تويت
البارت الرابع والثلاثوووووووووووووون
فبريطانيا وتحديدا في لندن مدينة الضباب
بعد شهر
الساعه ال 7 مساء
جالس متأمل وسرحان يتذكر مكالمته لأمه
أم فهد : هلا فهد حبيبي شلونك
فهد: أنا الحمدلله بخير وماعلي شر إن شاءالله... إنتوا شخباركم شعلومكم
أم فهد: إحنا الحمدلله بخير ومانسأل إلا عنك
فهد: الحمدلله ...أبوي شلونه و....و.... و........إلخ
أم فهد: ماعليهم شر بخير..وإختك لاهيه هالأيام بجهاز بنتها
فهد: هههههههه ياحليلك ياعهود والله وكبرتي وبتتزوجين...إلا هي متى زواجه
أم فهد : بعد رجعتك إن شاءالله بإسبوعين
فهد: على خير إن شاءالله ... وامي وسميه شخبارها لي زمان عنها
أم فهد: تراها زعلانه عليك تقول من سافرت ماكلمتها
فهد : لها الحق ..بس كنت مشغووووووول شوي ...بس إن شاءالله أكلمها قريب
أم فهد: هههههههه حتى جدتك هالأيام مشغوله
فهد بإبتسامه وهو يتذكر وجه جدته البشوش: حركات والله وبإيش مشغوله
أم فهد بفرحه واضحه بصوتها: طال عمرك هذا نايف ولد .... ولدعمي ...خطب ساره بنت ناصر ...أرملة سعد الله يرحمه
فهد ((دم ددم دم ددم ددم ددم حس بضيقه ودقات قلبه مجنونه ...))
غمض عيونه بقهر وبصوت حزين ((شكل مالي نصيب فيها)): وافقت
أم فهد: منهي
فهد بقهر: ساره وافقت
أم فهد مستغربه نبرة صوته: لاء ساره رافضه ...بس أمي كل يومين تكلمها بالموضوع ... وقايله ماراح تسكت عنه لين توافق ..وساره تحب أمي وجدتك واثقه إنها بتقدر تقنعها ...
فهد بغيض: طيب دامها رافضه خلو البنت على راحتها
أم فهد : مايصير ياولدي البنت أرمله لكنها توها صغيرة ليه تضيع شبابها بالرفض ... وبعدين نايف رجال ماينرد ... وأمي تمنته لساره من بعد وفاة سعد ...
فهد بضيق : طيب يمه انا بصكر ألحين وبكلمك بعدين
أم فهد بتردد: خلاص ياوليدي بس كنت أبي أكلمك بموضوع
فهد: سمي يمه
أم فهد : لاخلاص بعدين شكلك مشغوووووول
فهد: ولا يهمتس يالغاليه قولي وش بخاطرك
أم فهد وهي متوترة : أممممم ياولدي مافكرت وش بتسوي مع بنت عمك
فهد والأنبير ضرب خلاص أولها بشرته بخطبة حبيبته وألحين تكلمه عن المقروده: يمه أنا هالبنت لا عاد تجيبينلي طاريها ...((وبكل حقد)) أنا أكرها ...فاهمتني ..أكرهها
أم فهد: بس ياولدي مايصير البنت جالسه فبيت أهلها من ذاك اليووووووم
فهد وذكريات هاليوم الأسود رجعت لعيونه ((بكل حقد وكره)): ماأبيها أكرهها بطلقها ...الله لا يردها
أم فهد خافت من ردة فعل ولده: خلاص حبيبي إلي تبيه هو إلي بيصير بس إنت لاتعصب وريح نفسك
مسح دمعه حاره هربت من عيونه ودلت طريقها على خده
اه يافهد ...وش بيصير فيك ..أكثر من إلي صار... كل مافكرت إن الدنيا بترجع تبتسملك وتضحك .... تجيك أخبار تزيد همومك همووووووووم...
تذكر كلام أمه عن إصرار جدته بإقناع ساره عشان تتزوج نايف....
إنرسمت ملامح نايف وشخصيته بعقل فهد... هو شافه أكثر من مره ....وش السبب إلي خلاه يختارها .. نايف شخصيته قوية وإلي متأكد منه إنه محد يقدر يغصبه على هالزواج خصوصا إن ساره تعتبر أرمله...ليش إختار ساره من بد الكل... يعني إذا كان هو يبيها ليه ماتقدملها بعد ماخلصت من العده.. يمكن يكون شافها وعجبته ..((وبلمحات سريعه تذكر اليوم إلي إلتقى فيه بنايف عند جدته ..وجيت ساره بذاك الوقت...)) معقوله ... معقولة يكونون متفقين......لاء...لا ساره بذاك الوقت كانت توها خالصة العدة...
مسك راسه من الوجع ماعاد يبي يفكر..هالموضوع ..
يسببله إكتئاب ...خصوصا لما يذكر شكل ساره وشلون عاملها بقسوه وبإسلوب جاف باخر مره شافها...
غمض عيونه وإنحفرت صورتها بخياله ...يالله وشلووووون كانت بالبنفسجي... قمة بالإنوثه ..وجلس في أحلامه وتخيلاته الورديه....
أمممم يمكن بهالفتره إلي قضاها فهد خارج المملكه ...ريحته شوووي من العذاب والضغط النفسي إلي كان يعيشه ... ووصل لقرار إنه هالحاله إلي هو فيها نتيجه للشيء إلي شافه ... أما سمر فهي ماتهمه ولا راح تهمه من بعد إلي صار ...قبل كان يحاول يتقبلها لأنها بالنهايه بنت عمه ...لكن بعد الشيء إلي سوته ..شطبها من قاموس العايله ومن حياته ...
دخل الشقه وهو محمل بالأغراض ...
زيد
حطيت الأكل بالمطبخ ...وناديته
فهد فهووووووووووووووود فهيدان
فهد وهو يدخل للصاله: وجععععععععععع وش فيك كاأنك بحراج
زيد: جوووووووووعان أبي اكل وأنام
فهد: يالبيه هذا الرفيق السنع إلي مايرجع البيت إلا وهو محمل بالأكل ...إلا وش جبت
زيد بطنازه: كفته وكباب
فهد: وووووش
زيد: يعني وش عند هالمطاعم إلا الوجبات السريعه..بس من باب التغيير جبت من المطعم الصيني
فهد: الله يعز النعمه (( مايحب الأكل الصيني)) اىىىىىه الله يذكر أيام العز كبسات .. ومفاطيح .. هريس وجريش... وإلخ... والله مايحس بالنعمه إلا فاقدها...
زيد: وش فيك قلبت المطبخ الشعبي
فهد:أوووووووووووووف مليت من الغربه
زيد : عجل أنا وش أقول يالله تعدي هالشهرين على خير وبعدين نرجع لديرتنا ((وبإبتسامه مشعشعه)) وأتزوج وأرتاح
فهد: ههههههههعهعهعهع على كثر ماتطري هالعرس يتأجل...خلاص إنسى ...ترى كل ماتفكر فيه يصير شيء ويتأخر
زيد: فال الله ولا فالك ...نعنبودارك بدال ماتهون علي...تزيدني حسره بس ماأقول إلا بوووووووووووووومه
فهد: مابومه إلا إنت يالثور
زيد : ودامني ثوووور ليه تماشيني
فهد: ماأدري
زيد: أنا أدري لأنك ثوووور زيي هههاي
وقامت الحرب ....زيد الهارب و وراه فهد السجان ههيييييييييهههههههههههههاي
بعد فتره من الزمن تم القبض على المجرم الفار وتولى السجان عقابه ...وكان العقاب كالتالي
تنظيف وترتيب الشقه وغسل الصحون والمواعين لمده يومين خخخخخخخخخخخخخ
بعد وجبة العشاء الدسمه ((ههههههههه))
زيد وهو يتمغط : أنا برووووح أنام توصيني على شيء
فهد: هيه إنت على وين نسيت العقاب
زيد: لا لا مانسيت أوووووووف منك
جلس فهد يتفرج على صديقه بمريلة المطبخ وهو يغسل الصحون وهو ميت ضحك
زيد: أقووووول ياصاحب السمو ورا ماتجي تساعدني
فهد: تدري أنا ماأتنزل لها الأشياء..
زيد: نزلت سكانوتك عليك ...قم بس قم
فهد: بسم الله علي بعدويني إن شاءالله ...أنا بروووح أكلم الأهل وأنام ورانا دوام الصبح
زيد: افا يافهيد وأهون عليك تخليني وحيد
فهد بخبث: لا من جهة وحيد ماأظن خخخخخخخخ يكفي طيوف خطيبتك المصوووون تسليك
زيد وبتنهيده عاب: اه يالبيه ياذا الطاري
فهد مشى لغرفته وصوت ضحكاته ترن بالشقه
(( الله لايحرمني منك ياخوي ... والله يتمملك زواجك على خير وبأقرب وقت ..ويحفظك ولا يفرقنا طول العمر ))
...............
في مكان ثاني وتحديدا بالمنطقه الشرقيه من المملكه وبمدينة الخبر تحديدا ((سحر الشرق))
كان الوقت الساعه ال4 عصرا
ساره :ريووووووووووم ياقلبي إنتي والله ماأقدر..مالي نفس
الريم بدلع وحزن مصطنع: حرام عليك ساروووووووه تتخلين عني وأنا بحاجتك..تكفين سارونتي
ساره :طيب خلاص بس إذا ماوافقت أمي ترا مالي دخل
الريم : ماعليك أنا أكلمهالك
ساره : طيب قفلي يلا بروح أقولها
قفلت الريم ... وراحت ساره بخطوات مغصوبه لجناح أمها عشان تكلمها
وصللت الجناح ودقت الباب
دق دقدقدقدقدقدقد
أم ناصر: تفضلي
دخلت ساره لقت أمها ماسكه الجوال وتسولف ...مشت وجلست على طرف السرير تنتظرها لحد ماتخلص المكالمه
أم ناصر: خلاص حبيبتي مالك إلا الرضى ...عارفه إنتوا خوات ومالكم إلا بعض ...خلاص أبشري بخلي إخوها يوصلها ..سلمي على أمك ... مع السلامه
ساره بشك : يمه من إلي كانت تكلمك الريم
أم ناصر بإبتسامه: إيه ...طلبتني تروحين معها للسوق ووافقت
ساره بإبتسامه : غريبه ..وافقتي
أم ناصر: يابنتي إنا عارفة غلا صديقاتك وهم عندك أغلا من الخوات ... وبعدين أنا أحب الريم وماأردلها طلب ...غير كذا إنتي لك فترة مانتي عاجبتني ماتطلعين ولا تروحين كله حابسة نفسك بالغرفة وإذا طلعتي رحتي للحديقه..وبعدين دام إخوك إلي بيوصلك ماعليك شر إن شاءالله
ساره تبي تهرب قبل ماتكمل إمها التحقيق ((هي عارفه أمها تبي تستدرجها بالسوالف)): طيب أنا بروح ألجهز وإنتي كلمي نصور أوكي
أم ناصر: طيب
((السالفه ياحبايب قلبي إن الريم بدت تجهز لزواجها وطلبت من ساره تساعدها ... وأكيد بتسألون ندوش وينها عنهم ... ندوش بالرياض لأن زواج بنت خالتها هالسبوع وبتبقى هناك فتره))
بعد ساعه في مجمع الظهران
عند البوابه رقم ((2))
الريم تتصل على ساره : ألووووو ساروه وينج
ساره: أنا عند بوابه رقم 3 عند محل مجوهرات الحرمين
الريم : طيب خلج مكانج إحنا جايينج بالطريق
ساره : أوكي
10 دقايق وإلمحت ساره الريم وأمها وخالتها
ساره: هذاهم جووووو خلاص ناصر إنت روح وأنا لما اخلص أدق عليك
ناصر: اوكي بس لاتتأخرين
ساره : لاتحاتي ...
توجهت ساره للريم وكانت معها أمها وخالتها
ساره: السلام عليكم
الكل : وعليكم السلام
ساره: شلونتس خالتي وإنتي خالتي أم حمد أخباركم وريومتي
الكل :الحمدلله بخير ..إنتي وش أخبارج
ساره: تماموووووووووووو
الريم: خلاص يمه إنتي وخالتي روحوا فجهه وأنا وساروه بجهه
أم الريم: لاء وش تروحون بروحكم
الريم: يمه عشان نخلص بسرعه ... تكفين تكفين
أم حمد: خلاص ياإختي خليهم حنا معاهم بنفس المجمع
أم الريم بعد تفكير : طيب ...
وإفترقوا وكلن راح بجهه
في أحد المحلات للملابس الجاهزه
ساره: رووويم وش رايك بهالتنوره
((كانت التنوره أبيض ساده ميدي ...كيوت مره))
الريم: ممممممم حلوه
ساره: والله إنها رووعه تخيلي لو تلبسينها مع بينك ولا أورنج أو أحمر شيء
دخلت عليهم وحده عرض
: إي والله جنان حتى أنا باخذ منها
ساره والريم: بسم الله
عهود: ههههههههههههههههه خرعتكم
ساره: إنتي من وين طالعه
عهود: من بيتنا
الريم: هلا عهود أخبارك
عهود: الحمدلله تماموووووووو وإنتي
الريم: بخير ولله الحمد
ساره: عودي مع من جايه
عهود: مع إمي وجدتي شوفيهم هناك
الريم: جايه تتشرين لجهازك
عهود: أوف كوووووووورس
ساره: أمووووت ياللغه
شووووي إلا وبجية أم عهود
أم عهود: عهووووود شتسوين هنا
الريم &ساره: السلام عليكم
أم عهود: ساروووووووووه
ساره: هلا خالتي
أم فهد: هلا يمه ساره مع من جايه ((وتخز بالريم))
ساره: يمه انا جيت مع الريم عشان نجهزلها
أم عهود: هلا الريم شلونتس وشلوون الوالده بشريني عنها
الريم: الحمدلله خالتي وهي موجوده هنا بس بمحل ثاني
أم عهود: خلاص سلمي عليها.ز وإنتي سوير مع من جايه
ساره: مع ناصر وصلني وراح يقضي أشغاله
أم فهد: إنتبهوا على أنفسكم يمه
الريم& ساره: لاتوصين حريص
عهود: يمه انا بجلس مع سارووووه والريم أتشرى معهم
أم عهود: لاوين إنثبري معنا
الريم: خليها خالتي وبعدين انا بعد أتشرى لجهاي ...وكذا بنخلص بسرعه
ساره: إيه خالتي خليها معنا
عهود: تكفين يمه
أم عهود: طيب خلاص بس بشرط
الكل: وشهووووووووو
أم عهود: إنتي ياساره بترجعين معنا للبيت
ساره: أبشري خالتي ماطلبتي بكلم أمي وناصر وبقولهم
وإتفرقووووووووووا وكلن راح بجهه
دجوا الثلاثي المرح بالمجمع وماخلوا مكان ماراحوووووله
ساره: ألحين شباقيلكم
الريم: أممممممم عطور ومكياج
عهود: طيب خلونا نروح وجوه
ساره: أوكيك وبعدها نروح مكياجي أبيلي شوية أغراض
دخلوا وجوه وبعد تفحيطات إشترولهم كم عطر وهم
((coco Mademoiselle من شانيل ....Nina من Gucci...
سينما من إيف سان لوران...و Envy Me))
وشويه مكياج وبعدها توجهوا لمحل مكياجي وخذوا منه
أقلام كحل ((كحلهم رووووووعه جميع الألوان)) >>> خخخخ كأني سويت دعايه
وشوية عطوووور ((ساره تموووووت بعطورهم لأنها رايقه ونعومه مثل شخصيتها .... وخت للريم وعهود عطور هدية لهم))
بعد ماطلعوا من المحل
ساره: هاه خلصتوا ولا بخاطركم شيء
الريم: لاخلاص ماعاد فيني حيل أدووووور بين المحلات
عهود: حتى أنا
ساره: أنا ميته جوووووع شرايكم نروح ناكل شيء
الريم: خوووووووش فكره
عهود: أووكيه وإنتي إختاريلنا المطعم دبوووووووه دايم إختياراتس شيء
ساره: انا دبووووووه
عهود ((بمزح)): إيه أصلا لي فتره ملاحظه إنك متنتي وخرب جسمك
ساره: بطوه ...أمشي لاتنذبحين على إيديني
عهود: أنا ماقلت إلا الصراحه يعني تبيني أجاملك وأكذب عليك
الريم: حرام عليج والله إنها ضاعفه وأصلا هي ضعيفه...
ساره بثقه: أصلا أنا ماعلي منك أدري إن جسمي حلووووو مثلي ...
عهود: تكفين يالرشاقه مقطعتك
ساره : الحمدلله رشيقه وجسمي عاجبني
ودخل بينهم واحد عرض (( يالبيه يالرشاقه وأنا أشهد))
لفوا عليه كلهم وعطووووووووووه ذيك الخزه المحترمه
ساره تكلم عهود بإحراج: عاجبك إلي صار أمشي الله لايفضحنا
بعد ماخلصوا من السوق على الوعد رجعت ساره مع عهود وأمها وجدتها
بالسياره وكانت الساعه تقريبا ال7 مساء
أم فهد: يمه ساره طلبتج طلب ماترديني فيه
ساره: امري عمتي
أم فهد : تعشين عندنا اليوووووووم وترجعين عقب مع عمتس
ساره وهي ماتبي ((مالها خلق تشوف سمر تغار )) : بس عمتي أنا ماقلت لأمي وأخاف ماترضى
أم عهود: أبدا أمتس ميب رافضه أنا بكلمها
عهود بفرح: إيه صح تكفين تعالي معاي بزهق هناك لحالي
ساره: طيب إذا أمي وافقت ماعندي مانع
وكلمت أم عهود أم ساره ووافقت (( المسيكينه تبي تسوي أي شء عشان تتغير نفسية ساره))
في بيت فهد
أول ماوصلوا
راحت ساره مع عهود لغرفة بالدور الثاني (( هالغرفة تستخدمها عهود لاجت بيت جدها))
عشان يصلون العشاء
بعد ماصلوا وخلصوا ....نزلت عهود تجيب شوية حلويات وقهوه عشان الضيفه
بالصاله
أم فهد: عهوووووووود وين ساره
عهود: فوق بالغرفه
أم فهد: وليه مخليتها لحالها ...ناديها وتعالوا إجلسوا معنا
عهود: أول شيء بقايس أغراضي ولاخلصنا بنزل أنا وهي
أم عهود: طيب لاتتأخرين عيب تحبسين البنت فوق
عهود: عادي إلا بنت عمي وأموووون
أما ساره
كانت سرحانه ....من أول خطوه خطتها بهالبيت وهي حاسه بشعور غريب... أو عدة مشاعر مختلطه
حزن ...فرح... شوق... حقد....برووووود ...قهر... غضب
حزن........ لحالها بفراقه
فرح....... لوجودها بالمكان إلي عاش فيه
شوق ..... لشوفته
حقد.... عالزمن إلي فرقهم
برووووووود ...للمستقبل المظلم لحبها المكبوت
قهر.... بسبب إحساسها إنه فيه شيء متعبه ومضايقه لكنها ماتدري وش
غضب..... لعدم قدرتها على مساعدته
..........: بووووووووووووووووووووو
ساره: بسم الله سكنيه متى جيتي
عهود: لاوالله أكيد ماسمعتي صوت الباب وين كنتي مهاجره
ساره: بها الدنيا
عهود وهي تنتهز فرصة إنها مع ساره لحالهم بدون إزعاج أو مؤثرات خارجيه : ساره حبيبتي أنا بنت عمك ومنك وفيك قوليلي يالغلا ليه رافضه نايف
ساره بضيقه: ياذا النايف إلي وين مارحت جابولي طاريه
كافي مليت وربي مليت
عهود: حبيبتي الرجال ماعليه قصووووور والكل متستخسر إنه يضيع منك....
ساره: بس أنا ماأبيه
عهود: ليه
ساره: مزاج وإقفلي عالموضوع
عهود: هههههههههههههههههههههههههههههههههههههههههههههههههه هه ((وبترقع شوي بالموضوع))
حتى بهالسوالف عالمزاج ....... أوووووووف وش ذا المزاج إلي عليك
غريب
ساره بإبتسامه: وش أسوي الله يعين
وجلسوا سوالف وضحك وعهووووود تقايس الأغراض إلي إشترتها وتجربها .والحمدلله كلهم طلعوا تمام ماعدا قطعه أو ثنتين
ساره وهي تلعب بتلفونها: عهود
عهود: ياعيونها
ساره بتردد: أممممم إلا مرت خالك ماأشوفها هي مو هنا
عهود: لالله ياخذها عند أهلها
ساره وهي مصدومه من طريقة عهود بالكلام: عهوووووووود وشذا لاتدعين عليها وهالشيء مو من طبعك حتى لو مقهوره منها
عهود: معليش من الحره إلي فيني
ساره: ليه هي سوتلك شيء
عهود بقهر: ياليت عشان أقدر ءأدبها الحقيره
ساره: بلاك ياقلبي وش فيك معها
عهود وهي تسحب تلفون ساره: ماعليك منها ماتسوى حتى نحش فيها...مابقا إلا ذي تاخذ حسناتنا......هاتي أشووووف وش البلوتوثات الجديده عندك
ساره وبالها مشغووول: ماعندي شيء جديد ...
وإسرحت بكلام عهووووووووووود الغريب ومارجعها إلا شهقه قويه من فم عهود.....
ساره: شفيك بسم الله عليك
عهود: هاه لاولاشي بس تذكرت غرض ماشريته
ساره: الله يهديك والله كنت حاسه بننسى شيء ...عشان كذا كل شوي أسألكم مانسيتوا شيء.وإنتي تقولينلي لاء مانسيت كل شيء موجود
عهود: اسفين ياإختي إعتبريه سقط سهوا
ساره: هههههههههههههههه حلوه ذي سقط سهوا
عهود وهي تطالع بجوال ساره: أقووووووول ساروه وش هالهدية الحلوه
ساره: أي هديه
عهود: هي الهديه الموجوده بالصور...
ساره بإرتباك: هذي ...هي شفتها بحل التغليف عجبتني وصورتها
عهود بإبتسامه مكر: تصدقين شكلها روووووووووعه
ساره وهي متشككه بإبتسامه عهود: أكيد لو هي مو روووووعه كان ماعجبتني
عهود: أموووووووووت يالواثقه... طيب قومي خلينا ننزل ولا بتعصب جدتي
نزلوا وجلسوا كلهم بالصاله لأن ماأحد فالبيت أبو فهد بسلامته معزوم عند واحد من ربعه عالعشاء ... وفهد ببريطانيا
أم فهد : هلاوالله ياحيالله من زارنا
ساره بخجل : الله يحييك يالغاليه
أم عهود: أنا بروح أشيك على العشاء بالمطبخ ...
أم فهد : خذيني معك
وبقت عهود وساره بالصاله
عهود: ساروه أنا بروح أجيب عصير من المطبخ وش تحبين
ساره: تفاح
عهود: اوكي ثواني
راحت عهود ورجعت بكاسات العصير ...
عهود : يؤ يؤ نسيت المعجنات بروح أجيبها ...((وهي ماشيه دق التلفون))... ساروه ردي على التلفون
ساره: طيب
رفعت السماعه
: ألو
على الخط الثاني مصدوووووم ((أنا شكلي أنهبلت )): ألوووووو السلام عليكم
ساره : وعليكم السلام (( ماعرفت الصوت لأنه متغير بسبب الإنفلونزا))
فهد: ساره
ساره ؟؟؟؟: من
فهد: ماعرفتيني
ساره: من أنت
فهد: أنا فهد
ساره والقلب طبوووووووووول: هلا هلافهد أخبارك((بإرتباك))
فهد: الحمدلله (( وبحزن)) ماعرفتيني صح
ساره: السموحه فهد بس صوتك متغير
فهد: إيه تعبان شووووي
ساره: سلامات عسى ماشر
فهد: ماشر إن شاءالله بس شوية زكام
ساره: ماتشوف شر ...تبي الوالده
فهد ((لاأبيك)): هي عندك
ساره: لاء بالمطبخ تحب أناديهالك
فهد: لاءخلاص بكلمها بعدشوي
ساره: لحظه هذي عهود جت .... (وعطتها السماعه))
عهود بإستغراب: من
ساره بصوت واطي : فهد
عهود بفرح: هلا والله هلا بالغالي
فهد: هلابك زود ياحي الله العرووووووس
عهود: خالي لاتحرجني (( وجلست تسولف معاه حول 10 دقايق))
وبعدها
فهد: إلا عهود
عهود: لبيه
فهد: وش عندكم فبيتنا غريبه والله لوأنا فيه ماطبيتووووووووه (( قصده ساره))
عهود فهمت له: ههههههههههههههههههههه أبد بس كنا رايحين السوق عشان جهازي وحلفت جدتي على العشاء
فهد بحسره: الله يهديها امي ماحلفت إلا وأنا موب فيه
عهود: خخخخخخخخخخ شنسوي يوم حظك نحس
فهد: طيب ماأطول عليك عيب تخلين البنت لحالها وأنا بتصل بأمي بعد ساعه
عهود وهي تطالع ساره وتبتسم: إن شاءالله
في لندن
من بعد ماقفل من عهود وهو سرحان بالذكريات الحلوه ...
هههههههههه صدقتي ياعهود حظي شين ولايوم أنا في الديره ماقد طبت بيتنا...
وهو في غمره الأفكار...تذكر الهديه إلي أرسلتهاله ساره...وطيران على غرفته....
ماخلى مكان مادور عليها...عفس وحذف بالأغراض بكل مكان...ولما وصل لحد اليأس ..طاحت عيونه على الشنطه المركونه فوق الكبت...
نزلها وحس بالثقل فيها ... وأول مافتحها لقى الهديه .... طلعها وبدى يفك التغليفه ....
لقىعلبه مصنوعه من السعف المخرم باللون الأحمر ...... ولما فتحها لقى
شوية أغراض...
وإلي كانت عباره عن ... عطر بلاك كود من جيورجيو أرماني... محفظة ((بوك)) من قوتشي...مجموعة مخلطات ودهن عود... ميدالية من أرمني..))
فتح العطر وهاتك يا رش (( تسبح فيه))... وأخذ البوك وحط كل بطاقاته والفلوس إلي معه فيه ... وأما الميداليه فحطها بجيبه ...
كان فرحان والإبتسامه مقطعه وجهه ... وهو فقمة فرحته لمح البطاقه النعومه ... مسكها وفتحها يقرى المكتوب
(( قد لا تكون الهدية متميزه ولكن إعلم أنك انت المتميز فلهذا هي لك ... ساره..))
فهد خلاص يحس إن كل الحزن إلي بحياته إنمحى بهالكم كلمه ...
صح كلمات بسيطه لكن لها ألف معنى ومعنى بالنسبه له... خلاص هو واثق من مشاعر ساره ..
ساره تحبه ...تحبه مثل ماهو يحبها ... بإذن الله من بعد هاليوم مافيه أحد بهالكون كله بيقدر يفرق بينهم إلا الموت ... وأولهم نايف...
مسكت تلفونه بلهفه ورجع يتصل على بيت أهله على امل يسمع صوتها من جديد... ولكن للأسف بدل مايسمع صوتها الهادي ...سمع حس أمه
فهد: مرحبا بأم فهد
أم فهد: هلا فهد يمه فيك شيء هذي ثالث مره تتصل فيها اليوم
فهد: لاحوووووول إذا ماأتصلت زعلتي وإذا إتصلت تروعتي وش الحل
أم فهد: هههههههههه شسوي ياولدي دامك بعيد عني ماراح أرتاح
فهد: هانت يمه مابقى إلا شهرين...
وهو يسمع صوت عهود تصارخ: خليه ياجده تراه مشتاق
الكل إلتفت لعهود مستغرب ...بس بعدين ظنوا إنها تقصد إنه مشتاق لرجعته للديره....
فهد :اه إيه والله إني مشتاق
أم فهد والدموع بدت تهدد بالإنهمار: حتى إحنا ياولدي مشتاقين لك ...وديرتك مشتاقه لك...
فهد: وأنا يمه مشتاقلكم أكثر ... وخصوصا هالي جالسه عندكم ...
عهود: هههههههه قصدك عهود الملسونه
فهد بجرأه بس بصوت واطي: لاء بنت عمها
رغم إن صوته كان مثل الهمس إلا إن أمه سمعته وش قال: وش قلت
فهد: قلت إيه
أم فهد وهي تناظر ساره بنظرات غريبه: طيب يمه تامر بشيء ماأبي أكلف عليك ثمن المكالمه
فهد: فدوه لك يالغاليه أهم شيء أسمع هالصوت الحلووووو
أم فهد: تحلا أيامك ياقلب أمك يلا فمان الله
فهد: مع السلامه
****
باقي اخر جزء انزله بعد يومين ان شاءالله
وبهاليومين ابي اعرف اللي شرفوني وتابعوا للقصه اللي نزلتها
مع تحياتي للكل وسامحوني ع القصور
تعليق