"""""""""""
بنفس الجامعه في الكفتريا...
عشوقه وهي تناظر ببنت:ريوم اقولك ابي جوال حتى لو عادي..
ريم:طيب ..بس وش فيك تناظرين هذيك البنت...
عشوقه وهي تبتسم ابتسامه خبث:بخوفها يعني اسوي فيها مقلب محترم..
ريم :ههههههه مثل ايش يعني ..
عشوقه: انتظري ..قامت من مكانها سحبت الكراسي اللي قدامها...
وراحت لدنيا..:ا لوسمحتي اختي في صرصور قبل
شوي شفته مر تحتك..
صرخت دنيا وصارت تناقز وتصرخ لعشوقه:وووووووينه
ضحكت عشوقه من قلب على شكل دنيا المفجووووووووع:هههههههههههههههه
عصبت دنيا:تتمسخرين ياهبلة....
حبست عشوقه باقي ضحكها وبابتسامه: لا بس بغيت اقولك لاتشترين
شي مكشوف هنا...
دنيا وتحس انها مفتشله:كان قلتي لي بطريقة ثانيه مو تخوفيني..
عشوقه :هذي طريقتي ..وما اغيرها بس
صراحه شكلك توووووووحفه هههههههههههه..
دنيا:هههههه مو من سواتك الحين لو قلت لك في جربوع تحتك ما بتخافين..
عشوقه:لا ..انا ما اصدق الا لما اشوف...
دنيا:اها ..يعني كنتي تكذبين..
عشوقة:انا متى كذبت..
دنيا:الحين.... ماكنتي تكذبين...
عشوقه:لا ما كذبت شوفي واشرت على الصرصور تحت ثلاجة البيبسي..
وما قلتلك الا عشان ما تشتري شي مكشوف...
دنيا:طيب مشكورة شكلك بنت طيوبه وحبوبه..
عشوقه:تسلمي بس ممكن تقولي مشاءالله..
انصدمت دنيا شوي وضحكت كنها تشوف سالم قدامها: ههههه مشاءالله..
عشوقه:طيب بتركك بس ماتعرفت على اسمك..
دنيا:اسمي دنيا..
عشوقه:عاشت الاسامي ..وانا عشوقه..
دنيا:..ايش؟؟
ضحكت عشوقه:ابوي من كثر مايحبني انا واختي سماني
عشوقه واختي عشق..
دنيا: عاشت الاسامي الله يخليه لكم يارب.. ومين اكبر انتي ولا هي..
عشوقه:لا حنا تؤام.. وهي معي هنا بالجامعه بس عندها محاضرة..
دنيا:مشاءالله تؤام من زمان نفسي اشوف تؤام..
عشوقه:هههههه هذاك شفتيني ...
دنيا:من جد تشرفت بمعرفتك...
عشوقه:وانا اكثر .. يلا اتركك..
اخذت الاغراض ورجعت للطاوله تبعهم..
دنيا:الله ..شعوله الى الان ما جت.. ناظرت ساعتها: مابقي على المحاضرة
الا كم دقيقه..الله يجيبك يا شعول...
قررت تاخذ شنطت مشاعل والفطور معها وتلحق المحاضرة..
خرجت من الكفتريا وهي ماشيه رايحه مبنى الفصول الدراسية
شافت مشاعل جالسه فوق كرسي تتكلم وتضحك راحت لها رمت لها
الشنطة والفطور وقالت:انا وراي محاضرة اقابلك الساعة عشرة باي..
جراح:مين يكلمك..
مشاعل:هذي الهبلا دنيا جت رمت لي اغراضي وراحت..
جراح:اوكي حبي مظطر اقفل منك لاني وصلت بيت عمتي..
مشاعل:اوكي قلبي سلملي على خالتي..
جراح:يوصل قلبي فمان الله..
مشاعل فمان الكريم..
قفل جراح من مشاعل ودخل بيت عمته..
"_"ملخبطين مووو هذا الله يسلمكم ويبقيكم
مشاعل تقرب لجراح بنت عمته وابو يامن
يصير خالها وجراح يصير خطيبها اتمنى
تكون اتضحت الصورة^_"

""""""""""""""""""""

بعد كم ساعة....
في المستشفى..
جراح:عمه تبين شي ثاني لاني تاخرت على الشركه..
ام يامن:اجلس عندي ياولدي ..كلم عمك يمكن يصحى..
جراح من دون شعور:مابيصحيه الا رائد بس الله يهديه...

ام يامن:ومن رائد هذا ياولدي..
جراح:ها ..لا ياعمه هذا واحد عمي يعزة في الشركة..
ام يامن:طيب خله يجي ياولدي يمكن يصحى عبدالعزيز..
فكر جراح وقال لعمته :عمه خلوني ادور على ولدكم..
ام يامن:وكيف بتدور عليه..
جراح:يعني ولدكم مافيه اي مواصفات..
ام يامن:الا..ياولدي كان يشبة عمك اما الحين مدري كيف شكله..
جراح:طيب ياعمه لوجبت لك واحد تقدرين تعرفين اذا ولدك او ..لا..
ام يامن:انا ام يا جراح واحس اذا كان ولدي او لا..اه امس حسيت
انه تعبان ونزلت دمعتها دمعة ام حايرة اذا احساسها صحيح ولا..لا
اما جراح اتضحت له السالفه وقرر يجيب رائد للمستشفى..
جراح:عمه طيب انا بروح امر على الشركه واجي ما بتاخر..
ام يامن:بحفظ الكريم ياولدي روح ربي يسعدك ويوفقك..

"""""""""""""""
في بيت الاخوه......
بندر :اسحب اربعه واللون احمر و..اونو ههههه ....
رائد: لا.. بندر غش انت من وين تجيب التسحيبات مالي شغل نعيد اللعب..
بندر:والله ما اعيدها انا فايز ..
رائد:انت فايز بالغش ......اها ياويلك تتحرك..وراح له وطلع ورقتين
تسحيب من تحت رجوله المكسورة..:هذي وش تسميه...
بندر:هههههههههه اسميه لعب ههههههههه..
رائد:شوف الحين نعيد ونلعب بجد من غير غش
وطلع ورقتين تغيير الون من جيبه..
بندر:هههههههههه وانا اقول ليش مايجيني ورقه تغيير لون..
رائد:ههههههه خلاص الحين نلعب من دون غش انا طلعت اللي عندي
بامانه مابقي شي عندك....
بندر:لا .. والله كلها رميتها باللعب مابقي غير ثنتين انت اخذتها..
بدء يخبص الورق ووزع ورجعوا يلعبون......
بعد ربع ساعة...
دق جوال رائد :الوو هلا جراحوه ...
جراح :هلا فيك يالغالي كيفك..
رائد:انا بخير كيفك انت عساك سالم..
جراح:بخير يسلم راسك ..اقول انت في البيت..
رائد:ايوه جالس مع بندر..
جراح:اها ..اجل انا واقف عند الباب ودك تفتح لي
ولا ارجع من مكان ما كنت...
رمى رائد الاوراق اللي في يده:افئ عليك الحين افتح لك ..يلا انتظر لاتروح ..
قفل وقام :بروح افتح لجراح الباب ..
بندر:طيب بيدخل والدنيا حوسه كذا..
رائد:وش حوسته شال المخدات اللي كانت مرميه على الارض
وحطها على الكنب...خلاص مافي حوسه ..
راح فتح لجراح وسلم عليه:اتفضل البيت بيتك...
جراح:تسلم يالغالي ..بس ماني جاي اجلس بغيتك بشغله..
رائد:طيب ادخل وريح وعين من الله خير وقولي وش الشغله..
جراح:خلها مره ثانيه مستعجل الحين انت روح البس وتعال..
ناظر رائد بساعته: بطول السالفه لان الظهر ابي اروح اجيب اختي
من الجامعه..
جراح:لاتخاف ما بنطوول..يلا البس وانا استناك بالسيارة..
رائد:لا..تعال ادخل مافي الا بندر ونسه شوي لين ما اخلص..
جراح:اوكي .. دخل مع رائد وسلم على بندر وجلس معه..
بندر:وش رايك تلعب معي شوط لين يجي رائد..
جراح:هات الورق انا بخبصها ..

"""""""""""""""""
نرجع الجامعه .....
مشاعل وهي تمسك دنيا:تعالي روان قالتلي بتروح
تسلم عليهم..
دنيا:طيب روحي انا وش اسوي لك لازم اجي معك..
مشاعل:بكيفك ..وراحت مع روان ..
دخلت دنيا المبنى وجلست على كرسي تطقطق بجوالها
وتنتظر اخر محاضرة..تثاؤبت حاسة ان لو احد رسم لها
فراش بتطب تنام فيه..
........:ها هذا العسوله نعسانه..تبين اصحيك ههههههه..
ناظرت دنيا بالبنت اللي واقفه قبالها ومعها ثنتين..:ههههههه..
لا واللي يخليك فجعت الصباح تكفي..
عشوقه:هههههه خلينا نصحصحك شوي....
دنيا:لا ..صاحيه ما عليك مابقي الا اخر محاضرة بدف فيها
وبعدها اطير على البيت وانام..
عشوقه :نوم العوافي..اشرت على عشق اللي تبتسم
لدنيا:وهذي اختي المصون عشق..
ابتسمت دنيا وقامت سلمت عليها:هلا فيك تشرفت بمعرفتك..
عشق: تسلمي الشرف لي انا..
دنيا:ههههه مشاءالله تشبهوا بعض كثيير بس فيه فرق..
عشوقه: هو فيه فرق واحد بس انتي قولي وشهو..
دنيا:انتي مشاغبه واختك باين انها هاديه..
وا عيونكم غير عن بعض..
عشوقه:هههههههههه صح عليك..انتي واجد ميه ميه..
ابتسمت دنيا وفي نفسها"هههههههه سالم مصري
وانتي هندي والله حاله ههههههههه"
شوي الا دق جوال عشق...
عشق:الووو..هلا روان..الحين جايين..
عشوقه:يؤؤؤ نسينا روان تنتظرنا في الكفتريا..
...عشق قولي لها تجي هنا..
دنيا مصدومه"معقولة يكونوا اخوات هذاك الولد..
..لا ياربي اكيد مو هم بس تشابه اسماء"
عشوقه:هيه يابنت حنا نكلمك..
دنيا:ها وش قلتوا...
عشق:تبين شي من الكفتريا..
دنيا:لا تسلمون..
عشوقه:الا خليهم يجيبون لها قهوة لاتطب نايمه في المحاضرة هههههه
دنيا بنفسها"اؤؤؤؤؤف ما تكفيني لقافه سالم بالبيت تجين انتي هنا"
بعد دقايق..
انتبهت لمشاعل وروان اللي داخلين وجايبين معهم اكل
من الكفتريا..ومتجهين لهم..
روان:مشاءالله جالسين هنا ومتونسين اخباركم قاموا
عشق وعشوقه يسلموا وسط ذهول دنيا اللي تمنت تكون
ماتعرفهم وقلبها صار يدق ومشاعل اللي تناظر لدنيا وعلى
راسها علامات ؟؟؟..
عرفتهم روان على مشاعل وجلسوا ..
مشاعل بحقد:دنوي مابدت محاضرتك..
دنيا وتحس انها قاعده بفرن من الحرارة اللي جت
بجسمها ردت ببرود:بقي مابدات..
عشوقه:انتم تعرفون بعض..
روان:ايه هذي دنيا صديقتي من الثانوي اما
مشاعل من الابتدائي وهم سوا..
ابتسمت مشاعل تخفي النار اللي جواتها لانها فهمت دنيا غلط:ايه انا معها
من الابتدائي الله لايفرقنا الا اذا كانت هي تبي تبتعد عني مو مشكله..
دنيا مصدومة من كلام مشاعل بس مابينت مسكت يد مشاعل
وابتسمت:مايفرقنا الا الموت مشوش..
ناظرت فيها مشاعل ...تبي تتكلم بس قطعت عليهم
عشوقه:الله يخليكم لبعض قولو امين..
دنيا ومشاعل:امين...
دق جوال عشق:الوو هلا خلوود انت برا..اوكي حنا
الحين بنطلع ..اوكي ..باي..
روان: هذا اخوكم ..
عشوقه:ايه فديته وقريب انشاءالله نخطب له..
مشاعل:ليه يحب..
عشوقه:ههههههه اخوي يحب قولي اكبر لعاب واقولك صح عليك..
دنيا بنفسها"لعاب يعني اكيد يبي يلعب علي"
عشق:يلا فرصه سعيده اننا تعرفنا عليكم ..
وقاموا يسلموا عليهم..
عشوقة: بكرة نتقابل انشاءالله..يلا باي..
خرجوا من المبنى متجهين للبوابه.....
دنيا بنفسها"قال نتقابل قال هذا وجهي ان رجعت عطيتكم وجه"
مشاعل وبصوت واطي لدنيا:هذي اللي ماتبي تقابلهم..يختي
كان قلتي لي انك تعرفيهم ومابقولك شي ..
دنيا:مشوش بعدين نتكلم..
مشاعل:قومي روان نتمشى انا بالحيل متضايقة..
روان:طيب يلا دندون امشي معنا..
دنيا اللي حست بخنجر بصدرها من تصرف مشاعل:لا مابي
اساسا انا داخله القاعه الحين...
شالت اشياءها وقبل لاتقوم قالت لمشاعل:اليوم الساعة 8 عالمسن اوكي..
راحت القاعة وجلست في الوسط بالمدرج الخامس
وهلت دموعها من تصرف مشاعل وبنفسها
"وقتك تزعلين مني ياشعوله وانا محتاجتك حييييل"
شافت ثنتين داخلين مسحت دموعها وفتحت كتاب عندها
وجلست تقراء فيه وهي تفكر في خالد هذا ...

""""""""""""""
في المستشفى....

رائد:جراح ليش جارني ورائك ومن صديقك هذا اللي مريض وانا معرفه..
جراح:انتظر الحين بتعرفه انا قد عرفتك عليه بس شكلك نسيته..
وصل عند غرفة عمه ودخل بعد ما دخل رائد..
جراح:السلام عليكم..جبت معي رائد ياعمه..
ام يامن:هلا يمه ادخلوا الله يحيكم..
ناظر جراح لرائد وابتسم:ادخل سلم على عمتي..
عصب رائد:صديقك ها ياجراحوه..
جراح :استح عمتي كبيرة وماتستاهل هالمقابله بعدين احسبها اجر لك..
تنهد رائد:طيب ياجراح وقرب منه:اللي براسك احلم توصله..
وراح عند ام يامن*امه*:كيفك ياعمه وباسها على راسها..
ام يامن:بخير ياولدي الله يسلمك ويسلم غاليك.....
رائد:تسلمي ياعمه..وناظر لجراح واشر عليه:والله ولدكم هذا ياعمه
مايستحي على وجهه جابني هنا ولا قالي انه بنزور احد
عشان اجيب شي معي..
جراح:انت اللي ما تستحي مديرك نايم هنا وانت مافكرت تزوره...
ام يامن:ايوه..هذا رائد اللي قلت لي انه عبدالعزيز يعزه..
جراح:ايوه ياعمه ..هذاني جبته..يمكن يصحى عمي لما يسمع صوته..
ام يامن وهي ماشالت عيونها عن رائد تحس بشي
ناحيته:انت ولد منو ياولدي.......

اتوقف هنا وينتهي البارت السابع~~
ارائكم وتوقعاتكم
حول هذا البارت...........
هل ستعرف ام يامن ابنها الذي اصبح بين يديها؟؟
دنيا راح تتصالح مع مشاعل ؟؟
مشاعل راح تفهم دنيا ويتوضح اللبس اللي صار لها؟؟
بندر سالم زاهر........؟؟
توقعاتكم تهمني.....
دمتم بودي..