فاتنة و تغرين / رواية كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget